\id EPH - Old Pohnpeian2 
\h Men Epijuj 
\toc1 EN PAULUJ A KIJIN LIKAU ON MEN EPIJOJ. 
\toc2 Men Epijuj 
\toc3 Epij 
\mt2 EN PAULUJ A KIJIN LIKAU ON  
\mt1 MEN EPIJOJ.  
\c 1  
\p
\v 1 PAULUJ wanporon en Iejuj Krijtuj amen pan kupur en Kot on me jaraui o lelapok kan ren Krijtuj Iejuj me mi Epijuj.  
\v 2 Mak o popol jan ren Kot Jam atail o atail Kaun Iejuj Krijtuj en mi re omail!  
\v 3 Meid iajanai Kot o Jam en atail Kaun Iejuj Krijtuj, me kapaia kin kitail lar jon en pai nenin karoj jan nanlan ren Krijtuj.  
\v 4 A kotin pil kitail dar re a, mon jappa jaikenta pajondier, pwe kitail en jaraui o minla mo a ni limpok.  
\v 5 Me pil kileledier, me kitail, en wiala japwilim a jeri ki Iejuj Krijtuj, duen a kotin kupura mauki.  
\v 6 Pwen kalinanada a mak lapalap, me a kotin make kin kitail ren Kompoke pa a,  
\v 7 Me kotin dore kin kitail la nta o lapwadan dip akan ki a mak lapalap.  
\v 8 Me a kotiki on kitail ni jon en lolekon o koiok karoj,  
\v 9 Ni a kotin diarok on kitail er me rir en kupur a duen a kotin kupuramauki o duen a kileledier ren pein i.  
\v 10 Pwen pwaida anjau lao leler en wijik penan tapwi ta ieu meakaroj, ren Krijtuj, men nanlan kan o men jappa kan on pein i.  
\v 11 Me pil kare on kitail jojo eu, kitail me kileledier duen kupur en i, me kin wiada meakan karoj, duen a kotin kupura,  
\v 12 Pwe kitail en wiala men kalinanada i, kitail, me kaporoporeki Krijtuj,  
\v 13 Me komail pil kaporoporeki murin omail roner maj an en melel o ronamau en kamaur; me pil kilele komail kidier Nen jaraui en inau, ni omail pojonlar.  
\v 14 lei men kamelele en atail jojo, lao lel anjau en atail konodi maur joutuk, pwen wiala japwilim en Kot o men kapina a linan.  
\v 15 Ari, i lao ronadar duen omail pojon Kaun Iejuj o duen omail limpok on jaraui kan karoj,  
\v 16 I jota kin dukedi jan ai danke pweki komail, o i kin tamatamanda komail ni ai kapakap akan;  
\v 17 Pwe Kot en atail Kaun Iejuj Krijtuj, Jam en linan, en kotiki on komail nen en erpit o kaudial, pwen ajada i,  
\v 18 O kotin kamaraini maj en monion omail, pwe komail en kak dedeki kaporopor en omail paeker, o linan laud en jojo, me onoper on jaraui kan,  
\v 19 O a manaman kaualap on kitail, me pojonlar, duen a dodok manaman,  
\v 20 Me a kotin kajanjaledar ren Krijtuj ni a kotin kaiajada i jan ren me melar akan, ap kajapwiladan pali maun nanlan,  
\v 21 Ilela jan meakan karoj, o manaman karoj, o kelail o men poa kan o mar karoj, kaidin ni muei wet eta, pwe pil ni muei kokodo.  
\v 22 O a kotiki on meakaroj pan aluwilu a kan, o kotin kajapwiladan tapwin meakaroj ren momodijou,  
\v 23 lei war a, iei kadir pan me kadirela meakaroj.   
\c 2  
\p
\v 1 PIL dueta komail ni omail melaki japun o dip akan,  
\v 2 Me komail dadaureki maj duen tiak en jappa et, o duen wiawia en jaupeidi o, me manaman pan lan, iei nen o, me kin dodok ren jeri jopeik kan anjau wet.  
\v 3 A kitail karoj pil weweid nan pun arail maj o ni inon en uduk atail, o kapwaiada inon en uduk o lamelam, o kitail me udan jeri en onion akan dueta me tei kan.  
