\id SNG Pohnpeian Bible
\ide UTF-8
\h MELKAHKAHN MELKAHKA KAN
\toc1 MELKAHKAHN MELKAHKA KAN
\toc2 MELKAHKAHN MELKAHKA KAN
\toc3 M.M.K.
\mt1 MELKAHKAHN MELKAHKA KAN
\is1 Oaralap en Pwuhk wet
\ip Pwuken \bk Melkahkahn Melkahka Kan \bk* iei pwuken koulen limpoak kei; pali laud mi ni mwomwen koul kei me ohl emen kin wiahiong lih emen, oh me liho kin wiahiong ohlo. Nan ekei kawehwehpen pwuhk wet, e kin adaneki \bk Melkahkahn Solomon\bk*, pwehki mwaren Solomon eh ntinting ni tepin pwuhk wet ni mahsen en Ipru.
\ip Pak tohto mehn Suhs akan kin kawehwehda melkahka pwukat oh wiahki audepe sansal en nanpwungen Koht oh sapwellime aramas akan; oh souleng tohto pil kin wiahki audepe sansal en nanpwungen Krais oh sapwellime Mwomwohdiso.
\iot Audepe ni Oaralap
\io1 Keieun Melkahka 1.1—2.7
\io1 Keriaun Melkahka 2.8—3.5
\io1 Kesiluhn Melkahka 3.6—5.1
\io1 Kapahieun Melkahka 5.2—6.3
\io1 Kelimaun Melkahka 6.4—8.4
\io1 Keweneun Melkahka 8.5-14
\c 1
\p
\v 1 En Solomon melkahka me keieu kaselel.\x - \xo 1:1 \xo*\xt 1 Nan. 4.32.\xt*\x*
\m \bk Liho \bk*
\q1
\v 2 Komw kin metik wasa koaros ni paliwereiet;
\q2 omwi limpoak me inenen iou sang wain.
\q1
\v 3 Mwaromwi kin katamandohng ie pwohmwahu en kalepemwi;
\q2 sohte lih emen kak katokihedi eh limpoakohng komwi.
\q1
\v 4 Komwi ketikiniehda, kita eri tangdoaui;
\q2 komwi en wiahla ei nanmwarki oh ketikiniehla nan sapwellimomwi pere.
\q1 Kita pahn pereperenpene,
\q2 sak wain, oh kalakalapwungki ata limpoak.
\q1 Iei me lih koaros kin limpoak kihong komwi!
\q1
\v 5 Lihen Serusalem kan, I me toantoal ahpw masamwahu,
\q2 toantoal rasehng impwal kan nan sapwtehn en Kedar,
\q2 ahpw kaselel rasehng kahdeng kaselel kan nan tehnpesen Solomon.
\q1
\v 6 Kumwail dehr wiahkin ie me I me sakanakan pwehki pohn kiliet,
\q2 pwe karakar en ketipin me kahrehda.
\q1 Riei ko me lingeringerda pahi
\q2 oh itonehng ie I en doadoahk nan mwetin wain.
\q2 Ihme kahrehda sohla ei ahnsoun apwalih paliwereiet.
\q1
\v 7 Ei mwohnlimpoak, ndahdo mahs,
\q2 Ia wasa me komw pahn kamwenge ie noumwi sihpw kan?
\q2 Ia wasa re pahn rukusang ie karakar en ketipin ninsouwas?
\q2 Dahme I en rapahkinkomwihki
\q2 nanpwungen silepen sihpw teikan?
\m \bk Ohlo \bk*
\q1
\v 8 Kowe me keieu kaselel nanpwaungen lih akan,
\q2 ia duwe, ke sohte ese wasao?
\q1 Idawehnowei pelin sihpwo;
\q2 rapahkihda wasa me noumw kuht kan pahn mwenge ie
\q2 limwahn impwal kan en silepen sihpw kan.
