\id 1PE - Powari Standard Project
\ide UTF-8
\h 1 पतरस
\toc3 1 पतरस
\toc2 1 पतरस
\toc1 पतरस को पहेलो चिठ्ठी
\mt2 पतरस का प्रथम पत्र
\mt1 पतरस को पहेलो चिठ्ठी
\imt परिचय
\ip 1 पतरस को चिठ्ठी पेरीत पतरस को लक लिख्यो गयो होतो। पतरस आपरो चिठ्ठी को सुरुवात असो लिख के करासे का वा कोनाय अना कोनला लिखा से। वोना उन सबा मसीही गिनला संबोधित करयो से जोनला वा “अन्जान” \xt 1:1\xt*\xt 1:17\xt* अना \xt 2:11\xt* कहयो होतो। वोना आपरो वाचन वारो असो परकार लक लगत बार कहयो काहेका वय लगत देस मा बगरो हुयो होतिन। काहेका यो चिठ्ठी लगत मायना मा इफिसियो ला लिख्यो गयो पौलुस को चिठ्ठी लक मिलतो-जुलतो से। लगत सो लोक असो मानासेत का 1 पतरस इफिसियो को मघा मसीह को जलम को करीब 65 साल को मघानी लिख्यो गयो होतो। पतरस ना यो चिठ्ठी रोम मा लिख्यो गयो होतो। जोनला वोना बाबुल कहयो होतो \xt 5:13\xt*
\ip पतरस कव्हासे का वोना यो चिठ्ठी “तुम्हिला बढ़ावा देवन अखीन यो गोस्टी को गवाही देवन को काजी लिख्यो से का यो भगवान को सच्चो किरपा से।” \xt 5:12\xt* \xt 1 पतरस 2:11—3:7; \xt* \xt इफिसियो 5:18; 6:9; \xt* अखीन \xt कुलुस्सियो 3:18—4:6\xt* को बीच लगत बरोबरी से। ये तीनो खंड परिवार गिनको नातो अखीन हुकूम माननो अधिकारी गिनको बारे मा निरदेस देवासेत। उ ईसाई गिनला भी बढ़ावा देवासेत का जबा दुख होय तबा वय पक्को रहेत काहेका अखट्ट बेरा जवर से। \xt 4:1\xt*
\iot रूपरेखा
\io1 1. पतरस अपरो परिचय देवासे। अखीन अपरो वाचन वारो ला संबोधित करासेत। \ior 1:1-2 \ior*
\io1 2. मंग उ भगवान ला वोना सूटकारा लाय धन्यवाद देवासे। जोनला सब साझा करासेत। अखीन जोन उनको जिंदगी को लाय मायना रखा सेत। \ior 1:3—2:10 \ior*
\io1 3. मंग उ बिस्वासी गिनला निरदेस देवासेत। का कसो यो दुनिया मा साजरा लक रव्हनो से। अखीन नवरा बायको दास मालक को बीच कसो रिस्ता होवनो पाहिजे। \ior 2:11—4:11 \ior*
\io1 4. मंग पतरस उनला दुख सहनो पर लगयो रव्हन को लाय बढ़ावा देवासे। \ior 4:12—5:11 \ior*
\io1 5. मंग उ आपरो चिठ्ठी ला बंद करासे। \ior 5:12-14 \ior*
\c 1
\p
\v 1 यीसु मसीह को बेचयो गयो, पेरीत पतरस को यो चिठ्ठी, भगवान को उन बगरो हुवो बिस्वासी गिनको नाव, जोन पुन्तुस गलातिया, कप्पदूकिया आसिया अना बिथुनिया मा छेतर मा तितर-बितर होयके रव्हसे। 
\v 2 तुम जोन परमेस्वर बाप को भबिस्य की गियान लक बेचयो गयो सेव। अना पवितर आतमा लक पवीतर कियो गयो सेव। जोनलक यीसु मसीह को हुकूम मानो।
\p अना वोको रकत को छिड़काव लक तुम लोक गिनमा लगत सान्ती अना दया भेटेत।
\s एक जित्तो आस
\p
\v 3 धन्य से, आमरो पिरभू यीसु मसीह को परमेस्वर! जेना यीसु मसीह को मरयो हुयो मा लक जित्तो होवनो को कारन, अपरी मोठी दया लक, हमरो जीवित आस को लाई, नवतो रीती लक जलम देईसेस। 
\v 4 जोन वारसाना हक तुमी लोक गिन काजी सरग मा राखयो हुया सेत। उ नास नही होवन वालो, बेडाग, अमर सेत। 
