\id 1CO 1 - Powari Standard Project
\ide UTF-8
\h 1 कुरिन्थियो
\toc3 1 कुरिन्थियो
\toc2 1 कुरिन्थियो
\toc1 पहेलो कुरिन्थियो को नाव पौलुस को चिठ्ठी
\mt2 1 कुरिन्थियो के नाव पौलुस का पतर
\mt1 पहेलो कुरिन्थियो को नाव पौलुस को चिठ्ठी
\imt परिचय
\ip पौलुस न पहलो कुरिन्थुस को चिठ्ठी यीसु को जलम को 55 साल बाद लिख्यो। \xt 1:1\xt* पौलुस न कुरिन्थियों को जोन दोन चिठ्ठी लिख्यो उनमा लक या पहेलो चिठ्ठी आय। पौलुस को इक्सा होतो का उ मकिदुनिया जातो बेरा अखिन आपिस आवतो बेरा कुरिन्थियों को लोकगिन लक मुलाखात करहेत अखिन मकिदुनिया को यातरा को पहिले ओना यो चिठ्ठी लिख्यो तब वोका डेरा इफिसियों मा होतो \xt 16:5-9\xt*
\ip पौलुस को कुरिन्थियों की कलिसीया मा जोन बेगरो-बेगरो परेसानी चल रह्यो होतो, उनमा होवन वालो फूट अखिन अनैतिकता जसी अलग-अलग सम्बन्ध काम चल रह्यो होतो ओको हवाला मिल्यो होतो उ हवाला को जवाब देन को लायी पौलुस न या चिठ्ठी लिखी। कुरिन्थुस सहर सम लैगिंग अनैतिकता को पापगिन को बारे मा जाहीर होतो। येकोलायी यो सुभाविक होतो की असी समस्या मन्डली मा भी सिरयो। या चिठ्ठी मा पिरेम को बारे मा जाहीर अध्याय से, ओको भी मिलान से, \xt 1:3\xt*
\iot रूपरेखा
\io1 1. पौलुस को कुरिन्थिवासी गिनला नमस्कार अखिन वोकोलाय परमेस्वर को उपकार माननो। \ior 1:1-9\ior*
\io1 2. जोन समस्या पौलुस न कुरिन्थियों की मन्डली मा होतो वोको बारे मा आयकनो दल मा बटन को बारे मा जवाब देवनो। \ior 1:10—4:21 \ior*
\io1 3. अनैतिकता को समस्या अखिन एकमेक ला न्यायालय मा खिचनो पारिवारिक जीवन। \ior 5—6 \ior*
\io1 4. बिहाव की अड़चन, मूरती को चढ़ावा, सामूहिक आराधना, आत्मा को दान अखिन दुबारा जित्तो होवनो। \ior 7—15\ior*
\io1 5. बरताव को अना नीजी मुद्दा को बारे मा पौलुस को सलाह। \ior 16\ior*
\c 1
\s भूमिका
\p
\v 1 धाड़न वालो, पौलुस! जोन ला परमेस्वर को मरजी लक यीसु मसीह को पेरीत कह्यो जावत होतो, अना आमरो भाऊ सेस्थिनेस,\x - \xo 1:1 \xo*\xt पेरीत 18:17\xt*\x* 
\v 2 कुरिन्थुस नगर को परमेस्वर को वोना कलीसिया को नाव, जोन यीसु मसीह मा पवितर कियो गयो सेत। अना जोनला परमेस्वर ना पवितर लोक बनन को लाय उनको संग निवाड़ो सेत। जोन हर जघा पिरभू यीसु को नाव ला हाकल सेत। 
\v 3 आमरो बाबूजी परमेस्वर अना पिरभू यीसु मसीह को कन लक तुम्हिला दया अना सान्ती भेटत रव्हे।\x - \xo 1:3 \xo*\xt रोमियो 1:7\xt*\x*
\p
\v 4 जोन किरपा तुम्हिला परमेस्वर ना यीसु मसीह लक दियो सेत। वोको लाय मी आपरो परमेस्वर ला धनवाद देवा सेऊ। 
\v 5 यीसु मसीह मा होयके तुमी हरेक गोस्टी मा, मजे सप्पा बचन अना सप्पा गियान मा, धनी बन गयो सेत। 
\v 6 अना यीसु मसीह को यो सन्देसा तुमरो मा पक्को भयी गयो सेत। 
\v 7 यहान तकन का, कोनी बरदान को तुमरो मा कमी नाहती, अना तुमी आमरो पिरभू यीसु मसीह को, परगट होवन को रस्ता चोवत रव्हासो। 
\v 8 परमेस्वर तुमला अखट्ट तकन पक्को बनाय राखेत, जोन लक तुमी आमरो पिरभू यीसु मसीह को दिवस तकन बेडाग रव्हो। 
\v 9 परमेस्वर मा भरोसा ठेवनो पाहिजे। जोन ना आपरो टूरा यीसु मसीह को संग रव्हन को लाय हाकलयो सेत।
\s कलीसिया मा फूट
\p
\v 10 मोरो संगीहुन! अमरो पिरभु यीसु मसीह को नाव मा मोरो तुमरो लक पिराथना सेत का तुमरो मा कोनी फूट नोको होवे। तुम सबा एक संग जुटो रव्हो अना तुमरो बिचार अना धेय एकच होवे। 
\v 11 काहेकि अगो भाऊहुन! खलोए को घराना को लोकगीन, तुमरो बारेमा सांगयो सेत का तुमरो मा झगड़ा रार होवा सेत। 
\v 12 मोरो सांगनो यो से का, तुमरो मा कोनी तो आपरो आपला पौलुस को, कोनी अपुल्लोस को, कोनी कैफा को, अना कोनी मसीह को कव्हासेत। 
\v 13 का मसीह बट गयो सेत? का पौलुस तुमरो लाय कूरूस मा चघायो गयो सेत? या तुमिला पौलुस को नाव लक बप्तिस्मा भेटयो सेत। 
\v 14 मी परमेस्वर को धनवाद करासू का क्रिस्पुस अना गयुस ला सोड़, मीना कोनी ला बप्तिस्मा नही देईसेव। 
\v 15 कहि असो ना होहे का, कोनी बोलहेत का तुमीला मोरो नाव लक बप्तिस्मा मिलिसेत। 
\v 16 अना हव मीना स्तिफनास को घराना ला छोड़, अखीन कोनी ला मी बप्तिस्मा नही देइसेव। 
\v 17 काहेका मसीह ना मोला बप्तिस्मा देवन काजी नही, पर साजरो बारता आयकुआय लाय हक लक धाड़िसेस। वो भी सबद को लक नही, कही असो ना होहे की, मसिहा को कूरूस ला लोक बेकार समझन लगहेत।
\s मसीह यीसु परमेस्वर को गियान अना सक्ति आय
\p
\v 18 काहेका कूरूस को कथा, नास होवन वारा लाय, अठ्ठियापन सेत। पर आमी सूटकारा पावनवालो को लाय, परमेस्वर को ताकत सेत। 
\v 19 काहेका लिखीसेत, मी गियानी गिनको गियान ला नास कर देहू, अना समजदार गीनको समजदारी ला बेकार कर देहू। 
\v 20 कहान रहयो गियानीगिन? अना कहान रहयो मोसे को नियम को गुरू? कहान रहयो यो दुनिया को बकवासी? का परमेस्वर ना दुनिया को गियान ला, अठ्ठियागिरी नही ठहराईसेस? 
\v 21 काहेका जबा परमेस्वर को गियान को लक दुनिया, परमेस्वर ला नही जानिन, तबा परमेस्वर ला यो साजरा लगयो का परचार को मुरखता को लक, भरोसा करनवारा ला सूटकारा दे। 
\v 22 यहूदी गीन हिदान माँगसेत, अना यूनानी गीन गियान चाव्हा सेत। 
\v 23 पर आमी कूरूस मा चघायो, गयो मसीह को च परचार करीसेजन। यो यहूदिगीन काजी भरोसा, मा बाधा, सेत। अना गैर यहुदी लाय जाल सेत। 
\v 24 पर परमेस्वर को निवाड़ो गयो लोक गीनको लाई, चाहे वय यहूदी होय, या गैर यहुदी, येच मसीह की ताकत अना परमेस्वर की गियान से। 
\v 25 काहेका परमेस्वर को बेअक्कल, मानूसगिन को पूरो अक्ल लक लगत सेत, अना परमेस्वर की कमजोरी, मानूस की ताकत लक, लगत ताकतवर से। 
\v 26 ओ मोरो संगीहुन! अबा जरासो सोचो का जबा परमेस्वर ना तुम्हिला हाकलो होतो, ता तुमरो लक लगतसो ना अक्कल वर होतिन ना ताकतवर, लगत लोकगिन को समाज भी नीचो होतो। 
\v 27 गियानी गिनला लजान काजी, परमेस्वर न तुम लोकगीन ला बेचयो से, जोन दुनिया को डोरा मा मुरख से। ताकतवर गीनला लजान काजी, वोना लोकगीन ला निवड़ीसेस, जोन दुनियाँ को डोरा मा कमजोर से। 
\v 28 मोठो मानुसगिन को घमंड तोडन काजी, परमेस्वर वय लोकगीन ला निवाड़ी सेस, जोन दुनिया को नजर मा अठ्ठिया सेत। 
\v 29 जोनमा कोनी देह वालो मानूस, परमेस्वर को पुढ़ा घमंड नोको करे। 
\v 30 पर वोच परमेस्वर को कन लक तुमी यीसु मसीह मा सेव, जोन परमेस्वर को कन लक आमरो लाय गियान ठैरी सेत। नेकी अखीन पवीतर, अना मुकती। 
\v 31 एकोलाय जसो पवीतर गिरंथ मा लिखीसेत “अदी कोनी घमंड करनो चव्हा सेत तो उ पिरभू मा घमंड करे।”
\c 2
\s यीसु को कूरूस मा चघानो को बारे मा संदेसा
\p
\v 1 अगो मोरो संगीहुन! मी जबा तुमरो जवर आयो होतो। ता परमेस्वर को सच्चो राज की गोस्टी ला, बोली को चतुराई अना मानूस को अक्कल लक उपदेस देवत नही आयो होतो। 
\v 2 परा मी यो ठान के आयो होतो, का तुमरो बीच मा कूरूस मा चघायो गयो, यीसु मसीह को बारता को सिवाय कोनी गोस्टी नही करहीन। 
\v 3 काहेका मी तुमी लोक गीनको बीच रव्हत बेरा, कमजोर, गुमसुम अना लगत डरयो हुयो होतो।\x - \xo 2:3 \xo*\xt पेरीत 18:9; 2 कुरिन्थियो 11:30\xt*\x* 
\v 4 अना मोरो सबद अना संदेस मा मानूस जसो चिकनो चुपड़ो गोस्टी नोहोति। बल्कि उनमा आतमा को ताकत अना सबूत होतो। 
\v 5 जोनलक तुमरो बिस्वास मानूस को अक्कल को बजाय परमेस्वर को ताकत पर टिको रव्हे।
\s परमेस्वर को अक्ल
\p
\v 6 जोन समजदार सेत। उनला अमी अक्कल देवा सेजन। परा यो अक्कल यो जुग को नाहती। ना च यो जुग को राजा हुनको अक्कल सेत। जोन दुनिया ला नास को कगर मा आनासेत। 
\v 7 वोको जघामा अमी परमेस्वर को छिपयो गियान को अक्कल देवा सेजन। जोनला लगत जूनो जमाना ला परमेस्वर ना आमरो गौरव को काजी पक्को कियो होतो। 
\v 8 अना यो गोस्टी ला एना जुग को कोनी भी राजा अना सासक नहि समजयो। काहेका अदी समजयो होतो ता, वय वा महिमा लक भरयो, पिरभू ला कूरूस मा नही चघातो। 
\v 9 परा गीरंथ मा असो लिख्यो सेत,
\q1 “जोनला डोरा लक नही चोव सकत, अना कान लक नही आयकयो,
\q1 जहाँन मानूस को अक्कल तकन नही पहोच सका सेत।
\q1 असो गोस्टी परमेस्वर को चहेतो लोक गिन लाय राख्यो सेत।”
\p
\v 10 यो गोस्टी परमेस्वर ना आपरो आतमा लक आमरो पर परगट करीसेस, काहेकि आतमा सब काही गोस्टी, अना परमेस्वर को सब भेद ला भी जाँच से, अना सबा छिपयो भबिस्य वानी ला भी जाना सेत। 
\v 11 मानूस मा लक कोनी, कोनी को भितर को गोस्टी ला जानासेत? सिरप वोच मानूस को आतमा, जोन वोको भितर सेत। वसोच परमेस्वर की गोस्टी ला भी कोनी नही जान सकासे। सिरप परमेस्वर को आतमा। 
\v 12 पर अमीला दुनिया को आतमा नही, पर परमेस्वर को आतमा भेट्यो सेत। जोन लक अमीला परमेस्वर ना जोन वरदान सुपरुत करयो सेत, वोला अमी जान सका सेजन।
\p
\v 13 जोनला आमी मानूस गिनको सिकायो गोस्टी पर नही, पर आतमा को सिकायो गयो गोस्टी मा आतमिक गोस्टी मिला-मिला के बखान करा सेजन। सांगनो को बेरा मा, मानूस को बुध्दि लक दियो गयो सबद नही, पर आतमा कन लक मिलियो सबद गीनला बौजासेन। ऐना रिती लक आमी आतमिक गोस्टी मा आतमिक घटना को बारे मा साँगा सेजन। 
\v 14 पर सुभाविक मानूस परमेस्वर की आतमा सिक्सा नही धरा सेत। पर वोना गियान ला उ बेवाकुपी समजा सेत। अना ओला समजन काबिल नाहती। काहेका आतमा की सहायता लक, ओना सिक्सा की परख भई सका से। 
\v 15 आतमिक मानूस सबच गोस्टी की परख कर लेवा से, पर कोनी भी उ मानूस की परख नही सका, 
\v 16 जसो गीरंथ मा लिख्यो से
\q1 “पिरभु को मन कोन जानासे?
