\id PRO Pohnpeian Bible
\ide UTF-8
\h LEPIN PADAHK AUDAPAN KAN
\toc1 LEPIN PADAHK AUDAPAN KAN
\toc2 LEPIN PADAHK AUDAPAN KAN
\toc3 Lep.
\mt1 LEPIN PADAHK AUDAPAN KAN
\is1 Oaralap en Pwuhk wet
\ip Pwuken \bk Lepin Padahk Audapan Kan\bk*, iei lepin padahk duwen tiahk oh mour sarawi ni mwomwen lepin kahs kei oh lepin mahsen kei. Pali laud en lepin mahsen pwukat pid mouren aramas ni rahn koaros. Pwuhk wet tepkihda mehn kataman ehu me ketihtihki, “Ma ke loalokong, a ke uhdahn pahn lemmwiki Koht,” de “Tepin loalokong, iei lemmwiki Koht. Ekei pil pid soangen ire kei en tiahk mwahu en aramas emen oh pil tiahk kan me uhdahn konehng aramas koaros. Lepin mahsen mwotomwot tohto nan pwuhk wet kasalehda erpit en sounpadahk en Israel kawa ko, duwen dahme aramas loalokong men pahn wia ni soangen ahnsou kei. Ekei mahsen pwukat pidada mwomwen tiahk ni ahnsoun pokon ape, a ekei pidada anahn en emen en pein kaunda eh mwekid kan. Mahsen tohto pil mie duwen tiahk en mpahi, kanengamah, lamalam mwahu ong me semwehmwe kan, oh pil loalopwoatohng kompoakepahtail kan.
\iot Audepe ni Oaralap
\io1 Kapingpen erpit 1.1—9.18
\io1 Lepin padahk kan en Solomon 10.1—29.27
\io1 Masen en Akur 30.1-33
\io1 Soangen lepin kahs teikan 31.1-31
\c 1
\s1 Kesempwal en Lepin Padahk Audapan
\p
\v 1 Lepin padahk audapan en Solomon, sapwellimen Depit pwutak oh pil nanmwarkien Israel.\x - \xo 1:1 \xo*\xt 1 Nan. 4.32.\xt*\x*
\p
\v 2 Iet akan lepin padahk audapan kan, me pahn sewesei kumwail, pwe kumwail en kasawihada dahkot loalokong oh peneu mwahu, oh pil wehwehki lepin mahsen loal akan. 
\v 3 Lepin padahk pwukat kak padahkihong kumwail duwen amwail pahn momourki loalokong, oh duwen amwail pahn momourki inen, pwung, oh mwahu. 
\v 4 Re kak kakoahiekihala me soakoahiek kan, oh padahkihong me pwulopwul kan duwen ar pahn kak kapwaiada pwukoa tohto. 
\v 5 Lepin padahk pwukat pil kak kalaudehla loalokong en me loalokong kan, oh wia mehn kaweid ong me neksang sukuhl kan. 
\v 6 Eri, re ahpw pahn kak wehwehkihla wehwe rir en lepin padahk kan, oh pil peidek apwal kan me aramas loalokong kan kin kapwarehda.
\s1 Peneu ong Mwahnakapw Pwulopwul kan
\p
\v 7 Ma ke men loalokongla, ke uhdahn pahn lemmwiki Koht mwohn mehkoaros. Aramas soaloalokong kan sohte kin kesempwaliki loalokong, oh sohte men sukuhlki mehkot.\x - \xo 1:7 \xo*\xt Sohp 28.28; Mel. 111.10; Lep. Pad 9.10; Sir 1.14.\xt*\x*
\p
\v 8 Samwa, rong mahsen en omw pahpa, oh rong kanahieng padahk en omw nohno. 
\v 9 Pwe ara padahk kan pahn kamwahwihala omw mour, rasehng mwomw mwahu en elin kapwat pohn mwoangomw de elin tuhke nin tepinweromw.
\p
\v 10 Samwa, ni me suwed akan ar pahn kasongsongeiuk, dehr lohdiong. 
\v 11 Mweinele re pahn nda, “Nna, kitail rapahki emen oh kemehla. Kitail peiong aramas me soh-dipe kan, pwe en wia mehn kaperen ong kitail. 
\v 12 Mehnda ma kitail pahn diar ar momour oh kehlail, a kitail kadarmourihrailla. 
\v 13 Kitail pahn diarada dipwisou kaselel tohto, oh kadirehkihla imwatail kepwehn kuhl kan. 
\v 14 Kohdo, iang kiht! Kitail ahpw pahn ahnekipene kepwe pirapada kan.”
\p
\v 15 Eri, samwa, dehr werekiong soangen aramas pwukat, a kadohwaniraileweisang rehmw. 
\v 16 Irail kin ngoangki wiahda me suwed. Ahnsou koaros re kin onohnop en kemehla aramas. 
\v 17 Sohte katepen omw pahn kihpeseng uhk pwoat mwohn menpihr men me ke men koledi, ni eh kilikilengdohng uhk. 
\v 18 A soangen aramas pwukat kin kaunopada lidip ehu ong pein irail. Re sohte pahn ehu ong pein irail. Re sohte pahn koledi mehkot, ihte pein mourirail. 
\v 19 Tiahk en pirap kin pirapahla pein mouren sounpirapo—ih met me kin wiawihong irail me kin momourki pirap.
\s1 Loalokong kin Likilikwer
\p
\v 20 Kumwail rong! Loalokong kin likilikwer nanial kan oh nan wasahn netinet kan;\x - \xo 1:20 \xo*\xt Lep. Pad 8.1-3.\xt*\x* 
\v 21 e kin likilikwer laud nan wenihmwen kelen kahnimw kan, oh pil wasa koaros me aramas kin pokonpene ie:
\p
\v 22 “Kumwail aramas pweipwei kan! Ia erein amwail pahn men mihmi nan soangen mour wet? Ia werein amwail pahn kin mwamwahliki loalokong? Kumwail sohte pahn wehwehkihla? 
\v 23 Kumwail rong ei peneu kan; I ahpw pahn kihong kumwail kaweid mwahu oh pil ei loalokong. 
\v 24 I kin ekehker kumwail, I lukei kumwail en kohdo, a kumwail sohte men rong. Kumwail sohte mwahn tehk mwahu. 
\v 25 Kumwail kin sohpeisang ei peneu kan, oh sohte mwahn men I en kapwungohng kumwail. 
\v 26 Eri, ma kumwail pahn lelohng ni apwal, a I pahn kouruhrkin kumwail. Ni amwail masepwehk laud, I pil pahn kouruhrkin kumwail— 
\v 27 ni mehn kamasepwehk kot eh pahn lelohng kumwail, me rasehng melimel ehu oh kisinieng en apwal me wadohng kumwail medek oh kansensuwed. 
\v 28 Ni ahnsowo kumwail pahn likweriong ie, a I sohte pahn sapeng. Kumwail pahn kakete raparapahkin ie wasa koaros, a kumwail sohte pahn diar ie. 
\v 29 Kumwail saikinte mwahn doadoahngki amwail loalokong, kumwail sohte kin men lemmwiki KAUN-O. 
\v 30 Kumwail sohte mwahn men alehda ei peneu, de kesempwaliki ei kapwung. 
\v 31 Eri, kumwail uhdahn pahn ale mehkoaros me konehng kumwail, oh amwail wiewia kan pahn kansensuwedih kumwail. 
\v 32 Aramas soakoahiek kan kin mehkihla ar sohpeisang loalokong. Aramas pweipwei kan kin mwomwkihla ar sohte medemedewe mwahu. 
\v 33 A ma mehmen pahn rong ie, e pahn ale komour. E pahn poadoandoarla, oh sohte kahrepen eh pahn masak mehkot.”
\c 2
\s1 Ketingpen Kupwurokong
\p
\v 1 Samwa, padahngki dahme I padahkihwei, oh dehr manokehla dahme I ndaiong uhk ke en wia. 
\v 2 Rong kanahieng ngilen me kupwurokong kan oh nantihong dehdehkihla mehlel. 
\v 3 Ei, peki loalokong oh peki erpit ni ngidingid. 
\v 4 Rapahki uwen omw kak, rasehng me kin rapahki silper de takai kesempwal me rir kan. 
\v 5 Ma ke pahn kapwaiada met, eri, ke pahn esehla dahkot masak KAUN-O oh ke pahn pweida ni omw pahn padahngki duwen Koht. 
\v 6 Pwe KAUN-O iei ih me kin ketikihdo kupwurokong; iei ih me kin ketikihdo loalokong oh dehdehki.\x - \xo 2:6 \xo*\xt Kupw 9.10; Sir 1.1.\xt*\x* 
\v 7 E kin ketin sewesewese oh sinsile aramas pwung oh mehlel kan. 
\v 8 E kin ketin apwalih irail kan me kin apwalih mwahu meteikan, oh kin ketin sinsile irail kan me poadidiong.
\p
\v 9 Ma ke rong ie, ke pahn esehla dahkot pwung, mehlel, oh pwung pahrek. Ke pahn esehla dahme ke pahn wia. 
\v 10 Ke pahn loalokongla, oh omw loalokong pahn kansenamwahwihiukala. 
\v 11 Omw erpit oh dehdehki en wia poadoarepomw 
\v 12 oh kasilehsang uhk wiewia suwed. E pahn pil kadohwanowei sang uhk aramas akan me kin wiahda kahpwal sang ni arail koasoi— 
\v 13 soangen aramas me keselahr mour pwung pwe re en kousoan nan rotorot en dihp, 
\v 14 aramas me kin rapahki ar nsenamwahu nan wiewia sapwung oh perenki tiahk suwed kan, 
\v 15 iei ih aramas keseulikilik oh sohte emen kak likih.
\p
\v 16 Ke pahn kak pitsang lih suwed me pahn song en kasongosongehkin uhk eh lokaia kansenamwahu kan, 
\v 17 soangen lih me sohte kin loalopwoatohng eh pwoud oh manokehla inou sarawi kan me e wiadahr. 
\v 18 Ma ke pahn kohla ni imwen soangen lih suwed menet, ke kekeidier nan ahl en kolahng mehla. Pwe kolahng wasao, rasehng kolahng nan wasahn me melahr akan. 
\v 19 Aramas koaros me kin kolahng rehn liho sohte kin pwurodo. E sohte mwahn kin pwurodohng nan ahl en mour. 
\v 20 Eri, ke pahn idawehn karasepen aramas mwahu kan oh ahneki mour pwung. 
\v 21 Aramas pwung—aramas lelepek—pahn kousoan nan sahpw wet. 
\v 22 Ahpw Koht pahn ketin koakoahsang aramas suwed kan nan sahpwo oh usadahsang me dipan akan rasehng dihpw eh kin usuhsdahsang nan pwehl.
\c 3
\s1 Peneu ong Mwahnakapw akan
\p
\v 1 Samwa, dehr manokehla dahme I kin padahkihwei. Tamataman ahnsou koaros dahme I kin nadaiong uhk ke en wia. 
\v 2 Ei padahk pahn kahrehiong uhk mour werei oh paiamwahu. 
\v 3 Ke dehr kadohwanowei mehlel oh loalopwoat. Pirehiong ni tepinweromw, oh ntingihediong nan omw mohngiong. 
\v 4 Ma ke pahn wia met, Koht oh aramas akan pahn kupwurperenkin uhk.\x - \xo 3:4 \xo*\xt Luk 2.52.\xt*\x*
\p
\v 5 Likih KAUN-O ni mohngiongomw unsek. Dehr koapworopworki mehkan me ke pein lemeleme me ke ese. 
\v 6 Tamanda KAUN-O ni omw wiewia kan koaros, oh e pahn ketin kasalehiong uhk ahl me pwung. 
\v 7 Dehr mweidohng pein kowe en medemedewe me ke loalokongsang me ke uhdahn ese; ihte, peikiong KAUN-O oh mweisang wiewia sapwung.\x - \xo 3:7 \xo*\xt Rom 12.16.\xt*\x* 
\v 8 Ma ke pahn idawehn padahk pwukat, re pahn rasehng wini mwahu me kin kamwahwihala omw ohla kan oh katikitikihala omw weirek kan. 
\v 9 Wauneki KAUN-O ni omw pahn meirongkihong wahnsahpw me keieu mwahu. 
\v 10 Ma ke pahn wia met, omw imwen nahk kan pahn direkihla wahnsahpw akan, oh omw wain pahn laud mehlel, ke sohla pahn kak nekidala koaros.
\p
\v 11 Samwa, ni ahnsou me KAUN-O pahn kapwunguhkala, rong kanahieng, oh alehda nin duwen kehkehlik ehu.\x - \xo 3:11 \xo*\xt Sohp 5.17.\xt*\x* 
\v 12 KAUN-O kin ketin kapwungala irail kan me e kin ketin loalloale, duwehte sahm emen eh kin kapwungala nah pwutak me e kin suweiki.\x - \xo 3:12 \xo*\xt Ipru 12.5-6.\xt*\x*\x - \xo 3:12 \xo*\xt Kaud. 3.19.\xt*\x* 
\v 13 Meid kaperen ong aramas me kin loalokongla—oh dehdehkihla. 
\v 14 Met me mwahusang silper, pwe me katep laud ong uhk sang kohl. 
\v 15 Kupwurokong kesempwal sang mehlel takai kesempwal kan; sohte mehkot me ke pahn mwahuki me kak pahrekiong kesempwal en kupwurokong. 
\v 16 Kupwurokong kin kihong uhk ke en mour werei, oh kepwehpwe, oh wahun. 
\v 17 Kupwurokong kak kaparanda omw mour, oh kahluwaiuk pwe ke en dehr perki mehkot. 
\v 18 Irail kan me loalokonglahr kin pereperen; kupwurokong pahn kihong irail mour.
\q1
\v 19 KAUN-O ketin kapikihda sampah sapwellime kupwurokong;
\q2 sapwellime erpit me e ketin koasoanehkihdiong pahnlahng nan dewe.
\q1
\v 20 Sapwellime kupwurokong me kahrehda pillap akan ar pwilipwiliwei,
\q2 oh depwek kan en kamwerehdi keteu pohn sampah.
\p
\v 21 Samwa, katengediong loalomw omw loalokong oh erpit. Ke dehr mweidohng en dohsang uhk. 
\v 22 Pwe iei ih me pahn kahrehiong uhk mour kaperen oh kansenamwahu. 
\v 23 E pahn doandoareiuk nan elomw oh ke sohte pahn dipekelekel. 
\v 24 Ke pahn nsenamwahu ni omw pahn meirla, oh ke pahn meir mwahu pwohng ehu pwon. 
\v 25 Ke sohte pahn pwunodki duwen paisuwed eh pahn mwadangete lelohng uhk, rasehng melimel me kin lelohng aramas suwed kan. 
\v 26 KAUN-O pahn ketin sinsileiuk. E sohte pahn ketin mweidohng ke en pwupwudiong nan lidip.
\p
\v 27 Ahnsou koaros me ke kak, sewese irail kan me kin anahne sawas.\x - \xo 3:27 \xo*\xt Sir 4.3.\xt*\x* 
\v 28 Ke dehr ndahng mehn mpomw men en awih lel lakapw, ma ke kakehr sewese met. 
\v 29 Dehr koasoanehdi mehkot suwed me pahn kauwehla mehn mpomw; e kin kousoan limwahmw oh koapworopworkin uhk. 
\v 30 Dehr akamaiong emen ni sohte kahrepe, ni eh sohte wiahiong uhk mehkot suwed. 
\v 31 Dehr peiriniong aramas akan me kin wia tiahk suwed, de alasang arail mwekid kan, 
\v 32 pwe KAUN-O kin ketin kalahdeki aramas akan me kin wia me suwed, ahpw e kin ketin kompoakepahnki me pwung kan. 
\v 33 KAUN-O kin ketin keriahla imwen aramas suwed kan, ahpw kin ketin kupwuramwahwihala imwen me pwung kan. 
\v 34 E sohte kin ketin kupwure me aklapalap akan, ahpw e kin ketin uhpalihki me aktikitik kan.\x - \xo 3:34 \xo*\xt Seims 4.6; 1 Pit. 5.5.\xt*\x* 
\v 35 Aramas loalokong pahn adamwahula oh waunla, ahpw aramas pweipwei pahn kalaudehlahte arail namenek.
\c 4
\s1 Kamwahu kan en Kupwurokong
\p
\v 1 Samwa ko, kumwail rong dahme samamwail kan kin padahkihong kumwail. Kumwail rong kanahieng, kumwail ahpw pahn dehdehkihla. 
\v 2 Dahme I padapadahkihong kumwail me mwahu, eri, kumwail tamataman padahk pwukat koaros. 
\v 3 Ngehi iehros emen rehn pahpa oh nohno, eri, ni ei kekeirda, 
\v 4 semeio kin padahkihong ie soahng kan. E kin nda, “Tamataman dahme I ndawei oh dehr manokehla. Kapwaiada me I ndaiong uhk, ke ahpw pahn mourkihla. 
\v 5 Nantihong alehda kupwurokong oh erpit! Dehr manokehla de pohnsehse ei padahk kan. 
\v 6 Ke dehr kesehla kupwurokong, pwe ih me pahn sinsileiuk; poakohng pwe e pahn kamouruhkala. 
\v 7 Kupwurokong me keieu kesempwal ke en alehda. Mehkoaros likin met, pil nantihong alehda erpit. 
\v 8 Poakohng kupwurokong, e ahpw pahn kahrehiong uhk omw pahn lapalapala. Pwoalehdi teng, e ahpw pahn kawauwihiukala. 
\v 9 E pahn wiahla elin kapwat lingan ehu pohn moangomw.”
\p
\v 10 Rong ie, samwa. Rong oh ale ei padahk kan ni mehlel, ke ahpw pahn mour werei. 
\v 11 I padahkihonguhkehr duwen kupwurokong oh ahl pwung en mour. 
\v 12 Sohte mehkot pahn uh nan elomw ma ke pahn weweidwei ni loalokong, oh ke sohte pahn dipekelekel ni omw pahn tang. 
\v 13 Tamataman ahnsou koaros dahme ke padahngkier. Padahk kan me ke aleier iei omw mour—sinsile mwahu. 
\v 14 Ke dehr kohla wasa aramas suwed kan kin kohla ie. Dehr idawehn karasepen aramas suwed kan. 
\v 15 Dehr wia! Sohpeisang me suwed! Soikala oh wenewohng nan elomw. 