\v 5 तुमरो बिस्वास को लाई, परमेस्वर की ताकत, तु मरो वोना सूटकारा को लाय सुरक्सित राखासेत। जोन अबा लक सेत, अना आखीर मा परगट होवन वालोसेत।
\p
\v 6 अबा काही दिवस लाई कई पिरकार की परिक्सा गीन को लक तुमला दुखी होवनो जरूरी सेत। मर एको लाय तुम खुस होवो। 
\v 7 काहेका तुमरो परखो हुयो बिस्वास जोन इस्तो लक तायो हुयो नासवान सोन्नो लक भी लगत किमती से। यीसु मसीह को परगट होवनो पर परमेस्वर कन लक मान बढाई अना महिमा भेटेत। 
\v 8 तुमीना यीसु ला कभीच नही चोवयो सेव। अना वोको लक बगर देखयो पिरेम रखासेव। अना वोको पर बगर देखयो बिस्वास भी करासेव। अना यो बिस्वास को कारन तुमी लगत खुसी अना मगन सेव। जोन महिमा लक भरयो सेत। जोनला सागयो नही जाय सकत। 
\v 9 अना अपरो बिस्वास को बदला मा आतमा को सूटकारा ला भेटासो।
\p
\v 10 एना सूटकारा को बारे मा, वय भविस्यवक्ता गीन न लगत ढुढ़-ढांड अना खोज-बीन करीन। जेनको लक वोला किरपा को बारे मा जोन तुमी पर होवन को होतयो, भबिस्य वानी करी होतिन। 
\v 11 उन भविस्यवक्तागिन ना मसीह को आतमा लक यो जानकारी हासिल करीन। का यीसु मसीह पर कसो दुख आवन वालो सेत। अना उ महीमा जोन दुख उचलन को मंघा परगट होहेत उ कसो होहेत? अना यो गोस्टी दुनिया मा कब होहेत। अना तबयो दुनिया को काजक होहेत। यो सब जान कारी मसीह को आतमा उनमा परगट कर रहयो होतो। 
\v 12 का वय इन गोस्टी ला, आपरो लाय नही, पर वय तुमरो बारेमा सागत होतिन। जेनको खबर तुमला उन लोकगिन को लक मिलयो। उ गोस्टी सरग को कन लक भेजयो गयो। पवितर आतमा को उकसायो जावनो पर तुमिला आयकवायो गयो सेत। अना इन गोस्टी ला चोवनलाय सरगदूत गिन भी मनसा राखत होतिन। 
\v 13 एना कारन अपरी मन ला पक्को करके अना सचेत रव्हो। अना आपरो मनला मारके रव्हो। अना वोना वरदान को आस मा रव्हो जोन यीसु मसीह को परगट होवन मा तुमला भेटनवारा सेत। 
\v 14 हुकूम मानन वालो टूरा गीन को जसो, अपरी वोना बेरा की जुनो मनसा को अनुसार आपरो आपला नोको बनाओ। 
\v 15 पर जसो तुमरो हाकलनवारा पवितर से, वसोच तुमी भी अपरा सबरी चाल-चलन मा पवीतर बनो। 
\v 16 गिंरथ असो भी कव्हसेस। “पवितर बनो काहेकि मी पवीतर सेऊ।”
\p
\v 17 अना यदी हरेक को करम को अनुसार बिना पक्स लियो न्याय करन वारा परमेस्वर ला तुमी अरे बाबूजी कव्हके हाकला सो। तो यो दुनिया जोन परदेस जसो सेत। आपरो जित्तो जी परमेस्वर को भेव मा आपरो जिंदगानी बिताव। 
\v 18 काहेकी तुमी जानासेव, का तुमरो बेकार चाल-चलन, जोन बापदादा गीन लक चलतो आयो से। उनको तुमरो सूटकारा, चांदी सोनो अना नास होवनवालो चीज गीन को किमत मा नही भयो। 
\v 19 पर बेकसूर अना निरदोस पाठी मसीह को कीमती रकत लक भयो सेत। 
\v 20 यो जगत को सुरूवात लक पयले च वोला बिच लियो गयो होतो। पर अबा एना आखीर जुग मा तुमरो लाई परगट भयोसेत। 
