\id 1JN - Powari Standard Project
\ide UTF-8
\h 1 यहुन्ना
\toc3 1 योहन
\toc2 1 योहन
\toc1 योहन को पहेलो चिठ्ठी
\mt2 यहुन्ना का प्रथम पत्र
\mt1 योहन को पहेलो चिठ्ठी
\imt परिचय
\ip 1 योहन को चिठ्ठी पेरीत योहन लक मसीह को जलम को 50 लक 100 साल को बीच लिख्यो गयो होतो। योहन खुद को पेहचान लेखक को रूपमा नही करवायो से पर पहलो अध्याय दरसावा से का उ यीसु को जिंदगी अखीन मरके जिवनो ला आपरो डोरा लक चोवयो से। \xt 1:1-3\xt* 1 योहन को लिखन को तरीका योहन को साजरा बारता लक लगत मिलतो जुलतो से। असो मानो जावासे का योहन ना इफिसुस मा रव्हतो बेरा च योहन अना तीन सबद को 1 योहन, 2 योहन अखीन 3 योहन को अनुसार साजरा बारता लिख्यो होतो।
\ip योहन ना यो चिठ्ठी सबा ईसाई गिनला असो बेरा मा लिख्यो होतो। जबा चरच ला नामको लोक को एक समूह लक परेसानी होतो। इन लोक हुनको असो माननो होतो का यीसु पूरो रीत लक परमेस्वर होतो पर उ सहीमा मांस अखीन रकत वालो मानूस नही होतो। यो कारन लक योहन यीसु को जीवन ला आपरो डोरा लक चोवनो को गोस्टी ला लिखा से। का मी वोला आपरो हात लक छिवो सेऊ। \xt 1:1-3\xt* यो चिठ्ठी ला लिखन को उद्देस्य वोको खुसी ला पूरो करनो से \xt 1 योहन 1:4\xt* अना बिस्वासी गिनला पाप करन लक रोकनो से। \xt 1 योहन 2:1\xt* बिस्वासी गिनला खोटो सिक्सा लक रोकनो \xt 1 योहन 2:26\xt* अना उनला समजानो से का वय कसो बचायो गयोसे। \xt 5:13 \xt*
\iot रूपरेखा
\io1 1. योहन आपरो चिठ्ठी को परिचय देवासे, अखीन एला लिखन को एक उद्देस्य देवासे। \ior 1:1-4\ior*
\io1 2. मंग वा सांगासे का परमेस्वर कसो उजाड़ से। अखीन अमीला यीसु को जसो मा कसो जिवनो पाहिजे। \ior 1:5—3:10 \ior*
\io1 3. मंग उ अमीला एकमेक लक पिरेम करनो को हुकूम ला हेत करावासे। \ior 3:11—5:12 \ior*
\io1 4. उ मा आपरो चिठ्ठी ला खतम करासे। \ior 5:13-21\ior*
\c 1
\s जिंदगानी को बचन
\p
\v 1 उ दुनिया को सुरुवात लकच ही होतो: आमीना येला आयकासेजन, आपरो नजर लक चोयोसेजन से, धियान लक चोयो सेजन, अना येला खुदच आपरो ही हातगीन लक आमीने येला छुयिसेत। आमी ओनो वचन को बारे मा साँग रही सेजन जो जीवन से। 
\v 2 ओनो च जीवन को गियान आमीला करायो गयो। आमिना ओला चोया सेजन। आमी ओको गवाही सेजन अना अबा आमी तुमी लोकहुन ला ओना च अमर जिंदगी को एलान कर रही सेजन जोन बाबूजी को संग होतो अना आमी जेनको गियान करायो गयो। 
\v 3 जोन काही आमी ना दिसया अना आयको सेजन ओको खबर तुमला देसेजन, एकोलाय की तुमी भी आमरो संगा संगी सेजन, अना आमरो यो संगीपन बाबूजी को संगा अना ओको टूरा यीसु मसीह को संग से। 
\v 4 अना यो गोस्टी आमी एकोसाठी लिखासेजन का तुमरो खुसी पूरी भयी जाहे।
\s परमेस्वर आमरो पापहुन ला छिमा करासे
\p
