\id 1TH - Old Pohnpeian2 
\h Men Tejalonik I 
\toc1 EN PAULUJ A KIJIN LIKAU KAIEU ON MEN TEJALONIK. 
\toc2 Men Tejalonik I 
\toc3 1 Tej 
\mt2 EN PAULUJ A KIJIN LIKAU KAIEU ON  
\mt1 MEN TEJALONIK.  
\c 1  
\p
\v 1 PAULUJ, o Jilwanuj, o Timoteuj on momodijou en Tejalonik, me ren Kot Jam o Kaun Iejuj Krijtuj. Mak o popol en mi re omail!  
\v 2 Je kin poden danke Kot ki komail karoj o tamataman kin komail ni at kapakap akan.  
\v 3 O je kin tamatamanda omail wiawia kan ni pojon, o omail dodok ni limpok, o omail kanonama ni kaporoporeki atail Kaun Iejuj Krijtuj janjal on Kot o Jam atail.  
\v 4 Pwe ri ai kan o kompoke pan Kot akan, je aja duen omail lipilipil re a,  
\v 5 Pwe at ronamau lel on komail er, kaidin nin lokaia ta, a pil ni manaman o Nen jaraui, o ni kamelelepa kaualap, pwe komail aja jon en aramaj da kit re omail pweki komail.  
\v 6 A komail ale janer kit o jan Kaun o, ni omail aleer majan o ni kamekam kaualap o ni peren en Nen jaraui.  
\v 7 Komail wialar kilel en jaulan karoj mi Majetonien o Akaia.  
\v 8 Pwe jan re omail majan en Kaun o kaparaparalar, kaidin nan Majetonien o Akaia eta, pwe pil waja karoj omail pojon Kot lokila ia; ari, jolar me je pan inda.  
\v 9 Pwe pein irail kaire kin kit, duen at pwaralan komail me pwaida, o duen omail wuki on Kot jan dikedik en ani kan, pwen papan Kot, me udan maur o melel.  
\v 10 O auiaui japwilim a Ol jan nanlan, me a kotin kaiajada jan ren me melar akan, Iejuj, me kotin dore kitail jan ni onion en Kot, me pan janjaldo.   
\c 2  
\p
\v 1 PWE pein komail aja, ri ai kan, duen at pwaralan komail kaidin me jo kadepa.  
\v 2 A murin at kamekam nan Pilipi o at kalokolok waja o, duen me komail aja, kit aimaki atail Kot padaki on komail ronamau en Kot ni apwal laud.  
\v 3 Pwe at panapanaui komail jota wiaui ni kotaue, de jamin, de widin.  
\v 4 Pwe duen kit ale jan ren Kot en padaki ronamau, iduen at padak kin wiaui, kaidin pwen konekonlar ren aramaj akan, a Kot me kotin kajauiada monion it.  
\v 5 Jota eu anjau me je linkapina komail, duen me komail aja, de norok kapwa, Kot me jaun kadede en mepukat.  
\v 6 Je pil jota rapaki konekon ren aramaj akan, ma re omail de ren akai. A je pan kak katoutoui komail, pwe kit wanporon en Krijtiij akan.  
\v 7 Ari jo, kit kin materok nan pun omail dueta li en kamait amen, me kin apwali na jeri kan.  
\v 8 Iduen at non kin komail melel, je mauki katunole kin komail ronamau en Kot, a kaidin i eta, a pein maur at, pwe komail wialar kompoke pat.  
\v 9 Ri ai kan, komail kin tamanda duen at dodok o at apwal akan. Pwe je dodok ni ran o ni pon, pwen der katoutoui amen komail, o je padaki on komail ronamau en Kot.  
\v 10 Komail o Kot at jaunkadede duen at makelekel, o pun, o inen re omail me pojon akan.  
\v 11 O duen komail aja, me kit panaui o kamekamait amen amen re omail dueta papa men wia on na jeri kan.  
\v 12 O je padaki on komail er, me komail en alu inen wei ta, duen me kon on Kot, me kotin molipe komail on pein a wei o pein a linan  
\v 13 I me je kin poden danke Kot, pwe ni omail aleer majan en Kot, komail aleer kaidin dueta padak en aramaj akan, pwe duweta majan en Kot melel, me pil kin dodok nan lol omail me pojon akan.  
