\id LUK - Old Pohnpeian2 
\h Lukaj 
\toc1 MAN EN PA EN WANPORON LUKAJ. 
\toc2 Lukaj 
\toc3 Luk 
\mt2 MAN EN PA EN WANPORON  
\mt1 LUKAJ.  
\c 1  
\p
\v 1 MURIN me toto ar intiniedier kajoi pan meakan, me kitail kin kamelele,  
\v 2 Duen ir, me kajokajoi on kit, me jaunkakede o papa pan majan jan ni tapi o,  
\v 3 I ap pil lamedar, me mau, i en intin won komui, Main Tiopiluj, pwe i lelepokki karoj jan in tapi o kokodo.  
\v 4 Pwe komui en aja duen meakan me komui aleer, me pun melel.  
\v 5 Ni muein Erodej nanmarki en ludiia, jamoro amen mia, kijan pwin on Apia, me mar a Jakariaj, o a paud amen jan nain Aron jeripein oko, me mar a Elijapet.  
\v 6 Ira karoj me pun mon Kot, o ira ineneweita ni en Kaun a kujoned o tiak kan karoj.  
\v 7 A jota naira jeri, pwe Elijapet li dapwan amen, o ira karoj likailapalar.  
\v 8 A kadekadeo ni a kapwaiada a dodok en jamero mon Kot ni anjau o, me a pwin pwaijaneki,  
\v 9 Duen a kin wiaui ren jamero kan, o anjau en ijik mairon lao leler, a kotilon on nan im en kaudok en Kaun o.  
\v 10 A pokon kalaimun mi liki, wiawia kapakap ni klok en ijij.  
\v 11 A tounlan en Kaun amen pwara don i, kotikot ni pali maun en pei jaraui en potik.  
\v 12 Jakariaj lao majani, ap lujikida o majapwekada.  
\v 13 A tounlan o majani on i: Jakariaj, der majak, pwe om kapakap pwaidar, om paud Elijapet pan naitikeda jeri ol amen, a koe pan ki on mar a Ioanej.  
\v 14 O a pan kare on uk peren o popol, o me toto pan perenki a ipwidi.  
\v 15 Pwe a pan lapalap ren Kaun o, a jota pan nim wain, pil jo eu jon en joko; a pan dir en Nen jaraui nan kupur en in a.  
\v 16 A me toto ren nain Ijrael akan, me a pan kawuki on Kaun ar Kot.  
\v 17 A pan tion mo a ni nen o rojon en Eliaj, pwen kawuki on jeri kan monion en jam arail akan o me jopeik kan on lamalam en me pun kan, pwen kaonopadan Kaun o pwin aramaj lelapok eu.  
\v 18 A Jakariaj majani on tounlan o: Da me i en ajaki me wet? Pwe I ol laudalar amen, o ai paud pil likailapalar.  
\v 19 A tounlan japen majani on i: Nai Kapriel, me kin ariri Kot, o me pakadarado, en lokaia on uk, o wa don uk ronamau pukat.  
\v 20 Kilan, koe pan loton la, o jaja lokaia lao lel ran o, me mepukat pan pwaida, pweki om jota kamelele ai kajoi, me pan pwaida ni a anjau.  
\v 21 A pokon o auiaui Jakariaj, puriamuiki a pwapwand nan im ni kaudok.  
\v 22 A lao pedoi jan, a jolar kak majan on irail. Irail ap dedeki, me e udial manaman eu nan im en kaudok o. A olol on irail o lotonlar.  
\v 23 Kadekadeo ran akan en a dodok lao nikier, a kotin purelan japwe koieilan im a.  
\v 24 Murin ran pukat a paud Elijapet lijeanda o mimieta nan deu a jaunipon limau indada:  
\v 25 Iduen Kaun o kotin wiai on ia ni ran oko, ni a kotin majan don ia, pwen kotiki jan ia kanamenok pai ren aramaj.  
\v 26 Ni kawonu en jaunipon tounlan Kapriel pakadarala jan ren Kot on nan kanim en Kalilaa eu, me ad a Najaret,  
\v 27 Ren jeripein makelekel amen, me kijin nin on ol amen, me mar a Iojep, kijan kadaudok en Dawid; jeripein makelekel o adaneki Maria.  
\v 28 Tounlan o kotilon on nan deu a majani on i: Kajelelia Main, kom meid pai, Kaun o kotikot re omui! Kom meid pai nan pun en li akan!  
\v 29 A lao kilaner i, o ronadar a majan, ap majapwekadar madamadaua: Duen jon en ranamau o.  
\v 30 A tounlan majani on i: Maria, ender majak, pwe komui me konekonelar ren Kot.  
\v 31 A kilan, komui pan lijeanda o naitikeda jeri ol amen, a komui pan ki on mar a Iejuj.  
\v 32 Nan i me pan lapalap, o a pan maraneki Japwilim en Kaun lapalap, o Kaun Kot pan kotiki on i mol en jam a Dawid.  
\v 33 O a pan kakaunda kadaudok en Iakop kokolata, o japwilim a wei jota pan imwila.  
\v 34 Maria ap majani on tounlan o: Daduen mepukat pan kak wiaui, aki i jaja ol amen?  
\v 35 Tounlan o kotin japen majani on i: Nen jaraui pan kotin ti po omui o rojon en Kaun lapalap pan kipa komui di, i me jaraui o, me pan ipwi jan komui, pan marenki: Japwilim en Kot.  
\v 36 O majani, ri om Elijapet pil lijeandar ni a likailapala, a pan neitikeda jeri ol amen, a kawonu en jaunipon anjau wet; iei i me dapwan,  
\v 37 Pwe jota meakot, me Kot jota kak on.  
\v 38 A Maria potoan on: Majani, nai lidu en Kaun o; en wiaui on ia duen omui majan. Tounlan o ap kotila jan re a.  
\v 39 I ran oko Maria madan kotila pon nana o nan kanim en luda eu,  
\v 40 Ap pedelon on nan im en Jakariaj o ranamau on Elijapet.  
\v 41 Kadekadeo Elijapet lao roner en Maria a ranamau on i, jeri o ap mokideda nan kaped a; a Elijapet ap direkila Nen jaraui,  
\v 42 O nil laudeda majani: Komui meid pai ren li akan, o meid iajanai ipwin kupur omui!  
\v 43 A iaduen pai wet a ko jan ia, pwe in en ai Kaun koti don ia?  
\v 44 Majani, ni ai roner omui ranamau, jeri o ap mokideda nan kaped i aki a peren.  
\v 45 O komui meid pai, pweki komui pojon! Pwe a pan pwaida, me Kaun o kotin majani on komui.  
\v 46 Maria ap majani: Lol ai kapina Kaun o,  
\v 47 O nen i perenki Kot ai Jaunkamaur.  
\v 48 Pwe a kotin kupurala japwilim a lidu tikitik o. Kilan, jan met o kokolata di karoj pan kapai kin ia,  
\v 49 Pwe a kotin wiaer jon en manaman on ia, me lapalap o mar a me jaraui.  
\v 50 A kotin kalanan on di karoj kokolata, on irail me kin lan i.  
\v 51 O a kotin wia kida lim a manaman akan. O a kotin kara wan pajan, me kin lemai nan monion arail.  
\v 52 A kotin jikin wei jaupeidi kan jan mol ar, ap id kajapwilada me tikitik kan.  
\v 53 A kotin kamede kida kapwa me men manadar akan, ap kotin kadarala kaip me kapwapwa kan.  
\v 54 A kotin upor kin japwilim a ladu Ijrael, o kotin tamataman a kalanan,  
\v 55 Duen a kotin majani on jam atail akan, on Apraam o kadaudok a kokolata.  
\v 56 A Maria kotikot re a jaunipon jilu, ap purelan im a.  
\v 57 Ari, anjaun Elijapet leler pwen naitik, a naitikeda jeri ol amen.  
\v 58 O men imp a kan o jau i ronadar, me Kaun o kotin kupura i, rap ian i peren kida.  
\v 59 Kadekadeo auel en ran o re pwara don jirkomjaij jeri o; ir ari ki on mar en jam a Jakariaj.  
\v 60 A in a japen indada: O kaidin, pwe a pan maraneki Ioanej.  
\v 61 lrail ap indan i: Nan jota jau om men me maraneki met.  
\v 62 Irail ap olol on jam a, duen me a mauki, jeri en adaneki.  
\v 63 I ari poeki jlet eu, ap intiniedier o majani: A pan adaneki loanej. Irail karoj ap puriamuiki.  
\v 64 A madan jilan i wajok pajan o tenap a japadokada; i ari majani o kapina Kot.  
\v 65 A majak kipadi karoj, me kaukaujon imp ar, o wiawia pukat lolok jili pon nana en Iudaa karoj.  
\v 66 A karoj me ronadar, kin nekinekid nan monion arail, indada: Da me jeri men et pan wiala? Pwe lim en Kaun o kotin ian i.  
\v 67 A jam a Jakariaj direkila Nen jaraui ap kokopada majani:  
\v 68 Kapina on Kaun Kot en Ijrael, pwe a kotidier ren japwilim a aramaj akan dore ir ala.  
\v 69 O kotin wiadan kitail kamaur patail jan nan kadaudok en japwilim a ladu Dawid.  
\v 70 Duen a kotin majanier ren japwilim a jaukop jaraui kan, jan tapin kaua kokodo,  
\v 71 Me a pan kotin dore kitail la jan ren atail imwintiti o jan nan pa en me kailon kin kitail,  
\v 72 O kotin kalanan on jam atail akan, o kotin kupureda a inau jaraui,  
\v 73 O kaula eu, me a kotin kauki on jam atail Apraam, en kotiki on kitail.  
\v 74 Pwe jen dore jan nan pa en atail imwintiti, ap papa i jo majak,  
\v 75 Nin tiak lelapok o pun mon jilan i ran karoj kokolata.  
\v 76 A koe nai jeri pan adaneki: Jaukop en me lapalap o, pwe koe pan tion mon jilan en Kaun o, pwen kuonopada japwilim a al akan  
\v 77 Pwen kawewe on japwilim a aramaj kamaur, iei lapwa pan dip ar akan;  
\v 78 Pweki en atail Kot a kalanan melel, me marain dakaraki don kitail jan poa.  
\v 79 Pwen kamaraini toun pali rotorot o mot en mela, o kainen on na atail nan al en popol.  
\v 80 A jeri o kakairida, o kelail ni nen e, o a kin mimi nan jap tan, lao a pan janjal on Ijrael.   
\c 2  
\p
\v 1 A KADEKADEO ni ran oko nanmarki Aukujtuj majani, toun jap akan pan wadawad pena.  
\v 2 I wadawad kaieu, me wiauier ni muein Kireniuj kopinaen Jirien.  
\v 3 Amen amen koieilan udan jap we, pwen ian wadawad.  
\v 4 Iojep ari pil kotila jan Najaret nan Kalilaa, kotilan Iudaa nan kanim Petleem, me udan kanim en Dawid, pwe i kijan kadaudok en Dawid,  
\v 5 Pwen wadawad ianaki Maria, me kijin nin on i o me lijean.  
\v 6 Kadekadeo ira lao kot waja o, a anjau ap leler pwen naitik.  
\v 7 I ari naitikeda na mejeni men, ap kitimki pena likau en jeri kai, o pwilikidi on nan deun kamana, man aki im en kairu a koitalar.  
\v 8 Jilepan jip kai mi nan jap o jinjila ar pwin jip ni pon.  
\v 9 A kilan, tounlan en Kaun amen pwara don ir, o linan en Kaun dakar irail ada, ir ari majapwekadar kaualap.  
\v 10 A tounlan o majani on irail: Komail der majak, kilan, i wa don komail ronamau, me pan kaperenda aramaj karoj.  
\v 11 Pwe Jaunkamaur ipwidi on komail ran wet nan kanim en Dawid iei Kaun Krijtuj.  
\v 12 A iet kilel on komail: Komail pan diar jeri o a kidi kidiki pena likau en jeri o wonon nan deun kamana man.  
\v 13 A madan pwin en tounlan nederenia mi ren tounlan o, me kapina Kot majani:  
\v 14 Kapina on Kot waja ileile o jappa en popol; o aramaj konekonelar!  
\v 15 Kadekadeo tounlan kan lao kotila jan ir, kotidala nanlan, jilepan jip akan ap inda nan pun arail: Kitail pan kola Petleem pwen kilan me wiauier waja o, me Kaun o kotin kajale on kitail er.  
\v 16 Irail ari madanedo, ap diardar Maria i Iojep o jeri o, a wonon nan deun kamana man.  
\v 17 Irail lao kilaner, rap kalok jili me re kajokajoi on ir duen kijin jeri o.  
\v 18 A karoj, me ronadar, puriamuiki en jilepan jip oko ar kajokajoi on irail.  
\v 19 A Maria nekinekid majan pukat karoj o madamadauaki nan monion i.  
\v 20 O jilepa ko puredo kalinanada o kapina Kot duen karoj, me irail ronadar o kilaner, duen a loloke don irail er.  
\v 21 Kadekadeo murin pon walu pon, ran en a jirkomjaij, re ki on mar a lejuj, duen me tounlan kotiki on mon a kotin ipwidier.  
\v 22 Ran akan en a kamakelekel Iao daulier duen kapun en Mojej, ira ap wa don i Ierujalem, pwen mueid on Kaun o.  
\v 23 Duen a intinidier nan kapun en Kaun o: Mejeni ol karoj me jaraui on Kaun o.  
\v 24 O pwen kida mairon eu, duen me intinidier nan kapun en Kaun: Turtel muroi riamen de muroi pulepul riamen.  
\v 25 A kilan, aramaj amen mi Ierujalem, mar a Jimeon, iei aramaj o me pun o majak Kot, o auiaui kapol pan Ijrael, o Nen jaraui kotikot re a.  
\v 26 A Nen jaraui kotin kajale on i, me a jota pan mela, mon a pan kilan japwilim en Kaun Krijtuj.  
\v 27 O Nen jaraui kotiki on i, en kolan im en kaudok. A jam o in a lao walon on nan im en kaudok jeri o, pwen kapwaiada duen tiak en kapun o,  
\v 28 I ap koledi i kapina Kot indada:  
\v 29 Main, re kotin kajamo japwilim omui ladu popol duen omui majan,  
\v 30 Pwe maj ai udialer omui kamaur,  
\v 31 Me re kotin kauada janjal mon aramaj karoj.  
\v 32 Pwen marain eu, me kama raineki men liki kan, o kalinanada japwilim omui men Ijrael.  
\v 33 A jam a o in a puriamuiki meakan, me re indinda duen i.  
\v 34 Jimeon ari kapai ir ada indan Maria in a: Kom kotin mani, men et me japwile don kapupedi o kamaureda me toto ren men Ijrael, kilel eu, me re pan kaundenkoma.  
\v 35 Nan kodlaj pan dokodi nen omui, pwe monion en me toto en mulekiada.  
\v 36 O li jaukop amen mia, mar a Ana, nain Panuel kijan kadaudok en Ajer, me likailapalar, me papaud jaunpar iju jan ni anjaun a makelekel.  
\v 37 I ari li odi men jaunpar waleijok paieu tauer poa, ap jota kin pedoi jan nan im en kaudok, papa Kot kaijejol o kapakap ni ran o ni pon.  
\v 38 I me pil pwarado ni klok ota, kapina Kaun o kajokajoi duen i on toun Ierujalem karoj, me auiaui jaunkamaur.  
\v 39 Irail kanikiela karoj duen kapun en Kaun o, re ap purelan Kalilaa nan kanim Najaret.  
\v 40 A jeri o kakairida, o nenin, o dire kila erpit, o kalanan en Kot kotin ieian i.  
\v 41 Ni par karoj jam a o in a kotilan Ierujalem ian kamadip en paja.  
\v 42 A lao jaunpar eijokriau, irail ap kotilan Jerujalem, duen re kin wia, pwen ian kamadip en paja.  
\v 43 Ran oko lao daulier, irail purelan jap arail, a jeri Iejuj kotikot eta Ierujalem, a jam o in a jota mani.  
\v 44 A ira kiki on, me a kotin ian kapar o tion mo ’ra. Ira kokola ran eu, ap rapaki i nan pun en jau ’ra o ren men imp arail akan.  
\v 45 Ni ara jota diaradar i, ira ap purelan Ierujalem rapaki i.  
\v 46 Kadekadeo murin pon jili pon ira diaradar i nan im en kaudok, kaipokedi nan pun en jnunpadak kan, kotin mamani ir o kaikainoma irail.  
\v 47 A karoj me ronadar i puriamuiki a kupurokon o a japajapen  
\v 48 Ira lao diaradar i, ap puri amuiki. In a ap majani on i: Nai jeri, da me kom wiaki on kit met? Mani, jam omui o nai raparapa kin komui janejan.  
\v 49 A kotin majani on ira: Menda koma rapa kin ia? Koma jota aja, me I en mimieta nan me Jam ai?  
\v 50 Ira ari jota weweki a majan on ira.  
\v 51 A ap kotin ian ira kotidilan Najaret papa ira, a in a nekinekid majan pukat karoj nan monion i.  
\v 52 Iejuj ari kupurokon, kokoda, lalaudela, o majamaj ren Kot o aramaj akan.   
\c 3  
\p
\v 1 PAR eijoklimau murin nanmarki Tiperiuj a japwiledu ni muein Pontiuj Pilatuj kopina en Iudaa, o Erodej nanmarki en Kalilaa, o ri a ol Pilipuj nanmarki en Ituraa o Trakonitij, o Lijaniaj nanmarki en Apilene,  
\v 2 Ni muein Anaj o Kaipaj jamero lapalap, majan en Kot ap pwara don Ioanej nain Jakariaj nan jap tan.  
\v 3 I ari kotikot jili nan jap karoj ni kail en Iordan, padapadak duen paptaij en kalula on lapwada dip akan,  
\v 4 Duen a intinidier nan puk en majan akan en jaukop Iejaia, me majani: Nil eu likelikwir jili nan jap tan: Komail kaonopada al en Kaun o, kaineneda al a!  
\v 5 Wau karoj pan audaud o nana o dol karoj pan patapatedi, o me pirok, pan inenla, o mo ululen, pan patapatela.  
\v 6 Uduk karoj pan udial kamaur on Kot.  
\v 7 A ap majani on aramaj akan, me koieila, pwen paptaijla re a: Dakot, wan oter komail; ij me padaki on komail, eh piti jan ni kamakam, me kokodo?  
\v 8 Ari komail kapareda wan kalula mau. A komail depa lamelame, me komail pan indan pein komail: Nan Apraam jam atail. Pwe i indai on komail, me Kot kotin kak on wiaki on Apraam na jeri kai takai pukat.  
\v 9 Jile o mier ni tapin tuka kan. Ari, tuka karoj, me jo wa mau, pan palepaledi o lokidokila nan iai.  
\v 10 Pokon o ap idok re a indada: A da me kit en wia?  
\v 11 A kotin japen majani on irail: Meamen, me a jakit riau, I en ki on, me jota a. O me kan a kijin mana mia, i en wia dueta.  
\v 12 A jaunopwei kan pil pwara don i pwen paptaij, irail potoan on i: Jaunpadak, a da me kit en wia?  
\v 13 A majani on irail: Komail der ale laude jan me kileledier.  
\v 14 Jaunpei kan ap pil kalelapok re a indada: A da me kit en wia? A majani on irail: Komail der kaloke mal meamen, o der wia japun on meamen, a komail ale pwain omail o injenemau kila.  
\v 15 Aramaj akan lao kiki on o monemoneloleki, me Ioanej me Krijtllj,  
\v 16 Ioanej ap japen majani on irail karoj: I paptaij kin komail pil, a me laude jan ia kotido muri, me i jowar on, en lapwada jal en japwilim a jut, i me pan paptaij kin komail Nen jaraui o kijiniai.  
\v 17 Tanir mi nan lim a, a pan kotin koko melel japwilim a pera, ap nekid pena wan korn nan japwilim a im en nak, a dip a pan kotin karon kila kijiniai jokun.  
\v 18 O jon toto, me a kotin panaui aramaj akan o padaki on pokon o ronamau.  
