\id 1JN - Pokomchi Occidental NT \h 1 JUAN \toc1 Reꞌ pe̱t hu̱j xitzꞌihmbaj i Maꞌ Wa̱n \toc2 1 JUAN \toc3 1 Jn \mt2 Reꞌ pe̱t hu̱j xitzꞌihmbaj i \mt1 Maꞌ Wa̱n \c 1 \s1 Reꞌ rikꞌormojic johtok // kamahc chiwach i Dios \p \v 1 Reꞌ hin maꞌ Wa̱n reꞌ cꞌahchiꞌ nitzꞌihminic reh hu̱j wili nanikꞌoric chiri̱j i Sakomonel Wach riNoꞌjbal i Dios keh hoj cꞌacharel eh aj Yeꞌol woꞌ reh Junelic Cꞌacharic. Reꞌ aj Sakomonel reꞌreꞌ xa wilic woꞌ cho nok cu jaꞌ nchꞌihquic ta cho wach acꞌal. Naxchalic ayuꞌ wach acꞌal, reꞌ hin chꞌi̱l take wich nahsil raj tahkanel i Sakomonel Wach riNoꞌjbal i Dios, xkilow wach eh xkabiraj woꞌ naxiban take cꞌuhbalanic. Jeꞌ reꞌ ajic chiꞌnchel nicꞌ paꞌ nimal xiban ribanaric i Sakomonel Wach riNoꞌjbal i Dios queh tinamit, reꞌ hoj til xkilow chi coric take eh maꞌ xa ta reꞌreꞌ xkilow jeꞌ laꞌ woꞌ naxuctic cho chi quixilac take camnak, xkatzꞌaꞌj woꞌ ro̱k rikꞌab. \v 2 Chaj waꞌric nok cꞌahchiꞌ nitzꞌihmbam aweh tak i wili? Cꞌahchiꞌ laꞌ nitzꞌihmbam ruꞌum chi reꞌ hin chꞌi̱l take wich nahsil raj tahkanel nka̱j chi nawehtꞌalij tak chi reꞌ Dios naxitakꞌa̱ꞌ cho ayuꞌ wach acꞌal i aj Yeꞌol reh Junelic Cꞌacharic, xiban cho chi jeꞌ reꞌ reh chi reꞌ hoj cꞌacharel nakilom wach ruꞌ. Reꞌ hoj til xkilow wach i aj Yeꞌol reh Junelic Cꞌacharic reꞌreꞌ eh ruꞌum reꞌ yuꞌna nkayew kachi̱ꞌ chiri̱j i ricorquil chi reꞌ Dios xtakꞌanic cho reh. Ruꞌum aj reꞌ nankakꞌor aweh tak i kꞌoric chiri̱j i junelic cꞌacharic xyeꞌeric chic keh, nkakꞌor woꞌ aweh tak chi jeꞌ wili hat-tak aj niminel: Coric, reꞌ Yeꞌol reh Junelic Cꞌacharic keh hoj cꞌacharel xa wilic woꞌ nak cho ru̱cꞌ Ajabe̱s Dios xa reꞌ laꞌ reꞌ hin chꞌi̱l take wich nahsil aj tahkanel reh Yeꞌol reh Junelic Cꞌacharic reꞌreꞌ, til xkilow wach chi cꞌacharic china̱ acꞌal wili naxtakꞌabjic cho. \v 3 Jeꞌ aj reꞌ kꞌuruꞌ reꞌ kilom cho chꞌi̱l kabiram cho ru̱cꞌ aj Yeꞌol reh Junelic Cꞌacharic, reꞌ woꞌ reꞌ cꞌahchiꞌ kakꞌorom ribiral aweh yuꞌna i hat-tak aj niminel reh chi jeꞌ reꞌ, reꞌ hat-tak eriban xa jenaj wach acꞌux tak ku̱cꞌ i hoj chi rikꞌormojic ribiral i Jesus reꞌ aj Yeꞌol reh Junelic Cꞌacharic jeꞌ ricab nankakꞌor i cꞌuhbal chiri̱j ruꞌ, til riban xa jenaj chic wach kacꞌux ru̱cꞌ Ajabe̱s Dios chꞌi̱l woꞌ i Jesus reꞌ Lokꞌ laj rAcꞌu̱n reꞌ Pahbamaj chi Kꞌatal Kꞌoric. \v 4 Jeꞌ reꞌ ajic ru̱cꞌ take cꞌahchiꞌ nikꞌorom wili reꞌ ta nak reꞌreꞌ enbanic chi enchalic rinimal risukquil acꞌux tak eh chi jeꞌ reꞌ enponic pan awa̱mna tak i riholonquilal take kꞌoric cꞌahchiꞌ nitzꞌihmbam je aweh tak. \s1 Curman chi reꞌ hoj aj niminel // enkapahkaj cuybal kamahc chiwach i Dios \p \v 5 Nok reꞌ Jesus xwihꞌic ayuꞌ wach acꞌal, xkabiraj cho ru̱cꞌ chi̱ꞌ jenaj tijbal reꞌ kapꞌutum chic cho rikꞌormojic aweh tak wichꞌi̱l take wich nahsil aj tahkanel eh yuꞌna nakakꞌorom woꞌ chic aweh tak. Jeꞌ aj wili rikꞌor i tijbal reꞌreꞌ: \p «Reꞌ Dios, xa jeꞌ na ricab jenoꞌ sakom nok wilic cho chi kana̱ eh jeꞌ ricab nok reꞌ sakom maꞌ nwihꞌic ta soꞌ kꞌekom ru̱cꞌ jeꞌ woꞌ reꞌ i Dios maꞌ nmahcanic ta soꞌ xa reꞌ laꞌ i coric riban ribanaric, nqui rikꞌor. \p \v 6 Ruꞌum chi jeꞌ reꞌ rikꞌor i cꞌuhbal reꞌreꞌ wilic take cꞌacharel nquikꞌor aweh tak chi jeꞌ wili: \p «Reꞌ hoj wilco̱j pan jenaj wach cꞌuxlis chꞌi̱l i Dios. Ruꞌum aj reꞌ maꞌ reꞌ ta kꞌorel to̱b ta pa rikꞌekomil i mahc cꞌacharic nkaꞌn, nqui nquikꞌor. \p Reꞌ take cꞌacharel reꞌreꞌ maꞌ coric ta laj kꞌoric cꞌahchiꞌ quikꞌorom, maꞌ woꞌ cꞌahchiꞌ ta quicꞌacharic soꞌ jeꞌ ricab rikꞌor i coric laj tijbal cꞌuhtumaj ruꞌum Jesus. \p \v 7 Tzꞌa̱b ruꞌ, wi xa kojcꞌacharic woꞌ pan coric jeꞌ ricab riwi̱ꞌ ricꞌacharic i Dios chi xa reꞌ woꞌ i coric riban ribanaric ra̱j rikꞌorom chi til wilco̱j woꞌ pan jenaj wach cꞌuxlis quichꞌi̱l take kas kacha̱kꞌ jeꞌ woꞌ ru̱cꞌ i Dios eh ruꞌum reꞌ, wi xojmahcanic chi quiwach i kas kacha̱kꞌ on chiwach i Dios, reꞌreꞌ ericuy kamahc wi xkapahkaj reh chi naricuyum kamahc. Ruꞌum aj woꞌ reꞌ, reꞌ kAja̱w Jesus reꞌ rAcꞌu̱n i Dios reꞌ Pahbamaj woꞌ chi Kꞌatal Kꞌoric, xquimic reh chi reꞌ hoj ekojcahnic chi maꞌxta chic kamahc chiwach i Dios. \p \v 8 Yuꞌna kakꞌor wi wilic jenoꞌ cꞌacharel pa rikꞌekomil i mahc cꞌacharic riban eh to̱b ta jeꞌ reꞌ riwi̱ꞌ ricꞌacharic cu rikꞌor chi reꞌreꞌ maꞌxta nechꞌ ok rimahc. Til nikꞌor chi reꞌ cꞌacharel reꞌreꞌ xa reꞌ woꞌ reꞌ rijotꞌ ri̱b ru̱cꞌ chucuj kꞌoric riban. Maꞌ xa reꞌ ta reꞌ riban cꞌacharel reꞌreꞌ, jeꞌ laꞌ woꞌ maꞌ cꞌahchiꞌ ta ribanam jeꞌ ricab rikꞌor i coric laj tijbal. \v 9 Jeꞌ reꞌ kꞌuruꞌ wi reꞌ hoj xojmahcanic kakꞌor woꞌ tak johtok reh i Dios chi reꞌ hoj, hoj aj mahc chiwach maj wi jeꞌ reꞌ nkaꞌn reꞌ Dios reꞌ til riban chi nmanlajic wach take rikꞌorom cho eh reꞌ xa coric woꞌ nbanic, reꞌreꞌ ericuy take cho kamahc eh chi jeꞌ reꞌ, riban chi reꞌ hoj kojcahnic chi maꞌxta cꞌahbilal pan ka̱mna. \p \v 10 Jeꞌ aj reꞌ kꞌuruꞌ was tak nicha̱kꞌ aj niminel, nok xa hab wach jenoꞌ xmahcanic rikꞌor chi maꞌ xiban ta nechꞌ ok mahc, reꞌreꞌ xa cꞌahchiꞌ ricojom i Dios chi aj chucul kꞌoric eh nikꞌor chi jeꞌ reꞌ maj reꞌ woꞌ Dios nkꞌoric chi reꞌreꞌ wilic pan mahc. Jeꞌ woꞌ chic, reꞌ cꞌacharel reꞌreꞌ ruꞌum chi maꞌ rikꞌor ta johtok chi aj mahc chiwach i Dios ricꞌuhtaj lok chi maꞌ cꞌahchiꞌ ta ricꞌamam na̱ riCꞌuhbal i Dios. \c 2 \nb \v 1 Was tak nicha̱kꞌ aj niminel reꞌ wilca̱t tak chi jeꞌ hat-tak wacꞌu̱n wixkꞌu̱n chi niwach, cꞌahchiꞌ nitzꞌihmbam je aweh tak take kꞌoric reꞌ cu reꞌ xnikꞌor lok wili chi maꞌ eta nacoj tak cho mahc pan acꞌacharic tak. Reꞌ cok ruꞌ wi hab wach ok nchel aweh tak xmahcanic, chehtꞌalij chi chiwach i Ajabe̱s Dios wilic jenaj kaj toꞌo̱l reꞌ nkꞌoric chiki̱j chiri̱j i kamahc. Reꞌ kaj toꞌo̱l reꞌreꞌ, reꞌ i Jesus reꞌ Pahbamaj chi Kꞌatal Kꞌoric. Ruꞌum chi reꞌreꞌ til manlic coric wach ricꞌux, til nbirmijic ruꞌum i Dios. \v 2 Jeꞌ woꞌ chic ruꞌum chi reꞌ Jesus xikꞌahsaj ri̱b pan quimic chiki̱j jeꞌ ricab nok jenaj si̱ nkꞌahsjic chi tojbal ri̱j kamahc, reꞌ Dios nchol ricuyuric chiꞌnchel kamahc. Maꞌ xa reꞌ ta kamahc i hoj jeꞌ laꞌ woꞌ quimahc chiꞌnchel cꞌacharel china̱ acꞌal wili. \s1 Reꞌ niminel ricꞌam na̱ take takꞌanic riban i Dios \p \v 3 Reꞌ hoj reꞌ nkakꞌor chi kehtꞌalim chic rinoꞌjbal i Dios kacꞌam tak na̱ chiꞌnchel haj wilic rikꞌor riCꞌuhbal chi nakaꞌnam maj reꞌ til ncꞌuhtunic lok wi̱ꞌ chi reꞌ hoj kehtꞌalim chic rinoꞌjbal i Dios, reꞌ chi reꞌ hoj nkacꞌam na̱ haj wilic i takꞌanic riban keh ru̱cꞌ riCꞌuhbal. \v 4 Jeꞌ reꞌ nok wi hab wach rikꞌor chi reꞌreꞌ rehtꞌalim rinoꞌjbal i Jesus eh maꞌ ricꞌam ta na̱ chiꞌnchel haj wilic rikꞌor riCꞌuhbal i Dios chi naribanaric, reꞌ aj kꞌorol reꞌreꞌ ncahnic chi xa aj chucul kꞌoric. Ru̱cꞌ reꞌreꞌ maꞌ cꞌahchiꞌ ta woꞌ ribanam jeꞌ ricab rikꞌor i coric laj cꞌuhbal. \v 5 Jeꞌ woꞌ chic riban chi enkꞌormojic chiri̱j chi reꞌreꞌ maꞌ ricꞌax ta take rich cꞌacharel. Raj nchel hab wach ricꞌam na̱ haj wilic rikꞌor ritijbal i Jesus, til pan coric jeꞌ wili ncꞌuluric ru̱cꞌ: Reꞌ ricꞌaxbal i Dios nqꞌuihic wach pa ra̱mna cu rehtal reꞌ cꞌacharel reꞌreꞌ ricꞌax take rich cꞌacharel ru̱cꞌ chiꞌnchel ricꞌux. Jeꞌ aj reꞌ ruꞌ ru̱cꞌ ricꞌamaric na̱ ritijbal i Jesus, reꞌ hoj kojchol quicꞌaxaric take kich cꞌacharel eh chi jeꞌ reꞌ nkehtꞌalij chi wilco̱j pan jenaj chic wach cꞌuxlis chꞌi̱l i kAja̱w Jesus. \v 6 Jeꞌ reꞌ nikꞌor maj wi reꞌ hoj nkakꞌor chi cꞌacharic nkaꞌn chi riꞌsil ro̱k kꞌab i Jesus, ra̱j rikꞌorom chi nakacꞌacharic ru̱cꞌ rinoꞌjbal jeꞌ ricab xcꞌacharic wi̱ꞌ i Jesus. \p \v 7 Was tak nicha̱kꞌ aj niminel reh Jesus, reꞌ kꞌoric chiri̱j cꞌaxoj i̱b maꞌ reꞌ ta nchel jenoꞌ chic acꞌ laj tijbal, xa reꞌ laꞌ woꞌ i tijbal xapꞌut tak cho ribirmijic pan pꞌutbal cho reh animinic tak. Jeꞌ reꞌ kꞌuruꞌ reꞌ cꞌuhbal cꞌahchiꞌ nitzꞌihmbam je aweh tak xa reꞌ woꞌ i najtir chic apꞌutum tak cho ribirmijic eh maꞌ toco̱m ta chic. \v 8 Reꞌ cok ruꞌ, ru̱cꞌ i kꞌoric chiri̱j i cꞌaxoj i̱b cꞌahchiꞌ nitzꞌihmbam je aweh tak nelic lok wach sakom i jenaj chic acꞌ cꞌuhbal reꞌ rikꞌor chi til nicꞌ paꞌ wach coric chi reꞌ kAja̱w Jesus xa nsakomonic chic pa̱m i ra̱mna reh holonquilal laj noꞌjbal jeꞌ ricab nok jenoꞌ sakombal xa nchꞌabchꞌatic chic risakomil. Til coric woꞌ chi reꞌ cꞌahbilal cꞌahchiꞌ chic resmejic lok pan ca̱mna take cꞌacharel jeꞌ ricab cꞌahchiꞌ ricꞌuhtunic lok chipam acꞌacharic hat-tak. \p \v 9 Ruꞌum aj reꞌ, hab wach nkꞌoric chi wilic pan jenaj wach cꞌuxlis chꞌi̱l i Dios jeꞌ woꞌ quichꞌi̱l take quiniminic reh eh wi xa cu rixowej woꞌ wach i rich aj niminel, reꞌ cꞌacharel reꞌreꞌ xa cu pan kꞌekom laj noꞌjbal woꞌ cꞌacharic riban. \v 10 Raj hab wach ricꞌax i rich aj niminel, reꞌreꞌ xa cꞌacharic woꞌ riban pan jenaj wach cꞌuxlis chꞌi̱l i Dios jeꞌ woꞌ quichꞌi̱l take quiniminic reh eh chi jeꞌ reꞌ maꞌxta bih enkꞌehbic wi̱ꞌ pan mahc. \v 11 Reꞌ aj reꞌ riwi̱ꞌ kꞌuruꞌ chi nikꞌor je aweh tak chi xa hab wach rixowej wach i rich aj niminel xa cu pan kꞌekom laj noꞌjbal woꞌ cꞌacharic riban. Ruꞌum chi maꞌ rirak ta chic chiri̱j jaruj enkajic pan mahc chi xa maꞌxta pa ricꞌux ruꞌum chi kꞌekomsamaj chic wach ricapew-bal, reꞌ cꞌacharel reꞌreꞌ no̱j riban chi jeꞌ ricab jenaj sotꞌ maꞌ rehtꞌalim ta woꞌ haj narimolom je ruꞌum chi maꞌ nilbic ta. \s1 Reꞌ take nquicꞌam na̱ riCꞌuhbal // i Dios maꞌxta risahchic quiwach \q1 \v 12 Was tak nicha̱kꞌ aj niminel reꞌ wilca̱t tak chi jeꞌ hat-tak wacꞌu̱n wixkꞌu̱n chi niwach, \q1 cꞌahchiꞌ nitzꞌihmbam je aweh tak i wili reh chi na̱tikim tak juꞌ richꞌiquinjic acꞌux tak chiri̱j i Jesus. \q1 Reꞌreꞌ wilic rajawric chi narikꞌoric chiki̱j chiwach Ajabe̱s Dios \q1 eh ruꞌum reꞌreꞌ na nkꞌoric chawi̱j tak, reꞌ hat-tak cuyu̱j chic amahc tak. \q1 \v 13 Jeꞌ woꞌ cꞌahchiꞌ nitzꞌihmbam je wili queh take cꞌamol be̱h chaxilac tak reꞌ jeꞌ quicab tutbe̱s ajabe̱s chana̱ tak pan niminic. \q1 Reꞌ take reꞌ quehtꞌalim chic rinoꞌjbal i Jesus chi manlic reꞌ xa cꞌachlic woꞌ cho nok jaꞌ nchꞌihquic ta cho wach acꞌal. \q1 Reꞌ hin cꞌahchiꞌ woꞌ nitzꞌihmbam je i wili aweh hat-tak caj toꞌbonel take cꞌamol be̱h \q1 reꞌ jeꞌ acab tak take qꞌuijolak chꞌi̱l kꞌahxokak chi cu cow co̱k quikꞌab. \q1 Jeꞌ reꞌ nikꞌor maj reꞌ hat-tak xayakꞌabej chic pan awo̱k tak i rajawric aj Yahm reꞌ banol reh cꞌahbilal. \q1 Jeꞌ aj reꞌ ruꞌ chawunchelal hat-tak wich aj niminel, \q1 cꞌahchiꞌ nitzꞌihmbam je aweh tak i wili ruꞌum nok reꞌ hat-tak awehtꞌalim tak chic rinoꞌjbal i Ajabe̱s Dios. \q1 \v 14 Reꞌ hat-tak aj cꞌamol be̱h reꞌ jeꞌ quicab tutbe̱s ajabe̱s chi quina̱ take aj niminel, cꞌahchiꞌ nitzꞌihmbam