\id 2JN - Old Pohnpeian 
\h Ioanes II 
\toc1 EN IOANES A KISIN LIKAU KARIAU. 
\toc2 Ioanes II 
\toc3 2 Ioa 
\mt1 EN IOANES  
\mt2 A KISIN LIKAU KARIAU.  
\mt2 IOANES II  
\c 1  
\p
\v 1 IET ngai me laud o ranamau wong li lipilipil o na seri kan, me i kin pokepoke melel; a kaidin ngai ta, pwe pil irail karos, me asa melel,  
\v 2 Pweki melel o, me mi re atail, o a pan mi re atail kokolata.  
\v 3 Mak o kalangan, o popol pan mi re atail sang ren Kot Sam, o sang ren Iesus Kristus, me Sapwilim en Sam ni melel o limpok.  
\v 4 I ap peren kida kaualap, pwe i diaradar, me akai noum seri kan alialu wei ta ni melel, duen atail aleer kusoned sang ren Sam.  
\v 5 Ari, i poeki re omui, Maing, kaidin kusoned kap pot, me i inting wong komui, a me kitail aleer sang ni tapi o kitail en pololol pena.  
\v 6 A iet limpok, pwe sen alu weita duen a kusoned akan. A met kusoned o, duen komail ronger sang ni tapi, sen alialuta ia.  
\v 7 Men kotaue me toto pwara dong sappa, me sota kin kadede, me Iesus Kristus wia uduk ala, i men kotaue o kristus likam o.  
\v 8 Komail kalaka pein komail, pwe omail pai, me komail dodok ong er, de salongala a komail en ale pwaipwai pokon.  
\v 9 Meamen me dauli mepukat, o me sota tengedi ong padak en Kristus, a sota paieki Kot; a me tengedi ong padak o, i me paiekier karos, Sam o sapwilim a Ol.  
\v 10 Ma amen ko dong komail, me sota wado padak et, der kasamo long ong nan im omail, o der ranamaui i.  
\v 11 Pwe me kin ranamaui i, a pan pwaisaneki a wiawia sued.  
\v 12 Kasoi me toto mi re i, me i men inting wong komail, a i sota pan wiaki ki kisin likau o ink, pwe i kaporoporeki, me i pan pwara wong komail, kitail ap pan kasoi pena, pwe atail peren en unsokela.  
\v 13 Ari, nain ri om li lipilipil seriko me ranamau wong komui. Amen.