\v 19 A nanmarki Erodej, me Ioanej kapun pweki Erodiaj en ri a ol a paud, o pweki jued karoj, me Erodej wiadar,  
\v 20 Kalaudela dip a ni a jaliedi Ioanej nan imaten.  
\v 21 A kadekadeo aramaj karoj lao paptaij elar, o Iejuj pil paptaijelar o kotin laolaoki, nanlan ap ritida,  
\v 22 O Nen jaraui kotidi don i ni mom en muroi men, o nil eu jan nanlan majani: Koe nai ol kompok, me I kin peren kida.  
\v 23 Iejuj impan jaunpar jileijok ni a kotin tapiada jaunpadak, o re kikion me i nain Iojep, me nain Eli,  
\v 24 Me nain Matat, me nain Lewi, me nain Melki, me nain Ianej, me nain Iojep,  
\v 25 Me nain Matatia, me nain Amoj, me nain Naum, me nain Ejli, me nain Nakai,  
\v 26 Me nain Maat, me nain Matatia, me nain Jimei, me nain Iojep, me nain Iuda,  
\v 27 Me nain Ioanan, me nain Reja, me nain Jerupapel, me nain Jalatiel, me nain Neri,  
\v 28 Me nain Melki, me nain Adi, me nain Kojam, me nain Elmodam, me nain Er,  
\v 29 Me nain Iojej, me nain Eliejer, me nain lorim, me nain Matat, me nain Lewi,  
\v 30 Me nain Jimeon, me nain Iuda, me nain Jojep, me nain Ionam, me nain Eliakim,  
\v 31 Me nain Melia, me nain Mena, me nain Matatan, me nain Natan, Me nain Dawid,  
\v 32 Me nain Ieje, me nain Oped, me nain Poaj, me nain Jala, me nain Naajan,  
\v 33 Me nain Aminadap, me nain Aram, me nain Ejron, me nain Perej, me nain Iuda,  
\v 34 Me nain Iakop, me nain Ijaak, me nain Apraam, me nain Tara, me nain Naor,  
\v 35 Me nain Jeruk, me nain Reku, me nain Palek, me nain Eper, me nain Jala,  
\v 36 Me nain Kainan, me nain Arpakjad, me nain Jem, me nain Noa, me nain Lamek,  
\v 37 Me nain Metujala, me nain Enok, me nain Iared, me nain Maalaleel, me nain Kainan,  
\v 38 Me nain Enos, me nain Jet, me nain Adam, me japwilim en Kot.   
\c 4  
\p
\v 1 A IEJUJ, me dir en Nen jaraui, puredo jan Iordan, o Nen kotin kalualan i nan jap tan.  
\v 2 O wia jonejon pan tewil ran panaul. A jota kotin konot ni ran oko. Ran akan lao imwi jokela ap men konot.  
\v 3 Tewil ap indai on i: Ma komui japwilim en Kot, en majani on takai wet, a en wiala prot.  
\v 4 A Iejuj kotin japen i majani: A intinidier: Kaidin prot eta, me aramaj en memaureki, pwe majan en Kot akan.  
\v 5 Tewil ap kaluadalan i pon nana ileile eu o kajala on i wein jappa karoj ni marep taieu.  
\v 6 Tewil indan i: I pan ki on komui manaman pukat karoj o a linan, pwe a muei on ia er, a i pan ki on, me i mauki.  
\v 7 Ari, ma komui pan poni ia, karoj ap pan japwilim omui la.  
\v 8 Iejuj kotin japen i majani: A intinidier: Koe en poni on Kaun om Kot; i eta, koe en papa.  
\v 9 I ap kalualan i Ierujalem o kauada i pon konkon en im en kaudok o indai on i: Ma komui japwilim en Kot, kajedi pein komui,  
\v 10 Pwe a intinidier: A pan kajilaki japwilim a tounlan kai komui, pwen apapwali komui.  
\v 11 O wa komui nan lim ar akan, pwe aluwilu omui der dipikelekel ni takai eu.  
\v 12 Iejuj kotin japen majani on i: A lolokido, koe ender kajone jon Kaun om Kot!  
\v 13 Tewil lao kanikiela jonejon karoj, ap muei jan i anjau kij.  
\v 14 Iejuj ap kotin pure don Kalilaa ni rojon en Nen, ap indand jili nan jap karoj me mi imp a.  
\v 15 A kotin kaukawewe nan ar jinakoke kan, o karoj kapina i.  
\v 16 A kotin lel Najaret, waja a kotin kakairida ia, ap kotilon jon nan jinakoke duen a kin wiada ni ran en japat o kotida, pwen wadok.  
\v 17 Puk en jaukop Iejaia an wijike don i a lao lim pajan puk o ap diarada waja o me intinidier:  
\v 18 Nen en Kaun kotikot re i, I me a keie kin ia da, pwen padaki on me jamama kan ronamau. A kadar ia do, pwen kaloki on me jalidi kan, me ren jaladokela, o me majkun akan pan kilan waja, o me patau kan pan maioda,  
\v 19 O kaloki jaunpar mau en Kaun o.  
\v 20 A kotin lim pena puk o ap kupure on me papa men o kotidi. Maj en karoj nan jinakoke kankakil i.  
\v 21 I ari tapiada majani on irail: Kijin likau wet pwaidar mo ’mail ran wet.  
\v 22 Ir karoj ap kadede o puriamuiki majan kompok kan, me pwili jan jilan i, ap indada: Kaidin i nain Iojep?  
\v 23 A ap kotin majani on irail: Nan melel, komail pan indan ia karajeraj wet: Jaunwini, jauaja pein uk! Pwe re ronadar duen ion kapuriamui, me wiauier nan Kapernaum; ari kom pil wiada iliieta waja et nan jap omui.  
\v 24 A kotin majani: Melel I indai on komail, jota jaukop amen me konekon nan japwe.  
\v 25 A melel I indai on komail, li odi toto mi nan Ijrael ni muein Kliaj, ni anjau nanlan matata par jilu o jaunipon wonu, ni lek In pal ap kipadi jap karoj;  
\v 26 A jota amen, me Eliaj pakadar won, pwe ren li odi men nan Jarepta nan jap Jidon.  
\v 27 O me tuketuk kan me toto nan Ijrael ni muein jaukop Kliaj, a jota amen re ’rail, me kelailadar, pwe Naeman eta men Jirien.  
\v 28 Karoj, me mi nan jinakoke ni ar ronadar mepukat, ap makar kida kaualap,  
\v 29 Re udar jikonlar i jan kanimo, o kalualan i pon kailan dol o, waja ar kanim kakaudar ia, pwen kajedi jan ia,  
\v 30 A i kotin weid nan pun ar, kotila jan irail.  
\v 31 I ari kotilan Kapernaum kanim en Kalilaa, o kotin kawewe on irail ni ran en japat akan.  
\v 32 Irail ari puriamuiki a padak, pwe a majan me manaman.  
\v 33 A aramaj amen mi nan jinakoke, me nen en tewil jaut amen ti po a, me weriwer laud,  
\v 34 Inda: Ko jan kit, menda re omui kit Iejuj en Najaret! Kom kotido, en kawe kit ala. I aja, me komui nain Kot jaraui.  
\v 35 Iejuj ap kidaue i majani: Nenenla o ko jan re a. Tewil lao kajedi i nan pun arail, ap koiei jan re a, jota me jued kot a wiai on i.  
\v 36 Irail karoj ap puriamui kila, kajokajoi nan pun arail indada: Dakot majan pot et? Pwe a majan manaman o rojon on nen jaut akan, irail ap kin ko wei jan.  
\v 37 I ari indand jili nin jap karoj waja o.  
\v 38 I ap kotida jan nan jinakoke, ap kotilon on nan im en Jimon. A jaulap en Jimon me jomau karakar. Irail ari poekipoeki i re a.  
\v 39 I ari koti don i majani on jomau o, ap madan ko jan, i ari madan paurida papa irail.  
\v 40 Katipin lao kirilar, rap wa don i ar luet akan karoj. I ari kotikidan amen amen lim a kan, kakelail ir ada.  
\v 41 O tewil akan pil kowei jan ren me toto, me weriwer indada: Komui japwilim en Kot. I ari kotin kidau ir ada, o jota mueid on irail, en lokaia, pwe re aja, me i Krijtuj.  
\v 42 A lao waja ran a kotilan waja rir, a pokon o raparapaki i, re pokon don i o kolekol i pwen der koti wei jan irail.  
\v 43 A i kotin majani on ir: I pil pan padaki ronamau en wein Kot nan kanim tei ko, pwe i me I pakadar kidor.  
\v 44 A i kotin padapadak nan jinakoke en Kalilaa kan.   
\c 5  
\p
\v 1 A KADEKADEO ni en aramaj toto ar tana don imp a, pwen roneron majan en Kot, a kotikot pon kailan le en Kalilaa,  
\v 2 Ap majani kijin jop riapot, me peipei nan le o, a jaujed akai keredi janer widen ar uk kai.  
\v 3 I ari kotida pon apot ren jop oko, war en Jimon, kotin poeki re a, en kaiieila ekij jan ni jap o. I ari kaipokedi, kawewe on aramaj jan nan jop o.  
\v 4 I lao kaimwijokela a majan, ap majani on Jimon: Jeijei kowei waja lol, ap kaduedi oma uk kan, pwe koma en jaikidi.  
\v 5 A Jimon japen potoan on i: Main, je laiter pon lao lei waja ran, ap jota jaik at, ari jo ar majan, me i pan kaduekidi uk en.  
\v 6 Irail lao wiadar met, rap oro pena mam toto; ara uk ari ola.  
\v 7 Irail ari olole kij arail oko, me mi nin apot jop, pwe re en kodo jauaja irail. Irail ari kodo, kadirela jop riapot, ira ari pan mauidi.  
\v 8 Jimon Petruj lao kilaner mepukat, ap poridi jan Iejuj, potoan on: Main, re kotiwei jan ia, pwe aramaj jued amen nai.  
\v 9 Pwe a puriamuiki o ir karoj, me ian i, pweki jaik ar, me re jaikidi.  
\v 10 A pil dueta Iakopuj o Ioanej nain Jepedauj ol oko, me ian Jimon. Iejuj ap kotin majani on Jimon: Koe der majak, pwe jan anjau wet kokola koe pan jaikidi aramaj.  
\v 11 Irail kaikilon on liman jap ar jop oko, re ap kajela karoj, idauendo i.  
\v 12 Kadekadeo ni a kotikot nan eu kanim, kilan, ol amen mia, me dir en tuketuk. A lao kilaner Iejuj, ap pupekidi maj a, poeki re a potoan on: Main, ma re kotin kupura, re pan kak on kamakel ia da.  
\v 13 I ari kotin kapawei lim a jair i majani: I men, koe en makelekel. Ari, a tuketuk ma dan modi jan.  
\v 14 I ari kotin inapwiedi i, der indan meamen; a kola kajale on pein uk jamero ko, o kida mairon, pweki om makelekeladar, me Mojej majanier, pwen kadede on irail.  
\v 15 A a madan indand jili o po kon kalaimun pokon pena, pwen ron i o kelailada janar jomau kan  
\v 16 I ari kotin kelepela nan jap tan, pwen laolao.  
\v 17 Kadekadeo eu ran ni a kotin kaukaweweda, Parijilr o jaunkawewe kan, me mod imp a, irail pwarado jan kanim en Kalilaa o Iudaa karoj o jan Ierujalem; a rojon en Kaun o pwili wei jan i, kakelada amen amen.  
\v 18 A kilan, ol akai roado aramaj amen me kokon madak, rap raparapaki duen ar pan kak walan lole, pwilikidi mo a.  
\v 19 A ni ar jota kak diar waja, me re pan kai don impa pweki pokon o, rap dauda pon im o, kakiridi i nan oj ianaki pet, lao nan pun arail mon Iejuj.  
\v 20 A lao mani arail pojon, ap kotin majani: Aramaj o, dip om akan lapwa jan uk er.  
\v 21 A jaunkawewe o Pari jar akan ap monemoneloleki indada: Ij men et, me kin lalaue? Ij me kak lapwada dip akan, pwe Kot eta?  
\v 22 A Iejuj lao mani ar monemonelol, ap kotin japen majani on irail: Da me komail kin monemoneloleki lol omail?  
\v 23 Da me monai ren inda, dip om akan lapwa jan uk er, de inda, uda, aluwei?  
\v 24 A pwe komail en aja, me Nain aramaj manaman on lapada dip akan nin jappa, iei me a kotin majanieki on me kokon madak: I indai on uk, uda, aleki om kola deu om!  
\v 25 A madan uda mo ’rail, kida a pet, me a wonon poa, koieilan im a kapikapina Kot.  
\v 26 Ir karoj ap puriamui kida o kapikapina Kot, o direkila majak indada: Ran wet kitail kilaner me kapwuriamui mele  
\v 27 Murin mepukat a kotila jan waja o, ap majani jaunopwei amen ede Lewi momod nan wajan nopwei, ap majan on i: Idauen ia do!  
\v 28 I ari kajela a meakaroj, uda, idauenla i.  
\v 29 Lewi ari wiada kamadip lapalap on i nan im a; a jaunopwei ape me toto, me ian i ni tepel.  
\v 30 A Parijar o arail jaunkawewe kan lipaned on japwilim a tounpadak kan indada: Da me komail ianaki jaunopwei o me dipan akan mana o nim.  
\v 31 Iejuj ap kotin japen majani on irail: Me kelail jota mau on jaunwini, pwe me jomau kan.  
\v 32 I kodon ekeker don kalula me dipan akan a kaidin me pun kan.  
\v 33 Irail ap potoan on i: Da me tounpadak en Ioanej akan kaijejol pan pak toto o re kapakap toto, o pil dueta en Parijar akan, a japwilim omui kan kin tunole o nim?  
\v 34 A Iejuj kotin majani on irail: O komail jota kak ki on toun kapar en kamadip en kapapaud en kaijejol arain ol kamod mi re ’rail!  
\v 35 A eu ran ol kamod pan peuka wei jan irail, i ran oko re ap pan kaijejol.  
\v 36 A kotin majani on irail karajeraj eu: Jota me kin deik on likau kap ni likau marin; a ma ei, a pan ter pajan likau kap; a kijan likau kap pil jota pan paroki on likau marin.  
\v 37 A jota me kin kodie on wain kap nan ed marin; a ma ei, wain kap pan ter pajan ed akan, ap wudokila o ed akan pan ola.  
\v 38 A re kin kodie on wain kap nan ed kap, ira karoj ap nekinek mau.  
\v 39 O jota, me kin nim jan wain marin, pan mauki wain kap, pwe a kin inda: Me marin o me mau jan.   
\c 6  
\p
\v 1 KADEKADEO ni ran en japat kariau a kotin weid nan mat en korn o japwilim a tounpadak kan ap dolun wan korn o irririj nan pa arail, ap kankan.  
\v 2 A Pari jar akai indan irail: Menda komail kin wiada, me jota pun, en wiaui ni ran en japat?  
\v 3 Iejuj ari kotin japen majani on irail: Komail jota wadoker, me Dawid wiadar ni a men manadar, i o me ian i?  
\v 4 Duen a pedelon on nan tanpaj en Kot, o ale prot en kajanjal, o kankan o pil ki on me ian i, me jota pun, aramaj en tunole, jamero kan eta?  
\v 5 O majani on irail: Nain aramaj pil kaun en japat.  
\v 6 A kadekadeo ni eu japat a kotilon on nan jinakoke kaweweda. A aramaj amen mia, me pa a pali maun motorla.  
\v 7 A jaunkawewe o Parijar akan majamajan i, ma a pan kakelada i ni ran en japat, pwe re en kadipa i.  
\v 8 A kotin ani ar lamelam ap majani on aramaj o, me pa a motorla: Uda kodo met! A ap uda ko on waja o.  
\v 9 Iejuj ap kotin majani on irail: I men idok re omail, da me pun en wiada ni ran en japat n o me mau de me jued? En kolekol de kawela maur en aramaj?  
\v 10 I ari kotin aupwil jili po ’rail majani on i: Kapawei pa om! A ap wiada, pa a ap kelailada, a maula dueta me teio.  
\v 11 Irail ap makaradar kaualap o kapukapun pena, da me re pan wiai on Iejuj.  
\v 12 Kadekadeo ni ran oko, a kotidala pon nana pwen laolao. I ari kotin laolao on Kot lao waja ran.  
\v 13 A lao ran pajan, ap kotin molipei pena japwilim a toun padak kan. A kotin piladar ekriamen, me a kamareki wanporon.  
\v 14 Jimon me a kotin kaadeaneki Petruj, o ri a Andreaj, o Iakopuj, o Ioanej, o Pilipuj, o Partolo mauj,  
\v 15 O Matauj, o Tomaj, o Iakopuj nain Alpauj, o Jimon, me adaneki Jelotej,  
\v 16 O Iudaj nain Iakopuj, o Iudaj Ijkariot, me panala i.  
\v 17 A lao kotin ian ir kotidi don waja kij nan jap patapat o, jap wilim a tounpadak kan toto o aramaj nederenia pokon don i jan nan Iudaa, o Jerujalem, o Tiruj, o Jidon, re mi pon oror, pwen ron i o kakelailada jan nr jomau kan;  
\v 18 O me kalokolok ren nen jaut akan ap kelailadar.  
\v 19 A aramaj karoj men doke I, pwe rojon kin pwiliwei jan i, kakel irail karoj.  
\v 20 A ap kotin aupwil jili pon japwilim a tounpadak kan majani: Meid pai komail, me jamama, pwe noumail wein nanlan.  
\v 21 Meid pai komail, me men manadar anjau wet, pwe komail pan medila. Meid pai komail, me kin janejan anjau wet, pwe komail pan kaurur.  
\v 22 Komail meid pai, ma aramaj akan kailon kin komail, o kaje komail la, o kidaue komail, o kawela ad omail, pwe dene me jued, pweki Nain aramaj.  
\v 23 Komail en peren ni ran o, o lujiluj, pwe kilan, pwain omail me lapalap nanlan, pwe iduen me jam arail akan wiai on jaukop akan.  
\v 24 A me juedi on komail kapwapwa kan, pwe komail anekier omail peren.  
\v 25 Juedi on komail, me medier, pwe komail pan dupokala. Juedi on komail, me kin peren anjau wet, pwe komail pan mauk o janejan.  
\v 26 Juedi on komail, ma aramaj akan karoj pan lokaia mau kin komail; pwe iduen me jam arail akan wiai on jaukop likam akan.  
\v 27 A I indai on komail, me kin roneron, pok on omail imwintiti, wiawia mau on me kin kailon kin komail,  
\v 28 Kapaiada, me kin karia komail la, kapakapa kin ir, me kainjenjuede kin komail;  
\v 29 O me pikir uk ni apali en lilk in jap om, pil ki on i pali teio, o me pan kijan om likau pup, pil mueid on i noum jakit.  
\v 30 K ion karoj, me kin poeki re om, o me pan atia jan om, koe der poeki re a, a kapuredo.  
\v 31 A duen me komail men, aramaj en wia on komail, iduen me komail en wiai on irail.  
\v 32 Pwe ma komail pok on, me kin pokepoke komail, da me pan katin pamail? Pwe me dipan akan pil kin pok on kompoke parail.  
\v 33 A ma komail wiawia mau on, me wia mau on komail, da me pan katin pamail? Pwe me dipan akan kin wia pil dueta.  
\v 34 A ma komail pan ki on irail, me komail akpwainonki, da me pan katin pamail? Pwe me dipan akan pil kin wiai on me dipan, pwen ale me duete.  
\v 35 A pok on omail imwintiti, o wiawia mau, o ki on jo akapwainok, a pwain omail pan lapalap, o komail pan jeri en me lapalap o. Pwe a kupura, me jo danke o me jued akan.  
\v 36 Komail ari kadek rajon Jam omail me kalanan.  
\v 37 Ender kadeikada a komail jota pan pakadeikada. Ender kariala, a komail jota pan kariala. Lapwada, a komail pan lapwada.  
\v 38 Kijakija wei, a a pan depuk on komail dal mau eu, me idan pena, o itik pena, o dir kaualap, me pan ko on komail. Pwe men jon ota, me komail kin jonki, iduen a pil pan jon on komail.  