je aweh tak i tijbal wili chiri̱j cꞌaxoj i̱b \q1 ruꞌum nok awehtꞌalim tak chic rinoꞌjbal i Jesus chi manlic reꞌ xa cꞌachlic woꞌ cho nok jaꞌ nchꞌihquic ta cho wach acꞌal. \q1 Was tak nicha̱kꞌ aj niminel reꞌ wilca̱t tak chi jeꞌ hat-tak wacꞌu̱n wixkꞌu̱n chi niwach, \q1 reꞌ jeꞌ acab tak take qꞌuijolak chꞌi̱l take kꞌahxokak chi cu cow co̱k quikꞌab, \q1 cꞌahchiꞌ nitzꞌihmbam je aweh tak i cꞌuhbal wili ruꞌum nok cu yuꞌna chi kꞌi̱j \q1 cꞌahchiꞌ acꞌamam tak na̱ riCꞌuhbal i Dios eh xayakꞌabej pan awo̱k tak rajawric aj Yahm reꞌ banol reh cꞌahbilal. \p \v 15 Chꞌi̱l take kꞌoric cꞌahchiꞌ nitzꞌihmbam je aweh tak, nikꞌor woꞌ je aweh tak i wili: Ma̱yew tak chic acꞌux chiri̱j i cꞌahbil laj noꞌjbal nbanaric china̱ acꞌal wili, maꞌ woꞌ chiri̱j ncaꞌn take i cꞌahbil laj cꞌacharel wilic ayuꞌ wach acꞌal maꞌ holohic ta laj aj kꞌorol take. Wi hab wach riyew ricꞌux chiri̱j ruꞌ ra̱j rikꞌorom chi reꞌ cꞌaxoj i̱b nchalic ru̱cꞌ Ajabe̱s Dios maꞌ jaꞌxta ru̱cꞌ. \v 16 Nikꞌor chi jeꞌ reꞌ maj nicꞌ paꞌ nimal ncaꞌn take cꞌahbil laj cꞌacharel wilque̱b ayuꞌ wach acꞌal, jeꞌ ricab i cꞌahbilal nquicꞌax wach ribanaric nanquilow i maꞌ holohic ta cꞌahchiꞌ ribanaric chi quiwach, on reꞌ yeꞌo̱j cꞌuxlis chiri̱j i mahc npokꞌ cho pan ca̱mna chꞌi̱l i nimsinic wachi̱s ru̱cꞌ take paꞌ bih nwihꞌic reh pa ricꞌacharic, chiꞌnchel reꞌreꞌ maꞌ reꞌ ta Dios ncojbic pan ca̱mna ribanaric, pan ca̱mna laꞌ take cꞌahbil laj cꞌacharel wilque̱b china̱ acꞌal wili npokꞌ cho. \p \v 17 Chaj waꞌric maꞌ eta riban chi enkayew kacꞌux chiri̱j quinoꞌjbal take cꞌahbil laj cꞌacharel? Maꞌeta riban maj jeꞌ ricab chi reꞌ acꞌal wili tiklic cho wach i kꞌi̱j chi narisahchic wach, jeꞌ woꞌ reꞌ take nquiyew quicꞌux chiri̱j quinoꞌjbal take cꞌahbil laj cꞌacharel narisacharic woꞌ quiwach. Nikꞌor chi jeꞌ reꞌ maj chiꞌnchel reꞌreꞌ chꞌi̱l i ricꞌaxaric wach take xa paꞌ bih wilic china̱, xa iqꞌue̱l woꞌ take raj laꞌ take nquiyew quicꞌux chi ribanaric i ra̱j i Dios reꞌ take reꞌ maꞌxta risahchic quiwach til laꞌ naquicꞌamaric je chipam i junelic cꞌacharic. \s1 Reꞌ chucuj kꞌoric maꞌ ru̱cꞌ ta Dios nchalic \p \v 18 Was tak nicha̱kꞌ aj niminel reꞌ wilca̱t tak chi jeꞌ hat-tak wacꞌu̱n wixkꞌu̱n chi niwach, ruꞌum chi xabiraj tak chic chi nacꞌolok lok i kꞌetol wach rikꞌorbal i Jesus ra̱j rikꞌorom chi wilco̱j chic chipam take cohlsbal wach kꞌi̱j, reꞌ wili nanikꞌorom aweh tak yuꞌna: Reꞌ hoj wilco̱j chic chipam take cohlsbal wach kꞌi̱j kꞌoro̱j cho reꞌreꞌ. Nicꞌ woꞌ wach nakehtꞌalij chi wilco̱j chic chipam take cohlsbal wach kꞌi̱j reꞌreꞌ? Kehtꞌalim ruꞌum nok yohbal wach take aj kꞌetol wach rikꞌorbal i Jesus pꞌuht chic cuctic cho chaxilac tak. \v 19 Reꞌ take aj kꞌetol wach rikꞌorbal i Jesus reꞌreꞌ, chi xilac woꞌ nak acomonil tak wilque̱b xa reꞌ laꞌ ruꞌum chi maꞌ coric ta woꞌ quiwach chi kich raj tahkanel i Jesus take ruꞌum i reꞌ xiꞌelic je chaxilac tak. Nicꞌ wach naxkehtꞌalij chi maꞌ coric ta queh niminic chaxilac tak? Xkehtꞌalij ruꞌum nok yuꞌna reꞌ take reꞌ maꞌ wilque̱b ta chic chipam i kacomonil i hoj raj tahkanel i Jesus. Raj laꞌ wili xyeꞌeric kꞌab queh ruꞌum i Dios chi xiꞌelic je chaxilac tak cꞌuhtbal reh chi chiꞌnchel take nicꞌ nimal xiꞌelic lok reꞌreꞌ maꞌ reꞌ ta kich aj niminel reh Jesus take chi coric \v 20 ruꞌum chi xquicoj wach i maꞌ coric ta laj cꞌuhtunic. Raj awu̱cꞌ hat-tak maꞌ jeꞌ ta reꞌ maj reꞌ hat-tak yeꞌo̱j chic aweh tak i Lokꞌ laj rUxlabal i Dios ruꞌum reh Lokꞌ laj Ajabe̱s Jesus eh chi jeꞌ reꞌ nawehtꞌalij tak chic chi maꞌ reꞌ ta i coric laj tijinic cꞌahchiꞌ ricꞌuhtjic aweh tak cuꞌum take aj chucuj aj cꞌuhbalanel. \v 21 Ruꞌum aj reꞌ, reꞌ hin cꞌahchiꞌ nitzꞌihmbam je aweh tak i hu̱j wili maj reꞌ hat-tak maꞌ jeꞌ ta acab tak take maꞌ nquehtꞌalij ta na ncꞌuhtjic queh i coric laj tijinic. Jeꞌ woꞌ chic cꞌahchiꞌ nitzꞌihmbam je aweh tak chi jeꞌ reꞌ maj reꞌ hat-tak awehtꞌalim tak chi reꞌ chucuj kꞌoric maꞌ reꞌ ta ru̱cꞌ i Dios nchalic ribanaric maj ru̱cꞌ i Dios xa reꞌ wach i coric wilic ru̱cꞌ! \v 22 Nicꞌ wach nakehtꞌalij nok cꞌahchiꞌ kabiram jenoꞌ aj chucul kꞌoric? Reꞌ hoj nkehtꞌalij ruꞌ nok jenoꞌ cꞌacharel rikꞌor chi maꞌ coric ta chi reꞌ Jesus reꞌ i Pahbamaj chi Kꞌatal Kꞌoric eh ru̱cꞌ reꞌreꞌ maꞌ ricoj ta ru̱cꞌ ra̱mna i tijbal rikꞌor chi reꞌ Dios, reꞌreꞌ rAja̱w i Jesus eh chi reꞌ Jesus xa reꞌ wach reꞌ i rAcꞌu̱n i Ajabe̱s Dios. Jeꞌ aj reꞌ, reꞌ cꞌacharel reꞌreꞌ no̱j riban chi aj kꞌetol wach rikꞌorbal i Jesus. \v 23 Reꞌ cok ruꞌ xa hab wach rikꞌet wach rikꞌorbal Acꞌunbe̱s Dios ra̱j rikꞌorom chi reꞌ Ajabe̱s Dios maꞌ reꞌ ta reꞌ wilic chi Ajabe̱s china̱. Tzꞌa̱b ruꞌ xa hab wach rikꞌor chi reꞌ Jesus reꞌreꞌ rAcꞌu̱n i Dios ra̱j rikꞌorom chi reꞌ woꞌ Ajabe̱s Dios wilic chi Ajabe̱s china̱. \v 24 Ruꞌum aj reꞌ, reꞌ hin nikꞌor je aweh tak chi chacꞌam tak na̱ chi coric i tijbal apꞌutum tak cho ribirmijic pan pꞌutbal cho reh animinic tak. Wi xacꞌam tak na̱ i tijbal reꞌreꞌ chi coric, reꞌ hat-tak na̱wihꞌic tak pan jenaj wach cꞌuxlis ru̱cꞌ Acꞌunbe̱s Dios chꞌi̱l woꞌ ru̱cꞌ Ajabe̱s Dios. \v 25 Maꞌ xa ta reꞌreꞌ, wi laꞌ xatniminic tak chi coric chipam i cꞌuhbal reꞌreꞌ na̱cꞌacharic woꞌ tak chi junelic ar pan taxa̱j maj jeꞌ reꞌ rikꞌorbal riyeb cahnok i Jesus. \p \v 26 Jeꞌ reꞌ kꞌuruꞌ was tak nicha̱kꞌ aj niminel reh Jesus, cꞌahchiꞌ nitzꞌihmbam je aweh tak i hu̱j wili chi riyeꞌeric je rehtal aweh tak chiqui̱j take cꞌacharel xiꞌuctubic cho chi ajotꞌoric chipam animinic tak. \v 27 Reꞌ take reꞌ til nca̱j nak ajotꞌoric chipam animinic tak xa reꞌ laꞌ hin chꞌiclic nicꞌux chi reꞌ hat-tak maꞌ eta tijotꞌoric tak chipam animinic tak maj reꞌ Lokꞌ laj rUxlabal i Dios yeꞌo̱j aweh tak wilic pan awa̱mna tak chi awaj tijinel tak eh chi jeꞌ reꞌ maꞌ curman ta chic chaweh tak chi hab ta nak wach jenoꞌ chucul aj tijinel entijinic aweh tak. Chi jeꞌ aj reꞌ nikꞌor je aweh tak, chatik tak juꞌ ricꞌamaric na̱ haj wilic i tiritijej tak wi̱ꞌ i Lokꞌ laj Uxlabal maj reꞌ Lokꞌ laj Uxlabal, reꞌreꞌ nkꞌoric aweh tak nicꞌ paꞌ nimal take tijinic naricamanic reh animinic tak eh chiꞌnchel nicꞌ paꞌ nimal ricꞌuhtaj aweh tak, til coric maꞌ reꞌ ta nchel xa chucuj kꞌoric. \s1 Reꞌ cꞌacharic ncaꞌn chi riꞌsil ro̱k kꞌab i Jesus maꞌxta quiwihꞌic pan qꞌuixbilal \p \v 28 Jeꞌ reꞌ kꞌuruꞌ was tak nicha̱kꞌ aj niminel reꞌ wilca̱t tak chi jeꞌ hat-tak wacꞌu̱n wixkꞌu̱n chi niwach, nikꞌor woꞌ chic je aweh tak chi ticꞌacharok tak chi riꞌsil ro̱k kꞌab i Jesus. Wi xa jeꞌ woꞌ reꞌ cꞌacharic nakaꞌnam chiꞌnchel i hoj aj niminel nacꞌolok lok i Jesus, maꞌxta bih nakayoꞌjic wi̱ꞌ eh maꞌ xa ta reꞌreꞌ, jeꞌ laꞌ woꞌ wi maꞌ xoj-jotꞌoric chipam kaniminic, reꞌreꞌ maꞌxta kojriyeb pan qꞌuixbilal nakojwihꞌok cok chiwach. \v 29 Jeꞌ woꞌ nikꞌor woꞌ aweh tak chi jeꞌ ricab chi reꞌ rinoꞌjbal i jenaj cꞌacharel ricꞌuhtaj lok hab wach i raja̱w, chawehtꞌalij woꞌ tak chi xa hab wach aweh hat-tak aj niminel ritahkej ribanaric i coric wach noꞌjbal ricꞌuhtaj woꞌ lok chi reꞌreꞌ manlic racꞌu̱n rixkꞌu̱n i Dios ruꞌum nok reꞌ Dios til coric wach rinoꞌjbal jeꞌ ricab woꞌ awehtꞌalim hat-tak. \c 3 \s1 Reꞌ ra̱j rilom wach i kAja̱w Jesus // maꞌxta chic ribanam i cꞌahbilal \p \v 1 Jeꞌ reꞌ kꞌuruꞌ, sahchok aj kacꞌux ru̱cꞌ i rikꞌorom i Dios chi reꞌ take quiniminic reh reꞌ cok take reꞌ til racꞌu̱n rixkꞌu̱n take. Reꞌ riwi̱ꞌ chi jeꞌ reꞌ rikꞌorom cho kAja̱w Dios ruꞌum chi kꞌe̱ꞌ kojricꞌax. Jeꞌ reꞌ ajic reꞌ hoj yuꞌna, hoj chic racꞌu̱n rixkꞌu̱n i Dios eh wi coric chi jeꞌ reꞌ, chaj waꞌric kꞌuruꞌ chi wilic take tinamit china̱ acꞌal wili reꞌ nquikꞌor chi maꞌ coric ta chi jeꞌ reꞌ? Reꞌ aj wili riwi̱ꞌ: Reꞌ take tinamit reꞌreꞌ maꞌ nquicoj ta wach reꞌreꞌ ruꞌum nok chi queh maꞌ coric ta woꞌ chi reꞌ Jesus reꞌreꞌ i rAcꞌu̱n i Dios. \p \v 2 Hat-tak was tak nicha̱kꞌ aj niminel reꞌ kꞌe̱ꞌ tiꞌ tiwicꞌraj tak, til coric yuꞌna hoj chic racꞌu̱n rixkꞌu̱n i Dios xa reꞌ laꞌ ruꞌum chi reꞌ kAja̱w Jesus maꞌ jaꞌ ricꞌuhtaj ta cho ri̱b chi cꞌahchiꞌ ricꞌuhtam cho rinimal rilokꞌil, reꞌ Dios maꞌ jaꞌ ricꞌuhtaj ta woꞌ keh hoj kojniminic reh nicꞌ wach til kalokꞌil nariwihꞌic i hoj. Xa reꞌ cok haj wilic kehtꞌalim reꞌ chi nachicꞌuhtaj cho ri̱b i kAja̱w Jesus chꞌi̱l rinimal rilokꞌil, reꞌ Dios naricꞌuhtam woꞌ keh i kalokꞌil nariwihꞌic eh ar aj ruꞌ naricꞌuhtunic chi til hoj manlic racꞌu̱n rixkꞌu̱n maj nakilow wach til nicꞌ wach rinoꞌjbal eh nicꞌ woꞌ wach ncaꞌyic, ar ajic nakaꞌnam chi jenaj chic wach kalokꞌil chꞌi̱l i kAja̱w Jesus. \v 3 Jeꞌ reꞌ ajic hab wach chꞌiclic ricꞌux chi narilom wach i kAja̱w Jesus curman chi reh chi maꞌxta chic ribanam i cꞌahbilal jeꞌ ricab nok reꞌ Jesus maꞌ reꞌ ta pan cꞌahbilal wilic. \v 4 Jeꞌ woꞌ chic, reꞌ hat-tak awehtꞌalim tak chi xa hab paꞌ wach ritik juꞌ wihꞌic pan mahc, reꞌreꞌ cꞌahchiꞌ riyakꞌabem pa ro̱k take takꞌanic riban i Dios maj reꞌ ribanaric xa paꞌ bih cꞌahbil laj noꞌjbal jenaj mahc nim wach chiwach i Dios eh xa na̱ ruꞌ ru̱cꞌ reꞌreꞌ cꞌahchiꞌ riyakꞌabem pa ro̱k chiꞌnchel cꞌuhbal. \p \v 5 Chi jeꞌ aj reꞌ kꞌuruꞌ, nikꞌor aweh tak chi maꞌ timahcanic tak chic maj reꞌ hat-tak awehtꞌalim tak chic chi reꞌ Jesus xcꞌulic china̱ acꞌal wili chi risacharic wach i ransil i mahc eh maꞌ xa ta reꞌreꞌ awehtꞌalim tak, jeꞌ laꞌ woꞌ awehtꞌalim tak chi reꞌ Jesus maꞌ reꞌ ta woꞌ aj mahc. \v 6 Ruꞌum aj reꞌ hab wach xinimej chic i cꞌuhbal ribiram cho pan pꞌutbal reh riniminic, maꞌ riyew ta chic ricꞌux chi mahcanic maj reꞌ xa cu cꞌahchiꞌ woꞌ chi mahcanic, reꞌreꞌ jaꞌ rehtꞌalim ta pa̱m i rinoꞌjbal i Jesus eh maꞌ ricojom ta woꞌ wach i Jesus pa ricꞌacharic. \p \v 7 Jeꞌ reꞌ kꞌuruꞌ was tak nicha̱kꞌ aj niminel reꞌ wilca̱t tak chi jeꞌ hat-tak wacꞌu̱n wixkꞌu̱n chi niwach, maꞌ hab wach njotꞌbic aweh tak, charak laꞌ tak chiri̱j ribanaric i coric maj reꞌ nbanic i coric ricꞌuhtaj lok chi reꞌreꞌ racꞌu̱n rixkꞌu̱n i Dios eh chi jeꞌ reꞌ coric woꞌ wach ricꞌux jeꞌ ricab nok reꞌ Jesus coric wach ricꞌux. \v 8 Raj i cꞌacharel reꞌ riban ribanaric i mahc pa ricꞌacharic, reꞌreꞌ ricꞌuhtaj lok chi racꞌu̱n rixkꞌu̱n aj Yahm eh jeꞌ reꞌ nikꞌor maj reꞌ aj Yahm xa reꞌ woꞌ naxipꞌut cho mahcanic, maꞌ rimayam ta cu yuꞌna chi kꞌi̱j. Raj cok i Jesus reꞌ til manlic rAcꞌu̱n i Dios, reꞌreꞌ xcꞌulic lok chi risacharic wach chiꞌnchel ricamaj riban aj Yahm china̱ acꞌal wili. \v 9 Jeꞌ reꞌ ajic hab wach racꞌu̱n rixkꞌu̱n chic i Dios maꞌ eta chic ritahkej ribanaric i mahc. Jeꞌ reꞌ nikꞌor ruꞌum i wili: Reꞌ rijaꞌquil ribanaric i coric xcojoric pa ra̱mna ruꞌum i Dios, reꞌ chic reꞌ wilic ru̱cꞌ pa ricꞌacharic eh ruꞌum chi racꞌu̱n rixkꞌu̱n chic i Dios, maꞌ riban ta woꞌ chi cu eritik juꞌ ribanaric i mahc chiwach i Dios. \p \v 10 Nicꞌ wach nancꞌuhtunic lok chi hoj chic racꞌu̱n rixkꞌu̱n i Dios? Reꞌ wili ncꞌuhtunic lok wi̱ꞌ: Wi hab wach jenoꞌ maꞌ ritahkej ta i coric eh maꞌ ricꞌax ta woꞌ take ras richa̱kꞌ ra̱j rikꞌorom chi reꞌreꞌ racꞌu̱n rixkꞌu̱n aj Yahm eh maꞌ reꞌ ta racꞌu̱n rixkꞌu̱n i Dios. Reꞌ aj reꞌ ncꞌutunic lok wi̱ꞌ chi jenoꞌ cꞌacharel maꞌ reꞌ ta racꞌu̱n rixkꞌu̱n i Dios. \v 11 Jeꞌ woꞌ chic nikꞌor chi maꞌ reꞌ ta racꞌu̱n rixkꞌu̱n i Dios maj maꞌ cꞌahchiꞌ ta ricꞌamam na̱ i tijbal kabiram cho pan pꞌuhtbal reh kaniminic reꞌ jeꞌ wili rikꞌor: \p «Cꞌul chacꞌax awi̱b chawach tak, nqui rikꞌor. \p \v 12 Ru̱cꞌ aj reꞌ, reꞌ hin nikꞌor aweh tak chi cꞌul kacꞌax tak ki̱b chi kawach maꞌ ok nkixowej wach jenoꞌ kas kacha̱kꞌ jeꞌ ricab xiban i Cayin reꞌ xicansaj i richa̱kꞌ ruꞌum reh cꞌahbilal xcojoric pa ra̱mna ruꞌum aj Yahm. Chaj bih riwi̱ꞌ naxicansaj i richa̱kꞌ? Xa ruꞌum chi rixowej wach i richa̱kꞌ maj reꞌ take ribano̱j i Cayin maꞌ holohic ta take eh tzꞌa̱b ruꞌ i richa̱kꞌ, holohic take ribano̱j eh xa coric woꞌ wach ricꞌux chiwach i Dios. \s1 Reꞌ cꞌaxoj i̱b ra̱j chi nacaꞌnam take aj niminel \p \v 13 Was tak nicha̱kꞌ aj niminel reh Jesus, maꞌ nsahchic acꞌux tak chi wilic take cꞌahbil laj cꞌacharel nquixowej kawach i hoj aj niminel reꞌ wilco̱j chic pa rikꞌab i Yeꞌol reh Junelic Cꞌacharic. \v 14 Nicꞌ wach na kehtꞌalij reꞌreꞌ eh chi maꞌ wilco̱j ta chic chi quixilac take xa cu wilic woꞌ i junelic quimic chi quina̱? Reꞌ hoj nkehtꞌalij chi jeꞌ reꞌ maj cꞌahchiꞌ kacꞌaxam ki̱b chi kajuꞌjunal, reꞌ cok hab wach maꞌ ricꞌax ta woꞌ i ras richa̱kꞌ reꞌ cok reꞌ xa cu wilic woꞌ i junelic quimic china̱. \v 15 Til coric nikꞌor aweh tak xa hab wach rixowej wach i ras richa̱kꞌ, reꞌreꞌ xa jeꞌ na ricab jenoꞌ aj cansanel ras richa̱kꞌ nok wilic chiwach i Dios eh reꞌ hat-tak awehtꞌalim tak chi maꞌ jenoꞌ aj cansanel erirak i junelic cꞌacharic ru̱cꞌ i Dios wi maꞌ xicana̱ꞌ ribanaric i mahc. \v 16 Jeꞌ reꞌ kꞌuruꞌ chacꞌax tak take cꞌacharel eh jeꞌ reꞌ nikꞌor maj reꞌ hat-tak awehtꞌalim woꞌ tak haj wilic rinimal ricꞌaxbal i Dios xicꞌuhtaj i Jesus. Haj wilic rinimal i cꞌaxo̱j reꞌreꞌ? Reꞌ rinimal cꞌaxo̱j reꞌreꞌ, reꞌ chi reꞌ Jesus xiyew ri̱b pan quimic chi kajelow-bal i hoj. Ruꞌum aj reꞌ jeꞌ woꞌ reꞌ nakaꞌnam i hoj cu̱cꞌ take kas kacha̱kꞌ. Ruꞌum chi jeꞌ reꞌ, kakꞌahsaj woꞌ tak i kacꞌacharic pan kꞌab i Dios chi quitobjic ru̱cꞌ quicꞌaxquilal pan quicꞌacharic. \v 17 Jeꞌ ricab wi hab wach jenoꞌ wilic chiꞌnchel reh ayuꞌ wach acꞌal eh wi rilow i ras richa̱kꞌ chi pan nibaꞌil wilic chitoꞌbej ruꞌ. Raj laꞌ wi reꞌ wilic chiꞌnchel reh ayuꞌ wach acꞌal xa ta nak ncꞌuyuꞌjic soꞌ i ra̱mna chi ritobjic, nicꞌ wach nachikꞌor chi reꞌ Dios ncamanic pa ra̱mna chi ricꞌaxaric take ras richa̱kꞌ? \p \v 18 Was tak nicha̱kꞌ aj niminel reꞌ wilca̱t tak chi jeꞌ hat-tak wacꞌu̱n wixkꞌu̱n chi niwach, til nikꞌor aweh tak chi kacꞌax woꞌ tak ki̱b chi coric eh til woꞌ cꞌuhtunok lok wach chi jeꞌ reꞌ maꞌ ok maꞌ xa reꞌ kachi̱ꞌ nkꞌoric chi nkacꞌax ki̱b. \v 19 Chi jeꞌ reꞌ nok reꞌ hoj cꞌahchiꞌ kacꞌaxam take kas kacha̱kꞌ chi coric reꞌ hoj enkanaꞌbej chi reꞌ hoj cꞌahchiꞌ katahkem i coric laj cꞌuhtunic. Maꞌ xa reꞌ ta reꞌ, jeꞌ laꞌ woꞌ nankaꞌn kati̱j chiwach kAja̱w Dios, maꞌ kojyoꞌjic ta chi wilco̱j chiwach \v 20 to̱b ta nchel reꞌ kacapew-bal ricꞌraj chi xkaꞌn jenoꞌ mahc. To̱b ta woꞌ jeꞌ reꞌ ricꞌraj i kacapew-bal, reꞌ Dios xa naribiram woꞌ cho kati̱j nkaꞌn johtok chiwach. Jeꞌ reꞌ nikꞌor ruꞌum chi reꞌ kaDios reꞌ nehtꞌalanic cho reh chiꞌnchel chaj bih ncꞌuluric, kꞌe̱ꞌ woꞌ chic rajawric chi rehtꞌaljic pa̱m kacapew-bal jeꞌ woꞌ chi narilom cho pa̱m i ka̱mna chi til coric wach chiwach. \p \v 21 Jeꞌ reꞌ ajic was tak nicha̱kꞌ aj niminel reꞌ kꞌe̱ꞌ tiꞌ tiwicꞌraj tak, nok reꞌ ka̱mna til coric wach chiwach i Dios maꞌ riban ta chi enkꞌormojic chi hoj aj mahc. Ruꞌum chi jeꞌ reꞌ kawi̱ꞌ nok wilco̱j chiwach i Dios reꞌ hoj til nkachꞌica̱ꞌ kacꞌux chi reꞌ Dios naribiram cho kati̱j \v 22 eh chi xa ewoꞌ nkacꞌul i paꞌ bih enkapahkaj johtok reh maꞌ ruꞌum ta chi nponic chiwach i kanoꞌjbal jeꞌ laꞌ woꞌ ruꞌum chi nponic chiwach chi nkacꞌam woꞌ na̱ riCꞌuhbal ritakꞌa̱b keh chi nakanimem. \v 23 Reꞌ cꞌuhbal reꞌreꞌ jeꞌ wili rikꞌor: \p «Chacoj tak wach i kꞌoro̱j chiri̱j i Jesus chi reꞌreꞌ rAcꞌu̱n i Dios eh jeꞌ woꞌ chi reꞌreꞌ i Pahbamaj chi Kꞌatal Kꞌoric. Chacꞌax woꞌ awi̱b chawach tak maj reꞌreꞌ i takꞌanic xiban cho i Dios, nqui rikꞌor i cꞌuhbal reꞌreꞌ. \p \v 24 Ruꞌum aj reꞌ hab wach ricꞌam na̱ take riCꞌuhbal i Dios, reꞌreꞌ pan kꞌab i Dios wilic ricꞌacharic eh reꞌ woꞌ reꞌ wilic ru̱cꞌ chi junelic. Nicꞌ aj wach nok reꞌ hoj enkehtꞌalij chi reꞌ Dios wilic pan kacꞌacharic? Reꞌ hoj enkehtꞌalij reꞌreꞌ ruꞌum reh Lokꞌ laj Uxlabal xiyew keh. \c 4 \s1 Reꞌ rirakmajic chiri̱j wi reꞌ // Lokꞌ laj rUxlabal i Dios nkꞌoric // ru̱cꞌ chi̱ꞌ jenoꞌ aj cꞌuhbalanel \p \v 1 Was tak nicha̱kꞌ aj niminel reꞌ kꞌe̱ꞌ tiꞌ tiwicꞌraj tak, ruꞌum chi ayuꞌ wach acꞌal yohbal wach take chucul aj kꞌorol riCꞌuhbal i Dios xiꞌuctubic cho nwa̱j nikꞌorom je aweh tak i