\id MRK - Old Pohnpeian2 
\h Markuj 
\toc1 MAN EN PA EN WANPORON MARKUJ. 
\toc2 Markuj 
\toc3 Mar 
\mt2 MAN EN PA EN WANPORON  
\mt1 MARKUJ.  
\c 1  
\p
\v 1 TAPIN ronamau en Iej uj Krijluj, Japwilim en Kot.  
\v 2 Duen a intinidi ren jaukop Iejaia Kilan, i kadarala moui men kadar me pan kaonopada al omui!  
\v 3 Nil eu likelikwir jili nan jap tan: Komail kaonopada al en Kaun o kaineneda al a!  
\v 4 Ioanej kotido wia paptaij nin jap tan o padapadak duen paptaij en kalula on lapwa dip akan.  
\v 5 Toun jap en Juj akan o toun Ierujalem karoj pokon don re a; irail paptaijela re a nan pilap Iordan, weokada dip arail akan.  
\v 6 Ioanej kin likauwi wun en kamel, o perapirki kil en man, o kin kankan manjiek o oni en nan wel.  
\v 7 O padapadak majani: Meamen laud jan ia kotido mur i. Jal en a jut i jota war on idiokidi lapwada.  
\v 8 I paptaij kilar komail pil. A a pan paptaij kin komail Nen jaraui!  
\v 9 Kadekadeo ni ran oko Iejuj ap kotido jan Najaret en Kalilaa ap paptaijela ren Ioanej nan Iordan.  
\v 10 A madan kotida jan nan pil o, ap kotin majani nanlan kan ar ritida, o Nen mom en muroi piridi don poa.  
\v 11 Nil eu ap peidido jan nanlan kan: Nai kompok komui, me I perenki!  
\v 12 A madan Nen kalua won jap tan.  
\v 13 A ap kotikoteki jap tan ran panaul wia jonejon pan Jatan, ieian man laualo; a tounlan kan me papa on i.  
\v 14 Murin en Ioanej a panalar, Iejuj ap koti don Kalilaa, padapadak ronamau en wein Kot.  
\v 15 Majani: Anjau o leler wein Kot mier! Komail kalula! Kamelele ronamau!  
\v 16 Ni a kotikot jili liman jed en Kalilaa, a ap majani Jimon o ri a ol Andreaj ara lalaid jili, pwe ira jaujed.  
\v 17 Iejuj ap kotin majani on ira: Koma idauen ia do! Pwe I pan wia kin koma la jaujed en aramaj!  
\v 18 Ira ari madan kajedi ara uk eko, ap idauenla i.  
\v 19 Ari, ni a kotila jan waja o, a ap kotin majani Iakopuj, nain Jepedauj o ri a ol Ioanej mimi pon jop pot wonewone ara uk oko.  
\v 20 I ari kotin molipe ira madan, ira ari pededi jam ara Jepedauj nin jop o ren toun dodok ko o idauen la i.  
\v 21 Irail ap koti don Kapernaum. A madan kotilon on nan jinakoke ni ran en japat o kawewe.  
\v 22 Re ap puriamuiki a padak, pwe a kotin kawewe on irail ni manaman jota dueta jaunkawewe kan.  
\v 23 Aramaj amen ian mi nan jinakoke o, me nen jaut mi lole, ap weriwer,  
\v 24 Indada: Ko jan kit! Menda re omui kit, Iejuj en Najaret? Komui kotido en kawe kit ala? I aja komui, Jaraui en Kot.  
\v 25 Iejuj ari ononida, majani: Nenenla o kowei jan i!  
\v 26 Nen jaut lao kapururada ap weriwer laudeda, a ap koiei jan i.  
\v 27 Irail karoj puriamui, pepeidok nan pun arail indada: Dakot met? Padak kap, dakot met? Pwe ni manaman a majani on nen jaut akan, irail ari peiki on i.  
\v 28 I ari madan indand jili nin jap karoj impan Kalilaa.  
\v 29 Irail ari madan koti jan nan jinakoke, ap ian Iakopuj o Ioanej kotilon on nan im en Jimon o Andreaj,  
\v 30 Jaulap en Jimon wononeki jomau karakar. Irail ap kaireki i madan duen i.  
\v 31 I ari koti won ale pa a, kauada. Jomau karakar ap madan ko jan; i ari papa irail.  
\v 32 A lao jautik penaer, ni katipin kirila, re ap wa pena on I karoj me jomau o me tewil ti po arail.  
\v 33 O toun kanim o pokon don ni im o.  
\v 34 A ap kotin kakelailada me toto me jomauki jon en jomau toto, kauja jan tewil toto, ap kulikedi tewil akan, ren der lokaia, pwe re aja i.  
\v 35 A kotin kipada nin joran, kotilan jap tan, pwen laolao wuja o.  
\v 36 Jimon o me ian ko ap idauen i.  
\v 37 Ni arail diar i, re ap potoan on i: Irail karoj raparapa kin komui.  
\v 38 A ap kotin majani on irail: Kitail daulul won jap tei ko, pwe I en pil padak waja o, pwe i me I kokido.  
\v 39 A ap kotin padapadak jili nan arail jinakoke kan nan jap en Kalilaa karoj o kakauj tewil akan,  
\v 40 Ol tuketuk amen ap poto don i kolepuki poeki potoan on i: Ma re kotin kupura, re kotin I kamwakeke ia da!  
\v 41 Iejuj ari kupuro kila, kapawei lim a jair i majani on i: I pan, mwakekelada!  
\v 42 A ni a majani eta, ari a tuketuk ko jan madan, a ap makelekel lar.  
\v 43 I ari kalikedi i, ap madan kadarala.  
\v 44 Majani on i: Kalaka! Koe depa indai on meamen; a kowei kajale on koe jamero o, o kida, pweki om makelekelada, me Mojej majani, pwen kadede on irail.  
\v 45 Ari, a kolata kaloki jili, juaiki jili o ari, kareda en Iejuj a jola janjal koti don kanim o, kotikot eta liki nan jap tan, irail ap pokon don re a jan pali karoj.   
\c 2  
\p
\v 1 MURIN ran akai a ap pil kotilon on Kapernaum, ap loki jili me a kotikot nan im o.  
\v 2 Me toto ap madana pena, im o lao koidala o pil likin im o. A ap kotin kawewe on ir majan o.  
\v 3 Irail ari poto don re a, wa kodo me jomau rerer men, roan pa men.  
\v 4 Irail jota kak kai don impa pweki pokon o. Re ap palan pajan pon im o, waja a kotikot ia; irail lao palan pajan ap kakiredi ro o, me jomau o mi poa.  
\v 5 Iejuj lao mani ar pojon, ap majani on me jomau rerer o: Nai, dip om akan lapwa jan uk er!  
\v 6 Ari, jaunkawewe kai momod waja o, monemonloleki:  
\v 7 Da me men et lokelokaia? A lalaue. Ij me kak lapwada dip akan, pwe amen ta, Kot?  
\v 8 Iejuj ari madan aniada nan kupur a duen ar monemonlole, ap kotin majani on irail: Da me komail monemonloleki?  
\v 9 la me manai ren indai on me jomau rerer: Dip om akan lapwa jan uk er, de inda: Uda, ale ki om, kowei?  
\v 10 A pwe komail en aja, me Nain aramaj me manaman on lapwada dip akan nin jappa, iei me a kotin majanieki on me jomau rerer:  
\v 11 I indai on uk: Uda! Al eki om! U ko on ni im om!  
\v 12 I ari madan uda, ale ki aluwei mo rail karoj. Irail karoj ari malamalaua kila, kapina Kot inda: Je jaikenta man kilan meakot et!  
\v 13 I ari pil kotila liman jed o. Irail karoj ap pokon don i, i ari kotin kawewe on irail.  
\v 14 A lao kotin daulul waja o, ap majani Lewi, nain Alpauj, a momod ni wajan nopwei, ap majani on i: Idauen ia do! I ari uda idauenla i.  
\v 15 Kadekadeo a lao kaipokedi konot nan im a, jaunopwei o me dipan akan me toto ian Iejuj o japwilim a tounpadak kan konokonot; pwe irail me toto me idauen i.  
\v 16 Ari, ni en jaunkawewe Pari jar akan ar kilan a kotin ian me dipan o jaunopwei kan konokonot, irail ap indai on japwilim a tounpadak kan: Da me a ianki jaunopwei o me dipan akan konot o kaker eki?  
\v 17 Ni en Iejuj aniada, ap kotin majani on irail: Me kelail akan jota mau on jaunwini pwe me jomau ta. I jota kodon ekeredo me pun kan, a me dipan akan.  
\v 18 Irail ari kodo potoan on i: Da me en Ioanej a tounpadak kan kin kaijejol, o en Parijar ar tounpadak kan, a japwilim omui tounpadak kan jota kin kaijejol?  
\v 19 Iejuj ap kotin majani on irail: Da, toun kamadip en kapapaud pan kak kaijejol ni en ol kamod a ian irail? Ni en ol kamod a ian irail, re jota pan kak kaijejol.  
\v 20 A anjau kokodo, me ol kamod pan wijike jan irail, iei ran o, me re pan kaijejol.  
\v 21 Jota amen me pan deik on likau kap ni likau marin, pwe likau kap pan dei jan likau marin, por o ap pan laudela.  
\v 22 Pil jota amen me kin deuke kida ed marin wain kap, pwe wain o de ter pajan ed o, wain o ari wudokila, ed o ola. A wain kap mau on nan ed kap.  
\v 23 Kadekadeo a kotin weid nan mat en korn ni ran en japat. Japwilim a tounpadak kan ap dondolun kowei wan korn.  
\v 24 Parijar oko ap indai on i: Kilan, da me irail wia ni japat. me jota pun, en wiaui?  
\v 25 A kotin majani on irail: Komail jota wadoker, me Dawid wiadar, ni a men kaualap, o a men mana, i o me ian i?  
\v 26 Duen a pedelon on nan tanpaj en Kot ni muein Apiulm jamero lapalap, o kanala prul mairon o nek on irail, me ian i, me jota pun aramaj en tunole, jamero kan eta?  
\v 27 A ap kotin majani on irail: Japat me wiaui on aramaj a kaidik aramaj on japat.  
\v 28 I me Nain aramaj pil udan kaun en japat.   
\c 3  
\p
\v 1 KADEKADEO a pil kotin pur on nan jinakoke. Ari, aramaj amen mia, me pa a motor.  
\v 2 Irail ari majamajaneki, ma a pan kakelada i ni ran en japat, pwe irail en karaun i.  
\v 3 I ari kotin majani on aramaj o, me pa a motor: Uda kodo met!  
\v 4 A ap kotin majani on irail: Me pun, wia mau ni ran en japat de wia jued? Kamaur de kamela? Ir ari nenenla.  
\v 5 I ari anian aupwili jili po rail, kupurokila ar kapitakai, ap kotin majani on aramaj o: Kapawei pa om! I ari kapawei. Pa a ap kelailada.  
\v 6 Parijar oko ap madanalan ren ian en Erodej. Re ap kapakaparok duen ar pan kamatala i.  
\v 7 A lejuj kotin kapitawei jan pein i o japwilim a tounpadak kan, koti won liman jed. Pokon kalaimun ap idauen i jan Kalilaa, o Iudaa.  
\v 8 O jan Ierujalem, o jan Idumaa, o jan palilan Iordan, o toun liman Tiruj o Jidon, pokon kalamun, re ronada duen a kotin wiada manaman kaualap, re ap pokon don re a.  
\v 9 A kotin majani on japwilim a tounpadak kan, kijin jop kij en kaunop on I, pweki pokon o, pwe re de koi don re.  
\v 10 Pwe a kotin kakelada me toto, irail ari pakoideda, pwe me jomau ko me jair i.  
\v 11 O ni en nen akan nar I, re pupedi mo I, weriwer, indada: Japwil en Kot komui!  
\v 12 I ari kotin kalik irail edi, ren der kaireki i.  
