\id PSA Pohnpeian Bible
\ide UTF-8
\h MELKAHKA KAN
\toc1 MELKAHKA KAN
\toc2 MELKAHKA KAN
\toc3 Mel.
\mt1 MELKAHKA KAN
\is1 Oaralap en Pwuhk wet
\ip Pwuken \bk Melkahka kan\bk*, iei pwuken koul oh kapakap kei en Pwuhk Sarawi. Aramas ekei me wiahda erein ahnsou reirehie, oh mehn Israel kan ahpw kihpene oh kin doadoahngki ni ahnsoun kaudok. Kedekedeo, koul oh kapakap pwukat ahpw patehngala Pwuhk Sarawi.
\ip Audepen koul sarawi pwukat wekpeseng ni soangen ire tohto: mie melkahka kei mehn kapinga oh kaudokiong Koht; mie mehn pek sawas, kapakap en silasil, oh pekipek en komour; pekipek en mahk oh kalahngan; koulen kapingkalahnganki en Koht eh kupwuramwahu; pekipek en kalokolok ong imwintihti kan. Kapakap pwukat wiawihier sang pein emen oh sang ni mwaren wehi pokon en Israel; audepen ekei kin kasalehda en emen eh pepehm, oh audepen meteikan kin kasalehda anahn de pepehm en wehi pokon.
\ip Sises ketin doadoahngki melkahka kan, oh sounnting kan en Kadehde Kapw kin kalap katamanda. Eri, koul pwukat wiahla pwuhk kesempwal en kaudok ehu nan Mwomwohdisohn Krais sang nin tapio.
\iot Audepe ni Oaralap
\io1 Audepen Pwuhk Wet Melkahka 150 me pwalpeseng wiahda ire limau, de pwuhk limau, iei me pahn sansal pah:
\io1 Melkahka 1—41
\io1 Melkahka 42—72
\io1 Melkahka 73—89
\io1 Melkahka 90—106
\io1 Melkahka 107—150
\c 1
\s1 Pai Mehlel
\r (Melkahka 1—41)
\q1
\v 1 Meid pai aramas akan
\q2 me kin soikala kaweid en aramas suwed kan,
\q2 me sohte kin men kalemengih me dipan akan,
\q2 de patehng irail akan me sohte kin wauneki Koht;
\q1
\v 2 ahpw re kin perenki peikiong Kosonned en KAUN-O,
\q2 oh medemedewe nan kapehdihr nin rahn oh nipwong.
\q1
\v 3 Re rasehng tuhke kan limwahn pihl akan,
\q2 me kin materek nan rahk koaros,
\q2 oh tehrail kan sohte kin mengila.
\q1 Re kin pweida mwahu ni soahng koaros me re kin wia.\x - \xo 1:3 \xo*\xt Ser. 17.8.\xt*\x*
\b
\q1
\v 4 Ahpw aramas suwed akan sohte mwahn kin duwehte;
\q2 re rasehng teh meng kan me kisinieng kin ipihpirseli.
\q1
\v 5 Koht pahn ketin kaloke me dipan akan
\q2 oh re pahn katohrohrsang sapwellime aramas akan.
\q1
\v 6 KAUN-O pahn ketin kaukaweid oh sinsile me pwung kan,
\q2 a aramas suwed akan pahn lekdekla kohkohlahte.
\c 2
\s1 Nanmwarki me Koht ketin Piladahr
\q1
\v 1 Dahme wehi kan koasoakoasone re en ketiwohkihla?
\q1 Dahme aramas akan wiewiahki arail koasoandi so-katepe?
\q1
\v 2 Ar nanmwarki kan kahngohdilahr;
\q2 ar kaun akan koasoakoasone nanpwungarail re en uhwong KAUN-O
\q2 oh pil uhwong sapwellime nanmwarki me e ketin piladahr.
\q1
\v 3 Re ahpw nda, “Kitail kasaledengkitailla sang pahn ara kosonned,
\q2 oh keseweisang kitail ara manaman.”
\b
\q1
\v 4 KAUN-O ahpw ketin kiparamat sang nan mwoale nanleng,
\q2 oh ketin kumwuski arail koasoandi kan.
\q1
\v 5 Ih eri ketin engiengda oh mahseniong irail,
\q2 oh kamasangkinirailda sapwellime engieng.
\q1
\v 6 E ketin mahsanih, “I kasapwiladahr nei nanmwarki
\q2 pohn ei dohl sarawio Saion.”\f a \fr 2:6 \fr*\fk SAION: \fk*\ft Lepin mahsen lepet “Saion” (iei ahd me tepin kohieng wasa me adaneki “Kahnimw en Depit,” en mehn Sepus kan wasahn mahwen kehlail me sapwellimen Nanmwarki Depit sounpei kan kalowehdi) mwuhr ahd wet pil kohieng dohl me Tehnpas Sarawio kokouda ie.\ft*\f*
\b
\q1
\v 7 Nanmwarkio ahpw mahsanih, “I pahn kasalehda dahme KAUN-O ketin mahsanih.
\q2 KAUN-O mahsanihong ie: ‘Kowe nei pwutak;
\q2 rahnwet I wialahr semomw.\x - \xo 2:7 \xo*\xt Wie. 13.33; Ipru 1.5; 5.5.\xt*\x*
\q1
\v 8 Peki rehi, a I pahn kihong uhk wehi kan koaros;
\q2 oh ke pahn limankihla sampah pwon.
\q1
\v 9 Ke pahn kauwehkinirailla sokon mete;
\q2 ke pahn kamwereirailpeseng duwehte omw kin pwalangpeseng dahl pleit.’”\x - \xo 2:9 \xo*\xt Kaud. 2.26-27; 12.5; 19.15.\xt*\x*
\b
\q1
\v 10 Eri, kumwail nanmwarki kan, kumwail rong ie;
\q2 kumwail kaunen sampah kan, kumwail rong duwen met:
\q1
\v 11 Kumwail papah KAUN-O ni lammwin;
\q2 kumwail rerrer 
\v 12 oh poaridihsang;
\q1 pwe e dehr ketin mwadang engiengda,
\q2 oh kumwail pahn mwadangete mehkihla.
\q1 Meid pai irail koaros me kin wiahki KAUN-O sileparail.
\c 3
\s1 Kapakap en Peki Sawas en Nimenseng \f b \fr 3:0 \fr*\fk TITlE NI MAHSEN EN IPRU: \fk*\ft Depit wiahda melkahka wet mwurin eh tangasang sapwellime pwutak Apsalom.\ft*\f* \x - \xo 3:0 \xo*\xt 2 Sam. 15.13—17.22.\xt*\x*
\q1
\v 1 Maing KAUN, ei imwintihti kan me ngeder,
\q2 re inenen tohto me kin pelian ie!
\q1
\v 2 Re kin koasoakoasoia ie oh ndinda,
\q2 “Koht sohte pahn ketin sewese.”
\b
\q1
\v 3 Ahpw Maing KAUN, komwi me soundoarepei sang me keper kan ahnsou koaros;
\q2 komwi me kin ketin kupwurehda I en kin powehdi,
\q2 komwi me kin ketin pwurehng kakehleiehda.
\q1
\v 4 I patohwan likweriong KAUN-O, pwe en ketin sewese ie,
\q2 e ahpw ketin sapeng ie sang pohn sapwellime dohl sarawi. \f c \fr 3:4 \fr*\fk DOHL SARAWI: \fk*\ft Tehk 2.6.\ft*\f*
\b
\q1
\v 5 I kin wendi oh memeir nipwong kan,
\q2 KAUN-O kin ketin sinsile ie.
\q1
\v 6 I sohte kin masak kiden imwintihti kan
\q2 me kin kapiliepene sang wasa koaros.
\b
\q1
\v 7 Maing KAUN, komw ketido! Maing Koht, komw ketin kapitiehla!
\q1 Komw kin ketin kaloke ei imwintihti kan koaros
\q2 oh ketikihsang irail manaman en kauweiehla.
\q1
\v 8 Manaman en powehdi kin pwilisang rehn KAUN-O—
\q2 en ketin kupwuramwahwih sapwellime aramas akan.
\c 4
\s1 Kapakap en Peki Sawas en Ninsoutik \f d \fr 4:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing Koht, soundoarepei,
\q2 komw ketin sapeng ie ni ei kin kapakap.
\q1 Ni ei milahr nan apwal, komwi me ketin seweseiehda.
\q2 A met komw kupwurkalahngan oh karonge ei pekipeket.
\b
\q1
\v 2 Kumwail aramas akan, ia erein amwail pahn mwamwahlikin ie?
\q2 Ia erein amwail pahn kin kesempwalki soahng me sohte katepe kan
\q2 oh idawehn soahng me likamw akan?
\b
\q1
\v 3 Kumwail en tamataman me KAUN-O ketin piladahr en sapwellimanikihla me pwung kan,
\q2 oh e ketin karonge ie ni ei kin likweriong.
\b
\q1
\v 4 Kumwail masak oh rerrer oh tokedihsang amwail kin wia dihp;
\q2 kumwail medemedewe mwahu duwen met,
\q2 ni amwail kin wendi nennenewei nan amwail peht kan.\x - \xo 4:4 \xo*\xt Ep. 4.26.\xt*\x*
\q1
\v 5 Kumwail meirongkihong KAUN-O amwail mehn meirong pwung,
\q2 oh likih ih.
\b
\q1
\v 6 Mie me tohto me kin kapakap nin duwe met:
\q2 “Maing KAUN, komw ketin kupwureiong kiht sapwellimomwi kapai kan.
\q2 Komw ketin kalahngan kupwurei kiht!”
\q1
\v 7 Ahpw peren me komw ketikihongieier
\q2 siksang mehlel peren me re pahn kin ahneki
\q2 sang ni reken ar wahn pilawa oh wain akan.
\b
\q1
\v 8 Ni ei kin wendi, I kin meirla ni popohl;
\q2 pwe komwi, Maing KAUN, me kin ketin sinsile ie.
\c 5
\s1 Kapakap en Peki Silepei \f e \fr 5:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, komw ketin karonge ei pato kat
\q2 oh pil ei tungoal sengloal.
\q1
\v 2 Maing ei Koht oh ei nanmwarki,
\q2 komw ketin karonge ngilen ei pek sawas!
\b
\q1 Maing KAUN, I kin patohwan kapakapohng komwi;
\q2
\v 3 komwi kin ketin karonge ngileiet nimenseng.
\q1 Ni dakadahn ketipin, I kin patohwan kapakap
\q2 oh kin kasikasik pasapengpe sang rehmwi.
\b
\q1
\v 4 Komwi Koht emen me sohte kin ketin kupwurperenki wiewia sapwung kan;
\q2 komw sohte kin ketin mweidohng me suwed kan en mihmi mwohn silangmwi.
\q1
\v 5 Komw sohte kin ketin kupwurki aramas me aklapalap akan;
\q2 komw kin ketin kalahdeki aramas suwed koaros.
\q1
\v 6 Komw kin ketin kamwomwala aramas likamw akan
\q2 oh sohte ketin kupwurki me widingan oh sounkam aramas akan.
\b
\q1
\v 7 Eri a, pwehki sapwellimomwi limpoak lapalap,
\q2 I kak patohdo nan tehnpasomwi;
\q1 I kak kaudok nan Tehnpasomwi sarawi
\q2 oh poaridi ong komwi ni wahu lapalap.
\q1
\v 8 Maing KAUN, ei imwintihti kan me ngeder!
\q2 Komw ketin kahluwa ie pwe I en kak kapwaiada kupwuromwien;
\q2 komw ketin kasalehiong ie alomwi pwe I en kak idawehn komwi.
\b
\q1
\v 9 I sohte kak likih dahme ei imwintihti kan ndinda;
\q2 pwe ihte re men kauweiehla.
\q1 Ar koasoi kan me lingan oh kansenamwahu,
\q2 ahpw diren widing suwed.\x - \xo 5:9 \xo*\xt Rom 3.13.\xt*\x*
\q1
\v 10 Maing Koht, komw ketin kadeikada oh kaloke irail,
\q2 ar koasoandi kan en pein kauweirailla.
\q1 Komw ketin kasareirailsang mwohn silangmwi
\q2 pwehki tohtohn diparail kan
\q2 oh ar kin kahngohdiong komwi.
\b
\q1
\v 11 Ahpw irail koaros me kin diar arail wasahn ruk rehmwi pahn kin pereperen;
\q2 re kak kokoulki ar peren ahnsou koaros.
\q1 Komw ketin sinsile irail kan me kin poakohng komwi;
\q2 re kin nsenamwahu pwehki komwi.
\q1
\v 12 Maing KAUN, komw kin ketin kupwuramwahwih irail kan me kin peikiong komwi;
\q2 sapwellimomwi limpoak rasehng mehnsansar ehu, me kin doandoare irail.
\c 6
\s1 Kapakap en Pek Sawas ni Ahnsou Apwal \f f \fr 6:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, komw dehr ketin engieng pahi, oh angiangih ie!
\q2 Komw dehr ketin kaloke ie ni omwi engieng!\x - \xo 6:1 \xo*\xt Mel. 38.1.\xt*\x*
\q1
\v 2 Maing KAUN, I patohwan weikeklahr; komw ketin kupwure ie.
\q2 Komw ketin kakehleiehda; pwe I weikeklahr kowahlap;
\q2
\v 3 oh paliwereiet oh ngeniet unsek milahr nan apwal laud.
\q1 Maing KAUN, ia erein omwi pahn ketin awiawih mwohn omwi pahn ketin sewese ie?
\b
\q1
\v 4 Maing KAUN, komw ketido oh doareiehla;
\q2 sang ni omwi kalahngan komw ketin kapitiesang mehla.
\q1
\v 5 Nan sapwen me melahr akan sohte me kin tamanda mwaromwi;
\q2 sohte me kak kapinga komwi wasao.
\b
\q1
\v 6 I weikengkilahr ei nsensuwed laud;
\q2 nipwong koaros kiei lohs kin wisekesengkihla ei kin sengiseng;
\q2 ulungei pil kin wisekesengkihla pilen mesei.
\q1
\v 7 I solahr kak kilang wasa;
\q2 meseiet mpwoskipesengier ei kin sengiseng,
\q2 pwehki ei imwintihti kan me kahrehda.
\b
\q1
\v 8 Kumwail aramas suwed kan, kumwail keiweisang ie!
\q1 KAUN-O kin ketin karonge ie ni ei kin sengiseng;\x - \xo 6:8 \xo*\xt Mad. 7.23; Luk 13.27.\xt*\x*
\q2
\v 9 e kin ketin karonge ie ni ei kin likwerin pek sawas
\q2 oh e pahn ketin sapeng ei kapakap.
\q1
\v 10 Ei imwintihti kan pahn pehmada kanamenek mwuledek en ar lohdi;
\q2 re pahn mwadangete pingida oh tangpeseng.
\c 7
\s1 Kapakap en Peki Pwuhng \f g \fr 7:0 \fr*\fk TITLE NI MAHSEN EN IPRUA: \fk*\ft Koul me Depit koulkihong KAUN-O pwehki Kus mehn Pensamino.\ft*\f*
\q1
\v 1 Maing KAUN, ei Koht, I patohdo pahn kupwuromwi pwe komwi en ketin sinsile ie;
\q2 komw ketin kapitiehla oh doareiehla sang irail koaros me kin pwakipwakih ie,
\q1
\v 2 pwe ma soh, re pahn duwehte laion me pahn waielahng
\q2 wasa me sohte emen kak doareiehla;
\q2 re ahpw pahn dapengiepeseng wasao.
\b
\q1
\v 3-4 Maing KAUN, ei Koht, ma I wiadahr sapwung ehu ong emen,
\q2 ma I pangala kompoakepahi men
\q2 de ma I wiahiong ei imwintihti men mehkot suwed ni sohte kahrepe;
\q2 ma I wiadahr ehu soahng pwukat—
\q1
\v 5 eri ei imwintihti kan en pwakihiehla oh koliehdi,
\q2 pwe re en peleiepeseng oh kemeiehla
\q2 oh keseiediong nanpwel!
\b
\q1
\v 6 Maing KAUN, komw ketida nan omwi engieng!
\q2 Komw ketin uhwong sarlemei en ei imwintihti kan;
\q2 komw pein ketida oh sewese ie!
\q1 Pwuhng me komw kin ketin kupwurki,
\q2
\v 7 komw ketin kapokonepene tohn wehi koaros rehmwi,
\q2 oh ketin kaunirailda sang powe.
\q1
\v 8 Komwi me sounkopwung en aramas koaros.
\q2 Maing KAUN, komw ketin kasalehda ei pwung ni omwi pahn kadeikiehda;
\q2 komw mwahngih me sohte dipei.
\q1
\v 9 Komwi Koht pwung men
\q2 me kin ketin wia kadeikpen at tungoal lamalam akan oh at tungoal ineng kan.
\q1 Komw ketin katokehdi wiewia suwed en aramas suwed kan
\q2 oh ketin katingih me mwahu kan.\x - \xo 7:9 \xo*\xt Kaud. 2.23.\xt*\x*
\b
\q1
\v 10 Koht iei silepei,
\q2 e kin ketin doarehla irail kan me kin peikiong.
\q1
\v 11 Koht iei sounkopwung pwung men
\q2 oh e kin ketin kaloke aramas suwed kan ahnsou koaros.
\q1
\v 12 Ma re sohte pahn wekidala koasoandi kan en ar mour,
\q2 Koht pahn ketin kakengihala sapwellime kedlahs.
\q1 E ketin kadangehr sapwellime kesik ketieu oh ketin kaunopadahr en kadar;
\q2
\v 13 e ketikidahr sapwellime tehtehn mahwen keper kan
\q2 oh kainenehier sapwellime arep kisiniei kan.
\b
\q1
\v 14 Tehk duwen aramas suwed kan ar kin koasoakoasone nan kapehdihr me suwed;
\q2 re kin koasoanehdi wiepen kahpwal oh kapwaiada ar widing kan.
\q1
\v 15 Ahpw nan lidip kan me re kin kaunopohng meteikan,
\q2 re kin pein pwupwudiong loale.
\q1
\v 16 Eri, pein arail suwed kin kaloke irail
\q2 oh pein arail lemei kin kauweirailla.
\b
\q1
\v 17 I kin patohwan kapingkalahnganki ong KAUN-O sapwellime pwung;
\q2 I patohwan koulki koulen kaping ong KAUN-O, Wasa Lapalap.
\c 8
\s1 Lingan en Koht oh Kesempwal en Aramas \f h \fr 8:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, at Kaun,
\q2 sapwellimomwi roson lapalap kin sansal wasa koaros nin sampah!
\q1 Kapingpomwi kin leldawohng nanleng;
\q2
\v 2 seri kan oh seri pwelel kan pil kin kapinga komwi.
\q1 Komwi me ketin kauwadahr kelen mahwen ong sapwellimomwi imwintihti kan,
\q2 pwe en irehdi irail koaros me kin pelian komwi.\x - \xo 8:2 \xo*\xt Mad. 21.16.\xt*\x*
\b
\q1
\v 3 Ni ei kin kilangdawohng pahnlahng, iei wiepen nin limomwi,
\q2 maram oh usu kan me komw ketin koasoanedier nan dewerail—
\q1
\v 4 dahkot aramas, me komwi kin ketin kupwukupwure;
\q2 aramas mwahl, me komwi kin ketin apwahpwalih?\x - \xo 8:4 \xo*\xt Sohp 7.17-18; Mel. 144.3; Ipru 2.6-8.\xt*\x*
\b
\q1
\v 5 Komwi me ketin koasoanehdi aramas pwe komwihte me re pahn patopato pah;
\q2 komwi me ketin kamwarehkinirailda lingan oh wahu.\x - \xo 8:5 \xo*\xt Kupw. 2.23; Sir. 17.1-4.\xt*\x*
\q1
\v 6 Komwi me ketin koasoanehdi pwe en kaunda wiepen nin limomwi koaros,
\q2 komwi me pil kasapwiladahng pohnangin mehkoaruhsie.\x - \xo 8:6 \xo*\xt 1 Kor. 15.27; Ep. 1.22; Ipru 2.8.\xt*\x*
\q2
\v 7 sihpw oh kou koaros, oh pil mahn lawalo kan;
\q2
\v 8 menpihr kan oh mwahmw akan,
\q2 oh mehkoaros me kin aude nan madau.
\b
\q1
\v 9 Maing KAUN, at Kaun,
\q2 sapwellimomwi roson lapalap kin sansal wasa koaros nin sampah!
\c 9
\s1 Kapakap en Kapingkalahngan pwehki Sapwellimen Koht Pwuhng \f i \fr 9:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, I pahn patohwan kapinga komwi sang nan kapehdi unsek;
\q2 I pahn patohwan koasoia wiewia kapwuriamwei koaros me komw ketin wiadahr.
\q1
\v 2 I pahn kokoulki koulen peren pwehki komwi.
\q2 I pahn koulki koulen kaping ong komwi, Koht Wasa Lapalap.
\b
\q1
\v 3 Ei imwintihti kan kin tangdoaui ni omwi kin ketido;
\q2 re kin pwupwudi oh mehla.
\q1
\v 4 Komw me kin ketin mehlel oh pwung ni omwi kadeik kan,
\q2 komw ketin kadeikadahr ei pwung.
\b
\q1
\v 5 Komw ketin kalokeier me rotorot akan
\q2 oh ketin kamwomwalahr aramas suwed kan;
\q2 solahr me pahn taman irail.
\q1
\v 6 At imwintihti kan sohralahr;
\q2 komwi me ketin kamwomwala ar kahnimw kan,
\q2 solahr me taman irail douluhl.
\b
\q1
\v 7 Ahpw KAUN-O iei nanmwarki poatopoat;
\q2 e ketin koasoanedier sapwellime mwoalen kopwung.
\q1
\v 8 E ketin kakaun sampah ni pwung;
\q2 e kin ketin kapwung wehi kan ni kadeik pwung.
\b
\q1
\v 9 Rehn KAUN-O iei wasahn ruk ong me toutoulahr akan,
\q2 iei wasahn rukula ni ahnsou apwal.
\q1
\v 10 Maing KAUN, irail kan me patohwan esei komwi pahn kin likih komwi;
\q2 komw sohte kin ketin likidmeliehla mehmen me kin patohdo rehmwi.
\b
\q1
\v 11 Kumwail koulki koulen kaping ong KAUN-O, me kin kakaun Saion!
\q2 Kumwail lohkihong wehi koaros dahme e ketin wiadahr!
\q1
\v 12 Koht kin ketin tamataman irail kan me kin lokolok;
\q2 e sohte kin meliehla ngilen ar likwer,
\q2 oh kin ketin kaloke me kin wia sapwung ong irail.
\b
\q1
\v 13 Maing KAUN, komw ketin kupwurkalahngan ong ie!
\q2 Komw mahsanih kalokolok kan me ei imwintihti kan kin wiahiong ie!\x - \xo 9:13 \xo*\xt Kupw. 16.13.\xt*\x*
\q1 Maing KAUN, komw ketin kapitiesang mehla,
\q2
\v 14 pwe I en kak uh mwohn mehn Serusalem kan
\q2 oh koasoia mehkoaros me I kin kapikapingahki komwi.
\q1 I pahn pereperen pwehki omwi ketin kapitiehla.
\b
\q1
\v 15 Aramas rotorot kan weiradahr pwoahr ehu oh re pwupwudiong loale;
\q2 re pein lohdiong nan ar lidip.
\q1
\v 16 KAUN-O ketin kasalehda pein ih sang ni sapwellime kadeik pwung kan,
\q2 oh aramas suwed kan lohdier nan pein ar wiewia kan.
\b
\q1
\v 17 Mehla iei imwilahn aramas suwed kan koaros,
\q2 pil imwilahn irail koaros me kin soikala Koht.
\q1
\v 18 Me semwehmwe kan sohte pahn kin lekdekla ahnsou koaros;
\q2 arail koapworopwor sohte pahn ohla kohkohlahte.
\b
\q1
\v 19 Maing KAUN, komw ketidohla; komw dehr ketin mweidohng aramas akan en uhwong komwi!
\q2 Komw ketikihda me rotorot kan mwohn silangmwi oh ketin kadeikirailda.
\q1
\v 20 Maing KAUN, komw ketin kamasak irail;
\q2 komw ketin kamarainihkin irail me irail aramas ekei me pahn mehla.
\c 10
\s1 Kapakap en Peki Pwuhng
\q1
\v 1 Maing KAUN, dahme komw ketin dohkiweisang kiht?
\q2 Dahme komw ketin karirihkilahr pein komwi ni at milahr nan apwal?
\q1
\v 2 Aramas suwed kan aklapalapalahr oh wie kalokaloke me semwehmwe kan;
\q2 komw kaloweiraildi nan lidip me re wiahda.
\b
\q1
\v 3 Aramas suwed kin aksuweiki eh ineng suwed kan;
\q2 aramas noahrok kin lahlahwe oh kin soikala KAUN-O.
\q1
\v 4 Aramas suwed sohte kin nsenohki KAUN-O;
\q2 nan eh aklapalap e kin lemeleme me sohte katepen Koht.
\b
\q1
\v 5 Aramas suwed kin pweida ni mehkoaros.
\q2 E sohte kak dehdehki sapwellimen Koht kadeik kan;
\q2 e kin mwamwahliki eh imwintihti kan.
\q1
\v 6 E kin mengimengloalki ndinda, “I sohte kak sapwungala;
\q2 I sohte kak mihla nan apwal.”
\q1
\v 7 Eh koasoi kan kin mi ni koasoi en lahlahwe, likamw oh kamasak;
\q2 e kin mwadang ong lokaiahn kailok oh suwed.\x - \xo 10:7 \xo*\xt Rom. 3.14.\xt*\x*
\b
\q1
\v 8 E kin rukuruk nan kisin kahnimw kan,
\q2 awiawih me sohte dipe kan pwe en kemeirailla.
\q1 E kin lipoahroke irail kan me sohte ar mehkot;
\q2
\v 9 e rukuruk wasa rir rasehng laion emen.
\q1 E kin awiawih me semwehmwe kan;
\q2 e ahpw kin kaloweiraildi nan eh lidip oh tangahkiniraildoaui.
\b
\q1
\v 10 Me lelepek lohdier kan engiengehr nanpwel;
\q2 kehlail en aramas suwedo kaloweiraildier.
\q1
\v 11 Aramas suwed kin mengimengloalki ndinda, “Koht sohte kin kupwurohki!
\q2 E ketin karirihalahr silangi oh sohte pahn mahsanih ie.”
\b
\q1
\v 12 Maing KAUN, komw ketin kaloke aramas suwed pwuko!
\q2 Komw ketin kupwukupwure irail kan me kin lokolok!
\q1
\v 13 Ia duwen aramas suwed men e kak mwamwahliki Koht
\q2 oh nda, “Koht sohte pahn kalokei ie?”
\b
\q1
\v 14 Ahpw komw kin ketin mahsanih; komw kin ketin kilelehdi apwal oh lokolok kan
\q2 oh kin ketin onopada ahnsou koaros pwe en sewese me paisuwedlahr akan.
\q1 Aramas paisuwedlahr akan kin sohpeiong komwi;
\q2 komwi kin ketin sewese aramas semwehmwe kan ahnsou koaros.
\b
\q1
\v 15 Komw ketin kauwehla manaman en aramas suwed kan;
\q2 kaloke kin irail sapwung kan me re wiadahr
\q2 re lao tokedihsang.
\b
\q1
\v 16 KAUN-O me nanmwarki poatopoat.
\q2 Irail kan me kin kaudokiong koht teikan
\q2 pahn kamwomwomwsang nan sapwellime wehi.
\b
\q1
\v 17 Maing KAUN, komw pahn ketin karonge kapakap en me tikitik kan;
\q2 komw pahn ketin kakehlahda nan kapehdirail.
\q1
\v 18 Komw pahn ketin karonge likwer en me toutoulahr akan oh me sepwoupwou kan;
\q2 komw pahn ketin kadeikada ar pwung,
\q2 pwe aramas me kin mour mwotomwot nin sampah wet en dehr kin kamasak irail kohkohlahte.
\c 11
\s1 Koapworopworki KAUN-O \f j \fr 11:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 I kin likih KAUN-O pwe ih me doarepei.
\q2 Kumwail meid pweipwei ni amwail kin ndaiong ie,
\q1 “Tenge pohn nahna kan rasehng mehnpihr me kin pihrla wasa ko,
\q2
\v 2 pwe aramas suwed kan kadangpesengehr nair kesik ketieu kan oh kainenehier neirail arep kan
\q2 pwe re en kasikih aramas mwahu kan sang wasa rotorot kan.
\q1
\v 3 Sohte mehkot aramas mwahu men kak wia
\q2 ahnsou me mehkoaros ohlahr.”
\b
\q1
\v 4 KAUN-O kin ketiket nan tehnpese sarawi;
\q2 mwoahle kin mi nanleng.
\q1 E kin mamahsanih aramas akan wasa koaros
\q2 oh mwahngih dahme re kin wiewia.
\q1
\v 5 E kin ketin kasawih aramas mwahu oh me suwed kan koaros;
\q2 e kin ketin kalahdeki kowahlap me kin keid likin sapwellime kosonned akan.
\b
\q1
\v 6 E kin ketin kamwerehdi kisiniei oh suwepel \f k \fr 11:6 \fr*\fk SUWEPEL: \fk*\ft Tehk nan kawehwehpen lepin mahsen kan.\ft*\f* okohk pohn aramas suwed kan;
\q2 e kin ketin kalokehkin irail kisinieng mpwumpwul.
\q1
\v 7 KAUN-O me pwung oh kin kupwurki wiewia mwahu kan;
\q2 me kin peikiong pahn kin momour mwohn silangi.
\c 12
\s1 Kapakap en Peki Sawas \f l \fr 12:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, komw ketin sewesei kiht!
\q2 Sohte aramas mwahu men me luhwehdi;
\q2 solahr me kak diar aramas mehlel kan.
\q1
\v 2 Irail koaros kin wiewie likamwpene nanpwungarail;
\q2 re kin widiwidingpene nanpwungarail ni liksansalamwahu.
\b
\q1
\v 3 Maing KAUN, komw ketin katokehdi loh widingan pwuko!
\q2 Komw ketin perehla au lemei pwuko me kin kakahski,
\q1
\v 4 “Se kin alehki mehkoaros me se anahne at koasoi kan.
\q2 Se pahn kin koasoia dahme se kin inengieng,
\q2 oh sohte me kak katokeikitedi.”
\b
\q1
\v 5 KAUN-O ketin mahsanih, “Ahpw met I pahn pwarodo,
\q2 pwe me semwehmwe kan toutoulahr
\q2 oh me wie lokolok kan weiweirengki ar medek.
\q1 I pahn kihong irail meleilei oh nsenamwahu me re kin ngoangki.”
\q1
\v 6 Kitail kak likih sapwellimen KAUN-O inou kan;
\q2 pwe me mehlel rasehng silper
\q2 me kamwakeldahr pak isuh nan kisiniei mwehl.
\b
\q1
\v 7-8 Aramas suwed kan kin mi wasa koaros,
\q2 oh irail koaros kin kapinga dahme suwed.
\q1 Maing KAUN, komw ketin doarei kiht ahnsou koaros,
\q2 oh ketin sileikitasang soangen aramas pwukat.
\c 13
\s1 Kapakap en Peki Sawas \f m \fr 13:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, ia erein omwi pahn ketin likidmelieiehla,
\q2 e pahn kohkohlahte?
\q1 Ia erein omwi pahn ketin karirala sang ie silangmwi?
\q1
\v 2 Ia erein ei pahn patopato nan apwal?
\q2 Ia erein mohngiongi eh pahn wie toutouki nsensuwed nin rahn oh nipwong?
\q2 Ia erein ei imwintihti kan ar pahn kin poweiehdi?
\b
\q1
\v 3 Maing KAUN, ei Koht, komw ketin mahsendohng ie oh sapeng ie.
\q2 Komw ketin kakehleiehda sapahl; komw dehr ketin mweidohng I en mehla.
\q1
\v 4 Komw dehr mweidohng ei imwintihti kan en nda, “Kitail kalowedier!”
\q2 Komw dehr mweidohng re en kepitiki ei pwupwudi.
\b
\q1
\v 5 I kin koapworopworki sapwellimomwi limpoak poatopoat;
\q2 I pahn peren, pwehki komwi pahn ketin doareiehla.
\q1
\v 6 Maing KAUN, I pahn kouliong komwi,
\q2 pwehki sapwellimomwi kalahngan ong ie.
\c 14
\s1 Suwed en Aramas \f n \fr 14:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\r (Melkahka 53)
\q1
\v 1 Me pweipwei kan kin mengimengloalki,
\q2 “Sohte katepen Koht!”
\q1 Irail koaros me suwedlahr,
\q2 pwe re kin wiahda mehkan me suwehdie.
\q2 sohte mehmen me kin wia me mwahu.\x - \xo 14:1 \xo*\xt Rom 3.10-12.\xt*\x*
\b
\q1
\v 2 KAUN-O kin ketin ireirong aramas akan sang nanleng
\q2 pwe en mahsanih ma mie me loalokong,
\q2 oh ma mie me kin kaudokiong ih.
\q1
\v 3 Ahpw irail koaros sapwungalahr,
\q2 irail koaros me suwed.
\q1 Sohte mehmen rehrail me kin wia me mwahu,
\q2 sohte mwahn mehmen.
\b
\q1
\v 4 KAUN-O ahpw ketin keinemwe, “Ia duwe, re sohte ese?
\q2 Irail pwukat koaros me kin wia me suwed, re soaloalokong?
\q1 Re kin momourki ar kin piripirapa nei aramas akan,
\q2 oh re sohte kin kapakapohng ie.”
\b
\q1
\v 5 Ahpw re pahn masepwehkada,
\q2 pwehki Koht eh kin ketin ieiangih irail kan me kin peikiong.
\q1
\v 6 Me kin wia me suwed kan kin kapwowihala koasoandien aramas aktikitik kan,
\q2 ahpw KAUN-O iei sileparail.
\b
\q1
\v 7 Ia uwen ei kapakap pwe komourpen Israel
\q2 en pwarodo sang Saion.
\q1 Ia uwen peren me mehn Israel kan pahn wia
\q2 ni ahnsou me KAUN-O pahn pwurehng kapaiairailda!
\c 15
\s1 Dahme Koht kin Kupwurki \f o \fr 15:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, ihs me kak patohlong nan Tehnpasomwi?
\q1 Ihs me kak patohwan kaudok pohn Saion, sapwellimomwi dohl sarawio? \f p \fr 15:1 \fr*\fk DOHL SARAWI: \fk*\ft Tehk 2.6.\ft*\f*
\b
\q1
\v 2 Aramas me kin peikiong Koht ni mehkoaros
\q2 oh kin wia me pwung ahnsou koaros,
\q1 me kin lokaia pwung oh mehlel,
\q2
\v 3 oh sohte kin karaunmwahlih meteikan.
\q1 E sohte kin wia mehkot sapwung ong kompoakepah kan,
\q2 oh sohte kin ndindaseli mehn mpe kan.
\q1
\v 4 E kin kailongki irail kan me Koht kin ketin soikala,
\q2 ahpw e kin wauneki irail kan me kin peikiong KAUN-O.
\q1 E kin kapwaiada dahme e inouki ahnsou koaros,
\q2 mehnda ma e apwal.
\q1
\v 5 E sohte kin ale wihnen nah mwohni me aramas pekihsang pwe re en doadoahngki;
\q2 oh e pil sohte pahn wia sounkadehde likamw ong emen me sohte dipe pwe en ale pweine.
\b
\q1 Eri, me kin kapwaiada mepwukat pahn pehm saledek sang apwal kohkohlahte.
\c 16
\s1 Kapakap en Koapworopwor \f q \fr 16:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing Koht, komw ketin sinsile ie, pwe komwihte me I kin koapworopworki.
\q1
\v 2 I kin patohwanohng KAUN-O, “Komwi me ei Kaun;
\q2 soahng mwahu koaros me mie rehi kin pwilidohsang rehmwi.”
\b
\q1
\v 3 Ia uwen mwahu en sapwellimen KAUN-O aramas loalopwoat kan!
\q2 I kin perenki mehlel ieiang irail.
\b
\q1
\v 4 Irail kan me kin pwahtiet idihdawehn koht teikan,
\q2 re kin katohtowehla ar apwal akan.
\q1 I sohte pahn iang irail nan arail meirong kan;
\q2 I sohte pahn iang kaudokiong ar koht kan.
\b
\q1
\v 5 Maing KAUN, komwihte kelehpw me I ahneki,
\q2 oh komwi kin ketikihong ie mehkoaros me I kin anahne;
\q2 oh komwi me kin ketin kolokol ei mour.
\q1
\v 6 Meid kapwuriamwei sapwellimomwi kisakis kan ong ie,
\q2 ia uwen ar mwahu!
\b
\q1
\v 7 I kin patohwan kapinga KAUN-O, pwehki eh kin ketin kaweid ie,
\q2 oh ei pepehm pil kin katamankin ie nipwong.
\q1
\v 8 I kin aririh KAUN-O ahnsou koaros;
\q2 e kin ketiket limwahi, oh sohte mehkot kak kauweiehla.\x - \xo 16:8 \xo*\xt Wie. 2.25-28.\xt*\x*
\b
\q1
\v 9 Ihme kahrehda I kin diren kaping oh peren
\q2 oh I kin pehm saledek sang apwal,
\q1
\v 10 pwe komw kin ketin sinsile ie sang manaman en mehla.
\q1 I kin loalopwoat ni ei kin papah komwi,
\q2 oh komwi sohte pahn ketin likidmelieiehla nan sapwen me melahr akan.\x - \xo 16:10 \xo*\xt Wie. 13.35.\xt*\x*
\b
\q1
\v 11 Komw pahn ketin kasalehiong ie ahl me kin kowohng mour;
\q2 omwi kin ketiket rehi kin kadirekiniehla peren
\q2 oh kahrehiong ie peren poatopoat.
\c 17
\s1 Kapakap en Aramas me Sohte Dipe \f r \fr 17:0 \fr*\fk TITLE NI MAHSEN EN IPRU: \fk*\ft En Depit kapakap.\ft*\f*
\q1
\v 1 Maing KAUN, komw ketin karonge ei pekipeki pwuhng;
\q2 komw ketin karonge ngilen ei likwer en pek sawas!
\q2 Komw ketin karonge ei kapakap mehlel.
\q1
\v 2 Komw pahn ketin kadeikada ei pwung,
\q2 pwehki omwi ketin mwahngih dahme pwung.
\b
\q1
\v 3 Komw mwahngih mohngiongiet.
\q2 Komw ketin pasehr rehi nipwong
\q2 oh ketin kasawihadahr loalei unsek,
\q2 komw ahpw sohte diarada ineng suwed ehu rehi.
\q1 I sohte kin koasoi suwed, 
\v 4 duwehte aramas teikan;
\q2 I kapwaiadahr sapwellimomwi kosonned akan
\q2 oh I sohte kin keid ni elen lemei.
\q1
\v 5 I kin weweid nan alomwi ahnsou koaros
\q2 oh sohte kin katihasang.
\b
\q1
\v 6 Maing ei Koht, I patohwan kapakapohng komwi, pwehki omwi kin ketin sapeng ie;
\q2 eri komw ketin sohpeidohng ie oh karonge ei pato kat.
\q1
\v 7 Komw ketin kasalehda sapwellimomwi limpoak kapwuriamwei oh ketin doareiehla;
\q2 pahn mwetehn limomwi I kin nekinekmwahu sang ei imwintihti kan.
\b
\q1
\v 8 Komw ketin sinsile ie duwen omwi kin ketin sinsile pein silangmwien;
\q2 komw ketin karirihiehla pahn mwetehn nin limomwi kan
\q2
\v 9 sang mwekid en aramas suwed kan.
\b
\q1 Imwintihti kamasepwehk kan kapiliepenehr.
\q2
\v 10 Sohte mahk mie rehrail oh re kin lokaiahn pohnmwahso.
\q1
\v 11 Ahnsou wet re kapiliepenehr mwasamwasahn ahnsou koaros
\q2 wasa I pahn sohpeila ie pwe re en kauweiehla.
\q1
\v 12 Re rasehng laion kei, me kin awiawih ie,
\q2 pwe re en dapengiepeseng.
\q1
\v 13 Maing KAUN, komw ketidohla! Komw ketin pelianda ei imwintihti kan oh kaloweiraildi!
\q1 Komw ketin doare kin ie sang aramas suwed kan sapwellimomwi kedlahs;
\q2
\v 14 doareiesang irail kan me kin ahneki mehkoaros me re inengieng nin sampah.
\q1 Komw ketin kalokehkin irail kalokolok ko me komw ketin nekinekid ong irail;
\q2 kalokolok kan en pil itarohng nair seri kan
\q2 oh ekei en pil luhwehdi pwe en pil kohieng nein neirail seri kan.
\b
\q1
\v 15 Ahpw ngehi, I pahn patohwan komwi, pwehki ei sohte wiahda mehkot sapwung;
\q2 oh ni ei pahn pirda, roson en sapwellimomwi lingaling pahn kadirehkiniehla peren.
\c 18
\s1 En Depit eh Koulen Powehdi \f s \fr 18:0 \fr*\fk TITLE NI MAHSEN EN IPRU: \fk*\ft Lepin lokaia pwukat me Depit, ladun KAUN-O, koulkihong KAUN-O ni rahn me KAUN-O ketin kapitala ih sang rehn Sohl oh pil sang rehn eh imwintihti teikan.\ft*\f*
\r (2 Samuel 22.1-51)
\q1
\v 1 Maing KAUN, ia uwen ei poakohng komwi!
\q2 Komwi me soundoarepei.
\b
\q1
\v 2 KAUN-O me silepei;
\q2 ih me kelepei kehlail.
\q1 Ei Koht me silepei,
\q2 I kin nekinek mwahu pahn kupwure.
\q1 E kin ketin pereiehla duwehte mehnsansar ehu;
\q2 e kin ketin doareiehla oh kin ketin nekinekid ie.
\q1
\v 3 I kin likweriong KAUN-O,
\q2 e ahpw kin ketin doareiesang ei imwintihti kan.
\q1 Kapinga KAUN-O!
\b
\q1
\v 4 Keper en mehla kapiliepenehr;
\q2 iloak en meninkauwo koaduhpwalihiedier.
\q1
\v 5 Keper en mehla lelieier,
\q2 oh sousou lidipiedier.
\q1
\v 6 Nan ei apwal I ahpw likweriong KAUN-O;
\q2 I likwerih ei Koht pwe en ketin sewese ie.
\q1 E ahpw ketin karonge ngilei nan tehnpese;
\q2 e karongeier ei likwer en pek sawas.
\b
\q1
\v 7 Sampah eri rerada oh itikekda;
\q2 poahsoan en nahna kan ahpw mwekidida oh rerada,
\q2 pwehki Koht ketin engiengdahr.
\q1
\v 8 Ediniei kusieisang nan sapwellime keinuhnu,
\q2 mpwulen kisiniei oh mwoalus sang nan doauase.
\q1
\v 9 E ketin ritingada pahnlahng oh ketidihdo
\q2 ket pohn depwek toantoal ehu.
\q1
\v 10 E ketin pihrdi ket pohn sapwellime kerup \f t \fr 18:10 \fr*\fk KERUP: \fk*\ft Tehk nan kawehwehpen lepin mahsen kan.\ft*\f* kei,
\q2 e ketin pihrki pehnpihr en kisinieng.
\q1
\v 11 E ketin perehkihla pein ih rotorot;
\q2 depwek mosul kei, me diren pihl, kapilpene ih.
\q1
\v 12 Keteu aihs takai \f u \fr 18:12 \fr*\fk KETEU AIHS TAKAI: \fk*\ft Tehk nan kawehwehpen lepin mahsen kan.\ft*\f* oh kisiniei
\q2 kin mweremwerasang ni lioal me kin piripir mwowe
\q2 oh kin pwar depwek toantoal kan.
\b
\q1
\v 13 KAUN-O eri ketin kapitie laudida rasehng ngirisek en nahnsapwe sang pahnlahng;
\q2 kapitien Wasa Lapalahpie ahpw sansalada.
\q1
\v 14 E ahpw ketin kadar sapwellime arep ko oh katangapeseng sapwellime imwintihti ko;
\q2 e ahpw ketin pwakihkinirailla piripir en sapwellime lioal.
\q1
\v 15 Nan kepin madau sansalada,
\q2 oh poahsoan en sampah kan iang pwarada,
\q1 Maing KAUN, ni omwi ketin angiangihada sapwellimomwi imwintihti kan
\q2 oh kapitie laudida nan omwi engieng.
\b
\q1
\v 16 KAUN-O ahpw ketin kapadihdo lime sang nanleng oh ketin koliehda;
\q2 oh ketin waikiehda sang nan kepin madau.
\q1
\v 17 E ketin kepitiesang ei imwintihti kehlail kan,
\q2 oh sang irail koaros me kin kailongkin ie—
\q2 re me nohn kehlail sang ie.
\q1
\v 18 Re mahweniong ie ni ahnsou me I mihla nan apwal,
\q2 ahpw KAUN-O ketin sileiehdi.
\q1
\v 19 E ketin seweseiehda nan ei apwal;
\q2 e ketin doareiehla pwehki eh kupwurperenkin ie.
\b
\q1
\v 20 KAUN-O ketin katingih ie pwehki ei kin wia dahme pwung;
\q2 e kin kupwuramwahwih ie pwehki eh sohte dipei.
\q1
\v 21 I peikiong kosonned en KAUN-O;
\q2 I sohte sohpeisang ei Koht.
\q1
\v 22 I kapwaiada sapwellime kosonned kan koaros;
\q2 I sohte kauwehla sapwellime mahsen kan.
\q1
\v 23 E mwahngih duwen ei mwakelekel,
\q2 duwen ei kin kadohwansang ie wiewia sapwung kan.
\q1
\v 24 Iei me e ketin katingih kin ie pwehki ei kin wia dahme pwung,
\q2 pwe e ketin mwahngih duwen eh sohte dipei.
\b
\q1
\v 25 Maing KAUN, komw kin ketin loalopwoatohng irail kan me kin loalopwoatohng komwi;
\q2 komw kin ketin kupwur mwahu ong irail kan me kin mwahu.
\q1
\v 26 Komw kin kupwur mwakelekel ong irail kan me kin mwakelekel,
\q2 ahpw kin kupwur toutou ong me suwed kan.
\q1
\v 27 Komw kin ketin doarehla me aktikitik kan,
\q2 oh kin ketin katikitikihala me aklapalap akan.
\b
\q1
\v 28 Maing KAUN, komw ketikihong ie marain;
\q2 komw ketin kasarehsang ei rotorot.
\q1
\v 29 Komw ketin kakehleiehda pwe I en mahweniong ei imwintihti kan
\q2 oh ketikihong ie manaman pwe I en kak powehdi arail kelen mahwen kan.
\b
\q1
\v 30 Koht menet—ia uwen deilahn wiepen nin lime kan!
\q2 Ia uwen likilik en sapwellime mahsen kan!
\q1 E rasehng mehnsansar ehu
\q2 ong irail kan me kin rapahki sileparail reh.
\q1
\v 31 KAUN-O kelehpw me Koht;
\q2 Koht kelehpw me soundoarepatail.
\q1
\v 32 Ih Kohto me kin ketin kakehlaiehda,
\q2 me kin sinsile elei kan sang apwal akan.
\q1
\v 33 E ketikihong ie nehi kat en marahra duwehte tie;
\q2 e kin ketin sinsile ie pohn nahna kan.\x - \xo 18:33 \xo*\xt Apak. 3.19.\xt*\x*
\q1
\v 34 E ketin kaiahneiedahng ni mahwen,
\q2 pwe I en kak doadoahngki kesik ketieu me keieu kehlail.
\b
\q1
\v 35 Maing KAUN, komw kin ketin sinsile ie oh doandoare ie;
\q2 sapwellimomwi sawas me kalinganeiehla,
\q2 oh sapwellimomwi manaman me sinsile ie mwahu.
\q1
\v 36 Komwi me ketin sileiehdi pwe I en dehr lohdi,
\q2 oh I sohte mwahn pwupwudi.
\q1
\v 37 I patohwan pwakihier ei imwintihti kan oh koliraildi;
\q2 I sohte kin tokedi I lao kamwomwirailla.
\q1
\v 38 I keseiraildi, re ahpw sohla kak uhda;
\q2 re wonohnehr nanpwel mwohn meseiet.
\q1
\v 39 Komwi me ketin kakehleiehda pwe I en kak mahwen
\q2 oh ketikihong ie I en powehdi ei imwintihti kan.
\q1
\v 40 Komwi me ketin kupwurehda ei imwintihti kan pwe re en kin tangasang ie;
\q2 I kamwomwala irail kan me kin kailongkin ie.
\q1
\v 41 Re kin likwerih sawaseparail, ahpw sohte emen me kin doareirailla;
\q2 re kin likweriong KAUN-O, ahpw e sohte kin ketin sapeng irail.
\q1
\v 42 I tiakirailpeseng, re ahpw duwehla pwelpar
\q2 me kisinieng kin ipirpeseng.
\q1 I kin sok pohrail rasehng ei kin sok nan pwelmatak en nanial akan.
\b
\q1
\v 43 Komw ketin doareiesang nei aramas kahngohdi kan
\q2 oh ketin kupwureiehla pwe I en wiahla kaunen wehi kan;
\q2 aramas ekei me I sohte ese, met wialahr ei ladu.
\q1
\v 44 Mehn liki kan kin poaridi mwohi;
\q2 ni ar kin rong ngilei, re kin peikiong.
\q1
\v 45 Re kin nan kapehd tikitikla
\q2 oh rerrer kohieisang nan arail kelen mahwen kan.
\b
\q1
\v 46 KAUN-O ketin ieias! Kaping ong ei soundoar!
\q2 Kumwail lohkiseli roson en Koht me ketin doareielahr.
\q1
\v 47 Ih me ketin kupwurehda I en powehdi ei imwintihti kan;
\q2 ih me ketin kalowediong wehi kan pahn ei manaman
\q2
\v 48 oh ketin doareiesang ei imwintihti kan.
\b
\q1 Maing KAUN, komw me kin ketin kupwure ie pwe I en powehdi ei imwintihti kan,
\q2 oh ketin silehsang ie aramas lemei kan.
\q1
\v 49 I pahn kapinga komwi nanpwungen wehi kan;
\q2 I pahn kokoulkihong komwi koulen kaping.\x - \xo 18:49 \xo*\xt Rom 15.9.\xt*\x*
\b
\q1
\v 50 Koht ketikihong sapwellime nanmwarkio en kin powehdi;
\q2 e ketin kasalehda sapwellime limpoak poatopoat ong me e ketin piladahro,
\q2 ong Depit oh kadaudoke kan kohkohlahte.
\c 19
\s1 Lingan en Koht nan Mehkoaros me Kepikipikda kan \f v \fr 19:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Ia uwen sansal en pahnlahng eh kasalehda sapwellimen Koht lingan!
\q1 Ia uwen eh kasalehda mwahu mehkan me eh ketin wiahda!
\q1
\v 2 Rahn koaros lingano kin sansal poatopoat;
\q2 pwohng koaros e kin duweduwehte.
\q1
\v 3 Sohte koasoi de lokaia kin wiawi,
\q2 pil sohte ngihl ehu kin pwarada;
\q1
\v 4 ahpw kalohk wet kin lelpeseng wasa koaros nin sampah.
\q1 Koht ketikihong ketipin dewe pahnlahng;\x - \xo 19:4 \xo*\xt Rom 10.18.\xt*\x*
\q2
\v 5 ketipin ahpw kin kohieisang nan dewe nimenseng, rasehng ohl kamwohd emen me kin pereperen,
\q2 oh pil rasehng sounweirentang men me onopadahr en weirentang.
\q1
\v 6 E ahpw kin tapihada eh seiloak pahnlahng
\q2 sang ni palimese kolahng ni palikapi.
\q2 Sohte mehkot kak rirsang eh karakar.
\s1 Kosonned en KAUN-O
\q1
\v 7 Kosonned en KAUN-O me unsek mehlel;
\q2 e kin pwurehng kakehlahda aramas.
\q1 Mahsen en KAUN-O me likilik,
\q2 e kin kaloalokongihala me soaloalokong kan.
\q1
\v 8 Kosonned en KAUN-O me pwung;
\q2 oh irail kan me kin peikiong kin pereperen.
\q1 Sapwellime mahsen kan me uhdahn pwung
\q2 oh kin kamarainihada lamalam en aramas.
\q1
\v 9 E mwahu ong aramas en wauneki KAUN-O;
\q2 pwe met pahn poatopoat kohkohlahte.
\q1 Kopwung en KAUN-O me pwung,
\q2 e kin pahrek ahnsou koaros.
\q1
\v 10 Sapwellime kopwung kan kesempwal sang kohl me keieu kaselel;
\q2 oh pil mem sang sukehn loangelap.
\q1
\v 11 Sapwellimomwi mahsen kan kin kamarainih sapwellimomwi ladu menet;
\q2 I kin ale ketingpen ei kin peikiong sapwellimomwi mahsen kan.
\b
\q1
\v 12 Sohte mehmen kak pein esehda eh sapwung kan;
\q2 Maing KAUN, komw ketin doareiesang soangen sapwung me sohte sansal akan!
\q1
\v 13 Komw pil ketin sileiesang soangen dihp sansal akan;
\q2 komw dehr mweidohng re en kauniehda.
\q1 Eri, I ahpw pahn unsekla
\q2 oh saledeksang suwed en dihp.
\b
\q1
\v 14 Maing KAUN, komwi me silepei oh sounkomourpei,
\q2 komw ketin kupwurehla ei pato oh ei lamalam!
\c 20
\s1 Kapakap en Peki Powehdi \f w \fr 20:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 KAUN-O en kin sapeng omwi kapakap ni ahnsoun omwi apwal!
\q1 Koht en Seikop en kin ketin sinsile komwi.
\q1
\v 2 En ketin kadarodohng komwi sawas sang nan Tehnpese
\q2 oh kin ketin sewesei komwi sang pohn Nahna Saion.
\q1
\v 3 En ketikihda omwi meirong kan koaros,
\q2 oh kupwurperenki omwi meirong en mahn akan koaros.
\q1
\v 4 En ketikihong komwi dahme komw kin inengieng
\q2 oh kupwure pwe omwi koasoandi kan koaros en pweida.
\q1
\v 5 Eri iei duwen atail pahn ngisingiski atail perenkihda omwi powehdi
\q2 oh pil kapikapingahki atail Koht.
\q1 KAUN-O en ketin kupwurehla omwi pekipek kan koaros.
\b
\q1
\v 6 Met I patohwan eseier me KAUN-O ketikihongehr manaman en powehdi ong sapwellime nanmwarki me e ketin piladahro;
\q2 e ketin sapeng ih sang nan sapwellime mwoahl sarawien nanleng
\q2 oh sang ni sapwellime manaman e kin ketikihong pwe en powehdi nan mahwen tohto.
\q1
\v 7 Ekei kin likihala wararail werennansapw en mahwen kan,
\q2 ekei dakeparail oahs akan,
\q2 ahpw kitail kin likih manaman en KAUN-O atail Koht.
\q1
\v 8 Soangen aramas pwukat pahn dipekelekel oh pwupwudi,
\q2 ahpw kitail pahn uhda oh uh tengeteng.
\b
\q1
\v 9 Maing KAUN, komw ketikihong at nanmwarki en powehdi;
\q2 komw ketin sapeng kiht ni at kin patohwan likweriong komwi.
\c 21
\s1 Kapingpen Powehdi \f x \fr 21:0 \fr*\fk TITLE NI MAHSEN EN IPPRU: \fk*\ft En Depit melkahka.\ft*\f*
\q1
\v 1 Maing KAUN, at tungoal nanmwarki kupwurpereperen, pwehki roson me komw ketikihong;
\q2 e ketin pereperenki omwi ketin kupwurehda pwe en powehdi.
\q1
\v 2 Komw ketikihongehr anahn en kupwure;
\q2 komw ketin sapengehr sapwellime pekipek.
\b
\q1
\v 3 Komw ketidohngehr reh oh ketikihongehr kupwuramwahu tohto
\q2 oh ketikidiongehr pohn tapwi nihn kohl ehu.
\q1
\v 4 E patohwan peki rehmwi mour, a komw ahpw ketikihongehr,
\q2 mour werei oh poatopoat.
\b
\q1
\v 5 Lingan en mware me lapalap pwehki sapwellimomwi sawas;
\q2 komwi ketikihong ih ndand oh roson.
\q1
\v 6 Sapwellimomwi kapai kan kin ieiang ih kohkohlahte,
\q2 oh omwi kin ketin ieiang ih kin kaparanda.
\q1
\v 7 Nanmwarkio kin likih KAUN-O, Wasa Lapalap;
\q2 oh pwehki sapwellimen KAUN-O limpoak poatopoat
\q2 e pahn kin koapworopwor oh saledek ahnsou koaros.
\q1
\v 8 Nanmwarkio pahn ketin kalowehdi sapwellime imwintihti kan koaros;
\q2 oh e pahn ketin salihedi koaros me kin kailongki.
\q1
\v 9 E pahn ketin kamwomwirailla duwehte kisiniei mwehl
\q2 ni eh pahn ketin pwarada mwohn masarail kan.
\b
\q1 KAUN-O pahn ketin kasohreirailla nan sapwellime engieng
\q2 oh kisiniei pahn kamwasikeirailla.
\q1
\v 10 Sohte emen kadaudokarail pahn pitla.
\q2 nanmwarkio pahn kemehla irail koaros.
\b
\q1
\v 11 Re kin wia ar koasoandi kan, koasoandi suwed en uhwong ih,
\q2 ahpw re sohte pahn pweida.
\q1
\v 12 E pahn ketin kasikihkin irail sapwellime arep
\q2 oh pahn kahrehiong ar pweiekla oh tangdoaui.
\b
\q1
\v 13 Maing KAUN, se patohwan kapinga komwi, pwehki sapwellimomwi roson lapalap!
\q2 Se pahn koul oh kapinga sapwellimomwi manaman.
\c 22
\s1 Kapakap en Pahtou oh Koulen Kaping \f y \fr 22:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Ei Koht, ei Koht, dahme komw ketin likidmeliekiniehla?
\q1 I likilikwerwohng sawasepei,
\q2 ahpw sawasepei saikinte pwarodo.\x - \xo 22:1 \xo*\xt Mad. 27.46; Mk. 15.34.\xt*\x*
\q1
\v 2 Maing ei Koht, I kin likweriong komwi ni rahn,
\q2 komwi ahpw sohte kin ketin sapeng ie;
\q1 I pil kin likilikwer nipwong,
\q2 I ahpw sohte kin diar ei kommoal.
\q1
\v 3 A komwi ketiket nan mwoalomwi nin duwen Me Sarawio,
\q2 komwi me Israel kin kapikapinga.
\q1
\v 4 At pahpa kahlap ako kin likih komwi;
\q2 re likihkomwihla, oh komw ahpw ketin doareirailla.
\q1
\v 5 Re likweriong komwi, re ahpw pitla sang apwal;
\q2 re likihkomwihla oh ar likilik ahpw kin pweida.
\b
\q1
\v 6 I solahr mwomwen aramas; I wialahr kamwetel men,
\q2 me aramas koaros kin mwamwahliki oh wia kauwe!
\q1
\v 7 Koaros me kin kilang ie kin kepitkin ie;
\q2 re kin kapwadehi lowarail oh itihtik moangarail.\x - \xo 22:7 \xo*\xt Mad. 27.39; Mk. 15.29; Luk 23.35.\xt*\x*
\q1
\v 8 Re kin nda, “Ke likiher KAUN-O;
\q2 a dahme e sohte ketin doarehkinuhkala?
\q1 Ma KAUN-O kupwurkinuhk,
\q2 a dahme e sohte ketin sewesehkinuhk?”\x - \xo 22:8 \xo*\xt Mad. 27.43.\xt*\x*
\b
\q1
\v 9 Komwi me ketin apwahpwalih ie ni ei ipwidi,
\q2 oh komwi me pil ketin sinsile ie ni ei seri pwelel.
\q1
\v 10 I likih komwi sang ni ei ipwidi,
\q2 oh komwi kin wia ei Koht ahnsou koaros.
\q1
\v 11 Komw dehr ketin dohweisang ie!
\q2 Apwal laud kerendohr,
\q2 oh sohte me pahn sewese ie.
\b
\q1
\v 12 Imwintihti ngeder, rasehng kouwol kei, kin kapikapil ie;
\q2 irail koaros kapikapil ie,
\q2 rasehng kouwol kommwad en Pasan.
\q1
\v 13 Re sarapeseng duwehte laion kei,
\q2 me kin weriwerki ar men dapengiepeseng.
\b
\q1
\v 14 Solahr angi,
\q2 I rasehngehr pihl me wudeklahr nanpwel.
\q1 Tih kat koaros piselpesengehr;
\q2 mohngiongiet rasehng kirihs me peipesengehr nan mesenedi.
\q1
\v 15 Nan kepinwereiet ngalangaladahr duwelahr pwelpar,
\q2 oh loweiet pasdangehr pahn ngatangatei.
\q1 Komw ketin likidmelieielahr nan pwelpar pwe I en mehla.
\b
\q1
\v 16 Pwihn en aramas suwed ehu kapiliepenehr
\q2 rasehng pelin kidi ehu me kohkodohng ie;
\q2 re ngalispeseng pehi kat oh nehi kat.
\q1
\v 17 Tih kat koaros sansaladahr.
\q2 Ei imwintihti kan kin kilikilang ie oh kangkakil ie.
\q1
\v 18 Re usuhski ei likou kan,
\q2 oh nehkpeseng nanpwungarail.\x - \xo 22:18 \xo*\xt Mad. 27.35; Mk. 15.24; Luk 23.34; Sohn 19.24.\xt*\x*
\b
\q1
\v 19 Maing KAUN, komw dehr ketin dohweisang ie!