\v 16 Aramas suwed sohte kin kak meirla lao re wiahda me suwed. Re kin pepehd ma re sohte wiahiong emen me suwed. 
\v 17 Tiahk suwed oh tiahk eikek rasehng kisin mwenge oh pihl rehrail.
\p
\v 18 Ahl me aramas pwung kan kin weid loale rasehng dakadahn ketipin me kin maramarainla lao rahn pwarada. 
\v 19 Ahl en me suwed kan me rotorot rasehng pwohng. Re kin pwupwudi, ahpw re sohte kin kilang dahme re dipekelekelki.
\p
\v 20 Samwa, rong kanahieng dahme I nda. Rong ei koasoi kan. 
\v 21 Dehr mweidohng en dohsang uhk. Tamataman oh kolokol nan kapehdomw. 
\v 22 Padahk pwukat pahn kahrehda mour oh kakehlahda mehmen me wehwehki. 
\v 23 Kanahieng omw madamadau, pwe omw madamadau kan kin kahrehda mwomwen omw mour. 
\v 24 Dehr koasoia mehkot me sohte mehlel. Dehr kedirepwki lokaia likamw oh lokaia me kin kasalongehla aramas. 
\v 25 Sarada kilengwei ni likilik; dehr itiekidi ni namenek. 
\v 26 Koasoanehdi ni keneinei dahme ke pahn wia, oh mehkan me ke pahn wia ahpw pahn pweida mwahu.\x - \xo 4:26 \xo*\xt Ipru 12.13.\xt*\x* 
\v 27 Sohpeisang me suwed oh wenewei mwohmw. Dehr wia ehu kahk sang ni ahl pwung.
\c 5
\s1 Kehkehlik Sang Kamwahl
\p
\v 1 Samwa, tehk oh rong kanahieng ei kupwurokong oh erpit. 
\v 2 Ke ahpw pahn esehla weweidki ei kaweid kan, oh omw koasoi kan pahn kasalehda me ke ahneki loalokong. 
\v 3 Kilin ewen lih pwopwoud men pahn mem rasehng sukehn loangalap oh eh metik uhk pahn kansenamwahu rasehng lehn olip, 
\v 4 ahpw ni imwilah sohte mehkot me e pahn kihong uhk, ihte nsensuwed oh medek. 
\v 5 Liho pahn kahrehiukalahng nan wasahn me melahr akan; ahl me e kin weweid loale iei ahl en kolahng mehla. 
\v 6 E sohte kin weid nan ahl en kolahng mour; ahpw e kin salongasang, oh e sohte kin wehwehki dahme wiewiawi.
\p
\v 7 Eri, samwa ko, kumwail rong ie oh dehr manokehla dahme I ndinda. 
\v 8 Kumwail keiweisang soangen lih menet! Dehr pil keilahng limwahn eh wenihmw! 
\v 9 Pwe ma soh, meteikan me pahn uhd alehdi wahu me kumwail ahneki mahs, oh kumwail pahn kamakamala ni amwail pwulopwul nan pehn aramas me sehse mahk akan. 
\v 10 Ei, mehn liki kan pahn kihsang amwail pai, oh mehkan me kumwail koadoahkihadahr pahn uhd kohieng emen tohrohr. 
\v 11 Kumwail pahn wonohn weiweirek nan dewemwail awiawih mehla, udukamwail pahn sosohrasang, 
\v 12 oh kumwail ahpw pahn nda, “Dahme I sohte alehki padahk pwuko? Dahme I sohte mweidkihong emen en kapwungiehla? 
\v 13 I sohte rong oh tehk arail padahk. 
\v 14 I ahpw mwadangete diarada ei nameneklahr.”
\p
\v 15 Loalopwoatohng omw pwoud oh kihong ih kelehpw omw limpoak. 
\v 16 Seri kan me emen lih torohr pahn kaipwidiong uhk sohte pahn seweseiuk. 
\v 17 Noumw seri kan me pahn laudla oh seweseiuk, ahpw kaidehn mehn liki kan. 
\v 18 Eri, ke en pereperenki omw pwoud oh rapahki omw peren rehn serepein me ke pwoudiki— 
\v 19 me masamwahu oh kaselel rasehng tie men. Eh kaselel en kansenamwahwihiuk; en kapilkinuhkpene eh limpoak. 
\v 20 Samwa, dahme ke pahn kihongki emen lih tohrohr omw limpoak? Dahme ke anahnehki linganen en emen ohl eh pwoud? 
\v 21 KAUN-O kin ketin mahsanih mehkoaros me ke kin wia. E kin ketin mwasamwasahn uhk wasa koaros me ke pahn kohla ie. 
\v 22 Dipen aramas suwed men iei lidip ehu. E kin lohdi nan lidip en dipe kan. 
\v 23 E kin mehla pwehki eh sohte kak katokihedi eh ineng. Eh pweipwei mwuledek pahn kahrehiong ih nan sousou.
\c 6
\s1 Pil ekei Kehkehlik
\p
\v 1 Samwa, ke inoukidahr me ke pahn pwukoahki en emen pweipwand? \x - \xo 6:1 \xo*\xt Sir 29.14-20.\xt*\x* 
\v 2 Ke pein pitidahr pahn omw lokaia kan, lohdier pwehki pein omw inou kan? 
\v 3 Eri, samwa, ke milahr pahn manaman en aramaso, ahpw iet duwen omw pahn mwadang pitsang ire wet: mwadangala reh oh peki en kasaledekeiukala. 
\v 4 Ke dehr meirla de kommoaldi. 
\v 5 Doareiukasang nan lidip wet, rasehng menpihr de tie men me kin tangasang sounlidip kan.
\p
\v 6 Aramas pohnkahke kan uhdahn pahn ale padahk sang ni mwomwen mouren katitik kan. 
\v 7 Sohte arail sounkaweid, soumas, de kaun, 
\v 8 ahpw re kin nekidala kanarail kisin mwenge ni ahnsoun karakar, kaunopadahng ahnsoun kopou. 
\v 9 Eri, ia erein aramas pohnkahke men eh pahn wonohnte? Iahd me e pahn kak pwourda? 
\v 10 E kin kalap nda, “I pahn ekis meir. I pahn kihpene pehi kat oh kommoal.”\x - \xo 6:10 \xo*\xt Lep. Pad 24.33-34.\xt*\x* 
\v 11 Ahpw ni eh pahn memeir, semwehmwe pahn kalowehdi, rasehng sounpirap emen.
\p
\v 12 Aramas suwed oh sohte katepe kin kohkohseli wiewiaseli likamw. 
\v 13 Re kin manih aramas oh wia mwekid en widing kei pwe re en pitihiuk,\x - \xo 6:13 \xo*\xt Sir 27.22.\xt*\x* 
\v 14 nindokon ar kin koasoakoasoane mehkot suwed nan ar madamadu pirek, wiewia kahpwal wasa koaros me re pahn kohla ie. 
\v 15 Pwehki met, kahpwal laud pahn lelohng irail ni ar sasairki, oh re pahn mehkihla ohla laud.
\p
\v 16-19 Mie soahng isuh me KAUN-O kin ketin suwediki oh inenen kalahdeki mehlel:
\p
\v 20 Samwa, kapwaiada dahme omw pahpa padahkihong uhk oh dehr manokehla padahk en omw nohno. 
\v 21 Kolokol ara lokaia kan ahnsou koaros oh katengediong nan kapehdomw. 
\v 22 Ara padahk kan pahn kahluwaiuk nan omw seiloak, sinsileiuk nipwong, oh kaweid uhk nin rahn. 
\v 23 Ara padahk kan iei marain lingaling ehu; ara kin kapwunguhkala pahn kak kaweidkin uhk duwen omw pahn mour. 
\v 24 E pahn kak kadohwanewei sang uhk lih suwed kan, sang lokaiahn kasongosongen en emen ohl tohrohr eh pwoud. 
\v 25 Ke dehr lohdi pahn ar lingan oh kaselel; ke dehr lohdiong pahn lingan en pwoaren masarail kan. 
\v 26 Ohl emen kak pwainki pweinen lopwon en pilawa ehu lih en netiki paliwere men, ahpw kamwahl pahn kaluhsihala ohlo sang mehkoaros me e ahneki.
\p
\v 27 Ia duwe, ke kak kihong kisiniei nan mwaremwaromw, ahpw omw likou kan sohte pahn mwasingkihla? 
\v 28 Ke kak alu pohn mwoalus okohk, ahpw sohte kamwasikehla pahn nehmw kan? 
\v 29 Ih duwen keper en wendiong rehn en emen ohl eh pwoud. Mehmen me pahn wia met, pahn lokolongki. 
\v 30 Aramas akan sohte kin lingeringerkihda ma aramas emen pahn pirapahla kisin mwenge ni eh men mwenge; 
\v 31 ahpw ma e pahn lohdi, e pahn pwainla pahn pak isipak uwen me laudsang—e pahn mweidala mehkoaros me e ahneki. 
\v 32 Ahpw aramas me kin kamwahl me inenen pweipwei. E pein kaukauwe pein ih. 
\v 33 E pahn sohla wauwi oh e pahn kamakam; e pahn namenekla kohkohlahte. 
\v 34 En ohl pwopwoud men eh lingeringerkihda eh luwak me inenen uk mehlel oh sohte irepe. 
\v 35 E sohte kak perenkihda uwen pweipwei ehu; sohte uwen kisakis ehu pahn kak kaitarala eh lingeringer.
\c 7
\p
\v 1 Samwa, tamanda ei lokaia pwukat oh dehr manokehla me I padahkihonguhkehr. 
\v 2 Kapwaiada ei lokaia kan, ke ahpw pahn mour werei. Kanahieng omw idawehn ei padahk kan, duwehte omw kin apwahpwalih pwoaren mesomw kan. 
\v 3 Nekinekid ei padahk kan ahnsou koaros; ntingihediong nan mohngiongomwen. 
\v 4 Wiahki kupwurokong riomw serepein, oh wiahki erpit kompoakepahmw me ke keieu poakohng. 
\v 5 Ira pahn sileiukasang en ohl teikan ar pwoud kan, oh pil sang lih akan me kin kaweid sapwung aramas akan.
\p
\v 6 Ehu ahnsowo I kilikilengieisang ni wenihmwtok en imwei, 
\v 7 I ahpw kilangada mwahnakapw pwulopwul tohto me soakoahiek, oh diarada emen pwutak pweipwei. 
\v 8 E alialu kohkohla pohn ahlo, limwahn wasa me lih emen kin kousoan ie. E kohkohla karanih imwen liho 
\v 9 nin soutik, mwurin wasa eh pwongier. 
\v 10 Eri, liho ahpw tuhwong pwutako. Liho mi nan likoun lihen netiki paliwere men, oh e wiewia eh koasoandi kan. 
\v 11 (Liho me kommwad oh sohte kin namenek; e kin alialuseli pohn ahl akan ahnsou koaros. 
\v 12 E pahn kin kesikesihnen oh awiawih ni keimwen ahl sohte lipilipil. Ekei ahnsou e kin awiawih nan wasahn netinet kan.) 
\v 13 Liho eri koledi pwutako oh metik, oh kangkakil nan mese, oh nda, 
\v 14 “I wiahier ei meirong ko rahnwet, oh alehier uduk sang ni meirong ko. 
\v 15 Ngehi eri kohdo raparapahkin uhk, pwe I men tuhwong uhk. Eri, iet kowe! 
\v 16 I kidimkidahr ei peht tehi mweimwei linen kei sang Isip. 
\v 17 I pil usupihkiher mehn kapwohmwahu mir, alos, oh sinamon. 
\v 18 Kohdo kita pahn wia tiahk en limpoak pwonget pwon. Kita pahn pwoaloapwoal oh pereperen. 
\v 19 Pwe ei pwoudo sohte mi ni imwato. E seiloaklahng wasa doh. 
\v 20 E pil wa kohla mwohni tohto; eri, e sohte pahn pwurodo mwurin wihk riau.” 
\v 21 Liho eri kasongosongehki pwutako eh mwomw kadek. Pwutako eri lohdiong eh kadek koasoi. 
\v 22 Eri, pwutako ahpw mwadangete iang liho kohla, rasehng kou me kin kohwong kamakamala, pil rasehng tie men me kin tangalahng pwupwudiong nan lidip, 
\v 23 wasa arep en kesik ketieu pwoat pahn doakoapeseng eh mohngiong. Pwutako rasehng menpihr me pihrdohng nan uhk—e sohte mwahn ese me eh mour kohkolahng apwal.
\p
\v 24 Eri met, samwa ko, kumwail rong ie, rong kanahieng me I pahn nda. 
\v 25 Dehr mweidohng soangen lih duwehte met en kin kaunda nan mohngiongamwail; dehr idawehnseli soangen lih menet. 
\v 26 Ih me kin kauwehla mour mwahu en ohl tohto, e kin kahrehiong me tohtohie ar kin mehla. 
\v 27 Ma ke pahn kolahng ni imweo, ke pahn keidla nan ahl me kolahng nan wasahn me melahr akan, pwe iei ih ahl mwotomwot ong mehla.
\c 8
\q1
\v 1 Kumwail rong! Ahnsou wet kupwurokong likilikwer.
\q2 Lamalam mwahu lelongehr salengen aramas akan.
\q1
\v 2 Kupwurokong kesikesihnen pohn kumwen dohl akan limwahn ahl,
\q2 oh pil wasa me ahl akan kin tuhpene ie.
\q1
\v 3 E kin likilikwer ndinda nan wasahn pedolong nan kahnimwo,
\q2 oh pil limwahn wenihmwen kehl kan:\x - \xo 8:3 \xo*\xt Lep. Pad 1.20-21.\xt*\x*
\q1
\v 4 “I peki kumwail, aramas akan,
\q2 I likweriong aramas akan koaros nin sampah.
\q1
\v 5 Kumwail saikinte koahiekla? Eri, kumwail nantihong en koahiekla, duwehte ohl mehlel kan.
\q2 Kumwail pil pweipwei? Eri, kumwail nantihong pwe en mie amwail lamalam.
\q1
\v 6 Rong ei koasoi kaselel kan,
\q2 pwe mehkoaros me I kin ndawei me pwung.
\q1
\v 7 Me I kin nda, iei ih me mehlel;
\q2 pwe I kin suwediki lokaia likamw.
\q1
\v 8 Mehkoaros me I kin nda, iei me mehlel;
\q2 sohte likamw de kaweid sapwung.
\q1
\v 9 E kin sansalohng aramas emen me kin ahneki erpit,
\q2 oh pil me wehwehkilahr akan.
\q1
\v 10 Eri, pilada ei padahk kan, a kaidehn silper;
\q2 pilada loalokong, a kaidehn kohl me keieu kaselel.
\b
\q1
\v 11 “Ngehi Kupwurokong, I mwahusang takai kesempwal akan;
\q2 sohte mehkot kumwail kin anahne me kak pahrekiong ie.\x - \xo 8:11 \xo*\xt Sir 24.1-22.\xt*\x*
\q1
\v 12 Ngehi Kupwurokong, oh mie erpit rehi,
\q2 pil mie ei loalokong oh mehn madamadau mwahu.
\q1
\v 13 Wauneki KAUN-O iei kailongki me suwed.
\q2 I kin kailongki pohnmwahso oh aklapalap,
\q2 pil tiahk suwed oh lokaia likamw.
\q1
\v 14 I kin wiahda koasoandi kan oh kapwaiada,
\q2 I kin dehdehki, oh I me kehlail.
\q1
\v 15 Mie ei sawas ong nanmwarki kan ni ar kaunda wasa,
\q2 oh I kin sewese kaun akan ni ar kin wiahda kosonned mwahu kan.
\q1
\v 16 Irail koaros me kin kaunda wasa nan sampah kin ale ei sawas,
\q2 kaun akan oh pil soupeidi kan.
\q1
\v 17 I kin poakepoake irail akan me kin poakohng ie;
\q2 mehmen me pahn rapahkin ie pahn kak diariehda.
\q1
\v 18 Mie ei dipwisou kesempwal oh wahu me I kak kisakiskiwei,
\q2 oh pil ei kepwehpwe oh paiamwahu.
\q1
\v 19 Me kumwail kak ale sang ie, iei ih me mwahusang kohl me keieu kaselel,
\q2 oh pil mwahusang silper me keieu mwakelekel.
\q1
\v 20 I kin alu nan elen pwung,
\q2 I kin idawehn nan elen pwuhng.
\q1
\v 21 I kin kihong irail me poakohng ie kan arail kepwehpwe,
\q2 oh I kin kadirehkihla imwarail kan dipwisou kesempwal.
\b
\q1
\v 22 “KAUN-O ketin kapikiehda mwohn mehkoaros,
\q2 iei keieun sapwellime doadoahk mahsie.\x - \xo 8:22 \xo*\xt Sir 1.4,9; Kaud. 3.14.\xt*\x*
\q1
\v 23 I kapikpikdahr ni tepin kawa,
\q2 nin tapio, mwohn sampah wet eh saikinte mie.
\q1
\v 24 I ipwidier mwohn sehd eh saikinte mie,
\q2 ni ahnsou me utuhnpihl kan saikinte pwarada.
\q1
\v 25 I ipwidier mwohn nahna kan,
\q2 mwohn dohl akan ar koasoandiong nan dewehr,
\q1
\v 26 mwohn Koht eh ketin kapikada sampah oh mohs akan,
\q2 mwohn keieun pwehl me e ketin wiahda.
\q1
\v 27 I mieier ni ahnsou me e ketikihong lahng powe,
\q2 ni ahnsou me e ketin kapahwei lime pohn sehdo,\x - \xo 8:27 \xo*\xt Kupw 9.9; Sir 24.3-6.\xt*\x*
\q1
\v 28 ni eh ketikihong depwek kan nan wehwe,
\q2 ni eh ketin ritingada utuhnpihl en nansed
\q1
\v 29 oh mahsanihong pilen nansed
\q2 en kohda ahpw sohte ileile sang me e ketin kupwurki.
\q1 I mihmi wasao ni ahnsou me e ketin koasoanehdi poahsoan en sampah.
\q1
\v 30 I mi limwah, duwehte sounsawas emen,
\q2 iei ngehi me kin kapakaparanih rahn koaros,
\q2 oh I pil perenkihda ei patopato reh—
\q1
\v 31 I perenkihda sampah,
\q2 oh I pil perenkihda aramas akan koaros.