\v 13 I ari kotidala nan nana o, ap molipei don i, me a kotin kupura, re ap poto don re a.  
\v 14 I ari kotin kileledi ekriamen, pwe re en ieian i, pwen poroporone ir jili padapadak.  
\v 15 O manamanla kakelada me jomau kan o kakauj tewil akan;  
\v 16 Jimon a kotiki on ad a Petruj.  
\v 17 O Iakopuj nain Iepedauj, o Ioanej ri en Iakopuj, a kotiki on ad ara Poanerkej. let wewe: Nain nanjapwe.  
\v 18 O Andreaj, o Pilipuj, o Partolomauj, o Matauj, o Tomaj, o Iakopuj, nain Alpauj, o Tadauj, o Jimon men Kana,  
\v 19 O ludaj Ijkariot, me panala i.  
\v 20 Irail ari kodon nan im eu. Pil pokon eu pokon pena. Irail ari jola kak mana.  
\v 21 Ni kompokepa ko ronada, re kodo, pwen wala jan i; pwe re inda, me a iakala.  
\v 22 A jaunkawewe ko, me kodido jan Ierujalem inda: A katia Peeljepup o jaumaj en tewil akan; iei me a kakaujeki tewil akan.  
\v 23 I ari molipe ir do, majani on irail ni karajeraj akan: la pan duen Jatan a kaujawei Jatan?  
\v 24 O ma toun wei eu u pena nan pun ar, wei o jota pan kak pwaida.  
\v 25 O ma penainai eu u pena nan pun ar, penainai o jota pan kak pwaida.  
\v 26 O ma Jatan u on pein i, a jota pan kak pwaida, a pan imwijokela.  
\v 27 Jota amen me pan kak ko on nan im en kelail amen kulia a kapwa, ma a jo jaliedi maj me kelail o. A ap pan kak kawela im a.  
\v 28 Melel I indai on komail: Dip akan karoj pan lapwa jan nain aramaj akan, o laue, me re lalaueki.  
\v 29 A meamen lalaue Nen jaraui jota pan lapwada, a a pan puk on kamekam joutuk.  
\v 30 Pweki ar inda: A katia nen jaut.  
\v 31 Ari in a, o ri a ol akan ap kodo, mi liki o iloke don.  
\v 32 A pokon me momod impa o ap potoan on i: Re mani, in ar o ri ar ol akan mimi liki kainoma komui.  
\v 33 A ap kotin japen irail majani: Ij in ai de ri ai kan?  
\v 34 A ap kotin aupwil jili po rail, me mod impa ko, majani: Kilan, in ai o ri ai ol akan!  
\v 35 Pwe meamen wiawia kupur en Kot, iei me ri ai ol o ri ai li o in ai.   
\c 4  
\p
\v 1 KADEKADEO a pil kotin tapiada kawewe liman jed o. Pokon kalaimun eu ap ko pena re a. A ap kotidan pon jop pot kotikot pon jed o. A pokon o mi nan jap pon oror.  
\v 2 A kotin kawewe on irail me toto ni i karajeraj akan, majani on irail ni a padak:  
\v 3 Ron! Kilan, jaunkamor o kolan kamorok.  
\v 4 Ni a kamokamorok akai ap moridi on pon kailan al, manpir ap pirido nam ir ala.  
\v 5 A akai moredi on waja takain, waja pwel petepet; irail ari madan wojada, pweki jota pwel lole.  
\v 6 Ni en katipin dakarada, re ap monela o mela pweki jota kalau ar.  
\v 7 A akai moredi nan tuka teketek; o tuka teketek wojada, kajokiala, re ap jota wa.  
\v 8 A akai moredi nan pwel mau o pwaida wa; akai pan me jileijok; a akai me woneijok, a akai me epuki.  
\v 9 A kotin majani: Me jalon a mia men ron, i en ron!  
\v 10 A lao kotin kalapukela, men imp a ianaki ekriamen ap kalelapok re a duen karajeraj pukat.  
\v 11 A ap kotin majani on irail: A muei on komail, en aja duen me rir en wein Kot. A men liki re pan aja meakaroj jan ni karajeraj akan.  
\v 12 Pwe re kilan, ari jota kilan, o roneron, ap jota dedeki; pwe re de pan wukila o dip ar lapwa jan irail.  
\v 13 A ap kotin majani on irail: Komail jota dedeki karajeraj pot et? A iaduen, omail pan aja karajeraj tei ko?  
\v 14 Jaunkamor me kamorok jili majan.  
\v 15 A mepukat me mi pon kailan al, waja majan moredi on, a re lao ronadar, Jatan ap madanado, ki jan majan, me kamoremoredi on nan monion arail.  
\v 16 O mepukat mo moredi on waja takain, re lao ronadar majan o ap madan peren kida ale.  
\v 17 A jota kalaua re rail apdadaur eta ekij, lao jonejon o kamakam wiaui pweki majan o, re ap madan makar kida.  
\v 18 A mepukat me moredi on nan tuka teketek, me ronada majan.  
\v 19 A anan en pai en jappa o inon kapwa, o norok en okotme pweida, kajokela majan, ap jota wa.  
\v 20 A mepukat irail, me moredi on nan pwel mau, me ronada majan o, ale o wa, akai pan me jlei ijok, a akai me woneijok, a akai me epuki.  
\v 21 A kotin majani on irail: Kandel pan wijikedo, pwen ko on pan kajak de pan men wendi? A Jote koda won nin deun kandel.  
\v 22 Pwe jota me rir kot, me jo pan janjalada, pil jota me okiok kot, me jota pan lok jili.  
\v 23 Meamen me jalon a mia men ron, i en ron!  
\v 24 A ap kotin majani on irail: komail kalaka, me komail ron! pwe men jon, me komail jonki iduen a pil pan jon, on komail.  
\v 25 Pwe me a mia, ekij pan ko on, a me jota a mia, me ekij mie, me ekij mi re a pan katia san.  
\v 26 A kotin majani: let duen wein Kot, raj on aramaj amen, me kamoredi on nan pwel war en tuka.  
\v 27 Ap mairela, pirida, pon ran; a war o wojada ap kakairida a ap jota aja due.  
\v 28 Pwe pwel kin pein kawojada tuka. Maj katoka, mur mpok, mur war en korn nan mpok ap pwarada.  
\v 29 A ni wa ma, a ap madan ki on men lepukedi, pwe rak mier.  
\v 30 A pil kotin majani: Da me kitail en karajai on wein Kot? De da me kitail en kajojon on?  
\v 31 A raj on wan tuka, me pan kamoremoredi on nan pwel, me tikitik jan war karoj, me mi nan jap.  
\v 32 A lao kamoredi, ap wojada laude jan dip karoj, ap kajan pajan laud; manpir en pan lan ap kin wendi pan mot a.  
\v 33 I jon en karajeraj akan toto a kotiki on irail ni a kawewe on irail majan o duen ar weweki.  
\v 34 Jota a majan, ma jo karajeraj. Ni arail kelepala, a ap kotin kadede on japwilim a tounpadak kan meakan.  
\v 35 Ni ran ota, lao jautik penaer, a kotin majani on irail: Kitail daulul won palio!  
\v 36 Ari, ni ar kadar pajan pokon o, re kamajalada nin jop o. Pil akai kijin jop mi re a.  
\v 37 Melimel ap koda, iluk ap punedi on nan jop o kadirela.  
\v 38 A a kotikot nan murin jop o, jaijaimok pon uluna. Irail ap kaopada. potoan on i: Jaunpadak, kom jota kupurai kit, pweki at pan mela?  
\v 39 I ari kotin kipada, anianida melimel, o kotin majani on jed o: Moledi! An ap dukedi o molela kaualap.  
\v 40 A ap kotin majani on irail: Da me komail majapwekeki? Iadue, jota omail pojon?  
\v 41 Irail majapwekada kaualap, ap indada nan pun arail: Iaduen ol men et, me an o jed peiki on?   
\c 5  
\p
\v 1 IRAIL ari kotela jed o koti don nan wein Katara;  
\v 2 A lao kotidi jan nin jop, aramaj me nen jaut ti poa, madan ap tan don i jan nin joujou kan.  
\v 3 Pwe a kin kaukaujon nin joujou kan, jota amen, me kak jaliedi i, jal mata jota pil kak.  
\v 4 Pwe pan toto a jalikidi jal en na o jal mata, ari a kin kamueit pajan jal mata o jal en na; jota amen me kak kamandala i.  
\v 5 Anjau karoj, pon o ran, a kin mimi nan joujou kan o nana, weriwer o pein lokeki i takai.  
\v 6 A ni a kilan Iejuj waja doo, a ap tanalan dairukedi.  
\v 7 Weriwer laudeda indada: Menda re omui nai Iejuj, Japwilim en Kot lapalap? I kaukilan komui Kot, komui ender kawairok ia!  
\v 8 Pwe a kotin majani on i: Koti jan aramaj en, nen jaut koe!  
\v 9 I ari kotin kainoma re a: Ij ad om? A ap japen potoan on i: let ad ai lekion, pwe kit me toto.  
\v 10 A ap poeki, ender kotin kauj ir ala nin jap o.  
\v 11 Ari, pwin pwik kalaimun eu mimi impan nana o, manamana jili.  
\v 12 Irail ap poekipoeki potoan on: Re kotin kadar kit ala, pwe jen til on nan pwik oko.  
\v 13 Iejuj ari kotin mueid on. Nen jaut akan ap koiei jan, ko on nan pwik oko. Pwik oko ap tanedi wei ni aul on nan jed ap mopila nan jed. Irail impan riakid.  
\v 14 Jilepa kan ap tandaui, kaireki jili nan kanim o nan jap; re ap koieila pwen kilan duen me wiaui;  
\v 15 Irail ari poto don ren Iejuj, kilan, me tanwar en tewil o a momod, o likauer, o lolekonlar; iei i me lekion mier re a. Re ap majapwekada,  
\v 16 Irail me kilaner ap indai on irail duen me wiaui on me tanwar en tewil o, o duen pwik akan.  
\v 17 Re ap poekipoeki, a en koti wei jan jap arail.  
\v 18 Ni a koti don nin jop o, me tanwar en tewil o poeki re a en ian i.  
\v 19 A i jota mueid on i, ap majani on i: Ko on ni im om ren jau om, kaire kin ir duen manaman lapalap, me Kaun o wiai on uk er o poke uk alar.  
\v 20 I ari kola, kaloki jili nan Dekapolij duen manaman lapalap, me Iejuj kotin wiai on i; irail karoj ap puriamui kila.  
\v 21 Iejuj lao pil kotela jed o on palio, pokon kalaimun eu ap ko pena re a. A kotikot pon oror.  
\v 22 Ari, jaumaj en jinakoke amen, me ad a Iairuj kotido. Ni a tu on i, ap dairukedi jan.  
\v 23 Poekipoeki kaualap, potoan on: Nai kijin jeripein kij koren ion mela; i poeki, komui en kotido en pwil lim omui poa, pwen kelailada, ap pan maurela.  
\v 24 I ap kotin ianala, aramaj toto ap idaunla, koi don pena.  
\v 25 Li aman, me nta pwilipwil par naulriau.  
\v 26 O lokolokki me toto ren jaunwini toto o kida a kapwa karoj, ap jota katepe, pwe a totorela ete.  
\v 27 Ni a ronada duen Iejuj, a ap dilonedo muri nan pokon o, o jair japwilim a likau.  
\v 28 Pwe a inda: ma I jair japwilim a likau eta, I pan kelailda.  
\v 29 Ari, pwilipwil en nta madan matata. I ari pamada nan war a, me a kelada janer jomau o.  
\v 30 Iejuj ap madan kotin kaanda, me rojon kij ko janer. A ap jaupei don pokon o majani: Ij me jair ai likau?  
\v 31 A japwilim a tounpadak kan potoan on: komui majani: pokon et koi don komui penaer; majani: Ij me jair ia?  