\v 4 A Kot, me dir en kalanan, pweki a limpok me a kotin pok on kitail lar,  
\v 5 Nin dokan atail melaki japun kan, nan a kamauri kitail dar ki Krijtuj, pwe mak o, me komail dore kila,  
\v 6 O pil kotin kamaur kitail dar o kotin kajapwil kitail dan nanlan ren Krijtuj Iejuj,  
\v 7 Pwe a en kotin kajanjaleda a mak o kalanan lapalap ni muei kokodo on kitail ren Krijtuj Iejuj.  
\v 8 Pwe ni pojon komail kamaur kilar mak; a kaidin pweki pein komail, a pai eu ren Kot,  
\v 9 Kaidin ki wiawia kan, pwe jota amen en akjuaiki.  
\v 10 Pwe japwilim a dodok kitail, me wiauier ren Krijtuj Iejuj on wiawia mau kan, me Kot kotin kaonopadan kitail er, pwe kitail en dadaurata.  
\v 11 Komail ari tamatamanda, me komail men liki maj o, me aluki uduk pwel, men kaindinda jojirkomjaij ren me jirkomjaij, me kin wiaui ni uduk manin pa.  
\v 12 Pwe ni anjau o komail likin Krijtuj, o likin pai en Ijrael, o likin inau en jojo kan; i me jota omail kaporopor o jota omail Kot ni jappa wet.  
\v 13 A komail me doo wei jan mepukat maj o, a anjau wet komail me korendor o mi ren Krijtuj Iejuj pweki ntan Krijtuj.  
\v 14 Pwe i atail popol, me wia kin ira eu, o me kotin kawela kel o, me mi nan pun ara,  
\v 15 Ni a kotiki jan imwintiti re ’ra ki pali uduk a. Iel kapun o me audekier kujoned akan, pwe en kotin wia kin ir ala aramaj kap ta men on pein i.  
\v 16 Pwen kalolamaui on Kot ira ni war ta ieu pan lopu murin a kotin tiakedi imwintiti ki lopu.  
\v 17 O a kotidoer padaki popol on komail, me doo wei jan, o popol on me koren akan.  
\v 18 Nan pweki i kita karoj kak tu on Jam ki Nen ta ieu.  
\v 19 Komail ari jolar men liki o men wai, a me pweledan akan ianaki jaraui kan o kijan penainai en Kot.  
\v 20 Me kakauda pon pajon en wanporon o jaukop akan, a pein Iejuj Krijtuj me takain pukakaim.  
\v 21 I waja kajukajuk kin koda jan ia, wiala tanpaj jaraui en Kaun o,  
\v 22 Me komail pil ian kokon penan mol en Kot ren Nen.   
\c 3  
\p
\v 1 I me nai Pauluj en Iejuj Krijtuj a jalidi men pweki komail men liki kan,  
\v 2 Due me komail ronadar iran ai koa dodok en mak en Kot, me i aleer pweki komail.  
\v 3 A kaudial eu, me kajanjale on ia, me rir akan, duen ai intin motomot on komail er nin tapi o  
\v 4 Ari, ma komail pan wadok, komail ap pan diar, duen ai lolekon ni me rir akan ren Krijtuj.  
\v 5 Me jota kadiarok on aramaj akan ni muein maj O, ap kadiarok on japwilim a wanporon o jaukop jaraui kan ren Nen.  
\v 6 Pwe men liki kan en ian jojo o ian kijan war a, o ian a inau ren Krijtuj Iejuj ki ronamau,  
\v 7 Me nai wiala papa men duen ai pai en mak en Kot, me i aleer ki a manaman lapalap.  
\v 8 Nai, me tikitik jan jaraui kan karoj, aleer mak wet, en padaki on men liki kan duen kapwapwa lapalapia en Krijtuj.  
\v 9 O pwen kamaraini amen amen duen koa dodok en rir akan, me nekinek jan nin tapin kaua ren Kot, me kotin kapikadar meakan karoj,  
\v 10 Pwe anjau wet men poa kan o me manaman akan, me kotikot nanlan, en ereki momodijou jon en erpit en Kot karoj.  
\v 11 Duen kupur a, me a kotin kileledier ni tapin kaua ren Krijtuj Iejuj atail Kaun.  