\q2 कोन ओला सलाह दे सकासे?”
\p अना अमी मा मसीह को मन बसयो हुयो से।
\c 3
\s परमेस्वर को दास
\p
\v 1 अगो संगीहुन! जोनको जवर आतमा सेत, उनको जसो मी तुमी लक गोस्टी नही कर सकयो। परा मोला एको उलटा तुमी लोकहुन लक अबा बिस्वास कियो मसीह जसो, तुमरो लक गोस्टी करनो पड़यो। मजे कलिसिया को बहारि लोक जसो\f + \fr 3:1\fr*\ft मजे “तन को अनुसार चलन वालो जसा”\ft*\f*। जोन मसीह मा लेकरा जसो सेत। 
\v 2 तुम्हिला मोला दूध च पिलानो होतो। तुमी जेवन काबिल नही होतो। अना अबा भी तैयार नही सेव। 
\v 3 अबा तुम यो दुनिया को लोकगिन को जसो रव्हासेव। जबा तुमी मा ईरसा होवा सेत। अना तुमी एकमेक लक झगड़ा करा सेव। का एकोलक साबीत होवा सेत का तुमी यो दुनिया लक संबंध लक जी रहयो सेत। 
\v 4 जबा तुमरो मा लक कोनी कव्हासेत, “मी पौलुस को मघा चला सेऊ।” अना दुसरो, “मी अपोलुस को मघा चला सेऊ।” का तुमी दुनिया को लोक को जसो काम नही कर रहयो सेत?
\p
\v 5 अखट्ट मा, अपोलुस कउन सेत? अना पौलुस कोन सेत? अमी केवल परमेस्वर को सेवक सेत। जोनको लक तुम्ही बिस्वास करन को लाय तैयार भयी सेव। आमरो लक हरेक वोच काम करा सेत, जोन काम पिरभू ना उनला दियो होतो। 
\v 6 मिना बीज पेरो, अपोलुस ना फसल मा पानी चलायो। परा परमेस्वर ना वोला बड़ायो। 
\v 7 जोन फसल पेरा सेत, अना जोन पानी सिंचा सेत उनको कोनी मायना नाहती। परा फसल ला बड़ावन वालो परमेस्वर मायना राखा सेत। 
\v 8 लगावन अना सींचनवालो एकच काम करा सेत, अना हरेक आपरो-आपरो मेहनत को लक पगार पाहेत। 
\v 9 अमी परमेस्वर को लाय एक संग काम करन वालो संगी सेजन। अना तुम परमेस्वर को काम करन को छेतर सेव। अना तुमी परमेस्वर को इमारत सेव। 
\v 10 जोन बरदान परमेस्वर ना मोला दियो सेत, वोला बवजतो हुया मिना एक इमारत बनावन वालो इन्जनियर जसो, काम करीसेऊ। अना पाया धरीसेऊ, अना कोनी वोको मा बनावअ सेत। परा हरेक ला हुसियार रव्हन को जरूरत सेत। का कसो बनावअ सेत। 
\v 11 यीसु मसीह घर को रद्दा सेत वोला छोड़ कोनी दुजो नीव नही डाक सकत। 
\v 12 नीव मा रद्दा राखत बेरा कोनी मानूस सोन्नो खूरो कीमती गोटा काड़ी गवथ अना तनीस काम मा मनजे, 
\v 13 तो हरेक को काम परगट भई जाहेती। अना नियाव को दिवस उ सागेत। काहेका उ स्तो को संग परगट होहे। अना उ स्तो हरेक काम की परिक्सा लेहेत का कसो सेत? 
\v 14 जोन को काम बनो रव्हे, ओला ईनाम मिलेह। 
\v 15 जोन को काम जर जाहे ओला ईनाम नही मिलेह, मंग उ बच जाहे, जसो कोनी स्तो पार करके बच जासे।
\p
\v 16 का तुमी नही मालूम सेत का तुमी परमेस्वर को मंदिर सेव? अना परमेस्वर को आतमा तुमी मा रव्हसे। 
\v 17 अदी कोनी परमेस्वर को मंदिर ला नास करा से, तो परमेस्वर ओला नास करा से। काहे की परमेस्वर को मँदिर पवीतर से, अना उ मँदिर तुमी सेव।
\p
\v 18 कोनी आपरो आप ला धोखा नोको देवे। अदी तुमी मा लक कोनी दुनिया मा अपरो आपला गियानी समजासे, तो अपरो आपला मुरख बनाय ले। 
\v 19 काहेकि यो संसार को गियान, परमेस्वर को नजर मा अठ्ठियापन सेत। पवीतर गिरँथ मा यो लिखी से, “उ गियानी गीनला उनको चतुराई मा च फसावासे” 
\v 20 अना यो भी लिखीसे, “पिरभु जानासे की गियानी गीनको सोच विचार बेकार से।” 
\v 21 एकोसाठी कोनी मानूस पर गरब नही करे। सबच काही तुमरो च से। 
\v 22 चाहे उ पौलुस, अपुल्लोस अना कैफा होय, संसार होय या जीवन होय या मिरतु होय, बितो बेरा होय या भबिस्य होय-उ सबच तुमरो से। 
\v 23 पर तुमी मसीह का सेव अना मसीह परमेस्वर को से।
\c 4
\s पवीतर सेवा ला परखनो
\p
\v 1 तुम्हि लोक अमिला एक मसीह को सेवक को रूपमा समजनो पाहिजे। परमेस्वर ना अमिला आपरो लुकयो हुया सच्चाई ला सांगन वालो बनायो गयो सेत। 
\v 2 असो सेवक गिनको लाय यो गोस्टी जरूरी सेत। का वय अपरो गुरु को लाय बिस्वास को काबिल होवनो पाहिजे। 
\v 3 मोला एको जरासो भी चिन्ता नाहती। का तुमी लोकहुन मोरो नियाव करो। या मानूस को कोनी अदालत। मी स्वता आपरो नियाव नही करा सेऊ। 
\v 4 मोरो मन सफा सेत, परा यो साबीत नही करा सेत। का मी सही मा निरदोस सेऊ। परमेस्वर मोरो निरदोस होवन को फैसला करा सेत। 
\v 5 एकोलाय तुम्हिला सही बेरा आवन को पयले कोनी को फैसला नही करनो पाहिजे। आखीर फैसला परमेस्वर को आवन को रस्ता चोवनो पाहिजे। उ जोन राज इन्धार मा लुकयो सेत, उनला उजाड़ मा आनेत। अना लोक गिनको डिमाक मा लुकयो उद्देस्‍य ला उजागर करहेत। तबा सबला परमेस्वर को कन लक बड़ाई भेटेत जोनको वय हकदार सेत।
\p
\v 6 अपरो हित को लाय, मोरो संगीहुन! मिना अपोलुस अना मोरो उदाहरन लक यो गोस्टी सबा पर लागू करीसेऊ। जोन लक सबा सिक्सा आन के साजरो लक नियम को पालन करहेत। तुमीला कोनी पर गरब करनो अना कोनी ला नीच नही समजनो पाहिजे। 
\v 7 कोनना तुम्हिला दुसरो लक साजरो बनायो सेत? का परमेस्वर ना तुम्हिला सबा काही नही दियो सेत जो तुमरो जवर सेत? खरो सेत, मंग तुमी कसो घमंड करा सेव? असो, जसो का कोनी चीज दुसरो को दियो नाहती?
\p
\v 8 का सबा जरुरत को चीज पयले लक तुम्हरो जवर सेत? का पयले लक तुम्ही धनवान सेव? का तुम्ही राजा सेव? भलो अमी नाहती, मोरो मनसा तो असो होतो का तुम्ही राजा होवतो अना अमी सब राज करबिन। 
\v 9 मोला ता असो लगासे, की परमेस्वर ना अमी पेरीत गिनला अखट्ट मा जघा दियो सेत। जसो का लोकगिन, अना सरगदूत गिनको पूरो दुनिया मा, अना मानूस गिनको लाय आमरो मौत को जुलुस हिटी सेत। 
\v 10 अमी मसीह को साठी मुरख सेजन, पर तुमी मसीह मा समजदार दास सेव। अमी कमजोर सेजन, अना तुमी ताकतवर सेव। तुमी ला ईज्जत भेटा सेत, पर आमरो बेइज्जती होवा सेत। 
\v 11 येना बेरा अमी भुको, तहान सेजन। फटयो-जुनो कपरा घालअ सेजन, मार खावा सेजन, आमरो संग बुरो बरताव होवा सेत, अमी बेघर सेत। 
\v 12 अमी कड़ो मेहनत करके हरेक जरुरत ला पुरो करा सेजन। जबा कोनी अमिला सराप देवा सेत ता अमी आसिरवाद देवा सेजन। जबा अमिला कोनी सतावा सेत ता अमी सहन करतत। अमी आपरो हात लक मेहनत कर-करके थक जाय सेजन। 
\v 13 वय हमारो निंदा करसेति, अना हमि बिनती करा सेजन। वय हमरो सँग असो बरताव करा सेत, जसो अमी संसार को कचरा अना समाज का कुड़ा सेजन।
\p
\v 14 मि तुमला लजान काजी नही, पर आपरो चहेतो लेकरा समजके यो गोस्टी लिखके, सतरक करा सू। 
\v 15 अदी तुमरो कठा लगत गुरुगिन सेत, पर मसीह मा तुमारो लगत सा दआजी नाहती। काहेका, मसीह यीसु मा साजरा बारता लक मी तुमी लोक गीनको दआजी बनयो सेऊ। 
\v 16 अता मी तुमी लक बिनती करा सू, का तुमी मोरो जसो चलो। 
\v 17 योच कारन लक मीना, तीमुथियुस ला, जोन पिरभू यीसु मसीह मा मोरो चहेतो टूरा सेत। वोला मी तुमरो कठा धाड़िसेउ। वो तुमिला मसिहा मा मोरो भरोसा को लायक चाल चलन ला हेत करायेत। जसो का मी हरेक जघा कलीसिया मा सिक्सा देवा सेऊ।
\p
\v 18 काही लोकगीन घमंडी भई गई सेत। उनला असो लगा से, जसो मी उनको कठा आवनवालो नही सेऊ। 
\v 19 पर पिरभू को मरजी सेत, ता मी तुमरो कठा लवकर आहिन। अना गरब करनवालो, लोक गीनको ताकत को पता चल जाहेती। 
\v 20 काहेका परमेस्वर को राज, गोस्टी मा नाहती, पर वोको ताकत मा सेत। 
\v 21 तुमरो काजक मनसा सेत? का तुमी ला समजावन काजी बेत धरके आऊ? या पिरेम, अना नरमी आतमा आन कन आऊ?
