\id 1TI - Powari Standard Project
\ide UTF-8
\h 1 तीमुथियुस
\toc3 1 तीमुथियुस
\toc2 1 तीमुथियुस
\toc1 तीमुथियुस को नाव पौलुस को पहेलो चिठ्ठी
\mt2 तीमुथियुस के नाव पौलुस का प्रथम पत्र
\mt1 तीमुथियुस को नाव पौलुस की पहेलो चिठ्ठी
\imt परिचय
\ip 1 तिमोथी को किताब, पेरीत पौलुस को कन लक से ओको चेला तिमोथी ला लिख्यो गयो एक चिठ्ठी से। 1 तिमोथी सायद मसीह को जलम को लगभग 62-64 साल मंघा लिख्यो गयो होतो। यो पौलुस को जिंदगी खतम होनको कठा होवतो। पौलुस को तीमुथियुस को संगा घनो नातो होतो। अना ओना उनला कई गन लेकरा को रुप मा संबंधी करयो गयो। \xt फिलिप्पियो 2:22;\xt* \xt 1 तीमुथियुस 1:2; 1:18\xt*
\ip यो पौलुस को चार चिठ्ठी मा लक एक से जो एक चरच को बजाय एक मानूस ला नाव ला लेवासे। अखीन तीन चिठ्ठी 2 तीमुथियुस, तीतुस अना फिलमोन सेत। 1 तीमुथियुस मा कलीसिया को उपासना \xt 2:1-15\xt* चरच को पेरीत गीन को लाई काबिलता \xt 3:1-13\xt* झुठो गुरूगीन को विरोध मा चितावनी को लगत सारो हुकूम सामिल से \xt 1:3-11; 4:1-5; 6:2-5\xt* यो चोवासे का चरचगीन को बीच पौलुस एक नेता होवन को लाई तीमुथियुस ला कसो सीकायो रह्यो होतो। 1 तीमुथियुस मा कई मत सेत जोन जवर चरच को मंतरी गीन को बेयवस्था करन को लाई आमरो दिन मा चरच को नेतागीन को मदद कर सकासेत।
\iot रूपरेखा
\io1 1. पौलुस तीमुथियुस ला नमस्कार करके सुरु होवासे। \ior 1:1-2\ior*
\io1 2. मंग उ तीमुथियुस लाखो गुरूगीन को बिरोध मा चितावसे। \ior 1:3-11\ior*
\io1 3. पौलुस यो सांगके चलासे का यीसु मसीह को लाई उ केतरो आभारी से। \ior 1:12-19\ior*
\io1 4. अगलो उ पूजा अना चरच को नेतागीन को बारे मा तीमुथियुस ला हुकूम देवासे। \ior 2—3 \ior*
\io1 5. पौलुस ना तिमोथी ला काही आखरी हुकूम देयके आपरो चिठ्ठी पुरो करीसेस। \ior 4—6 \ior*
\c 1
\s अभिवादन
\p
\v 1 पौलुस ला अखिन जोन हमरो पाप मोचक परमेस्वर अना हमारो आस को अधार मसीह यीसु को हुकूम लक मसीह यीसु को पेरीत से। 
\v 2 तीमुथियुस को नाव जोन बिस्वास मा सच्चो टूरा से परमेस्वर अजी अना हमरो पिरभु मसीह यीसु को कन लक तोला आसीरवाद अना दया अखीन सान्ती मिल रहीसे।
\s झुठो सिक्सागीन को बिरोध मा चेतावनी
\p
\v 3 जसो मीना मकीदुनिया जतो बेरा तुमला समझयो होतो का इफिसुस मा रहेके कोनी लोक गीन ला हुकूम देवजोस का खोटो सिक्सा नोको देवजोस। 
\v 4 अना वय कहानी गीन अना कबच न खतम होवन वारो खानदान पर मन नोको लगावना जेनको लक झगड़ा राड होवासे अना परमेस्वर को वोनो इन्तेजाम को जसो नही जोन बिस्वास पर बनायो हुयो से वसोच मी कव्हसू। 
