\id 2CO - Powari Standard Project
\ide UTF-8
\h 2 कुरिन्थियो
\toc3 2 कुरिन्थियो
\toc2 2 कुरिन्थियो
\toc1 दुसरो कुरिन्थियो को नाव पौलुस को चिठ्ठी
\mt2 दुसरी कुरिन्थियो के नाव पौलुस का पतर
\mt1 दुसरो कुरिन्थियो को नाव पौलुस की चिठ्ठी
\imt परिचय
\ip या चिठ्ठी पेरीत पौलुस न यीसु मसीह को जनम को 55-56 साल बाद लिख्यो। \xt 1:1\xt* या दोय चिठ्ठी मा लक यो दूसरी चिठ्ठी आय। लगत विदवान असो समजा से का या चिठ्ठी को पहिले कुरिन्थियों ला एक लगत कठोर चिठ्ठी लिखी गयी होती। \xt 2:3-4\xt*, यो वचन म या चिठ्ठी को बारे म उल्लेख करयो से। बल्की या चिठ्ठी को फोटु कापी हमरो जवर नहाय। या दूसरी कुरिन्थियों की चिठ्ठी पौलुस न मकिदुनिया मा लक लिख्यो होतो। \xt 2:13\xt*
\ip दूसरी कुरिन्थियों की चिठ्ठी की बिसेसता या से की यो मानूस गीनको भावनात्मक गोस्टी को चरचा करयो गयो, या चिठ्ठी मा पौलुस खुसी मनायो से का या चिठ्ठी मा जोन समस्या कुरिन्थियों को बारेमा तीतुस लक हासिल करयो खुसी ला जाहीर कर रहयो, या चिठ्ठी देवन को बारे मा बिस्तार को सिक्सा नवा करार को दिरस्टिकोन मा दियो गयो से। या सिक्सा वा विभाग मा पौलुस पैसा को दान को उल्लेख करयो से अखिन यरूसलेम मा बिस्वासी गीनको मदद लायी लिख्यो गयो होतो, \xt 8—9\xt* या मन्डली मा काही लोक पौलुस को विरोध मा होतो। अखिन काही बाहेर को आयो हुयो झूठो पेरीत यो विरोध को फायदा उठाय के पौलुस ला दबाय का खुदला बढ़ाय रह्यो होतो। उनना पौलुस को अधिकार पर सवाल करयो। येकोलायी या चिठ्ठी को आखरी हिस्सा मा अपरो अधिकार ला यीसु मसीह मा पेरीत होवन को नाता लक जोन अधिकार भेटयो से उ अधिकार पर जोर देवा से। अखिन ओको पर दावा ठोकयो से।
\iot रूपरेखा
\io1 1. पौलुस ला आपरो मन्डली को सुरूवात मा नमस्कार करयो से। \ior 1:1-17 \ior*
\io1 2. पौलुस अपनी यातरा की योजना म बदलाव करयो ओना जोन समस्या कुरिन्थियो को बारे मा भेटयो होती अखिन पिछली कठोर चिठ्ठी जेनको बारे म उनना सवाल पैदा करयो होतो ओको बारे मा बतायो से। \ior 1:8—7:16 \ior*
\io1 3. यरूसलेम म रहन वालो बिस्वासी लायी दान जमा करन को बारे या पौलुस को सुचना। \ior 8:1—9:15 \ior*
\io1 4. आखरी मा पौलुस अपरो पेरीत पन को बचाव करय हय अखिन अपनी आवन वाली भेंट को बारे मा चेतावनी। \ior 10:1—13:10 \ior*
\c 1
\p
\v 1 अखया कुरिन्थुस नगर मा परमेस्वर यीसु मसीह को कलीसिया अना सबा युनान देस को रहवासी सबा पवीतर संतहुन को नाव पौलुस जोन परमेस्वर को मनसा को कन लक पेरीत सेत, अना भाऊ तीमुथियुस को चिठ्ठी। 
\v 2 आमरो परमेस्वर बाबूजी, अना पिरभू यीसु मसीह तुमी लोकगीन ला दया अखीन सान्ती भेटेत।
\s परमेस्वर ला धनवाद
\p
\v 3 धन्य सेत परमेस्वर, आमरो पिरभू यीसु मसीह को बाबूजी, उ दयालु अना सब परकार को सान्ती को परमेस्वर सेत। 
\v 4 उ सब दुख मा अमीला, सान्ती देतो रव्हसेत। जोन लक, परमेस्वर को कन लक, अमीला जोन सान्ती भेटासेत, वोच को लक आमी दुसरो ला भी, उनको हरेक दुख मा सान्ती देवन को ताकत अमीला मिल जाय। 
\v 5 काहेका जसो मसीह को दुख आमरो जिंदगी मा लगत सेत वसोच आमरो जिंदगानी मा वोको सान्ती भी लगत सेत। 
\v 6 अदी अमी दुख उचलबिन, ता वा तुमरो खुसी अना सूटकारा को लाय सेत। यदि अमी खुसी सेजन। ता तुमरो खुसी लाय सेत। यो खुसी उन दुख गिनला जोन अमी सह रह्यो सेजन। तुमिला धिरज को संग सहन करन को ताकत देवा सेत। जसो का अमीला जोस देवासेत। 
\v 7 तुमरो बारेमा अमिला पुरो आस सेत काहेका अमीला मालुम सेत का जसो आमरो दुख ला बाटा करा सो, वसोच आमरो खुसी मा भी तुमरो बाटा सेत।
\p
\v 8 अगो संगीहुन अमी यो चव्हा सेजन का तुमी वा दुख को बारेमा जानो जोन अमिला एसिया मा झेलनो पड़ीयो होतो। वहान आमरो सहनो सक्ती लक बाहेर होतो। वा दुख को बोझा मा अमी दब गयो होता। यहाँन तकन का आमरो जित्तो रव्हन को चारा नोहोतो 
\v 9 हव! आपरो-आपरो मन मा अमिला असो लगत होतो, जसो अमिला मरनो को हुकूम भयी गयो सेत। जोन लक अमी आपरो आप पर नही पर परमेस्वर को भरोसा भयि गयो जोन मरयो हुवो ला जित्तो करा सेत। 
\v 10 अमी वोना भयानक मिरतु लक परमेस्वर ना बचायो अना आमरो अबा को बेरा मा भी वोच बचा हेत। आमरो आस वोकोमा टिकयो सेत। 
\v 11 अदि तुमी आमरो कन लक पिराथना करके सहयोग देवने। ता अमिला लगत सो लोकगिन को पिराथना लक, परमेस्वर को जोन किरपा भेटयो सेत। वोको लाय लगत सो लोक गिनला, आमरो कन लक धनवाद देवन को कारन मिल जाहेत।
\s पौलुस को यातरा मा बदलाव
\p
\v 12 हमला एको गरब से, का यो गोस्टी अमी सफा मन लक कव्हा सेजन। का अमिना यो जगत को संग अना खास तुमरो संग परमेस्वर को किरपा को साथ बरताव करयो सेजन। हमिना ईमानदारी अना खराई लक बरताव करी सेजन। जोन परमेस्वर लक भेटा सेत। दुनिया को अक्कलवरी लक नही। 
\v 13 हमी तुमला अखीन काही नही लिखीसेजन बस उ जोन तुमी बाचिसेव अना मानासो, अना मोला असो आस सेत का आखीर तकन मानतो रव्हजोस। 
\v 14 जेनको लक तुमी न काही-काही समजा सेत, का जसो हमी तुमरो गरब को कारन से वसोच तुमी भी हमरो पिरभू यीसु को दिवस मा हमरो पर गरब ठहरयो जाहे।
\p
\v 15 एनाच भरोसा को संग मोरो लक पयले तुमरो जवर आवन को पक्को होतो क तुमी दुसरी बेरा किरपा पाय सको। 
\v 16 अना मी तुमरो जवर होतो मकीदुनिया देस जाऊ अना मकीदुनिया लक मंग तुमरो जवर आहू अना तुमरो यहुदिया की यातरा को लाई मदद पाहेत। 
\v 17 जबा मीना असो पक्को करयो त का मी दुविधा\f + \fr 1:17 \fr*\ft संकट मा\ft*\f* मे होतो? अना जोन मा पक्को करासेऊ का उ देह को अनूसार करासेऊ का एकच बेरा मा हव-हव कँहू अना नही-नही भी? 