\q2 Komw ketin mwadangodo oh kapitiehla!
\q1
\v 20 Komw ketin doareiehla sang kedlahs;
\q2 doarehla ei mour sang kidi pwukat.
\q1
\v 21 Komw ketin kapitiehla sang laion pwukat;
\q2 pwe sohte ei kehl rehn kouwol lawalo pwukat.
\b
\q1
\v 22 I pahn koasoiaiong nei aramas akan duwen wiepen nin limomwi kan;
\q2 I pahn kapinga komwi nan pokon en aramas akan:\x - \xo 22:22 \xo*\xt Ipru 2.12.\xt*\x*
\q1
\v 23 “Kumwail ladu en KAUN-O kan, kumwail kapinga!
\q2 Kumwail kadaudok en Seikop kan, kumwail wauneki!
\q2 Kumwail mehn Israel kan, kumwail kaudokiong!
\q1
\v 24 E sohte ketin likidmeliehla me semwehmwe kan de mwamwahliki arail lokolok kan;
\q2 e sohte kin ketin sohpeisang irail,
\q2 ahpw kin ketin kupwure irail ni ar kin likweriong.”
\b
\q1
\v 25 I pahn kapinga wiepen nin limomwi kan nan pokon laud akan;
\q2 I pahn kapwaiada meirong kan me I inoukidahr
\q2 mwohn irail koaros me kin kaudokiong komwi.
\q1
\v 26 Me semwehmwe kan pahn tungoale uwen me re anahne;
\q2 irail kan me patohdohng rehn KAUN-O pahn kapinga ih.
\q1 Re en paiamwahu kohkohlahte!
\b
\q1
\v 27 Tohn wehi kan koaros pahn tamanda KAUN-O.
\q2 Sang ni irepen sampah koaros re pahn sohpeiong;
\q2 keinek en sampah kan koaros pahn kaudokiong.
\q1
\v 28 KAUN-O iei nanmwarki,
\q2 oh e kin kakaun wehi kan.
\b
\q1
\v 29 Me aklapalap koaros pahn poaridi mwowe;
\q2 me pahn mehla koaros pahn poaridi mwohn silangi.
\q1
\v 30 Dih kan me pahn kohdo pahn papah;
\q2 aramas akan pahn padahkihong dih en mwuhr duwen KAUN-O.
\b
\q1
\v 31 Aramas akan me saikinte ipwidi pahn rong:
\q2 “Kaun-o ketin kamouralahr sapwellime aramas akan!”
\c 23
\s1 KAUN-O, Silepatail \f y \fr 23:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 KAUN-O, iei silepei;
\q2 solahr me I pahn anahne.
\q1
\v 2 E ketin kommoaleiehdi nan mohsen dihpw kaselel kei,
\q2 oh kin ketin kahluwaielahng ni pihl mwakelekel.\x - \xo 23:2 \xo*\xt Kaud. 7.17.\xt*\x*
\q1
\v 3 E kin ketin kakehleiehda.
\q1 E kin ketin kahluwa ie nan ahl me pwung,
\q2 nin duwen eh ketin inoukidahr.
\q1
\v 4 Maing KAUN, mehnda ma I weweidwei nan rotorot mosul,
\q2 a I sohte pahn masak mehkot,
\q2 pwe komw ketin ieiang ie!
\q1 Sapwellimomwi irar oh lepin seipali \f a \fr 23:4 \fr*\fk IRAR OH LEPIN SEIPALI: \fk*\ft Tehk nan kawehwehpen lepin mahsen kan.\ft*\f* pahn kin sinsile ie.
\b
\q1
\v 5 Komw ketin kaunopadahng ie kamadipw ehu,
\q2 wasa me ei imwintihti kan koaros kak kilang ie;
\q1 komw ketin kasamwo ie oh kielediong leh pohn moangei
\q2 oh kadikadirehdohte ei tungoal kep.
\q1
\v 6 I ese me sapwellimomwi kalahngan oh limpoak pahn ieiang iehte erein ei mour;
\q2 oh I pahn patopatohte nan tehnpasomwi kohkohlahte.
\c 24
\q1
\v 1 KAUN-O me sapwellimaniki sampah oh audepe kan koaros; e ketin sapwellimaniki sampah oh mehkoaros me momour loale.
\q1
\v 2 E ketin kauwada sampah pohnangin pihl akan, oh ketin poahsoanehdahsang ni kepin madau kan.
\q1
\v 3 Ihs me warohng kohdalahng pohn dohlen KAUN-O? Ihs me pahn kak pedolong nan Tehnpese sarawio?
\q1
\v 4 Irail kan me makelekel ni ar wiewia kan oh pil ni ar lamalam, me sohte kin kaudokiong dikedik en eni kan, oh me sohte kin wia inou likamw.
\q1
\v 5 KAUN-O pahn ketin kupwuramwahwihirailda oh doareirailla; Koht pahn ketin kalohkihda me sohte diparail.
\q1
\v 6 Ih soangen aramas pwukat me kin patohdohng rehn Koht, me kin patohdohng mwohn silangin Koht en Seikop.
\q1
\v 7 Kumwail ritingada wenihmw kan, kumwail langahda wenihmw laud akan, pwe nanmwarki lapalapo en ketilong!
\q1
\v 8 Ihs me nanmwarki lapalap menet? lei ih me KAUN-O, me roson ohmanaman, KAUN-O, me kin powehdi nan mahwen.
\q1
\v 9 Kumwail ritingada wenihmw kan, kumwail langahda wenihmw laud akan, pwe nanmwarki lapalapo en ketilong!
\q1
\v 10 Ihs nanmwarki lapalap menet? lei ih me KAUN-O, Wasa Lapalahpie-iei ih me nanmwarki lapalapo!
\c 25
\s1 Kapakap en Peki Kaweid oh Silasil \f d \fr 25:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Maing KAUN, I kin kapakapohng komwi;
\q2
\v 2 Maing ei Koht, komwi me I kin likih.
\q1 Komw ketin doareiesang kanamenekpen ei lohdi;
\q2 komw dehr mweidohng ei imwintihti kan re en kepitkin ie!
\q1
\v 3 Me kin likih komwi sohte kin lohdi,
\q2 ahpw me kin kahngohdiong komwi, iei irail me kin lohdi.
\b
\q1
\v 4 Maing KAUN, komw ketin padahkihong ie,
\q2 oh kasalehiong ie sapwellimomwi ahl akan.
\q1
\v 5 Komw ketin padahkihong ie duwen ei pahn momourki sapwellimomwi mehlel,
\q2 pwe komwi me ei Koht, komwi me ketin doareiehla.
\q2 I kin likih komwi ahnsou koaros.
\b
\q1
\v 6 Maing KAUN, komw ketin tamanda sapwellimomwi kalahngan oh limpoak poatopoat,
\q2 me komw ketin kasaledahr sang nin tepin kawa.
\q1
\v 7 Komw ketin mahkikihong ie dipei oh ei sapwung kan en ni ei pwulopwulo.
\q1 Maing KAUN, komw ketin tamankin ie
\q2 sapwellimomwi limpoak poatopoat oh kalahngan.
\b
\q1
\v 8 Pwehki KAUN-O eh pwung oh mwahu,
\q2 e kin ketin padahkihong me dipan akan ahl me re en weweid ie.
\q1
\v 9 E kin ketin kahluwa me aktikitik kan nan ahl pwung
\q2 oh kin ketin padahkihong irail kupwure.
\q1
\v 10 Ni sapwellime limpoak oh loalopwoat e kin ketin kahluwa
\q2 irail koaros me kin kapwaiada sapwellime inou oh peikiong sapwellime kosonned akan.
\b
\q1
\v 11 Maing KAUN, komw ketin kapwaiada omwi inowo, oh ketin mahkikihong ie dipei kan,
\q2 pwe dipei kan me ngeder.
\q1
\v 12 Irail kan me kin wauneki KAUN-O
\q2 pahn ese sang reh ahl me re pahn weweid ie.
\q1
\v 13 Re pahn kin paiamwahu ahnsou koaros,
\q2 oh nair seri kan pahn sapweniki sahpwo.
\q1
\v 14 KAUN-O kin ketin kompoakepahniki irail kan me kin peikiong,
\q2 oh e kin ketin katengehdi ong irail sapwellime inou.
\b
\q1
\v 15 I kin rapahki sawasepei rehn KAUN-O ahnsou koaros,
\q2 e ahpw kin ketin kapitiesang wasa keper.
\q1
\v 16 Maing KAUN, komw ketin sohpeidohng ie oh kupwurkalahngan ong ie,
\q2 pwe I kelehpwlahr oh I me luwet.
\q1
\v 17 Komw ketin kamaiawihiehda sang nan ei pwunod akan
\q2 oh ketin doareiesang nan ei apwal akan koaros.
\q1
\v 18 Komw ketin kupwurehla ei pahtou oh lokolok
\q2 oh ketin mahkikihong ie dipei kan koaros.
\b
\q1
\v 19 Komw mahsanih uwen ngeder en ei imwintihti kan;
\q2 oh uwen ar kin kailongkin ie!
\q1
\v 20 Komw ketin sinsile ie oh doareiehla;
\q2 komw ketin sinsile ie pwe I en dehr lohdi.
\q2 I kin rapahki poadoarepei sang rehmwi.
\q1
\v 21 Ei poadidi oh pwung en sinsile ie,
\q2 pwehki ei kin patohwan likih komwi.
\b
\q1
\v 22 Maing Koht, komw ketin doarehla sapwellimomwi aramas akan en Israel,
\q2 sang nan ar apwal akan koaros!
\c 26
\s1 Kapakap en Aramas Mwahu \f e \fr 26:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Maing KAUN, komw ketin kalohkihda duwen eh sohte dipei,
\q2 pwehki ei kin wia dahme pwung
\q2 oh likih komwi mehlel.
\q1
\v 2 Maing KAUN, komw ketin sohng ie oh kasawih ie;
\q2 komw ketin kadeikada duwen ei ineng kan oh lamalam akan.
\q1
\v 3 Sapwellimomwi limpoak poatopoat me kin wia kaweidpei;
\q2 sapwellimomwi loalopwoat kin kahluwa ie ahnsou koaros.
\b
\q1
\v 4 I sohte kin patehng aramas sokatepe kan;
\q2 sohte ahiong me liksansalmwahu kan.
\q1
\v 5 I kin tatki patehng aramas suwed kan
\q2 oh kin pohnsehse aramas suwed kan.
\b
\q1
\v 6 Maing KAUN, I kin kamwakele pehi kat pwehn kasalehda me sohte dipei,
\q2 oh kin wia ei kaudok kapil sapwellimomwi pehi sarawi.
\q1
\v 7 I kin koulki koulen kasapahlkalahngan
\q2 oh koasoia wiepen nin limomwi kapwuriamwei kan.
\b
\q1
\v 8 Maing KAUN, I patohwan poakohng wasa me komw kin ketiket ie,
\q2 wasa me sapwellimomwi lingan kin ket ie.
\q1
\v 9 Komw dehr ketin kauweiehla duwehte me dipan akan;
\q2 komw dehr ketin kalokei ie duwehte sounkam aramas akan—
\q1
\v 10 soangen aramas akan me kin wia me suwed ahnsou koaros
\q2 oh kin ononop en widinge meteikan ahnsou koaros.
\b
\q1
\v 11 A duwen ngehi, I kin wia dahme pwung;
\q2 komw kupwurkalahngan ong ie oh doareiehla.
\b
\q1
\v 12 I kin nekinekmwahu sang soahng keper koaros;
\q2 I kin kapinga KAUN-O mwohn pokon en sapwellime aramas akan.
\c 27
\s1 Kapakap en Kaping \f f \fr 27:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 KAUN-O me kamarainpei oh komourpei;
\q2 I sohte pahn masak mehmen.
\q1 KAUN-O kin ketin sile sang ie soahng keper kan koaros;
\q2 I sohte pahn masak mehkot.
\b
\q1
\v 2 Ma aramas suwed kan mahweniong ie, oh song re en kemeiehla,
\q2 re kin dipekelekel oh pwupwudi.
\q1
\v 3 Mehnda ma karis en sounpei unsek pahn kapiliepene,
\q2 a I sohte pahn masepwehkada;
\q1 mehnda ma ei imwintihti pahn mahweniong ie,
\q2 a I pahn likilikihte Koht.
\b
\q1
\v 4 Mehteieu me I patohwan peki rehn KAUN-O;
\q2 mehteieu me I kin anahne:
\q1 I en kin mihmihte nan tehnpas en KAUN-O erein ei mour,
\q2 pwe I en kin uduhdiahl sapwellime lingan,
\q2 oh I en peki sapwellime kaweid kan wasao.
\b
\q1
\v 5 E pahn ketin perepere ie ni ahnsou apwal;
\q2 e pahn ketin sinsile ie nan Tehnpese,
\q2 oh ketikidahng ie pohn dohl ileile.
\q1
\v 6 Eri, I ahpw pahn powehdi ei imwintihti kan me kapikapil ie.
\q2 I pahn weriwerki ei peren ni ei pahn patohwan wia ei meirong nan Tehnpese;
\q2 I pahn koul, I pahn kapinga KAUN-O.
\b
\q1
\v 7 Maing KAUN, komw ketin karonge ie ni ei pahn likweriong komwi!
\q2 Komw ketin kupwurkalahngan ong ie oh sapeng ie!
\q1
\v 8 Ni omwi mahsanih, “Kumwail kohdo rehi,”
\q1 I ahpw sapeng, “Maing KAUN, I pahn patohwei.”
\q2
\v 9 Komw dehr karirihweisang ie silangmwi!
\b
\q1 Maing Koht ei sounkomour.
\q1 Komw dehr engieng pahi;
\q2 komw dehr ketin soikala sapwellimomwi ladu menet.
\q1 Komwi me sawasepei;
\q2 komw dehr ketin sohpeisang ie, komw dehr ketin melieiehla.
\q1
\v 10 Semei oh inei pil kak keseiehla,
\q2 ahpw KAUN-O pahn ketin apwahpwalih ie.
\b
\q1
\v 11 Maing KAUN, komw ketin padahkihong ie kupwuromwien,
\q2 oh ketin kahluwa ie nan ahl inen,
\q2 pwe ei imwintihti kan me ngeder.
\q1
\v 12 Komw dehr ketin likidmelieiehla rehn ei imwintihti kan,
\q2 me kin pelian kin ie lokaia kamasepwehk oh lokaia likamw.
\b
\q1
\v 13 Eri soh, I ese me I pahn momourte pwe I en kilang
\q2 sapwellimen KAUN-O kalahngan nan ei mour en ahnsou wet.
\q1
\v 14 Likih KAUN-O!
\q2 Ahneki pwoson, dehr nan kapehd tikitikla.
\q1 Likih KAUN-O!
\c 28
\s1 Kapakap en Peki Sawas \f g \fr 28:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Maing KAUN, soundoarepei, I patohwan likweriong komwi.
\q2 Komw ketin karonge ei likwer!
\q1 Ma komw sohte pahn ketin sapeng ie,
\q2 I pahn iangala irail kan me kin kohdihla nan sapwen me melahr akan.
\q1
\v 2 Komw ketin karonge ie ni ei kin likweriong komwi pwe I en peki sapwellimomwi sawas,
\q2 ni ei pahn patohwan kapalahng pehi kat ong Tehnpasomwi sarawio.
\q1
\v 3 Komw dehr ketin kaloke duwehte aramas suwed kan,
\q2 irail kan me kin wia me suwed—
\q2 soangen aramas akan me kin lokaia kadek,
\q2 ahpw kailok me aude nan mohngiongirail kan.
\b
\q1
\v 4 Komw ketin kalokehkin irail soahng kan me re wiadahr,
\q2 oh suwed koaros me re dipkidahr.
\q1 Kalokehkin irail mehkan koaros me re wiadahr;
\q2 komw ketikihong irail dahme konehng irail!\x - \xo 28:4 \xo*\xt Kaud. 22.12.\xt*\x*
\q1
\v 5 Re sohte kin nsenohki wiepen nin limen KAUN-O
\q2 de dahme e ketin wiahda kan;
\q1 eri e pahn ketin kaloke irail
\q2 oh kamwomwirailla kohkohlahte.
\b
\q1
\v 6 Kumwail kapinga KAUN-O;
\q2 e ketin karongeier ei likwer en pek sawas.
\q1
\v 7 KAUN-O kin ketin sinsile oh doandoare ie;
\q2 I kin likih.
\q1 E kin ketin sewese ie oh kaparanih ie;
\q2 I kin kapingahki ei koulen peren kan.
\b
\q1
\v 8 KAUN-O kin ketin sinsile sapwellime aramas akan;
\q2 e kin ketin doarehla oh kamourala sapwellime nanmwarki me pilipildahro.
\q1
\v 9 Maing KAUN, komw ketin kamourala sapwellimomwi aramas akan,
\q2 oh ketin kupwuramahwih sapwellimomwi kan.
\q1 Komwi en wiahla arail silepen sihpw,
\q2 oh ketin apwahpwalih irail kohkohlahte.
\c 29
\s1 Kapitien KAUN-O nan Melimel \f h \fr 29:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Kapinga KAUN-O, kumwail sapwellimen Koht kan me pato pahnlahng;
\q2 kumwail kapinga sapwellime lingan oh manaman.\x - \xo 29:1 \xo*\xt Mel. 96.7-9.\xt*\x*
\q1
\v 2 Kumwail kapinga mwar lingaling en KAUN-O;
\q2 kumwail poaridihsang Me Sarawio ni eh pahn ketin pwarodo.
\b
\q1
\v 3 Kapitien KAUN-O peipeido sang pohn pihl akan;
\q2 Koht lingaling wie ngirisek rasehng nansapwe,
\q2 kapitie ikiparpesengehr pohn madau.
\b
\q1
\v 4 Kapitien KAUN-O me manaman.
\q2 Kapitien KAUN-O me diren roson.
\q1
\v 5 Kapitien KAUN-O kin karaukehdi tuhke sidar kan,
\q2 oh pil tuhke sidar kan en Lepanon.
\q1
\v 6 E ketin kalusseli nahna kan en Lepanon rasehng koupwul kan
\q2 oh kalus nahna Ermon rasehng kouwol pwulopwul men.
\b
\q1
\v 7 Kapitien KAUN-O kin kahrehda lioal eh kin piripir.
\q1
\v 8 Kapitie kin kahrehda rerrer en nan sapwtehn;
\q2 e kin itikada sapwtehn en Kades.
\q1
\v 9 Kapitien KAUN-O kin itikada tuhke lap akan en nanwel,
\q2 oh kin kamwerehsang tehn tuhke kan,
\q2 nindokon aramas koaros me pato nan Tehnpaso kin weriwerki, “Kaping ong Koht!”
\b
\q1
\v 10 KAUN-O kin ketin kakaun pihl loal akan;
\q2 e kin ketin kakaun nin duwen nanmwarki men kohkohlahte.
\q1
\v 11 KAUN-O kin ketin kakehlahda sapwellime aramas akan
\q2 oh kupwuramwahwih kin irail popohl.
\c 30
\s1 Kapakap en Kapingkalahngan \f i \fr 30:0 \fr*\fk TITLE NI MAHSEN EN IPRU: \fk*\ft Koul wet wiawihda ni kasarawihalahn Tehnpas Sarawio; en Depit Melkahka.\ft*\f*
\q1
\v 1 Maing KAUN, I patohwan kapinga komwi pwehki omwi ketin komourielahr,
\q2 oh omwi sohte ketin mweidohng ei imwintihti kan en kepitkin ie.
\q1
\v 2 Maing KAUN, ei Koht, I patohwan likweriong komwi pwe komwi en ketin sewese ie;
\q2 komwi ahpw ketin kakehleiehda;
\q2
\v 3 komw ketin doareiesang nan sousou.
\q1 Ni ei patopatolahngehr rehn me melahr akan,
\q2 komw ahpw ketin kasapahldohng ie ei mour.
\b
\q1
\v 4 Kumwail sapwellime aramas loalopwoat kan koaros,
\q2 kumwail koul kapinga KAUN-O.
\q1 Kumwail tamanda dahme Me Sarawio ketin wiadahr,
\q2 kumwail eri kapingkalahngan ong!
\q1
\v 5 Sapwellime engieng kin ahnsoute kis,
\q2 a sapwellime kalahngan kin poatopoat erein mour.
\q1 Pilenmas kin kak kereker nipwong,
\q2 ahpw peren kin leledo nimenseng.
\b
\q1
\v 6 Ni ei pehm me I saledek sang apwal I kin mengimengloalki,
\q2 “I sohte mwahn kak lohdi.”
\q1
\v 7 Maing KAUN, komw ketin kupwur mwahu ong ie;
\q2 komw ketin sinsile ie rasehng kelen mahwen pohn nahna ehu.
\q1 A mwuhr komwi ahpw ketin karirihala pein komwi,
\q2 ngehi eri masepwehkada.
\b
\q1
\v 8 Maing KAUN, I patohwan likweriong komwi;
\q2 I patohwan pek sawas rehmwi:
\q1
\v 9 “Dahme komw pahn paieki sang ei pahn mehla?
\q2 Kamwahu da me komw pahn ketikihsang ei pahn mwerpeseng nan sousou?
\q1 Ia duwe, me melahr akan kak kapinga komwi?
\q2 Re kak lohkiseli sapwellimomwi kalahngan poatopoat?
\q1
\v 10 Maing KAUN, komw ketin karonge ie oh kupwurkalahngan ong ie!
\q2 Maing KAUN, komw ketin sewese ie!”
\b
\q1
\v 11 Komw ketin wekidalahr ei nsensuwed ong ni kahlek en peren;
\q2 komw ketikihsangehr ei nsensuwed
\q2 oh kapilkiniepenehr peren.
\q1
\v 12 Eri, I sohte pahn nennenla;
\q2 I pahn koulkihong komwi koulen kaping.
\q1 Maing KAUN, komwi me ei Koht;
\q2 I pahn patohwan kapingkalahngan ong komwi kohkohlahte.
\c 31
\s1 Kapakap en Likih Koht \f j \fr 31:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, I patohdo pahn kupwuromwi pwe komwi en ketin sinsile ie;
\q2 komw dehr ketin mweidohng ie I en lohdi.
\q1 Komwi Koht pwung men;
\q2 I peki komwi en ketin doareiehla!
\q1
\v 2 Komw ketin karonge ie! Komw ketin doare ie ahnsou wet!
\q1 Komw ketin wiahla ei wasahn ruk pwe komwi en ketin sinsile ie;
\q2 komw ketin wiahla kelepei, oh ketin doareiehla.
\b
\q1
\v 3 Komwi me ei wasahn ruk oh doarepei;
\q2 komw kaweid ie oh kahluwa ie nin duwen me komw ketin inoukidahr.
\q1
\v 4 Komw ketin sileiesang nan lidip me re wiahiongieier;
\q2 komw ketin pereiesang nan keper.
\q1
\v 5 I kin mweidohng pein ngehi nin limomwi kan.
\q1 Maing KAUN, komw pahn ketin doareiehla,
\q2 pwe komwi Koht loalopwoat emen.\x - \xo 31:5 \xo*\xt Luk 23.46.\xt*\x*
\b
\q1
\v 6 Komwi kin ketin kalahdeki irail kan me kin kaudokiong koht likamw akan,
\q2 a ngehi I kin likih komwi.
\q1
\v 7 I pahn nsenamwahu oh pereperen
\q2 pwehki sapwellimomwi limpoak poatopoat.
\q1 Komw kin ketin mahsanih ei lokolok;
\q2 komw pil ketin mwahngih ei apwal. 
\v 8 Komw sohte ketin mweidohng ei imwintihti kan en koliehdi;
\q2 komw ketikihongieier saledek en patohseli wasa kan me I anahne.
\b
\q1
\v 9 Maing KAUN, komw ketin kupwure ie,
\q2 pwe I milahr nan apwal;
\q1 nan poaren mesei kat tihwokilahr ei kin sengiseng;
\q2 I weikeklahr mehlel.
\q1
\v 10 Solahr angi pwehki ei nsensuwed,
\q2 oh sengiseng kamwotelahr mouri.
\q1 I luwetkilahr ei apwal akan koaros,
\q2 pil tih kat wie luhluwetala.
\b
\q1
\v 11 Ei imwintihti kan koaros, ahpw mehlel mehn mpei kan,
\q2 kin mwamwahlikin ie.
\q1 Irail kan me kin ese ie re masakielahr;
\q2 ni ar kin kilang ie nanial, re kin tangdoaui.
\q1
\v 12 Aramas koaros manokeielahr, duwehte ngehi aramas mehla men,
\q2 I rasehng mehkot mwahl me aramas keselahr.
\q1
\v 13 I kin rong mwenginingin en ei imwintihti tohto;
\q2 kamasepwehk kin kapikapil ie!
\q1 Re wie lamalamki ar pahn uhwong ie,
\q2 re koasoakoasone duwen ar pahn kemeiehla.
\b
\q1
\v 14 Ahpw Maing KAUN, I kin likih komwi;
\q2 komwi me ei Koht!
\q1
\v 15 I kin patopato ni epwelipen nin limomwi kan ahnsou koaros;
\q2 komw ketin doareiehla sang rehn ei imwintihti kan,
\q2 oh pil sang irail kan me kin kaloke ie.
\q1
\v 16 Komw ketin mahsanih sapwellimomwi ladu menet ni kupwur kalahngan;
\q2 komw ketin doarehkiniehla sapwellimomwi limpoak poatopoat.
\q1
\v 17 Maing KAUN, I kin likweriong komwi;
\q2 komw dehr ketin mweidohng ie I en namenekla.
\q1 Aramas suwed kan en namenekla;
\q2 re en nennenla oh kohdilahng nan sapwen me melahr akan.
\q1
\v 18 Komw ketin katokehdi me likamw akan,
\q2 irail koaros me aklapalap oh kahngohdi,
\q2 me kin mwamwahliki me pwung kan.
\b
\q1
\v 19 Meid kapwuriamwei soangen mwahu kan
\q2 me komwi ketin nekinekidohng irail me kin wauneki komwi!
\q1 Aramas koaros patohwan ese duwen omwi kupwur mwahu,
\q2 ia uwen mwahu en omwi kin ketin sinsile irail kan me kin likih komwi.
\q1
\v 20 Komw kin ketin karukihirailla mwohn silangmwi
\q2 sang koasoandien aramas akan;
\q1 komw kin ketin pereirailla wasa mwahu
\q2 sang lokaia suwed en ar imwintihti kan.
\b
\q1
\v 21 Kapinga KAUN-O!
\q1 Ia uwen kapwuriamwei en eh ketin kasalehda sapwellime limpoak ong ie
\q2 ni ei imwintihti kan ar kapiliepene oh mahweniong ie!
\q1
\v 22 I masepwehkada, I ahpw lemeleme
\q2 me e ketin keseielahr sang mwohn silangi.
\q1 Ahpw soh, pwe e ketin karonge ei likwer,
\q2 ni ei patohwan peki sawasepei sang reh.
\b
\q1
\v 23 Kumwail poakohng KAUN-O, kumwail koaros sapwellime aramas loalopwoat akan!
\q1 KAUN-O kin ketin sinsile me loalopwoat akan,
\q2 e ahpw kin ketin kaloke me aklapalap akan.
\q1
\v 24 Kumwail koaros me kin koapworopworki KAUN-O,
\q2 kumwail kehlail oh kommwad.
\c 32
\s1 Wehkepen oh Mahkepen Dihp \f k \fr 32:0 \fr*\fk TITLE NI MAHSEN EN IPRU: \fk*\ft En Depit koul.\ft*\f*
\q1
\v 1 Meid pai aramas me kin ale lapwepen dipe kan,
\q2 me Koht kin ketin mahkikihong eh sapwung.\x - \xo 32:1 \xo*\xt Rom 4.7-8.\xt*\x*
\q1
\v 2 Meid pai aramas me KAUN-O solahr ketin kapwukoahki dipe kan;
\q2 oh me saledek sang soangen widing koaros.
\q1
\v 3 Ni ei sohte kin wehkada dipei kan,
\q2 I kin tihwohla wie sengiseng sang nimenseng lel nipwong.
\q1
\v 4 Maing KAUN, komw kin ketin kaloke ie ni rahn oh nipwong;
\q2 solahr angin nan kapehdiet,
\q2 e rasehngalahr pwoaiken nimenseng me kin sohrala ni karakar en ketipin.
\b
\q1
\v 5 I ahpw wehkadahng komwi dipei kan,
\q2 oh sohte ekihla ei sapwung kan.
\q1 I lemedahr I en wehkadahng komwi ei ketihwo kan,
\q2 komwi ahpw ketin mahkikihong ie dipei kan koaros.
\b
\q1
\v 6 Eri, sapwellimomwi aramas loalopwoat kan koaros en kapakapohng komwi ni ahnsou apwal;
\q2 ma lapalahn lapake en apwal ehu pahn wiawi,
\q2 e sohte pahn lel irail.
\q1
\v 7 Komwi me ei wasahn ruk;
\q2 komwi pahn ketin doareiesang apwal.
\q1 I ahpw pahn koul oh kapinga sapwellimomwi komour,
\q2 pwehki komwi me ketin sinsile ie.
\b
\q1
\v 8 KAUN-O mahsanih, “I pahn padahkihong uhk ahl me ke pahn weid ie;
\q2 I pahn kaweid uhk oh panawihiuk.
\q1
\v 9 Ke dehr pweipwei duwehte oahs de ahs,
\q2 me konehngete kisin mete oh sahl en kohwong ni ewe,
\q2 pwe en kin peik oh dukiong uhk.”\fig |alt="HK-4B Oahs me kisin mete oh sahl kin kohieng ni ewe" src="" size="col" ref="MELKAHKA KAN 32:9"\fig*
\b
\q1
\v 10 Aramas suwed kan pahn kin lokolok,
\q2 ahpw irail kan me kin likih KAUN-O
\q2 sapwellime limpoak poatopoat pahn sinsile irail.
\q1
\v 11 Kumwail me pwung kan, kumwail koaros nsenamwahu oh pereperen
\q2 pwehki wiepen nin limen KAUN-O.
\q1 Kumwail koaros me kin peikiong, kumwail ngisingiski amwail peren!
\c 33
\s1 Koul en Kaping
\q1
\v 1 Kumwail koaros me pwung kan,
\q2 kumwail perenkihda wiepen nin limen KAUN-O;
\q2 kumwail kan me kin peikiong, kumwail kapinga KAUN-O!
\q1
\v 2 Kumwail kapingahki KAUN-O noumwail keseng kan,
\q2 kumwail kouliong sang ni selen noumwail arp kan.
\q1
\v 3 Kumwail tiakada apwoat koul kapwen.
\q2 koulki ni ngihl kaselel sang ni noumwail keseng kan oh ngisingiski amwail peren!
\b
\q1
\v 4 Mahsen en KAUN-O me mehlel,
\q2 oh sapwellime pwuhng kin dehde ni wiepen nin lime kan koaros.
\q1
\v 5 KAUN-O kin ketin poakohng me pwung oh me mehlel,
\q2 oh sampah direkilahr sapwellime limpoak poatopoat.
\b
\q1
\v 6 Nanleng wiawihkihda mahsen en KAUN-O,
\q2 eh mahsen me pil wiahda ketipin, maram oh usu kan.
\q1
\v 7 Eh ketikipene pilen madau koaros wasahtehkis;
\q2 e ketin kelepene kepin madau kan nan imwen nahk kan.
\b
\q1
\v 8 Kumwail tohn sampah koaros, kumwail kaudokiong KAUN-O!
\q2 Kumwail aramas en sampah pwon, kumwail wauneki KAUN-O!
\q1
\v 9 Ni eh ketin mahsente, sampah ahpw kepikipikda;
\q2 ni eh ketin poahngok mehkoaros ahpw pwarada.
\b
\q1
\v 10 KAUN-O kin ketin kapwowiala koasoandien wehi kan;
\q2 e kin ketin kasohrehla lamalam en aramas akan.
\q1
\v 11 A sapwellime koasoandi kan kin mihmi poatopoat,
\q2 koasoandi kan en nan kupwure kin duweduwehte erein dih koaros kohkohlahte.
\q1
\v 12 Meid pai wehi me eh Koht, iei KAUN-O;
\q2 meid pai aramas akan me e ketin piladahr pwe en sapwellimanikihla!
\b
\q1
\v 13 KAUN-O kin ketin kaikairoir sang nanleng,
\q2 oh kin mahsanih aramas koaros.
\q1
\v 14 Sang nan mwoale ileilehie e kin ketin ireirong
\q2 aramas koaros me kin kousoan nin sampah.
\q1
\v 15 Ih me kin ketin wiahda audepen kapehdirail kan koaros,
\q2 oh kin mwahngih ar wiewia kan koaros.
\b
\q1
\v 16 Sohte nanmwarki men kin powehkihdi kehlail en sapwellime karis;
\q2 sohte sounpei men kin powehkihdi eh kommwad nan mahwen.\x - \xo 33:16 \xo*\xt Sudid 9.7; 1 Mak. 3.19.\xt*\x*
\q1
\v 17 Oahs akan en nan mahwen pil sohte kateparail ong powehdi;
\q2 ar kehlail mehlel sohte kak doareirailla.
\b
\q1
\v 18 KAUN-O kin ketin sinsile irail me kin peikiong,
\q2 irail kan me kin likih sapwellime limpoak poatopoat.
\q1
\v 19 E kin ketin doareirailla sang mehla;
\q2 e kin ketin komokomour irail ni ahnsoun lehk.
\b
\q1
\v 20 KAUN-O, me atail koapworopwor;
\q2 ih me silepatail oh sawasepatail.
\q1
\v 21 Kitail kin pereperen pwehki ih;
\q2 kitail kin likih sapwellime mwar sarawi.
\b
\q1
\v 22 Maing KAUN, sapwellimomwi limpoak poatopoat en ketiket reht,
\q2 ni at kin patohwan koapworopworkin komwi.
\c 34
\s1 Kapingpen Kalahngan en Koht \f l \fr 34:0 \fr*\fk TITLE NI MAHSEN EN IPRU: \fk*\ft En Depit melkahka mwurin eh mweselsang rehn Apimelek mwurin eh mwomwehda me e iahkalahr, Apimelek eri kausala.\ft*\f* \x - \xo 34:0 \xo*\xt 1 Sam. 21.13-15.\xt*\x*
\q1
\v 1 I pahn patohwan kapingkalahngan ong KAUN-O ahnsou koaros;
\q2 I sohte pahn tokedihsang ei kapikapinga.
\q1
\v 2 I pahn kin patohwan kapingahki wiepen nin lime kan;
\q2 kumwail me toutoulahr akan, kumwail rong oh nsenamwahula!
\q1
\v 3 Kumwail iang ie lohkiseli roson lapalap en KAUN-O;
\q2 kitail wiakihteieu kapinga mware!
\b
\q1
\v 4 I kapakapohng KAUN-O, e ahpw ketin sapeng ie;
\q2 e ketin kasaledekihiehla sang nan ei masak koaros.
\q1
\v 5 Me toutoulahr akan kin sohpeiong oh kin nsensenamwahu;
\q2 re sohte pahn nsensuwedla.
\q1
\v 6 Me sohte sawaseparail akan kin likweriong, oh e kin ketin sapeng irail;
\q2 e kin ketin doareirailla sang ar apwal akan koaros.
\q1
\v 7 Sapwellime tohnleng kin sinsile irail kan me kin wauneki KAUN-O,
\q2 oh kin kapitirailsang soahng keper kan.
\b
\q1
\v 8 Kumwail pein rapahki ia uwen kalahngan en KAUN-O.
\q2 Meid pai irail kan me kin diar sileparail pahn kupwure.\x - \xo 34:8 \xo*\xt 1 Pit. 2.3.\xt*\x*
\q1
\v 9 Kumwail sapwellime aramas akan koaros, kumwail wauneki KAUN-O,
\q2 irail koaros me kin peikiong pahn ahneki soahng koaros me re anahne.
\q1
\v 10 Laion kan pil kin duhpengkihla eh sohte mwenge,
\q2 ahpw irail kan me kin peikiong KAUN-O, sohte pahn luhs sang mehkot mwahu.
\b
\q1
\v 11 Kohdo, kumwail kompoakepahi pwulopwul kan, oh rong ie,
\q2 pwe I pahn padahkihong kumwail duwen wauneki KAUN-O.
\q1
\v 12 Kumwail men nsenamwahu nan amwail mour?
\q2 Kumwail anahne mour werei oh nsenamwahu?\x - \xo 34:12 \xo*\xt 1 Pit. 3.10-12.\xt*\x*
\q1
\v 13 Eri, kumwail dehr lokaia suwed,
\q2 oh dehr lokaia likamw.
\q1
\v 14 Kumwail sohpeisang me suwed oh wiahda me mwahu;
\q2 kumwail nantihong kolokol popohl ni mohngiong unsek.
\b
\q1
\v 15 KAUN-O kin ketin sinsile me pwung kan
\q2 oh kin ketin karonge ar likwer kan.
\q1
\v 16 E kin ketin pelian irail kan me kin wia me suwed,
\q2 eri re pahn manoknokla ni ar pahn mehla.
\q1
\v 17 Me pwung kan kin likweriong KAUN-O oh e kin ketin karonge irail;
\q2 e kin ketin kapitirailsang nan arail apwal akan koaros.
\q1
\v 18 KAUN-O kin ketiket mpen irail me nan kapehd tikitikilahr;
\q2 oh kin ketin doarehla irail kan me kin sohla ar koapworopwor.
\b
\q1
\v 19 Apwal tohto kin lelohng aramas mwahu men,
\q2 ahpw kAUN-O kin ketin doarehsang nan eh apwal akan koaros;
\q1
\v 20 KAUN-O kin ketin sinsile,
\q2 sohte tih pwoat reh me timpeseng.\x - \xo 34:20 \xo*\xt Sohn 19.36.\xt*\x*
\q1
\v 21 Mehkot suwed pahn kemehla aramas suwed kan;
\q2 irail kan me kin kailongki me pwung kan pahn ale lokolok.
\b
\q1
\v 22 KAUN-O pahn ketin doarehla sapwellime aramas akan;
\q2 irail kan me kin patohla reh pwe en ketin sinsile irail pahn mourla.
\c 35
\s1 Kapakap en Peki Sawas \f m \fr 35:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Maing KAUN, komw ketin uhwong irail kan me kin uhwong ie,
\q2 oh ketin angiangih irail kan me kin men peiong ie.
\q1
\v 2 Komw ketikihda sapwellimomwi mehnsansar oh tehtehn peien
\q2 oh ketido doareiehla.
\q1
\v 3 Komw ketikihda sapwellimomwi ketieu oh sile en mahwen
\q2 oh uhwong irail kan me kin pwakipwakih ie.
\q2 Komwi en inoukihong ie me komwi pahn doareiehla.
\b
\q1
\v 4 Irail kan me kin nannantihong re en kemeiehla
\q2 re en lohdi oh namenekla!
\q1 Irail kan me kin koasoakoasone re en uhwong ie
\q2 re en sarohdi oh pingida!
\q1
\v 5 Re en rasehng dipw meng me kisinieng kin ipirseli
\q2 nindokon tohnleng en KAUN-O eh pahn pwakihirailpeseng!
\q1
\v 6 Alarail en rotala oh likekirisla,
\q2 nindokon tohnleng en KAUN-O eh pahn kamwomwirailla!
\b
\q1
\v 7 Re koasoanediong ie lidip ni so kahrepe
\q2 oh weirada pwoahr loal ehu pwe re en koliehdi.
\q1
\v 8 Ahpw paisuwed en kamwomwmwomwla pahn lel irail ni arail sasairki;
\q2 re pahn pein lohdiong nan arail lidip
\q2 oh pwupwudi oh mwomwla.
\b
\q1
\v 9 Eri, I pahn nsenamwahu pwehki KAUN-O;
\q2 I pahn pereperen pwehki eh ketin doareiehla.
\q1
\v 10 I pahn patohwanohng KAUN-O sang loalei unsek,
\q2 “Maing, sohte emen me duwehte komwi.
\q2 Komw kin ketin silehsang me luwet akan me kehlail kan,
\q2 me semwehmwe kan sang me kin kaloke irail akan.”
\b
\q1
\v 11 Aramas suwed kan kin karaunlikamw ong ie
\q2 oh kadipahkin ie dihp toutou kei me I so mwahn ese.
\q1
\v 12 Re kin dupungki ei wiewia mwahu me suwed,
\q2 ngehi eri kin nan kapehd tikitikla.
\q1
\v 13 Ahpw ni ar soumwahuda, I pwuhriong nan likoun nsensuwed;
\q2 oh pein kalokehkin ie kaisihsol;
\q1 I kin poaridi wia ei kapakap,
\q2
\v 14 duwehte ei kin kapakapki kompoakepahi men de riei men.
\q1 I kin kokohseli oh koskipene nsensuwed,
\q2 duwehte emen me kin nsensuwedki kapilsalehdalahn ine.
\b
\q1
\v 15 Ahpw nan ei apwal, re perenda
\q2 oh keidohng mpei pwe re en kapailokei ie;
\q1 mehn liki kan keme ie
\q2 oh sohte tokedihsang wokiwokih ie.
\q1
\v 16 Re kangkakil ie masarail kan diren kailok,
\q2 duwehte aramas me kin kouruhrki me nehtuk men.
\b
\q1
\v 17 Maing KAUN, ia erein omwi pahn mamahsanihte?
\q2 Komw ketin kapitiesang ar tiahk suwed kan;
\q2 komw ketin doarehla ei mour sang laion pwukat.
\q1
\v 18 I ahpw pahn kapingkalahngan ong komwi mwohn pokon en sapwellimomwi aramas akan;
\q2 I pahn kapinga komwi mwohrail koaros.
\b
\q1
\v 19 Komw dehr mweidohng ei imwintihti kan, aramas likamw pwukan,
\q2 en pereperenki ei lohdi.
\q1 Komw dehr mweidohng irail kan me kin kailongkin ie ni so kahrepe,
\q2 re en perenki ei pahtoulahr.\x - \xo 35:19 \xo*\xt Mel. 69.4; Sohn 15.25.\xt*\x*
\b
\q1
\v 20 Re sohte kin mwomwen lokaia kadek;
\q2 ahpw ihte re kin kinehda soangen likamw koaros duwen aramas akan me kin ngoangki meleilei oh popohl.
\q1
\v 21 Re kedipa ie ni ngihl laud, ketihtihki,
\q2 “Se kilang dahme ke wia!”
\q1
\v 22 Ahpw komwi, Maing KAUN, komwi me ketin mahsaniher met.
\q2 Eri, Maing KAUN, komw dehr ketin nennenla;
\q2 komw dehr ketin dohweisang ie!
\q1
\v 23 Maing KAUN, komw ketida oh ketin doareiehla;
\q2 ei Koht, komw ketida oh ketin sewese ie nan ei kopwung.
\q1
\v 24 Maing KAUN, komwi me pwung, komw ketin kalohkihda duwen eh sohte dipei;
\q2 komw dehr ketin mweidohng ei imwintihti kan en kepitki ei apwal.
\q1
\v 25 Komw dehr ketin mweidohng re en ndinda,
\q2 “Kitail piseksangehr!
\q2 Ih me kitail mwauhki!”
\b
\q1
\v 26 Eri, irail kan me kin kepitki ei lokolok;
\q2 re en lohdi oh pingida.
\q1 Irail kan me kin kahski dene re mwahu sang ie
\q2 re en namenekla oh sarohdi.
\b
\q1
\v 27 Ahpw irail kan me men kilang pwungla mwahu en ei kopwung
\q2 re en ngisingiski arail peren oh kapwukapwurehiong koasoi pwoatet,
\q1 “Ia uwen lapalap en KAUN-O!
\q2 Eh kin ketin kupwurperenki pweidahn sapwellime ladu.”
\q1
\v 28 I ahpw pahn patohwan lohkiseli sapwellimomwi pwung,
\q2 oh pahn kin kapinga komwi sang nimenseng lel nipwong.
\c 36
\s1 Suwed en Aramas \f n \fr 36:0 \fr*\fk TITLE NI MAHSEN EN IPRU: \fk*\ft En Depit, sapwellimen KAUN-O ladu.\ft*\f*
\q1
\v 1 Dihp kin momour loalen aramas suwed;
\q2 aramas suwedo kin soikala Koht oh sohte kin wauneki.\x - \xo 36:1 \xo*\xt Rom 3.18.\xt*\x*
\q1
\v 2 Pwehki eh kin wiahki pein ih mehkot,
\q2 e kin lemeleme me Koht sohte pahn diar dipe oh kalokehki.
\q1
\v 3 Eh koasoi kan me suwed oh diren likamw;
\q2 e solahr kin wia dahme mwahu oh pwung.
\q1
\v 4 E kin wiahda koasoandi suwed kei nindokon eh kin wonohn nan dewe;
\q2 e sohte kin wia mehkot mwahu,
\q2 oh sohte suwed ehu e kin soikala.
\s1 Kupwurmwahu en Koht
\q1
\v 5 Maing KAUN, sapwellimomwi limpoak poatopoat kin leldalahng nanleng;
\q2 sapwellimomwi loalopwoat kin kipe pahnlahng.
\q1
\v 6 Sapwellimomwi pwung inenen ileile duwehte nahna kan;
\q2 sapwellimomwi kadeik loal duwehte loalen nan madau.
\q1 Komw kin ketin apwahpwalih aramas akan oh mahn akan.
\b
\q1
\v 7 Maing Koht, ia uwen kesempwal en sapwellimomwi limpoak poatopoat!
\q2 Se kin diar silasil pahn mwetehn nin limomwi kan.
\q1
\v 8 Se kin kamadipwki kisin tungoal koaros me komw kin ketikihda;
\q2 komw kin ketin mweidohng kiht se en kin nimpil sang ni pilen sapwellimomwi kalahngan.
\q1
\v 9 Komwi me poahsoan en mour koaros,
\q2 oh pwehki sapwellimomwi marain se kin kak patohwan marain.
\b
\q1
\v 10 Komwi ketin dadaurete sapwellimomwi limpoak ong irail kan me kin patohwan esei komwi
\q2 oh ketin wia me mwahu ong me pwung kan.
\q1
\v 11 Komw dehr ketin mweidohng me aklapalap akan en mahweniong ie
\q2 de aramas suwed kan en kahrehda ei pahn sopohla.
\b
\q1
\v 12 Kumwail kilang wasa me aramas suwed kan pwupwudiong ie.
\q2 Re wonohnehr wasao sohte kak pwourda.
\c 37
\s1 Imwilahn Aramas Suwed oh Aramas Mwahu \f o \fr 37:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Ke dehr pwunodki aramas suwed akan;
\q2 ke dehr pil peirinki paien irail me kin wiahda me sapwung.
\q1
\v 2 Re pahn mwadang sohrala duwehte dihpw me mengila;
\q2 re pahn mehla rasehng kisin tuhke me kin mengidi.
\b
\q1
\v 3 Likih KAUN-O, oh wiahda tiahk mwahu,
\q2 ke ahpw pahn koukousoan nan sahpwo oh sohte perki mehkot.
\q1
\v 4 Rapahki omw peren rehn KAUN-O;
\q2 oh e ahpw pahn ketikihong uhk dahme ke keieu inengieng.
\b
\q1
\v 5 Mweidohng KAUN-O pein kowe;
\q2 likih, e ahpw pahn seweseiuk.
\q1
\v 6 E pahn kupwurehda pwe omw wiewia pwung kan en lingalingla duwehte ketipin.
\b
\q1
\v 7 Kanengamahiong oh awiawih dahme KAUN-O pahn ketin wia;
\q2 ke dehr pwunodki paiamwahulahn meteikan
\q2 de pil irail me kin pweida nan ar koasoandi suwed kan.
\b
\q1
\v 8 Ke dehr pwunod de lingeringer;
\q2 pwe met pahn kahrehiong uhk nan apwal.
\q1
\v 9 Irail kan me kin likih KAUN-O pahn sapweniki sahpwo,
\q2 a aramas suwed kan pahn koakoahksang.
\b
\q1
\v 10 Ahnsou keren aramas suwed kan pahn sohrala;
\q2 ke pahn rapahkin irail, ke ahpw sohte pahn diar irail;
\q1
\v 11 a me aktikitik kan pahn sapwenikihla sahpwo
\q2 oh re pahn paiamwahu oh popohl.\x - \xo 37:11 \xo*\xt Mad. 5.5.\xt*\x*
\b
\q1
\v 12 Aramas suwed kin wia koasoandi me kin uhwong aramas mwahu
\q2 oh re kin kangkakil kin irail ar kailok.
\q1
\v 13 Ahpw KAUN-O kin ketin kiparamatki aramas suwed kan,
\q2 pwe e mwahngih me re kereniongehr kamwomwla.
\b
\q1
\v 14 Aramas suwed kan kin ngapkipeseng nair kedlahs oh kosepene nair ketieu,
\q2 pwe re en kemehla me semwehmwe oh paisuwed kan,
\q2 oh en kemehla irail kan me kin wia me mwahu;
\q1
\v 15 ahpw re pahn mehkihla pein nair kedlahs akan,
\q2 oh nair kesik ketieu kan pahn timpeseng.
\b
\q1
\v 16 Mehnda ma en aramas mwahu men eh dipwisou me tikitik,
\q2 ahpw e kesempwalasang en aramas suwed koaros ar kepwehpwe,
\q1
\v 17 pwehki KAUN-O pahn ketikihsang kehlail en aramas suwed kan,
\q2 e ahpw pahn ketin sinsile me mwahu kan.
\b
\q1
\v 18 KAUN-O kin ketin apwalih irail me kin peikiong,
\q2 oh irail pahn sapwenikihla sahpwo kohkohlahte.
\q1
\v 19 Re sohte pahn lokolok ni ahnsou apwal;
\q2 pwe ar dipwisou pahn itar ni ahnsoun lehk.
\q1
\v 20 Ahpw aramas suwed akan pahn mehla;
\q2 imwintihti en KAUN-O kan pahn sohrala rasehng wahn rohs en nanwel akan;
\q2 re pahn sohrala duwehte ediniei.
\b
\q1
\v 21 Aramas suwed akan kin pweipwand, ahpw sohte kin kapwungala,
\q2 a aramas mwahu kan me sapan oh kadek.
\q1
\v 22 Me KAUN-O kin ketin kupwuramwahwih, iei irail me pahn koukousoan nan sahpwo,
\q2 a irail me rialahr pahn KAUN-O, pahn koakoahksang.
\b
\q1
\v 23 KAUN-O kin ketin kahluwa aramas akan nan ahl me re en weweid ie
\q2 oh kin ketin sinsile irail kan me kin kaparanda kupwure.
\q1
\v 24 Ma re pahn pwupwudi, re sohte pahn wonohnte nanpwel,
\q2 pwe KAUN-O pahn ketin sewese kapwourirailda.
\b
\q1
\v 25 Ni ei pwulopwul, oh met ni ei mahlahr,
\q2 I saikinte kilang aramas mwahu men me KAUN-O ketin likidmeliehla,
\q2 de nah seri kan pekipeki ar tungoal kisin mwenge.
\q1
\v 26 Ahnsou koaros e kin kadek oh mweidohng aramas nah mwohni pwe re en doadoahngki,
\q2 oh nah seri kan wia kapai ehu ong ih.
\b
\q1
\v 27 Sohpeisang me suwed, oh wia me mwahu,
\q2 eri kadaudokomw kan ahpw pahn koukousoan nan sahpwo kohkohlahte;
\q1
\v 28 pwe KAUN-O kin kupwurperenki dahme pwung
\q2 oh sohte kin likidmeliehla sapwellime aramas loalopwoat akan.
\q1 E kin ketin sinsile irail ahnsou koaros,
\q2 a kadaudok en me suwed akan pahn koakoahksang.
\q1
\v 29 Me pwung kan pahn koukousoan nan sahpwo
\q2 oh re pahn sapwenikihla kohkohlahte.
\b
\q1
\v 30 Koasoien aramas mwahu me diren loalokong,
\q2 oh e kin lamalam pahrek ahnsou koaros.
\q1
\v 31 Kosonned en eh Koht kin poad nan eh mohngiong
\q2 oh e sohte mwahn kin mweisang.
\b
\q1
\v 32 Aramas suwed kin mwasamwasahnte aramas mwahu kan
\q2 oh kin song en kemeirailla;
\q1
\v 33 a KAUN-O sohte pahn mweidalahng irail pahn manaman en ar imwintihti kan
\q2 de ketin mweidohng re en pakadeikada nan mwoalen kopwung.
\b
\q1
\v 34 Koapworopworki KAUN-O oh kapwaiada sapwellime kosonned akan;
\q2 e ahpw pahn ketin kawawihiukala ni eh pahn ketikihong uhk sahpwo,
\q2 oh ke pahn kilang me suwed akan ar pahn koakoahksang.
\q1
\v 35 I kilangadahr aramas suwed emen me inenen lemei,
\q2 me sikdahsang aramas koaros, rasehng sidar en Lepanon pwoat,
\q1
\v 36 a mwuhr, ni ei daulih wasao, e solahr mie;
\q2 I ahpw rapahkiseli, oh sohte diar.
\b
\q1
\v 37 Tehk mwahu aramas mwahu, kilang aramas pwung;
\q2 aramas meleilei kin mie kadaudoke,
\q1
\v 38 a me dipan akan pahn mwomwla douluhl,
\q2 oh kadaudokarail kan pahn kamwommwomwla.
\b
\q1
\v 39 KAUN-O kin ketin doarehla aramas pwung kan
\q2 oh kin ketin apwalih irail ni ahnsou apwal.
\q1
\v 40 E kin ketin sewese irail oh kapitirailla;
\q2 e kin ketin doare irail sang rehn aramas suwed akan.
\q2 pwehki ar kin sohpeiong pwe re en diar sileparail.
\c 38
\s1 Kapakap en Aramas me wie Lokolok \f p \fr 38:0 \fr*\fk TITLE NI MAHSEN EN IPRU: \fk*\ft En Depit melkahka; koulen kedepwidepw pwoat.\ft*\f*
\q1
\v 1 Maing KAUN, komw dehr ketin kaloke ie nan omwi engieng!
\q1
\v 2 Komw ketin kauwehkinielahr sapwellimomwi arep kan;
\q2 komw ketin keseiedier.
\b
\q1
\v 3 I medengkilahr kowahlap omwi engieng pahi;
\q2 paliwereiet unsek soumwahulahr pwehki dipei kan.
\q1
\v 4 I mwopwlahr nan ahd en dipei kan,
\q2 dipei kan katoutouwihielahr, I solahr kak wahda.
\b
\q1
\v 5 Pwehki ei pweipwei,
\q2 kahrehda ei ohla kan kenspesengehr oh pwohsuwedlahr.
\q1
\v 6 I rihkosdiongehr nanpwel oh mwoatohtalahr;
\q2 I kin nsensuwedki sang nimenseng lel nipwong.
\q1
\v 7 I mwasingkilahr karakar en nan kapehdiet
\q2 oh kereniongehr I pahn mehla.
\q1
\v 8 I weikeklahr oh mwoatohtalahr;
\q2 mohngiongiet mier nan apwal, oh I weiweirengki ei medek.
\b
\q1
\v 9 Maing KAUN, komw mwahngih dahme I kin kasikasik;
\q2 komw karonge ngilen ei weirek koaros.
\q1
\v 10 Mohngiongiet wie rerrer, solahr ei kehl,
\q2 oh nan mesei kat ediedlahr.
\q1
\v 11 Kompoakepahi oh mehn mpei kan solahr kin keidohng mpei,
\q2 pwehki kens kan ni paliwereiet;
\q2 pil ei peneinei kan sohte kin men karanih ie.
\q1
\v 12 Irail kan me men kemeiehla kin kaunopada arail mehn lidipih ie,
\q2 oh irail kan me men kauweiehla, re kin kasalowehkin ie ar pahn kauweiehla;
\q2 re sohte kin tokedihsang ar kin koasoakoasone re en uhwong ie.
\b
\q1
\v 13 I rasehng aramas salengepon men me sohte kak rong wasa,
\q2 rasehng aramas lohteng men me sohte kak lokaia.
\q1
\v 14 I rasehng aramas me sohte kin sapeng mehkot,
\q2 pwehki eh sohte kak rong wasa.
\b
\q1
\v 15 Ahpw, Maing KAUN, I kin likih komwi;
\q2 oh komwi, Maing KAUN, ei Koht, me pahn ketin sapeng ie.
\q1
\v 16 Komw dehr ketin mweidohng ei imwintihti kan en pereperenki ei apwal;
\q2 komw dehr ketin mweidohng irail en suweiki ei paisuwedlahret!
\q1
\v 17 I nektehn pwupwudi
\q2 oh ei medek me poatopoat.
\b
\q1
\v 18 I patohwan sakarkihda dipei kan;
\q2 me kadirehkinielahr pwunod mwuledek.
\b
\q1
\v 19 Ei imwintihti kan kehlail sang ie;
\q2 me ngeder me kailongkin ie ni so kahrepe.
\q1
\v 20 Irail kan me kin dupungki me suwed ei wiewia mwahu
\q2 kin uhwong ie pwehki ei kin song kapwaiada dahme pwung.
\b
\q1
\v 21 Maing KAUN, komw dehr ketin likidmelieiehla;
\q2 Maing ei Koht, komw dehr ketin dohweisang ie!
\q1
\v 22 Maing ei Kaun oh ei sounkomour, komw ketin sewese ie met!
\c 39
\s1 Sakaradahn Aramas emen me mi nan Lokolok \f q \fr 39:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 I ahpw patohwan, “I pahn kin kanahieng ni ei wiewia kan
\q2 oh sohte pahn mweidohng loweiet en kahrehiong ie nan dihp;
\q1 I sohte pahn nda mehkot
\q2 mpen aramas suwed kan.”
\q1
\v 2 I nennenlahte sohte nda mehkot,
\q2 mehndahte ma mehkot mwahu!
\q1 Ahpw ei lokolok wonlahte mwowe,
\q2
\v 3 oh lapalahn pwunod ehu ahpw kadirehla ngeni.
\q1 Ni ei medemedewe, pwunod en nan kapehdiet lalaudlahte;
\q2 ni ei sohla pwerieng pwunod wet, I ahpw patohwan,
\q1
\v 4 “Maing KAUN, ia erein ei pahn momour?
\q2 Iahd me I pahn mehla?
\q2 Komw mahsanihong ie iahd me ei mour pahn imwisekla.”
\b
\q1
\v 5 Ia uwen mwotomwot en ei mour!
\q2 Mwohn silangmwi ei mour likamwete sohte mehkot.
\q1 Mehlelete me mour en aramas rasehng tumwenieng,
\q2
\v 6 de rasehng mwete ieu.
\q1 Mehkoaros me aramas kin wia sohte katepe;
\q2 e kin kihpene nah mwohni kan, ahpw e sehse ihs me pahn nainekihla.
\b
\q1
\v 7 Eri a, ihs me I pahn koapworopworki, Maing ei Kaun?
\q2 Pwe komwihte me I patohwan koapworopworki.
\q1
\v 8 Komw ketin kapitasang ie nan dipei kan,
\q2 oh dehr ketin mweidohng me pweipwei kan en kepitkin ie.
\q1
\v 9 I pahn nennenla, sohte patohwan mehkot,
\q2 pwe komwi me ketin kupwurehda I en patohwan ale soangen kalokolok wet.
\q1
\v 10 Komw dehr ketin pwurehng kaloke ie!
\q2 I nektehn mehkihla kalokolok sang nin limomwien.
\q1
\v 11 Komw ketin kalokehki aramas engieng en silangmwi,
\q2 oh ketin kamwomwala oh kasuwedihla rasehng loangenmwet mehkoaros me e kin poakohng.
\q1 Mehlelete me aramas sohte siksang tumwenieng!
\b
\q1
\v 12 Maing KAUN, komw ketin karonge ei kapakap,
\q2 komw ketin karonge ei likwer;
\q2 komw ketin sewese ie ni ei kin sengiseng.
\q1 Pwe ngehi mehnkeiru men mwohn silangmwi ni ahnsou mwotomwot,
\q2 duwhte ei pahpa kahlap ako koaros.
\q1
\v 13 Komw ketin kupwure ie I en kalapwukala ahnsou kis ahneki peren
\q2 mwohn ei pahn patohsang met oh sohla mie.
\c 40
\s1 Melkahkahn Kaping \f r \fr 40:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 I awiawih sawasepei sang rehn KAUN-O;
\q2 e ahpw kapaikodohng ie karonge oh karongehda ei likwer.
\q1
\v 2 E ahpw ketin waikiehda sang nan pwoahr keper ehu,
\q2 nan pwelmatak loal.
\q1 E ahpw ketikiniehdi pohn paipalap ehu
\q2 oh ketin koasoanehdi pwe I en soanamwahula.
\q1
\v 3 E ahpw ketin padahkihong ie melkahka kapw pwoat,
\q2 melkahkahn kapinga atail Koht.
\q1 Me tohto me pahn kilang met, re pahn masakada
\q2 oh re pahn likihala KAUN-O.
\b
\q1
\v 4 Meid pai aramas me kin likih KAUN-O,
\q2 oh sohte kin sohpeiong dikedik en eni kan,
\q2 de iang irail kan me kin pwongih koht likamw akan.
\q1
\v 5 Maing KAUN, at Koht, ia uwen tohtohn soahng kapwuriamwei kan me komw ketin wiahiong kiht;
\q2 sohte emen mie me duwehte komwi!
\q2 Ia uwen tohtohn koasoandi kan me komw ketin wiahiong kiht!
\q1 Ma I pahn song en kasalehda koaros—
\q2 re uhdahn pahn tohtohsang me I kak kasalehda!
\b
\q1
\v 6 Komw sohte ketin kupwurki meirong oh kisakis kan;
\q2 komw sohte kin kupwurohki mahn akan me pwonte isihsla pohn pei sarawi kan
\q2 de meirong kan mehn kihsang dihp akan.
