\id PHM - Old Pohnpeian 
\h Pilemon 
\toc1 EN PAULUJ A KIJIN LIKAU ON PILEMON. 
\toc2 Pilemon 
\toc3 Pilemon 
\mt2 EN PAULUJ A KIJIN LIKAU ON  
\mt1 PILEMON.  
\c 1  
\p
\v 1 PAULUJ jalidi en Krijtuj Iejuj amen, o ri atail Timoteuj on Pilemon kompoke pat o at warok ni dodok kan.  
\v 2 O ri atail li Apia, o jauaj pat Arkipuj, o momodijou, me mi nan tanpaj omui;  
\v 3 Mak o popol jan ren Kot jam atail o atail Kaun Iejuj Krijtuj en mi re omui!  
\v 4 I kin danke ai Kot ni ai kapakap kin komui anjau karoj.  
\v 5 Pwe i roner duen omui limpok o pojon on Kaun Iejuj o on jaraui kan karoj.  
\v 6 Pwe pojon o me mi retail en kakairida re omui, ni omui dedeki duen me mau kan karoj, me mi reatail jan ren Krijtuj.  
\v 7 Kit peren kidar o kamait kilar omui limpok, pwe monion en jaraui kan en kelail kilar komui, ri ai.  
\v 8 I me i aimaki ren Krijtuj kujoned eki on komui duen me pan wiaui.  
\v 9 Ari jo, pweki ai limpok on komui i men poeki ta re omui, pwe nai Pauluj likailapalar o jalidi en Krijtuj amen.  
\v 10 I poeki re omui nai jeri Onejimuj, me i wiadar ni ai jalidi.  
\v 11 Me jo katepa on komui maj o, a met a katepa on komui o nai.  
\v 12 I me i kapure on komui, komui ari apwali i, dueta pein monion i.  
\v 13 Pwe i mauki a en mimieta re i, pwen papa ia ni ai jaliekidi ronamau, wiliandi komui,  
\v 14 A i jota men wia meakot, me jota pwili jan kupur omui, pwe omui wia mau ender man jairen a jomanjairen.  
\v 15 Ele a tan jan re omui anjau kij, pwe komui en pur on naineki i kokolata.  
\v 16 Kaidin due ladu amen, a mau jan ladu amen, pwe due ri omui kompok amen; iduen re i, a re omui pan laud jan ni pali uduk a o ni pali en Kaun.  
\v 17 Ma komui akawarok kin ia, apwali i dueta pein nai.  
\v 18 A ma a wia japun on komui er, de pwaipwand on komui, i pan kapunala.  
\v 19 Met nai Pauluj intinkier pein pa i, i pan pwain, ari jo, i jo pan inda, me komui pwaipwand ki on ia pein komui.  
\v 20 Ei ri ai, i men paiekin komui ren Kaun o, kainjenemauda monion i ren Krijtuj.  
\v 21 I kaporoporeki om peik, ap intin won komui. A i aja, me komui pan wia laud jan, me inda.  
\v 22 I men, komui en kaonopada deu i, pwe i kaporoporeki, me i pan lapwadan komail ki omail kapakap.  
\v 23 En Epapraj, ai warok ni ai jalidi pan Krijtuj Iejuj, a ranamau won komui.  
\v 24 O Markuj, o Arijtarkuj, o Demaj, o Lukaj ai warok en dodok kan.  
\v 25 Mak en atail Kaun Iejuj Krijtuj kin ian nen omail! Amen.