\b
\q1
\v 9 Kowe, ei mwohnlimpoak, ohl akan kin mwasimwasingkin uhk, 2 rasehng oahs wol akan ar kin inangih oahs lih kaselel me kin tangahki tehnweren Parao werennansapw en mahwen kan.
\q1
\v 10 Pitenmoangomw lingan pohn likin sepomw
\q2 oh mwotoudi ni tepinweromw rasehng kisin takai kesempwal kan.
\q1
\v 11 Se pahn wiahiong uhk ehu elin sihn kohl me silper pahn kapwata.
\m \bk Liho \bk*
\q1
\v 12 Ei nanmwarki ketin kipekip nan mwoale,
\q2 oh pwohmwahu en ei leh kipehdi wasa.
\q1
\v 13 Ei mwohnlimpoak pwohtik pwohmwahu en mir
\q2 ni eh kipekip pohn ei dihdi kat.
\q1
\v 14 Ei mwohnlimpoak rasehng rohs en nansapw akan
\q2 me kin masal nan mwetin wain kan nan Engkedi.
\m \bk Ohlo \bk*
\q1
\v 15 Ia uwen omw kaselel, ei mwohnlimpoak;
\q2 ia uwen poaren mesomw kan eh lingalingki omw limpoak!
\m \bk Liho \bk*
\q1
\v 16 Soangen omwi silang mwahu, ei mwohnlimpoak;
\q2 ia uwen omwi kin kaparanihiehda!
\q1 Dihpw kan pahn wia ata peht;
\q1
\v 17 tuhke sidar me pahn wia lohlo en imwata,
\q2 oh tuhke saiprus me pahn wia denso.
\c 2
\q1
\v 1 Ihte I wia kisin wahnrohs en nansapw en Saron,
\q2 kiepw pwoat nan wahu.
\sp Ohlo
\q1
\v 2 Rasehng kiepw ehu nanpwungen dihpw tekatek kan,
\q2 iei duwen ei mwohnlimpoak nanpwungen lih akan.
\sp Liho
\q1
\v 3 Rasehng tuhke apel pwoat nanpwungen tuhke kan en nanwel,
\q2 iei duwen ei karasahiong ei mwohnlimpoak ong ohl teikan.
\q1 I kin perenki mwomwohd pahn mweteh,
\q2 oh wah kan me inenen mem nan ewei.
\q1
\v 4 E waielahng nan eh perehn kamadipw
\q2 oh apihada pohi pilaik en limpoak.
\q1
\v 5 Pwurehng kakehlakahkiniehda wahn wain madekeng kan
\q2 oh katinahkiniehda apel kan!
\q2 Pwe I luwetkihla ei limlimpoak.
\q1
\v 6 Peh palimeing mihmi pahn moangei,
\q2 oh peh palimaun kin damwedamwer ie.
\q1
\v 7 Lihen Serusalem kan, kumwail inoukihong ie,
\q2 kumwail kahukihla ni mwaren tie marahra kan oh kasel kan
\q2 me kumwail sohte pahn kedirapwahla at limpoak.
\sp Liho
\q1
\v 8 I rong ngilen ei mwohnlimpoak.
\q1 E tangatang kohdo pohn nahna kan,
\q2 tangatang kodohng ie pohn kisin dohl kan.
\q1
\v 9 Ei mwohnlimpoak rasehng kasel men,
\q2 rasehng tie wol pwulopwul men.
\q1 E kesikesihnen limwahn kehlo.
\q1 E kilikilengdo nan wenihmwtoko,
\q2 e mwasamwasahn ie ni didwehweho.
\q1
\v 10 Ei mwohnlimpoak koasoiong ie.
\sp Ohlo
\q1 Nna, keido ei mwohnlimpoak;
\q2 ei mwohnlimpoak, kohdo iang ie.
\q1
\v 11 Ahnsoun kopou imwiseklahr; keteu tokedier;
\q2
\v 12 wahnrohs kan masalpesengier nansapw akan.
