\id 2TH - Powari standard Project
\ide UTF-8
\h 2 थिस्सलुनीकियो
\toc3 2 थिस्सलुनीकियो
\toc2 2 थिस्सलुनीकियो
\toc1 थिस्सलुनीकियो को नाव पौलुस को दुसरो चिठ्ठी
\mt2 थिस्सलुनीकियो के नाव पौलुस की दुसरा पत्र
\mt1 थिस्सलुनीकियो को नाव पौलुस की दुसरो चिठ्ठी
\imt परिचय
\ip यो थिस्सलुनीकियों ला लिख्यो गयो पौलुस को दूसरो चिठ्ठी \xt 1:1\xt* पहिली चिठ्ठी लिखन को बाद यो चिठ्ठी करीब मसीह को जलम को 51 साल बाद लिख्यो से। जब ओना यो चिठ्ठी लिख्यो तब वा कुरिन्थियों सहर मा होतो यो चिठ्ठी जोन थिस्सलुनीकियों कलीसिया मा लिख्यो गयो होतो, यो पौलुस ना आपरो दूसरो मिसनरी यातरा को बीचमा स्थापित करयो \xt पेरीत 17:1-10\xt* यो कलीसिया यहूदी अखिन गैरयहूदी गीन लक बनयो होतो।
\ip यो कलीसिया को लोख आखरी बेरा मा अखिन पिरभू को दूसरों बार आवनो को बारे मा जानन को लायी लगत लहाकी करत होतिन, येकोलायी पौलुस आपरो दोयी चिठ्ठी मा यो गोस्टी को जिकर करत होतो। यो दूसरी थिस्सलुनीकियों की चिठ्ठी आय अरधो लक जादा हिस्सा आखरी बेरा को बारे मा से, जोन अलाल सेत, उनको बारेमा भी जिकर करयो से। अखिन यो कह्यो से का हर एक मानूस आपरो जीवन करन को लायी काम करे \xt 3:6-10\xt*
\iot रुपरेखा
\io1 1. पौलुस खुद को अखिन आपरो संगी गिनको को परिचय देवा से। \ior 1:1-2\ior*
\io1 2. पौलुस परमेस्वर को थिस्सलुनीकियों की कलीसिया को लाय धन्यवाद करासे, अखिन उनको लायी पिराथना करासे। \ior 1:3-12 \ior*
\io1 3. आखरी बेरा को बारेमा चरचा। \ior 2 \ior*
\io1 4. अलाली को विरोध मा अखिन मेहनत की जरूरत को बारे मा पौलुस की सिक्सा। \ior 3:1-15\ior*
\io1 5. पौलुस को कलीसिया ला दूबारा लक नमस्कार। \ior 3:16-18 \ior*
\c 1
\s सुभ कामना
\p
\v 1 पौलुस अना सिलवानुस अना तीमुथियुस को कन लक चिठ्ठी थिस्सलुनीकिया की कलीसिया को नाव, जोन आमरो बाबूजी परमेस्वर अना पिरभु यीसु मसीह मा आय। 
\v 2 आमरो बाबूजी परमेस्वर अना पिरभु यीसु मसीह को कन लक तुमला दया अना सान्ती मिलहे।
\s नियाव को दिवस मसीह को आवनो
\p
\v 3 अगो भाऊगीन, तुमरो बारे मा आमला सबच बेरा परमेस्वर को धनवाद करनो चाव्हसे, यो जरुरी से, एको साठी की तुमरो भरोसा लगत बढ़ जावसे, अना तुमी सबच को माया आपसी मा लगत बढ़ जावसे। 
\v 4 यहान तका की आमी खुदच परमेस्वर की कलीसिया मा तुमरो बारे मा घमंड करसेजन की जेतरा सताव अना दुख तुमी सहिसेव, ओनो सबच मा तुमरो धीरज अना भरोसा परगट होवासेत।
\p
\v 5 तुमी परमेस्वर को राज मा काबिल ठहरायो जाहो, जोकोलक तुमी दुख भी उचल रही सेव। यो परमेस्वर को खरो न्याय को खरो सबुत से 
\v 6 जोन तुमीला दुख देवासेत, उनला ओको बदला मा दुख दियो जाहे। काहेका परमेस्वर को कठा असो न्याय से। 
\v 7 तुमी जोन दुख पावासो, आमरो सँग मा सुख देहे; ओनो बेरा मा पिरभु यीसु आपरो ताकत वर सरगदूत गीन को सँगा सरग लक धधकती स्तो को जसो परगट होहेत। 
\v 8 अना जोन परमेस्वर ला नही चिन्हसेत अना आमरो पिरभु यीसु को साजरो बारता ला नही मानासेत, उनलक बदला लेहे। 