\v 12 Pweki i me kitail pil kak aimaki tu on Kot ni atail kaporopor o pojon i.  
\v 13 Nan i me i men poeki, komail ender motot ki ai kamekam kin komail, pwe men kalinanada komail.  
\v 14 I me i kin kelepuki on Jam en atail Kaun Iejuj Krijtuj,  
\v 15 Me mar en penainai pokon nanlan o jappa tapi jan ia.  
\v 16 Pwen kotiki on komail manaman, duen a kapwapwa en a linan, en kelaileki Nen i nan pali lol en aramaj,  
\v 17 Pwe Krijtuj en kotikot nan monion omail pweki omail pojon, pwe komail en tenedi o jondi ni limpok,  
\v 18 Ap kak on ian jaraui kan karoj dedekida talap, o aned, o lol, o ile;  
\v 19 O en pil ajada limpok en Krijtuj, me jikida jan erpit karoj, pwe komail en direki kupur en Kot karoj.  
\v 20 A i, me manaman on wiada, me lapa jan atail poeki o lamelame duen o manaman o, me kin dodok lol atail.  
\v 21 Linan en ko on i ni momodijou pan Krijtuj Iejuj kokolata joutuk. Amen.   
\c 4  
\p
\v 1 NAI en Kaun a jalidi men, kin panaui komail, pwe komail en kekeid inenweita ni koa eu, me komail paeker on,  
\v 2 Ni karakarak melel, o opampap, o kanonama, o limpok pena nan pun omail.  
\v 3 Ankelail on wia minimin eu ni Nen jaupena ki jal en popol.  
\v 4 War ta ieu, o Nen ta ieu, duen me komail paeker on ni kaporopor ta ieu, en omail paeker on.  
\v 5 Kaun ta men, pojon ta ieu, paptaij ta ieu,  
\v 6 Kot o Jam en karoj me ta men me kotin poedi meakaroj o daudaulole, o me kotikot lol atail karoj.  
\v 7 A kitail karoj aleer atail pai en mak duen jon en kupur en Krijtuj.  
\v 8 I me a kotin majani: Ni a kotidalan poa, a kotin jaliedi me jalidi kan, o a kotiki on aramaj pai kan.  
\v 9 A iaduen, ma a kotidalan poa, kaidin a pil jo kotidilar pa jed, waja lolia maj o?  
\v 10 Me kotidila, i ota, me kotida wei ileila jan nanlan kan karoj, pwen kadirela waja karoj.  
\v 11 O a kotin kajapwilada akai, en wanporon akan o akai en jaukop akan, o akai en waronamau kan, o akai en jilepa o jaunpadak kan.  
\v 12 Pwen kapunala jaraui kan on wiawia dodok eu, me pan kauada war en Krijtuj.  
\v 13 Kitail karoj lao lel on pojon ta ieu, o lolekon ki Japwilim en Kot, o wiala ol melel, me paroki on Krijtuj ni a unjokela,  
\v 14 Pwe kitail en jolar tau en jeri pwelel, me mokimokideki jili padak likam, me kin pwai kida kotaue en aramaj akan o ar likam, o widiwidin me re kin wiada, pwen kaweid japun.  
\v 15 A kitail en melel ni limpok, ap kakairida ni jon karoj on Krijtuj, me tapwi o.  
\v 16 Me war pon kakauda jan o kokon akan karoj kateneten pena ia; a kokon pukat papa pena, duen dodok en kokon akan eu eu, duen ar itar on, iduen war o kin kakairida o maular ni limpok.  
\v 17 I me i indai on komail o kadede kila Kaun o, me komail ender weweid dueta men liki kan kin wia ni aklapalap en nen ir.  
\v 18 Me nen arail rotorotalar, o re jan maur en Kot, pweki ar jololekon me mi lol arail o pweki monion arail kapitakailar.  
\v 19 Me jolar pam waja, ap mueid on pein irail, en dender o inon ion kapwaiada jon en jaut akan karoj.  
\v 20 A kaidin iduen, me komail ajadar ren Krijtuj.  
\v 21 Ma komail roner duen i o padakki i, me tiak melel mi ren Iejuj.  
\v 22 Komail ari muei jan tiak en maj o aramaj marin, me kin kawe kila pein i inon jued.  