\v 5 हुकूम को सार यो से का सुध्द अना सच्चो दिल, अना साजरो सच्चो अक्कल अखीन बीना कपट को बिस्वास लक पिरेम चोवाइस। 
\v 6 इनला छोड़के केतरा लोकगीन बकवास को कना भटक गईन, 
\v 7 अना मोसे को नियम को गुरु होवन चाव्हत होतीन, पर जोन गोस्टी कव्हत अना जिनको पिक्को रुप लक साँगत होतीन, उनला समझत भी नही।
\p
\v 8 पर आमी जानत होता की अदि कोनी मोसे को नियम को साजरो रिति लक काम मा आनत होतीन ता उ भलो से। 
\v 9 यो जानके की मोसे को नियम न्यायी जन को साठी नाहती पर अधरमी गीन, बेलगाम महुन, बिन भक्तिवारा, पापी गीन, अपवितर गिन अना असूध्द मानूसगिन, माय बाबुजीगीन ला मारन वालो, जान लक मारनवालो, 
\v 10 छिनरा करनवालो, मरद सँगा खोटो काम करन वालो, मानूस ला बिकनवालो, झुठो बोलनवालो ना झुठी किरया खानवालो, अना ऐको अलावा खरो उपदेस को सब विरोध करनवारा को साठी ठहरायो गई से। 
\v 11 योच महान धन्य परमेस्वर को महिमा को ओना साजरो बारता को जसो से जोन बिस्वास मोला सौपयो गयो से।
\s किरपा को साठी धनवाद करनो
\p
\v 12 मि आपरो पिरभु यीसु मसीह को जोन ना मोला ताकत देईसेस, बिनती करुसेऊ की ओना मोला बिस्वास लायक समझ के आपरो सेवा को साठी ठहराईसेस। 
\v 13 मि ता पुढ़ा बिरोध करनवालो अना सतावन वालो अना अँधेर करनवालो होतो; एको पर भी मोरो पर किरपा भयी, काहेकि मिना अबिस्वासी को दसा मा बिन समझे बुझयो यो काम कियो होतो। 
\v 14 अना आमरो पिरभु को किरपा ओना भरोसा अना पिरेम को सँगा जोन मसीह यीसु मा से, लगत रिती लक भयो। 
\v 15 यो गोस्टी खरो अना सब रीती लक बिस्वास को काबिल से की मसीह यीसु पापी गीन को सुटकारा देवन काजी दुनिया मा आयो, जोन मा सब लक मोठो मि सेऊ। 
\v 16 पर मोरो पर एकोलाई दया भई का मोला सबच लक मोठो पापी मा यीसु मसीह अपरो पूरी धीरज लक देखो का जोन लोक वोनो अमर जीवन को लाई बिस्वास करो मी उनको लाई मी एक नमुना बनू। 
\v 17 अबा अमर सनातन राजा अना कबच नास नही होवन वालो, जेनला चोवनो मा नही आयो, एकच परमेस्वर को मान अखिन महिमा जुग-जुग होवती रव्हे। आमेन।
\p
\v 18 अरे टूरा तीमुथियुस उन भविस्यवक्ता गीन को जसो जोन पहेल तोरो बिसय मा करी गई होती मी यो हुकूम सोपसेऊ का तु उनको जसो साजरी लडाई ला लडता हुया बुराई को सामना कर। 
\v 19 अना बिस्वास अखिन वोना साजरो अक्कल ला थामो रहवो जोनला दुहुर करन को कारन केतरो गीन को बिस्वास रूपी जहाज डुबू गयो। 
\v 20 उनको मा लक हुमिनयुस अना सिकन्दर राजा से जेनला मीना सैतान ला सोप दिया सेजन का उ परमेस्वर की निन्दा-बदी करन को नही सीके।
\c 2
