\id 3JN Paranan: Paranan Version - Maganda a Bareta Biblia April 29, 2012 
\h 3 JUAN 
\toc1 En Katállu a Sulat ni JUAN 
\toc2 3 Juan 
\toc3 3 Jn. 
\mt2 En Katállu a Sulat ni 
\mt1 JUAN 
\is1 Paliwanag Tungkul ten Libru 
\ip En Katállu a sulat ni Juan ay insulat nen essa a, “Tagapangasiwa” para ten essa a pinunu nen simbaan. Pinuri na ti Gayo gapu ten káttulung na ten agum hidi a Cristiano. Sakay pinayuwan siya a magingat ten tolay a en ngaran na ay ti Diotrefes. 
\iot Lasán nen Libru 
\io1 Sapul 1-4 
\io1 Pinuri ti Gayo 5-8 
\io1 Tinuligsa ti Diotrefes 9-10 
\io1 Pinuri ti Demetrio 11-12 
\io1 Katapusan 13-15 
\c 1  
\p  
\v 1 Iyád a sulat ay gubwat ten tagapangasiwa nen simbaan. 
\p Para kánni Gayo a mahal ku a amigu. 
\p  
\v 2 Mahal ku a Gayo, idasal ku a ked ka nakuwan ten maganda a kalagayan, sakay maganda a pámmamággi a kona ten biyag mu a ispirituwal a tukoy ku a ked ten maganda mu a kalagayan.  
\v 3 Tunay en kasayaan ku dikona dummemát en sangan a kákkapatkaka sakay imbareta di a siko ay matapat sakay talaga a nabiyag ayun ten katutuhanan.  
\v 4 Awan dán ti manglampas ten kasayaan ku ni mabareta ku a en anak ku hidi ay mabiyag ayun ten katutuhanan. 
\s1 Pinuri ti Gayo 
\p  
\v 5 Mahal ku a amigu a Gayo, en págserbi mu ten kákkapatkaka tam hidi maski ni awan mu hidi kilala ay iyud en mangpatunay a matapat ka.  
\v 6 Tehud a magbareta ten simbaan háddi tungkul ten págmahal mu. Nakuwan ay tulungan mu hidi ten pangangailangan di ten páglakbay di, ten paraan a dapat a gamitán ten tagapagserbi hidi nen Diyos.  
\v 7 Gapu maglakbay hidi alang-alang kánni Cristo sakay awan hidi tummanggap maski ni ányaman a tulung ten awan hidi mánnampalataya ten Diyos.  
\v 8 Dapat tam hidi a tulungan tánni makatulung kitam dikodi ten pángkalat di ten katutuhanan. 
\s1 Ti Diotrefes sakay ti Demetrio 
\p  
\v 9 Nagsulaták ten simbaan peru awan tinenggi ni Diotrefes en kapangyariyan ku; en gustu na ay siya en tenggiyán moy a pinunu.  
\v 10 Kaya káangay ku haán ay iluwas ku en atanan a ginággamet na: en kakabuliyan hidi a kinákkagi na a kontra dikomi. Sakay awan padi siya nasiyaan ti iyud, nan awan na pa tanggapán en kákkapatkaka tam hidi a dumemát, sakay bawalan na pa sakay ibutan ten simbaan en masor hidi a mangtanggap dikodi. 
\p  
\v 11 Mahal ku a amigu, dyan mu arigán i halimbawaid a iyád a madukás. En arigán mu ay en maganda, gapu en maggamet ti maganda ay anak nen Diyos; en maggamet ti madukás ay awan palla makatenggi ten Diyos. 
\p  
\v 12 Maganda en kinagi nen kakpalan tungkul kánni Demetrio, sakay ketan iyád ten maganda na a ugali. Iyán bi i kákkagiyán miyid sakay tukoy mu a tatarudan iyád. 
\s1 Katapusan 
\p  
\v 13 Makpalák pa nakuwan a kagiyán dikomu, peru awan ku dán isulat.  
\v 14 Umasaák a awan dán magmalay ay magketa kita sakay magkauron. 
\p  
\v 15 Magkahud ka nakuwan ti kapayapaan. 
\p Kinumusta ka nen amigu tam hidi háddi. Ikumustaák mu bi ten atanan a amigu tam hidi haán.