\q1 Ahpw komw ketikihong ie salengei kat pwe I en patohwan rong komwi,\x - \xo 40:6 \xo*\xt Ipru 10.5-7.\xt*\x*
\q2
\v 7 eri, I ahpw sapeng komwi, patohwan, “Iet ngehi, maing;
\q2 sapwellimomwi kaweid kan ong ie mihmi nan pwuken Kosonnedo.
\q1
\v 8 Maing ei Koht, ia uwen ei kin ngoangki kapwaiada kupwuromwien!
\q2 I kin kolokol sapwellimomwi padahk kan nan mohngiongiet.”
\b
\q1
\v 9 Maing KAUN, nan pokon en sapwellimomwi aramas akan,
\q2 I lohkidahr rongamwahu en omwi komourkitalahr.
\q2 Komw mwahngih duwen ei sohte mwahn pahn tokedihsang lohlohkiseli.
\q1
\v 10 I sohte nekidohng pein ngehi rongamwahu en komouro;
\q2 pwe ahnsou koaros I kin lohkiseli sapwellimomwi loalopwoat oh sawas.
\q1 I sohte kin nennenla nan pokon en sapwellimomwi aramas akan,
\q2 ahpw I kin patohwanda duwen sapwellimomwi limpoak poatopoat oh loalopwoat.
\b
\q1
\v 11 Maing KAUN, I patohwan ese duwen omwi sohte pahn ketin katokehdi sapwellimomwi kalahngan ong ie.
\q2 Sapwellimomwi limpoak oh loalopwoat pahn sinsile iehte ahnsou koaros.
\s1 Kapakap en Peki Sawas
\r (Melkahka 70)
\p
\v 12 Suwed ngeder kapiliepenehr—
\q2 me nohn ngeder oh soh kak wadawad!
\q1 Dipei kan salihiepenehr,
\q2 oh I solahr kak kilang wasa;
\q2 re tohtohsang pitenmoangei kat,
\q2 oh loalei tikitikla.
\q1
\v 13 Maing KAUN, komw ketin sewese ie ahnsou wet oh doareiehla.
\q1
\v 14 Irail kan me kin songosong en kemeiehla
\q2 re en lohdi oh pingida.
\q1 Irail kan me kin perenki ei apwal akan
\q2 re en pwurala oh namenekla.
\q1
\v 15 Irail kan me kin kouruhrkin ie,
\q2 re en sarohkihdi ar lohdi.
\b
\q1
\v 16 Irail koaros me kin patohdo rehmwi
\q2 re en nsenamwahu oh pereperen.
\q1 Irail koaros me kin kasapahlkalahngankihong komwi sapwellimomwi komour
\q2 re en kin patopatohwan ahnsou koaros, “KAUN-O meid lapalap!”
\b
\q1
\v 17 Maing ei Kaun, ngehi me luwet oh semwehmwe,
\q2 ahpw komwi sohte ketin melieiehla.
\q1 Komwi me ei sounkomour oh ei Koht—
\q2 komw ketin mwadangodo oh sewesei!
\c 41
\s1 Kapakap en Aramas Soumwahu \f s \fr 41:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Meid pai irail kan me kin nsenohki apwalih me semwehmwe kan;
\q2 KAUN-O pahn ketin sewese irail nan arail apwal.
\q1
\v 2 KAUN-O pahn ketin sinsile irail oh kolokol arail mour;
\q2 e pahn ketin kaperenihirailda nan sahpwo;
\q2 e sohte pahn ketin keseirailla pahn manaman en arail imwintihti kan.
\q1
\v 3 KAUN-O pahn ketin sewese irail ni ar pahn soumwahu
\q2 oh e pahn ketin kakehlairailda.
\b
\q1
\v 4 I ahpw patohwan, “Maing KAUN, I patohwan dipadahr ong komwi;
\q2 komw ketin kupwur kalahngan ong ie oh ketin kakehlaiehda.”
\q1
\v 5 Ei imwintihti kan kin koasoia soahng suwed kei duwen ngehi.
\q2 Re mwahuki I en mehla oh manoknokla douluhl.
\q1
\v 6 Irail kan me kin patohdo tuhwong ie re sohte kin mehlel ong ie;
\q2 re kin pein kinehda koasoi suwed kan duwen ngehi
\q2 oh kin kohseli koasoiaseli wasa koaros.
\q1
\v 7 Koaros me kin kailongkin ie kin mwengininginkipene duwen ngehi,
\q2 re kin medemedewe mehkot suwed ong ie.
\q1
\v 8 Re kin nda, “Eh soumwahu laudlahr mehlel;
\q2 e solahr pahn kak pwurehng mwahula.”
\q1
\v 9 Pil me uhdahn kompoakepahi mehlel, me I kin keieu likih,
\q2 me kin iang kang kenei mwenge,
\q2 e pil uhwongieier.\x - \xo 41:9 \xo*\xt Mad. 26.23; Mk. 14.18; Luk 22.21; Sohn 13.18.\xt*\x*
\b
\q1
\v 10 Maing KAUN, komw ketin kupwurkalahngan ong ie, oh ketin kakehlaiehda,
\q2 oh I ahpw pahn dupukohng ei imwintihti kan.
\q1
\v 11 Re sohte pahn poweiehdi,
\q2 oh I pahn ese me komw kupwurperenkin ie.
\q1
\v 12 Komw pahn ketin sewese ie, pwehki ei kin wia dahme pwung;
\q2 komw pahn kolokol ie mwohn silangmwi kohkohlahte.
\q1
\v 13 Kapinga KAUN-O, Koht en Israel!
\q1 Kapinga ih met oh pil kohkohlahte!
\b
\q2 Amen! Amen!\x - \xo 41:13 \xo*\xt Mel. 106.48.\xt*\x*
\c 42
\s1 Kapakap en me Kalipilipada Men \f t \fr 42:0 \fr*\fk TITLE NI MAHSEN EN IPRU: \fk*\ft En peneinei en Kora ar koul.\ft*\f*
\r (Melkahka 42—72)
\q1
\v 1 Duwen tie men eh kin ngoangki nim pihl lemwlemwur sang ni piletik,
\q2 Maing Koht, iei duwen ei kin ngoangkin komwi.
\q1
\v 2 I kin anahne komwi, Koht ieias.
\q2 iahd me I pahn kak patohwan kaudok mwohn silangmwi?
\q1
\v 3 Ni rahn oh nipwong I kin sengiseng,
\q2 oh ihte me I kin tungutungoale, pilen mesei;
\q1 ei imwintihti kan kin ideidek rehi ahnsou koaros,
\q2 “Ia omw Kohten?”
\b
\q1
\v 4 Mohngiongiet kin okihla ni ei kin tamanda irair en mahs akan,
\q2 ni ei kin iang pokon kan kohdalahng nan tehnpas en Koht
\q2 oh kahluwa irail ni ar kin alialu kohla,
\q2 pereperen, kokoul, oh ngisingiski ar kaping ong Koht.
\q1
\v 5 Dahme I nohn nsensuwedkilahret?
\q2 Dahme I nohn pwunodkidahr?
\q1 Eri soh, I pahn koapworopworki Koht,
\q2 oh I pahn pwurehng kapinga,
\q2 ei sounkomour oh ei Koht.
\b
\q1
\v 6-7 Mohngiongiet tihwolahr wasa me I kalipilipdohnget,
\q2 I ahpw sohpeiong Koht.
\q1 E ketin koaduhpwalihkihdi ngeni iloak en nsensuwed,
\q2 me pwilipwildohng ie rasehng lapake ieu,
\q2 rasehng tenihr me ngiringirisek sang pohn Nahna Ermon oh Nahna Misar kohdilahng Sordan.
\q1
\v 8 KAUN-O en ketin kasalehda sapwellime limpoak poatopoat ni rahn,
\q2 pwe I en kokoul nipwong,
\q2 oh kapakapohng Koht, me kin ketikihong ie mouri.
\b
\q1
\v 9 I patohwanohng Koht, ei soundoar,
\q2 “Dahme komw ketin likidmeliekiniehla?
\q1 Dahme I kin wie lokolongki
\q2 pahn manaman en ei imwintihti kan?”
\q1
\v 10 I mwoatohtkilahr ei imwintihti kan ar kin kepweikengih ie,
\q2 ni ar kin ideidek rehi,
\q2 “Ia omw Kohten?”
\b
\q1
\v 11 Dahme I nohn nsensuwedkilahret?
\q2 Dahme I nohn pwunodkidahr?
\q1 Eri soh, I pahn koapworopworki Koht,
\q2 oh I pahn pwurehng kapinga,
\q2 ei sounkomour oh ei Koht.
\c 43
\s1 Kapakap en me Kalipilipada Men
\r (Pouspen Melkahka 42)
\q1
\v 1 Maing Koht, komw ketin kadehdehda eh sohte dipei,
\q2 oh ketin seweseiehda nan ei kopwung rehn me dipan akan;
\q2 komw ketin kapitiesang rehn aramas likamw oh mwersuwed kan!
\q1
\v 2 Komwi me silepei;
\q2 dahme komw ketin likidmeliekiniehla?
\q1 Dahme I kin wie lokolongki
\q2 pahn manaman en ei imwintihti kan?
\b
\q1
\v 3 Komw ketin kadarodo sapwellimomwi marain oh mehlel
\q2 pwe en kahluwa ie
\q2 oh pwurehng kahrehiewohng ni sapwellimomwi dohl sarawi, \f u \fr 43:3 \fr*\fk DOHL SARAWI: \fk*\ft Tehk 2.6.\ft*\f* Saion,
\q2 oh nan Tehnpasomwi, wasa komw kin ketiket ie.
\q1
\v 4 Maing Koht, I ahpw pahn patohlahng ni sapwellimomwi pei sarawi;
\q2 komwi me poahsoan en ei peren.
\q1 I pahn koulen kaping ong komwi sang nin nei keseng arpet,
\q2 Maing Koht, ei Koht.
\b
\q1
\v 5 Dahme I nohn nsensuwedkilahret?
\q2 Dahme I nohn pwunodkidahr?
\q1 Eri soh, I pahn koapworopworki Koht,
\q2 oh I pahn pwurehng kapinga,
\q2 ei sounkomour oh ei Koht.
\c 44
\s1 Kapakap en Silasil \f v \fr 44:0 \fr*\fk TITLE NI MAHSEN EN IPRU: \fk*\ft En peneinei en Kora ar koul.\ft*\f*
\q1
\v 1 Maing Koht, se patohwan rongkier pein salengat akan—
\q2 at pahpa kahlap ako me padahkihongkitehr
\q1 duwen soahng kapwuriamwei ko me komw ketin wiadahr rehrail,
\q2 ni mwehin kawao:
\q1
\v 2 duwen omwi pein ketin kasarehla me rotorot akan
\q2 oh ketin koasoanehdi sapwellimomwi aramas akan nan sapwarail ko;
\q1 duwen omwi ketin kaloke wehi teikan
\q2 oh ketin kapaiamwahwihala sapwellimomwi wehi pilipilo.
\q1
\v 3 Sapwellimomwi aramas akan sohte kalowehkihdi sahpwo neirail kedlahs akan;
\q2 re sohte powehdi ar imwintihti kan sang ni pein ar kehl;
\q1 pwe sang ni roson oh manaman en nin limomwien,
\q2 sang ni omwi kin ketin ieiang irail
\q2 me kasalehda duwen omwi ketin poakohng irail.
\b
\q1
\v 4 Komwi me ei nanmwarki oh ei Koht;
\q2 komwi me ketikihong sapwellimomwi aramas akan manaman en powehdi,
\q2
\v 5 oh sang ni sapwellimomwi manaman se kin kalowehdi at imwintihti kan.
\q1
\v 6 I sohte likih me nei kesik ketieu
\q2 de nei kedlahs pahn doareiehla;
\q1
\v 7 ahpw komwi me ketin doareikitasang at imwintihti kan
\q2 oh ketin kalowehdi irail kan me kin kailongkin kiht.
\q1
\v 8 Se pahn kin kapinga komwi ahnsou koaros
\q2 oh patohwan kapingkalahngan ong komwi kohkohlahte.
\b
\q1
\v 9 Ahpw met komw ketin soingkitalahr oh mweidalahr pwe se en lohdi;
\q2 komw solahr kin ketin ieiang at tungoal karis kan.
\q1
\v 10 Komwi me kupwurehda se en tangasang at imwintihti kan,
\q2 oh re adihasang kiht at kepwe kan.
\q1
\v 11 Komwi me ketin mweidohng pwe se en kamakamala rasehng sihmpwul kei;
\q2 komwi me ketin kalipeikitalahng nan wehin liki kan.
\q1
\v 12 Komw ketin netikihla sapwellimomwi aramas akan ni pwei tikitik,
\q2 duwehte mehkot me sohte kesempwal.
\b
\q1
\v 13 Mehn mpat akan kilangehr dahme komw ketin wiahiong kiht,
\q2 re ahpw kin kapailok oh kouruhrkin kiht.
\q1
\v 14 Komw ketin wiahkinkitala mehn kepit nanpwungen wehi kan;
\q2 re kin tuhtuwelengki ar kouruhrkin kiht.
\q1
\v 15 I kin sansaro ahnsou koaros;
\q2 I namenengkilahr kowahlap
\q2
\v 16 ei kin rongorong kepit oh lokaia kapweikeng
\q2 sang ei imwintihti kan oh irail kan me kin kailongkin ie.
\b
\q1
\v 17 Mepwukat koaros re wiahiong kiht,
\q2 mehndahte ma se sohte manokeikomwihla
\q2 de kauwehla inowo me komw ketin wiahiong kiht.
\q1
\v 18 Se sohte soaloalopwoat ong komwi;
\q2 se sohte kauwehla sapwelliomwi kosonned akan.
\q1
\v 19 Komwi ahpw ketin keseikitala nanpwungen mahn lawalo kan;
\q2 komw ketin keseikitala nan rotorot mosul.
\b
\q1
\v 20 Ma se patohwan tokedihsang at kaudokiong at Koht,
\q2 oh kapakap ong emen koht en liki,
\q1
\v 21 komwi uhdahn pahn mwahngihada,
\q2 pwe komw kin mwahngih at lamalam rir kan.
\q1
\v 22 Ahpw pwehki komwi me se kin patohwan mehkihla ahnsou koaros,
\q2 oh wiahkihla sihmpwul kei me kin pakahrlahng kamakamala.
\b
\q1
\v 23 Maing ei Kaun, komw ketin ohpala wasa! Dahme komw ketin seiseimwongki?
\q2 Komw ketida! Komw dehr ketin soingkitala kohkohlahte!
\q1
\v 24 Dahme komw ketin karirihkiweisang kiht silangmwien?
\q2 Komw dehr ketin meliehla at tungoal lokolok oh apwal!
\b
\q1
\v 25 Se pwupwudiongehr nan pwehl;
\q2 se lohdier oh wonohnehr nan pwelpar.
\q1
\v 26 Komw ketido seweseikitada!
\q2 Pwehki sapwellimomwi limpoak poatopoat me kamourkitala!
\c 45
\s1 Koulen Kapwopwoud ong Nanmwarki men \f w \fr 45:0 \fr*\fk TITLE NI MAHSEN EN IPRU: \fk*\ft En peneinei en Kora ar koul; koulen limpoak.\ft*\f*
\q1
\v 1 Pato kaselel kei kipedier nan mohngiongiet,
\q2 ni ei pahn wiahda ei koulen kaping ong nanmwarki.
\q1 Loweiet pahn rasehng nein sounnting pinsel
\q2 ni ei pahn koulki melkahka pwoatet.
\b
\q1
\v 2 Komwi me keieu masamwahu nanpwungen ohl akan;
\q2 sang ni doauasomwien mahsen lingan kin pwilipwilsang.
\q2 Koht kin ketin kupwuramwahwih komwi ahnsou koaros.
\q1
\v 3 Nanmwarki roson, komw ketin kapwatahkinkomwihda sapwellimomwi kedlahs;
\q2 komw meid diren roson oh lingan kowalahpie!
\b
\q1
\v 4 Ni roson lapalap komw ketin wonowohng omwi lingan en powehdi,
\q2 pwe komwi me kin wia soundoarepen me pwung oh mehlel!
\q2 Omwi powehdi kowahlap pahn sang ni sapwellimomwi roson!
\q1
\v 5 Sapwellimomwi arep keng kan
\q2 pahn lelete pwar mohngiong en sapwellimomwi imwintihti kan;
\q2 wehi kan kin poaridi pahn aluweluwomwi kan.
\b
\q1
\v 6 Wehio me Koht ketikihong komwi
\q2 pahn kin poatopoat kohkohlahte.
\q1 Komw kin ketin kakaun sapwellimomwi kan ni me pwung;\x - \xo 45:6 \xo*\xt Ipru 1.8-9.\xt*\x*
\q2
\v 7 komw kin ketin poakohng dahme pwung oh kin ketin kalahdeki me suwed.
\q1 Ihme kahrehda Koht, omwi Koht, ketin pilkomwidahr
\q2 oh ketin kapwildier pohmwi peren
\q2 laudsang me e ketikihong nanmwarki teikan.
\q1
\v 8 Sapwellimomwi likou kan pwohmwahuki pwohn mir oh alos;
\q2 sounkeseng kan kin kamwakamwait komwi nan tehnpas lingan akan me kapwatki aipori.
\q1
\v 9 Sapwellimen nanmwarki serepein kan me wia erirpen mwoalomwi,
\q2 oh sapwellimomwi likendo me uh ni pali maun,
\q2 kapwatki kohl kaselel.
\b
\q1
\v 10 Maing likend en nanmwarki, komw karonge mahs dahme I pahn patohwan—
\q2 komw ketin meliehla sapwellimomwi kan oh kisehmwi kan.
\q1
\v 11 Sapwellimomwi lingan me pahn kahrehiong nanmwarkio eh pahn inengieng komwi;
\q2 ih me omwi kaun, komwi uhdahn pahn kin peikiong.
\q1
\v 12 Mehn Dair kan pahn patohwandohng komwi ar kisakis kan;
\q2 me kepwehpwe kan pahn kin song en alkenkenla rehmwi.
\b
\q1
\v 13 Sapwellimen nanmwarki serepeino patopato nan tehnpaso—ia uwen eh kaselel!
\q2 Kohl me wia dereht en eh likou.
\q1
\v 14 Ni eh kapwatkihda soangen kapwat kaselel pwukat, eh ahpw pakahrlahng rehn nanmwarkio,
\q2 ni kapar en erir, iangahki pwihn en meipwon akan;
\q2 irail koaros pil pakahrlahng rehn nanmwarkio.
\q1
\v 15 Re ahpw nsenamwahu oh pereperen
\q2 patohlong nan tehnpas en nanmwarki.
\b
\q1
\v 16 Maing ei nanmwarki, komw pahn ketin sapwellimanikihla pwutak tohto
\q2 me pahn wiliandi omwi pahpa kahlap ako nin duwen nanmwarki kei,
\q2 oh komw pahn kasapwilirailda pwe re en kaunda sampah pwon.
\q1
\v 17 Ei koulet pahn kalaudehla kapingpen mwaromwi kohkohlahte,
\q2 oh aramas koaros pahn pil kapinga komwi ni ahnsou kan me pahn kohdo.
\c 46
\s1 Koht kin Ketiket Rehtail \f x \fr 46:0 \fr*\fk TITLE NI MAHSEN EN IPRU: \fk*\ft En peneinei en Kora ar koul.\ft*\f*
\q1
\v 1 Koht me perehpatail oh atail kehl,
\q2 me kin ketin sewese kitail ni ahnsou apwal akan.
\q1
\v 2 Kitail eri sohte pahn masepwehk, mehnda ma sampah pahn rerada
\q2 oh nahna kan pahn kihrla nan kepin madau;
\q1
\v 3 mehnda ma iloak en nan madau kan pahn mwekidida oh ngiringirisek,
\q2 oh nahna kan pil pahn itihtikengki mwekid en nan madau.
\b
\q1
\v 4 Mie pillap pwoat me kin kaparanda kahnimw en Koht,
\q2 ong ni tehnpas sarawien Wasa Lapalahpie.
\q1
\v 5 Koht kin ketiket nan kahnimwo, eri, e sohte pahn mwomwla kohkohlahte;
\q2 e pahn ketido sewese nin sorahn.
\q1
\v 6 Wehi kan kin masapwehkada, wehin nanmwarki kan kin rerada;
\q2 Koht ketin poahngok, a sampah sohredi.
\b
\q1
\v 7 KAUN-O, Wasa Lapalap, kin ketiket rehtail;
\q2 Koht en Seikop, iei atail wasahn ruk.
\b
\q1
\v 8 Kumwail kohdo, oh kilang dahme KAUN-O ketin wiahda.
\q2 Kumwail kilang soahng kapwuriamwei kan me e ketin wiahda nin sampah.
\q1
\v 9 E kin ketin katokihedi mahwen wasa koaros nin sampah;
\q2 e kin ketin katimpeseng arep kan, oh kauwehla kesik ketieu kan,
\q2 e kin ketin isikala nein sounpei kan mehn sansar kan.
\q1
\v 10 E kin mahsanih, “Kumwail katokihedi amwail mahwen kan oh esehla me ngehi, iei Koht,
\q2 me lapalahpie rehn tohn wehi kan,
\q2 me lapalahpie nin sampah pwon.”
\b
\q1
\v 11 KAUN-O, Wasa Lapalap, kin ketiket rehtail;
\q2 Koht en Seikop, iei atail wasahn ruk.
\c 47
\s1 Kaun Lapalap \f y \fr 47:0 \fr*\fk TITLE NI MAHSEN EN IPRU: \fk*\ft En peneinei en Kora ar melkahka.\ft*\f*
\q1
\v 1 Kumwail tohn wehi koaros, kumwail lopwolopwki amwail peren!
\q2 Kumwail kapingahki Koht amwail melkahkahn peren!
\q1
\v 2 KAUN-O, Wasa Lapalahpie, me lammwin kowahlahpie;
\q2 nanmwarki lapalap emen ih, me kin kakaun sampah pwon.
\q1
\v 3 Ih me ketikihong kitail manaman en powehdi aramas akan;
\q2 ih me ketin koasoanehdi pwe kitail en kin kaunda wehi kan.
\q1
\v 4 Ih me ketin pilohng kitail sahpw me kitail kin kousoan ie,
\q2 sohso kesempwal en sapwellime aramas akan, me e kin ketin loalloale.
\b
\q1
\v 5 Koht ketidalahng nan mwoale.
\q2 Ngilen peren oh koronihda kan kadirehla wasa,
\q2 nindokon KAUN-O eh ketiket kohda.
\q1
\v 6 Kumwail koul kapinga Koht;
\q2 kumwail koul kapinga atail nanmwarki!
\q1
\v 7 Koht iei nanmwarkien sampah pwon;
\q2 kumwail koul kapikapinga!
\b
\q1
\v 8 Koht kin ketiket pohn mwoale sarawi;
\q2 e kin ketin kakaun wehi kan.
\q1
\v 9 Kaunen wehi kan pokonpenehr
\q2 iangahki sapwellimen Koht en Eipraam aramas akan.
\q1 Ih me kehlailasang karis en sounpei kan koaros;
\q2 ih me ketin kakaun mehkoaros.
\c 48
\s1 Saion, Kahnimw en Koht\f z \fr 48:0 \fr*\fk TITLE NI MAHSEN EN IPRU: \fk*\ft En peneinei en Kora ar melkahka; koul pwoat.\ft*\f*
\q1
\v 1 KAUN-O me uhdahn lapalahpie oh warohng ale kaping
\q2 nan kahnimw en atail Koht, pohn sapwellime dohl sarawi. \f a \fr 48:1 \fr*\fk DOHL SARAWI: \fk*\ft Tehl 2.6.\ft*\f*
\q1
\v 2 Saion, sapwellimen Koht nahna me ile oh kaselel;
\q2 kahnimw en nanmwarki lapalapo kin kaparanda sampah pokon.\x - \xo 48:2 \xo*\xt Mad. 5.35.\xt*\x*
\q1
\v 3 Koht ketin kasalehda me mie wasahn ruk reh
\q2 nan kelen kahnimw wet.
\b
\q1
\v 4 Nanmwarki kan ehupenehr
\q2 oh kamwakidadahr mahwen kapilpene Nahna Saion.
\q1
\v 5 Ahpw ni ar mahsanihadahr duwen kahnimwo, re inenen dahkihla;
\q2 re ahpw masepwehkada tangdoaui.
\q1
\v 6 Re masepwehkada oh rerrerki ar pwunod mwuledek,
\q2 rasehngala lih liseian men me nektehn pahn neitik,
\q2
\v 7 re rasehngala sohp akan me kin pwungupwungudekseli nan madau ni ahnsou en melimel kehlail.
\b
\q1
\v 8 Se patohwan rongehr dahme Koht ketin wiadahr,
\q2 oh met se kilangehr
\q2 nan kahnimw en at Koht, KAUN-O Wasa Lapalap;
\q1 e pahn ketin sinsile kahnimwet kohkohlahte.
\b
\q1
\v 9 Maing Koht, nan Tehnpasomwi,
\q2 se kin patohwan medemedewe sapwellimomwi limpoak poatopoat.
\q1
\v 10 Wasa koaros aramas akan kin kapikapinga komwi,
\q2 oh kapingpomwi kipedier sampah pwon.
\q1 Komw kin ketin kakaunki ni me pwung;
\q2
\v 11 tohn Saion koaros en nsenamwahula!
\q1 Komw kin ketin kadeik ni me pwung;
\q2 kahnimw en Suda kan en pil iang pereperen!
\b
\q1
\v 12 Kumwail sapwellimen Koht aramas akan, kumwail kapar pidahki Saion, oh wadekada wasa kehlail kan en kahnimw wet;
\q2
\v 13 kumwail tehk mwahu kehl kan oh kasawih kelen mahwen kan,
\q2 pwe kumwail en kak patohwanohng dih en mwuhr kan:
\q2
\v 14 “Koht menet, iei atail Koht kohkohlahte;
\q2 e pahn kin ketin kahluwa kitail erein ahnsou me pahn kohdo kan.”
\c 49
\s1 Sapwung en Koapworopworki Kepwehn Sampah kan \f b \fr 49:0 \fr*\fk TITLE NI MAHSEN EN IPRU: \fk*\ft En peneinei en Kora ar melkahka.\ft*\f*
\q1
\v 1 Kumwail wehi koaros, kumwail rong met!
\q2 kumwail rong, tohn wasa koaros,
\q2
\v 2 me lapalap oh me tikitik kan,
\q2 me kepwehpwe oh me semwehmwe kan.
\q1
\v 3 Ei lamalam pahn sansal;
\q2 I pahn koasoiahda koasoi en loalokong kei.
\q1
\v 4 I pahn kanahieng tehk lepin kahs kei
\q2 oh kawehwehda nindokon ei kesekesengki nei arp.
\b
\q1
\v 5 I sohte pahn masepwehk ni ahnsou keper
\q2 ni ahnsou me ei imwintihti kan pahn kapiliepene,
\q1
\v 6 oh aramas suwed me kin likih ar kepwe kan
\q2 oh aksuweiki uwen tohtohn ar dipwisou kan.
\q1
\v 7 Sohte me kak kapitala pein ih;
\q2 sohte me kak patohwanohng Koht pweinen eh mour,
\q2
\v 8 pwe pweinen mour me nohn laud kowahlap.
\q1 Me emen kak kihda sohte pahn itarohng
\q2
\v 9 kadohwaneweisang ih nan sousou,
\q2 pwe en kak momour poatopoat.
\b
\q1
\v 10 Aramas emen sohte lipilipil kak kilang duwen me loalokong kan ar pil kin iang mehla,
\q2 pil duwehte me pweipwei oh loalopwon akan.
\q2 Oh kadaudokarail kan kin sohsohki ar dipwisou kan.\x - \xo 49:10 \xo*\xt Sir. 11.19.\xt*\x*
\q1
\v 11 Ar sousou kan, iei imwarail poatopoat;
\q2 wasa re kin mihmi ie kohkohlahte,
\q2 mehnda ma re sapweniki sahpw ehu mahso.
\q1
\v 12 Roson lapalap en aramas sohte kak doarehsang mehla;
\q2 e pahn mehla duwehte mahn akan.
\b
\q1
\v 13 Kilang dahme kin wiawihong irail kan me kin koapworopworki pein irail,
\q2 oh imwilahn irail kan me kin nsenamwahuki ar kepwe kan—
\q1
\v 14 e kileldier re en mehla duwehte sihpw kei,
\q2 oh Mehla me pahn wia sileparail.
\q1 Me pwung kan pahn poweiraildi
\q2 nindokon paliwararail kan pahn wiepwella nan sousou
\q2 nan sapwen me melahr akan dohsang imwarail kan.
\q1
\v 15 Ahpw Koht pahn ketin kapitiehla;
\q2 e pahn ketin doareiesang ni manaman en mehla.
\b
\q1
\v 16 Ke dehr perki ma aramas emen pahn kepwehpwehla,
\q2 ma eh kepwe kan pahn pil laudla;
\q1
\v 17 e sohte pahn kak wa kohla ni eh pahn mehla;
\q2 e kepwe kan sohte pahn iang kohdihla nan sousou.
\q1
\v 18 Mehnda ma aramas emen me kin nsenamwahuki eh mour,
\q2 oh kin ale kaping pwehki eh pweidamwahu,
\q1
\v 19 e uhdahn pahn iang patehng eh pahpa kahlap ako nan sousou,
\q2 wasa rotorot poatopoat kin mi ie kohkohlahte.
\q1
\v 20 Roson lapalap en aramas emen sohte kak doarehsang mehla;
\q2 pwe e pahn mehla duwehte mahn akan.
\c 50
\s1 Kaudok Mehlel \f c \fr 50:0 \fr*\fk TITLE NI MAHSEN EN IPRU: \fk*\ft En Asap eh melkahka.\ft*\f*
\q1
\v 1 KAUN-O Koht, Wasa Lapalap, ketin poahngok
\q2 ong sampah pwon, sang palimese lel palikapi.
\q1
\v 2 Lingan en Koht kin dakerada wasa sang Saion,
\q2 kahnimwo me lingan unsek.
\b
\q1
\v 3 Atail Koht kin ketido, ahpw sohte ketin sopeimwekid;
\q2 mwowe kisiniei mwehl me wie mpwumpwul,
\q2 a melimel kehlail me kapilpene.
\q1
\v 4 E ahpw ketin malipe lahng oh sampah pwe en wia sounkadehdepen
\q2 e pahn ketin kapwung sapwellime aramas akan.
\q1
\v 5 E ahpw mahsanih, “Kumwail kapokonedohng ie nei aramas loalopwoat akan,
\q2 irail me wiadahr inou ong ie sang ni ar meirong kan.”
\q1
\v 6 Nanleng kan kin kalohki me Koht me pwung,
\q2 oh pein ih me wia sounkopwung.
\b
\q1
\v 7 “Kumwail, nei aramas akan, kumwail rong, pwe I pahn koasoi;
\q2 I pahn kadehdehiong uhk, Israel,
\q2 ngehi me Koht, omw Koht.
\q1
\v 8 I sohte kapwungohng uhk pwehki omw meirong kan,
\q2 omw meirong isihs me ke kin wiahiong ie ahnsou koaros.
\q1
\v 9 Ahpw I sohte anahne ale kouwol sang nan sapwomw kan,
\q2 de kuht sang ni noumw pelin kuht kan.
\q1
\v 10 Ngehi me naineki mahn en nanwel koaros
\q2 oh pil kou kan me kin mihmiseli pohn dohl kid kan.
\q1
\v 11 Ngehi me pil naineki menpihr en nan wehwe koaros,
\q2 oh soangen mahn mour koaros me kin mi nansapw.
\b
\q1
\v 12 “Ma I men mwengehda, I sohte pahn peki rehmw kisin mwenge,
\q2 pwe sampah oh audepe kan koaros iei ahi.
\q1
\v 13 Ia duwe, ke lemehiong me I kin kang uduk en kouwol kan,
\q2 de nim ntahn kuht kan?
\q1
\v 14 Omw meirong ong Koht en kin mihmi ni kapingkalahngan,
\q2 oh ke en patohwanohng Wasa Lapalap soahng kaoros me ke inoukidahr.
\q1
\v 15 Likwerih ie ni ahnsou apwal;
\q2 I pahn doareiukala,
\q2 oh ke pahn kapinga ie.”
\b
\q1
\v 16 Koht ketin mahsanihong aramas suwed, “Dahme ke papahngkihda ei kosonned akan?
\q2 Dahme ke papahngkihda ei kosonned akan?
\q2 Dahme ke kapakapahrengki duwen ei inowo?
\q1
\v 17 Ke suwediki I en kapwunguhkala;
\q2 ke soikala ei kosonned akan.
\q1
\v 18 Ni omw kin kilang lipirap emen, ke kin wiahkihla kompoakepahmw,
\q2 oh ke kin werekiong aramas en kamwahl akan.
\b
\q1
\v 19 “Ahnsou koaros ke kin lokaia suwed;
\q2 ke sohte kin peikasalki lokaia likamw.
\q1
\v 20 Ke kin pein kedipahda riomw kan
\q2 oh karaunmwahlih irail.
\q1
\v 21 Ke wiadahr soahng pwukat koaros, ahpw I nennenlahte,
\q2 ke ahpw kihkihong me I duwehte kowe.
\q1 Eri met, I pahn kapwung ong uhk,
\q2 oh kasalehiong uhk ni sansal.
\b
\q1
\v 22 “Kumwail me kin mwamwahlikin ie, kumwail rong ie,
\q2 pwe ma soh, I pahn kamwomwkumwailla,
\q2 oh sohte emen me pahn kak doareikumwailla.
\q1
\v 23 Me kin meirongkihong ie kapingkalahngan, iei irail me kin waunekin ie;
\q2 oh I uhdahn pahn doareirailla koaros me kin peikiong ie.”
\c 51
\s1 Kapakap en Pek Mahk \f d \fr 51:0 \fr*\fk TITLE NI MAHSEN EN IPRU: \fk*\ft En Depit melkahka mwurin soukohp Nadan eh mahseniong ni eh wiahda dipen kamwahl ong Padsipa.\ft*\f* \x - \xo 51:0 \xo*\xt 2 Sam. 12.1-15.\xt*\x*
\q1
\v 1 Maing Koht, komw ketin kupwure ie
\q2 nin duwen sapwellimomwi limpoak poatopoat.
\q1 Komw ketin lapwahda dipei kan
\q2 nin duwen sapwellimomwi kalahngan lapalap!
\q1
\v 2 Komw ketin widensang ei suwed koaros
\q2 oh ketin kamwakeleiehda sang nan dipei kan!
\b
\q1
\v 3 I ese duwen ei sapwung kan;
\q2 dipei kan kin sansal ong ie ahnsou koaros.
\q1
\v 4 I dipadahr mwohmwihte—mwohmwihte kelehpw—
\q2 oh wiadahr sapwung mwohn silangmwi.
\q1 Eri, komwi me pwung, ni omwi ketin kapwungohng ie,
\q2 oh mwakelekel, ni omwi ketin kadeikiedahr.\x - \xo 51:4 \xo*\xt Rom 3.4.\xt*\x*
\q1
\v 5 Aramas suwed men ngehi sang ni ei ipwidi;
\q2 I kin mi pahn manaman en dihp, sang rahn me I ipwidi.
\b
\q1
\v 6 Komw kin ketin anahne mohngiong lelepek oh mehlel;
\q2 komw ketin audekihda ei lamalam sapwellimomwi kupwurokong.
\q1
\v 7 Komw ketikihsang ie nan dipei, I ahpw pahn mwakelekella;
\q2 komw ketin kamwakeleiehda, I ahpw pahn pwetepwetala duwehte sinoh.
\q1
\v 8 Komw ketin kupwurehkin ie peren oh nsenamwahu;
\q2 oh mehnda ma kakonei kat oh tih kat timpesengehr,
\q2 a I pahn pwurehng nsenamwahula.
\q1
\v 9 Komw ketin sohpeiweisang dipei kan
\q2 oh ketin lapwahda dipei kan koaros.
\b
\q1
\v 10 Maing Koht, komw ketin wiahiong ie ehu mohngiong mwakelekel,
\q2 oh ketikihong nan kapehdiet ehu ngehn kapw oh loalopwoat.
\q1
\v 11 Komw dehr ketin keseieweisang mwohn silangmwi;
\q2 komw dehr ketikihsang ie ngenomwi sarawi.
\q1
\v 12 Komw ketin kasapahldohng ie nan peren me kin kohsang ni sapwellimomwi komour,
\q2 oh ketin kupwurehkin ineng en peikiong komwi.
\q1
\v 13 I ahpw pahn padahkihong me dipan akan sapwellimomwi kosonned akan,
\q2 re ahpw pahn sapahldohng rehmwi.
\b
\q1
\v 14 Maing Koht ei sounkomour, komw ketin doarehla mouri,
\q2 I ahpw pahn nsenamwahuki lohkiseli sapwellimomwi pwung.
\q1
\v 15 Maing ei Kaun, komw ketin sewese ie pwe I en pato,
\q2 oh I ahpw pahn kapinga komwi.
\b
\q1
\v 16 Komwi sohte kin ketin anahne meirong,
\q2 ma komw ketin anahne, I pahn wiahiong komwi;
\q1 komw sohte kin kupwurperenki meirong isihs kan.
\q1
\v 17 Ei meirong, Maing Koht, iei koluhla mehlel en nan kapehdi;
\q2 pwe komw sohte pahn ketin soikala koluhla mehlel oh peik en nan kapehd.
\b
\q1
\v 18 Maing Koht, komw ketin kupwure Saion, oh ketin sewese;
\q2 komw ketin kauwada sapahl kelen Serusalem.
\q1
\v 19 Eri, komwi ahpw pahn kupwurperenkihda meirong me konehng
\q2 iangahki at meirong isihs kan;
\q2 oh kouwol kan ahpw pahn meirongla pohn sapwellimomwi pei sarawi.
\c 52
\s1 Sapwellimen Koht Kadeik oh Kalahngan \f e \fr 52:0 \fr*\fk TITLE NI MAHSEN EN IPRU: \fk*\ft En Depit koul mwurin Doek, mehn Edom eh kohla rehn Sohl oh patohwanohng me Depit samwalahr ni imwen Ahimelek.\ft*\f* \x - \xo 52:0 \xo*\xt 1 Sam. 22.9-10.\xt*\x*
\q1
\v 1 Loallap emen kowe, dahme ke kin aksuweiki omw tiahk suwed kan?
\q2 Sapwellimen Koht loalopwoat kin poatopoatete.
\q1
\v 2 Ke kin koasoanehdi ke en kauwehla meteikan;
\q2 lowomwen rasehng reise keng pwoat.
\q2 Ahnsou koaros ke kin kinehda likamw.
\q1
\v 3 Ke kin kesempwalki tiahk suwed laud sang tiahk mwahu
\q2 oh likamw laud sang mehlel.
\q1
\v 4 Aramas likamw emen kowe! Ke kin mwahuki kauwehki meteikan omw lokaia kan.
\b
\q1
\v 5 Eri Koht pahn ketin kauweiukala kohkohlahte;
\q2 e pahn ketin kasapwiluhkedi oh adihasang uhk wasa ke kin kousoan ie;
\q2 e pahn ketikihsang uhk nan sapwen me momour kan.
\q1
\v 6 Aramas pwung kan pahn kilang met oh masakada;
\q2 irail eri pahn kouruhrkin uhk oh nda,
\q1
\v 7 “Kumwail kilang, iet aramas emen me sohte kin koapworopworki sawas en Koht,
\q2 ahpw e kin koapworopworki kiden eh kepwe
\q2 oh kin repen mourki tiahk suwed oh likamw.”
\b
\q1
\v 8 A ngehi, I rasehng tuhke en olip pwoat me kin kekeirda nan tehnpas en Koht;
\q2 I kin likih sapwellime limpoak poatopoat kohkohlahte.
\q1
\v 9 Maing Koht, I pahn kin patohwan kapingkalahnganki ong komwi
\q2 ahnsou koaros ni mehkoaros me komw ketin wiadahr;
\q2 I pahn patohwan lohki mwohn sapwellimomwi aramas akan duwen omwi kupwur mwahu.
\c 53
\s1 Suwedlahn Aramas akan \f f \fr 53:0 \fr*\fk TITLE NI MAHSEN EN IPRU: \fk*\ft En Depit koul.\ft*\f*
\r (Melkahka 14)
\q1
\v 1 Me pweipwei kan kin mengimengloalki,
\q2 “Sohte katepen Koht.”
\q1 Irail koaros me suwedlahr,
\q2 pwe re kin wiahda mehkan me suwehdie;
\q2 sohte mehmen me kin wia me mwahu.\x - \xo 53:1 \xo*\xt Rom 3.10-12.\xt*\x*
\b
\q1
\v 2 Koht kin ketin ireirong aramas akan sang nanleng
\q2 pwe en mahsanih ma mie me loalokong,
\q2 oh ma mie me kin kaudokiong ih.
\q1
\v 3 Ahpw irail koaros sohpeisangehr;
\q2 irail koaros me suwed.
\q1 Sohte mehmen rehrail me kin wia me mwahu,
\q2 sohte mwahn mehmen.
\b
\q1
\v 4 Koht ahpw ketin keinemwe, “Ia duwe, re sohte ese?
\q1 Irail pwukat koaros me kin wia me suwed, re soaloalokong?
\q1 Re kin momourki ar kin piripirapa nei aramas akan,
\q2 oh re sohte kin kapakapohng ie.”
\b
\q1
\v 5 Ahpw re pahn masepwehkada,
\q2 ni soangen masepwehk ieu me sohte kin lel irail sang mahs kohdo,
\q2 pwe Koht pahn ketin kamwarakpeseng tihn imwintihti kan en sapwellime aramas akan.
\q1 Koht ketin soikirailla sang reh,
\q2 Israel eri pahn kaloweiraildi douluhl.
\b
\q1
\v 6 Ia uwen ei kapakap pwe komourpen Israel
\q2 en pwarodo sang Saion.
\q1 Ia uwen peren me mehn Israel kan pahn wia
\q2 ni ahnsou me Koht pahn pwurehng kapaiairailda!
\c 54
\s1 Kapakap en Silasil sang Imwintihti kan \f g \fr 54:0 \fr*\fk TITLE NI MAHSEN EN IPRU: \fk*\ft En Depit koul, mwurin ohl ako sang Sip ar kohla rehn Sohl oh patohwanohng me Depit wie rukuruk nan sapwarailo.\ft*\f* \x - \xo 54:0 \xo*\xt 1 Sam. 23.19; 26.1.\xt*\x*
\q1
\v 1 Maing Koht, komw ketin doarehkiniehla sapwelimomwi manaman;
\q2 komw ketin kasaledekehkiniehla sapwellimomwi manaman!
\q1
\v 2 Maing Koht, komw ketin karonge ei kapakap;
\q2 komw ketin karonge ei tungoal pato kat!
\q1
\v 3 Aramas aklapalap ekei kohkohdohng peiong ie;
\q2 aramas lemei kan songosong en kemeiehla—
\q2 soangen aramas me sohte kin wauneki Koht.
\q1
\v 4 Ahpw Koht iei sawasepei.
\q2 Kaun-o iei soundoarepei.
\q1
\v 5 Koht en ketin kupwure pwe ei imwintihti kan en lokolongki pein ar wiewia suwed kan.
\q2 E pahn ketin kamwomwirailla pwehki ih me loalopwoat.
\b
\q1
\v 6 Maing KAUN, I pahn patohwan perenki wiahiong komwi ehu meirongen;
\q2 I pahn patohwan kapingkalahngankihong komwi
\q2 pwehki omwi kupwur mwahu.
\q1
\v 7 Komwi me ketin kapitiehla sang nan ei apwal akan koaros,
\q2 oh I patohwanehr duwen ei imwintihti kan ar lohdier.
\c 55
\s1 Kapakap en Emen me Kompoakepah Pangala \f h \fr 55:0 \fr*\fk TITLE NI MAHSEN EN IPRU: \fk*\ft En Depit koul.\ft*\f*
\q1
\v 1 Maing Koht, komw ketin karonge ei kapakap;
\q2 komw dehr ketin sohpeisang ei pekipek!
\q1
\v 2 Komw ketin karonge ie oh sapeng ie;
\q2 I inenen weikengkilahr ei pwunod akan.
\q1
\v 3 I masepwehngkidahr ngihl kamasepwehk en ei imwintihti kan,
\q2 oh I ohkilahr tiahk kalok en aramas suwed kan.
\q1 Re kin kahrehiong ie apwal laud;
\q2 re kin lingeringer pahi oh kailongkin ie.
\b
\q1
\v 4 I masepwehkadahr kowahlap,
\q2 oh ahd en mehla katoutouwihielahr.
\q1
\v 5 Masak kipeiedier oh I wie rerrerki;
\q2 I patohwan milahr nan masepwehk mwuledek.
\q1
\v 6 I ahpw men ei pehnpihr en mie duwehte mwuroi.
\q2 I pahn pihrla oh diar wasahn ei kommoal.
\q1
\v 7 I pahn pihrlahng wasa me doh
\q2 oh mihla nan sapwtehn.
\q1
\v 8 I men mwadang en diarada ei wasahn rukusang
\q2 kisinieng laud oh engin melimel.
\q1
\v 9 Maing ei Kaun, komw ketin kapingada lokaia en ei imwintihti kan!
\b
\q1 I kilikilang tiahk en kamaramas oh moromor nan kahnimwo,
\q2
\v 10 ni rahn oh nipwong tiahk suwed kan kin kohkohseli pohn kelen kahnimwo,
\q2 kadirehki dihp toutou oh kahpwal laud.
\q1
\v 11 Wasa koaros mwomwlahr;
\q2 nanial akan inenen diren widing oh kehnaudek.
\b
\q1
\v 12 Ma imwintihti men me kin kapweikengih ie,
\q2 I pahn kanengamahiong;
\q1 ma peliei men me kin mwamwahlikin ie,
\q2 I kak rukusang.
\q1
\v 13 Ahpw soh, pwe kowe me ei werek,
\q2 iengei oh kompoakepahi mehlel.
\q1
\v 14 Kita kin koasoakoasoipene ni limpoak mehlel;
\q2 kita kin ehupene ni ata kin kaudok nan Tehnpas Sarawio.
\q1
\v 15 Ei imwintihti kan en mehla mwohn ahnsoun arail mehla;
\q2 re en mourte kohdihla nan sapwen me melahr akan!
\q1 Mehkot suwed kin mihmi nan imwarail kan oh nan mohngiongirail kan.
\b
\q1
\v 16 I ahpw patohwan likwerih KAUN-O Koht pwe en ketin sewese ie,
\q2 eri e pahn ketin komouriehla.
\q1
\v 17 Nimenseng, nin souwas oh nipwong
\q2 kaulim oh sengloal en nan kapehdiet kin leldalahng mwohn silangi,
\q2 eri e pahn ketin karonge ngileiet.
\q1
\v 18 E pahn ketin doareiehla oh kapwureiehdo
\q2 sang nan mahwen me I kin wia
\q2 ong ei imwintihti ngedehrie.
\q1
\v 19 Koht, me ketin kakaun sang mwohn tepin kawa,
\q2 pahn ketin karonge ie oh ketin kaloweiraildi;
\q1 pwe re sohte men wiliakapwala,
\q2 oh sohte kin masak.
\b
\q1
\v 20 Ei werek en mahso kin pelianda kompoakepah kan;
\q2 e kauwehla eh inou kan.
\q1
\v 21 Eh koasoi kan me iou,
\q2 ahpw nan kapehde diren kailok;
\q1 eh lokaia kan me kansenamwahu,
\q2 ahpw keng rasehng kedlahs.
\b
\q1
\v 22 Mweidohng KAUN-O omw kahpwal akan,
\q2 eri e pahn ketin doareiukala;
\q2 pwe e sohte kin ketin mweidohng me lelepek kan en lohdi.
\b
\q1
\v 23 Ahpw komwi, Maing Koht, pahn ketikilahng nan sousou aramas loallap suwed oh aramas likamw pwukan
\q2 mwohn ar pahn lel ni elep en ar mour.
\q1 Ahpw ngehi, I pahn likih komwi.
\c 56
\s1 Kapakap en Likih Koht \f i \fr 56:0 \fr*\fk TITLE NI MAHSEN EN IPRU: \fk*\ft En Depit melkahka mwurin mehn Pilisdia ko ar salihedi nan Kad.\ft*\f* \x - \xo 56:0 \xo*\xt 1 Sam. 21.13-15.\xt*\x*
\q1
\v 1 Maing Koht, komw ketin kupwurkalahngan ong ie,
\q2 pwe I patohwan milahr nan apwal laud;
\q2 ei imwintihti kan kin pwakipwakih ie ahnsou koaros.
\q1
\v 2 Rahn ehu pwon ei imwintihti kan kin pelipelian ie.
\q2 Me ngeder me kin men peiong ie.
\q1
\v 3 Maing KAUN, Wasa Lapalap, ni ei kin masepwehkada,
\q2 I kin patohwan likih komwi.
\q1
\v 4 I kin likih Koht oh I sohte kin masak mehkot;
\q2 I patohwan kapingahki mehkoaros me e ketin inoukihda.
\q2 Dahme aramas kak wiahiong ie?
\b
\q1
\v 5 Rahn ehu pwon ei imwintihti kan kin kihong ie nan apwal;
\q2 re kin medemedewe ahnsou koaros duwen ar pahn kauweiehla!
\q1
\v 6 Re kin pokonpene wasa rir kan
\q2 oh mwasamwasahn mehkoaros me I kin wia,
\q2 raparapahki ahnsou me re pahn kemeiehla.
\q1
\v 7 Maing Koht, komw ketin kaloke irail pwehki ar tiahk suwed;
\q2 komw ketin kalowehkihdi aramas pwuko omwi engieng!
\b
\q1
\v 8 Komw mwahngih uwen apwal laud me I patopato loale;
\q2 komw ketin kileledier uwen tohtohn pilen mesei.
\q2 E seu ntingdier nan sapwellimomwi pwuhk?
\q1
\v 9 Ni rahn me I pahn patohwan likwerih komwi,
\q2 ei imwintihti kan pahn wekidekte tangdoaui.
\q1 I patohwan ese met: me Koht kin ketin uhpalikinie—
\q2
\v 10 I kin patohwan kapikapinga sapwellimen KAUN-O inou kan.
\q1
\v 11 I kin likih, oh I sohte pahn masak mehkot.
\q2 Pwe dahme aramas kak wiahiong ie?
\b
\q1
\v 12 Maing Koht, I pahn patohwan meirongkihong komwi dahme I inoukidahr;
\q2 I pahn patohwandahng komwi ei meirong en kasapahlkalahngan,
\q1
\v 13 pwehki omwi ketin kapitiehla sang mehla
\q2 oh ketin doareiesang pahn manaman en ei imwintihti kan.
\q1 Eri, I pahn patohwan weweid mwohn silangin Koht,
\q2 nan maraino me kin dakedaker me momour kan.
\c 57
\s1 Kapakap en Peki Sawas \f j \fr 57:0 \fr*\fk TITLE NI MAHSEN EN IPRU: \fk*\ft En Depit melkahka, mwurin eh tangasang Sohl nan pwoaren paipo.\ft*\f* \x - \xo 57:0 \xo*\xt 1 Sam. 22.1; 24.3.\xt*\x*
\q1
\v 1 Komw ketin kupwure ie, Maing Koht, komw ketin kupwure ie,
\q2 pwe I patohdohng rapahki sawasepei rehmwi.
\q1 I kin diar silepei pahn mwetehn nin limomwi kan
\q2 lao I daulih soangen apwal koaros.
\b
\q1
\v 2 I patohwan likwerih ei Koht, Wasa Lapalahpie,
\q2 ei Koht, me kin ketikihong ie ei anahn akan koaros.
\q1
\v 3 E pahn ketin sapeng ie sang nanleng oh doareiehla;
\q2 e pahn ketin kalowehdi irail kan me katoutouwihielahr.
\q2 Koht pahn ketin kasalehiong ie sapwellime limpoak poatopoat oh loalopwoat.
\b
\q1
\v 4 Ei imwintihti kan kin kapikapil ie,
\q2 duwehte laion kei me kin men kang aramas.
\q1 Ngihrail kan duwehte ketieu oh arep,
\q2 lowarail kan duwehte kedlahs keng.
\q1
\v 5 Maing Koht, komw ketin kasalehda sapwellimomwi roson lapalap pahnlahng,
\q2 oh sapwellimomwi lingan wasa koaros nin sampah.
\b
\q1
\v 6 Ei imwintihti kan wiadahr lidip pwe re en kolkiniehdi;
\q2 re katoutowihalahr ngeni kowahlap.
\q1 Re weirada pwoahr ehu mwohi,
\q2 ahpw re pein pwupwudiongehr loale.
\b
\q1
\v 7 Maing Koht, ni ei koapworopwor unsek,
\q2 I pahn koul oh kapinga komwi!
\q1
\v 8 Ngeni, pirada!
\q2 Nei arp oh lair, kumwa pirada!
\q2 I pahn pangenda ketipin.
\q1
\v 9 Maing ei Kaun, I pahn kapingkalahngan ong komwi nanpwungen wehi kan.
\q2 I pahn kapinga komwi nanpwungen aramas akan.
\q1
\v 10 Sapwellimomwi limpoak poatopoat kipe wasa koaros nanleng;
\q2 sapwellimomwi loalopwoat kin leldawohng pahnlahng.
\q1
\v 11 Maing Koht, komw ketin kasalehda sapwellimomwi roson lapalap pahnlahng,
\q2 oh sapwellimomwi lingan wasa koaros nin sampah.
\c 58
\s1 Kapakap ong Koht pwe en ketin Kaloke Aramas Suwed kan \f k \fr 58:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Ia duwe, kumwail kaun akan, me pwung audepen amwail kopwung kan?
\q2 Kumwail kin wia kopwung en aramas koaros ni pwung pahrek?
\q1
\v 2 Pwe soh! Kumwail kin medemedewehte suwed me kumwail kak wiahda,
\q2 oh wiahda sapwung mwuledek kan nan sahpwet.
\b
\q1
\v 3 Aramas suwed kan kin sapwusapwung nan arail mour ahnsou koaros;
\q2 re kin wiahda likamw sangete ni rahn me re ipwidi.
\q1
\v 4 Re diren pwoisin rasehng sineik kan;
\q2 re kin pinahla salengarail kan duwehte soangen sineik kopra me salengepon,
\q1
\v 5 me sohte kin rong ngilen sounkemenda,
\q2 de koulen sounakmanaman.
\b
\q1
\v 6 Maing Koht, komw ketin kamwerehsang ngihn laion kommwad pwukat.
\q1
\v 7 Re en sohrala rasehng pihl me kin sohrdiong pahnpwehl;
\q2 re en tiatihdi ohla rasehng dipwen nanial akan.
\q1
\v 8 Re en duwehla dendemwusi me kin mwerpeseng wiahla pwehl;
\q2 re en duwehte seri pwelel me ipwidi mehla sohte mwahn kilang marain.
\q1
\v 9 Ni ar sasairki, re pahn palidi oh mengidi rasehng dihpw;
\q2 oh engieng en Koht pahn ipirirailpeseng
\q2 nindokon ar momour.
\b
\q1
\v 10 Aramas pwung kan pahn perenda ni ar pahn udiahl me dipan akan ar pahn lokolok;
\q2 re pahn ur nan ntahn aramas suwed akan.
\q1
\v 11 Aramas akan ahpw pahn nda, “Mehlelete me aramas pwung kan kin ale ketingparail;
\q2 mehlelete me mie Koht emen me kin kadeik sampah.”
\c 59
\s1 Pekpen Silasil Mwahu \f l \fr 59:0 \fr*\fk TITLE NI MAHSEN EN IPRU: \fk*\ft En Depit melkahka mwurin Sohl eh kadarala ohl ekei pwe re en sinsile imweo pwe re en kemehla.\ft*\f* \x - \xo 59:0 \xo*\xt 1 Sam. 19.11\xt*\x*
\q1
\v 1 Maing ei Koht, komw ketin doareiesang ei imwintihti kan;
\q2 komw ketin sileiesang me kin pelian ie.
\q1
\v 2 Komw ketin kapitiesang aramas loallap suwed pwuko;
\q2 komw ketin kapitiehla sang sounkam aramas pwuko!
\b
\q1
\v 3 Komw mahsanih! Re awiawih ie pwe re en kemeiehla;
\q2 aramas lemei kei irail me pokonpenehr pwehn uhwong ie.
\q1 Maing KAUN, kaidehn pwehki ei dipadahr de wiadahr sapwung ehu,
\q2
\v 4 de pwehki kisin sapwung kis me mie rehi,
\q2 me re mwadamwadangkipenehng nan dewerail.
\b
\q1
\v 5 Maing KAUN, Koht, Wasa Lapalap, komw ketida oh ketido sewese ie;
\q2 Maing Koht en Israel! Komw pein ketin mahsanih!
\q1 Komw ohpala wasa oh ketin kaloke me rotorot akan;
\q2 komw dehr ketin kupwurkalahngan ong me loallap suwed akan!
\b
\q1
\v 6 Re kin pwurodo nin soutik,
\q2 wie ngiringir duwehte kidi ni ar kin kohkohseli nan kahnimwo.
\q1
\v 7 Komw karonge mahs ar lokaia kapweikeng oh kamasepwehk kan.
\q1 Lowarail kan duwehte kedlahs nan awarail,
\q2 re ahpw kin lemeleme me sohte me kin rong irail.
\b
\q1
\v 8 Ahpw, Maing KAUN, komw kin ketin kiparamatkin irail;
\q2 komw kin ketin wiahki me rotorot akan mehkot mwahl.
\q1
\v 9 I kin koapworopworki sapwellimomwi roson;
\q2 Maing Koht, komwi me ei wasahn ruk.
\q1
\v 10 Ei Koht kin ketin loalloale ie oh pahn ketido rehi;
\q2 e pahn ketin kasalehiong ie lohdi en ei imwintihti kan.
\b
\q1
\v 11 Maing Koht, komw dehr ketin kemeirailla, pwe nei aramas akan dehr manokehla.
\q2 Ahpw komw ketin katangahkinirailpeseng sapwellimomwi roson lapalap oh kaloweiraildi,
\q2 Maing ei Kaun, oh silepat.
\q1
\v 12 Dihp mi ni kilinawarail kan; arail koasoi kan koaros diren dihp;
\q2 komw kupwure pwe arail koasoi kan en lidipihiraildi nan ar pohnmwahso!
\q1 Pwehki ar kin lahlahwe oh lokaia likamw,
\q2
\v 13 komw ketin angiangih irail oh kamwomwirailla;
\q2 komw kamwomwirailla douluhl.
\q1 Pwe aramas koaros en patohwan ese me Koht kin ketin kakaun Israel,
\q2 oh sapwellime manaman kin kipe wasa koaros nin sampah.
\b
\q1
\v 14 Ei imwintihti kan kin pwurodo nin soutik,
\q2 wie ngiringir rasehng kidi nindokon ar kin kokohseli nan kahnimwo,
\q2
\v 15 rasehng kidi me kin tangatangseli reperepen kisin mwenge
\q2 oh kin wie ngiringir ma re sohte kin diar mehkot.
\b
\q1
\v 16 A I pahn koulki duwen sapwellimomwi roson;
\q2 nimenseng koaros I pahn kin kokoulki sapwellimomwi limpoak poatopoat.
\q1 Komwi me ei wasahn ruk,
\q2 oh perehpei ni ahnsoun ei apwal.
\q1
\v 17 I pahn kin kapinga komwi, ei soundoar.
\q2 Ei wasahn ruk iei rehn Koht,
\q2 Kohto me kin ketin poakohng ie.
\c 60
\s1 Kapakap en Kasaledekla \f m \fr 60:0 \fr*\fk TITLE NI MAHSEN EN IPRU: \fk*\ft En Depit melkahka, mehn wia padahk, ni ahnsou me e mahweniong mehn Aram me kohsang Naharaim oh sang Sopa, oh Sohap ahpw pwurala oh kemehla mehn Edom nen riekid nan Wahun Soahl.\ft*\f* \x - \xo 60:0 \xo*\xt 2 Sam. 8.13; 1 Kron. 18.12.\xt*\x*
\q1
\v 1 Maing Koht, komw ketin soingkitalahr oh kaloweikitdier;
\q2 komw ketin engieng paht—ahpw met komw pwurehng ketin sapahldohng kiht.
\q1
\v 2 Komw ketin kupwurehda pwe sampah en rerada, oh pwelen sampah en pwalpeseng;
\q2 komw ketin kamwahwihala ohla pwukat, pwe sahpwo nektehn mwerpeseng douluhl.
\q1
\v 3 Apwal tohto komw ketin mweidohng sapwellimomwi kan en lokolongki mwuledek;
\q2 se kin sansasseli rasehng ma se sakaula.
\q1
\v 4 Komw ketin panawiher irail kan me kin wauneki komwi,
\q2 pwe re en kak pitsang kauparail.
\q1
\v 5 Komw ketin komourkinkitala sapwellimomwi manaman; komw ketin sapeng at tungoal kapakap,
\q2 pwe irail kan me komw kin ketin loalloale re en kapitipitla.
\b
\q1
\v 6 Koht ahpw ketin poahngok sang nan mwoale sarawio, mahsanih,
\q2 “Ni manaman en powehdi I pahn pwalangpeseng Sekem
\q2 oh nehkpeseng Wahun Sukot rehn nei aramas akan.
\q1
\v 7 Ngehi me ahneki Kilead, oh pil Manase;
\q2 Epraim iei ei lisoarop en mahwen
\q2 oh Suda ei sokon en nanmwarki.
\q1
\v 8 Ahpw I pahn doadoahngki Mohap duwehte nei dahl en epwinek,
\q2 I pahn kesehdiong pohn Edom ei suht,
\q2 kilel en eh uhdahn ahi.
\q1 Ia duwe tohn Pilisdia, re medemedewe me re pahn ngisingiski arail poweiehdi?”