\v 9 वय पिरभु को पुढ़ा लक महिमा अना ओको ताकत लक दुर भय जाहेत अना अमर नास को सजा पाहेति। 
\v 10 यो दिवस तबा होहे जबा यीसु आपरो पवीतर लोकगीन मा महिमा पावन अना सबच भरोसा करनवालो मा अचंभा\f + \fr 1:10\fr*\ft अचंभा\ft*\f* को कारन होवन साठी आहे। काहेका तुमीना आमरो गवाही पर भरोसा करयत।
\p
\v 11 आमरो परमेस्वर तुमला यो बुलाहट काजी काबिल समझसे, अना भलाई को मनसा अना भरोसा को काज-काम ला ताकत सकट पूरो करेत एकोसाठी आमी तुमरो लाई पिराथना भी करसेजन। 
\v 12 आमरो परमेस्वर जोन सब लक वरता से अना पिरभु यीसु मसीह को किरपा को काजी जसो तुममा पिरभु यीसु मसीह को नाव बड़ाई पावसे अना तुमी ओको कारन बड़ाई पावासो।
\c 2
\s अधरमी मानूस
\p
\v 1 अगो भाऊगीन अबा आमी आपरो पिरभु यीसु मसीह को आवन को बारे मा अना ओको कठा तुमरो एकठ्ठो होवन को बारे मा तुमी लक बिनती करसेजन 
\v 2 का कोनी आतमा लक या गोस्टी या चिठ्ठी लक जोन की मानो आमरो कनलक होवासे, यो आयक के का पिरभु को दिवस आय गई से, तुमरो मन एकदम बेचित्त नही होयहेत अना तुमरो मन नोको घबराहे। 
\v 3 काही रिती लक कोनी को दगा मा नोको आवनो, काहेका उ दिवस आहे जबा तकन धरम ला तज दियो जाहे। अखीन “खोटो करम वालो नास वालो मानूस” परगट ना होयहेत। 
\v 4 जोन विरोध करासे, अना हरेक जोन परमेस्वर या पुजा को लायक\f + \fr 2:4\fr*\ft महान\ft*\f* कहलावासे, उनलक आपरो आप ला मोठो दिसावसे। यहान तकन की उ सब लक वरता पायो जावनवालो परमेस्वर को मंदिर मा बसके आपरो आप ला परमेस्वर साँगासे।
\p
\v 5 का तुमला हेत नहाति का मि तुमरो यहान होतो, ता तुमला यो गोस्टी साँगत होतो? 
\v 6 जो ओला अबा रोक लेई सेस का उ आपरो बेरा मा दिसे। तुमी ओनो चीज ला जानासो 
\v 7 काहेकि अन्याय को राज\f + \fr 2:7\fr*\ft सैतान का भेद\ft*\f* अबा भी काम कर रही से काहेका एक रोकनवालो खोटो करम से; अना जबा तकन उ दुहुर नही होहे, उ रोकत रह। 
\v 8 तबा उ अधरमी दिसे जेनला पिरभु यीसु आपरो टोंड लक फुँक के जान लक मार डाकेह अना आपरो आवन को तेज लक भस्म कर देहे। 
\v 9 ओनो अधरमी को आनो असो होहे जसो सैतान को कामकाज को जसो का सबच तरीको को झुठी ताकत अना चिन्ह अना अचँभा काम को सँगा 
\v 10 अना नास होवन वालो को साठी अन्याय को धोखा को सँगा होहे; काहेकि उनना खराई लक माया नही राखिन जेनको लक उनको सुटकारा होतो। 
\v 11 योच कारन लक परमेस्वर उनमा एक भटकावन वालो ताकत ला धाड़े जोकोलक की वय झुठो को भरोसा करहेति, 
\v 12 जेनको लक जेतरा लोक खराई लक भरोसा नही राखेहेत वरन अधरम लक खुस रहेत, वय सबच दन्ड भोग हेत।
\s तुमी सुटकारा पावन साठी बेचया गया
\p
\v 13 ओह भाऊगीन अना पिरभु का माया वारा लोकगीन, आमी तुमरो बारे मा परमेस्वर ला सदा धनबाद ऐकोलाई देसेजन, की परमेस्वर ना सुरु मा किरिया की अनुसार तुमला बेचके राखीसेस, जोको लक तुमी आतमा कन लक पवीतर बनके अना खराई मा भरोसा राखके मुकती मिल्हेत। 
\v 14 जोन को साठी ओने तुमला आमरो साजरो बारता कन लक हाकलीसेस, की तुमी आमरो पिरभु यीसु मसीह को महिमा ला पाहो। 