\s पिराथना को बारेमा हुकूम
\p
\v 1 अबा मी सबच लक पयले यो बिनती करासेऊ का पिराथना अना बिनती अखिन धन्यवाद सब मानूस गीन को लाई करयो जाहे। 
\v 2 राजा गीन अना सबच उच्चो पदवारा गीन ला नेमत एकोलाई का हमी आराम अना चैन को संग सारी भक्ती अना घंभीर रुप लक जीवन बिताहेत। 
\v 3 यो हमरो सुटकारा देवन वालो परमेस्वर ला साजरो लगासे अना भावासे। 
\v 4 जोन यो चाहवसे का सब मानूस गीन को सूटकारा होहे अना वय खराई ला साजरो लक चिनलेहेत। 
\v 5 काहेकी परमेस्वर एकच से अखिन परमेस्वर अना मानूस गीन को बीच मा भी एकच महाती से अना मसीह यीसु जोन मानूस से 
\v 6 जेनको लक अपरो आप ला सबच सूटकारा को दाम मा दियो जाहे अखिन वोकी गवाही सही बेरा देहि जाहे। 
\v 7 मी सच्चो कव्हसू झुठो नही बोलू का मी एना सिक्सा लक परचार अना पेरीत अखिन गैरयहुदीगीन को लाई बिस्वास अना सच्चाई की सिक्सा ठहरायो गई सेऊ।
\p
\v 8 एकोलाई मी चाहव सेऊ का हर जगह मानूस बिगर गुस्सा अना झगड़ा को, पवीतर हात ला उचलके पिराथना करो। 
\v 9 वसोच आई-माई भी बीना बिचार अना संयम लक संग सुहावनो कपरा लक अपरो आप ला तैयार नही का केस गुथनो अना सोनो अखिन मोती गीन अना किमती कपरा लक। 
\v 10 पर साजरो काम गीन लक, काहेकी परमेस्वर की भक्ती करन वारो आई-माई गिन लाय योच साजरो सेत। 
\v 11 आई-माई ला उगो-मुगो पुरो दुसरो को बस मा रहेके सीकनो चाहिसे। 
\v 12 मी कव्हसेऊ का आई-माई न सिक्सा देहे नही मरदमाना गीन पर हुकूम चलाहेत पर उगी-मुगी रव्हे। 
\v 13 काहेकी आदम पहेल वोको मंग हव्वा बनाई गईसे। 
\v 14 अना आदम बहेकायो नही गईसे पर आई-माई बहेकावनो मा आयके गुना भईसे। 
\v 15 तबच आई-माई लेकरा बारा पैदा करनो लक सुटकारा पाहे अदी वा संयम लक बिस्वास पिरेम अना पवितरपन मा ठैयराइ सेस।
\c 3
\s कलिसिया को मुखिया
\p
\v 1 या गोस्टी बिस्वास काबिल से का जोन मुखिया होवनो चाव्हसे उ साजरो काम की आस करासे। 
\v 2 यो जरूरी से का कलिसीया को मुखिया निरदोस अना एकच बायको को नवरा संयमी, सुन्दर आदर मान भाव करन वालो अना सिस्टा चारी सिकानो मा पक्को होय। 
\v 3 दरवा अना मारपीट करनवालो नही होहे पर साजरो मानूस होहे अना झगड़ालु अखिन लालची नोको होहे। 
\v 4 अपरो घर को साजरो देख-रेख करतो होहे अना अपरा लेकरा-बारा ला साजरी गम्बीरता लक अपरो बसमा राखतो होहे। 
\v 5 जबा कोनी अपरो घर की देख-रेख करनो नही जाने त परमेस्वर की कलीसिया की देख-रेख कसो करहे। 
\v 6 मंग असो का नवतो चेला नही होहे घमंड करके सैतान को जसो डन्ड पाहे। 
\v 7 अखिन बाहेर वारा गीन मा भी वोको साजरो गवाही होहे असो नही होवा का निंदा-बदी करके सैतान को जाल मा फस जाहे।