\v 32 I ari kotin aupwil jili, pwe a men majani, me wia me o.  
\v 33 Li o ari majapwekada, rerer, ajaer me wiaui on I ap pototo, dairukedi mo a, potoan on duen melel en me wiaui o.  
\v 34 A ap kotin majani on i: Nai om pojon me kakelail uk adar. Ukowei popol, o kelada jan om jomau.  
\v 35 Ni a kotin mamajan, irail kodo jan ren jaumaj en jinakoke indada: Noum jerepein o melar. Menda kom kaniri jaunpadak en?  
\v 36 Ni en Iejuj a ani kair o, ap majani on jaumaj en jinokoke o: Kom der majak pojon eta!  
\v 37 A ap jota kotin mueid on meamen en idauenla i, Petruj eta, o Iakopuj o Ioanej ri en Iakopuj.  
\v 38 Irail koti don ni im en jaumaj en jinokoke o, ap majani arail moromoron o mamaiei kaualap.  
\v 39 A ni a kotilon, a majani on irail: dame komail moromoronki o mamaukeki? Jeri en jota melar, a mamair eta.  
\v 40 Re ap kakaurureki i. I ari kotikiiei jan irail karoj, ap kotin ukada jam o in en jeri o me ian I ko; a ap pedelon on waja, me jeri o wonon ia;  
\v 41 I ari kotin ale pa en jeri o majani on i: Talita kumi! let wewe: Jeripein i indai on uk, paurida!  
\v 42 Jeripein ap madan paurida, alu; pwe a jaunpar eijokriau; irail ap malamalaua kila kaualap.  
\v 43 I ari kotin kalik irail edi, pwe meamen de ajada, ap majani, kijin mana en ko on.   
\c 6  
\p
\v 1 A AP kotila jan waja o, ap koti don ni udan japwe, o japwilim a tounpadak kan idauenla i.  
\v 2 Lao lel ran en japat a kotin tapiada kawewe nan jinakoke; me toto, me ron puriamui kila, inda: la me lap en ale mepukat? O lolekon da eu, me mi re a, me a kak wiaki manaman pukat?  
\v 3 Kaidin i kaponta o, nain Maria, o ri en lakopuj, o lojej, o ludaj, o Jimon? A kaidin ri a li akan kin mi re atail? Re ap makar kida i.  
\v 4 Iejuj ap kotin majani on irail: Jota waja, me jaukop jota wau ia; nan jap we ta o ren jau i ko o toun im a.  
\v 5 A ap jota kak wia manaman eu waja o, me jomau kai ta, me a kotin pwil po ar lim a ko o kakelail ir ada.  
\v 6 I ari pone kida ar jopojon, ap kotin paan jili kanim akan, kaukawewe.  
\v 7 A ap kotin molipe don re a ekriamen oko, o kotin kadar ir pajan riamen me eu o kotiki on irail manaman, en poedi nen jaut akan.  
\v 8 Ap majani on irail, re depa wa meakot ni ar koko jili, jokon eta pot; iermen ed, de prot, pil jota moni nan ed.  
\v 9 A re ko on eta nan jut, o der mi nan jakit riau.  
\v 10 A ap kotin majani on irail: Waja kij, me komail pedelon oner ni im eu, komail mimieta, komail lao kowei jan waja o.  
\v 11 A waja eu, me kan kajamo o ron komail, komail jipede jan pwel ni na omail, ni omail ko jan, pwen kadede on irail.  
\v 12 Irail ap kola o padapadaki me ren kalula.  
\v 13 Re pil kauje jan tewil toto o keie me jomau toto, kakela ir ada.  
\v 14 Erodej nanmarki maniada pwe mar a indandjili, a ap majani: lei Ioanej jaunpaptaij o, me mauredar jan ren me melar akan; iei i me a wia manaman pukat.  
\v 15 Akai inda, me i Eliaj; a akai, me i jaukop amen de amen me due jaukop akan.  
\v 16 Ni en Erodej maniada, a ap majani: Ioanej, me i lepuke jan mon a; ari, a mauredar.  
\v 17 Pwe pein Erodej me poron won, jaikidi Ioanej, o jaliedi on nan imaten pweki Erodiaj, en ri a ol Pilip a paud, pwe a id paude kida i.  
\v 18 Pwe Ioanej me kapun on Erodej: Me jota pun omui atia jan en ri omui ol a paud!  
\v 19 lei, me Erodiaj kailon kila i, ap men kamela i; ari, a jota kak.  
\v 20 Pwe Erodej laan Ioanej, pwe a aja, me i ol pun o jaraui amen, i ari tataakata i, ap peiki on o mamani pereneki.  
\v 21 Ari ran mau eu, ran en Erodej a ipwidi, a ap kotin kamadipa a jaupedi ko, o a jaumaj oko, o na me lapalap en wein Kalilaa kan.  
\v 22 Ari, nain Erodiaj jeripein ap kodo kakalek, kamakamait Erodej o me momod re a ko ni tepel. Nanmarki ap majani on jeripein o: Poeki re i meakot, me koe mauki; i pan ki on uk.  
\v 23 I ari kotin kaula: Meakot koe poeki re i, i pan ki on uk, lao lel apali en ai wei.  
\v 24 A ap pedoi wei indan in a: Da me i pan poeki? I ari inda: Mona en Ioanej jaunpaptaij o.  
\v 25 I ari puredo, madan don ren nanmarki o, poeki, inda: I men, komui en madan kotikido mona en Ioanej jaunpaptaij nan eu dal en!  
\v 26 Nanmarki ap topwaila kaualap, a pweki a kotin kaula o pweki ir, me ian i ni tepel ko a jota men kapapalawei.  
\v 27 Nanmarki o ap madan poronela jaunpei amen, majani, mona en wijikedo.  
\v 28 A ap kola, lepuke jan mona nan imaten, ap wa kodo mona o nan dal ap kion jeripein o ap kion in a.  
\v 29 A tounpadak kan lao ronadar, re ap kodo ale kalep a, nekidala nan joujou o.  
\v 30 Wanporon oko kapokon irai pena ren Iejuj, potoan on i meakaroj, me re wia o me re kawewedar.  
\v 31 A ap kotin majani on irail: komail kelepe don jap tan; komol maj. Pwe me toto purepure ir; irail ari jota pijokki on mana.  
\v 32 Re ap takeda jop kelep kolan jap tan.  
\v 33 A mo toto kilan ar majalwei; me toto aja irail. Ir ari japal jan kanim karoj audi mo a ap pokonn pena re a.  
\v 34 A Iejuj lao keredi jan nan jop o, ap majani aramaj toto, ap kupura ir ala; pwe likamata irai jip, me jota jile parail. A ap kotin tapiada kawewe on irail me toto.  
\v 35 Wiija lao jautik penaer, japwilim a tounpadak kan ap poto don a, potoan on: Jap tan eu met, ap waja jautiker;  
\v 36 Re kotin kadar ir pajan; pwe re en paanewei jap koren kan o kijin kanim akan o pein netiada kan ar prot, pwe jota man ar tunole meakot.  
\v 37 A ap kotin japen majani on irail: Komail katunole ir! Re ap potoan on i: Je en kola en netiada prot me denar riepuki, ap ki on irail ren tunole?  
\v 38 A ap kotin majani on irail: lopon en prot depa mi re omail? Kowei kalelapok! Re lao kalelepok, rap patoan: Me limau o mam riamen.  
\v 39 A majani on irail, re en wia pwini ir pajan, kamodan ir di on nan ra.  
\v 40 Re ap mondi ni pwin akai; wad epuki o limek ni pwin ko.  
\v 41 A ap kotikidar lopon en prot limau o mam riamen majandan nanlan laolaoki pwilitiki pajan o ari, kotiki on japwilim a tounpadak kan, pwe re en nek on irail. O mam riamen oko pil nene on irail karoj.  
\v 42 Irail karoj ari manaer o medier.  
\v 43 Rap deuk pena kopou ei jokriau maremor en kamadip o luan mam oko.  
\v 44 Irail me tunoler prot oko me ol limekid.  
\v 45 I ari kotin madan pain japwilim a tounpadak kan, irail en ko on nin jop o, tion won Petjaida palio, pwe a pan kotin kadar pajan pokon o  
\v 46 A lao kotin kadar ir pajan, ap kotidalan nan nana eu, pwen laolao.  
\v 47 A lao jautik penaer, jop o mi nan ailep en jed. A a kotin kalakalapuk nan jap.  
\v 48 l ari majani arail wiawia roro, pwe me an maton irail. A nin joran a koti don irail, weid pon jed, a pan dauli ir wei.  
\v 49 Ari, ni arail kilan a kotin weweid pon jed, re kiki on, me ani amen. Re ap weriwer.  
\v 50 Pwe irail karoj kilan i, ap majapwekada i ari madan majani on irail, majani: Komail perenda! Nai met! Der majak!  
\v 51 I ari keredan pon jop o ap moledi. Re ap puriamui kila kaualap o ponepone kida.  
\v 52 Pwe re jota lamelame prot oko; pwe monion arail kakaluakalar.  
\v 53 Irail lao kotido, re ap inen don wein Kenejaret, ap kai on liman jap o.  
\v 54 Irail lao keredi jan nan jop o, re ap madan ajada i.  
\v 55 Re ap tan pajan waja karoj tapiada wa don i me jomau pon ro ’rail waja re ron, me a kot ia.  
\v 56 O waja, me a kot ia, kijin kanim laud akan de jap, re kin pwilikidi nani al akan me jomau kan, ap poekipoeki, pwe re en jair kailan japwilim a likau ta. Ari, me doke ko karoj ap kelailada.   
\c 7  
\p
\v 1 PARIJAR akan o jaunkawewe kai ap pokon don re a, me kodo jan Ierujalem.  
\v 2 Ni ar kilan japwilim a tounpadak kai kan proteki pa jamin, jo omiom,  
\v 3 Pwe Parijar o Juj akan jota kin mana, ma re jo omiom maj; pwe re wiawia padok en men kaua ko.  
\v 4 O ni ar kin puredo jan wajan net, re jota kin mana, ma re jo omiom maj o tiak to to, me re aledi, re kin wiawia: Widen dal tikitik, dal laud, dal praj, o men momod.  
\v 5 Parijar o jaunkawewe ko ap kalelapok re a: Da me japwilim omui tounpadak kan jota wiaki padok en men kaua kan? A re manata prot jo omiom?  
\v 6 A kotin japen majani on irail: Melel eta en Iejaiaj a kopadar, me komail malaun akan, iduen a intinidi: Aramaj pukat kin kaka kin ia au arail a monion arail me doo jan ia.  
\v 7 Ari, me mal ar kaudok ia, pwe kujoned en aramaj eta, me re kin kaukawewe.  
\v 8 Pwe komail kin kajela kujoned en Kot, ap id wiawia padok en aramaj; iet widen dal laud o tikitik ape; o pil akai, me komail kin wiawia.  
\v 9 A ap kotin majani on ir, melel me komail kajela kujoned en Kot, pwe komail en apwaliela pein omail padok.  
\v 10 Pwe Mojej majani: Kakaki jam om o in om; o meamen me lalaue jam a de in a en kamela!  
\v 11 A komail kin inda, ma aramaj amen indai on jam de in a: Korpan (iet we we: Mairon eu), me koe men aneki jan ia, komail inda, me jota dip a.  
\v 12 Komail ari jola mueid on i, en wiai on jam a de in a meakot.  
\v 13 Ap kawe kila maj an en Kot omail padok, me komail pein wiada. O pil me toto me duo met, me komail kin wiawia.  
\v 14 Ni a kotin molipe pena pokon o re a, a kotin majani on irail: Komail karoj ron ia o weweki!  
\v 15 Jota meakot men likin aramaj, me pan ko on lole, kajaminela i. A meakan, me koda jan lole, iei eta, me kin kajaminela aramaj.  
\v 16 Meamen me jalon a mia men ron, i en ron!  