\v 5 आमिना यीसु मसीह लक जोन साजरो बारता आयकोसेजन, उ यो से अना ऐलाच आमी तुमला आयकी सेजन, परमेस्वर उजियाड़ो से अना ओमा जरासो भी अंधारो नही से। 
\v 6 यदि आमी कव्हबिन का आमी ओको संगी सेजन अना पाप को अंधारो जिंदगी ला जीवत रहया ता आमी खोटो कव्हसेजन अना खरो को अनुसरन नही कर रही सेजन। 
\v 7 पर यदि आमी अबा उजियाड़ो मा पुढ़ा बढ़सेजन काहेकि उजियाड़ो मा च परमेस्वर से-ता आमी भरोसा को रुप मा एक दुसरो को संगी सेजन, अना परमेस्वर को टूरा यीसु को रकत आमला सबच पापहुन लक सुद कर देवासे।
\p
\v 8 अदी आमी कव्हबिन का आमी मा काही पाप नहात, ता आपरो आप ला दगा देसेजन अना आमरो मा खरो नाहोति। 
\v 9 अदी आमी आपरो पाप ला मान लेबिन, ता उ आमरो पाप गीन ला छिमा करनो को लाई अना अमीला सप्पा अन्याय लक सुद्ध करन लाय भरोसा लायक अना न्यायी से। 
\v 10 अदी आमी कव्हबिन का आमी ना कोनी पाप नही करयो सेजन, ता आमी परमेस्वर ला खोटो ठहरा सेजन अना ओको बचन आमी मा नहाय।
\c 2
\s मसीह आमरो सहारा
\p
\v 1 एकोसाठी अगा माया को टुरागीन, यो गोस्टी मि तुम्ही ला एकोलाई लिख रही सेऊ तुमी पाप मा नोको पड़ो अना अदी कोनी पाप करेत ता बाबूजी को कठा आमरो पापहुन लक बचावन साठी बचावन वालो एक सहारा से, मन्जे उ से न्यायी यीसु मसीह। 
\v 2 उ एक बलिदान से जोन हमारो पापहुन ला छिमा करासे न केवल आमरो पापहुन को मनजे सप्पा संसार को पापहुन को।
\p
\v 3 अदी आमी परमेस्वर को हुकूम ला मान लेवबोन ता योच उ रास्ता सेत जेकोलक आमी पिक्को होवबिन का आमीना खरोखर ओला जान लिया सेजन। 
\v 4 अदि कोनी कव्हसे की, “मि परमेस्वर ला जानासेऊ!” अना ओको हुकूम गीन ला नही मानासे ता उ खोटो से। ओको मन मा खरो नहाय। 
\v 5 पर अदि कोनी परमेस्वर को बचन को पालन करासे ता ओमा परमेस्वर को माया सिध्द भयी से। योच उ रास्ता से जकोलक आमला पिक्को होवासे का आमी परमेस्वर मा पिक्को सेजन। 
\v 6 जोन असो कव्हसे का उ परमेस्वर मा बनयो से, ओला यीसु को जसो जिंदगी जीवनो पाहिजे।
\s सब लक माया राखो
\p
\v 7 अगा चहेतो, मि तुमला कोनी नवो हुकूम नही लिख रही सेउ पर यो एक सनातन हुकूम से। जोन तुमला सुरुवात मा च देव देयि गयी होती। यो जूनो हुकूम उ साजरो बारता से जोन तुमना आयकियो सेव। 
\v 8 मि तुमला एक अखिन दुसरी नवी हुकूम लिख रही सेऊ। ऐना बिसय को सत्य मसीह को जिंदगी मा अना तुमरो जिंदगी हुन मा उजागर भयी से काहेकि अंधारो खतम होय रही से अना खरो उजियाड़ो ता चमक च रहयो से।
\p
\v 9 जोन कोनी असो कव्हसे का मि उजाडो मा सेव अना आपरो भाऊ लक बैर राखासे, ता उ अबा तकन अंधार मा बनयो हुयो से। 
\v 10 पर जोन कोनी आपरो भाऊ लक माया राखासे, उ उजाडो मा बनयो रव्हसे, अना ओको जिंदगी मा असो काही च नही से जेनको लक कोनी पाप मा नही पड़हेत। 