\q1 Met iei ahnsoun kokoul,
\q2 ngilen mwuroi kin peipeido sang nan mwaht akan.
\q1
\v 13 Wahntuhke pik kan tepidahr mat;
\q2 nan wehwe direkilahr pwohtik pwohmwahu en masal en wain akan.
\q1 Nna, keido ei mwohnlimpoak;
\q2 ei mwohnlimpoak, kohdo iang ie.
\q1
\v 14 Ke rasehng mwuroi men me kin rukuruk
\q2 nan pwoaren paip.
\q1 Mweidohng ie I en kilang kaselel en mesomwen
\q2 oh rong ngilamwahu en ngilomwen.
\b
\q1
\v 15 Kumwail saikedi kidi en wel kan, kisin kidi en wel kan,
\q2 mwohn ar pahn kauwehla at mwetin waino ni eh pahn masalpeseng.
\sp Liho
\q1
\v 16 Ei mwohnlimpoak iei ahi, oh ngehi me ah.
\q1 E kin kamwenge nah pelin sihpw kan nanpwungen kiepw kan
\q2
\v 17 lao lel engitik en nimenseng eh kin ipido
\q2 oh rotorot kin sohrala.
\q1 Pwurodo, ei mwohnlimpoak, rasehng kasel men,
\q2 rasehng tie wol en nanwel pohn nahna kan en Peder.
\c 3
\q1
\v 1 Pwohng koaros ni ei kin wonohn nan ei peht
\q2 I kin ouraman ei mwohnlimpoako;
\q2 I kin raparapahki, I ahpw sohte kak diar.
\q1
\v 2 I kin kohkohseli nan kahnimwo,
\q2 nan ahl akan oh nanpwungen ihmw kan.
\q1 I rapahki ei mwohnlimpoako,
\q2 I rapahki, I ahpw sohte kak diar.
\q1
\v 3 Silepen kahnimwo kei ahpw kasaingiehdi ni ar doudouseli;
\q2 I ahpw idek rehrail, “Kumwail sohte kilang ei mwohnlimpoako?”
\q1
\v 4 I alulahsangirailte, ngehi eri tuhwong.
\q1 I ahpw pwoalehdi, sohte men kadarala
\q2 lao I walahng nan imwen ineio,
\q2 walahng nan pere me I ipwidi ieo.
\b
\q1
\v 5 Lihen Serusalem kan, kumwail inoukihong ie;
\q2 kumwail kahukihla ni mwaren tie marahra kan oh kasel kan
\q2 me kumwail sohte pahn kadirapwahla at limpoak.
\m \bk Liho \bk*
\q1
\v 6 Dahkot met me kohkohdahsang nan sapwtehn likamwete uhr en ediniei,
\q2 me pwohn warpwohmwahu oh mir,
\q2 warpwohmwahu me sounnetinet kan kin netikihla?
\q1
\v 7 Solomon ketiket kohdo, e ket pohn sapwellime rohpapiso;
\q2 sounpei wenehk me wia silepe
\q2 sounpei me keieu wadawad nan Israel.
\q1
\v 8 Irail koaros koahiek en doadoahngki kedlahs;
\q2 irail koaros iei sounpei wadawad ekei nan mahwen.
\q1 Emenemen irail tehtehki kedlahs,
\q2 mehn sile mwekid suwed kan en nipwong.
\q1
\v 9 Nanmwarki Solomon ket pohn mwoale me kin ro,
\q2 me wiawihkihda tuhke keieu kaselel.
\q1
\v 10 Silper me kidim uhr kan;
\q2 oh likou me deiadki kohl me mi powe.
\q1 Irepen wasahn mwomwohd kan kidikidki likou poh ntahn mwel,
\q2 me lihen Serusalem kan kin samanih pahda ni keneinei.
\q1
\v 11 Lihen Saion kan, kumwail patohdo iang udiahl Nanmwarki Solomon.