\v 39 A kotin pil majani on irail karajeraj eu: Da, me majkun pan kak kare me majkun? Ira karoj jota pan pupedi nan por o?  
\v 40 Tounpadak jota kin laude jan a jaunpadak. Ma tounpadak paroki on a jaunpadak, nan a unjokala.  
\v 41 A menda koe kilekilan pul ni maj en ri om ol, ap jota kan ataut o ni pein maj om?  
\v 42 De iadue, koe pan indan ri om: Ri ai, aui maj, i pan ki jan pul ni maj om, ap jota kilan ataut o ni maj om? Malaun amen koe, ki jan maj ataut o ni maj om, a koe ap pan kak kilan, duen om pan kak kijan pul, me mi ni maj en ri om.  
\v 43 Pwe tuka mau jota pan wa jued. Pil jota tuka jued pan wa mau.  
\v 44 Tuka karoj kin diarok kida a wa. Pwe aramaj jota kak dolun jan pik ni tuka kamadak, aramaj pil jota kin dolun jan wan wain ni tuka mal.  
\v 45 Aramaj mau amen kin kapwareda me mau jan nan a pai mau en monion i, a me jued amen kin kapwareda me jued jan nan a jued, pwe aua kin kida jan nan audepan monion o.  
\v 46 A iaduen, komail kin indan ia: Main, Main, ap jota kin wiada, me I kin inda?  
\v 47 Meamen ko don ia o roneron ai maj an kan, o kapwaiada, nan I pan kajale on komail, me a raj on.  
\v 48 Nan i me rajon aramaj amen, me kauada im eu o weirada lol, o pajonedi pon paip. A lapake lao pwilido, ad ap maimai on im o, ap jo kak kamokidedala, pwe a kakau pon paip o.  
\v 49 A meamen roneron, ap jota kapwaiada, nan a rajon aramaj amen, me kauada im eu nan pwel jo pajonedi. A lapake pwil maiai on, a ap madan ronk pajan, o ola en im o me laud.   
\c 7  
\p
\v 1 A LAO kotin erela a majan akan karoj on pokon o, a ap kotilan Kapernaum.  
\v 2 Ladun jenturion amen mia, me kajampwal re a, me jomau, a pan mela.  
\v 3 A lao ronada duen Iejuj, ap poronelan i jaumaj en Juj akan, poeki re a, en kotido kakelailada a ladu.  
\v 4 Irail lao pwara don Iejuj, ap nidinideki i potoan on: A war on, ren kotin wiai on i mepukat.  
\v 5 Pwe a kin pok on toun jap atail o kauadan kit jinakoke o.  
\v 6 Iejuj ap kotin ian ir ala. A ni jolar non doo jan im o, jenturion ap poronelan i kompok kai, potoan on: Main re der kanerel. I ir kotido, pwe i jowar, ren ketlon nan im ai.  
\v 7 Nai ari jota kin aka, me i war on poto don ir. A re kotin majaniata; a ai ladu pan kelailada.  
\v 8 Pwe nai pil aramaj amen, me mi pan manaman akan, ap kaunda jaunpei kai. A ma i pan, indan amen: Kowei! A pan kola; o on amen: Kodo! A pan kodo; o on ai ladu: Wiada met! A pan wiada.  
\v 9 Iejuj lao mani mepukat, ap kotin puriamui kila, jaupei don pokon o, me idauendo i, majani: I indai on komail, me I jaik diar pojon lapalap duen met, jota ren men Ijrael.  
\v 10 A me pakadarala kan lao purelon on nan im o, re ap diarada, me ladu o kelailada.  
\v 11 Kadekadeo murin mepukat a kotilan kanim eu ad a Nain; japwilim a tounpadak kan toto ian i; o aramaj pil me toto.  
\v 12 A lao koren ion wanim en kanim o, kilan, melar amen, me re wawei, ieroj en in a, a iei li odi amen; a toun kanim me toto ian i.  
\v 13 Kaun o lao majani i, ap kotin kupurela, majani on i: Eder janejan.  
\v 14 I ari koti on, doke kopa o, a me roa kan ap udi. I ap kotin majani: Manakap, I indai on uk, paurida!  
\v 15 A me melar o ap modada, pikekidi lokaia. Iejuj ap kotiki on i ren in a,  
\v 16 Majak ap kipa ir edi, o kapikapina Kot indada: Nan jaukop lapalap amen, me pwarado re atail, o Kot me kotier ren japwilim a aramaj akan.  
\v 17 A kajoi pot et duen i lolok jili nan Iudaa o jap karoj, me mi imp a.  
\v 18 En loanej a tounpadak kan kaire kin i mepukat karoj.  
\v 19 loanej ap molipeido japwilim a tounpadak kan riamen, porone ira lan Iejuj, majanlan i: Ir me pan kotido, de jen auiaui amen?  
\v 20 Ol oko lao poto don i, ap potoan on: loanej jaunpaptaij kadar kit don ir potoan kalelapok: Ir me pan kotido, de jen auiaui amen?  
\v 21 A ni auer ota a kotin kake lada me toto jan ar jomau, o luet, o nen jued akan, o kotin kapad pajan maj en me majkun toto.  
\v 22 Iejuj ap kotin japen majani on irail: Koma u kowei, kaireki loanej, meakan komail kilaner o roner: Me majkun akan kilanada waja, o me luet akan kin alialu, o me tuketuk kan makelekeleda, o me jalonepon kin ron waja, o me melar akan kin maureda, o ronamau me lolok on me jamama kan.  
\v 23 O meid pai, me jota pan makar kin ia!  
\v 24 A men kadar en loanej lao purela, Iejuj ap kotin tapiada majani on pokon o duen loanej: Da me komail koieila en kilan nan jap tan? Komail men kilan alek pot, me kin duedualokki an?  
\v 25 De da me komail koieila en kilan? Komail men kilan aramaj amen, me likau kida likau muterok? Kilan, me kin likau kida likau linan, o kaped en mana, kin mi nan im en nanmarki kan.  
\v 26 De da me komail koieila en kilan? Jaukop amen? Ei, I indai on komail, a laude jan jaukop amen.  
\v 27 Pwe iei i me intinidier due: Kilan, I kadarala mo mui nai men kadar amen, me pan koki al mo ’mui.  
\v 28 Pwe I indai on komail, jota jaukop amen me ipwi jan ren li akan, me laude jan loanej jaunpaptaij, ari jo, me tikitik nan wein Kot, iei me laude jan i.  
\v 29 A aramaj karoj, me roneron i, o jaunopwei kan kapina Kot ni ar ian paptaijeki paptaij en loanej.  
\v 30 A Parijar o jaunkawewe kan japai on pein irail ni ar mamaleki kupur en Kot, ap jota ian paptaij re a. w  
\v 31 A da me I en karajai on aramaj en di wet? O da me irail rajon?  
\v 32 Irail me rajon jeri kai, me kin momod nan wajan net akan o likelikwir nan pun arail indinda: Kit kajakajan, a komail jota kakalek; kit kamamauke kin komail, a komail jota janejan.  
\v 33 Pwe Ioanej jaunpaptaij pwarado, ap jota kan prot, o jota nim wain, a komail kin inda: Nan tewil kin di poa.  
\v 34 Nain aramaj pwarado, mana o nim, a komail kin inda: Kilan, me kaped en mana o kamom jakau, kompoke pan jaunopwei o me dipan akan!  
\v 35 A lolekon kin diarok kida na jeri kan karoj.  
\v 36 A Parijar amen poeki i, en konot re a. I ari kotilon on nan im en Parjar o kaipokedi ni tepel.  
\v 37 A kilan, li amen mi nan kanim o, me dipan amen, a lao aja, me Iejuj kotikot konot nan im en Parijar o, ap wado kokon en alapajta,  
\v 38 O poridi mur i ni aluwilu a janejan o pikekidi widenki pil en maj a aluwilu a, o limwieki a pwilipeipei, o metik aluwilu a kan o keieki alapajta.  
\v 39 A Parijar o, me lukedo i lao kilaner, ap monemoneloleki indada: Ma ol men et jaukop amen, a pan aja, ij li o, me jair i, pwe me dipan amen.  
\v 40 Iejuj ap kotin japen majani on i: Jimon, I men indai on uk meakot. I ari indada: Jaunpadak, majania do!  
\v 41 Ol amen mia, me aramaj riamen pwaipwand on. Amen ira pwaipwandeki denar limepuki, a amen limeijok,  
\v 42 A n i ara jota men kapunala, a kijakija kin ira la karoj. Indan ia, ij re ’ra, me pan pok on i laud?  
\v 43 Jimon japen potoan on: I lamelame i, me a kijakij laud on. A kotin majani on i: Koe meid pun kajauiada.  
\v 44 I ari jaupei don li o majani on Jimon: Koe kilan li men et, I pedelon on nan im om, a koe jota ki on ia pil men widen na i kat, a i me widenki pil en maj a na i kat, o limwieki a pwilipeipei.  
\v 45 Koe jota metik ia, a i jota tukedi jan metik nai kat, jan ni a pedelon lao lei met.  
\v 46 Koe jota ujore kin ia le, a met keiekier na i kat alapajta.  
\v 47 Nan i me I indaki on uk: Dip a kan me toto me lapwadar, pwe a kin limpok laud; a me dip a jota non lapwada, nan a kin limpok tikitik.  
\v 48 I ari majani on li o: Dip om akan me lapwadar.  
\v 49 A me ian mod ni tepel o ap tapiada inda nan pun ar: Ij men et, me pil kin lapwada dip akan?  
\v 50 I ap kotin majani on li o: Om pojon me dore uk ala, kowei popol!   
\c 8  
\p
\v 1 KADEKADEO murin mepukat a kotin kakan jili nan kanim laud o me tikitik kan, padapadak o kaloki ronamau en wein Kot, o ekriamen ian i.  
\v 2 O pil li akai, me a kotin kakelailada jan nen jued o jomau kan, iet akan: Maria, me pil adanek i men Makdala, me tewil ijimen koiei jan.  
\v 3 O Ioana iei likond en Kujaj en Erodej a jaunkoa men, o Jujana, o me toto, me papaki I ar kapwa kan.  
\v 4 A aramaj totoia lao pokon don i jan nan kanim akan, karoj, ap kotin karajeraj majani:  
\v 5 Jaunkamor kolan kamor a war akan. Ni a kamokamorok akai ap moredi on pon kailan al ap tiatidi o manpir en pan lan nam ir ala.  
\v 6 A akai moredi on pon paip. A lao wojada, a monedi, pweki a jota lamelamur.  
\v 7 Akai moredi nan tuka teketek, a tuka teketek wojada, kajoka ir ala.  
\v 8 A akai moredi nan pwel mau, ap wojada o wada pan me epuki. Ni a kotin majanier mepukat, ap majan laudeda: Me jalon a mia, men ron, i en ron!  
\v 9 A japwilim a tounpadak kan ap kalelapok re a: Ia wewe en karajeraj wet?  
\v 10 I ari kotin majani: A muei on komail er, en aja me rir en wein Kot, a met akan en aja ni karajeraj akan pwe ren kilan, ap jota kilan, o ron, ap jota weweki.  
\v 11 A iet wewe en karajeraj o: Majan en Kot iei war akan.  
\v 12 A me mi pon kailan al o, iei ir, me ronadar, a muri tewil pwarada katia jan majan en Kot nan monion arail, pwe ren der pojon, rap maurela.  
\v 13 A me mi pon paip, iei ir, me kin ron majan o ap pereperen ale, a jota kalau re ’rail. Anjau kij re kin pojon, a ni anjaun jonejon, irail kin pupe jan.  
\v 14 A me moredi nan tuka teketek, iei irail me kin ron, ap koieila tiropeki anan o pai, o inon jued en maur et, rap jokekila, ap jota wa.  
\v 15 A nan jap mau, iei irail, me kin ron majan o, ap nekinek nan monion ar inen o mau, o wada nin tiak en kanonama.  
\v 16 Jota me kin ijikeda lamp, ap pwainekidi kopa eu, de ki on pan men wendi a pon deu a, pwe me pan pedelon on en kilan marain o.  
\v 17 Pwe jota me rir kot, me jo pan janjaleta, pil jota me okiok kot, me jo pan kalok jili.  
\v 18 Komail ari kalaka duen omail kin roneron, pwe me a mia, ekij pan ko on; a me jota a mia, i, me a kiki on, me a, pan katia jan.  
\v 19 In a o ri a kan ap ko don i, a re jota kak kaion impa pweki pokon o.  
\v 20 A ap loki on i: In ar o ri ar akan poto liki. re men udial ir.  
\v 21 A kotin japen majani on irail: In ai o ri ai mepukat, me kin roneron majan en Kot o apapwali.  
\v 22 Kadekadeo ni eu ran a kotilan pon apot jop, a japwilim a tounpadak kan ian i. A kotin majani on irail: Kitail en kotela le en: Irail ari tanetan koieila.  
\v 23 O ni ar tanetan kokowei, a kotin jaimokela; melimel ap koda nan jed. A jop o pwilipwil, a pan mauidi.  
\v 24 Irail ap kai don i, kaopada i, potoan on: Main, Main, kit pan mela! I ari kipada majani on an o iluk en jed akan, rap tikitikala o molelar.  
\v 25 I ap kotin majani on irail: Ia omail pojon? A irail majakada inda nan pun ar: Daduen, ij men et, pwe a kin majani on an o jed, ir ari duki on.  
\v 26 Irail ap lele don jap en Kadara, me jal on Kalilaa.  
\v 27 I lao kotidi jan, ol amen tu on i, me kodo jan kanim o, me tan war en tewil jan maj kokodo, o me kilijo, o a jota kin kaujon nan im, pwe a kin mimi nan joujou kan.  
\v 28 I lao kilan Iejuj, ap werida, poridi jan mo a indaki nil laud: Menda re omui nai, Iejuj Japwilim en Kot lapalap? I men poeki re omui, kom der kalok ia la!  
\v 29 Pwe a kotin majani on nen jaut o, en koiei jan ren aramaj o, pwe pan pak toto a jaikidi i; i ari kin jali kidi jal mata o jal en na kai. A i kamueit ir pajan, o tewil paki i lan jap tan.  
\v 30 Iejuj kotin kainoma re a majani: Ia ad om? A potoan on: Lekion; pwe tewil toto mi re a.  
\v 31 Ir ari poeki re a, ender majani on irail, me ren kodilan pweleko.  
\v 32 Ari, pwin pwik kalaimun mi waja o manamana jili nin nana o. Irail ari poeki i, en kotin mueid on irail re en til on irail. I ari kotin mueid on irail.  
\v 33 Tewil oko ap kodi jan ren aramaj o, ap tilon nan pwin pwik o. Pwin pwik o ap tanedi wei ni aul on nan jed ap mopila.  
\v 34 Jilepa ko lao kilaner me wiauier, rap tandaui, kolan kanim laud o tikitik kan, kaireki jili.  
\v 35 Irail ap koieila, kilan me wiauier, re ap kola ren Iejuj, diarada aramaj o, me tewil oko keredi jan lole, momod ni aluwilu en Iejuj, likauda o lolekonlar; irail karoj majakadar.  
\v 36 Me ian udialer, ap kaire kin irail duen tanwar en tewil a kakeladar.  
\v 37 Men Kadara karoj ap poe kipoeki i, en koti wei jan re ’rail, pwe re majakadar kaualap. I ari kotida pon jop o, ap kotin purelar.  
\v 38 A ol o, me tewil oko kodi janer, poeki re a, en ian i; a Iejuj jota kotin mueid on i majani:  
\v 39 Purelan deu om, kalok jili duen manaman lapalap, me Kot wiai on uk er! I ari kola, kalok jili nan kanim o duen manaman lapalap, me Iejuj kotin wiai on i.  
\v 40 Kadekadeo Iejuj lao kotin puredo, aramaj akan ap kajamo i, pwe irail karoj auiaui i.  
\v 41 A kilan, ol amen, ad a Iairuj, jaumaj en jinakoke, kotido poridi ni aluwilu en Iejuj o poeki i, en kotilon on nan im a.  
\v 42 Pwe na ieroj jeripein amen, me a par naulriau, me koren ion mela. A ni a kotikot kokodo, pokon o koi don i.  
\v 43 A li amen, me nta pwilipwil par naulriau, me pwaineki on jaunwini kan a dipijou karoj. A jota me kak kakelailada i.  
\v 44 I me apedo mur i, doke ni kailan japwilim a likau. A pwilipwil en nta madan madada.  
\v 45 Iejuj ap kotin majani: Ij I me jair ia? A karoj lao inda me jota, Petruj o me ian i ap potoan on: Main, pokon o kin kapil pena o koi don ir, a iaduen, re kotin majani: ij i me jair ia?  
\v 46 A Iejuj kotin majani: Nan meamen jair ia, pwe I pam, me kel eu ko jan er.  
\v 47 A li o lao ajaer, me a jo kak rirala, ap majapwekada, apedi poridi jan mo a, ap katitiki mon aramaj karoj, karepan a jair i, o duen a kelailada madan.  
\v 48 A ap kotin majani on i: Jeripein popoleta, om pojon me kakel uk ada, kowei popol.  
\v 49 A ni a kotin majaniata, amen potodo jan ren jaumaj en jinakoke o katitiki on i: Japwilim omui jeripein melar. Men da kom kanirieki jaunpadak o.  
\v 50 A Iejuj lao mani mepukat, ap kotin japen i majani: Koe der majak, koe pojon ta, a ap pan maureda.  
\v 51 A lao kotilon on nan im o, a jota kotin mueid on amen en ian pedelon on nan pera, Petruj, o loanej, o Iakupuj eta, o jam en jeripein o in a.  
\v 52 A irail karoj janejan o mamaukeki i. A i kotin majani: Komail der janejan! Pwe a jota melar, a mamair eta.  
\v 53 Rap kaururki, pwe re aja, me a melar.  
\v 54 I ari kotikiiei jan ir nan pera O, a ap kotin ale pa a waron on I majani: Jeripein, paurida!  
\v 55 Nen en jeripein ap pure don i, i ari madan uda. I ap kotin majani, kijin mana en ko on.  
\v 56 A jam a in a puriamui kila. I ari kotin inapwiedi irail ren der indan meamen me wiauier.   
\c 9  
\p
\v 1 A LAO kotin molipe pena ekriamen oko, ap kotiki on irail kel o manaman, en kaloedi tewil akan karoj o kakelada me jomau kan.  
\v 2 I ari kotin porone ir ala, pwen padapadak duen wein Kot o kakelada me jomau kan.  
\v 3 O a kotin majani on irail: Komail der wala meakot pon al o: Jota jokon, de ed, de prot, de moni, amen pil jo pan wa jakit riau.  
\v 4 O waja kij me komail pan pedelon on nan im eu, komail pan mimieta waja o, komail lao kowei jan ia.  
\v 5 O meamen kan kajamo komail, komail japalewei jan kanim o, o jipede jan pwel ni na omail, pwen kadede on irail.  
\v 6 Irail ari kokola, kakan jili nan kijin kanim akan, padaki ronamau o kakelada me jomau kan waja karoj.  
\v 7 A nanmarki Erodej lao mani duen meakan, me wiauiki i, ap pinidar, pweki akai katitiki, me dene loanej iajadar jan ren me melar akan.  
\v 8 A akai indada, me dene Eliaj pwarado, o akai me inda, me dene jaukop en kaua men iajadar,  
\v 9 A Erodej majani: loanej, i me i lepuke jan mon a, a ij men et, me i kin roneron due? A ap men udial i.  
\v 10 A wanporon akan lao pure doer, ap kaireki i karoj, me re wiadar. I ari kotin uk irail ada, kotilan waja rir, nan kanim eu, me ad a Petjaida.  
\v 11 Toun jap o lao ajaer, rap idauenla i, i ari kotin kajamo irail, o kotin padaki on irail duen wein Kot, o kotin kakelada me mau on.  
\v 12 A lao pan waja ponier, ekriamen potodo potoan on i: Re kotin kadar pajan pokon en, pwen kola nan kijin kanim akan o nan jap, en rapaki wajan pweidi o kan ar kijin mana, pwe kitail kotikot nan jap tan wet,  
\v 13 A a kotin majani on irail: Komail pan ki on irail kan ar mana! Re potoan on: Lopon prot eta limau o mam eta riamen mi re at. De je pan kola netie don pokon kalaimun wet mana?  