\b
\q1
\v 9 Maing Koht, ihs me pahn kahreielahng nan kahnimw kehlailo?
\q2 Ihs me pahn waielahng Edom?
\q1
\v 10 Ia duwe, mehlel me komw ketin soingkitalahr?
\q2 Komw sohte pahn ketin iang kahluwa at tungoal karis kan?
\q1
\v 11 Komw ketin sewesei kiht pelian at tungoal imwintihti kan;
\q2 sawas en aramas me mwahl oh sokatepe.
\q1
\v 12 Ma Koht pahn ketin ieiang kitail, kitail pahn powehdi;
\q2 ih me pahn ketin kalowehdi atail imwintihti kan.
\c 61
\s1 Kapkap en Silasil \f n \fr 61:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Maing Koht, komw ketin karonge ei likwer;
\q2 komw ketin karonge ei kapakap!
\q1
\v 2 Nan ei mwoatohtalahr solahr angi oh dohsangehr sapweio,
\q2 I ahpw patohwan likweriong komwi.
\b
\q1 Komw ketikiwohng ie wasahn ruk mwahu,
\q2
\v 3 pwe komwi me silepei,
\q2 soundoarepei kehlail en pelian ei imwintihti kan.
\b
\q1
\v 4 Komw ketin mweidohng ie pwe I en kin patopatohte nan mwoalomwi sarawi erein ei mour;
\q2 pwe I en kin diar ei wasahn ruk oh meleilei pahn mwetehn nin limomwi.
\q1
\v 5 Maing Koht, komw ketin karongeier ei tungoal inou kan
\q2 oh ketikihongieier dahme en irail kan me kin waunekin komwi.
\b
\q1
\v 6 Komw ketin kareireila mour en nanmwarkio;
\q2 komw kupwure pwe en kin momour kohkohlahte!
\q1
\v 7 Maing Koht, nanmwarkio en kin kakaun mwohn silangmwi kohkohlahte;
\q2 komw ketin kasilehki sapwellimomwi limpoak poatopoat oh loalopwoat.
\b
\q1
\v 8 Eri, I pahn patohwan koulkihong komwi koulen kaping ahnsou koaros,
\q2 ni ei pahn kin patohwan meirongkihong komwi rahn koaros dahme I inoukidahr.
\c 62
\s1 Sapwellimen Koht Epwel, iei ei Koapworopwor \f o \fr 62:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 I awiawih ni kanengamah pwe Koht en ketin komouriehla;
\q2 ihete me I kin koapworopworki.
\q1
\v 2 Ihete me silepei oh sounkomourpei;
\q2 ih me soundoarepei;
\q2 sohte me kak poweiehdi.
\b
\q1
\v 3 Ia erein amwail pahn pelipelian aramas emen
\q2 me rasehng kehl ehu me kerengkpesengehr?
\q1
\v 4 Ih me kumwail mwahuki en sikendihsang nan dewe me wahun;
\q2 kumwail kin perenki lokaia likamw.
\q1 Kumwail kin wia koasoi en kapaia,
\q2 ahpw nan mohngiongimwail kan kin keriahla.
\b
\q1
\v 5 Koht ohte me I kin likih;
\q2 ihete me I kin koapworopworki.
\q1
\v 6 Ihete me silepei oh sounkomourpei;
\q2 ih me soundoarepei;
\q2 eri I sohte pahn lohdi.
\q1
\v 7 Komourpei oh pil wauwi kin kohsang rehn Koht ohte;
\q2 ih me silepei kehlail;
\q2 ih me perehpei.
\b
\q1
\v 8 Kumwail nei aramams akan, kumwmail likih Koht ahnsou koaros.
\q2 Kumwail kasalehiong amwail apwal kan koaros,
\q2 pwe ih me atail wasahn ruk.
\b
\q1
\v 9 Aramas akan kin rasehng kisin mwahi kis;
\q2 sohte wadepen irail koaros, me laud akan oh me tikitik kan.
\q1 Ma re pahn tenekda, sohte pahn toutouwihr;
\q2 re marahrahsang angin esingek en aramas.
\q1
\v 10 Kumwail dehr likih lemei;
\q2 pil dehr koapworopworki me kumwail pahn kepwehpwehkihla pirap;
\q1 mehnda ma kumwail pil kepwehpwehla,
\q2 a kumwail dehr koapworopworki.
\b
\q1
\v 11 I rongehr pak kei Koht eh mahsanih
\q2 me ih me ketin sapwellimaniki manaman
\q2
\v 12 oh sapwellime limpoak me poatopoat.
\q1 Pein komwi, Maing ei Kaun, komwihte me kin katingih aramas nin duwen ar wiewia kan.\x - \xo 62:12 \xo*\xt Sohp 34.11; Ser. 17.10; Mad. 16.27; Rom 2.6; Kaud. 2.23.\xt*\x*
\c 63
\s1 Ngoangki mi Rehn Koht \f p \fr 63:0 \fr*\fk TITLE NI MAHSEN EN IPRU: \fk*\ft En Depit melkahka, ni eh mihmi nan sapwtehn en Sudia.\ft*\f* \x - \xo 63:0 \xo*\xt 1 Sam. 23.14.\xt*\x*
\q1
\v 1 Maing Koht, komwi me ei Koht,
\q2 oh I patohwan ngoangki mi rehmwi.
\q1 Paliwerei oh ngeni unsek kin inengieng komwi;
\q2 ngeniet kin anahne komwi kowahlap,
\q2 rasehng sahpw mengidi ehu me solahr pile.
\q1
\v 2 Komw mweidohng I en udiahl komwi nan mwoalomwi sarawi;
\q2 komw mweidohng I en udiahl uwen sapwellimomwi manaman oh lingan.
\q1
\v 3 Sapwellimomwi limpoak poatopoat me mwahusang mour,
\q2 iei me I pahn patohwan kapingahkin komwi.
\q1
\v 4 I pahn patohwan kapingkalahngan ong komwi erein ei mour;
\q2 I pahn kapahdawohng komwi pehi kat ni ei pahn kapakap.
\q1
\v 5 Ngeniet pahn tungoal oh medla rasehng medla ni kamadipw laud,
\q2 oh I pahn koulkihong komwi koulen kaping kaperen.
\b
\q1
\v 6 Ni ei kin wendi nan kiei, I kin tamataman komwi;
\q2 erein pwohngo pwon, I kin medemedewe komwi,
\q2
\v 7 pwehki omwi ketin wia sawasepei ahnsou koaros.
\q1 I kin kokoulki ei peren pahn mwetehn nin limomwi kan.
\q1
\v 8 Ngeniet kin tengediong komwi,
\q2 oh limomwien kin apwahpwalih ie.
\b
\q1
\v 9 Irail kan me kin songosong kemeiehla
\q2 pahn kohdihla nan wasahn me melahr akan.
\q1
\v 10 Re pahn kamakamala nan mahwen,
\q2 oh kidien wel kan pahn kangala paliwararail kan.
\q1
\v 11 Nanmwarkio pahn perenda;
\q2 pwe Koht kin ketikihong en powehdi.
\q1 Koaros me kin wiahda inou ni mwaren Koht pahn kapinga,
\q2 a ewen me likamw akan pahn pinapinla.
\c 64
\s1 Kapakap en Silasil \f q \fr 64:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing Koht, I patohwan milahr nan apwal—komw ketin karonge ei kapakap!
\q2 I patohwan masakadahr ei imwintihti kan—komw ketin komouriehla!
\q1
\v 2 Komw ketin sileiesang koasoandien aramas suwed kan,
\q2 sang mwekid suwed en aramas mwersuwed kan.
\q1
\v 3 Re kin edehda lowarail kan oh keng rasehng kedlahs kei
\q2 oh kin kadar lokaia samin rasehng arep.
\q1
\v 4 Re inenen pitipitiong kaparaseli ar tiahk kanamenek kan en lokaia likamw;
\q2 re kin kamwomwki aramas mwahu kan arail karaunlikamw.
\q1
\v 5 Re kin ehukipene ar koasoandi suwed kan;
\q2 re kin koasoiapene duwen wasa kan me re pahn koasoanehdi ie ar lidip kan.
\q2 Re kin nda, “Sohte me pahn kilangada.”
\q1
\v 6 Re kin wiahda koasoandi suwed kan oh nda,
\q2 “Kitail wiadahr koasoandi kaselel ehu en dihp koasukloal.”
\q1 Audepen mohngiong oh kapehd en aramas mehkot rir.
\b
\q1
\v 7 Ahpw Koht kin ketin kadar sapwellime arep pohn aramas akan
\q2 oh re kin mwadang soahn.
\q1
\v 8 E pahn ketin kamwomwirailla pwehki lokaia pwuko;
\q2 koaros me pahn udiahl irail pahn itikala moangarail kan.
\q1
\v 9 Irail koaros pahn masepwehkada;
\q2 re pahn medemedewe dahme Koht ketin wiadahr
\q2 oh koasoakoasoia wiepen nin lime kan.
\q1
\v 10 Aramas pwung kan koaros ahpw pahn perenda
\q2 pwehki wiepen nin limen KAUN-O.
\q1 Re pahn diar reh arail wasahn ruk oh meleilei;
\q2 aramas mwahu kan koaros pahn kapikapinga.
\c 65
\s1 Koulen Kaping oh Kasapahlkalahngan \f r \fr 65:0 \fr*\fk TITLE NI MAHSEN EN IPPRU: \fk*\ft En Depit melkahka; koul pwoat.\ft*\f*
\q1
\v 1 Maing Koht, me pwung at pahn kapinga komwi nan Saion
\q2 oh kapwaiada at inou ong komwi,
\q2
\v 2 pwehki omwi kin ketin sapeng pekipek kan.
\q1 Aramas koaros pahn pwarowei rehmwi
\q1
\v 3 pwehki diparail kan.
\q1 Dipat kin kaloweikitedi,
\q2 komwi ahpw kin ketin mahkikihong kiht.
\q1
\v 4 Meid pai irail kan me komwi ketin pilada,
\q2 me komwi ketikiniraildo pwe re en kin kousoan nan mwoalomwi sarawi.
\q1 Se pahn nsenamwahukihla soahng mwahu kan en nan tehnpasomwi sarawi,
\q2 kapai kan en Tehnpasomwi Sarawio.
\b
\q1
\v 5 Komw kin ketin sapeng kiht ni omwi mweidohng at pahn powehdi,
\q2 oh komw kin ketin komour kin kiht sapwellimomwi wiewia kapwuriamwei kan.
\q1 Tohn wehi koaros nin sampah kin likih komwi,
\q2 pil tohn deke doh en nan madau kan.
\q1
\v 6 Sapwellimomwi manaman me koasoanedier nahna kan nan dewerail,
\q2 doadoahk wet kasaledahr sapwellimomwi manaman lapalap.
\q1
\v 7 Komw kin ketin kameleileidi ngirisek en madau kan
\q2 oh ngilen pwuki kan,
\q2 oh pil mwoarong en aramas akan.
\q1
\v 8 Tohn sampah koaros kin lemmwikin komwi
\q2 pwehki doadoahk laud akan en nin limomwi.
\q1 Wiepen nin limomwi kan kin kahrehda peren oh ngisingis,
\q2 sang ni palimese lel ni palikapi.
\b
\q1
\v 9 Komw ketin kasalehda omwi kupwure sampah ni omwi kin ketin kalamwurehki keteu;
\q2 komw ketin audekihla wahnsahpw oh pwehl mwahu.
\q1 Komwi ketin audehda piletik kan;
\q2 komwi ketikihong sampah wahntuhke kan.
\q1 Met iei duwen wiepen nin limomwi kan:
\q2
\v 10 komw kin ketin kamwerehdi keteu pohn wasa deideida en poad wahnsahpw
\q2 oh kin ketin kalamwurehki nanpwel pwoaiken lahng;
\q1 komw kin ketin kamatarangkihla pwelen sahpw akan keteu,
\q2 oh kin ketin kakairada kisin tuhke kan.
\q1
\v 11 Ia uwen lauden wahnsahpw me kin wosada sang ni sapwellimomwi kalahngan!
\q2 Wasa koaros me komw ketin keid ie, iei wasa me kepwe tohto kin mi ie.
\q1
\v 12 Pelinmen kan kin audehla nan mohs kan,
\q2 keilen dohl akan kin pereperen.
\q1
\v 13 Pelin sihpw kan kin kipe nan mohs kan;
\q2 nan wahu kan direkihla wahn pilawa.
\q1 Soahng koaros kin ngisingis oh koulki ar peren!
\c 66
\s1 Koulen Kapingkalahngan \f s \fr 66:0 \fr*\fk TITLE NI MAHSEN EN IPRU: \fk*\ft Koul pwoat.\ft*\f*
\q1
\v 1 Aramas koaros en ngisingiski ar peren oh kapikapinga Koht!
\q1
\v 2 Kumwail koulki lingan en mware;
\q2 kumwail kapingahki ih koulen kaping!
\q1
\v 3 Kumwail patohwanohng Koht, “Maing, ia uwen kapwuriamwei en wiepen nin limomwi kan!
\q2 Sapwellimomwi manaman me lapalap mehlel
\q2 kahrehda imwintihti kan kin poaridi mwohmwi ni lemmwin.
\q1
\v 4 Aramas koaros nin sampah kin kaudokiong komwi;
\q2 re kin koulkihong komwi koulen kaping,
\q2 re kin koul kapikapinga mwaromwi.
\b
\q1
\v 5 Kumwail patohdo oh kadehde dahme Koht ketin wiadahr,
\q2 wiepen nin lime kapwuriamwei kan nanpwungen aramas akan.
\q1
\v 6 E ketin wekidehngehr sehdo ni sahpw madekeng;
\q2 atail pahpa kahlap ako kotehla pihlo sapasapal pohn pwehl.
\q1 Se inenen perenkihda wiepen nin lime wasao.\x - \xo 66:6 \xo*\xt Eks. 14.21; b Sos. 3.14-17.\xt*\x*
\q1
\v 7 E kin ketin kaunkihda wasa sapwellime manaman kohkohlahte,
\q2 oh e kin ketin mwasamwasahn wehi kan.
\q2 Eri me kahngohdi kan re en dehr pelianda.
\q1
\v 8 Kumwail wehi kan koaros, kumwail kapinga atail Koht;
\q2 ngilen amwail kaping en lelpeseng wasa koaros.
\q1
\v 9 Ih me ketin komokomour kitail
\q2 oh sohte ketin mweidohng kitail en pwupwudi.
\b
\q1
\v 10 Maing Koht, komw ketin songosong kiht;
\q2 duwehte silper eh kin mwakelekelkihla kisiniei,
\q2 iei duwen omwi kin ketin song kiht.
\q1
\v 11 Komw ketin mweidohngkitehr se en lohdiong nan lidip
\q2 oh ketikihong wisik toutou pohn pwopwat akan.
\q1
\v 12 Komw ketin mweidohngehr at imwintihti kan en tiangkitedi;
\q2 se weweidier nan kisiniei oh nan lapake,
\q2 ahpw met komw ketin kahluwaikitodohng wasa mwahu ehu.
\b
\q1
\v 13 I pahn patohwanlahng nan tehnpasomwi ei meirong isihs;
\q2 oh patohwanohng komwi dahme I inoukidahr.
\q1
\v 14 I pahn patohwanohng komwi dahme I inoukihong komwi
\q2 ni ahnsou me I patopato nan apwal laudo.
\q1
\v 15 I pahn patohwando ekei sihpw en isihsla pohn pei sarawio;
\q1 I pahn meirongkihong komwi kouwol oh kuht,
\q2 oh edin meirong wet pahn edidawohng pahnlahng.
\b
\q1
\v 16 Kumwail patohdo oh rong, kumwail koaros me kin wauneki Koht,
\q2 I ahpw pahn koasoiaiong kumwail dahme e ketin wiahiongieier.
\q1
\v 17 I patohwan likweriong oh peki en ketin sewese ie;
\q2 I patohwan koul kapinga ih.
\q1
\v 18 Ma I pohnsehsehla dipei kan,
\q2 Kaun-o sohte pahn ketin karonge ie.
\q1
\v 19 Ahpw Koht ketin kupwureiehla;
\q2 e ketin karonge ei kapakap.
\b
\q1
\v 20 I patohwan kapinga Koht,
\q2 pwehki e sohte ketin soikala ei kapakap
\q2 de katokehdi sapwellime limpoak poatopoat ong ie.
\c 67
\s1 Koulen Kaping Kalahngan \f t \fr 67:0 \fr*\fk TITLE NI MAHSEN EN IPRU: \fk*\ft Melkahka pwoat; koul pwoat.\ft*\f*
\q1
\v 1 Maing Koht, komw ketin kupwurei kiht, oh kupwuramwahwihkitala;
\q2 komw ketin kupwur kalahngan oh mahsendohng kiht,
\q1
\v 2 pwe sampah pwon en marainkihla kupwuromwien;
\q2 oh wehi koaros en dehdehkihla sapwellimomwi manaman en komour.
\b
\q1
\v 3 Maing Koht, aramas akan en kapinga komwi,
\q2 aramas koaros en kapinga komwi!
\b
\q1
\v 4 Tohnwehi kan en nsenamwahu oh koulki ar peren,
\q2 pwehki omwi kin ketin kapwungkihla pwung mehlel aramas akan
\q2 oh kin ketin kaweid wehi koaros nin sampah.
\b
\q1
\v 5 Maing Koht, aramas akan en kapinga komwi;
\q2 aramas koaros en kapinga komwi!
\b
\q1
\v 6 Sapwatail kapwaredahr audepe;
\q2 Koht, atail Koht, ketin kupwuramwahwihkitailehr.
\q1
\v 7 Koht ketin kupwuramwahwihkitailehr;
\q2 aramas koaros wasa koaros en wauneki ih.
\c 68
\s1 En Wehi ehu eh Koulen Powehdi \f u \fr 68:0 \fr*\fk TITLE NI MAHSEN EN IPRU: \fk*\ft En Depit melkahka; koul pwoat.\ft*\f*
\q1
\v 1 Koht kin ketida oh ketin katangapeseng sapwellime imwintihti kan.
\q2 Irail kan me kin kailongki, re kin lohdi oh tangdoaui.
\q1
\v 2 Duwen ediniei eh kin ipirekpeseng nan kisinieng,
\q2 ih duwen eh kin ketin kasareirailpeseng;
\q2 oh duwen kirihs eh kin peipeseng limwahn kisiniei,
\q2 ih duwen aramas suwed akan pahn sohrala mwohn silangi.
\q1
\v 3 A aramas pwung kan pahn nsenamwahu oh pereperen mwohn silangi;
\q2 re pahn ngisingiski ar peren.
\b
\q1
\v 4 Kumwail kouliong Koht, oh kapikapinga mware;
\q2 kumwail kaunopada elen ih me kin ket pohn dakepe depwek kan.
\q2 Mware iei KAUN-O—kumwail pereperen mwohn silangi!
\b
\q1
\v 5 Koht, me kin ketiket nan Tehnpese sarawi,
\q2 kin ketin apwalih me sepwoupwou kan oh ketin sinsile liohdi kan.
\q1
\v 6 E kin ketikihong me lekdeklahr akan ar wasahn kousoan
\q2 oh ketin kasaledekala me sensel kan ong saledek oh nsenamwahu,
\q2 a me kahngohdi kan pahn kousoanla nan sapwtehn madekeng.
\b
\q1
\v 7 Maing Koht, ni omwi ketin kahluwa sapwellimomwi aramas akan,
\q2 oh ketin kotekote sapwtehno,
\q1
\v 8 sampah rerada, oh keteu mweredihsang pahnlahng,
\q2 pwehki ketidohn Koht en Sainai, \f v \fr 68:8 \fr*\fk KOHT EN SAINAI: \fk*\ft Ni mehn Israel ko ar kohsang Isip kolahng Kenan, Koht ketin kasalehiong irail pein ih nin Nahna Sainai (tehk Eks. 19.16-25.\ft*\f*\x - \xo 68:8 \xo*\xt Eks. 19.18.\xt*\x*
\q2 ketidohn Koht en Israel.
\q1
\v 9 Komw ketin kamwerehdi keteu mosul
\q2 pwehn onehda sapahl sapwellimomwi sahpw me madekenglahr;
\q1
\v 10 sapwellimomwi aramas akan ahpw kauwada imwarail kan wasao;
\q2 pwehki sapwellimomwi kupwur mwahu komw ketin apwalih me semwehmwe kan.
\b
\q1
\v 11 Kaun-o ketin poahngok,
\q2 oh lih ngeder me waseli poaron en poahngok wet:
\q1
\v 12 “Nanmwarki kan oh sapwellimarail karis kan tangdoaui!”
\q2 Lih akan nehkpeseng kepwe lohdi kan nan imwarail kan:
\q2
\v 13 dikedik en mwuroi me kidikidki silper,
\q2 me lingan en pehrail kan kin piripirki kohl.
\q1 (Dahme ekei kumwail mihmihkihte nan kelen sihpw akan ni rahnen mahweno?)
\q1
\v 14 Ni ahnsou me Koht, Wasa Lapalap, eh ketin katangapeseng nanmwarki kan pohn Nahna Salmon,
\q2 e kupwurehda en ketin kamwerediong wasao sinoh.
\b
\q1
\v 15 Ia uwen lapalap en nahna Pasan,
\q2 nahna me dohl tohto mi ie!
\q1
\v 16 Dahme sang ni amwail kumwen nahna lapalap pwukan kumwail kilikilengdo oh mwamwahliki
\q2 nahna \f w \fr 68:16 \fr*\fk NAHNA: \fk*\ft Tehk 2.6.\ft*\f* me Koht ketin kupwurehda en kin ketiket ie?
\q2 KAUN-O pahn kin ketiket wasao kohkohlahte!
\b
\q1
\v 17 Kaun-o ketsang Sainai ketidohng wasa sarawio,
\q2 iangahki tehnwar en mahwen ngedehrie.
\q1
\v 18 E ahpw ketidala powe wasa ile,
\q2 ketikidahla me lohdi ngeder;
\q2 e ketin aleier kisakis sang rehn me kahngohdi kan.
\q1 KAUN-O Koht eri pahn kin ketiket wasao.\x - \xo 68:18 \xo*\xt Ep. 4.8.\xt*\x*
\b
\q1
\v 19 Kapinga Kaun-o,
\q2 me kin ketiki atail tungoal wisik toutou kan rahn koaros;
\q2 iei ih Kohto me kin ketin komourkitailla.
\q1
\v 20 Atail Koht iei Koht me kin komourkitailla;
\q2 ih me KAUN-O, atail Kaun,
\q2 me kin kapitkitailla sang mehla.
\b
\q1
\v 21 Koht uhdahn pahn ketin pwalangpeseng moangen sapwellime imwintihti kan,
\q2 moangen irail kan me kin keptakaila nan ar wiewia suwed kan.
\q1
\v 22 Kaun-o ketin mahsanih, “I pahn kapwurehdo omw imwintihti kan sang Pasan;
\q2 I pahn kapwureiraildo sang nan kepin madau,
\q1
\v 23 pwe ke en kak ur nan ntahrail,
\q2 oh noumw kidi kan en kak tamwe ntahrail uwen me re inengieng.”
\b
\q1
\v 24 Maing Koht, sapwellimomwi kapar en powehdi me sansal ong koaros,
\q2 kapar en Koht, ei nanmwarki, ong nan mwoale sarawi.
\q1
\v 25 Sounkoul kan me tieng, sounkeseng kan me alu mwuhr,
\q2 nanpwung meipwon akan kesekesengki nair dampwurin kan.
\q1
\v 26 “Kumwail kapinga Koht nan pokon en sapwellime aramas akan;
\q2 kumwail kapinga KAUN-O, kumwail koaros me kisehn kadaudok en Seikop!”
\q1
\v 27 Keieu Pensamin, kadaudok me keieu tikitik,
\q2 mwuri, kaunen Suda kan iangahki ar pwihn kan,
\q2 kaunen Sepulon oh Napdali kan ahpw idawehniraildo.
\b
\q1
\v 28 Maing Koht, komw ketin kasalehda sapwellimomwi manaman,
\q2 manamano me komw ketin doadoahngki reht
\q2
\v 29 sang nan Tehnpasomwi nan Serusalem,
\q2 wasa me nanmwarki kan kin patohwandohng komwi ar kisakis kan.
\q1
\v 30 Komw ketin angiangih Isip, mahn lawalo men en nanwel;
\q2 komw angiangih wehi ko, iei pelin kouwol iangahki wahrail kan,
\q2 re lao poaridi oh patohwan meirongkihong komwi neirail silper kan.
\q1 Komw ketin katangapeseng aramas pwukan me kin mwahuki mahwen!
\q1
\v 31 Meninkeder kan pahn pekederdo sang Isip;
\q2 mehn Sudan kan pahn kapahda pehrail kan pwe re en kapakapohng Koht.
\q1
\v 32 Kumwail wehi kan en sampah, kumwail kouliong Koht,
\q2 kumwail kokoul kapikapinga Kaun-o,
\q2
\v 33 me kin ketiket pahnlahng,
\q2 wasa ile pahnlahng en kawa ko.
\q1 Kumwail rong kapitie eh kumwukumwusek.
\q1
\v 34 Kumwail kalohki manaman en Koht;
\q2 sapwellime roson mi pohn Israel,
\q2 sapwellime manaman mi pahnlahng.
\q1
\v 35 Meid lemmwin Koht ni eh kin ketsang nan mwoale sarawi—
\q2 Koht en Israel!
\q1 E kin ketikihong sapwellime aramas akan kehlail oh manaman.
\b
\q1 Kapinga Koht!
\c 69
\s1 Kapakap en Peki Sawas \f x \fr 69:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Maing ei Koht, komw ketin doareiehla!
\q2 Pihl kodahr oh lelehr ni tepinwereiet;
\q1
\v 2 I kihrlahr nan pwelmatak loal,
\q2 oh sohte wasa I en sok ie;
\q1 I lelehr wasa loal,
\q2 oh iloak kan nektehn kamwopwiehla.
\q1
\v 3 I mwoatohtkilahr ei likilikwer en pek sawas,
\q2 oh nan kepinwereiet medengkilahr.
\q1 Pwoaren mesei kat mahlkidahr
\q2 ei kilikilengwohng sapwellimomwi sawas.
\b
\q1
\v 4 Irail kan me kin kailongkin ie ni sohte kahrepe
\q2 re tohtohsang pitenmoangei kat.
\q1 Ei imwintihti kan kin peliankin ie lokaia likamw;
\q2 re inenen kehlail oh men kemeiehla.
\q1 Re kin idingohng ie I en kapwurehwei mehkot me I sohte pirapahda.\x - \xo 69:4 \xo*\xt Mel. 35.19; Sohn 15.25.\xt*\x*
\q1
\v 5 Maing Koht, dipei kan sohte kin rirsang komwi;
\q2 komwi me ketin mwahngih ia uwen ei pweipwei.
\q1
\v 6 Maing KAUN, Wasa Lapalahpie,
\q2 komw dehr ketin mweidohng ie I en kanamenekihala irail kan me kin likih komwi!
\q1 Maing Koht en Israel,
\q2 komw dehr ketin mweidohng ie I en kasarowehdi irail kan me kin pwongih komwi!
\q1
\v 7 Pwehki mwaromwi me I alehkiher kepweikeng sang rehn aramas akan
\q2 oh direkilahr namenek mwuledek.
\q1
\v 8 I rasehngalahr mehn liki men rehn riei kan,
\q2 oh mehn liki men nan ei peneinei.
\b
\q1
\v 9 Ei ngoangki lingan en Tehnpasomwi kin ngkengken loalei rasehng kisiniei;
\q2 kepweikeng kan me kin wiawihong komwi, pil lelohng ie.\x - \xo 69:9 \xo*\xt Sohn 2.17; b Rom 15.3.\xt*\x*
\q1
\v 10 I kin mpahikihla ei kaisihsol,
\q2 a aramas akan kin kapweikengih ie;
\q1
\v 11 I kin likawihada likoun nsensuwed,
\q2 a re kin kouruhrkin ie.
\q1
\v 12 Re kin lipahnede ie nanial akan,
\q2 oh me sakaulahr akan kin kokoul kepikepitkin ie.
\b
\q1
\v 13 Ahpw Maing KAUN, I pahn patohwan kapakap ong komwi;
\q2 Maing Koht, komw ketin sapeng ie ni ahnsou me komwi kupwurki,
\q1 Komwi ketin sapeng ie pwehki sapwellimomwi limpoak lapalap,
\q2 pwehki omwi ketin dadaurete sapwellimomwi inou en komouriehla.
\q1
\v 14 Komw ketin doareiehla pwe I kikihrla nan pwelmatak;
\q2 komw ketin sinsile ie sang ie imwintihti kan,
\q2 oh sang nan kepinpil loal wet.
\q1
\v 15 Komw dehr ketin mweidohng ahden pihl en koaduhpwalihiehdi;
\q2 komw dehr ketin mweidohng I en duhla nan lapake wet,
\q2 de kihrla nan sousou.
\q1
\v 16 Maing KAUN, komw ketin karonge ie sang ni kalahngan en sapwellimomwi limpoak poatopoat;
\q2 komw ketin sohpeidohng ie sang ni sapwellimomwi kalahngan lapalap!
\q1
\v 17 Komw dehr ketin karirasang silangmwi sapwellimomwi ladu menet;
\q2 I patopatohier nan apwal laud—komw ketin sapeng ie ahnsou wet!
\q1
\v 18 Komw ketido rehi oh ketin doareiehla;
\q2 komw ketin kapitiesang ei imwintihti kan.
\b
\q1
\v 19 Komw ketin mwahngih duwen koasoi kepweikeng kan me I kin ale,
\q2 duwen ei paisuwedlahr oh solahr wahupei;
\q2 komw ketin mahsanih ei imwintihti kan koaros.
\q1
\v 20 Lokaia kepweikeng kan kauwelahr mohngiongi,
\q2 oh sohte mehkot kak sewese ie.
\q1 I men emen en sewese ei nsensuwed, I ahpw sohte diar;
\q2 I rapahki emen me pahn kansenamwahwihiehla, I ahpw sohte diar.
\q1
\v 21 Ni ei duhpeklahr, re kihong ie pwoisin;
\q2 ni ei men nimpildahr, re kihong ie pinika.\x - \xo 69:21 \xo*\xt Mad. 27.48; Mk. 15.36; Luk 23.26; Sohn 19.28-29.\xt*\x*
\b
\q1
\v 22 Arail kamadipw kan en wiahla kauparail;
\q2 arail kamadipw kan en kahrehiong irail arail paisuwedla.\x - \xo 69:22 \xo*\xt Rom 11.9-10.\xt*\x*
\q1
\v 23 Komw ketin karotongehla masarail kan!
\q2 Komw ketikihsang kehlail en tihnsewarail pwe re en kin luwet ahnsou koaros!
\q1
\v 24 Komw ketin angiangihirailda;
\q2 komw ketin mweidohng pwe angin omwi engieng en koanoairaildi.
\q1
\v 25 Arail wasahn kousoan kan en tehnla;
\q2 oh imwarail impwal kan en sohla towe me mour.\x - \xo 69:25 \xo*\xt Wie. 1.20.\xt*\x*
\q1
\v 26 Re kaloke irail kan me komw ketin kalokeier;
\q2 oh koasoia duwen lokolok en irail ko me komw ketin kalokeier.
\q1
\v 27 Komw ketin kolokolete kadehdepen diparail kan koaros;
\q2 dehr ketin mweidohng re en iang paieki sapwellimomwi komour.
\q1
\v 28 Adarail kan en irihrsang nan pwuken me momour kan;
\q2 re en dehr iang wadawadohng sapwellimomwi aramas akan.\x - \xo 69:28 \xo*\xt Eks. 32.32; Kaud. 3.5; 13.8; 17.8.\xt*\x*
\b
\q1
\v 29 Ahpw iet pwe I patopatohier nan pwunod oh medek;
\q2 Maing Koht, komw ketin pwekiehda oh doareiehla.
\b
\q1
\v 30 I pahn kapingahki Koht apwoat koulen;
\q2 I pahn lohkiseli sapwellime roson lapalap ni ei pahn kapikapinga.
\q1
\v 31 Met pahn kaparanda kupwur en KAUN-O laudsang meirongkihong emen kouen,
\q2 laudsang meirong en emen lapalahn kouwolen.
\q1
\v 32 Me toutoulahr akan ni ar pahn kilang irair wet, re pahn nsenamwahula;
\q2 irail me kin pwongih Koht, re pahn nan kapehd kehlailkihda.
\q1
\v 33 KAUN-O kin ketin karonge irail kan me kin mihmi nan anahn laud
\q2 oh sohte kin ketin likidmeliehla sapwellime kan me kin sensel nan imweteng.
\b
\q1
\v 34 Kumwail kapinga Koht, kumwail nanleng oh sampah,
\q2 madau kan oh audeparail kan koaros.
\q1
\v 35 E pahn ketin doarehla Serusalem
\q2 oh ketin onehda sapahl kahnimw kan en Suda.
\q1 Sapwellime aramas akan pahn kousoanla wasao oh sapwenikihla sahpwo;
\q2
\v 36 kadaudok en sapwellime ladu kan ahpw pahn sohsohkihla sahpwo,
\q2 oh irail kan me kin poakohng Koht, re pahn kousoanla wasao.
\c 70
\s1 Kapakap en Peki Sawas \f y \fr 70:0 \fr*\fk TITLE NI MAHSEN EN IPRU: \fk*\ft En Depit melkahka; koulen kedepwidepw pwoat.\ft*\f*
\r (Melkahka 40.13-17)
\q1
\v 1 Maing Koht, komw ketin komouriehla!
\q2 Maing KAUN, komw ketin sewese ie ahnsou wet!
\q1
\v 2 Irail kan me songosong en kemeiehla
\q2 re en lohdi oh pingida.
\q1 Irail kan me kin perenki ei apwal
\q2 re en pwurala oh namenekla.
\q1
\v 3 Irail kan me kin kouruhrkin ie
\q2 re en sarokihdi ar lohdi.
\b
\q1
\v 4 Irail koaros me kin patohdo rehmwi
\q2 re en nsenamwahu oh pereperen.
\q1 Irail koaros me kin kasapahl kalahnganki ong komwi sapwellimomwi komour
\q2 re en kin patopatohwan ahnsou koaros, “Meid lapalap atail Koht!”
\b
\q1
\v 5 Maing Koht, ngehi me luwet oh semwehmwe;
\q2 komw ketidohng rehi mwadang.
\q1 Komwi me ei sounkomour oh ei Kaun—
\q2 komw ketin mwadangodo oh sewese ie!
\c 71
\s1 Kapakap en Ohl Laud men
\q1
\v 1 Maing KAUN, I patohdo pahn kupwuromwi pwe komwi en ketin sinsile ie;
\q2 Komw dehr ketin mweidohng I en lohdi!
\q1
\v 2 Pwehki omwi pwung, komw ketin sewese ie oh kapitiehla.
\q2 komw ketin karonge ie oh doareiehla!
\q1
\v 3 Komw ketin wiahla ei paipalap kehlail
\q2 ei wasahn silasil mwahu me pahn kepitiehla ahnsou koaros;
\q2 pwe komwi me ei wasahn ruk oh doarepei.
\b
\q1
\v 4 Maing ei Koht, komw ketin kapitiesang aramas suwed kan,
\q2 sang ni manaman en me lemei oh suwed kan.
\q1
\v 5 Maing KAUN, Wasa Lapalap, komwihte me ei koapworopwor;
\q2 komwihte me I kin likih sang ni ei tikitik.
\q1
\v 6 I likihkomwiher nan ei mour unsek;
\q2 komw ketin sinsileieier sang ni ei ipwidi;
\q2 I pahn kapinga komwi ahnsou koaros!
\b
\q1
\v 7 Mouri wialahr mehn kalamangi ong me ngeder,
\q2 pwehki komwi me soundoarepei kehlail.
\q1
\v 8 I kin kapikapinga komwi sang nimenseng lel nipwong
\q2 oh kalohki sapwellimomwi lingan.
\q1
\v 9 Komw dehr ketin likidmelieiehla ni ei likeilapalahr,
\q2 komw pil dehr ketin keseiehla ni ei luwetalahr.
\q1
\v 10 Ei imwintihti kan men kemeielahr;
\q2 re ndindapene oh koasoakoasone ar pahn pelian ie.
\q1
\v 11 Re ndinda, “Koht ketin likidmelielahr aramaso;
\q2 kitail pwakih oh koledi,
\q2 pwe sohte me pahn kapitala.”
\b
\q1
\v 12 Maing Koht, komw dehr kin ketin dohweisang ie;
\q2 Maing ei Koht, komw ketin sewese ie ahnsou wet!
\q1
\v 13 Irail akan me men mahweniong ie
\q2 en lohdi oh mwomwla.
\q1 Irail akan me men kauweiehla
\q2 en namenekla oh paisuwedla.
\q1
\v 14 Ahnsou koaros I pahn kin koapworopworkin komwi;
\q2 I pahn kalaudehla ei kaping ong komwi kohkohlahte.
\q1
\v 15 I pahn lohkiseli sapwellimomwi kupwur mwahu;
\q2 I pahn koasoia duwen sapwellimomwi manaman en komour sang nimenseng lel nipwong,
\q2 mehnda ma I sohte kin dehdehki duwe.
\q1
\v 16 I pahn weweidwei nan roson en KAUN-O ei Koht;
\q2 I pahn kalohki sapwellimomwi kupwur mwahu, pwe komwihte me sapwellimaniki.
\b
\q1
\v 17 Komw ketin padahkieier sang ni ei tikitik,
\q2 oh lel met I pil lohlohkiseli sapwellimomwi wiewia kapwuriamwei kan.
\q1
\v 18 A met ni ei mahlahr oh moangepwetalahr,
\q2 Maing Koht, komw dehr ketin likidmelieiehla!
\q1 Komw ketin ieiang ie nindokon ei pahn kalohki sapwellimomwi roson oh manaman
\q2 ong dih en mwuhr kan.
\b
\q1
\v 19 Maing Koht, sapwellimomwi pwung me ileilehie.
\q2 Komw ketin wiahda doadoahk kesempwahlie;
\q2 sohte emen me rasehng komwi.
\q1
\v 20 Komw ketikihongieier apwal oh lokolok,
\q2 ahpw komwi pahn pwurehng ketin kakehlaiehda;
\q2 komw pahn ketin nekidiehla sang mehla.
\q1
\v 21 Komw pahn ketin kaileiehda kohkohlahte;
\q2 komw pahn ketin pwurehng kansenamwahwihiehla.
\b
\q1
\v 22 I uhdahn pahn kapingahkin komwi ngilen nei keseng arp;
\q2 Maing ei Koht, I pahn kapinga sapwellimomwi loalopwoat.
\q1 I pahn kesengki nei arp oh koulkihong komwi koulen kaping,
\q2 ong komwi Me Sarawien Israel.
\q1
\v 23 I pahn kin weriwerki ei peren nindokon ei pahn kesengiong komwi;
\q2 paliwereiet oh ngeni unsek pahn iang koul
\q2 pwehki omwi ketin doareielahr.
\q1
\v 24 I pahn kalohkiseli sapwellimomwi pwung sang nimenseng lel nipwong,
\q2 pwehki irail kan me men kauweiehla
\q2 re lohdier oh nameneklahr.
\c 72
\s1 Kapakapki Nanmwarki \f z \fr 72:0 \fr*\fk TITLE NI MAHSEN EN IPRU: \fk*\ft En Solomon.\ft*\f*
\q1
\v 1 Maing Koht, komw ketin padahkih nanmwarkio pwe en wia kopwung nin duwen sapwellimomwi pwung;
\q2 komw ketikihong sapwellimomwi pwung,
\q1
\v 2 pwe en kin kaunkihda sapwellimomwi aramas akan pwungen kosonned
\q2 oh me toutoulahr akan pwung pahrek.
\q1
\v 3 Paiamwahu oh popohl en keirda nan wehiet;
\q2 oh pwungen kosonned en lelpeseng rehn tohn wehiet koaros.
\q1
\v 4 Nanmwarkio en kin ketin kapwung me semwehmwe kan ni pwung pahrek;
\q2 en ketin sewese me paisuwedlahr akan
\q2 oh ketin kalowehdi me kin kaloke irail kan.
\q1
\v 5 Sapwellimomwi aramas akan en kin kaudokiong komwi erein ketipin eh kin dakedaker wasa,
\q2 erein maram eh kin kamakamarainih wasa kohkohlahte.
\b
\q1
\v 6 Nanmwarkio en rasehng keteu me kin mwerediong pohn pwehl,
\q2 rasehng pilen keteu me kin pwupwudiong nansapw.
\q1
\v 7 Pwungen kosonned en kin pweidamwahu nan sapwellime mwehi,
\q2 oh paiamwahu oh popohl en kin poatopoat erein maram eh kin kamakamarainih wasa.
\b
\q1
\v 8 Irepen sapwellime wehi pahn sang ni ehu madau lellahng ni ehu,
\q2 sang Iupreitis lellahng ni irepen sampah.\x - \xo 72:8 \xo*\xt Sek. 9.10; Sir. 44.21.\xt*\x*
\q1
\v 9 Tohn nan sapwtehn kan pahn kin poaridi mwowe;
\q2 sapwellime imwintihti kan pahn kin poaridiong nanpwel.
\q1
\v 10 Nanmwarki kan en Spein oh en deke kan pahn kin kisikise;
\q2 nanmwarkien Sipa oh Sepa \f a \fr 72:10 \fr*\fk SIPA OH SEPA: \fk*\ft Wehwehki Arepia oh Idiopia.\ft*\f* pahn kin ketikidohng mehn meirong kan.
\q1
\v 11 Nanmwarki koaros pahn kin ketin poaridihsang;
\q2 wehi koaros pahn kin papah.
\b
\q1
\v 12 E kin ketin kapitala me semwehmwe kan me kin likweriong,
\q2 oh pil irail kan me paisuwedlahr oh me lekdekla kan.
\q1
\v 13 E kin ketin kupwurkalahngan ong me luwet oh semwehmwe kan;
\q2 e kin doarehla mouren me paisuwed kan.
\q1
\v 14 E kin ketin kepitirailla sang nan arail kehnaudek oh angkehlail kan;
\q2 e kin ketin kesempwalki ar mour.
\b
\q1
\v 15 Nanmwarkio en rosorosonte!
\q2 En kin ketiki kohl sang Arepia;
\q2 aramas en kin kapakapki ahnsou koaros;
\q2 kupwuramwahu en Koht en kin ieiang met oh pil kohkohlahte!
\q1
\v 16 Reken wahn pilawa en kin wiewiawihte nan wehiet;
\q2 wahnsahpw en kin kipehdi dohl akan,
\q2 rek oh wohkian duwehte wahnsahpw en Lepanon.
\q1 Kahnimw kan en direkihla aramas ngeder,
\q2 rasehng dihpw kan me kin keirda nansapw.
\q1
\v 17 Mware en kin poatopoat kohkohlahte;
\q2 oh en ndand erein ketipin eh kin dakedaker wasa.
\q1 Wehi koaros en kin peki rehn Koht en ketin kupwuramwahwih irail
\q2 duwen eh ketin kupwuramwahwiher nanmwarkio.
\b
\q1
\v 18 Kitail kapinga KAUN-O, Koht en Israel!
\q1 Pwe ihete me kin ketin wiahda soahng kapwuriamwei pwukat.
\q1
\v 19 Kitail kapinga lingan en mware kohkohlahte!
\q1 Sapwellime lingaling en kadirehla sampah pwon.
\b
\q2 Amen! Amen!
\b
\q1
\v 20 Met iei imwilahn kapakap akan en Depit, nein Sehsi.
\c 73
\s1 Sapwellimen Koht Pwung \f b \fr 73:0 \fr*\fk TITLE NI MAHSEN EN IPRU: \fk*\ft En Asap.\ft*\f*
\r (Melkahka 73—89)
\q1
\v 1 Mehlel Koht me ketin kalahngan ong Israel,
\q2 ong irail kan me nan kapehd mwakelekel.
\q1
\v 2 Kereniongehr ei koapworopwor pahn sohla;
\q2 oh ei pwoson tikitiklahr
\q1
\v 3 pwehki ei peiriniong me aklapalap akan
\q2 ni ei kilang duwen me suwed akan ar kepwehpwe.
\b
\q1
\v 4 Soangen lokolok laud kan sohte kin lelohng irail;
\q2 re kin kehlail oh sohte kin soumwahu.
\q1
\v 5 Re sohte kin diar apwal duwehte aramas teikan;
\q2 re sohte kin kedirepwki apwal en meteikan.
\q1
\v 6 Re kin kapwatki aklapalap duwehte elin kapwat nin tepin wararail
\q2 oh lemei me wia arail likou puhp;
\q1
\v 7 mohngiongirail kan kin kapwilewei suwed tohr,
\q2 oh loalarail kin diren lamalam suwed.
\q1
\v 8 Re kin kouruhrki meteikan oh koasokoasoiapene duwen mehkan me suwed;
\q2 re me aklapalap oh kin koasoakoasoia duwen ar pahn kauwe meteikan.
\q1
\v 9 Re kin lahlahwe Koht nanleng
\q2 oh kin wia kosonned kehlail ong tohn sampah.
\q1
\v 10 Eri, sapwellimen Koht aramas akan pil kin iangirailla
\q2 oh kamehlele mehkan koaros me re kin nda.
\q1
\v 11 Re nda, “Koht sohte pahn mwahngih;
\q2 Wasa Lapalahpieo sohte pahn ketin diarada.”
\q1
\v 12 Iei duwen met iren me suwed akan.
\q2 Re kin paiamwahu oh kekeirda ahnsou koaros nan ar pai.
\b
\q1
\v 13 Eri dah, sohte pahn katepen ei mour mwakelekel
\q2 oh sohte wiahda dihp?
\q1
\v 14 Maing Koht, komw kin ketin kaloke ie rahn ehu pwon;
\q2 nimenseng koaros I kin ale lokolok sang rehmwi.
\b
\q1
\v 15 Ma I ndaier soahng pwukat,
\q2 eri, I sohte pahn mwomwehda me ngehi emen sapwellimomwi aramas.
\q1
\v 16 I song en dehdehkihla irair apwal wet,
\q2 ahpw e inenen apwal ong ie
\q2
\v 17 I lao patohlong nan Tehnpasomwio,
\q2 I ahpw dehdehkihla dahme pahn wiawihong aramas suwed akan.
\b
\q1
\v 18 Komwi pahn ketikiniraildiong wasa likekiris kei
\q2 oh ketin sikeniraildi pwe re en mwomwla!
\q1
\v 19 Re ahpw mwadangete mwomwla;
\q2 imwilahrail meid kamasepwehk.
\q1
\v 20 Maing ei Kaun, re rasehng ouraman ehu me kin sohrala nimenseng;
\q2 ni omwi ketin pirida, re solahr mie.
\b
\q1
\v 21 Ni ei lamalam eh suwedla
\q2 oh I pil nsensuwedla,
\q1
\v 22 I pweipweila duwehla mahn emen;
\q2 I sohla patohwan wehwehkin komwi.
\q1
\v 23 Eri soh, pwe I pahn patopatohte rehmwi,
\q2 oh komwi kin ketin kolokolete pehiet.
\q1
\v 24 Komw kin ketin kahluwahkin ie sapwellimomwi kaweid,
\q2 oh ni imwihla komw pahn ketin kasamwo ie nan sapwellimomwi lingan.
\q1
\v 25 Sohte mehkot me ahi nanleng, pwe komwihte!
\q2 Dahme I pahn inangih nin sampah ma kaidehk komwi?
\q1
\v 26 Ngeniet oh paliwereiet kak luwetala,
\q2 a Koht me kehlpei;
\q2 ihete me I kin anahne kohkohlahte.
\b
\q1
\v 27 Mehlel, irail kan me kin mweisang komwi pahn sohrala;
\q2 komwi pahn ketin kesepwekehla irail kan me soaloalopwoat ong komwi.
\q1
\v 28 A duwen ngehi, ia uwen kesempwal en ei karanih Koht,
\q2 pwe I en diar silepei rehn KAUN-O Koht, Wasa Lapalahpie
\q2 oh I en kalohki wiepen nin lime kan koaros!
\c 74
\s1 Kapakap en Kapitala Wehi Pokon \f c \fr 74:0 \fr*\fk TITLE NI MAHSEN EN IPRU: \fk*\ft En Asap koul.\ft*\f*
\q1
\v 1 Maing Koht, ia duwe, dahme komw ketin likidmeliekinkitalahr nin duwe met?
\q1 Komw pahn ketin engieng pahn kiht sapwellimomwi aramas akan kohkohlahte?
\q1
\v 2 Komw ketin tamanda sapwellimomwi aramas akan, me komw ketin piladahng komwi kawao,
\q2 me komw ketin kasaledekala sang nan mour en lidu pwehn wiahla sapwellimomwi kadaudok.
\q1 Komw ketin tamanda Nahna Saion wasa me komw ketiket ieo.
\q1
\v 3 Komw ketin mahsanih wasa ohla douluhl pwukat;
\q2 atail imwintihti kan kamwomwalahr mehkoaros nan Tehnpaso.
\b
\q1
\v 4 Sapwellimomwi imwintihti kan kadekedekehr nan Tehnpasomwio;
\q2 re apiadahr ar pilaik wasao kilel en ar powedier.
\q1
\v 5 Likamw irail sounpal tuhke kei
\q2 me pelepelehkidi tuhke kan nair sile kan.
\q1
\v 6 Re pwalangkipesengehr dihd kan
\q2 neirail sile kan oh amma kan.
\q1
\v 7 Re kauwelahr Tehnpasomwio oh isikadahr;
\q2 re kasaminelahr wasa sapwellimomwi kan kin kaudokiong komwi ieo.
\q1
\v 8 Re inenen men kauweikitala douluhl;
\q2 re isikidier wasa sarawi koaros en nan sahpwet.
\b
\q1
\v 9 Atail sansal sarawi koaros sohralahr;
\q2 soukohp akan pil solahr mie,
\q2 sohte emen ese iahd me mwekid wet pahn ididi.
\q1
\v 10 Maing Koht, ia erein at imwintihti kan pahn kouruhr kin komwi?
\q2 Re kak mwamwahliki mwaromwi kohkohlahte?
\q1
\v 11 Dahme komw sohte men sewese kin kiht?
\q2 Dahme komw ketikihwei nin limomwi kan mwirimwi?
\b
\q1
\v 12 Maing Koht, komwi me wiahier at nanmwarki sangete nin tapio;
\q2 komw ketin kapitkitalahr ahnsou ngeder.
\q1
\v 13 Sang ni sapwellimomwi roson lapalap, komw ketin irepeseng sehdo
\q2 oh kasukalahr moangen kemisik kamasepwehk en nan sehdo;\x - \xo 74:13 \xo*\xt Eks. 14.21.\xt*\x*
\q1
\v 14 komw ketin tiakpesengehr moangen Lepaiadan \f d \fr 74:14 \fr*\fk LEPAIADAN: \fk*\ft Mahn kamasepwehk en kawa men me kin wia kilel en pingiping oh suwed.\ft*\f*
\q2 oh kamwengekihla paliwere mahn en nan sahpwtehn kan.\x - \xo 74:14 \xo*\xt Sohp 41.1; Mel. 104.26; Ais. 27.1.\xt*\x*
\q1
\v 15 Komw ketin wiahda pihl akan en pwilipwilwei;
\q2 komw kamadadahr pillap akan.
\q1
\v 16 Komw ketin kapikada rahn oh pwohng;
\q2 komw ketin koasoanehdi maram oh usu kan nan dewerail.
\q1
\v 17 Komw ketin koasoanehdi irair kei ong sampah;
\q2 komw ketin wiadahr ahnsou en karakar oh ahnsou en lemwlemwur.
\b
\q1
\v 18 Maing KAUN, komw pahn ketin taman me imwintihti kan kin kouruhrkin komwi;
\q2 re me rotorot oh re kin kailongkin komwi.
\q1
\v 19 Komw dehr ketin kesehla sapwellimomwi aramas luwet akan rehn arail imwintihti lemei kan;
\q2 komw dehr ketin meliehla sapwellimomwi aramas akan me mihmi nan lokolok!
\b
\q1
\v 20 Komw ketin tamanda sapwellimomwi inou me komwi ketin wiahiongkitehr.
\q1 Mie kamaramas wiewiawi nan wasa rotorot akan en nan sahpwet.
\q1
\v 21 Komw dehr mweidohng me toutoulahr akan en namenekla;
\q2 komw mweidohng me semwehmwe oh me paisuwedlahr akan en kapinga komwi.
\b
\q1
\v 22 Maing Koht, komwi ketida, oh doarehki pein kupwuromwi!
\q2 Komw ketin taman me aramas rotorot akan kin kouruhrkin komwi sang nimenseng lel nipwong.
\q1
\v 23 Komw dehr meliehla ngilen sapwellimomwi imwintihti kan,
\q2 katairong en imwintihti kan me kin wiewiawi sohte tokedi.
\c 75
\s1 Koht me Sounkopwung \f e \fr 75:0 \fr*\fk TITLE NI MAHSEN EN IPRU: \fk*\ft En Asap melkahka; koul pwoat.\ft*\f*
\q1
\v 1 Maing Koht, se patohwan kapingkalahngan ong komwi,
\q2 se patohwan kapingkalahngan ong komwi!
\q1 Se patohwan kalohki roson lapalap en mwaromwi
\q2 oh se kin patohwan lohkiseli wiewia kapwuriamwei kan me komw ketin wiadahr.
\b
\q1
\v 2 Koht ketin mahsanih, “I koasoanedier ahnsoun ei kopwung,
\q2 oh I pahn wia kopwung ni me pwung.
\q1
\v 3 Mehnda ma soahng koaros nin sampah pahn rerada
\q2 oh sampah pwon pahn itihtikek,
\q2 a I pahn katengehdi poahsoan en sampah pwe en teng.
\q1
\v 4 I kin ndaiong aramas suwed akan re en dehr aklapalap oh pohnmwahso;
\q2
\v 5 I kin ndaiong irail re en tokedihsang arail aksuwei.”
\b
\q1
\v 6 Kopwung sohte kin kohdo sang ni palimese de palikapi,
\q2 de paliepeng de palieir;
\q1
\v 7 Koht iei sounkopwung,
\q2 rehn Koht ekei kin pakadeikada oh kalokolok a ekei kin kasaledekla.
\q1
\v 8 KAUN-O kin ketiki kep ehu nin lime,
\q2 diren wain kehlail en sapwellime engieng.
\q1 E kin ketikihong aramas suwed akan koaros pwe re en nim;
\q2 re kin nimala koaros oh wekidedi.
\b
\q1
\v 9 Ahpw I sohte pahn tokedihsang lohkiseli duwen Koht en Seikop
\q2 de kokoulkihong koulen kaping.
\q1
\v 10 E pahn ketin kauwehla manaman en aramas suwed akan,
\q2 e ahpw pahn ketin kakehlakahla manaman en aramas pwung kan.
\c 76
\s1 Koht me Soun Powehdi \f f \fr 76:0 \fr*\fk TITLE NI MAHSEN EN IPRU: \fk*\ft En Asap melkahka; koul pwoat.\ft*\f*
\q1
\v 1 Mehn Suda kan kin patohwan ese Koht;
\q2 mware me wahun mehlel nan wehin Israel.
\q1
\v 2 Mwoale kin mi Serusalem;
\q2 e kin ketiket pohn Nahna Saion.
\q1
\v 3 Ih wasao me e ketin karihspeseng nein imwintihti kan neirail arep kan,
\q2 nair mehnsansar kan oh kedlahs kan, pil iangahki ar tehtehn mahwen koaros.
\b
\q1
\v 4 Maing Koht, ia uwen omwi lingan!
\q2 Ia uwen lingaling, ni omwi kin ketin sapahldo sang pohn nahna kan,
\q2 wasa komw kalowedier ie sapwellimomwi imwintihti kan.
\q1
\v 5 Nair sounpei kommwad akan pehdsangehr ar tehtehn mahwen koaros
\q2 oh re memeirier met nan dewen me melahr akan;
\q2 sohte kisin katep kis mie ong ar kehlail oh koahiek kan.
\q1
\v 6 Maing Koht en Seikop, ni omwi ketin kamasak kin irail omwi engieng,
\q2 oahs kan oh me dake kan pwupwudiong nanpwel oh mehla.
\b
\q1
\v 7 Ahpw, maing KAUN, aramas koaros kin lemmwiki komwi.
\q2 Sohte me kak uh mwohn silangmwi
\q2 ni ahnsoun omwi engieng.
\q1
\v 8 Komw kin ketin kapwilodohng kiht audepen omwi kopwung sang nanleng;
\q2 eri sampah pwon kin masepwehkada oh nennenla,
\q1
\v 9 ni omwi ketida pwehn kasalehda pwunglahn sapwellimomwi kopwung,
\q2 ong ni komourlahn me toutoulahr kan koaros en sampah.
\b
\q1
\v 10 En aramas lingeringer pahn kin wekidekiong ni kapingpomwi;
\q2 oh koaros me luhwehdi nan mahwen kan pahn ehupene wia kaudokiong komwi.
\b
\q1
\v 11 Kumwail patohwanohng KAUN-O, amwail Koht, dahme kumwail inoukihong;
\q2 kumwail wehi keren kan, kumwail patohwandohng amwail kisakis kan.
\q1 Koht kin ketin kupwurki wiahiong aramas koaros en lemmwiki;
\q2
\v 12 e kin ketin katikala soupeidi aklapalap akan
\q2 oh kin ketin kamasakada nanmwarki kan.
\c 77
\s1 Koaloalamwahu ni Ahnsoun Apwal Laud \f g \fr 77:0 \fr*\fk TITLE NI MAHSEN EN IPRU: \fk*\ft En Asap melkahka.\ft*\f*
\q1
\v 1 I patohwan likweriong Koht;
\q2 I patohwan likweriong, e ahpw ketin karonge ie.
\q1
\v 2 Ni ahnsou apwal I kin patohwan kapakap ong Kaun-o;
\q2 pwohng ehu pwon I kin kapahda pehi kat oh kapakap,
\q2 I ahpw sohte kin diar nsenamwahu.
\q1
\v 3 Ni ei kin medemedewe duwen Koht, I kin sengloal;
\q2 ni ei kin medemedewe, I kin loaltikla.
\b
\q1
\v 4 Erein pwohng ehu pwon Koht sohte ketin mweidohng I en meirla;
\q2 pwehki ei pwunod laud I sohte kak lokaia.
\q1
\v 5 I ahpw medemedewe duwen rahn me samwalahr ako
\q2 oh katakatamandohng ie audepen sounpar me samwalahr oko.
\q1
\v 6 Ngehi eri mengimengloalki erein pwohngo
\q2 oh medemedewe, oh peipeidek loalei,
\q1
\v 7 “Kakete Kaun-o en ketin soingkitailla kohkohlahte?
\q2 Kakete en solahr pwurehng kupwurperenkin kitail?
\q1
\v 8 E ketin katokehdihsangkitailehr sapwellime limpoak?
\q2 Sapwellime inowo solahr kehlail?
\q1
\v 9 Dah? Koht ketin melielahr sapwellime kalahngan?
\q2 Engieng wilianlahr kalahngan en kupwure?”
\q1
\v 10 Eri, I ahpw patohwan, “Iet dahme kauweielahr—
\q2 solahr sapwellimen Koht manaman.”
\b
\q1
\v 11 Maing KAUN, I pahn patohwan tamanda wiepen nin limomwi lapalap akan;
\q2 I pahn tamataman soahng kapwuriamwei kan me komw wiadahr kawao.
\q1
\v 12 I pahn medemedewe duwen mehkoaros me komw ketin wiadahr;
\q2 I pahn medemedewe duwen sapwellimomwi wiewia manaman akan.
\b
\q1
\v 13 Maing Koht, mehkoaros me komw kin ketin wia me sarawi.
\q2 Sohte emen Koht mie me lapalap duwehte komwi.
\q1
\v 14 Komwi Kohto me kin ketin wiahda manaman akan;
\q2 komw kin ketin kasalehiong wehi kan sapwellimomwi manaman.
\q1
\v 15 Sang ni sapwellimomwi manaman lapalap komw ketin kamourala sapwellimomwi aramas akan,
\q2 iei kadaudok en Seikop oh Sosep.
\b
\q1
\v 16 Maing Koht, ni pihl akan ar patohwan komwi, re masepwehkada,
\q2 oh nan kepin madau rerada.
\q1
\v 17 Depwek kan kamwerehdi keteu;
\q2 nansapwe ngiringirsek sang pahnlahng,
\q2 oh lioal piripir wasa koaros nan wehwe.
\q1
\v 18 Sapwellimomwi nansapwe ngiringirsek,
\q2 oh sampah marainkipeseng sapwellimomwi lioal;
\q2 sampah itihtikek oh rerrer.
\q1
\v 19 Komw ketiketseli pohn iloak en madau kan;
\q2 oh ketin kotekote pohn madau,
\q2 ahpw lipwen aluweluwomwi kan sohte sansal.
\q1
\v 20 Komw ketin kahluwa sapwellimomwi aramas akan rasehng silepen sihpw men
\q2 pahn kaweid oh epwelpen Moses oh Aaron.
\c 78
\s1 Koht oh Sapwellime Aramas akan \f h \fr 78:0 \fr*\fk TITLE NI MAHSEN EN IPRU: \fk*\ft En Asap koul.\ft*\f*
\q1
\v 1 Nei aramas akan, kumwail rong ei padahk,
\q2 oh rong mwahu dahme I pahn nda.
\q1
\v 2 I pahn koasoiahda karasaras kaselel kei
\q2 oh kawehwehda soahng rir kei en ahnsou samwalahr ako,\x - \xo 78:2 \xo*\xt Mad. 13.35.\xt*\x*
\q2
\v 3 soangen ire kei me kitail rongehr oh eseier,
\q2 soahng kei me atail pahpa ako koasoiaiongkitailehr.