\c 5
\s कुमारगी ला कलीसिया लक हेड़ो
\p
\v 1 अबा, सही मा यो आयकनो मा आवा सेत, का तुमरो बीचमा कु करम लगत फैल गयो सेत। असो कुकरम ता कोनी कुल को लोक गिनमा भी नाहती। मोला बतायो गयो सेत का एक मानूस आपरो मौसि माय को संग सो रहयो सेत। 
\v 2 मंग काजक को गरब, एको उलट तुमरो मा उदासी होवनो पाहिजे। अना जोन मानूस ना असो काम कियो सेत वोला संगती लक बाहेर हेड़ो। 
\v 3 अना मी तुमरो बीच मा नही सेऊ, मी दुहुर सेऊ, मंग मन लक तुमरो संग सेऊ। तुमी असो समजो का मी तुमरो जवर सेऊ। मीना पयले लक पिरभू यीसु को नाव लक फैसला देवा सेऊ 
\v 4 का जबा तुमी संगति मा जमा होवने ता मोरो आतमा अना यीसु को ताकत लक, 
\v 5 वा मानूस को देह ला सैतान को हात मा सोप देवने। वोको देह तो नास भयी जाहेत। पर पिरभु को दिवस मा वोको आतमा बचायो जाहेत। 
\v 6 तुमरो गरब करनो साजरा नाहती। का तुमीला मालुम नहती? जरा सो खमिर सब मलो कनिक ला खमीर बना डाका सेत, अना जसो हाना सेत का “एक मरो मसरी, सप्पा बोडी को पानी ला, खराब कर देवसेस।”\x - \xo 5:6 \xo*\xt गलातियो 5:9\xt*\x* 
\v 7 ता तुमी जुनो खमीर ला हेड़के, आपरो आपला सूद करो, मजे नवा मलो कनिक जसो बन जावो, जसो तुमी सहीमा सेव। काहेका आमरो फसह को तिहार को पाठी, मसीह भी बली भईसेस। 
\v 8 एकोलाय आमी ना तो जूनो खमीर लक, ना तो बुराई, अना दुस्टपन को खमीर लक, पर बिना कपट को, अना खराई लक बेखमिरी भाकर लक, फसह को तिहार मनाबीन।
\p
\v 9 मि ना आपरो चिठ्ठी मा लिखि सेव, का छिनरापन करनवारा को संगती नोको करजोस। 
\v 10 यो जरुरी नाहती, का तुमी, यो दुनिया को छिनरा, लालची, लुटेरा, अना मुरत पुजा करनवारा, लोकगीन को संगति नोको राखो। तब ता तुम्हिला दुनिया लक हीट जानो पड़येत। 
\v 11 पर मिना सहीमा, यो लिखि सेव का, अदी कोनी मसीह भाऊ कहलावा से, अना छिनरापन, लालची, मुरत पुजा करनवालो, सिवा देवनवारा, बेवड़ा, लुटेरा, होहे ता वोको सगंति नोको करा जोस। पर असो मानूस को संग, जेवन नोको करा जोस।
\p
\v 12 काहेका मोला बाहेरवालो को नियाव करन लक काजक काम सेत? का तुम्हिला उनको न्याय नही करनो सेत? जोन कलीसिया मा सेत। 
\v 13 बाहेरवालो लोक गीनको नियाव, परमेस्वर करा सेत। पर तुमी असो खोटो काम करनवारा ला, आपरो बीच लक हेड़ देव।
\c 6
\s आपस को झगड़ा को फैसला
\p
\v 1 का तुमरो मा असो कोनी मानूस सेत जोन आपरो च भाऊहुन को बीच मा कोनी झगड़ा होवनो मा परमेस्वर को पवितर मानूस गिन को जवर नही जावा सेत, पर हिम्मत करके अन्यायी गिनको अदालत मा जावा सेत। 
\v 2 का तुमी ला नही मालूम सेत? का पवीतर लोकगीन दुनिया को सब लोक गीन को न्याय करयेत। अना यदी तुम्ही, सब दुनिया को लोकगीन को नियाव कराबिन। तो तुमी ऐना लहान-लहान झगड़ा-राड़ को नियाव स्वता काहे नही करा सेत? 
\v 3 का तुमी नही जाना सो, क आमी सरगदूत गिनको नियाव करबीन? ता का आमी, यो दुनिया को गोस्टी को न्याय करन काबील नाहती? 
\v 4 मंग जबा तुमी लोकगीन लाय, दुनिया को गोस्टी को न्याय करन लाय, अदालत सेत। तो का तुमी असो मानूस ला, न्यायलय बसा जोस, जोन कलीसिया मा काही नहती?\f + \fr 6:4\fr*\ft तो तुम्हि उनच लोक हुनला पंच बनाओ जोन कलिसिया मा काही नाहत।\ft*\f* 
\v 5 मी तुमला लजान काजी, नही सांगा सू। का यो खरो सेत, का तुमारो बीच मा कोनी गियानी भेद करन वालो नाहती? जोन आपरो भाऊ गीन को तन्टा ला सुलजा देवे। 
\v 6 अबिस्वासी गिनको पुढ़ा, न्याय भेटन लाय आपरो भाऊ-भाऊ पर नालिस करा सो। यो तुमरो काजी सरम को बात सेत।
\p
\v 7 तबा ता खरो-खर तुमरो पयलो गलती योच सेत। का तुमी एक दुसरो पर नालीस करा सेव, तुमी हानी काहे नही सहा सेव? तुमच छल ला काहे नही सहा सेव? 
\v 8 एको उलट तुमी आपरो भाऊ गीनको संग अन्याव करा सेव। 
\v 9 का तुमीला नही मालूम सेत? का बदी करन वालो परमेस्वर को राज मा वारिस नही होहेत। धोखा नोको खावो, छिनरापन करनवारा, ना तो मुरत पुजा करनवारा, ना दुसरो को बायको संग सोवनवारा, छिनाल, 
\v 10 न तो चोर, बेवड़ा, न सीवा देवन वालो, ना तो लुट-खसोट करन वालो, परमेस्वर को राज को वारिस होहेत। 
\v 11 अना तुमी मा लक काही, असोच होतिन। पर अबा तुमी पिरभू यीसु मसीह को नाव लक, अना आमरो परमेस्वर को आतमा लक, धोयो गयो, पवीतर करियात अना नेक बन गयो सेत।
\s देह परमेस्वर को महिमा करन काजी सेत
\p
\v 12 तुमरो मा लक कोनी असो सांगेत, “मोला सब चीज बेखटका करन को अधिकार सेत।” “हव पर सब साजरा नाहती।” मी असो सांग सका सू, “मोला सब चीज करन को सूट सेत।” “पर मी कोनी चीज को गुलाम नहिसेऊ।” 
\v 13 कोनी असो भी सांगेत पर जेवन पोटको लाय, अना पोट जेवन को लायसेत। पर परमेस्वर, यो दुई को अन्त कर देहेत। मंग देह छिंडरापन लाय नाहती, पर पिरभू काजी सेत, अना पिरभू देह काजी सेत। 
\v 14 परमेस्वर ना जसो पिरभू ला जिलायो, वसोच उ अमीला भी, आपरो ताकत लक जित्तो करयेत।
\p
\v 15 का तुमला मालूम नहती? तुमरो देह मसीह को आंँग सेत। तो का मी मसीह को आँग ला धरके बेसिया को आँग बना देऊ? 
\v 16 का तुमीला यो मालुम नहती? जोन बेसिया को संग सोवा सेत, वो वोको संग एक देह होय जावा सेत, काहेका असो कव्हयो गयो सेत, का दुई एक देह होहेत। 
\v 17 पर उ जोन पिरभू लक संगत करतत, वोको संग एक आतमा होय जासे।
\p
\v 18 छिनालापन लक पराय जावो। अना सप्पा पाप, जोन मानूस करा सेत, वय देह लक बाहेर होवासेत। पर छिनालापन करनवारा, आपरो देह को बिरोध मा पाप करासेत। 
\v 19 का तुमिला मालुम नही सेत? का तुम लक हरेक को देह पवीतर आतमा को मंदिर सेत। जोन तुममा सेत, अना वा तुमिला परमेस्वर लक भेटयो सेत। तुमी आपरो नही सेव। 
\v 20 काहेका तुमी मोल देके सूटायो गयो सेव, एको एवज मा आपरो तन लक, परमेस्वर को महिमा करो।
\c 7
\s लगन को बारेमा सवाल
\p
\v 1 अबा, तुमरो कन लक लिख्यो मामला गिनला निपटान को लाय। एक मरद साजरो लक बिहा नही करतत। 
\v 2 एकोलाय का उ लगत बायका को संग से। ता हरेक मरद को आपरो एकच बायको होवनो पाहिजे। अना हरेक बायको को एकच बायको होवनो पाहिजे। 
\v 3 एक मरद ला नवरा को रूपमा आपरो करतब पूरो करनो पाहिजे। वसोच एक बायको ला एक नवरी को रूपमा करतब पुरो करके दूई एक दुसरो को जरुरत पूरो करनो पाहिजे। 
\v 4 बायको ला आपरो देह मा हक नहती, पर वोको नवरा को सेत, वसोच नवरा को आपरो देह मा हक नाहती, पर वोकी बायको को सेत। 
\v 5 एक दुसरो ला यो हक लक दुहुर नोको राखो, पर काही दिवस काजी, दुई को मनको लक, बेगरो भई जावोत, जेनको लक पिराथना काजी बेरा मिल जाहेती, मंग एक संग रव्हो, सैतान ला मौका नोको देव, का उ तुमरो परिक्सा करे।
\p
\v 6 पर मी तुमला यो परमिसन देवा सू, यो हुकूम नाहती। 
\v 7 मंग मी चाव्हसु का, जसो मी कुंवारो सेऊ, वसोच सब मानूस कुंवारो रहेत, पर हरेक मानूस ला परमेस्वर कन लक, अलग-अलग बरदान भेटयो सेत। कोनी ला काही, तो कोनी ला काही?
