\id 1TH - Powari Standard Project
\ide UTF-8
\h 1 थिस्सलुनीकियो
\toc3 1 थिस्सलुनीकियो
\toc2 1 थिस्सलुनीकियो
\toc1 थिस्सलुनीकियो को नाव पौलुस को पहेलो चिठ्ठी
\mt2 थिस्सलुनीकियो के नाम पौलुस का प्रथम पत्र
\mt1 थिस्सलुनीकियो को नाव पौलुस को पहेलो चिठ्ठी
\imt परिचय
\ip थिस्सलुनीकियों की पहिली चिठ्ठी पेरीत पौलुस न \xt 1:1\xt* लिख्यो होतो। पहिले पवितर गीरंथ को हिस्सा बन्यो अखिन मसीह को जलम को 51 साल बाद लिख्यो गयो, जब पौलुस न चिठ्ठी लिख्यो तब ऊ कुरिन्थियों सहर मा होतो थिस्सलुनीकियों की कलीसिया जेनला ओना चिठ्ठी लिख्यो दूसरों मिसनरी यातरा को बीचमा स्थापित करयो गयी होती, \xt पेरीत 17:1-10\xt* पेरीत को किताब मा असो सांगयो से का यो कलिसीया यहूदिगीन अखिन गैरयहुदी को बनयो होती।
\ip यो कलीसिया को स्थापना करन को बाद पौलुस थिस्सलुनीकियों मा जादा दिवस तकन रुक नहीं सक्यो। येकोलायी ओना यो चिठ्ठी ला जोस दिलान को लाय लिख्यो, या चिठ्ठी मा लगत बिसय को बारेमा चरचा करयो गयो से, जसो का मसीही गीनला कसो रहनो पाहिजे। पौलुस मसीह को दूसरों आवन तकन को बारे मा लिख्यो से, साइद येकोलायी की थिस्सलुनीकियों को कलीसिया मा रव्हन वालो बिस्वासी गिनला आयकवानो को लाय लगत जोस मा होतो, पौलुस यो बिसय लक यीसु को दूसरों आवनो को बारेमा लिखके उनला असो जीवन को लायी बढावा देवासे जोनलक परमेस्वर खुस होहेत। \xt 5:6-8\xt*
\iot रुपरेखा
\io1 1. कलीसिया ला नमस्कार अखीन परमेस्वर ला धन्यवाद। \ior 1\ior*
\io1 2. पौलुस आपरो काम को बारे मा अखीन तीमुथियुस ना जोन खबर लायो होतो ओको बारेमा चरचा करयो। \ior 2—3\ior*
\io1 3. यीसु को दूबारा आवनो को तैयारी करन को लाय मसीही मा कसो जीवन जीवनो पाहिजे। \ior 4:1—5:15 \ior*
\io1 4. पौलुस को कलिसीया मा नमस्कार हर एक न ओको चिठ्ठी बाचनो पाहिजे, येको बारेमा सुचना। \ior 5:16-28\ior*
\c 1
\s अभिवादन
\p
\v 1 हमरो बाप परमेस्वर अना पिरभू\f + \fr 1:1 \fr*\ft परमेस्वर का बेटा\ft*\f* यीसु मसीह मा थिस्सलुनीकिया नगर को कलीसिया को नाव पौलुस सिलवानुस अखीन तीमुथियुस ला चिठ्ठी मा
\p किरपा अखीन सान्ती मिलहेत।
\s थिस्सलुनीकिया को भरोसा को उदाहरन
\p
\v 2 जबा-जबा आमी तुमी लोकगीन ला आपरी पिराथना\f + \fr 1:2\fr*\ft बिनती\ft*\f* मा हेत करतो हुयो परमेस्वर को धनबाद करसेजन। 
\v 3 तुमरो बिस्वास को काम अना माया को मेहनत अना आमरो पिरभु यीसु मसीह मा भरोसा अना धिरज को आस आपरो परमेस्वर अना बाबूजी को पुढ़ा सदा हेत करासेजन। 