\v 14 Pwe irail me ol impan lime kid. A a kotin majani on japwilim a tounpadak kan: Komail pwini ir pajan wad limek o limek!  
\v 15 Irail ari wiada o kamod irail edi.  
\v 16 A kotin limada lopon prot limau o mam riamen, majanda nanlan, laolaoki, pilitiki pena, kotiki on japwilim a tounpadak kan, pwe ren nene on pokon o.  
\v 17 Irail jak, o karoj medier, ap rikada dodo eijokriau luan kama dip O.  
\v 18 Kadekadeo ni a kotin laolao kelep, japwilim a tounpadak kan ian i. A kotin kainoma re ’rail majani: Ij me aramaj kin inda me nai?  
\v 19 Irail japen potoan on: Ioanej jaunpaptaij, a akai me inda Eliaj, o pil akai kin inda, me dene jaukop en kaua men iajadar.  
\v 20 A kotin majani on irail: A da me komail kin inda ij nai? Petruj ap japen potoan on: Ir me Krijtuj japwilim en Kot.  
\v 21 A i me kotin padik inapwiedi irail, ren der indan meamen mepukat,  
\v 22 Majani: Nain aramaj pan kalokolok laud, o lokidokila ren jaumaj, o jamero lapalap, o jaunkawewe kan, o a pan kamela, o ni ran kajilu a pan maureda,  
\v 23 Ap kotin majani on irail karoj: Meamen men idauen ia I en tonmeteki pein i o ale a lopu ni ran karoj, o idedauen ia do.  
\v 24 Pwe meamen kanakanai on maur a, pan pupe jan. A meamen kajela maur a pweki nai, pan diarada.  
\v 25 Pwe da me pan mau on aramaj amen, me aneki pena jappa karoj, ap kajela pein i o kajapokela pein I?  
\v 26 Pwe me kin namenok kin ia o ai padak kan, i me Nain aramaj pil pan namenokki, a lao kodo ni a linan, o linan en Jam a, o na tounlan jaraui kan.  
\v 27 A melel I indai on komail, akai irail, me mi met, jota pan mela, irail lao udial wein Kot.  
\v 28 A kadekadeo murin pon walu pon murin majan pukat i ap ukada Petruj, o Ioanej, o Jakopuj kotidala pon nana o pwen laolao.  
\v 29 A ni a kotin laolao mom en jilan i ap wukila o japwilim a likau puetepuetela o linalin.  
\v 30 A kilan, ol riamen ian i majan pena! Ira me Mojej o Eliaj.  
\v 31 Ira pwarado ni ara linan o mamajani duen a pan kamatala nan Ierujalem.  
\v 32 A Petruj o me ian i me toutouki mair. Ira lao pirida, re ap udial a linan o ol riamen kotikot impa.  
\v 33 Kadekadeo ira lao kotiwei jan re a, Petruj ap indan Iejuj: Main, meid mau atail kotikot met. Kit en kauada kijin im jilikij: Tanpaj ar, o en Mojej, o en Eliaj; a jaja me a kajokajoi.  
\v 34 Ni a kajokajoi mepukat, pali en dapok kadupal irail edi, irail ari majakadar ni ar tilon nan dapok o.  
\v 35 O nil eu peidido jan nan dapok o majani: let nai ol kompok, komail en ron i!  
\v 36 A nil wet lao wiauier, re ap diaradar Iejuj ta. Ir ari nenen lata; o ni ran oko re jota kaireki meamen duen me re kilaner.  
\v 37 A kadekadeo manda en ran o irail lao kotidido jan nana o, pokon kalaimun ap poto don i,  
\v 38 A kilan, ol amen nan pokon o nil laudeda potoan on: Jaunpadak, i poeki re ir, re kotin majani don ai tunol putak o, pwe iei ai ieroj.  
\v 39 Re kotin mani, nen o lao koledi i, a kin madan weriwer, a kin jenjeroki jili, a ap kin pudopud o meid apwal ni a kin koiei jan i.  
\v 40 Nai ari poeki ren japwilim ar tounpadak kan, ren kauje wei jan i, a re jota kak.  
\v 41 A Iejuj kotin japen majani: o di wet meid jopojon o japun, ia arain ai pan mimi re omail? la arain ai pan kokoa komail? Wa don ia noum putak!  
\v 42 A ni a kokodo, tewil ap kapururada o jeroki jili i, a Iejuj kotin kidaueda nen jaut o, o kakelada putak o, ap kapure on i ren jam a.  
\v 43 A irail karoj puriamuiki manaman en Kot. A ni ar puriamuiki en Iejuj a wiawia kan ap kotin majani on japwilim a tounpadak kan:  
\v 44 Majan pukat en kaloledi nan jalon omail: Nain aramaj pan panala ni pa en aramaj.  
\v 45 A irail jota weweki majan wet, pwe a rir jan irail, i me irail jajaki. Irail ari majak kalelapok re a duen majan pot et.  
\v 46 Irail ap pil lamelame, ij me pan lapalap re ’rail?  
\v 47 A Iejuj lao kotin mani ar lamelam nan monion arail, ap ale jeri men, kida impa a,  
\v 48 O majani on irail: Meamen pan apwali kijin jeri men et ni ad ai, nan a kin apwali ia, a meamen pan apwali ia, nan a kin apwali, me kadar ia do; a me tikitik re omail, nan i me pan lapalapala.  
\v 49 Ioanej ap japen potoan on: Main, je kilaner amen, me kau jewei tewil akan ni mar ar. Kit ari inapwiedi, pwe a jota kin ian kit idedauen ir.  
\v 50 A Iejuj kotin majani on i: Eder inapiedi, pwe me jo kin palian komail, nan a kin ian komail.  
\v 51 A kadekadeo a lao anjau, me a pan peukadala, a ap kotin jaupeilan kotilan inen won Ierujalem.  
\v 52 A kotin poronela men kadar akan, me pan tion mo a. Irail ari kokola lele don kijin kanim en Jamaria eu, pwen rapaki waja, me a pan pweiokidi ia.  
\v 53 A re jota kajamo i aki a kotin jaupeila kotilan inen won Ierujalem.  
\v 54 Japwilim a tounpadak kan Iakopuj o Ioanej lao kilaner mepukat, ap potoan on: Main, ma re kotin kupura, je pan poeki, kijiniai en moredi jan nanlan, kan irail la, duen Eliaj wiadar.  
\v 55 A i kotin jaupeido, kapun on ira majani: Koma jota aja ij Nen, me naina kin koma?  
\v 56 Irail ap daulul wei nan eu kijin kanim.  
\v 57 Kadekadeo ni arail kotikot kokodo amen ap potoan on i: Main i pan idedauen ir waja karoj me re pan kotila ia.  
\v 58 Iejuj kotin majani on i: Pokj akan por ar mia, o manpir en pan lan paj ar mia, a Nain aramaj jota waja en kaula wei mon a.  
\v 59 A kotin majani on amen: Idauen ia do! A i indada: Main, komui kotin mueid on ia maj, i en purela jarepedi jam ai.  
\v 60 A Iejuj kotin majani on i: Me melar akan en jarepedi ar melar akan, a koe kowei kalok jili wein Kot!  
\v 61 Pil amen potoan: Main, i pan idedauen ir jili, a re kotin mueid on ia maj, i en kamurimuri on toun im ai.  
\v 62 A Iejuj kotin majani on i: Jota me pan koledi men weirada pwel, ap kilan muri, a jota koiok on wein Kot.   
\c 10  
\p
\v 1 MURIN mepukat Kaun o pil kotin piladar ijiakan o porone irail wei mo a ni wad riamen, en kakan jili nan kanim laud o tikitik kan, waja me a pein pan kotilan ia.  
\v 2 A kotin majani on irail: Rak me kalaimun, a toun dodok me malaulau; poeki ren Kaun en rak, en kadarala toun dodok nan a rak.  
\v 3 Komail kola; kilan, I kadar komail la dueta jippul akan nan pun en kidi en wei akan.  
\v 4 Komail der wewa ed en moni, de ed en jailok, de jut, o der ranamau on meamen nani al o.  
\v 5 A ma komail pan pedelon on nan im eu, komail pan inda maj: Popol en mimi nan im wet!  
\v 6 A ma popol amen mi waja o, omail popol pan mimieta re a, a ma jo, omail popol pan pure don komail.  
\v 7 A komail pan mimieta nan im ota, o mana o nim, me mi re ’rail pwe toun dodok me waron pwain a. Komail der pedoi jan nan eu im ap kolon on nan eu.  
\v 8 A ma komail pan pedelon nan eu kanim, o re pan kajamo komail, i waja komail pan tunole, me pan wijike don komail.  
\v 9 O kakelada me jomau kan, me mi waja o, o kaire kin irail: Wein Kot koren don komail.  
\v 10 A ma komail pan pedelon nan eu kanim, o re jota pan kajamo komail, i waja komail pan pedoi nani al indada:  
\v 11 Pil pwel par, me ko don kit nan omail kanim, jipede don komail; ari jo, komail en aja, me wein Kot koren don komail.  
\v 12 I indai on komail, nan a pan manai on Jodom ni ran o jan kanim o.  
\v 13 Juedi on uk Korajim! Juedi on Petjaida! Pwe ma manaman akan, me wiaui on uk er, wiaui on Tiruj o Jidon, nan melel, re pan kalula nan tuk en likau o nan paj.  
\v 14 A a pan manai on Tiruj o Jidon ni kadeik o jan komail.  
\v 15 A koe Kapernaum, me paidar nanlan, pan pijikondi on nan pweleko.  
\v 16 Me roneron komail, nan a kin roneron ia; o me mamaleki komail, nan a kin mamaleki ia. O me mamaleki, ia, nan a kin mamaleki, me kadar ia do.  
\v 17 Me ijiakan ap puredo, pereperen potoan on: Main, pil tewil akan udi on kit ni mar omui.  
\v 18 A kotin majani on irail: I kilaner Jatan likamata liol a pupedi jan nanlan.  
\v 19 Kilan, I ki on komail manaman, en tiakedi jerpent o jkorpion, o en poedi kel en imwintiti karoj. O jota meakot pan kajuedi on komail,  
\v 20 Ari jo, komail der peren kida, me nen akan kin udi on komail, a komail peren kida me ad omail intinidier nanlan.  
\v 21 Ni auer ota Iejuj kotin perenda ni nen e majani: I kapina komui, Jam ai, kaun pan lan o jappa, me komui okila mepukat jan me lolekon o koiok kan, ap kajale on jeri pwelel akan! Ei Jam ai, pwe iduen me komui kupukupura.  
\v 22 Meakaroj muei on ia er jan ren Jam ai, o jota me aja japwilim a ol, pwe Jam eta. O jota me aja Jam, pwe japwilim a ol eta, o me japwilim a Ol pan kajale on.  
\v 23 I ap kotin jaupei don tounpadak kan, majani on irail eta: Meid pai por en maj akan me udial, me komail udialer.  
\v 24 Pwe I indai on komail, jaukop o nanmarki kan toto anane udial, me komail kin ududial, a re jota kilaner; a re men ronada, me komail kin roneron, ap jota ronadar.  
\v 25 A kilan, jaunkawewe men ap uda, kajonejon i potoan on: Jaunpadak, da me i en wiada. Pwen jojoki maur ioutuk?  
\v 26 A kotin majani on i: Da me intinidier nan kapun o? Daduen om dondoropwe?  
\v 27 A japen indada: Koe en pokon Kaun om Kot monion omunjok, o nen om unjok, o kel om unjok. o om Iamelam unjok, o men imp om dueta pein koe.  
\v 28 A kotin majani on i: Koe meid japen inen, wiada mepukat, a koe pan maurela.  
\v 29 A ap men ak kapunki pein I indan Iejuj: A ij men imp ai?  
\v 30 A Iejuj kotin japen majani: Aramaj amen momait jan Ierujalem kodila leriko ap lodi on lolap akai, me ter jan a likau kan, o kame i, rap koieila; i ari pan mela.  
\v 31 A jamero amen momaitela nani al ota. A ni a kilan i, ap daulul wei jan.  
\v 32 A leap amen pil dueta. Ni a leler waja o, kilan i, ap daulul wei jan.  
\v 33 A ol en Jamaria amen jailok jili ap pil weid waja o. Ni a kilaner i ap pokela,  
\v 34 Kola re a, o kidim pena a pwal akan, ap ki on le o wain lole o kamondi i pon dake pa man o, wala nan im en kairu eu, apapwali i.  
\v 35 Manda a pan jamala, ap ki on kaun en im o denar riau indan i: Apapwali i! A ma mekij pan dauli, i pan kapunala, ni ai pan puredo.  
\v 36 A ij ren ir jilimen, me koe wiaki men impan ol o, me lodi on lolap oko?  
\v 37 A japen: Me wiadar dodok kadek on i. Iejuj ap kotin majani on i: Ari, kowei alajan!  
\v 38 A kadekadeo ni ar kotin jailokela, a kotilon on nan kijin kanim eu. Li amen mi waja o, ad a Marta, me kajamo i Ion on nan im a.  
\v 39 Ri a li amen mia, me ad a Maria, me momod ni aluwilu en Iejuj, roneron a majan.  
\v 40 A Marta kajopijokki pein i a papa i. I ari potodo potoan on: Main, re jota kotin kupuroki ri ai li, me jota kin ian ia dodok? Re kotin padaki on i, en jauaja ia.  
\v 41 A Iejuj kotin japen majani on i: Marta, Marta, koe meid nonki o jopijokki okotme.  
\v 42 A me ta kot me kajampwal. Maria piladar pwaij mau, me jota pan katia jan.   
\c 11  
\p
\v 1 Kadekadeo ni a kotikot waja kij pwen laolao, a lao kotin erelar, amen japwilim a tounpadak kan ap potoan on i: Main re kotin padaki on kit kapakap, dueta Ioanej kin padaki on a tounpadak kan.  
\v 2 A ap kotin majani on irail: Komail lao wia kapakap, ap inda: Jam at, mar omui en jaraui, wei ’mui en pwaida,  
\v 3 Kotikido ran wet at tunol kaukaule.  
\v 4 Lapwa jan kit dip at, dueta kit, me kin lapwada karoj, me wia dipi on kit, eder kaluan kit ren me katikatiamau kan.  
\v 5 I ap kotin majani on irail: Ij re omail, me a kompok amen mia o me pan kola re a ni ailep en pon indan i: Kompoke pai, ki on ia lopon prot jilu,  
\v 6 Pwe kompoke pai men pwarado jan a jailok o, ap jota, me i pan kak ki on i.  
\v 7 A me mi nan im o pan japen inda: Koe der kadiropa ia, pwe wanim ritidier, o nai jeri ko ian ia nan wajan mair; i jo kak paurida o ki on uk meakot.  
\v 8 I indai on komail, ma a jota pan paurida o ki on i aki kompokepa a, nan a pan paurida o ki on, me itar on i aki a nidinid.  
\v 9 I indai on komail, poeki, a komail pan tunole; rapaki, a komail pan diarada; letelet, a a pan ritida mo’mail.  
\v 10 Pwe karoj me poekipoeki, kin tunole; o me kin rapaki, kin diarada; o me kin letelet, nan a pan ritida mo a.  
\v 11 De ij jam amen nan pun omail, ma na putak pan poeki na kijin prot, pan ki on i takai eu? Da ma a poeki mam, pan ki on I jerpent amen?  
\v 12 De ma a pan poeki kitor eu, pan ki on i jkorpion amen?  
\v 13 Ma komail, me jon jued, aja duen kijakij mau on noumail jeri kan, nan melel kaualap, Jam omail nanlan pan ki on Nen jaraui ren me poeki re a.  
\v 14 A ap kotin kauje wei tewil amen, me loton. A kadekadeo tewil lao koiei janer, me loton o ap lokelokaia, a aramaj puriamuiki.  
\v 15 A akai ir katitiki: Nan Peeljepup, jaumaj en tewil akan, me a kaujeki jan tewil akan.  
\v 16 A akai kajonejon i, poeki poeki kilel eu jan nanlan.  
\v 17 A ap kotin ani ar lamelam, majani on irail: Wei karoj ma a pan u pena nan pun a, a pan ola; o ma toun im eu pan u pena nan pun a, a jota pan pwaida.  
\v 18 A iaduen, ma Jatan u on pein i, a wei pan kak pwaida? Aki komail indinda me dene nai kauje wei tewil akan ki Peeljepup.  
\v 19 Ma I kin kaujeki wei Peeljepup tewil akan, a ij me noumail ol akan kin kauje kin irail? Irail ari pan omail jaunkapun.  
\v 20 A ma I kaujeki wei lim en Kot tewil akan, nan wein Kot lel on komail er.  
\v 21 Ma me kelail o, me audeki kapwa en pei, pan jinjila im a, nan a kapwa nekinekid mau.  
\v 22 A ma amen, me kelail jan i, pan palian i o kaloedi i, ap pan atia jan a kapwa en pei, me a kelekier, o nek pajan kapwa en kul.  
\v 23 Meamen, me jota ian ia, iei me palian ia, o me jota kin dolun penan ia, iei me kin kajapoka pajan.  
\v 24 Nen jaut lao kowei jan ren aramaj, a kin tanatan jili nan jap tan akan, rapaki wajan kamol, a jota, me a diarada, i ap kin inda: I ap pan purelon on nan im ai, me i pedoi janer.  
\v 25 A lao puredo, a diar, me a kokok o kapwater,  
\v 26 I ari koieila, ale on i nen ijimen, me jued jan pein i. Irail ap pedelon on lole, rap kakaujon ia; a aramaj pan jued jan maj.  
\v 27 A kadekadeo ni a kotin mamajani mepukat, li amen, kijan pokon o, ap potoan on i: Meid pai kupur o, me wia ir adar, o didi kan, me re kotiki!  
\v 28 A i kotin majani: Ei, meid pai, me kin ron majan en Kot ap kapwaiada.  
\v 29 A pokon o lao teneten pena, a kotin majani: Di wet meid jued! Re kin rapaki kilel eu, a jota kilel pan janjal on ir, pwe kilel en Iona eta.  
\v 30 Pwe duen Iona kilel eu on men Niniwe, iduen Nain aramaj on di wet.  
\v 31 Li nanmarki en pali air amen pan u on ol akan en di wet ni kadeik o pan kari ir ala, pwre a pwrarado jan ni imwin jappa, pwen ron lolekon en Jalomo. A kilan, me laude jan Jalomo mi met.  
\v 32 Ol en Niniwe kan pan u on di wet ni kadeik, o pan kariala i, pwe re kalula ni ar ronadar padak en Iona. A kilan, me laude jan Iona mi met.  
\v 33 Jota me kin ijikeda lamp, ap kila waja rir, pil jo pan kopa, a pon deu a, pwe me pan pedelon on, en kilan marain o.  
\v 34 Por en maj marain en pali war. Ma maj om makelekel, war om karoj pan dir en marain. A ma maj om me jued, war om karoj me pil dir en rotorot.  
\v 35 En kalaka, pwe marain mi lol om, der rotorot!  
\v 36 Ma war om dir en marain kaualap, o jota kijan rotorot mia, karoj pan dir en marain dueta linan en lamp, me kin jenjere uk ada.  
\v 37 A ni a kotin kaparok, Parijar amen luke i, en konot re a. I ari kotilon kotidi nin tepel.  
\v 38 A Parijar lao udial, ap puriamuiki, me a jota kotin omiom mon konot.  
\v 39 A Kaun o kotin majani on i: Nan komail Parijar akan kin widen likin dal o plet, a lol omail me dir en me re kuliada o me jued.  
\v 40 Nan pweipwei komail, kaidin I me wiadar pali liki, pil wiadar pali lole?  
\v 41 A kijakij weita duen komail kak on! A kilan, karoj pan makelekel on komail.  
\v 42 Juedi o n komail Parijar akan, pwe komail, kin maironki eijokkij eu en minje, o raute o jon en kijin tan tuka kai, ap jota injenoki kadeik o limpok en Kot! Wiada mepukat ap pil kapwaiada me tei kan.  
\v 43 Juedi on komail Parijar akan, pwe komail men mondi leppantam nan jinakoke kan o mauki, ren ranamau on komail nan waja en netinet akan.  