wili: Wi wilic jenoꞌ rikꞌor chi reꞌreꞌ nkꞌoric chi sakomomaj pa̱m ricapew-bal ruꞌum i Lokꞌ laj rUxlabal i Dios, maꞌ xa ruꞌum ta ti reꞌ enanimej tak i cꞌuhbal rikꞌor. Maꞌ jeꞌ ta reꞌ, reꞌ laꞌ hat-tak til chaꞌn tak ri̱j chajaric chi uxlabal nquimelenic reh i winak reꞌreꞌ, wi til reꞌ i Lokꞌ laj rUxlabal i Dios on maꞌ reꞌ ta. \v 2 Nicꞌ wach nacharak tak chiri̱j chi reꞌ Lokꞌ laj rUxlabal i Dios nkꞌoric ru̱cꞌ chi̱ꞌ jenoꞌ aj cꞌuhbalanel? Reꞌ wili na̱rakam tak wi̱ꞌ chiri̱j: Wi reꞌ aj cꞌuhbalanel ricoj wach eh rikꞌor chi reꞌ Jesus reꞌ Pahbamaj chi Kꞌatal Kꞌoric xcꞌulic cꞌacharok china̱ acꞌal wili chi til jeꞌ ricab kawi̱ꞌ i hoj cꞌacharel, reꞌreꞌ rehtalil chi reꞌ Lokꞌ laj rUxlabal i Dios nkꞌoric ru̱cꞌ chi̱ꞌ aj cꞌuhbalanel reꞌreꞌ. \v 3 Raj wi jenoꞌ aj cꞌuhbalanel maꞌ ricoj ta wach eh maꞌ rikꞌor ta chi reꞌ Jesus xcꞌulic cꞌacharok china̱ acꞌal wili chi til jeꞌ ricab kawi̱ꞌ i hoj cꞌacharel, reꞌreꞌ rehtalil chi maꞌ reꞌ ta Lokꞌ laj rUxlabal i Dios nkꞌoric ru̱cꞌ chi̱ꞌ aj cꞌuhbalanel reꞌreꞌ, reꞌ laꞌ take kꞌoric rikꞌor i aj cꞌuhbalanel reꞌreꞌ ar nchalic ru̱cꞌ aj kꞌetol wach rikꞌorbal i Dios. \p Pa ricorquilal, reꞌ hat-tak abiram tak chic ribiral chi nariponic rikꞌijil chi naquicꞌulic lok take toco̱m chic aj cꞌuhbalanel jeꞌ reꞌ quiwi̱ꞌ, xa reꞌ laꞌ nwa̱j nikꞌorom aweh tak chi reꞌ take aj chucul laj aj cꞌuhbalanel reꞌreꞌ wilque̱b chic china̱ acꞌal wili chi jotꞌo̱j. \v 4 Was tak nicha̱kꞌ aj niminel reꞌ wilca̱t tak chi jeꞌ hat-tak wacꞌu̱n wixkꞌu̱n chi niwach, til coric chi reꞌ aj Yahm nyeꞌbic queh take kꞌoric kꞌoro̱j cuꞌum take aj cꞌuhbalanel reꞌreꞌ, reꞌreꞌ wilic woꞌ rajawric, xa reꞌ laꞌ nikꞌor aweh tak chi reꞌ Lokꞌ laj rUxlabal i Dios wilic pan awa̱mna hat-tak, reꞌreꞌ til kꞌe̱ꞌ woꞌ chic rinimal rajawric wilic chiwach ruꞌ. Ruꞌum aj reꞌ, naxquiniqꞌuej nak ajotꞌoric tak cuꞌum take cꞌuhbalanel reꞌreꞌ ru̱cꞌ cꞌuhtunic ncaꞌn, maꞌ xacꞌul ta tak i cꞌuhtunic reꞌreꞌ. \v 5 Jeꞌ reꞌ nikꞌor maj reꞌ quicꞌuhtunic ruꞌ maꞌ reꞌ ta ru̱cꞌ Dios nchalic ar laꞌ nchalic cu̱cꞌ take cꞌacharel reꞌ maꞌ nquinimej ta i Dios. Ruꞌum aj reꞌ nikꞌor aweh tak chi reꞌ quicꞌuhtunic ruꞌ xa reꞌ woꞌ take cꞌacharel maꞌ quiniminic ta reh i Dios quicꞌulbic reh. \v 6 Raj cok i hoj reꞌ kojkꞌoric reh ribiral i Jesus, til hoj racꞌu̱n rixkꞌu̱n i Dios eh ruꞌum chi jeꞌ reꞌ kawi̱ꞌ, til nkarak chiri̱j chi reꞌ Lokꞌ laj Uxlabal ncꞌuhtunic reh i ricorquilal eh wi reꞌreꞌ cꞌahchiꞌ riyeꞌbic rikꞌorbal jenoꞌ aj cꞌuhbalanel on wi reꞌ aj Yahm cꞌahchiꞌ riyeꞌbic rikꞌorbal. Jeꞌ woꞌ, jeꞌ wili ncꞌuluric cu̱cꞌ take cꞌacharel quibirinic reh kacꞌuhtunic: Reꞌ cꞌacharel ricojom wach i Dios reꞌreꞌ til ricꞌul chi coric kacꞌuhtunic. Raj nchel i cꞌacharel maꞌ reꞌ ta racꞌu̱n rixkꞌu̱n i Dios, reꞌreꞌ maꞌ ricꞌul ta kacꞌuhtunic. \s1 Reꞌ Dios aj cꞌaxo̱l cho chi kana̱ \p \v 7 Was tak nicha̱kꞌ aj niminel reꞌ kꞌe̱ꞌ tiꞌ tiwicꞌraj tak, reꞌ cꞌaxoj i̱b ar nchalic ru̱cꞌ i Dios. Ruꞌum aj reꞌ kacꞌax tak ki̱b chi kawach rehtalil chi hoj chic racꞌu̱n rixkꞌu̱n i Dios. Jeꞌ reꞌ nikꞌor chi chaꞌn tak maj xa hab wach ricꞌax i ras richa̱kꞌ ra̱j rikꞌorom chi racꞌu̱n rixkꞌu̱n chic i Dios. Maꞌ xa reꞌ ta reꞌ, jeꞌ laꞌ woꞌ wi jeꞌ reꞌ riban reꞌreꞌ til cꞌahchiꞌ ricꞌuhtam chi rehtꞌalim i rinoꞌjbal i Dios chi coric. \v 8 Tzꞌa̱b ruꞌ wi maꞌ ricꞌax ta ras richa̱kꞌ, ra̱j rikꞌorom chi maꞌ rehtꞌalim ta rinoꞌjbal i Dios chi coric maj wi ta nak rehtꞌalim rinoꞌjbal i Dios reꞌ woꞌ nak rinoꞌjbal ruꞌ ricꞌam tzꞌeht reh ruꞌum nok reꞌ Dios manlic aj cꞌaxo̱l. \p \v 9 Nicꞌ wach nancꞌuhtunic chi reꞌ Dios wilic cho ricꞌaxbal chi kana̱? Reꞌ wili ncꞌutunic wi̱ꞌ: Chi reꞌreꞌ xitakꞌa̱ꞌ cho ayuꞌ wach acꞌal i Lokꞌ laj rAcꞌu̱n reꞌ xa jenaj woꞌ ti chiwach eh jeꞌ reꞌ xiban reh chi reꞌ hoj nakacꞌacharic ru̱cꞌ i Dios chi junelic. \v 10 Jeꞌ reꞌ ajic reꞌ ricꞌaxbal i Dios reꞌreꞌ, reꞌ wili ncꞌutunic wi̱ꞌ: Chi reꞌreꞌ xitakꞌa̱ꞌ cho rAcꞌu̱n chi xquimic chiki̱j chi tojbal wach i kamahc eh jeꞌ reꞌ xiban ruꞌum chi kꞌe̱ꞌ rinimal cho ricꞌaxbal chi kana̱, maꞌ ruꞌum ta nchel chi reꞌ hoj cꞌahchiꞌ kacꞌaxam i Dios. \p \v 11 Ruꞌum aj reꞌ was tak nicha̱kꞌ aj niminel reꞌ kꞌe̱ꞌ tiꞌ tiwicꞌraj tak, ruꞌum chi reꞌ Dios kꞌe̱ꞌ xojricꞌax naxitakꞌa̱ꞌ cho rAcꞌu̱n chi quimic chiki̱j, jeꞌ woꞌ reꞌ ricꞌaxaric ki̱b kaꞌn i hoj chi kawach. \v 12 Jeꞌ reꞌ nikꞌor chi kaꞌn maj nok reꞌ hoj nkacꞌax take kas kacha̱kꞌ ra̱j rikꞌorom chi reꞌ Dios reꞌ maꞌ nkilow ta wach til nicꞌ wach jeꞌ riwi̱ꞌ ruꞌum nok maꞌ hab ta wach rilom wach riwi̱ꞌ i Dios, reꞌreꞌ til wilic ku̱cꞌ eh reꞌ ricꞌaxbal wilic woꞌ pan ka̱mna chi manlic. \s1 Reꞌ ricꞌaxaric i kas kacha̱kꞌ, reꞌreꞌ ncꞌuhtunic wi̱ꞌ chi hoj aj niminel \p \v 13 Reꞌ hoj aj niminel kehtꞌalim chi reꞌ Dios wilic pan kacꞌacharic eh chi reꞌ hoj wilco̱j woꞌ pan kꞌab maj reꞌ Dios xiyew cho keh i Lokꞌ laj rUxlabal. \v 14 Maꞌ xa reꞌ ta riyeꞌeric cho keh i Lokꞌ laj rUxlabal xiban i Dios, til laꞌ woꞌ xitakꞌa̱ꞌ cho ayuꞌ wach acꞌal i Lokꞌ laj rAcꞌu̱n reꞌ xchalic chi kacoꞌljic hoj chiꞌnchel cꞌacharel chiwach i tiꞌcꞌaxic nariyeꞌeric chi quina̱ take aj mahc. Reꞌ Lokꞌ laj Acꞌunbe̱s reꞌreꞌ, reꞌ woꞌ reꞌ nkayew kachi̱ꞌ chiri̱j chꞌi̱l take wich nahsil raj tahkanel nok nkakꞌor chi til coric chi xkilow i ricꞌulic