\id 3JN - Old Pohnpeian 
\h Ioanes III 
\toc1 EN IOANES A KISIN LIKAU KASILU. 
\toc2 Ioanes III 
\toc3 3 Ioa 
\mt1 EN IOANES  
\mt2 A KISIN LIKAU KASILU.  
\c 1  
\p
\v 1 IET ngai me laud o ranamau wong Kaius kompok, me i kin pokopoke melel.  
\v 2 Kompoke pa i, i kin men, koe en pwaida o roson ni wiawia karos duen ngen om me pwaida.  
\v 3 Pwe i peren kida kaualap, ri atail oko lao pwarado, katitiki ong ia duen om melel o duen om kin alialu wei ta ni melel.  
\v 4 Sota ai peren me lapa sang met, ni ai rong duen nai seri kan, me kin alu wei ta ni melel.  
\v 5 Kompoke pa i, me mau, me koe kin wiai ong ri atail o pil men kairu kan,  
\v 6 Me katitiki ong momodisou duen om limpok; me mau, ma koe pan sauasa irail, duen me kon ong Kot.  
\v 7 Pweki mar a re kin koko wei ta, sota tungole meakot ren men liki kan.  
\v 8 I me kitail en sauasa song due met, pwe kitail en wia sauas pan melel.  
\v 9 Meakot i intingki wonger momodisou, a Diotrepes me akasaumas ong irail, sota duki ong kit.  
\v 10 Ari, i lao pwara wei, i pan katamanki i a wiawia kan, me a kin wiada, pwe a kin lokaia sued duen kit. A kaidin i eta, pwe pein i sota kin kasamo ri atail ko, ap pil inapwiedi, me kin men apwali ir, o kasapok ir ala sang nan momodisou.  
\v 11 Kompoke pa i, der idauen me sued a me mau. Me kin wia me mau, me sang ren Kot, a me kin wia me sued, sota kilanger Kot.  
\v 12 Demetrius indand ren amen amen o pil ni melel. O kit pil kadededa, a koe asa, me at kadede me melel.  
\v 13 Kasoi toto me mi re i, me i kak inting wong uk, a i sota men intingki ink o men inting.  
\v 14 A i kaporoporeki, me koren, me i pan kilang uk, kita ap pan kasokasoi pena.  
\v 15 Popol en mi re om. Kompok kan kin ranamau wong uk. Ranamauieki kompok kan mar arail.