\v 21 वोना मसीह को कारन तुमी वोना परमेस्वर पर बिस्वास करासेव। जोनना वोला मरयो हुयो मा लक जित्तो कर दियो। अना महिमा देईस, असो लक तुमरो बिस्वास अखिन आस परमेस्वर पर थम जाय।
\p
\v 22 अबा चोवो जबा तुमी ना सच्चाई ला मानत-मानत, सच्चौ भाऊचारा लक निस्कपट माया ला चोवान काजी आपरो आतमा ला पवितर कर लियो सेत। ता पवितर मन लक तेजी लक एक दुजो लक माया करन को आपरो निसान बनालेव। 
\v 23 काहेकी तुमी न नासवान नही पर अविनासी बीज लक दुबारा जिंदगानी नही पायो सेव। बलकि यो उ बीज को फर सेत। जोन अमर सेत। तुमारो नवतो रीती लक जलम परमेस्वर को उ साजरा बारता लक भयो सेत, जोन जित्तो अना अटल सेत। 
\v 24 काहेकी
\q1 “हर एक देह गवथ को जसो से,
\q2 अना वोकी सबरी महिमा गवथ को फूल को जसो से।
\q1 गवत सूख जासे अना फुल झड़ जासे।
\q2
\v 25 पर पिरभू को बचन जुग-जुग रव्हसे”
\p अना योच साजरो बारता को बचन से। जोन तुमला आयकायो गयो होतो।
\c 2
\p
\v 1 एको लाई सबच पिरकार को बैर-भाव छल अना कपट, जलन ईरसा बदनामी सबला छोड़ देव। 
\v 2 अना नाहानो लेकरा को जसो सुध्द आतमिक दूध को लालसा करो। जोनलक तुमरो बिकास अना सूटकारा को लाय बड़तो जाव। 
\v 3 काहेकी तुमी ना पिरभू की किरपा को स्वाद चाखीसेव।
\p
\v 4 यीसु मसीह को जवर आव। उ जित्तो गोटा से। वोला संसारी मानूस गीन न नकार दियो होतो। पर जोन परमेस्वर को लाय लगत किमती से। अना वा परमेस्वर लक बेचयो हुया सेत। 
\v 5 तुमी भी जित्तो गोटा को जसो एक आतमिक भवन बनतो जाय रहयो सेव। जेनको लक एक असो याजकगीन को पवीतर समाज को रूपमा वोको सेवा कर सको। जोनको काम आतमीक बलिदान चाघावनो सेत। जोन यीसु मसीह को कन लक परमेस्वर को अपनाय जावन वालो होहे। 
\v 6 काहेकी पवितर गीरंथ मा लिखीयो से,
\q1 “देखो, मी सिय्योन मा कोनटा को गोटा राख रहयो सेऊ।
\q2 जोन बेचयो हुयो अना लगत किमती सेत।
\q2 अना एकोमा जोन कोनी बिस्वास करहेत ओला कभीच लजानो नही पड़हेत।”
\p
\v 7 अना तुमी बिस्वासी गीन को लाई यो गोटा बेसकिमती से। पर अबिस्वासी गीन को लाई;
\q1 वोच गोटा जोनला मिस्‍तरीगीन न नकार दियो होतो,
\q2 “ओच सब लक कामी कोनटो को गोटा बन गयो।”
\p
\v 8 अना खोद्दा लगन को गोटा,
\q1 “अना ठोकर खावन को चट्टान बन गयो।”
\q2 लोग ठोक्कर खावासे, काहेका वय बचन को पालन नही करतत।
\p अना बस योच उनको लाय ठहरायो गयो सेत।
\p
\v 9 पर तुमी एक बेचयो हुयो लोख सेव। याजकगिन को एक राज सेव, अना खुद परमेस्वर को परजा सेव। एक पवितर परजा, खुद परमेस्वर एक असो जन समूह मजे परजा सेव। तुमिला परमेस्वर ना इंधार लक उजाड़ मा आपरो अद्भुत गुन परगट करन लाय हाकली सेत। 
\v 10 एक बेरा होतो जबा तुमी परजा नही होतो। पर अबा तुमी परमेस्वर को परजा सेव। एक बेरा तुमरो पर दया नही भई होती। पर अबा दया भई से। 
\v 11 अरे चहेतो संगीहुन, तुमी संसार मा परदेसी जसो सेव। निवेदन करासु का तन को इक्सा लक दुहुर भई जाव, जो तुमरो आतमा लक लड़ाई करासेत। 