\q1 E ketin kapwatki nihn me ine patohwandahng pohn tapwi,
\q2 ni rahn me e ketin kapwopwoudo,
\q2 ni rahnen sapwellime keremwel.
\c 4
\m \bk Ohlo \bk*
\q1
\v 1 Soangen omw kaselel, ei mwohnlimpoak!
\q1 Ia uwen poaren mesomw kan eh wie lingalingki limpoak pahn omw koaduhpwel.
\q1 Pitenmoangomw rasehng pelin kuht
\q2 me kin wie lusulus kohdi pohn kisin dohl kan en Kilead.
\q1
\v 2 Ngihmw kan pwetepwet rasehng sihpw kan
\q2 me ahpwtehn seisei oh wideud.
\q1 Sohte mehpwoat me kohsang;
\q2 koaros pahrek mwahu.
\q1
\v 3 Kilinewomwen rasehng silik weitahta;
\q2 ia uwen kaselel ni omw kin koasoi.
\q1 Likin sepomw kan pwukapwuk pahn omw koaduhpwel.
\q1
\v 4 Tepinweromw pwonopwon oh mendendel
\q2 rasehng sapwellimen Depit imwen douliko,
\q2 oh omw elin kapwat ni tepinweromw rasehng mehn sansar kid.
\q1
\v 5 Omw dihdi kan rasehng kasel kan,
\q2 mpweren tie me mwengemwengeseli nanpwungen kiepw kan.
\q1
\v 6 I pahn mihmi pohn kisin dohl en mir,
\q2 pohn dohl en warpwohmwahu,
\q2 lao engitik en nimenseng ipido
\q2 oh rotorot sohrala.
\q1
\v 7 Soangen omw masamwahu, ei mwohnlimpoak;
\q2 ia uwen omw kaselel!
\b
\q1
\v 8 Nna, ei lih kamwohd, kita mweselsang pohn Nahna Lepanon kan;
\q2 kita kohkohlahsang Lepanon.
\q1 Kita kohdihla sang pohn kumwen Nahna Amana,
\q2 sang pohn Nahna Senir oh Nahna Ermon,
\q2 wasa me laion oh lepard kan kin koukousoan ie.
\q1
\v 9 Nan mesomwen, ei mwohnlimpoak oh ei lih kamwohd,
\q2 oh mwaromw elin kapwat en pahn tepinweromwen
\q2 kauwelahr mohngiongi.
\q1
\v 10 Omw limpoak kin kaperenihiehda,
\q2 ei mwohnlimpoak, oh ei lih kamwohd.
\q1 Omw limpoak iou sang wain;
\q2 omw leh pwohtik pwohmwahu sang soangen mehn doal leh koaros.
\q1
\v 11 Ei mwohnlimpoak, nemen kilin ewomwen rasehng mem en sukehn loangalap;
\q2 lowomwen iei milik oh sukehn loangalap nan eweiet.
\q1 Omw likou kan duwehte pwohtik pwohmwahu koaros en Lepanon.
\b
\q1
\v 12 Ei mwohnlimpoak, ei lih kamwohd, iei mwaht rir ehu,
\q2 mwetuwel ehu me kelpene, pwarer ehu me rir sang aramas koaros;
\q2
\v 13 iei wasa me kisin tuhke kan kin pweida mwahu ie.
\q1 Re kin keirda rasehng soangen tuhke me kin adaneki pwohmakraneid
\q2 oh wah me keieu kaselel.
\q2 duwehte henna oh nard,
\q2
\v 14 sapron, kalamus, oh sinamon,
\q2 de soangen warpwohmwahu koaros kin ohla mwahl wasao.
\q1 Mir oh aloes kin keirda wasao
\q2 iangahki soangen leh keieu pwohmwahu koaros.
