\id 2TI - Powari Standard Project
\ide UTF-8
\h 2 तीमथियुस
\toc3 2 तीमथियुस
\toc2 2 तीमुथियुस
\toc1 तीमुथियुस को नाव पौलुस को दुसरो चिठ्ठी
\mt2 तीमथियुस के नाव पौलुस का दुसरा पत्र
\mt1 तीमुथियुस को नाव पौलुस की दुसरो चिठ्ठी
\imt परिचय
\ip 2 तीमुथियुस को किताब, पेरीत पौलुस को आपरो चेला तीमुथियुस को दुसरो चिठ्ठी से। 2 तिमोथी पौलुस को जिंदगी को अखट्ट को जवर लिख्यो गयो उ येने बेरा \xt 1:16\xt* को दौरान रोम मा कैद होतो। पौलुस को तीमुथियुस को संगा गाड़ो नाता होतो अना वाकि उनला लेकरा को रुप मा पहचानो जावत होतो \xt फिलिप्पियो 2:22\xt* \xt 1 तीमुथियुस 1:2; 1:18\xt*
\ip यो पौलुस को चार चिठ्ठी मा लक एक से जो एक चरच को बजाय एक मानूस ला सांगा से। अखीन तीन असो चिठ्ठी सेत 1 तीमुथियुस, तीतुस अना फिलमोन। ओना बेरा को मंघा जबा 2 तीमुथियुस ला लिख्यो गयो होतो, रोमन सरकार मा ईसाईगिन ला सतायो जाय रहयो होतो सायद योच कारन होतो, का पाल जेल मा होतो। अना तीमुथियुस ला तकलीफ सव्हन को हुकूम दे रहयो होतो।
\ip 1 तीमुथियुस को जसो पौलुस ना तीमुथियुस ला खोटो गुरूगीन \xt 1 तीमुथियुस 1:16-18\xt* को बारेमा कई चितावनी देयीसेस उ तीमुथियुस ला यो भी सांगासे का पुढ़ा को बेरा तकलीफ होहे। \xt 3:1\xt*
\iot रूपरेखा
\io1 1. पौलुस तीमुथियुस ला नमस्कार करतो हुयो सुरु होवासे अना मंग ओला बढ़ावा देवासे। \ior 1:1-18\ior*
\io1 2. मंग ओना तीमुथियुस को सव्हन करन की चुनौती देइस। \ior 2:1-13 \ior*
\io1 3. पुढ़ा उ ओला काही आम हुकूम देवासे। \ior 2:14-26\ior*
\io1 4. मंग उ ओला भविस्य को घटनागीन अना जवाब को काम देवन को खरो तरीका को बारे मा चेतावनी देवासे। \ior 3:1—4:8\ior*
\io1 5. पौलुस तीमुथियुस को लाई काही जातिगत टिप्पनी को संगा खतम होवासे। \ior 4:9-22\ior*
\c 1
\s नमस्कार
\p
\v 1 पौलुस को कन लक जोन, जिंदगी की परन को जसो जोन मसीह यीसु मा से। परमेस्वर की आस लक मसीह यीसु को पेरीत से। 
\v 2 चहेतो टूरा तीमुथियुस को नाव परमेस्वर बाप अना हमरो पिरभू मसीह यीसु को कन लक तोला आसिरवाद अना दया अखीन सान्ती भेटत रव्हे।
\s धनवाद अना बढावा
\p
\v 3 जेना परमेस्वर की सेवा मा अपरो बाप-दादा गीन की रिवाज पर सुध्द अक्कल लक करासेऊ वोको धनवाद होहे का मी अपरी पिराथना गीन मा तोला रात दिवस हेत करासेऊ। 
\v 4 अना तोरो आँसु को हेत करके राती दिवस तोरो लक भेटन लाई लगत बेरा तकन तरसा सेव, का मी खुसी लक भर जाऊ, 
\v 5 मोला तोरो वोना सलपा दिल लक भरोसा को हेत आवासे जोन पहेल तोरी माम माँय लोइस अना तोरी माय युनीके मा होतो अना मोला पक्को भरोसा से का तोरो मा भी से। 