\p
\v 8 पर अबा जोन कुंवारो अना बेवा सेत, उनला मी सांगा सेऊ का, उनको वसोच रव्हनो साजरा सेत। 
\v 9 वय बिना सादि को नही रव्ह सकसेत, ता वा सादी करा लेवे, तो साजरा सेत। काहेका लगन करनो, “बाडी कुदनो” लक साजरा सेत।\f + \fr 7:9\fr*\ft नरक को स्तो मा जरनो लक साजरा से।\ft*\f*
\p
\v 10 पर सादि-सुदा गिनला मी नही, पर पिरभू यो हुकूम देवा सेत, का बायको आपरो नवरा ला नोको सोड़े। 
\v 11 पर अदी वा सोड़ भी देवे, तो पाठ नोको करे, पर आपरो नवरा लक मिलाप करे, अना नवरा आपरो बायको ला नोको सोड़े।
\p
\v 12 दुसरो लक पिरभू नही, पर मी सांगासू, का अदी कोनी भाऊ को बायको बिस्वास नही राखा सेत, अना वोको संग खुसी लक रव्हा सेत तो उ वोला नोको सोड़े। 
\v 13 जोन बायको को नवरा अबिस्वासी सेत, अना वोको संग रव्हन लक खुस रव्हा सेत, तो वा नवरा ला नोको सोड़े। 
\v 14 काहेका असो भाऊ आपरो बायको को कारन लक पवीतर ठयरासेत, अना असी बायको जोन अबिस्वासी सेत, आपरो नवरा को कारन पवीतर ठयरासेत, असो नाहती तो तुमरो लेकरा बारा असुध्द होत्यो, पर अबा पवीतर सेत। 
\v 15 पर जोन नवरा भरोसा नही राखन वारा सेत, उ अदी बेगरो रव्हे, तो वोला बेगरो होवन देव, असो दसा मा कोनी भाऊ, अना बहिन कब्जा मा नाहती। काहेका परमेस्वर ना अमीला मेल करवान काजी हाकलि सेत। 
\v 16 काहेका अवो बायको! का तोला मालूम सेत? का तू आपरो नवरा ला बचाय सका सेत। अना अगो भाऊ! तोला का मालूम सेत? का तू आपरो बायको को ला बचा सका सेत।
\s परमेस्वर ना जसो हाकिलिसेस वसोच रव्हो
\p
\v 17 जसो पिरभू ना हरेक ला दीयो सेत, अना जसो परमेस्वर ना हरेक ला हाकलि सेत, वसोच चले, मी सबा कलीसिया मा असोच ठहरावा सेऊ। 
\v 18 अदी कोनी खतना करवान वालो मानूस ना परमेस्वर को हाकलनो ला अपना लियो सेत, ता वोको खतना हटावन को कोसीस नही करनो पाहिजे। वसोच बिन खतना वालो मानूस ना, परमेस्वर को हाकलनो आयक के आयो सेत, ता वोको खतना नोको करवाओ। 
\v 19 न खतना काही सेत, अना खतना नही करवानो काही सेत पर परमेस्वर को हुकूम ला माननो सब काही सेत। 
\v 20 हरेक जन जोन दसा मा हाकलो गयो सेत वोच मा रव्हे। 
\v 21 अदी तू दास को दसा मा हाकलो गयो सेत, तो मनमा चिन्ता नोको कर पर तू खुल्ला हो सका सेत असो काम कर। 
\v 22 काहेका जोन दास को दसा मा पिरभू मा हाकलो गयो सेत, उ पिरभू को छुड़ायो गयो सेत, वसोच जोन छुट्टो सेत उ मसीह को दास सेत। 
\v 23 तुमी दाम देके छुट्टो कियो गयो सेव, एको लाई तुमी मानुसगिन को दास नोको बनो। 
\v 24 अगो भाऊ हुन जोन कोनी जोन दसा मा हाकलो गयो सेव उ वोच दसा मा परमेस्वर को संग रव्हे।
\s कुवाँरी अना बेवा को बारेमा सवाल
\p
\v 25 अबा कुंवारी टुरीगीन को बारेमा पिरभू को कोनी हुकूम, मोला नही भेटिसेत। पर बिस्वास को काबिल होवन को काजी, जसो दया पिरभू ना मोरो पर करिया सेत, वोको लक मी सला देवा सेऊ।
\p
\v 26 मोरो समज मा यो साजरा सेत, का आज काल को बखत को लक, मूसिबत को कारन, जोन जसो सेत, वसोच रव्हे। 
\v 27 अदी तोरी बायको सेत, तो वोको लक अलग नोको रव्ह, अना बायका नाहती, तो नोको ढूढ। 
\v 28 पर तू लगन करजोस, तो ओ कोनी पाप नाहती, अना कुवारी को लगन भई जाय, तो कोनी पाप नाहती। पर असो मा तन ला दुख होहेत, वोको लक मी बचावनो चाव्हासू।
\p
\v 29 ओ भाऊ हुन! मी असो कव्हसू, का बेरा कम कियो गयो सेत। एकोलाय, तुमीला जोनको बायका सेत, उ असो रव्हे का जसो वोकी बायको नाहती। 
\v 30 अना रड़नवारा असो रव्हे, मानो डोरा मा पानी नाहती। अना खुसी मनावनवारा, असो मनावे, जसो उ खुस नाहती। अना काही लेवनवारा असो लेवे, जसो वोको कठा काही नाहती। 
\v 31 अना यो दुनिया को चीज ला, असो काम मा लावो, मानो वोको कोनी जरूरत नाहती। काहेका दुनिया को यो रुप बदलतो जाय रव्होसेव।
\p
\v 32 एकोलाय मी तो असो चाव्हसे का तुमला काही बात को फिकर नोको होय। जोन कुंवारो सेत उ पीरभू को गोस्टी को फीकर करा सेत। अना उ पिरभू ला खुस करनो चाव्हसेत। 
\v 33 पर जोन सादी-सूदा सेत उ दुनिया दारी को चिन्ता करा सेत। अना उ वोको बायको ला खुस राखन चाव्हा सेत। 
\v 34 अना वोको धियान संसार मा बट जावासे, अखीन जोन कुंवारी सेत वोला पिरभू को आतमा को चिन्ता रव्हा सेत। का वा देह मन लक पवीतर होयहेत पर सादि-सूदा बायको, आपरो नवरा ला खुस राखन चाव्हा सेत।
\p
\v 35 मी यो गोस्टी तुमारो भलाई को लाय कव्हासू, तुमला उलझान काजी नही, यो काजी जसो सोबा देवासेत वसोच करो। का तुम एक चित लक पिरभू को सेवा करो।
\p
\v 36 अदी कोनी असो जरुरी समजासेत का मी वा कुंवारी को हक्कमार रहि सेव, जोनको जवानी ढल रही सेत, अना जरुरत भी सेत तो उ जसो मरजी मा सेत बिहा कर सका सेत। यो मा कोनी पाप नाहती वोको बिहाव होवन देवे। 
\v 37 जोनको इरादा तय सेत, वोला जरूरत नाहती, असो समजासेत, वा आपरो मन ला आपरो बसमा राखा सेत, अना ठान लेवासेत का आपरो टूरी ला कुवारी राखनो सेत, उ साजरा करासेत। 
\v 38 मंग जोन आपरी कुंवारी टूरी को लगन कर देसे उ साजरो करासेत, अना जोन लगन नही करासेत उ अखीन साजरा करासेत।
\p
\v 39 जब तकन कोनी बायको को नवरा जित्तो सेत, तब तकन वोको जोड़ा वोको संग बन्धो सेत, पर वोको नवरा मर गयो तो उ खुली भई गई वा पिरभू मा कोनी लक बिहा कर सका सेत। 
\v 40 पर मोरो बिचार लक जसो उ सेत वसोच रव्हे तो अखीन साजरा सेत। अना मी समजासू का मोरो मा परमेस्वर को आतमा सेत।
\c 8
\s मुरति अना परसाद
\p
\v 1 अबा मुरत गीनको पुड़ा चघायो हुयो बली को बारेमा, आमी जाना सेजन, अना आमी सक्ड़िया मानूस ला यो मालूम सेत। पर पिरेम लक सबको उन्नती होवासेत, पर गियान गरब ला पैदा करा सेत। 
\v 2 अदी कोनी असो समजा सेत का मोला सब मालूम सेत। तो जितरो वोला मालूम होवनो पाहिजे, वोतरो वोला साजरा लक मालूम नाहती। 
\v 3 पर अदी कोनी परमेस्वर लक माया राखासेत, ता परमेस्वर वोला चिन्हअ सेत।
\p
\v 4 ता आमीला मुरत गीनको पुड़ा चघायो हुयो जेवन को बारेमा अमीला मालूम सेत, का मुरती दुनिया मा काही नाहती। अना एक परमेस्वर ला छोड़, कोनी दुसरो परमेस्वर नाहती। 
\v 5 अमीला यो मालूम सेत, का बादल अना धरती मा, ढगभर परमेस्वर सेत, अना पिरभू भी सेत। 
\v 6 मंग आमरो कठा एकच परमेस्वर सेत, मजे परमेस्वर दआजी जेनना सब चीज ला बनाइसेस, अना उ आमीला भी बनाइसेस, एकोलाय उ आमरो भी पिरभू सेत, वोच यीसु मसीह सेत।
\p
\v 7 पर यो सत हरेक मानूस ला मालूम नाहती, काही लोकगीन, हाल मा मुरती पुजा करनवारा होतिन। वय मुरत गीन को पुड़ा चघायो हुयो जेवन समजके जेवत होतिन, अना उनको मन कमजोर होवन को कारन, अपवीतर हो जावासेत। 
\v 8 जेवन अमीला परमेस्वर को कठा नही धाड़ा सेस। अदी आमी जेवन नही करबीन, तो काही नुकसान नाहती। अना जेवन करबीन, तो काही फायदा नाहती।
\p
\v 9 पर सतरक रव्हजोस, असो ना भई जाय का, तुमरो यो हक कोनी निरबल बिस्वासी को पड़न को कारन भई जाय। 
\v 10 काहेका कोनी तोरो जसो अक्कल वर ला, मुरत गीन को पुड़ा चघायो हुयो जेवन मंदिर मा जेवन करत चोवके, उ भी जेवन करन बस जाहेती। 
\v 11 असो रीत लक तोरो गियान को कारन लक, उ कमजोर बिस्वासी जोनको लाय मसीह मरयो सेत, नास भई जाहेती। 
\v 12 अना भाऊ-बहिनहुन को बिरोध मा, असो पाप करन लक अना उनको कमजोर बिचार को कारन लक, उनको दिल दुखान को पाप करतत, जोन मसीह को बिरोध मा सेत। 
\v 13 एकोलाय अदी मोरो जेवन, मोरो भाऊ अना बहिनगिन को लाय, पाप को कारन बना सेत, तो मी सदा जेवन नही जेहुँ। कही असो ना भई जाय का, मी आपरो भाऊ अना बहिन को काजी पाप को कारन बन जाऊ।
\c 9
\s पेरीत गीन को हक
\p
\v 1 का मी छुट्टा मानूस नही सेऊ? का मी पेरीत नही सेऊ? का मीना पिरभू यीसु ला नही चोविसेऊ? का तुमी लोक मोरो मेहनत को फर नोहोव? 
\v 2 मोला दुसरो लोकगीन पेरीत नही माना सेत, तो का भयो, मी तो तुमरो काजी पेरीत सेऊ। काहेका तुमी लोकगीन, पिरभू मा मोरो पेरीत होवन को चिन्ह सेव।
\p
\v 3 जोन लोकगीन बिना जाँच को मोरो पर लान-छान लगावासेत, उनला आपरो बारेमा मोला यो सांगनो सेत। 
\v 4 का हमला खावन-पीवन को हक नाहती? 
\v 5 का अखीन पेरीत गीन पिरभु को भाऊ गीन, अना कैफा को जसो, हमला आपरी मसीही बहिन ला बायको बनाके आपरो सँग लेजान को हक नाहती? 
\v 6 का मि अना बरनबास, आपरो जिन्दगी चलान को लाई काम करन को हक सेत। 
\v 7 का यो कबच आयकनो मा आयो, की कोनी आपरो खरचा लक सेना मा सेवा करासे? कोनी अंगूर को बारी लगायके, ओको फर नही खावासे? कोनी पालतु जनावर पालके ना करप को देख-रेख करके, ओना जनावर को दुध नही पिवा से?
\p
\v 8 यो मि सादो जीवन को उदाहरन लक नही कव्ह रही सेव। पर मोसे को नियम पवीतर गिरंथ भी योच कव्हासे। 
\v 9 काहेकि मोसे को नियम मा लिखयो से, तुमी गाहानी करतो बेरा बईल को पर मोहरका नोको लगाने। का परमेस्वर ला बईल गीनको चिंता से? 
\v 10 या उ हमरो लाई यो जरुरी कव्हासे? यो पक्को हमरो लाई लिखी से; काहेकि यो बेस से की, उपज को हिस्सा मिलन की आस लक जोतन वालो नांगर चलाहे। अना दावन वालो दावनी करेत। 
\v 11 अदी अमीना आतमिक बीज बोया सेजन, तो का हमी दुनिया को देहिक फर खावन-पिवन को चीजको आस नही राखबीन?