\v 17 Ni a kotilon on nan im eu jan ren aramaj oko, japwilim a tounpadak kan ap kalelapok re a duen karajeraj o.  
\v 18 A ap kotin majani on irail: Da, komail me pil jo lolekon? Komail jota dedeki, me meakot men likin aramaj kin ko on lole, jota kak kajaminela?  
\v 19 Pwe a jota ko on nan monion; pwe nan kaped eta, ap pidok wei jan, koko jan meakaroj?  
\v 20 A ap kotin majani: Meakan me koda jan lol en aramaj, iei me kin kajaminela aramaj.  
\v 21 Pwe jan lol en aramaj, jan nan monion, lamelam jued kin tapida jan ia: Kamal, nenek, kamela aramaj.  
\v 22 Pirap, norok, jarjued, widin, poojued, lalaue, lemai, joukoti.  
\v 23 Mejued pukat karoj tapida jan lole, ap kajaminela aramaj.  
\v 24 I ari kotila jan waja o, kotilan wein Tiruj o Jidon, a lao kotilon on nan im eu, ap jota men, aramaj en aja i. Ari, a jota kak rirala.  
\v 25 Pwe li amen, me na jeripein nen jaut ti poa, madan ronada i, ap kodo dairukedi on ni uluwllu a.  
\v 26 Li en Krik amen, kijan jap en Jiro-Penijia, potoan on, poekipoeki re a, en kauja jan na jerepein tewil o.  
\v 27 lejuj ap kotin majani on i: Jeri ko pan med maj. Pwe a jota mau, ale en jeri ar tuno prot, ap kajedi on ren kiti.  
\v 28 A ap japen potoan on i: Melel Main! Ari, kiti kin tunole maremor en jeri ar tunol prot pan tepel.  
\v 29 A ap kotin majani on i: Pweki en lokaia en, kowei! TewiI o ko janer ren noum jerepein o!  
\v 30 Ari, a kolan im a, a ap diarada, me tewil o ko janer, o na jerpein wonon nan deu a.  
\v 31 A lao pil kotin purela jan wein Tiruj o Jidon ap koti don ni le en Kalilaa, weidedo nan wein Dekapolij.  
\v 32 Re ap wa don i jalonepon amen, me loton; irail ari poeki re a, en kotin pwil poa lim a.  
\v 33 I ari kotin ukala jan i ni pokon o, ap kilon on jondin lim a nan jalon a o likidi jair lo a.  
\v 34 A ap majandan nanlan, aj mamarada, majani on i: Epata! (iet wewe: Wajok pajan).  
\v 35 Jalon a ap madan wajok pajan o al en lo a lapwada. A ap lokaia mau.  
\v 36 I ari kalik irail edi re depa indai on meamen. A kainapwi irail; ari, re ap kalaudela ar kaloki jili.  
\v 37 Re puriamui kila kaualap, inda: Me mau, me a wia dar kan! Pwe a kakaronada me jalonepon, ap kalokaiada, me loton.   
\c 8  
\p
\v 1 NI ran oko pil pokon kalaimunia mia, ap jota me re tunole; a ap kotin molipedo japwilim a tounpadak kan, majani on irail:  
\v 2 I pokela pokon et, pwe re ieian ia ran jilu, ap jota ar tunol.  
\v 3 O ma I kadar ir won ni im ar dupok, re pan liponmaj nani al, pwe akai ir kodo jan waja doo.  
\v 4 A japwilim a tounpadak kan ap japen potoan on i: la waja, me amen pan kak ki jan ia prot, men kamedela pokon et nan jap tan et?  
\v 5 A ap kotin kainoma re irail: Prot depa mi re omail? Re ap japen potoan on: Me iju.  
\v 6 I ari kotin majani on pokon o, en mondi on nan pwel, ap kotikida lopon en prot iju, laolaoki, pilitiki pajan o ari, ap kotiki on japwilim a tounpadak kan, pwe ren nek. Irail ari nek on pokon o.  
\v 7 Kijin mam kai pil mia, i ari laolaoki o majani, ren pil neki on irail.  
\v 8 Irail ari mana o medier. Irail ap deuk pena kopou en maremor iju luan kamadip,  
\v 9 Me manaer me koren ion pakid. A ap kotin kadar ir pajan.  
\v 10 Io japwilim a tounpadak kan ap madan kotidan pon jop pot, kotelan nan wein Dalmanuta.  
\v 11 Parijar akai ap kodo, tapiada akamai on i, men kilan re a kilel jan nanlan, pwe re kajonejon i.  
\v 12 A ap kotin kaananala nan nen i, majani: Menda di wet nonki kilel eu? Melel I indai on komail: Jota kilel eu pan ko on di wet.  
\v 13 I ari kotila jan irail, pil pur on nin jop o, kotilan palio.  
\v 14 Irail ap monokela prot oko, men kapinwar arail, lopon prot ta ieu mimi re rail nin jop o.  
\v 15 I ari kapun on irail majani: Kalaka en Parijar ko ar kalap o on Erodej a kalap.  
\v 16 Irail ap lamelame nan pun irail: Jota atail prot oko.  
\v 17 Ni en Iejuj a kotin maniada, a majani on irail: Da me komail toutouki a jota kan omail prot? Komail jaikenta dedekila o weweki? Monion omail kapikapitakaita?  
\v 18 Maj omail mia, ap jota kilan; jalon omail mia, ap jota ron. O komail jota tamataman,  
\v 19 Ni ai pilinon me limekid lopon en prot limau o, kopou en maremor depa, me komail deukada? Re ap potoan on i: Me eijokriau.  
\v 20 O iju nan pun en me pakid, kopou en maremor depa, me komail deukada? Re ap potoan: Me iju.  
\v 21 A ap kotin kainoma re ’rail: A da me komail jota dedeki?  
\v 22 A ap koti don Petjaida. Re ap wa don i majkun amen, poekipoeki en jair i.  
\v 23 A ap kotin ale pa en me majkun o kaluala jan ni kijin kanim o; A ap likidi on ni maj a o pwil poa lim a ko ap kainoma re a, ma a kilanada waja de jo?  
\v 24 I ari jarada potoan: I kilan aramaj akan likamada tuka kai, me alialu jili.  
\v 25 A pil pwil pon maj a lim a ko, ap kajaradakeda. I ari kelailada ap kilanada mau.  
\v 26 A ap kotin kadaralan nin im a majani: Koe depa pur won ni kijin kanim o, o pil depa indai on meamen nin kanim o  
\v 27 Iejuj i japwilim a tounpadak kan ap kotieila nan kanim en Jajarea Pilipi ko. Ari, ni u kotikot kowei, ap kotin kainoima ren japwilim a tounpadak kan majani on irail: Ij me aramaj inda me Nai?  
\v 28 irail japen i potoan on: Ioanej jaunpaptaij; a akai inda, a akai, me Eliaj; a akai me amen jan ren jaukop akan.  
\v 29 A ap kotin kainoma re irai: l A komail, ij me komail kin inda me nai? Petruj ap japen patoan on i: Komui Krijtuj!  
\v 30 I ari kotin kalik irail edi, re depa indai on meamen  
\v 31 A ap kotin tapiada kawewe kin irail, me Nain aramaj en kalokolok toto o jokonekonla pan jaumaj akan, o jamero lapalap akan, o jaunkawewe kan, o pan kamela, ap pan maureda murin ran jilu.  
\v 32 Majan wet a kotin majani janjal. Petruj ap ukada i tapiada kapun on i.  
\v 33 Iejuj ap kotin jaupeido aupwil jili pon japwilim a tounpadak kan, kapun on Petruj majani: Kola muri, Jatan! Pwe om lamalam kaidin en Kot, a en aramaj.  
\v 34 A kotin molipedo pokon o japwelim a tounpadak kan, a majani on irail: Meamen pan idauen ia, en tounmeteki pein i, ap wada a lopu, idauen ia.  
\v 35 Pwe meamen kanakanai mour i, pan pupe jan. A meamen kajela mauri pweki nai o ronamau, pan dorela i.  
\v 36 Pwe da me katepan aramaj a aneki jappa u, ap kajela maur?  
\v 37 O da me aramaj pan wiliankidi maur i?  
\v 38 Pwe meamen namenok kin ia o ai padak kan nan pun en di en kamal o jued wed, i me Nain aramaj pil pan ailaki, ni a pan kodo ni linan en Jam a ian tounlan jaraui kan.   
\c 9  
\p
\v 1 A AP kotin majani on irail: Melel I indai on komail: Akai me ian mi met, jota pan mela, lao kilan wein Kot a kokido manaman.  
\v 2 Murin pon wonu pon Iejuj ap kotin ukada Petruj o Iakopuj o Ioanej kalua ir dalan pon nana ileile eu, ir kalapuk. I ari kotin wukila mo ’rail.  
\v 3 Japwilim a likau ko linalinala, puetepueteta jno. Jota jaunlopolop nan jappa kak kapuete puetetala dueta.  
\v 4 Eliaj i Mojej ap pwara don ir, ari, ira o Iejuj ap mamajan pena.  
\v 5 Petruj ap japen potoan on Iejuj: Rapi, me mau on kitail en kotikot met. Kitail en kauada kijin im jilikij: Tanpaj ar, o en Mojej o en Eliaj.  
\v 6 Pwe a jaja, da me a pan inda, pwe re majapwekada.  
\v 7 Pali en dapok pali ap kadupwal irail edi; o nil eu peidido jan nan dapok o: I met nai ol kompok! Komail ron i!  
\v 8 Ari, re jaliokeda, jolar amen me re kilan, Iejuj ta, me kotikot re ’rail.  
\v 9 Ari, ni arail kotikot kotido jan nin nana o, a kotin kalik irail edi, re depa indai on meamen, me re kilan ko, lao Nain aramaj mauredar jan ren me melar akan.  
\v 10 Re ap edie pena majan pot et nan pun ar, ap peipeidokki pena, da wewe en maureda jan ren me melar akan?  
\v 11 Irail ap peidok re a potoan on: Da me jaunkawewe kan indaki, Eliaj pan pwarado maj?  
\v 12 I ari kotin japen, majani on irail: Melel Eliaj kodo maj, kamauiada meakan. O iaduen intinidi duen Nain aramaj? Me pan kolokolok toto o jokonekon.  
\v 13 A I indai on komail, Eliaj pwarer, o re wiai on i, me re mauki duen a intinidi due.  
\v 14 A lao koti don tounpadak kan, a majani pokon kalaimunia eu kapil ir pena o jaunkawewe kan peipeidok re irail.  
\v 15 Ni ar kilanadar i, pokon o ap puriamuiki la tanado ranamau on i.  
\v 16 A ap kotin kainoma re irail: peidok da kai, me komail idedok re ’rail?  
\v 17 Amen toun pokon o japen i potoan on: Jaunpadak, i potoan don komui nai putak o, me nen loton mi poa.  
\v 18 Ari, waja karoj me a kin tiada poa, a kin kapururada; a ap kin pudopud o katekatete ni o tonetonela. I potoan on japwilim omui tounpadak kan, pwe re en kauja jan i, ari, re jota kak.  
\v 19 A ap kotin japen irail majani: Di wet meid jopojon. Ia arain ai pan mimi re omail, ia arain ai pan kokoa komail? Wadoniai!  
\v 20 Irail ap poto don i. Ni a kotin majani i, nen o ap madan kupururada i; a ap pupedi on nan pwel, wia pudopud taputapur jili.  
\v 21 A ap kainoma ren jam a: I me a arain me kot et a lel? A ap potoan on: Jan ni a jeri.  
\v 22 Pan me toto a kin kajedi on i nan iai o nan pil, pwen kamela i. Ari, ma re kotin kak on, re kotin kupura kit ala jauaja kit!  
\v 23 Iejuj ap kotin majani on i: Ma koe me pojon; meakaroj me kak ren me pojon.  
\v 24 Madan jam en kijin jeri ap weriwer, janejan, potoan: Main, i pojon. Kom kotin katinaiada jan ai jopojon.  