\q1
\v 4 Kitail sohte pahn ekihsang neitail seri kan;
\q2 kitail pahn kawehwehiong dih en mwuhr
\q2 duwen manaman en KAUN-O oh wiepen nin lime lapalap akan
\q2 oh soahng kapwuriamwei kan me e ketin wiadahr.
\b
\q1
\v 5 E ketikihong sapwellime aramas en Israel kosonned akan
\q2 oh kosonned kei ong kadaudok en Seikop.
\q1 E ketin kaweidki atail pahpa kahlap oko
\q2 re en padahkihong nair seri kan sapwellime kosonned akan,
\q1
\v 6 pwe dih en mwuhr en wehwehki
\q2 oh uhd padahkihong nair seri kan.
\q1
\v 7 Ih duwen met ar pahn pil likihala Koht
\q2 oh sohte manokehla dahme e ketin wiahda
\q2 ahpw re pahn kin kapwaiada sapwellime kosonned akan ahnsou koaros.
\q1
\v 8 Re sohte pahn duwehte ar pahpa kahlap ako
\q2 me kahngohdi oh sapeik,
\q1 me ar likih Koht sohte mwahn kehlail
\q2 oh re sohte kin loalopwoatohng.
\b
\q1
\v 9 Mehn Epraim kan me weuwa nair kesik ketieu oh arep kan,
\q2 re tangdoaui ni rahn en mahweno.
\q1
\v 10 Re sohte kapwaiada ar inou ong Koht;
\q2 re sohte men kapwaiada sapwellime kosonned akan.
\q1
\v 11 Re manokehla dahme e ketin wiadahro,
\q2 manaman ko me e ketin wiahda mwohn masarail ko.
\q1
\v 12 Nindokon ar pahpa kahlap ako uduhdiahl, Koht ketin wiahda manaman kei
\q2 nan wasa patapat en Soan, nan wehin Isip.\x - \xo 78:12 \xo*\xt Eks. 7.8—12.32.\xt*\x*\x - \xo 78:12 \xo*\xt Kupw. 16.1—19.22.\xt*\x*
\q1
\v 13 E ketin pwalangpeseng sehdo ni pali riau oh kahluwairail nan ngalangal;
\q2 oh ketin kawuhdi pali riau en sehdo rasehng dihd riau.\x - \xo 78:13 \xo*\xt Eks. 14.21-22.\xt*\x*
\q1
\v 14 Ni rahn e ketin kahluwa irail pahn mwetehn depwek ehu
\q2 oh pwohng ehu pwon sang ni marain en kisiniei.\x - \xo 78:14 \xo*\xt Eks. 13.21-22.\xt*\x*
\q1
\v 15 E ketin pwalangpeseng paip nan sapwtehn
\q2 oh ketikihong irail pihl sang loale.\x - \xo 78:15 \xo*\xt Eks. 17.1-7; Nemp. 20.2-13.\xt*\x*
\q1
\v 16 E kupwurehda pihl en kusieisang nan paipo
\q2 oh ketin kakusei pihl rasehng pillap pwoat.
\b
\q1
\v 17 Ahpw re usehlahte ar wiewia dihpiong Koht,
\q2 oh kahngohdiong Wasa Lapalahpie nan sapwtehno.
\q1
\v 18 Re kasongosonge Koht ni ar nsenki
\q2 pekipeki kisin tungoal me re anahne.\x - \xo 78:18 \xo*\xt Eks. 16.2-15; Nemp. 11.4-23, 31-35.\xt*\x*
\q1
\v 19 Re aklapalap patohwan ong Koht, ketihtihki,
\q2 “Pala Koht kak kaunopada atail tungoal nan sapwtehnet?
\q1
\v 20 Mehlel me e ketin poakih paipo,
\q2 pihl ahpw kusieisang loale;
\q1 ahpw ia duwe, e kak ketin katungoalehkin kitail pilawa
\q2 oh ketikihong sapwellime kan uduk pwe re en tungoale?”
\b
\q1
\v 21 Koht eri ketin engiengda ni eh ketin karongehda;
\q2 e ahpw ketin kauwohng kisiniei sapwellime aramas ako,
\q2 oh sapwellime engieng ahpw laudla,
\q1
\v 22 pwehki ar sohte likih
\q2 oh sohte kamehlele me e pahn ketin komourirailla.
\q1
\v 23 E ahpw ketin mahsendalahng pahnlahng
\q2 oh ketin ruwese pwe wenihmwen lahng kan en ritida;
\q1
\v 24 e ahpw ketin kamwerehdi wahn pilawa sang nanleng,
\q2 ni e ketin kadaridi mana pwe re en tungoale.\x - \xo 78:24 \xo*\xt Kupw. 16.20-29; Sohn 6.31.\xt*\x*
\q1
\v 25 Irail eri tungoale kisin tungoal en tohnleng kan,
\q2 oh Koht ketikihong irail uwen me re anahne.
\q1
\v 26 E pil ketin mweidala pwe angin palimese en ipirseli wasa,
\q2 oh sapwellime manaman en kamwekidada angin palieir;
\q1
\v 27 e ahpw ketin kadaridiong sapwellime aramas akan pelin menpihr ehu,
\q2 me tohtohsang piken ni oahroar kan;
\q1
\v 28 re ahpw pwupwudiong nan werengen impwal ko
\q2 oh kapilpene wasa re koukousoan ie.
\q1
\v 29 Aramas ako eri tungoale oh medkihla;
\q2 Koht ketikihong irail dahme irail anahne.
\q1
\v 30 Ahpw ni ar saikinte itarki dahme re anahne
\q2 oh nindokon ar tungutungoal,
\q1
\v 31 Koht ketin engiengda pahrail
\q2 oh kemehla nair ohl kehlail ko,
\q2 me pwulopwul kaselel ko en Israel.
\b
\q1
\v 32 Mehnda ma e ketin wiahda mepwukat,
\q2 ahpw aramas akan uselahte wiewia dihp;
\q1 mehnda ma re uduhdiahl sapwellime manaman akan,
\q2 ahpw re sohte mwahn kin likih.
\q1
\v 33 Ih eri ketin kasohrehla ar mour rasehng esingek ehu
\q2 oh mwadang lupukala ar mour kan ni paisuwed.
\q1
\v 34 Ni eh ketin kemehla ekei irail,
\q2 luhwe ko kin sohpeiong;
\q2 re koluhla oh ngidingidki ar kapakapohng.
\q1
\v 35 Re kin tamanda me Koht iei soundoareparail,
\q2 duwen Wasa Lapalap eh kin ketin sewese irail.
\q1
\v 36 Ahpw ar koasoi kan koaros kin likamw;
\q2 sohte mehkot me re kin nda kin mehlel.
\q1
\v 37 Re sohte kin loalopwoatohng;
\q2 re sohte kin loalopwoatohng ar inou ong ih.\x - \xo 78:37 \xo*\xt Wie. 8.21.\xt*\x*
\b
\q1
\v 38 Ahpw Koht me inenen kalahngan ong sapwellime aramas akan.
\q2 E ketin mahkikihong irail diparail kan
\q2 oh sohte ketin kamwomwirailla.
\q1 Pak tohto e ketin koledi sapwellime engieng
\q2 oh pein katokehdi engieng en nan kupwure.
\q1
\v 39 E ketin tamataman me irail ahneki luwet en aramas,
\q2 rasehng kisinieng me kin ipidohte oh sohrala.
\b
\q1
\v 40 Ia uwen tohtohn ar kin kahngohdiong nan sapwtehn;
\q2 ia uwen tohtohn ar kansensuwedihada!
\q1
\v 41 Re pwurupwurehngete kasongosonge Koht
\q2 oh katoutouwihala nan kupwuren Koht Sarawien Israel.
\q1
\v 42 Re manokehla sapwellime manaman lapalap
\q2 oh rahn me e ketin kapitirailla sang ar imwintihti kan
\q2
\v 43 oh ketin wiahda sapwellime wiewia kan oh manaman lapalap akan
\q2 nan wasa patapat en Soan nan wehin Isip.
\q1
\v 44 E ketin wekidohng ni nta pillap akan,
\q2 mehn Isip kan ahpw sohla kak nimpil.\x - \xo 78:44 \xo*\xt Eks. 7.17-21.\xt*\x*
\q1
\v 45 E ketin kadarpeseng loahng pwehn kaloke irail,
\q2 oh kairu pwehn kauwehla sapwarail.\x - \xo 78:45 \xo*\xt Eks.8.20-24; b Eks. 8.1-6.\xt*\x*
\q1
\v 46 E ketin kamwarakpeseng loukust pwehn kangala wahnsapwarail kan
\q2 oh kamwomwala poadokapw en sapwarail kan.\x - \xo 78:46 \xo*\xt Eks. 10.12-15.\xt*\x*
\q1
\v 47 E ketin kemehkihla keteu aihs takai \f i \fr 78:47 \fr*\fk KETEU AIHS TAKAI: \fk*\ft Tehk nan kawehwehpen lepin mahsen kan.\ft*\f* arail mwetin wain kan
\q2 oh arail tuhke en pik kan.\x - \xo 78:47 \xo*\xt Eks. 9.22-25.\xt*\x*
\q1
\v 48 E ketin kemehkihla nair kou kan melimel en keteu aihs takai
\q2 oh nair pelinmen teikan lioal.
\q1
\v 49 E kupwurehda paisuwed laud en lelohng irail
\q2 ni e ketin kauwohng irail engieng mwuledek,
\q2 me rasehng meninkeder en mehla.
\q1
\v 50 E sohte ketin katokehdi sapwellime engieng
\q2 de komourirailla,
\q2 ahpw e ketin kemehkinirailla soumwahu lusulus.
\q1
\v 51 E ketin kemehla pwutak mesenih
\q2 en peneinei koaros en Isip.\x - \xo 78:51 \xo*\xt Eks. 12.29.\xt*\x*
\b
\q1
\v 52 E ahpw ketin kahluwa sapwellime ko rasehng silepen sihpw men
\q2 oh ketin kaukauweid irail nan sapwtehno.\x - \xo 78:52 \xo*\xt Eks. 13.17-22.\xt*\x*
\q1
\v 53 E ketin kahluwa irail ni meleilei oh onepek, oh re sohte kin masak mehkot;
\q2 a arail imwintihti ko e ketin kakihrala nansed.\x - \xo 78:53 \xo*\xt Eks. 14.26-28.\xt*\x*
\q1
\v 54 E ahpw ketikidohng irail nan sapweiso sahpw sarawio,
\q2 pohn nahna me pein ih ketin kalowehdi.\x - \xo 78:54 \xo*\xt Eks. 15.17; Sos. 3.14-17.\xt*\x*
\q1
\v 55 E ketin kausasang tohn sahpwo nindokon sapwellime ko ar mwekimwekid kohla;
\q2 e ketin nehkpeseng sapwarailo ong kadaudok en Israel ko
\q2 oh imwarail kan e ketikihong sapwellime aramas akan.\x - \xo 78:55 \xo*\xt Sos. 11.16-23.\xt*\x*
\b
\q1
\v 56 Re ahpw kahngohdiong Koht Wasa Lapalap,
\q2 oh kasongosonge.
\q1 Re sohte kapwaiada sapwellime kosonned akan,\x - \xo 78:56 \xo*\xt S.K 2.11-15.\xt*\x*
\q2
\v 57 ahpw re kahngohdiong oh soaloalopwoat duwehte ar pahpa kahlap ako,
\q2 re rasehngala arep me pireklahr.
\q1
\v 58 Re kahngiangihkidahr ar wasahn kaudok en aramas rotorot kan,
\q2 iangahki neirail dikedik en eni kan.
\q1
\v 59 Koht ketin engiengda ni eh mahsanihada soahng wet,
\q2 iei me e ketin soingkihla douluhl sapwellime aramas akan.
\q1
\v 60 E ketiketla sang nan mwoale nan Sailo, \f j \fr 78:60 \fr*\fk SAILO: \fk*\ft En mehn Israel kan ar wasahn kaudok me keieu kesempwal mwohn mwehin Nanmwarki Depit.\ft*\f*
\q2 wasa e ketiket ie rehtail mahso.\x - \xo 78:60 \xo*\xt Sos. 18.1; Ser. 7.12-14; 26.6.\xt*\x*
\q1
\v 61 E ketin mweidala pwe Kohpwahn Inowo en lohdiong pahn atail imwintihti kan,
\q2 kohpwao me wia kilel en sapwellime manaman oh lingan.\x - \xo 78:61 \xo*\xt 1 Sam. 4.4-22.\xt*\x*
\q1
\v 62 E ketin engiengda pahn sapwellime aramas ako
\q2 oh ketin mweidala pwe re en kamakamala pahn arail imwintihti ko.
\q1
\v 63 Mwahnakapw akan kin mehla nan mahwen,
\q2 eri peinakapw akan sohte kin diar me re en pwoudiki.
\q1
\v 64 Samworo kan kin mehkihla mehla eikek,
\q2 oh ar liohdi kan sohte mweimweiong re en mwahieikin irail.
\b
\q1
\v 65 Ni imwilah, Kaun-o ahpw ketida duwehte e ketin ohpala wasa;
\q2 e duwehte ohl kommwad emen me ket pahn litopw en wain.
\q1
\v 66 E ketin katangapeseng sapwellime imwintihti kan
\q2 re ahpw sarohdi oh namenekla kowahlap.
\q1
\v 67 Ahpw e ketin soikala kadaudok en Sosep kan;
\q2 e sohte ketin pilada kadaudok en Epraim.
\q1
\v 68 Pwe kadaudok en Suda me e ketin pilada
\q2 oh Nahna Saion me e kin ketin poakohng mehlel.
\q1
\v 69 Wasao me e ketin kauwada ie Tehnpese
\q2 duwehte mwoale me mi nanleng;
\q1 e ketin katengehdi duwehte sampah
\q2 pwehn tengeteng kohkohlahte.
\b
\q1
\v 70 E ketin pilada sapwellime ladu Depit;
\q2 e ketikihsang nan sapwen sihpw kan,\x - \xo 78:70 \xo*\xt 1 Sam. 16.11-12; 2 Sam. 7.8; 1 Kron. 17.7.\xt*\x*
\q2
\v 71 wasa me Depit kin apwahpwalih ie nah pelin sihpw,
\q2 oh ketin kasapwiladahng en wiahla nanmwarkien Israel,
\q2 pwehn wiahla silepen sapwellimen Koht aramas akan.
\q1
\v 72 Depit eri patohwan apwahpwalih irail ni keneinei mehlel
\q2 oh kin kakaun irail ni koahiek unsek.
\c 79
\s1 Kapakap en Kapitala Wehi Pokon \f k \fr 79:0 \fr*\fk TITLE NI MAHSEN EN IPRU: \fk*\ft En Asap melkahka.\ft*\f*
\q1
\v 1 Maing Koht, aramas rotorot akan pedolongehr nin limomwi sahpwo.
\q2 Re kasaminelahr Tehnpasomwi Sarawio
\q2 oh kauwelahr mehkoaros nan Serusalem.\x - \xo 79:1 \xo*\xt 2 Nan. 25.8-10; 2 Kron 36.17-19; Ser. 52.12-14.\xt*\x*
\q1
\v 2 Re pwilikihdi paliweren sapwellimomwi aramas akan pwehn wiahla kenen menpihr en pahnlahng kan,
\q2 oh paliweren sapellimomwi ladu kan pwe mahn lawalo kan en kin kangkang.
\q1
\v 3 Re kakeredier ntahn sapwellimomwi aramas akan duwehte pihl
\q2 me pwilipwiliwei duwehte pihl wasa koaros nan Serusalem;
\q2 eri sohte emen luhwehdi pwehn sarepedi me melahr akan.
\q1
\v 4 Wehi kan me kapilkitpene kin kepweikengih kiht;
\q2 re kin kouruhrkin kiht oh kapailokei kiht.
\b
\q1
\v 5 Maing KAUN, komw pahn ketin engieng paht kohkohlahte?
\q2 Omwi engieng pahn lullulte rasehng kisiniei?
\q1
\v 6 Komw ketin kauwohng sapwellimomwi engieng wehi kan me sohte kin kaudokiong komwi,
\q2 ong irail me sohte kin kapakap ong komwi.
\q1
\v 7 Pwehki ar kemelahr sapwellimomwi aramas akan
\q2 oh kauwelahr sapwellimomwi wehi.
\b
\q1
\v 8 Komw dehr ketin kalokehkin kiht dipen at pahpa kahlap ako.
\q2 Komw kupwurei kiht met;
\q2 at koapworopwor koaros sosohralahr.
\q1
\v 9 Maing Koht, komw ketin sewesei kiht oh doareikitala;
\q2 komw ketin kapitkitala oh mahkikihong kiht dipat akan
\q2 pwehn wia kawahupen mwaromwi.
\q1
\v 10 Dahme wehi kan kin idengki reht,
\q2 “Ia amwail Kohto?”
\q1 Komw mweidohng kiht se en kilang duwen omwi pahn ketin kaloke wehi kan
\q2 pwehki ar kakerehdi ntahn sapwellimomwi ladu kan.
\b
\q1
\v 11 Komw ketin karonge sengloal en me sensel kan,
\q2 oh sang ni omwi manaman lapalap komw ketin kasaledekala irail kan me pakadeikadahr re en kamakamala.
\q1
\v 12 Maing ei Kaun, komw ketin dupungki ong wehi teikan pak isipak
\q2 lokaia suwed koaros me re patohwanohng komwi.
\q1
\v 13 Eri, kiht sapwellimomwi kan, sihpw en sapwellimomwi pelin sihpw,
\q2 pahn kapingkalahngan ong komwi kohkohlahte
\q2 oh kin kapinga komwi ahnsou kohkohdo kan koaros.
\c 80
\s1 Kapakap en Pekipek en Onohnda Sapahl en Wehio \f l \fr 80:0 \fr*\fk TITLE NI MAHSEN EN IPRU: \fk*\ft En Asap melkahka; mehn kadehde ehu.\ft*\f*
\q1
\v 1 Maing, Silepen Israel, komw ketin karongei kiht;
\q2 komw ketin karongei kiht, komwi sounkaweid en sapwellimomwi pelin sihpw.
\q1 Komwi me ket nan mwoalomwi pohn kerup kan,\x - \xo 80:1 \xo*\xt Eks. 25.22.\xt*\x*
\q2
\v 2 komw ketin kasalehda pein komwi ong kadaudok en Epraim, Pensamin oh Manase.
\q1 Komw ketin kasaledohng kiht sapwellimomwi roson;
\q2 komw ketido oh komourkitala!
\b
\q1
\v 3 Maing Koht, komw ketin kasapahlkitodohng rehmwi!
\q2 Komw ketin kasaledohng kiht sapwellimomwi kalahngan, se ahpw pahn mourkihla!
\b
\q1
\v 4 Maing KAUN, Koht Wasa Lapalap, ia erein
\q2 omwi pahn engiengki kapakap en sapwellimomwi aramas akan?
\q1
\v 5 Komw ketikihong kiht pahtou pwe se en kin tungoale,
\q2 oh ketin kanampilehkin kiht pilen masat akan.
\q1
\v 6 Komw ketin mweidohngehr wehi teikan re en mahmahwenkipene sahpwet,
\q2 oh pil mweidohng at imwintihti kan re en kepweikengih kiht.
\b
\q1
\v 7 Maing Koht Wasa Lapalap, komw ketin kasapahlkitodohng rehmwi!
\q2 Komw ketin kasaledohng kiht sapwellimomwi kalahngan, se ahpw pahn mourkihla!
\b
\q1
\v 8 Komw ketikidohsangehr Isip tuhkehn wain pwoat;
\q2 komw ketin koakoahsang tohn wehi teikan oh ketin padokedi tuhkeo nan sapwarail.
\q1
\v 9 Komwi ketin kamwakelehda wasa kis pwe en kak keirda ie;
\q2 e ahpw kalohdi oh parpeseng wasa koaros nan sahpwo.
\q1
\v 10 Nahna kan mihla pahn mweteh,
\q2 oh rah kan koaduhpwaldi sidar ile kan.
\q1
\v 11 Re keirda lellahng nan Sehd Mediderenien,
\q2 oh pil lel ni Pillap Iupreitis.
\q1
\v 12 Dahme komw ketin kauwekilahr kehl me kapilpeneo?
\q2 Met aramas koaros me kin keid limwah kak pirapahsang wah kan;
\q1
\v 13 pwihken wel kan tiakdier,
\q2 oh mahn lawalo koaros kin wie kangkang.
\b
\q1
\v 14 Maing Koht Wasa Lapalap, komw ketin sohpeidohng kiht!
\q2 Komw mahsendohng kiht sang nanleng;
\q2 komw ketido oh ketin doarehla sapwellimomwi aramas akan!
\q1
\v 15 Komw ketido oh doarehla tuhkehn wain wet me pein komwi ketin padokedi,
\q2 tuhkehn wain pwulopwul pwoatet me komw ketin kairada pwehn kehlail!\fig |alt="HK-71B Tuhkehn wain" src="" size="col" ref="MELKAHKA KAN 80:15"\fig*
\b
\q1
\v 16 At imwintihti kan pelehdier oh isikalahr;
\q2 komw ketin angiangih irail oh kamwomwirailla!
\q1
\v 17 Komw ketin apwalih oh sinsile aramas akan me komw ketin piladahr,
\q2 wehio me komw ketin kakehladahr.
\q1
\v 18 Se sohte pahn pwurehng sohpeisang komwi;
\q2 komw ketin kakehleikitada, se ahpw pahn kin kapikapinga komwi.
\b
\q1
\v 19 Maing KAUN, Koht Wasa Lapalap, komw ketin kasapahlkitodohng pahn kupwuromwi!
\q2 Komw ketin kasaledohng kiht sapwellimomwi kalahngan, se ahpw pahn mourkihla!
\c 81
\s1 Koulen Kamadipw \f m \fr 81:0 \fr*\fk TITLE NI MAHSEN EN IPRU: \fk*\ft En Asap.\ft*\f*
\q1
\v 1 Kumwail ngisingiski amwail peren ong Koht atail soundoar;
\q2 kumwail koul kapikapinga Koht en Seikop!
\q1
\v 2 Kumwail tiakada melkahka oh kesengki dampwurin kan;
\q2 kumwail kesengki ngilen keseng kaperen ni noumwail arp oh lair kan.
\q1
\v 3 Kumwail peuk koronihda ni kasarawien kamadipw,
\q2 ni ahnsoun pwulodohn maram oh ni ahnsou me e kin mat.\x - \xo 81:3 \xo*\xt nemp. 10.10.\xt*\x*
\q1
\v 4 Met kosonned en wehin Israel,
\q2 koasoandi ehu sang Koht en Seikop.
\q1
\v 5 E ketikihong mehn Israel ko
\q2 ni eh ketin mahweniong mehn Isip.
\b
\q1 I rongorong ngihl sohte dehde ieu me mamahsanih,
\q2
\v 6 “I kihsangehr pohn pwopwomwail kan amwail wisik toutou kan;
\q2 ngehi me mweidohng kumwail en kihsang pohmwail kasukasuk en takai weitahta kan.
\q1
\v 7 Ni amwail kin mihla nan apwal laud, kumwail kin likwerih ie, oh I kin doareikumwailla.
\q2 I kin sapeng kumwail sang nan ei wasahn ruk nan melimel.
\q2 I kasongosongei kumwail ni pwarer en Meripa.\x - \xo 81:7 \xo*\xt Eks. 17.7; Nemp. 20.13.\xt*\x*
\q1
\v 8 Nei aramas akan, kumwail rong ei kehkehliket;
\q2 Israel, ia uwen ei men ke en rong ie!
\q1
\v 9 Ke sohte mwahn pahn kaudokiong emen koht tohrohr.\x - \xo 81:9 \xo*\xt Eks. 20.2-3; Deud. 5.6-7.\xt*\x*
\q1
\v 10 Ngehi me KAUN-O, omw Koht,
\q2 me waiukodo sang nan Isip.
\q1 Sarapeseng, I ahpw pahn katungoaleiuk.
\b
\q1
\v 11 “Ahpw nei aramas akan sohte kin men rong ie;
\q2 Israel sohte kin peikiong ie.
\q1
\v 12 Eri, I mweidohng irail en keptakai weweidwei nan elen nsenarail
\q2 oh wiewia dahme re mwahuki.
\q1
\v 13 Ia uwen ei men nei aramas akan en kin rong ie;
\q2 oh ia uwen ei men re en kin peikiong ie!
\q1
\v 14 I pahn mwadang kalowehdi ar imwintihti kan
\q2 oh powehdi koaros me kin pelian irail.
\q1
\v 15 Irail kan me kin kailongkin ie pahn masakiehla oh poaridi mwohi;
\q2 arail kalokolok pahn kohkohlahte.
\q1
\v 16 Ahpw I pahn katungoalehkin kumwail pilawa me keieu kaselel
\q2 oh kamedkinkumwailla suke en loangalap.”\fig |alt="HK-67D Wahn wihd mehn wiahda pilawa" src="" size="col" ref="MELKAHKA KAN 81:16"\fig*
\c 82
\s1 Koht Kaun Lapalahpie \f n \fr 82:0 \fr*\fk TITLE NI MAHSEN EN IPRU: \fk*\ft En Asap melkahka.\ft*\f*
\q1
\v 1 Koht kin ketin kaunda wie kupwur akan nanleng;
\q2 ni wie kupwur en koht akan e kin ketin koasoanehdi kupwure:
\q1
\v 2 “Kumwail uhdahn pahn katokehdi amwail kopwung sapwung kan;
\q2 kumwail solahr pahn uhpalihki aramas suwed akan!
\q1
\v 3 Kumwail doare pwuhng en me semwehmwe oh sepwoupwou kan;
\q2 kumwail lamalam pahrek ong me paisuwedlahr oh me luwet akan.
\q1
\v 4 Kumwail kapitirailsang pahn manaman en aramas mwersuwed kan.
\q1
\v 5 “Ia uwen amwail sohte wehwehki! Ia uwen amwail loalopwon!
\q2 Kumwail sapwungalahr mehlel,
\q2 iei me pwuhng sohrkisangehr sampah wet.
\q1
\v 6 I ahpw nda; ‘Kumwail koht ekei,
\q2 kumwail koaros sapwellimen Wasa Lapalahpie.’\x - \xo 82:6 \xo*\xt Sohn 10.34.\xt*\x*
\q1
\v 7 Ahpw kumwail pahn mehla duwehte aramas akan;
\q2 amwail mour pahn pil sohrasang rasehng sapwellimen nanmwarki pwutak.”
\b
\q1
\v 8 Maing Koht, komw ketido kaunda sampah;
\q2 wehi koaros nin sampah iei sapwellimomwi.
\c 83
\s1 Kapakap en Kalowehdi Imwintihti en mehn Israel kan \f o \fr 83:0 \fr*\fk TITLE NI MAHSEN EN IPRU: \fk*\ft En Asap melkahka; koul pwoat.\ft*\f*
\q1
\v 1 Maing Koht, komw dehr ketin nennenewei;
\q2 komw dehr ketin sopeimwekid de kupwur meleilei!
\q1
\v 2 Komw ketin mahsanih! Sapwellimomwi imwintihti kan moromoradahr,
\q2 oh irail kan me kin kailongkin komwi ar uhwong komwi.
\q1
\v 3 Re koasoakoasone widing rir suwed kei ong sapwellimomwi aramas akan;
\q2 re koasoakoasone kaupen irail kan me komw kin ketin sinsile.
\q1
\v 4 Re kin nda, “Nna, kumwail kohdo, kitail en kamwomwala arail wehi,
\q2 pwe Israel en manukunukla kohkohlahte.”
\b
\q1
\v 5 Re pwungkipenehr ar koasoandi kan
\q2 oh ehukipenehr ar pahn uhwong komwi:
\q1
\v 6 iei irail mehn Edom oh mehn Ismael kan;
\q2 mehn Mohap oh mehn Akar kan;
\q1
\v 7 mehn Kepal, mehn Ammon oh mehn Amalek,
\q2 mehn Pilisdia oh Dair.
\q1
\v 8 Asiria pil iangiraillahr
\q2 wehi kehlail me kin sewese mehn Ammon oh mehn Mohap,
\q2 irail kadaudok en Lohd.
\b
\q1
\v 9 Komw ketin wiahiong irail soahngohte me komw wiahiong men Midian ko,
\q2 oh ong Sisera oh Sapin ni Pillap Kison.\x - \xo 83:9 \xo*\xt S.K. 7.1-23; b S.K. 4.6-22.\xt*\x*
\q1
\v 10 Komw ketin kaloweiraildier ni Endor,
\q2 oh paliwararail ko matala pohn pwehl.
\q1
\v 11 Komw ketin wiahiong arail sounkaweid kan soahngohte me komw ketin wiahiong Orep oh Seep;
\q2 komw ketin kalowehdi arail kaun akan koaros duwehte me komw ketin wiahiong Sepa oh Salmuna,\x - \xo 83:11 \xo*\xt S.K. 7.25; b S.K. 8.12.\xt*\x*
\q1
\v 12 me kahski, “Kitail pahn sapwenikihla
\q2 sahpw me uhdahn nin limen Koht.”
\b
\q1
\v 13 Maing Koht, komw ketin kamwarakirailpeseng rasehng pwelpar,
\q2 rasehng diper en tuhke me kisinieng kin ipirpeseng.
\q1
\v 14 Rasehng kisiniei me kin kamwasikahla tuhke en nanwel kan,
\q2 rasehng mpwul en kisiniei me kin kalulada dohl akan,
\q1
\v 15 Komw ketin pwakihkinirailpeseng engin sapwellimomwi melimel
\q2 oh ketin kamasak kin irail engin sapwellimomwi kisinieng kehlail kan.
\q1
\v 16 Maing KAUN, komw ketin kanamenekirailla,
\q2 oh kupwure pwe re en pohnese sapwellimomwi manaman.
\q1
\v 17 Re en lohdi oh masepwehkala kohkohlahte;
\q2 oh re en sohrala nan paisuwed douluhl.
\q1
\v 18 Re en esehla me komwihte me KAUN,
\q2 kaun lapalap en mehkoaros nin sampah.
\c 84
\s1 Ngoangki Mi nan Tehnpas en Koht \f p \fr 84:0 \fr*\fk TITLE NI MAHSEN EN IPRU: \fk*\ft En Peneinei en Kora ar melkahka.\ft*\f*
\q1
\v 1 Maing KAUN, Wasa Lapalap, ia uwen ei poakohng Tehnpasomwi Sarawio!
\q2
\v 2 Ia uwen ei anahne mi wasao!
\q2 I ngoangkilahr iang mi nan kelen Tehnpas en KAUN-O.
\q1 Paliwereiet oh ngeni unsek kin kokoulki ei peren
\q2 ong Koht ieias.
\q1
\v 3 Menpihr kan wiadahr pasahr loale,
\q2 re pil diaradahr dewehr wasao;
\q1 re ahpw kin neineitik limwahn sapwellimomwi pei sarawi kan,
\q2 Maing KAUN, Wasa Lapalap, ei nanmwarki, oh ei Koht.
\q1
\v 4 Meid pai irail kan me kin kousoan nan Tehnpasomwi Sarawio,
\q2 kokouliong oh kapikapinga komwi ahnsou koaros.
\b
\q1
\v 5 Meid pai irail kan me kin ale kehlparail sang rehmwi,
\q2 oh kin ngoangki iang seiloakowohng pohn Nahna Saion.
\q1
\v 6 Ni ar kin keid nan wahu madekeng en Paka,
\q2 e kin wiahla utuhnpihl;
\q2 keteu en menseng ahpw kin kadirekihla pihl wasao.
\q1
\v 7 Ni ar kin kohkohwei, re kin kekehlailla;
\q2 re ahpw pahn udiahl Koht en koht akan nan Saion.
\b
\q1
\v 8 Maing KAUN, Koht Wasa Lapalap, komw ketin karonge ei kapakapet;
\q2 komwi Koht en Seikop, komw ketin karonge ie!
\q1
\v 9 Maing Koht, komw ketin kupwuramwahwih at nanmwarki,
\q2 nanmwarkio me pein komwi ketin pilada.
\b
\q1
\v 10 Pwe rahnteieu nan Tehnpasomwi Sarawio
\q2 mwahusang rahn kid wasa teikan;
\q1 ei kin mihmi ni wenihmwen tehnpas en ei Koht
\q2 mwahusang kousoan nan imwen aramas suwed akan.
\q1
\v 11 KAUN-O iei ih me silepatail oh atail nanmwarki lingan,
\q2 me kin kupwuramwahwihkin kitail kalahngan oh wahu.
\q1 E sohte kin ketin soikala mehkot mwahu
\q2 sang irail me kin kapwaiada me pwung.
\q1
\v 12 Maing KAUN, Wasa Lapalap, meid pai irail kan me kin likih komwi!
\c 85
\s1 Kapakap en Kamwahupen Wehi Pokon \f q \fr 85:0 \fr*\fk TITLE NI MAHSEN EN IPRU: \fk*\ft En peneinei en Kora ar melkahka.\ft*\f*
\q1
\v 1 Maing KAUN, komw ketin kupwurkalahnganongehr sapwellimomwi wehiet;
\q2 komwi me ketin pwurehng kakepwehpwehla Israel.
\q1
\v 2 Komw ketin mahkikihongehr dipen sapwellimomwi aramas akan
\q2 oh ketin mahkohng arail sapwung kan koaros.
\q1
\v 3 Komw ketin katokihedi sapwellimomwi kupwur toutou
\q2 oh ketin wekideweisang irail sapwellimomwi engieng.
\b
\q1
\v 4 Maing Koht at sounkomour, komw ketin kasapahlkitodohng rehmwi,
\q2 oh ketin katokihedi sapwellimomwi kupwur toutou ong kiht!
\q1
\v 5 Ia duwe, komw pahn ketin engieng paht kohkohlahte?
\q2 Omwi engiengen sohte pahn tokedi?
\q1
\v 6 Komw ketin pwurehng kakehlaikitada,
\q2 eri kiht, sapwellimomwi aramas akan, pahn kapikapinga komwi.
\q1
\v 7 Maing KAUN, komw ketin kasaledohng kiht sapwellimomwi limpoak poatopoat,
\q2 oh ketikihong kiht sapwellimomwi sawas en komour.
\b
\q1
\v 8 I kin patohwan rongorong dahme KAUN-O Koht kin ketin mamahsanih;
\q2 e ketin inoukihong kitail popohl, ong pein sapwellime aramas akan,
\q2 ma kitail sohte pahn pwurehng atail wiewiahn pweipwei kan.
\q1
\v 9 Mehlel, e pahn kamourala me kin wauneki kan,
\q2 oh sapwellime lingan en komour pahn ketiket nan sapwatail.
\b
\q1
\v 10 Limpoak oh loalopwoat ahpw pahn wiakihteieu kohdo;
\q2 pwung oh popohl ahpw pahn tuhpene.
\q1
\v 11 Atail loalopwoat ahpw pahn wosada sang nan sampah,
\q2 oh pwungen Koht ahpw pahn iroirdihdo sang nanleng.
\q1
\v 12 KAUN-O pahn ketin kakepwehpwehkitailla,
\q2 oh wahnsapwatail kan pahn kaparaparala.
\q1
\v 13 Pwung ahpw pahn kin tieng mwohn KAUN-O
\q2 pwe en kaunopada sapwellime ahl.
\c 86
\s1 Kapakap en Peki Sawas \f r \fr 86:0 \fr*\fk TITLE NI MAHSEN EN IPRU: \fk*\ft En Depit kapakap.\ft*\f*
\q1
\v 1 Maing KAUN, komw ketin karonge ie oh sapeng ie,
\q2 pwe I me luwet oh sohte sawasepei.
\q1
\v 2 Komw ketin doareiehla sang mehla, pwe I kin loalopwoat ong komwi;
\q2 komw ketin doareiehla, pwe ngehi sapwellimomwi ladu men oh I kin likih komwi.
\b
\q1
\v 3 Komwi me ei Koht, eri komw ketin kupwurkalahngan ong ie;
\q2 I kin wie kapakapohng komwi sang nimenseng lel nipwong.
\q1
\v 4 Maing ei Kaun, komw ketin kansenamwahwihala sapwellimomwi ladu menet,
\q2 pwehki ei kin patohwandahng komwi ei kapakap akan.
\q1
\v 5 Komwi me kupwur mwahu oh diren mahk ong kiht,
\q2 diren limpoak poatopoat ong koaros me kin patohwan kapakapohng komwi.
\b
\q1
\v 6 Maing KAUN, komw ketin karonge ei kapakap;
\q2 komw ketin karonge ei likwer en pek sawas.
\q1
\v 7 I patohwan likweriong komwi ni ahnsou apwal,
\q2 pwehki omwi kin ketin sapeng ei kapakap akan.
\b
\q1
\v 8 Maing ei Kaun, sohte emen koht mie duwehte komwi,
\q2 sohte emen me wiadahr dahme komw ketin wiadahr.
\q1
\v 9 Wehi kan koaros me komw ketin wiahda
\q2 pahn patohdo oh poaridi mwohn silangmwi;
\q2 re pahn kapikapinga sapwellimomwi roson lapalap.\x - \xo 86:9 \xo*\xt Kaud. 15.4.\xt*\x*
\q1
\v 10 Komwi me manaman oh kin ketin wiahda soahng kapwuriamwei kan;
\q2 komwihte me Koht.
\b
\q1
\v 11 Maing KAUN, komw ketin padahkihong ie audepen kupwuromwien,
\q2 I ahpw pahn kin loalopwoat peikiong komwi;
\q2 komw ketin padahkihong ie pwe I en kin papah komwi ni kapehdi unsek.
\q1
\v 12 Maing ei Kaun oh ei Koht, I pahn patohwan kapinga komwi sang nan kapehdiet;
\q2 I pahn kin kalohki sapwellimomwi roson lapalap kohkohlahte.
\q1
\v 13 Ia uwen lapalap en sapwellimomwi limpoak poatopoat ong ie!
\q2 Komwi me ketin kapitiehla sang nan sousou.
\q1
\v 14 Maing Koht, aramas aklapalap suwed kei uhwong ie;
\q2 pwihn en aramas suwed ehu songosong en kemeiehla—
\q2 aramas me sohte kin waunekin komwi.
\q1
\v 15 Ahpw komwi, Maing ei Kaun, komwi me kalahngan oh komwi Koht limpoak emen,
\q2 komw kin kanengamah, kadek oh loalopwoat ahnsou koaros.
\q1
\v 16 Komw ketin sohpeidohng ie oh kupwurkalahngan ong ie;
\q2 komw ketin kakehleiehda oh komouriehla,
\q2 pwehki ei kin papah komwi duwehte ei nohno eh kin papah komwi.
\q1
\v 17 Maing KAUN, komw ketin kasalehiong ie kilel en omwi kupwur mwahu;
\q2 irail kan me kin kailongkin ie pahn namenekla
\q2 ni ar pahn kilang duwen omwi ketin kansenamwahwihiehla oh ketin seweseiehda.
\c 87
\s1 Kapingpen Serusalem \f s \fr 87:0 \fr*\fk TITLE NI MAHSEN EN IPPRU: \fk*\ft En peneinei en Kora ar melkahka; koul pwoat.\ft*\f*
\q1
\v 1 KAUN-O ketin kauwada sapwellime kahnimw pohn dohl sarawio; \f t \fr 87:1 \fr*\fk DOHL SARAWI: \fk*\ft Tehk 2.6.\ft*\f*
\q2
\v 2 e kin ketin loalloale kahnimw Serusalem
\q2 laudsang wasa teikan nan Israel.
\q1
\v 3 Rong mahs, kowe, kahnimw en Koht,
\q2 irair kapwuriamwei kan me e pahn mahsanih duwen kowe:
\b
\q1
\v 4 “Ni ei pahn pahngada wehi kan me kin peikiong ie
\q2 I pahn iangahkihong Isip oh Papilonia.
\q1 I pahn pil mahsanih tohn Pilisdia, Dair oh Idiopia,
\q2 pwe irail pil kisehn Serusalem.”
\b
\q1
\v 5 A duwen Saion aramas koaros pahn ketihtihki
\q2 me wehi koaros tepisang reh
\q2 oh pein Wasa Lapalap pahn ketin kakehlahda Saion.
\q1
\v 6 KAUN-O pahn ketin ntingihedi nan doaropwe eden aramas koaros
\q2 oh ketin wiahkihla irail koaros pwilidak en Serusalem.
\q1
\v 7 Re kahlek oh kokoulki,
\q2 “Atail paiamwahu kan koaros kin tepisang Saion.”
\c 88
\s1 Likwerin Peki Sawas \f u \fr 88:0 \fr*\fk TITLE NI MAHSEN EN IPRU: \fk*\ft En peneinei en Kora ar melkahka; koul pwoat. melkahka pwoat sang Eman mehn Esra.\ft*\f*
\q1
\v 1 Maing KAUN ei Koht, ei sounkomour, I kin likilikwer sang nimenseng lel nipwong,
\q2 oh nipwong I kin patohdo mwohmwi.
\q1
\v 2 Komw ketin karonge ei kapakap;
\q2 komw ketin karonge ei likwer en pek sawas!
\b
\q1
\v 3 Apwal ngeder lelohngieier
\q2 I kereniongehr mehla.
\q1
\v 4 I rasehngehr aramas teikan koaros me nektehn mehla;
\q2 ei kehl koaros sohrasangieier.
\q1
\v 5 I lekdeklahr rehn me melahr akan;
\q2 I rasehngehr me kamakamalahr akan me wonohnehr nan arail sousou,
\q1 irail kan me komw ketin melielahr douluhl,
\q2 me solahr kak ale sawasaparail sang rehmwi.
\q1
\v 6 Komw ketin sikeniedilahng nan kepin ei sousou,
\q2 nan pwoahr ehu me loal oh rotorot douluhl.
\q1
\v 7 Omwi engieng pahi me inenen toutou,
\q2 oh I milahr pahn iloak en engieng wet.
\b
\q1
\v 8 Komwi me ketin kadohwan sang ie kompoakepahi kan;
\q2 komw ketin wiahkiniehla mehkot saut mwohn masarail kan.
\q1 I seldier oh solahr kak pitla;
\q2
\v 9 pwoaren mesei kat luwetkilahr ei lokolok.
\q1 Maing KAUN, I patohwan likilikweriong komwi rahn koaros
\q2 oh kin kapahda pehi kat nan ei kapakap.
\b
\q1
\v 10 Ia duwe, komw kin ketin wiahda manaman ong me melahr akan?
\q2 Re kak mourda oh kapikapinga komwi?
\q1
\v 11 Mie me kin koasoia duwen sapwellimomwi limpoak poatopoat nan sousou
\q2 de sapwellimomwi loalopwoat nan wasahn kamwomwomwala kan?
\q1
\v 12 Ia duwe, sapwellimomwi manaman akan kin sansal nan wasa rotoroto
\q2 de sapwellimomwi kalahngan nan sapwen me manukunuklahr akan?
\b
\q1
\v 13 Maing KAUN, I patohwan likweriong komwi pwe komwi en ketin sewese ie;
\q2 nimenseng koaros I kin patohwan kapakapohng komwi.
\q1
\v 14 Maing KAUN, dahme komw ketin soingkiniehla?
\q2 Dahme komw ketin sohpeikihwei sang ie?
\q1
\v 15 Sang ni ei tikitik, I kin alehdi lokolok laud oh kin kerenieng mehkihla;
\q2 I patohwan weikengkilahr toutou en sapwellimomwi kalokolok kan.
\q1
\v 16 Sapwellimomwi engieng mwuledek kauweielahr;
\q2 sapwellimomwi kalokolok kan nektehn kemeiehla.
\q1
\v 17 Erein rahn ehu pwon re kin kapikapil ie rasehng ahden lapake;
\q2 re kin kapiliepene sang wasa koaros.
\q1
\v 18 Komw pil ketin kadohwanewei sang ie kompoakepahi mehlel kan,
\q2 eri rotorotte me kin ieiang ie.
\c 89
\s1 Melkahka ni Ahnsou Apwal en Wehi \f v \fr 89:0 \fr*\fk TITLE NI MAHSEN EN IPRU: \fk*\ft En Edan mehn Esra eh koul.\ft*\f* \x - \xo 89:0 \xo*\xt 1 Nan. 4.31.\xt*\x*
\q1
\v 1 Maing KAUN, I pahn kin koulki sapwellimomwi limpoak poatopoat;
\q2 I pahn kalohki sapwellimomwi loalopwoat kohkohlahte.
\q1
\v 2 I patohwan ese me sapwellimomwi limpoak pahn kin poatopoatete,
\q2 oh sapwellimomwi loalopwoat kin duweduwehte sohte wekila, rasehng pahnlahng.
\q1
\v 3 Komw ketin mahsanih, “I wiadahr inou ehu ong emen me I piladahr;
\q2 I inoukihong ei ladu Depit,
\q1
\v 4 ‘Emen sang kadaudokomw kan pahn kin nanmwarki ahnsou koaros;
\q2 I pahn kin kolokol teng omw wehi kohkohlahte.’”\x - \xo 89:4 \xo*\xt 2 Sam. 7.12-16; 1 Kron. 17.11-14; Mel. 132.11; Wie. 2.30.\xt*\x*
\b
\q1
\v 5 Maing KAUN, tohn nanleng kan kin koulkihong komwi soahng kapwuriamwei kan me komw kin ketin wiahda;
\q2 re kin koul kapikapinga sapwellimomwi loalopwoat.
\q1
\v 6 Maing KAUN, sohte emen nanleng me rasehng komwi;
\q2 sohte tohn nanleng men me pahrekiong komwi.
\q1
\v 7 Irail me sarawi kan kin masak komwi;
\q2 irail koaros kin lemmwikin komwi.
\b
\q1
\v 8 Maing KAUN, Koht Wasa Lapalap, sohte me kin ahneki manaman lapalap duwehte komwi;
\q2 Maing KAUN, komwi me ketin loalopwoat ni mehkoaros.
\q1
\v 9 Komw kin ketin kakaun manaman laud en madau kan;
\q2 komw kin ketin kameleileidi iloak laud kan.
\q1
\v 10 Komw ketin kalowehdi Rahap, \f w \fr 89:10 \fr*\fk RAHAP: \fk*\ft Mahn kamasepwehk en kawao men me wia kilel en pingiping oh suwed.\ft*\f* mahn kamasepwehko, oh ketin kemehla;
\q2 komw ketin powehkihdi sapwellimomwi roson lapalap sapwellimomwi imwintihti kan.
\q1
\v 11 Sampah, iei sapwellimomwi, nanleng pil duwehte;
\q2 komw me ketin wiahda sampah oh audepe kan koaros.
\q1
\v 12 Komw me ketin kapikada paliepeng oh palieir;
\q2 Nahna Tapor oh Nahna Ermon kin pereperen kokouliong komwi.
\q1
\v 13 Ia uwen laud en sapwellimomwi manaman!
\q2 Ia uwen lapalap en sapwellimomwi roson!
\q1
\v 14 Sapwellimomwi wehi poahsoankihda pwungen kosonned oh pwuhng pahrek;
\q2 limpoak oh loalopwoat kin sansal ni mehkoaros me komw kin ketin wia.
\b
\q1
\v 15 Meid pai aramas akan me kin kokoul kaudokiong komwi,
\q2 me kin momour nan marain en sapwellimomwi kadek.
\q1
\v 16 Pwehki komwi re kin pereperen sang nimenseng lel nipwong,
\q2 oh kapikapinga sapwellimomwi kalahngan lapalap.
\q1
\v 17 Komw ketikihong kiht manaman laud en powehdi pak ngeder;
\q2 sapwellimomwi limpoak me kin kahrehiong kiht en powehdi.
\q1
\v 18 Maing KAUN, komwi me kin ketin pilohng kiht silepat;
\q2 komwi, me Koht Sarawien Israel, komwi me ketikihong kiht at nanmwarki.
\s1 Sapwellimen Koht Inou ong Depit
\q1
\v 19 Nan peudiahl ehu mahsie komw ketin mahsanihong sapwellimomwi ladu loalopwoat ko,
\q2 “I sewesedahr sounpei ndand emen;
\q2 I piladahr mehmen sang nanpwungen aramas akan oh ketikihong mwoale.
\q1
\v 20 I kasapwiladahr ei ladu Depit pwehn nanmwarkihla
\q2 ni ei keiehki leh sarawi.\x - \xo 89:20 \xo*\xt 1 Sam. 13.14; Wie. 13.22; b 1 Sam. 16.12.\xt*\x*
\q1
\v 21 Ei roson pahn kin ieiang ih ahnsou koaros,
\q2 oh ei manaman pahn pil kakehlahda.
\q1
\v 22 Sapwellime imwintihti kan sohte pahn kin pweida ni ar pahn kin pelianda;
\q2 oh aramas suwed kan sohte pahn kalowehdi.
\q1
\v 23 I pahn tiakpeseng oh kauwehla sapwellime imwintihti kan,
\q2 oh kemehla koaros me kin kailongki.
\q1
\v 24 I pahn kin loalloale ahnsou koaros oh loalopwoatohng;
\q2 I pahn kin koasoanehdi pwe en kin powehdi sapwellime imwintihti kan ahnsou koaros.
\q1
\v 25 I pahn kalaudehla sapwellime wehi
\q2 sang Mediderenian lel ni Pillap Iupreitis.
\q1
\v 26 E pahn kin mahsanihong ie,
\q2 ‘Komwi me semei oh ei Koht;
\q2 komwi me silepei oh sounkomourpei.’
\q1
\v 27 I pahn wiahkihla ih nei mesenih,
\q2 me pahn lapalap sang nanmwarki kan.\x - \xo 89:27 \xo*\xt Kaud. 1.5.\xt*\x*
\q1
\v 28 I pahn kin dadaur ei inou ong ih ahnsou koaros,
\q2 oh inou wet pahn kin poatopoat kohkohlahte.
\q1
\v 29 Kadaudoke men pahn kin nanmwarki ahnsou koaros;
\q2 sapwellime wehi pahn poatopoat duwehte pahnlahng.
\b
\q1
\v 30 “Ahpw ma kadaudoke kan pahn kauwehla ei kosonned akan
\q2 oh sohte weweidki ei koasoandi kan,
\q1
\v 31 ma re pahn mwamwahliki ei kaweid kan
\q2 oh sohte kapwaiada ei kosonned akan,
\q1
\v 32 eri I pahn kaloke irail pwehki diparail kan;
\q2 I pahn kemehkin irail ar sapwung kan.
\q1
\v 33 Ahpw I sohte pahn katokihedi ei limpoak ong Depit
\q2 oh I sohte pahn kasapwungehla ei inou ong ih.
\q1
\v 34 I sohte pahn kauwehla ei inou ong ih,
\q2 de kapweiekidi ehute inou me I wiahiong.
\b
\q1
\v 35 “I inoukihda ni mwarei sarawi pahn pak teieu:
\q2 I sohte pahn wiahda likamw ong Depit.
\q1
\v 36 Kadaudoke kan pahn kin poatopoat ahnsou koaros,
\q2 oh I pahn kin sinsile sapwellime wehi erein ketipin eh pahn kin dakedaker wasa.
\q1
\v 37 E pahn poatopoat rasehng maram,
\q2 me wia mehn kadehdepen eh loalopwoato pahnlahng.”
\s1 Kedepwidepw en Lohdien Nanmwarki
\q1
\v 38 Ahpw komw ketin engiengda pahn sapwellimomwi nanmwarki me pilipilda;
\q2 komw ketin kesehla oh soikeweisang rehmwi.
\q1
\v 39 Komw ketin katokedier sapwellimomwi inou ong sapwellimomwi ladu
\q2 oh ketin kesehdiong nanpwel sapwellime nihn.
\q1
\v 40 Komw ketin karengkehdi kelen sapwellime kahnimw
\q2 oh ketin kauwehla sapwellime wasahn mahwen kan.
\q1
\v 41 Koaros me kin keid wasao kin pirapahsang sapwellime dipwisou kan;
\q2 mehn mpe kan koaros kin kouruhrki.
\q1
\v 42 Komw ketikihong sapwellime imwintihti kan manaman en powehdi;
\q2 komw ketin kahrehiong irail koaros re en kin pereperen.
\q1
\v 43 Komw ketin wiahiong pwe sapwellime tehtehn mahwen kan en sohla katepe
\q2 oh ketin mweidala pwe en lohdi nan mahwen.
\q1
\v 44 Komw ketikihsang sapwellime sokon en nanmwarki
\q2 oh ketin sikendiong mwoahle nanpwel.
\q1
\v 45 Komw ketin wiahkihla ih ohl laud emen mwohn eh ahnsou
\q2 oh ketin kadirehkihla paisuwed mehlel.
\s1 Kapakap en Peki Kamaiau
\q1
\v 46 Maing KAUN, komw pahn karirih komwihla kohkohlahte?
\q2 Ia erein sapwellimomwi engieng eh pahn lullul rasehng kisiniei?
\q1
\v 47 Komw ketin tamanda ia uwen mwotomwot en ei mour;
\q2 tamataman me komwi me ketin wiahda kiht aramas me pahn mehla!
\q1
\v 48 Ihs me kak momourte oh sohte mehla?
\q2 Ia duwen aramas emen eh pahn iredihsang pein ih eh sousou?
\b
\q1
\v 49 Maing at Kaun, ia kasalepen sapwellimomwi limpoak en mahso?
\q2 Ia sapwellimomwi inou ko me komw ketin wiahiong Depit?
\q1
\v 50 Komw dehr meliehla duwen aramas akan ar kin lahlahwe ie, sapwellimomwi ladu menet,
\q2 duwen ei kanengamahiong en me rotorot kan ar lahlahwe ie.
\q1
\v 51 Maing KAUN, sapwellimomwi imwintihti kan kin lahlahwe sapwellimomwi nanmwarki pilipilda!
\q2 Re kin lahlahwe wasa koaros me e kin ketila ie.
\b
\q1
\v 52 Kapinga KAUN-O kohkohlahte!
\b
\q2 Amen! Amen!
\c 90
\s1 Duwen Koht oh Aramas \f x \fr 90:0 \fr*\fk TITLE NI MAHSEN EN IPRU: \fk*\ft En Moses, ohlen Kohto, eh kapakap.\ft*\f*
\r (Melkahka 90—106)
\q1
\v 1 Maing ei Kaun, komwi me dewat ahnsou koaros.
\q1
\v 2 Mwohn nahna kan ar wiawihda,
\q2 mwohn omwi ketin kapikada sampah,
\q2 komwi Koht poatopoat emen,
\q2 oh pahn wia Koht kohkohlahte.
\b
\q1
\v 3 Komw ketin kilelehiong aramas akan pwe re en pwurehng wiepwella;
\q2 komw ketin kapwureiraillahng nan pwehl.
\q1
\v 4 Pwe mwohn silangmwi pahr 1000 rasehng rahn teieu,
\q2 duwehte aio, me samwalahr,
\q2 rasehng ahnsou mwotomwot kis nipwong.\x - \xo 90:4 \xo*\xt 2 Pit. 3.8.\xt*\x*
\q1
\v 5 Komw kin ketin koakoaikit sang nin sampah, rasehng lapake ieu;
\q2 oh se rasehng ouraman ehu.
\q1 Se rasehng reh me wosada nimenseng,
\q2
\v 6 kekeirda oh masalpeseng,
\q2 a nin soutik e kin mengila.
\b
\q1
\v 7 Omwi engieng me kin kamwomwkitala;
\q2 se kin masepwehngkihda omwi engieng mwuledek.
\q1
\v 8 Komw kin ketin kasalehda mwohmwi dipat akan,
\q2 oh dipat rir kan wasa me pahn kak sansalohng komwi.
\b
\q1
\v 9 At mour kin mwotomwotkihla omwi engieng;
\q2 at mour kin mwadang sohrala, rasehng mwenginingin ehu.
\q1
\v 10 Sounpar 70, ihte werein at mour—
\q2 a ma se kehlail, e pahn lel 80;
\q1 ahpw pahr pwukat kin kahrehiong kiht pwunodte oh apwal;
\q2 mour kin mwadang imwisekla, oh se solahr mie.\x - \xo 90:10 \xo*\xt Sir. 18.8-9.\xt*\x*
\b
\q1
\v 11 Ihs me pehmehr ia uwen mwuledek en omwi engieng?
\q2 Ihs me kak ese kamasepwehk en omwi engieng?
\q1
\v 12 Komw ketin padahkihong kiht duwen mwotomwot en at mour,
\q2 pwe se en loalokongkihla.
\b
\q1
\v 13 Maing KAUN, ia erein omwi pahn wie engieng?
\q2 Komw ketin kupwurei kiht, sapwellimomwi ladu pwukat!
\q1
\v 14 Komw ketin kadirehkinkitala sapwellimomwi limpoak poatopoat nimenseng koaros,
\q2 pwe se en kin kokouliong komwi oh pereperen erein at mour.
\q1
\v 15 A met komw ketin kansenamwahwihkitala nin duwen omwi ketin kansensuwedihkitehr
\q2 erein ahnsou me se mihmi nan apwal ahnsou reirei.
\q1
\v 16 Komw ketin mweidohng kiht, sapwellimomwi ladu pwukat, se en kilang wiepen nin limomwi manaman akan;
\q2 oh kadaudokat kan re en iang udiahl sapwellimomwi roson lingan.
\q1
\v 17 Maing KAUN, at Koht, sapwellimomwi kupwuramwahu en ieiang kiht,
\q2 oh ketin mweidohng kiht se en pweida mwahu ni mehkoaros me se kin patohwan wia!
\c 91
\s1 Koht, Iei Silepatail
\q1
\v 1 Mehmen me kin diar eh wasahn ruk rehn KAUN-O,
\q2 mehmen me kin mihmi pahn silepen Wasa Lapalapo,
\q1
\v 2 iei ih me kak patohwanohng Koht,
\q2 “Komwi me soundoarepei oh silepei.
\q2 Komwi me ei Koht; me I kin likih.”
\q1
\v 3 E pahn ketin doareiukasang me keper rir koaros,
\q2 oh sang soangen soumwahu koaros me kin kemehla aramas.
\q1
\v 4 E pahn ketin koaduhpwalkinuhkedi lime kan;
\q2 ke sohte pahn perki mehkot pahn epwelpen nin lime;
\q2 sapwellime loalopwoat pahn sinsileiuk oh doareiukala.
\q1
\v 5 Ke sohla pahn masak mehkot me keper nipwong,
\q2 de mahwen karuaru ong uhk ni rahn,
\q1
\v 6 de soumwahu lusulus kan me kin wawaiseli nan rotorot,
\q2 de soangen suwed teikan me kin kemehla aramas nin rahn.
\b
\q1
\v 7 Aramas kid kak pwupwudi mehla limwahmw,
\q2 de aramas nen pil pahn kak kapiluhkpene,
\q2 ahpw sohte me pahn kauweiukala.
\q1
\v 8 Ke pahn pein kilangki mesomwen, oh kadehde
\q2 duwen me suwed akan ar pahn ale kalokolok.
\b
\q1
\v 9 Pwehki omw wiahkihla KAUN-O doarepomw,
\q2 oh wiahkihla Wasa Lapalahpie silepomw,
\q1
\v 10 iei me sohte me suwed kot pahn lelohng uhk,
\q2 sohte kalokolok ehu pahn kerendohng imwomw.
\q1
\v 11 Koht pahn ketin kesilehkinuhk sapwellime tohnleng kan,
\q2 pwe re en apwahpwalihiuk wasa koaros me ke pahn kohla ie.\x - \xo 91:11 \xo*\xt Mad. 4.6; Luk 4.10.\xt*\x*
\q1
\v 12 Re pahn kolkinuhkada pehrail kan,
\q2 pwe ke dehr dipekelekel nin takai kan.\x - \xo 91:12 \xo*\xt Mad. 4.6; Luk 4.11.\xt*\x*
\q1
\v 13 Ke pahn sok pohn laion oh sineik kan,
\q2 pohn laion kommwad oh sineik me pwoisin kan.\x - \xo 91:13 \xo*\xt Luk 10.19.\xt*\x*
\b
\q1
\v 14 Koht ketin mahsanih, “I pahn komourala irail kan me kin poakohng ie
\q2 oh I pahn sinsile irail kan me ese me ngehi iei KAUN-O.
\q1
\v 15 Ni ar pahn likwerih ie, I pahn sapeng irail;
\q2 ni ar pahn lelohng nan apwal, I pahn ieiang irail.
\q2 I pahn kapitirailla oh kawauwihirailla.
\q1
\v 16 I pahn katingihkin irail mour werei;
\q2 oh I pahn komourirailla.”
\c 92
\s1 Koulen Kaping \f y \fr 92:0 \fr*\fk TITLE NI MAHSEN EN IPRU: \fk*\ft Melkahka pwoat; koulen rahnen Sapad.\ft*\f*
\q1
\v 1 Maing KAUN, ia uwen mwahu en ei kin patohwan wia ei kapingkalahngan ong komwi,
\q2 ei kin koul oh patohwan kawauwih komwi, Koht Wasa Lapalahpie,
\q1
\v 2 ei kin lohkiseli nimenseng koaros sapwellimomwi limpoak poatopoat,
\q2 oh nipwong sapwellimomwi loalopwoat,
\q1
\v 3 iangahki ngilen selin nei keseng kan
\q2 oh ngilen arp.
\q1
\v 4 Maing KAUN, wiepen nin limomwi manaman akan kin kansenamwahwihiehla;
\q2 pwehki sapwellimomwi wiewia kan, I patohwan koulki ei peren.
\b
\q1
\v 5 Maing KAUN, ia uwen lapalap en wiepen nin limomwi kan!
\q2 Ia uwen loal en audepen kupwuromwien!
\q1
\v 6 Met iei mehkot me aramas pweipwei men sohte kak ese;
\q2 aramas loalopwon sohte kak wehwehki:\x - \xo 92:6 \xo*\xt Kupw. 13.1.\xt*\x*
\q1
\v 7 aramas suwed kak keirda duwehte dihpw,
\q2 irail me kin wia me suwed kak paiamwahula;
\q1 ahpw re pahn kamwomwomwala douluhl,
\q2
\v 8 pwehki komwi, Maing KAUN, me kaun lapalahpie kohkohlahte.