\b
\q1
\v 32 “Eri, mwahnakapw akan, kumwail rong ie.
\q2 Kapwaiada ei lokaia kan, kumwail ahpw pahn perenkihda.\x - \xo 8:32 \xo*\xt Sir 14.20-27.\xt*\x*
\q1
\v 33 Rong kanahieng omw sounpadahk.
\q2 Ke en loalokongla; dehr mwamwahlikihla.
\q1
\v 34 Mehmen me kin rong ie pahn perenda,
\q2 me kin mihmi limwahn ei wenihmw rahn koaros,
\q2 awiawih ie ni wenihmwen pedolong ni imwei.
\q1
\v 35 Mehmen me diariehda, e diarada mour,
\q2 oh KAUN-O pahn kupwurperenki.
\q1
\v 36 Mehmen me sohte diariehda, e kin pein kauwehla pein ih,
\q2 pwe mehmen me kin kailongkin ie kin poakohng mehla.”
\c 9
\s1 Kupwurokong oh Kupwuropwon
\p
\v 1 Kupwurokong kauwada imwe oh kihong uhr isipwoat. 
\v 2 E ahpw kemehla mahn emen pwehn kamadipwki, doaloahda mehn doal iou kei ong nan waino, oh kaunopada tehpelo. 
\v 3 E ahpw kadarala nah serepein lidu kan pwe re en likwer sang wasa ile kan en kahnimwo, patohwan: 
\v 4 “Kohdo, kumwail me sehse lamalam akan!” Oh ong ohl pweipweio e nda, 
\v 5 “Kohdo tungoale oh nim wain me I doaloadahro. 
\v 6 Kohdo sang rehn me sehse lamalam akan, oh ale mour. Idawehn ahl en loalokong.” 
\v 7 Ma kumwail pahn kapwungala aramas aklapalap men, kumwail pahn sarohdi. Ma kumwail pahn lupwoare aramas suwed men, kumwail pahn ale kamakam. 
\v 8 Dehr kapwungala aramas aklapalap men; pwe e pahn kailongkinuhkala. Ahpw ma ke pahn kapwungala aramas loalokong men, e pahn waunekinuhkala. 
\v 9 Mehkoaros me kumwail pahn ndaiong aramas loalokong men pahn kalaudehla eh loalokong. Mehkoaros me kumwail pahn ndaiong aramas pwung men pahn kalaudehla eh loalokong.
\p
\v 10 Pwe kumwail en loalokong, keieu kumwail pahn lemmwiki KAUN-O. Ma kumwail pahn ese Me Sarawio, eri, mie amwail dehdehki.\x - \xo 9:10 \xo*\xt Sohp 28.28; Mel. 111.10; Lep. Pad 1.7.\xt*\x* 
\v 11 Kupwurokong pahn karairaila amwail mour. 
\v 12 Kumwail me pahn wihn ma mie amwail kupwurokong, ahpw ma kumwail pahn soikala, eri, kumwail me pil pahn lokolongki.
\p
\v 13 Soaloalokong rasehng lih pweipwei oh sehse namenek men me lokaia tohto. 
\v 14 E kin mwomwohd nan wenihmwen imwe de wasahn mwomwohd keieu ile kan en nan kahnimw, 
\v 15 oh kin likilikwerih aramas akan me kin keid limwah, me kin wiewiaseli pein ar doadoahk kan, 
\v 16 ndinda, “Kumwail me sehse lamalam akan, kumwail kohdo!” 
\v 17 A e kin ndahng ohl pweipwei, “Pihl me pirapada me iou, oh pilawa pirapada me mem.” 
\v 18 Me dukiong sohte kin ese me irail kan me kin kohla ni imwe kin mehla, oh irail kan me pedolongehr milahr nan wasahn me melahr akan.
\c 10
\s1 Ekei Mahsen Audapan en Solomon
\p
\v 1 Iet kan mahsen audapan kan en Solomon: Pwutak loalokong men kin kaparanda seme; a me pweipwei men kin kansensuwedihala ine.
\p
\v 2 Pai me ke ahneki sang ni tiahk en mwersuwed sohte pahn katepehiong uhk, ahpw wiewia mehlel pahn doarehla omw mour.
\p
\v 3 KAUN-O sohte pahn ketin mweidohng aramas mwahu kan en duhpekla, ahpw e sohte pahn ketin mweidohng aramas suwed kan me re anahne.
\p
\v 4 Pohnkahke pahn kahrehiong uhk semwehmwe, ahpw doadoahk laud pahn kahrehiong uhk kepwehpwe.
\p
\v 5 Aramas emen me mie eh lamalam kin dolung wahnsahpw ni ahnsawi, ahpw me kanamenek memeir ni ahnsoun dolung wahnsapw.
\p
\v 6 Aramas mwahu men pahn ale kupwuramwahu. A en aramas suwed men eh lokaia kin karirihala eikek en nan kapehde.
\p
\v 7 Katamanpen aramas mwahu kin wiahla mehn kapai, ahpw aramas suwed pahn mwadangete manoknokla.
\p
\v 8 Aramas me mie eh lamalam kin perenki ale kaweid mwahu. Aramas me kin wia lokaiahn pweipwei pahn ohla.
\p
\v 9 Aramas mehlel kin saledek sang apwal, ahpw me likamw akan pahn lohdi.
\p
\v 10 Aramas me kin ekihla me mehlel kin kahrehda kahpwal, a me kin kasalehda ni sansal kin kameleileidi wasa.
\p
\v 11 Lokaiahn aramas mwahu men iei poahsoan en mour, ahpw lokaiahn aramas suwed men kin ekihla eikek en nan kapehde.
\p
\v 12 Kailok kin kahrehda kahpwal, ahpw limpoak kin mahkohng sapwung koaros.\x - \xo 10:12 \xo*\xt Seims 5.20; 1 Pit. 4.8.\xt*\x*
\p
\v 13 Mahsen en me kupwurokong kan kin wehwe mwahu, ahpw aramas pweipwei kan anahne ale kalokepen arail sapwung.
\p
\v 14 Me kupwurokong kan kin nantihong kalaudehla ar kupwurokong, ahpw ni me pweipwei kan ar kin koasoi, kahpwal kerendohr.
\p
\v 15 Reken kepwe kin sinsile me kepwehpwe kan; paisuwed kin kauwehla me semwehmwe kan.
\p
\v 16 Katingpen wiewia mwahu, iei mour, ahpw dihp kin kalaudehlahte dihp.
\p
\v 17 Aramas me kin rong kopwungparail pahn mourla, ahpw me kin kahmahmki ar sapwung milahr nan keper.
\p
\v 18 Aramas me kin ekihla eh kailok, iei ih aramas likamw men. Aramas me kin wisik lokaia likamw iei ih pweipwei men.
\p
\v 19 Me kin lokaia tohto kin kalaudehla dipe. Ma ke me loalokong, eri, ke pahn nennenla.
\p
\v 20 Lokaiahn aramas mwahu men rasehng silper mwakelekel; en aramas suwed men eh lamalam me sohte katepe.
\p
\v 21 Lokaiahn aramas mwahu kin wia kamwahu ong aramas tohto, ahpw ke kak pein kemehkinuhkala omw pweipwei.
\p
\v 22 Iei kupwuramwahu en KAUN-O me kahrehda omw kepwehpwe. Doadoahk laud sohte kak en kakepwehpwehiukala.
\p
\v 23 Tiahk en pweipwei me perenki wiahda me sapwung. Aramas loalokong kin nsenamwahuki kupwurokong.
\p
\v 24 Aramas pwung kan kin alehdi dahme re anahne, ahpw me suwed kan alehdi dahme re kin keieu masak.
\p
\v 25 Ni ahnsoun melimel, me suwed kan pahn ipirekla, ahpw me lelepek kan pahn saledek sang apwal ahnsou koaros.
\p
\v 26 Dehr mweidohng aramas pohnkahke men en wiahiong uhk mehkot, e pahn duwehte pinike me ngihmw kan kin rerikihda de ediniei nan pwoaren mesomw.
\p
\v 27 Lemmwiki KAUN-O, ke ahpw pahn mour werei. Aramas suwed kan kin mour mwotomwot.
\p
\v 28 Koapworopwor en aramas mwahu kan kin kahrehiong irail peren, ahpw sohte mehkot me aramas suwed kan pahn kasikasik.
\p
\v 29 KAUN-O kin ketin sinsile aramas lelepek kan, ahpw kin ketin kamwomwala irail kan me kin wiahda me sapwung.
\p
\v 30 Aramas pwung kan pahn saledek sang apwal ahnsou koaros, ahpw me suwed kan sohte pahn mourla nan sahpwo.
\p
\v 31 Aramas pwung kan kin wia koasoi en kupwurokong, ahpw lowen me kin wia lokaia suwed pahn katoktokdi.
\p
\v 32 Aramas pwung kan ese lokaia kadek, ahpw me suwed kan kin wia lokaia kansensuwed ahnsou koaros.
\c 11
\p
\v 1 KAUN-O kin ketin kalahdeki aramas me kin doadoahngki mehn tenek sapwung. E kin ketin kupwurperenki mehn tenek pwung.
\p
\v 2 Aramas aklapalap pahn mwadang namenekla, ahpw me mpahi me loalokong.
\p
\v 3 Ma aramas mwahu men kowe, lelepek me pahn kaweid uhk. Aramas me keseulikilik kin pein kauwehkinirailla ar likamw.
\p
\v 4 Reken kepwe sohte pahn wia kamwahu ehu ong uhk ni rahn me ke pahn mehla, ahpw lelepek me pahn doarehla omw mour.
\p
\v 5 Lelepek kin kamangaila mour en aramas emen, ahpw aramas suwed men pahn pein kahrehda eh pwupwudi.
\p
\v 6 Pwung kin doarehla aramas lelepek men, ahpw aramas emen me keseulikilik kin lohdi sang ni pein eh mehwo.
\p
\v 7 Ni ahnsou me aramas suwed men kin mehla, eh koapworopwor kin iang ih mehla. Koapworopworki reken kepwe kin imwila suwed.
\p
\v 8 Me pwung kan kin silasil sang kahpwal, ahpw kahpwal kin uhd lelohng me suwed kan.
\p
\v 9 Ke kak ohkihla lokaiahn aramas me sehse Koht, ahpw kupwurokong en me pwung kan kak doareiukala.
\p
\v 10 Kahnimw ehu kin perenda ma paiamwahu kin lelohng aramas lelepek men, ahpw ngilen peren kin wiawi ni ahnsou me aramas suwed men kin mehla.
\p
\v 11 Kahnimw ehu kin lapalapala ni ahnsou me aramas pwung kan kin kapaiahda, ahpw kahnimw ehu kin ohkihla lokaiahn aramas suwed kan.
\p
\v 12 Tiahk en pweipwei me kin wia lokaiahn mwamwahliki meteikan. Ma ke me loalokong, eri, ke pahn nennenla.
\p
\v 13 Sohte me kin likihong koasoi rir aramas me kin mwahuki wiaseli koasoi, ahpw ke kak koapworopworki mehmen me likilik.
\p
\v 14 Wehi ehu pahn pwupwudi ma sohte me kaweid. Sounkaweid tohto kin kahrehda onepek mwahu.\x - \xo 11:14 \xo*\xt Kupw 6.24.\xt*\x*
\p
\v 15 Ma ke pahn inoukihda me ke pahn kapwungala en mehn liki men eh pweipwand, ke pahn koluhkihla mwuhr. E pahn mwahu ma ke pahn piseksang.
\p
\v 16 Lih tiahk mwahu men kin ale wahu, ahpw lih me sohte eh tiahk mwahu pahn namenekla.
\p Aramas pohnkahke sohte kak naineki mwohni, ahpw aramas pwerisek pahn kepwehpwehla.
\p
\v 17 Ke kin pein wiahiong uhk mehkot mwahu ni omw kin kadek. Ma ke lemei, ke pahn pein kauweiukala.
\p
\v 18 Aramas suwed kan sohte kin uhdahn wihnki mehkot nan arail doadoahk, ahpw ma ke pahn wia dahme pwung, ke uhdahn pahn ale ketingpe.
\p
\v 19 Mehmen me ngoangki en wia me pwung pahn mourla, ahpw mehmen me ngoangki wia me sapwung pahn mehla.
\p
\v 20 KAUN-O kin ketin kalahdeki aramas lamalam suwed, ahpw kin ketin kupwur limpoak ong irail kan me kin wia me pwung.
\p
\v 21 Ke uhdahn ese me aramas suwed kan pahn ale lokolok, ahpw me pwung kan pahn pitla.
\p
\v 22 Lingan en lih emen me sohte audepe mwahu nan kapehde rasehng rihng kohl ehu ni tumwen pwihk.
\p
\v 23 Dahme aramas mwahu kin anahne kin wiahla kamwahu ahnsou koaros; ni ahnsou me aramas suwed kin ale dahme re anahne, koaros kin lingeringer.
\p
\v 24 Ekei aramas kin saledek netikiseli nair mwohni, ahpw re kin kepwekepwehpwehlahte. Ekei kin kanai nair mwohni, ahpw re semwesemwehmwehla.
\p
\v 25 Kadek, ke ahpw pahn paiamwahula. Sewese meteikan, ke ahpw pahn ale sawas sang meteikan.
\p
\v 26 Aramas kin keriahla me kin ekihla werentuhke kan, awiawih ahnsoun pweilaudla, ahpw re kin kapinga mehmen me kin netikihla ni pweitikitik.
\p
\v 27 Ma omw lamalam pahn uhlahng wasa mwahu, ke pahn ale wahu, ahpw ma ke raparapahki kahpwal, iei ih me ke pahn ale.
\p
\v 28 Irail kan me kin koapworopworki reken kepwe pahn pwupwudi rasehng tehntuhke ni ahnsoun karakar, ahpw me pwung kan pahn paiamwahu rasehng tehntuhke ni ahnsou mwahu.
\p
\v 29 Ohl emen me kin kahrehiong eh peneinei nan apwal sohte pahn ale mehkot ni imwilah.
\p Aramas pweipwei kan pahn wia ladu en me loalokong kan ahnsou koaros. 
\v 30 Pwung kin kahrehda mour, ahpw eikek kin adihasang mour.
\p
\v 31 Irail kan me mwahu pahn ale katingpe pohn sampah wet, eri, ke uhdahn ese me aramas suwed oh dipan akan pahn ale lokolok.\x - \xo 11:31 \xo*\xt 1 Pit. 4.18.\xt*\x*
\c 12
\p
\v 1 Mehmen me kin poakohng loalokong kin perenki aramas en kapwungohng eh sapwung. Aramas pweipwei me kin tatki aramas en kapwungohng eh sapwung.\x - \xo 12:1 \xo*\xt Sir 21.6.\xt*\x*
\p
\v 2 KAUN-O kin ketin kupwurperenki aramas mwahu, ahpw kin ketin kadeikada irail kan me kin koasoakoasoane me suwed.
\p
\v 3 Tiahk suwed sohte kak kahrehda onepek mwahu, ahpw me pwung kan kin uh tengeteng.
\p
\v 4 Lih pwopwoud mwahu men iei kapohl oh kaperenpen eh pwoud, ahpw lih suwed men me kin kanamenekihala eh pwoud rasehng soumwahu en nan tih.
\p
\v 5 Aramas lelepek kin lamalam mwahu ong uhk; aramas suwed akan kin men pitihiukete.
\p
\v 6 Lokaiahn aramas suwed kan kin wia mehn kamaramas, ahpw lokaiahn me pwung kan kin doarehla irail kan me mihmi nan apwal.
\p
\v 7 Aramas suwed kan kin pwupwudi oh sohte kin kadaudokarail, ahpw peneineien me pwung kan kin momour kohkohlahte.
\p
\v 8 Ma ke loalokong, ke pahn ale kaping; ma ke pweipwei, aramas pahn mwamwahlikin uhk.
\p
\v 9 Wia aramas mwahl me kin pein koadoakoadoahki eh mour mwahusang en mwomwehda aramas lapalap ahpw sohte kene mwenge.
\p
\v 10 Aramas mwahu kin kesempwalki neirail mahn akan, ahpw aramas suwed kin wiakauwe neirail kan.
\p
\v 11 Soumwet men me kin doadoahk laud kin mie kene mwenge tohto, ahpw tiahk en pweipwei en wia doadoahk me sohte katepe.
\p
\v 12 Ihte me aramas suwed anahne re en rapahki mehkot suwed me re pahn wia, ahpw me pwung kan kin uh tengeteng.
\p
\v 13 Aramas suwed kan kin pein lohdiong nan arail koasoi kan, ahpw aramas lelepek men kin pein tangasang nan apwal.
\p
\v 14 Ketingpomw kin kohsang ni omw lokaia oh wiewia kan; ke pahn ale dahme konehng omw wiewia.
\p
\v 15 Aramas pweipwei kin medemedewe me re kin pwung ahnsou koaros. Aramas loalokong kin rong kaweid.
\p
\v 16 Ni ahnsou me aramas pweipwei men kin lingeringer, e kin mwadangete kasalehda. Aramas loalokong kin pohnsehse kapailok me aramas kin wiahiong irail.
\p
\v 17 Ni omw kin lokaia mehlel, pwuhng kin miehla, ahpw lokaia likamw kin kauwehla pwuhng.
\p
\v 18 Lokaia mwahl kin kauwehla wasa rasehng kedlahs, ahpw lokaiahn loalokong kin kamwahwihala wasa.
\p
\v 19 Likamw kin mour mwotomwot, ahpw mehlel kin momour kohkohlahte.
\p
\v 20 Irail kan me kin koasoakoasoane mehkot suwed pahn pwuriamweiki ar pein pitihiraildi, ahpw irail kan me kin doadoahkohng mehkot mwahu pahn diar nsenamwahu.
\p
\v 21 Sohte mehkot suwed kin wiawihong aramas pwung kan, ahpw me suwed kan sohte kin ahneki mehkot pwe ihte kahpwal.
\p
\v 22 KAUN-O kin ketin kalahdeki aramas lokaia likamw, ahpw kin ketin kupwurperenki irail kan me kin loalopwoatohng ar inou kan.
\p
\v 23 Aramas loalokong sohte kin mweseiseiki dahme re ese, ahpw me pweipwei kan kin kasalehda arail soaloalokong.
\p
\v 24 Doadoahk laud pahn kahrehiong uhk omw pahn ahneki manaman, ahpw pohnkahke pahn kahrehiong uhk ke en wia lidu men.