\s कलीसिया मा सहायक
\p
\v 8 वसोच दास गीन ला गम्भीर होवनो चाहिसे दोरंगी दरवा अना हराम की कमाई को लोभी नही होहे। 
\v 9 पर बिस्वास को भेद ला सुध्द अक्कल लक राखे। 
\v 10 अना यो भी पहेल परख को मघा तबा अदी निरदोस हिटे त दास को काम करहे। 
\v 11 एना परकार लक आई-माई ला भी गम्भीर होवनो पाहिजे लान-छान लगावन वारो नही होहे पर जगाहेत अना सबच गोस्टी गीन मा बिस्वास काबील होहे। 
\v 12 दास एकच बायको को नवरा होहे अखिन लेकरा-बारा अना अपरो घर गीन ला साजरो लक देख-रेख करनो जाने। 
\v 13 काहेकि जोन दास को काम साजरी तरह लक कर सकासे उ अपरो लाई साजरो पद अना वोना बिस्वास मा जोन मसीह यीसु मा से मोठो हिम्मत पाहे।
\s मोठो राज
\p
\v 14 मी तोरो जवर जल्दी आवन की आस राखनो पर भी या गोस्टी तोला एकोलाई लिखीसेऊ। 
\v 15 अदी मोरो आवनो मा उसीर होहे त तु जान लेवजोस का परमेस्वर को घर मा जोन जित्तो परमेस्वर की कलीसिया से अना जोन खराई को खम्बा अखिन नीव से कसो बरताव करनो पाहिजे। 
\v 16 एको मा सक नहाय का भक्ति को भेद गम्भीर से अना
\q1 उ जोन हिरदय मा परगट भईसे,
\q2 आतमा ना सच्चो अना धरमी ठहरायो,
\q2 सरगदूत गीन ला चोवाईस गैरयहुदी लोक गीन मा,
\q1 वोको परचार भयो संसार मा,
\q2 वोको बिस्वास करयो गयो अना,
\q2 महिमा मा वोरता उठायो गयो।
\c 4
\s खोटो सिक्सक
\p
\v 1 पर आतमा ला साजरो लक चोयके कव्हसे का अना आवन वालो बेरा मा केतरा लोक भरमावन वारो आतमा गीन अखिन बुरो आतमा की सिक्सा गीन पर मन लगायके बिस्वास लक बहेक जाहे। 
\v 2 यो वय झुठो मानूस गीन को कपट को कारन होहे जेनको अक्कल मानो गरम हुयो सरिया लक आकयो गयोसे। 
\v 3 जोन बिहा करन लक रोखेत अना जेवन की कोनी चीज गीन लक परे रहवन को हुकूम देहेत जीनला परमेस्वर ना यो काजी बनाइसेत का बिस्वासी खराई ला ओरखन वालो उनला धन्यवाद को संग खाय। 
\v 4 काहेकी परमेस्वर लक बनयो सब चीज साजरी से अना कोनी चीज ला नही पायो जाहे। 
\v 5 काहेकि परमेस्वर को बचन अना पिराथना लक पवीतर भय जासे।
\s यीसु मसीह को साजरा सेवक
\p
\v 6 अदि तु भाऊ गीन ला एनो गोस्टीहुन की सुधि देतो रहेत ता मसीह यीसु को साजरो दास ठहराहे अना बिस्वास अना वोना साजरी सिक्सा की गोस्टी लक जोन तु मानतो आइसेस तोरो पालन होवतो रहेत। 
\v 7 पर बुरी आतमा अना डोकरागिन की कथा-कहानी गीन लक अगल रहवो अना भक्ती बलिदान करो। 
\v 8 काहेकी तन को योगा लक कम फायदा होवासे पर भगती सबच गोस्टी गीन को लाई फायदा देनवालो से काहेकी एना बेरा का अना आवन वालो जीवन की परन एकोच लाईसे। 