i Lokꞌ laj Acꞌunbe̱s reꞌreꞌ. \v 15 Ruꞌum chi til coric chi reꞌ Dios xitakꞌa̱ꞌ cho ayuꞌ wach acꞌal i Lokꞌ laj rAcꞌu̱n, xa hab aj wach ricoj wach eh rikꞌor chi reꞌ Jesus til rAcꞌu̱n i Dios reꞌreꞌ, til ricꞌuhtaj chi pa rikꞌab i Dios wilic ricꞌacharic eh chi reꞌ woꞌ Dios wilic pa ricꞌacharic. \v 16 Jeꞌ aj reꞌ ncꞌuhtunic wi̱ꞌ i cꞌacharel cꞌacharic riban pan cꞌaxoj i̱b eh til woꞌ jeꞌ reꞌ naribanam jeꞌ ricab ricꞌul chi keh hoj aj niminel reh Jesus chi jeꞌ reꞌ cꞌacharic nakaꞌnam ruꞌum chi nkehtꞌalij chi xa reꞌ woꞌ Dios til manlic aj cꞌaxo̱l. Jeꞌ aj reꞌ riwi̱ꞌ cꞌacharic nkaꞌn ruꞌum chi kehtꞌalim chic eh nkachꞌica̱ꞌ woꞌ kacꞌux chiri̱j i ricorquilal chi reꞌ Dios aj cꞌaxol cho keh. \p \v 17 Reꞌ riwi̱ꞌ i cꞌacharic nkaꞌn ayuꞌ wach acꞌal xa jeꞌ ricab riwi̱ꞌ i ricꞌacharic Jesus. Chi jeꞌ reꞌ riwi̱ꞌ i kacꞌacharic, kojcholok aj quicꞌaxaric take kas kacha̱kꞌ chi manlic. Wi jeꞌ reꞌ nkaꞌn, til nachirak cho rikꞌijil chi reꞌ Dios narichꞌukum kꞌoric chi quina̱ take cꞌacharel naribanam chi reꞌ hoj nakawihꞌic chiwach chi chꞌiclic kacꞌux chi maꞌ jenoꞌ tiꞌcꞌaxic nariyeꞌeric chi kana̱. \v 18 Jeꞌ reꞌ wihꞌic chiwach nakaꞌnam ruꞌum nok ru̱cꞌ i ricꞌaxbal i Dios wilic chic pan ka̱mna xkacꞌax take kas kacha̱kꞌ. Ruꞌum aj chi jeꞌ reꞌ xkaꞌn chi manlic, reꞌ yoꞌjic reꞌ nchalic nak chi kana̱ ruꞌum tiꞌcꞌaxic nariyeb nak chi kana̱ i Dios maꞌxta chic roquic cho ku̱cꞌ pan ka̱mna nok ekojwihꞌic chiwach. Jeꞌ reꞌ nikꞌor maj kehtꞌalim chi nabanarok chꞌukuj kꞌoric chi quina̱ tinamit, xa reꞌ take wilic yoꞌjic pan ca̱mna riwi̱ꞌ chi queh chi naquicꞌulum i tiꞌcꞌaxic ruꞌum i Dios. Jeꞌ reꞌ nikꞌor maj wi reꞌ take cꞌacharel nok wilque̱b chiwach i Dios xa cu quiyoꞌjic woꞌ chi enchalic i tiꞌcꞌaxic chi quina̱, reꞌreꞌ ra̱j rikꞌorom chi maꞌ xquicꞌax ta take cas quicha̱kꞌ chi manlic. \s1 Hab wach ricꞌax ras richa̱kꞌ reꞌreꞌ til ricꞌax woꞌ i Dios \p \v 19 Ruꞌum chi reꞌ Dios xojricꞌax cho i hoj chi pe̱t, reꞌ hoj nkacꞌax woꞌ ruꞌ eh nkacꞌax woꞌ take kas kacha̱kꞌ, majeꞌ? \v 20 Chi jeꞌ aj reꞌ wi hab wach rikꞌor chi ricꞌax i Dios xa reꞌ laꞌ cu rixowej wach i ras richa̱kꞌ, reꞌ cꞌacharel reꞌreꞌ xa aj chucul kꞌoric nok wilic. Jeꞌ reꞌ nikꞌor maj wi maꞌ ricꞌax ta i ras richa̱kꞌ reꞌ cꞌahchiꞌ rilom wach nicꞌ wach nachikꞌor chi ricꞌax i Dios reꞌ maꞌ rilow ta wach? \v 21 Jeꞌ reꞌ kꞌuruꞌ was tak nicha̱kꞌ aj niminel, kacꞌax tak ki̱b chi kawach maj reꞌ Dios jeꞌ wili takꞌanic riban cho: \p “Xa hab wach cꞌacharel raj qui̱n ricꞌaxam i hin Dios, chicꞌax woꞌ i ras richa̱kꞌ, nqui takꞌanic ribanam cho i Dios. \c 5 \s1 Kayakꞌabej tak pan ko̱k take quicꞌahbilal laj noꞌjbal \p \v 1 Jeꞌ woꞌ chic, ruꞌum chi reꞌ Dios xyeꞌbic reh i junelic cꞌacharic queh chiꞌnchel cꞌacharel nquichꞌica̱ꞌ quicꞌux chi reꞌ Jesus reꞌ Pahbamaj chi Kꞌatal Kꞌoric, reꞌ take reꞌreꞌ quicꞌaxbic reh i Dios reꞌ Ajabe̱s chi quina̱ take aj niminel riwi̱ꞌ chi queh chi naquicꞌaxam woꞌ take quich aj niminel reꞌ xyeꞌeric woꞌ queh i junelic cꞌacharic ruꞌum i Dios jeꞌ ricab ricꞌaxaric riban jenoꞌ ajabe̱s ru̱cꞌ take rihaꞌlacꞌu̱n. \v 2 Jeꞌ reꞌ ajic jeꞌ ricab kehtꞌalim chi nankacꞌax i kAja̱w Dios ra̱j rikꞌorom chi nkacꞌax woꞌ take nicꞌ nimal racꞌu̱n rixkꞌu̱n ruꞌ, jeꞌ woꞌ reꞌ kehtꞌalim i hoj chi nankacꞌax i Dios eh nankacꞌam woꞌ na̱ take takꞌanic riban cho, cꞌahchiꞌ woꞌ kacꞌaxam take kas kacha̱kꞌ. Jeꞌ reꞌ nikꞌor maj reꞌ rehtalil ncꞌuhtunic wi̱ꞌ chi reꞌ hoj nkacꞌax take racꞌu̱n rixkꞌu̱n i Dios, reꞌ chi reꞌ hoj nkacꞌax i Dios eh nkacꞌam woꞌ na̱ take takꞌanic ribanam cho. \v 3 Jeꞌ reꞌ kꞌuruꞌ reꞌ ricꞌamaric na̱ take takꞌanic riban i Dios, reꞌreꞌ i rehtalil nkacꞌuhtaj woꞌ lok wi̱ꞌ i hoj chi cꞌahchiꞌ kacꞌaxam i Dios. \p Reꞌ take ritakꞌanic i Dios to̱b ta nak cꞌaxic take chi cꞌamaric na̱, reꞌ hoj xa ewoꞌ nkaꞌn ribanaric ricꞌamaric na̱ \v 4 eh reꞌ riwi̱ꞌ chi jeꞌ reꞌ nkaꞌn ruꞌum chi hoj chic racꞌu̱n rixkꞌu̱n i Dios. Ruꞌum chi jeꞌ chic reꞌ kawi̱ꞌ chiwach, nkayakꞌabej woꞌ pan ko̱k take quicꞌahbilal laj noꞌjbal ncaꞌn take cꞌacharel ayuꞌ wach acꞌal. Chaj bih riwi̱ꞌ chi nkayakꞌabej pan ko̱k chiꞌnchel reꞌreꞌ? Nkaꞌn ruꞌum chi chꞌiclic chic kacꞌux chiri̱j i Jesus chi reꞌreꞌ rAcꞌu̱n i Dios. \v 5 Jeꞌ reꞌ nikꞌor maj til coric, maꞌ hab ta wach xa chi ribil ri̱b riyakꞌabej pa ro̱k take cꞌahbil laj noꞌjbal ncaꞌn take cꞌacharel ayuꞌ wach acꞌal, reꞌ laꞌ i cꞌacharel reꞌ richꞌica̱ꞌ ricꞌux chiri̱j i Jesus chi reꞌreꞌ rAcꞌu̱n i Dios xa reꞌ wach reꞌ til wilic rajawric chi ribanaric. \s1 Xa reꞌ woꞌ Dios aj chꞌiquenel cꞌuxlis \p \v 6 Naxcꞌulic i Jesus ayuꞌ wach acꞌal, til reꞌ woꞌ Dios takꞌanic cho reh. Chi rehtalil i ripꞌuhtic cho i ricamaj, reꞌreꞌ xikahsaj riha̱ꞌ. Jeꞌ woꞌ, naxiyew ri̱b chi quimic chiki̱j wach curu̱s reꞌ xichihcaj wi̱ꞌ riquiqꞌue̱l ar woꞌ xcahnic rehtalil chi ar xicohlaj wach ricamaj. Jeꞌ reꞌ ajic reꞌ Jesus reꞌ Pahbamaj chi Kꞌatal Kꞌoric, maꞌ xa reꞌ ta rikahsjic riha̱ꞌ xiban jeꞌ laꞌ woꞌ xiyew ri̱b chi quimic chiki̱j naxichihcaj riquiqꞌue̱l eh reꞌ hoj chꞌiclic kacꞌux chiri̱j i ricorquil kꞌoric reꞌreꞌ jeꞌ ricab rikꞌor woꞌ i Lokꞌ laj rUxlabal i Dios maj reꞌ Lokꞌ laj Uxlabal reꞌreꞌ aj cꞌuhtem reh i coric. \v 7 Jeꞌ reꞌ ajic, jeꞌ ricab ar pan taxa̱j til reꞌ take xib wili ncaꞌn