\b
\q1
\v 9 Se patohwan ese me sapwellimomwi imwintihti kan pahn mehla,
\q2 oh aramas suwed kan koaros pahn lohdi.
\q1
\v 10 Komw ketin kakehleiehda duwehte koupwul lawalo men;
\q2 komw ketin kupwuramwahwihkinie peren mwuledek.
\q1
\v 11 I patohwanehr en ei imwintihti kan ar lohdi
\q2 oh rongehr en me suwed akan ar weriwer.
\b
\q1
\v 12 Me pwung kan pahn pweida mwahu duwehte nih kan;
\q2 re pahn keirda duwehte sidar en Lepanon kan.
\q1
\v 13 Re rasehng tuhke kan me poadidi nan tehnpas en KAUN-O,
\q2 me kin pweida mwahu nan Tehnpas en atail Koht,
\q2
\v 14 me kin wah mwahu ni ar mahlahr
\q2 oh kin mwomwen pwulopwulte oh kehlail ahnsou koaros.
\q1
\v 15 Met kin kasalehda me KAUN-O me pwung,
\q2 oh sohte kisin sapwung kis rehn silepeio.
\c 93
\s1 Koht Nanmwarki
\q1
\v 1 KAUN-O, iei nanmwarki.
\q2 E kin ketin kapwatkihda roson oh lingan.
\q1 Sampah tengedi nan dewe
\q2 oh sohte kak mwekid.
\q1
\v 2 Maing KAUN, mwoalomwi me tengeteng sang mahs kohdo lel met,
\q2 oh komw ketiketier mwohn tepin kawa.
\b
\q1
\v 3 Maing KAUN, kepin madau kan kin ngiringirisek;
\q2 re kin ngiringirsengki ngihl laud.
\q1
\v 4 KAUN-O me ketin kaunda nanleng,
\q2 sapwellime manaman laud sang ngiringirisek en nan madau,
\q2 pil kehlailasang iloak en madau kan.
\b
\q1
\v 5 Maing KAUN, sapwellimomwi kosonned akan me poatopoat,
\q2 oh Tehnpasomwio me inenen sarawi,
\q2 met oh pil kohkohlahte.
\c 94
\s1 Koht Sounkopwung en Aramas Koaros
\q1
\v 1 Maing KAUN, komwi Koht men me kin ketin kaloke aramas;
\q2 komw ketin kasalehda sapwellimomwi engieng!
\q1
\v 2 Komwi me sounkopwung en aramas koaros;
\q2 komw ketida oh ketikihong me aklapalap akan dahme konehng irail!
\q1
\v 3 Ia erein aramas suwed kan ar pahn nsensenamwahu?
\q2 Maing KAUN, ia erein?
\q1
\v 4 Ia erein me dipan kan ar pahn akalapalap
\q2 oh akahksuweiki ar tiahk suwed kan?
\b
\q1
\v 5 Maing KAUN, re kin kauwehla sapwellimomwi aramas akan;
\q2 re kin katoutouwihala irail kan me kisehn sapwellimomwi.
\q1
\v 6 Re kin kemehla liohdi kan oh me sepwoupwou kan,
\q2 oh kin kihsang mour en mehn liki kan me kin kousoan nan at wehi.
\q1
\v 7 Re kin kahski dene, “KAUN-O sohte kin mahsanih kiht;
\q2 Koht en Israel sohte kin ketin tehk wasa.”
\b
\q1
\v 8 Kumwail nei aramas akan, ia duwe, kumwail meid loalopwon oh pweipwei?
\q2 Iahd kumwail pahn loalokongla?
\q1
\v 9 Koht me ketikihong kitail salengatail kan—e ahpw sohte kak ketin karonge wasa?
\q2 Ih me ketikihong kitail masatail kan—e ahpw sohte kak mahsanih wasa?
\q1
\v 10 Ih me kin ketin angiangih wehi kan—eri dah, e sohte pahn ketin kaloke irail?
\q2 Ih me kin wia sounpadahk en aramas koaros—eri dah, e sohte ketin kupwurokong?
\q1
\v 11 KAUN-O ketin mwahngih dahme aramas akan kin medemedewe;
\q2 e kin mwahngih duwen mwahl en audepen nan kapehdirail kan.\x - \xo 94:11 \xo*\xt 1 Kor. 3.20.\xt*\x*
\b
\q1
\v 12 Maing KAUN, ia uwen peren en aramas me komw kin ketin kaweid,
\q2 me komw kin ketin padahkihong sapwellimomwi kosonned!
\q1
\v 13 Komw kin ketin kommoalehdi sang nan eh apwal
\q2 lao pwoahr loal kin weiweida mehn lidipiedi aramas suwed.
\q1
\v 14 KAUN-O sohte pahn ketin kesehla sapwellime kan;
\q2 e sohte pahn ketin kesehla irail kan me kisehn sapwellime.
\q1
\v 15 Pwuhng pahn pwurehng dierekda nan mwoalen kopwung kan,
\q2 oh aramas pwung koaros pahn utung.
\b
\q1
\v 16 Ihs me uhda oh uhpalikin ie rehn aramas suwed kan?
\q2 Ihs me iang ie uhwong irail kan me kin wiahda me suwed?
\q1
\v 17 Ma KAUN-O sohte ketin seweseiehda,
\q2 I uhdahn mwadangdilangehr rehn me melahr akan.
\q1
\v 18 I patohwan, “I pwupwudier”;
\q2 ahpw Maing KAUN, sapwellimomwi limpoak poatopoat me koliehda.
\q1
\v 19 Ni ahnsou me I kin pwunodada oh pahtoula,
\q2 komw kin ketin kansenamwahwihiehla oh kapereniehda.
\b
\q1
\v 20 Komw sohte kin ketin kupwurki sounkopwung mwersuwed kan,
\q2 me kin kamanahla kosonned sapahrek,
\q2
\v 21 me kin wiahda koasoandi me uhwong aramas mwahu
\q2 oh kin pangalahng mehla aramas akan me sohte diparail.
\q1
\v 22 Ahpw KAUN-O kin ketin doare ie;
\q2 ei Koht kin ketin sinsile ie.
\q1
\v 23 E pahn ketin kalokehkin irail ar loallap suwed
\q2 oh ketin kamwomwirailla pwehki diparail kan;
\q2 KAUN-O atail Koht pahn ketin kamwomwirailla.
\c 95
\s1 Melkahkahn Kaping
\q1
\v 1 Kumwail patohdo, kitail kapinga KAUN-O!
\q2 Kitail ngisingiski atail peren ong Koht me kin ketin sinsilei kitail!
\q1
\v 2 Kitail patohwanlahng atail kapingkalahngan mwohn silangi
\q2 oh pereperen kokoulki koulen kaping.
\q1
\v 3 Pwe KAUN-O, iei Koht manaman emen,
\q2 nanmwarki manaman emen me kin ketiket pohnangin koht akan koaros.
\q1
\v 4 E kin ketin kakaun sampah pokon,
\q2 sang pahn kepin sampah lellahng pohn kumwen nahna kan.
\q1
\v 5 E kin ketin kaunda madau me e ketin wiahda,
\q2 iangahki sahpw koaros me pein ih ketin kapikada.
\b
\q1
\v 6 Kumwail patohdo, kitail poaridi oh pwongih Koht;
\q2 kitail kelehpwikihdi mwohn KAUN-O, me ketin wieikitailda!
\q1
\v 7 Pwe ih me atail Koht;
\q2 kitail sapwellime aramas me e kin ketin apwahpwalih,
\q2 sapwellime pelin sihpw me e kin ketin katungoale.\x - \xo 95:7 \xo*\xt Ipru 3.7-11.\xt*\x*\x - \xo 95:7 \xo*\xt Ipru 3.15; 4.7.\xt*\x*
\b
\q1 Kumwail rong dahme e mahsanih rahnwet:
\q1
\v 8 “Kumwail dehr keptakaila, duwehte amwail pahpa kahlap ako nan Meripa,
\q2 duwen irail rahno nan Massa en sapwtehno.\x - \xo 95:8 \xo*\xt Eks. 17.1-7; Nemp. 20.2-13.\xt*\x*
\q1
\v 9 Mehnda ma re kilangehr ei doadoahk manaman akan rehrail,
\q2 a re kasongosongieier wasao.
\q1
\v 10 Erein pahr pahisek I wie nsensuwed pahn aramas pwuko.
\q2 I ahpw nda, ‘Ia uwen arail soaloalopwoat!
\q2 Re kahng kapwaiada ei kosonned akan.’
\q1
\v 11 I ahpw lingeringerkihda oh inoukihda ni kehlail,
\q2 ‘Kumwail sohte mwahn pahn pedolong nan sahpwo
\q2 wasa me I men kommoaleikumwaildiong ie.’”\x - \xo 95:11 \xo*\xt Nemp. 14.20-23; Deud. 1.34-36; Ipru 4.3, 5; b Deud. 12.9-10.\xt*\x*
\c 96
\s1 Koht Nanmwarki Lapalahpie
\r (1 Kronikel 16.23-33)
\q1
\v 1 Kumwail koulkihong KAUN-O apwoat koul kapwen!
\q2 Kumwail, tohn sampah pokon, kumwail kouliong KAUN-O!
\q1
\v 2 Kumwail kouliong KAUN-O, oh kapinga mware!
\q2 Kumwail lohkiseli rongamwahun sapwellime komour rahn koaros.
\q1
\v 3 Kumwail kalohki duwen sapwellime lingan ong tohn wehi kan,
\q2 oh wiepen nin lime manaman akan en lohkohng aramas koaros.
\b
\q1
\v 4 KAUN-O me lapalap oh konehng ale kaping lapalahpie;
\q2 kitail uhdahn pahn lemmwiki laudsang koht teikan koaros.
\q1
\v 5 Koht en wehi teikan koaros, iei irail me dikedik en eni,
\q2 a KAUN-O, iei ih me ketin kapikada nanleng kan.
\q1
\v 6 Lingan oh roson kin kapilpene;
\q2 manaman oh lingan kin kadirehla Tehnpese.
\b
\q1
\v 7 Tohn sampah koaros, kumwail kapinga KAUN-O;
\q2 kumwail kapinga sapwellime lingan oh manaman.\x - \xo 96:7 \xo*\xt Mel. 29.1-2.\xt*\x*
\q1
\v 8 Kumwail kapinga lingan en mwaren KAUN-O;
\q2 kumwail patohwando amwail meirong oh patohlong nan Tehnpese Sarawio.
\q1
\v 9 Kumwail poaridi mwohn Me Sarawio, ni eh pahn ketido;
\q2 tohn sampah koaros en rerrer mwohn silangi!
\b
\q1
\v 10 Kumwail lohkihong wehi koaros: “KAUN-O, iei nanmwarki men!
\q2 Sampah kin tengediong nan dewe, oh sohte kak mwekid;
\q2 KAUN-O pahn ketin kadeingkihda aramas koaros pwung.”
\q1
\v 11 Sampah oh lahng, kumwail en perenda!
\q2 Madau kan, oh audepahr koaros, kumwail ngirisek;
\q2
\v 12 sahpw koaros, oh pil audepahr kan, kumwail en perenda!
\q1 Tuhke kan en nansapw pil pahn ngisingiski ar peren
\q2
\v 13 ni ahnsou me KAUN-O pahn ketidohn kaunda sampah.
\q1 E pahn ketin kaunda tohn sampah
\q2 ni mehlel oh pwuhng pahrek.
\c 97
\s1 Koht Kaun Lapalahpie
\q1
\v 1 KAUN-O me nanmwarki! Sampah, ke en nsenamwahu!
\q2 Perenda, kumwail deke kan en nan madau!
\q1
\v 2 Depwek oh rotorot mosul kin kapilpene ih;
\q2 e kin ketin kaunda ni pwuhng oh mehlel.
\q1
\v 3 Kisiniei kin tieng mwowe
\q2 oh kamwakamwasika sapwellime imwintihti kan me kapilpene.
\q1
\v 4 Sapwellime lioal kin kamarainihada sampah;
\q2 sampah kin kilang oh kin rerrerki.
\q1
\v 5 Dohl akan kin peipeseng rasehng kirihs mwohn silangin KAUN-O,
\q2 mwohn silangin Kaunen sampah pokon.
\q1
\v 6 Nanleng kan kin lohkiseli sapwellime pwuhng,
\q2 oh wehi koaros kin kilang sapwellime lingaling.
\b
\q1
\v 7 Irail koaros me kin pwongih dikedik en eni kan kin namenekla;
\q2 oh koht akan koaros kin poaridi mwohn KAUN-O.
\q1
\v 8 Maing KAUN, pwehki sapwellimomwi kopwung kan
\q2 tohn Saion kan kin nsenamwahula,
\q2 oh kahnimw en Suda kan kin perenda,
\q1
\v 9 Maing KAUN, Wasa Lapalap, komwi me kin kaunda sampah pokon;
\q2 komwi ketin lapalap sang koht akan koaros.
\b
\q1
\v 10 KAUN-O kin ketin loalloale irail kan me kin kailongki me suwed;
\q2 e kin ketin sinsile mour en sapwellime aramas akan;
\q2 e kin ketin kapitirailla sang pahn manaman en aramas suwed kan.
\q1
\v 11 Marain kin dakedaker pohn aramas pwung kan,
\q2 oh nsenamwahu pohn me mwahu kan.
\q1
\v 12 Kumwail koaros me pwung kan, kumwail nsenamwahula
\q2 pwehki wiepen nin limen KAUN-O!
\q1 Kumwail tamataman dahme Koht me sarawio ketin wiadahr,
\q2 oh kapingkalahngankihong.
\c 98
\s1 Koht me Kaunen Sampah \f z \fr 98:0 \fr*\fk TITLE NI MAHSEN EN IPRU: \fk*\ft Melkahka pwoat.\ft*\f*
\q1
\v 1 Kumwail koulki apwoat koul kapwen ong KAUN-O;
\q2 e ketin wiadahr soahng kapwuriamwei kei!
\q1 Sang ni pein sapwellime manaman oh roson sarawi
\q2 e ketin powehdier.
\q1
\v 2 KAUN-O ketin lohkidahr sapwellime powehdi;
\q2 e ketin kasalehiong wehi kan sapwellime manaman en komour.
\q1
\v 3 E ketin dadaurete sapwellime inou ong mehn Israel kan
\q2 ni loalopwoat oh limpoak poatopoat ong irail.
\q1 Aramas koaros wasa koaros udiahlehr manaman en powehdi en atail Koht.
\b
\q1
\v 4 Kumwail koaros tohn sampah, kumwail koulki koulen peren ong KAUN-O;
\q2 kumwail kapingahki amwail koul kan oh ngisingiski amwail peren!
\q1
\v 5 Kumwail koul kapikapinga KAUN-O!
\q2 Kumwail kesengki noumwail arp kan!
\q1
\v 6 Kumwail peuk sowi oh koronida kan,
\q2 oh ngisingiski amwail peren ong KAUN-O, atail nanmwarki.
\b
\q1
\v 7 A kumwail, sehd oh audepe kan koaros, kumwail pwungidekda;
\q2 sampah oh towe kan koaros, kumwail kokoul!
\q1
\v 8 Kumwail pillap akan, kumwail lopwolopw;
\q2 kumwail dohl akan, kumwail iang koul pereperen mwohn KAUN-O,
\q2
\v 9 pwehki e ketiket kodohng kaunda sampah.
\q1 E pahn ketin kaunda tohn sampah
\q2 ni mehlel oh pwuhng pahrek.
\c 99
\s1 Koht Nanmwarki Lapalahpie
\q1
\v 1 KAUN-O iei nanmwarki,
\q2 eri aramas akan kin rerrerki ar masak.
\q1 E ket nan mwoale pohnangin kerup kan,
\q2 sampah ahpw wie rerrerki.\x - \xo 99:1 \xo*\xt Eks. 25.22.\xt*\x*
\q1
\v 2 KAUN-O nan Saion me manaman;
\q2 e ketin lapalap sang wehi koaruhsie.
\q1
\v 3 Aramas koaros pahn kin kapinga lapalap oh lingan en mware.
\q2 Ih me sarawihe!
\b
\q1
\v 4 Maing nanmwarki lapalap, komw kin ketin poakohng dahme pwung;
\q2 komw ketin koasoanehdi mour en pwuhng nan wehin Israel;
\q2 komw ketikidohr pwuhng oh pahrek.
\q1
\v 5 Kapinga KAUN-O atail Koht
\q2 oh kaudok mwohn mwoale!
\q2 Ih me Sarawihe!
\b
\q1
\v 6 Moses oh Aaron iei sapwellime samworo,
\q2 oh Samuel iei ih emen me kin kapakapohng;
\q2 irail kin likweriong KAUN-O, e ahpw kin ketin sapeng irail.
\q1
\v 7 E ketin mahseniong irail sang nan uhren depweko;
\q2 re kapwaiadahr kosonned oh koasoandi kan me e ketikihong irail.\x - \xo 99:7 \xo*\xt Eks. 33.9.\xt*\x*
\b
\q1
\v 8 Maing KAUN, at Koht, komw ketin sapengehr sapwellimomwi aramas akan;
\q2 komw ketin kasalehiong irail me komwi Koht emen me kin kupwurmahk,
\q2 mehnda ma komw kin ketin kalokehkin irail diparail kan.
\q1
\v 9 Kapinga KAUN-O atail Koht
\q2 oh kaudok pohn sapwellime dohl sarawio! \f a \fr 99:9 \fr*\fk DOHL SARAWI: \fk*\ft Tehk 2.6.\ft*\f*
\q1 KAUN-O atail Koht me sarawihe.
\c 100
\s1 Melkahkahn Kaping \f b \fr 100:0 \fr*\fk TITLE NI MAHSEN EN IPRU: \fk*\ft Melkahkahn kapingkalahngan.\ft*\f*
\q1
\v 1 Tohn sampah koaros, kumwail kokouliong KAUN-O!
\q1
\v 2 Kumwail pereperen kaudokiong KAUN-O
\q2 oh patohdo mwohn silangi ngisingiski amwail koul!
\b
\q1
\v 3 Dehr manokehla me KAUN-O, iei ih Koht.
\q2 Ih me ketin wieikitailda, oh ih me kin sapwellimanikin kitail;
\q2 kitail me sapwellime aramas, kitail me sapwellime pelin sihpw.
\b
\q1
\v 4 Kumwail pedokihlong nan kelen Tehnpaso amwail koulen kaping;
\q2 kumwail patohlong nan sapwellime mwoahl sarawi ni kapingkalahngan.
\q2 Kumwail patohwanohng amwail kapingkalahngan oh kapikapinga.
\b
\q1
\v 5 KAUN-O me kalahngan;
\q2 sapwellime limpoak kin poatopoatete
\q2 oh e kin ketin dadaurete sapwellime loalopwoat kohkohlahte. \x - \xo 100:5 \xo*\xt 1 Kron. 16.34; 2 Kron. 5.13; 7.3; Esra 3.11; Mel. 106.1; 107.1; 118.1; 136.1; Ser. 33.11.\xt*\x*Psalm 101.1-8
\c 101
\s1 Sapwellimen Nanmwarki Inou \f c \fr 101:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 I pahn patohwan koulki duwen kupwur loalopwoat oh pwung,
\q2 Maing KAUN, I pahn patohwan koulkihong komwi.
\q1
\v 2 I pahn idawehn mour mwakelekel.
\q2 Iahd me komwi pahn ketido rehi?
\b
\q1 I pahn weweid nan mour mwakelekel nan imwei
\q2
\v 3 oh sohte mweidohng me suwed en kin wiawi.
\q1 I kin kailongki wiewiahn irail kan me kin sohpeisang Koht;
\q2 I sohte pahn iang irail.
\q1
\v 4 I sohte pahn duwehte aramas likamw akan
\q2 oh I sohte pahn patehng aramas suwed kan.
\q1
\v 5 I pahn kin katokehdi mehmen
\q2 me kin mwengmwengininginki suwed en meteikan;
\q1 I sohte pahn iang aramas emen
\q2 me aklapalap oh pohnmwahso.
\b
\q1
\v 6 I pahn kin pwungki irail kan me kin loalopwoatohng Koht
\q2 oh mweidohng re en kin iang ie mihmi ni imweio.
\q1 Irail kan me uhdahn mehlel
\q2 iei irail me pahn mweimweiong en kin papah ie.
\b
\q1
\v 7 Sohte aramas likamw pahn kin iang mihmi nan imweio;
\q2 sohte aramas liksansalamwahu men pahn kak uh mwohi.
\q1
\v 8 Rahn koaros I pahn kin kamwomwala
\q2 aramas suwed kan en nan sapwatailet;
\q1 I pahn kalipehla aramas suwed koaros
\q2 sang nan kahnimw en KAUN-O.
\c 102
\s1 Kapakap en Aramas Pwulopwul men nan eh Apwal \f d \fr 102:0 \fr*\fk TITLE NI MAHSEN EN IPRU: \fk*\ft Kapakap en aramas emen me tihwolahr nan eh lokolok oh kamwusohng KAUN-O eh kaulim kan koaros.\ft*\f*
\q1
\v 1 Maing KAUN, komw ketin karonge ei kapakap,
\q2 oh ketin karonge ei likwer en pek sawas!
\q1
\v 2 Ni ei mi nan apwal,
\q2 komw dehr ketin sohpeisang ie!
\q1 Komw ketin karonge ie,
\q2 oh ketin sapeng ei likwer ni ahnsou mwadang!
\b
\q1
\v 3 Ei mour sosohralahr rasehng ediniei;
\q2 paliwereiet mwasimwasik rasehng kisiniei.
\q1
\v 4 I mengidier duwelahr dihpw me mengilahr;
\q2 solahr ei ineng en tungoale mehkot.
\q1
\v 5 I patohwan weiweirek laud;
\q2 solahr mehkot ni paliwereiet ihte kiliette oh tih kat.
\q1
\v 6 I rasehngehr menpihr lawalo men nan sapwtehn,
\q2 rasehng likoht emen nan mohn ihmw kan.
\q1
\v 7 I kin wonohn wie pepehd;
\q2 I duwelahr menpihr men me kalakalapwuk pohn pwelengen ihmw.
\q1
\v 8 Ei imwintihti kan kin kepwkepweikengih ie sang nimenseng lel nipwong;
\q2 irail kan me kin lahlahwe ie kin keriahla aramas ni edei.
\b
\q1
\v 9-10 Pwehki omwi engieng mwuledek,
\q2 pehs me wialahr ei tungoal kisin mwenge,
\q2 oh pilenmesei kat doaloalahr nimei pihl.
\q1 Komw ketin pwekiedahr oh ketin keseielahr.
\q1
\v 11 Ei mour rasehngehr mwete en soutik;
\q2 I duwelahr dihpw me mengidier.
\q1
\v 12 Ahpw komwi, Maing KAUN, komwi me nanmwarki kohkohlahte;
\q2 dih koaros pahn kin tamataman komwi.
\q1
\v 13 Komw pahn ketida oh ketin poakehla Saion;
\q2 e lelehr ahnsowo me komw pahn ketin kupwurehla;
\q2 eri ih ahnsou mwahwo met.
\q1
\v 14 Sapwellimomwi ladu kan kin poakohng Saion,
\q2 mehnda ma e kamwomwomwlahr;
\q1 re uhdahn poakehla,
\q2 mehnda ma e rengkpesengehr.
\b
\q1
\v 15 Wehi kan pahn masak KAUN-O;
\q2 nanmwarki koaros en sampah pahn masak sapwellime manaman.
\q1
\v 16 Ni ahnsou me KAUN-O pahn ketin onehda sapahl Saion,
\q2 e pahn ketin kasalehda sapwellime roson lapalap.
\q1
\v 17 E pahn ketin karonge sapwellime aramas me lekdeklahr akan
\q2 oh karonge ar kapakap.
\b
\q1
\v 18 Ntingihediong dih kan me pahn kohdo mwuhr dahme Koht ketin wiadahr,
\q2 pwe aramas akan me saikinte ipwidi re en kapinga.
\q1
\v 19 KAUN-O ketin mahsendihdo sang nan mwoale sarawi wasa ile,
\q2 e ketin mahsendidohng sampah sang nanleng.
\q1
\v 20 E ahpw ketin karongehda weirek en me sensel kan
\q2 oh ketin kasaledekala me koasoandier en kamakamala kan.
\q1
\v 21 Eri, mware pahn uhdahn lohkseli nan Saion,
\q2 oh kapingpe pahn wiawi nan Serusalem
\q1
\v 22 ni ahnsou me wehi kan oh nanmwarki kan pahn pokonpene
\q2 oh wia kaudok ong KAUN-O.
\b
\q1
\v 23 KAUN-O ketin kaluweteiehla ni ahnsou me I wie pwulopwulte;
\q2 e ketin kamwotehla ei mour.
\q1
\v 24 Maing ei Koht, komw dehr ketikihsang ei mour met
\q2 mwohn ei pahn likeilapala.
\b
\q1 Maing KAUN, komwi kin ketin ieias kohkohlahte.
\q2
\v 25 Komw ketin kapikada sampah mahsie,
\q2 oh pein nin limomwi kan me ketin wiahda nanleng.\x - \xo 102:25 \xo*\xt Ipru 1.10-12.\xt*\x*
\q1
\v 26 Soahng pwukat pahn sohrala, a komwi pahn duweduwehte;
\q2 re pahn meringla duwehte likou.
\q1 Komw pahn ketin keseirailla rasehng likou,
\q2 oh re pahn sohrala.
\q1
\v 27 Ahpw komwi pahn ketin duweduwehte,
\q2 oh sapwellimomwi ieias sohte pahn imwisekla.
\q1
\v 28 At tungoal seri kan pahn mour meleilei
\q2 oh kadaudokarail kan pahn mour tengeteng,
\q2 pahn epwelpen nin limomwi kan.
\c 103
\s1 Sapwellimen Koht Limpoak \f e \fr 103:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Ngeni, kapinga KAUN-O!
\q2 Ngeniet oh pil paliwereiet, kapinga mware sarawi!
\q1
\v 2 Ngeni, kapinga KAUN-O,
\q2 oh dehr manokehla sapwellime kalahngan lapalap.
\q1
\v 3 E kin ketin mahkikihong ie dipei kan koaros,
\q2 oh kin ketin kamwahwihala ei soumwahu kan koaros.
\q1
\v 4 E kin ketin doareiesang nan sousou
\q2 oh kin ketin kupwuramwahwihkin ie limpoak oh kalahngan.
\q1
\v 5 E kin ketin kadirehkiniehla paiamwahu tohto,
\q2 pwe I en kin wie pwulopwulte oh kekehlail duwehte ikel men.
\b
\q1
\v 6 KAUN-O, ie sounkopwung men me kin sewese irail kan me toutoulahr,
\q2 oh ketikihongirail arail pwuhng.
\q1
\v 7 E ketin kasalehiong Moses sapwellime koasoandi kan
\q2 oh mweidohng mehn Israel ko re en kilang manaman en nin lime ko.
\q1
\v 8 KAUN-O me kalahngan oh limpoak,
\q2 me kupwur kanengamah oh diren limpoak poatopoat.\x - \xo 103:8 \xo*\xt Seims 5.11.\xt*\x*
\q1
\v 9 E sohte kin kapwung aramas ahnsou koaros;
\q2 e sohte kin engieng kohkohlahte.
\q1
\v 10 E sohte kin ketin kalokei kitail nin duwen me konehng kitail;
\q2 e sohte kin dupukohng kitail duwen dipatail kan oh atail sapwung kan.
\q1
\v 11 A duwen ileilehn lahng sang sampah,
\q2 ih duwen sapwellime limpoak lapalap ong me kin wauneki.
\q1
\v 12 Duwen mesenleng oh kepinleng ara dohpeseng,
\q2 ih duwen eh kin ketin kadohwaneweisang kitail dipatail kan.
\q1
\v 13 Duwen sahm emen eh kin kadekohng nah seri kan,
\q2 ih duwen KAUN-O eh kin ketin kupwurkalahngan ong irail kan me kin wauneki.
\q1
\v 14 Pwe e mwahngih dahme kitail wiawihkihda;
\q2 e pil ketin tamataman me kitail uhdahn pwehl.
\b
\q1
\v 15 Atail mour kin rasehng reh kan.
\q1 Kitail kin kekeirda oh masalpeseng duwehte wahn rohs en nanwel
\q2
\v 16 me kisinieng kin ipirete, a e sohla mie—
\q2 oh sohte me kak pwurehng kilang.
\q1
\v 17 A limpoak en KAUN-O ong irail me kin wauneki kin duweduwehte kohkohlahte,
\q2 oh sapwellime kupwuramwahu kin poatopoatete erein dih koaros
\q1
\v 18 rehn irail kan me kin dadaurete sapwellime inou
\q2 oh kin kapwaiada mehlel sapwellime kosonned akan.
\b
\q1
\v 19 KAUN-O ketin koasoanehdi mwoale nanleng;
\q2 ih me nanmwarkien mehkoaros.
\q1
\v 20 Kumwail kapinga KAUN-O, kumwail tohnleng kehlail oh manaman akan,
\q2 me kin peikiong sapwellime kosonned akan,
\q2 oh kin rongorong sapwellime mahsen kan!
\q1
\v 21 Kumwail kapinga KAUN-O, kumwail manaman koaros en nanleng,
\q2 kumwail lidu kan me kin kapwaiada audepen nan kupwure!
\q1
\v 22 Kumwail wiepen nin lime kan koaros, kumwail kapinga KAUN-O
\q2 wasa koaros me e kin ketin kakaun!
\q1 Ngeni, kapinga KAUN-O!
\c 104
\s1 Kaping ong Sounwiepen Mehkoaros
\q1
\v 1 Ngeni, kapinga KAUN-O!
\q2 Maing KAUN, ei Koht, ia uwen omwi lapalap!
\q1 Komw kin ketin kapwatkihda roson oh lingan;
\q2
\v 2 marain kin dakedaker komwi.
\q1 Komw ketin pahkpeseng nanleng duwehte impwal ehu,
\q2
\v 3 oh ketin kauwada tehnpasomwi powe pohn pihl kan. \f f \fr 104:3 \fr*\fk POHN PIHL KAN: \fk*\ft Pihl kan me mi pohnangin depwek (tehk Sen 1.6-7.)\ft*\f*
\q1 Tehnwaromwi, iei depwek kan,
\q2 oh komw kin ketiketseli pohn kisinieng.
\q1
\v 4 Komw kin ketin wiahki kisinieng sapwellimomwi meninkeder,
\q2 oh lioal sapwellimomwi ladu.\x - \xo 104:4 \xo*\xt Ipru 1.7.\xt*\x*
\b
\q1
\v 5 Komw ketin koasoanehdi teng sampah pohn poahsoane,
\q2 oh e sohte mwahn pahn mwekid kohkohlahte.
\q1
\v 6 Komw ketin koaduhpwalkidier sampah pilen madau, duwehte likou puhp ehu,
\q2 pihl akan koaduhpwaldier kumwen nahna kan.
\q1
\v 7 Ni omwi kin angiangih pihl akan, re kin pwilpeseng,
\q2 re pil kin pwilpeseng, ni ar kin rong ngilen omwi ruwes.
\q1
\v 8 Re pwilisang pohn nahna kan ong nan wahu kan,
\q2 ong nan wasa kan me komw ketin kilelehdiong irail.
\q1
\v 9 Komw ahpw ketikihong irail irair ehu, me re sohte pahn daulih,
\q2 pwe re en dehr pwurehng koaduhpwalehdi sampah.
\b
\q1
\v 10 Komw kin ketin kakusada utuhnpihl en nan wahu kan,
\q2 oh pillap akan kin tangatang nanpwungen dohl akan.
\q1
\v 11 Pihl pwukat me kin kanimpile mahn lawalo kan,
\q2 oh ahs lawalo kan kin niminim.
\q1
\v 12 Menpihr kan kin wiahda pasarail
\q2 nan tuhke kan me karanih wasao, oh kin kokoul ie.
\b
\q1
\v 13 Komw kin ketin kamwerehdi keteu pohn nahna kan sang nanleng,
\q2 oh kin ketin kadirehkihla sampah sapwellimomwi kapai kan.
\q1
\v 14 Komw kin ketin kawosadahng kou dihpw,
\q2 oh ong aramas wahntuhke oh werentuhke,
\q1 pwe aramas en kin kakairada wahnsahpw,
\q2
\v 15 oh kapwarehda wain mehn kaparanda nan kapehde,
\q2 lehn olip mehn kansenamwahwihada,
\q2 oh pilawa mehn kakehlahda paliwere.
\b
\q1
\v 16 Sidar en Lepanon kan kin ale kelemwir mwahu—
\q2 sapwellimen KAUN-O tuhke, me pein ih ketin padokedi,
\q1
\v 17 Menpihr kan kin wiahda pasarail nan rah kan,
\q2 oh kowelik kan kin kousoanla pohn kadoke.
\q1
\v 18 Kuht lawalo kan kin kousoan pohn nahna ile kan,
\q2 oh rak padser kan kin wiahki dewehr nan peden paip akan.
\b
\q1
\v 19 Komw ketin wiahda maram pwe en kilelehdi sounpwong kan;
\q2 ketipin ahpw kin ese ahnsoun eh pahn kin kihrla.
\q1
\v 20 Komw ketin wiahda pwohng, oh ni ahnsou en rotorot
\q2 mahn lawalo kan koaros kin pwarada.
\q1
\v 21 Laion pwulopwul kan kin weriwerseli ni ahnsou me re kin sasaikseli kanarail kisin mwenge,
\q2 raparapahki kanarail kisin mwenge me Koht ketin kaunopadahng irail.
\q1
\v 22 Ketipin lao kin dakada, re kin pwurala
\q2 oh wendi nan dewehr akan.
\q1
\v 23 Aramas ahpw kin kohieiong nan sapwarail kan pwe re en doadoahk,
\q2 oh wia sapwasapw lel nin soutik.
\b
\q1
\v 24 Maing KAUN, ia uwen tohtohn wiepen nin limomwi kan!
\q2 Ia uwen omwi kupwurokong ni omwi ketin wieirailda!
\q2 Sampah inenen direkihla wiepen nin limomwi kan.
\q1
\v 25 Pwe sapwellimomwi madau kan me inenen tehlap oh reirei,
\q2 wasa soangen mahn oh mwahmw koaros kin kousoan ie,
\q2 mwahmw laud oh pil mwahmw tikitik.
\q1
\v 26 Sohp kan kin seiseiloak pohn madau, wasa me Lepaiadan kin mwadomwadong ie,
\q2 mahn kamasepwehko me komwi ketin wiahda.\x - \xo 104:26 \xo*\xt Sohp 41.1; Mel. 74.14; Ais. 27.1.\xt*\x*
\b
\q1
\v 27 Koaruhsie kin koapworopworki komwi,
\q2 re kin koapworopworki me komw pahn ketin katungoale irail ni ahnsou me re kin anahne.
\q1
\v 28 Komw kin ketikihong irail, oh re kin tungoale,
\q2 komw kin ketin kammedkinirailla arail tungoal kisin mwenge kan.
\q1
\v 29 Ni omwi kin ketin sohpeisang irail, re kin masepwehkada;
\q2 ni omwi kin ketin katokihedi angin silangmwi rehrail, re kin mehla,
\q2 oh pwurehng wiepwella.
\q1
\v 30 A ni omwi kin ketikihong irail angin silangmwi, re kin mourda;
\q2 komwi me kin ketikihong sampah mour kapw.
\b
\q1
\v 31 Lingan en KAUN-O en poatopoatete kohkohlahte!
\q2 En kin kupwurperenki wiepen nin lime kan!
\q1
\v 32 Ni eh kin ketin mahsanihki sampah silangi, sampah kin rerada;
\q2 oh ni eh kin ketin sair nahna kan, re kin ediedida.
\b
\q1
\v 33 I pahn kokouliong KAUN-O erein ei mour;
\q2 I pahn kin koul kapikapinga ei Koht erein ei mour.
\q1
\v 34 En ketin kupwurperenki ei koulet,
\q2 pwe e kin ketin kakansenamwahwih ie.
\q1
\v 35 Me dipan akan en sohrasang sampah;
\q2 me suwed kan en sohla mie.
\b
\q1 Ngeni, kapinga KAUN-O!
\q1 Kapinga KAUN-O!
\c 105
\s1 Koht oh Sapwellime Aramas akan
\r (1 Kronikel 16.8-22)
\q1
\v 1 Kumwail patohwan kapingkalahngan ong KAUN-O;
\q2 kumwail kalohkiseli sapwellime roson lapalap,
\q2 oh kehsehki wehi kan wiepen nin lime kan.
\q1
\v 2 Kumwail koul kapikapinga KAUN-O;
\q2 kumwail lohkiseli soahng kapwuriamwei koaros me e ketin wiadahr.
\q1
\v 3 Kumwail nsenamwahuki eh ketin sapwellimanikin kitail;
\q2 koaruhsie me kin kaudokiong en perenda.
\q1
\v 4 Kumwail patohdo rapahki sawasepamwail rehn KAUN-O;
\q2 oh kaudokiong ahnsou koaros.
\q1
\v 5-6 Kumwail kadaudok en Eipraam, sapwellimen KAUN-O ladu,
\q2 kumwail kadaudok en Seikop, aramaso me e ketin pilada;
\q1 kumwail tamanda manaman kapwuriamwei kan me Koht ketin wiahda
\q2 oh kopwung kan me e ketin wiadahr.
\q1
\v 7 Iei ih, KAUN-O, me atail Koht;
\q2 sapwellime mahsen kan pahn kowohng sampah koaros.
\q1
\v 8 E pahn kin ketin dadaur sapwellime inou kohkohlahte,
\q2 inou kan me e ketin wiadahr erein dih koaros,
\q1
\v 9 inou me e ketin wiahiong Eipraam
\q2 oh inou me e ketin wiahiong Aisek.\x - \xo 105:9 \xo*\xt Sen. 12.7; 17.8; b Sen. 26.3.\xt*\x*
\q1
\v 10 KAUN-O ketin wiahiong Seikop inou ehu,
\q2 inou ehu me pahn poatopoat kohkohlahte.\x - \xo 105:10 \xo*\xt Sen. 28.13.\xt*\x*
\q1
\v 11 E ketin mahsanih, “I pahn kihong uhk wehin Kenan;
\q2 e pahn wiahla uhdahn omw sohso.”
\b
\q1
\v 12 Sapwellimen Koht aramas akan me malaulau,
\q2 re wia aramas en liki kei nan Kenan.
\q1
\v 13 Re ahpw kakahnseli sang nan ehu sahpw kolahng nan ehu,
\q2 sang nan ehu wehi kolahng nan ehu.
\q1
\v 14 Ahpw KAUN-O sohte ketin mweidohng emen en wiakauwe irail;
\q2 oh e ketin kaloke nanmwarki kan pwehki irail.\x - \xo 105:14 \xo*\xt Sen. 20.3-7.\xt*\x*
\q1
\v 15 E ketin mahsanih, “Kumwail dehr sair ei ladu pilipil pwukat;
\q2 kumwail dehr wia mehkot suwed ong nei soukohp akan.”
\b
\q1
\v 16 KAUN-O ketin kadarodohng pohn sapwarail lehk lapalap
\q2 oh ketikihsang irail arail tungoal akan koaros.\x - \xo 105:16 \xo*\xt Sen. 41.53-57.\xt*\x*
\q1
\v 17 Ahpw e ketin kadarala mwohrail Sosep,
\q2 me netla nin duwen ladu men.\x - \xo 105:17 \xo*\xt Sen. 37.28; 45.5.\xt*\x*
\q1
\v 18 Neh kan eri lipwalipwkihla sahl kehlail kei, me pirapiriong,
\q2 oh selmete pwoat pirapiriong nin tepinwere,\x - \xo 105:18 \xo*\xt Sen. 39.20—40.23.\xt*\x*
\q2
\v 19 e lao pwme e kohpadahro.
\q1 Mahsen en KAUN-O eri dehdehda pwe ih me pwung.
\q1
\v 20 Nanmwarkien Isip eri ketikihsang Sosep nan imweteng;
\q2 kaunen wehi kan eri kasaledekala.\x - \xo 105:20 \xo*\xt Sen. 41.14.\xt*\x*
\q1
\v 21 E ahpw ketin kasapwiladahng Sosep sounkohwa lapalap en tehnpese
\q2 oh kaunen sapwellime wehi pokon,\x - \xo 105:21 \xo*\xt Sen. 41.39-41.\xt*\x*
\q1
\v 22 me ahneki manaman koaros pohn sapwellimen nanmwarki soumas akan
\q2 oh pwungen kaweid ong sapwellime sounkaweid kan.
\b
\q1
\v 23 Seikop eri soulahng Isip
\q2 oh kousoanla nan sahpwo.\x - \xo 105:23 \xo*\xt Sen. 46.6; b Sen. 47.11.\xt*\x*
\q1
\v 24 KAUN-O ahpw ketin kangederehla sapwellime aramas akan
\q2 oh ketin koasoanehdi pwe re en kehlail sang ar imwintihti kan.\x - \xo 105:24 \xo*\xt Eks. 1.7-14.\xt*\x*
\q1
\v 25 E ahpw ketin wekidala kapehd en mehn Isip ko pwe re en kailongkihla sapwellime aramas akan
\q2 oh kin widiwidinge sapwellime ladu kan.
\b
\q1
\v 26 KAUN-O eri ketin poaronehla sapwellime ladu Moses,
\q2 oh Aaron, me e ketin pilada.\x - \xo 105:26 \xo*\xt Eks. 3.1—4.17.\xt*\x*
\q1
\v 27 Ira eri wiahda sapwellimen Koht wiewia lapalap ekei
\q2 oh manaman kapwuriamwei kei nan Isip.
\q1
\v 28 KAUN-O ketin kadaridiong rotorot mosul pohn sahpwo,
\q2 ahpw mehn Isip ko sohte peikiong sapwellime mahsen kan.\x - \xo 105:28 \xo*\xt Eks. 10.21-23.\xt*\x*
\q1
\v 29 E ketin kawekiong ni nta pilen ar pillap akan
\q2 oh kemehla mwahmw en nan pillap ako koaros.\x - \xo 105:29 \xo*\xt Eks. 7.17-21.\xt*\x*
\q1
\v 30 Sapwarailo inenen direkihla kairu kan;
\q2 pil iangahki tehnpas en nanmwarkio.\x - \xo 105:30 \xo*\xt Eks. 8.1-6.\xt*\x*
\q1
\v 31 Koht ketin mahsente, a mwutumwut en loahng oh amwise
\q2 pa audehla sahpwo pwon.\x - \xo 105:31 \xo*\xt Eks. 8.20-24; b Eks. 8.16-17.\xt*\x*
\q1
\v 32 E ketin kadaridiong pohn sahpwo keteu aihs takai oh lioal,
\q2 wiliandi keteu;\x - \xo 105:32 \xo*\xt Eks. 9.22-25.\xt*\x*
\q1
\v 33 e ketin kamwomwala arail wahn wain oh tuhke pik kan
\q2 oh ketin karaukehdi tuhke koaros.
\q1
\v 34 E ketin mahsente, a loukust kan pa pipihrpene,
\q2 uwen tohto ieu me sohte kak wadawad;\x - \xo 105:34 \xo*\xt Eks. 10.12-15.\xt*\x*
\q1
\v 35 re ahpw kangala dihpw koaros en sahpwo;
\q2 oh wahntuhke koaros.
\q1
\v 36 E ketin kemehla mesenih koaros en sahpwo
\q2 mesenihen peneinei koaros en Isip.\x - \xo 105:36 \xo*\xt Eks. 12.29.\xt*\x*
\b
\q1
\v 37 KAUN-O eri ketin kahluwaiei mehn Israel ko sang Isip;
\q2 re wisik silper oh kohl,\x - \xo 105:37 \xo*\xt Eks. 12.33-36.\xt*\x*
\q2 irail koaros kehlail, sohte me soumwahu.
\q1
\v 38 Mehn Isip ko perenkihda ar mweselda,
\q2 pwehki ar kin masak irail.
\q1
\v 39 E ketin kipehkipeseng pelien depwek pali pohn sapwellime aramas ako
\q2 oh ketikihong irail kisiniei pwe en kamarainih irail nipwong. \x - \xo 105:39 \xo*\xt Eks. 13.21-22.\xt*\x*
\q1
\v 40 Re peki, a e ketin kadarodohng irail kulu \f g \fr 105:40 \fr*\fk KULU: \fk*\ft Tehk mahlen nan Eks. 16.13.\ft*\f* kei,
\q2 oh ketin kammedkinirailla kisin saken nanleng.\x - \xo 105:40 \xo*\xt Eks. 16.2-15.\xt*\x*
\q1
\v 41 E ketin ritingada paipalalapo, a pihl pa kusieisang,
\q2 oh pwilipwillahng nan sapwtehn duwehte pillap pwoat.\x - \xo 105:41 \xo*\xt Eks. 17.1-7; Nemp. 20.2-13.\xt*\x*
\q1
\v 42 E ketin kupwukupwurehte sapwellime inou sarawi
\q2 ong Eipraam, sapwellime ladu.
\b
\q1
\v 43 Eri, e ketin kahluwaiei sapwellime aramas pilipil kan,
\q2 me kokoul oh ngisingiski ar peren.
\q1
\v 44 E ahpw ketikihong irail sapwen mehn liki kan,
\q2 oh ketin mweidohng pwe re en sapwenikihla,\x - \xo 105:44 \xo*\xt Sos. 11.16-23.\xt*\x*
\q1
\v 45 pwe re en kin peikiong sapwellime kosonned akan
\q2 oh kapwaiada sapwelime mahsen kan.
\b
\q1 Kapinga KAUN-O!
\c 106
\s1 Sapwellimen KAUN-O Kupwur Mwahu ong Sapwellime Aramas akan
\q1
\v 1 Kapinga KAUN-O!
\b
\q1 Kumwail kapingkalahngan ong KAUN-O, pwehki eh kupwur mwahu;
\q2 sapwellime limpoak me poatopoat.\x - \xo 106:1 \xo*\xt 1 Kron. 16.34; 2 Kron. 5.13; 7.3; Esra 3.11; Mel. 100.5; 107.1; 118.1; 136.1; Ser. 33.11.\xt*\x*
\q1
\v 2 Ihs me kak wehkada soahng kapwuriamwei kan koaros me e ketin wiadahr?
\q2 Ihs me kak kapinga nin duwen me konehng?
\q1
\v 3 Meid pai irail kan me kin peikiong sapwellime kosonned akan,
\q2 me kin kapwaiada dahme pwung ahnsou koaros.
\b
\q1
\v 4 Maing KAUN, komw ketin taman ie ni ahnsou me komw kin ketin sewese sapwellimomwi aramas akan;
\q2 komw ketin iangahkin ie ni omwi pahn komourirailla.
\q1
\v 5 Komw ketin mweidohng ie I en udiahl paiamwahu en sapwellimomwi aramas akan
\q2 oh iang ahneki peren en sapwellimomwi wehi,
\q2 ni kalingan kansenamwahu en irail ko me komw sapwellimaniki.
\b
\q1
\v 6 Se dipadahr duwehte at pahpa kalap ako;
\q2 se suwedlahr oh sapwungalahr mehlel.
\q1
\v 7 At pahpa kahlap ako nan Isip sohte wehwehki wiepen nin limen Koht kapwuriamwei kan;
\q2 re manokehla uwen tohtohn pak me e ketin kasalehiong irail sapwellime limpoak,
\q2 re ahpw kahngohdiong Wasa Lapalap ni Sehd Weitahtao.\x - \xo 106:7 \xo*\xt Eks. 14.10-12.\xt*\x*
\q1
\v 8 E ahpw ketin kapitirailla nin duwen me e ketin inoukihong irail,
\q2 pwehn kasalehiong irail sapwellime roson lapalap.
\q1
\v 9 E ketin ruwese Sehd Weitahtao,
\q2 a ni ahnsowohte e ngalangalada;
\q2 e ahpw ketin kahre sapwellime aramas akan pohn ngalangalo.\x - \xo 106:9 \xo*\xt Eks. 14.21-31.\xt*\x*
\q1
\v 10 E ketin doareirailla sang me kin kailongkin irail;
\q2 e ketin kapitirailla sang ar imwintihti kan.
\q1
\v 11 Ahpw pihlo kaduhla ar imwintihti kan;
\q2 sohte emen rehrail pitla.
\q1
\v 12 Iei me sapwellime aramas akan kamehlelekihla sapwellime inou kan
\q2 oh koulki koulen kaping ong ih.\x - \xo 106:12 \xo*\xt Eks. 15.1-21.\xt*\x*
\b
\q1
\v 13 Re ahpw mwadangete manokehla dahme e ketin wiadahro
\q2 oh re sohte awih re en rong sapwellime kaweid.
\q1
\v 14 Re dipada nan ar ngoangkihte ahneki dipwisou nan sapwtehno
\q2 oh re ahpw kasongosong Koht;\x - \xo 106:14 \xo*\xt Nemp. 11.4-34.\xt*\x*
\q1
\v 15 ih eri ketikihong irail dahme re patohwan peki,
\q2 e ahpw pil ketin kadarodohng irail soumwahu suwed ehu.
\b
\q1
\v 16 Nan sapwtehno re peirinkihda Moses
\q2 oh Aaron, sapwellimen KAUN-O ladu sarawio.\x - \xo 106:16 \xo*\xt Nemp. 16.1-35.\xt*\x*
\q1
\v 17 Iei me sampah sarahkipeseng oh kedellahla Dadan;
\q2 Apiram oh a peneinei ahpw pil serpweldi;
\q1
\v 18 kisiniei mwerediong pohn ienge ko
\q2 oh kamwasikahla aramas suwed pwuko.
\b
\q1
\v 19 Re wiahkihda kohl koupwul men ni nahna Sainai
\q2 oh kaudokiong dikedik en enio;\x - \xo 106:19 \xo*\xt Eks. 32.1-14.\xt*\x*
\q1
\v 20 re kawilianki lingan en Koht
\q2 mwomwen mahn emen me kin kang dihpw.
\q1
\v 21 Re manokehla Koht me ketin kepitkinirailla
\q2 manaman lapalap akan en nin lime nan Isip.
\q1
\v 22 Ia uwen kapwuriamwei en soahng kan me e ketin wiahda wasao!
\q2 Ia uwen kapwuriamwei en soahng kan nan Sehd Weitahtao!
\q1
\v 23 Ni ahnsou me Koht mahsanih me e pahn ketin kamwomwala sapwellime aramas ako,
\q2 sapwellime ladu pilipildahro, Moses, patohwanda eh tungoal tomw reh,
\q2 pwe sapwellimen Koht engieng en dehr kauweirailla.
\b
\q1
\v 24 Re ahpw soikala sahpw kaselelo,
\q2 pwehki ar sohte kamehlele inou en Koht.\x - \xo 106:24 \xo*\xt Nemp. 14.1-35.\xt*\x*
\q1
\v 25 Re ahpw mihmihte nan imwarail impwal kan oh lipilipahned
\q2 oh sohte men rong KAUN-O.
\q1
\v 26 Ih eri ketin kahukihla
\q2 me e pahn ketin kemeirailla nan sapwtehno
\q2
\v 27 oh ketin kamwarakpeseng kadaudokarail ko nanpwungen me rotorot akan,
\q2 oh mweidohng re en mehla nan wehin liki kan.\x - \xo 106:27 \xo*\xt Lip. 26.33.\xt*\x*
\b
\q1
\v 28 Eri nan Peor, sapwellimen Koht aramas ako ahpw iang kaudokiong Paal
\q2 oh iang tungoalehda mehn meirong ko me meirongalahr ong koht akan me sohte mour.\x - \xo 106:28 \xo*\xt Nemp. 25.1-13.\xt*\x*
\q1
\v 29 Soangen tiahk pwukat ahpw kahngiangihada KAUN-O,
\q2 iei me soumwahu suwed ehu pwarada nanpwungarail.
\q1
\v 30 Pineas eri uhdahte oh kaloke me dipada ko,
\q2 soumwahu suwedo ahpw tokedi.
\q1
\v 31 Sang rahno kohla katamenpen ire wet ahpw kin wiewiawi,
\q2 oh pahn kin wiawi kohkohlahte.
\b
\q1
\v 32 Ni pwarer en Meripa aramas ako ahpw kahngiangihada KAUN-O,
\q2 Moses eri pwukoahkihdi arail kahpwal ko.\x - \xo 106:32 \xo*\xt Nemp. 20.2-13.\xt*\x*
\q1
\v 33 Re inenen kansensuwedihada kowahlap
\q2 me kahrehiong eh koasoakoasoi oh sohte uhdi oh medewe dahme eh koasoia.
\b
\q1
\v 34 Re sohte kemehla me rotorot akan,
\q2 duwen me KAUN-O ketin koasoanediong irail,\x - \xo 106:34 \xo*\xt S.K. 2.1-3; 3.5-6.\xt*\x*
\q1
\v 35 ahpw re kin pwoudikinirailda
\q2 oh iang wia ar tiahk rotorot kan.
\q1
\v 36 Sapwellimen Koht aramas ako kin kaudokiong dikedik en eni kan,
\q2 oh met kahrehda ar mwomwla.
\q1
\v 37 Re kin mweidala pein nair pwutak oh serepein kan
\q2 pwehn wia mehn meirong ong dikedik en eni kan en Kenan.\x - \xo 106:37 \xo*\xt 2 Nan. 17.17.\xt*\x*
\q1
\v 38 Re kin kemehla seri me sohte dipe ko,
\q2 pwelen sahpwo ahpw kin saminkihla kamakamala pwukat.\x - \xo 106:38 \xo*\xt Nemp. 35.33.\xt*\x*
\q1
\v 39 Re kin saminkihla pein ar wiewia samin kan
\q2 oh kin soaloalopwoat ong Koht.
\b
\q1
\v 40 KAUN-O eri ketin engiengda pahn sapwellime aramas ako;
\q2 oh ketin kalahdkinirailla.\x - \xo 106:40 \xo*\xt S.K. 2.14-18.\xt*\x*
\q1
\v 41 E ketin mweidohng pwe re en mihla pahn manaman en me rotorot akan,
\q2 arail imwintihti kan uhd kauniraildahr.
\q1
\v 42 Ar imwintihti kan katoutouwihiraillahr
\q2 oh re uhdahn milahr pahn arail manaman.
\q1
\v 43 Pak tohto KAUN-O ketin kapitala sapwellime aramas ako,
\q2 re ahpw kin pilada pwe re en uhwong
\q2 oh kihrla douluhl nan dihp.
\q1
\v 44 KAUN-O ahpw ketin karonge irail ni ar kin likweriong
\q2 e ahpw kin ketin mahsanih arail apwal.
\q1
\v 45 Pwehki irail, e ketin tamanda sapwellime inou,
\q2 oh pwehki sapwellime limpoak lapalap e kupwureirailla.
\q1
\v 46 E ketin kupwurehda pwe irail kan me kaloke irail
\q2 re en kin poakeirailla.
\b
\q1
\v 47 Maing KAUN, at Koht, komw ketin kapitkitala,
\q2 komw ketin kapwureikitodo sang nan wehi kan,
\q1 pwe se en kin kapingkalahngan ong komwi
\q2 oh kapikapinga mwaromwi me sarawi.\x - \xo 106:47 \xo*\xt 1 Kron. 16.35-36.\xt*\x*
\b
\q1
\v 48 Kapinga KAUN-O, Koht en Israel;
\q2 kumwail kapinga met oh pil kohkohlahte!
\q1 Koaruhsie en patohwan, “Amen!”
\b
\q2 Kapinga KAUN-O!
\c 107
\s1 Kapingpen Kalahngan en Koht
\r (Melkahka 107—150)
\q1
\v 1 “Kitail kapingkalahngan ong KAUN-O, pwehki ih me kalahngan;
\q2 sapwellime limpoak kin poatopoatete!”\x - \xo 107:1 \xo*\xt 1 Kron. 16.34; 2 Kron. 5.13; 7.3; Esra 3.11; Mel. 100.5; 106.1; 118.1; 136.1; Ser. 33.11.\xt*\x*
\q1
\v 2 Kuwmail koaros me e ketin kamouralahr,
\q2 kumwail pwurehng kapwurehiong mahsen en kapingkalahngan pwukat ong KAUN-O.
\q1 E ketin kapitkumwaillahr sang amwail imwintihti kan
\q1
\v 3 oh ketin kasapahlkumwaildo sang sapwen liki kan,
\q2 sang ni mesenleng oh kepinleng, sang ni paliepeng oh palieir.
\b
\q1
\v 4 Ekei irail sansalongselier nan sapwtehn
\q2 sohte kak diarada kahnimw ehu me re pahn kousoanla ie.
\q1
\v 5 Nan ar duhpeklahr oh men nimpildahr
\q2 e ahpw sohla ar koapworopwor.
\q1
\v 6 Re ahpw likweriong KAUN-O sang nan ar apwal,
\q2 e ahpw ketin doareirailla sang nan ar lokolok kan.
\q1
\v 7 E ketin kahluwa irail nan ahl inenen
\q2 ong nan kahnimw me re en kousoan ie.
\q1
\v 8 Re uhdahn pahn kapinga KAUN-O pwehki sapwellime limpoak poatopoat,
\q2 oh manaman kapwuriamwei kan me e ketin wiahiongirailehr.
\q1
\v 9 E kin ketin kanimpilehda me men nimpildahr akan
\q2 oh kin ketin katungoalehkihda kisin tungoal mwahu me men mwengedahr akan.
\b
\q1
\v 10 Ekei mihmiher nan ar nsensuwed oh rotorot,
\q2 re senselki selmete oh wie lokolok,
\q1
\v 11 pwehki ar kahngohdiong kosonned en Koht, Wasa Lapalap,
\q2 oh soikeweisang rehrail sapwellime kaweid kan.
\q1
\v 12 Solahr angirail pwehki ar doadoahk laud;
\q2 re ahpw kin pwupwudi, oh sohte me men sewese irail.
\q1
\v 13 Re ahpw likweriong KAUN-O sang nan ar apwal,
\q2 e ahpw ketin doareirailla sang nan ar lokolok kan.
\q1
\v 14 E ahpw ketikinirailsang nan ar nsensuwed oh rotorot,
\q2 oh ketin kamweidpeseng seliparail kan.
\q1
\v 15 Re uhdahn pahn kapinga KAUN-O pwehki sapwellime limpoak poatopoat,
\q2 oh manaman kapwuriamwei kan me e ketin wiahiongirailehr.
\q1
\v 16 E kin ketin kauwehla wenihmw mete kan
\q2 oh ketin sukpeseng kateng metehn wenihmw kan.
\b
\q1
\v 17 Ekei me pweipwei oh soumwahukihda diparail kan
\q2 re ahpw wie lokolongki ar sapwung kan;
\q1
\v 18 re kin men mwuski soangen kisin tungoal akan
\q2 oh re kereniong mehla.
\q1
\v 19 Re ahpw likweriong KAUN-O sang nan ar apwal,
\q2 e ahpw ketin doareirailla sang nan ar lokolok kan.
\q1
\v 20 E ketin kamwahwihkinirailla sapwellime mahsen
\q2 oh ketin kapitirailla sang nan sousou.
\q1
\v 21 Re uhdahn pahn kapinga KAUN-O pwehki sapwellime limpoak poatopoat,
\q2 oh manaman kapwuriamwei kan me e ketin wiahiongirailehr.
\q1
\v 22 Re uhdahn pahn kasapahlkalahngankihong ar meirong kan,
\q2 oh ngisingiski ar peren oh lohlohkiseli wiepen nin lime kan.
\b
\q1
\v 23 Ekei kin dake sohp seiseiloakseli nan madau kan,
\q2 raparapahkiseli arail mour.
\q1
\v 24 Re udiahlehr dahme KAUN-O kak wia,
\q2 wiepen nin lime kapwuriamwei kan nan madau.
\q1
\v 25 E ketin mahsente, a iet melimel wiawiher,
\q2 oh kamwakidada iloak kan.
\q1
\v 26 Sohp kan kin kepihrdahng nan wehwe oh lekdekdiong nan kepin madau;
\q2 kapehdirail ahpw tikitingkihla duwen ar keper.
\q1
\v 27 Re ahpw dipekelekel oh weuwasasseli, likamwete aramas sakaula kei—
\q2 ar koahiek en nan madau sohla katepe.
\q1
\v 28 Re ahpw likweriong KAUN-O sang nan ar apwal,
\q2 e ahpw ketin doareirailla sang nan ar lokolok kan.
\q1
\v 29 E ketin kamwelehdi wasa,
\q2 oh kameleileidi iloak kan.
\q1
\v 30 Re ahpw nsenamwahukihla mwelehdien madawo,
\q2 oh e ketin kahluwairailwohng ni wasa me re seiseiloakwohng ie.
\q1
\v 31 Re uhdahn pahn kapinga KAUN-O pwehki sapwellime limpoak poatopoat,
\q2 oh manaman kapwuriamwei kan me e ketin wiahiongirailehr.
\q1
\v 32 Re uhdahn pahn kalohki roson lapalap wet nan pokon en aramas akan
\q2 oh kapinga mwohn wie kupwur en me mah kan.
\b
\q1
\v 33 KAUN-O ketin kammadahda pillap akan
\q2 oh ketin katokehdi utuhnpihl kan pwe en dehr pwilipwiliwei.
\q1
\v 34 Oh sahpw kaselel kan e ketin wekidohng ni sapwtehn en soahl
\q2 pwehki suwedlahn towe kan.\x - \xo 107:34 \xo*\xt Sir. 39.23.\xt*\x*
\q1
\v 35 E ketin kawikala sapwtehn kan kawekiong ni lehn pihl,
\q2 oh sahpw madekeng kan ni utuhnpihl.