\p
\v 25 Pwunod pahn kak adihasang omw peren, ahpw lokaia kadek pahn kaperenihiukada.
\p
\v 26 Aramas pwung men kin wia mehn kaweid ong kompoakepah, ahpw ahl en me suwed kin kahrehda ar salongala.
\p
\v 27 Ma ke pohnkahke, ke sohte mwahn kak alehdi dahme ke anahne, ahpw ma ke doadoahk laud, ke pahn paiamwahu.
\p
\v 28 Pwung iei ahl en kolahng mour; suwed iei ahl en kolahng mehla.
\c 13
\p
\v 1 Pwutak loalokong men kin rong eh pahpa ni eh kin kapwungohng, a aramas aklapalap oh au laud men sohte kin wehkada me e sapwung.
\p
\v 2 Aramas mwahu kan pahn ale katingpen ar lokaia kan, ahpw aramas widing kan kin ngoangki tiahk eikek.
\p
\v 3 Kanahieng omw lokaia oh doarehla omw mour. Me koasoakoasoi mwahl kin kauwehla pein ih.\x - \xo 13:3 \xo*\xt Sir 28.25-26.\xt*\x*
\p
\v 4 Aramas pohnkahke men kak inengieng mehkot, ahpw e sohte mwahn pahn ale. A aramas men me kin doadoahk laud pahn ale mehkoaros me e kin anahne.
\p
\v 5 Aramas lelepek kin kailongki lokaia likamw, ahpw koasoien me suwed men kin kanamenek oh kin kihsang wauwi.
\p
\v 6 Pwung kin perehla me mwakelekel kan, ahpw suwed kin kesehdi me dipan akan.
\p
\v 7 Ekei aramas kin mwomwehda kepwehpwe, ahpw sohte ar mehkot. Ekei kin mwomwehda semwehmwe, ahpw re kin ahneki dipwisou tohto.
\p
\v 8 Aramas kepwehpwe men kin doadoahngki nah mwohni pwehn doarehla eh mour, ahpw sohte me kin men kamasak me semwehmwe men.
\p
\v 9 Me pwung kan rasehng marain ehu me kin lingaling mwahu, ahpw me suwed akan rasehng lamp me mpwule kin kohkohdi en kunla.
\p
\v 10 Aramas aklapalap kin kahrehdahte kahpwal. Ahpw me kin peki kaweid, ih me loalokong.
\p
\v 11 Uwen mengeien omw alehdi omw kepwehpwe, iei uwen mwadang en eh pahn salongala. Ahpw uwen apwal en omw alehdi, iei uwen lauden mwohni me ke pahn naineki.
\p
\v 12 Ni ahnsou me omw koapworopwor kin ohla, mohngiongomw pil kin ohla; ahpw ni ahnsou me omw ineng kin pweida, met kin audehkihda mohngiongomw koapworopwor.
\p
\v 13 Ni omw kin soikala kaweid mwahu, ke kin peki kahpwal; a ma ke idawehnla kaweid mwahu, ke pahn poadoandoarla.
\p
\v 14 Padahk en me loalokong kan iei poahsoan en mour, rasehng utuhnpihl ehu; re pahn kin seweseiuk pwe ke en pitla ma omw mour pahn lelohng kahpwal.
\p
\v 15 Aramas kin wauneki loalokong; ahpw aramas me sohte likilikparail mie, re miher pohn ahl me kowohng kaupahr.
\p
\v 16 Aramas me mie eh lamalam men kin medemedewe mwohn eh pahn wia mehkot; ahpw me soaloalokong men kin kalohkiseli pein eh pweipwei.
\p
\v 17 Sounkair kan me aramas sohte kak likih kin kahrehda kahpwal, ahpw irail me aramas kak likih kin kahrehda popohl.
\p
\v 18 Mehmen me sohte pahn padahngki mehkot uhdahn pahn semwehmwe oh sohte pahn wauwi. Ahpw mehmen me kin rong peneu kan, wauwi pahn mie.
\p
\v 19 Ia uwen mwahu en omw pahn alehdi ineng en nan kapehdomw! Aramas pweipwei kan sohte kin men sohpeisang me suwed.
\p
\v 20 Ma ke pahn padahngki mehkot sang rehn me loalokong kan, ke pahn pil loalokongla. A ma ke pahn kompoakepahnki me pweipwei kan, ke pahn ohkihla.\x - \xo 13:20 \xo*\xt Sir 6.33-34.\xt*\x*
\p
\v 21 Kahpwal kin idawehnla me dipan akan wasa koaros, ahpw me pwung kan pahn ale ketingparail ni mehkot mwahu.
\p
\v 22 E pahn mie en aramas mwahu men eh kepwe me e phn kihong nein nah seri kan en sohsohki, ahpw en me dipan akan kepwe pahn kohieng me pwung kan.
\p
\v 23 Mwaht me sohte me koadoahki kak kihda mehn komour laud ong me semwehmwe kan, ahpw aramas suwed kin kolokol pwe en dehr koadoahkda.
\p
\v 24 Ma ke sohte pahn kaloke noumw seri, eri, ke sohte poakepoake. Ma ke poakepoake, ke pahn kapwungala.
\p
\v 25 Kenen aramas pwung kan kisin mwenge kin itarohng irail, ahpw me suwed kan kin duhpek ahnsou koaros.
\c 14
\p
\v 1 Kupwurokong en lih kin wiahda oh kalinganahla imwe; ahpw me pweipwei kin kauwehla.
\p
\v 2 Ke en lelepek, ke ahpw pahn kasalehda me ke lemmwiki KAUN-O; ke en salelepek, ke ahpw pahn kasalehda me ke sohte lemmwiki.
\p
\v 3 Aklapalap en me pweipwei kin kahrehiong eh lokaia tohto; ahpw lokaiahn aramas loalokong kin sinsile pein ih.
\p
\v 4 Ma sohte kou mehn deipwelih sahpw, omw imwen nahk pahn tehn, ahpw ma mie kou, omw imwen nahk pahn kin dir ahnsou koaros.
\p
\v 5 Sounkadehde likilik men kin lokaia mehlel ahnsou koaros, ahpw me keseulikilik kin lokaia likamw ahnsou koaros.
\p
\v 6 Aramas lemei sohte kak loalokongla, ahpw aramas me loalokong kin mwadangete esehla mehkot.
\p
\v 7 Keiweisang rehn aramas pweipwei kan; sohte mehkot me re kak padahkihong uhk.
\p
\v 8 Dahme aramas loalokong kin loalokongki? Pwehki eh ese dahme e pahn wia. Dahme aramas me sohte audepe kin pweipweiki? Pwehki eh kin medemedewe me e ese mehkoaros.
\p
\v 9 Aramas pweipwei sohte kin nsenohki ma re wiahda dihp, ahpw aramas mehlel kin men ale mahkpen diparail.
\p
\v 10 Omw peren iei pein ahmw; omw nsensuwed iei pil pein ahmw. Sohte emen pahn iang ahneki omw peren de omw nsensuwed.
\p
\v 11 Imwen aramas mwahu men pahn duweduwehte mwurin imwen aramas suwed men eh pahn ohlahr.
\p
\v 12 Ahl me ke lemeleme me iei ahl en pwung, kakete kahluwaiukalahng mehla.\x - \xo 14:12 \xo*\xt Lep. Pad 16.25.\xt*\x*
\p
\v 13 Kouruhr kakete karirihala nsensuwed. Ni peren eh kin sohralahr, pahtou kin mihmihte.
\p
\v 14 Aramas suwed pahn ale dahme konehng irail. Aramas mwahu pahn ale ketingpen ar wiewia kan.
\p
\v 15 Aramas pweipwei kin kamehlele mehkoaros; aramas loalokong kin kanahieng arail kahk koaros.
\p
\v 16 Aramas me mie eh lamalam kin tehk ni keneinei pwe re en dohweisang wasa me kahpwal mie, ahpw me pweipwei kin seukautih oh mwadangete lohdiong.
\p
\v 17 Aramas me kin mwadang lingeringerda kin wiahda tiahk en pweipwei; aramas loalokong kin meleilei.
\p
\v 18 Aramas pweipwei pahn ale dahme konehng ar pweipwei, ahpw me loalokong pahn ale ketingpen loalokong.
\p
\v 19 Aramas suwed pahn poaridi mwohn me pwung kan oh peki arail sawas ni karakarahk.
\p
\v 20 Sohte me kin men kompoakepahnki me semwehmwe, pil mehn mpe kan sohte kin men patehng, ahpw kompoakepahn me kepwehpwe kan kin ngeder.
\p
\v 21 Ma ke men peren, a ke kadek ong me semwehmwe kan; me kin mwamwahliki mehn mpe kin wiahda dihp.
\p
\v 22 Ma ke pahn wia doadoahk en kamwahu, ke pahn ale wahu oh likilik sang rehn aramas teikan; ma ke pahn wia me suwed, eri, ke wiadahr sapwung ehu.
\p
\v 23 Doadoahk ke ahpw pahn mour; ma ke pahn mwomwohdete wie koasoakoasoi, ke pahn semwehmwe.
\p
\v 24 Kepwehpwe kin wia ketingpen me kupwurokong kan, ahpw me pweipwei kin ndandki ar pweipwei.
\p
\v 25 Sounkadehde men kin doarehla mour ma e lokaia mehlel; ni eh kin lokaia likamw, e kin pangala mour en aramas akan.
\p
\v 26 Lemmwiki KAUN-O kin kahrehiong aramas emen oh eh peneinei ar pahn koapworopwor oh saledek sang apwal.
\p
\v 27 Ke men doarehsang uhk mehla? Lemmwiki KAUN-O iei poahsoan en mour.
\p
\v 28 Lingan en nanmwarki men kin mihmi ni uwen tohtohn aramas me e kaunda; ma sohte aramas, eri, sohte ih mehkot.
\p
\v 29 Ma ke kanengamah oh meleilei, eri, ke me loalokong, ahpw ma ke kin mwadang lingeringer, eri, ke kin kasalehda omw pweipwei.
\p
\v 30 Nan kapehd meleilei kin karosonehda paliwar, ahpw luwak kin rasehng soumwahu suwed.
\p
\v 31 Ma ke pahn kahpwalihala aramas semwehmwe, ke mwamwahliki Koht, me ketin wiairailda, ahpw tiahk en kadek ong me semwehmwe kan iei kaudok ehu.
\p
\v 32 Aramas suwed kan kin pein kahrehiong ar pwupwudi sang ni ar wiewia suwed kan, ahpw aramas mwahu kin silasilkihdi mehlel en nan kapehdirail.
\p
\v 33 Kupwurokong kin mihmi nan lamalam en aramas loalokong men; aramas pweipwei sohte mwahn ese duwen kupwurokong.
\p
\v 34 Pwung kin kahrehda wehi ehu eh pahn lapalapala; dihp kin kanamenekihala wehi.
\p
\v 35 Nanmwarki kan kin kupwurperenki sapwellimarail sounpapah koahiek kan, ahpw re kin kaloke irail kan me sohte papah irail mwahu.
\c 15
\p
\v 1 Sapengki ngihl tikitik kin kameleilei lingeringer, ahpw ngihl kehlail kin kamwakidada.
\p
\v 2 Ni aramas loalokong men eh kin lokaia, e kin kalinganahda loalokong, ahpw me pweipwei men kin kapwiliwei lokaia mwahl.
\p
\v 3 KAUN-O ketin mwahngih dahme kin wiawi wasa koaros; e kin ketin mwasamwasahn kitail ma kitail kin wia me mwahu de me suwed.
\p
\v 4 Lokaia kadek kin kahrehda mour, ahpw lokaia lemei kin kauwehla mohngiong en aramas.
\p
\v 5 Tiahk en pweipwei ma ke mwamwahliki padahk en omw pahpa; ahpw tiahk en loalokong ma ke ale eh kapwung.
\p
\v 6 Aramas pwung kan kin nekinekid ar dipwisou kan, ahpw me suwed akan kin katiasang ar dipwisou kan ni ahnsoun kahpwal.
\p
\v 7 Me loalokong kan kin kaparapeseng loalokong, ahpw me pweipwei kan, soh.
\p
\v 8 KAUN-O kin ketin kupwurperenki en aramas mwahu kan ar kapakap, ahpw e kin ketin kalahdeki meirong kan me aramas suwed kan kin wiahiong.
\p
\v 9 KAUN-O kin ketin kalahdeki wiewiahn aramas suwed; ahpw kin ketin kupwur limpoak ong me kin wia me pwung.
\p
\v 10 Ma ke wiahda me sapwung, ke pahn ale lokolok laud; ke pahn mehla ma ke kahng ale kopwungpomw.
\p
\v 11 Nan wasahn me melahr akan kin sansalohng KAUN-O; eri, ia duwen aramas emen eh kak karirihasang KAUN-O eh lamalam akan?
\p
\v 12 Aramas lemei sohte kin men ale kopwungparail; re sohte mwahn kin ale kaweid sang me loalokong kan.
\p
\v 13 Ni aramas ar kin peren, re kin kouruhr, ahpw ni ar kin nsensuwed, re kin seren pahtou.
\p
\v 14 Aramas loalokong kin men wehwehkihla, ahpw me pweipwei kin itarki ar soaloalokong.
\p
\v 15 Mour en aramas semwehmwe me apwal ahnsou koaros, ahpw aramas nsenamwahu kin pereperenki ar mour ahnsou koaros.
\p
\v 16 Semwehmwe oh lemmwiki KAUN-O mwahu sang kepwehpwe oh mihmi nan apwal laud.
\p
\v 17 Tungoale tehntuhke rehn aramas me ke poakepoake mwahusang tungoale uduk iou wasa me kailok mie.
\p
\v 18 Aramas me kin mwadang lingeringer kin kahrehda akamai, ahpw kanengamah kin kahrehda popohl.
\p
\v 19 Ma ke pohnkahke ke pahn diar apwal wasa koaros, ahpw ma ke mehlel, ke sohte pahn lelohng apwal.
\p
\v 20 Pwutak loalokong men kin kahrehiong seme en peren. Pwutak pweipwei me kin mwamwahliki ine.
\p
\v 21 Aramas pweipwei kin perenki ar tiahk en pweipwei, ahpw me kupwurokong kin wia dahme pwung.
\p
\v 22 Ale kaweid koaros uwen me ke kak, ke ahpw pahn pweida, pwe ma soh, ke pahn pwupwudi.
\p
\v 23 Meid kaperen diar mahsen pwung ni ahnsou me konehng!
\p
\v 24 Aramas kupwurokong kin keid ni ahl me ukadalahng mour, ahpw kaidehn ahl me ukedilahng mehla.
\p
\v 25 KAUN-O pahn ketin kamwomwala imwen me aklapalap akan, ahpw e pahn ketin sinsile imwen liohdi kan.
\p
\v 26 KAUN-O kin ketin kalahdeki lamalam suwed, ahpw e kin ketin kupwurperenki lokaia kadek.
\p
\v 27 Ma ke pahn song en kalaudehla omw pai ni widing, ke pahn kahrehiong omw peneinei nan apwal. Dehr ale pweipwei sapwung, ke ahpw pahn mour werei.
\p
\v 28 Aramas mwahu kin medemedewe mwohn ar pahn kin wia ar pasapeng. Aramas suwed kin mwadangete sapeng, ahpw ar pasapeng kin kahrehda kahpwal.
\p
\v 29 Ni aramas mwahu eh kin kapakap, KAUN-O kin ketin karonge, ahpw e sohte kin ketin tehk irail kan me kin wia me suwed.
\p
\v 30 Mesen kouruhr kin kaperenda nan kapehdomw, oh rohng mwahu kin kaperenihiukada mehlel.
\p
\v 31 Ma ke kanahieng rong kopwungpomw kan, eri, ke me loalokong.
\p
\v 32 Ma ke kahng padahngki mehkot, ke pahn pein kauweiukala. Ma ke pahn rong kapwungpomw, ke pahn loalokongla.
\p
\v 33 Lemmwiki KAUN-O iei kaiahn mwahu ehu. Ke pahn karakarahkala mwohn omw pahn kak ale wahu.
\c 16
\p
\v 1 Kitail kak wiahda atail koasoandi kan, ahpw KAUN-O me kin ketin kapwaiada kupwure.
\p
\v 2 Mweinele ke pahn lemeleme me omw wiewia kan me pwung, ahpw KAUN-O me pahn ketin teneki omw lamalam akan.
\p
\v 3 Peki rehn KAUN-O en ketin kupwuramwahwihala omw koasoandi kan, ke ahpw pahn pweida ni mehkoaros me ke koasoanehdi.
\p
\v 4 Mehkoaros me KAUN-O ketin wiahda mie imwilah; oh imwilahn aramas suwed kan iei mwomwla.
\p
\v 5 KAUN-O kin ketin kalahdeki koaros me kin aklapalap; e sohte pahn ketin mweidohng irail re en pitsang lokolok.
\p
\v 6 Ke en mehlel oh loalopwoat, Koht ahpw pahn ketin kupwurmahkikihong uhk dipomw. Lemmwiki KAUN-O oh sohte mehkot suwed pahn lelohng uhk.\x - \xo 16:6 \xo*\xt Dop 12.9.\xt*\x*
\p
\v 7 Ma ke pahn kaperenihada kupwur en KAUN-O, ke pahn wiahkihla omw imwintihti kan kompoakepahmw.
\p
\v 8 Ahneki mehkot tikitik sang ni doadoahk mehlel mwahusang ahneki me laud sang ni doadoahk en widing.\x - \xo 16:8 \xo*\xt Dop 12.8.\xt*\x*
\p
\v 9 Ke kak wiahda omw koasoandi, ahpw Koht me pahn ketin kaweid omw mwekid kan.
\p
\v 10 Nanmwarki kin mahsenki mahsen en Koht; sapwellime koasoandi kin pwung ahnsou koaros.
\p
\v 11 KAUN-O ketin kupwurki mehn tenek oh mehn sosohng en kin mehlel oh netinet en dipwisou en kin pahrek.
\p
\v 12 Nanmwarki kan sohte kin ketin ehuong me suwed, pwe pwuhng me kin kahrehda koperment ehu eh kin kehlail.
\p
\v 13 Nanmwarki kin kupwurki karonge me mehlel oh kin kupwure irail kan me kin lokaia mehlel.
