\id PHM - Old Pohnpeian \h Pilemon \toc1 EN PAULUS A KISIN LIKAU ONG PILEMON. \toc2 Pilemon \toc3 Pilemon \mt2 EN PAULUS A KISIN LIKAU ONG \mt1 PILEMON. \c 1 \p \v 1 PAULUS salidi en Kristus Iesus amen, o ri atail Timoteus ong Pilemon kompoke pat o at warok ni dodok kan. \v 2 O ri atail li Apia, o sauas pat Arkipus, o momodisou, me mi nan tanpas omui; \v 3 Mak o popol sang ren Kot sam atail o atail Kaun Iesus Kristus en mi re omui! \v 4 I kin danke ai Kot ni ai kapakap kin komui ansau karos. \v 5 Pwe i ronger duen omui limpok o poson ong Kaun Iesus o ong saraui kan karos. \v 6 Pwe poson o me mi re ’tail en kakairida re omui, ni omui dedeki duen me mau kan karos, me mi reatail sang ren Kristus. \v 7 Kit peren kidar o kamait kilar omui limpok, pwe mongiong en saraui kan en kelail kilar komui, ri ai. \v 8 I me i aimaki ren Kristus kusoned eki ong komui duen me pan wiaui. \v 9 Ari so, pweki ai limpok ong komui i men poeki ta re omui, pwe ngai Paulus likailapalar o salidi en Kristus amen. \v 10 I poeki re omui nai seri Onesimus, me i wiadar ni ai salidi, \v 11 Me so katepa ong komui mas o, a met a katepa ong komui o ngai. \v 12 I me i kapure ong komui, komui ari apwali i, dueta pein mongiong i. \v 13 Pwe i mauki a en mimieta re i, pwen papa ia ni ai saliekidi rongamau, wiliandi komui, \v 14 A i sota men wia meakot, me sota pwili sang kupur omui, pwe omui wia mau ender mansairen a somansairen. \v 15 Ele a tang sang re omui ansau kis, pwe komui en pur ong naineki i kokolata. \v 16 Kaidin due ladu amen, a mau sang ladu amen, pwe due ri omui kompok amen; iduen re i, a re omui pan laud sang ni pali uduk a o ni pali en Kaun. \v 17 Ma komui akawarok kin ia, apwali i dueta pein ngai. \v 18 A ma a wia sapung ong komui er, de pwaipwand ong komui, i pan kapungala. \v 19 Met ngai Paulus intingkier pein pa i, i pan pwain, ari so, i so pan inda, me komui pwaipwand ki ong ia pein komui. \v 20 Ei ri ai, i men paiekin komui ren Kaun o, kainsenemauda mongiong i ren Kristus. \v 21 I kaporoporeki om peik, ap inting wong komui. A i asa, me komui pan wia laud sang, me inda. \v 22 I men, komui en kaonopada deu i, pwe i kaporoporeki, me i pan lapwadang komail ki omail kapakap. \v 23 En Epapras, ai warok ni ai salidi pan Kristus Iesus, a ranamau wong komui. \v 24 O Markus, o Aristarkus, o Demas, o Lukas ai warok en dodok kan. \v 25 Mak en atail Kaun Iesus Kristus kin iang ngen omail! Amen.