\v 12 गैर बिस्वासि गिन को बीच अपरी चाल-चलन बेस बनाय राखो। जेनको लक वय जेना गोस्टी गीन मा कुकरमी कहके तुमरी निन्दा-बदी करासेत। वोच गोस्टी मा तुमरो भलो काम गीन ला देखके नियाव को दिवस परमेस्वर की महिमा करहेत।
\p
\v 13 पिरभू को लाई राजा अना मानुसगिन लक ठहरायो गयो हरेक अधिकारी गिन को अधिन रव्हो। राजा को यो काजी काहेका उ सबको मुखिया सेत। 
\v 14 राजपाल गीन को अधिन रव्हो। रजा न उनला खोटो काम करनवालो गिनला सजा अना भलाई करन वारा की मान बड़ाई करनो को लाई धाड़यो सेत। 
\v 15 परमेस्वर असो चाव्हासेस का तुमी आपरो भलो काम करके बेअकल की गोस्टी बोलन वालो कम अक्कल मानूस गीन को टोन्ड बंद कर देवो। 
\v 16 आपरो आपला छुटटो समझो। पर आपरो आप को यो छूट ला बुरो करन काजी नोको बवजो पर आपरो आपला परमेस्वर को दास समझ के चलो। 
\v 17 सब को मान राखो। भाऊगीन लक एकता पिरेम रखो। परमेस्वर को भेव मानो। अना राजा को आदर मान करो।
\p
\v 18 अगो चाकर हुन आदर लक आपरो मालिक गिनको अधीन रहवो। केवल जो भलो अखिन नरम सेत उनको च नही, पर उनको भी जोन दुस्ट से। 
\v 19 काहेकी अदि तुमी परमेस्वर को मरजी सेत सो समझ कै दुख उचल सो ता परमेस्वर यो गोस्टी काजी तुमला आसीरवाद देहेत। 
\v 20 अदी तुमीला खोटो काम करके सजा भेटा सेत। तो काजक फायदा सेत? पर तुमी साजरा काम करासो अना दुख भेटा सेत अना मार खावासेव ता परमेस्वर तुमिला आसिरवाद देवासेत। 
\v 21 असोच परकार दुख उचलन काजी हाकलो गयो सेजन। काहेका मसीह खुदच तुमरो लाय दुख भोगयो सेत। अना खुदच नमूना बन गयो। वसोच तुमिला भी चलनो सेत। 
\v 22 ना तो वोना कोनी पाप करीस, अखिन ना तो कोनी वोको टोन्ड लक छल-कपट गोस्टी हिटी। 
\v 23 जबा वोला गारी दियो गयो। ता वोना जवाब मा गारी नही दियो। दुख सहतो गयो, धमकी नही दियो। पर अपरो आप ला वोको हात सोप दियो। जोन न्याय लक बिचार करा सेत। 
\v 24 मसिहा खुदच अपरी देह मा हामरो पाप बुराई आन के कूरूस मा चघ गयो। जेनको लक हमी पाप बुराई को लाय मर गयो अना धरमिपन अना नेकी को लाय जित्तो भयि गयो काहेकी वोको घाव लगनो लक तुमी साजरा भईसेव। 
\v 25 तुमी त मेढा गीन की जसो भटक रहयो होतो। पर अबा अपरी आतमा को चरानवालो अना कलिसीया को मुखिया को जवर लवटके आईसेव।
\c 3
\s मसीही जोड़ा
\p
\v 1 असो पिरकार, अवो बायका गीन अपरो-अपरो नवरा गीन को बस मा रहवो। जेनको लक अदी कोनी परमेस्वर को वचन ला नही मानासे। त वय तुमरो पवीतर अना भेव सकट चाल-चलन ला ध्यान लक चोवके बिना कोनी बारता को अपरी-अपरी बायका गीन को बरताव लक जीतयो जाहे। 
\v 2 तुमरो सजनो-सवरनो परमेस्वर को डर मा नही बल्की देखावटी नही होहे। 
\v 3 जसो चुन्दी ला गुथनो, सोनो को जेवर बनावनो अना रकम-रकम का कपरा घालनो। 
\v 4 पर तुमरो सिंगार तो तुमरो मन को भीतर मा बस्यो मानूस की सिंगार होवनो पाहिजे। नरम अना सांत मन वालो, अविनासी सही जेवर गीन लक कियो सिंगार परमेस्वर की नजर मा लगत किमती से। 