\v 6 एना कारन मा तोला हेत देवासू का तु परमेस्वर को वोना बरदान जोन मोरो हात राखन लाई तोला मिलसे वोला जित्तो राख। 
\v 7 काहेकि परमेस्वर न हमला भेव की नही पर ताकत अना पिरेम अना संयम की आतमा देईसेस।
\p
\v 8 एकोलाय हमरो पिरभू की गवाही लक अना मोरो लक जोन वोको जेली सेऊ लज्जित नोको होवो पर वोनो परमेस्वर की ताकत को जसो साजरो बारता लाई मोरो संग दुख उठाव। 
\v 9 जेना आमरो सुटकारा करीस, अना पवीतर बुलावा लक हाकलीस अना यो हमरो काम गीन को लक नाहती, पर वोको मकसद अना वोनो किरपा को लक सेत, जोन मसीह यीसु मा हरामेसा लक भयो सेत। 
\v 10 पर अबा हमरो पाप मोचक मसीह यीसु को परगट होवनो लक प्रकासीत भयो जेना मिरतु को नास करीस अना जीवन अखीन अमरता की वोना साजरो बारता लक उजाडो जसो कर देईस।
\p
\v 11 जेनको लाई मी परचार करन वारा अना पेरीत अखीन सिक्सा वालो भी ठहरायो। 
\v 12 एना कारन मी एना दुखगीन ला भी उचला सेऊ पर सरमाऊ नही काहेकी मी वोला जेनको पर मीना भरोसा करीसेऊ जानासेउ अना मोरो पक्को से का उ मोरी पुंजी की वोनो दिवस तकन देख-रेख कर सकासे। 
\v 13 जोन खरी गोस्टी तु न मोला लक आयकिसेस उनला वोना भरोसा अना पिरेम को संग जोन मसीह यीसु मा से अपरो नमूना बनायके राखे। 
\v 14 अना पवीतर आतमा को कन लक जोन अमी मा बसीयो हुयोसे एना साजरी पुंजी की देख-रेख कर।
\p
\v 15 तु जानासेस का आसिया देस वारा सब मोरो लक बेगरो भय गईसेत जेनको मा फूगिलूस अना हिरमुगिनेस से। 
\v 16 उनेसिफुरुस को खानदान पर पिरभू दया करेहे काहेकी वोना लगत बार मोरो जीव ला थन्डो करीसेस अना मोरी हतकड़ी गीन लक लज्जित नही भयो। 
\v 17 पर जबा उ रोम मा आयो त मोठो जतन लक ढुंढके मोरो लक भेंट करीस। 
\v 18 पिरभू करेहे का वोना दिवस वोको पर पिरभू की दया होहे अना जोन-जोन सेवा वोना इफिसुस मा करीसेस उनला भी तु साजरो लक जानासेस।
\c 2
\p
\v 1 एको लाई अरे मोरो टूरा तु वोना किरपा लक सेस जोन मसीह यीसु मा से ताकतवर होय जाहे। 
\v 2 अना जोन गोस्टी तु न लगत सा गवाह गीन को पुड़ा मोरो लक आयकिसेस वय बिस्वासी मानूस गीन ला सोप दे जोन दुसरो ला सिकावन कबील होहेत।
\p
\v 3 मसीह यीसु ला साजरो योध्दा को जसो मोरो संग दुख उठाव। 
\v 4 जबा कोनी योध्दा लड़ाई पर जासे त एको लाई का अपरी भरती करवावन वालो ला खुस करके अपरो जिंदगी ला संसार को काम गीन मा नही फसावासेत। 
\v 5 मंग अखाडा मा लड़नवारा अदी जसो नेम लक लड़े त मुकुट नही पाहे। 
\v 6 जोन कासतकार महेनत करासे फर को पहेल हिस्सा वोला च मिलनो चाव्हसे। 
\v 7 जेव मी कव्हसू वोको पर ध्यान देवो अना पिरभू तोला सबरी गोस्टी की समझ देहे।
\p