\v 18 जसो का परमेस्वर भरोसा को लायक से वसोच तुमरो लाई हमरो बचन मा हव अना नही दुई एको संग नही पायो जाहेत। 
\v 19 काहेकी परमेस्वर को टूरा यीसु मसीह मा जोको परचार तुमरो बीच हमरो अना सिलवानुस, तीमुथियुस\f + \fr 1:19\fr*\ft पौलुस को एक चेला \ft*\f* अखीन मीना करयो, वोको कबच हव अना कबच नही से वरन उनमा सिरप हव से। 
\v 20 काहेकी परमेस्वर की जेतरी भी परन सेत। वा सप्पा यीसु मा हव से एको लाई वोको कन हमारो आमेन भी परमेस्वर की महिमा को लाई होय। 
\v 21 अबा जोन तुमरो संग हमी मसीह मा पक्को करासे अना जेना हमला निवाड़ी सेस। उ परमेस्वर से। 
\v 22 परमेस्वर ना आमरो पर आपरो मूहर लगाई सेत, अना बियाना को रुपमा आमरो दिल मा आतमा देइसेत।
\p
\v 23 परमेस्वर गवाह सेत मी आपरो जिंदगी को किरिया सांग सेऊ। का मी यो काजी अब तकन कुरिन्थुस नही आईसेव का मी तुमीला दुख बचायो राखनो चाव्हत होतो। 
\v 24 असो गोस्टी नाहती का आमी तुमरो भरोसा को बारेमा हक जमानो चाव्हासेजन, पर आमी तुमरो खुसी मा संग काम करनवारा सेजन काहेका तुमरो भरोसा पक्को से।
\c 2
\p
\v 1 एकोलाय मीना आपरो आप मा यो तय कर लेईसेव, का तुमी लोक गिनला दुबारा दुख देवन साठी मी तुमरो बीचमा नोको आऊ।\x - \xo 2:1 \xo*\xt 1 कुरिन्थियो 4:21; 2 कुरिन्थियो 12:21\xt*\x* 
\v 2 काहेका अदी मि तुमी लोक गिनला दुखी करीन, मंग मोला सुखी कोन करहेत? सिवाय तुम जोनला मीना दुखि करिसेऊ। 
\v 3 अना योच गोस्टी मीना तुमिला एकोलाय लिखी सेऊ, का जबा मी तुमरो जवर आहिन, ता जोन लक मोला खुसी मीलनो से, उनको लक मोला दुख ना पोहचायो जाय। मोला तुमी सब मा यो गोस्टी को भरोसा सेत, का जोन मरो खुसी सेत वा तुम सब को सेत। 
\v 4 काहेका मीना तुमीला यो गोस्टी दुखी दिल लक, डोरा लक पानी बोहाय-बोहाय के लिखि सेउ। यो साठी नाहय का तुमला दुख लगे, पर यो साठी सेत, का तुम यो जान सको का मी तुमरो लक कितरो माया राखासू।\x - \xo 2:4 \xo*\xt पेरीत 20:31\xt*\x*
\s गुनागार ला माफी
\p
\v 5 पर अदि कोनी न दुख देईसेत, त वोनो मोला नही, पर काही-काही तुमी सबच ला भी दुख देई सेत।\x - \xo 2:5 \xo*\xt 1 कुरिन्थियो 5:1\xt*\x* 
\v 6 असो मानूस ला जोन दन्ड तुमरो दल ना देई सेत, उतरो च लगत सेत। 
\v 7 एको लाई उलटो तुमी वोला माफी दे देव, अना सान्ती देव, काहेका असो नोको होय का उ लगत सोक मा डूब जाय। 
\v 8 एको लाई मोरो तुमरो लक बिनती से का तुमी वोला अपरो पिरेम को पुरुप देवो। 
\v 9 यो मीना तुमला यो चोवन लाय लिखीयो सेऊ। का तुमी परखा सेऊ का हर गोस्टी मा, हुकूम मानन वालो सेव का नही? 
\v 10 जबा तुमी कोनी ला माफी देवा सेव, तो उनना जोन काही कियो सेत वोला मी भी माफ करा सेऊ। जबा मी छिमा करा सेऊ, ता सहीमा मी मसिहा को हाजीर मा माफ करा सेऊ। काहेका तुम पर सैतान को जोर नोको चले।\x - \xo 2:10 \xo*\xt लूका 10:16\xt*\x* 
\v 11 काहेका भीतरी गोस्टी अमीला मालूम नाहती का सैतान को काजक योजना सेत।
\s तरोआस मा पौलुस की चिंता अना आराम
\p
\v 12 जबा मी मसीह को साजरा बारता आयकावन को लाई तोराआस आयो, अना पिरभू न जबा मोरो लाई बेसकुड़ उघाडो। 
\v 13 तबा अपरो भाऊ तितुस ला नही पायके मोरी आतमा मा चैन नही लग्यो, अना वोला सार होयके मी मकीदुनिया को कना चली गयो।
\p
\v 14 पर परमेस्वर को धनवाद होय, जोन मसीह को कन लक अपरो जीत को खुसी मा हमारो देख-रेख करत होतो। अना हमरो कन लक अपरो अक्कल की मीठ्ठो खुसबू हर जघा फैलावा से। 
\v 15 काहेकि बचनवालो अना नास होवन वालो, दुई को लाई परमेस्वर को पक्को अमीच मसीह को खुसबू सेत। 
\v 16 उन लोक गिनको लाय, जोन नास को रस्ता मा सेत, मरन को बदबू सेत। जोन उनला मार डाकेत। परा बचायो हुयो लोक गिनको लाय, एक खुसबो जसो सेत। जो जिंदगी देवा सेत। परा यो काम को लाय कोन साजरो सेत? 
\v 17 परमेस्वर को बचन ला लोकगिन जसो मिलावट करके बिकन वालो जसो अमी नही सेजन। परअ परमेस्वर ना अमीला धाड़ी सेत, का वोको हाजरी मा ईमानदारी लक वोको बचन ला सांगनो सेत।
\c 3
\p
\v 1 का हमी मंग अपरी सीपारिस करन लगबीन? अना मानूस गीन को जसो का हमी भी तुमरो लक सीपारिस की चिठ्ठी लेवन अना तुमला देनो जरुरी से। 
\v 2 हमारो चिठ्ठी त तुमला च होय जाहे हमरो हिरदय मा लिखी से अना जेनला सबच लोक जानासेत अना वाचासेत। 
\v 3 अना असो पिरगट करयेत का मसीह की चिठ्ठी तुमी सेव जेकी देख-रेख अना जोन त स्याही लक नही अखीन न गोटा की पाटी पर जित्तो परमेस्वर की आतमा लक मानूस को देह हिरदय\f + \fr 3:3\fr*\ft दिल मा सेत\ft*\f* पर लिखयो गयो से।
\p
\v 4 अना मसीह को कन लक परमेस्वर पर हमी असोच भरोसा राखीसेजन। 
\v 5 असो नहाय का हमी अपरो आप ला एना काबील समझा सेजन का हमी खुदच काही कर सकासेजन पर अमीला काबिल बनावन वारा परमेस्वर से। 
\v 6 जोनना अमीला नवा करार को दास होवनको काबिल बनाइसेस, यो लिख्यो करार नाहती पर आतमा को करार सेत काहेका लिखयो सबद मारसेत पर आतमा जित्तो करासेत सेत।
\p
\v 7 पर अदी मरन को यो करार\f + \fr 3:7 \fr*\ft नियम\ft*\f* जेन को सबद गोटा को पटिया मा लिख्यो सेत, एतरो तेज बनके आयो का इसरायली गीन मोसे को तोन्ड को तेज ला जो घटत होतो, नही चोव सकिन। 
\v 8 तो मग आतमा को करार अना तेज कसो ना होयेत? 