\v 11 पर जोन कोनी आपरो भाऊ लक ईरसा राखासे, उ ईंधारो मा से। उ अंधारो मा जिंदगी जी रही से। उ नही जाना, उ किता जाय रही से। काहेका ईंधारो ना ओको डोरा भोकना कर देईसेस।
\p
\v 12 ओ माया को टुराहुन, मि तुमी ला एकोलाई लिखासेऊ, काहेका यीसु मसीह को काज तुमरो पाप छिमा कियो गयी सेत। 
\v 13 ओ बाबुजीहुन, मि तुमीला एकोलाई लिखासेऊ, काहेका तुमी, जोन सूरूवात लक रव्हसे तूमी ओला जानासेव। ओ जुवानहुन, मि तुमला एकोलाई लिखासेऊ, का तुमना ओना बुराई पर जीत पायासेव।
\p
\v 14 ओ लेकराहुन, मि तुमला लिख रही सेऊ, काहेका तुमी परमेस्वर बाबूजी ला जान गयासेव। ओ बाबुजीहुन, मि ना तुमीला एकोलाई लिखासेऊ, काहेका जोन सूरू लक से तुमी ओला जान गयी सेव। ओ जुवानहुन, मिना तुमला एकोलाई लिखासेऊ, काहेका तुमी ताकतवर सेव, अना को गोस्टी तुमी मा बनो रव्हसे, अना तुमी ना ओनो बुराई पर जीत पायासेव।
\s संसार लक माया नही करनो
\p
\v 15 संसार ला अना संसार की चीजगीन ला माया नोको राखो। अदि कोनी संसार लक माया राखासे, ता ओको दिल मा बाबूजी को माया नही से। 
\v 16 काहेकि ऐना संसार को हरेक चीज, जोन पर लोक एतरो घमन्ड करासेत। मोठयो बाबूजी को कन लक नही से पर उ ता संसारिक से। 
\v 17 यो संसार आपरी लालसा हुन अना मरजीहुन सकट खतम होतो जाय रही से पर उ जोन परमेस्वर को मरजी ला मानासे, अमर होय जासे।
\s मसीह-बिरोधीहुन को मंघा नोको होवने
\p
\v 18 ओ चहेतो टुराहुन, यो आखरी बेरा आय गयी से! अना जसो का तुमिना आयकिया सेव का मसीह को बिरोधी आय रही से। एकोलाई अब कई मसीह बिरोधी उपजीसेत। ऐनाच आमी जानबिन का आखरी बेरा आय गयी से। 
\v 19 मसीहको बिरोधी आमरो च बीच लक हिटीसेत पर बाकई मा वय आमरो नही सेत काहेकि अदि वय खरो आमरो होतीन ता आमरो संगी होतीन। पर वय आमला तज देयि सेत जेकोलक वय यो चोवाय सकेत का उनमा लक कोनी भी पक्को मा आमरो नाहती।
\p
\v 20 पर तुमरो ता ओना पवीतर लक अभिसेक हुयो से। एकोलाई तुमी सब सत्य ला जानासेव। 
\v 21 मिना तुमला एकोलाई नही लिखासेव की तुमी खराई ला नही जानासेव, पर तुमी ता ओला जानासेव अना एकोलाई का सत्य लक कोनी खोटो नही हिटसे।
\p
\v 22 पर जोन यो कव्हसे का यीसु मसीह नाहती, उ खोटो से। असो मानूस मसीह को बैरी से उ ता बाबूजी अना टूरा दुही ला नकारसे। 
\v 23 जोन कोनी टूरा लक मुकर जावसे ओको जवर बाबूजी भी नही: पर जोन टूरा ला मान लेवासे, उ बाबूजी ला भी मानासे।
\p
\v 24 जोन काही तुमी ना सुरू लक आयकिया सेव, वाच तुम मा बनयो रव्हे; जोन तुमी ना सुरू लक आयकियो सेव; अदि उ तुमी मा बनयो रव्हे ता तुमी टूरा मा अना बाबूजी मा बनया रव्हो। 
\v 25 ओना आमला अमर जिंदगी देन को परन करीसेस।
\p