\p
\v 12 अदी दुजो लोकगीन ला तुमी पर यो हक से, तो का बराबरी मा हमरो लगत हक नही? मंग हमीना यो हक ला नही बवजसेजन, काहेका हमी मसीह को साजरो बारता मा कोनी बाधा डाकनो नही चाव्हा सेजन। एको लाई हमी, हर तौर लक दुख उठासेजन। 
\v 13 का तुमी लोकगीन नही जानोह, की मंदिर मा धरम सेवा करनवारा ला, मंदिर लक जेवन मिला से। अना वेदी की सेवा करन वारा, वेदी की चघावा को हिस्सेदार सेत। 
\v 14 असोच पिरभू ना हुकूम देइसेस, का साजरा बारता आयकावान वारा, साजरा बारता आयकवा के, आपरो जिंदगी को रूजूक भाकर चला सका सेत।
\p
\v 15 पर मिना ऐना हक को बवजनो कोनी मतलब को लाय नही कियो। अना यो मि एकोलाय नही लिख रही सेव, की अबा मोरो लाई असोच कियो जाहे। मि भलाई मर जाहुँ, बल्की मि आपरो आपच ला ऐना महिमा लक छुटयो नही सेऊ। 
\v 16 मि यो गोस्टी पर गरब नही करुसु, की मि साजरो बारता को साँगन वालो सेऊ। मि तो यो काम करन को लाई मजबुर सेव। हाय! से मोला, अदी मि साजरो बारता ला नही सांगु। 
\v 17 अदी मि आपरी मनसा लक यो कव्हसू, तो मोला ईनाम को हक से, पर मि आपरी मरजी लक यो नही करुसु। मोला जोन काम भरोसा लक सौपियो गई से मि ओला पूरो करुसेऊ। 
\v 18 तो ईनाम पर मोरो कोन तो हक से? अना मि साजरो बारता को बारे मा आपरो हक ला काम मा नही आनु सेऊ। उ यो से का मी फोकट मा, साजरो बारता ला सांगा सेऊ।
\p
\v 19 सबच लोकगीन लक सूटकारा होवनो को लाई मिना आपरो आपच ला सबच को दास बनाय लेईसेऊ। जेनको लक मि लगत लोकगीन को सूटकारा दिलाय सकु। 
\v 20 मी यहूदीहुन लाय यहूदी जसो बन गयो, का मी यहूदीगीन ला मसीह मा आन सुक, जोन लोक मोसे को नियम को बस मा सेत, उनला पावन लाई मि कानुन को कब्जा मा जसो बन गयो। अता मि वाकई मा कानुन को कब्जा मा नही सेव। 
\v 21 जोन लोक मोसे को नियम नही माननवारा सेत, उनला पावन को लाई मि उनको जसो गैर यहुदी मोसे को नियम नही माननवारा बन गयो, अता मसीह को नियम को लक होवनो को कारन मि वाकई मा परमेस्वर की कानुन लक छुटयो नही सेव। 
\v 22 मि कमजोर को साठी कमजोर जसो बनयो, जेनको लक मि उनला पाय सकु। मि सबच को साठी सब काही बन गयो। जेनको लक कोनी ना कोनी तरह लक लोकगीन को सूटकारा कर सकु।
\p
\v 23 मि यो सब साजरो बारता को लाई कर रही सेव, जेनको लक मी दुसरो को संग यीसु को दया को हिस्सादार बन जाऊ। 
\v 24 का तुमला नही मालूम सेत, का धावन को मैदान मा सबच धावासे, पर कोनी एक ला ईनाम मीलासेत। मजे तुमी असो धावो का ईनाम तूमी ला भेटे। 
\v 25 सबा धावन वारा धिरज यो काजी राखासेत, का वोला जीत को मुकुट मिलनो सेत। पर आमी तो कदी नास नही होवन वारा अमर मुकुट काजी मेहनत करसेजन। 
\v 26 एकोलाय मी एक “निसान साधके तीर चलावसू” मी अन्दाज लक तीर नही छोड़से 
\v 27 मी आपरो देह ला तकलीप देवासू, अना वोला आपरो बस मा राखासू। कही असो ना भई जाय का दुसरो ला परचार को मघा, मी खुद वोको पर चलनवारा नही बनू कही लोक असो ना कव्हे का “दियो खाल्या अँधार सेत।”
\c 10
\s मुरतीपुजा को खिलाफ चेतोनी
\p
\v 1 मी तुम्हिला हेत करानो चाव्हा सेऊ। मोरो संगीहुन, मोसे को मघा चलनवारो आमरो आजा पुरखा हुन को संग काजक भयो होतो? वय सबा बादर को भीतर सुरक्सित होतिन, अना लाल सागर को वोनागन गयीन। 
\v 2 अना सबा ना सागर अना बादर को बीच मा मोसे को बप्तिस्मा लेइन। 
\v 3 अना सबा ना एकच आतमिक जेवन करियो। 
\v 4 अना सकडिया एकच आतमिक पानी पियीन। काहेका वय वा चट्टान लक पियिन जोन उनको संग-संग चलत होतो अना उ चट्टान मसीह होतो। 
\v 5 पर परमेस्वर उनमा लक लगत लक हिजड़ गयो। एकोलाय वय जंगल मा मर मीट गईन।
\p
\v 6 यो घटना उदाहरन को रुपमा सेत। अना हमला यो सिक्सा देसेत, की आमीला उनको जसो बुरो चीजगीन को लोभ नही करनो से। 
\v 7 उनमा लक कही लोकगीन को जसो तुमी मुरत पुजा करनवारा नोको बनने, जोन को बारे मा यो लिखी से, “वय खावन-पीवन को साठी बसीन, अना आँनद मनान को लाई उठीन।” 
\v 8 अमी नोको करहीन छिनालापन, जसो की उन मा लक काही लोकगीन ना करीन। अना एकच दिवस मा तेईस हजार मर गईन। 
\v 9 अमी मसीह को परीक्सा नही करबिन, जसो की उनमा लक काही लोकगीन ना करीन अना सरप गीन ना उनला नास कर देईन। 
\v 10 तुमी लोक नही कुड़कुड़ायत, जसो की उनमा लक काही कुड़कुड़ाईन अना नास करन वालो ना उनला नास कर देईन।
\p
\v 11 यो सब उदाहरन रुप लक उन पर बितयो अना अमिला चेतावनी देवन साठी लिखी गई से, जोन जुग को आखरी मा पायो जावसे।
\p
\v 12 एको लाई जोन यो समझसे से की मि बिस्वास मा मजबुत सेव, उ सतरक रव्हने। कहीं असो न होयहेत की उ भटक जाहे। 
\v 13 तुमी अबा असो कोनी परिक्सा मा नही पड़यो सेव, जोन मानूस को ताकत लक बाहेर होय। परमेस्वर भरोसा लायक अना सतको से, उ तुमला असो लोभ लालच मा पड़न नही देहे, जोन तुमरी ताकत लक बाहेर होय। उ लोभ लालच को बेरा तुमला ओको लक हिटन को रास्ता चोवाहे, जेनला तुमी सह नही सको।
\p
\v 14 मोरो माया को भाउ अना बहिनगीन। तुमी मुरत पुजा लक दुर रव्हो। 
\v 15 मि तुमी लोकगीन ला समझदार जानके यो कव्ह रही सेऊ। तुमच खुद मोरी गोस्टी पर बिचार करके तय करहो। 
\v 16 संगती मा उ धन्य वाद को बटकी जोन पर आमी धनवाद करासेत, का मसीह को खून को हिस्सादार नही। उ भाकर जोन ला आमी तोड़के जेवेसेजन का उ मसिहा को देह को हिस्सादार नाहती। 
\v 17 एकोलाय एकच भाकर सेत अना आमी भी लगत मानूस सेत। एकच देह से, काहेका आमी सबा वोच भाकर को हिस्सादार सेजन।
\p
\v 18 जोन देह को हिसाब लक इसरायल सेत उनला चोवो। का बली चघान को वेदी मा लक जेवनवारा हिस्सादार नाहती। 
\v 19 मंग मी का कव्हसू? का मुरत गीन को पुड़ा चघायो हुयो जेवन काही सेत? का मुरती काही सेत? 
\v 20 नही पर गैर बिस्वासी लोकगीन जोन बली करासेत, उ परमेस्वर काजी नही पर बुरो आतमा काजी करासेत? अना मी नही चव्हासू का तुमी बूरो आतमा को हिस्सादार बनो। 
\v 21 तुमी पिरभू को बटकी अना बुरो आतमा को बटकी दुई मा लक नही पीव सकसो। तुम परभू को पवीतर जेवन अना बुरो आतमा को जेवन दुई को हिस्सादार नही बन सका सो। 
\v 22 का आमी पिरभू ला हिजडावा सेजन। क आमी वोको लक जादा ताकतवर सेजन?
\s इसरायल को इतिहास लक समजानो
\p
\v 23 सब चीज मोरो काजी साजरो से पर सबा फायदा को लाय साजरो नाहती? 
\v 24 कोनी आपरो फायदा नही पर दुसरो को बारे मा सोचो। 
\v 25 जो काही खटिक को घर मा बिका सेत उ सब बिना जाँच को जेवन करो। अना मन मा सक नोको करो? 
\v 26 काहेका धरती अना जोन काही सेत सबा पिरभू को सेत? 
\v 27 अदी कोनी गैर मसीही को घरमा कोनी निवता देवे अना तुमी जावो तो जोन काही तुमला परोसे मन मा बिचार कियो बगेर, उ सबा जेवन करो नोको परख करो 
\v 28 पर यदी कोनी तुमला कहे, यो तो मुरती पर चघायो गयो सेति, तो वोको मन लक कव्हनो को लक नोको जेवन करो? 
\v 29 पर मोरो मतलब तुमरो तय करन लक नही सेत। पर दुसरो मानूस को आपरो मन मा काजक तय कर सेत?
\p “काहेका मोरो सूटकारा दुसरो को दिल दुखन को कारन नोको बने।” 
\v 30 अदी मी धनवाद को पिराथना करके जेवन करासू तो जोन जेवन काजी मी परमेस्वर ला धनवाद देवसू वोको कारन कोनीला मोरो निन्दा करन को अधिकार नाहती।
\p
\v 31 एकोलाय तुमी चाहे जोन जेवन करो पिवो, जोन काही भी करो वा मा परमेस्वर को महिमा होवनो जरुरी सेत। 
\v 32 तुमी ना तो यहूदी हुन अना यूनानी गीन को लाय ना परमेस्वर को कलीसिया को लोकगीन काजी पड़न को कारन बनो? 
\v 33 जसो मी सब गोस्टी लक सबला खूस राखासू अना आपरो नही पर लगत मानुसगिन को भलो चव्हासू, का लगत मानूसगिन को सूटकारा भई जाये।
\c 11
\s अराधना को बेरा डोस्की मा पल्ला लेवनो
\p
\v 1 तुम लोकगीन जसो-जसो मी करासू तसोच-तसोच करो काहे का जसो मसीह पिरभू करासेत वसोच मी भी करासू।
\p
\v 2 तुमी मोरो हरेक बात को ध्यान राखासो अना जोन-जोन नेम मीना तुमला सांगिसेऊ उनमा तुमी बनो रव्हासो एकोलाय मी तुमारो बडाई करा सेऊ। 
\v 3 मंग तुमला यो गोस्टी सांगनो चव्हा सेऊ, का मसीह हरेक मरद को डोस्का सेत अना मरद आपरो बायको को डोस्का सेत। पर मसीह को डोस्का परमेस्वर सेत। 
\v 4 जोन भविस्यवक्ता डोस्का ला ढाकके पिराथना करा सेत, वा मसीह को बेइज्जती करा सेत। 
\v 5 अना जोन बायको बिना पल्ला लियो भविस्यवानी पिराथना करा सेत, व आपरो डोस्का नवरा को बेइज्जती करा सेत। काहेका तबा वा टकली बायका जसी सेत। 
\v 6 अदी कोनी बायका आपरो डोस्की मा पल्ला नही डाकासेत तो वा छुरा लक आपरी चुन्दी मुन्डवा लेवे। तबा वा टकली बायका लाज को मारे डोस्का मा पल्लो राखेत। 
\v 7 हव मरद ला आपरो डोस्का ढाकनो जरुरी नाहती। काहेका उ परमेस्वर को रुप अना महिमा सेत। पर बायका मरद को महिमा सेत। 
\v 8 काहेका मरद बायको लक नही, पर बायका मरद लक बनिसेत। 
\v 9 अना मरद बायका लक नही पर बायका मरद लाय बनायो गयो सेत, 
\v 10 एकोलाय सरगदूत गिनको कारन सहि सेत का अधिकार आपरो डोस्का मा राखे 
\v 11 मंग पिरभू मा बायको, को बिना मरद को, अना मरद बिना बायका को नोको रव्है। 
\v 12 काहेका जसो मरद लक बायको बनिसेस वसोच बायका लक मरद को जनम होवा सेत, पर सब को बनानवारा परमेस्वर सेत।
\p
\v 13 तुमी खुदच तय करो का यो सही सेत का आई माई गीन बिना डोस्की मा पल्ला लियो, परमेस्वर लक पिराथना करे? 
