\id TIT - Old Pohnpeian 
\h Tituj 
\toc1 EN PAULUJ A KIJIN LIKAU ON TITUJ. 
\toc2 Tituj 
\toc3 Tit 
\mt2 EN PAULUJ A KIJIN LIKAU ON  
\mt1 TITUJ.  
\c 1  
\p
\v 1 PAULUJ ladun Kot o wanporon en Iejuj Krijtuj amen, duen pojon en me pilipildar en Kot akan o duen erpit en melel on pai ren Kot;  
\v 2 O kaporoporeki maur joutuk, me Kot jo likam inaukidar mon tapin kaua.  
\v 3 A ni a anjau a kotin kajanjaledar a majan ki padak, me ko on ia, duen kujoned en Kot atail Jaunkamaur.  
\v 4 On Tituj nai jeri melel ni ata pojon ta ieu: Mak o popol jan ren Kot Jam o Krijtuj Iejuj atail Jaunkamaur en mi re om!  
\v 5 let karepen ai kamodan uk edi Kreta, pwe koe en kapwaiada, me kaikenta wiauier o kajapwilada jaunkoa kan ni kanim karoj, due i kakaliki on uk.  
\v 6 Jaunkoa amen en indand mau, o warok en li ta men, o me na jeri kan pojonla, o jo kaindandeki, me re kamom de jopeik.  
\v 7 Pwe pijop en punla, duen jaunkoa en Kot amen, der katiwo, der purianikom, der kamom wain, der pamara, der norok moni.  
\v 8 A ren apwali men kairu o pok on me mau, o kanonama, o pun, o jaraui, o makelekel.  
\v 9 Kolekoleta majan, me udan pun o koiok on padak, pwen kak on panauiki padak en kamaur o kapun on me katiwo kan.  
\v 10 Pwe ir me toto me malaun o kapei lokaia o me kaweid japun, iet eten, kijan men jirkomjaij.  
\v 11 Me mau on au ar en pinapinla, pwe re kin kawukila toun im toto, o me kin padapadaki, me jota mau, pweki moni.  
\v 12 Amen irail, pein arail jaukop amen inda: Men Kreta me kalap likam, man jued o laualo, nain mana.  
\v 13 Kadede pot et me melel. Ari, i me koe en kapun kelail on irail, pwe ren kelailada ni pojon.  
\v 14 O ren der injenoki en Juj oko ar kajoi mal akan o kujoned en aramaj akan, me muei jan melel.  
\v 15 Karoj me kon on makelekel akan, a jota me kon on me jamin o jo pojon akan, pwe arail lamelame o pil injen arail me jamin.  
\v 16 Re kin inda, me re aja Kot, a ni ar wiawia kan re kin ponjaja i. Irail meid jued, o jopeik, o jo koiok on jon en wiawia mau karoj.   
\c 2  
\p
\v 1 A KOE en padapadakeki duen me kon on lamalam en kamaur.  
\v 2 Padaki on ol ma kan, ren der wukiwuk jili, a ren indand mau o nenin, o kelail ni pojon, o ni limpok, o ni kanonama.  
\v 3 Pil dueta li ma kan, ren wiawia duen me kon on jaraui kan, ren der likinekine der lidun wain, a ren jaunpadak en me mau,  
\v 4 Pwe ren panaui li pulepul akan, en apapwali ar paud o pok on nair jeri kan.  
\v 5 Ren lelapok, min, apwali nan im ar akan, kadek, peiki on ar warok kan, pwe majan en Kot ender lalauela.  
\v 6 Pil dueta manakap akan, panaui ir, ren lelapok.  
\v 7 Ni wiawia mau kan karoj koe kajaleda pein uk kaalemoni mau amen, ni om padak melel o lelapok.  
\v 8 Kida padak en kamaur o namenokala, pwe me palian kitail en namenokala, o jota diar me jued kot men karaune kitail.  
\v 9 Padaki on ladu kan, me ren peiki on ar jaumaj ni meakaroj ren kaperen ir ada, o ren der ketiwo.  
\v 10 Ren der pirap, a irail en mau o melel on irail, pwe ren kalinanada lamalam en Kot atail Jaunkamaur ni meakaroj.  
\v 11 Pwe mak en Kot pwarado kamaureda aramaj akan karoj.  
\v 12 O padapadaki on kitail, me kitail en muei jan meakan me doo jan Kot o inon jued en jappa, ap lelapok, o pun, o dadaureta me kon on ni jappa et.  
\v 13 O auiauiki kapor mau, o janjal linan en atail Kot lapalap o atail Jaunkamaur Krijtuj Iejuj.  
\v 14 Me jokonpaudeki pein i ki kitail, pwen dore jan kitail japun karoj, o kamakelekel on pein i aramaj, me a pan japwilim aneki, me kin nantion wiawia mau karoj.  
\v 15 Mepukat padake kida, o panauiki, o kapun kelail on; jota amen me pan mamale kin uk.   
\c 3  
\p
\v 1 KATAMAN kin irail ren peiki on monjap o me manaman akan, o ren apwali wiawia mau karoj.  
\v 2 Der lalaue amen, der akamai, a en kamantik, o opampap on aramaj akan karoj.  
\v 3 Pwe kitail pil pweipwei maj o, o jopeik, o jalonala, o papa jon en inon o madon jued akan, kokoa me jued, o peirin, pakailok, o kailonki amen amen.  
\v 4 A kalanan o limpok en Kot atail Jaundor lao pwarado,  
\v 5 A kotin dore kitail la kaidin pweki pein atail wiawia pun, a pein a kupur ki paptaij en kaipwi kap o kawilia kap ren Nen jaraui.  
\v 6 Me a kotin kupura don kitail kaualap ren Iejuj Krijtuj atail Jaundor.  
\v 7 Pwe kitail en pun kila a mak, pwen jojoki maur joutuk duen at kaporopor.  
\v 8 Melel padak pot et o i men, koe en nantion kaweweda, pwe irail, me pojonla Kot, en kadoke kin ir wiawia mau, mepukat me mau o kon on aramaj akan.  
\v 9 A liki jan peidok mal akan, o padok en tiak kan, o akamai, o akamai ki kapun, pwe mepukat jota kadepa o me mal.  
\v 10 Aramaj likin panau amen, panaui pan mepak de ria pak ap muei jan i.  
\v 11 Pwe koe aja, me i me japun o kin wia dip, a kadeikada pein i.  
\v 12 I lao kadar won uk Artemaj de Tikikuj, koe madan don ia, Nikopolij, pwe i kileledier me i pan kaujon waja o ni anjaun kapau.  
\v 13 Jaunkawewe Jenaj o Apoloj kadara don ia madan. Jauaja ira, pwe ira de anane meakot.  
\v 14 O naitail akan en porijok o koiokki on wiawia mau, pwe ren der jo wa ’rail.  
\v 15 Karoj, me mi re i, kin ranamau won uk. Ranamau won karoj, me kin pok on kit ni pojon. Mak o en mi re omail karoj!