\v 4 अगा भाऊ हुन अना बहिनीहिन हमी जानासेजन का परमेस्वर तुमला पिरेम करासे अना परमेस्वर न तुमला ओको होवन को साठी बेचीसेस। 
\v 5 काहेकी हमीना निरो गोस्टी लक नही पर ताकत अना पवीतर आतमा अखीन पिक्को बिस्वास को संग तुमी लोकगीन को बीच मा साजरो बारता को पिरचार करीया तुमी जानासेव का तुमरो कल्यान को लाई, तुमरो बीच मा हमरो सुभाव कसो होतो। 
\v 6 तुमी न अमरो, अना पिरभू को मंघा होयके मोठी आफत को सामना करता हुयो, पवीतर आतमा की हेत करके खुसी लक साजरी बारता ला मानयात। 
\v 7 ऐना रिति लक तुमी मकीदुनिया परदेस अखया अना यूनान देस को सबच भरोसा गीन लाई नमुना बन गयत। 
\v 8 तुमरो यहान लक पिरभू की खबर नही पर मकीदुनिया अखया अना यूनान मा बगर गई अना परमेस्वर मा तुमरो भरोसा की गोस्टी सदा होय रही से, तबा हमला कव्हनो को जघा ना हती। 
\v 9 लोक खुदच हमला सांग सेत का तुमरो कन हमरो कसो मान भाव भयो अखीन तुमी कोनो पिरकार देव-मुरती ला छोड़के परमेस्वर को कन फिरयो सेव जेनको लक तुमी खरो अना जित्तो परमेस्वर को सेवा मा बनीसेव। 
\v 10 अखीन वोको टूरा यीसु\f + \fr 1:10 \fr*\ft परमेस्वर के बेटे का नाव\ft*\f* की सरग लक आवनो की “बाट देखासेव,” जेनला परमेस्वर न मरयो मा लक जित्तो करीस। मजे यीसु ला, जोन आमीला आवन वालो कोप लक बचाव से।
\c 2
\s थिस्सुलुनिकिया नगर मा पौलुस को सेवा को काम
\p
\v 1 भाऊ गीन तुमी खुदच जानासेव का आमरो तुमरो जवर आवनो बेकार नही भयो। 
\v 2 पर तुमी त जानासेव का फिलिप्पी मा दुख उचलनो अना बुरो बरताव सह्वनो को मंघा भी हमी अपरो परमेस्वर मा असी हिम्मत पायके, घोर बिरोध को होतो हुयो भी तुमला परमेस्वर की साजरो बारता आयकावाया। 
\v 3 काहेकी आमरो सिक्सा न त भरम लक, न ता “खोटो करम” अना न ता छल को संग से। 
\v 4 परमेस्वर न अपरी साजरो बारता सोपन को लाई हमला काबील समझीस की हमी मानूस गीन ला नही पर हिरदय ला परख लाई परमेस्वर पर भरोसा करन लाई पिरचार करासेजन। 
\v 5 जसो का तुमी जानलेईसेव, हमीना त कभीच तुमला “एक हात ककड़ी अना नौ हात बीजा” नही करया सेजन। ना लोभ लाई कोनी बहाना बनाया, परमेस्वर हमरो गवाह से। 
\v 6 मंग भी हमी मानूस लक मान-मरयादा नही चाव्हत होता, जसो की तुमी लक या कोनी अखीन लक। 
\v 7 आमी यीसु मसीह को पेरीत होवन को साठी आमी तुमरो वरता हक जमाय सकता, पर आमी ना तुमरो संग नरमी लक पेस भयो, जसो एक दुध पीवावन वालो माय अपरो लेकरागीन को पाल-पोस के नरम रुप लक पेस आवासे। 