\v 9 काहेका जबा दोसी ठहरावन वालो करार तेज से त नेक ठहरावन वालो करार अखीन लगत तेज होय जासे। 
\v 10 सहीमा उ जोन तेज होत्यो अता वोना तेज को पुड़ा जोन वोको लक बढकेन तेज से उ कम होय जाहे। 
\v 11 काहेका अदी उ कम होवन वालो तेज होत्यो त उ जोन पक्को से अखीन लगत तेज से।
\p
\v 12 असो आस होवन को कारन हमी मोठो हिम्मत लक बोला से। 
\v 13 अना आमी मोसे को जसो नही जोन अपरो चेहेरा पर सेव डाकयो राखत होत्यो का इसरायल की आवलाद\f + \fr 3:13 \fr*\ft खानदान\ft*\f* एकटक होयके उ लोप होतो हुयो तेज को अंत ला नही देख सके। 
\v 14 पर उनको मन कड़ो भय गयो काहेकी अबा भी एना जुनो करार ला परदा उ सेव संची पढ़यो रहयो काहेकी उ बल्कि मसीह मा हटायो जाहे। 
\v 15 आज को दिवस जबा कदी मोसे को नियम पढ़यो जावासेत। तो उनको दिल सेव लक ढकयो रव्ह सेत। 
\v 16 पर जबा कदी कोनी मानूस पिरभू कन आपरो मनला लगाव सेत, तो वोना सेव हट जावा सेत। 
\v 17 अबा यो पिरभू तो आतमा सेत, अना जितानी पिरभू को आतमा सेत उता कोनी बन्धन नाहती। 
\v 18 पर आमी सबा उघाडो तोन्ड लक पिरभू को तेज जसो आरसा मा चोवतो हुया पिरभू मजे आतमा लक आमी वोको तेजपन को रुप मा जरा-जरा करके बदलत जावासेत।
\c 4
\s माती को भान्डो मा आतमिक खजानो
\p
\v 1 यीसु को दया लक परमेस्वर ना अमीला यो सेवा करन काजी देइसेस, अना एकोलाय आमी बेआस नको होहे सेजन। 
\v 2 अमिना सबच लुकयो अना लाज को काम लक बेगरो भईसेजन, आमी कोनी धोका को काम नही करतत, ना आमी परमेस्वर को बचन ला खोटो साबीत करसेजन। अना खराई लक आमी परमेस्वर को डोरा को पुड़ा रव्हसेजन। हरेक को डिमाक लक भलाई करन को कोसीस मा रव्हसेजन 
\v 3 आमी जोन साजरा बारता सांगीसेजन, अगर उ परदा\f + \fr 4:3 \fr*\ft लुकयो सेत मजे समझमा नही आवासेत\ft*\f* सेत तो सिरप वोना लोकगीन काजी सेत जोन गुम गयो सेत। 
\v 4 काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत। 
\v 5 काहेका आमी खुदच को परचार नही करसेजन, पर आमी पिरभू यीसु मसीह ला परमेस्वर को रुप मा परचार करसेजन। अना आपरो बारेमा असो कव्हसेजन का आमी यीसु को कारन तुमारो दास सेजन। 
\v 6 परमेस्वर ना कव्हयो “अँधार मा उजाड भई जाहेत” जोन आमरो दिल मा उजाडो करासेत। ताकी अमीला यीसु मसीह को तोंड मा चमकत हुया परमेस्वर को महिमा को गियान भेटेत।
\p
\v 7 पर आमी माती को भान्डो\f + \fr 4:7 \fr*\ft माती को बरतन\ft*\f* सेजन। अना आमी मा यो धन यो काजी ठेवो गई सेत का यो ताकत को बड़कपन आमरो कन लक नही पर परमेस्वर को कन लक से असो मालुम भई जाये। 
\v 8 आमी कई गन परेसानी मा होत रहया लेकिन नास नही भयो; कभी-कभी संका मा रहया लेकिन निरास नही रहया; 
\v 9 कई बैरी सेति लेकिन आमी कबच दोस्त को बगैर नही रहया; अना कई गन बुरो तरह ठोस लगी अखीन नास नही हुया। 
\v 10 कई गन जबा आमी आपरो पिरान ला यीसु को मिरतु मा लेय जासेजन, जोको लक आमरो देह मा भी ओको जीवन चोयो जाय सकेह 
\v 11 आमरो जिंदगी को मंघा आमी सदा यीसु को लाई मिरतु को खतरा मा सेजन ताकि आमरो जीवन को यो पिरान घातक देह मा ओको जीवन चोयो जाय सकेह। 
\v 12 एको मायना\f + \fr 4:12\fr*\ft मजे\ft*\f* से की मिरतु आमरो मा काम कर रही से लेकिन जीवन तुमरो काम मा से।
\p
\v 13 पवीतर गिरंथ कव्हसे, “मिना गोस्टी कियो, काहेका मोला भरोसा होतो।” को एकच आतमा मा आमी भी बोलासेजन कायसेकि आमी भरोसा करसेजन। 
\v 14 आमी जानासेजन का परमेस्वर जेने पिरभु यीसु ला जित्तो करिसेत, वाच आमीला यीसु को हिस्सादार समझके जित्तो करयेत। अना आमीला तुमरो सँगा आपरो हाजरी मा ले जाहे। 
\v 15 यो सब तुमरो साठी से; अना जसो की परमेस्वर की किरपा लगत स लोकगीन तकन पहुचसे, वय परमेस्वर की बड़ाई को धनवाद देन को साठी लगत पिराथना ला पेस करहेति।
\s भरोसा लक रव्हनो
\p
\v 16 एकोलाय आमी कबच निरास नही हुया, भलो ही आमरो नासवान सरीर धीरे-धीरे नास होवासे, मंग भी आमरो आतमिक देह\f + \fr 4:16\fr*\ft भीतरी देह\ft*\f* दिवस को मंघा नयो रुप कियो जाहे। 
\v 17 काहेकि आमरो जरासो देर को दुख आमरो लाई लगतच काम की अना अमर महिमा परगट करत जावसे, 
\v 18 काहे की जोन आमी ध्यान लक चोवसेजन ओना पर नही, लेकिन नही चोवन वारा चीज गीन पर आमरो ध्यान लगावा राखासेजन। का चोयो जाय सकसे, केवल एक बेरा को लाई रव्हसे, लेकिन अन चोवो चीज हरामेसा लाई रव्हसे।
\c 5
\p
\v 1 काहेकी हमी जानासेजन का अदी हमारो धरती मा का तम्बू मजे देह ला पूरो दिरस घर ला पाड़ दियो जाहे त परमेस्वर कन लक हमला सरग मा घर मिले जोन हात लक बनयो हुयो नही पर अमर सेत। 
\v 2 काहेकी एना घर मा त हमी कराहवता अना लगत पक्को आस राखासेजन का अपरो सरग को घर ला पेहर\f + \fr 5:2\fr*\ft घाल लेवबोन\ft*\f* लेवबोन। 
\v 3 अखीन एला पेहरके हमी नंगरा नोको पाया जाबोन। 
\v 4 सही मा जबा तकन हमी एना तम्बू देह मा सेजन त हमी बोझ लक दबया हुया कराहव सेजन काहेकी हमी कपरा हेड़नो नही पर पेहरनो चाव्हासेजन का जोन कोनी मरनो को जसो से वा जिंदगी लक हेड दियो जाय। 
\v 5 अबा जेना हमला एना गोस्टी को लाई तैय्यार करीसेस। उ परमेस्वर से जेना हमला बयाना मा आतमा देईसेस।
\p
\v 6 एको लाई हमी हमेस हिम्मत राखा सेजन अना यो जाना सेजन का जबा तकन हमी देह जसो घर मा रव्ह सेजन पिरभू लक दुहुर सेत। 
\v 7 काहेकी हमी रुप चोवयो नही पर भरोसा लक चला सेजन। 
\v 8 अना हमी पूरी हिम्मत राखासेजन देह लक अलग होयके पिरभू को संग रहवनो अना उच्चो समझयो जासे। 
\v 9 एको लाई हमारो आस योच से का संग मा रहवजन या अलग रव्हजन हमी वोला चाहतो लगासेजन। 
\v 10 काहेकी हमी सबच को मसीह को नियाव आसन को पुढ़ा हजीर रव्हनो जरुरी से का हर एक ला अपरो साजरो अना वाइट\f + \fr 5:10\fr*\ft खोटो\ft*\f* काम को दन्ड मिलेत जोन वोना देह लक करयो से।
\p
\v 11 अना हमी पिरभू को भेव मानतो हुयो लोक गीन ला समझावसे पर हमरो हाल परमेस्वर को पुढ़ा परगट से अना मी आस करासेऊ का हमरो यो हाल तुमरो अक्कल मा परगट होवासे। 
\v 12 हमी मंग अपरी सबासी तुमरो पुढ़ा नही कर रही से पर तुमला मोका दे रही से का हमरो पर गरब करो अना उनला जवाब देसका सेव जोन मन मा नही चोहे पर घमन्ड करासेव। 