\v 9 या सिक्सा सच्ची अना हर पिरकार लक बिस्वास करन जोगसे। 
\v 10 काहेकि हमी महेनत अना जतन एकोच लाई करासेजन का हमारो आस वोना जित्तो परमेस्वर पर से जोन सबच मानूस गीन को अना खुद अपनाके बिस्वासी गीन को सुटकारा करासे।
\p
\v 11 एना सिक्सा को हुकूम देव अना सिकावता रहवो। 
\v 12 कोनी तोरी जवानी ला हलको नही समझ पाहे पर बचन अना चाल-चलन अना पिरेम अखिन बिस्वास अना पवितर पन मा बिस्वासी गीन को लाई नमूना बन जाव। 
\v 13 जबा तकन मी नही आहू तब तकन बाचनो अना सिक्सा देवनो अना सिकावन मा उन्नती करो। 
\v 14 वोनो बरदान को लाय जोन तोरो मा से अना भविस्यवक्ता गीनको कन लक सयानो गीन को हात रखत बेरा तोला मिलयो होतो, लापरवाही नोको कर। 
\v 15 एना गोस्टी गीन सोचत रहवो अना इनको मा अपरो धयान लगायके रहवो त तोरी मान बढाई सबच पर परगट होहे। 
\v 16 अपरी अना अपरो सिक्सा की देख-रेख एना गोस्टी गीन पर अटल रहेत काहेकि अदि असो करतो रव्हबीन त तु अपरो अना अपरो आयकान वालो गीन को सुटकारा को कारन बनजोस।
\c 5
\s दुसरो को लाय करतब
\p
\v 1 कोनी बुजुरुग ला नोको डाटजोस, पर वोला अजी समझ के आदर समेत समझाजोस, वसोच जुवान गीनला भाऊ समझके समझाजोस। 
\v 2 सयानो आई-माई की माय समझके अना जुवान आई-माई गीन ला पवितर नजर लक बहिन समझके समझाय देवो।
\p
\v 3 वय बेवा गीन ला जोन सहि मा बेवा सेत वोकी मान-समान करो। 
\v 4 अदि कोनी बेवा का लेकरा अना नाती पोता होयेत त पहेल वय अपरोच खानदान को संग मा भक्ति को व्यवहार करना अखिन अपरो माय-बाप अदि ला उनको हक देवनो सिकेत काहेकि यो परमेस्वर ला साजरो लगासे। 
\v 5 जोन सहि मा बेवा से अना वोको कोनी नही उ परमेस्वर पर आस राखीसेस अना रात-दिवस बिनती अखिन पिराथना मा मगन रहवसे। 
\v 6 पर जोन अइयासी मा पड गई वा जित्तो रव्हनो मा मरो जसो सेत। 
\v 7 एना गोस्टी गीन ला भी हुकूम दियेके ताकी निरदोस रहेत। 
\v 8 पर अदि कोनी अपरो की अना निज करके अपरो परिवार की चिन्ता नही करे त उ बिस्वास लक मुकर गईसे अना अबिस्वासी लक बुरो बन गयो।
\p
\v 9 वोना बेवा को नाव लिखो जाहे जोन साठ बरस लक कम की नही होहे अना एकच नवरा की बायको रही रव्हे। 
\v 10 अना साजरो काम मा नामी रही रव्हे जेना न लेकरा गीन को लालन-पालन करी रहेस पावना गीन की सेवा करी रहेस पवीतर लोक गीन का पाय धोई सेस दुखी गीन मदद करीसेस अखिन हर एक को साजरो काम मा मन लगाई सेस।
\p
\v 11 पर जुवान बेवा गीन को नाव नोको लिखना काहेकी जबा वय मसीह को बिरोध करके सुख-विलास मा पड जासेत त बिहा करनो चाहवसेत। 