\v 8 यीसु मसीह ला हेत राखो जोन दाऊद को खानदान मा भईसे अखीन मरयो हुयो मा लक जित्तो भईसे अना या मोरो साजरो बारता को अनुसार सेत। 
\v 9 जेनको लाई मी बुरो काम करन वारा को जसो दुख उठावासेव अना बन्धन भी सेउ पर परमेस्वर को बचन बंधन मा नाहाती। 
\v 10 एना कारन मी बेचयो हुया लोक गीन को लाई सबच काही सहन करासु का वय भी वोनच मुकती ला जोन मसीह यीसु मा से अमर महिमा को संग पाहेत। 
\v 11 या गोस्टी सही से का,
\q1 अदी हमी उनको संग मर गईसे त
\q2 उनको संग जीवबीन भी।
\q1
\v 12 अदी हमी धीरो लक सहतो रह त
\q2 उनको संग राज भी करेहेत।
\q1 अदी हमी उनला मुकरेत
\q2 त उ भी हमरो मुकर करेहेत।
\q1
\v 13 अदी हमी अबिस्वासी भी होय
\q2 तबा भी उ बिस्वास कबील बनायो रह
\q2 काहेकी उ आप अपरो मुकर नही कर सकासे।
\p
\v 14 एना गोस्टी की उनला हेत कराओ अना पिरभू को पुड़ा चेताय देना का सबद गीन पर टिका-टिप्पनी नोको करो जेनको लक काही लाभ नही होतो वरन आयकान वालो बिगड जासे। 
\v 15 अपरो आप ला परमेस्वर ला पावनो काबील अना असो काम करन वालो ठहरानो को जतन कर जोन लज्जित होवन नही पाहे अना जोन खरो बचन ला सही रीती लक काम मा आनासेत। 
\v 16 पर बुरी सबद लक बचया रव्हो काहेकी असो लोक अखीन भी अभक्ती मा बढता जासेत। 
\v 17 अना उनका बचन केन्सर को जसो फैलता जाहेत हुमिनयुस अना फिलेतुस उनको च मा लक से। 
\v 18 जोन यो कहेके का मरके जित्तो भयो से खरो-खर भटक गयो अना केतरा गीन को बिस्वास ला उलट पुलट कर देवासे। 
\v 19 तबा भी परमेस्वर की पक्की नींव बनी रहवासे अखीन वोको पर यो छाप लगीसे पिरभू अपरो ला चिन्हासे अना जोन कोनी पिरभू को नाव लेवासे उ अन्याय लक बचयो रह।
\p
\v 20 मोठो घर मा नही बल्कि सोनो-चांदी च का पर काड़ी अना माटी का बरतन भी होवासे कोनी-कोनी आदर अखीन कोनी-कोनी अनादर को लाई। 
\v 21 अदी कोनी अपरो आप ला इनको लक सूद करेहे त उ आदर को बरतन अना पवीतर ठहरायो अना मालिक को काम आहे अखीन हर साजरो काम को लाई तैय्यार होहेत। 
\v 22 जुवानी को मन मरजी आस लक परावो, अना जोन सुध्द मन लक पिरभू को नाव लेवसेत, उनको संग धरम अना बिस्वास अखीन पिरेम अखीन मेल मिलाप को पीछा करो। 
\v 23 पर बेअक्कल अना कम अक्ल को झगड़ा लक अगल रहवो काहेकी तु जाना से का इनको झगड़ा पैदा होवासे। 
\v 24 पिरभू को दास झगड़ालु नही होवनो चाव्हसे पर उ सब को संग नरम अना सिक्सा मा महीर अखीन सहन करन वालो होहे। 
\v 25 उ बिरोधी गीन ला नरमता लक समझयो का जानो परमेस्वर उनला पाप लक मन हटाव। का आतमा देहे का वय भी खराई ला ओरखेत। 
\v 26 अना इनको कन लक उनकी आस पूरी करनो को लाई सचेत होयके सैतान को जाल लक छुट जाहे।