\v 5 काहेकी जूनो जमाना मा पवीतर आई-माई गीन भी जोन परमेस्वर मा आस राखा सेति। अपरा-अपरा नवरा गीन को अधीन रहके अपरो रिती-रिवाज को जसो सज्जत सवरत होतीन। 
\v 6 वसोच सारा, अबराहम ला मालिक कहके वोको अधीन रव्हत होती। अदि भी बीना भेव को भलो काम करासेत तो तुमी भी परमेस्वर को टूरी सेव।
\p
\v 7 असो च अरे नवरा हुन, तुमी आपरो बायको को संगा मा अक्कलवरी लकरव्हो वोला कमजोर समझ के ना उनको आदर करो। जिंदगी को सहयोगी वारिस मानो। जेनको लक तुमरी पिराथना मा विघन नोको पहुचेत।
\p
\v 8 निचोड़ यो सेत का तुमी सर्वांमध्ये एकच मन अना एकच भावना रव्हनो जरूरी सेत। एकमेक लक पिरेम करा अना एकमेक काजी दयालू अना नरम राहा। 
\v 9 वाईट काम को एवज मा वाईट काम नोको करा। सिराप को परतफेड नोको करा। वोको ऐवज मा, आसीरवाद देया। कारन तुमिला आसीरवाद देवन साठी बोलाविले गयो सेत। 
\v 10 पवितर गिरंथ असो कव्हसेत
\q1 “अदी तुम्हाला जीवन को पिरेम खुसी लेवा को सेत।
\q2 अना तुम्हाला साजरो बेआ चोवन को इक्सा सेत।
\q2 तर तुम्ही वाईट बोलन लक थांबा,
\q2 अना खोटे बोलन साठी रुकनो पाहिजे।
\q1
\v 11 तुम्ही बुराई लक दुहुर रव्हनो पाहिजे अना नेकी केले पाहिजे।
\q2 तुम्ही मना पासुन सांती लाय कोसीस करनो पाहिजे।
\q1
\v 12 परमेस्वर नेक मानूस पर नजर ठेवतो।
\q2 अना उनको पिराथना आयेकतो।
\q2 परंतु जोन वाईट करतात उनको ता बिरोध करतो।”
\p
\v 13 अदी तुम्ही नेकी करान ला जोस मा सेव आहेत। तर तुमरो वाईट मानसा कोन आहेत? 
\v 14 अदी तुम्ही नीति मत साठी दुख भोगी सेव ता तुम्ही धन्य सेव। परंतु एना साठी घाबरू नका। अना भेव करू नका। 
\v 15 खुद को मनमा पिरभु मसिहा को सन्मान करा। अदी कोनी तुमरो लक तुमरो बिस्वास को बारे मा विचारेत तर जवाब देवन साटी हरामेसा तइयार राहा। पर नरमाई अना भेव को संग। 
\v 16 अना आपरो मन ला सुद्‌ध ठेवा, योसाठी का जोन गोस्टीमा मसीह को बारे मा तुमरो च अनादर करतात। वय लोकगिन तुमरी लाज वाटेल। जोन बारे मा तुमरी निंदा होतत। 
\v 17 अदी परमेस्वर को इक्सा सेत। का तुमी नेकी करन को साठी दुख भोगो, तर वाईट काम करन को बद्दल, दुख सयनो चांगलो सेत। 
\v 18 एकोलाय मसीह ना भी जोन एक नेक मानूस होतो। एक च बेरात, पाप साठी दुख भोगयो। यासाठी क परमेस्वर कना अमी ला लेजाय। उ देह मा तो मारयो गयो, पर आत्मा मा, जित्तो भयो। 
\v 19 वोच देह मा यीसु जायके वोना बन्दी आतमा गिन ला परचार करीस। 
\v 20 यानी नूह को बेरा मा हुकूम नहि मानयो। अना जबा परमेस्वर नोहा को दिवसात धीर धरत होता। अखिन जहाज बनावत होता। ता वय काही लोक मजे आठ लोक पूरा लक बच गयीन। 
\v 21 यो बपतिस्मा को पयलो इसारा सेत। जेनको मतलब तन को मैल ला धोवनो नाहती। पर साजरो मन लक परमेस्वर को अधीन होवनो सेत। अबा तो बपतिस्मा तुमला यीसु मसीह को जित्तो होवनो लक बचावनो सेत। 
\v 22 यीसु सरग मा जायके परमेस्वर को ऊज्जो कन बिराजो सेत। अना सरगदूत, अधिकार, अना सब ताकत वोको अधीन सेत।