jenaj wach quicꞌux chi riyeꞌjic quikꞌorbal: Reꞌ Ajabe̱s Dios, reꞌ Acꞌunbe̱s Dios eh chꞌi̱l i Lokꞌ laj Uxlabal, \v 8 jeꞌ woꞌ reꞌ ayuꞌ china̱ acꞌal, reꞌ woꞌ take xib wili nkehtꞌalij wi̱ꞌ chi reꞌ Jesus rAcꞌu̱n i Dios: Pe̱t, reꞌ kahsanic haꞌ xiban. Ricab, reꞌ richihcjic riquiqꞌue̱l xiban naxquimic chiki̱j. Ro̱x, ru̱cꞌ i Lokꞌ laj Uxlabal. Reꞌ take xib reꞌreꞌ xa jenaj chi capew-bal nquicꞌuhtaj lok, chi reꞌ Jesus til rAcꞌu̱n i Dios. \v 9 Jeꞌ reꞌ kꞌuruꞌ jeꞌ ricab nok reꞌ hoj nkacoj wach quikꞌorbal take kich cꞌacharel nanquikꞌor keh i coric, jeꞌ woꞌ reꞌ kaꞌn tak ru̱cꞌ kꞌoric rikꞌorom cho i Dios chiri̱j i rAcꞌu̱n eh jeꞌ reꞌ kaꞌn maj reꞌ take kꞌoric xikꞌor chiri̱j i Lokꞌ laj Acꞌunbe̱s til coric take eh ruꞌum i reꞌ til raj cojoric wach maj til chꞌiquenel cꞌuxlis take. \v 10 Ruꞌum aj reꞌ nanikꞌor chi xa hab wach ncojbic wach i Jesus chi reꞌreꞌ rAcꞌu̱n i Dios, reꞌreꞌ cꞌahchiꞌ woꞌ ricojom wach i Dios chi reꞌreꞌ chꞌiquenel cꞌuxlis eh ruꞌum reꞌ, reꞌ rikꞌorbal i Dios rikꞌorom chiri̱j i Acꞌunbe̱s til ricꞌol pa ra̱mna i cꞌacharel reꞌreꞌ. Tzꞌa̱b ruꞌ hab wach maꞌ ricoj ta wach rikꞌorbal i Dios reꞌ xikꞌor chiri̱j i Acꞌunbe̱s, reꞌ cꞌacharel reꞌreꞌ cꞌahchiꞌ ribanam chi reꞌ Dios reꞌ aj chꞌiquenel cꞌuxlis, xa aj chucul kꞌoric nok wilic ruꞌum nok maꞌ ricoj ta woꞌ wach i xikꞌor chiri̱j i rAcꞌu̱n. \v 11 Jeꞌ reꞌ ajic reꞌ kꞌoric xikꞌor i Dios chiri̱j i rAcꞌu̱n, reꞌ wili: \p “Reꞌ hin Dios xniban chi reꞌ junelic cꞌacharic xniyew aweh hat-tak, xa pa rikꞌab woꞌ i wAcꞌu̱n wilic riyeꞌeric, nqui xikꞌor. \v 12 Ruꞌum aj reꞌ nikꞌor woꞌ aweh tak chi wi jenoꞌ cꞌacharel ricꞌulum chic rAcꞌu̱n i Dios pa ricꞌacharic, reꞌreꞌ yeꞌo̱j woꞌ reh i junelic cꞌacharic. Tzꞌa̱b ruꞌ reꞌ maꞌ jaꞌ ricꞌulum ta pa ra̱mna, reꞌreꞌ maꞌxta woꞌ riyeꞌeric reh i junelic cꞌacharic. \s1 Reꞌ hoj kehtꞌalim chi reꞌ Dios xa // ewoꞌ riyew cho keh i xa paꞌ jaric // pahkanic nkaꞌn johtok reh \p \v 13 Jeꞌ reꞌ kꞌuruꞌ reꞌ hin cꞌahchiꞌ nitzꞌihmbam je aweh tak i kꞌoric xikꞌor i Dios chiri̱j i rAcꞌu̱n reh chi reꞌ hat-tak reꞌ ticojbic tak wach i kꞌoro̱j chiri̱j i Jesus chi reꞌreꞌ rAcꞌu̱n i Dios na̱wehtꞌalim tak chi reꞌ junelic cꞌacharic yeꞌo̱j chic aweh tak eh chi jeꞌ reꞌ na̱tikim tak juꞌ richꞌiquinjic acꞌux tak chiri̱j i kꞌoric kꞌoro̱j chiri̱j i Jesus chi reꞌreꞌ i rAcꞌu̱n i Dios. \v 14 Ruꞌum chi kachꞌica̱b chic kacꞌux chiri̱j i Jesus yuꞌna chꞌiclic chic kacꞌux chi reꞌ Dios xa kojribiraj woꞌ cho ru̱cꞌ kapahkanic nkaꞌn johtok chiwach, reꞌ cok ruꞌ wi reꞌ pahkanic nkaꞌn johtok reh jeꞌ ru̱cꞌ tare̱t chiwach i Dios chi nakaꞌnam. \p \v 15 Chi jeꞌ reꞌ kꞌuruꞌ ruꞌum nok kehtꞌalim chi reꞌ Dios ekojricꞌuꞌlej cho ru̱cꞌ kati̱j nkaꞌn johtok chiwach, kehtꞌalim woꞌ chi xa ewoꞌ riyew cho keh paꞌ jaric i kapahkanic nkaꞌn johtok reh. \v 16 Ruꞌum aj reꞌ nikꞌor aweh tak wi wilic jenoꞌ aj niminel xcalajic ru̱cꞌ jenoꞌ mahc jeꞌ ru̱cꞌ maꞌ nkꞌetbic ta pa̱m ribe̱h chi erikꞌeb chi junpech i junelic cꞌacharic eh wilic ok jenoꞌ aweh tak xilow naxmahcanic, chaꞌn ati̱j tak chiri̱j awich aj niminel tak reꞌreꞌ maj reꞌ Dios ewoꞌ chic riyew reh i junelic cꞌacharic wi laꞌ reꞌ aj niminel reꞌ xikꞌeb nak i junelic cꞌacharic ruꞌum reh i mahc xiban, ricana̱ꞌ woꞌ ribanaric i mahc reꞌreꞌ. Reꞌ cok ruꞌ reꞌ take aj niminel reꞌ quicalajic ru̱cꞌ jenoꞌ mahc reꞌ nkꞌetbic pa̱m quibe̱h chi enyeꞌeric queh i junelic cꞌacharic, reꞌ hin nikꞌor aweh tak chi ma̱ban tak chic johtok pahkanic chiqui̱j ruꞌ, \v 17 ruꞌum nok reꞌ mahc xcaꞌn ruꞌ toco̱m woꞌ. Til pan coric, chiꞌnchel take maꞌ holohic ta laj bano̱j nbanaric chiwach i Dios, mahc take, xa reꞌ laꞌ wilic take mahc maꞌ rikꞌet ta pa̱m kabe̱h chi reꞌ Dios eriyew keh i junelic cꞌacharic. \s1 Reꞌ hoj aj niminel chopo̱j chic na̱ kacꞌacharic ruꞌum i Jesus \p \v 18 Chi kunchelal i hoj aj niminel nakehtꞌalim chi nicꞌ paꞌ nimal kaꞌnam chi hoj chic racꞌu̱n rixkꞌu̱n i Dios, chopo̱j chic na̱ kacꞌacharic ruꞌum i Jesus reꞌ rAcꞌu̱n i Dios. Ruꞌum aj reꞌ, reꞌ aj Yahm maꞌ eta chic kojrijotꞌ chi enkatahkej chi ribanaric i mahc. Jeꞌ woꞌ ruꞌum reꞌreꞌ, reꞌ hoj aj niminel maꞌ reꞌ ta chic i mahc enkayew rajawric chi kawach. \v 19 Jeꞌ reꞌ ajic reꞌ hoj kehtꞌalim chic chi hoj chic racꞌu̱n rixkꞌu̱n i Dios eh chi jeꞌ reꞌ to̱b ta chiꞌnchel take cꞌahbilal laj noꞌjbal chopo̱j take na̱ ruꞌum aj Yahm china̱ acꞌal wili, \v 20 maꞌ hab ta wach keh hoj narijotꞌom kacapew-bal maj reꞌ hoj kehtꞌalim chi reꞌ Jesus reꞌ Pahbamaj chi Kꞌatal Kꞌoric eh rAcꞌu̱n woꞌ i Dios, xcꞌulic lok ayuꞌ wach acꞌal chi riyeꞌeric keh chi ehtꞌaljic wach i Dios reꞌ maꞌ hab ta chic jenoꞌ wach coric wach chiwach ruꞌ. Ruꞌum aj reꞌ, reꞌ hoj yuꞌna nkarak chic chiri̱j chi wilco̱j riꞌsil ro̱k kꞌab i coric wach Dios maj wilco̱j woꞌ chic pan kꞌab i Jesus reꞌ manlic woꞌ Dios chi kana̱ eh manlic aj Yeꞌol Junelic Cꞌacharic. \v 21 Jeꞌ reꞌ ajic was tak nicha̱kꞌ aj niminel reꞌ wilca̱t tak chi jeꞌ hat-tak wacꞌu̱n wixkꞌu̱n chi niwach, ruꞌum chi reꞌ hat-tak narak tak chic chiri̱j chi reꞌ Jesus reꞌreꞌ i manlic woꞌ Dios chi kana̱ i hoj, chayohbalej awi̱b tak reh noꞌjbal chi lokꞌonic wach tzꞌakoj tiyo̱x ncaꞌn take tinamit wach acꞌal. Reꞌ wili coric laj kꞌoric nikꞌor je aweh tak was tak nicha̱kꞌ.