\q1
\v 15 Pwarer kei kin kalamwurih mwetuwelo,
\q2 pwilipwil en pihl sang
\q2 ni piletik kan me kin pwilipwildihdo sang pohn Nahnahn Lepanon kan.
\m \bk Liho \bk*
\q1
\v 16 Pirida, kisinieng en Paliepeng.
\q1 Kisinieng en Palieir, ipido nan ei mwahtet;
\q2 kadirehkihla pwohtik pwohmwahu nan wehwe.
\q1 Mweidohng ei mwohnlimpoak en mwemweit nan eh mwetuwel
\q2 oh en konote wah me keieu kaselel.
\c 5
\m \bk Ohlo \bk*
\q1
\v 1 Ei mwohnlimpoak, oh ei lih kamwohd,
\q2 I pedolongehr nan ei mwetuwel.
\q1 I dandar ei warpwohmwahu oh mir;
\q2 I kangkang ei sukehn loangalap;
\q2 I niminim kenei wain oh milik.
\m \bk Lihen Serusalem kan \bk*
\q1 Kumwa konot, kumwa me limpoakpene, oh konokonot wain
\q2 lao kumwa luhmwuhmwkihla sapwellimamwa limpoak!
\m \bk Liho \bk*
\q1
\v 2 Nindokon ei memeir, mohngiongi wie pepehd.
\q1 I ouraman duwen ei mwohnlimpoak eh letelet ni wenihmwo.
\m \bk Ohlo \bk*
\q1 Lao kompoakepahi, oh ei mwohnlimpoak,
\q2 mweidohng ie mahs pwe I en pedolong.
\q1 Moangeiet wisekesengkilahr pwoaik en ninsohrahn
\q2 oh pitenmoangei kat pil wisekesengkilahr lemwulemwur en ninsohrahn.
\m \bk Liho \bk*
\q1
\v 3 I kihsangehr ei likou kan;
\q2 dahme I pahn pwurehng likoukihda?
\q1 I widendahr nehi kat;
\q2 dahme I pahn pwurehng kasaminehkihla?
\b
\q1
\v 4 Ei mwohnlimpoak doake wenihmwo,
\q2 oh loalei mwekidkihda eh mihmi limwahi.
\q2
\v 5 I onopadahr I en kasamwohlong loale.
\q1 Pehi kat pwohtik pwohmwahuki mir,
\q2 sendin pehi kat wisekesengki pilen mir,
\q2 ni ei kapir mehn kepir en wenihmwo.
\q1
\v 6 Ngehi eri ritingada wenihmwo ong ei mwohnlimpoako,
\q2 ahpw e solahr mie, e samwalahr.
\q1 Ia uwen ei men rong ngile!
\q1 I rapahki, I ahpw sohte diar;
\q2 I likwerih, ahpw sohte me sapeng.
\b
\q1
\v 7 Silepen kahnimwo diariehda ni ar doudouseli;
\q2 re poakihiehdi oh kauweiehla;
\q2 sounsilasil ko ni ewen kelen kahnimwo tehrasang ei koaduhpwel.
\q1
\v 8 Lihen Serusalem kan, kumwail inoukihong ie,
\q2 ma kumwail diar ei mwohnlimpoako,
\q2 kumwail pahn ndaiong me I luwetkilahr ei limpoak.
\m \bk Lihen Serusalem kan \bk*
\q1
\v 9 Kowe, me keieu kaselel nanpwungen lih akan koaros,
\q2 ia duwe, omw mwohnlimpoako, e wekisang ohl teikan koaros?
\q1 Dahme nohn kaselel reh
\q2 me se en wiahkihong uhk at inou?
\m \bk Liho \bk*
\q1
\v 10 Ei mwohnlimpoako me silang mwahu oh kehlail;
\q2 ih me keieu wadawad nanpwungen mwahnakapw nen.
\q1
\v 11 Silangio me pwukapwuk oh medendel;
\q2 pitenmoange pikosalap,
\q2 toantoal duwehte menpihr me adaneki reipen.