\v 14 का यो खुदच नही चोवा सेस का लम्बो चुन्दी राखनो मरद काजी लाजको बात सेत। 
\v 15 पर लम्बो चुन्दी आई माई गीन को सोभा महिमा सेत, काहेका उनला ओढनी काजी परमेस्वर ना लम्बो चुन्दी देइसेस। 
\v 16 अदी कोनी एको बारेमा बकबक करनो चाव्ह सेत तो यो जान लेवेका आमरो कठा कोनी दुसरो नियम नाहती, अर ना परमेस्वर को कलीसिया मा दुजो नियम सेत।
\s पवीतर जेवन
\p
\v 17 पर यो हुकूम देवत तुमीला सबासी नही देवसू, काहेका जबा तुमी जमा होवा सो तबा तुमरो भलो काम पर बुरो लगत होवासेत। 
\v 18 पयलो गोस्टी यो सेत का मोरो आयकन मा यो आईसेस का जबा तुमरो यहान कलीसिया धरम सभा होवासेत, तो तुमरो बीचमा दल बन जासे अना मि यो बात मा एक हद तकन भरोसा करासू। 
\v 19 तुमी लोक गीनमा असो होवनो जरुरी सेत। जेनको लक यो पता चलहेत, का कोनी काबील अना खरो सेत। 
\v 20 जबा तुमी लोकगीन जसो पवीतर जेवन काजी जमा होवा सो। उ पवीतर जेवन कहानो को काबील नाहती। 
\v 21 काहेका हरेक मानूस सटाकनारी आपरो-आपरो जेवन करन ला बस जावा सेत। असो कोनी खाली पोट अना कोनी भरपेट जेवन करा सेत। अना कोनी लगत पी डाकसेत। 
\v 22 का जेवन करन अना पिवन लाय तुमरो घर नाहती? का तुमी। परमेस्वर को कलीसिया ला दुतकार सो अना गरिब गोर गिनला निचो दिसावसो? का मी तुमला साबासी देऊ तुमी साबासी को काबिल नही सेव।
\p
\v 23 जोन नेम-धरम मीना तुमला सोपिसेव, उ मोला पिरभू लक भेटयो सेत। मजे जोन रात मा यीसु धरायो गयो, वोना भाखर लियो अना 
\v 24 अना धनवाद को पिराथना करन को मंघा वोला तोड़िस, अना कहीस “यो मोरी देह सेत जोन तुमरो लाय सेत। असोच मोरो हेत मा करत रव्हने।” 
\v 25 असोच जेवन को मंघा उ बटकी लियो अना कव्हयो यो मोरो रकत को नवा करार सेत। जबा-जबा तुमी यो बटकी लक पिवो तो असो मोरो हेत मा करो।\fig फसह को जेवन करतो हुयो यीसु अना चेला|alt="Jesus eating the Passover meal with his disciples" src="LB00320C.TIF" size="span" copy="Horace Knowles ©" ref="11:23"\fig*
\p
\v 26 असो जबा-जबा तुमी पवीतर जेवन करसेव अना यो बटकी लक पिवसो तो पिरभू को आन तकन लक वोका मरन को गोस्टी सांगसो। 
\v 27 एकोलाय जोन मानूस बिना सोचे समझे यो पवीतर जेवन करासेत अना बटकी लक पिवासेत उ पिरभू को देह अना रकत को बिरोध मा गूना करासेत। 
\v 28 एकोलाय आपरो हिरदय ला परख लेव को मंघा च मानूस यो पवीतर जेवन करे अना बटकी मा लक पीवे। 
\v 29 काहेका जोन मानूस देह को भेद बिना जाने जेवन करासेत अना बटकी लक पिवसेत उ आपरो पर सजा आनासेत। 
\v 30 योच कारन से का तुमी मा लक लगत झन बिमार अना कमजोर सेत अना कही तो मर गईन। 
\v 31 अदी आमी आपरो हिरदय को बिचार ला सही-सही तय करसिन तो आमरो पर कोनी संका नाहती अना कोनी दोस नोको लगसिन। 
\v 32 पर पिरभू अमीला दन्ड देके अमीला मारसेत का आमी दुनिया को संग खोटो नोको पायो जाबिन।
\p
\v 33 एकोलाय मोरो भाऊ अना बहिनहुन जबा तुमी पवीतर जेवन लाय जमा होवा सो तो एक दूजो लाय रुको। 
\v 34 अदी कोनी ला भूख लगे तो वा आपरो घरमा जायके जेवन करे। जोको लक तुमरो सभा मा सजा को करन नोको बने। बाकी बात ला मी आयके ठीक कर देबिन।
\c 12
\s पवीतर आतमा को बरदान
\p
\v 1 अगो मोरो संगीहुन! आमी लोकगीन को असो मनसा सेत का तुमला पवितर आतमा को बरदान को बारेमा साजरा लक मालुम भई जाय। 
\v 2 तुमी जाना सो का जबा तुमी दुसरो लोकगीन को नेम धरम ला माननवारा होतो तबा तुमी गूंगो मुरत को दिवानो होतो। 
\v 3 एकोलाय मी तुमी लोकगीन ला सांगा सेऊ का कोनी मानूस परमेस्वर को आतमा लक असो नही कव्ह सका सेत, का यीसु सिरापित सेत। अना कोनी मानूस पवीतर आतमा को बिना असो नही कव्ह सका सेत, का “यीसु च पिरभू सेत।”
\p
\v 4 बरदान तो लगत होवासेत, पर आतमा एकच सेत। 
\v 5 सेवा लगत तरिका लक होवासेत, पर पिरभू एकच सेत। 
\v 6 मानूस ला दिसान को काम लगत सेत, पर परमेस्वर एकच सेत। जोन सब काम करवासेत अना रकम-रकम को काम वोको ताकत लक होवासेत। 
\v 7 पर सबको फायदा करान काजी आतमा को उजाड़ा हरेक ला भेंटा सेत। 
\v 8 कोनी ला आतमा लक अक्ल को गोस्टी आयकवान काजी, कोनी ला वोच आतमा लक गियान को सबद बोलन को, 
\v 9 अना कोनी ला वोच आतमा लक बिस्वास करन को बरदान, अना बिमारगिन ला साजरा करन को बरदान, 
\v 10 कोनी ला अचंभा को काम करन को बरदान, कोनीला भविस्यवानी करन को बरदान, कोनिला आतमा गिनला परखन को बरदान, कोनिला अना-अना भासा बोलन को बरदान, तो कोनिला वोला समजावन को बरदान देवा सेत। 
\v 11 यो सब काम एकच आतमा को लक होवासेत। अना आपरो मन को लक, यो सबा दान भेटासेत।
\s एक देह अना आँग अनेक
\p
\v 12 मानूस को देहे एकच सेत। पर वोमा गजब आंग होवासेत अना सब मिलके एक देह बन जासेत। मसीह को बारे मा भी असोच सेत। 
\v 13 आमी यहूदी सेत चाहे गैर यहुदी सेत दास या मालीक आमी सब को सब एकच आतमा लक बप्तिस्मा लक एकच देह बन गयो सेत। आमी अब लक एकच आतमा दियो गयो सेत।
\p
\v 14 जसो देह मा गजब अंग सेत। पर देह तो एकच सेत। 
\v 15 अदी पाय सांगेत, का मी हात नही सेव एकोलाय मी देह नही सेव, तो का उ यो कारन लक देह को आँग नही से? 
\v 16 अदी कान कहे का मी डोरा नही सेव, यो काजी मी देह को नही सेव। तो काहे यो कारन लक देह को अंग नही? 
\v 17 अदी पूरो देह डोरा च होतो, तो उ कसो आयकत होतो। अदी सप्पा देह कान होतो तो कसो सुघतो? 
\v 18 सही मा परमेस्वर ना आपरो मनसा को लक हरेक अंग ला देह मा, जघा दियो सेत। 
\v 19 अदी सब के सब एकच आँग होतो। तो देह कहान होतो। 
\v 20 सही मा गजब सो अंग होवन पर भी एकच देह होवासेत।
\p
\v 21 डोरा हात लक नही कव्ह सका से, का मोला तोरो जरुरत नाहती। अना डोस्का पाँय लक नही कव्ह सका सेत मोला तोरो जरुरत नाहती। 
\v 22 पर एको उलट देह को जोन आंँग कमजोर समझो जावा सेत वय जादा जरुरी सेत। 
\v 23 अना देह को जोन आंँग ला आमी आदर को काबिल नही समजा सेत वोच ला आमी जादा आदर देवे सेजन। अना आमरो सोभा देवनवारा आंँग गजब साजरा होवा जासे। 
\v 24 मंग आमरो सोभा देवनवारा बदन ला एको जरुरत नाहती, पर परमेस्वर ना देहला असो बना देइसेस, का जोन आंँगला आदर को कमी होती वोला च गजब आदर मीले। 
\v 25 जेमे लक देह मा फूट नोको पडे, पर आँग एक दुसरो को बरोबर चिन्ता करे। 
\v 26 एकोलाय अदी एक अँगठी मा दुख लगासेत तो दुजोला झार लगासेत। अना एक को बड़ाई होवासेत तो सारो देह खुस भई जासे।
\p
\v 27 असोच तुमी सबा मिलके मसीह को देह आव अना अलग-अलग वोको आंँग सेव। 
\v 28 अना परमेस्वर ना कलीसिया मा अलग-अलग बरदानी मानूस ठहराइसेस। पयलो पेरीत दूजो भविस्यवक्ता तिजो गुरू, मग अचंभा काम करनवारा, मंग बिमारला साजरा करनवारा, अना उपकार करन वारा, अना बेवस्था करनवारा अना लगत भासा बोलन वारा 
\v 29 का सब पेरीत सेत? सब भविस्यवक्ता आवनवारा गोस्टी सांगनवारा सेत? का सब गुरुसेत? का सब अचंभा को काम करन वारा सेत? 
\v 30 का सबला बिमारगिन ला साजरा करन को बरदान भेटिसेस? का सबच अना भासा बोलसेत? का सबच अनुवाद करनवारा सेत? 
\v 31 चाहे जसो होहे तुमी साजरा लक साजरा बरदान पावन को धुन मा रव्हो।
\p पर मी तुमीला एक साजरा मारग सांगा सू।
\c 13
\s माया
\p
\v 1 मोला दुनिया को सबा भासा आवा सेत, अना सरगदूत को भासा भी आवा सेत। अना मोरो भीतर पिरेम नाहती तो मोरो बोलनो पितर को झनकार जसो सेत। 
\v 2 अदी मोरो जवर पेरीत जसो उपदेस देवन को वरदान सेत। मोला सबा परकार को गियान हो सका सेत, अना सबा राज की गोस्टी समजनो असान सेत। पहाड़ ला हटान को बिस्वास सेत। पर पिरेम नाहती तो काही नाहती। 
\v 3 अदी मी आपरो धन कंगालगिन ला दे देऊ, अना आपरो देह ला जलन काजी दे दू अना माया नही राखू तो काही फायदा नाहती।
\p
\v 4 माया सहन करनवारा सेत अना दयालू सेत। माया न तो जलन करासेत ना डीग हाका सेत ना गरब करा सेत। 
\v 5 माया सोभा नही देवनवारा बेवहार नही करा सेत। उ आपरो सुवारत नही ढूढा सेत। माया न तो हिजड़ा सेत अना बुराई को गिनती नही राखा सेत। 
\v 6 उ अन्याय लक नही, पर सच्चो चाल लक खूस होवासेत। 
\v 7 उ सबा काही ला ढाँक देसे, सबा काही पर भरोसा ठेवा सेत। सबा काही को आस राखासेत, अना सबा सह लेवा सेत।
\p
\v 8 भविस्यवानी चली जाहेत भासा मुका हो जाहेती। अना गियान मीट जाहेती, पर माया को अन्त नाहती। 
\v 9 काहेकी आमरो गियान, अना आमरो भविस्यवानी अधूरो सेत। 
\v 10 अना जबा पूरो आय जाहे, तो जोन पूरो नाहती वा मिट जाहेती।
\p
\v 11 जबा मी लेकरा होतो तो मी लेकरा बारा जसो बिचार करत होतो। लेकरा जसो होतो अना वसोच समज होती। पर जबा मी सियानो बन गयो, तो लेकरा जसो गोस्टी छोड़ दियो। 
\v 12 अबा अमीला आरसा मा धुधरो-धुधरो चोवा सेत पर वोना बेरा तहताज चोवबिन। अबा तो मोरो गियान अधूरो सेत, पर तबा मी वसोच पूरो लक जानीन, जसो परमेस्वर मोला जानिसेस।
\p
\v 13 पर अबा भरोसा, आस, माया यो तीन हमेसा रव्हेत, पर यो सबा लक मोठो पिरेम सेत।
\c 14
\s परमेस्वर कन लक सांगनो अना दुसरो को भासा बोलनो
\p
\v 1 पिरेम मा बड़त चलो। अना भविस्यवानी को बरदान पान को धूनमा लगयो रव्हो। खास करके परमेस्वर को कन लक सांगन को। 
\v 2 काहेका जोनला दुसरो को भासा मा बोलन को बरदान भेटयो सेत, वा सहीमा मानूस लक नही पर परमेस्वर लक गोस्टी करासेत। काहेका ओको कोनी नही समजा सेत पर उ आतमा मा भेद को गोस्टी करा सेत। 
\v 3 पर जोनला परमेस्वर कन लक भविस्यवक्ता को बरदान भेटयो सेत, उ आतमीक उन्नती सिक्सा अना सान्ती देवनलाय मानूस लक सांगा सेस। 
\v 4 अना जोन दुसरो को भासा सांगासेत, वा आपरो च उन्नती करा सेत। पर जोन भविस्यवानी करा सेत उ कलीसिया को उन्नती करासेत। 
\v 5 अब मी चाव्हा सू का तुमी सबा अना भासा सांगो, पर एको लक बड़के यो का तुम भविस्यवानी बोलो। काहेका जोन परमेस्वर कन लक बोला सेत, वा वोको लक बढके सेत, जोन दुसरो को भासा सांगासेत। काहेका वा दुसरो को भासा मा तो सांगासेत, पर ओको अनुवाद नही कर सका सेत। जोनलक कलीसिया को उन्नती नहि होवत। 
\v 6 अगो भाऊ हुन अदी मी तुमारो जवर आयके दुसरो भासा मा बोलु तो मोरो लक तुमला काजक फायदा होहेत। जब तकन मी परमेस्वर कन लक बोलके परकास अना गियान को सिक्सा को गोस्टी ना सांगु। 
\v 7 यो बोलनो तो असो सेत, जसो बंसरी अना बीना जसो बेजान बाजा को आवाज अदी वोको लक पैदा होवन वारा आवाज मा कोनी भेद नही तो कसो पता चलहेत का बांसरी अना बीना मा कोनतो धुन बज रहिसेत। 
\v 8 अना यदि बिगुल लक साजरा आवाज नही हिटेत ता लड़ाई को काजी कउन तैयार होयेत? 