\v 14 Pwe ri ai kan, komail ale janer momodijo en Kot akan nan Iudaa reh Krijtuj Iejuj; pwe komail kamekame reh toun omail wei, dueta irail me kamekame ren Juj akan.  
\v 15 me pil kamatalar Kaun Iejuj, o jaukop akan, me re kaloke, o re jota konekon ren Kot, o re kin palian aramaj akan karoj.  
\v 16 O re kainapwi jan kit, ender padak on men liki kan, pwe ren der maurela, pwe re kin kadirela dip arail anjau karoj, a onion mi po ’rail.  
\v 17 A kit ri ai kan ni at doo wei jan komail anjau kij ni pali war at, a kaidin ni monion it, je ap nantion o inon ion melel kilan maj omail.  
\v 18 I me je men pwar won komail, nai Pauluj pan mepak o pan riapak, a Jatan karompa kit.  
\v 19 Pwe ij me kapore pat, de kaperen pat, de kapina pat? Kaidin komail mon Kaun patail Iejuj ni a kotido  
\v 20 Pwe komail kalina pat o kaperen pat.   
\c 3  
\p
\v 1 I ME je jolar kak nenen la, pwe je maukida kelepala nan Aten,  
\v 2 Ap kadar won komail Timoteuj ri atail o papan Kot ni ronamau en Krijtuj, pwen katene komail o kamait komail la iran omail pojon.  
\v 3 Pwe jota amen en luet kila kamekam wet, pwe pein komail aja, mepukat kiloledier on kitail.  
\v 4 Pwe ni at mimi re omail, je kokopki don komail kamekam; duen me komail aja.  
\v 5 I me I jolar kak nenenla, a i ilakila, pwe i en aja, duen omail pojon, ma men kajonejon jo kajonejon komail, a ma at dodok jota pan dodok mal.  
\v 6 A metet no en Timoteuj pwara don kin jan re omail, o padaki on kit ron mau duen omail pojon o limpok, o duen omail tamataman kit anjau karoj, o duen komail men kilan kit, I dueta kit kin inon ion kilan komail.  
\v 7 Ri ai kan, kit ap kamait kilar komail ni at kamekam o apwal akan ki omail pojon.  
\v 8 Pwe anjau wet kit maureda, ma komail poden tenedi on Kaun o.  
\v 9 Pwe ia danke me jen dankeki Kot pweki komail, me pan raj on peren, me je peren kida mon Kot ki komail?  
\v 10 Je kin poden kapakapa kin komail ni pon ni ran o nidinidiki, jen kilan maj omail o kaunjokala omail pojon.  
\v 11 Ari, pein Kot, o Jam atail, o atail Kaun Iejuj en kotin kalua kit won komail.  
\v 12 A Kaun o en kotin kanedere komail la o kalaudela omail limpok nan pun omail o on amen amen dueta kit on komail.  
\v 13 O kotin kateneten monion omail pwen mau melel, ni jaraui mon Kot o Jam atail on ni ran en atail Kaun Iejuj, me pan kotido o japwilim a jaraui kan karoj ian i.   
\c 4  
\p
\v 1 ARI, ri ai kan, je pil poeki re omail o panaui kin komail Kaun Iejuj, duen me komail aleer jan kit, o duen me komail en kekeideki wei, o kaperenda Kot, iduen omail kakairida.  
\v 2 Pwe komail aja duen kujoned akan, me je pan on komail ren Kaun Iejuj.  
\v 3 Pwe iet kupur en Kot, omail jarauila, pwe komail en liki jan nenek.  
\v 4 Amen amen en kanai on pein war a, pwen jaraui o wau o liki jan inon jued,  
\v 5 Kaidin ni dender on inon jued duen men liki kan, me jo aja Kot;  
\v 6 O jota me pan piti de kajapuni on ri a ni meakot, pwe Kaun o pan kotin iki on i, duen me kit inda o kadede on komail er maj o.  
\v 7 Pwe Kot jota molipei kitail on jamin, a pwen jaraui.  
\v 8 A ma amen komail pan mamaleki mepukat, kaidin aramaj me a pan mamaleki pwe Kot, me pil kotiki on komail er japwilim a Nen jaraui.  
\v 9 A duen limpok en jaulan, menda i en intinki won komail, pwe pein komail padakki jan ren Kot, me komail en pokepena.  
\v 10 Nan met komail kin wiai on jaulan karoj, me mimi Majetonien pon. A je panaui kin komail ri at akan, komail en kakairida.  