\v 13 काहेकी अदी हमी बेसुध से त परमेस्वर को लाई अना अदी जगाया से त तुमरो लाई से। 
\v 14 काहेकी मसीह को पिरेम हमला परेसान करासे जेनको लक यो तय से का जबा एक सब को लाई मरयो त सबच मर गईन। 
\v 15 अना उ सबच को लाई मर के उ जित्तो से पुढो लाई अपरो लाई नोको जीवो पर वोको लाई जीवो जोन उनको लाई मरके जित्तो भई से।
\p
\v 16 एकोलाय अबा लक हमी कोनी मानूस की देह को अनूसार नही समझेत हमेस हमरो मसीह की देह को जसो जानो से अबा लक हमी वोको असो नही जानयो जाहे। 
\v 17 एको लाई अदी कोनी मसीह मा से त उ नवी संसार से जुनी गोस्टी बीत गई देखो नवी गोस्टी आया गई से। 
\v 18 अबा यो सबच गोस्टी परमेस्वर को कन लक से जेना मसीह को कन लक हमरो मेल अपरो संग कर लेईन अना हमरो मेल मिलाप की सेवा देईसेस। 
\v 19 अना परमेस्वर लोक गीन को अपराध गीन को दोस उनको पर नही लगावते हुयो मसीह मा संसार मा मेल मिलाप अपरो संग कर रहयो होतो अना वोना हमरो मेल जोल को गोस्टी\f + \fr 5:19 \fr*\ft गोस्टी\ft*\f* सौप देइसेस।
\p
\v 20 एको लाई हमी मसीह को दास से मानो का परमेस्वर हमरो कन लक बिनती कर राही से हमी मसीह को कन लक तुमरो लक बिनती करा से का परमेस्वर को संग मा मेल मिलाप कर लेव लेने। 
\v 21 जोन पाप लक अनजान होतो वोला च वोना हमरो लाई पाप ठहराइस का हमी वोको मा परमेस्वर की न्यायीपन बन जाहे।
\c 6
\p
\v 1 परमेस्वर को संग हमारो काम मा, मंग हमी तुमरो लक बिनती करतत, का कोनी परमेस्वर की किरपा पायके उ नास होय जाहे। 
\v 2 आयको परमेस्वर का कव्हासे
\q1 “जबा मोरो लाई आपरी बेरा चोवन लाई आयो,
\q2 त मीना तुमला आयको;
\q1 जबा दिनमा तुमला बचावन को लाई मोरो जवर आयके,
\q2 त मीना अपरी मदद करया।” आयको! यो परमेस्वर को खुसी को बेरा सेत, चोवो अबा उ सूटकारा\f + \fr 6:2\fr*\ft सूटकारा\ft*\f* को दिवससेत।
\p
\v 3 आमी नहीं चाव्हसेजन की कोनी ला भी आमरो सेवा मा दोस मिल जाहे, एकोलाय आमी कोनी ला भी रस्ता मा रोड़ा लावन की कोसिस नहीं कर रही से। 
\v 4 एको अलावा, आमी जोन सजरो बरताव काही भी करसेजन आमी चोवासेजन की आमी धीरज लक परेसानी, कठिनाइगीन को धीरज लक परमेस्वर के दास से। 
\v 5 कोड़ा खावनो लक, अना जेल जानो लक हल्ला गुला लक महेनत लक चेतया रव्हनो लक उपवास करनो लक। 
\v 6 पवीतर लक अक्ल लक धीरज लक किरपा लक पवीतर आतमा लक। सच्चो पिरेम लक 
\v 7 सच्चो बचन लक परमेस्वर की ताकत लक नेकीपन को हतियार लक जोन उज्जो अना डावो हात मा से। 
\v 8 जस-अपजस मा, मान-बेइज्जति मा, बदनामी अना सजरा नाव मा, हमला लोक धोकादेवन वारा समजासे पर आमी खरो सेजन। 
\v 9 अन्जान रूप मा आमी सेजन, मग आमी जग-जाहिर सेजन। लोकगिनला आवता च मेला का जबच मेला असो आमी चोवासेजन, पर आमी जित्तो सेजन, आमी ला अबा पिटाई पड़नवारा सेत आमी मर जाबिन असो लगसेत पर, अबा आमी जित्तो सेजन। 
\v 10 आमी दुखी चोवसेजन, पर आमी खुस सेजन, आमी गरिब सेजन, पर नगद लोकगीन ला धनी बनावसेजन। असो आमी चोवसेजन का अमरो कठा काही नाहती पर आमरो कठा सारी जुनुस सेत।
\p
\v 11 अगा कुरिन्थी नगर को लोक गीन, आमी ना खुल्लमखुल्ला सक्कडिया गोस्टी सांगेसेजन, आमरो दिल तुमरो लाय उघडोसेत, 
\v 12 आमरो मन मा तुमरो काजी कोनी इरादा नाहती, पर तुमरो मनमा सेत। 
\v 13 पर आपरो लेकरा समजके मी तुमिला सांगसू का तुमी खुलके आपरो दिल को बात सांगो, अना आपरो दिलमा अमीला चौरस जघा देव।
\p
\v 14 परमेस्वर पर भरोसा नही राखन वारा मानूस को संग बरोबरी करन को कोसीस असो खोटो करम नोको करो! भरोसा नही करन वालो लोकगीन संग संगती नही होय सकत, काहेका नेक मानूस अना खोटो मानूस को कोनी नातो नाहती। उजाड़ो अना अंधार दुई संग-संग कसो रव्ह सकसेत? 
\v 15 यीसु मसीह को लोकगीन को बलियाल देवता को संग काजक रिस्ता सेत? अखीन यीसु पर भरोसा राखन वारा को, भरोसा नही राखन वारा को संग कसो नाता? 
\v 16 मुरती को पूजा करनवारा को जित्तो परमेस्वर को मंदिर\f + \fr 6:16 \fr*\ft बिस्वासी\ft*\f* लक काजक लेवनो-देवनो सेत।
\q1 “काहेका आमी जित्तो परमेस्वर को मंदिर सेजन। जसो परमेस्वर ना खुदच
\q2 मी आपरो लोकगीन को संग आपरो घर बनाहिन अना उनको बीच मा रव्हिन।
\q1 अना मी उनको परमेस्वर रव्हिन
\q2 अना वय मोरो लोक कहलायेत।”
\p
\v 17 एकोलाय पिरभू कव्हसेत
\q1 “उनको बीच लक हीटो
\q2 अना बेगरो रव्हो,”
\q1 अना असुध्द चीज ला नोको छिवो,
\q2 तो मी तुमीला अपनाइन।
\p
\v 18 अना मी तुमी लोकगीन को अजी बनयो सेऊ, अना तु मोरो टूरा आस! यो सब लक ताकत वर “पिरभू असो कव्हसेत।”
\c 7
\p
\v 1 एकोलाय ओ मोरो चहेतो भाऊ अना बहिन हुन, यो सब वायदा आमरो च लाय कियो गयो सेत। तो आव आमी आपरो आप ला उन सब लक जोन आमीला असुध्द करासेत वोको लक सुध्द करबिन, या जोन अमरो देह ला आतमा ला असुध्द बनावसेत। काहेका अमीला परमेस्वर को भेव मा जीवन काजी पूरो पवीतर होवनो पाईजे।
\p
\v 2 आपरो दिल मा हमारो लाय जघा बनाओ। हमीना कोनी को हानी नहीं करेसेजन। ना अमीना कोनीला बरबाद करीसेजन। ना कोनीलक फायदा लेवन को कोसिस करीसेजन। 
\v 3 मी तुमिला निंदा करन काजी असो नहीं कव्हसू; काहेका, जसो मीना पयले सांगिसेव, तुमी आमरो दिल को आमरो दिल मा असो बस गयो सेव, हमी हमेस एक सग रव्हसेजन। चाहे हमी संग जीवबीन या मर जाबीन। 
\v 4 मी तुमारो पर एतरो यकीन राखासू। मी यो गोस्टी मा गरब करासू का आमरो सबच परेसानी मा मी अबा भी हिम्मत मा बढ़ावा सेत; अना मी खुसी लक।
\p
\v 5 मकीदुनिया देस पहुंचन को मघा, अमीला देह मा चैन नहोतो। चारिकनी लक दूसरों के संग झगड़ा, दिल मा भेव अना परेसानी होती। 
\v 6 पर परमेस्वर निरास लोक गिनला आस देवासेत। तबच तो तितुस को आवन मा अमीला चैन मिली। 
\v 7 केवल यो गोस्टी नाहती का उ आवनवारा होतो पर वोको उ सान्ती लक भी अमीला खुसी करिसेत। वोना सांगिस का तुमी मोला चोवनो चाव्हासो, अना तुमी सरमावा सेव मोला बचान काजी तुम कितरो तैय्यार सेव एना सब गोस्टी लक अबा मी खूब खुस सेव।
\p
\v 8 यहांन तकन का अगर वोना चिठ्ठी मा तुम्हिला दुख लगिसेत तो मोला कोनी गम नाहती मोला गम होय सकत होतो जबा जरा उसीर काजी तुमीला पस्तावा होतो। 