\v 44 Juedi on komail, pwe komail rajon joujou kan, me jo janjal, o aramaj alialu poa, ap jaja ir!  
\v 45 Jaunkawewe men ap japen potoan on i: Jaunpadak, komui pil kin juede kin kit majan pukat.  
\v 46 A i kotin majani: Pil juedi on komail jaunkawewe! Pwe komail kin katoutou kila kapwa en wijik toutou aramaj akan, ap jota jairki jondin pa omail.  
\v 47 Juedi on komail! Pwe komail kin apapwali joujou en jaukop akan, a jam omail akan kame ir ala.  
\v 48 Komail ari kin kadede o peren kida wiawia en jam omail akan. Pwe re kame ir ala, a komail apapwali ar joujou kan.  
\v 49 I me erpit en Kot indada: I pan kadar won irail jaukop o wanporon akan, a akai irail re pan kamela o pwaki irail jili.  
\v 50 Pwe ntan jaukop akan, me kapwilipwili weier jan ni tapin kaua kokodo, en kapokon o di wet.  
\v 51 Jan ntan Apel lei ntan Jakariaj, me kamelar nan pun en pei jaraui o im en kaudok, ei I indai on komail, a pan kapokon on di wet.  
\v 52 Juedi on komail jaunkawewe! Pwe komail atia jan men kapir pan lolekon. Komail jota pan pedelon, ap inapwiedi, me men pedelon on.  
\v 53 A ni a kotin mamajani on irail mepukat, jaunkawewe o Parijar akan ap tapiada palian i kaualap, kalekalelapok re a jon toto,  
\v 54 O re majamajan i, o raparapaki, ma re jota kak diar meakot jan ni a majan akan, pwe ren kadipa i.   
\c 12  
\p
\v 1 ARAMAJ toto ap pokon pena lao kidalar, irail lao it pena, I ap kotin tapiada majani on japwilim a tounpadak kan: Komail kalaka kalep en Parijar akan, me malaun.  
\v 2 Pwe jota me rir kot, me jota pan janjalada. Pil jota me okiok kot, me jo pan kalok jili.  
\v 3 Ari, me komail pan indada ni waja rotorot, i me pan janjal nan marain. O me komail pan monininin nan pera kan, i me pan kalok jili pon im akan.  
\v 4 A I indai on komail, kompok pai kan, komail der majak irail, me kin kamela pali war, ap jolar kak wia meakot.  
\v 5 A I pan kaaja kin komail, me komail en majak: Majak i, me manaman on kamela aramaj ap kak kajela nan pweleko. Melel I indai on komail, i me komail en majak.  
\v 6 Jiok limen jota kin netila ni denar riau? Ari jo, jota amen irail me Kot kin maliela.  
\v 7 Ari, pil pit en mon omail karoj me wadawad penaer. Komail ari der majak, pwe komail me mau jan jiok toto.  
\v 8 A I indai on komail, meamen ponaja ia mon aramaj, i me Nain aramaj pan ponaja ren tounlan en Kot akan.  
\v 9 A meamen kamam kin ia mon aramaj, i me pan kamamaki mon tounlan en Kot akan.  
\v 10 O meamen me pan lokaia jued duen Nain aramaj, a pan kak lapwada. A me lalaue Nen jaraui, a jota pan lapwada.  
\v 11 A ma re pan wa komail la nan ar jinakoke kan mon kapun o ren me manaman akan, komail depa lamelame, da me komail pan japenki de me komail en inda.  
\v 12 Pwe Nen jaraui pan kapame kin komail ni klok ota, me komail en’lnda.  
\v 13 A amen toun pokon potoan on i: Jaunpadak, kom kotin majani on ri ai ol o, en nek pajan at jojo.  
\v 14 A kotin majani on i: Aramaj o, ij me kajapwil ia da, en jaunkapunla o jaunnene re oma?  
\v 15 O kotin majani on irail: Kalaka norok jued, pwe kaidin kapwa toto, me aramaj amen kin memaur kida  
\v 16 A kotin majani on irail kara jeraj eu: ol kapwapwa amen mia, me jap we kaparapar kaualap.  
\v 17 I ari lamelame indada: Da me i en wiada? Pwe jolar waja en nekinek ia ai kapwa kan.  
\v 18 I ari indada: Nan iet me i pan wiada: I pan palan pajan ai im en nak kan, ap kauada me laude jan kai; i waja me i pan nekidala me wojadan ia o ai dipijou karoj;  
\v 19 A i pan indan nen i: Nen i, dipijou toto on par toto, me nekineki on uk er. En moleilei, o mana, o nim o perenta!  
\v 20 A Kot ap majani on i: Pweipwei men koe, pwe ponpon wet nen om pan ilakido. A ij me pan aneki kapwa pukat, me koe nanak penaer?  
\v 21 Nan iduen me kin roporop pena dipijou on pein i, ap jota kapwapwa ren Kot.  
\v 22 A a kotin majani on japwilim a tounpadak kan: I me I indai on komail, eder lamelame maur omail, me komail pan tunole, pil iermen pali war, me komail pan likauki!  
\v 23 Maur me kajampwal jan mana, o war me mau jan likau.  
\v 24 Kalelapok on rape kan! Re jota kin kamorok, re pil jota kin nak pena, pil jota arail pera de im en nak, a Kot kin kotin katunole ir. A komail jo kajampwal jan manpir kaualap?  
\v 25 A ij nan pun omail, ni a nonki, me pan kak uje pajan pein i ki tipon en pa eu?  
\v 26 Ari, ma komail jota kak on wiada me manai, a da me komail kin nonki okotme?  
\v 27 Kalelapok on kiop akan, me mi nan jap, duen ar kakairida! Re jota kin dodok, o re jota kin monkol pena. A I indai on komail, pil Jalomo ni a linan karoj jota a likau dueta apot irail.  
\v 28 Ari, ma iduen Kot kotin kapwataki dip, me mi nan jap ran wet, a lakap pan lokidokila nan jtop, iaduen a jota pan madan kalikauwiada komail, me pojon tikitik?  
\v 29 A komail, ender nonki, me komail pan mana o nim, o komail der injenjued!  
\v 30 Pwe mepukat men liki kan kin nononki. Pwe Jam omail, me kotikot nanlan, mani, me mepukat karoj mau on komail.  
\v 31 A rapaki japwilim a wei, a mepukat pan poujalan komail.  
\v 32 Der majak pwin tikitik koe, pwe iet kupur en Jam omail: En ki on komail wei o.  
\v 33 Netikila omail kapwa kan, ap kijakija wei, wiai on komail ed ko, me jota pan marinala, o pai nanlan, me jo pan ola, waja me lipirap men jo kak on, o man en mot jo kak kawela ia.  
\v 34 Pwe waja omail pai mi ia, iei waja monion omail pil kin mia,  
\v 35 Nan luke pamail en katenten pena o omail jer en ijij  
\v 36 O komail en dueta aramaj akan, me auiaui ar monjap ni a pan kodo jan kamadip en papaud, pwe i lao kodo letelet, re en madan ritinada mo a.  
\v 37 Ladu ko meid pai, me monjap o ni a pan pwarado, diar ar majamajan. Melel I indai on komail, a pan kaiada a likau o kamod irail edi on mana, ap pan apapwali irail.  
\v 38 O ma a pwarado ni auer kariau, de kajilu, ap diar ir majamajan, nan meid pai ladu pukat.  
\v 39 A komail en aja, ma kaun pan im o ajaer anjaun lolap o pan pwarado, a pan majamajan o jo pan mueid on, im a en kulia jan.  
\v 40 Komail ari pil ononop, pwe Nain aramaj pan pwarado ni anjau me komail jaja.  
\v 41 Petruj ap potoan on i: Main, re kotin majani don kit karajeraj wet, de on irail karoj?  
\v 42 A Kaun o kotin majani: Ari ij jaunkoa lelapok o lolekon, me a mon jap kajapwilada, en kaunda a ladu kan, pwen nek on irail kan ar mana ni anjau me kon on?  
\v 43 Meid pai ladu o, me a monjap pan diarada wiawia duen met ni a pan pwarado!  
\v 44 Melel I indai on komail, a pan kajapwiladan i pon a dipijou karoj.  
\v 45 A ma ladu o pan lamelame nan monion i: Ai monjap pwapwand, o a pan tapiada kame ladu o lidu kan, o mana o nim, o kamom jakau,  
\v 46 Monjap en ladu o ap pan pwara do ni ran o, me a jo auiaui i, o ni auer, me a jaja, o a pan lepuk pajan i, o kajapokalan nan pun en me jopojon akan.  
\v 47 A ladu o, me aja kupur en a monjap, a jota kaonopada pein i, pil jota wiada kupur a, nan i me pan kamekam kaualap.  
\v 48 A me jaja, ap wiadar me mau on kalokolok, nan i me pan kalokolok tikitik. Pwe me aleer me toto, i me pan kida me toto; o me koaki me toto, pan purokido me toto.  
\v 49 I kodon jaundi kij iniai j appa, a da me I en wiada, ma a jaundier?  
\v 50 A maj I pan paptaije kila paptaij eu; I ap patau kila melel, a lao daulier.  
\v 51 Komail lamelame, me I kodon ki on jappa popol? I indai on komail: Jo! a pwen kumuei juedala.  
\v 52 Pwe jan met kokola limen toun im eu pan liak toror pajan; jilimen pan palian riamen, o riamen pan palian jilimen.  
\v 53 Jam pan palian na putak, a putak o pan palian jam a; in pan palian na jeripein, a jeripein pan palian in a; a li amen pan palian na ol a paud, o en na ol a paud pan palian li o.  
\v 54 A kotin majani on pokon o: Komail lao udial dapok jan kapin lan, komail kin inda: A pan katau; o a pan pwaida  
\v 55 O ma komail kin kilan an a ujan ni pali air, komail kin inda: A pan karakar; o a pan wiaui.  
\v 56 Malaun komail! Komail aja kajaui maj en jappa o lan, a da me komail jajaki kajauida anjau wet?  
\v 57 A da me pein komail jota kajauia kida me pun?  
\v 58 A ma koe pan ian me palian uk kolan kapun o, en nantion pon al o, en kapunala re a, pwe a de pan uk alan jaunkapun, a jaunkapun pan uk ala ren jilepan imaten, a jilepan imaten pan kaje uk ala nan imaten.  
\v 59 I indai on uk: Koe jota pan koda jan waja o, koe lao kapunala lua karoj.   
\c 13  
\p
\v 1 NI anjau o akai mia, me potoan on i duen men Kaliaa kai, me Pilatuj doleki nt’ arail ar mairon.  
\v 2 A kotin japen majani on irail: Komail kiki on, me men Kalilaa pukat me dipan akan mon men Kalilaa tei kan, pweki ar kalokolok o?  
\v 3 Na, i me indai on komail: Jo! A ma komail jota pan kalula, komail karoj pan mela dueta.  
\v 4 De irail ekwalemen ko, me im en ruk en Jiloa pupedi on poa, kame ir ala, komail kiki on, me irail me jued jan aramaj akan, me kaukaujon lerujalem?  
\v 5 Nai me indai on komail: Jo! A ma komail jota pan kalula, komail karoj pan mela dueta.  
\v 6 A kotin karajeraj on irail majani: Aramaj amen mia, me a tuka pik apot padedi nan a mat en wain, ap kodon rapaki wa, a jota me a diarada.  
\v 7 A ap indai on jaumat en wain: Kilan, par jilu i kodon rapaki wan pik pot et, a jota, me i diarada; paledi, da me a pinaki mal waja o!  
\v 8 A a japen indan i: Main, pui jan pil par wet, pwe i en weirada ni tapi, o ki on pwel mau.  
\v 9 A ma a pan wa, ari me mau, a ma jo, komui ap pan paledi jan.  
\v 10 A kotin padapadak nan jinakoke eu ni ran en japat.  
\v 11 A kilan, li amen mia, me nen en jomau ti poa par naulwalu, a koj pena o jota man kak uda.  
\v 12 Iejuj lao kotin majani i, ap molipei won i majani on i: Li, koe en maioda jan om jomau!  
\v 13 I ap kotin pwil po a lim a kan, i ari madan kajinenda, kapikapina Kot.  
\v 14 A jaumaj en jinakoke o makara kida pan Iejuj a kake lada i ni ran en japat, ap japen indan pokon o: Ran wonu, aramaj en dodok, i anjau me komail kodon kakelada, a iermen ni ran en japat!  
\v 15 Kaun o ap kotin japen i majani: Malaun koe, kaidin komail karoj kin lapwada kau o ejel jan deu a kalualan nim pil ni ran en japat?  
\v 16 A li men et, me nain Apraam jeripein, me Jatan jaliedi par naulwalu, me jo mau, en lapwada ni ran en japat?  
\v 17 Ni a kotin majani mepukat, karoj me palian i, ap namenokala o aramaj karoj peren kida wiawia mau kan karoj, me wiauier pa a.  
\v 18 A a kotin majani: Wein Kot rajon da? O da me I en karajai on i?  
\v 19 A rajon wantuka eu, me aramaj amen kajela nan matuel ap wojada, wiala tuka kalaimun pot, o manpir en pan lan kaukaujon nan ra kan.  
\v 20 A pil kotin majani: Da me I en karajai on wein Kot?  
\v 21 A rajon kalep kij, me li amen ale, okila nan kajak en plaua jilu, karoj lao mutala.  
\v 22 Ni a kotilan lerujalem, a kotin padapadak jili nan kanim laud o tikitik kan.  
\v 23 Amen ap potoan on i: Main, me malaulau pan maurela? A kotin majani on irail:  
\v 24 Niani en pedelon on nan wanim tatik, pwe I indai on komail, me toto pan jojon pedelon on, a jota pan kak.  
\v 25 A kaun pan im o lao udar ritinidier wanim o, komail ap pan pikikidi letelet ni wanim o indada: Main, ritinida jan kit! A ap pan japen indan komail: I jaja komail, o waja me komail ko jan ia.  
\v 26 Komail ap pan pikikidi indada: Kit me mana o nim imp omui, o komui pil kaukawewe nan atail al akan.  
\v 27 A i me pan inda: I indai on komail, I jaja komail o waja komail ko jan ia, ko wei jan ia, komail karoj me wiawia jued.  
\v 28 Janejan o teterok ap pan wiaui, komail lao kilan Apraam, o Ijaak, o Iakop, o jaukop akan karoj nan wein Kot, a komail pijikonla jan.  
\v 29 Nan re pan kodo jan nan maj en lan, o jan nan kapin lan, o jan nan apan, o jan air en lan, o re pan mondi ni tepel nan wein Kot.  
\v 30 A kilan, me pwand akai mia, me pan madan, o me madan kai mia, me pan pwand.  
\v 31 Ni auer ota Parijar akai kodo indai on i: Koti wei jan met, pwe Erod pan kame komui la.  
\v 32 A kotin majani on irail: Komail u kowei, indai on pokj ota: Kilan I kin kauje wei tewil oko o kamakamaureda ran wet o lakap, a ni kajilu en ran I pan imwijokela.  
\v 33 I en kokola ran wet, pil lakap, pil pali, pwe jota jaukop amen me pan kamela likin lerujalem.  
\v 34 lerujalem, lerujalem, me kin kamela jaukop akan o kajuk, me pakadara don uk, pan pak loto I men kapokon pena noum jeri kan dueta lituk amen kin kompwal pena na kan pan pa a, a komail kaner,  
\v 35 Kilan, im omail pan tanla, pwe I indai on komail, komail jolar pan kilan ia, lao a pan pwaida omail pan inda: Kapina on me kotido ni mar en Kaun!   
\c 14  
\p
\v 1 KADEKADEO ni a kotilon on nan im en kaun pan Parijar amen, pwen konot ni ran en iapat; a irail majamajan i.  
\v 2 A kilan, aramaj amen mia waja o, me lijonepo.  
\v 3 Iejuj ap kotin japen majani on jaunkawewe o Parijiir akan: Me pun, en kakelada ni ran en japat?  
\v 4 Irail nenenla. I ap kotin jair i, kakelada o kadara wei.  
\v 5 Ap kotin japen majani on irail: Ij re omail, me na aj de kau pupedi on nan por o, me jo pan madan apiada jan ni ran en japat?  
\v 6 A irail jota kak japenki i meakot.  
\v 7 A kotin majani on toun kapar karajeraj eu, ni a kotin mani, me re inon ion en mondi ni tapin tepel, majani on irail:  
\v 8 Koe lao pan luke don kamadip en kapapaud ren meamen, ender mondi on leppantam, pwe ele amen, me lapa jan koe lukedor.  
\v 9 O me luk uk edo o pil i, pan kodo indai on uk: Ki on ol men et deu om! A koe pan namenok kodido on nan roulap.  
\v 10 A koe lao paluke, kola mondi on nan roulap, pwe me luke uk lao pwarado, en indai on uk: Kompoke pai, kotidato! Koe ari pan kaindand nan pun en ir, me ian uk ni tepel.  
\v 11 Pwe karoj me kin kajapwilada pein i, pan kajapwilidi, o me kin kajapwilidi pein i, pan kajapwilada.  
\v 12 Ap pil kotin majani on me lukedo i: Kom lao wiada konot en ni jauaj de nin jautik, eder lukedo kompokepa om ko, de ri om akan, de jau om, de men imp om kapwapwa kan, pwe re de pil luke uk, o depuk on uk.  
\v 13 A ma koe pan wia kamadip, en lukedo me jamama o me pali duk kai, o me jikilikil, o me majkun akan.  
\v 14 Koe ari pan meid pai, pwe irail jota pan kak depuk on uk, a a pan depuk on uk ni ran o, me pun kan pan maureda.  
\v 15 A amen ir, me ian ni tepel o lao ronadar mepukat, ap potoan on i: Meid pai, me pan jak prot nan wein Kot.  
\v 16 A a kotin majani on i: Aramaj amen mia, me wiadar kamadip lapalap o luke pena me toto.  
\v 17 O kadarala na ladu o ni dokan kamadip, pwen kaire kin irail, me pan toun kapar: Komail ukedo, pwe meakaroj onoper.  
\v 18 Irail ap wiaki eu ikidiki okotme. Men maj indai on i: I netiada jap eu, i pan kola kilan; i poeki re om, koe en kadar ia la.  
\v 19 A amen inda: I pwainda kau ol ek, a met i pan kola kilan ir; i poeki re om, koe en kadar ia la.  
\v 20 A amen inda: I paudeki li amen, i me i jota kak kokila.  
\v 21 Ladu o ari purodo, kaireki a monjap meakan. Monjap o ap makara kidar indai on a ladu: Tane wei nani al laud o al tikitik en kanim o wado me jamama kan, o me pali duk, o me jikilikil, o me majkun akan.  
\v 22 A ladu o indada: Main, a wiauier duen omui majan, a deun akai pil pil mia.  
\v 23 Monjap o ap indai on a ladu: Kakan jili nani al o ni kailan kel akan, papain ir do, pwe im ai en tounla!  
\v 24 A i indai on komail, nan jota amen ren ol oko, me paluke, pan jon ai kamadip.  
\v 25 A pokon kalaimun idauenla i. I ari jaupei on irail majani:  
\v 26 Meamen kodo re i, ap jo maliela jam a, o in a, o a paud, o na jeri kan, o ri a ol, o li akan, o pil pein maur a, nan a jota pan kak ai tounpadak.  
\v 27 A meaen jo kida a lopu o idauen ia do, a jota pan kak ai tounpadak.  
\v 28 Pwe ij re omail, me pan kauada im en taulik eu, me jota pan mondi maj ap lamelame duen pwain a, ma a pan kak on de jo?  
\v 29 Pwe a de pajonedi, ap jota kak kanikiel; a karoj, me udial, pan kaurureki i,  
\v 30 Indada: Aramaj men et pikikidi kauada im, ap jota kak kanikiela.  
\v 31 De ij nanmarki o, me pan mauin on amen nanmarki, me jota pan mondi maj ap lamelame, ma a pan kak kaloekidi aramaj nen aramaj rianen?  
\v 32 A ma jo, a pan kadarala men kadar akai, poekipoeki muei mau ni ara non doo pajan.  