\v 26 मिना यो गोस्टी तुमला उन लोकहुन को बारे मा लिखयोसेऊ, जोन तुमला भरमावन को तक्का मा रव्हसेत। 
\v 27 पर तुमरो उ अभिसेक जोन ओको कन लक करयो गयो, तुमी मा बनयो रव्हसे; अना तुमला ऐको मकसद नही का कोनी तुमला सिखाहे वरन जसो उ अभिसेक जोन ओको कन लक करयो गयो तुमला सबच गोस्टी सिकावासे, अना यो खरो से अना खोटो नहाती; अना जसो ओना तुमला सिकायो से वसोच तुमी ओमा बनयो रव्हसो।
\s परमेस्वर को औलाद
\p
\v 28 एकोलाई ओ चहेतो लेकराहुन, ओमा बनयो रव्हो का जबा हमला ओको गियान होय ता आमी हिम्मत पाय सकबिन, अना आमी ओको मंग आवनो को बेरा आमला लजाबिन नहि। 
\v 29 अदि तुमी यो जानासेव, की उ न्यायी से, ता यो भी जानासेव का जोन कोनी नेकी को काम करासे उ परमेस्वर लक जन्मो से।
\c 3
\s आमी परमेस्वर को सन्तान सेत
\p
\v 1 बिचार करबिन दिसबिन का मोठयो परमेस्वर बाबूजी ना आमी पर केतरो मोठो माया दिसायीसेस। जेकोलक आमी ओको टूरा-टूरी कहलाबिन अना बाकई मा वय आमिच सेत एकोलाई संसार आमला नोको ओरखबिन काहेका उ मसीह ला नही चिन्हासेत। 
\v 2 ओ चहेतो हुन, अब आमी परमेस्वर को औलाद सेजन पर भबिस्य मा आमी काजक होवबिन, अबा तक ऐको मालुम नही करायो गयो से। जोन भी होय, आमी यो जानबिन का मसीह को मंग दिसावन पर आमी ओकोच जसो होय जावबिन काहेकि उ जसो सेत, आमी ओला बेस वसोच चोयबिन। 
\v 3 हरेक कोनी जोन ओनो पर असी आस राखासे, उ आपरो आपला वसोच पवितर करासे जसो मसीह पवितर से।
\p
\v 4 जोन कोनी खोटो करम करासे, उ को परमेस्वर नियम ला बिरोध करासे। काहेकि नियम ला बिरोध करनो च पाप से। 
\v 5 तुमी ता जानाच सेव का मसीह लोकहुन को पापहुन को एकोलाई दिसयो की पाप हुन ला दुहुर कर लेहे। उ सुभाव लक पापी नहाती। 
\v 6 जोन कोनी ओमा बनयो रव्हसे, उ पाप नही करा; जोन कोनी पाप करासे ओना ना ता ओला चोयीसेस अना नाच ओला जानीसेस।
\p
\v 7 ओ टुराहुन कोनी को भरमावनो मा नोको आवनो। जोन न्याय को काम करासे, वाच ओको जसो धरमी से। 
\v 8 जोन कोनी पाप करासे उ सैतान\f + \fr 3:8\fr*\ft इबलीस\ft*\f* को कन लक से, काहेकि सैतान सुरुवात लक पाप करतो आयोसे। परमेस्वर को टूरा एकोलाई आयो का सैतान को काम ला नास करेत।
\p
\v 9 जोन कोनी परमेस्वर लक पैदा लेई सेस, उ पाप नही करासे; काहेकि ओको सुभाव ओमा बनयो रव्हसे, अना उ पाप कर च नही सका काहेका परमेस्वर लक पैदा लेई सेस। 
\v 10 ऐकोच लक परमेस्वर को औलाद अना सैतान को औलाद जानो जासेती; जोन कोनी धरम को काम नही करासे उ परमेस्वर लक नही, अखिन उ जोन आपरो भाऊ लक माया नही राखा।
\s एक दुजो लक माया राखनो
\p
\v 11 काहेका जोन साजरो बारता तुमी ना सुरूवात लक आयकियात, उ यो से का आमी एक दुसरो लक माया राखबिन; 
