\id 2PE - Powari Standard Project
\ide UTF-8
\h 2 पतरस
\toc3 2 पतरस
\toc1 पतरस को दुसरो चिठ्ठी
\toc2 2 पतरस
\mt2 पतरस का द्वितिय पत्र
\mt1 पतरस को दुसरो चिठ्ठी
\imt परिचय
\ip पतरस को दुसरो चिठ्ठी कव्हासे, का यो पेरीत पतरस को कनलक लिख्यो गयो होतो पर अज लगतसो गियानी एला सच नही मानासेत। असो लगासे का कोनी ना पतरस को कन लक लिख्यो होहेत। लेखक कव्हासे का उ यीसु को देह बदलनो अखीन जिंदगी ला चोइसेऊ, \xt 1:17-18 \xt* अदी पतरस ना चिठ्ठी लिख्यो होतो ता यो संभव से का वोना एला रोम मा मसीह को जलम को 65-69 साल को बीच, मरन को पहले लिख्यो होहेत। पतरस एला अपरो दूसरो चिठ्ठी भी कव्हा सेत\xt 3:1\xt*जोन 1 पतरस को चिठ्ठी को मंघा लिखन को तिथी रखासे। वोना सप्पा ईसाई गिनला यो चिठ्ठी संबोधित कियो से।
\ip पतरस ना यो चिठ्ठी बिस्वासी गिनला साजरो जिंदगी बितान लाय अखीन खोटो सिक्सक गिनको नही मानन को लाय चेतायो से। वोना उनला समजान लाय कव्हत होतो जोन कव्हत होतिन का यीसु को आवनो मा लगत बेरा से। उ उनला समजावासेत का हरेक लोक बचायो जाहेत यो काजी पिरभू को आवनो मा उसीर से। \xt 2 पतरस 3:8-9\xt* यो एक साजरो जिंदगी बितान को कारन से। \xt 3:14\xt*
\iot रूपरेखा
\io1 1. पतरस आपरो परिचय देवा सेत। अखीन आपरो वाचन वारो ला संबोधित करासे। \ior 1:1-2\ior*
\io1 2. मंग उ उनला साजरो जिंदगी बितान को हेत करा सेत, काहेका परमेस्वर ना अमीला काबिल बनायो से। \ior 1:3-21\ior*
\io1 3. मंग वा खोटो सिक्सक गिनको खिलाप चेतावनी देवा सेत अना सांगासे का उनको काजक हाल होहेत। \ior 2:1-22\ior*
\io1 4. मंग पतरस बिस्वासी गिनला यीसु को दुबारा आवनो को तैय्यारी को लाय साजरो जिंदगी जीवन को लाय बढ़ावा देयके खतम करासे। \ior 3:1-17\ior*
\c 1
\p
\v 1 यीसु मसीह को दास अना पेरीत, सिमोन पतरस को यो चिठ्ठी, उन लोकगिन को नाव वरुन सेत। जोन ना आमरो परमेस्वर, अना बचान वालो यीसु मसीह को लक, आमरो जसो नीतिमान लक, बिस्वास को किमती वरदान भेटियो सेत।
\p
\v 2 तुम्ही परमेस्वर ला अना आपरो पिरभु यीसु मसीह ला ओरखा सेव, यासाठी की तुम्हिला किरपा अना सान्ती, लगत-लगत भेटेत।
\s बिस्वास मा उन्नती
\p
\v 3 परमेस्वर को ताकत अना वैभव मा अमिला भगती, जीवन साठी उ सप्पा जरुरी गोस्टी देइसेस। अना अमिला वोकोच गियान प्राप्त करन लाय साठी काबिल बनायो सेत। जोनना वैभव मा अना गौरव मा हमला बुलावले। 
\v 4 काहेका वोको लक परमेस्वर ना आमीला अनमोल अना मोठी वादा करयो सेत, जेनो कारन तुमी जग मा वाईट वासना लक सूट जाव। जोन जग मा खोटो इक्सा लक होवासे। अना वोको लक आपरो परमेस्वर को सुभाव को भागी दार बन जाओ। 
\v 5 यो कारन तुमी पुरो धुन लक कोसीस करा का बिस्वास मध्ये चांगुलपना वाड़ुन जाय। अना आपरो चांगुलपना साठी गियान जोड़ा, 
\v 6 अना आपरो गियान संयम पासुन, आपरो संयम लक धिरज, अना आपरो धीरज लक भगती, अना 