\v 8 यो रिती लक तुमरो लाई ममता होवनो को कारन हमला खुसी भई, का न केवल तुमला परमेस्वर को साजरो बारता आयकावाया पर तुमरो लाई अपरो पिरयान गीन ला भी दे दियासेजन। काहेकी तुमी हमारो लाई लगत माया को होय गयासेव। 
\v 9 भाऊ गीन तुमी हमारो महेनत अना दुख महसुस होहे, का हमीना तुमरो पर बोझ नही बनन को मकसद लक कसो रात-दिवस काम धंधा करके तुमला परमेस्वर की साजरो बारता आयकवाया।
\p
\v 10 तुमी एना गोस्टी का गवाह सेव अखीन वसोच परमेस्वर भी से, का हमीना तुमला भरोसा को संग पवीतर\f + \fr 2:10\fr*\ft बिना पाप का\ft*\f*, धारमिक अना निरदोस जसो बरताव करीसेजन। 
\v 11 तुमी जानासेव का जसो बाप अपरा टूरा गीन को संग बरताव करासे, वसोच हमी भी तुमी मा लक हर एक ला सिक्सा देईसेजन अना तैय्यार करा सेजन अखीन बिनती करके समझाई सेजन। 
\v 12 मी बढावा देके कव्हन लगयो का तुमरो चाल चलन परमेस्वर को काबिल होहे, जोन तुमला अपरो राज अना महिमा\f + \fr 2:12\fr*\ft बड़ाई\ft*\f* मा हाकलासे।
\p
\v 13 एना कारन हमी भी सदा परमेस्वर ला धनवाद करा सेजन। का जबा हमरो कन लक तुमला परमेस्वर को गोस्टी की खबर मिली त तुमी न वोनो मानूस गीन ला नही, पर परमेस्वर को गोस्टी समझके अपनायेत। खरो मा उ से भी जोन तुमी भरोसा मा अपरो काम भी करासेत। 
\v 14 अगा भाऊ हून तुमी मसीह यीसु मा परमेस्वर की ओनो कलीसिया गीन को मंघा होयेत, जोन यहुदिया मा से। काहेकी तुमी भी अपरो देस का रव्हन वारा लक वसोच दुख सहिसेव। 
\v 15 जिनना पिरभू यीसु अना भविस्यवक्ता गीन दुही ला मार डाकिन अना हम ला भी सतायके भगाय देईन। वय परमेस्वर उनलक खुसी नाहतो कहेका वय सबच मानूस गीन को बिरोधी सेत। 
\v 16 काहेकि गैर यहुदीगीन ला सूटकारा की साजरी खबर को पिरचार करनो मा वय हमरो लाई बाधा करता रहीसेत। ऐको फर को रुप मा वय सदा अपरो पाप को कुड़ो\f + \fr 2:16\fr*\ft घड़ा\ft*\f* भरतो रहीन, पर अबा त परमेस्वर को गजब कोप भड़क गयो सेत।
\s पौलुस कलीसिया लक मिलन को मनसा
\p
\v 17 पर अगा भाऊ हून हमी तुमरो लक जारासी उसीर को साठी बेगरो कियो गया होता। आतमा (दिल) मा नही पर देह मा एको लाई मोठी आस को संग तुमरो चेहेरा देखन को काजी लगत कोसीस करता रहया। 
\v 18 काहेकी हमी तुमरो जवर एक नही दुई गन आवन की आस राखत होता। खुदच मी पौलुस एक नही पर दोन गन आवन चाहवत होतो मंग भी सैतान\f + \fr 2:18 \fr*\ft परमेस्वर का सतरू\ft*\f* अंड़गा डाकत होतीन। 
\v 19 हमारो आस खुसी बड़ाई\f + \fr 2:19\fr*\ft उल्लास\ft*\f* को मुकुट कोनतो से? हमरो पिरभू यीसु को आवन की बेरा मा का तुमी नही होवन का? 