\v 12 अना कैन को जसो नोको बनबिन जोन ओनो दुस्ट लक होतो, अना जेने आपरो भाऊ ला मार डाकिस होतीस। अना ओला कोन कारन लक मार डाकिस? यो कारन का ओको काम बुरो होतीन, अना ओको भाउ न्यायी होतो।
\p
\v 13 ओ भाऊ, अदि संसार तुमी लक ईरसा करासे ता चकित नही होवनो। 
\v 14 आमी जानबिन का आमी मिरतु लक पार भयके जिंदगी मा पहुचियो सेजन; काहेका आमी भाऊगीन लक माया राखासेजन। जोन माया नही राखासे उ मिरतु को हाल मा रव्हसे। 
\v 15 जोन कोनी आपरो भाऊ लक ईरसा राखासे, उ खुनी से; अना तुमी जानासेव का कोनी खुनी मा अमर जिंदगी नही रव्हसे। 
\v 16 आमी ना माया एकोलाई जानिया का ओना आमरो लाई आपरो जान दे देईस; अना आमला भी आपरो भाऊ लाई जान देवनो जरुरी से। 
\v 17 पर जोन कोनी को जवर संसार को धन से अना आपरो भाऊ ला कंगाल दिसके ओको पर दया खावनो नही चाहे, ता ओमा परमेस्वर को माया कसो बनो रव्ह सकासे? 
\v 18 ओ टुरागीन, आमी गोस्टी अना जुबान लकच नही, पर काम अना खराई लक भी माया करबिन।
\s परमेस्वर को पुढा हिम्मत
\p
\v 19 एकोच लक आमी जानबिन का आमी खरो का सेजन; अना जेनो गोस्टी मा आमरो मन आमीला दोस देहे, ओको बारे मा आमी ओको पुढा आपरो-आपरो मन ला हिम्मत दे सकबिन। 
\v 20 काहेकि परमेस्वर आमरो मन लक मोठो से, अना वा सबच काही गुन-दोस जानासे। 
\v 21 ओ चहेतो हुन अदि आमरो मन आमला दोस नही देहे ता आमला परमेस्वर को पुढा हिम्मत होवासे। 
\v 22 अना जोन काही आमी माँगासेजन उ आमला ओकोलक मिलासे, काहेका आमी ओको हुकूम ला मानासेजन अना जोन काही ओला साजरो लगासे वाच करासेजन। 
\v 23 ओकी हुकूम यो से का आमी ओको टूरा यीसु मसीह को नाव पर भरोसा करबिन, अना ओना आमला हुकूम देईसेस ओकोच जसो आपसी मा माया राखबिन। 
\v 24 जोन ओको हुकूम ला मानासे, उ ओमा अना उ उनमा बनयो रव्हसे, अना एकोच लक मनजे ओना आतमा लक जोन ओना आमला देईसेस आमी जानासेजन की उ आमिमा बनयो रव्हसे।
\c 4
\s आतमा ला परखो
\p
\v 1 ओ चहेतो, हरेक आतमा को भरोसा नोको करो पर आतमा ला परखो का वय परमेस्वर को कन लक सेत का नही; काहेका लगत सा खोटो भविस्यवक्ता संसार मा हिटके उभो होयी सेत। 
\v 2 परमेस्वर को आतमा तुमी ऐना रीती लक ओरख सकासेव, जोन आतमा मान लेवासे का यीसु मसीह तन मा होयके आयिसे उ परमेस्वर को कन लक से, 
\v 3 जोन आतमा यीसु ला नही मानासे उ परमेस्वर को कन लक नहाती; वाच ता मसीहबिरोधी को आतमा से, जेनको चरचा तुमी आयक लेईसेव का उ आवनवालो से, अबा भी संसार मा से।
\p
\v 4 ओ लेकराहून तुमी परमेस्वर का सेव तुमी ना उन पर जीत पायासेव काहेका जोन तुमी मा से उ ओकोलक जोन संसार मा से, मोठो से। 
\v 5 वय संसार का सेत, एने कारन वय संसार को गोस्टी सांगासेत, अना संसार उनकी आयकासे। 
\v 6 आमी परमेस्वर का सेजन। जोन परमेस्वर ला जानासे, उ आमरो आयकासे; जोन परमेस्वर ला नही जानासे उ आमरो नही आयकासे। ऐना रीती लक आमी सच्चो आतमा अना भरम को आतमा ला ओरख लेसेजन।