\v 9 लेकिन अब मी खुस सेउ काहेका मीना पुढ़ा तुम्हिला दुखी नहीं करीसेव। लेकिन तुम्हरो उदासी ना तुम्हरो मन बदलन को मौका देवासेत। वोना दुखला परमेस्वर बवजासे, अना यो काजी कोनी नुकसान नही भयो। 
\v 10 काहेका परमेस्वर लक बवजनवारा उदासी को लाय दिल, मा एक बदलाव आवासेत जोन सूटकारा को कन जावासेत। अना वोमा कोनी पस्तावा नाहती। लेकिन वोच उदासी मानूस को मरन को कारन बनासेत। 
\v 11 चोवो परमेस्वर ना तुमरो यो उदासी लक का भयो, तुमी कितरो ईमानदार सेव, अना निरदोस सेव यो साबीत करन काजी असो भई सेत। तुम मा जोन गुस्सा अना पलटा लेवन को बिचार, भेव अना खूब जोस पैदा भयो तुमीना हरेक परकार लक दिसायो का तुम निरदोस सेव।
\p
\v 12 मंग मी ना जोन तुमला चिठ्ठी मा लिखयो होतो वोमा ना तो वोको कारन लिखयो होतो जोनना हानी करिसेत अना वोको कारन जोन पर अन न्याय भई सेत पर एकोलाय का तुमरो जोस जोन आमरो काजी सेत परमेस्वर को पुढ़ा चोव जाय, का तोरी भक्ती केतरी सेत। 
\v 13 योच कारन सेत का हमला सान्ती भेटिस। आमरो यो सान्ती अना तितुस को कारन लक खुसी यो दुई गोस्टी मिलके सबको दिल गदगद\f + \fr 7:13\fr*\ft खुसी\ft*\f* भई गयो। अना तुमी ना अखीन जीव ला लगत खुस कर दियो। 
\v 14 मीना तुमरो पर घमन्ड करयात, अना तुमीना मोला निरास नहीं करीसेव। हमेस अमीना तुमिला खरो सगिसेत, अना वसोच अमिना गरब करतत आमरो गरब करनो सहि सेत। अना तितुस ना जनमन सांगयो, तो यो गोस्टी खरो साबीत भयो। 
\v 15 जब वोला तुम सब को हेत आवासेत, का तुमी कसो हुकूम मानत होतो? आना, कसो डराय के अना थर्रा के वोको लक भेंट करियो, तो वोको पिरेम अखीन जादा बढ जावासेत। 
\v 16 मोला हरेक बातमा तुमरो पर पूरो भरोसा सेत यो गोस्टी लक मी लगत खुससेव।
\c 8
\p
\v 1 आमरो संगी भाऊ, आमी चाव्हासेजन, का तुमीला मालुम भई जाये का मकीदुनिया देस को कलीसिया मा परमेस्वर को कसो किरपा सेत। 
\v 2 उनना परेसान होय-होय के ना परिक्सा मा पास भई सेत। लेकिन वय लगत खुस होतिन, अना गरिब होवन को बाउजुद वय गजब दान करन वारा सेती। 
\v 3 उनको बारेमा मोरो यो गवाही सेत, का आपरो खुद को मरजी लक, जितरो उनको अवकात होतिन, वोको लक जादा देईन। 
\v 4 उनना आमरो लक बिनती करीन अना यहूदिया देसमा परमेस्वर को पवीतर लोकगीन को सेवा करनलाय अमीला भी मौका देव असो कव्हन लगीन। 
\v 5 यो आमरो समज लक जादा आस होतो, काहेका उनना पयले आपरो आप ला पिरभू ला दे देइन अना मघा, परमेस्वर को मरजी लक खुदला भी अमीला दे देइन। 
\v 6 एकोलाय हमीना तितुस लक बिनती करयो का, जोनना यो काम ला सुरू करया, अना एला चालू राखन काजी अना पिरेम लक यो सेवा ला पूरो करन लाय तुमरो मदद करीस। 
\v 7 पर जसो तुमी सक्ड़िया गोस्टी मा मजे भरोसा, बचन अना गियान मा अना हरेक परकार को जोस मा अना पिरेम मा बढसो वसोच यो किरपा को सेवा मा भी बड़तो जावो।
\p
\v 8 मी कोनी नवा नेम नहीं देवासू। पर मी यो चोवाय के परख को कोसिस मा सेव का दुसर लोक हुन ला कितरो जोस से, अना यो भी का तुमरो पिरेम मा कितरो दम सेत। 
\v 9 तुम आमरो पिरभु यीसु मसीह को किरपा जानासेव। का उ धनी होतो पर तुमरो काजी उ कंगाल भई गयो, जोन लक वोको कगांल होवन को कारन तुमी धनी भई जावो।
\p
\v 10 मोरो असो राय सेत का, बितो साल तुमीना जोन सुरू कियो होतो, नातो वोच काम करत होतो पर यो गोस्टी ला चाव्हन मा भी पयलो सेव। 
\v 11 एकोलाय अबा वा काम पूरो करो, का जोन ला करनलाय तुमी आपरो मरजी लक तैय्यार होतो वोला आपरो पूंजी को अनूसार करो। 
\v 12 यदि तुमरो मन तैय्यार सेत तो दान वोको अनूसार लेव लेने, जोन वोको कठासेत वाच पर जोन वोको कठा नाहती, तो वोको कोनी सवाल नाहती।
\p
\v 13 काहेका यो नही का दुसरो सुख अना तुम्हारो दुख को लाय नोको पर बरोबरी पर बिचार करो। 
\v 14 तुम्हारो धनी होवनो उनको कँगाली मा काम आये। जोन लक तुमी बरोबर भई जावो। 
\v 15 जैस का पवीतर गिरंथ कव्हसेत। “जोन ना लगत जमा करीन उ लगत नाहती।”
\p
\v 16 परमेस्वर को धनवाद हो, जोनना तुमारो लाय वोच जोस तितुस को दिल मा डाख दियो सेत। काहेका तुमी आमरो मदद कर रहयो सेव। 
\v 17 उनना सिरप आमरो बात राखिसेत, अना उ अपरो मरजी ला बढ़ाय के खुसी लक तुमरो कठा आवन को फैसला करिसेत। 
\v 18 आमी ना वोको संग उ भाऊ ला भी धड़यो से, जेनको नाव साजरो बारता को बारेमा कलीसिया मा फैलो हुया से। 
\v 19 अना इतरोच नही पर उ कलीसिया लक निवाड़ो गयो सेत। का यो दान को काम काजी आमरो संग जाय। आमी यो सेवा यो लाय करतत का पिरभू को महिमा अना दया लक आमरो मन को तैय्यारी सबको पुढ़ा परगट भई जाय।
\p
\v 20 आमी यो गोस्टी काजी चवकन्ना रव्हसेजन का यो सेवा को काम जोन आमी करसेजन, कोनी आमरो बदी नोको करनो पाय। 
\v 21 कायको लाय का जोन गोस्टी केवल पिरभू को कठा नही पर मानूसगिन को जवर भी सजरा सेत आमी वोचको चिन्ता करासेजन।
\p
\v 22 अमीना वोको संग आपरो भाऊ ला भी धाड़िसेजन। जोनला अमीना घडी-घडी परख के लगत गोस्टी मा अगाडी पायोसेजन अना वोला यो काम करन को हुलहुली\f + \fr 8:22\fr*\ft जोस\ft*\f* सेत। 
\v 23 अना कोनी तितुस को बारे मा पुसेत, तो उ मोरो संगी अखीन तुमरो लाय मोरो संग काम करनवारा पेरीत सेत, अना कोनी भाऊ गीन को बारेमा पुसेत, तो वय कलीसिया को कन लक धाडयो गयो मसीह को महिमा सेत। 
\v 24 अता आमरो पिरेम अना तुमरो बारे मा आमी जोन गरब करसेजन, कलीसिया मा पुरुप करो।
\c 9
\p
\v 1 अबा वोना सेवा को बारे मा जोन पवीतर लोकगीन काजी करयो जावासेत मोला तुमला लिखन को जरुरी नाहती। 
\v 2 काहेका मी तुमरो आतमा की तैय्यारी ला जानासु जेनको कारन मी तुमरो बारेमा मकिदुनिया का रहवन वालो को पुड़ा खूब घमंड लक देखासेऊ की अखया का लोक एक बरस लक तैय्यार भयो अना तुमरी खुसी न अखीन लगत स गीन ला बढाईसेस। 
\v 3 पर मीना भाऊ गीन ला एकोच लाई धाडिसेऊ का हमी न जोन घमंड तुमरो बिसय मा देखाईस उ एना गोस्टी मा कोनी मतलब को नोको रहवा पर जसो मीना कहीसेउ वसोच तुमी तैय्यार रव्हो। 
\v 4 असो नोको होवा का अदी कोनी मकिदुनिया\f + \fr 9:4\fr*\ft एक सहर को नाव सेत\ft*\f* को रहवन वालो मोरो संग आहे अना तुमला तैय्यार नही देखके त होय सकासे का एना भरोसा को कारन हमी यो नही कव्हजन का तुमरी बेईज्जती होय। 