\v 9 असो परकार कोनी दुसरो भासा मा जबा तकन का तुमी साजरा लक ना बोलो तबा तकन कोनी कसो समज सकेत। तुमीना काजक कव्हासेव? काहेका असो मा तुमी ता वारा मा सांगन वालो च रव्ह जाहेत। 
\v 10 योमा कोनी सक नाहती, का दुनिया मा लगत भासा सेत। उनमा लक कोनी बेअरथ नाहती। 
\v 11 एकोलाय जबा तकन मी वोना भासा को जाननवालो नही सेऊ, तबा तकन, बोलन वालो को लाय मी परदेसी कहलाईन, अना वा बोलन वालो भी मोरो लाय एक परदेसी जसो सेत। 
\v 12 तुमरो बारे मा भी योच बातसेत। तुम लोकगीन आतमिक बरदान को धुनमा रव्हासो। एकोलाय असो बरदान ला पावो जोन कलीसिया बनान मा उन्नती करे।\fig गान बजान को समान|alt="musical instruments" src="HK00188C.TIF" size="col" copy="Horace Knowles ©" ref="14:7"\fig*
\p
\v 13 मजे जोन दुसरो भासा मा बोला सेत, वोला पिराथना करनो पाहिजे, का आपरो सागयो गयो गोस्टी को अरथ भी सांग सकेत। 
\v 14 काहेका अदि मी कोनी दुसरो भासा मा पिराथना करू ता मोरी आतमा पिराथना करासेत। परा मोरी अक्कल बेकार सेत। 
\v 15 मंग मला काजक करनो पाहिजे? मि आपरो आतमा लक पिराथना करू अना अक्ल लक भी। मी आपरो आतमा लक गाना गावबिन अना अक्ल लक भी 
\v 16 काहेका अदी तू आतमा च लक धन्यवाद करजोस, तो वहान को अनजान मानूस तोरो धनवाद मा आमेन कसो सांगेत? काहेका उ यो नही जानासेस का तु काजक कव्हसेत? 
\v 17 तोरो धनवाद कितरो च साजरा होहेत पर दुजो मानूस को कोनी काम को नाहती। काहेका वा मा वोको काही भीआतमिक उन्नती नाहती। 
\v 18 परमेस्वर को धनवाद करासू का मी तुम सब लक बड़के दुसरो भासा बोलआ सेऊ। 
\v 19 परा कलीसिया मा दुसरो भासा को दहा हजार सबद सांगनो लक, आपरो अक्ल लक पाँच सबद च बोलनो साजरा समजा सेऊ। जोन लक का दुसरो ला भी सिक्सा भेटेत। 
\v 20 अगो भाऊ अना बहिनहुन, आपरो समज मा लेकरा नोको बनो। वसो बुराई करन ला लहान सो लेकरा बनो, परा समजन लाय सियानो बन जावो। 
\v 21 गीरंथ मा असो लिखयो सेत “पिरभू सांगा सेत, मी परदेसी बोलि बोलन वालो, परदेसी गिनको होठ लक यो जाती लक गोस्टी करीन। पर यो लोकगीन मोरो गोस्टी नही आयकेत।” 
\v 22 एकोलाय दुसरो भासा बोलन को बरदान अबिस्वासी गिनको लाय इसारा करा सेत। बिस्वासी गिन लाय नाही। परा परमेस्वर कन लक बोलनो, अबिस्वासी लाय नाहती, बल्की बिस्वासी गिनको लाय सेत। 
\v 23 अता कलीसिया जबा एक जघा जमा होहे अना सबको सब दुसरो-दुसरो भासा बोलन लगेत, अखीन बाहेरवालो अबिस्वासी भितर आय जाय तो का वय तुमला बैताड़ नोको कहेत? 
\v 24 परा अदी हरेक भविस्यवानी बोल रहयो सेत, अना काही अबिस्वासी बाहेर लक आय जाय, ता सबा लोक उनको पाप ला चोवा देहेत, अना सबा लोकजोन कव्हसेत, वोको चमा वोको नियाव होहेत। 
\v 25 अना उनको मन को भेद परगट भई जाहेती। तबा वय पाय मा पड़के परमेस्वर को स्तुति करन लगहेत, अना मान लेहेत का सहि मा परमेस्वर तुमरो संग सेत।
\s आराधना को नियम
\p
\v 26 एको निचोड काजक सेत? अगो भाऊ अवो बहिन हुन! जब-जब तुमी पिराथना काजी जमा होवा सो तो कोनी भजन गावा सेत कोनी सिक्सा देवा सेत, कोनी आपरो आपला मिलयो सच सांगासेत। कोनी दुसरो भासा बोला सेत। तो कोनी वोको मतलब सांगासेत, यो सब लक कलीसिया को उन्नती होवनो पाहिजे। 
\v 27 जहान तकन दुसरो भासा बोलन को सवाल सेत। दोन या जादा सेत, तो एक को मंघा एक बोले, अना कोनी दुसरो वोको मतलब सांगेत। 
\v 28 अदी कलीसिया मा कोनी मतलब सांगन वालो नाहती ता दुसरो भासा बोलनवालो सभा मा उघो मुघो रव्हे। अना परमेस्वर लक गोस्टी करतो रव्हे। 
\v 29 परमेस्वर को कन लक बोलन वालो जोनला बरदान भेटयो सेत, एक या दुई वोको दुत को रुपमा गोस्टी करे, अना बाकी, जोन काही कव्हासेत वोको परख करे। 
\v 30 अदी बसो लोकगीन मा लक कोनी ला सत मिल जाय, अना उ सांगनो चव्हा सेत तो पयलो चुप भई जाय। 
\v 31 तुमी सबा लोक एक-एक करके भविस्यवानी बोल सका सेव, जोन लक सबा सिके अना उन्नती करेत। 
\v 32 अना भविस्यवक्ता को आतमा उनको बसमा सेत। 
\v 33 काहेका परमेस्वर गडबडी को नही पर सान्ती को परमेस्वर सेत, जसो पवीतर लोकगीन को सब कलीसिया मा होवासेत। 
\v 34 आईमाई कलीसिया मा उघो मुघो रव्हे, काहेका उनला कलीसिया मा सांगन को हुकूम नाहती। पर अधीन रहनो को हुकूम सेत, जसो का मोसे को नियम मा लिखयो सेत। 
\v 35 अदी वा कोनी गोस्टी को बारेमा वा पुछन चव्हा सेत, तो वा घर जायके आपरो नवरा लक पुसेत। कलीसिया मा बायको ला बोलनो सहि नाहती। 
\v 36 का परमेस्वर को साजरा गोस्टी तुमरो च यहान लक फैलो सेत, या तुमी लोकगीन जवर पहुचिसेस। 
\v 37 अदी कोनी समजा सेत का उ भविस्यवक्ता से अना परमेस्वर को कन लक बोला सेत। या आतमिक जन सेत, अखीन दुसरो भासा बोला सेत, तो वा साजरा लक जान लेवेका जो मी लिखयो सेऊ, वा पिरभू न को हुकूम सेत। 
\v 38 अदी कोनी एको नोको माने, तो वोकी भी कोनी नोको माने। 
\v 39 अगो भाऊ अखीन अवो बहिन हुन! सब गोस्टी को निचोड यो सेत का तुमी भविस्यवानी को बरदान को मनसा राखो, दुसरो भासा बोलनवारा ला नोको रोको। 
\v 40 पर सबा काही साजरा अना बेवस्थित रीत लक कियो जाय।
\c 15
\s यीसु को जित्तो होवनो
\p
\v 1 मोरो संगीहुन! अबा मी तुमी लोकगीन ला वोना साजरो बारता ला हेत दिलावा सेऊ। जेनको परचार मीना तुमरो बीचमा करी सेऊ। अना तुमीना वोला अपनाई सेव, अना वोमा मेड़ा को जसो मजबुत सेव। 
\v 2 यो वा साजरा बारता सेत, जोन मी ना तुम्हिला आयकायो सेऊ। अदि तुमी एला पक्को लक धरा सेव, ता तुमी बचायो गयो सेव। नईतो तुमरो भरोसा राखनो बेकार भई जाहेति।
\p
\v 3 जसो गिरंथ मा लिखयो सेत, का “मसीह आमरो पाप गिनको लाय मर गयो सेत।” यो गोस्टिको लगत महात्व सेत। मोला भेटयो सेत मी तुमीला सोपदेयी सेऊ। 
\v 4 अना असो भी लिख्यो सेत का, “वोला दफनायो गयो होतो, अना उ तीन दिवस को मघा जित्तो भयी गयो।” 
\v 5 उ कैफा अना मघा मा बारा चेलागिन ला चोवयो। 
\v 6 मगं उ पाँच सम्बर लक लगत बिस्वासी गिनला चोवयो। जोनमा लक लगत आज जित्तो सेत। अखीन काही मर गईन। 
\v 7 मघा उ याकूब अना सबा पेरीत गीनला चोविस।
\p
\v 8 अना सब लक आखीर मा वो मोला भी चोविस। मि बेसमय जनम लेइसेऊ। 
\v 9 काहेका मि सब पेरीतगीन लक लहान सेउ। सहि मायना मा मी पेरीत कहलान को काबिल नही सेउ। काहेका मी परमेस्वर को कलीसिया पर अतियाचार करिसेऊ। 
\v 10 मि जोन काही सेउ, परमेस्वर को किरपा लक सेउ, अना जोन किरपा मोला मिलिसे उ बेकार नही भई। मी उन सब लक जादा महेनत करिसेऊ। 
\v 11 एकोलाय चाहे मी या वय लोक हिन आमी वोच परचार करीसेजन जेनको मा तुमी ना भरोसा राखीसेव।
\s आमरो जित्तो होवनो
\p
\v 12 अबा अदी मसीह को परचार करयो जासे का उ मरनवालो लक जित्तो भई से। तो तुमी मा लक काही असो काहे कव्हसेत, का मरो हुवो जी नही सका सेत। 
\v 13 अदी मरो हुवो को जित्तो होवनो नाहती, तो मसीह भी नही जिलायो गयो सेत। 
\v 14 अना अदी मसीह जित्तो नही भयो, ता आमरो परचार करनो बेकार सेत। अना तुमरो भी भरोसा बेकार सेत। 
\v 15 एकोलक बड़के आमी परमेस्वर को खोटो गवाही ठयरा सेजन। काहेका अमिना परमेस्वर को बारेमा यो पुरुप दियो सेजन। का वोना मसीह ला जित्तो करीसेत। पर अदी उनको कव्हनो को अनुसार मरया मानूस सहिमा जिलायो नही जावा सेत। तो वोना मसिहा ला भी नही जिलाइस। 
\v 16 काहेकी अदी मरनवालो जित्तो नही होवा सेत, तो मसीह भी नही जिलायो गयो से। 
\v 17 अना मसीह नही जित्तो भयो सेत, तो तुमरो भरोसा बेकार सेत। तुमी अबा तकन पाप मा पडयो सेव। 
\v 18 तबा वय भी जोन मसीह मा सोय गई सेत, नास भई गइन। 
\v 19 अदी अमिना बस यो च जिंदगी लाय मसीह मा आस राखिसेस तो आमरो दसा सबा मानूस लक जादा दया को काबिल सेत।
\p
\v 20 पर अबा मसीह तो मरयो मानूस लक जित्तो भय गयो सेत, अना जोन जपमा होतिन उनमा लक पयलो फर सेत। 
\v 21 काहेका जबा एक मानूस लक मिरतु आयी, तो एक मानूस लक मरनो लक जी उचलनो आयो। 
\v 22 जसो बाबा आदम को सब अवलाद मरअ सेत, वसोच मसीह मा सबा जिलायो जाहेती। 