\v 7 भगति भाव अना भाऊ भाव लक पिरेम हो। 
\v 8 यदि यो गोस्टी तुमरो बीच्या मा रहेत, अना वाढत रहेत, तर तुम्ही पिरभु यीसु मसीह को, गियान पिराप्त करनो मा तुम्हाला फालतू निस्‍फल नाही होनार देहे। 
\v 9 जोन मानूस, मा यो गुन नाहती तो अँधरा सेत, भटकतो अना विसर गयो की, वोको जुनो पाप धुल गयो सेत।
\p
\v 10 यो कारन अगो बंधूनो! आपरो आपला हाकलनो अना निवाड़ो लाय पक्को करन लाय साठी सप्पा तो परी कोसीस करा। आपरो असो करन्यास, तुमी कधीच विचलित होनार नाही। 
\v 11 अना आपरो पिरभु अना तारनहार यीसु मसीह को अमर काल को राज मा तुम्हीला धसाहेत।
\s1 अगुवागीन को गवाही
\p
\v 12 एकोलाय तुम्हाला या गोस्टी मालूम सेत। अना भेटयो से अना सच्चो मा मजबूत रव्हसो, तबा मी यो गोस्टी को हेत दिलावत रव्हिन। 
\v 13 मी जबा तकन यो देह सरीको डेरा को बीच मा जागरत ठेइन। अना हेत दिलावन को मोरी साजरा करम समजासू। 
\v 14 एकोलाय मोला मालूम सेत का मोला लवकर डेरा मजे तन सोड़नो से। जसो आपरो पिरभु यीसु मसीह ना मोला सांगिसेत। 
\v 15 मी एको पुरो ध्यान ठेविन मोरो जावन को मघा तुमी लोक सप्पा बेरा यो गोस्टी मा लक्छात ठेवो।
\p
\v 16 जबा आम्ही तुम्हिला पिरभु यीसु मसीह को सामरथ को बारेमा, अना वोको आवनो को बारेमा सांगिसेजन। त वोला आम्ही हुसारी लक कल्पित काल्पनिक गोस्टी करन्यात कोसीस नाही करयो। पर वोना बेरा वोकी महानता स्वता आमरो डोरा मा चोविसेत। 
\v 17 जबा सरग ले, अजी परमेस्वर को कन लक, वोला सन्मान व गौरव भेटली। तबा असो आवाज आयकलो “यो मोरो चहेतो टूरा सेत। एको ले मी आनंदित सेऊ।” 
\v 18 अना जबा आम्ही वोको बरोबर पवितर परवत मा होतो, तबा सरगात असोच आवाज आयेकला।
\s1 भबिस्य वानी को महानता
\p
\v 19 यो घटना लक भविस्यवक्ता गिन को वानी, आमरो लाय अवर बिस्वासी सिध्द भयो। एको मा धियान देवनो मा तुमरो कल्यान सेत। काहेका जब तकन पहेटिया नही होवासेत, अना तुमरो दिल मा सक्कार को तारा नही उगासेत। तब तकन भविस्यवक्ता गिनको वानी इन्धार मा चमकतो दीयो जसो सेत। 
\v 20 पर पयले तुम्हि यो जानन को सेत का गिरंथ को बचन को कोनतो च भविस्यवानी एखाद स्वता को विचारधारा को पूरो आधार नाही होवासेत। 
\v 21 कारन कोनती च भविस्यवानी मानूस को इक्सा अनुसार नाही करयो सेत। परंतु पवितर आतमा लक पेरीत होवके परमेस्वर को कन लक बोलत होतिन।
\c 2
\p
\v 1 जोन परकार वोना लोकांमध्ये खोटे भविस्यवक्ता होतिन। तसोच तुमरो मध्ये खोटा उपदेसक आहेत। जेना नासवन्त ढोंगी पाखन्ड को उद्घाटन लुक-लुक के करतत। अना वोना पिरभु को जोनना उनला बिकत लियो सेत। असो परमेस्वर ला नाकारतत। अना स्वता ला लवकरच विनास आनतत। 
\v 2 लगत लोक उनको जसो एसो अराम को आनंद लेवन को अनुसरन करतत। जोन को कारन सच्चो मारग बदनाम होयेत। 
\v 3 अना वय बडबड गोस्टी ला लोभ को लाय बनाहेत, अना जोनको फैसला खूब पयले भयी गयोसेत। अना उनको मघा आवासेत। उनको नास झोपल्या नाही!