\v 5 एकोलाय मीना भाऊ गीन लक या बिनती करन की जरूरी समझीस का वय पहेल लक तुमरो जवर जाहे अखीन तुमरो दयालूपन को फर जेनको बारे मा पहेल लक परन कियो गयो होतो।
\p
\v 6 पर गोस्टी असी से जो जरासो बोवसेत, उ जरासो च कापासेत, अना जोन लगत बोवासेत वा लगत कापेत। 
\v 7 हरेक झन जितरो मन मा ठानिसेत वा वोतरोच दान करे कुढ-कुढाय के अना दबाव मा दान नोको करो। काहेका परमेस्वर खुसी लक दान देवनवारा लक पिरेम करासेत। 
\v 8 परमेस्वर सब परकार को किरपा तुमला देव सकसेत। जोन लक हरेक बात मा हरेक बेरा मा, सबच काही जोन तुमला जरुरी सेत, तुमरो कठा रहेत अना हरेक साजरो काम काजी, तुमरो जवर लगत काही होहे। 
\v 9 जसो की लिखयो सेत,
\q1 वोना छितराई\f + \fr 9:9 \fr*\ft बाटी सेत\ft*\f* सेत वोना कंगाल गिनला दान देइसेस,
\q2 वोको धरम सदा लक बनो रहेत।
\p
\v 10 अता जोन बोनी करन वारा ला बीज अना जेवन को लाय पोडी देवसेत। उ तुमला बीज देहेत अना वोको मा फर आनहेत अना तुमरो धरम को फरला बढाहेत। 
\v 11 तुम हरेक बातमा सब परकार लक दयालूपन लाय जो आमरो लक परमेस्वर धनवाद करवासेत धनवान बन जावो। 
\v 12 काहेका यो सेवा ला पूरो करनो लक ना सिरप पवीतर लोकगीन को जरुरत पूरो होवासेत पर लोकगीन को कन लक परमेस्वर ला लगत सरो धनवाद होवासेत। 
\v 13 काहेका एना सेवा को परिनाम स्वीकार करके वय परमेस्वर की महिमा परगट करासेत का तुमी मसीह की साजरा बारता ला मानके वोको कन रहवा सेत अना वोकी अखीन सब पवीतर लोकगीन को सेवा करनो मा दयालूपन परगट करता रहवत होत्यो। 
\v 14 अना वय तुमरो लाई पिराथना करासेत अना एकोलाय का तुमी पर परमेस्वर को मोठो किरपा से तुमरी आस कराता रहवासेजन। 
\v 15 परमेस्वर वोको एना दान को लाई जोन हिसाब लक बाहेर लक धनवाद होहे।
\c 10
\p
\v 1 मी उ पौलुस जोन तुमरो पुड़ा गरीब सेव पर पाठ को मंघा तुमरो कन हिम्मत करके बिनती करासेऊ तुमला मसीह की कोमलता अना दयालुपन को कारन समझासेउ। 
\v 2 मी यो बिनती करासेऊ का तुमरो पुड़ा मोला बीना डर को होयके हिम्मत करनो नही पडे जसो मीना कोनी लोक गीन पर जोन हमरो देह को जसो चलन वालो समझसे हिम्मत देखावन को बिचार करासेऊ। 
\v 3 काहेकी अदी हमी देह मा चला सेजन फिरासेजन तोभी त देह को जसो नही लड सकत। 
\v 4 काहेकी हमरो झगड़ा को अवजार देहिक नही, पर किला गीन\f + \fr 10:4\fr*\ft किला बुराबिचार\ft*\f* ला चूरा-चूरा करन लाय परमेस्वर को कन लक ताकतवर सेत। 
\v 5 एकोलाय हमी कल्पना गीन अना हर एक ओरता गोस्टी को जोन परमेस्वर की ओरख के वोको विरोध मा उचली से खंडित करासेत अना हर एक बिचार ला कैद करके मसीह को हुकूम मानन वालो बनावसेत। 
\v 6 अखीन तैय्यार रव्हसे का जबा तुमरो हुकूम पूरो होय जाहे त हर एक पिरकार को हुकूम ला तोड़हेत त सजा देहेत।
\p
\v 7 तुमी वोनच गोस्टी गीन ला देखो जोन डोरा को पुड़ा से अदी कोनी को अपरो पर यो भरोसा होहे का मी मसीह को सेव त उ असो जानले का जसो उ मसीह को से वसोच हमी भी सेजन। 
\v 8 काहेकी अदी मी वोना अधिकार को बारे मा अना घमंड दिखावसू जोन पिरभू न तुमरो बिगाड़न को लाई नही पर बनावन लाई हमला देईसेस त बेइज्जती नही होवन देहू। 
\v 9 यो मी एको लाई कव्हासेऊ का चिठ्ठी कन लक तुमला डरावन वारा नही बनु। 
\v 10 काहेकी वय कव्हसेत वोकी चिठ्ठी त गहरो परभाव डाखन वालो से पर जबा उ पुड़ा होवासे त उ देह मा कमजोर अना बोलनो मा हलको मालूम पड़ से। 
\v 11 जोन असो कव्हसे उ यो समझ राखे का, जसो पाठ को मंघा चिठ्ठी गीन मा हमरो गोस्टी से वसोच तुमरो पुड़ा हमरो काम भी होहेत।
\p
\v 12 काहेकी हमी असी हिम्मत नही का, हमी अपरो आप ला उन मा लक असो काही को संग गीनन या उनला अपरो ला मिलाहे जोन अपरी साबासी खुदच करासेत अखीन अपरो आप आपसी तवल के एक दुसरो लक मिलके कम अक्ल ठहराहेत। 
\v 13 हमी त सिव मेंढो\f + \fr 10:13 \fr*\ft हद\ft*\f* लक बाहेर घमंड कबच नही करेत पर वोनच सिव मेंढो तकन जोन परमेस्वर न हमरो लाई ठहराइसेस अखीन उनमा तुमी भी आय गईसेव अना वोकोच जसो घमंड भी करो। 
\v 14 काहेकि हमी अपरो सिव मेंढो लक बाहेर अपरो आप ला बढावन नही चाव्हासे जसो का तुमरो तकन नही पहुचीनो की दहा मा होत्यो मसीह की साजरो बारता आयकावत होयो तुमरो तकन धाड़ी सेत। 
\v 15 हमी सिव मेंढो लक बाहेर दुसरो की मेहनत पर घमंड नही करेत पर हमला आस से का जसो-जसो तुमरो भरोसा बड़तो जाहे वसो-वसो हमी अपरी सिव मेंढो को जसो तुमरो कारन अखीन भी बढता जाबीन 
\v 16 ताकी हमी तुमरी सिव मेंढो लक पुड़ा बड़के साजरो बारता आयकबीन अना यो नही का हमी दुसरो की सिव मेंढो को अंदर बनया काम गीन पर घमंड करेत।
\p
\v 17 पर जोन घमंड करेत उ पिरभू मा घमंड करहे। 
\v 18 काहेकी जोन अपरी बड़ाई करासे उ मंजूर नही पर जेकी बढाई पिरभू करासे वोलाच अपनायो जासे।
\c 11
\p
\v 1 अदी तुमी लोकगीन मोरी जरासी कम अक्ल\f + \fr 11:1\fr*\ft मुरखपन\ft*\f* ला सह लेतो त का साजरो भय जातो हव मोरी सह भी लेवने। 
\v 2 काहेकी मी तुमरो बिसय मा परमेस्वर की खूब धुन मा लगयो रव्हा सेऊ एकोलाय का मीना एकच मानूस लक तुमरी पक्की करी सेउ, का तुमीला पवीतर कुवारी को जसो मसीह ला सोप देहू। 
\v 3 पर मी डरावा सेव का जसो सरप\f + \fr 11:3 \fr*\ft सैतान\ft*\f* न अपरी चलाकी लक हव्वा\f + \fr 11:3 \fr*\ft सप्पा मानूस गीन को माय\ft*\f* ला बहकायो वसोच तुमरो आतमा वोना सीधो अना पवीतर लक जोन मसीह को संग रव्हनो चाव्हसे कदी खराब नोको कर दे। 
\v 4 अदी कोनी तुमरो जवर आयके कोनी दुसरो यीसु को परचार करयेत जेनको परचार हमी ना नही करयो कोनी अखीन आतमा तुमला मिलहेत जोन पहेल नही मिलयो होत्यो अना कोनी साजरो बारता आयकावत जेनको लक तुमी न पहेल नही मानयो होत्यो त तुमी वोला सह लेवासो।
\p
\v 5 मी त समजाय सेऊ का मी कोनी गोस्टी मा मोठो पेरीत गीन\f + \fr 11:5\fr*\ft चेले लोग\ft*\f* लक कम नही सेव। 
\v 6 अदी मी बोलनो मा अनाड़ी सेव, तबच अक्ल मा नही, हमी न एको हर एक गोस्टी मा सबच पिरकार लक तुमरो लाई परगट करीसेजन। 
\v 7 का एको मा न कोनी पाप करी सेजन का मीना तुमला परमेस्वर की साजरो बारता फुकट आयकावइस अना अपरो आप खाल्या करीस का तुमी वोरता होय जाव? 