\v 33 Nan iduen amen amen komail, me jo muei jan meakaroj, nan a jota pan kak ai tounpadak.  
\v 34 Jol me mau, a ma jol jarajan, da me a pan kanomanom mau kida?  
\v 35 A jolar mau on nan jap, pil jo nan pwel, pwe aramaj kin kajela. Me jalon a mia men ron, I en ron!   
\c 15  
\p
\v 1 A JAUNOPWEI o me dipan akan karoj ap kai don i pwen ron i.  
\v 2 A Parijar o jaunkawewe kan lipaned indada: Ol men et kin kompokeki me dipan akan o ian irail jakajak.  
\v 3 A a kotin majani on irail karajeraj wet:  
\v 4 Ij aramaj re omail me na jip epuki, a ma amen irail jalonalar me jo pan pwilikidi ir duekduemen nan wel ap raparapaki me jalonalar, lao a pan diarada i?  
\v 5 A lao diarada i, a kidan pon pop a pereperen.  
\v 6 A lao pure don deu a, a kin eker pena kompokepa kan o men imp a kan indai on irail: Komail ian ia perenda, pwe i diaradar nai jip me jalonalar.  
\v 7 I indai on komail, nan iduen peren pil pan mi nanlan pweki me dipan me ta men, me kalula, jan duekduemen me pun ap jota mau on kalula.  
\v 8 O ij li o me na denar eijok, eu ap jalonala jan, me jo pan ijikada lamp o koke im o, o raparapaki mau, lao a pan diarada?  
\v 9 A lao diaradar i, a kin eker pena kompokepa kan o men imp a kan indai on irail: Komail ian ia perenda, pwe i diarada ai denar o, me jalonalar.  
\v 10 Nan I indai on komail, iduen peren mi ren tounlan en Kot akan, pweki me dipan me ta men, me kalula.  
\v 11 A kotin majani: Aramaj amen mia, me na ol riamen.  
\v 12 A me tikitik re ’ra indai on jam a: Jam ai, kotiki don ia pwaij ai en jojo, me udan ai. I ari nene on ira ara dipijou kan.  
\v 13 A murin ran akai me tikitik ren ol oko ki pena a dipijou karoj, ap jailokalan jap doo, waja a kajela mal a kapwa kan nin tiak jued.  
\v 14 A lao kamuje weita a kapwa karoj, lek lapalap ap pwaida jap o, i ari dupokalar.  
\v 15 I ap koieila dodok ren me pweledan jap o men. I ap kadarala i, pwen kamana na pwik kan.  
\v 16 I ari inon ion, kankan wan tuka kai, me pwik kin namenam, a jota me mueid on i.  
\v 17 A kadekadeo i lao lolekonalar, ap indada: Ladu me depa mi ren jam ai, me kan ar mana me rak, a nai pan mekila jo kan ai mana.  
\v 18 I pan uda purela ren jam ai indai on i: Jam ai, i wiadar dip on nanlan o on komui.  
\v 19 I jolar waron adaneki noumui putak, komui ari wia kin ia ladu ’mui men.  
\v 20 I ari uda purela ren jam a. A ni a mi waja doo, jam a kilanada i, ap pokela, pitipiti don i o polodi i, metik i.  
\v 21 A putak o indai on i: Jam ai, i wiadar dip on nanlan o on komui, i jolar war on adaneki noumui putak.  
\v 22 A jam majani on na ladu kan: Wado likau kajampwal o kalikauwia kida i, o ki on rin ni jendin pa a, o jut ni na a kan.  
\v 23 O wado kau pul wi o kamela, pwe kitail en kan o pereperen.  
\v 24 Pwe nai putak men et melar ap mauredar, a jalonalar ap diarokadar. Irail ari perendar.  
\v 25 A na putak laud mi nan jap o. Ni a pure don koren ion im o, ap ronadar kakaul o kakalek,  
\v 26 Ap kalelapok ren ladu men duen ar wiawia.  
\v 27 A indan i: Ri omui ol puredo, jam omui ap kamela kau pul wi o, pwe a diaradar I memaur o kelail.  
\v 28 A ap makara kida o jota men pedelon, jam a ap pedoi don re a poekipoeki.  
\v 29 A a japen indan jam a: Kom mani, par toto me i papa komui, o i jaikenta kawela eu omui majan akan, a kom jota kotiki on ia kijin kut amen, i en kamadipeki kompoke pai kan.  
\v 30 A noumui putak men et lao kodo, murin a kamuje wei a dipijou ren me jued akan, komui ap ijik on i kau pul wi o.  
\v 31 Jam a ap majani on i: Nai jeri, koe kin mimieta re ian jau karoj, o ai meakaroj me om.  
\v 32 Me mau, koe en peren o injenemau. Pwe ri om ol men et melar, ap mauredar, a jalonalar ap diarokadar.   
\c 16  
\p
\v 1 A PIL kotin majani on tounpadak kan: Ol kapwapwa men mia, me a jaunkoa men indandeki, a peitlakit a koa kapwa kan.  
\v 2 I ari eker don i indan i: Iaduen ai ronadar duen koe? Kaineneta noum kijin likau duen om dodok! Pwe koe jolar kak jaunkoa.  
\v 3 Jaunkoa ap madamadaua indada: Da me i en wia, pwe ai monjap pan ki jan ia ai koa, nan I jota kak weweir, a poekipoeki me i namenokki.  
\v 4 I ap ajada, me i pan wia, i lao japwilidi jan ai koa, pwe irail en kajamo ia Ion on nan im ar akan.  
\v 5 I ari ekeredo me pwaipwand on a monjap, ap idok ren men maj: Da me om pwaipwand on ai monjap?  
\v 6 A inda: Potel en le epuki. A indai on i: Ale noum puk mondi pitipit intiniedi me limeijok!  
\v 7 Ap pil indai on amen: A koe, da me om pwaipwand? A inda: Kopa en wan korn epuki. A indan i: Ale noum puk intiniedi me waleijok!  
\v 8 Monjap ap kapina jaunkoa japun, pweki a dodok lolekon. Pwe jeri en jappa kan me lolekon ni jon ar jan jeri en marain akan.  
\v 9 I ap indai on komail, komail wia kompoke pamail ki mamon japun pwe komail lao jama malar, ren kajamolon on nan deu potopot.  
\v 10 Meamen apwali mau me tikitik o, nan i me pil kin apwali mau me lapalap. A me kin japun ni me tikitik o, nan i me pil japun ni me toto.  
\v 11 Ma komail jota apwali mau ai pali pa, ij me pan liki on omail pai pali poa?  
\v 12 O ma komail jota apwali mau en amen a kapwa, ij me pan liki on komail me udan omail?  
\v 13 Jota ladu men me pan kak papa jaumaj riamen; pwe a pan kailonki amen o pok on me teio. De kajampwaleki amen o mama leki me teio. Komail jota pan kak pariai pena Kot o mamon.  
\v 14 Pari jar akan, me kin pok on moni, pil ronadar mepukat, ap kaurureki i.  
\v 15 A kotin majani on irail: Nan komail me kin akapunki pein komail ren aramaj, a Kot kin mani nan monion omail. Pwe me kajampwal ren aramaj, kin me mal ren Kot.  
\v 16 Kapun o jaukop akan kokoper lel ni muein Ioanej. A jan ni anjau o ronamau en wein Kot kin lolok jili, a karoj kin pedelonki manaman.  
\v 17 Nan me monai, lan o jappa pan jorela, jan ekij kijan kapun en lokidokila.  
\v 18 Meamen kajela a paud, ap paudeki amen li, nan i me kamal, o meamen me paudekida me lokidokila jan ren ol amen, nan i me kamal.  
\v 19 Ol kapwapwa men mia, me a likau waitata o materok o a kin kamadip o peren ni ran karoj.  
\v 20 O pil amen ol me jamama, ad a Lajaruj, me kin wonon pan wanim en ol kapwapwa o; a kenjela kili karoj.  
\v 21 Ap men tunole maremor akan, me kin pupedi ni tepel en me kapwapwa; a kidi kan kin tamotamo a kenj akan.  
\v 22 A kadekadeo me jamama o mela o tounlan kai ap wadala pon kapa en Apraam. A me kapwapwa o pil mela o jaredier.  
\v 23 Ni a mi nan pweleko, wajan waiwairok, ap jarada, udial Apraam ni waja doo o Lajaruj mondi pon kapa,  
\v 24 Ap likwirda indada: Jam (ai) Apraam, kom kotin kupura ia, poronedo Lajaruj en kaduedi jondin pa a nan pil, ki on pon lo i, pwe i kin waiwairok nani iai wet.  
\v 25 A Apraam kotin majani: Nai, tamanda, me koe tunoler om mau kan karoj ni maur om, a Lajaruj a me jued akan; ari a pan pereperenta, a koe pan kalokolok.  
\v 26 A pil eu me kawela, wau kalaimun eu mi nan pun atail, pwe ma amen kit men japale won re omail, a jota pan kak, pil jota amen komail pan kakedo.  
\v 27 A ap inda: I ap men poeki, jam ai, komui en kotin poronelan Lajaruj nan im en jam ai.  
\v 28 Pwe ri ai ol me limen, me a pan kaajaki irail; pwe ren de lel on waja apwal wet!  
\v 29 A Apraam majani on i: Mojej o jaukop akan mi re ’rail, ren nok ron irail.  
\v 30 A ol o potoan on: Kaidin jam (ai) Apraam, a ma amen jan ren me melar akan pan pwara don irail, rap pan kalula.  
\v 31 A ap majani on i: Ma re jota pan ron Mojej o jaukop akan, re pil jota pan pojon la, ma amen pan maureda jan ren me melar akan.   
\c 17  
\p
\v 1 A KOTIN majani on japwilim a tounpadak kan: Nan jota kak, men kamakar kan en jo pwaida, a juedi on me kokido.  
\v 2 A mau on, takai en ir plaua eu en paudoki on ni tapin wor a, ap lokidokila nan madau, jan a kamakar amen tikitik pukat.  
\v 3 Kalaka pein komail! Ma ri om ol wia dipi on uk, en kapun on i, a ma a pan kalukila, maki on i.  
\v 4 A ma a wia dipi on uk pan ijepak ni ran eu o pure don uk pan ijepak indada: I kalula, koe en maki on i!  
\v 5 A wanporon akan potoan on Kaun o: Re kotin kalaudela at pojon!  
\v 6 A Kaun o kotin majani: Ma omail pojon laudi on wan katirin, komail pan kak indai on tuka pik pot et: Kai jan, kajau on nan madau, a pan oke komail.  
\v 7 A ij re omail, me a ladu men, me kin matimat o kamakamana man akan, pan indan i ni a puredo jan matuel o: Madan kodo mondi o mana?  
\v 8 A jota pan indan i: Kaonopada me i pan mana nin jautik o, kaiada om likau, papa ia, lao i manaer o nim, a muri koe pan mana o nim.  
\v 9 De a pan danke ladu pweki a wiada, me a majani on i? I lamelam jo.  
\v 10 Pil dueta komail, komail, lao wiadar meakan me kakaliki on komail er, komail ap pan inda: Kit ladu mal, pwe i eta, me je wiadar, me kakalik on kit er.  
\v 11 Kadekadeo ni a kotilan Jerujalem, a kotin weid nan wein Jamaria o Kalilaa.  
\v 12 O ni a kotin kotilon on nan kijin kanim eu, purai kit!  
\v 13 Irail nil laudeda indada: Main Iejuj, kupurai kit!  
\v 14 A lao kotin majanier, ap majani on irail: Komail koieila kajanjale on pein komail on jamero kan. Kadekadeo ni arail kokola irail kelailada.  
\v 15 A amen irail ni a kilaner me a kelailadar, ap puredo nil laudeda, kapikapina Kot.  
\v 16 O poridi jan aluwilu a, danke i; ari, i men Jamaria men.  
\v 17 Iejuj kotin japen majani: Kaidin me ek, me kelailadar, a ia me duemen oko?  
\v 18 Jota me pure don kapina Kot, ol en liki men et eta?  
\v 19 A majani on i: Uda ko wei, om pojon me kakel uk ada!  
\v 20 Parijar akai lao kalelapok re a: Dokan da me wein Kot pan pwaida? A kotin japen majani: Nan wein Kot jota kin janjal kokodo.  
\v 21 Irail jota pan indada: Kilan met, de kilan monen, pwe kilan, wein Kot mi lol omail.  
\v 22 A kotin majani on japwilim a tounpadak kan: Ran oko pan kodo, me komail pan men kilanada ran eu en Nain aramaj, a komail jota pan kak kilan.  
\v 23 Irail pan indai on komail: Kilan monen, de kilan met! A der kola o der idauen ir ala!  
\v 24 Pwe duen liol kin linalin jan apali en lan lel pali teio en lan, iduen Nain aramaj ni a ran o.  
\v 25 A maj a pan kalokolok toto o lokidokila ren di wet.  
\v 26 O duen a wiaui ni muein Noa, iduen a pan wiaui ni ran oko en Nain aramaj:  
\v 27 Irail mana, irail nim, irail papaud, irail kapapaud, lao lei ran en Noa a pedelon on nan war im o, o nolik pwaida kamom ir ala karoj.  
\v 28 Pil dueta ni muein Lot: Irail mana, irail nim, irail netinet, irail japajap, irail kauadar im,  
\v 29 A ni ran o, me Lot koiei jan Jodom, kijiniai o jwepel ap moredi jan nanlan, kame ir ala karoj.  
\v 30 Nan iduen a pan wiaui ni ran, me Nain aramaj pan janjaledo.  
\v 31 Ni ran o meamen mi pon im, o a kapwa mi nan im, a ender kodi on ale. O pil dueta me mimi nan jap, i ender puredo.  
\v 32 Tamatamanda en Lot a paud!  
\v 33 Pwe meamen kanakanai on maur a, pan pupe jan, a me pan kajela, nan i me pan maureta.  
\v 34 I indai on komail, ni pon ota ol riamen pan wonon pon pet eu, amen pan peuka jan, a me teio pan mimieta.  
\v 35 Li riamen pan irij pena plaua, amen pan peuka jan, a me teio pan mimieta.  
\v 36 Ol riamen pan mi nan jap, amen pan peuka jan, a me teio pan mimieta.  
\v 37 Irail japen potoan on i: Ia Main? A kotin majani on irail: Waja me man mat mi ia, nan i waja pwin ikel pan pil pokon pena ia.   
\c 18  
\p
\v 1 A PIL kotin majani on irail karajeraj eu, me ren poden kapakap o der panada.  
\v 2 A kotin majani: Jaunkapun amen mi nan kanim eu, me jota lan Kot, o jota injenoki aramaj amen.  
\v 3 A li odi men mi nan kanim ota, me poto don i potoan on: Kom kotin jauaja ia on me kailon kin ia!  
\v 4 A a kan maj o, a kadekadeo a monemoneloleki: Nan i jota lan Kot, o pil jota injenoki aramaj,  
\v 5 A pweki li odi men et a kadiropa ia. i pan jauaja i. pwender purodo kadiropa ia.  
\v 6 Kaun o ap kotin majani: Komail ron, me jaunkapun japun indada!  
\v 7 A iaduen Kot, a jota pan kotin jauaja japwilim a pilipildar akan, me kin likelikwir on i ni ran o ni pon? Pala a pan kotin pwapwand?  
\v 8 I indai on komail: nan a pan madan jauaja ir. Ari jo, Nain aramaj lao pwarado, da, a pan diar pojon ni jappa?  
\v 9 A pil kotin karajai on irail me kin aka punki pein irail, ap aka japunki me tei kan:  
\v 10 Aramaj riamen kodala on nan im en kaudok pwen kapakap. Amen ira Parijar, a amen jaunopwei men.  
\v 11 Parijar o kajinenda kelepela ekij waja kapakap due met: Main Kot, i danke ir, me i jota dueta aramaj tei kan: Lolap, japun, kamal, de dueta jaunopwei men et.  
\v 12 I kin kaikaijole pan riapak ni wik eu o koleireki eijokkij eu en ai kapwa karoj.  
\v 13 A jaunopwei u doo jan ekij waja, ap jota men jarada nanlan, a a pikir maramar a indada: Main Kot, re kotin kupura ia me dipan!  
\v 14 I indai on komail, ol men et kodila deu a punala mon me teio. Pwe me kin kajapwilada pein i, pan kajapwilidi, a me kin kajapwilidi pein i pan kajapwilada,  
\v 15 Irail ap wa don i kijin jeri kai, pwen kotin jair ir. A japwilim a tounpadak kan lao kilaner, re ap kapoui irail.  
\v 16 A Iejuj kotin molipe ir majani: Mueid on kijin jeri kan, en kodo re i! Der kalik irail edi! Pwe irail me udan wein Kot.  
\v 17 Melel I indai on komail, meamen, me jota ale wein Kot rajon kijin jeri men, a jota pan pedelon on lole.  
\v 18 A monjap amen idok re a majani: Jaunpadak mau, da me I en wiada, pwen jojoki maur joutuk?  
\v 19 Iejuj ari kotin majani on i: Da me koe indaki, me I me mau? Jota me mau men, Kot eta.  
\v 20 Koe kin aja kujoned akan: Koe der kamal; koe der kamela aramaj; koe der pirap, koe der kinekine mal, kakaki jam om  
\v 21 I ari indada: Nan mepukat karoj i kin wiawia jan ni ai tikitik kokodo.  
\v 22 Iejuj lao mani mepukat, ap majani on i: Me ta kij me lua, netikila om kapwa karoj, o nene on me jamama kan, a om pai pan mi nanlan, ap kodo idauen ia do.  
\v 23 A lao ronadar met, ap injenjuede kila melel, pwe a kapwapwa kaualap.  
\v 24 A Iejuj lao kotin majani, me a injenjuedela, ap majani: Nan me apwal on me kapwapwa kan, en pedelon on nan wein Kot.  
\v 25 Pwe me manai, kamel en tilon nan por en dikok, jan ol kapwapwa men pedelon on nan wein Kot.  
\v 26 Irail me roneron indada: Ari, ij me kak on maur?  
\v 27 A kotin majani: Me aramaj akan jo kak on, Kot me pan kak on.  
\v 28 Petruj ap potoan on: Re kotin mani, kit me likid maliela meakaroj ap idauen la ir.  
\v 29 A kotin majani on irail: Melel I indai on komail, nan jota me likidmaliela im a, de jam, de in a, de ri a ol akan, de a paud, de na jeri kan pweki wein Kot,  
\v 30 Me jo pan id aneki me lapalap ni anjau wet o ni muei kokodo maur joutuk.  
\v 31 A kotin ukala ekriamen ko majani on irail: Kilan, kitail kin kodalan Ierujalem, o karoj pan pwaida, me intinidier ren jaukop akan duen Nain aramaj.  
\v 32 Pwe a pan panala ren men liki kan, pwe re pan kapikapiti I o ki jan wau i, o kondipi on i.  
\v 33 O re pan woki i o kamela, a ni kajilu en ran a pan maureda.  
\v 34 Irail ari jota man weweki mepukat, o majan pot et me rir jan irail. Re pil jaja, me a kotin majani.  
\v 35 A kadekadeo ni a koren ion Ieriko, ol majkun amen momod pon kailan al, poekipoeki.  
\v 36 I lao ronadar pokon o me daudaulul, ap idok due.  
\v 37 Irail ari indan i, me Iejuj men Najaret kotin daulul.  
\v 38 I ari nil laudeda potoan on: Iejuj, japwilim en Dawid, kotin kupura ia!  
\v 39 A me tion moa kidekidaue i, en nenenla: a i ap kalaudela a poekipoeki: Japwilim en Dawid, kotin kupura ia!  
\v 40 Iejuj ap kotin udi on waja o, majani, ol o en wijike don i. A lao koren ion imp a, ap kotin kainoma re a.  
\v 41 Majani: Da me koe men, I en wiai on uk? A potoan on: Main, i men potoan narada waja.  
\v 42 A Iejuj kotin majani on i: Kilan waja, om pojon me kakel uk ada!  
\v 43 Ap pitipit kilanada waja, o idauenla i, o kapina Kot, o aramaj karoj, me udial met, ap kapikapina Kot.   
\c 19  
\p
\v 1 I ARI kotilon on nan kanim Ieriko, ap kotin daulula.  