\q1
\v 12 Pwoaren silangio me kaselel rasehng mwuroi kan limwahn piletik,
\q2 mwuroi me duhduhki pilen milik oh kesikesihnen limwahn piletik.
\q1
\v 13 Likinsepe inenen kaselel rasehng mwetuwel ehu
\q2 me diren rohs oh warpwohmwahu.
\q1 Kilin ewe rasehng kiepw,
\q2 wisekesengki pilen mir.
\q1
\v 14 Peh kan me kaselel
\q2 oh kisin takai kesempwal mi nan nah rihng kan.
\q1 Paliwere rasehng aipori medendel,
\q2 me kisin takai kesempwal me adaneki sapir kin kapwata.
\q1
\v 15 Denge kan rasehng uhren alapasder riapwoat
\q2 me uhdahsang pohn poahsoan kohl.
\q1 Paliwere me roson, rasehng Nahnahn Lepanon kan
\q2 oh tuhke sidar reirei kan me mi wasao.
\q1
\v 16 Ewe me mem ni ei kin metik;
\q2 mehkoaros reh kin kaparanihiehda.
\q1 Lihen Serusalem kan,
\q2 ih duwen met mwomwen ei mwohnlimpoako.
\c 6
\m \bk Lihen Serusalem kan \bk*
\q1
\v 1 Kowe, lih keieu kaselel nanpwungen lih akan koaros,
\q2 ia wasa me omw mohnlimpoako kohla ie?
\q1 Ndahdo mahs, mehnia ahl me e keidla ie,
\q2 pwe se en seweseiuk iang rapahki.
\m \bk Liho \bk*
\q1
\v 2 Ei mwohnlimpoako samwalahr nan eh mwetuwelo,
\q2 wasa me tuhke palsam kan kin keirda ie.
\q1 E kamwekamwenge nah pelin sihpw kan nan mwetuwelo
\q2 oh dandar kiepw kan.
\q1
\v 3 Ei mwohnlimpoako iei ahi, oh ngehi me ah;
\q2 e kin kamwenge nah sihpw kan nanpwungen kiepw akan.
\m \bk Ohlo \bk*
\q1
\v 4 Ei mwohnlimpoak, ke inenen masamwahu rasehng Tirsa,
\q2 kaselel rasehng kahnimw en Serusalem.
\q2 oh mehn kapeudiahl lingan rasehng kahnimw laud pwukat.
\q1
\v 5 Sohpeiweisang ie,
\q2 pwe pwoaren mesomw kan kaloweiedier.
\q1 Pitenmoangomw kan rasehng pelin kuht
\q2 me lusulus kohdi pohn kisin dohl akan en Kilead.
\q1
\v 6 Ngihmw kan pwetepwet rasehng pelin sihpw ehu
\q2 me ahpwtehn wideud.
\q1 Sohte apwoat me kohsang;
\q2 koaros me pahrek.
\q1
\v 7 Likinsepomw kan pwukupwuk pahn omw koaduhpwel.
\q1
\v 8 Nanmwarkio en sapwellimaniki likend wenehk, pekehi weliakan,
\q2 peinakapw tohto me soh kak wadawad!
\q1
\v 9 Ahpw mehtemen me I poakepoake,
\q2 oh eh kaselel rasehng lingan en mwuroi men.
\q1 Ih iehros emen rehn eh nohno,
\q2 seri soisoi rehn eh nohno.
\q1 Lih koaros kin kilang oh kapinga;
\q2 lih nanmwarki kan oh pekehi kan kin wia arail koulen kapinga ih.
\b
\q1
\v 10 Ihs memenet me mese rasehng lingen ketipin?
\q1 E inenen masamwahu oh kaselel,
\q2 rasehng ketipin de maram.