\c 3
\p
\v 1 पर यो हेत राखो का आखरी दिवस गीन मा कठिन बेरा आहे। 
\v 2 काहेकी मानूस सुवारथी, धन दौलत लक माया करनवारा डींगमार, गरबिला, बिरोध करनवारा, माय-बाप को हुकूम नही मानन वालो बिरोधी अपवीतर। 
\v 3 दया रहित, क्षमारहित लान-छान लगावन वालो असंयमी कठोर साजरो को बैयरी। 
\v 4 बिसवासघाती ढीठ घंमडी अना परमेस्वर लक पिरेम नही, तरी सूक सुबिता का चाव्हवन वारा होहेत। 
\v 5 वय भक्ती को हुलीया त धरेहेत पर वोकी ताकत ला नही मानहेत असा गीन लक दुहुर रव्हना। 
\v 6 इनको च मा लक वय लोक सेत जोन घर मा चोरी लक धसावसेत अना वोना कमजोर आई-माई गीन ला बस मा कर लेसेत जोन पाप लक दबी अना हर पिरकार की आस को बस मा से। 
\v 7 अना हमेसा सिकावता रहवासेत पर खराई की पहिचान तकन कबच नही पहुचा सेत। 
\v 8 जसो यत्रेस अना यम्ब्रेस न मोसे को बिरोध करीस होतीस वसोच यो खराई को बिरोध करासे यो मानूस से जेकी अक्ल चली गईसे अना वय बिस्वास को बारे मा निकामा से। 
\v 9 पर वय एकोलक पुड़ा नही बढ सकासेत काहेकी जसो उनकी कम अक्ल सबच मानूस गीन पर परगट भय गई होती वसोच इनकी भी भय जाहे।
\s तीमुथियुस का खास निरदेस
\p
\v 10 पर तु न सिक्सा चालचलन मनसा बिस्वास सहन करन को ताकत पिरेम धीरज अना सताय जानो अना दुख उठावन मा मोरो संग देईस। 
\v 11 अना असो दुख गीन मा भी जोन अन्ताकिया अना इकुनियुम अखीन लुस्तरा मा मोरो पर पडया होतो अना कई दुख गीन मा भी जोन मीना उठाइसेस पर पिरभू न मोला उन सब लक छुड़ाय लेईस। 
\v 12 पर जेतरा मसीह यीसु मा भक्ती को संग जित्तो रव्हनो चाहवसे वय सब सताय जाहे। 
\v 13 पर पापी अना बहकावन वालो धोखा देवासे अना धोखा खाता हुयो बिगडता चली जाहे। 
\v 14 पर तु एना गोस्टी गीन पर जोन तु नही सीको सेस अना बिस्वास करीसेस यो समझके पक्को बनया रहवो का तु न उनला कोनता लोक गीन ला सीकाइसेस। 
\v 15 अना बचपन लक पवीतर गीरंथ तोरो दिल मा लिख्यो सेत जोन तोला मसीह यीसु मा बिस्वास करन लक मुकती पावन लाई अक्कलवर बनाय सकासे। 
\v 16 पूरो पवितर गीरंथ परमेस्वर की पिरेना लक रचयो गयो से अना सिक्सा अना समझावन अखीन सुधारन वालो अना धरमिपन की सिक्सा को लाई लाभ दायकसे। 
\v 17 ताकी परमेस्वर को जन सिध्द बनावनो अना हर एक भला काम को लाई पक्को होय जाहे।
\c 4
\p
\v 1 परमेस्वर अना मसीह यीसु की गवाहि करके जोन जित्तो अना मरयो हुयो को न्याय करेहे अना ओको परगट होवनो अना राज की हेत कराय के मी तोला हुकूम देवासु। 
\v 2 का तु बचन को परचार करतो बेरा अखीन हर बेरा तैय्यार रहवो सब पिरकार की सहनसीलता अना सिक्सा को संग बढ़ावा देव अना उलाहना देके समझावो। 