\v 2 A kilan, ol kapwapwa men mia, ad a Jakauj, me jaumaj en jaunopwei kan.  
\v 3 A men kilan Iejuj, pwen aja, ij i, ap jota kak, pweki pokon o, o a jakakair.  
\v 4 I ari tion mo ’rail, dauda nin tuka pot, pwen kak kilan i, pwe a pan kotin daulul waja o.  
\v 5 A lao lel waja o Iejuj ap kotin majanda diar i, majani on i: Jakauj, madan daudi, pwe I pan pedelon on nan im om ran wet.  
\v 6 I ari madan daudi kajamo i pereperen.  
\v 7 Irail lao kilaner met, karoj ap lipanedeki inda: A pedeloner, pwen kairu ren ol dipan amen.  
\v 8 A Jakauj potodo potoan on Kaun o: Main re kotin mani, apali en ai kapwa i pan kijakijaki me jamama kan, o ma i kotaue amen, i kin kajapal won i pan pa pak laude jan.  
\v 9 Iejuj kotin majani on i: Maur me pwara don nan im wet ran wet, pwe a pil nain Apraam amen.  
\v 10 Pwe Nain aramaj pwara don rapaki o kamaureda me jalonalar.  
\v 11 A ni ar ronadar mepukat, a pil kotin majani karajeraj eu, aki koren ion Ierujalem, o re kiki on, me wein Kot pan madan janjaleda.  
\v 12 A kotin majani: Ol lapalap amen kolan jap doo eu, pwen nine mar a, ap pan puredo.  
\v 13 I me eker pena na ladu ek, o ki on irail paun eijok, indan irail: Komail dodokki, i lao puredo.  
\v 14 A na aramaj akan kailonki i, kadarala mur i kaireki lan i: Je jota mauki, ol men et en kaun kit.  
\v 15 Kadekadeo a lao puredo, murin a aleer wei o, ap ilakelan ladu kan, me a ki on na moni, pwen aja duen en amen amen ar kalaudelar na moni.  
\v 16 Men maj ap pwarado indada: Main, omui paun kareda paun eijok.  
\v 17 A indan i: Meid pai ladu mau koe, aki om apapwali mau me tikitik, koe pan id kaunda kanim eijok.  
\v 18 O kariamen ap pwarado indada: Main, omui paun me kareda paun limau.  
\v 19 A pil indan i: Koe pan kaunda kanim limau.  
\v 20 O pil amen pwarado indada: Main, mani, ietet japwilim omui paun, me i nekidala nan lim en pudo.  
\v 21 Pwe i majak komui, pwe I petik amen komui. Komui kin aleda, me kaidin komui kidier, o dolun jan, me kaidin komui padukedier.  
\v 22 A indan i: Jan nan au om I pan kadeik kin uk ada ladu jued koe. Koe ajaer, me ol petik amen nai, me kin ale, me kaidin nai kidier o dolun jan, me kaidin nai padukidier.  
\v 23 Menda koe jota wala nai moni wajan kanaitik, o i lao puredo, i pan ale me udan ai ianaki moni naitik.  
\v 24 A indai on irail me u impa: Ale jan i paun o, ki on ren me a paun eijok!  
\v 25 Irail indai on i: Main, nan a nainekier paun eijok.  
\v 26 Pwe I indai on komail, meamen, me a mia, ekij pan ko on, a me jota a mia, nan a pwitikatik pil pan katia jan.  
\v 27 A ir, ai imwintiti, me kan, I en kakaun ir, wa ir do, o kame ir ala mo i!  
\v 28 A lao kotin kaimwijokala a majan pukat, ap kotiwei kotidala Ierujalem.  
\v 29 Kadekadeo a lao koti don Petpake o Petanien impan dol me ad a Oliwe, ap kotin poronela japwilim a tounpadak riamen,  
\v 30 Majani: Koma ko on nan kanim monen, koma lao pedelon, koma pan diarada ejel pul amen jalidi, me aramaj amen jaik mohdi poa. Lapwada i, ap karedo!  
\v 31 A ma meamen pan idok re oma: Da me koma lapwa kida i? Koma ap pan inda: Kaun o men dake.  
\v 32 A ira me pakadara wei, ap kola o diarada, duen a kotin majani on ira.  
\v 33 A ni ara lawada ejel pul o, ol oko, me naineki, ap indan ira: Da me koma lawa kida ejel pul en?  
\v 34 Ira ap indada: Kaun o men dake.  
\v 35 Ira ari wado ren Iejuj, ap irepadi pon ejel pul arail likau kan ap potoan dan Iejuj poa.  
\v 36 Ni a kotikot kokowei, irail ap irepakidi arail likau kan nani al.  
\v 37 A lao kotin korendor kotidila dol Oliwe tounpadak kan karoj ap wiaki eu nil laudeda kapina Kot, pweki manaman akan karoj, me re kilaner,  
\v 38 Indada: Kapina on Nanmarki, me kotido ni mar en Kaun! Nanlan en popol o linan waja ileile!  
\v 39 A Parijar kai kijan pokon o indai on i: Jaunpadak, kotin kidaue japwilim omui tounpadak kan.  
\v 40 I ari kotin japen majani on irail: I indai on komail, ma mepukat pan nenenla, takai pan id kadededa.  
\v 41 A lao kotin korendor, ap majani kanim o, ap tontonireki,  
\v 42 Majani: O i men, koe en dedeki om ran mau wet, me pan kare on uk popol: Ari, a rir janer mon maj om.  
\v 43 Pwe ran apwal ko pan lei on uk, me om imwintiti pan kele kin uk pena o it pena jan ni pali karoj;  
\v 44 O irail pan kaje uk ala ianaki noum jeri kan, o re pan karonk uk ala; jota eu takai pan mimieta pon eu, pweki om jota dedeki anjaun om kajojon.  
\v 45 I ari kotilon on nan im en kaudok, ap jikon jan me netinet lole,  
\v 46 Majani on ir: Nan a intinidier: Im ai im en kapakap, a komail wiaki deun lolap akan.  
\v 47 I ari kotin kaukawewe nan im en kaudok ran karoj. A jamero lapalap, o jaunkawewe, o me lapalap akan ren aramaj raparapaki, en kamatala i.  
\v 48 A re jota kak diar, me ren wiada, pwe aramaj karoj apwali i kaualap o men ron i.   
\c 20  
\p
\v 1 KADEKADEO eu ran ni a kotin kawewe on aramaj akan nan im en kaudok o, o padaki ronamau, jamero lapalap, o jaunkawewe, ianaki jaumaj akan ap ko don i.  
\v 2 Potoan on i indada: Majani on kit, manaman en ij, me komui wiaki mepukat? De ij me ki on komui manaman wet?  
\v 3 A kotin japen majani on irail: I pil pan kalelapok meakot re omail, komail en japen ia!  
\v 4 En Ioanej a paptaij men nanlan, de me ren aramaj?  
\v 5 Irail ap lamelame nan pun arail indada: Ma kitail pan inda, men nanlan, a pan majani on kitail: Da me komail jo pojonki i?  
\v 6 A ma kitail inda, me ren aramaj, aramaj karoj ap pan kate kit, pwe re kin wia jaukopki Ioanej.  
\v 7 Irail ari japen, me re jaja, waja me a kojan ia.  
\v 8 Iejuj ap kotin majani on irail: Ari, I pil jota pan indai on komail, manaman en ij, me I wiaki mepukat.  
\v 9 A ap kotin tapiada majani on pokon o karajeraj wet: Aramaj amen padukedier mat en wain eu, ap liki on jaumat akai, o kokola nan wai anjau warai.  
\v 10 A lao anjau, a kadaralan jaumat akan ladu men, pwe ren ki on kijan wan wain. A jaumat akan woki i, o kadarala i kaip.  
\v 11 A murin met a pil kadarala amen ladu, a re pil woki i, o wia juedi on, o kadarala i kaip.  
\v 12 A murin met a kadarala kajilimen. A re pil kame i o jiken wei jan.  
\v 13 Monjap en mat en wain o ap majani: Da me i en wiada? I pan kadarala nai ol kompok, ele re pan majak, ni ar pan kilan i.  
\v 14 A jaumat akan lao kilaner i, rap lamelame nan pun ar indada: Iei i, me pan ale jojo, kitail pan kamela, pwen id aneki a jojo.  
\v 15 Irail lao kajapoka jan i nan matuel o, ap kamela i. Da me monjap en mat en wain pan wiai on irail?  
\v 16 A pan kodo kamela jaumat pukat, ap liki on akai a mat en wain. Irail lao roner mepukat, rap indada: O mepukat jota pan wiaui!  
\v 17 A kotin jaupei won irail ap kotin majani: Iaduen wewe en intin wet: Takai o, me jauje kajapokela, id wiala takai en pukakaim?  
\v 18 Meamen, me pupedi pon takai wet pan ola. A me a pupedi on poa, a pan kapitaka pajan i.  
\v 19 I dokan o jaunkawewe o jamero lapalap akan raparapaki en jaikidi i. A re majak aramaj akan, pwe re muilikiada, me a karajeraj kin irail.  
\v 20 Irail ari majamajan i o kadarala liparok kai, me pan wia kin pein irail aramaj pun, pwe ren jaikikidi i a majan akan ap panalan jaunkapun o manaman en kopina.  
\v 21 Irail ari kalelapok re a potoan on: Jaunpadak, kit potoan aja, me ar majan o padak kan me pun, o re jota kotin kupuroki janjal en aramaj. Pwe re kin kotin kaukaweweda melel duen al en Kot.  
\v 22 Me pun kit en nopwei on nanmarki, de jo?  
\v 23 A i kotin mani ar widin, ap majani on ir: Da me komail kajonejon kin ia?  
\v 24 Kajale don ia denar eu! Mom en ij o intin wet? Re japen potoan on: En nanmarki.  
\v 25 A i kotin majani on irail: Ari komail ki on nanmarki, me nain nanmarki, o on Kot, me japwilim en Kot!  
\v 26 Irail ari jota kak jaikikidi I a majan akan mon pokon o. Irail puriamuiki me a kotin japen, o nenenlata.  
\v 27 Jadujar akai, me kin inda, me dene melar akan jolar pan maureda, ap kai don i kalelapok re a,  
\v 28 Potoan on: Jaunpadak, Mojej intinie don kit, ma ri ol en amen pan mela, me a paud li dapwan men, ri a ol ap pan paudekida i, pwen kaipwi on ri a ol na jeri kai.  
\v 29 Ari, pwin pirien, ol ijimen mia, men maj paudeki li amen, ap mela, a jota na jeri ko.  
\v 30 A kariamen paude kida li o ap mela a jota na jeri ko.  
\v 31 A kajilimen paude kida i, iduen ir ijimen karoj, re mela, ap jota nairail jeri ko.  
\v 32 A ikmuri li o pil mela.  
\v 33 Ari, ni en me melar akan ar iajada, a pan en ij a paud? pwe ir ijimen karoj paude kida i.  
\v 34 Iejuj kotin majani on irail: Jeri en jappa et kin papaud o kapapaud.  
\v 35 A me war on ale eu jap o konodi maureda jan ren me melar akan, re jota kin papaud de kapapaud.  
\v 36 Pwe re pil jolar kak mela. Pwe re paroki on tounlan kan, o re jeri en Kot akan, pwe re jeri en kamaur.  
\v 37 A duen en me melar akan ar pan maureda, Mojej pil kadededa, ni a udial tuka o, ni a kaadaneki Kaun o: Kot en Apraam, o Kot en Ijaak, o Kot en Iakop.  
\v 38 Pwe Kot kaidin Kot en me melar akan, a en me maur akan, pwe karoj memaur on i.  
\v 39 A Jaunkawewe kai japen indada: Jaunpadak, ar majan me pun.  
\v 40 Irail ap jolar kak peidok re a okotme,  
\v 41 I ari kotin majani on irail: Iaduen ar indinda, me Krijtuj nain Dawid?  
\v 42 A pein Dawid katitiki nan puk en Pjalm: Kaun o kotin majani on ai Kaun: Mondi on ni pali maun i.  
\v 43 Lao I pan wia kida om imwintiti utepan na om.  
\v 44 Dawid ari wia kin i a Kaun, a iaduen a pan kak na ol?  
\v 45 A ni aramaj karoj ronadar, a kotin majani on japwilim a tounpadak kan:  
\v 46 Kalaka jaunkawewe kan, me kin mauki momait jili nan likau reirei o mauki, aramaj en ranamau on irail nan waja en netinet akan, o men mondi leppantam nan jinakoke kan o ni tapin tepel.  
\v 47 Me kin nopur im en li odi kan, liajojki kapakap reirei, mepukat pan panalan kadeik apwal.   
\c 21  
\p
\v 1 A KOTIN aupwil jili ap majani, me kapwapwa kan kajedi on ar mairon nan deun mairon.  
\v 2 A pil kotin majani, me li odi jamama men kajedi on lepta riau.  
\v 3 A kotin majani: Melel I indai on komail, li odi jamama men et kajedi on laude jan irail karoj  
\v 4 Pwe mepukat karoj kajedi on mairon en Kot jan ni ar pai, a li men et kajedi jan ni a jamama, a dipijou karoj, me a naineki.  
\v 5 Akai lao kajokajoiadar duen im en kaudok, me kapwata kida takai kajampwal akan o kapwa en mairon kai, ap kotin majani:  
\v 6 Ran oko kokodo, karoj, me komail ududial, pan karank pajan, jota eu takai pan mi pon eu.  
\v 7 Irail kalelapok re a potoan on: Jaunpadak iad mepukat pan pwaida? O da pan kilel en mepukat pan wiaui?  
\v 8 A kotin majani: Komail kalaka, pwe meamen de kotaue komail! Pwe me toto pan kodo ni ad ai o pan inda: Nai I o anjau korendor! A komail der idauen ir ala.  
\v 9 A komail lao ron duen mauin o muei jued, ender majak, pwe mepukat pan wiaui maj, a jaikenta imwi.  
\v 10 A kotin majani on irail: Toun jap eu pan u on eu jap, o wei eu pan u on eu wei.  
\v 11 O rerer laud en jap akan pan wiaui, o lek, o jon en jomau pan pwaida, o pil janjal kama japwek kai, o kilel lapalap akan pan pwarada jan nanlan.  
\v 12 A mon mepukat re pan jaik komail edi, o kame komail, o pana komail la nan jinakoke kan o imaten pwen kalualan ren nanmarki o jaumaj akan pweki ad ai.  
\v 13 A mepukat pan wiaui on komail, pwen kadede kin ia.  
\v 14 Komail ari inauki on pein komail nan monion omail, me komail jota pan patauki, me komail pan japenki.  
\v 15 Pwe nai me pan kalokaia komail, o kalolekonla, pwe me kailon kin komail, en jota kak kalikama, o jo palian.  
\v 16 A jam o in omail, o ri ol akan, o jau omail, o kompokepa kan pan pana komail la, o akai komail me re pan kamela.  
\v 17 O aramaj karoj pan kailon kin komail pweki ad ai.  
\v 18 A jota pit en mon omail pit pan lokidokila.  
\v 19 Dore kila kanonama maur omail:  
\v 20 A komail lao udial, me jaunpei kan kapili pena Ierujalem, komail ap ajaki, me a ola korendor.  
\v 21 A me mimi Iudaa, ni anjau o, en tandala nan nana; o me mi nan waron a, en pitila jan; o me mimi nan jap, ender purelan i.  
\v 22 Pwe i anjaun depuk, pwe karoj, me intinidier, en pwaida.  
\v 23 Juedi on me lijean o me kadidi jeri ni ran oko! Pwe kalokolok pan lapalapia nan jap et o onion on aramaj pukat.  
\v 24 O re pan kame kila kodlaj, o jalilan wei karoj, o lerujalem pan tiak pajan ren men liki kan, lao anjau en men liki kan, pan lel.  
\v 25 O kilel akan pan wiaui ni katipin, o jaunipon, o uju kan, o aramaj nan jappa pan majak onpan pinidar, o madau o iluk kan pan anian nil laudeda;  
\v 26 O aramaj akan pan okila ar majak o auiaui me pan wiaui nan jappa; pwe kel en lan akan pan mokideda.  
\v 27 Irail ap pan kilanada Nain aramaj a kodido ni dapok ki rojon o linan kaualap.  
\v 28 Mepukat lao pikikidi wiaui, komail ap jarada o kajinenda, pwe a leler omail kamaioda.  
\v 29 A kotin majani karajeraj eu on irail: Kilan tuka pik o tuka karoj!  
\v 30 Ni omail kilan me irail wiliada, komail kin ajaki, me rak o me korendor.  
\v 31 Iduen komail, komail lao kilan mepukat lao wiaui, komail ajaki, me wein Kot korendor.  
\v 32 Melel I indai on komail, di wet jota pan imwila mon mepukat karoj pan pwaida.  
\v 33 Lan o jappa pan jorela, a ai majan akan jota pan poula.  
\v 34 Komail ari kalaka pein komail, pwe monion omail de toutouki kaped en mana, o kamom jakau, o nononki maur et, o ran o ap madan lel don komail.  
\v 35 Pwe likamata injar eu, a pan ko don karoj, me kin kakaujon jappa.  
\v 36 Komail ari majamajan o poden kapakap, pwe komail en war on en piti jan mepukat karoj, me pan wiaui, o en pat on Nain aramaj.  
\v 37 Ni ran o a kotin kaukawewe nan im en kaudok o, a ni pon a kotieila kotikot pon dol o me adaneki Oliwe.  
\v 38 O aramaj karoj jankonai pokon don i nan im en kaudok o, pwen ron i.   
\c 22  
\p
\v 1 A KAMADIP en prot jomut korendor, me adaneki paja.  
\v 2 Jamero lapalap o jaunkawewe kan raparapaki, pwen kamatala i, pwe irail majak aramaj akan.  
\v 3 A Jatan tilon on Iudaj me adaneki Ijkariot, me kijan ekriamen ko.  
\v 4 I ari koieila ren jamero lapalap o jaumaj akan, kalelapok duen a pan panalan ir i.  
\v 5 Irail ari peren kida, wiaki eu en ki on i moni.  
\v 6 I ari inauki on irail, o raparapaki, duen a pan panalan ir i jo moromoron.  
\v 7 Ran en prot jomut ap leler, anjaun kamela paja.  
\v 8 I ari poronela Petruj o loanej majani: U kowei, kaonopadan kitail paja, pwe kitail en mana.  
\v 9 Irail idok re a: la waja, re kotin kupura, jen kaonopada?  
\v 10 A kotin majani on irail: Kilan, koma lao pedelon kanim o, aramaj amen pan tu on koma, me wa pakit en pil eu, idauen i nan im o, me a pedelon on lole!  
\v 11 Koma ap indan kaun pan im o: Jaunpadak o majanie don komui: Ia pera en kairu, waja I pan mana paja ia ianaki ai tounpadak kan?  
\v 12 I ari pan kajale on koma weip poa eu, me audeki men momod, i waja koma pan kaonopada!  
\v 13 Ira lao koieila, ap diarada, duen a kotin majani on ira; ira ap kaonopada paja.  
\v 14 Auer lao leler, i ap kaipokedi ni tepel o wanporon ekriamen ian i.  
\v 15 I ap kotin majani on irail. I anane melel ian komail mana paja wet mon ai pan kalokolok.  
\v 16 Pwe I indai on komail, I jolar pan kan jan met kokolata, a lao kapunala nan wein Kot.  
\v 17 I ari kotikida dal o laolaoki a majani: Ale met, nek nan pun omail!  
\v 18 Pwe I indai on komail, I jolar pan nim jan kijan wan wain, wein Kot lao pwaidar.  
\v 19 A kotin limada prot, laolaoki o pilitiki pena, ap kotiki on irail majani: War ai metet, me panalan komail! Komail en wia me wet, men kataman kin ia.  
\v 20 O pil dal en nim murin kajipon majani: Dal wet kadede kap ni mom en nt’ ai, me kapwilepilidi on komail.  
\v 21 A kilan, pa en me pan pan ia la, me ian ia ni tepel o.  
\v 22 Nan melel, Nain aramaj pan kokola duen a kileledier, a juedi on aramaj o, me a pan pankila!  