\v 20 सचमुच मा तुमीच हमारो महिमा अना खुसी सेव।
\c 3
\p
\v 1 एको लाई जबा हमी ना लगत नही सह सकया। तबा हमी न अथेने नगर मा एकलो रह जानो समझया। 
\v 2 अना आमी ना आपरो भाऊ अखीन मसीह की साजरो बारता मा परमेस्वर ला संग देन वारा दास तीमुथियुस ला धाड़िया, का तुमरो भरोसा मा तुमला बड़ावा देके पक्को करेहत अना समझाहेत। 
\v 3 जेनको लक एना दुख लक कोनी भी इतानी-उता नही होय जाव, तुमी खुदच जाना लेईसेव का हमी एको लाई ठहराया गईसेजन। 
\v 4 पक्को मा जबा हमी तुमरो संग होतो, त तुमला पुढ़ा च सांग देत होता का हमला दुख सवनो पडेत। अना भयो भी वसोच जसो का तुमी जानासेव। 
\v 5 एना कारन जबा मोरो लक अखीन न सहयो गयो त मीना तुमरो भरोसा की घटना जानन लाई धाड़ियो, काही असो नही होवा का परखन वालो न तुमरी परिक्सा करी रहेस अना हमारो महेनत बेकार भय जाहेत।
\p
\v 6 पर अबा जबकि तीमुथियुस तुमरो भरोसा अना पिरेम की साजरो बारता आन के हमरो जवर लवट के आयो अना वोना यो भी सांगीसेस का तुमी ना हमला पिरेम लक हेत राखियासेव अना जसो हमी तुमला वसोच तुमी भी हमला देखन लाई लगत बेरा तकन तरसासेव। 
\v 7 एको कारन अगा भाऊ हमरो सबच दुख मा अना कस्ट मा भी तुमरो भरोसा को कारन हमीना तुमरो बिसय मा सान्ती पाया। 
\v 8 अदी तुमी पिरभू मा पक्को लक रव्हो त हमी सचमुच जित्तो सेजन। 
\v 9 हमी वोना सबरी खुसी को बदला मा परमेस्वर ला कसो धनबाद देबो, जेनको लक हमी तुमरो कारन अपरो परमेस्वर को पुड़ा खुसी होवबिन। 
\v 10 हमी रात-दिवस मोठी लगन लक पिराथना करा सेजन, का तुमरो तोन्ड देखबिन अना तुमरो भरोसा घटी कमी पूरी करबिन।
\p
\v 11 अबा हमरो परमेस्वर अना बाप खुदच अखीन हमरो पिरभू यीसु तुमरो जवर आवनो मा हमला रास्ता देखाहे। 
\v 12 अना पिरभू करे का तुमी एक दुसरो को लाई अखीन सबच मानूस गीन को लाई पिरेम मा उन्नती करत जाने अना बढता जाने। जसो का हमी भी तुमरो लाई करी सेजन। 
\v 13 का जबा हमरो पिरभू यीसु, अपरो सब पवीतर लोक गीन को संग मा आहे, त उ तुमरो हिरदय ला परमेस्वर आमरो बाप को पुड़ा पवितरता मा खरो राखे।
\c 4
\s परमेस्वर ला खुस करन वालो जिता जिंदगी
\p
\v 1 अखट्ट मा अगा भाऊ हुन हमी तुमी लक पिरभू यीसु मा बिनती करके तुमला समझाव सेजन का, जसो तुमीना आमिलक काबिल चाल चलनो अना परमेस्वर ला खुस करन की सिक्सा पायासेव। अना जसो का तुमी सचमुच चला सेव। वसोच अखीन लगत बढत जावो। 
\v 2 काहेकि तुमी जानासेव का हमी न पिरभू यीसु को कन लक तुमला कोन-कोन सो हुकूम देईसेजन। 
\v 3 परमेस्वर की मरजी से का तुमी पवीतर बनो अना खोटो करम लक बचया रव्हो। 