\v 15 एकोसाठी अगो भाऊगीन तुमी अडिग रव्हने; जोन जोनसी सिक्सा तुमी ना गोस्टी या चिठ्ठी कन लक सीकायो सेव ओला धरो रव्हने।
\p
\v 16 आमरो पिरभु यीसु मसीह खुदच अना आमरो बाबूजी परमेस्वर जेनला आमी ना माया राखिसेजन, वाच आमला दया अना हरामेसा को सान्ती लक साजरो आस देइसेस। 
\v 17 तुमरो मन ला सान्ती देहे। अना तुमला सबच साजरो काज अना गोस्टी मा पक्को राखेह।
\c 3
\s पिराथना करन साठी बिनती
\p
\v 1 आखरी मा ओ भाऊगीन, आमरो लाई पिराथना करने की पिरभु को गोस्टी असी बढ़े अना बड़ाई पाहे, जसो तुममा भयो सेत। 
\v 2 अना आमी तिरपट अना बुरो\f + \fr 3:2\fr*\ft दुस्ट\ft*\f* मानूस लक बचया रहबीन काहेका हरेक मा भरोसा नहाति।
\p
\v 3 पर पिरभु भरोसा को काबिल\f + \fr 3:3 \fr*\ft विस्वसनीय\ft*\f* सेत, उ तुमला पक्को रिति लक उभो करेत। अना वा बुरो दुस्ट लक बचायके राखेत। 
\v 4 आमीला पिरभु मा तुमरो पर भरोसा से की जोन-जोन हुकूम हमी तुमला देसेजन, ओला तुमी मान सेव। अना तुमी सचमा मानतो रव्हबिन।
\p
\v 5 परमेस्वर को माया अना मसीह को धीरज को कन, पिरभु तुमरो मन ला आन कन जाय।
\s आलसी को विरोध मा चेतावनी
\p
\v 6 ओ भाऊ आमी तुमला आपरो पिरभु यीसु मसीह को नाव लक हुकूम देसेजन की तुमी हर कोनी एक असो भाऊ लक दुर रवहने जोन बिगड़ी चाल\f + \fr 3:6 \fr*\ft अनुचित चाल\ft*\f* जसो चाल चलन मा रव्हसे जोन सिक्सा ला ओना आमी लक पाइसे ओको जसो नही करासे। 
\v 7 काहेका तुमी आपच जान लेईसेव की कोनी रिती लक आमरी जसी चाल चलनो चाव्हसे। काहेकि कोनी आमरो बीच लक आलसी को जसो चाल नोको चलो। 
\v 8 काहेका कोनी ना फुकट मा जेवन नही जेविन पर मेहनत करीन। अना दुख भोग के रात दिवस मेहनत को काम धँधा करयो, का कोनी लाई बोझ नही होय। 
\v 9 असो नही से की हमला हक नही होतो, पर एकोसाठी का खुदला तुमरो लाई नमुना\f + \fr 3:9 \fr*\ft उदाहरन\ft*\f* बनाय गया की तुमी आमरो जसी चाल चलो। 
\v 10 काहेकि जब आमी तुमरो यहान होता तबा यो हुकूम तुमला साँगत होता की अदी कोनी काम नही करासे, ता वा जेवन नही जेवनो पाहेत।
\p
\v 11 आमी ना आयकीसेजन की तुमरो यहान कोनी-कोनी बेकार की चाल चलसेत अना काही काम काज नही करत पर “आयतो मा रेड़ा” सियानो बनसेत। 
\v 12 असो गीन ला आमी पिरभु यीसु मसीह मा हुकूम देके, सीखा सेजन की चूपचाप रहके काम करके आपरो रुजुक भाकर कमाय अना जेवन करे।
\p
\v 13 तुमी अगो भाऊ साजरो करनो मा हिम्मत नोको छोड़ने।
\s आखरी को परनाम
\p
\v 14 अदी कोनी आमरी येने चिठ्ठी की गोस्टी नही मानेह ता ओको पर नजर राखने, अना ओको संगति नही करने। जोको लक की उ लजाय जाहेती। 
\v 15 पर ओला बैरी नोको समझने, पर भाऊ जानके ओला चेताय देव।
\s अखट्ट सबद अखीन आसीरबाद
\p
\v 16 अबा पिरभु जो सान्ती को राखन वालो से आपच तुमला सदा अना हर परकार लक सान्ती देहे। पिरभु तुमरो सँग रह।
\p
\v 17 मी पौलुस आपरो हात लक नमस्कार लिखयो सेउ। सबच चिठ्ठी मा मोरो योच चिन्हानी से; मि योच रिती लक लिखसू।
\p
\v 18 अता पिरभु यीसु मसीह को किरपा\f + \fr 3:18\fr*\ft दया\ft*\f* तुमरो पर होवत रह।