\v 25 Ni en Iejuj a kotin majani ar tanetan pena, a ap anianiada nen jaut o kotin majani on nen loton o jalonepon: I indai on uk, koieido jan lole! Koe depa pure won i!  
\v 26 A ap weriwer, kapururada kaualap, ap koiei jan. I ari likamata a melar. Akai ap inda, a melar.  
\v 27 Iejuj ap kotin ale pa a kauada, i ari uda.  
\v 28 Ni a koti don ni im o, japwilim a tounpadak kan ap okiok peidok re a potoan on: Da me je jota kak kaujeki jan?  
\v 29 A ap kotin majani on irail: Jon wet jota kin koki jan meakot kapakap o kaijejol eta.  
\v 30 Re ap kotila jan waja o, weidala nan Kalilaa. A jota men, meamen en aja.  
\v 31 Pwe a men kotin kawewe on japwilim a tounpadak kan ap majani on irail: Nain aramaj pan panalan ni pa en aramaj. Irail pan kamela i a murin a kamela a pan maureda murin ran kajilu.  
\v 32 A irail jota dedeki majan o; a re majak kalelapok re a.  
\v 33 A ap koti don Kapernaum; ni a kotikot nan im o a ap kotin kainoma re ’rail: Da me komail akakamaiki nani al o?  
\v 34 Irail ari nenenla, pwe re akamaiki nani al o, ij me pan laud re ’rail.  
\v 35 I ari kotin, molipedo ekriamen oko, ap majani on irail: Meamen men moa, a en mi muri o papa on karoj.  
\v 36 I ari kotin ale kijin jeri amen, kotitidi on nan pun arail: A Iau palodi i ap majani on irail.  
\v 37 Meamen me apwali amen jan ren kijin jeri pukat ni ad ai, a pil apwali ia. A me apwali ia, kaidik nai, me a apwali, a inn kadar ia do.  
\v 38 Ioanej ap japen i, potoan on: Jaunpadak, je kilan amen, me kakauj tewil akan ni mar omui, a ap jota kin ian kit. Kit ari inapiedi, pweki a kaidin kij at.  
\v 39 lejuj ap kotin majani: Der inapiedi! Pwe meamen me wia manaman ni ad ai, jota pan kak en lalaue ia.  
\v 40 Pwe meamen jota u on kitial, i kijan atail pali.  
\v 41 Pwe meamen, me pan ki on komail dal en pil eu ni ad ai, pweki omail kijan Krijtuj, melel I indai on komail, katin i jota pan jalon jan.  
\v 42 O meamen, me kamakar amen ir me tikitik, me pojon ia, a mau on takai en ir plaua eu en paudoki on ni tapin wor a; a ap lokidokila nan madau.  
\v 43 Ma apali en pa om kamakar uk, lopuke jan! A mau on uk, ko on maur, ni om danidan jan om pa pokon mia, ap ko on nan pweleko, nan kijiniai jokun.  
\v 44 Waja ar muaj jota kin mela o kijiniei jota kin kunla.  
\v 45 O ma apali en na om kamakar uk, lepuka jan! A mau on uk, ko on maur ni om jikilikil jan om pat en na pokon mia, ap lokidokila nan pweleko, nan kijiniai jokun.  
\v 46 Waja ar muaj jota kin mela o kijiniai jota kin kunla.  
\v 47 Ma apali maj om kamakar uk, kapida jan! Me mau on uk, maj pali pedelon on nan wein Kot jan maj unjok lokidokila nan kijiniai en pweleko.  
\v 48 Waja ar muaj jota kin mela, o kijiniai jota kin kunla.  
\v 49 Pwe amen amen pan joleki kijiniai, dueta mairon karoj kin joleki jol.  
\v 50 Me mau jol. A ma jola nam en jol, nam a pan ko jan ia? Jol en mi re omail o komail popol pena!   
\c 10  
\p
\v 1 IEJUJ ap kotila jan waja o, koti don wein Iudaa, palila jan Iordan. Aramaj ap pil pokon don re a. A ap pil pur on padak kin ir, due me a kin wiawia.  
\v 2 Parijar kai ap kodo peipeidok re a: Me pun, ol en muei jan a paud? Irail ari kajonejon i.  
\v 3 A ap kotin japen majani on irail: Da me Mojej majani on komail?  
\v 4 Re ap japen: Mojej mueideda kijin likau en kamueit en wiaui, ap muei jan.  
\v 5 lejuj ap kotin japen majani on irail: pweki omail kapitakai, me a intinie kida kujoned wet.  
\v 6 A nin tapin jappa a wiauiata: Kot a kotin wia ira da ol o li.  
\v 7 I me aramaj amen pan pededi jam a in a, pat on eta a paud.  
\v 8 Ira ari pan uduk eta eu, ira joer riamen, a uduk eta eu.  
\v 9 Ari, meakot Kot kapad penaer, aramaj der kamueit pajan!  
\v 10 Nan im o japwilim a tounpadak kan pur on kalelapok re a due.  
\v 11 I ari kotin majani on irail: Meamen, me muei jan a paud li, ap ale amen, a kamal i.  
\v 12 O ma li amen muei jan a paud, ap ale amen, a kin kamal.  
\v 13 Re ap poto don re a kijin jeri kai, pwen kotin jair ir. Tounpadak kan ap kapoui irail me wado ko.  
\v 14 Ni en Iejuj a kotin majani, a ap kotin juede kida, ap majani on irail: Mueid on kijin jeri akan, en ko don re i. Der kalik irail edi! Pwe iei jon en, me udan wein Kot.  
\v 15 Melel I indai on komall, meamen, me jota ale wein Kot rajon kijin jeri men, a jota pan pedelon on lole.  
\v 16 A kotin palo irail edi, pwil po ’rail lim a ko, kapai irail ada.  
\v 17 Ni a kotiieilan nani al o, meamen ap tan don i, kelepukedi, kalelapok re a: Jaunpadak mau, da me i en wia, pwe i en joki maur joutuk?  
\v 18 Iejuj ap kotin majani on i: Da me koe indaki, me I mau? Jota meamen me mau, Kot eta.  
\v 19 Koe kin aja kujoned akan: koe der kamal! Koe der kamela! Koe der pirap! Koe der kinakine mal! Koe der morjued! Wauneki jam om o in Om!  
\v 20 A ap japen potoan on i: Jaunpadak, mepukat i kin wiawiada jan ni ai tikitik kokodo.  
\v 21 Iejuj ap kotin mamajani i o kupura, ap majani on i: Me takij me lua, kowei, netikila meakaroj, me koe aneki, ki on me jamama kan; om pai ap pan mi nanlan; ap kodo, ale om lopu idauen ia!  
\v 22 I ari patau kila majan pot et, kokola injenjued, pwe a kapwa me toto.  
\v 23 Iejuj ap kotin aupwili jili, ap majani on japwilim a tounpadak kan: Meid apwal on me kapwapwa, en pedelon on nan wein Kot.  
\v 24 Tounpadak kan ap puriamui kila a majan oko. Iejuj ap pil kotin japen majani on irail: Jeri ko! Meid apwal on irail, me keleki kapwa, en pedelon on nan Wein Kot.  
\v 25 Me manai on kamel en tilon nan por en dikok, jan me kapwapwa en ko on nan wein Kot.  
\v 26 Irail ari waponda kaualap, indinda nan pun arail: A ij me kak kamaurela?  
\v 27 Iejuj ap kotin mamajani won irail majani: A jo kak pan aramaj, a kaidin pan Kot; pwe ren Kot meakaroj me kak.  
\v 28 Petruj ap tapiada potoan on: Re majani, je likidmaliela meakaroj, ap idedauen komui jili.  
\v 29 Iejuj ap kotin japen majani! Melel I indai on komail: Jota meamen, me likidmaliela im, de ri a ol, de li akan, de jam, de in, de a paud, de jeri ko, de jap pweki nai o ronamau,  
\v 30 Me jo pan id aneki pan me epuki anjau wet im, o ri a ol, o li akan, o nono, o jeriko, o jap, ianaki kamekam, o maur joutuk nan muei kokodo.  
\v 31 A me toto men moa, pan men murla, o men mur pan moala.  
\v 32 Ni arail kotikot kodalan Ierujalem, Iejuj me kotin tion mo ’rail; a irail puriamui kila, idedauen wapon. A ap kotin ale ekriamen oko, ap kotin tapiada majani on irail, me pan wiaui on i ko:  
\v 33 Kilan, kitail kodalan Ieruialem. Nain aramaj pan panalan jamero lapalap o jaunkawewe kan; re ap pan kadeikada, en kamela, ap id kilan ren me kijan men liki kan.  
\v 34 Re ap pan kapikapit i, o woki, o kondipi, o kamela. A ap pan maureda murin ran jilu.  
\v 35 Iakopuj i Ioanej nain Jepedauj akan potodo, potoan on i: Jaunpadak, je men, komui en kotin wiai on kit meakot, me je mauki.  
\v 36 A ap kotin majani on ira: Da me koma mauki, I en wiai on koma?  
\v 37 Ira ap potoan on i: Re kotin in mueid on kit, amen kit en mod pali maun omui, a amen pali Imain nan omui linan.  
\v 38 A Iejuj kotin majani on ira: Koma jaja, me koma poekipoeki en. Koma pan kak nim dal, me I nim, de paiptaijeki paptaij me I paptaijeki?  
\v 39 Ira ap potoan on i: Je kak. Iejuj ap kotin majani on ira: Ei, koma pan nim dal me I nim, paptaijeki paptaij, me I paptaijeki.  
\v 40 A mod pali maun i o pali main i, I jota kak mueid on; pwe on irail eta, me a onop on.  
\v 41 Ni en ek oko ar ronada, re ap juedekida Iakopuj i Ioanej.  
\v 42 Iejuj lao molipe ir do, ap kotin majani on irail: Komail aja duen jaupeidi en wei pokon ar kin poe irail edi o ar jaumaj akan kin manaman on ir.  
\v 43 Ari, due met jota pan wiaui nan pun omail. A me men laud nan pun omail, a en omail papa.  
\v 44 Meamen re omail, me men jaumaj, en ladu en karujia.  
\v 45 Pwe pil Nain aramaj jota kotido, pwe en papa i, a pwen papa on irail, kida maur i wiliandi me toto.  
\v 46 Irail ap ko don Ieriko. Ari, ni i o japwilim a tounpadak kan o pokon kalaimun kotiiei jan Ieriko, Partimauj majkun, nain Timauj, momod liman al o, wia poekipoek.  
\v 47 A ni a ronada, me iei Iejuj en Najaret, a ap weriwer indada: Iejuj, japwilim en Dawid, kupura ia!  
\v 48 Me toto ap kidaue, pwen nenenla. Ari, a ap kalaudela a weriwer: Japwilim en Dawid kupura ia!  
\v 49 Iejuj ari kotin udi, majani en peekek kodo. Ir ari ekeredo ol majkun o indai on i: Injenemau, uda! A kotin molipe uk!  
\v 50 I ari kajola a likau madan uda ap poto don Iejuj.  
\v 51 Iejuj ap kotin japen majani on i: Da me koe mauki, I en wiai on uk? Me majkun o ap potoan on: Rapuni, i men potoan kilan waja.  
\v 52 Iejuj ap kotin majani on i: Ukkewei! om pojon me kakelail uk ada. I ari madan kilanada waja, ap idauen la Iejuj.   
\c 11  
\p
\v 1 NI arail koren ion Ierujalem, kokolan Petpake o Petanien impan dol Oliwe, a ap kotin poronela japwilim a tounpadak riamen.  
\v 2 Majani on ira: Koma ko on nan kijin kanim en, me palilan komail. Ari, ni oma pedelon on lole, koma pan madan diar ejel pul amen a janjal, me aramaj amen kaikenta dake. Lapwada i o kaluado met!  
\v 3 A ma meamen indai on koma: Da me koma wiaki met? A koma japen: Kaun o men en upa. Ari, a pan madanada kadarado.  