\q1
\v 36 E ahpw ketin mweidohng me duhpeklahr akan re en kousoanla wasa ko,
\q2 re ahpw kauwada ie kahnimw ehu, pwe re en kousoanla ie.
\q1
\v 37 Re ahpw sapwasapwala ie oh koadoahkihada ie ar mwetin wain
\q2 me kapwarehda wah mwahu tohto.
\q1
\v 38 E ahpw ketin kupwuramwahwih sapwellime aramas ako, re ahpw kaparaparala kowahlap;
\q2 oh e pil ketin kangederehla neirail mahn akan.
\b
\q1
\v 39 Ni sapwellimen Koht aramas ako ar lohdi oh sarohdi,
\q2 pwehki apwal mwuledek oh kehnaudek,
\q1
\v 40 e ketin kasalehda eh sohte ketin kupwurohki kupwur en sohpeidi ko me kahpwalahla sapwellime ko;
\q2 iei me e ketin wia pwe re en kakahnseli nan sapwtehn, wasa me sohte ahl kin dierek ie.
\q1
\v 41 Ih eri ketin kapitala me paisuwed akan sang nan ar apwal
\q2 oh ketin kangederehla tohn arail peneinei duwehte pelinmen kei.
\q1
\v 42 Me pwung kan kin kilang met, oh re kin nsenamwahukihla,
\q2 a me suwed kan kin nennenlahte, sopeimwekid.
\b
\q1
\v 43 Me loalokong kan en medemedewe mepwukat;
\q2 re en pil medemedewe sapwellimen KAUN-O limpoak poatopoat.
\c 108
\s1 Kapakap en Sawas en Uhwong Imwintihti kan \f h \fr 108:0 \fr*\fk TITLE NI MAHSEN EN IPRU: \fk*\ft En Depit melkahka; koul pwoat.\ft*\f*
\r (Melkahka 57.7-11; 60.5-12)
\q1
\v 1 Maing Koht, ni ei koapworopwor unsek,
\q2 I pahn koul oh kapinga komwi!
\q1 Ngeni, pirida!
\q1
\v 2 Nei arp oh lair, kumwa pirda!
\q2 I pahn pangenda ketipin.
\q1
\v 3 Maing KAUN, I pahn kasapahlkalahngan ong komwi nanpwungen wehi kan.
\q2 I pahn kapinga komwi nanpwungen aramas akan.
\q1
\v 4 Sapwellimomwi limpoak poatopoat kipe wasa koaros nanleng;
\q2 sapwellimomwi loalopwoat kin leldawohng pahnlahng.
\b
\q1
\v 5 Maing Koht, komw ketin kasalehda sapwellimomwi lapalap pahnlahng,
\q2 oh sapwellimomwi lingan wasa koaros nin sampah.
\q1
\v 6 Komw ketin komourkinkitala sapwellimomwi manaman; komw ketin sapeng ei tungoal kapakap,
\q2 pwe irail kan me komwi kin ketin loalloale re en kapitipitla.
\b
\q1
\v 7 Koht ahpw ketin poahngok sang nan mwoale sarawio, mahsanih,
\q2 “Ni manaman en powehdi I pahn pwalangpeseng Sekem
\q2 oh nehkpeseng Wahun Sukot rehn nei aramas akan.
\q1
\v 8 Kilead ngehi me uhdahn pahn ahneki, Manase pil duwehte;
\q2 Epraim iei ei lisoarop en mahwen
\q2 oh Suda ei sokon en nanmwarki.
\q1
\v 9 Ahpw I pahn doadoahngki Mohap duwehte nei dahl en epwinek,
\q2 I pahn kesehdiong pohn Edom ei suht,
\q2 kilel en eh uhdahn ahi.
\q2 I pahn kadekedengki ei powehdi mehn Pilisdia kan.”
\b
\q1
\v 10 Maing Koht, ihs me pahn kahreielahng nan kahnimw kehlailo?
\q2 Ihs me pahn kaluwaielahng Edom?
\q1
\v 11 Ia duwe, mehlel me komw ketin soingkitalahr?
\q2 Komw sohte pahn ketin iang kahluwa at tungoal karis kan?
\q1
\v 12 Komw ketin sewesei kiht pelian at imwintihti kan;
\q2 pwe sawas en aramas me mwahl oh sokatepe.
\q1
\v 13 Ma Koht pahn ketin iang kitail, kitail pahn powehdi;
\q2 ih me pahn ketin kalowehdi at imwintihti kan.
\c 109
\s1 Kaulim en Aramas emen me mi nan Apwal \f i \fr 109:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing Koht, I patohwan kapinga komwi; komw dehr sohte ketin kasalehda kupwuromwi!
\q1
\v 2 Aramas suwed oh likamw kei uhwongieier.
\q1 Re kin kinesang ie likamw,
\q2
\v 3 oh re kin koasoia kin ie mehkot suwed,
\q2 re uhwong ie ni so kahrepe.
\q1
\v 4 Re kin uhwong ie, mehnda ma I poakepoake irail
\q2 oh kin kapakapkin irail.
\q1
\v 5 Re kin dupungki me suwed ei wiewia mwahu
\q2 oh kailok ni ei kin poakohng irail.
\b
\q1
\v 6 Komw ketin pilada emen sounkopwung mwersuwed pwehn wia kopwung en ei imwintihtio,
\q2 oh mweidohng emen eh imwintihti kan en wia sounkedipa.
\q1
\v 7 En ale kopwung oh dierekda nan dihp;
\q2 eh kapakap en pil wiahla dihp toutou!
\q1
\v 8 Eh mour en mwadang imwisekla;
\q2 oh emen tohrohr en sepwildahng nan dewe!\x - \xo 109:8 \xo*\xt Wie. 1.20.\xt*\x*
\q1
\v 9 Nah seri kan en sepwoupwoula,
\q2 oh eh pwoud en liohdihla!
\q1
\v 10 Nah seri kan en tangasang ni imwarail kan oh wie pekipekseli nanial akan;
\q2 re en pil pekeussang nan ar wasa kan!
\q1
\v 11 Me e pwaipwandohng kan en adihasang eh dipwisou,
\q2 oh mehn keiru kan en kihsang wahn eh doadoahk.
\q1
\v 12 En dehr diar mehmen me pahn kadek ong
\q2 de apwalih nah seri sepwoupwou kan.
\q1
\v 13 Kadaudoke kan koaruhsie en mehla,
\q2 oh sohte mehmen en tamataman ih erein dih kan me pahn kohdo.
\q1
\v 14 KAUN-O en ketin tamataman dipen eh pahpa kahlap ako
\q2 oh en dehr mahkikihong dipen ine kan.
\q1
\v 15 KAUN-O en kin tamataman diparail kan ahnsou koaros,
\q2 oh irail en manoknokla douluhl!
\b
\q1
\v 16 Aramas meno sohte mwahn kin kolokol kadek nan kapehde;
\q2 e kin kaloke oh kemehla
\q2 me semwehmwe, me paisuwed, oh me luwet akan.
\q1
\v 17 E kin mwahuki keriahla meteikan—eri pein ih en riahla!
\q2 E kin kahng kapaiahda meteikan—eri sohte mehmen pahn kapaiahda!
\q1
\v 18 E ahnlahr keriahla aramas duwehte eh ahnlahr pein likouda;
\q2 eh keria kan en pwurolong nan paliwere rasehng pihl
\q2 oh lel nan tihn paliwere rasehng leh!
\q1
\v 19 Eh keria kan en pwaindi paliwere rasehng likou
\q2 oh kapilpene rasehng kateng ahnsou koaros!
\b
\q1
\v 20 Maing KAUN, komw ketin kaloke ei imwintihti kan nin duwe met—
\q2 irail kan me kin kehrehng ie soahng suwed pwukat!
\q1
\v 21 Ahpw Maing KAUN, Wasa Lapalahpie, komw ketin sewesei ie nin duwen me komw ketin inoukidahr,
\q2 oh ketin kapitiehla pwehki kalahngan en sapwellimomwi limpoak.
\q1
\v 22 Aramas semwehmwe men ngehi oh paisuwed;
\q2 mohngiongi tihwolahr kowahlap.
\q1
\v 23 I nektehn sohrala rasehng mwetehn nin soutik;
\q2 I pipihrseli rasehng mensiek men.
\q1
\v 24 Nan pwukiei kat luwetkilahr eh sohte ei tungoal kisin mwenge;
\q2 kiliet oh tih katte me luhwehdi ni paliwereiet.
\q1
\v 25 Ni aramas akan ar kin kilang ie, re kin kouruhrkin ie;
\q2 re kin tuhtuwelengki ar kouruhr.\x - \xo 109:25 \xo*\xt Mad. 27.39; Mk. 15.29.\xt*\x*
\b
\q1
\v 26 Maing KAUN ei Koht, komw ketin sewesei ie;
\q2 pwehki sapwellimomwi limpoak poatopoat, komw ketin doareiehla!
\q1
\v 27 Komw kehsehki ei imwintihti kan
\q2 me komwi me ketin doareiehla.
\q1
\v 28 Mweinele re pahn kerieiehla, ahpw komwi pahn ketin kupwuramwahwihiehla.
\q2 Me kin pwakipakih ie kan re en lohdi,
\q2 oh ngehi, sapwellimomwi ladu, en kin pereperen.
\q1
\v 29 Ei imwintihti kan en namenekla kowahlap;
\q2 oh re en mihla nan namenek rasehng ar pwuhriong nan likou reirei.
\b
\q1
\v 30 I pahn wia ei kapingkalahngan ni ngihl laud ong KAUN-O;
\q2 I pahn kapinga nan pokon en aramas akan,
\q1
\v 31 pwehki eh ketin doarehla aramas semwehmwe menet
\q2 oh kapitasang irail kan me kin kadeikada pwe en kamakamala.
\c 110
\s1 KAUN-O oh Sapwellime Nanmwarki me Pilipildahr \f j \fr 110:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 KAUN-O ketin mahsanihong ei kaun, nanmwarkio,
\q2 “Komw ketidiong ni palimauniet
\q2 I lao wiahkihda omwi imwintihti kan utupen aluweluwomwi kan.”\x - \xo 110:1 \xo*\xt Mad. 22.44; Mk. 12.36; Luk 20.42-43; Wie. 2.34-35; 1 Kor. 15.25; Ep. 1.20-22; Kol. 3.1; Ipru 1.13; 8.1; 10.12-13.\xt*\x*
\q1
\v 2 KAUN-O pahn ketin katelapahla sapwellimomwi manaman en kaunda wehi pokon sang Saion.
\q2 E mahsanih, “Komwi en kaunda sapwellimomwi imwintihti kan.”
\q1
\v 3 Rahnen omwi mahweniong omwi imwintihti kan,
\q2 sapwellimomwi aramas akan pil pahn iang mahweno.
\q1 Sapwellimomwi mwahnakapw akan pahn patohdo rehmwi nin nahna sarawi kan,
\q2 rasehng pwoaiken nimensehngie.
\b
\q1
\v 4 KAUN-O ketin inoukidahr kehlail, oh sohte pahn ketin koluhkihla:
\q2 “Komwi pahn wiahla samworo sang met kohkohlahte
\q2 nin duwen koasoandien samworo Melkisedek.”\x - \xo 110:4 \xo*\xt Ipru 5.6; 6.20; 7.17,21.\xt*\x*
\b
\q1
\v 5 Kaun-o kin ketiket ni palimaunomwien;
\q2 e pahn ketin kalowehdi nanmwarki kan ni rahn me e pahn engiengda.
\q1
\v 6 E pahn ketin kadeikada wehi kan
\q2 oh ketin kadirehkihla wasahn mahwen kahlep en aramas akan;
\q2 e pahn ketin kalowehdi nanmwarki kan en sampah pwon.
\q1
\v 7 Nanmwarkio pahn ketin nimpil sang piletik en ni keilenial,
\q2 oh ketin rosonkihda, e ahpw pahn ketin uh ni roson en powehdi.
\c 111
\s1 Ong ni Kapingpen KAUN-O
\q1
\v 1 Kapinga KAUN-O!
\b
\q1 I pahn kasapahlkalahngan ong KAUN-O sang nan kapehdi unsek
\q2 mwohn pokon en sapwellime aramas akan.
\q1
\v 2 Ia uwen kapwuriamwei en soahng kan me KAUN-O kin ketin wia!
\q2 Koaros me kin perenkihda kin men wehwehkihla mehlel.
\q1
\v 3 Sapwellime wiewia kan koaros kin diren wahu oh roson;
\q2 sapwellime pwuhng me poatopoat.
\b
\q1
\v 4 KAUN-O sohte ketin mweidohng kitail en manokehla sapwellime wiewia kapwuriamwei kan;
\q2 ih me kupwur kadek oh kalahngan.
\q1
\v 5 E kin ketikihda kisin tungoal ong irail kan me kin wauneki;
\q2 e sohte kak meliehla sapwellime inou.
\q1
\v 6 E ketin kasalehiong sapwellime aramas akan sapwellime manaman
\q2 ni eh ketikihong irail sapwen mehn liki kan.
\b
\q1
\v 7 E kin ketin loalopwoat oh pwung ni soahng koaros me e kin ketin wia;
\q2 sapwellime kosonned kan sohte kin wekidekla.
\q1
\v 8 Re kin wie poadopoad kohkohlahte;
\q2 pwe re poahsoankihda mehlel oh pwung.
\q1
\v 9 E ketin kasaledekala sapwellime aramas ako
\q2 oh ketin wiahiong irail inou poatopoat ehu.
\q2 Ih me sarawi oh manaman!
\q1
\v 10 Elen loalokongla iei wauneki KAUN-O;
\q2 e kin ketin kupwurokong en wia kadeik pwung ong irail kan me kin wauneki.
\q1 Kapingpe pahn wiewiawi kohkohlahte.\x - \xo 111:10 \xo*\xt Sohp 28.28; Lep. Pad. 1.7; 9.10.\xt*\x*
\c 112
\s1 Paien Aramas Mwahu
\q1
\v 1 Kapinga KAUN-O!
\b
\q2 Meid pai aramas me kin wauneki KAUN-O,
\q2 me kin alehki eh peren sang ni eh kin kapwaiada sapwellime kosonned akan.
\q1
\v 2 Nein aramas mwahu seri kan pahn ahneki manaman nan sahpwo;
\q2 kadaudoke kan pahn ale kupwuramwahu.
\q1
\v 3 Eh peneinei pahn paiamwahu oh kepwehpwe,
\q2 oh e pahn paiamwahu kohkohlahte.
\b
\q1
\v 4 Marain kin dakerada rotorot ong aramas mwahu kan,
\q2 ong irail kan me kalahngan, kadek, oh pwung.
\q1
\v 5 Meid pai aramas me kin kadek ni eh kin kihwei lohn,
\q2 me kin wia eh doadoahk en netinet ni mehlel.
\q1
\v 6 Aramas mwahu sohte pahn sapwungala;
\q2 e sohte pahn manoknokla kohkohlahte.
\b
\q1
\v 7 E sohte kin masak rong rohng suwed akan;
\q2 eh pwoson me kehlail, oh e kin likih KAUN-O.
\q1
\v 8 E sohte kin pwunod de masepwehk;
\q2 e koapworpworki me e pahn kilang eh imwintihti kan ar pahn lohdi.
\q1
\v 9 E kin sapan ong me paisuwed akan,
\q2 oh eh kadek kin duweduwehte;
\q2 e pahn ahneki manaman oh wahun.\x - \xo 112:9 \xo*\xt 2 Kor. 9.9.\xt*\x*
\q1
\v 10 Aramas suwed kan re kilang met oh lingeringerkihda;
\q2 re kangkakilkin irail ar kailok oh irail kohkohla;
\q2 arail koapworopwor sohralahr kohkohlahte.
\c 113
\s1 Kapingpen sapwellimen KAUN-O Kalahngan
\q1
\v 1 Kapinga KAUN-O!
\b
\q1 Kumwail sapwellimen KAUN-O ladu kan,
\q2 kumwail kapinga mware!
\q1
\v 2 Kapingpen mware en wiawi,
\q2 met oh pil kohkohlahte.
\q1
\v 3 Sang palimese lel palikapi
\q2 kumwail kapinga mwaren KAUN-O!
\q1
\v 4 KAUN-O kin ketin kakaun wehi kan koaruhsie;
\q2 sapwellime lingan sikdala sang nanleng.
\b
\q1
\v 5 Sohte emen duwehte KAUN-O, atail Koht.
\q1 E kin ketiket powe wasa ileilehie,
\q2
\v 6 ahpw kin ketin mahsendihdo
\q2 oh ireirong nanleng oh sampah.
\q1
\v 7 E kin ketin pwekada me semwehmwe kan sang nanpwel;
\q2 e kin ketin kasapwilada me paisuwedlahr akan sang ar apwal
\q1
\v 8 oh kin ketin wiahkinirailla werek en me lapalap akan,
\q2 me lapalap en sapwellime aramas akan.
\q1
\v 9 E kin ketin kawauwihala lih depwen kan nan imwarail kan;
\q2 oh kapaiahkin irail seri.
\b
\q1 Kapinga KAUN-O!
\c 114
\s1 Melkahkahn Pahsohpa
\q1
\v 1 Ni ahnsou me mehn Israel mweselsang Isip,
\q2 kadaudok en Seikop kan mweselsang sapwen likio,\x - \xo 114:1 \xo*\xt Eks. 12.51.\xt*\x*
\q1
\v 2 Suda wiahla sapwellimen KAUN-O aramas sarawi kei,
\q2 Israel wiahla sapwellime.
\b
\q1
\v 3 Sehd Weitahtao kilangadahte oh tangdoaui;
\q2 Pillap Sordan tokedihsang eh pwilipwilwei.\x - \xo 114:3 \xo*\xt Eks. 14.21; b Sos. 3.16.\xt*\x*
\q1
\v 4 Nahna kan mwusimwusikek rasehng kuht kei;
\q2 dohl akan lusulusseli duwehte sihmpwul kei.
\b
\q1
\v 5 Sehd? Dahme ke tangkidoaui?
\q2 Ah kowe Sordan, dahme ke pweiengkihdi sohla pwilipwilwei?
\q1
\v 6 Kumwail nahna kan, dahme kumwail mwusimwusikengki duwehte kuht kei?
\q2 Oh kumwail dohl kan, dahme kumwail lusuluskiseli duwehte sihmpwul kei?
\b
\q1
\v 7 Kowe, sampah, ke en rerrada ni KAUN-O eh pahn ketido,
\q2 ke en rerrada mwohn silangin Koht en Seikop,
\q1
\v 8 me kin ketin wekidohng takai kan ni pwarer en pihl
\q2 oh paip akan ni kahng en pihl.\x - \xo 114:8 \xo*\xt Eks. 17.1-7; Nemp. 20.2-13.\xt*\x*
\c 115
\s1 Koht Mehlel Metehmen
\q1
\v 1 Maing KAUN, lingan uhdahn pahn kowohng komwihte,
\q2 e pahn kowohng komwihte, a kaidehk ong kiht,
\q2 pwehki sapwellimomwi limpoak poatopoat oh loalopwoat.
\b
\q1
\v 2 Dahme tohn wehi teikan kin idengki reht,
\q2 “Ia amwail Kohten?”
\q1
\v 3 Atail Koht kin ketiket nanleng;
\q2 e ketin wiewia mehkoaros me e kin ketin kupwurki.
\q1
\v 4 Arail koht akan me kin wiawihkihda silper oh kohl,
\q2 re uhdahn wiepen pehn aramaste.\x - \xo 115:4 \xo*\xt Mel. 135.15-18; Kis. Ser. 4-73; Kaud. 9.20.\xt*\x*
\q1
\v 5 Mie awarail, re ahpw sohte kak lokaia,
\q2 mie masarail, re ahpw sohte kak kilang wasa,
\q1
\v 6 mie salengarail, re ahpw sohte kak rong wasa,
\q2 mie tumwarail, re ahpw sohte kak ned mehkot.
\q1
\v 7 Mie pehrail, re ahpw sohte kak doahke mehkot,
\q2 mie nehrail, re ahpw sohte kak alu;
\q2 sohte ngihl ehu kak kohda sang nan kapinwararail kan.
\q1
\v 8 Me kin wiahda koht likamw pwukat, oh pil likih irail
\q2 re en duwehla dikedik en eni kan me pein irail wiadahr.
\b
\q1
\v 9 Kumwail aramas en Israel kan, kumwail likih KAUN-O.
\q2 Ih me sawasepamwail, oh silepamwail.
\q1
\v 10 Kumwail sapwellimen Koht samworo kan, kumwail likih KAUN-O!
\q2 Ih me sawasepamwail, oh silepamwail.
\q1
\v 11 Kumwail koaros me kin kaudokiong KAUN-O, kumwail likih.
\q2 Ih me sewesepamwail, oh silepamwail.
\b
\q1
\v 12 KAUN-O kin ketin tamataman kitail oh e pahn ketin kupwuramwahwih kitail;
\q2 e pahn ketin kupwuramwahwih aramas en Israel kan
\q2 oh pil sapwellimen Koht samworo koaros.
\q1
\v 13 E pahn ketin kupwuramwahwih koaros me kin wauneki ih,
\q2 me lapalap oh pil me tikitik kan.\x - \xo 115:13 \xo*\xt Kaud. 11.18; 19.5.\xt*\x*
\b
\q1
\v 14 KAUN-O en ketin kupwurehkin kumwail seri—
\q2 kumwail oh pil kadaudokamwail kan!
\q1
\v 15 KAUN-O en ketin kupwuramwahwih kumwail,
\q2 ih me ketin kapikada nanleng oh sampah.
\b
\q1
\v 16 KAUN-O kelehpw me ketin sapwellimaniki nanleng,
\q2 a sampah e ketikihong aramas akan.
\q1
\v 17 Me mehlahr akan sohte kin kapinga KAUN-O,
\q2 pil me kin kohdilahng nan sapwen me mehlahr akan sohte kin kapinga.
\q1
\v 18 A kitail me momour kan, kitail pahn kapingkalahngan ong ih
\q2 met oh pil kohkohlahte.
\b
\q1 Kapinga KAUN-O!
\c 116
\s1 Kapingpen Koht sang Aramas emen me Pitsang Mehla
\q1
\v 1 I kin poakohng KAUN-O, pwehki eh kin ketin karonge ie;
\q2 e kin ketin karonge ei kapakap akan.
\q1
\v 2 E kin ketin karonge ie
\q2 ahnsou koaros me I kin likweriong.
\q1
\v 3 Keper en mehla kapiliepenehr,
\q2 kamasepwehk en sousou lelohngieier;
\q2 masak oh pwunod kadireielahr.
\q1
\v 4 I ahpw likweriong KAUN-O, patohwan,
\q2 “Maing KAUN, I peki rehmwi, komwi en ketin doareiehla!”
\b
\q1
\v 5 KAUN-O me ketin kalahngan oh mwahu;
\q2 atail Koht me diren kalahngan.
\q1
\v 6 KAUN-O kin ketin sinsile me paisuwedlahr akan;
\q2 e ketin doareiehla, ni ei mihla nan wasa keper.
\q1
\v 7 Mohngiongi, koapworopwor,
\q2 pwe KAUN-O kasaledahr sapwellime kupwur mwahu ong ie.
\b
\q1
\v 8 KAUN-O ketin doareiehla sang mehla;
\q2 e ketin katokehdi pilen mesei kat
\q2 oh ketin sileiehdi, pwe I en dehr lohdi.
\q1
\v 9 Eri, I kin weweid mwohn silangin KAUN-O
\q2 nan sapwen me momour kan.
\q1
\v 10 Ei pwoson duweduwehte, mehnda ma I patohwan,
\q2 “I mihmi nan apwal laud,”\x - \xo 116:10 \xo*\xt 2 Kor. 4.13.\xt*\x*
\q1
\v 11 pil nan ei masepwehk oh patohwan,
\q2 “Sohte emen me I kak likih.”
\b
\q1
\v 12 Dahme I kak meirongkihong KAUN-O
\q2 dupuk en sapwellime kalahngan ong ie?
\q1
\v 13 I pahn patohwanohng KAUN-O, meirong en wain,
\q2 pwe I en kapingkalahngankihong eh ketin doareiehla.
\q1
\v 14 Nan pokon en sapwellime aramas akan koaros
\q2 I pahn patohwanohng dahme I inoukidahr.
\b
\q1
\v 15 Ia uwen toutoun kupwur en KAUN-O
\q2 ni emen sapwellime aramas akan eh kin mehla!
\q1
\v 16 Maing KAUN, sapwellimomwi ladu ngehi,
\q2 I kin papah komwi duwehte inei eh papah komwiher.
\q1 Komw ketin doareielahr sang mehla.
\q1
\v 17 I pahn meirongkihong komwi meirong en kapingkalahngan
\q2 oh pil kapakapohng komwi.
\q1
\v 18-19 I pahn patohwanohng komwi dahme I inoukidahr,
\q2 mwohn pokon en sapwellimomwi aramas akan koaros,
\q2 nan mwoalomwi nan Tehnpasomwi en Serusalem,
\b
\q1 Kapinga KAUN-O!
\c 117
\s1 Ong ni Kapingpen KAUN-O
\q1
\v 1 Kumwail wehi kan koaros, kumwail kapinga KAUN-O!
\q2 Kumwail aramas koaros, kumwail kapinga!\x - \xo 117:1 \xo*\xt Rom 15.11.\xt*\x*
\q1
\v 2 Sapwellime limpoak ong kitail me kehlail,
\q2 oh sapwellime loalopwoat me poatopoat.
\b
\q1 Kapinga KAUN-O!
\c 118
\s1 Kapakap en Kapingkalahnganki Powehdi
\q1
\v 1 Kumwail patohwanohng KAUN-O amwail kapingkalahngan, pwehki ih me kupwur mwahu,
\q2 oh sapwellime limpoak me poatopoat.\x - \xo 118:1 \xo*\xt 1 Kron. 16.34; 2 Kron. 5.13; 7.3; Esra 3.11; Mel. 100.5 106.1; 107.1; 136.1; Ser. 33.11.\xt*\x*
\q1
\v 2 Mehn Israel kan en patohwan,
\q2 “Sapwellime limpoak me poatopoat.”
\q1
\v 3 Sapwellimen Koht samworo kan en patohwan,
\q2 “Sapwellime limpoak me poatopoat.”
\q1
\v 4 Koaros me kin kaudokiong en patohwan,
\q2 “Sapwellime limpoak me poatopoat.”
\b
\q1
\v 5 Nan ei apwal I ahpw likweriong KAUN-O;
\q2 e ahpw ketin sapeng ie, oh ketin kasaledekihiehla.
\q1
\v 6 KAUN-O ketin ieiang ie, I sohte pahn masak mehkot;
\q2 dahme aramas kak wiahiong ie?\x - \xo 118:6 \xo*\xt Ipru 13.6.\xt*\x*
\q1
\v 7 KAUN-O iei ih me kin ketin sewese ie,
\q2 oh I pahn kilang duwen ei imwintihti kan ar pahn lohdi pahi.
\q1
\v 8 Me mwahu en likih KAUN-O
\q2 sang koapworopworki aramas.
\q1
\v 9 Me mwahu en likih KAUN-O
\q2 sang koapworopworki kaunen sampah kan.
\b
\q1
\v 10 Imwintihti ngeder kapiliepenehr;
\q2 ahpw sang ni manaman en KAUN-O I kamwomwiraillahr!
\q1
\v 11 Re kapiliepene sang pali koaros;
\q2 ahpw sang ni manaman en KAUN-O I kamwomwiraillahr!
\q1
\v 12 Re kapiliepene, rasehng mwuten loangalap,
\q2 re ahpw mwadang lulda, rasehng kapakap en tuwi ieu;
\q2 ahpw sang ni manaman en KAUN-O I kamwomwiraillahr.
\q1
\v 13 Re pelian ie ni kehlail, ngehi eri lohdier,
\q2 ahpw KAUN-O ketin seweseiehda.
\q1
\v 14 KAUN-O me ketikihong ie manaman oh kehlail;
\q2 ih me ketin doareielahr.\x - \xo 118:14 \xo*\xt Eks. 15.2; Ais. 12.2.\xt*\x*
\b
\q1
\v 15 Kumwail rong kadekedek en powehdi sang nan impwal en sapwellimen Koht aramas akan:
\q2 “Sapwellimen KAUN-O manaman lapalap me wiadahr met!
\q2
\v 16 Manaman en nin lime me kahrehiong kitail en powehdi—
\q2 sapwellime manaman lapalap nan mahwen!”
\b
\q1
\v 17 I sohte pahn mehla; ahpw I pahn momour
\q2 oh lohkiseli dahme KAUN-O ketin wiadahr.
\q1
\v 18 E ketin kaloke ie mwuledek,
\q2 ahpw e sohte ketin mweidohng I en mehla.
\b
\q1
\v 19 Kumwail ritingadahng ie wenihmw kan en Tehnpaso;
\q2 I en patohlong oh kapingkalahngan ong KAUN-O!
\b
\q1
\v 20 Ih wenihmwen KAUN-O met;
\q2 me pwung kante me pahn pedolong.
\b
\q1
\v 21 I patohwan kapinga komwi, Maing KAUN, pwehki omwi ketin karonge ie,
\q2 pwehki omwi ketikihong ie manaman en powehdi.
\b
\q1
\v 22 Takai me sounkou ihmw kan kesepwekelahr
\q2 uhd wiahla takaien pwukakeimw.\x - \xo 118:22 \xo*\xt Luk 20.17; Wie. 4.11; 1 Pit. 2.7.\xt*\x*\x - \xo 118:22 \xo*\xt Mad. 21.42; Mk. 12.10-11.\xt*\x*
\q1
\v 23 KAUN-O me ketin wiahda met;
\q2 meid kapwuriamwei mehlel ong kitail.
\q1
\v 24 Rahnwet iei rahnen KAUN-O eh ketin powehdi;
\q2 kitail perenda, oh ngisingiski atail peren!
\q1
\v 25 Komw ketin doareikitala, Maing KAUN, komw ketin doareikitala!
\q2 Maing KAUN, komw ketin kupwurei kiht pwe se en pweida!\x - \xo 118:25 \xo*\xt Mad. 21.9; Mk. 11.9; Sohn 12.13.\xt*\x*
\b
\q1
\v 26 Koht en ketin kupwuramwahwih me kin patohdo ni mwaren KAUN-O!
\q2 Sang ni Tehnpas en KAUN-O se patohwan kapaiakumwailda.\x - \xo 118:26 \xo*\xt Mad. 21.9; 23.39; Mk. 11.9; Luk 13.35; 19.38; Sohn 12.13.\xt*\x*
\q1
\v 27 KAUN-O, iei Koht; e ketin kupwur mwahu ong kitail.
\q1 Kumwail wahda tehnpaini kan oh tapihada sarawio
\q2 oh kapar kapil pei sarawio.
\b
\q1
\v 28 Komwi me ei Koht, oh I kin patohwanohng komwi ei kapingkalahngan;
\q2 I pahn lohkiseli sapwellimomwi roson lapalap.
\b
\q1
\v 29 Kumwail patohwan kapingkalahngan ong KAUN-O, pwehki ih me kupwur mwahu,
\q2 oh sapwellime limpoak me poatopoat.
\c 119
\s1 Kosonned en KAUN-O
\q1
\v 1 Meid pai irail kan me ar mour mwakelekel,
\q2 me kin momour nin duwen kosonned en KAUN-O.
\q1
\v 2 Meid pai irail kan me kin kapwaiada sapwellime kosonned kan,
\q2 oh kin peikiong ni kapehd unsek.
\q1
\v 3 Re sohte mwahn kin wia me sapwung;
\q2 re kin weweid nan elen KAUN-O.
\q1
\v 4 Maing KAUN, komw ketikidohngkihtehr sapwellimomwi kosonned kan
\q2 oh mahsanihong kiht se en peikiong ni loalopwoat.
\q1
\v 5 Ia uwen ei koapworopworki me I pahn loalopwoat
\q2 en kolokol sapwellimomwi kaweid kan!
\q1
\v 6 I sohte pahn namenekla
\q2 ma I pahn tehk mwahu sapwellimomwi kosonned kan koaros.
\q1
\v 7 I pahn kapinga komwi ni mohngiong mwakelekel
\q2 ni ei pahn esehla pwung en sapwellimomwi koasoandi kan.
\q1
\v 8 I pahn kapwaiada sapwellimomwi kosonned kan;
\q2 komw dehr ketin likidmelieiehla!
\s1 Kapwaiada Kosonned en KAUN-O
\q1
\v 9 Ia duwen mwahnakapw men eh kak dadaur eh mour mwakelekel?
\q2 Eh pahn kin kapwaiada sapwellimomwi kosonned kan.
\q1
\v 10 I kin song en papah komwi ni mohngiong unsek;
\q2 komw dehr ketin mweidohng I en kauwehla sapwellimomwi kosonned kan.
\q1
\v 11 I kin kolokol sapwellimomwi kosonned nan mohngiongi
\q2 pwe I en dehr wia dihp ong komwi.
\q1
\v 12 Maing KAUN, I kin kapinga komwi;
\q2 komw ketin padahkihong ie sapwellimomwi ahl akan.
\q1
\v 13 Sang ni aweiet I pahn pwurehng lohki
\q2 kosonned koaros me komw ketikidohr.
\q1
\v 14 I kin perenki idawehn sapwellimomwi kosonned kan
\q2 sang ei pahn ahneki dipwisou tohto.
\q1
\v 15 I kin medemedewe sapwellimomwi kaweid kan,
\q2 oh kasakasawih sapwellimomwi padahk kan.
\q1
\v 16 I kin perenki sapwellimomwi kosonned kan;
\q2 I sohte pahn manokehla sapwellimomwi mahsen kan.
\s1 Nsenamwahuki Kosonned en KAUN-O
\q1
\v 17 Komw ketin kupwure ie, sapwellimomwi ladu menet,
\q2 pwe I en kin momour oh kapwaiada sapwellimomwi padahk kan.
\q1
\v 18 Komw ketin kapehdpeseng pwoaren mesei kat, pwe I en kak udiahl
\q2 soahng kapwuriamwei kan nan sapwellimomwi kosonnedo.
\q1
\v 19 I pahn patopato nin sampah ahnsoute kis;
\q2 komw dehr ekihsang ie sapwellimomwi kosonned kan.
\q1
\v 20 Mohngiongi tihwokilahr;
\q2 ei men ese sapwellimomwi kadeik kan ahnsou koaros.
\q1
\v 21 Komw ketin angiangih me aklapalap akan;
\q2 me sohte kin kapwaiada sapwellimomwi mahsen kan kin riahla.
\q1
\v 22 Komw ketin kasaledekihiehla sang arail kepweikeng oh mwamwahlikin ie,
\q2 pwe I kapwaiadahr sapwellimomwi kosonned kan.
\q1
\v 23 Me lapalap akan kin ehupene oh wia ar koasoandi en uhwong ie,
\q2 a I pahn medemedewehte sapwellimomwi padahk kan.
\q1
\v 24 Sapwellimomwi kaweid kan me wia kaperenpei
\q2 oh kaweidpei.
\s1 Ngoangki Kapwaiada Kosonned en KAUN-O
\q1
\v 25 I lohdier oh wonohnehr nanpwel;
\q2 komw ketin kakehleiehda nin duwen omwi ketin inoukidahr.
\q1
\v 26 I wehkadahng komwi mehkoaros me I wiadahr, oh komw ketin sapengieier;
\q2 komw ketin padahkihong ie sapwellimomwi ahl akan.
\q1
\v 27 Komw ketin sewese ie pwe I en wehwehki sapwellimomwi kosonned kan,
\q2 oh I pahn medemedewe duwen sapwellimomwi padahk kupwuriamwei kan.
\q1
\v 28 I toutoukilahr nsensuwed;
\q2 komw ketin kakehleiehda nin duwen omwi ketin inoukidahr.
\q1
\v 29 Komw dehr mweidohng I en weid nan ahl sapwung,
\q2 komw padahkihong ie sapwellimomwi kosonnedo ni kupwurkalahngan.
\q1
\v 30 I patohwan piladahr pwe I en peikiong komwi;
\q2 I tehk mwahwiher sapwellimomwi kadeik kan.
\q1
\v 31 Maing KAUN, I patohwan dadaurete sapwellimomwi kaweid kan,
\q2 komw dehr ketin mweidohng I en namenekla.
\q1
\v 32 I pahn ngoangki peikiong sapwellimomwi mahsen kan,
\q2 pwehki komw pahn ketin kalaudehla ei loalokong.
\s1 Kapakap en Peki Loalokong
\q1
\v 33 Maing KAUN, komw ketin padahkihong ie wehwehn sapwellimomwi kosonned kan,
\q2 I ahpw pahn kapwaiada ahnsou koaros.
\q1
\v 34 Komw ketin kawehwehiong ie sapwellimomwi kosonned kan, oh I pahn kapwaiada;
\q2 I pahn kapwaiada ni mohngiongi unsek.
\q1
\v 35 Komw ketin kahluwa ie nan ahl en sapwellimomwi kosonned kan
\q2 pwe iei met me I kin diarki ei nsenamwahu.
\q1
\v 36 Komw ketikihong ie ineng en kapwaiada sapwellimomwi kosonned kan,
\q2 a kaidehk I en kepwehpwehla.
\q1
\v 37 Komw kupure ie, pwe I en dehr ngoangki dipwisou mwahl akan;
\q2 komw kupwure ie, nin duwen me komwi ketin inoukidahr.
\q1
\v 38 Komw ketin kapwaiada sapwellimomwi inou ong ie, sapwellimomwi ladu menet—
\q2 inowo me komwi ketin wiawihong irail kan me peikiong komwi.
\q1
\v 39 Komw ketin doareiesang kepweikeng kan me I kin masak;
\q2 ia uwen kupwuriamwei en sapwellimomwi kadeik kan!
\q1
\v 40 I men kapwaiada sapwellimomwi mahsen kan;
\q2 komw ketikidohng ie mour kapw, pwe komwi me pwung.
\s1 Likih Kosonned en KAUN-O
\q1
\v 41 Maing KAUN, komw ketin kasalehiong ie duwen omwi kupwur limpoak ong ie,
\q2 oh doareiehla nin duwen me komwi ketin inoukidahr.
\q1
\v 42 Eri I ahpw pahn kak sapeng irail kan me kin kepweikengih ie
\q2 pwehki ei koapworopworki sapwellimomwi mahsen.
\q1
\v 43 Komw kupwure ie pwe I en kin lokaia mehlel ahnsou koaros,
\q2 pwehki ei koapworopwor mihmi ni sapwellimomwi kadeik kan.
\q1
\v 44 I pahn kapwaiada sapwellimomwi kosonned ahnsou koaros,
\q2 met oh pil kohkohlahte.
\q1
\v 45 I pahn weweidwei nan mour saledek,
\q2 pwehki ei kin nantihong kapwaiada sapwellimomwi padahk kan.
\q1
\v 46 I pahn lohkihda sapwellimomwi koasoandi kan mwohn nanmwarki kan,
\q2 oh I sohte pahn namenengki.
\q1
\v 47 I kin diar peren ni ei kin kapwaiada sapwellimomwi mahsen kan,
\q2 pwehki ei kin kesempwalki.
\q1
\v 48 I kin wauneki oh kesempwalki sapwellimomwi kosonned kan;
\q2 I pahn medemedewe sapwellimomwi kaweid kan.
\s1 Koapworopworki Kosonned en KAUN-O
\q1
\v 49 Komw ketin tamanda inowo me komw ketin wiahiong ie, sapwellimomwi ladu menet;
\q2 e kahrehiong ie koapworopwor laud.
\q1
\v 50 Mehnda ma I mi nan lokolok ahpw I nsenamwahu
\q2 pwehki sapwellimomwi inowo kakehleiedahr.
\q1
\v 51 Me aklapalap akan kin mwamwahlikin ie,
\q2 ahpw I sohte kin sohpeisang sapwellimomwi kosonned.
\q1
\v 52 Maing KAUN, I kin tamanda sapwellimomwi kadeik en mahs ako,
\q2 eri ihme kin kansenamwahwihiehla.
\q1
\v 53 I kin lingeringerkihda kowahlap,
\q2 ei kin kilang aramas suwed akan ar kin kauwehla sapwellimomwi kosonned.
\q1
\v 54 Sapwellimomwi mahsen kan wia audepen ei koul kan
\q2 nan ei mour mwotomwot nan sampah wet.
\q1
\v 55 Maing KAUN, I kin tamankomwihda nipwong,
\q2 oh I kin medemedewe duwen sapwellimomwi kosonnedo.
\q1
\v 56 I kin diar ei nsenamwahu
\q2 pwehki ei kapwaiada sapwellimomwi mahsen kan.
\s1 Poadidiong Kosonned en KAUN-O
\q1
\v 57 Maing KAUN, komwihte me I kin anahne;
\q2 I inoukihda me I pahn peikiong sapwellimomwi kosonned kan.
\q1
\v 58 I patohwan peki rehmwi sang nan kapehdi unsek
\q2 komwi ketin kupwure ie, nin duwen me komwi ketin inoukidahr!
\q1
\v 59 I medemedewe duwen iren ei mour,
\q2 I ahpw inoukihda me I pahn idawehn sapwellimomwi kaweid kan.
\q1
\v 60 I sohte pahn pwand, ahpw I pahn mwadang
\q2 kapwaiada sapwellimomwi mahsen kan.
\q1
\v 61 Aramas suwed akan wiadahr arail mehn lidipih ie,
\q2 ahpw I sohte manokehla sapwellimomwi kosonnedo.
\q1
\v 62 I kin pwourda nin lukepen pwong
\q2 pwe I en kin kapingahkin komwi sapwellimomwi kadeik pwung kan.
\q1
\v 63 I kin kompoakepahniki irail koaros me kin papah komwi,
\q2 irail koaros me kin peikiong sapwellimomwi kosonned kan.
\q1
\v 64 Maing KAUN, sampah direkihla sapwellimomwi limpoak poatopoat;
\q2 komw ketin padahkihong ie sapwellimomwi kosonned kan.
\s1 Kesempwal en Kosonned en KAUN-O
\q1
\v 65 Maing KAUN, komw ketin kapwaiadahr sapwellimomwi inou,
\q2 oh kin ketin kupwur mwahu ong ie, sapwellimomwi ladu menet.
\q1
\v 66 Komw ketikihong ie loalokong oh erpit,
\q2 pwe I kin likih sapwellimomwi mahsen kan.
\q1
\v 67 I kin sapwungala mwohn omwi ketin kaloke ie,
\q2 a met I kin peikiong sapwellimomwi mahsen.
\q1
\v 68 Ia uwen omwi kupwur mwahu, ia uwen omwi kupwur kadek!
\q2 Komw ketin padahkihong ie sapwellimomwi kosonned kan.
\q1
\v 69 Aramas aklapalap akan wiadahr likamw ekei duwen ngehi,
\q2 ahpw sang nan mohngiongiet unsek I kin peikiong sapwellimomwi kaweid kan.
\q1
\v 70 Aramas pwukat sohte wehwehki,
\q2 ahpw I kin diar kansenamwahupei nan sapwellimomwi kosonnedo.
\q1
\v 71 Ei lokolok kan me mwahu ong ie,
\q2 pwe e kamarainihiehda ni padahkpen sapwellimomwi kosonned kan.
\q1
\v 72 I kesempwalki kosonnedo me komwi ketikihdo
\q2 sang mwohni en sampah koaros.
\s1 Pwuhng en Kosonned en KAUN-O
\q1
\v 73 Komwi me ketin wiaiehda, oh nekinekid ie mwahu;
\q2 komw ketikihong ie loalokong, pwe I en esehla sapwellimomwi kosonned kan.
\q1
\v 74 Irail kan me kin waunekin komwi pahn nsenamwahu ni ar pahn kilang ie;
\q2 pwehki ei likih sapwellimomwi inou.
\q1
\v 75 Maing KAUN, I patohwan ese me sapwellimomwi kadeik kan me pwung;
\q2 oh komwi ketin kaloke ie pwehki omwi loalopwoat.
\q1
\v 76 Eri sapwellimomwi limpoak poatopoat en kansenamwahwihiehla,
\q2 nin duwen inowo me komw ketin wiahiong ie, sapwellimomwi ladu menet.
\q1
\v 77 Komw ketin kupwurkalahngan ong ie, I ahpw pahn mourla
\q2 pwehki sapwellimomwi kosonned iei me kaperenpei.
\q1
\v 78 Me akalapalap akan en namenekla, pwehki ar karaun likamw ong ie;
\q2 a ngehi, I pahn kin medemedewe sapwellimomwi kaweid kan.
\q1
\v 79 Irail kan me kin waunekin komwi, re en sohpeidohng ie—
\q2 irail kan me ese sapwellimomwi mahsen kan.
\q1
\v 80 Komw kupwure pwe I en kapwaiada sapwellimomwi kosonned kan ni unsek
\q2 oh I en dehr namenengkihla ei lohdi.
\s1 Kapakap en Peki Komour
\q1
\v 81 Maing KAUN, I weikengkilahr awiawih komwi en komouriehla;
\q2 I likih mehlel sapwellimomwi mahsen.
\q1
\v 82 Pwoaren mesei kat sohla kilangki wasa ei kasikasik sapwellimomwi inowo,
\q2 I ahpw kin idek, “Iahd me komw pahn ketin sewese ie?”
\q1
\v 83 I rasehngehr ehd kilin mahn mering me pahn lekdekla;
\q2 ahpw I sohte patohwan manokehla sapwellimomwi mahsen kan.
\q1
\v 84 Ia erein ahnsou me I pahn awiawih?
\q2 Iahd me komw pahn ketin kaloke irail kan me pwakipwahkih ie?
\q1
\v 85 Me aklapalap akan, me sohte kin kapwaiada sapwellimomwi kosonned,
\q2 weiradahr pwoahr kei pwe re en lidipihkin ie.
\q1
\v 86 Sapwellimomwi kosonned koaros me loalopwoat;
\q2 aramas akan kin kalokehkin ie koasoi likamw—komw ketin sewese ie!
\q1
\v 87 Kerenieng re pahn kemeiehla,
\q2 ahpw I sohte sohpeisang sapwellimomwi kosonned kan.
\q1
\v 88 Komw ketin kupwurehkin ie sapwellimomwi limpoak poatopoat,
\q2 pwe I en kapwaiada sapwellimomwi kosonned kan.
\s1 Pwoson Kosonned en KAUN-O
\q1
\v 89 Maing KAUN, sapwellimomwi mahsen pahn tengeteng kohkohlahte;
\q2 e kin poatopoat nanleng.
\q1
\v 90 Sapwellimomwi loalopwoat pil kin poatopoat erein dih koaros;
\q2 komw ketin koasoanehdi sampah nan dewe, oh e kin mihmihte.
\q1
\v 91 Mehkoaros kin mihmihte lel rahnwet pwehki sapwellimomwi kosonned kan,
\q2 pwehki mehkoaros kin uhpah komwi.
\q1
\v 92 Ma ei peren sohte pwilisang ni sapwellimomwi kosonnedo,
\q2 eri, I mehkilahr ei lokolok kan.
\q1
\v 93 I sohte pahn manokehla sapwellimomwi kaweid kan,
\q2 pwehki kaweid pwukat me komwi ketin kolokolki ei mour.
\q1
\v 94 Sapwellimomwi ngehi—komw ketin doareiehla!
\q2 I kin nantihong kapwaiada sapwellimomwi kosonned kan.
\q1
\v 95 Aramas suwed kan kin awiawih pwe re en kemeiehla,
\q2 ahpw I pahn kin medemedewe duwen sapwellimomwi kosonned kan.
\q1
\v 96 I patohwan eseier duwen mehkoaros ar sohte unsek;
\q2 ahpw sohte irepen sapwellimomwi kosonnedo!
\s1 Poakohng Kosonned en KAUN-O
\q1
\v 97 Ia uwen ei poakohng sapwellimomwi kosonnedo!
\q2 I kin medemedewe sang nimenseng lel nipwong.
\q1
\v 98 Sapwellimomwi kosonnedo kin ieiang ie ahnsou koaros
\q2 oh kin kahrehda ei loalokong sang ei imwintihti.
\q1
\v 99 I loalokong sang ei sounpadahk kan koaros,
\q2 pwehki ei kin medemedwe sapwellimomwi kaweid kan.
\q1
\v 100 I koahiek sang me mah kan,
\q2 pwehki ei kin kapwaiada sapwellimomwi kosonned kan.
\q1
\v 101 I kin kadohwansang ie soangen tiahk suwed koaros,
\q2 pwehki ei kin ngoangki peikiong sapwellimomwi mahsen.
\q1
\v 102 I sohte seukautihong sapwellimomwi kaweid kan,
\q2 pwehki pein komwi me ketin padahkihong ie.
\q1
\v 103 Ia uwen mem en sapwellimomwi kaweid kan—
\q2 e mem sang sukehn loangalap.
\q1
\v 104 I kin loalokongkihla sapwellimomwi kosonned kan,
\q2 ihme I kin kailongkihki soangen tiahk suwed koaros.
\s1 Marain sang ni Kosonned en KAUN-O
\q1
\v 105 Sapwellimomwi mahsen, iei serepei, mehn kaweid ie,
\q2 oh kamarainpen elei kan.
\q1
\v 106 I pahn kapwaiada ei inou
\q2 me I pahn kin peikiong sapwellimomwi kaweid pwung kan.
\q1
\v 107 Maing KAUN, ei lokolok kan me mwuledek;
\q2 komw ketin kolokol ei mour, nin duwen me komwi ketin inoukidahr.
\q1
\v 108 Maing KAUN, komw ketin kupwure ei kapakap en kapingkalahngan,
\q2 oh ketin padahkihong ie sapwellimomwi kosonned kan.
\q1
\v 109 I kin men tounmeteikihla ei mour;
\q2 I saikinte manokehla sapwellimomwi kosonnedo.
\q1
\v 110 Aramas suwed kan kin lidipih ie,
\q2 ahpw I sohte sapeikiong sapwellimomwi kosonnedo.
\q1
\v 111 I pahn kolokol sapwellimomwi kosonned kan kohkohlahte;
\q2 pwe iei kaperenpen mohngiongi.
\q1
\v 112 I patohwan koasoanedier nan kapehdi me I pahn peikiong sapwellimomwi kosonned kan
\q2 lao lel rahn me I pahn mehla.
\s1 Poadoarpatail nan Kosonned en KAUN-O
\q1
\v 113 I kin kailongki irail kan me kin soaloalopwoatohng komwi,
\q2 ahpw I wauneki sapwellimomwi kosonnedo.
\q1
\v 114 Komwi me doarepei oh silepei,
\q2 I kin koapworopworki sapwellimomwi inou.
\q1
\v 115 Kumwail me dipan akan, kumwail kohkohweisang ie.
\q2 I pahn kapwaiada kosonned kan en ei Koht.
\q1
\v 116 Komwi ketin kakehleiehda, nin duwen omwi ketin inoukidahr, I ahpw pahn mourla;
\q2 komwi dehr ketin mweidohng I en namenekla nan ei koapworopwor.
\q1
\v 117 Komwi ketin kolokol ie, I ahpw pahn nekinek mwahu,
\q2 oh tehk mwahu sapwellimomwi kosonned kan ahnsou koaros.
\q1
\v 118 Komwi kin ketin soikala irail koaros me sohte kin kapwaiada sapwellimomwi kosonned kan,
\q2 pwe ar lamalam likamw akan sohte katepe.
\q1
\v 119 Komwi kin ketin wiahki kihd aramas suwed koaros,
\q2 ihme I kesempwalkihki sapwellimomwi kaweid kan.
\q1
\v 120 I masepwehk pwehki komwi,
\q2 I masepwehk kowahlap pwehki sapwellimomwi kopwung.
\s1 Kapwaiada Kosonned en KAUN-O
\q1
\v 121 I wiadahr dahme mwahu oh pwung;
\q2 komwi dehr ketin keseiehla pahn manaman en ei imwintihti kan!
\q1
\v 122 Komwi ketin inoukihda me komwi pahn ketin sewese sapwellimomwi ladu;
\q2 komwi dehr ketin mweidohng me aklapalap akan en kaloke ie!
\q1
\v 123 Pwoaren mesei kat sohla kilangki wasa ei kasikasik sapwellimomwi sawas en komour,
\q2 komouro me komwi ketin inoukidahr.
\q1
\v 124 Komw ketin mahsendohng ie nin duwen sapwellimomwi limpoak poatopoat,
\q2 oh ketin padahkihong ie sapwellimomwi kosonned kan.
\q1
\v 125 Sapwellimomwi ladu ngehi; komwi ketin kamarainih ie,
\q2 pwe I en dehdehkihla sapwellimomwi padahk kan.
\q1
\v 126 Maing KAUN, ih ahnsou en sapwellimomwi mwekid met,
\q2 pwehki aramas akan kauwelahr sapwellimomwi kosonned.
\q1
\v 127 I kesempwalki sapwellimomwi kosonned kan sang kohl,
\q2 sang kohl me keieu kaselel.
\q1
\v 128 Ihme kahrehda I idawehn sapwellimomwi kaweid kan koaros,
\q2 oh kailongki ahl sapwung koaros.
\s1 Ineng en Kapwaiada Kosonned en KAUN-O
\q1
\v 129 Sapwellimomwi padahk kan me inenen kaselel;
\q2 I kin kapwaiada nan mohngiongi unsek.
\q1
\v 130 Kawehwehpen sapwellimomwi padahk kan kin kahrehda marain
\q2 oh kin ketikihdo erpit ong me soaloaloakong kan.
\q1
\v 131 Nan ei inengiong sapwellimomwi mahsen kan
\q2 eweiet kin sarapeseng oh wie esiesingek dondod.
\q1
\v 132 Komwi ketin sohpeidohng ie oh kupwurkalahngan ong ie
\q2 nin duwen me komwi kin ketin wiahiong irail kan koaros me kin poakohng komwi.
\q1
\v 133 Nin duwen me komwi ketin inoukidahr, komw ketin kolokol ie pwe I en dehr pwupwudi;
\q2 komwi dehr ketin mweidohng suwed en kaloweiehdi.
\q1
\v 134 Komw ketin kapitiehla sang irail kan me kalokaloke ie,
\q2 pwe I en kak kapwaiada sapwellimomwi kosonned kan.
\q1
\v 135 Komwi ketin kupwuramwahwihkin ie omwi pahn ketin ieiang ie
\q2 oh ketin padahkihong ie sapwellimomwi kosonned kan.
\q1
\v 136 Pilen mesei kin keredi duwehte pillap ehu,
\q2 pwehki aramas akan ar sohte kin kapwaiada sapwellimomwi kosonnedo.
\s1 Pwuhng Pahrek en Kosonned en KAUN-O
\q1
\v 137 Maing KAUN, komwi me pwung,
\q2 oh sapwellimomwi kosonned kan me pwung.
\q1
\v 138 Kosonned kan me komwi ketikihdo
\q2 me uhdahn pahrek oh pwung.
\q1
\v 139 Ei lingeringer kin lullul loalei duwehte kisiniei,
\q2 pwehki ei imwintihti kan ar mwamwahliki sapwellimomwi kosonned kan.
\q1
\v 140 Ia uwen dehde en sapwellimomwi inowo!
\q2 Ia uwen ei kin poakohng!
\q1
\v 141 Paliwereiet sohte kesempwal oh me samin,
\q2 ahpw I sohte kin sohpeisang sapwellimomwi padahk kan.
\q1
\v 142 Sapwellimomwi pwung pahn poatopoat kohkohlahte,
\q2 oh sapwellimomwi kosonnedo kin pwung ahnsou koaros.
\q1
\v 143 I direkilahr apwal oh pwunod,
\q2 ahpw sapwellimomwi kosonned kan kin kahrehiong ie peren.
\q1
\v 144 Sapwellimomwi kaweid kan kin pwung ahnsou koaros;
\q2 komwi ketikidohng ie wehwe, I ahpw pahn kak momour.
\s1 Kapakap en Komourla
\q1
\v 145 Sang nan mohngiongi unsek I kin likweriong komwi;
\q2 maing KAUN, komwi ketin sapeng ie oh I pahn kapwaiada sapwellimomwi mahsen kan.
\q1
\v 146 I patohwan likweriong komwi;
\q2 komwi ketin doareiehla I ahpw pahn kapwaiada sapwellimomwi kosonned kan.
\q1
\v 147 Mwohn dakadahn ketipin I kin patohwan peki sawas sang rehmwi;
\q2 I kin koapworopworki sapwellimomwi inou.
\q1
\v 148 I kin pepehd pwohng ehu pwon,
\q2 pwe I en medemedewe sapwellimomwi kaweid kan.
\q1
\v 149 Maing KAUN, komwi ketin karonge ie, pwehki sapwellimomwi limpoak me poatopoat,
\q2 komwi ketin kasalehiong ie sapwellimomwi kalahngan, oh ketin komouriehla!
\q1
\v 150 Aramas lemei kan me kin pwakipwakih ie kerendohr,
\q2 irail kan me sohte mwahn kin kapwaiada sapwellimomwi kosonned.
\q1
\v 151 Ahpw maing KAUN, komwi ketiket limwahi,
\q2 oh sapwellimomwi mahsen koaros me poatopoat.
\q1
\v 152 Sangete mahs I dehdehki duwen sapwellimomwi kaweid kan;
\q2 komwi ketin kupwuredahr en kin poatopoat kohkohlahte.
\s1 Peki Sawas
\q1
\v 153 Komwi ketin mahsanih ei lokolok, oh ketin doareiehla,
\q2 pwehki ei sohte mwahn kin sohpeisang sapwellimomwi kosonnedo.
\q1
\v 154 Komwi ketin uhpalihki ei pwung, oh ketin kasaledekihiehla;
\q2 komwi ketin doareiehla, nin duwen me komwi ketin inoukidahr.
\q1
\v 155 Aramas suwed kan sohte pahn mourla,
\q2 pwehki ar sohte peikiong sapwellimomwi kosonned kan.
\q1
\v 156 Ahpw maing KAUN, sapwellimomwi limpoak me lapalap;
\q2 komwi ketin kasalehda omwi kupwurkalahngan oh ketin doareiehla!
\q1
\v 157 Ei imwintihti oh me kin kalokaloke ie me ngeder,
\q2 ahpw I sohte sohpeisang sapwellimomwi kosonned kan.
\q1
\v 158 Ni ei kin kilang sounpang aramas pwukat, I kin direkihla nsensuwed,
\q2 pwehki ar sohte kin kapwaiada sapwellimomwi kosonned kan.
\q1
\v 159 Maing KAUN, komw ketin mahsanih uwen ei kin poakohng sapwellimomwi kaweid kan.
\q2 Sapwellimomwi limpoak sohte kin wekidekla, eri, komw ketin doareiehla!
\q1
\v 160 Poahsoan en sapwellimomwi kosonned iei mehlel,
\q2 oh sapwellimomwi kopwung kan me poatopoat.
\s1 Loalopwoatohng Kosonned en KAUN-O
\q1
\v 161 Me lapalap akan kin uhwong ie ni sohte kahrepe,
\q2 ahpw I kin wauneki sapwellimomwi kosonned.
\q1
\v 162 Ia uwen ei peren pwehki sapwellimomwi inou kan—
\q2 peren duwehte aramas me kin diar kepwe kesempwal.
\q1
\v 163 I kin kailongki oh tatki lokaia likamw koaros,
\q2 ahpw I kin kesempwalki sapwellimomwi kosonned.
\q1
\v 164 I kin kapingkalahngan ong komwi pak isuh nan rahn ehu
\q2 pwehki pwung en sapwellimomwi kopwung kan.
\q1
\v 165 Irail kan me kin kesempwalki sapwellimomwi kosonned kin ahneki saledek sang apwal,
\q2 oh sohte mehkot me kak kahrehiong arail pahn pwupwudi.
\q1
\v 166 Maing KAUN, I kasikasik sapwellimomwi komour,
\q2 oh I kin kapwaiada dahme komwi kin ketin mahsanih.
\q1
\v 167 I kin kapwaiada saapwellimomwi padahk kan;
\q2 I kin poakohng ni mohngiong unsek.
\q1
\v 168 I kin peikiong sapwellimomwi kosonned kan oh sapwellimomwi kaweid kan;
\q2 komwi kin ketin mahsanih mehkoaros me I kin patohwan wia.
\s1 Kapakap en Peki Sawas
\q1
\v 169 Maing KAUN, ei likwer en pek sawas en leldawohng rehmwi!
\q2 Komwi ketikidohng ie dehdehki, nin duwen me komwi ketin inoukidahr.
\q1
\v 170 Komwi ketin karonge ei kapakap,
\q2 oh ketin doareiehla nin duwen sapwellimomwi inowo!
\q1
\v 171 I pahn kin kapikapinga komwi ahnsou koaros,
\q2 pwehki omwi ketin padahkihong ie sapwellimomwi kosoned kan.
\q1
\v 172 I pahn koulki duwen sapwellimomwi kosonnedo,
\q2 pwehki sapwellimomwi kosonned kan me pwung.
\q1
\v 173 Komwi kin ketin onopada ahnsou koaros pwe komwi en ketin sewese ie,
\q2 pwehki ei kin idawehn sapwellimomwi kosonned kan.
\q1
\v 174 Maing KAUN, ia uwen ei kin anahne sapwellimomwi sawas en komour!
\q2 I kin diar nsenamwahu nan sapwellimomwi kosonned.
\q1
\v 175 Komwi ketikidohng ie mour, pwe I en kak kapingahkin komwi;
\q2 sapwellimomwi kaweid kan en sewese ie.
\q1
\v 176 I kin sansalongseli duwehte sihpw men me salongalahr;
\q2 eri, komwi ketido rapahkin ie, sapwellimomwi ladu,
\q2 pwehki ei sohte kin sohpeisang sapwellimomwi kosonned kan.
\c 120
\s1 Kapakap en Peki Sawas
\q1
\v 1 Ni ei mihla nan apwal, I ahpw patohwan likweriong KAUN-O,
\q2 e ahpw ketin sapeng ie.