\s परमेस्वर माया से
\p
\v 7 ओ चहेतोहुन आमी आपसी मा माया राखबिन; काहेका परमेस्वर माया लक से। जोन कोनी माया करासे, उ परमेस्वर लक पैदा लेइसेस अना परमेस्वर ला जानासे। 
\v 8 जो माया नही राखा उ परमेस्वर ला नही जाना, काहेकि परमेस्वर माया से। 
\v 9 जोन माया परमेस्वर आमी लक राखासे, उ एकोच लक आयीसेस का परमेस्वर ना आपरो एकच टूरा ला संसार मा धाड़ीसेस का आमी ओको लक जिंदगी पावबिन। 
\v 10 माया ऐमा नहाती का आमिना परमेस्वर लक माया करिया सेजन, पर ऐमा से का ओना आमी लक माया करीसेस अना आमरो पाप को पस्तावा को साठी आपरो टूरा ला धाड़ीस।
\p
\v 11 ओ चहेतोहुन, जब परमेस्वर ना आमी लक असो माया करीसेस, ता आमला भी आपसी मा माया करनो जरुरी से। 
\v 12 परमेस्वर ला कबा च कोनी ना नही चोयीसेस; अदि आपस मा माया राखबिन, ता परमेस्वर आमी मा बनयो रव्हसे अना ओको माया आमी मा सिध्द भयी गयो से।
\p
\v 13 एकोच लक आमी जाना सेजन का आमी ओमा बनयो रव्हसेजन, अना उ आमी मा; काहेका ओना आपरो आतमा मा लक आमला देयीसेस। 
\v 14 आमिना चोय भी लियासेजन अना गवाही देसेजन का बाबूजी ना टूरा ला संसार को सुटकारा देवनवालो करके धाड़ीसेस। 
\v 15 जोन कोनी यो मान लेवासे का यीसु परमेस्वर को टूरा से, परमेस्वर ओमा बनयो रव्हसे, अना उ परमेस्वर मा।
\p
\v 16 जो माया परमेस्वर आमी लक राखासे, ओला आमी जान गयासेजन अना आमला ओको भरोसा से। परमेस्वर माया से, अना जोन माया मा बनो रव्हसे उ परमेस्वर मा बनो रव्हसे, अना परमेस्वर ओमा बनो रव्हसे। 
\v 17 एकोच लक माया आमिमा सिध्द भयो का आमला नियाव को दिवस हिम्मत होहे; काहेका जसो उ से वसोच संसार मा आमी भी सेजन। 
\v 18 माया मा कोनी भेव नाहती, पर भरपूर माया भेव ला दूहुर करासेत। काहेका भेव को तालुक सजा लक होवासे, जोन भेव राखासे उ माया मा सिध्द नही भयो।
\p
\v 19 आमी एकोलाई माया करासेजन, का पयले ओना आमिलक माया करीसेस। 
\v 20 अदि कोनी कव्हेत, “मि परमेस्वर लक माया राखासेऊ,” अना आपरो भाऊ लक ईरसा राखेह ता उ खोटो से; काहेका जोन आपरो भाऊ लक जेने ओला चोयीसेस माया नही राखा, ता उ परमेस्वर लक भी जेनला ओना नही चोयीसेस माया नही राख सकासे। 
\v 21 ओकोलक आमला यो हुकूम मिलीसेस, का जोन कोनी परमेस्वर लक माया राखासे उ आपरो भाऊ लक भी माया राखेह।
\c 5
\s संसार पर जीत पावनो
\p
\v 1 जोन को यो भरोसा से का यीसु च मसीह से, अना परमेस्वर को टूरा से। जोन दाअजी ला माया करासे उ ओको टूरा ला भी माया करासे। 
\v 2 एने परकार जबा आमी परमेस्वर ला माया करासेजन अना ओकी हुकूम ला मानासेजन, ता आमी जाना सेजन का आमी परमेस्वर की सन्तानगीन लक माया करासेजन। 