\q1
\v 11 I kohdihla nan mwetuwel en almond kan
\q2 pwe I en kilang kisin tuhke pwulopwul kan nan wahwo,
\q2 pwe I en kilang tehntuhkehn wain me ahpwtehn pwerla kan
\q2 oh tuhke pwohmakraneid me masalehr kan.
\q1
\v 12 I wie rerrer, pwehki omw kahrehiong ie I en tihwohkihla limpoak
\q2 rasehng soundak werennansapw en mahwen eh kin ngoangkihla mahwen.
\m \bk Lihen Serusalem kan \bk*
\q1
\v 13 Pwurodo, pwurodo, kowe serepein en Sulam,
\q2 pwe se en kilikilang omw kahlek.
\m \bk Liho \bk*
\q1 Dahme kumwail men kilang kin ie
\q2 ni ei kin kahkahlek nanpwungen sounpoudiahl akan?
\c 7
\m \bk Ohlo \bk*
\q1
\v 1 Ia uwen kaselel en serepein men kowehn!
\q2 Ia uwen kaselel en nehmw kan nan omw sandel kan.
\q1 Kaselel en tepindengomw kan
\q2 likamwete mengin pehn sounmahlen koahiek emen.
\q1
\v 2 Mie pwohl ehu wasao,
\q2 me wain pwohmwahu sohte kin nekisang loale.
\q1 Kapakap en wiht ehu mie wasao,
\q2 me kiepw kan kapilpene.
\q1
\v 3 Omw dihdi kan rasehng mpwer en tie ehu,
\q2 rasehng kasel riemen.
\q1
\v 4 Tepinweromw rasehng wasahn doulik aipori ehu.
\q1 Pwoaren mesomw kan rasehng pwarer kan nan kahnimw Espon,
\q2 limwahn wenihmwen kelen kahnimw lapalapo.
\q1 Tumwomwen me inenen kaselel rasehng wasahn doulik en Lepanon
\q2 me uh sallahng Damaskus.
\q1
\v 5 Moangomwen inenda rasehng Nahna Karmel.
\q1 Lingan en omw ingihngen piripir rasehng silik me keieu kaselel;
\q2 me lingene kakete kalowehdi kupwur en nanmwarki men.
\b
\q1
\v 6 Ia uwen omw kaselel;
\q2 ia uwen unseklahn kaperen en omw limpoak!
\q1
\v 7 Mwekid en paliweromw inenen kaselel rasehng nih pwoat,
\q2 omw dihdi kan rasehng dunen nih tik.
\q1
\v 8 I pahn douda nan niho
\q2 oh dolung wah kan.
\q1 Omw dihdi kan rasehng dunen kreip ong ie,
\q2 omw esingek rasehng pwohtik pwohmwahu en apel,
\q2
\v 9 oh ewomw rasehng wain me keieu iou.
\m \bk Liho \bk*
\q1 Eri, waino en pwiliwohng rehn ei mwohnlimpoak,
\q2 pwilipwilwei pohn kilin ewe oh ngih kan.
\q1
\v 10 Ei mwohnlimpoako kin ahnekin ie, oh kin inangih ie.
\q1
\v 11 Kohdo ei mwohnlimpoak, kita kohdahla mahs nansapwo
\q2 oh pweidi nan kisin kahnimw tikitik kan.
\q1
\v 12 Kita pahn sangkenei pirida nimenseng oh kilang mwetin wain kan
\q2 pwe kita en kilang ma re keirdahr,
\q2 ma re masalehr,
\q2 ma tuhke pwohmakraneid ko masalehr.
\q1 I ahpw pahn kihong uhk ei limpoak wasao.
\q1
\v 13 Ke pahn kak ned pwohtik pwohmwahu en wahntuhke mandreik\f a \fr 7:13 \fr*\fk MANDREIK: \fk*\ft Tehk nan kawehwepen lepin mahsen kan.\ft*\f* kan,
\q2 oh wahntuhke pwohmwahu koaros mie limwahn ata wenihmwo.