\v 12 अना दोसी तय करासेत काहेकि उनना अपरो पहेल बिस्वास ला छोड़ देईसेत। 
\v 13 एको संग-संग वय घर-घर हिंडके आलसी होवनो सिकासेत अना बल्की आलसी नही पर बक-बक करात ब्यस्त रव्हसेती अखिन दुसरो को काम मा हात भी डाकासेत अना अन्याई गोस्टी बोलासेत। 
\v 14 एको लाई मी यो चाहवासेऊ का जुवान बेबा गीन बिहा करेत अना लेकरा ला पैदा करेत अना घर बार संभालेत अखिन कोनी बिरोधी ला बदनाम करनो को अवसर नही देहेत। 
\v 15 काहेकी कई एक त बहेक के सैतान को मंघा भय गईन। 
\v 16 अदी कोनी बिसवासीनि गीन को घर मा बेवा गीन सेत त वाच वोकी मदद करे का कलीसिया पर भार नही होय ताकी उ वोकी मदद कर सकासे जोन सही मा बेवा गीन से।
\p
\v 17 जोन सयानो साजरो इंतेजाम करासेत खास करके वय जोन बचन आयकावनो अना सिकावन मा महेनत करासेत दुई गुना मान-समान को कबील समझयो जाहे। 
\v 18 काहेकी परमेस्वर को बचन मा लिखयो सेत दावन को बईल को टोन्ड नही बांधना काहेकी महेनका अपरो हक महेनकाई से। 
\v 19 कोनी दोस कोनी सयानो पर लगायो जाहे त बिना दुई-तीन गवाह गीन को नही आयको। 
\v 20 पाप करन वालो ला सब को पुढा समझाय देव ताकी अखिन लोक भी डराय हेत।
\p
\v 21 परमेस्वर अना मसीह यीसु अना बेचो हुया सरगदूत गीन ला हाजीर जानके मी तोला चेताय देसउ का तु मन उघाड़ के एना गोस्टी ला मानायके अना कोनी काम भेद-भाव लक नही करेहे। 
\v 22 कोनी पर गदने हात नही राखनो अना दुसरो गीन को पाप मा सामिल नोको होवनो अपरो आप ला पवीतर बनाया राखेत।
\p
\v 23 भबिस्य मा बल्कि पानी को पीवन वालो नोको रव्ह पर अपरो पेट ला अना अपरो बार-बार बीमार होवन को कारन जरा-जरा अंगूर को रस भी काम मा आनके।
\p
\v 24 कोनी मानूस गीन को पाप परगट होय जासेत अना नियाव को लाई पहेल लक पहुच जासेत पर कोनी को मंघा लक आवासेत। 
\v 25 वसोच कोनी साजरो काम भी परगट होवासेत अना जोन असा नही होवत वय भी लुकाय नही सकत।
\c 6
\p
\v 1 जेतरा दास गीन गुलामी को जुआड़ी को खाल्या से वय अपरो आप मालिक को मोठो आदर को कबील समझना ताकी परमेस्वर को नाव अना सिक्सा की निन्दा नही होहे। 
\v 2 जिनको मालिक बिस्वासी से वोला वय भाऊ होवनो को कारन बुरो नही जानेत, वरन वोकी अखिन सेवा करीन काहेकी एको लक लाभ उचलन वालो बिस्वासी अना माया लक एना गोस्टी गीन को सिक्सा लियो करो अना आदर समेत समझावता रव्हो।
\s खोटो सिक्सा अना सच्चो धन
\p
\v 3 अदि कोनी अखिन परकार को सिक्सा देवासे अना खरी गोस्टी गीन ला हमरो पिरभू यीसु मसीह की गोस्टी ला अना वोनो सिक्सा ला नही मानसे जोन भक्ती को जसो से। 