\v 23 A komail en kawilikapada nen omail!  
\v 24 O danwar anekila aramaj kap, me wiauier duen kupur en Kot, ni melel o pun o jaraui.  
\v 25 I me komail en kajela likam amen amen ap lokaia melel on men impa, pwe kitail jau ta ieu.  
\v 26 Ni makar komail der wia dip, o katipin der kirila mon omail injenemaula.  
\v 27 Ender duki on tewil o!  
\v 28 Me pirap, ender pur on pirap, a mak eta, en dodok, kadokeki pa kan dipijou mau, pwen kaonop da kijakij on me jamama kan.  
\v 29 Kajoi jaut ender ko wei jan nan au omail, a men kamau, pwen papaki on me karon akan me mau.  
\v 30 Komail der kamauke Nen jaraui en Kot, me komail kilelekier on ran en kajapaledo!  
\v 31 A limelimek jued, o linaranar, o makar, o men pei, o lalaue en doo wei jan komail, o pil jon en jued karoj.  
\v 32 A komail en kadek pena, o poka pena, o mak pena amen amen, dueta Kot kotin maki on komail ren Krijtuj.   
\c 5  
\p
\v 1 KOMAIL kaalemoni Kot dueta jeri kompok kan.  
\v 2 O kekeid ni limpok dueta Krijtuj, me kotin, pok on kitail, ap kotin jokonpaude kin kitail, pwen wiala kijakij o mairon eu, me kin pomau on Kot.  
\v 3 A nenek, o jon en jaut karoj, o norok kapwa ender man pwaida re omail, duen me kon on jaraui kan.  
\v 4 Pil der lokaia jued, o kaman, o lokaia mal, me jota kon on, a iet: Komail en danke.  
\v 5 Mepukat komail en aja o dedeki, me jota me nenek, de jamin, de me norok kapwa, me poni ani tikitik, pan kak jojoki wein Krijtuj o Kot.  
\v 6 Jota amen en kotau ki komail lokaia mal, pwe mepukat kin kareda onion en Kot on jeri jopeik kan.  
\v 7 Komail ender kij arail.  
\v 8 Pwe maj o komail me rotorot, a met komail marainlar ren Kaun o; weweid wei duen jeri en marain akan.  
\v 9 Pwe wan marain mepukat: Kamau, o pun o melel.  
\v 10 O kajauiada, me kin kaperenda kupur en Kaun o.  
\v 11 O der waroki on wiawia jued en me rotorot akan, a mak eta, en kapun on irail.  
\v 12 Pwe me re kin wiada waja rir, me jued o jota mau on, en inda.  
\v 13 A karoj me pan kajanjaleda, pan kadiarok kida marain, pwe marain kin kajanjaleda meakaroj.  
\v 14 I me a kotin majani: Pirida koe me mamair, o paurida jan ren me melar akan, a Krijtuj pan kamarain uk ada.  
\v 15 Kalaka, pwe komail en keid ineneweita, kaidin duen me lolepon a duen me lolekon kan.  
\v 16 Audaud anjau mau, pweki ran akan me jued.  
\v 17 Komail ari ender lamponla, a en lolekon, pwe i duen kupur en Kaun.  
\v 18 Ender kamom wain, pwe a kin kareda tiak jued, a komail en direki Nen.  
\v 19 O jauaj pena ki pjalm, o kaul en kapin, o kaul nenin; komail kaul o kajan on Kaun o nan monion omail.  
\v 20 Danke kaukaule Kot o Jam ni mar en atail Kaun Iejuj Krijtuj.  
\v 21 O papa komail pena amen amen ni majak dol en Krijtuj.  
\v 22 Komail li akan, udi on pein omail warok kan dueta on Kaun.  
\v 23 Pwe ol o me tapwin a paud, dueta Krijtuj me tapwin momodijou, o i me Jaunkamaur pan war a.  
\v 24 A duen momodijou kin udi on Krijtuj, iduen li akan en udi on ar warok kan ni meakaroj.  
\v 25 Komail ol akan pok on pein omail warok kan, dueta Krijtuj kotin pok on momodijou o kotiki don i pein i.  
\v 26 Pwen kajarauiala i, o kamakelekeleda i ki pil o, iei a majan.  