\v 4 Ira ari kola, diar ejel pul o, a janjal likin im o nan au en al riau; ira ap lapwada.  
\v 5 Akai ir u waja o indai on ira: Da me koma lapwakida ejel pul en?  
\v 6 Ira ari japen kin irail, me lejuj majani on ira. Irail ari kadar on ira.  
\v 7 Ira ari potoan don ejel pul o ren Iejuj, pwilidi on ar likau ko poa. I ari kaipokedi on poa,  
\v 8 Me toto perokida jan ar likau nani al, akai paledi ran tuka, irepakidi nani al o.  
\v 9 Irail me tion o me idauen ap nijinij, inda: Ojiana! Meid iajunai me kotikido ni mar en Kaun!  
\v 10 Meid pai wei kokodo, en jam atail Dawid! Ojiana nanlan!  
\v 11 A ap kotilon on Ierujalem o im en kaudok. A lao kotin mamajani jili meakan, a ap kotilan Petanien pwe a waja ponier, ianaki eikriamen.  
\v 12 Pweidi jonada, irail ap kotin puredo jan Petanien. A ap kotin men konotada.  
\v 13 A lao kotin majani tuka pik apot jan waja doo, ta mia. A ap koti don, ma a jo pan diar meakot ia. Ni a lel don, a ap kotin diarada ta eta, pwe jaiken ta anjau en pik.  
\v 14 I ap kotin japen majani on i: Jota meamen pan kan jan uk wan tuka kokolata. A japwilim a tounpadak kan ron.  
\v 15 Irail ap koti don Ierujalem. Iejuj lao kotilon on nan im en kaudok, a ap kotin tapiada kaje jan irail, me netinet nan im en kaudok, ap wukidedi en jaun kawil moni ko ar tepel o en men netin muroi ko ar men momod.  
\v 16 Ap jola mueid on meamen, en wala dal eu nan im en kaudok.  
\v 17 I ari kotin kawewe majani on irail: A jo intinidi, me im ai adaneki, im en kapakap on toun jappa karoj? A komail wia kila deun men pirap!  
\v 18 Jamero laplap akan o jaun kawewe kan ronada, ap lamelame duen ar pan kamela i, pwe re majak i, pwe aramaj karoj puriamuiki a padak.  
\v 19 Ni a jautik pena, a ap kotiieila jan kanim o.  
\v 20 Ni manjan, ni arail kotikot kowei, re ap majaniada tuka pik o a monedar jan nin tapi.  
\v 21 Petruj ap katamaneki potoan on i: Rapi, re kotin majani tuka, me re kotin kariala o a monelar.  
\v 22 Iejuj ap kotin japen majani on irail: Komail pojon Kot!  
\v 23 Pwe melel, I indai on komail, ma meamen pan indai on nana wet: Mokidewei lokidokila nan madau! Ap jota peikajal nan monion i, a pojon me meako, me a inda, pan pwaida, a pan wiaui on, me a inda.  
\v 24 lei me I indaki on komail: Meakaroj, me komail inon ion ni omail kapakap, kamelele, me komail pan ale, a ap pan pwai don komail.  
\v 25 Ari, ni omail kapakap maki on, ma kajuede kai mi re omail on amen, pwe Jam omail, me kotikot nanlan, en pil makeki omail japun kan.  
\v 26 A ma komail jota mak, Jam omail, me kotikot nanlan, jota pil pan makeki on komail omail japun kan.  
\v 27 Re ap pil pure don Ierujalem. Ni a kotikot jili nan im en kaudok o, jamero lapalap akan, o jaunkawewe kan, o jaumaj akan ko don re a.  
\v 28 Ap potoan on: Manaman en ij, me komui wiawiaki mepukat? O ij me kiwei manaman om, en wiawia mepukat?  
\v 29 Iejuj ap kotin japen majani on irail: I pan pil idok peidok eu re omail. Komail japen ia, I ap pan id indai on komail, manaman en ij, me I wiaki mepukat.  
\v 30 En Ioanej a paptaij, men nanlan de me ren aramaj? Japen ia!  
\v 31 Irail ap lamelame nan pun arail inda: Ma kitail inda, men nanlan, a pan majani: Da me komail jo kameleleki?  
\v 32 A ma kitail inda, me ren aramaj irail majak pokon o, pwe irail karoj lamelame, me Ioanej jaukop melel amen.  
\v 33 Re ap japen potoan on Iejuj: Je jaja. Iejuj ap kotin majani on irail: I jota pil pan indai on komail, man en ij me I wiaki mepukat.   
\c 12  
\p
\v 1 A AP kotin tapiada padaki irail ni karajeraj akan: Aramaj amen me padukedi mat en krep eu o kele pena, ap weirada deun wunit krep eu, o kauada im en jilajil eu, ap mueidalan jaumat akai, ap momaitelan nan wai.  
\v 2 Kadekadeo anjaun rak, a ap kadaralan jaumat oko ladu amen, pwen ale ren jaumat oko kijan wan matuel o.  
\v 3 Re ap jaikidi, kame o ari, kadarala kaip.  
\v 4 A ap pil kadaralan irail amen ladu, re ap kate, pwalan on mona, ap kadarala i kajaroela.  
\v 5 A ap pil kadarala amen; re ap kamela; pil me toto re woki akai, a re kamela akai.  
\v 6 Ari, na ieroj eu, me a pokepoke, i me a kadarala ikmuri, a majani: Re pan wauneki nai ol.  
\v 7 A jaumat pukat inda pena nan pun arail: Jeri en jojo met; na, kitail en kamela! Ari, kitail ap pan id aneki jojo o;  
\v 8 Re ap ale, kamela, kajewei jan nan mat en krep.  
\v 9 Ari, da me jaumaj en mat o pan wia? A pan kodo, kamela jaumat oko; a ap pan mueid on akai matuel o.  
\v 10 Komail jota wadoker kijin Iikau et: Takai, me jauje kan kajapokelar ap id wialar takai en pukakaim?  
\v 11 Mepukat wiauier ren Kaun o, men kapuriamui patail.  
\v 12 Irail ari jojon pwen jaikidi i, a re majak aramaj akan, pwe re aja, me a karajeraje kin irail. Irail ari kokola jan re a.  
\v 13 Irail ap kadaralan re a Parijar o ian en Erodej akai, pwen kajapune i jan ni a majan.  
\v 14 Ari, ni ar kodo, re potoan on i: Jaunpadak, je aja, me komui me melel o jota injenoki meamen. Pwe komui jota lipilipil maj en aramaj, a kom kaukawewe al en Kot ni me pun. Me pun, en nopweiki moni on nanmarki de jo? Je en kida, de je ender kida?  
\v 15 A a kotin mani ar malaun majani on irail: Menda komail jonejon ia? Wa don ia eu denar en, pwe I en kilan.  
\v 16 Irail ap wado. A ap kotin majani on irail: Mom o intin en ij met akan? Irail potoan on i: En nanmarki.  
\v 17 lejuj ap kotin japen, majani on irail: Ari, komail ki on nanmarki me nain nanmarki, o on Kot me japwilim en Kot. Re ap puriamui kila i.  
\v 18 Jadujar akai ap ko don re a, me kin inda me dene jota me pan maureda jan mela. Re ap peidok re a indada:  
\v 19 Jaunpadak, Mojej intine don kit er, ma ri en ol amen mela, kidi a paud, jota na jeri ko, a ri a ol ap pan id ale a paud, pwen wiada kadaudok a on ri a ol o.  
\v 20 Ari pirien, ol ijimen mia. Men maj re ’rail paude kida li amen ap melar, jota kadaudok a.  
\v 21 Men muri ap id ale, ap melar, pil jota kadaudok a. A kajilimen pil dueta.  
\v 22 A irail ijimen oko paude kida i, jota kadaudok a. Ari, murin karoj li o ari pil melar.  
\v 23 Ran en iajada ni ar pan maureda, ij me pan paudeki i re ’rail, pwe irail ijimen oko paude kier i?  
\v 24 lejuj ap kotin japen, majani on irail: Omail jota lelapokki kijin likau kan o rojon en Kot, kaidik iei me kareda omail jaj kida?  
\v 25 Pwe irail pan lao maureda jan ren me melar akan, re jola pan papaud de kapapaud. A re pan duela tounlan kan me mimi nanlan.  
\v 26 Ari, duen me melar akan ar pan maureda, komail jota wadoker nan puk en Mojej, duen Kot a kotin majani on i nan wel en tuka o: Nai Kot en Apraain, o Kot en Ijaak, o Kot en Iakop!  
\v 27 Kaidin i Kot en me melar akan, pwe Kot en memaureta! Iei, me komail jaj kida kaualap.  
\v 28 Ari, amen ren jaunkawewe kan ap potodo, me roner duen ar kapakaparok pena, ap kajauiada, me a pajapen me inen, ap idok re a: Ia mo en kujoned karoj?  
\v 29 lejuj ari majani on i: Iet mo en kujoned akan: Ron Ijrael! Kaun patail Kot me Kaun me ta men.  
\v 30 Ari, koe en poke ki on Kaun, om Kot, monion om unjok, o nen om unjok, o om lamelam unjok, o om kel unjok! lei met me mo en kujoned akan.  
\v 31 A kariau me dueta. let et: Koe en pok on men imp om due pein koe! Jota eu kujoned me lapajan mepukat.  
\v 32 Jaunkawewe ap potoan on i: Me mau Jaunpadak! Melel me kom majani en! Pwe i me ta men, a jota pil amen, pwe i ota!  
\v 33 O poke ki on i monion unjok, o lamelam unjok, o nen unjok, o kel unjok, o pok, on men impa due pein i, mau jan mairon ijij o mairon tei kan.  
\v 34 Ni en Iejuj a kotin majani a pajapen a inen, a ap majani on i: Kom jota doo jan wein Kot. Ari, ap jolar, me men pil idok re a meakot.  
\v 35 Iejuj ap pil kotin japen majani ni a kotin kaukawewe nan im en kaudok o: Da me jaunkawewe kan indaki, me Krijtuj nain Dawid?  
\v 36 Pwe pein Dawid majaniki ren Nen jaraui: Kaun o kotin majani on ai Kaun: Kom kotidi on pali maun i, I lao wia kida wutipan aluwilu omui om imwintiti kan!  
\v 37 Ari, Dawid pein kaadaneki I Kaun; a daduen a wia na? Aramaj akan ap mauki a padak.  
\v 38 A ap kotin majani on irail ni a padak: Kalaka jaunkawewe kan, me mauki mi nan likau reirei o men, re en ranmaui ir nan wajan net.  
\v 39 O men mod leppantam nan jinakoke kan o kamadip.  
\v 40 O noper jan li odi im ar, ap liliajoj kapakap reirei. Irail pan lodi on kadeik lapalap.  
\v 41 Iejuj ap kotikot jal on deun moni en mairon, ap mamajani, en aramaj ar kajedi on moni nan deu o. A me toto, me kapwapwa, kajedi on me toto.  
\v 42 Li odi jamama ap kodo o kajedi on kijin moni riakij, me wiada kwadranj eu.  
\v 43 A ap kotin molipedo japwilim a tounpadak kan, majani on ir: Melel I indai on komail, me liodi jamama men et kajedi on me laude jan irail karoj, me pil kajedi on nan deun moni o.  
\v 44 Pwe karoj kajedi on jan ni ar pai. A i me kajedi on jan ni a jamama, karoj me a, i eta a mana.   
\c 13  
\p
\v 1 NI a kotieila jan ni im en kaudok, amen japwilim a tounpadak kan potoan on i: Jaunpadak, kom kotin majani takai o im pukat!  
\v 2 A Iejuj kotin japen, majani on i: Koe kilekilan im kalaimun pukat? Jota takai eu pan mi pon eu, me jo pan lokidoki jan.  