\q1
\v 2 Maing KAUN, komw ketin doareiesang
\q2 aramas likamw oh widing kan.
\b
\q1
\v 3 Kumwail me likamw akan, dahme Koht pahn ketin wiahiong kumwail?
\q2 Ia duwen eh pahn ketin kalokei kumwail?
\q1
\v 4 Lokolok en arep keng sang sounpei men,
\q2 iangahki takai mwehl sang nan uhmw!
\b
\q1
\v 5 Ei koukousoan rehmwail me kansensuwed rasehng ei keiru nan Mesek,
\q2 de rehn mehn Kedar \f k \fr 120:5 \fr*\fk MESEK...KEDAR: \fk*\ft Sahpw doh riau, me dene towe kan kin kemehla aramas pwehki ar rotorot.\ft*\f* kan.
\q1
\v 6 Meid werei ei kousoanlahr
\q2 rehn aramas akan me kin kailongki mwehi kapohl!
\q1
\v 7 Ni ei kin patohwan ong irail duwen mwehi kapohl,
\q2 re kin mwahuki mahwen.
\c 121
\s1 KAUN-O, iei Silepatail
\q1
\v 1 I saradahng nahna kan;
\q2 ia wasa me sawasepei pahn kohdo sang ie?
\q1
\v 2 Sawasepei pahn pwarodo sang rehn KAUN-O,
\q2 me ketin kapikada nanleng oh sampah.
\b
\q1
\v 3 E sohte pahn mweidohng ke en pwupwudi;
\q2 silepomw sohte kin ketin seimwokla.
\b
\q1
\v 4 Silepen Israel
\q2 sohte kin ketin lusoi de seimwok!
\q1
\v 5 KAUN-O, iei ih me pahn ketin sinsileiuk;
\q2 e kin ketiket limwahmw pwe en ketin apwalihiuk.
\q1
\v 6 Ketipin sohte pahn kauweiukala nin rahn,
\q2 de maram nipwong.
\b
\q1
\v 7 KAUN-O pahn ketin silehsang uhk soahng keper koaros;
\q2 e pahn ketin sinsileiuk mehlel.
\q1
\v 8 E pahn ketin sinsileiuk ni omw kohwei oh kohdo,
\q2 met oh pil kohkohlahte.
\c 122
\s1 Kapingpen Serusalem \f l \fr 122:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 I nsenamwahukihla ni ar patohwanohng ie,
\q2 “Kitail patohla nan tehnpas en KAUN-O.”
\q1
\v 2 Eri iet, se miher met,
\q2 uh nan wenihmw kan en kelen Serusalem!
\b
\q1
\v 3 Serusalem, iei kahnimw me onohndasapahlehr
\q2 kahnimw lingan oh soanamwahu.
\q1
\v 4 Iei wasaht me kadaudok kan kin patopene ie,
\q2 kadaudok en Israel kan,
\q1 pwe re en kin kapingkalahngan ong KAUN-O
\q2 nin duwen sapwellime kosonned.
\q1
\v 5 Iei wasaht me nanmwarkien Isreal kan
\q2 kin wia kopwung ong sapwellimarail aramas akan.
\b
\q1
\v 6 Kumwail peki mwehi kapohl ong Serusalem:
\q2 “Paiamwahu en kowohng irail kan me kin poakohng komwi.
\q1
\v 7 Mwehi kapohl en kin pweida nan omwi kehl kan,
\q2 oh meleilei nan tehnpasomwi kan.”
\q1
\v 8 Pwehki riei kan oh kompoakepahi kan
\q2 I kin patohwanohng Serusalem,
\q1 “Popohl en ieiang komwi!”
\q1
\v 9 Pwehn wia kamwahupen tehnpas en KAUN-O, atail Koht
\q2 I kin kapakapkin komwi pwe komwi en paiamwahu.
\c 123
\s1 Kapakap en Peki Kalahngan
\q1
\v 1 Maing KAUN, I patohwan saradawohng komwi,
\q2 nanleng wasa me komwi kin ketin kakaun.
\q1
\v 2 Maing KAUN, at Koht, duwen sounpapah men eh kin uh pahn eh kaun,
\q2 duwen sounpapah lih men eh kin uh pahn eh lih kaun,
\q1 ih duwen at pahn patohwan saradahng komwi,
\q2 komwi lao pahn ketin kupwurei kiht.
\b
\q1
\v 3 Maing KAUN, komw ketin kupwurkalahngan, komw ketin kupwur kalahngan ong kiht;
\q2 se weikeklahr kowahlap.
\q1
\v 4 E wereilahr at wie lokolongki kepweikeng en me kepwehpwe kan
\q2 oh mwamwahlahr pahn me kin kahrehiong kiht nan kehnaudek kan.
\c 124
\s1 Koht me Silepen Sapwellime Aramas akan \f m \fr 124:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Ia duwe, ma KAUN-O sohte ketin uhpalihkin kitail?
\q1 Israel, sapeng ie!
\b
\q1
\v 2 “Ma KAUN-O sohte ketin uhpalihkinkitailehr
\q2 ni ahnsou me atail imwintihti kan mahweniong kitail,
\q1
\v 3 re uhdahn kadalleikitaillahr ni atail momour
\q2 nan arail lingeringer kowahlap;
\q1
\v 4 eri, kitail ahpw pahn peikihla ahden pillap akan,
\q2 oh mwopwla nan pihlo,
\q2
\v 5 ahden lapake pahn kamwopwkitailla.”
\b
\q1
\v 6 Kitail kasapahlkalahngan ong KAUN-O,
\q2 me sohte ketin mweidohng atail imwintihti kan en kamwomwkitailla.
\q1
\v 7 Kitail pitlahr rasehng menpihr men me pitsang nan lidip en sounwie lidip kan;
\q2 lidipo ohlahr, oh kitail saledeklahr!
\q1
\v 8 Sawasepatail kin pwarodo sang rehn KAUN-O,
\q2 me ketin kapikada nanleng oh sampah.
\c 125
\s1 Silasil Mwahu en Sapwellimen Koht Aramas akan
\q1
\v 1 Irail kan me kin likih KAUN-O, re rasehng Nahna Saion,
\q2 me sohte kak itikekda, sohte kak mwekidida.
\q1
\v 2 Duwen nahna kan ar kapilpene Serusalem,
\q2 ih duwen Koht eh kin ketin kapikapil sapwellime aramas akan,
\q2 met oh pil kohkohlahte.
\b
\q1
\v 3 Aramas suwed kan sohte pahn kin kaunda sapwen me pwung kan ahnsou koaros;
\q2 pwe ma re pahn wia met, mwein me pwung kan pahn pil kakete iang wia me suwed.
\q1
\v 4 Maing KAUN, komw ketin wiahda me mwahu ong irail kan me kin wia me mwahu,
\q2 irail kan me kin kapwaiada sapwellimomwi kosonned kan.
\q1
\v 5 Ahpw ni omwi kin ketin kaloke aramas suwed akan,
\q2 komw pil ketin kaloke irail kan me kin sohpeisang sapwellimomwi ahl akan.
\b
\q1 Popohl en kin ieiangete Israel!
\c 126
\s1 Kapakap en Peki Komour
\q1
\v 1 Ni ahnsou me KAUN-O ketin kasapahldohng kitail nan Serusalem,
\q2 likamwete kitail ouraman!
\q1
\v 2 Ia uwen atail kouruhr! Ia uwen atail koul oh ngisingiski atail peren!
\q2 Mehn liki kan ahpw ndinda,
\q2 “Wiepen nin limen KAUN-O rehrail me lapalap.”
\q1
\v 3 Mehlel e ketin wiadahr soahng kapwuriamwei kei rehtail;
\q2 ia uwen atail peren!
\b
\q1
\v 4 Maing KAUN, komw ketin kasapahlkitalahng nan uhdakato,
\q2 duwehte keteu eh kin kasapahldohng pihl nan warawar en pihl me madada kan.
\q1
\v 5 Irail kan me sengiseng nindokon arail kamwakamwarak,
\q2 re en dolung wahnsapwarail pereperen!
\b
\q1
\v 6 Irail kan me sengiseng nindokon arail weuwa kohwei ar werentuhke kan
\q2 re en koul oh ngisingiski peren ni arail pahn pwurodo,
\q2 wa kohdo wahnsapwarail.
\c 127
\s1 Kapingpen Kalahngan en Koht \f n \fr 127:0 \fr*\fk TITLE NI MAHSEN EN IPRU: \fk*\ft En Solomon.\ft*\f*
\q1
\v 1 Ma KAUN-O sohte ketin kauwada ihmwo,
\q2 doadoahk en sounkou ihmw kan sohte pahn katepe;
\q1 ma KAUN-O sohte kin ketin sinsile kahnimw ehu,
\q2 silepen kahnimw kan pahn sinsile mwahl.
\q1
\v 2 Sohte katepen omw pahn tihtihwohki raparapahki omw mour,
\q2 sangkenei pwopwourda nin sohrahn, oh pwand en meirla nipwong.
\q1 Pwe KAUN-O kin ketikihda kisin tungoal ong me e kin poakohng kan,
\q2 nindokon arail kin wie memeir.
\b
\q1
\v 3 Seri kan, iei kisakis ehu sang rehn KAUN-O;
\q2 uhdahn kapai ehu sang reh.
\q1
\v 4 Pwutak kan me ohl emen nainekidahr ni eh pwulopwul,
\q2 rasehng arep kei nan pehn sounpei men.
\q1
\v 5 Meid pai aramaso me naineki tehtehn mahwen tohto pwukat!
\q1 E sohte pahn lohdi
\q2 ni eh pahn tuhwong eh imwintihti kan nan wasahn kopwung.
\c 128
\s1 Ketingpen Aramas me kin Peikiong KAUN-O
\q1
\v 1 Meid pai irail kan me kin peikiong KAUN-O,
\q2 oh kin momourki sapwellime kosonned akan.
\b
\q1
\v 2 Ke pahn kin ale dahme ke anahne sang nan omw doadoahk;
\q2 ke pahn kin peren oh paiamwahu.
\q1
\v 3 Omw pwoud pahn kin rasehng tuhkehn wain wohkian ni imwomwo,
\q2 oh noumw pwutak kan pahn kin rasehng tuhke olip kapilpene omw tehpel.
\q1
\v 4 Aramas emen me kin peikiong KAUN-O
\q2 uhdahn pahn kin ale soangen kupwuramwahu wet.
\b
\q1
\v 5 KAUN-O en ketin kupwuramwahwihiuk sang Saion!
\q2 Ke en kadehde kapai kan en Serusalem
\q2 rahn koaros en omw mour!
\q1
\v 6 Ke en momour oh kak kilang nein noumw seri kan!
\b
\q1 Popohl en kin ieiangete Israel!
\c 129
\s1 Kapakap en Uhwong Imwintihti en Mehn Israel
\q1
\v 1 Israel, ndadohng kiht mahs duwen omw imwintihti kan ar kalokeiuk
\q2 sangete ni omw pwulopwul.
\b
\q1
\v 2 “Sang ni ei pwulopwul
\q2 ei imwintihti kan kalokehkin ie kalokolok mwuledek,
\q2 ahpw re so mwahn kaloweiehdi.
\q1
\v 3 Re kalipwelipwehda tihnseweiet
\q2 duwehla wasa me kin deideidahr ong wasahn poad wahnsahpw.
\q1
\v 4 Ahpw KAUN-O, ih me pwung,
\q2 e ketin kasaledekihiehla sang nan mour en lidu.”
\b
\q1
\v 5 Eri koaros me kin kailongki Saion
\q2 re en lohdi oh tangdoaui.
\q1
\v 6 Irail koaros en duwehla dihpw me kin wosada pohn pwelengen ihmw,
\q2 me kin mengila mwohn eh pahn laudla;
\q1
\v 7 me sohte me kin rikpene
\q2 de wahsang.
\q1
\v 8 Sohte me kin keid limwah pahn nda,
\q2 “KAUN-O en ketin kupwuramwahwih kumwail!
\q2 Se kupwuramwahwih kumwail ni mwaren KAUN-O.”
\c 130
\s1 Kapakap en Peki Sawas
\q1
\v 1 Maing KAUN, sang nan ei weikeklahr mwuledek, I patohwan likweriong komwi.
\q1
\v 2 Maing ei Kaun, komw ketin karonge ie,
\q2 komw ketin karonge ngilen ei pek sawas!
\q1
\v 3 Ma komw pahn ketin kilelehdi dipat akan,
\q2 ihs me kak pitsang sapwellimomwi kadeik?
\q1
\v 4 A komw kin ketin mahkohng kiht,
\q2 pwe se en kin lammwikin komwi.
\b
\q1
\v 5 I kin ngoangki kasikasik sawas sang rehn KAUN-O,
\q2 oh I kin likih mehlel sapwellime mahsen.
\q1
\v 6 I kin kasikasik KAUN-O
\q2 laudsang silepen nipwong kan ar kin awiawih marain en nin sohrahn—
\q2 ei, laudsang silepen nipwong kan ar kin awiawih marain en nin sohrahn.
\b
\q1
\v 7 Kumwail tohn Israel, kumwail en likih KAUN-O,
\q2 pwehki sapwellime limpoak me poatopoat
\q2 oh e kin ketin kupwurohki doareikitailla ahnsou koaros.
\q1
\v 8 E pahn ketin doarehla sapwellime aramas en Israel kan
\q2 sang nan diparail kan koaros.\x - \xo 130:8 \xo*\xt Mad. 1.21; Tait. 2.14.8\xt*\x*
\c 131
\s1 Kapakap en Likilik ni Karakarahk \f o \fr 131:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Maing KAUN, I patohwan pwilikidier ei aklapalap
\q2 oh patohwan sohpeisangehr ei pohnmwahso.
\q1 I solahr kin pwunodki soahng kesempwal akan
\q2 de soahng kan me I sohte kakohng.
\q1
\v 2 I ahpw patohwan itarkihte ei onepek oh popohl.
\q1 Duwen seri pwelel men eh kin mihmi pohn kepehn eh nohno,
\q2 iei duwen mohngiongiet eh meleilei loalei.
\q1
\v 3 Israel, ke en likih KAUN-O
\q2 met oh pil kohkohlahte!
\c 132
\s1 Kapingpen Tehnpas Sarawi
\q1
\v 1 Maing KAUN, komw dehr ketin meliehla Depit
\q2 oh soangen apwal akan koaros me lelohng ih.
\q1
\v 2 Maing KAUN, komw ketin tamanda dahme e patohwan inoukihong komwi,
\q2 inowo me e patohwan wiahiong komwi, Wasa Lapalap, Koht en Seikop:
\q1
\v 3 “I sohte pahn pedolong nan imweio oh wendi nan kieio;
\q2
\v 4 I sohte pahn kommoal de meirla,
\q2
\v 5 I lao pahn diar wasa kis ong KAUN-O,
\q2 tehnpas ehu ong Wasa Lapalap, Koht en Seikop.”
\b
\q1
\v 6 Se rongehr duwen Kohpwahn Inowo, nan Pedleem,
\q2 se ahpw diarada nan mohs en Searim.\x - \xo 132:6 \xo*\xt 2 Kron. 6.41-42.\xt*\x*
\q1
\v 7 Se ahpw patohwan, “Kitail patolahng nan tehnpas en KAUN-O;
\q2 kitail eri wia atail kaudok mwohn mwoale.”
\b
\q1
\v 8 Maing KAUN, komw ketidohng nan Tehnpas Sarawio iangahki sapwellimomwi Kohpwahn Inowo,
\q2 kilel en sapwellimomwi manaman,
\q2 oh ketikette wasaht kohkohlahte.
\q1
\v 9 Sapwellimomwi samworo kan en wia dahme pwung ahnsou koaros;
\q2 sapwellimomwi aramas koaros en ngisingiski ar peren!
\b
\q1
\v 10 Komw ketin inoukihongehr sapwellimomwi ladu Depit;
\q2 Maing KAUN, komw dehr soikeweisang rehmwi nanmwarki me komw ketin piladahr.
\q1
\v 11 Komw ketin wiahiong Depit inou mehlel ehu—
\q2 inou ehu me komw sohte pahn ketin wekidala:
\q1 “I pahn kasapwilada emen noumw pwutak kan en nanmwarki,
\q2 oh e pahn kakaun mwurimw.\x - \xo 132:11 \xo*\xt 2 Sam. 7.12-16; 1 Kron. 17.11-14; Mel. 89.3-4; Wie. 2.30.\xt*\x*
\q1
\v 12 Ma noumw pwutak kan pahn loalopwoatohng ei inou
\q2 oh kosonned akan me I pahn kihong irail,
\q2 eri, neirail seri kan pil pahn iang mwohd nan mwoahl wet kohkohlahte.”
\b
\q1
\v 13 KAUN-O ketin piladahr Saion;
\q2 e ketin kupwurki wiahki wasao tehnpese:
\q1
\v 14 “Iei wasaht me I pahn kin kousoan ie kohkohlahte;
\q2 iei wasaht me I pahn kin kakaun wasa.
\q1
\v 15 I pahn kapaiahkihda Saion soangen kamwahu koaros me e kin anahne;
\q2 I pahn kammedehkihla me semwehmwe kan kisin mwenge.
\q1
\v 16 I pahn kupwuramwahwih eh samworo kan ni arail wiewia kan koaros,
\q2 oh aramas koaros en kokoul oh ngisngiski ar peren.
\q1
\v 17 Iei wasaht me I pahn kasapwilada emen kadaudok en Depit pwe en wiahla nanmwarki lapalap;
\q2 oh I pahn kadakadaur manaman en nanmwrkio me I piladahr.\x - \xo 132:17 \xo*\xt 1 Nan. 11.36.\xt*\x*
\q1
\v 18 I pahn kihong eh imwintihti kan nan kanamenek mwuledek,
\q2 a eh wehi pahn paiamwahu oh pweida.”
\c 133
\s1 Kapingpen Limpoakpene \f p \fr 133:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Ia uwen lingan, ia uwen kansenamwahu
\q2 en sapwellimen Koht aramas akan ar kin miniminpene!
\q1
\v 2 E kin rasehng lehn kei kesempwal
\q2 me kin dingidingidi sang pohn moangen oh alis en Aaron,
\q2 dingidingidiong pohn tepinweren eh likou puhp.
\q1
\v 3 E rasehng pwoaik pohn Nahna Ermon,
\q2 me kin mweremwerediong pohn dohl kan en Saion.
\q1 Pwe iei wasao me KAUN-O ketin inoukihda me e pahn ketikihong kitail sapwellime kupwuramwahu—
\q2 mour me sohte kak imwisekla.
\c 134
\s1 Likwer en Kapinga Koht
\q1
\v 1 Kumwail patohdo oh iang kapinga KAUN-O,
\q2 kumwail sapwellime ladu kan koaros,
\q2 kumwail koaros me kin iang papah nan Tehnpeseo nipwong.
\q1
\v 2 Kumwail kapahda pehmwail kan oh kapakap nan Tehnpaso,
\q2 oh kapinga KAUN-O!
\b
\q1
\v 3 KAUN-O me ketin kapikada nanleng oh sampah,
\q2 en ketin kupwuramwahwih kumwail sang Saion!
\c 135
\s1 Koulen Kaping
\q1
\v 1 Kapinga KAUN-O!
\b
\q1 Kumwail kapinga mware, kumwail sapwellimen KAUN-O ladu kan,
\q2
\v 2 me kin iang papah nan tehnpas en KAUN-O,
\q2 nan Tehnpas en atail Koht.
\q1
\v 3 Kumwail kapinga KAUN-O, pwehki ih me ketin kupwur mwahu;
\q2 kumwail koul kapinga mware, pwehki ih me ketin kupwur kadek.
\q1
\v 4 E ketin pilada Seikop,
\q2 oh aramas en Israel kan pwe en ketin sapwellimanikinirailla.
\b
\q1
\v 5 I patohwan wehwehki me atail KAUN-O me lapalap,
\q2 lapalapasang koht akan koaruhsie.
\q1
\v 6 E kin ketin wia mehkoaros me e kin kupwurki
\q2 nanleng oh sampah,
\q2 nansed oh nan kepin madau kan.
\q1
\v 7 E kin ketikihdo depwek en melimel sang ni imwin sampah;
\q2 e kin ketin wiahda lioal en piripir nan melimel kan,
\q2 oh kin ketikihdo kisinieng sang nan dewerail kan.
\b
\q1
\v 8 E ketin kemehla mesenih koaros nan Isip,
\q2 mesenih en aramas oh mahn akan.
\q1
\v 9 E ketin wiahda manaman oh soahng kapwuriamwei kei wasao
\q2 pwe en ketin kaloke nanmwarkio oh sapwellime lapalap akan.
\q1
\v 10 E ketin kamwomwala wehi tohtohie
\q2 oh kemehla nanmwarki kehlail kan:
\q1
\v 11 Sihon, nanmwarkien mehn Amor kan,
\q2 Ok, nanmwarkien Pasan,
\q2 oh nanmwarki koaros nan Kenan.
\q1
\v 12 E ketikihong sapwarail ko ong sapwellime aramas ako;
\q2 e ketikihong mehn Israel sahpw pwukat.
\b
\q1
\v 13 Maing KAUN, se pahn kin wiahki komwi at Koht ahnsou koaros;
\q2 dih koaros pahn kin tamataman komwi.
\q1
\v 14 KAUN-O pahn ketin doarehla sapwellime aramas akan;
\q2 e pahn ketin kupwurehla sapwellime ladu kan.
\b
\q1
\v 15 Koht en wehi kan kin wiawihkihda silper oh kohl;
\q2 pehn aramas me kin wiairailda.\x - \xo 135:15 \xo*\xt Mel. 115.4-8; Kaud. 9.20.\xt*\x*
\q1
\v 16 Mie awarail, re ahpw sohte kak lokaia,
\q2 mie masarail, re ahpw sohte kak kilang wasa.
\q1
\v 17 Mie salengarail, re ahpw sohte kak rong wasa;
\q2 re pil sohte kak esingek.
\q1
\v 18 Irail kan koaros me wiairailda oh kin likih irail,
\q2 re en duwehla dikedik en eni pwukat me re wiahda!
\b
\q1
\v 19 Kapinga KAUN-O, kumwail aramas en Israel kan;
\q2 kapinga ih, kumwail samworo en Koht kan!
\q1
\v 20 Kapinga KAUN-O, kumwail mehn Lipai kan;
\q2 kapinga ih, kumwail koaros me kin kaudokiong!
\q1
\v 21 Kapinga KAUN-O nan Saion,
\q2 nan Serusalem, sapwellime mwoahl.
\b
\q1 Kapinga KAUN-O!
\c 136
\s1 Koulen Kapingkalahngan
\q1
\v 1 Kumwail kapingkalahngan ong KAUN-O, pwehki ih me ketin kupwur mwahu;
\q2 sapwellime limpoak me poatopoat.\x - \xo 136:1 \xo*\xt 1 Kron. 16.34; 2 Kron. 5.13; 7.3; Esra 3.11; Mel. 100.5; 106.1; 107.1; 118.1; Ser. 33.11.\xt*\x*
\q1
\v 2 Kumwail kapingkalahngan ong Koht me keieu lapalapasang koht akan koaros;
\q2 sapwellime limpoak me poatopoat.
\q1
\v 3 Kumwail kapingkalahngan ong kaun me keieu roson sang kaun akan koaros;
\q2 sapwellime limpoak me poatopoat.
\q1
\v 4 Ihete me kin ketin wiahda manaman kupwuriamwei kan;
\q2 sapwellime limpoak me poatopoat.
\q1
\v 5 Sapwellime erpit me e ketin wiahkihda nanleng;
\q2 sapwellime limpoak me poatopoat.\x - \xo 136:5 \xo*\xt Sen. 1.1.\xt*\x*
\q1
\v 6 E ketin kauwada sampah pohn pihl loal akan;
\q2 sapwellime limpoak me poatopoat.\x - \xo 136:6 \xo*\xt Sen. 1.2.\xt*\x*
\q1
\v 7 E ketin kapikada ketipin oh maram;
\q2 sapwellime limpoak me poatopoat;\x - \xo 136:7 \xo*\xt Sen. 1.16.\xt*\x*
\q1
\v 8 ketipin mehn kakaun rahn akan;
\q2 sapwellime limpoak me poatopoat;
\q1
\v 9 maram oh usu kan mehn kakaun nipwong;
\q2 sapwellime limpoak me poatopoat.
\b
\q1
\v 10 E ketin kemehla mesenih koaros nan Isip;
\q2 sapwellime limpoak me poatopoat.\x - \xo 136:10 \xo*\xt Eks. 12.29.\xt*\x*
\q1
\v 11 E ketin kahluwa mehn Israel ko sang Isip;
\q2 sapwellime limpoak me poatopoat;\x - \xo 136:11 \xo*\xt Eks. 12.51.\xt*\x*
\q1
\v 12 ni roson oh manaman en nin lime;
\q2 sapwellime limpoak me poatopoat.
\q1
\v 13 E ketin pwalangpeseng Sehd Weitahtao;
\q2 sapwellime limpoak me poatopoat;\x - \xo 136:13 \xo*\xt Eks. 14.21-29.\xt*\x*
\q1
\v 14 e ketin kahluwa sapwellime aramas ako nansedo;
\q2 sapwellime limpoak me poatopoat;
\q1
\v 15 e ahpw ketin kakihrala nanmwarkien Isip oh iangahki nah karis ko;
\q2 sapwellime limpoak me poatopoat.
\b
\q1
\v 16 E ketin kahluwa sapwellime aramas ako nan sapwtehn;
\q2 sapwellime limpoak me poatopoat.
\q1
\v 17 E ketin kemehla nanmwarki kehlail kan;
\q2 sapwellime limpoak me poatopoat;
\q1
\v 18 e ketin kemehla nanmwarki ndand kan;
\q2 sapwellime limpoak me poatopoat;
\q1
\v 19 Sihon, nanmwarkien mehn Amor;
\q2 sapwellime limpoak me poatopoat;\x - \xo 136:19 \xo*\xt Nemp. 21.21-30.\xt*\x*
\q1
\v 20 oh Ok, nanmwarkien Pasan;
\q2 sapwellime limpoak me poatopoat.\x - \xo 136:20 \xo*\xt Nemp. 21.31-35.\xt*\x*
\q1
\v 21 E ketikihong sapwarail ko ong sapwellime aramas ako;
\q2 sapwellime limpoak me poatopoat;
\q1
\v 22 E ketikihong Israel, sapwellime ladu;
\q2 sapwellime limpoak me poatopoat.
\b
\q1
\v 23 E sohte ketin melieikitailla ni atail lohdi;
\q2 sapwellime limpoak me poatopoat;
\q1
\v 24 E ketin kasaledengkitailla sang atail imwintihti kan;
\q2 sapwellime limpoak me poatopoat.
\b
\q1
\v 25 E kin ketikihong mehkoaros me momour kisin tungoal;
\q2 sapwellime limpoak me poatopoat.
\b
\q1
\v 26 Kumwail kapingkalahngan ong Koht en nanleng;
\q2 sapwellime limpoak me poatopoat.
\c 137
\s1 En mehn Israel ar Loaleid ni ar Kalipilipala
\q1
\v 1 Se mwohndier ni keilen pillap en Papilon kan;
\q2 oh wie sengiseng ni at kin tamanda Saion.
\q1
\v 2 Se pil kin langahda nait keseng arp akan
\q2 nan tuhke kan en wasao.
\q1
\v 3 Irail me salihkitedi, re ndaiong kiht se en kouliong irail,
\q2 oh se en kamwait irail:
\q2 “Kumwail koulkihong kiht apwoat koulen duwen Saion.”
\b
\q1
\v 4 Eri, ia duwen at kak koulki koulen KAUN-O
\q2 nan sapwen mehn liki kan?
\q1
\v 5 Serusalem, ma I manokeiukala
\q2 pehi kat en sohla kak kesengki arp!
\q1
\v 6 Ma I sohte tamanuhkada
\q2 oh ma I sohla pahn wiahkin uhk kaperenpei me keieu laud,
\q2 loweiet en sohla kak koul.
\b
\q1
\v 7 Maing KAUN, komw ketin tamanda dahme mehn Edom ko wiadahr
\q2 ni rahn me Serusalem lohdiong at imwintihti ko.
\q1 Komw ketin tamanda duwen ar kin ndinda,
\q2 “Kumwail kauwehla, oh karangkehdi!”
\b
\q1
\v 8 Papilon, ke pahn kamwommwomwla.
\q1 Meid pai aramas me pahn dupukohng uhk
\q2 me ke wiahiongkitehro—\x - \xo 137:8 \xo*\xt Kaud. 18.6.\xt*\x*
\q2
\v 9 me pahn ale noumw seri pwelel kan
\q2 oh kasungkinihrpeseng takai kan.
\c 138
\s1 Kapakap en Kapingkalahngan \f q \fr 138:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Maing KAUN, I kin patohwan kasapahlkalahngan ong komwi sang nan mohngiongi unsek;
\q2 I pahn koulkihong komwi koulen kaping mwohn koht akan.
\q1
\v 2 I kin sohpeiong Tehnpasomwi Sarawio,
\q2 poaridi oh kapinga mwaromwi
\q1 pwehki sapwellimomwi limpoak poatopoat oh loalopwoat,
\q2 pwehki omwi ketin kasaledahr duwen mwaromwi oh sapwellimomwi kosonned akan ar lapalahpie.
\q1
\v 3 Komw ketin sapeng ie ni ei patohwan likweriong komwi;
\q2 komw ketin kakehlakiniedahr sapwellimomwi roson.
\b
\q1
\v 4 Maing KAUN, nanmwarki koaros en sampah pahn kapinga komwi,
\q2 pwehki ar rongehr sapwellimomwi inou kan.
\q1
\v 5 Re pahn koulki dahme komw ketin wiadahr
\q2 oh duwen sapwellimomwi roson lapalahpie.
\q1
\v 6 Mehnda ma komw kin ketiket wasa ileilehie,
\q2 ahpw komw kin ketin kupwure me tikitik kan,
\q2 oh me aklapalap akan sohte kak ruksang komwi.
\b
\q1
\v 7 Ni ei kin mihla nan apwal akan,
\q2 komw kin ketin apwahpwalih ie.
\q1 Komw kin ketin pelianda lingeringer en ei imwintihti kan
\q2 oh kin ketin kapitkiniehla sapwellimomwi manaman.
\q1
\v 8 Komw pahn ketin kapwaiada sapwellimomwi inou kan koaros;
\q2 Maing KAUN, sapwellimomwi limpoak me poatopoat.
\q2 Komw ketin kaunsekala doadoahk me komw ketin tapihadahr.
\c 139
\s1 Sapwellimen Koht Erpit oh Kupwurkalahngan \f r \fr 139:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, komw ketin kasawih ie, eri, komw ketin mwahngih ie.
\q1
\v 2 Komw ketin mwahngih mehkoaros me I kin wia;
\q2 sang wasa doh, komw ketin mwahngih ei lamalam akan koaros.
\q1
\v 3 Komw kin ketin mahsanih ie, ni ei kin doadoahk de kommoal, sohte lipilipil;
\q2 komw ketin mwahngih ei wiewia kan koaros.
\q1
\v 4 Pil mwohn ei kin patoh,
\q2 komw mwahngiher dahme I pahn patohwan.
\q1
\v 5 Komw kin ketin kapiliepene ni pali koaros;
\q2 komw kin ketin sinsilehkin ie sapwellimomwi manaman.
\q1
\v 6 Omwi wehwehkin ie me inenen laud mehlel;
\q2 me apwal ong ie mehlel I en dehdehki.
\b
\q1
\v 7 Ia wasa I kak patohla ie, pwe I en pitsang komwi?
\q2 Ia wasa I kak patohwan tangala ie, pwe I en rirsang silangmwi?
\q1
\v 8 Ma I pahn patohdahla nanleng, komwi pahn ketiket wasao;
\q2 ma I pahn patohdihla nan wasahn me melahr akan, komw pil kin ketiket wasao.
\q1
\v 9 Ma I pahn pihrlahng palilahn palimesenleng
\q2 de kousoanla wasa keieu doh palikapi,
\q1
\v 10 komw pil kin ketiket wasa ko pwe komwi en kin ketin kahluwa ie,
\q2 komw pil kin ketiket wasao ko pwe komwi en kin ketin sewese ie.
\q1
\v 11 I kakete patohwanohng rotorot en koduhpwaliehdi
\q2 de marain en rotala,
\q1
\v 12 ahpw mwohn silangmwi rotorot sohte kin rotorot,
\q2 oh nipwong kin marain duwehte nin rahn.
\q2 Rotorot oh marain kin duwepenehte rehmwi.
\b
\q1
\v 13 Komwi me ketin wiahda soahng koaros ni paliwereiet;
\q2 komwi me ketin kakonepene paliwereiet nan kapehd en inei.
\q1
\v 14 I kin patohwan kapingahkin komwi omwi lammwin kowahlap;
\q2 wiepen nin limomwi kan me kapwuriamwei oh inenen mwahu mehlel.
\q2 I kin wehwehki duwen met.
\q1
\v 15 Ni tih kat eh kakonokonpene
\q2 ni keneinei nan kapehd en inei,
\q1 ni ei tepin kekeirda wasa riro,
\q2 komw ketin mwahngihieier—
\q2
\v 16 komw ketin mahsanihieier mwohn ei ipwidi.
\q1 Rahn akan en mouriet
\q2 kileldi nan sapwellimomwi pwuhk,
\q2 pil mwohn tepidahn keieun rahn.
\q1
\v 17 Maing Koht, ia uwen eh apwal ong ie I en dehdehkihla audepen kupwuromwi kan;
\q2 ia uwen tohtohn audepen kupwuromwi kan!\x - \xo 139:17 \xo*\xt Sir. 18.5-7.\xt*\x*
\q1
\v 18 Ma I song en wadekedi, re pahn tohtohsang piken ni oaroahr kan.
\q2 Ni ei patohwan pirida, I patohwan ieiang komwihte.
\b
\q1
\v 19 Maing Koht, ia uwen ei ngoangki komwi en ketin kemehla aramas suwed kan!
\q2 Ia uwen ei ngoangki aramas lemei en piseksang ie!
\q1
\v 20 Re kin lahlahwei komwi;
\q2 re kin kasaminehla mwaromwi.
\q1
\v 21 Maing KAUN, ia uwen ei kailongki irail kan me kin kailongkin komwi!
\q2 Ia uwen ei mwamwahliki irail kan me kin kahngohdiong komwi!
\q1
\v 22 I kin kailongkin irail mehlel;
\q2 I kin wiahkin irail ei imwintihti.
\b
\q1
\v 23 Maing Koht, komw ketin kasawih ie, pwe komwi en mwahngih mohngiongiet;
\q2 komw ketin song ie, pwe komwi en mwahngih ei lamalam akan.
\q1
\v 24 Komw ketin rapahki ma mie suwed ehu rehi
\q2 oh ketin kahluwa ie nan ahl en mour soutuk.
\c 140
\s1 Kapakap en Silasil \f s \fr 140:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, komw ketin kapitiehla sang aramas suwed;
\q2 komw ketin sileiesang sounkam aramas akan.
\q1
\v 2 Re kin koasoakoasone mehkot suwed ahnsou koaros,
\q2 ahnsou koaros re kin kamwoarongehda aramas akan.
\q1
\v 3 Lowarail kan kin rasehng lowen sineik me kin kemehla aramas;
\q2 arail lokaia kan rasehng pwoisen en sineik.\x - \xo 140:3 \xo*\xt Rom 3.13.\xt*\x*
\b
\q1
\v 4 Maing KAUN, komw ketin sileiesang manaman en aramas suwed kan;
\q2 komw ketin sileiesang sounkam aramas akan
\q2 me kin nannantihong pwe I en pwupwudi.
\q1
\v 5 Aramas aklapalap kei wiadahr arail mehn lidipih ie;
\q2 re koasoanedier arail lidip kan
\q2 limwahnial pwe re en lidipihiehdi.
\b
\q1
\v 6 I ahpw patohwanohng KAUN-O, “Komwi me ei Koht.”
\q2 Maing KAUN, komw ketin karonge ngilen ei pek sawas!
\q1
\v 7 Maing KAUN, Wasa Lapalahpie, soundoarepei roson,
\q2 komwi me ketin sinsilei ie ni ahnsoun mahwen.
\q1
\v 8 Maing KAUN, komw dehr ketikihong aramas suwed kan dahme re kin anahne;
\q2 komw dehr ketin mweidohng arail koasoandi kan en kin pweida.
\b
\q1
\v 9 Komw dehr ketin mweidohng ei imwintihti kan en powehdi;
\q2 komw kupwure pwe ar widing kan en pwurehng irail.
\q1
\v 10 Komw ketin kamwerediong pohrail mwoalus mwehl;
\q2 oh re en lekdekiong nan ehu pwoahr loalen me re sohte kak kohda sang ie.
\q1
\v 11 Irail kan me kin karaun likamw ong meteikan re en dehr kin pweida;
\q2 oh me suwed en kin uhd kamwomwala sounkam aramas akan.
\b
\q1
\v 12 Maing KAUN, I patohwan ese me komw kin ketin doarehla pwung en me semwehmwe kan
\q2 oh pwung en me paisuwedlahr akan.
\q1
\v 13 Mehlel, aramas pwung kan pahn kapinga komwi;
\q2 re pahn kin momour mwohn silangmwi.
\c 141
\s1 Kapakap en Nin Soutik \f t \fr 141:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, I patohwan likweriong komwi; komw ketin sewese ie met!
\q2 Komw ketin karonge ie ni ei patohwan likweriong komwi.
\q1
\v 2 Komw ketin kupwurehla ei tungoal kapakap duwehte warpwohmwahu,
\q2 komw ketin kupwurehla ei pekipek duwehte omwi kin kupwure meirong en nin soutik kan.\x - \xo 141:2 \xo*\xt Kaud. 5.8.\xt*\x*
\b
\q1
\v 3 Maing KAUN, komw ketikihong silepen eweiet,
\q2 oh ketikihong silepen wenihmwen kilineweiet.
\q1
\v 4 Komw sileiesang ineng en wia me sapwung
\q2 de patehng aramas suwed kan nan ar tiahk suwed.
\q1 I en dehr kin iang towehda arail kamadipw kan.
\b
\q1
\v 5 Aramas mwahu men kak kaloke oh lipwoare ie ni kadek,
\q2 ahpw I sohte pahn perenki ale wahu sang rehn aramas suwed kan,
\q2 pwe ei kapakap kan kin uhwong ar wiewia suwed kan ahnsou koaros.
\q1
\v 6 Ahnsou me arail kaun akan kin lekdekdi sang pohn paip ileile kan,
\q2 iei ih ahnsou me aramas akan pahn kamehlele me ei koasoi kan me mehlel.
\q1
\v 7 Rasehng lepintuhke me kin pwalpeseng oh loptikpene,
\q2 ih duwen tihrail kan eh kin mwarahkpeseng pohn ar sousou.
\b
\q1
\v 8 Ahpw, Maing KAUN, Wasa Lapalahpie, I koapworopworkin komwi.
\q2 I kin patohwan rapahki sapwellimomwi silasil;
\q2 komw dehr ketin mweidohng ie I en mehla!
\q1
\v 9 Komw ketin sileiesang lidip kan me re wiahiong ie,
\q2 sang lidip kan en me loallap suwed pwuko.
\q1
\v 10 Aramas suwed kan en pein pwupwudiong nan ar lidip kan
\q2 a en dehr kauweiehla.
\c 142
\s1 Kapakap en Peki Sawas \f u \fr 142:0 \fr*\fk TITLE NI MAHSEN EN IPRU: \fk*\ft En Depit koul ni eh mihmi nan pwoaren paipo; kapakap ehu.\ft*\f* \x - \xo 142:0 \xo*\xt 1 Sam. 22.1; 24.3.\xt*\x*
\q1
\v 1 I likweriong KAUN-O pwehn ketin sewese ie;
\q2 oh ngidingidki ei pekipek.
\q1
\v 2 I patohwanohng ei kaulim kan koaros;
\q2 I patohwan wehkadahng ei apwal akan koaros.
\q1
\v 3 Ni ngeniet e mwoatohtalahr kowahlap,
\q2 e mwahngih dahme konehng I en wia.
\q1 Ei imwintihti kan ekihla lidip ehu mehn lidipihiehdi,
\q2 nan ahl me I kin weweid ie.
\q1
\v 4 Ni ei kilikilengseli limwahi
\q2 I kilang me sohte mehmen me kak sewese ie,
\q2 sohte mehmen me kak sinsile ie.
\q1 Sohte mehmen me kesempwal kin ie.
\b
\q1
\v 5 Maing KAUN, I patohwan likweriong komwi pwe komwi en ketin sewese ie;
\q2 komwi maing KAUN, iei komwi, me silepei;
\q2 komwihte me I anahne nan mour wet.
\q1
\v 6 Komw ketin karonge ie ni ei pek sawas,
\q2 pwe I kihrlahr nan apwal.
\q1 Komw ketin doareiesang ei imwintihti kan;
\q2 re me nohn kehlail sang ie.
\q1
\v 7 Komw ketin kasaledekihiehla sang nan ei pwunod akan;
\q2 eri I ahpw pahn kapinga komwi ni pokon en sapwellimomwi aramas akan
\q2 pwehki omwi ketin kupwur mwahu ong ie.
\c 143
\s1 Kapakap en Peki Sawas \f v \fr 143:0 \fr*\fk TITLE NI MAHSEN EN IPRU: \fk*\ft En Depit melkahka.\ft*\f*
\q1
\v 1 Maing KAUN, komw ketin karonge ei kapakap!
\q2 Komw ketin karonge ei pekipek ngidingid ni sapwellimomwi pwuhng;
\q2 komw ketin sapeng ie ni loalopwoat!
\q1
\v 2 Komw dehr ketin kadeik ie, sapwellimomwi ladu menet;
\q2 sohte emen me sohte dipe mwohn silangmwi.\x - \xo 143:2 \xo*\xt Rom 3.20; Kal. 2.16.\xt*\x*
\b
\q1
\v 3 Ei imwintihtio koliedier
\q2 oh poweiedier douluhl.
\q1 E ahpw keseiehlong nan imweteng rotorot ehu,
\q2 wasa I rasehngalahr me melahr akan kawao.
\q1
\v 4 Ngeniet mwoatohtalahr;
\q2 oh I milahr nan pwunod laud.
\b
\q1
\v 5 I tamataman rahn akan me samwalahr;
\q2 I medemedewe duwen soahng koaros me komw ketin wiadahr,
\q2 oh katamandohng ie wiepen nin limomwi kan koaros.
\q1
\v 6 I kapahda pehi kat ni ei kapakapohng komwi;
\q2 ngeniet tihwohkinkomwilahr rasehngalahr pwehl madekeng e kin anahne pihl.
\b
\q1
\v 7 Maing KAUN, komw ketin kupwure ie met!
\q2 Solahr ei koapworopwor.
\q1 Komw dehr ketin rirweisang ie,
\q2 pwe I dehr iang irail kan me kin kohdihla nan sapwen me melahr akan.
\q1
\v 8 Komw ketin katamankin ie nimenseng koaros duwen sapwellimomwi limpoak poatopoat,
\q2 pwe I kin koapworopworkin komwi.
\q1 Ei tungoal kapakap akan kin kohdawohng rehmwi;
\q2 komw ketin kasalehiong ie ahl me I pahn keid ie.
\b
\q1
\v 9 Maing KAUN, I patohdo pahn kupwuromwi pwe komwi en ketin sinsilei ie;
\q2 komw ketin kapitiehla sang ei imwintihti kan.
\q1
\v 10 Komwi me ei Koht;
\q2 komw ketin padahkihong ie duwen ei pahn kapwaiada kupwuromwien.
\q1 Komw ketin kupwur mwahu ong ie, oh kahluwa ie nan ahl me pwung.
\b
\q1
\v 11 Maing KAUN, komw ketin kapitiehla, nin duwen me komw ketin inoukidahr;
\q2 sang ni sapwellimomwi kupwur mwahu komw ketin doareiesang nan ei apwal akan!
\q1
\v 12 Pwehki sapwellimomwi limpoak ong ie, komw ketin kemehla ei imwintihti kan
\q2 oh ketin kamwomwala koaros me kin kaloke ie,
\q2 pwe sapwellimomwi ladu ngehi.
\c 144
\s1 En Nanmwarki men eh Kasapahlkalahngan ong Koht pwehki eh Powehdi \f w \fr 144:0 \fr*\fk TITLE NI MAHSEN EN IPRU: \fk*\ft En Depit.\ft*\f*
\q1
\v 1 Kapinga KAUN-O, me iei silepei!
\q2 E ketin kasukuhlihkin ie doadoahk en mahwen
\q2 oh ketin kaunopiedahng mahwen.
\q1
\v 2 Ih me silepei oh soundoarepei,
\q2 ei wasahn ruk oh sounkomourpei,
\q2 me I kin koapworopworki mehlel.
\q1 Ih me ketikidiong wehi kan pahn ei manaman.
\b
\q1
\v 3 Maing KAUN, dahkot aramas pwe komwi en kin ketin tehk;
\q2 dahkot aramas, pwe komwi en ketin kupwukupwure?\x - \xo 144:3 \xo*\xt Sohp 7.17-18; Mel. 8.4.\xt*\x*
\q1
\v 4 Aramas rasehng kisin tumwenieng;
\q2 rahn akan en eh mour rasehng mwete me kin mwadang sohrala.
\b
\q1
\v 5 Maing KAUN, komw ketin ritingada pahnlahng oh ketidihdo;
\q2 komw ketin sair nahna kan, re ahpw pahn kakusada ediniei.
\q1
\v 6 Komw ketin kadarpeseng lioal oh katangapeseng sapwellimomwi imwintihti kan;
\q2 komw ketin kadar sapwellimomwi arep kan oh pwakihirailpeseng.
\q1
\v 7 Komw ketin kapahdihdo nin limomwi kan;
\q2 komw ketin weikiehda sang nan kepin pihl loal wet, oh ketin kapitiehla;
\q2 komw ketin doareiesang pahn manaman en mehn liki kan,
\q2
\v 8 me sohte mwahn kin lokaia mehlel
\q2 oh pil kin likamw ni arail kin kahula.
\b
\q1
\v 9 Maing Koht, I pahn koulkihong komwi koul kapw pwoat;
\q2 I pahn kesengki nei arp oh kouliong komwi.
\q1
\v 10 Komw ketikihong nanmwarki kan manaman en powehdi
\q2 oh ketin kapitala sapwellimomwi ladu Depit.
\q1
\v 11 Komw ketin doareiesang imwintihti lemei kan;
\q2 komw ketin kapitiesang pahn manaman en mehn liki kan,
\q2 me sohte mwahn kin lokaia mehlel
\q2 oh pil kin likamw ni arail kin kahula.
\b
\q1
\v 12 At tungoal pwutak kan ni ar pwulopwul
\q2 re en rasehng kisin tuhke kan me kin keirda kehlail.
\q1 At tungoal serepein kan en rasehng uhr inen kan
\q2 me kin kalingana keimw en tehnpas akan.
\q1
\v 13 At tungoal imwen nahk kan en direkihla
\q2 soangen wahnsahpw koaros.
\q1 At tungoal pelin sihpw kan
\q2 en naitikihada kiden sihmpwul.
\q1
\v 14 At tungoal pelin kou kan en neitik oh tohtohla
\q2 sohte emen rehrail me pahn iohla, de salongala.
\q1 Ngilen paisuwed en dehr pwarada nanial en at kanihmw kan.
\b
\q1
\v 15 Meid pai wehi me ahneki soahng pwukat koaros;
\q2 meid pai aramas akan me arail Koht iei KAUN-O!
\c 145
\s1 Melkahkahn Kaping \f x \fr 145:0 \fr*\fk TITLE NI MAHSEN EN IPRU: \fk*\ft En Depit koulen kaping.\ft*\f*
\q1
\v 1 Maing Koht, ei nanmwarki, I pahn kalohkiseli sapwellimomwi roson lapalap,
\q2 I pahn patohwan kasapahlkalahngan ong komwi ahnsou koaros kohkohlahte.
\q1
\v 2 Rahn koaros I pahn kin patohwan kasapahlkalahngan ong komwi;
\q2 I pahn kin patohwan kapinga komwi ahnsou koaros kohkohlahte.
\q1
\v 3 KAUN-O me roson kowalahpie, me pwung en ketin ale kaping koaros;
\q2 sohte me kak dehdehki duwen sapwellime roson lapalap.
\b
\q1
\v 4 Dih kan koaros pahn kin kapinga wiepen nin limomwi kan;
\q2 re pahn kin lohkiseli duwen wiepen nin limomwi manaman akan.
\q1
\v 5 Aramas akan pahn kin koasoia duwen sapwelliomwi lingan oh roson,
\q2 oh I pahn kin medemedewe duwen omwi wiewia kapwuriamwei kan.
\q1
\v 6 Aramas akan pahn kin koasoia duwen wiepen nin limomwi manaman akan,
\q2 oh I pahn kin lohkiseli duwen sapwellimomwi roson lapalap.
\q1
\v 7 Re pahn kin koasoia duwen wiewia mwahu en nin limomwi kan koaros
\q2 oh koulki duwen sapwellimomwi kadek.
\q1
\v 8 KAUN-O me ketin limpoak oh kalahngan,
\q2 e kin ketin kanengamah oh diren limpoak poatopoat.
\q1
\v 9 E kin kupwur mwahu ong aramas akan koaros
\q2 oh kin ketin kalahngan ong wiepen nin lime kan koaros.
\b
\q1
\v 10 Maing KAUN, wiepen nin limomwi kan koaros pahn kapinga komwi,
\q2 oh sapwellimomwi aramas akan pahn kasapahlkalahngan ong komwi.
\q1
\v 11 Re pahn koasoia duwen lingan en sapwellimomwi wehi,
\q2 oh pil duwen sapwellimomwi manaman,
\q1
\v 12 Pwe aramas koaros en dehdehkihla duwen wiepen nin limomwi manaman akan
\q2 oh pil duwen roson lingan en sapwellimomwi wehi.
\q1
\v 13 Sapwellimomwi wehi, iei wehi soutuk ehu,
\q2 komwi me nanmwarki kohkohlahte.
\b
\q1 KAUN-O me ketin loalopwoat ni sapwellime inou kan;
\q2 oh me kin kalahngan ni wiepen nin lime kan koaros.
\q1
\v 14 E kin ketin sewese irail kan me kin mihla nan apwal;
\q2 e kin ketin pwekada irail kan me kin pwupwudi.
\b
\q1
\v 15 Me momour kan koaros kin sohpeiong oh koapworopworkin komwi,
\q2 oh komwi kin ketin katungoale irail nin duwen ar anahn akan.
\q1
\v 16 Komwi kin ketikihong irail uwen me itar
\q2 oh kin ketin kaitarala ar anahn akan koaros.
\b
\q1
\v 17 KAUN-O me ketin pwung ni mehkoaros me e kin ketin wia,
\q2 oh kalahngan ni wiepen nin lime kan koaros.
\q1
\v 18 E kin ketiket limwahn irail kan me kin likweriong,
\q2 irail akan me kin likweriong ni mehlel.
\q1
\v 19 E kin ketikihong anahn en irail me kin wauneki;
\q2 e kin ketin karonge ar likwer, oh kin ketin komourirailla.
\q1
\v 20 E kin ketin sinsile irail kan me kin poakohng,
\q2 a e pahn ketin kamwomwala aramas suwed akan.
\b
\q1
\v 21 I pahn kin patohwan kapinga KAUN-O ahnsou koaros;
\q2 wiepen nin lime kan koaros en kin kapinga mware sarawi ahnsou koaros kohkohlahte.
\c 146
\s1 Kapingpen Koht atail Sounkomour
\q1
\v 1 Kapinga KAUN-O!
\q2 Ngeni, kapinga KAUN-O!
\q1
\v 2 I pahn kapinga KAUN-O erein ei mour;
\q2 I pahn kokouliong ei Koht erein ei mour unsek.
\b
\q1
\v 3 Kumwail dehr koapworopworki me lapalap en sampah kan;
\q2 pwe sohte emen tohrohr kak komourkumwailla.
\q1
\v 4 Ni ar kin mehla, re kin pwurehng wiepwella;
\q2 oh ni ahnsowohte, ar koasoandi kan kin imwisekla.
\b
\q1
\v 5 Meid pai aramas me Koht en Seikop kin ketin sewese
\q2 oh me kin koapworopworki KAUN-O eh Koht,
\q2
\v 6 sounkapikada nanleng, sampah, oh madau kan,
\q2 oh audeparail kan koaros.
\q1 E kin ketin kapwaiada sapwellime inou kan ahnsou koaros;\x - \xo 146:6 \xo*\xt Wie. 4.24; 14.15.\xt*\x*
\q2
\v 7 e kin ketin sewese pwungen me toutoulahr akan
\q2 oh kin ketin katungoale me duhpeklahr akan.
\b
\q1 KAUN-O kin ketin kasaledekala me sensel kan
\q2
\v 8 oh kin ketin kapehdpeseng mesen me maskun kan.
\q1 E kin ketin pwekada me pwupwudi kan;
\q2 e kin ketin poakohng sapwellime aramas pwung kan.
\q1
\v 9 E kin ketin sinsile mehn liki kan me kin kousoan nan sapwatail;
\q2 e kin ketin sewese liohdi kan oh me sepwoupwou kan,
\q2 a e kin ketin kauwehla koasoandien aramas suwed akan.
\b
\q1
\v 10 KAUN-O pahn ketin nanmwarki kohkohlahte!
\q2 Saion, omw Koht pahn kakaun kohkohlahte!
\b
\q1 Kapinga KAUN-O!
\c 147
\s1 Kapingpen Koht Wasa Lapalap
\q1
\v 1 Kapinga KAUN-O!
\b
\q1 Meid mwahu koulki melkahka en kaping ong atail Koht;
\q2 meid kansenamwahu oh pwung kapinga ih.
\q1
\v 2 KAUN-O ketin onehda sapahl Serusalem;
\q2 e ketin kasapahldohr me kalipilipala kan.
\q1
\v 3 E ketin kamwahwihalahr me nan kapehd ohlahr akan
\q2 oh ketin kidimpenehr ar ohla kan.
\b
\q1
\v 4 Ih me kin ketin koasoanehdi tohtohn usu kan
\q2 oh ketikihong eden ehuehu usu.
\q1
\v 5 Atail Kaun me lapalap oh roson;
\q2 sapwellime kupwurokong sohte kak sosohngdi.
\q1
\v 6 E kin ketin kasapwilada me aktikitik kan,
\q2 eh ahpw kin ketin tiakdiong aramas suwed akan nanpwel.
\b
\q1
\v 7 Kumwail koulki koulen kaping ong KAUN-O;
\q2 kumwail kesengki arp ong atail Koht.
\q1
\v 8 E kin ketin kamwarakpeseng depwek kan pahnlahng;
\q2 e kin ketin kamwerediong keteu pohn sampah
\q2 oh kin ketin kawosehda dihpw pohn dohl akan.
\q1
\v 9 E kin ketikihong mahn akan arail kisin tungoal
\q2 oh kin katungoale kisin menpihr kan ni ar kin sengisengki ar men mwenge.
\b
\q1
\v 10 E sohte kin kupwurperenki kehlail en oahs akan,
\q2 de kommwad en sounpei kan;
\q1
\v 11 ahpw e kin kupwurperenki irail kan me kin wauneki,
\q2 irail kan me kin koapworopworki sapwellime limpoak poatopoat.
\b
\q1
\v 12 Serusalem, kapinga KAUN-O!
\q2 Saion, kapinga omw Koht!
\q1
\v 13 E kin ketin silehdi mwahu omw ewen kehl kan;
\q2 e kin ketin kupwuramwahwih noumw aramas akan.
\q1
\v 14 E kin ketin sinsile irepen omw wehi
\q2 oh kin katungoalehkin kumwail pilawa me keieu mwahu.
\b
\q1
\v 15 Ni eh kin ketin koasoanediong sampah mehkot,
\q2 koasoandio kin mwadangete pweida.
\q1
\v 16 E kin ketin kadaridi sinoh duwehte pilangkes ehu
\q2 oh kamwarak pwoaik rasehng pwelpar.
\q1
\v 17 E kin ketin kadaridi keteu aihs takai duwehte rakied;
\q2 oh sohte me kakohng kepeu me e kin ketin kadarodo!
\q1
\v 18 Eri, e kin ketin mahsente, a ais kin peipeseng;
\q2 e kin ketin kadar kisinieng, a pihl kin pwilipwiliwei.
\b
\q1
\v 19 E kin ketin poahngokohng sapwellime aramas akan,
\q2 sapwellime kaweid oh kosonned kan ong Israel.
\q1
\v 20 E sohte ketin wiahiong met wehi teikan;
\q2 re sohte ese sapwellime kosonned akan.
\b
\q1 Kapinga KAUN-O!
\c 148
\s1 Nanleng oh Sampah Pokon en Kapinga Koht
\q1
\v 1 Kapinga KAUN-O!
\b
\q1 Kumwail tohn powe kan,
\q2 kumwail kapinga KAUN-O sang nanleng.
\q1
\v 2 Kumwail, sapwellime tohnleng kan, kumwail koaros kapinga,
\q2 kumwail, sapwellime karis en nanleng, kumwail koaros pil kapinga.
\b
\q1
\v 3 Kumwa, ketipin oh maram, kumwa kapinga;
\q2 kumwail usu lingaling kan, kumwail pil kapinga.
\q1
\v 4 Kumwail, lahng ileilehie kan, oh pihl \f y \fr 148:4 \fr*\fk PIHL: \fk*\ft Tehk Sen. 1.6-7.\ft*\f* kan me mi pohn pwelengen lahng,
\q2 kumwail kapinga.
\b
\q1
\v 5 Mepwukat koaruhsie en kapinga mwaren KAUN-O!
\q1 E ketin mahsente, a re wiawihda;
\q2
\v 6 pwehki sapwellime mahsenohte, re ahpw soandier nan dewerail kohkohlahte,
\q2 oh re sohte kak sapeik.
\b
\q1
\v 7 Kumwail kapinga KAUN-O sang sampah,
\q2 kumwail mahn kamasepwehk kan en nan madau, oh kapin madau kan koaros,
\q1
\v 8 lioal oh keteu, sinoh oh depwek kan,
\q2 oh pil melimel kan me kin peikiong sapwellime mahsen kan.
\b
\q1
\v 9 Kumwail dohl oh nahna kan, kumwail kapinga;
\q2 tuhke me kin wah kan, oh tuhkehn nanwel kan;
\q1
\v 10 oh pil mahn akan koaros, me mand oh me lawalo kan,
\q2 mahn kerep oh menpihr kan.
\b
\q1
\v 11 Kumwail kapinga, kumwail nanmwarki kan oh aramas akan koaros,
\q2 soupeidi kan oh soangen soumas teikan koaros;
\q1
\v 12 mwahnakapw oh peinakapw akan,
\q2 me mah oh pil seri kan.
\b
\q1
\v 13 Irail koaruhsie en kapinga mwaren KAUN-O!
\q1 Mware me lapalap sang mwar teikan koaros;
\q2 sapwellime lingan kin ketiket pohnangin lahng oh sampah.
\q1
\v 14 E ketin kakehlahda sapwellime wehi,
\q2 pwe sapwellime aramas akan koaros en kapinga—
\q2 aramas en Israel kan me e kin ketin loalloale.
\b
\q1 Kapinga KAUN-O!
\c 149
\s1 Koulen Kaping
\q1
\v 1 Kapinga KAUN-O!
\b
\q1 Kumwail koulki koul kapw pwoat ong KAUN-O;
\q2 kumwail kapinga ih mwohn pokon en sapwellime aramas loalopwoat akan.
\q1
\v 2 Israel, ke en nsenamwahula, pwehki Sounwiepomw;
\q2 tohn Saion, kumwail perenda, pwehki amwail nanmwarki.
\b
\q1
\v 3 Kumwail kahlek kapingahki mware;
\q2 kumwail kesengki aip oh arp kapikapinga ih.
\b
\q1
\v 4 KAUN-O kin kupwurperenki sapwellime aramas akan;
\q2 e kin ketin kawauwihkihla powehdi en me aktikitik kan.
\q1
\v 5 Sapwellimen Koht aramas akan en perenkihda ar powehdi
\q2 oh re en kokoul en peren pwohng ehu unsek.
\q1
\v 6 Re en ngisingis nindokon ar kapikapinga Koht,
\q2 kolokol nair kedlahs keng kan\x - \xo 149:6 \xo*\xt 2 Mak. 15.27.\xt*\x*
\q2
\v 7 pwe re en kalowehdi wehi kan
\q2 oh kaloke aramas akan;
\q2
\v 8 pwe re en salihkihdi sahl mete ar nanmwarki kan,
\q2 ar kaun akan nan seliparail selmete kehlail;
\q2
\v 9 pwe re en kaloke wehi kan nin duwen Koht eh ketin koasoanehdi.
\q1 Ih met powehdi en sapwellimen Koht aramas akan.
\b
\q1 Kapinga KAUN-O!
\c 150
\s1 Kapinga KAUN-O!
\q1
\v 1 Kapinga KAUN-O!
\b
\q1 Kapinga Koht nan Tehnpese Sarawio!
\q2 Kapinga sapwellime roson lapalap nanleng!
\q1
\v 2 Kapinga pwehki wiepen nin lime kapwuriamwei kan.
\q2 Kapinga sapwellime roson lapalap.
\b
\q1
\v 3 Kapingahki noumwail sowi kan.
\q2 Kapingahki noumwail keseng arp oh lair kan.
\q1
\v 4 kapingahki noumwail aip oh amwail kahlek kan.
\q2 Kapingahki noumwail keseng arp oh ngilen mehn pepeuk kan.
\q1
\v 5 Kapingahki noumwail simpal kan.
\q2 Kapingahki ngilen simpal kaselel kan!
\q1
\v 6 Kumwail me momour koaros, kumwail kapinga KAUN-O!
\b
\q1 Kapinga KAUN-O!