\v 27 Pwen kajanjale don pein i momodijou linan, me jota topala o omrok ape, a me jaraui o jo kaopa kot.  
\v 28 Nan iduen ol akan en pok on ar warok kan dueta pein war arail akan. Me kin pok on a warok, kin pok on pein i.  
\v 29 Jota amen kin juedeki pein uduk a; pwe a kin kamana o kanainai eta, dueta Krijtuj kin kotin apwali momodijou.  
\v 30 Pwe kitail me kajan en war a, o uduk a, o a kokon akan.  
\v 31 I me aramaj o pan muei jan jam a o in a, ap muei on a paud, ira ari pan uduk ta ieu la.  
\v 32 Meid kaponepon lapalap eu; a nai kaparokki duen Krijtuj a warokeki on momodijou.  
\v 33 Pil dueta komail, amen amen komail en pok on a warok dueta pein i, a li o en kakaki a warok.   
\c 6  
\p
\v 1 KOMAIL jeri kan peiki on me wia komail ada pan Kaun o, pwe i me pun.  
\v 2 Kakaki jam om o in om, iei tapin kujoned, me inaupa mia,  
\v 3 Pwe koe en injenemau o pil maur warai nin jappa.  
\v 4 Komail jam akan der kamakar mal noumail jeri kan, kakair irail ada ni kaian mau o panau on Kaun o.  
\v 5 Komail ladu kan en oke omail jaumaj akan ni pali uduk ni majak o rerer o pil ni tiak en karakarak en monion omail dueta on Krijtuj.  
\v 6 Kaidin janjal mon aramaj eta, pwen konekon re ’rail, a en dueta ladu en Krijtuj, me kin pereperen wiawia kupur en Kot jan monion omail.  
\v 7 O komail en papa mau, pwe on Kaun o, a kaidin on aramaj akan.  
\v 8 Pwe komail aja, me mau kot, me amen pan wiada, Kaun pan katini on i jota lipilipil ij i, ma ladu de me maioda amen.  
\v 9 O komail jaumaj akan en wia dueta on irail, o der jakone irail, pwe komail aja, me arail o pil omail Jaumaj kotikot nanlan, o a jota kotin lipilipil aramaj amen.  
\v 10 Ikmuri ri ai kan komail kelaileki Kaun o ni a manaman.  
\v 11 Purion tatan mauin karoj en Kot, pwe komail en kak kelail palian tewil a widiwidin kan.  
\v 12 Pwe kaidin uduk o nta, me kitail en pei on, a on jaupeidi o manaman akan, o on jaumaj en jappa kan, me kin kakaunda nan rotorot wet, o on kaun nenin en lan akan.  
\v 13 Ari, pweki mepukat komail en ale tatan mauin karoj en Kot, pwe komail en kak kelail ni ran jued, o kajinenda murin omail kapwaiadar meakaroj.  
\v 14 Komail ari kajinenda, luke pamail en katenetenki melel o pereki pere pan maramara me pun.  
\v 15 O na omail en kitekit pena, pwen onop on wa jili ronamau en popol.  
\v 16 A pil eu pan ko on mepukat: Komail ale perepa en pojon, pwen kakun kila katieu kijiniai en me jued o.  
\v 17 Komail pil ale lijorop en kamaur o kodlaj en Nen, me majan en Kot.  
\v 18 O podidi on kapakap o wia poekipoeki. Nidinidiki Nen ni meakaroj. O majamajan, o poden kapakapaki jaraui kan karoj.  
\v 19 O kapakapa kin ia, pwe i en nil meledok o au ai en jar a pajan ai ainar en kaweweda me rir en ronamau.  
\v 20 Me nai jaunpadakepa, me jalidier, pwe i en kelail on padapadaki, duen me kon on.  
\v 21 A pwe komail en aja ir ai kan, o me i kin wiada, ri atail kompok Tikikuj o papa lelapok en Kaun o, pan padaki on komail meakaroj.  
\v 22 I me i kadarala, pwe komail en ajadar ir at akan, o pwe i en kamait monion omail.  
\v 23 Popol on ri atail, o limpok ianaki pojon jan ren Kot Jam o Kaun Iejuj Krijtuj!  
\v 24 Mak en mimi ren karoj, me kin pok on atail Kaun Iejuj Krijtuj kokolata!