\p
\v 14 Aramas loalokong kin song en kaparanih nanmwarki; ma nanmwarki pahn engiengda, mie me pahn kamakamala.
\p
\v 15 Kupwuramwahu en nanmwarki kin rasehng depwek me kin kamwerehdi keteu ni ahnsou mwahu—mour mie wasao.
\p
\v 16 Ahneki kupwurokong oh audapan mwahusang naineki kohl oh silper.
\p
\v 17 Irail kan me mwahu kin seiloak nan ahl ehu me sohte suwed loale; eri, kanahieng wasa me ke kohkohla ie—pwe e kak doarehla omw mour.
\p
\v 18 Lemei kin kahrehiong aramas paisuwed, oh aklapalap kin kahrehiong aramas en pwupwudi.
\p
\v 19 Aktikitik oh semwehmwe mwahusang aklapalap oh iang paieki arail dipwisoun kuhl kan.
\p
\v 20 Kanahieng rong dahme ke padahngkier, ke ahpw pahn pweida; likih KAUN-O, ke ahpw pahn nsenamwahu.
\p
\v 21 Aramas loalokong oh koahiek kin sansalki eh loalokong. Ni en aramas emen eh lokaia eh kin kansenamwahu, aramas kin rong.
\p
\v 22 Kupwurokong iei poahsoan en mour ong me loalokong, ahpw song en padahki aramas pweipwei sohte katepe.
\p
\v 23 Aramas loalokong kin medemedewe mwohn ar pahn kin lokaia; aramas kin rong dahme re kin koasoia.
\p
\v 24 Ngihl kadek rasehng sukehn loangalap—mem oh mwahu ong paliwar.
\p
\v 25 Ahl me ke lemeleme me iei ahl en pwung, kakete kahluwaiukalahng mehla.\x - \xo 16:25 \xo*\xt Lep. Pad 14.12.\xt*\x*
\p
\v 26 Ineng en men mwenge en tohndoadoahk men kin kahrehiong eh pahn doadoahk laud, pwehki eh anahne mwenge me itarohng.
\p
\v 27 Aramas suwed kin raparapahki ahl en kauwehla meteikan, pil arail lokaia kan rasehng kisiniei kamwasik.
\p
\v 28 Aramas suwed kin wisik lokaia; re kin kahrehda kahpwal oh kauwehla nanpwungen aramas akan.\x - \xo 16:28 \xo*\xt Sir 28.13-26.\xt*\x*
\p
\v 29 Aramas eikek kin pitihedi kompoakepahrail oh kahluwalahng irail nan apwal laud.
\p
\v 30 Kalekeiuk sang aramas me kin sirei oh manihiuk; mie mehkot suwed me re medemedewe.
\p
\v 31 Mour werei iei ketingpen pwung; moangepwet iei kapwat lingan ehu.
\p
\v 32 Kanengamah mwahusang kehlail. Omw pein poweiukedi mwahusang omw pahn powehdi kahnimw tohto.
\p
\v 33 Aramas kin usuhs pwe re en rapahki kupwur en Koht, ahpw Koht me kin ketin koasoanehdi imwilahn usuhs.
\c 17
\p
\v 1 Tungoale rongen pilawa ni kapehd meleilei mwahusang iang kamadipw ni ihmw ehu me mie kahpwal.
\p
\v 2 Papah loalokong men pahn kaunda nein eh soumas pwutak soakoahiek oh iang pwaisanki eh sohso.
\p
\v 3 Kohl oh silper kin sosohngki kisiniei, oh KAUN-O me kin sohng nan kapehd en aramas.
\p
\v 4 Aramas suwed kin rong lokaiahn aramas suwed, oh aramas au likamw kin rong lokaia likamw.
\p
\v 5 Ma ke pahn mwamwahliki me semwehmwe, ke mwamwahliki Koht me ketin kapikirailda. Ke pahn ale lokolok ma ke pahn perenkihda en emen eh paisuwed.
\p
\v 6 Ohl laud men kin suweiki nein nah seri kan seri, duwehte pwutak kan ar kin suweiki samarail kan.
\p
\v 7 Aramas waun sohte kin lokaia likamw, oh me pweipwei kan sohte kin koasoia mehkot audapan.
\p
\v 8 Ekei aramas kin wiahki mehkot me manaman ma re pwainohng emen en wiahda mehkot me sapwung; re kamehlele me e kak wiahiong irail mehkoaros.
\p
\v 9 Ma ke anahne aramas en poakohng uhk, a ke mahkikihong irail sapwung me re wiahiong uhk. Omw pahn loalloale sapwung ehu pahn kak kauwehla nanpwungen kowe oh kompoakepahmw.
\p
\v 10 Lipwoar ehute kak kapwungala aramas loalokong men, ahpw lipwoar epwiki sohte pahn kapwungala aramas pweipwei men.
\p
\v 11 Mehla pahn leledo rasehng meninkeder lemei men ong aramas suwed me kin kahrehda kahpwal ahnsou koaros.
\p
\v 12 Kasaingedi pehr men me wah kan pirapasangehr mwahu sang kasaingedi me pweipwei men me kedikedirepwki eh doadoahk en pweipwei.
\p
\v 13 Ma ke dupungki me suwed me mwahu, ke sohla pahn kak kihsang me suwed nan imwomw.
\p
\v 14 Tepidahn akamai kin rasehng aramas me kin kamwakidasang perehpen pihl; katokihedi mwohn eh pahn pwilpeseng.
\p
\v 15 Kadeikada me mwakelekel kan de kasaladakihala me dipadahr kan—KAUN-O kin ketin kalahdeki mepwukat koaros.
\p
\v 16 Sohte katepehiong me pweipwei men en kesehkihla mwahl nah mwohni ong ni sukuhl, pwe sohte audepen nan moange.
\p
\v 17 Kompoakepah kan kin kasalehda ar limpoak ahnsou koaros. Ia katepen eh mie kompoakepahmw ma e sohte seweseiuk ni ahnsou apwal?\x - \xo 17:17 \xo*\xt Sir 6.7-10.\xt*\x*
\p
\v 18 Aramas me sohte eh lamalam kin inoukihda me e pahn kapwungala en emen eh pweipwand.
\p
\v 19 Mwahuki wiahda dihp rasehng mwahuki wiahda kahpwal. Ma ke kin suwei ahnsou koaros, ke pein raparapahki kaupomw.
\p
\v 20 Mehmen me kin lokaia oh medemedewe me suwed sohte kak kasik mehkot mwahu—ihte kahpwal.
\p
\v 21 Ihte nsensuwed oh pahtou ong sahm emen me nah pwutak kin wia tiahk en pweipwei.
\p
\v 22 Ma ke pahn pereperen rahn koaros, ke pahn ahneki roson mwahu en paliwar. Nsensuwed ahnsou koaros paliweromw pahn luweluwetala oh mehla.
\p
\v 23 Sounkopwung suwed kin ale pweipwei sapwung ni rir, oh pwunglahn kopwung sohte kin pweida.
\p
\v 24 Aramas loalokong kin inenewohng mwekid en loalokong, ahpw aramas pweipwei kin pwurupwurur mwahl.
\p
\v 25 Pwutak pweipwei kin kahrehiong seme nsensuwed, oh kapahtou laud ong ine.
\p
\v 26 Sapwung ieu kihong aramas soh dipe men kalokolok en pwain; pwuhng kin pirekla ni aramas mwahu men eh kin ale lokolok.
\p
\v 27 Aramas emen me kin wehwehki pein ih, sohte kin lokolokaia ahnsou koaros. Aramas me kin kanengamah ahneki erpit. 
\v 28 Ahpw mehlel, ma aramas pweipwei pahn ese nennenla, mweinele aramas pahn wiahki me ih aramas koahiek oh loalokong.\x - \xo 17:28 \xo*\xt Sir 20.5.\xt*\x*
\c 18
\p
\v 1 Aramas me sohte kin men patehng meteikan kin nsenohkihte pein irail; re kin sapwungki mehkoaros me aramas koaros ese me pwung.
\p
\v 2 Aramas pweipwei men sohte kin katapanki ma e dehdehki mehkot de soh; ihte me e anahne en kasalehda uwen eh loalokong.
\p
\v 3 Dihp oh namenek kin wia ehu. Ma sohla pahn wahupomw, eri, ke pahn uhd mwamwahlla.
\p
\v 4 Lokaiahn aramas kak wia poahsoan en kupwurokong, loal rasehng madau, iou rasehng piletik.
\p
\v 5 E sohte pwung uhpalihki me dipadahr oh soikowei me mwakelekel kan pwe re en dehr ale pwuhng.
\p
\v 6 Ni pweipwei men eh kin tapihada akamai ehu, e kin pekipeki en kamakam.
\p
\v 7 Ni pweipwei men eh kin koasoi, e kin pein kauwehla pein ih; pein eh lokaia kin lidipihedi.
\p
\v 8 Lipahned me iou—ia uwen atail kin men kadallehla!
\p
\v 9 Aramas pohnkahke me sekeniken duwehte aramas me kin wiakauwe eh dipwisou kan.
\p
\v 10 KAUN-O rasehng wasahn doulik ileile ehu, wasa me aramas pwung kan kak patohla ie oh rukula. 
\v 11 Ahpw aramas kepwehpwe kan kin medemedewe me ar reken kepwe pahn sinsile irail rasehng kelen kahnimw kehlail ehu.
\p
\v 12 Sohte me kak ale wahu ma e sohte mpahi; aramas aklapalap akan weweidier nan elen paisuwed.
\p
\v 13 Rong mwohn omw pahn sapeng. Pwe ma soh, kowe aramas pweipwei oh kanamenek.\x - \xo 18:13 \xo*\xt Sir 11.8.\xt*\x*
\p
\v 14 Omw ineng en mour kak kakehleiukada ni omw pahn soumwahu, ahpw ma omw ineng en mour pahn sohrala, omw koapworopwor sohralahr.
\p
\v 15 Aramas loalokong kin ngoangki oh onopada ale padahk ahnsou koaros.
\p
\v 16 Ke men tuhwong aramas lapalap emen? Walahng kisakis, e ahpw pahn mengeiong uhk en tuhwong.
\p
\v 17 Aramas me kin tepin koasoi nan mwoalen kopwung kin mwomwen pwung lao me uhwongo pahn wiahiong eh peidek kan.
\p
\v 18 Ma aramas lapalap riemen pahn uhpene nan mwoalen kopwung, usuhs me pahn kak en kapwungala ireo nanpwungara.
\p
\v 19 Sewese riomw, e ahpw pahn sinsileiuk rasehng kelen kahnimw kehlail ehu, ahpw ma ke pahn akamaiong, e pahn ritingedi sang uhk eh wenihmw.
\p
\v 20 Ke pahn dolung wahn omw lokaia kan koaros. 
\v 21 Dahme ke koasoia kak kolokol de kauwehla mour, eri, ke uhdahn pahn dolung wahn omw koasoi kan.
\p
\v 22 Me kin diaradahr eh pwoud lih mwahu, e diaradahr mehkot mwahu; met kasalehda me KAUN-O ketin kupwureiuk.\x - \xo 18:22 \xo*\xt Sir 26.1-4.\xt*\x*
\p
\v 23 Ni ahnsou me semwehmwe men kin koasoi, e uhdahn pahn mpahi, ahpw ni me kepwehpwe men eh kin sapeng, e kin ngilen lemei.
\p
\v 24 Ekei kompoakepah sohte kin poakpene ahnsou werei, ahpw ekei kin loalopwoatpene laudsang pirien kan.
\c 19
\p
\v 1 Aramas semwehmwe ahpw mehlel mwahusang me pweipwei oh au likamw.
\p
\v 2 Pwurur ni sohte loalokong sohte mwahu; sohte kak kanengamah kak kahrehda kahpwal.
\p
\v 3 Ekei aramas kin pein kauwehkinirailla arail mwekid en pweipwei kan oh mwuhr re ahpw kin kaulimehki KAUN-O.
\p
\v 4 Aramas kepwehpwe kin diarada kompoakepahrail kapw ahnsou koaros, ahpw kompoakepahn me semwehmwe kin malaulaula oh sohrala.
\p
\v 5 Ma ke pahn lokaia likamw nan mwoalen kopwung, ke pahn ale kalokolok—ke sohte pahn pitsang.
\p
\v 6 Aramas koaros kin song ale keniken pahn me lapalap akan; koaros kin kose me re kompoakepahnki irail kan me kin kihda kisakis de mwar en wehi.
\p
\v 7 Aramas semwehmwe men, rie pil kin sohte kesempwalki, ihme kahrehda eh sohte kompoakepah. Mehnda ma e nantihong, sohte me kak poakepoake.
\p
\v 8 Pein wiahiong uhk ehu sawas oh padahngki uwen me ke kak; eri, tamataman dahme ke padahngki, ke ahpw pahn paiamwahu.
\p
\v 9 Sohte emen me kin likamw nan mwoalen kopwung kak pitsang kalokolok; e uhdahn pahn riahla.
\p
\v 10 Me pweipwei kan sohte konehng re en momourki kepwe kansenamwahu en sampah, oh ladu kan sohte konehng re en kin kakaun me lapalap akan.
\p
\v 11 Ma ke me loalokong, ke pahn kak kanengamahiong omw lingeringer. Ma emen pahn wiahiong uhk sapwung ehu, e pahn wia tiahk mwahu ehu ma ke pohnsehsehla.
\p
\v 12 Engieng en nanmwarki rasehng ngiringir en laion, ahpw sapwellime kupwuramwahu rasehng mweredi en keteu me kin kalamwurih sampah.
\p
\v 13 Pwutak pweipwei men kak kahrehiong seme nan apwal. Oh lih pwopwoud me kin lokaia tohto rasehng pihl me kin dingiding sohte tokedi.
\p
\v 14 Pwutak emen kak sohsohki ihmw oh mwohni sang rehn seme oh ine, ahpw KAUN-O kelehpw me kak ketikihong eh pwoud lih koahiek.
\p
\v 15 Kanahngada omw pohnkahke; memeir, pwe ke pahn mwadang men mwengehda.
\p
\v 16 Kapwaiada sapwellimen Koht kosonned akan, ke ahpw pahn mour werei; ahpw ma ke pohnsehsehla, ke pahn mehla.
\p
\v 17 Ni omw kin kisekise me semwehmwe kan, duwehte omw patohwanohng KAUN-O, oh KAUN-O ahpw pahn ketin kasapahldohng uhk.
\p
\v 18 Kaiahneki noumw seri kan tiahk mwahu ni ar tikitik oh kak wehwehki. Pwe ma soh, ke sewesewese irail en pein kauweirailla.
\p
\v 19 Ma mie emen me kin mwadang en lingeringer oh sehse kanengamah, en pein pwukoahki wahn eh sehse kanengamah. Ma ke doarehsang nan apwal pak ehu, ke pil pahn pwurehng doarehla ehu rahn.
\p
\v 20 Ma ke rong kaweid oh inengieng en wehwehkihla, ehu rahn ke pahn loalokong.
\p
\v 21 Aramas kak koasoanehdi soahng tohto, ahpw kupwur en KAUN-O me pahn wiawi.
\p
\v 22 Mehkot kanamenek mehwo; semwehmwe mwahusang au likamw.
\p
\v 23 Lemmwiki KAUN-O, ke ahpw pahn mour werei, itarki omw mour oh saledek sang apwal.
\p
\v 24 Ekei aramas daulihala pohnkahke, re pil sohte kak kihong mwenge nan ewerail.
\p
\v 25 Aklapalap pahn ale kalokepe, pwe me pweipwei kan me sohte ese mehkot en kak ale padahk sang ie. Ma ke me loalokong, ke pahn esehla ni emen eh pahn kapwungohng uhk.
\p
\v 26 Aramas kanamenek kelehpw me kak wiakauwe seme de kasarehsang ine nan imwe.
\p
\v 27 Samwa, ma ke sohla ale padahk, ke pahn mwadangete kesehla padahk kan me ke eseier.
\p
\v 28 Sohte pwuhng ehu mie wasa me sounkadehde men koasoanedier en wia kadehde likamw ong emen. Aramas suwed kin iouki wiewia suwed.
\p
\v 29 Aramas pweipwei aklapalap men uhdahn konehng kamakam.
\c 20
\p
\v 1 Wain oh sakau kin kahrehiong uhk lokaia laud oh mwomwen pweipwei. Aramas me kin sakaula me nohn pweipwei.
\p
\v 2 Ke en masak nanmwarki men me engiengdahr, rasehng laion me wie ngiringir men. Pwe ma ke pahn kahngiangihada, met rasehng me ke men kemehla pein kowe.
\p
\v 3 Me pweipwei men sohte lipilipil kak tapihada akamai; a me keieu kesempwal ma ke sohte iang akamai.
\p
\v 4 Soumwet men me kin pohnkahke en weirada pwelen eh mwetuwel ni ahnsawi, sohte pahn ahneki mehkot ni ahnsoun dolung.
\p
\v 5 Madamadau en aramas kin rasehng pihl me mi nan pwarer loal, ahpw mehmen me ahneki erpit kak idipasang.
\p
\v 6 Koaros kin koasoia duwen ar mehlel oh loalopwoat, ahpw song ma ke kak diarada emen me mehlel oh loalopwoat.
\p
\v 7 Seri kan kin paiamwahu ma arail pahpa kin lelepek oh wia dahme pwung.
\p
\v 8 Nanmwarki kin ket nan mwoalen tenek oh mwahngih me suwed ni eh kin mahsanihada.
\p
\v 9 Mie me kak koasoia me eh lamalam me mwakelekel, me solahr dipe?
\p
\v 10 KAUN-O kin ketin kalahdeki aramas me kin doadoahngki mehn tenek oh mehn sosohng sapwung.
\p
\v 11 Seri men pil kin kasalehda mwomwe sang ni eh wiewia kan; ke kak ese ma e lelepek oh mwahu.
\p
\v 12 KAUN-O ketikihdo pwoaren masatail pwe kitail en kilangki wasa, oh salengatail pwe kitail en rongki wasa.
\p
\v 13 Ma ke mwahuki memeir ahnsou koaros, ke pahn semwehmwehla. Soupisengki doadoahk ahnsou koaros, e ahpw pahn mie omw tungoal kisin mwenge.
\p
\v 14 Me kin pwainda dipwisou kan kin kaulimki pweilaud en dipwisou, ahpw ni eh kin pedohi kohkohla, e kin suweikiseli eh pwainda dipwisou ni pweitikitik.