\v 4 त उ गरबिला भय गईसे अना काही नही जाना वरन वोला झगड़ा अना गोस्टी मा मीन-मेख करन की बीमारी से जेनको लक डाह अना झगड़ा अखिन निन्दा-बदी की गोस्टी गीन अखिन बुरो-बुरो खबर। 
\v 5 अना वय मानूस गीन मा बेकार झगड़ा-राड पैदा होवासेत जेनको लक अक्कल बिगड़ गईसे अना उ खराई लक दुहुर भय गीन जोन समझासेत का भक्ती कमाई को जरिया से।
\p
\v 6 पर सान्ती लक भक्ती मोठि कमाई से। 
\v 7 काहेकी हमी न संसार मा काही नही आनीसेजन न काही लिजाय सकासेजन। 
\v 8 अदी हमरो जवर खानको अना पीवनको अना पहनन को से त हमला सान्ती लक रहवनो चाहिसे। 
\v 9 पर जोन धनी होवनो चाव्हसे उ असी परिक्सा अना जाल अना लगत सी बेकार की गोस्टी अना हानी कारक लालसा मा मी फसतो गयो जोन मानूस गीन ला बिगाड देवासे अना बिनास को समुद्रर मा डूबाय देवासे। 
\v 10 काहेकी रुपिया को लोभ सबच पिरकार की बुराई गीन की जड़ से जसो का लगतसा गीन न बिस्वास लक भटके अपरो आप ला कई पिरकार को दुख लक छलनी बनाय लेईन।
\s भरोसा को साजरो कुस्ती
\p
\v 11 पर अरे परमेस्वर को जन! तु एना गोस्टी गीन लक पराय अना धरम भक्ती बिस्वास पिरेम धीरज अना नरमता ला मंघा करो। 
\v 12 बिस्वास की साजरी कुस्ती लड अना वोना अमर जीवन ला धर लेवो जेनको लाई तु बुलावोयो गईसे अना लगतसा गवाह गीन को पुढा साजरो अंगीकार करयो गयो। 
\v 13 मी तोला ला जो परमेस्वर न सबच ला जिंदगी देवसेत अना मसीह यीसु को गवाही करके जेना पोंतियुस पिलातुस को पुढा साजरो अंगीकार करीस अना एना हुकूम देईस 
\v 14 का तु हमरो पिरभू यीसु मसीह को परगट होवन तकन एना हुकूम को लाई बीना पाप अना निरदोस को राखी सेस। 
\v 15 जोनला उ सही बेरा मा दिसाएत, जोन परम धन्य अना एक च राज करनवारा अना राजागीन को राजा अना पिरभू गीन को पिरभू से। 
\v 16 अखिन अमरता बल्कि वोकिच से अना उ मानूस को पहुच लक बहार मोठो उजाड़ मा रहवासे अना वोला कोनी मानूस न नही चोवीस अखिन कबच नही चोव सकासे वोकिच मान बढाई अना राज जुगाजुग रव्हे आमेन।
\p
\v 17 एना संसार को धनी वारा ला हुकूम देईस का वय गरबिला नही होय अना चंचल धन पर आस नही राखेत पर परमेस्वर पर जोन हमरो सुख को लाई सब काही लगत देवासे। 
\v 18 वय भलाई करेहे अना साजरो काम मा धनी बनेहे अना उदार अखिन मदद देवन लाय तैयार होहे। 
\v 19 अना पुढा लाई एक साजरी रद्दा डाक के राखे, का सच्चो जीवन ला वस मा कर लेहे।
\p
\v 20 अरे तीमुथियुस एना धरोहर की राखवारी कर अना जेनको गियान ला गियान कव्हना च भुलसे उनकी बुरी बोली अना बिरोध की गोस्टी गीन लक दुहुर रव्हो। 
\v 21 केतरा एना गियान का सविकार करके बिस्वास लक भटक गईसेत।
\p तुमरो पर दया होवतो रव्हे।