\v 11 O komail nenenla o inon ion apwali pein omail dodok, kadokeki pein pa omail, duen me je padaki on komail er,  
\v 12 Pwe komail en janjal mau mon me mi liki kan, o komail der mau on amen en apwali komail.  
\v 13 Ri ai kan, je jota men oki jan komail duen me mairelar akan, pwe komail der injenjued dueta irail, me jota ar kaporopor.  
\v 14 Pwe ma kitail kamelele, me Iejuj matala ap iajadar, nan iduen me mairelar ren Iejuj, Kot pil pan kalua ir ala re a.  
\v 15 Pwe ieteten me je indan komail ni majan en Kaun o, kit me memaureta lao Kaun o pan kotin pwarado, jota pan ko wei mon me mair akan.  
\v 16 Pwe pein Kaun o pan kotido jan nanlan ki majan laud, o kapiti en toulan lapalap amen, o koronete en Kot; me melar akan ren Krijtuj ap pan maureda maj.  
\v 17 Kit me memaureta luadi ap pan ian ir peukadala nan dapok kan, ko on ren Kaun o nan wawa, kitail ap pan mimieta ren Kaun o kokolata.  
\v 18 Komail ari kamaiteki komail la padak pot et.   
\c 5  
\p
\v 1 A DUEN anjau o auer, ri ai kan, menda i en intin won komail.  
\v 2 Pwe pein komail aja mau, me ran en Kaun o pan pwarado dueta lipirap amen ni pon.  
\v 3 Pwe irail lao pan inda: A muei mau, o jota apwal kot mia, I anjau kaupa pan lel on irail dueta li lijean amen; a irail jota pan pitila.  
\v 4 A komail ri ai kan, jolar mi ni rotorot, pwe ran o de konodi komail duen lipirap amen.  
\v 5 Komail karoj jeri en marain, o jeri en ran. Kitail jo kijan pon o rotorot.  
\v 6 Kitail ari ender mamair dueta me tei kan, a kitail en majamajan o daulikin.  
\v 7 Pwe me mair, kin mamair ni pon, o me jokolar, kin jokolar ni pon.  
\v 8 A kitail, me kijan ran, en liki jan, til won nan pere pan marmar en pojon o limpok, o lijoropeki kaporopor pan maur.  
\v 9 Pwe kaidin onion, me Kot kotin kileledi on kitail, a jen konodi maur joutuk ki atail Kaun Iejuj Krijtuj,  
\v 10 Me mata kin kitail er, pwe ma kitail papat de mamair, en maur pena re a.  
\v 11 Komail ari panau o jauaj pena nan pun omail duen me komail kin wia.  
\v 12 A je poeki re omail, ri ai kan, komail, en apwali me kin dodok nan pun omail, o me kaun komail da pan Kaun o, o me kin panaui komail.  
\v 13 Komail kaka kin ir kaualap ni limpok, pweki ar wiawia; o komail popol pena.  
\v 14 Je panaui kin komail, ri ai kan, komail en kapun on me katiwo kan, o kamait, me ar pojon tikitik, o apapwali me luet akan, o kanonama on karoj.  
\v 15 Komail majamajan, pwe amen ender depukki on amen me jued me jued, a en inon ion me mau eta nan pun omail o on amen amen.  
\v 16 Komail pereperen anjau karoj.  
\v 17 Kapakapta joutuk.  
\v 18 Komail danke ni meakaroj, pwe iduen kupur en Kot ren Krijtuj Iejuj on komail.  
\v 19 Der kakundi Nen.  
\v 20 Der mamaleki deideikop akan.  
\v 21 Kajojon on meakan karoj, ap koledi me mau.  
\v 22 Liki jan jon en jued karoj.  
\v 23 A Kot en popol en kajaraui komail la kaualap, nen omail, o monion omail, o war omail en nekinek mau on en atail Kaun Iejuj Krijtuj a pwarado.  
\v 24 Melel i, me kotin molipe komail er, me pan pil wiada.  
\v 25 Ri ai kan kapakapa kin kit.  
\v 26 Ranamauki ri at akan karoj metik jaraui.  
\v 27 I kauki on Kaun, me komail pan wadok kijin likau kij et on jaulan jaraui kan karoj.  
\v 28 Mak en atail Kaun Iejuj Krijtuj en mi re omail!