\p
\v 15 Ma ke ese dahme ke ndindahn, eri, ke ahnekier mehkot me kesempwal sang kohl de takai kesempwal akan.
\p
\v 16 Mehmen me nohk pweipwei oh inoukihda en pwainla en mehn liki men eh pweipwand, e konehngete sapwe en kohsang oh pwainla pweipwando ma anahnpe mie.
\p
\v 17 Dahme ke aleier sang ni tiahk en mwersuwed, pahn kaperen rasehng mwenge me keieu iou, ahpw e pahn mwadangete duwehla pihk nan ewomw.
\p
\v 18 Ale kaweid mwahu, ke ahpw pahn pweida; ke dehr tangowohng nan mahwen ehu ni omw sohte wiahda koasoandi ehu.
\p
\v 19 Liketihti sohte kak karirihala mehkot rir. Ke dehr patehng aramas me ewen wedei.
\p
\v 20 Ma ke keriahla semomw oh inomw, omw mour pahn imwisekla rasehng lamp ehu me kin kunla nan rot.
\p
\v 21 Uwen mengei en omw pahn diar omw pai, ih uwen eh sohte pahn wia kamwahu ehu ong uhk.
\p
\v 22 Ke dehr pein pwukoahki wia dupukpen sapwung ehu. Likih KAUN-O oh e ahpw pahn ketin kapwungala.
\p
\v 23 KAUN-O kin ketin kalahdeki me kin doadoahngki mehn tenek oh mehn sosohng sapwung.
\p
\v 24 KAUN-O ketin koasoanedier alatail; eri, ihs me kak wehwehki mehnia ahl me eh weweid loale?
\p
\v 25 Medemedewe mahs mwohn omw pahn inoukihong KAUN-O meirong ehu. Ke kakete koluhkihla mwuhr oh nsensuwedkihla.
\p
\v 26 Nanmwarki kupwurokong men pahn diarada ihs me kin wiewia me sapwung, oh pahn ketin kaloke ni sohte mahk.
\p
\v 27 KAUN-O ketikihong kitail mehn madamadau oh kadeikpen loale; eri, kitail sohte kak pein ekihsang kitail audepen loalatail.
\p
\v 28 Nanmwarki men pahn ketiket nan mwoale erein eh pahn kakaun ni mehlel, pwung, oh pahrek.
\p
\v 29 Kitail kin kapinga kehlail en me pwulopwul kan oh wauneki me moangepwet kan.
\p
\v 30 Ekei pak e kin wia mehkot me kamedek kitail en kin wekidala mwekid kan en atail mour.
\c 21
\p
\v 1 E mengeiong KAUN-O en ketin kakaun kupwur en nanmwarki kan rasehng eh kin ketin kaweid pwilipwilahn piletik ehu.
\p
\v 2 Ke kak medemedewe me mehkoaros me ke kin wia me pwung, ahpw ke en tamataman me KAUN-O kin ketin tetehk nsenomw kan.
\p
\v 3 Wiahda dahme pwung oh pahrek; met kin kaparanda kupwur en KAUN-O laud sang omw pahn patohwan meirongkihong dipwisou kan.
\p
\v 4 Lamalam ile oh aklapalap kin kaunda aramas suwed kan, oh met wia dihp ehu.
\p
\v 5 Wiahda omw koasoandi ni keneinei, ke ahpw pahn ahneki dipwisou tohto; ma ke pahn pwurur, omw dipwisou sohte pahn tohto.
\p
\v 6 Reken dipwisou me ke ahneki sang ni tiahk en mwersuwed pahn mwadangete sohrala, ahpw mwohn ar pahn kahluwaiukalahng mehla.
\p
\v 7 Aramas suwed kan pahn pein mehkihla arail eikek; re kin soikala wia dahme pwung.
\p
\v 8 Aramas dipada kin weweid nan ahl pirek; me mwakelekel kin wiewia dahme pwung.
\p
\v 9 Kousoan pohn pwelengen ihmw ehu mwahusang iang kousoan nan ihmw ehu me lih pwopwoud lokaia tohto men mihmi loale.\x - \xo 21:9 \xo*\xt Sir 25.16.\xt*\x*
\p
\v 10 Aramas suwed kin iouki mehkot suwed ahnsou koaros; sohte emen re kin mahkohng.
\p
\v 11 Ahnsou me aklapalap emen kin ale kalokepe, me pweipwei men pil kin ale padahk sang ie. Me loalokong pahn ale padahk me kohieng.
\p
\v 12 Koht, me ketin pwung, kin mwahngih dahme wiewiawi nan imwen me suwed akan, e ahpw pahn ketin kauweirailla.
\p
\v 13 Ma ke soikala ngilen peksawas en me semwehmwe kan, sohte me pahn rong ngilen omw peksawas.
\p
\v 14 Ma emen pahn lingeringer pahmw, kisakis rir pahn kameleileidi.
\p
\v 15 Ahnsou me pwunglahn mehkot kin wiawi, me mwahu kan kin perenda, ahpw me suwed kan kin sohla ar koapworopwor.
\p
\v 16 Mehla kin awiawih mehmen me pahn salongasang lamalam mwahu.
\p
\v 17 Mourenki kamadipw, wain, oh kisin tungoal kaselel kan sohte kak kakepwehpwehiukala.
\p
\v 18 Aramas suwed kan kin kahrehiong pein irail lokolok me re kin song en kahrehiong aramas mwahu kan.
\p
\v 19 Kousoan nan sapwtehn mwahusang mihmi rehn lih pwopwoud men me kalap lipwoar oh kaulim.
\p
\v 20 Aramas loalokong kin ahneki reken dipwisou, ahpw me pweipwei kan kin mwadangete kesehla mwahl neirail mwohni kan.
\p
\v 21 Kadek oh lelepek ke ahpw pahn mour werei; meteikan pahn waunekin uhk oh wia mwahu ong uhk.
\p
\v 22 Kaunen sounpei koahiek men kak kalowehdi kahnimw ehu me sounpei kehlail sinsile, oh kauwehla kehl me re koapworopworki.
\p
\v 23 Ma ke men kadohwanowei sang uhk kahpwal, kanahieng omw lokaia kan.
\p
\v 24 Kasalehiong ie emen aramas me kin nohn kesempwalki pein ih, I ahpw pahn kasalehiong uhk emen me aklapalap, pohnmwahso oh serekeileng.
\p
\v 25 Aramas pohnkahke men me sohte men doadoahk, e kaukauwe pein ih; 
\v 26 ihte me e kin medemedewe dahme e anahne. Aramas pwung kin kak kihwei oh kihwei ni sapan.
\p
\v 27 KAUN-O kin ketin kalahdeki aramas suwed kan ar kin wiahiong meirong, ahpw mehlel ni ar kin wia meirong ni lamalam suwed.\x - \xo 21:27 \xo*\xt Sir 7.9.\xt*\x*
\p
\v 28 Sohte me kin kamehlele kadehdehn aramas likamw, ahpw lokaiahn aramas me mie audepe kin pweida.
\p
\v 29 Aramas pwung kin wehwehki pein irail; a me suwed akan kin mwomwmwomwe ni uwen ar kak me re ese.
\p
\v 30 Loalokong en aramas, marain, oh erpit sohte wia sawas ehu ma KAUN-O ketin uhwong uhk.
\p
\v 31 Ke kak kaunopada oahs akan ong mahwen, ahpw KAUN-O me kin ketin kupwurehda ihs me pahn kana.
\c 22
\p
\v 1 Ma ke pahn pilada nanpwungen ndand mwahu oh ahneki dipwisou, eri, pilada ndand mwahu.
\p
\v 2 Me kepwehpwe kan oh me semwehmwe kan sohte wekpeseng, pwe KAUN-O me ketin wieirailda.
\p
\v 3 Aramas me eh lamalam mie kak kilangada kahpwal me kohkohdo oh wetsang; ahpw aramas tohto kin inenwohngete, ahpw nsensuwedkihla mwuhr.
\p
\v 4 Lemmwiki KAUN-O oh mpahi, eri, ke ahpw pahn kepwehpwehla, waunla, oh pil mour werei.
\p
\v 5 Ma ke kesempwalki omw mour, dehr karanih lidip kan limwahn ahl akan me kin lidipihedi me suwed kan.
\p
\v 6 Padahkihong kisin seri men duwen eh pahn momour, eri, e pahn tamatamante erein eh mour.\x - \xo 22:6 \xo*\xt Sir 6.18.\xt*\x*
\p
\v 7 Aramas kepwehpwe kin liduhki me semwehmwe. Pekihsang emen mwohni, ke ahpw pahn wiahla lidun aramas me ke pekihsang mwohnio.
\p
\v 8 Ma ke pahn kamwarak werentuhkehn suwed, kahpwal laud pahn wosada, oh omw kaloke meteikan pahn imwisekla.
\p
\v 9 Ke en sapan oh mweidohng me semwehmwe kan en iang uhk tungoal. Ke pahn alehki kupwuramwahu en wiewia pwukat.
\p
\v 10 Kasarehla aramas aklapalap, eri, akamai, pingiping, oh lokaia suwed kan ahpw pahn tokedi.
\p
\v 11 Ma ke pahn poakohng nan kapehd mwakelekel oh lokaia mpahi, ke pahn wiahla kompoakepahn nanmwarki.
\p
\v 12 KAUN-O kin ketin mwasamwasahn pwe me mehlel en kin pweida ni eh kin ketin kasohwe lokaiahn aramas au likamw akan.
\p
\v 13 Aramas pohnkahke men kin mihmihte nan imwe; e kin nda me laion pahn kangala ma e pedohisang nan imwe.
\p
\v 14 Kamwahl lidip ehu—e kin lidipihedi irail kan me KAUN-O kin ketin engieng pahr.
\p
\v 15 Seri kan kin wia mehkot sapwung ni ar sohte wehwehki oh seukautih, ahpw popohr ehu pahn kapwungirailla.
\p
\v 16 Ma ke pahn kisekise aramas kepwehpwe de kahpwalihala me semwehmwe kan pwe ke en kepwehpwehkihla, pein kowe me pahn semwehmwehla.
\s1 Lepin Kahs en Kupwurokong Silihsek
\p
\v 17 Rong kanahieng, I pahn padahkihong uhk mahsen en me kupwurokong kan. Sukuhlki ar padahk kan, 
\v 18 ke ahpw pahn perenkihda ma ke tamataman oh kak wadlikihala. 
\v 19 I men ke en likih KAUN-O; ihme kahrehda ei pahn ndahng uhk pwe ke en esehla met. 
\v 20 I ntingihedier lepin kahs silihsek ong uhk. Re audaudki kupwurokong oh kaweid mwahu, 
\v 21 oh pahn padahkihong uhk ia uhdahn me mehlel. Eri, ni omw pahn mwesella pwe ke en rapahki kawehwehpe kan, ke pahn pwurodo wa pasapeng mwahu.
\s2 -1-
\p
\v 22 Ke dehr engimwahukihla oh wiahiong mehkot suwed me semwehmwe kan pwehki omw kakohng wiahiong irail; ke dehr engimwahukihla wiahiong mehkot suwed irail kan me uh mwohn mwoalen kopwung oh sohte sawasaparail. 
\v 23 KAUN-O pahn ketin uhpalihkin irail oh ketin kahpwalihala mour en irail kan me wiahiong irail mehkot suwed.
\s2 -2-
\p
\v 24 Ke dehr kompoakepahnki aramas me kalap lingeringer. 
\v 25 Ke pahn kak en alasang arail tiahk oh sohla kak pweieksang.
\s2 -3-
\p
\v 26 Ke dehr inoukihda me ke pahn pwukoahki en emen tohrohr pweipwand. 
\v 27 Ma ke sohte pahn kak kapwungala, re pahn pil kakete wahsang omw peht.
\s2 -4-
\p
\v 28 Dehr kamwakid pehs en sahpw me omw pahpa kahlap ako kauwadahr.
\s2 -5-
\p
\v 29 Kasalehiong ie aramas emen me kak doadoahk mwahu, I ahpw pahn kasalehiong uhk emen aramas me mwahusang mehlel oh konehng patopato pahn kupwur en nanmwarki.
\c 23
\s2 -6-
\p
\v 1 Ni omw pahn iang lapalap emen mwohdehng nin tehpel, tamataman ihs ih. 
\v 2 Ma ke ewen mwenge, song irehdi. 
\v 3 Dehr mehwohkihda kisin tungoal kaselel kan me e pahn katungoalehkin uhk; mweinele e songosong en widingeiuk.
\s2 -7-
\p
\v 4 Ke en loalokongla, oh dehr mweidohng paliweromwen en pwangada ni omw songosong en kepwehpwehla. 
\v 5 Noumw mwohni kak sohrala ni marepteieu, rasehng ikel emen me wunen peh osohsohng e ahpw pipihrla.
\s2 -8-
\p
\v 6 Dehr iang tungoal rehn aramas lehk de mehwohki kisin tungoal kaselel kan me e pahn katungoalehkin uhk. 
\v 7 E pahn nda, “Komw sak, komw kanahngada,” ahpw dahme e medemedewe iei uhdahn dahkot ih. 
\v 8 Ke pahn mwuskihla mwenge me ke kangalahr, oh omw lokaiahn kaping kan pahn sohte katepe.
\s2 -9-
\p
\v 9 Dehr song en wiahiong aramas pweipwei men lokaiahn aramas loalokong, pwe e pahn mwamwahliki omw koasoi kan.
\s2 -10-
\p
\v 10 Kaleke ke kamwakid pehs en sapwen mahs akan, de ale sapwen me sepwoupwou kan. 
\v 11 KAUN-O, iei doareparail roson, oh e pahn ketin welianiraildi oh uhkihong uhk arail repen pwung.
\s2 -11-
\p
\v 12 Rong kanahieng omw sounpadahk oh padahngki uwen me ke kak.
\s2 -12-
\p
\v 13 Dehr peikasalki kapwungala seri men. Popohr ehu sohte pahn kemehla. 
\v 14 Popohr ehu kakete doarehsang mehla.
\s2 -13-
\p
\v 15 Samwa, ma ke pahn loalokongla, I pahn diren nsenamwahu. 
\v 16 I pahn pohnmwahsohki ei pahn rong omw pahn wia lokaiahn kupwurokong.
\s2 -14-
\p
\v 17 Dehr peirinki aramas dipan akan; lemmwiki KAUN-O en kin ieiang uhk nan omw mour. 
\v 18 Pwe ma iei, ke pahn paiamwahu nan omw mour me kohkohdo.
\s2 -15-
\p
\v 19 Rong, samwa, loalokongla oh medemedewe mwahu duwen mwomwen omw mouren. 
\v 20 Dehr patehng aramas me kin kamam sakau, de medkihla kisin mwenge. 
\v 21 Me kin kamam sakau oh kapehd en mwenge kan pahn semwehmwehla. Ma ihte me ke kin wia: mwenge oh memeir, ke pahn mwadang kihoula.
\s2 -16-
\p
\v 22 Rong omw pahpa, pwe ma sohte ih ke sohte pahn mie. Ni ahnsoun omw nohno pahn likeilapalahr, ke pahn kasapalkalahnganohng. 
\v 23 Mehlel, kupwurokong, wehwe, oh lamalam mwahu, mepwukat me konehng ke en pwainda; a ke dehr netikihla, pwehki re me nohn kesempwal. 
\v 24 Semen me pwung men pahn pereperen. Ke kak suweiki noumw pwutak loalokong. 
\v 25 Kihong semomw oh inomw kahrepen ara pahn suweikin uhk; ih duwen omw pahn kaparanda inomw.
\s2 -17-
\p
\v 26 Samwa, tehk kanahieng oh kahlemengih ie. 
\v 27 Pwe lih suwed oh lihen netiki paliwararail kan rasehng lidip en mehla ehu. 
\v 28 Re kin mwasamwasahn aramas akan, rasehng aramas lipirap, oh kin kahrehiong ohl tohto ar sohla loalopwoatohng arail pwoud kan.
\s2 -18-
\p
\v 29-30 Kasalehiong ie emen me kin sakaula oh kin men song soangen sakau tohrohr, eri, I ahpw pahn kasalehiong uhk emen me kin nsensuwed oh pein pahtouia, me kin kahrehda kahpwal, oh kin kaulimala. Nan mese kin weitahta, oh lipwen ohlahte ni paliwere me pil kakete en sohte wiawihong. 
\v 31 Dehr mweidohng wain en kasongsongeiuk, mehnda ma e weitahta oh ke kak kilang mwomwen mesomw nan kepo, oh me lingan ni omw pahn kamwakid kepo. 
\v 32 Pwe manda ke pahn duwehte mehmen me sineik kehpenehr. 
\v 33 Mesomwen pahn kilangada soahng kapwuriamwei kei, oh ke sohte pahn kak kihda lamalam mwahu de omw lokaia kan sohte pahn pwung. 
\v 34 Ke pahn pehm duwehte ma ke mihmi nan madau, mehnmadau, likilikahs pohn kehu en sohp pwoat me kin mwekimwekid. 
\v 35 Ke ahpw pahn nda, “Re kemeiedahr, re wokihiedier, ahpw I sohte tamataman. Dahme I sohte kak pwourkihda? I uhdahn anahne pil ehu kepen sakau.”
\c 24
\s2 -19-
\p
\v 1 Dehr peirinki aramas suwed kan, oh ke dehr song en kompoakepahnkin irail. 
\v 2 Ihte me re kin medemedewe re en kapingada wasa; ahnsou koaros me re kin sarapeseng re kin kamedekehla emen.
\s2 -20-
\p
\v 3 Ihmw kan kin kokouda pohn poahsoan me poahsoanki kupwurokong oh dehdehki. 
\v 4 Wasa me loalokong kin mi ie, pere kan kin audaudkihda dipwisou kesempwal oh lingan.
\s2 -21-
\p
\v 5 Omw loalokong mwahusang omw kehlail. Ei, loalokong me ienen kesempwalsang kehlail. 
\v 6 Eri, kumwail uhdahn pahn wiahda koasoandi mwahu mwohn amwail pahn kowohng mahwen. Oh uwen tohtohn kaweid mwahu me kumwail kin alehdi, iei ih kasalepen amwail pahn kana nan mahwen.
\s2 -22-
\p
\v 7 Mahsen en kupwurokong kan me nohn loal pwe me pweipwei kan en kak dehdehki. E sohte kak patohwanda mehkot ni ahnsou me mahsen en ire kesempwal akan kin wiawi.