\p
\v 4 कारन जोन परमेस्वर असो संदेसवाहक ला सोड़ला नाही, जोन पाप करयो होतयो, पर उनला नरकमा पाठयेत अना उनला अंधार मा ठेवेल, जोनलक नियाव को दिवसापरयत कैदी बनविन आहेत। 
\v 5 वोना जूनो जघा ला सोड़ले नाही, पर अना अनिति करनवारा दुनिया वर पूरा-पानी पठायो। अना नेक मानूस नूह को रक्सन करयो। अना नुहा समेत पूरा-पानी मा आठ लोकांनी बचाय लियो। 
\v 6 परमेस्वर ना सदोम अना गमोरा असो सहर ला नास करयो। अना आवन वालो बेरा मा, खोटो लोकांना चेतान काजी बिनास को सजा दियो। 
\v 7 परंतु वोना उ नेक मानूस लूत ला बचाय लियो। जोन वाईट लोकांनी लैंगिक करम को कारन दुखी होत होतो। 
\v 8 तो उ नेक मानूस दिवसें-दिवस उनको खोटो काम चोवत, अना आयकत राहातो होतो। मजे वोको नेक आत्मा खूब विचलित भयो। 
\v 9 असो परकारे तुम्ही चोवासो का पिरभू नेक लोक गिनला संकट लक बचावा से, अना खोटो मानूस गिनला नियाव को दिवसापरयत सोड़वून ठेवन्यास सक्सम सेत। 
\v 10 खास करुन उन लोकगीन जेना असुद्ध वासना को बसमा होयके, सान सौकत लक जिंदगी बिताव सेत। अना पिरभू को तिरस्कार करासेत।
\p वय गरबिला मानूस सेत। अना वय सरग को सचला नकारन घाबरत नाही। 
\v 11 तर सरगदूत जोन उनको अपेक्सा कितरो लगत ताकतवर अना सामरथ वान सेत, ते परमेस्वर को जवर काही वाईट निंदा नाही करासेत। 
\v 12 पर वय जनावर जसो सेत। जेन सुभाव लक सिकार होवन लाय मरन लाय जलमो सेत। वय असा गोस्टी ला मना करतत जोन वोला समजत नाही, वय जनावर जसो नास होयेत। 
\v 13 अना असो उनको पाप अना खोटो काम को सजा भोगनो पड़ेत। उनला दिवस अना दुपार मा आनंद लक बितावनो साजरो लगासेत। वय कलंकित अना दूसित सेत। 
\v 14 उनको डोरा छिनालापन लक भरयो सेत। अना उनला कधीच नही मिटनवारा पाप करन लाय को भूक आहेत। वय कमजोर आतमा ला मोहित करतत। उनको मन ला लोभ को सिक्सा मिल्यो सेत। वय सराप को सन्तान सेत। 
\v 15 वय रस्ता सोडून बोसोर को टूरा बिलाम जसो वाटेवर फिरली सेत। बिलाम खोटो कमाई चाव्हत होतो। 
\v 16 पर वोला आपरो गुन्हा को डटकार आयकनो पड़यो। एक मुका गाढव मानसा सारखा बोलन लगयो। अना असो परकार संदेस देवन वारा पगलापन लक सुधरगयो।
\p
\v 17 हे लोक सुक्को विहिरी सेत। अना अंधाड़ को फेकतात बदली सेत। उनको साठी सनातन इन्धार पक्को करयो सेत।
\s खोटो सिक्सक को फसानो मा नोको आव
\p
\v 18 वय बेकार को गरब लक बोलासेत। अना देह को इक्सा लक चलनवारा लोक गिनला फसान को गोस्टी करतत। अना जोन भटको हुयो लक अबा बाहेर हिटयो सेत, उनला वय मोहित करासेत। 
\v 19 वय उनला मुक्त करन लाय साठी वचन दियो सेत। पर खुदच सड्या को गुलाम सेत, कारन जोन हारासे उ उनको गुलाम बनसेत। 
\v 20 अना जबा वय पिरभु तारनहार यीसु मसीह ला ओरख के दुनिया को अनेक परकार को असुद्धता पासुन मुक्त भयो आहेत। अना मग उनमा फसयो अना हार गयो सेत। उनको मंगा लक दसा पयलो लक वाईट भयी गयो सेत। 
\v 21 असो लोक, खुदला दियो गयो पवितर हुकूम को गियान पायके वोको पासुन दूहुर जावासेत। उनको लाय यो साजरो होतो का, उनला नेकी को मारग को गियान कधीच नही मिलतो। 
\v 22 असो लोक, मा यो हाना सही बसासेस, “कुतरा की पुस्टी वाकड़ी की वाकड़ी” अना “चतुर मानूस मुरख बना सेत।”