\c 4
\s परमेस्वर को लाय जिंदगी
\p
\v 1 यीसु मसिहा ना खुदको देहावर दुख भोगयो। ता तुमी वोच मनसा ला, आपरो देह मा हतियार जसो धरन करा, काहेका जोन मानूस ना दुख भोगयो सेत। उ मानूस ना पाप लक नातो तोडयो सेत। 
\v 2 अना वोला भबिस्य मा आपरो बचयो देह को जिंदगी आपरो मरजी लक नही तर परमेस्वर को मरजी लक बिताव। 
\v 3 काहेका गैरबिस्वासी लोकांगिन, को इक्सा अनुसार काम करन्यात अना मोह, दारुखोरी, नसा, छिनालापन, अना घिरना लायक मूर्तिपूजा, वाईट इक्सा को बिचमा लगत बेरा गवायो, यो लगत भयो। 
\v 4 अता तुमी वोना लोकगीन को बरोबर एसो आराम को दलदल मा डुंबू नका। मंग वोको लक अचरज होवासे का वय तुमरो निंदा-बदी करतात। 
\v 5 उनला जित्तो अना मरियो लोकगिन को न्याय करनवालो परमेस्वर ला उनको बरताव को हिसाब देवनो पड़हेत। 
\v 6 यो च कारन सेत का मेला लक गिनला साजरो बारता आयकायो गयो। जेने कारन देहावर मानूस को जसो सजा मिल्यो होतो। तरी जीवनात वय परमेस्वर सोबत सुसंगत रहतो रव्हे।
\p
\v 7 प्रत्येक गोस्टी को अखट्ट जवर आयो सेत। तुमी संतुलन अना संयम राखो। जोन लक तुमी पिराथना करू सकत। 
\v 8 मुख्य गोस्टी मंजे एकमेक को मनमा मना पासुन गहरो पिरेम बनायो राखो। काहेका पिरेम लगत पापगिन ला पांघरून घालते। 
\v 9 तुमी कुरकुर नोको करा, तरी एकमेक को स्वागत करनो पाहिजे। 
\v 10 जोनला यो दान भेटयो सेत। उ परमेस्वर को अनेक किरपा को तंदुरुस्त दीवान जसो दुसरो को सेवा करन्या साठी वापरावे। 
\v 11 जोन परबचन देवासे, उ असो लक्छात ठेवा जसो परमेस्वर सांगासे। जोन कोनी धरम को सेवा करतत, वोला असो समजून पायजे का परमेस्वर वोला ताकत देवा सेत। या सप्पा गोस्टी मध्ये यीसु मसीह लक परमेस्वर को गौरव परगट होयेत। वैभव अना ताकत परमेस्वर साठी च आहेत। आमेन!
\s मसीह को दुख मा संगी होवनो
\p
\v 12 अगो चहेतो भाऊगिन! तुम्ही लोकगिन को स्तोतून परीक्सा घेयो जावासे। यो कारन अचरज मा होऊ नका, काहेका यो एक विलच्छन घटना नाहती। 
\v 13 अदी तुमी लोक गिन पर अत्याचार होवासेत। तर तुम्ही मसीह को दुखमा भागीदार होवनो को आनंद मनाव। जोन दिवस मसीह को गौरव परगट होयेत, उ दिवस तुम्ही खूब आनंद करयेती। 
\v 14 अदी मसीह को नाव मा तुमरो बेइज्‍ती होवासे। तर तुम्ही खुदला धन्य मानू सकत, कारन परमेस्वर को गौरवसाली आतमा तुम मा सावली करा सेत। 
\v 15 खुनी, चोर, कु करम करनवारा अना दुसरो को काम मा टेगड़ी अड़ावन वारा होयके तुमरो लक कोनी मानूस दुख नोको भोगे। 
\v 16 पर यदी एखाद ला मसीह होवन को नातो लक दुख सहन करे, तर कोनी लाज लगे नाका। तर परमेस्वर को गौरव साठी यो नाव स्वीकारनो पाहिजे।
\p
\v 17 काहेका न्याय को बेरा सुरू भयी गयो सेत। अना उ खुद परमेस्वर को कुटुंब लक सुरु भयो सेत। अदि आपरो लक असो सुरुवात भयो से, तर मग जोन परमेस्वर को साजरा बारता मा बिस्वास नही ठेवत उनको काजक दसा होयेत?