\v 3 Ari, ni a kotikot pon dol Oliwe jal don im en kaudok, Petruj, o Iakopuj, o Ioanej, o Andreaj, re ap kelep potoan on i:  
\v 4 Re kotin majani on kit, iad mepukat pan wiaui o da pan kadapakilene en mepukat karoj a pan pwaida?  
\v 5 Iejuj ap kotin japew irail majani: Kalaka, pwe meamen de kotaue komail!  
\v 6 Pwe me toto pan kodo ni ad ai, inda: Nai i. Re ap pan kotaueda me toto.  
\v 7 O ni omail pan ron mauin o ron en mauin, komail depa majak! Pwe mepukat udan wiaui; a jaikenta imwi.  
\v 8 Pwe wei eu pan u on eu wei o pil wei en nanmarki ko, o jap rerer pan wiaui jili, o lek, o injenjued, mepukat kamoe en patau.  
\v 9 A komail kalaka pein komail! Pwe re pan pan komail la on kapun o jinakoke kan; o komail pan kamekame o wijike don mon monjap o nanmarki kan pweki nai, pwen kadede on irail.  
\v 10 O ronamau en kaloki on maj nan jap karoj.  
\v 11 A ni arail wa komail la o panla komail, der lamelame maj, me komail pan inda, pil der madamadaua maj. A iei me o, me pan ko on komail ni klok ota, I me komail en inda! Pwe kaidin komail me lokaia a Nen jaraui.  
\v 12 Pwe ol pan panala ri a ol, pwen kamela; o jam na jeri, o jeri ko pan u on jam, in, o pan kare on ir, en kamela.  
\v 13 Komail ap pan kaliwariwarla pan aramaj karoj pweki ad ai. A me dadaurata lao imwi lel, a pan dorela.  
\v 14 Ni omail kilan wiawi jued ni kao lapalap, me a pan wiaui waja, me a jo kon on meamen wudok a en dedeki me mimi Iudaa, re en jopo won nan nana ko.  
\v 15 O me mi pon im, depa ko dido nan im; a depa pil pedelon on lole, pwen ki jan meakot.  
\v 16 O me mi nan jap, depa japaledo ale a likau.  
\v 17 A pan non juede on me lijean o on ir, me kadidi ni ran oko.  
\v 18 Komail kapakapeki, pwe omail japola de wiaui ni anjau en pou.  
\v 19 Pwe ni ran oko kainjenjued pan wiaui, me jota due jan ni tapin jappa, ni en Kot a kotin wiada kokodo kokolata.  
\v 20 Ma Kaun o jota kotin kamotola ran oko, jota uduk, me pan dorela. A pweki me pilipildar akan, me a kotin piladar, iei me a kotin kamoto kila ran oko.  
\v 21 Ma meamen indai on komail ni anjau o: Kilan, iet et Krijtuj! De ionen! Der kamelele.  
\v 22 Pwe Krijtuj likam o jaukop likam akai pan koda o re pan kajaleda kilel o manaman, pwen pil kotaue ir, me pilipildar akan ma re kak on.  
\v 23 Komail ari kalaka! Pwe I kop on komail er meakaroj!  
\v 24 Ari, ni ran oko murin kain jenjued katipin pan rotala maram pan jolar linan.  
\v 25 O uju en lan pan pupedi o kelail en lan akan pan mokimokid.  
\v 26 Ari, re ap pan kilan Nain aramaj pan kotikot kodo nan dapok ni a rojon melel o ni a linan.  
\v 27 A ap pan kadar pajan na tounlan kan, kapokon pena jan pali en lan paieu japwilim a pil pildar akan, jan imwin jappa Iel imwin lan.  
\v 28 Komail en aja karajraj en tuka pik. Ni ra kan ar ponj o pepe pwarado, komail kin aja, me rak korenier.  
\v 29 O pil komail; ni omail kilan wiawia pukat a pan pwaida, komail en aja, me a korendor, a mier pan wanim.  
\v 30 Melel, I indai on komail: Di wet jota pan imwijokela, lao wiawia pukat pwaida.  
\v 31 Lan o jappa pan joredi, a ai majan jota pan joredi.  
\v 32 A duen ran o klok jota amen me aja. Tounlan kan, me mi lan, pil jota aja; Na pil jo, Jam eta.  
\v 33 Komail kalaka! Majamajan o kapakap! Pwe komail jaja anjau o!  
\v 34 Due aramaj amen, me wia jailok doo, me kidi im a, ap ki on manaman ren a ladu kan, pil ki on karoj ar dodok, ap pil majani on jilepan wanim o, en majmajan.  
\v 35 lei me komail en majamajaneki, pwe komail jaja anjau, jaumaj en im o a purodo, ma jautik, de ailep en pon, de ni malek kakorot, de ni manjan.  
\v 36 Pwe a depa madanedo, diarada omail mamair.  
\v 37 O me I indai on komail, I pil indai on karoj, majamajan!   
\c 14  
\p
\v 1 KADEKADEO pon ria pon mon paja o kamadip en prot, jomut, Jamero lapalap akan n jaunkawewe kan jojon duen widinadi i kamatala.  
\v 2 Pwe irail inda: Iermen ni ran en kamadip, pwe de kamoroada aramaj akan.  
\v 3 Ari, ni a kotikot Petanien nan im en Jimon tuketuk, ni a kotin kaipokedi ni tepel, li amen ap potodo, wa kijin kopa ala pajta audaud en men kei, inen en pil en narde, me kajampwal. A ap kawela kopa o keiedi on tapwi.  
\v 4 Akai re irail ap juedeki, monemoneloleki: Menda men kei wet ola mal?  
\v 5 Pwe a pan netila kareda laude jan denar jilipuki, ap pan ko on me jamama. Re ap lipelipanede li o.  
\v 6 Iejuj ap kotin majani: Komail ko jan! Menda komail kainjenjued i? Dok mau on ia, me a wiada et.  
\v 7 Pwe jamama kin mi re omail anjau karoj. Ari, anjau me komail mauki, komail kak kadek on. A nai jota kin ieian komail anjau karoj.  
\v 8 A wiaer me a kak on. A kanopedier a keie war ai ni jaredi.  
\v 9 Melel I indai on komail: Waja karoj me ronamau wet pan kalok ia panada jappa u, re pil pan lokolokaia duen me a wiadar, pwen katamanpa.  
\v 10 Iudaj Ijkariot, amen ekriamen oko, ap kolan ren jamero lapalap akan, pwen pan on irail i.  
\v 11 Irail lao ron, re ap peren kida, ap inauki, me re pan ki on moni. I ari jon duen a pan monai on en panala i,  
\v 12 Ni kaieu en ran en prot jomut, ni ar kin kamela jippul en paja, japwilim a tounpadak kan ap potoan on i: Ia waja re kotin men, jen potolan kaonopada, pwe re en kotin konot paja?  
\v 13 A ap kotin poronela japwilim a tounpadak riamen majani on ira: Koma ko on nan kanim o; aramaj amen ap pan tu on komail, wa men deun pil eu. Idauen i!  
\v 14 Waja a pan pedelon on, koma indai on kaun en im: Jaunpadak o majani, ia pera en men kairu kan, waja me I pan tunole paja ia ian ai tounpadak kan?  
\v 15 A ap pan kajale on koma pera laud poa kajonjoner o onoper. lei waja koma onop on kitail.  
\v 16 Japwilim a tounpadak kan ap kola, lei don kanim o, o diaradar duen me a kotin majani on ira ko; ira ari kaonopada paja.  
\v 17 A lao jautik penaer, a ap kotido ian ekriamen ko.  
\v 18 A ni arail kotidi ni tepel konokonot, Iejuj ap kotin majani: Melel I indai on komail, amen komail me ian ia manamana et, pan pan ia la.  
\v 19 Re ap tapiada injenola ap potoan on i amen amen: Nai i? A pil amen inda: Nai i?  
\v 20 A ap kotin japen majani on irail: Amen ekriamen oko me ian ia kadukadu nan dal et.  
\v 21 Ari jo, Nain aramaj kokola duen a intinidi on er; o non juede on aramaj o, me Nain aramaj panpanala re a. Me mau on, ma aramaj men et jota ipwidi.  
\v 22 Ari, ni arail konokonot, Iejuj ap kotikida prot o laolaoki, ap pilitiki pajan kotiki on irail majani: Ale, tunole! War ai metet,  
\v 23 A ap kotikida dal o murin a kotin laolaoki; a ap kotiki on irail; irail karoj ap nim.  
\v 24 A ap kotin majani on irail: Nt’ ai metet, ntan inau kap, me kapwilipwilikidi me toto.  
\v 25 Melel I indai on komail, I jolar pan nim jan wan wain, lao ran en ai pil pan nim nan wein Kot.  
\v 26 Murin arail kauleki kaul pot, re ap kotilan dol Oliwe.  
\v 27 Iejuj ap kotin majani on irail: Komail karoj pan makarada; pwe a intinidi: I pan kame jilepa, ari pwin jip ap pan mui pajan.  
\v 28 A murin ai pan maurla, I pan tion wei mo ’mail ow Kalilaa.  
\v 29 A Petruj potoan on i: Karujia pan makar kila, a nai jo.  
\v 30 Iejuj ap kotin majani on i Melel I indai on uk, ran wet, ponpon wet, mon malek a pan kakorot pan riapak, koe pan kamam kin ia pan jilipak.  
\v 31 I ari kalaudela a japen: Ma I ian komui matala i jota pan man kamam kin komui. Irail karoj pil inda dueta.  
\v 32 Irail ap kotilan waja, me ad a Ketjemane, a ap kotin majani on japwilim a tounpadak kan: Komail mondi on met, ni ai pan wia kapakap.  
\v 33 A ap kotin ukada Pelrnj, ti Iakopuj, o Ioanej, ap knlln laualoda kaualap o pataulu,  
\v 34 A ap kotin majani on irail Nen i ap injenjuedela kaualap on mela. Komail mimi met o majamajan.  
\v 35 A ap kotila ekij, ap pupedi on nan pwel, ap laolaoki, ma a kak auer en dauliela.  
\v 36 A ap kotin majani: Apa Jam ai, meakaroj me kak pa omui! Kotikiwei jan ia dal wet! Ari jo, kaidik me I men, a me komui men.  
\v 37 I ari kotido diar ir maimair, ap kotin majani on Petruj: Jimon koe men mair, koe jota kak majamajan auer eu?!  
\v 38 Komail majamajan o kapakap, pwe komail de ko on nan jonojon. Nen me okok, a uduk me luet.  
\v 39 A ap pil kotila o laolao pil majani majan ko ota.  
\v 40 A ni a kotin japaledo, pil diar ar mamair, pwe majarail me toutou; irail jaja, me re en japenki.  
\v 41 A ap kotido ni kajilepak, majani on irail: Komail kananata omail mair en o kamola? Arier, auer leler! Kilan, Nain aramaj panapanalaner ni pa en me dipan akan!  
\v 42 Paurida! Kitail kokola! Kilan, me pan ia la me korendor.  
\v 43 Madan ni a kotin mamajan, ari, ludaj kodo, amen ekriamen oko; pokon kalaimunia eu ian, wado kodlaj o jokon, kodo jan ren jamero lapalap akan o jaunkawewe kan o jaumaj akan.  
\v 44 A me panala i, ki on irail kilel eu inda: Meamen i metik, iei i. Ale, kaluawei, kanai on!  
\v 45 A pwarado eta ap madan inen don Iejuj inda: Rapi, Rapi, ap metik i.  
\v 46 Irail ari por pena on ale.  
\v 47 Amen ir, me u waja o, ujada na kodlaj, ap pale ladu en jamero lapalap amen, ap lepuka jan jalon a.  
\v 48 Iejuj ap kotin japen majani on irail: Komail ko don ia due lipirap amen, wado kodlaj o jokon, pwen koledi ia.  
\v 49 I kin ieian komail ta ran karoj nan im en kaudok o kaukawewe. A komail jota ale ia. A pwe kijin likau kan en punala.  