\q1 Kompoakepahi, I nekinekid ong uhk
\q2 soahng kaperen kan en mahs oh me kapw.
\c 8
\q1
\v 1 Ia uwen ei men kowe me riei pwutak,
\q2 me ineio kadihdihada.
\q1 Eri, ni ei pahn tuhwong uhk nanial,
\q2 I pahn kak en metik uhk oh sohte emen pahn suwedki.
\q1
\v 2 I pahn waiukala nan imwen inei,
\q2 wasa me ke pahn padahkihong ie duwen limpoak.
\q1 I pahn kihong uhk wain me doal warpwohmwahu,
\q2 wain me wiawihdahsang pwohmakraneid kan.
\b
\q1
\v 3 Pehmw palimeing mi pahn moangei,
\q2 oh pehmw palimaun kin damwedamwer ie.
\b
\q1
\v 4 Kumwail lihen Serusalem kan, kumwail inoukihong ie,
\q2 me kumwail sohte pahn kadirapwahla at limpoak.
\m \bk Lihen Serusalem kan \bk*
\q1
\v 5 Ihs memenet me kohkohdohsang nan sapwtehn,
\q2 kolokol pehn eh mwohnlimpoak?
\m \bk Liho \bk*
\q1 I panginuhkada pahn tuhke apelo,
\q2 wasa me ke ipwidi ieo.
\q1
\v 6 Ritingedi mohngiongomw sang limpoak en emen tohrohr;
\q2 ngehi kelehpw me ke pahn kin pwoalehdi.
\q1 Kehlail en limpoak duwehte mehla;
\q2 ineng en limpoak rasehng kehlail en mehla.
\q1 E kin luluda
\q2 oh kamwasikahla wasa rasehng kisiniei kehlail.
\q1
\v 7 Sohte pihl kak kakunla;
\q2 sohte lapake kak pwillahng powe.
\q1 Ahpw ma emen pahn song en pwainkihda limpoak reken eh kepwe,
\q2 e pahn mwamwahlla pahn aramas koaros.
\m \bk Rien Liho Pwutak kan \bk*
\q1
\v 8 Mie riat serepein men,
\q2 oh eh dihdi kan wie tikitikte.
\q1 Dahme se pahn wiahiong
\q2 ma mwahnakapw men pahn peki en pwoudiki?
\q1
\v 9 Ma ih dihd ehu,
\q2 se pahn kauwadahng wasahn doulik silper ehu.
\q1 Ahpw ma ih ewen kehl ehu,
\q2 se pahn didihkipene tuhke sidar.
\m \bk Liho \bk*
\q1
\v 10 Ngehi dihd ehu,
\q2 oh ei dihdi kan me wia wasahn doulik.
\q1 Ei mwohnlimpoako kin dehdehki
\q2 pwe I kin diar ei nsenamwahu oh popohl reh.
\m \bk Ohlo \bk*
\q1
\v 11 Solomon sapwellimaniki mwetin wain ehu
\q2 nan tehnpas me adaneki Paal Amon.
\q1 Mie soumwet kei me kohwahkihong;
\q2 emenemen irail kin pwainkihong uwen mwohni silper kid.
\q1
\v 12 Me mwahu, Solomon en sapwellimaniki mwohni silper kido,
\q2 oh soumwet kan en pwaiskihsang mwohni silper riepwikio;
\q1 a ngehi, I tungoalenki mwetin wain tohrohr ehu me uhdahn pein ahi!
\b
\q1
\v 13 Ei mwohnlimpoak, I men rong ngilomw sang nan mwetuwelo; 2 kompoakepahi kan awiawih pwe re en rong omw pahn lokaia.
\m \bk Liho \bk*
\q1
\v 14 Keido mahs, ei mwohnlimpoak, duwehte kasel men,
\q2 duwehte tie wol pwulopwul men pohn nahna kan,
\q2 wasa me warpwohmwahu kan kin keirda ie.