\v 4 का तुमी मा लक हर एक मानूस अपरी बायको को ईज्जत राखे अना पवीतर को संग पायो जानोसे। 
\v 5 परजात गीन को जसो कामुक होयके नही जोन परमेस्वर ला नही जानासेत। 
\v 6 का एना गोस्टी मा कोनी भी अपरो भाऊ को दोस नही करेहेत अना नही वोला ठगाहेत। काहेकी पिरभू एना सबरी गोस्टी गीन ला बदला लेवन वारा सेत जसो का हमीना पुड़ा च तुमला सांगीसेजन अना साजरी अक्ल लक चेताय भी सेजन। 
\v 7 काहेकि परमेस्वर न हमला नीच काम को लाई नही पर पवीतर होवन लाई हाकलिसेस। 
\v 8 एको कारन जसो जोन एला बेकार जानासे, उ मानूस ला नही पर परमेस्वर ला बेकार जानासे, जोन तुमला अपरी पवीतर आतमा देवासे।
\p
\v 9 अगा भाऊ पिरेम को बिसय मा यो जरूरी नही का मि तुमरो लाई काही लिखुह। काहेकी एक दुसरो लक पिरेम करनो तुमीना अपरो परमेस्वर कन लक सिकासो। 
\v 10 काहेका तुम सचमुच पूरी मकीदुनिया को भाऊहुन को संग असोच बरताव करत होता पर भाऊ हून तुमरो लक बिनती करासेजन का अखीन बढता जावो। 
\v 11 अखीन जसो हुकूम हमीना तुमला देई सेजन तुमी सान्ती लक जिंदगी की आस राखो, अपरो काम लक काम राखो अना अपरो हात गीन लक महेनत करो। 
\v 12 जोको लक बाहेर वारा लक मान मिल सकेह अना तुमला कोनी चीज की आस नही रह।
\s पिरभु को दुबारा आवनो
\p
\v 13 पर अगा भाऊ हुन हमी नही चाव्हसेजन, का तुमी उनको बिसय मा अनजान रहवो। जोन सोय गईसेत अना काही लोक गीन को जसो सोकित होय जावो, जिनला आसा नाहती। 
\v 14 हमी भरोसा करासेजन का यीसु मारयो गयो अना जितो भयो। एकोलाय परमेस्वर उनला भी जोन यीसु मा सोय गईसेत वोको संग मा आनहेत।
\p
\v 15 एना कारन हमी पिरभू को गोस्टी को लक तुमरो लक कव्हवसू का हमी जोन जित्तो सेजन अना पिरभू को आवन तकन बचया रहबोन अना सोया हुया लक कबच नही पुड़ा बढबोन। 
\v 16 काहेकी पिरभू खुदच ललकार अना मुखिया सरगदुत ला हाकलके अखीन परमेस्वर की तुर्रा की आवाज को संग मा सरग लक उतरेत अखीन जोन मसीह मा मर गई सेत, वय पुड़ा जित्तो होयेती। 
\v 17 तबा हमी जोन जित्तो सेजन अना बचयो रहेति उनको संग मा वारा मा पिरभू लक मिलन को लाई बादर पर उचाल लियो जावबिन। एना रिती लक हमी सदा पिरभू को संग रहबिन। 
\v 18 एकोलाय एना गोस्टी गीन लक एक दुसरो ला सान्ती देवो।
\c 5
\s दुबारा आवन वालो पिरभु यीसु लाई तैय्यार रव्हने
\p
\v 1 अगा भाऊ एना गोस्टी को जरुरी नही से। का यो बेरा या जुग्ग को बिसय मा तुमला काही लिखयो जाहे। 
\v 2 काहेकि तुमी खुदच भली-भाती जानासेव का जसो रात मा चोर आवासे वसोच पिरभू को दिवस भी आहे। 
\v 3 जबा लोक कहेत “सान्ती अना सब साजरो से” तबा जसी पेट लक रव्हन वालो आई-माई पर एकदम लक दुख आवासे। वसोच उनको पर एकाएक नास आय जाहे अना वय बच नही सकनका। 