\s2 -23-
\p
\v 8 Ma ke pahn kin koasoakoasoane mehkot suwed ahnsou koaros, ke pahn ndandkihla me kowe sounkaping wasa. 
\v 9 Soangen koasoandi koaros me aramas pweipwei men pahn medewehda pahn wia dihp ehu. Aramas kin kailongki mehmen me sohte eh mehkot ahpw kin mwamwahliki meteikan.
\s2 -24-
\p
\v 10 Ma ke me luwet ni ahnsou apwal, ke me uhdahn lamalam luwet.
\s2 -25-
\p
\v 11 Dehr peikasalki doarehla emen me pahn kamakamala ni sapwung. 
\v 12 Mweinele ke pahn nda me kaidehn omw pwukoa, ahpw Koht mwahngih oh kin ketin teneki nsenomw kan. E kin ketin mwasamwasahn uhk, oh mwahngih mehkoaros; oh e pahn ketin katingihekin uhk nin duwen me konehng omw wiewia kan.
\s2 -26-
\p
\v 13 Samwa, tungoale sukehn loangalap; pwe mehkot mwahu ehu. Oh duwen sukehn loangalap eh mem nan eweomw, 
\v 14 iei duwen kupwurokong eh mwahu ong ngenomw. Alehda kupwurokong oh omw mour en rahn kohkohdo pahn mwahu.
\s2 -27-
\p
\v 15 Ke dehr duwehte aramas suwed me kin koasoanehdi en pirapa aramas lelepek men de adihasang imwe. 
\v 16 Sohte katepen uwen tohtohn aramas lelepek men eh pahn pwupwudi, ahpw e kin pwurehng pwourda; ahpw kahpwal kin kamwomwala aramas suwed.
\s2 -28-
\p
\v 17 Dehr perenki ma omw imwintihti kin lelohng apwal. 
\v 18 KAUN-O pahn ketin mwahngih ma ke wia met, oh e sohte pahn kaloke omw imwintihtio.
\s2 -29-
\p
\v 19 Dehr pwunodki aramas suwed akan; oh dehr peiriniong irail. 
\v 20 Sohte ahnsou mwahu ong aramas suwed emen ni ahnsou kohkohdo—sohte mehkot e pahn kak kasikasik.
\s2 -30-
\p
\v 21 Lemmwiki KAUN-O, samwa, oh wauneki nanmwarki. Dehr patehng aramas akan me kin uhwong ira; 
\v 22 soangen aramas pwukat kakete ohla ni ahnsou mwadang. Ke ese soangen apwal laud me Koht de nanmwarki kak ketin wiahiong irail?
\s1 Pil ekei Mahsen en Kupwurokong
\p
\v 23 Aramas kupwurokong kan pil iang wia mahsen en kupwurokong pwukat: E sohte pwung sounkopwung men en uhpalihki ehute pali. 
\v 24 Ma pwunglahn kopwungo pahn kasalehda me aramas dipadahro me mwakelekel, e pahn riahla oh aramas koaros pahn kailongkihla. 
\v 25 Sounkopwung kan me pahn kaloke me dipadahr akan pahn paiamwahula oh pereperenki ar adamwahu.
\p
\v 26 Pasapeng mehlel iei kilel en kompoakepah mehlel. 
\v 27 Ke dehr kauwada imwomw oh koasoanehdi loale, ke lao kaunopada omw mwaht akan nan sapwomw, oh ke wehwehkier me ke kakehr mour sang loale.
\p
\v 28 Ke dehr wia kadehde en uhwong emen ni eh sohte kahrepe, de koasoia mehkot suwed duwen ih. 
\v 29 Ke dehr nda, “I pahn wiahiong dahme e wiahiong ie. I pahn dupukohng mehkoaros me e wiahiong ie!”
\p
\v 30 Rahn ehu I keidla nan sapwen aramas pohnkahke men oh nan eh mwetin wain ehu. 
\v 31 Nan sahpwo me inenen dipwidipw mehlel oh diren dihpw tekatek. Kehl me kapilpene mwahto pil rengkdier. 
\v 32 I ahpw kilang oh medemedewe, oh diarada padahk ehu sang ni ire wet: 
\v 33 kanahngada omw meiren; kihpene pehmw pohn mwaremwaromw, kowe kommoaldi oh meirla mahs ekis ahnsou, 
\v 34 ahpw nindokon omw pahn memeir, semwehmwe pahn lel uhk rasehng sounpirap me wisik kesik.\x - \xo 24:34 \xo*\xt Lep. Pad 6.10-11.\xt*\x*
\c 25
\s1 Ekei Lepin Mahsen Audapan en Solomon
\p
\v 1 Iet ekei lepin mahsen audapan en Solomon, me kodoudoudo sang rehn ekei tohn tehnpas en Esekaia, nanmwarkien Suda.
\p
\v 2 Kitail kin wauneki Koht pwehki soahng kan me e ketin karirihasang kitail; a kitail kin wauneki nanmwarki kan pwehki ar kin kawehwehiong kitail mehkot.
\p
\v 3 Ke sohte mwahn ese kupwur en nanmwarki; kupwure me inenen dohsang kitail, rasehng ileile en pahnlahng de loal en kepin madau.
\p
\v 4 Kamwakelehda silper, oh sounwia silper kan ahpw pahn kak wiahkihda mehkot me kaselel. 
\v 5 Kadohwanowei sang rehn nanmwarki sounkaweid suwed kan, sapwellime wehi ahpw pahn ndandkihla pwuhng.
\p
\v 6 Ni omw pahn uh mwohn nanmwarki, ke dehr mwomwehda me kowe aramas kesempwal oh lapalap emen. 
\v 7 Emen eh kihong uhk ehu dehu ile mwahusang emen eh pahn ndahng uhk ke en kihong emen me kesempwal sang uhk en wilianuhkedi.\x - \xo 25:7 \xo*\xt Luk 14.8-10.\xt*\x*
\p
\v 8 Ke dehr mwadang en lelki mwoalen kopwung mehkot me ke kilangadahr. Ma emen sounkadehde pahn kohdo mwurimw oh kasalehda omw sapwung, dahme ke pahn wia?
\p
\v 9 Ma kowe oh mehn mpomw men amwa lamalam sohte doakpene, kumwa pein kapwungala nanpwungamwa oh dehr kasalehiong emen. 
\v 10 Pwe ma soh, aramas koaros pahn lemeleme me kumwa sohte kak ekihla mehkot rir, oh kumwa pahn namenengkihla kohkohlahte.
\p
\v 11 Lamalam me dehde mwahu kin rasehng kilel me wiawihkihda kohl oh kapwatkihda silper.
\p
\v 12 Peneu me kin kohsang rehn aramas koahiek men ong sohte lipilipil me men rong, me pil inenen kesempwalsang rihng kohl de mehn kapwat kan me wiawihkihda kohl me keieu kaselel.
\p
\v 13 Sounkair lelepek men kin kansenamwahwihala me kadaralahro, rasehng pihl lemwulemwur nan karakar en ahnsoun rahk.
\p
\v 14 Aramas me kin inoukihda me e pahn kihda mehkot ahpw sohte kihda, rasehng depwek oh kisinieng kan me sohte wahdo keteu.
\p
\v 15 Kaweid ni kanengamah oh aktikitik kak kalowehdi me kahngohdi oh me lapalap akan.
\p
\v 16 Ke dehr tungoale sukehn loangalap oh daulihala uwen me ke anahne; ke pahn mwus ma ke tungoale me laud. 
\v 17 Ke dehr mwemweitla rehn mehn mpomw pak tohto; e kakete pwangahkinuhkada oh kailongkinuhkala.
\p
\v 18 Kadip likamw rasehng kedlahs keng, padda, de ketieu keng.
\p
\v 19 Koapworopworki aramas soakoahiek ni ahnsou apwal, rasehng omw song en rukoahki kisin mwenge ngihmw me mweradahr, de song aluhki neh mwoator ehu.
\p
\v 20 Kokouliong aramas pahtou men rasehng omw kapwuhrasang en aramas emen eh likou ni ahnsoun lemwulemwur, de iriski soahl nan eh ohla.
\p
\v 21 Ma omw imwintihti men mwengedahr, a ke kamwenge; ma e men nimpildahr, a ke kanampile.\x - \xo 25:21 \xo*\xt Rom 12.20.\xt*\x* 
\v 22 Ke pahn inenen kanamenekihala, oh KAUN-O pahn ketin katingihiuk.
\p
\v 23 Lipahned kin kahrehdo lingeringer rasehng kisinieng en paliepeng eh kin kahrehdo keteu.
\p
\v 24 Kousoan pohn pwelengen ihmw ehu mwahusang mihmi rehn lih pwopwoud lokaia tohto men nan ihmw.
\p
\v 25 Rong rohng mwahu sang wasa doh rasehng nim pihl lemwulemwur ahnsoun omw karakar oh men nimpil.
\p
\v 26 Aramas mwahu men me kin dukiong aramas suwed men kin katamanda pwarer me diren pwoisin de piletik kiried ehu.
\p
\v 27 Kangala sukehn loangalap laud suwediong uhk, duwehte omw songosong en alehdi kaping laud.
\p
\v 28 Ma ke sohte kak kanengamahiong omw lingeringer, eri, ke me luwet duwehte kahnimw ehu me sohte keledi, me mengeiong aramas en mahweniong.
\c 26
\p
\v 1 Kapinga aramas pweipwei kin sohte konehng, e rasehng sinoh ni ahnsoun karakar de keteu ni ahnsoun dolung wahnsahpw. 
\v 2 Keria sohte kak kauweiukala ma sohte kahrepen en lelohng uhk. E rasehng menpihr me pipihrseli sohte kak sokedi.
\p
\v 3 Ke uhdahn pahn wokih oahs, salihedi ahs, oh ke uhdahn pahn wokih aramas pweipwei men.
\p
\v 4 Ma ke pahn sapeng peidek en sahliel ehu, ke pil sahliel duwehte aramas me wia peideko.
\p
\v 5 Wia pasapeng en aramas sahliel ong peidek en sahliel ehu, eri, me wia peideko pahn diarada me e sohte loalokong nin duwen me e kosekose.
\p
\v 6 Ma ke pahn ilakih aramas pweipwei men, eri, e konehng ke en lupukasang nehmwen; pwe met ke pekipeki ehu kahpwal.
\p
\v 7 Aramas pweipwei kak doadoahngki lepin mahsen audapan kan, duwehte aramas mwoator men me kak aluhki neh kan.
\p
\v 8 Kapinga aramas pweipwei men duwehte pirehiong takai ehu nan pahi.
\p
\v 9 Aramas pweipwei men me koasoia lepin mahsen audapan kan, kin katamanda aramas sakaula men me kin songosong en kihsang teken tuhke nan peh.
\p
\v 10 Koadoadoahki aramas pweipwei men sohte lipilipil me ke kasaingedi pahn kamadakihala aramas koaros me ieiang ih.
\p
\v 11 Pweipwei men me pwurehng wia eh tiahk en pweipwei, rasehng kidi men me kin pwurehng kangala eh mwus.\x - \xo 26:11 \xo*\xt 2 Pit. 2.22.\xt*\x*
\p
\v 12 Aramas pweipwei douluhl mwahusang aramas me kin lemeleme me e loalokong, ahpw soh.
\p
\v 13 Dahme aramas pohnkahke men sohte kin pedohikihsang nan imwe? Dahme e masak? Laion kan?
\p
\v 14 Duwen aramas pohnkahke men eh kin koakoahnek nan dewe, ih pil duwen wenihmw ehu eh kin weliwelikek ni insis kan.
\p
\v 15 Ekei aramas me nohn pohnkahke, re pil sohte kak pein kihong mwenge nan ewerail.
\p
\v 16 Aramas pohnkahke kin lemeleme me e loalokong sang aramas isimen me kak kasalehda kahrepe mwahu en arail pepehm kan.
\p
\v 17 Iang pidada pingiping ehu me sohte ahmwohng, rasehng omw kekeid nan ahl apwoat oh poarehng salengen kidi kommwad emen.
\p
\v 18-19 Aramas emen me pitihedi emen ahpw uhd nda me e kamwakamwan, rasehng ohl sahliel men me mwadomwadongki dipwisou keper me kak kemehla aramas.
\p
\v 20 Ma sohte tuwi, kisiniei pahn kunla; ma sohte liketihti, akamai pahn tokedi.
\p
\v 21 Mwoalus kin kahrehiong tuwi eh kin wie ngkingken, tuwi kin kahrehiong kisiniei eh kin lullul, oh sounkaping wasa kan kin kamwakamwakid pingiping kan.
\p
\v 22 Liketihti me iou! Ia uwen atail kin men kang!
\p
\v 23 Lokaiahn aramas me kin karirihala dahme uhdahn mehlel en nan kapehde, rasehng melengileng en sah pwehl ehu.
\p
\v 24 Aramas liksansalamwahu kin karirihkihla lokaia kansenamwahu kailok en nan kepehde. 
\v 25 Ngihl pwukat pahn kaselel, ahpw ke dehr dukiong, pwe nan kapehde diren kailok. 
\v 26 E kak karirihala eh kailok, ahpw aramas koaros pahn kilang soahng suwed kan me e kin wia.
\p
\v 27 Aramas me kin wiahiong meteikan lidip, kin pein lohdiong loale. Aramas me kin tapihada ehngk en pwehl kin pein ohkihla ehngko.\x - \xo 26:27 \xo*\xt Sir 27.25-27.\xt*\x*
\p
\v 28 Ke uhdahn pahn kailongkihla emen oh men kauwehkihla koasoi likamw. Lokaia likamw kin kahrehda paisuwed laud.
\c 27
\p
\v 1 Dehr suweiki lakapw, pwe ke sohte ese dahme pahn wiawi sang met lel lakapw.\x - \xo 27:1 \xo*\xt Seims 4.13-16.\xt*\x*
\p
\v 2 Mweidohng meteikan en kapingaiuk—pil mehn keiru kan; dehr pein kapingaiuk.
\p
\v 3 Toutoun takai oh pihk kan sohte kak kapahrekiong kahpwal me aramas pweipwei kak wiahda.
\p
\v 4 Lingeringer, iei me kin lemei oh kin wia mehn kauwehla, ahpw e sohte kak en kapahrekiong luwak.
\p
\v 5 Omw pahn panawih emen ni sansal, mwahusang mweidohng en medemedewe me dene ke sohte mwahn katapanki.
\p
\v 6 Mehnda ma kompoakepahmw men kansensuwedihiukala; ahpw ma omw imwintihti men pahn kihong peh pohn pwopwomw—kanahieng!
\p
\v 7 Ma ke medla ke kin kahng kang sukehn loangalap, ahpw ma ke men mwenge, ke pahn iouki kisin mwenge katik.
\p
\v 8 Aramas me kin dohsang imwe, rasehng menpihr me kin dohsang pese.
\p
\v 9 Lehn wai oh leh pwohmwahu kan kin kaperenihiuk, ahpw apwal kin kauwehla popohl en nan kapehdomw.
\p
\v 10 Ke dehr manokehla kompoakepahmw kan de kompoakepahn semomw kan. Ma ke milahr nan apwal, ke dehr peki riomw en seweseiuk; mehn mpomw me karanihiuk pahn seweseiuk mwahusang riomw me dohsang uhk.
\p
\v 11 Samwa, ke en loalokongla, I ahpw pahn kin pereperen; e pahn mie ei pasapeng ong mehmen me pahn kauwei ie.
\p
\v 12 Aramas me mie eh lamalam pahn kilang apwal eh kohkodohng, e pahn tangasang, ahpw aramas me sohte eh lamalam pahn wenewohng loale, oh mwuhr e ahpw pahn koluhkihla.
\p
\v 13 Mehmen me pweipwei oh inoukihda me e pahn pwukoahki en mehn liki men eh pweipwand, konehng sapwe en kohsang pwehn wiahla mehn kadehde en pweipwando.
\p
\v 14 Omw keriahla kompoakepahmw mwahusang omw kapirkihda nimenseng omw rahnmwahwih ni ngihl laud.
\p
\v 15 Lih pwopwoud lokaia tohto men rasehng dingiding en keteu me sohte kin tokedi ni rahnen keteu kan. 
\v 16 Ia duwen omw kak katokihedi? Ke songehr katokihedi kisinieng de koledi leh nan pehmw?
\p
\v 17 Aramas kin ale padahk sang rehn emen aramas, rasehng mete eh kin edehda mete.
\p
\v 18 Apwalih tuhke pik, ke ahpw pahn kang wah kan. Ladu men me kin apwalih eh soumas pahn ale wahu.
\p
\v 19 Pein mesomw me ke kilang nan pihl oh pein kowe me ese nan kapehdomw.
\p
\v 20 Ineng en aramas rasehng wasahn me mehlahr akan—dewen aramas tohto mie wasao.
\p
\v 21 Kisiniei kin wia mehn sosohng kohl oh silper; adamwahu en aramas pil kak sosohng.
\p
\v 22 Mehnda ma ke keme me pweipwei men oh kereniong kemehla, ke sohte kak kasohresang eh pweipwei.
\p
\v 23 Apwalih uwen omw kak noumw sihpw oh kou kan, 
\v 24 pwehki reken kepwe sohte kin poatopoat. Pil wehi ehu sohte kin poatopoat kohkohlahte. 
\v 25 Mwatihasang reh oh dihpw kan nan sapwomw nindokon omw wahnsahpw teikan eh wie kekeirda. 
\v 26 Ke kak wiahkihda likou kilin noumw sihpw kan oh netikihla noumw kuht kan oh pwainkihda sahpw. 
\v 27 Luhwen kuht kan pahn kihong kowe oh omw peneinei milik, oh pil ong omw lidu serepein kan.
\c 28
\p
\v 1 Aramas suwed kin tangdoaui mehnda ma sohte me pwakipwakih, ahpw aramas lelepek kin kommwad duwehte laion. 
\v 2 Ni wehi ehu eh kin dipada, kaun akan kin weliali. Ahpw wehi ehu pahn kehlail oh poatopoat ma kaun akan pahn kupwurokong oh koahiek.
\p
\v 3 Kaun emen me kin kahpwalihala me semwehmwe kan, rasehng keteu uk me kin kauwehla wahnsahpw.
\p
\v 4 Ma ke sohte kesempwalki kosonned, ke uhki aramas suwed kan; ahpw ma ke kapwaiada, ke uhwong aramas suwed kan.