\q1
\v 18 अदी नेक मानूस को कठनाई लक सुटकारा होयेत।
\q2 तर ते भांडन व पापी एनाच काय होयेत?
\p
\v 19 एकोलाय जोन लोक परमेस्वर को इक्सा अनुसार पीडित सेत। उ साजरो चांगल्या गोस्टी करतो राहतात, अना आपरो जीव अना बिस्वास को निरमान करता परमेस्वर ला देतात।
\c 5
\p
\v 1 जोन तुमरो मा बुजरुक सेत। वोला मी यो निवेदन करसेऊ, का मी भी एक बुजरुक सेऊ अना मसीह को दुख को पुरुप देवासू, अना वोको गौरव मा सह भागी होवके तुम्हीला समझावसू, 
\v 2 परमेस्वर को वोना करप को जोन तुमरो मध्ये राहतत तुम्ही रक्सन केले पाहिजे। अना यो दड़प लक नाही तर परमेस्वर को इक्सा लक, आनंद लक अना लोभ लक, नाही तर मनलक। 
\v 3 जोन लोकावर तुमिला जबाबदारी सोपयो गयो सेत। उनको पर अधिकार गाजवू नका तर करपा साठी आदर्स बना। 
\v 4 अना जबा मुख्य संरक्षक परगट होयेत। ता उ तुम्हाला महीमा को मुकुट देवन आहेत। जो मुरझात नाही।
\p
\v 5 अना तुमी जवान हुन, तुम्ही आयको बुजरुग को अधीन रव्हो, परंतु आपरो सब च जन एकमेक को सेवा करन लाय साठी नरम रव्हो एकोलाय का “परमेस्वर गरब करनवालो को विरोध करतत, पर गरिबांना मदत करतत।” 
\v 6 एकोलाय परमेस्वर को ताकतवर हात को खाल्या नरम रव्हो, मजे काबील बेरामा तुमला वरता वाढवावा। 
\v 7 तुमरो सप्पा चिंता भगवानवर टाका, काहेकि उ तुमरी सूदी लेवासेत।
\p
\v 8 तू संयमित राहा अना जागत राहा! तुमरो विरोधी, सैतान सेर सिरिको गरजसे अना कोनाला फाड़ डाकू असो च तक्का मा रव्हसेत। 
\v 9 तुम्ही बिस्वास मा खम्मा जसो उभो राव्ह, अना वोको सामुर जाव। तुम्हिला मालुम सेत का जग भरात को आपरो भाऊगिन असा परकार लक दुख भोगत आहेत। 
\v 10 अता परमेस्वर, जोन सब पर किरपा करा सेत, जोना तुम्हिला मसीह को बीच मा अमर बेरा को गौरव काजी बुलायो सेत। तुम्ही काही काल सहन करनो को बाद तुम्हीला सिद्ध अना सामरथवान करहेत। 
\v 11 वोको राज सदा हरामेसा रव्हे। आमेन।
\p
\v 12 मी सिल्वानस अना जोनला मी बिस्वास भाऊ समजतो वोकोच हात थोड़ो सो लिखि सेऊ अना गवाहि देईसेऊ। यो परमेस्वर की खरी किरपा सेत। वा बीच पक्को रव्हो।
\p
\v 13 तुमरो जसो बेबीलोन मध्ये निवाड़ो गयो लोक सेत अना मोरो टूरा मरकुस तुम्हिला सलाम सांगासेस।
\p
\v 14 माया को चुंबा लक एकमेक ला सलाम करो टुम सबा मसीह मा सेव तुम्हिला सांती भेटेत।