\v 23 पर मरनो लक जिवनो को पयलो फर मसिहा सेत। तबा मसीह को आवनो पर वोको लोक जित्तो भई जाहेत। 
\v 24 एको मंघा अन्त भई जाहे। वोना बेरा सब सरकार, अधिकार अना ताकत को अन्त करके राज ला परमेस्वर दाअजी को हात मा सोप देहेत। 
\v 25 जब तकन उ आपरो बैरी गीन ला अपरो पाय को खाल्या ना कर लेहे। वोको राज करनो जरुरि सेत। 
\v 26 सबले आखीर बैरी जेनको अन्त कियो जाहेत, वा मिरतु सेत। 
\v 27 काहेका वोना सब काही वोको पाय को खाल्या कर दियो गयो सेत। पर जबा उ कव्हासेत, का सब काही वोको अधिन कर दियो गयो सेत, तो यो सफा सेत का वा खुदच बेगरो रहयो। 
\v 28 अना जबा सब अधिन भई जाहेति तो टूरा खुदच वोको अधिन भई जाहेती। जोनना सब काही वोको अधिन कर दियो, जेनको लक परमेस्वर को च “हात मा सप्पा कासरा तुतारी हो।”
\p
\v 29 नही तो जोन मरया हुया को बप्तिस्मा लेवा सेत वय का करीन। अदी मरया हुया जित्तो नही होवा सेत, तो मग उनको काजी इनला काहे बपतिस्मा देसेस। 
\v 30 आमी भी हरेक बेरा काहे संकट मा रव्हा सेत। 
\v 31 अगो भाऊ अखीन बहिन हुन! तुमी लोकगीन आमरो पिरभू यीसु मसीह मा मोरो गरब सेव। मै तुमरो कसम खायके कव्हसू का मोला हर रोज मिरतु को आमना-सामना करनो पड़ा सेत। 
\v 32 अदी मी इफिसुस नगर मा जगंली जनावर लक लडाई करिया, तो वोको लक मोला काजक फायदा सेत? अदी मरया जित्तो नही होवासेत, तो आव आमी जेवबीन पीवबिन काहेका काल तो मरनो च सेत।
\p
\v 33 धोका नोको खाव खोटो संगति भलो मानूस ला बिगाड देवासेत। 
\v 34 होस मा आव! जसो नेक सेत, अना पाप करनो छोड़ देव। तुमरो लक काही मानूस सेत, जोन परमेस्वर को बारेमा काही नही जाना सेत। यो गोस्टी तुमीला लजान काजी सांगी सेऊ।
\s देहको जित्तो होवनो
\p
\v 35 अब कोनी मोरो लक यो सवाल कर सका से, मरो हुवा कसो जित्तो होवासेत? वय कोनतो देह धरके आवासेत। 
\v 36 हे मुरख। जोन काही तु पेरअ सेत। जबा तकन उ मरा नही तबा तकन जित्तो नही होवा। 
\v 37 अना जोन काही तु पेरा सेत तु वोच बीज नही पेरत जोन पैदा होवन पर से। पर निरा दाना चाहे गहुँ ला या कोनी अखीन अनाज को। 
\v 38 पर परमेस्वर आपरो मरजी लक ओला देह देवासे, अना हरेक बीज ला ओको खास देह।
\p
\v 39 सब देह एक जसो नही, पर मानूस को देह एक परकार को से, जनावर गीन को दुसरो परकार को, पक्सी गीन को देह अखिन से तो मसरी गीन को अलग परकार को,
\p
\v 40 सरग को देह से अना माती को देह भी से, पर सरगीय देह को तेज अलग से ता माती को देह को अलग से 
\v 41 सुरज को तेज अलग से, चँदा को तेज अलग, मंग तारा को तेज भी अलग से, वरन एक तारा को तेज दुसरो लक अलग से।
\p
\v 42 मरयो हुयो को जित्तो होवनो भी असोच से। नासमान देह बोयो जावसे, अना अविनासी देह जित्तो कियो जावसे 
\v 43 अपमान को सँगा बोयो जावसे, अना महिमा को सँगा जित्तो कियो जावसे। कमजोर दसा मा बोयो जावसे, अना ताकत को सँगा जित्तो कियो जावसे। 
\v 44 देह को कन लक बोयो जावसे। अना आतमिक दसा मा जित्तो कियो जावसे। जबकि सुभाविक देह से, ता आतमिक देह भी से। 
\v 45 एकोसाठी यो भी लिखयो से, “पयलो मानूस आदम जित्तो प्रानी बनयो,” अना अतिंम आदम जीवनदायक आतमा बनयो। 
\v 46 ऐना तरीका लक पयलो आतमिक नही, पर सुभाविक होतो। तबा आतमिक आयो, 
\v 47 पयलो मानूस धरती को से, दुसरो मानूस सरग को से। 
\v 48 जसो उ धरती को से, तसोच वय भी धरती का सेति। अना जसो उ सरगीय से, तसोच वय भी सेत जोन सरगीय सेत। 
\v 49 अना जसो अमिना उ माती को देह को रुप धरिसेस, वसोच सरगीय देह को रुप धरहिन।
\p
\v 50 अगो भाऊ अना बहिन हुन मी यो कव्हसू का यो मांस अना रकत को देह परमेस्वर को राज को बारीस नाहती। अना नास होवन वारा अमर हो सकेत।
\p
\v 51 चोवो मी तुमी ला एक लुको गोस्टी सांगासू, आमी सब ला जपनी लगेत, पर आमी सब को सब बदल जाबिन। 
\v 52 यो एक जरा देर मा मिन्दी मारतच, आखरी तुर्रा को बाजन को बेरा होहेत। काहेका तुर्रा बजेत, अना मरो हुया मानुसगिन अमर दसा मा जित्तो भई जाहेती। 
\v 53 काहेका यो जरुरी सेत, का यो नास होवनवारा देह, नास नही होवन वालो ला, अना यो मरनवारा देह अमरता ला पहन लेवे। 
\v 54 पर जबा यो नासवान देह नास नही होवनवारा ला, अना यो मरनवारा देह अमरता ला पहन लहेत। तबा पवीतर गिरंथ को यो गोस्टी पूरो भई जाहेती। “मिरतु ला जीत ना खाय लेइसेस।”
\q1
\v 55 “ओ मिरतु कहान सेत तोरो जीत?
\q1 ओ मिरतु! कहान से तोरो डंखा?”
\p
\v 56 मिरतु को डंक तो पाप सेत, अना पाप ला मोसे को नियम लक ताकत मिला सेत। 
\v 57 पर परमेस्वर को धनवाद सेत, जोन अमीला पिरभू यीसु मसीह मा जिता सेत।
\p
\v 58 एकोलाय मोरो चहेतो, अगो भाऊ! अना अवो बहिन हुन! तुमी पक्को को सँगा जिलायो जावसे। अना अटल भई जावो। अना पिरभू को काम मा हमेसा बड़तो चलो। काहेका तुमी जानसो पिरभू मा तुमारो मेहनत बेकाम नाहती।
\c 16
\s भरोसा राखनवारा को जरुरत काजी चंदा
\p
\v 1 पवीतर लोकगीन लाय दान जमा करन को बारेमा जोन हुकूम मीना गलातिया को कलीसिया ला देई सेऊ, वोला तुमी भी मानो। 
\v 2 हफ्ता को पयलो दिवस, तुम मा लक हरेक आपरो आमदानी लक आपरो जवर काही राख देव, का मोरो आवनो पर दान नोको जमा करन पडेत। 
\v 3 मोरो उतानी पोहचन मा जोन कोनी परखो मानूस ला तुम्ही चाव्हसो, मी वोला चिठ्ठी देय के, दान आन के येरुसलेम नगर धाड़ देहुँ। 
\v 4 पर अदी मोरो भी जावनो भयो तो वय मोरो संग जाहिन। \f + \fr 16:4\fr*\ft दुबारा जिवनो को मघा\ft*\f*
\s पौलुस को योजना
\p
\v 5 मी मकीदुनिया लक होयके तुमरो कठा आंहू। काहेका मी मकीदुनिया होयके जाय रहयो सेउ। 
\v 6 अना बेरा मिलनो पर तुमरो संग रहबिन, हो सके तो मी जाड़ा को सिजन तुमरो संग बिताहु। जेनको लक जहान मोला जानो सेत, वहान लाय तुम मोला धाड़देव। 
\v 7 मोरो मनसा यो नाहती का तुमरो लक भेंट करके चले जाऊ, पर पिरभू मा असो आस सेत का काही बेरा तुमरो संग बिताहिन।
\p
\v 8 पर मी पेन्तेकोस्त तिहार तकन इफिसुस नगर मा रहिन। 
\v 9 काहेका यहान साजरा काम, काजी मोरो लाय एक मोठो बेसकुड़ उघाड़ी सेस। पर वहान गजब बिरोधी भी सेत।
\p
\v 10 अदी तीमुथियुस आहेत तो वोको साजरा लक खियाल राखजोस। का उनला कोनी बात को कमी नोको होयेत। काहेका उ मोरो जसो पिरभू को काम मा लगयो रव्हा सेत। 
\v 11 उनला कोनी नोको दुरियाने, अना तुमी लोकगीन उनको सान्ती लक आवन को बेवस्था कर देवजो। ताकी वय साजरा लक मोरो कठा आ जाय। काहेका आमी भाऊ हुन को संग उनको बाट चोवी सेजन।
\p
\v 12 भाऊ अपुल्लोस लक मी ना लगत बिनती करियात, का तू भाऊहुन संग जाय। पर उ एकदम आवन को लाय तैय्यार नही भयो। पर सुट्टी मिलन पर जरुर आहेत।
\s मुख गोस्टी
\p
\v 13 तुम लोक जगत रव्हो, भरोसा मा पक्को रव्हो, अना हिम्मत राखो, अना ताकत लक भरो रव्हो। 
\v 14 तुमी जोन कही भी करो, पिरेम लक करो।
\p
\v 15 अगो भाऊ अना बहिनगिन! तुमी लोकगीन लक मोरो एक पिराथना सेत, तुमी स्तिफनास को घर परिवार ला जाना सेव। वय अखया युनान को पयलो फर सेत। अना पवीतर सन्तगिन को सेवा मा लगयो रव्हा सेत। 
\v 16 तुमी असो लोकगीन को अगुवापन ला स्विकार करो। अना उन सबको भी जोन उनको संग मेहनत करासेत।
\p
\v 17 स्तिफनास, फुरतुनातुस, अना अखइकुस को आवन लक मोला मोठयो खुसी भई। उनना तुम लोकगीन को कमी पूरो कर देईन। 
\v 18 उनना तुमारो अना मोरो आतमा ला चैन देइसेस। एकोलाय असो मानूस को आदर करो।
\p
\v 19 आसिया को कलीसिया हुन को कन लक तुमला नमस्कार। अक्विला अना प्रिस्किल्ला अना उनको घर को कलीसिया को, तुमला पिरभू मा दिल लक नमस्कार। 
\v 20 सब भाऊ गीन को तुमला नमस्कार।
\p पवीतर चुम्मा आन कन एक दुसरो ला नमस्कार कहजोस।
\p
\v 21 मी पौलुस को आपरो हात लक लिखयो नमस्कार
\p
\v 22 अदी कोनी पिरभू लक माया नही ठेवासेस, तो उ सापित सेत। ओ पिरभू आव!
\p
\v 23 पिरभू यीसु को किरपा तुमरो पर होहे।
\p
\v 24 मोरो पिरेम यीसु मसीह मा तुम सबको संग हो। आमीन।