\v 3 काहेकी असो बेरा आहे जबा लोक खरो सिक्सा नही सह सको पर कान गीन की खुजली को कारन अपरी आस को जसो अपरो लाई लगत सी सिक्सक बटोर लेहेत। 
\v 4 अना अपरो कान खराई लक अलग करके कथा कहानी गीन पर लगायहेत। 
\v 5 पर तु सब गोस्टी गीन मा तैय्यार रहवो दुख उठाव साजरी खबर को परचार को काम करो अखीन अपरी सेवा ला पूरो करो।
\p
\v 6 काहेकी अबा मोरो बलिदान होन को बेरा आय गयो से। काहेकि ऐना जिंदगी को तजन को बेरा जवर से। 
\v 7 मी साजरी कुस्ती लड़ चुकी सेउ मीना अपरी दौड पूरी कर लेई सेस मीना बिस्वास की देख-रेख करीसेस। 
\v 8 अबा मोरो लाई धरम को उ मुकुट सजायके राखयो गयो से जोन पिरभू नेक अना न्याय करन वालो सेव मोला वोना दिवस देहे अना मोला च नही वरन वय सब ला जोन पिरेम को संग वोको परगट होवन को बाट चोविसेत।
\p निजि सूचना
\p
\v 9 मोरो जवर लवकर आवन को जतन करो। 
\v 10 काहेकि देमास न एना संसार लक जादा माया करके मोला छोड़ देईसेत अखीन थिस्सलुनीके ला चली गयो क्रेसक्रेंस गलातिया ला अना तीतुस दलमतिया ला चली गयो। 
\v 11 बल्कि लूका मोरो संग से मरकुस ला आन कन चली आयो काहेकी सेवा को लाई उ मोरो लगत काम को से। 
\v 12 तुखिकुस ला मीना इफिसुस धाडिस सेस। 
\v 13 जोन जामा मी तोरआस नगर मा करपुस को यहान छोड़ आईसेऊ जबा तु आवजोस त वोला किताब गीन को पक्को करके चमड़ा को चिठ्ठी गीन ला आनजोस। \fig चमड़ा को चिठ्ठी|alt="Scrolls standing by ink well" src="HK00153C.TIF" size="col" copy="Horace Knowles ©" ref="4:13"\fig*
\p
\v 14 सिकन्दर कसार मोरो लक लगत बुराई करीसेस पिरभू वोला वोको काम गीन को जसो बदल देहे। 
\v 15 तु भी वोको लक होसियार रहवो काहेकी वोना हमारो गोस्टी को लगत बिरोध करीसेस। 
\v 16 मोरो पहेल विवाद को बेरा कोनी न भी मोरो संग नही देईस वरन सब न मोला छोड़ देईन भला होय का इनको उनको लेखा देनो नही पड़ेहे। 
\v 17 पर पिरभू मोरो सहायक रहयो अना मोला ताकत देईस ताकी मोरो कन पूरो-पूरो परचार होहे अना सब परजात आयक लेहेत मी सेर को टोन्ड लक सुड़ायो गयो सेउ। 
\v 18 अना पिरभू मोला हर एक बुरो काम लक छुड़ाय लेहेत, अना अपरो सरगीय राज मा सुरक्सित पहुचायहे वोकी महिमा जुगनजुग होवती रह आमेन।
\p अखट्ट नमस्कार
\p
\v 19 प्रिस्किल्ला अना अक्विला को अखीन उनेसिफुरुस को खानदान ला नमस्कार। 
\v 20 इरास्तुस कुरिन्थुस मा रहगयो अना तुरफियुस को मीना मिलेतुस नगर मा बीमार छोड़ीसेस।
\p
\v 21 दव को पयले चली आवन को जतन करीया यूबूलुस अना पूदेंस अना लीनुस अना क्लौदिया अखीन सब भाऊगीन ला तोरो नमस्कार।
\p
\v 22 पिरभू तोरी आतमा को संग रहयो
\p तुमरो पर किरपा होवतो रह।