\p
\v 5 Aramas suwed sohte ese dahkot pwuhng, ahpw irail kan me kin pwongih KAUN-O kin wehwehki.
\p
\v 6 Semwehmwe oh lelepek mwahusang kepwehpwe oh mwersuwed.
\p
\v 7 Mwahnakapw emen me peikiong kosonned me loalokong. Mehmen me kompoakepahnki aramas me sohte katepe kan kin kanamenekihala seme.
\p
\v 8 Ma ke kepwehpwehla pwehki omw kalaudehla pweinen omw dipwisou oh kapweipwei aramas akan, omw pai pahn kolahng emen me kin kadekohng me semwehmwe kan.
\p
\v 9 Ma ke sohte peikiong kosonned, Koht pahn ketin kalahdeki karonge omw kapakap akan.
\p
\v 10 Ma ke pahn pitih aramas lelepek men pwehn wia me suwed, ke pahn pein pwupwudiong nan omw lidip.
\p Me mwakelekel kan pahn ale keting mwahu.
\p
\v 11 Aramas kepwehpwe kin medemedewe me re me loalokong ahnsou koaros, ahpw aramas semwehmwe me kak kasawih loalen aramas mwahusang irail.
\p
\v 12 Ni aramas mwahu men eh kin kesepwilda wiahla kaun emen, aramas koaros kin perenkihda, ahpw ni aramas suwed kan ar kin kaunda wasa, aramas akan kin rukula.
\p
\v 13 Omw mour sohte pahn pweida ma ke song en ekihla dipomw kan. Sakarkihda oh wiliakapwala; eri, Koht ahpw pahn ketin mahkikihong uhk.
\p
\v 14 Peikiong KAUN-O ahnsou koaros, ke ahpw pahn nsenamwahu. Ma ke keptakai, ke pahn ohla.
\p
\v 15 Aramas paisuwed kan sohte ar kehl pohn kaun suwed men, pwe e me keper rasehng laion emen me wie ngiringir de pehr men me reperepen mwengeseli.
\p
\v 16 Kaun emen me sohte eh lamalam mwahu pahn wiahla kaun lemei men. Mehmen me kin kailongki mwersuwed pahn wia kaun emen ahnsou reirei.
\p
\v 17 Aramas emen me dipikidahr dipen kamaramas pein ih weweir eh sousou ni karuaru. Ke dehr song en katokihedi.
\p
\v 18 Lelepek, ke ahpw pahn saledek sang apwal. Ma ke pahn mwersuwed, ke pahn mwadangete pwupwudi.
\p
\v 19 Soumwet men me kin doadoahk laud kin mie eh tungoal kisin mwenge tohto. Aramas emen me kin kauwehla mwahl ahnsou pahn semwehmwe kohkohlahte.
\p
\v 20 Aramas lelepek kan pahn ahneki mour mwahu oh nsenamwahu. Ahpw ma ke karuaru en kepwehpwehla, ke pahn ale lokolok.
\p
\v 21 Uhpalihki emen aramas sohte mwahu. Ahpw ekei sounkopwung pahn kin wiahda sapwung pwehki kisin pweipwei sapwung kis me re alehsang emen.
\p
\v 22 Aramas mehwo kan kin karuaru en kepwehpwehla me kahrehda re sohte ese iahd me paisuwed pahn lelohng irail.
\p
\v 23 Kapwungala emen, ke ahpw pahn ale kasapahlkalahngan laud sang ma ke kapinga.
\p
\v 24 Mehmen me lemeleme me kaidehn mehkot suwed pirapa seme oh ine, e sohte mwahusang sounpirap akan.
\p
\v 25 Mehwo kin kahrehdahte kahpwal. E pahn mwahu mehlel ma ke likih KAUN-O.
\p
\v 26 Aramas pweipwei men me kin idawehnte pein eh kaweid. Ke pahn mourla ma ke idawehn padahk en me kupwurokong sang uhk kan.
\p
\v 27 Kihong me semwehmwe kan, ke ahpw pahn sohte anahnehda mehkot. Ma ke sohpeisang me semwehmwe kan, aramas tohto pahn kerieiukala.
\p
\v 28 Aramas kin rukula ni ahnsou me aramas suwed men kin kesepwilda wiahla kaun. Ahpw ni ar kin pwupwusang nan dewerail, me pwung kan pahn pwurehng kaunda.
\c 29
\p
\v 1 Ma ke pahn keptakai ni ahnsou koaros me emen pahn kapwung ong uhk, ehu rahn ke pahn pwupwudi oh sohla kak pwurehng pwourda.
\p
\v 2 Kasalehiong ie emen kaun pwungen, I ahpw pahn kasalehiong uhk aramas me nsenamwahu. Kasalehiong ie emen kaun suweden, I ahpw pahn kasalehiong uhk aramas paisuwed.
\p
\v 3 Ma ke kesempwalki kupwurokong, omw pahpa pahn pohnmwahsohkin uhk.
\p Tiahk en pweipwei kesehla mwahl mwohni ong lih en netiki paliwarail kan.
\p
\v 4 Ma nanmwarki ketin kupwurohki pwuhng, sapwellime wehi pahn kehlail, ahpw ma e ketin kupwurohkihte mwohni, e pahn kauwehla sapwellime wehi.
\p
\v 5 Ma ke pahn kapinga mwahl kompoakepahmw, ke pein wiadahr omw lidip.
\p
\v 6 Aramas suwed kin pein lohdiong nan diparail, nindokon aramas lelepek ar kin nsenamwahu oh saledek.
\p
\v 7 Aramas mwahu kin dehdehki pwungen me semwehmwe kan, ahpw aramas suwed sohte kak en dehdehki soahng pwukat.
\p
\v 8 Aramas me sohte kesempwalki meteikan kak kapingada kahnimw ehu. Irail kan me kupwurokong kin kolokol popohl.
\p
\v 9 Ni ahnsou me aramas kupwurokong men pahn lelki me pweipwei men mwoalen kopwung, me pweipweio pahn kouruhrki oh kapakapailoke sohte tokedi.
\p
\v 10 Me kin kakerehdi ntahn aramas kin kailongki mehmen me lelepek, ahpw me pwung kan pahn doarehla mour en soangen aramas menet.
\p
\v 11 Aramas pweipwei kin kasalehda ar lingeringer, ahpw me mie eh lamalam kin kanengamah oh kolokol eh lingeringer.
\p
\v 12 Ma kaun emen pahn kin rong oh pohnese pakair likamw akan, sapwellime lapalap koaros pahn au likamw.
\p
\v 13 Aramas paisuwed men oh aramas me kin kahpwalihalao ahneki ire ehute—KAUN-O kin ketin mwasamwasahn ira koaros.
\p
\v 14 Ma nanmwarki men pahn doarehla pwungen me semwehmwe kan, eh mwehi pahn werei.
\p
\v 15 Kamakam oh kapwungala seri mehkot mwahu. Ma seri men pahn mweimweiong pein nsene, e pahn kanamenekihala ine.
\p
\v 16 Ni aramas suwed kan ar kin kaunda wasa, dihp kin laudla. Ahpw me pwung kan pahn momour oh kilang duwen pwupwudien soangen aramas pwukat.
\p
\v 17 Kaiahn mwahwih noumw pwutak, eri, ke ahpw pahn pohnmwahsohki ahnsou koaros. E sohte pahn kanamenekihiukala.
\p
\v 18 Wehi ehu me sohte ahneki kaweid en Koht iei wehi ehu me sohte soanamwahu. Meid pai me kin kapwaiada sapwellimen Koht kosonned!
\p
\v 19 Ke sohte kak kapwungala ladu men ni omw pahn lokaiaiongete. E pahn kak wehwehki omw koasoi, ahpw e sohte pahn kesempwalki.\x - \xo 29:19 \xo*\xt Sir 33.25-30.\xt*\x*
\p
\v 20 Mie koapworopworpen aramas pweipwei douluhl men sang mehmen me kin koasoi ni sohte eh lamalam.
\p
\v 21 Ma ke pahn kihong omw ladu men soahng koaros me e anahne sang ni eh tikitik, ehu rahn e pahn ahnekihla mehkoaros me ke ahneki.
\p
\v 22 Aramas me kin mwadang en lingeringer kin kalap kahrehda akamai oh pingiping.
\p
\v 23 Aklapalap pahn kahrehiong omw pahn pwupwudi, ahpw ma ke aktikitik, ke pahn waunla.
\p
\v 24 Me kin kompoakepahnki lipirap emen kin pein wiahki ih eh imwintihti. E pahn ale lokolok ma e koasoi mehlel nan mwoalen kopwung, oh Koht pahn ketin keriahla ma e sohte lokaia mehlel.
\p
\v 25 Me keper pwunodki dahme aramas teikan lemeleme duwen kowe, ahpw ma ke pahn likih KAUN-O, ke pahn saledek sang apwal.
\p
\v 26 Aramas koaros kin anahne kupwuramwahu en kaun emen, ahpw KAUN-O kelepw me kak ketikihong uhk pwuhng.
\p
\v 27 Me pwung kan kin kailongki me suwed akan, oh me suwed akan kin kailongki me pwung kan.
\c 30
\s1 Lepin Mahsen kan en Akur
\p
\v 1 Iet kan en Akur, nein Sake pwutak, eh mahsen kesempwal kan:
\q1 “Koht sohte ketin ieiang ie, Koht sohte ketin ieiang ie;
\q2 eri, sohte sawasepei.
\q1
\v 2 I solahr mwomwen aramas, I duwelahr mahn emen;
\q2 solahr lamalam en aramas rehi.
\q1
\v 3 Sohte duwen kupwurokong ehu me I ese,
\q2 I sohte ese duwen Koht.
\q1
\v 4 Ihs me aledier kupwurokong en nanleng?
\q2 Ihs me koledier kisinieng nan peh?
\q2 De koarukihpene pihl nan kisin mwein likou?
\q2 De koasoanehdi irepen sampah?
\q2 Ihs ih, ma ke ese? Ia sapwellime pwutaken?
\p
\v 5 “Koht kin ketin kapwaiada inou koaros me e kin ketin wia. E rasehng mehn sansar ehu ong irail kan me kin rapahki sileparail pahn kupwure. 
\v 6 Ma ke koasoia me e mahsanih mehkot me e sohte mahsanih, e pahn ketin kapwung ong uhk oh ketin kasalehiong uhk me kowe aramas likamw.”
\s1 Pil ekei Lepin Mahsen Audapan
\p
\v 7 Maing Koht, I peki rehmwi soahngte riau, komw ketin mweidohng ie mwohn ei pahn mehla: 
\v 8 komw ketin kadohwaneweisang ie likamw, oh I en dehr wiahla aramas kepwehpwe de semwehmwe. Eri, komw ketikihong ie uwen kisin tungoal me I anahne. 
\v 9 Pwe ma e daulihala, mweinele I pahn patohwan me I sohte anahne komwi. Ahpw ma I semwehmwe, mweinele I pahn pirap oh kasaminehla mwaren ei Koht.
\p
\v 10 Dehr kedipa ladu men rehn eh soumas. Pwe ke pahn riahkihla oh alehki lokolok.
\p
\v 11 Mie aramas me kin peinediong ar pahpa kan oh sohte kesempwalki ar nohno kan.
\p
\v 12 Mie aramas me kin lemeleme me re mwakelekel nan ar samin kowahlap.
\p
\v 13 Mie aramas me kin lemeleme me re inenen mwahu—eri, ia uwen arail mwahu me re lemeleme!
\p
\v 14 Mie aramas me kin kahpwalihala me semwehmwe kan oh me paisuwed kan ni tiahk en lemei; ihme re kin wiewiahki ar mehn mour.
\p
\v 15 Soangen kisin mahn kis me kin mihkasang nta naineki serepein riemen, eri, ira koaros adaneki “Kihdo!”
\p Mie soahng pahieu me sohte kin itarki dahme mie rehrail:
\q1
\v 16 wasahn me melahr akan,
\p
\v 17 Mehmen me kin kapailoke seme de mwamwahlikihla ine ni ara likeilapalahr, e konehngete menpihr kan en kangala de menpihr kommwad akan en palihasang pwoaren mese kan.
\p
\v 18 Mie soahng pahieu me uhdahn rir ong ie I en wehwehki:
\q1
\v 19 ikel men me pipihrseli pahnlahng,
\p
\v 20 Iet duwen dahme lih pwopwoud men me kin kamwahlih eh pwoud kin wia: mwurin eh kin kamwahl, e kin duhduhla, oh nda, “Sohte mehkot sapwung I wiahda!”
\p
\v 21 Mie soahng pahieu me pein sampah sohte kak en mweidohng en wiawi:
\q1
\v 22 lidu men en wiahla nanmwarki,
\q1
\v 23 lih emen me aramas kailongki en pwopwoudida, oh serepein lidu men en wiliandi nan dewen eh lih soumas.
\p
\v 24 Mie soangen mahn pahmen nan sampah me keieu tikitik, ahpw inenen loalokong:
\q1
\v 25 Ketitik: re inenen luwet, ahpw re kin kihpene kanarail kisin mwenge ni ahnsoun karakar.
\q1
\v 26 Rak-padser: re pil sohte kehlail, ahpw re kin wiahda arail wasahn kousoan nan pwungen takai kan.
\q1
\v 27 Loukust: sohte arail nanmwarki, ahpw re kin pihrwei ni mwekid pahrek.
\q1
\v 28 Lamwer kan: ke kak kolokol nan pehmw, ahpw re pil kin iang mihmiseli nan tehnpesen nanmwarki kan.
\p
\v 29 Mie soahng pahieu me kapwuriamwei aramas en kilang ni ar kin aluhwei:
\q1
\v 30 laion kan, mahn me keieu kehlail nanpwungen mahn koaros, me sohte kin masak mehkot;
\q1
\v 31 kuht, kihng kan, oh nanmwarki kan me ketiketseli mwohn sapwellime aramas akan.
\p
\v 32 Ma kowe aramas pweipwei men me aklapalap oh kin koasoakoasoane mehkot suwed, ke en nennenla mahs oh medemedewe! 
\v 33 Ma ke arihada milik, e pahn wiahla pwete. Ma ke pakere tumwen emen, nta pahn kusieisang. Ma ke pahn kahrehda lingeringer, ke pahn lelohng apwal.
\c 31
\s1 Kaweid ong Nanmwarki
\p
\v 1 Iet kan mahsen me inen Nanmwarki Lemuel kaweidki ih: 
\v 2 “Kowe nei pwutak kompoake, pasapengpen ei kapakap akan. Dahme I pahn ndahwei? 
\v 3 Ke dehr kauwehla mwahl omw kehl rehn lih akan oh kesehkihla mwahl noumw mwohni lih; pwe irail me kesedier nanmwarki kan. 
\v 4 Rong, lao Lemuel. Nanmwarki kan sohte konehng re en konote wain de kamam sakau kehlail. 
\v 5 Ni ar kin konote sakau, re kin meliehla kosonned akan oh pohnsehsehla pwungen aramas paisuwed kan. 
\v 6 Sakau kehlail iei kenen aramas akan me pahn melahr, oh ong irail kan me pahtoulahr kowahlap. 
\v 7 Irail en nim oh manokehla ar paisuwed oh pahtou.
\p
\v 8 “Ke en mahsen ni mwaren irail kan me sohte kak lokaiahki pein irail. Apwalih pwungen aramas koaros me sohte kak diar sawasaparail. 
\v 9 Mahsen ni mwararail oh wia sounkopwung pwung men. Apwalih pwungen me semwehmwe kan oh me anahne sawas akan.”
\s1 Lih Pwopwoud Koahiek
\p
\v 10 Lih pwopwoud me keieu koahiek men, kesempwalsang takai kesempwal akan; ahpw ia duwen eh nohn apwal en diar emen me duwehte met.
\p
\v 11 Eh pwoud kin likih; eri, e sohte pahn semwehmwehla.
\p
\v 12 Erein eh momour, lih menet kin wia mwahu ong eh pwoud, e sohte kin kansensuwedihada.
\p
\v 13 Lih menet kin soupisengki en wiahda likou wunen sihpw oh pil likou linen.
\p
\v 14 Lih menet kin wadohng nan imwe kisin mwenge sang wasa doh, rasehng sohp en netinet kan.
\p
\v 15 E kin pirida nin sohrahn pwe en kaunopada kisin mwenge ong eh peneinei, oh padahkihong eh lidu kan dahme re en kin wia.
\p
\v 16 E kin rapahkihda sahpw oh pwainda, oh kin wiahkihda mwetin wain mwohni me pein ih koadoahkihada.
\p
\v 17 E kin kehlail, men wia doadoahk, oh paliwar kehlail.
\p
\v 18 E kin wehwehki kesempwal en dipwisou kan me e kin wiahda, oh e pil kin wia eh doadoahk nipwong.
\p
\v 19 E kin pein wiahda eh dereht oh dehkada eh likou.
\p
\v 20 E kin kisekise me semwehmwe kan oh me anahne sawas akan.
\p
\v 21 E sohte kin nsenohki ahnsoun kopou, pwehki eh peneinei kin ahneki likou mosul.
\p
\v 22 E kin wiahda kidipen madres kan, oh likawihada likou linen me poh ntahnmwel lingan.
\p
\v 23 Eh pwoud ohl ndand men, iei ih emen me lapalap en kahnimwo.
\p
\v 24 E kin wiahda likou oh pirapir, oh netikihong sounnetinet kan.
\p
\v 25 E kin kehlail oh waun, e sohte kin masak dahme pahn wiawi mwuhr.
\p
\v 26 Eh lokaia me maledek oh kin diren loalokong.
\p
\v 27 Ahnsou koaros lih menet me soupisek, e kin mwasamwasahn anahn kan en eh peneinei.
\p
\v 28 Nah seri kan kin kasapalkalahnganohng, oh eh pwoud pil kin kapikapinga.
\p
\v 29 Pein ohlo ahpw kin nda, “Lih tohto me mwahu, a kowe me keieu mwahusang irail koaros.”
\p
\v 30 Poh komwokomw me widingan, oh lingan kin sohrala, ahpw lih emen me kin lemmwiki KAUN-O uhdahn pahn ndandla.
\p
\v 31 Koaros en kapingkihong uwen me konehng ni eh wiewia kan. Me konehng lih menet en ndand mwahu mwohn mesen aramas akan koaros.