\v 8 मीना दुसरी कलीसिया गीन ला लूटयो अना मीना उनको लक मजदुरी लियो ताकी तुमरी सेवा करू। 
\v 9 अना जबा मी तुमरो संग होतो अना मोला कमी भई त मीना कोनी पर बोझ नही डाकयो काहेकी भाऊ गीन न मकीदुनिया लक आयके मोरी कमी ला पूरो करियो अना मीना हर गोस्टी मा अपरो आप ला तुमरो पर बोझ बनन लक रोखीस अना 
\v 10 अदी मसीह को खराई मोरो मा सेत, तो अखया छेतर मा कोनी मोला यो गरब करन लाय नही रोखेत। 
\v 11 कायको लाय? काय, एकोलाय का तुमरो लक मी पिरेम नही राखसू? परमेस्वर जानासेत का मी पिरेम राखासू।
\p
\v 12 पर जोन मी करासू वोच करत रव्हिन, का जोन लोकगीन डाव ढूढसेत, उनला डाव नोको मिल्हेत जोन लक, जोन गोस्टी मा वय गरब करासेत, वोमा वय आमरो बरोबर ठहरेत। 
\v 13 कायका असो लोक झूठो पेरीत अखीन छल बल करनवारा अना मसीह को पेरीत को रुप धरनवारा सेत 
\v 14 यो काही अचंभा को गोस्टी नाहती, काहेका सैतान भी खुदच जग मंग तो सरगदूत को रुप धरसेत। 
\v 15 एकोलाय अदी वोको सेवा करनवारा, धरम को दास जसो रुप धरेति तो कोनतो मोठी गोस्टी सेत। पर उनको आखीर उनको काम को अनूसार होयेती।
\s पेरीत को रुप मा पौलुस को दुख काटनो
\p
\v 16 मी अखीन सांगसू कोनी मोला एड़ा नोको समझे नही तो एड़ा च समझ के मोरो सह लेव जेनको लक मी गरब कर सुक। 
\v 17 असो भरोसा लक मी बेधड़ाक गरब करके ना जो काही कव्हसू, उ पिरभू को हुकूम को अनूसार नही, पर मान लेव मोरो अठ्ठियापन लक मी कव्हसू 
\v 18 तर गजब मानूस गीन देह को अनूसार गरब करासेत तो मी भी करासू। 
\v 19 तुमी भी अक्कलवर सेव, पर खुस होयके अठ्ठियागीन को सहसेव। 
\v 20 काहेका जबा कोनी तुमला गुलामी करावा सेत, खाय जावासेत, आपरो जालमा फसा लेवासेत। अना आपरो आप ला मोठयो साबीत करासेत, या तुमरो तोन्ड मा झापड़ मारासेत, अना तुमी सहन कर लेवासो, 
\v 21 मानलेव आमी कमजोर सेजन एकोलाय आमी तुमरो बेइज्जति करासेजन,
\p पर मी कम अक्ल वारा मोठो हिम्मत करके साँगा सेऊ 
\v 22 का वोच इबरानी सेत, मी भी सेव? का वोच इसरायली सेत, मी भी सेव? का वोच अबराहम को खानदान को सेत मी भी सेव? 
\v 23 का वोच मसीह को दास सेत? मी बैताड को जसो कव्हसू मी उनलक मोठयो सेव। जादा मेहनत करनो मा, बार-बार जेल जानो मा, कोडा लक मार खानो मा, बार-बार मरते-मरते बचनो मा, 
\v 24 पाँच बेरा मीना यहूदिगीन को हात लक एक उनचाडिस कोड़ा मार खायो। 
\v 25 तिन बार मीना बेत लक मार खायो, एक बार मोला गोटा लक मार पडयो, तीन बार जोन जहाज मा बस्यो होतो वोच टूट गयो। एक रात दिवस मी ना सगर मा काटयो। 
\v 26 बार-बार यातरा मा नदी को जोखिम मा डाकुगीन को जोखिम मा, आपरो जातवाहि को जोखिम मा, परजात को जोखिम मा, नगर को जोखिम मा, जंगल को जोखिम मा, सागर को जोखिम मा, झूठ बोलन वारा भाऊगिन को जोखिम मा रव्हो। 
\v 27 मेहनत अखीन दूख मा, बार-बार जगनो मा, भूखओ अना तहान रव्हनो मा, बार-बार उपासी रव्हन मा, थंड मा, उघाडो रव्हनोमा, 
\v 28 अना लगत गोस्टी जोनला मी सागंनो नही चाव्हसू, सब कलीसिया हुन को फिकर, मोला राती-दिवस सतावा सेत, 
\v 29 कोनी को कमजोरी लक मी कमजोर नही होवासू, कोनी को ठोकर खावन लक मोरो जीव नही दुखसेत।
\p
\v 30 अदी गरब करनो जरुरी सेत, तो मी आपरो कमजोरी पर गरब करहीन। 
\v 31 पिरभू यीसु को परमेस्वर बाबूजी सदा धन्य सेत। उ जाना सेत का मी खोटो नही सागसू। 
\v 32 दमिसक नगर मा अरितास राजा को कन लक जोन राजपाल होत्यो, उ मोला धरान काजी दमिस्क नगर मा पहेरा लगा दियो होतो। 
\v 33 अना मी डलिया मा खिड़की लक सहेर को दिवाल मा लक खाल्या उतारो गयो अखीन मी बच गयो।\fig सहेर को बेसकुड़ अखिन परकोट मा धसनो|alt="Entrance to the city gate and wall" src="HK00238C.TIF" size="col" copy="Horace Knowles ©" ref="11:32"\fig*
\c 12
\s पौलुस ला चमत्कारी दरसन मिलनो अना कमजोर होवनो
\p
\v 1 मँग गरब करनो मोरो काजी सजरा नाहती, मँग करनो पड़से। एकोलाय मी पिरभू ना जोन दरसन देइसेत वोको बारे मा तुमीला सांगसू, 
\v 2 मी मसीह मा एक मानूस ला जानासू, चवदा बरस बित गयो, का मालुम देह समेत, का बिन देह को, परमेस्वर जानासे; असो मानूस तिसरो सरग\f + \fr 12:2\fr*\ft बादल मा\ft*\f* मा उचल लियो गयो। 
\v 3 मी असो मानूस ला जानासू ना जाने देह समेत, ना जानेह बिन देह को, परमेस्वर जानासे 
\v 4 का सरग लोक मा उचल लियो गयो अना असो गोस्टी आयकियो जोन सांगन को नही; अना वोला तोन्ड मा आननो साजरो नाहती। 
\v 5 असो मानूस पर तो मी गरब करासू पर आपरो पर आपरो कमजोरी ला छोड़, आपरो बारे मा गरब नही करन को। 
\v 6 काहेका अदी मी गरब करनो चाव्हू तो मी मुरख नही सेउ, काहेका मी खरो सांगसू, ता भी रुक जावासू, असो नोको होव्हे का जसो कोनी मोला चोवसेत या मोरो लक आयक सेत; मोला वोको लक मोठयो समझे।
\p
\v 7 एकोलाय का मी दरसन को लगत गोस्टी मा कही गरब लक फूल ना जाऊ, एकोलाय मोरो देह मा एक काटा गडायो जावासेत, मजे सैतान को एक दुत मोला मुक्का मारहेत\f + \fr 12:7 \fr*\ft परेसान करासेत\ft*\f*, जोन लक मी घमंड नही करू। 