\c 3
\p
\v 1 अगो चहेतो भाऊहुन! मी तुम्हाला दुसरो बार चिठ्ठी लिखासू। यो चिठ्ठी मध्ये तुमी लोकहुनला काही गोस्टी को हेत दिलाय के तुमरो साजरो अक्कल ला सतरक करनो चाव्हासेऊ। 
\v 2 तुमी पवीतर भगतगीन को कन लक, पयले लक कही गई गोस्टी, अना सुटकारा देवनवारा पिरभू को हुकूम ला, जोन तुमरो पेरीतगीन लक दियो गयो से, उनला हेत करो। 
\v 3 सब लक पयले, तुम्हिला यो समजमा आवनो पायजे, आखरी दिवस मा मजाक उड़ावन वारा आहेत। अना अपरी बेकार अना गन्दो काम को इक्सा अनुसार चलयेती। 
\v 4 अना असो सागेत का वोको आवनो को बचन कोठी सेत? कारन आमरो पुरखा मरुन गयो अना सप्पा काही दुनिया को सुरूवात पासुन होतयो, तसोच आहेत। 
\v 5 वय मुद्दा विसरले का जूनो जमाना मा बादल अना धरती होती। जोन परमेस्वर को बचन लक बनायो गयो होतो। धरती पानी पासुन बनयो अना पानी मा बांधली। 
\v 6 वोना बेरा को दुनिया पान्यात नास भयो। कारन पूरा पानी वर बुडले। 
\v 7 पर अबा को सरग अना धरती वोच बचन लक ठेयो सेत। का जालून टाकेत। अना भक्तिहीन लोकांनी नास होवन तकन अना नियाव तकन तसोच ठेवली रहेत।
\p
\v 8 अगो चहेतो भाऊहुनएना गोस्टी कदी विसरो नोको, परमेस्वर को एक दिवस हजार साल को बरोबर सेत अना एक हजार साल एका दिवसा इतरोच सेत। 
\v 9 काही लोक समजासेत। परमेस्वर आपरो करार पूरन करन्यास उसीर करन लाय नाही, पर आपरो साठी लोकां बद्दल सहनसील सेत। अना वोको इक्सा सेत का उतानी सर्वनास नका होय। परंतु हरेकाला पस्तावा करन लाय साठी बेरा मिल्हे।
\p
\v 10 परंतु परमेस्वर को दिवस चोर जसो आवन वालो सेत। वोना दिवसी बादल मा मोठ्या गरजन होहेत अना नास भयी जाहेत। अना सब चीज पिघल जाहेत अना धरती अना वोका वरी काम को नियाव होयेत। 
\v 11 जब ऐना सप्पा गोस्टी नास भयी जाहेत। तर तुमी लोकगिन ला पाहिजे का पवीतर चाल-चलन अखीन भगती को जिंदगी बिताव। 
\v 12 परमेस्वर को आवन वारो दिवसा को वाट जोहो अना लवकर च लावन को कोसीस करा। बादल जरत पिघलेत अना बादल को तारागिन तपके टपक जाहेत। 
\v 13 परंतु आपरो परमेस्वर को परन मा आधारित नवीन सरग अना नवीन धरती को वाट जोहासेत। उतानी साजरापन वास करेत।
\p
\v 14 अगो चहेतो भाऊहुन मी कव्हसू, जसो, यो या गोस्टी ला आपरो जवर आवता चोवो, तभी सांतपन अना निरदोसपन लक वोको समोर जावन को कोसीस करा। 
\v 15 यदी आमरो पिरभू आपरो धीरज धरके उसीर करासेत तर यो गोस्टी ला सूटकारा करन लाय मदत समजो, कारन आपरो चहेतो भाऊ पौलुस ना आपरो दियो गयो गियान को लक तुमीला लिख्यो सेत। 
\v 16 जसो उनना अपरो सप्पा चिठ्ठी मध्ये या गोस्टी को चरचा करयो सेत। जोन मध्ये बाचयो गोस्टी समजून लाय कठीन सेत। अना अनपढ अखीन चंचल लोक गिरंथ लक गोस्टी को गलत मतलब काढतत अखिन स्वता को नास करतत।
\p
\v 17 एकोलाय अगो चहेतो संगीहुन, तुम्हाला पयले लक चेताय देसू, तुम्ही होसियार रव्हो। कदी असो होय का, तुमी वाईट अना अबिस्वासी लोकां मध्ये भटकून जाव, मग आपरो जघा पासुन पक्को भयी जाव। 
\v 18 तुमी लोक आमरो पिरभु अना तारनहार यीसु मसिहा, को किरपा अना गियान मा बड़त रव्हो, वोको अता अना अमर काल तकन वोको गौरव होवत रव्हे। आमेन।