\v 23 Irail ari pikikidi idok nan pun arail, ij re irail, me pan wiada met?  
\v 24 Irail pil akamaiki nan pun arail, duen ij me pan lapalap re irail.  
\v 25 A kotin majani on irail: Nanmarki en wei pokon akan kin poe irail edi o me manaman akan kin adaneki monjap kalanan.  
\v 26 A komail jota pan dueta, a me lapalap re omail, i en dueta me tikitik, o me kin kaunda, en dueta me kin papa.  
\v 27 Pwe ij me lapalap ren me mondi ni tepel de me kin papa? Kaidin i, me mondi ni tepel? A nai dueta ladu pamail.  
\v 28 Nan komail me ian ia ni ai jonejon.  
\v 29 Nai ari kileledi on komail wei eu, duen Jam ai kileledi on ia er;  
\v 30 Pwe komail en mana o nim ni ai tepel nan ai wei o mondi pon men mondi ko, kakaun kainok en Ijrael eijokriau.  
\v 31 Kaun ap kotin majani: Jimon, Jimon, kilan, Jatan non kin komail, pwen koko komail dueta wan prot.  
\v 32 A nai me kapakapa kin uk, pwe om pojon de nikila. A koe lao japaledo kakelada ri om ol akan!  
\v 33 A a potoan on i: Main, i pan idauen ir lel nan imaten o matala.  
\v 34 A kotin majani: Petruj, I indai on uk, nan malek jota pan kakorot ran wet, koe lao kamamki pan jilepak, me koe aja ia.  
\v 35 A kotin majani on irail: Ni ai kadar komail wei jo ed en moni, o jo ed en jailok, o jo jut, meakot komail lekekilar? Re ap potoan on: Jota.  
\v 36 I ari kotin majani on irail: A met, me a ed en moni mia, en ale o pil ed en jailok, o me jo a, i en netekila a likau, ap id netiada kodlaj pot.  
\v 37 Pwe I indai on komail, me intinidier, pil pan pwai on ia: A wadawad on me dipan akan, pwe me intinidier duen nai, pan kaimwijokala.  
\v 38 Irail indada: Main, kotin majani, iet kodlaj riapot. A kotin majani on irail. Ari, i eta.  
\v 39 I ari kotilan dol Oliwe, duen a kin wia; tounpadak kan idauenla i.  
\v 40 I lao lei on waja o, ap kotin majani on irail: Komail kapakap pwe komail de ko on nan jonejon.  
\v 41 I ari tororela jan irail doo weita kapir won takai eu, ap kelepuki laolao.  
\v 42 Majani: Jam (ai), ma komui mauki, koti ki wei jan ia dal wet, ari jo, kaidin injen ai, pwe kupur omui ta en wiaui.  
\v 43 Nan tounlan amen pwarado jan nanlan katinada i.  
\v 44 A ni a kotin pador on mela, ap nianian a laolao, lao pudo a likamata nta, me dinedinedi on nan pwel.  
\v 45 A kotida jan a laolao o kotin pur on tounpadak kan, ir mamair aki ar mamauk.  
\v 46 Majani on irail: Da me komail mamairki? Paurida o kapakap, pwe komail de ko on nan jonejon!  
\v 47 A ni a kotin majani mepukat, kilan, pokon o, o me adaneki ludaj, amen ir ekriamen, tion mo ’rail, kaikai don Iejuj, pwen metik i.  
\v 48 A Iejuj kotin majani on i: ludaj, koe pan pan kila metik eu Nain arama?  
\v 49 Irail me ian i lao kilaner me pan wiaui, rap indai on i: Main, je jo pan wokieki ir kodlaj?  
\v 50 Amen ir pala ladun jamero lapalap amen o jara jan jalon a pali maun.  
\v 51 Iejuj ap kotin japen majani: Arier! I ap kotin jair jalon a, kakelada i.  
\v 52 Iejuj ap kotin majani on jamero lapalap akan, o kaun pan im en kaudok, o jaumaj akan, me ko don i: Dueta lolap amen, me komail koko don, wa kodlaj o katiu kai?  
\v 53 Ni ran karoj nai ian komail nan im en kaudok, a komail jota man jair ia, pwe anjau wet omail anjau o manaman en rotorot.  
\v 54 Re ap jaikidi i o kalualon on nan im en jamero lapalap o, a Petruj idauenla doowei jan.  
\v 55 Irail ap jaunda kijiniai eu nan waron en kel o mod pena, a Petruj mondi nan pun arail.  
\v 56 A lidu men kilan i a momod impan kijiniai o kankakil i indada:  
\v 57 let et pil ian i. I ari kamam kin i indada: Li, i jaja i.  
\v 58 A mur kij amen kilan i indada: Koe pil amen irail. A Petruj indada: O kaidin nai!  
\v 59 Kadekadeo murin auer eu amen katitiki indada: Melel i men et ian i, pwe i kijan men Kaliaa.  
\v 60 A Petruj indada: O i poneponeki om kajokajoi! A pitipit ni a lokelokaia malek ap kakoroteda.  
\v 61 Kaun ap kotin jaupeido majani Petruj. Petruj ap tamanda majan en Kaun, duen a kotin majani on i: Mon malek kakorot, koe pan kamam kin ia pan jilepak.  
\v 62 Petruj ari koieila janejan kaualap.  
\v 63 A ol oko, me kolekol i, lalaue o woki i.  
\v 64 Irail lao perala jilan i, ap idedok re a indada: Kopada, ij i, me pikir uk ada?  
\v 65 O jon en lalaue toto, me re ki on i.  
\v 66 A lao ran pajan jaumaj akan o jamero lapalap o jaunkawewe kan ap pokon pena o kalua i don nan arail kapun.  
\v 67 Indada: Ma koe Krijtuj, ap katiti on kit! A kotin majani on irail: Ma I pan indai on komail, komail jota pan kamelele;  
\v 68 A ma I pan idok, komail jota pan japen, o pil jota lapwa ia da.  
\v 69 Ari, jan met Nain aramaj pan mondi ni pali maun en rojon en Kot.  
\v 70 Ir karoj ap idok: Ari, japwilim en Kot koe? A a kotin majani on irail: Komail me indada, pwe nai i.  
\v 71 Irail indada: Ari, menda apot kadede? Pwe pein kitail rona jan nan au a.   
\c 23  
\p
\v 1 TOUN pokon karoj ap kajinenda kalualan i ren Pilatuj.  
\v 2 Irail ari pikikidi impimpa i indada: Je diarada lap men et, me a kin kaweid japun aramaj akan o inapwiedi, ender nopwei on nanmarki, ap inda, me dene pein i Krijtuj o nanmarki.  
\v 3 Pilatuj ari idok re a majani: Nanmarki en Juj akan komui? A kotin japen i majani: Komui me inda.  
\v 4 Pilatuj ap majani on jamero lapalap akan o pokon o: Jota dip, me i diar ren aramaj men et.  
\v 5 A irail nidinideki i indada: A kin kapeida aramaj ni a kaukawewe jili nan Iudaa, tapiada Kalilaa kokodo lel jap wet.  
\v 6 Pilatuj lao ronadar Kalilaa, ap idok, ma i aramaj en Kalilaa men.  
\v 7 A i lao ronadar, me kijan toun wein Erodej, ap kadarala I en Erodej, me pil kotikot Ierujalem ni ran oko.  
\v 8 Erodej lao majani Iejuj, ap perenda kaualap, pwe me warai a kin anane udial i, pweki me toto a ronadar iran i, o a pil kaporoporeki, me a pan udial kilel eu jan re a.  
\v 9 I ari kalelapok re a ni majan toto. A i jota kotin man japen i.  
\v 10 A jamero lapalap o jaunkawewe kan kajinenda o impimpa I kaualap.  
\v 11 A Erodej o na jaunpei kan mamaleki i o likauki i likau puetepuet o kapure won i ren Pilatuj.  
\v 12 A ni ran ota Pilatuj o Erodej injenemau pena, pwe maj o ira imwintiti pena.  
\v 13 A Pilatuj kapokon pena jamero lapalap, o monjap, o aramaj akan,  
\v 14 Ap majani on irail: Komail wa don ia aramaj men et, dene kaweid japun aramaj akan. A kilan, i kalekalelapok re a mo ’mail, ap jota dip, me i diar ren aramaj men et, duen me komail katikatipiaki i.  
\v 15 Erodej pil jo, pwe i kadar won i komail. A kilan, jota me a wiadar pwen kame kila i.  
\v 16 Ari, i pan woki i ap lapwada.  
\v 17 Pwe a pan udan lapwa dan irail meamen nin kamadip o.  
\v 18 Irail karoj ap likelikwir indada: Kajapokela men et o lapwa don kit Parapaj!  
\v 19 Me lokidokilar nan imaten aki moromoron eu o kamela en aramaj amen, me wiauier nan kanim o.  
\v 20 Pilatuj ari men lapwada Iejuj, ap pil majani on irail.  
\v 21 A irail likelikwir indada: Kalopuela, kalopuela i!  
\v 22 A majani on irail kajilepak: Pwe me jued da, me a wiadar? Jota me i diaradar re a, me i en kamata kila. Ari, i pan woki i ap lapwada.  
\v 23 A irail nantion weriwereda nidinidiki i, me a en lopuela; o ar weriwer o en jamero lapalap akan lalaudelar.  
\v 24 Pilatuj ap inda, me ar poeki poek en pwaida,  
\v 25 Ap lapwada i, me lokido kilar nan imaten aki moromoron eu o kamela en aramaj amen, me irail poeki, ap mueid on irail Iejuj, en wiai on i duen injen arail.  
\v 26 O ni arail kalua wei i, re ap jaikidi Jimon men Kirene, me kodo jan nan jap o. Ir ari kidan po a lopu, pwen wala murin Iejuj.  
\v 27 O pokon kalaimun idauenla i, o li kai me janejan o mamaukeki i.  
\v 28 Jejuj kotin jaupei don irail majani: Li en Ierujalem akan, ender janejan kin ia, a janejan kin pein komail o noumail jeri kan.  
\v 29 Pwe kilan, ni ran oko kokodo aramaj pan indinda: Meid pai li dapwan o irail me jota naitik, o didi kan, me jota kadidi!  
\v 30 Re ap pan pikikidi ekeker on nana kan: Pupedi on po at! O on dol akan: Kadupal kit edi!  
\v 31 Pwe ma re wiadar mepukat on tuka maur, da me re pan wia on tuka monedi?  
\v 32 A pil lolap riamen ian i kalua wei kamela.  
\v 33 Irail lao lei waja, me adaneki pondal en mon, ap kalo puela i o me lolap oko, amen ni pali maun o amen ni pali main.  
\v 34 Iejuj ap kotin majani: Jam (ai), Kom kotin maki on irail, pwe irail jaja, me re wiawia. Irail ari nene pajan japwilim a likau kan o kadoropwa kida.  
\v 35 Aramaj me u kankakil o monjap akan ian irail kapikapiti I indada: A kamaureda akai, i en kamaureda pein i, ma i Krijtuj japwilim en Kot.  
\v 36 A jaunpei kan pil kapikapiti i, kai on i, ki on i pinika,  
\v 37 Indada: Ma koe Nanmarki en Juj akan, en kapitila pein uk.  
\v 38 A pil intin eu, me intinidier ponanen i ni lokaia en Krik, o Latain, o Ipru: let Nanmarki en Juj akan.  
\v 39 A amen ren lolap oko, me lanadar, lalaue i indada: Kaidin koe Krijtuj Kapit i jan pein uk o kit!  
\v 40 Me teio ap japen, kapun on i indada: Koe pil jota majak Kot ni om ian kadeik wet?  
\v 41 Pwe ata kalokolok me pun, pwe iduen ata wiawia kan, a ol men et jota wiadar meakot me jued.  
\v 42 Ap potoan on Iejuj: Main, re kotin kupura ia, lao re kotida nan wei ar.  
\v 43 Iejuj ap kotin majani on i: Melel I indai on uk, ran wet koe pan ian ia mi nan paradij.  
\v 44 Ni auer kawonu ap rotorotala nan jap karoj lao lel auer kaduau,  
\v 45 O katipin rotorotala, o likau en pera en im en kaudok o dei pajan jan poa lei pa.  
\v 46 Iejuj ap kotin kapitie laudeda majani: Jam (ai), i muei dalan nen i nan lim omui kan. A lao kotin majanier met, ap kotin poular.  
\v 47 A jaumaj en jaunpei o, ni a kilaner me wiauier, ap kapikapina Kot indada: Melel, aramaj men et me pun.  
\v 48 O aramaj karoj me pokon penaer pwen ian kilan, lao kilaner me wiauier, ap pikir maramar arail o pure pajan.  
\v 49 A kompokepa kan karoj o li akan, me idauendo i jan Kalilaa, u kailawei, kilekilan mepukat.  
\v 50 O kilan ol amen, me mar a Iojep, jaunkapun amen, ol mau o pun amen,  
\v 51 Me jota apali on irail ni ar kapukapun o wiawia kan, men Arimatia, kanim eu en ludiia, me pil auiaui wein Kot,  
\v 52 I me poto don Pilatuj poekipoeki kalep en Iejuj.  
\v 53 I ari kidi jan i o kidimki pena likau linen kajelel o kidi on nan joujou, me weiweida nan paip, waja me jaikenta amen jaredi ia.  
\v 54 A ran o ran en kaonop o japat korendor.  
\v 55 A li akan, me ian i kodido jan Kalilaa, pil ian udial joujou o, waja me kalep a nekinekid ia.  
\v 56 Irail ap purer o kaonopada potik kai o men ujor, re ap kamol ni ran en japat duen kujoned o.   
\c 24  
\p
\v 1 A NIN tapin wik, nin joran kaualap re pwara don joujou o, wado potik kai me re kaonopadar;  
\v 2 Irail ari diaradar, me takai o kadapura jan joujou o,  
\v 3 O irail lao pedelon on lole, ap jota diarada kalep en Kaun Iejuj.  
\v 4 Kadekadeo irail lao injenjued kidar, kilan, ol riamen, me likau kida likau linan, ap pwara don irail.  
\v 5 Irail lao majapwekadar o ikiokidi nan pwel, ira ap majani on irail: Da me komail raparapaki me maur amen ren me melar akan?  
\v 6 A joer kotikot met, a iajadar. Tamanda, me a kotin majani on komail ni a kotikoteta Kalilaa,  
\v 7 Mamajani: Nain aramaj pan panalan ni pa en me dipan akan, o lopuela, o ni ran kajilu a pan iajada.  
\v 8 Ir ari tamanda a majan akan.  
\v 9 O purodo jan nin joujou o, ap kaireki mepukat on ekamen ko o on me tei kan karoj.  
\v 10 Maria men Makdala, o Ioana, o Maria in en Iokopuj, o me tei ko me ian irail, me kaireki mepukat on wanporon akan.  
\v 11 A arail kajoi likamata kajoi likam pot re ’rail, ap jota kamelele.  
\v 12 Petruj ap uda tanalan joujou o, rukedi on lole, ap diarada, me likau linen akan ta wonon waja kij, ap purodo jan o puriamui kida me wiauier.  
\v 13 A kilan ni ran ota riamen re ’rail momaitelan kijin kanim eu ad a Emaulj; a doo jan lerujalem mail wonu de iju.  
\v 14 Ira ari kajokajoi penaer duen mepukat karoj.  
\v 15 Kadekadeo ni ara kajokajoi o idedok pena, pein Iejuj ap kotin pwara don ira o ian ira kotila.  
\v 16 A maj ara me atiat, pwe re de aja i.  
\v 17 I ari kotin majani on ira: Da me koma kajokajoi pena ni oma alialu, o da me koma injenjued kila?  
\v 18 Amen ira, me ad a Kleopaj, ap japen indan i: Koe men wai ta men nan lerujalem, me jaja, me wiauier waja o ni ran pukat?  
\v 19 A kotin majani on ira: Pwe dakot? Ira ap indan i: Duen Iejuj en Najaret, me jaukop manaman amen ni a wiawia o majan akan mon Kot o aramaj karoj.  
\v 20 O duen jamero lapalap o atail jaumaj akan ar panala i pwen pakadeikada on matala o kalopuela i.  
\v 21 A je kiki on, me a pan kotin kamaioda wein Ijrael. Ari ran wet pon jili pon murin mepukat wiauier.  
\v 22 O pil kij at li akai kamajak kin kit ar pwaralan joujou o jankonai.  
\v 23 Ni ar jota diar kalep a, rap puredo indada, me re diaradar janjal en tounlan kai, me katitiki, me a iajadar,  
\v 24 O kij at kai kolan joujou o, ap diaradar, duen li oko kajoka joida, a i me re jota diarada.  
\v 25 A kotin majani on ira: O koma meid lolepon o pwand nan monion omail, en kamelele meakan, me jaukop akan kopadar.  
\v 26 Kaidin i, me udan Krijtuj en kalokolok ap kodalan a linan?  
\v 27 A ap kotin kawewe on ira kijin likau kan duen pein i, tapiada ni Mojej kokodo lel jaukop akan.  
\v 28 Irail ap koren ion kanim, me irail koko on. I ari kajonejon ira, dene a pan kotin daulul.  
\v 29 Ira ap nidinidiki i potoan on: Kom kotikoteta re at, pwe a pan waja ponier o ran wet koren ion imwijokela. A ap kotilon on nan im o, pwen mimieta re ra.  
\v 30 Kadekadeo ni a kotin ian ira ni tepel o, a kotin limada prot, laolaoki, a lao pilitiki pena, a kotiki on ira.  
\v 31 Maj ara ap pad pajaner, ira ap aja i. A ap kotin joredi jan mo ’ra.  
\v 32 Ira ap inda nan pun ara: Monion ata jota mokimokid ni a kotin mamajani on kita pon al o, ni a kotin kawewe on kita kijin likau kan?  
\v 33 Ira ari uda ni auer ota o purelan lerujalem, o diarada ekamen ko, o me ian ir, kot pena waja takij,  
\v 34 Katitiki: Nan melel Kauno kotin iajadar o pwara don Jimon,  
\v 35 Ira ap kajokajoi, me wiauier nani al o, o duen ara ajaki i a pilitiki pajan prot.  
\v 36 A ni ar majan pena mepukat, pein Iejuj ap kotin pwara don nan pun arail majani on ir: Komail popol!  
\v 37 Irail ari majapwekadar o wapondar, o re kiki on, me ani men, me re udial.  
\v 38 A kotin majani on irail: Da me komail majak ki? O menda lamelam pukat mi nan monion omail?  
\v 39 Komail kilan pa i kat o nai kat, pwe pein nai ta. Doke ia o kilan, pwe ani jota kin uduk o ti, duen omail kilan ia.  
\v 40 A lao majani mepukat, ap kajale on irail lim a o aluwilu a kan.  
\v 41 A ni ar jota non kamelele pweki ar peren o puriamuiki, ap kotin majani on irail: Jota kan omail met?  
\v 42 Rap ki on i kijan mam inin o onik.  
\v 43 I ari konot mo ’rail.  
\v 44 A kotin majani on irail: I majan akan, me I ki on komail er, ni ai mimieta re omail, pwe karoj en pwaida, me intinidier duen nai nan kapun en Mojej, o jaukop akan, o pjalm akan.  
\v 45 I ap kotin kalolikoni irail, pwe ren dedeki kijin likau kai.  
\v 46 O kotin majani on irail Iduen a intinidier, o iduen udan kalokolok en Krijtuj, ap maureda jan ren me melar akan ni ran kajilu,  
\v 47 O padapadaki on wei karoj ni mar a, ren kalula, pwe dip akan en lapwada, a pan tapida nan Ierujalem.  
\v 48 A komail me jaunkadede en mepukat.  
\v 49 A kilan, I pan kadara don komail, me Jam ai inaukidar. A komail pan mimieta nan kanim o, komail lao audaudekier manaman jan poa.  
\v 50 A kotin kalua ir alan Petanien, kotikida lim a, kapai irail ada.  
\v 51 Kadekadeo ni a kotin kapal ir ada, a kotiwei jan irail, kotidala nanlan.  
\v 52 Irail ari kaudok on i, ap pure don Ierujalem perenda kaualap;  
\v 53 O re potopot nan im en kaudok kapina o kaudok on Kot.