\v 8 एको बारेमा मीना पिरभू लक तीन बार बिनती करिसेऊ, का यो मोरो लक दूहुर भई जाय। 
\v 9 पर वोना मोरो लक सँगीस, “मोरो किरपा तोरो लाय गजब सेत, काहेका मोरो ताकत कमजोरी मा च चोवासेत यो काजी मी खुसी-खुसी लक आपरो कमजोरी पर गरब करबिन का मसीह को ताकत मरो पर सवली करत रव्हे।” 
\v 10 योच कारन मी मसीह को लाय कमजोरी मा अना निन्दा मा, अना गरिबी मा, अखीन उपदरा मा, अना दुखमा खुस रव्हसू। काहेका जबा मी कमजोर होवासू तबच मी बलवान होय जावासू।
\s कुरुन्थी को कलीसिया सँठी पौलुस को चिन्ता
\p
\v 11 मी मुरख तो बन गयो, पर तुमी ना मोला मुरख बनन काजी बेबस करीसेव। तुमला तो मोरी बडाई करनो होत्यो, काहेकि अदी मी काही भी नही सेव, ताभि मी उन मोठो लक मोठो पेरीत गीन लक काही गोस्टी मा कम नही सेव। 
\v 12 पेरीत को गुन भी तुमारो बीच मा सब परकार लक धिरज धरके निसान अना अचँभा काम, अना ताकत को काम तकन चोवायो गयो। 
\v 13 तुम कोनतो गोस्टी लक दुसरो कलीसिया लक कम होता। बस एतरो का मीना आपरो भार तुमरो पर नही डाकयो। मोरो यो अन्याय ला छिमा कर देव।
\p
\v 14 चोवो, मी तिसरो बार तुमरो कठा आवन काजी तैय्यार सेव। अना मी तुमरो पर कोनी खरचा नही राखनवारा सेव। काहेका मी तुमारो करजा नही पर तुमला चाव्हसू। काहेका माय बाप लेकराहुन को पूरो खरचा सहवसेत, पर लेकरा नही। 
\v 15 मी तुमारो आतमा लाय खुसी-खुसी खरच कर हिन, वरन मि खुद भी खरच भई जाहिन। का मी जितरो जादा तुमरो लक पिरेम करासू, ओतरो च कम रुप लक तुमी मोरो लक पिरेम राखना? 
\v 16 असो होय सकसेत का मीना तुमरो पर बोझा नही डाकिसेऊ, पर चलाकी लक तुमला धोका लक फस लेईसेऊ। 
\v 17 भला मीना जोन ला मीना तुमरो कठा धाडिसेऊ, का कोनी को लक तुमला चुथिया बनाके ना काही लेइसेऊ? 
\v 18 मीना तितुस ला समझाके ना वोको संग मा एक भाऊ धाडिसेऊ, तो का तितुस ना तुमला चुथिया बनाके काही माँगीसेस? का आमी एकच आतमा को चलाय नही चलबिन? का आमी एक लाईन लक नही चलबिन?
\p
\v 19 तुमी अबा तकन समझ रहया होव्हो क अमीना जवाब देइसेत, अमी तो परमेस्वर ला हाजिर जानके ना मसीह मा संगसेजन, अना वो मोरो चहेतो लोक हुन, यो सब गोस्टी तुमरोच उन्नती साठी संगसेजन। 
\v 20 काहेका मोला असो भेव सेत, का कदी असो तो नही भई जाय, का मी आय के ना जसो मी तुमी ला चोवनो चव्हासू वसो तुमी मोला नही भेटयो, अना तुमरो मा लडाई रार जलन चुगली अना गरब होहे। 
\v 21 अना कदी असो ना भई जाय का मोरो परमेस्वर मोला तुमरो कठा आवन काजी मंग मजबुर करे। अना तुमरो लाय मोला दुख उठानो पडहेत। जोनना पयले पाप कियो होतो, अना खोटो करम, अना दुसरो संग सोवनो को पाप अना वय अबा भी पाप लक मन ला हटाव नही भयो सेत।
\c 13
\s आखरी चेतावनी अना बधाई
\p
\v 1 अबा मी तिसरो बार तुमी लोकगीन कना आवासू दुई या तीन पुरुप को संग हरेक गोस्टी को निवारन\f + \fr 13:1\fr*\ft न्याय\ft*\f* होहेत। जसो का पवीतर गिरंथ कव्हसेत। 
\v 2 जसो मी जबा दुसरो बार तुमरो संग होतो। वसोच अबा दुहुर लक, उन लोकगीन ला जोन ना पाप करिसेत अना तुमी सबला मी सांगसू, का मि आहिन तो तुमरो खैरियत नाहती। 
\v 3 काहेका तुमी तो असो गोस्टी को सबुत माँगसेव। का मसीह मोरोलक गोस्टी करासे, जोन तुमरो काजी कमजोर नही पर तुममा ताकतवर से। 
\v 4 उ कमजोरी को कारन कूरूस मा चघायो, पर उ परमेस्वर को ताकत लक जित्तो से। आमी भी ओमा कमजोर सेजन। पर परमेस्वर को ताकत लक जोन तुमरो लाय सेत, वोको सँग जित्तो रव्हबिन।
\p
\v 5 आपरो आप ला परखो, का भरोसा मा सेव का नही। आपरो आप ला जाँच लेव। का तुमी आपरो बारे मा यो मालुम नाहती का यीसु मसीह तुमरो मा सेत? नही तो तुमी जाच मा निकम्मा हिटासेव। 
\v 6 पर मोरी आस असो सेत का तुमिला मालुम भई जाय का आमी निकम्मो\f + \fr 13:6 \fr*\ft बेकाम को\ft*\f* नाहती। 
\v 7 आमी आपरो परमेस्वर लक असो पिराथना करीसेजन, का तुमी कोनी बुराई नोको करो। लोकगीन ला साजरा चोवन काजी नही पर एकोलाय तुमी भलाई को काम करो का चाहे कोनी अमीला नाव धरेत यो मंजूर सेत आमी भलाई च करबिन। 
\v 8 काहेका हमी खराई को बिरोध मा काही नही कर सकत पर सच को काजी कर सका सेजन। 
\v 9 जबा हमी कमजोर सेजन अना तुमी ताकतवर सेव, ता आमी खुस होव्हसेजन, अना यो पिराथना भी करासेजन की तुमी मजबुत होय जावो। 
\v 10 यो कारन मी तुमरो गयर हाजीर मा यो गोस्टी लिखासेऊ की हाजिर होयके मोला ओना हक को जसो जोनला पिरभु ना बिगाड़न को साठी नही पर बनावन को साठी मोला दियो से, कड़ाई लक काही करनो नही पड़ेह।
\p
\v 11 एकोलाय अगो भाऊ खुस रव्हो! साजरो पक्को बनतो जावो अना धिरज राखो। एक बिचार राखो, मिलाप लक रव्हो! पिरेम अना सान्ती देवन वारा, परमेस्वर तुमरो संग होहेत।
\p
\v 12 एक दुसरो ला पिरेम लक पवीतर नमस्कार करो!
\p
\v 13 परमेस्वर को पिरेम लक सबा पवीतर लोक तुम्हिला पिरभू यीसु मसीह मा नमस्कार कव्हसेत 
\v 14 पिरभू यीसु मसीह को किरपा अना परमेस्वर को पिरेम अना पवीतर आतमा को संगति तुम सक्कडया\f + \fr 13:14 \fr*\ft सप्पा\ft*\f* लोक को सग होत्यो रव्हे आमीन!