\v 3 काहेका परमेस्वर लक माया राखनो को मायना से का आमी ओको हुकूम गीन ला मानबिन अना ओको हुकूम कठिन नहाती। 
\v 4 काहेका जोन कोनि परमेस्वर को टूरा बन जासे, उ जग पर जीत पावसे। अना जग को वरता आमला जोको लक जीत मिलासे, उ आमरो भरोसा से। 
\v 5 वाच जग पर जीत पावसे जोन यो भरोसा करासे की यीसु परमेस्वर को टूरा से।
\s यीसु मसीह को बारे मा गवाही
\p
\v 6 जोन पानी अना रकत को कन लक आयो होतो, मनजे सच्चो यीसु मसीह, उ ना ता केवल पानी लक पर पानी अना रकत दुही को कन लक आयो होतो। 
\v 7 ओको तीन गवाह सेत। 
\v 8 आतमा, पानी अना रकत; अना तीनच को एकच जसी गवाही सेत। 
\v 9 जबा आमी मानूस को गवाही मान लेसेजन, ता परमेस्वर को गवाही ता ओको लक बढके सेत; अना परमेस्वर को गवाही यो से का उ आपरो टूरा को बारे मा गवाही देसे 
\v 10 जोन परमेस्वर को टूरा पर बिस्वास करासे उ आपरो मा गवाही राखासे। जेना परमेस्वर पर बिस्वास नही कियोसेस ओना ओला खोटो ठहरायीसेस, काहेका ओना ओनो गवाही पर बिस्वास नही करीन जोन परमेस्वर ना आपरो टूरा को बारे मा देयीसेस। 
\v 11 अना ओकी गवाही यो से का परमेस्वर ना आमला अमर जिंदगी देईसेस, यो जिंदगी ओको टूरा कन लक मिलयो से। 
\v 12 जोको जवर टूरा से, ओको जवर जिंदगी से, अना जेनको जवर परमेस्वर को टूरा नहाती, ओको जवर जिंदगी भी नहाति।
\s अमर जिंदगी
\p
\v 13 परमेस्वर को टूरा मा भरोसा राखन वालो, तुमला यो गोस्टी मी एकोलाई लिख रही सेऊ जेनको लक तुमी यो जान लेव का अमर जिंदगी तुमरो जवर से। 
\v 14 आमरो परमेस्वर मा यो भरोसा से का अदि आमी ओको मरजी को कन लक ओकोलक बिनती करबिन ता उ आमरो आयकासे। 
\v 15 जबा आमी जानासेजन का जोन काही आमी मांगासेजन उ आमरी आयकासे; ता यो जानासेजन की जोन काही आमिना ओकोलक मांगीसेजन, उ पायो सेजन।
\p
\v 16 अदि, कोनी आपरो भाऊ ला असो पाप करतो दिसो जेनको फर मिरतु नही होहे, ता बिनती करेत, अना परमेस्वर ओला उनको लाई, जिनना असो पाप करीसेस जेनको फर मिरतु नही होहे। जिंदगी देहे। असो भी पाप से जेनको फर मिरतु से; ऐको बारे मा मि बिनती करन को लाई नही कव्हसू। 
\v 17 सबच परकार को अधरम ता पाप से, पर असो भी पाप से जेनको फर मिरतु नही।
\p
\v 18 आमी जानासेजन, का जोन कोनी परमेस्वर को टूरा बन गयी से भयी, उ पाप नही करत रव्हा पर परमेस्वर को टूरा, ओकी रक्सा करत रव्हसे। उ दुस्ट ओला छुय नही सकासे।
\p
\v 19 आमी जानासेजन का आमी परमेस्वर लक सेजन, अना सप्पा जग ओना दुस्ट को कब्जा मा से।
\p
\v 20 लेकिन आमी यो भी जानासेजन का परमेस्वर को टूरा आय गयो से अना ओना आमला उ गियान देइसेस, मनजे यो का आमी ओमाच रव्हसेजन, जोन खरो से, मोठयो परमेस्वर च खरो परमेस्वर से अना ओच अमर जिंदगी से।
\p
\v 21 ओ लेकरागीन, आपरो आपला मुरत गीन लक बचाव राखबीन।