\v 50 Irail karoj ap pededi, tana jan.  
\v 51 Manakap amen ap idauen i, pineki pena war a likau linen kajelel eu. Manakap akai ap parokidi.  
\v 52 I ari kajela a likau linen kajelel o, ap jopola kilijo.  
\v 53 Re ap kalualan Iejuj ren jamero lapalap o. Jamero lapalap akan, o jaumaj akan, o jaunkawewe kan, karoj pokon don re a.  
\v 54 Petruj idauendo i doowei jan lao lei nan tanpaj en jamero lapalap. A ap mondi on ren ladu ko, wia raneran.  
\v 55 Jamero lapalap akan o pwin en kadeik roporop kadede, pwen kine on Iejuj, pwen kamela. Ari, jota me re diar.  
\v 56 Pwe me to to me kine on i mal. Ari, ar kinakin jota dupeneta.  
\v 57 Akai uda, kine on i mal inda:  
\v 58 Je ron, a inda: I pan kawela im en kaudok wet, me pa wiadar, ap id kauada eu ni ran jilu, me jota pa wiada.  
\v 59 Ari, ar kinekin jota pil kon pena.  
\v 60 Jamero lapalap ap kajinenda nan pun ar ap idok ren Iejuj, majani: Kom jota japenki meakot, me mepukat kine on komui?  
\v 61 A a kotin nenenlata, jota japen. Jamero lapalap ap pil idok majani on i: Komui Krijtuj japwilim en men Kapin kaualap?  
\v 62 Iejuj ap kotin majani: Nai i! Komail pan kilan Nain aramaj a kaipokedi ni pali maun en me rojon o kokido dapok en lan.  
\v 63 Jamero lapalap ap ter pajan a likau ap inda: Menda re atail pil eu kinakin?  
\v 64 Komail roner a lalaue. Da me komail lamelame? A irail karoj ap kadeikada, me a war on kamela.  
\v 65 Akai tapi on kondipi on i o pwaindi jilan i, ap pikir, ap indai on i: Kopada! Papa ko pil pikir i.  
\v 66 Ni en Petruj a mimi panakepir en tanpaj, lidu en jamero lapalap amen ap kodo.  
\v 67 Ni a kilan Petruj a wiawia raneran, a ap kankakil i o ari, inda: Koe me pil ian Iejuj, men Najaret!  
\v 68 A a kamama kida inda: I jaja. I pil jota dedeki, me koe indinda en! I ari koieilan nan katipar; malek ap kakorot.  
\v 69 A lidu lao kilan i, ap pil indan irail, me mimi waja o: Amen irail met et.  
\v 70 A ap pil kamama kida. Mur ekij irail me u impa ko; pil indan Petruj: Melel me amen irail koe, pwe koe pil men Kalilaa amen.  
\v 71 I ari lalaue o kaula: I jaja aramaj men et, me komail indinda en!  
\v 72 Ap kariapak en malek a kakorot. Petruj ap tamanda en Iejuj a kotin majani on i: Mon malek a pan kakorot pan riapak, koe pan kamam kin ia pan jilipak; ni a lamelamela a ap janejan.   
\c 15  
\p
\v 1 MADAN jankonai jamero lapalap akan, ianaki jaumaj akan, o jaunkawewe kan, o pil jaunkapun karoj kapunada ap jaliedi Iejuj, ap wawei panalan Pilatuj.  
\v 2 Pilatuj ap idok re a: Komui Nanmarki en Juj akan? A kotin japen majani on i: Komui me majani.  
\v 3 Jamero lapalap akan karauneki i me toto.  
\v 4 Pilatuj ap pil idok re a majani: Komui jota japen? Kom majani, me re kinakine on komui me toto.  
\v 5 Iejuj pil jota kotin japen Pilatuj ap ponepone kida.  
\v 6 Ari, ni kamadip o a kin lapwa on ir me jenjal amen, me re mauki.  
\v 7 Ol amen, ad a Parapaj, me ian janjal ren me ian i kamela aramaj ni ar kauadar moron eu.  
\v 8 Pokon ap moronada, nidi nideki, en wiai on irail, me a kin wiai on irail maj.  
\v 9 Pilatuj ap japen irail majani: Komail men, i en lapwadaa komail Nanmarki en Juj akan?  
\v 10 Pwe a aja, me jamero lapalap akan wakido i ar peirin.  
\v 11 A jamero lapalap akan kapururada pokon o, pwe en mauki lapwa on irail Parapaj.  
\v 12 Pilatuj ap japen pil majani on irail: Da me komail mauki i en wiai on me komail kaadaneki Nanmarki en Juj akan?  
\v 13 Irail ap wer laudeda: Kalopuela i!  
\v 14 Pilatuj ap majani on irail: Pwe jued da, me a wiadar? Re ap kalaudela ar wer: Kalopuela i!  
\v 15 Ari, Pilatuj men kainjenemaui aramaj oko, ap lapwa don irail Parapaj, ap kida lejuj murin a woki, pwen kalopuela.  
\v 16 Jaunpei ko ap kalualan i nan pera eu me ad a pretorium. Re ap eker pena ar pwin.  
\v 17 Re ap kalikauwie kida i purpur o pidada al en tek, ap lanelanie kida.  
\v 18 Ap tapi on kepwene: Ion Nanmarki en Juj akan!  
\v 19 Re ap wokieki tapwi alek, o kondipe i, ap kelepuki, poridi jan.  
\v 20 A lao nek ar kapailok, re ap ki jan i purpur, ap kapur on udan japwilim a likau, kaluaieila, pwe ren kalopuela i.  
\v 21 Re ap iton on Jimon, men Kirene amen, me jam en Alek jander o Rupuj, me dauli irail ni a kodo jan nan jap, pwen wada a lopu.  
\v 22 Re ap walan i Kolkata. let wewe: Waja en pontal en mon.  
\v 23 Re ap ki on i, en kakere wain dol mir. Ari, a jota kotin urak.  
\v 24 Ni arail kalopuedar i, re ap ter pajan japwilim a likau ko. Re ap kadoropwe, da me amen amen pan aneki.  
\v 25 Ari, ni auer kajilu, me re kalopuela i.  
\v 26 O intin en poa me a pukoki due met: Nanmarki en Juj akan.  
\v 27 Lolap en pirap riamen ian i kalopuela; amen pali maun i, amen pali main i.  
\v 28 Iei me kijin likau pun kila, me inda: A wadawad on ren me dipan.  
\v 29 Ir me kin dauli, kin lalaue, duedualok inda: Ei, koe me pan kawela im en kaudok, ap id kaua kida ran jilu.  
\v 30 Pein dore uk ala, o kodido jan nin lopu en!  
\v 31 Jamero lapalap akan pil dueta, kapailoke, inda nan pun ar ian jaunkawewe kan: A dorelar akai, a pein i a jota kak on.  
\v 32 Krijtuj Nanmarki en Ijrael, kodido jan nin lopu en, pwe je en kilan o pojon. O ira, me ian i lopu la ko, pil lalaue.  
\v 33 Ari, auer kawonu lel, rotorot ap kipadi jap lao lel auer kaduau.  
\v 34 Ni auer kaduau lejuj ap kotin weriwer laudeda majani: Eloi, Eloi, lama japaktani! let wewe: Ai Kot, ai Kot! Da me re kotin kajekin ia la!  
\v 35 Akai me u impa, ni arail ron inda: Kilan, a ekeker Eliaj.  
\v 36 Amen ap tanala, ale lim en pinika eu, ki on ni alek apot, ap kida on en kakere, ap inda: Udi maj! Kitail kilan, ma Eliaj pan kodo en kidi jan.  
\v 37 lejuj ap kotin weriwer laudeda kadarala Nen e.  
\v 38 Pera likau nan im en kaudok ap dei pajan, janeda pali poa lei pa.  
\v 39 O ni en jenturion o, me u jaledon, a kilan a wer laudeda due mo, ap kadarala Nen e, a ap inda: Nan melel Japwilim en Kot aramaj men et.  
\v 40 Li akai pil mimi waja doo, kilekilanedo; Maria men Magdala, me mi nan pun ar, o pil Maria, in en Iakopuj, me tik, o en Iojej, o Jalome.  
\v 41 Me pil kin idauen papa i maj o, ni a kotikot Kalilaa; o pil me toto, me ian i kotida don Ierujalem.  
\v 42 Ari, ni a jautik penaer, pweki kaonop iei ran mon japat.  
\v 43 lojep, men Arimatia amen, ap kodo, me jaunkapun ijou amen, me kin pil auiaui wein Kot, me jo majak koti don Pilatuj, poeki kalep en Iejuj.  
\v 44 Pilatuj ap puriamuiki, me a matalar, ap molipe don i jenturion o, ap kainoma re a, ma a matalar warai.  
\v 45 A lao mani jan ren jenturion o, a ap ki on kalep a ren lojep.  
\v 46 A ap netiada likau linen mau, ap lapwadi i, kidimeki pena likau o, nekidedi i nan joujou eu, me weiweida nan paip, ap kadapuri on takai eu ni au en joujou o.  
\v 47 O Maria men Magdala o Maria in en Iojej kilan waja, re nekidedi i.   
\c 16  
\p
\v 1 JAPAT lao daulul, Maria men Magdala o Maria in en Iakopujo Jalome netiada men kei pomau kai, pwe re en kodon keieki i.  
\v 2 Nin joran nin tapin wik, re ap ko don nin joujou o, ni katipin a pwarada,  
\v 3 Irail ap indinda nan pun arail: Ij me pan kadapure jan au en joujou o takai o re atail?  
\v 4 Ari, ni ar kilan, re ap kilanada, me takai o tapure janer, pwe me kalaimun kaualap.  
\v 5 Ni ar pedelon on joujou o, re ap kilan manakap amen momod pali maun, likauki likau puetepuet. Re ap majakada.  
\v 6 A ap indan irail: Komail der majak! Iejuj, men Najaret me komail roporop, me kalopular, u iajadar. A jolar kot met. Kilan waja, re nekidedi ia.  
\v 7 Komail kowei, kaireki a toun padak kan o Petruj, me a pan tion mo omail koti won Kalilaa. I waja, komail ap pan kilani, duen a kotin majani on komail.  
\v 8 Re ap madaniei jan o tan jan nin joujou o, pwe re majapwe kada rerer, re pil jota indai on meakot meamen, pwe re majupwekada.  
\v 9 Ari, murin a iajada jankonai nin tapin wik a ap kotin pwar on maj Maria men Magdala, me a kotin kauje jan tewil ijimen.  
\v 10 A ap kola indai on irail me ian i ko maj, ni ar mamaiei o janejan.  
\v 11 Ni arail roner, me a iajadar, o me a kotin pwar oner i, ro jota kamelele.  
\v 12 Muri a kotin pwar on riamen irail ni eu mom, ni ara kokolan nan jap.  
\v 13 Re ap kola indai on me tei kan. A re jota pil kamelele ira.  
\v 14 Mur a pil kotin pwar on ir ekamen oko ni ar momod tunotunol, ap kotin kapun on irail ar jopojon o kapitakai, pweki ar jota kamelele ir me kilan i murin a iajadar.  
\v 15 A ap kotin majani on irail: Komail ko on jappa u, padaki on aramaj karoj ronamau!  
\v 16 Meamen me pojon o paptaijola, pan dorela. A me jo pojon pan kariala.  
\v 17 A kilel pukat pan idauen ir, mo pojon: Ni ad ai re pan kau jaki jan tewil akan, re pan lokaia toror.  
\v 18 Re pan kawela jerpent; ma re nimala men kamela kot, a jota pan kawe ir ala; irail pan pwil pa ar pon me jomau, re ap pan kelailada.  
\v 19 Ari, Kaun o lao kotin majani on irail mepukat, a ap peukadala nanlan o kotido on pali maun en Kot.  
\v 20 Irail ap kola, padapadak jili waja karoj. A Kaun o kotin ian dodok, kameleleki majan manaman me ian.