\v 4 पर भाऊ तुमी इंधारो मा नही सेव, का उ दिवस तुमरो पर चोर को जसो आय जाहे। 
\v 5 काहेकि तुमी सब उजाडो की आवलाद अखीन दिवस की आवलाद सेव हमी न त रात का सेजन अना नही इंधारो का सेजन। 
\v 6 अना हमी दुसरो को जसो नोको सोवनो पर जागतो अना चालु रव्हना। 
\v 7 काहेकि जोन सोवासेत वय रात मा सोवासेत अना जोन नसा मा रहवसेत वय रात मा नसा मा होवासेत। 
\v 8 पर एकोलाय का हमी दिवस का सेजन आव हमी भरोसा अना पिरेम को कवच\f + \fr 5:8\fr*\ft सीना में बांधा जाने वाला पट्टा\ft*\f* अना सूटकारा की आस को टोप पहेर के तैय्यार रव्हबिन। 
\v 9 काहेकि परमेस्वर न हमला कोप लाई नही पर हमरो पिरभू यीसु मसीह को कन लक सूटकारा पावन लाई ठहराईसेस। 
\v 10 उ हमरो लाई एने कारन लक मारयो गयो का चाव्ह हमी जागता या सोता रव्हबिन, हमी सब मिलके ओको संग जित्तो रव्हबिन। 
\v 11 एको लाई एक दुसरो ला सान्ती देवो। अना एक दुसरो की तरक्की करहो जसो का तुमी कर भी रहिसेव।
\s अखट्ट गोस्टी अना सुभकामना
\p
\v 12 पर भाऊ गीन हमी तुमरो लक बिनती करासेजन का उनको मान-भाव करो। जोन तुमरो बीच मोठी महेनत करासेत अना जोन पिरभू मा तुमरो ओरिया अगवा राखीसेस अना तुमला सिक्सा देवसेत। 
\v 13 अखीन उनको काम को कारन पिरेम लक उन को संग साजरो सान्ती लक रव्हो।
\p
\v 14 अगा भाऊ तुमरो लक बिनती करासेजन का आलसी गीन ला चेताय देव। निरास गीन ला हिम्मत देवो। कमजोर गीन की मदद करो सब को संग मा धीरज राखो। 
\v 15 ध्यान राखो का, कोनी बुराई को बदला बुराई नोको करो पर हमेसा एक दुसरो ला अना सब लोक गीन ला भला करन मा कोसीस करतो रहेयो।
\p
\v 16 हमेसा खुसी लक रहवो। 
\v 17 लगातर पिराथना करता रहवो। 
\v 18 हर एक हाल मा धनयवाद देवो। काहेकी मसीह यीसु मा तुमरो लाई परमेस्वर की याच मरजी से।
\p
\v 19 आतमा ला नोको बुझावो। 
\v 20 दरसन की गोस्टी गीन ला नाहनो नोको जानो। 
\v 21 सब गोस्टी गीन ला साजरो लक परिक्सा करो, जोन साजरी से वोला पक्को लक सम्हाल राखने। 
\v 22 सब पिरकार की बुराई लक बचया रहवना।
\p
\v 23 अबा सान्ती को परमेस्वर आतमा आपच तुमला पूरो पवीतर करहे। अखीन तुमरो आतमा, परान अना देह हमरो पिरभू यीसु मसीह को आवन तकन पूरो रिती लक निरदोस अखीन साजरी रह। 
\v 24 तुमरो बुलावन वालो बिस्वास को काबील से अना उ असोच करहे।
\p
\v 25 अगो भाऊ, हमरो लाई पिराथना करने।
\p
\v 26 सब भाऊ गीन ला पवीतर चुम्मा लक नमस्ते लेवने।
\p
\v 27 मी पिरभू की किरया देवसु का एना चिठ्ठी ला सब भाऊ गीन ला वाच के आयकावो जाहे।
\p
\v 28 आमरो पिरभू यीसु मसीह को दया तुमरो संग होवती रव्हे।