\id REV - PMA Paama Language 
\h Revelesen 
\toc1 Revelesen 
\toc2 Rev 
\mt2 Selusien koa helamu ten  
\mt1 Revelesen  
\is1 ?Isei mutis selusien koanik?  
\ip Meatin koa mutis selusien koanik, isen Sion\x + \xo 1:0 \xt Rev 1:1,4,9; 22:8\x* koa vi eiloheh tai onen Iesu Kristo. Kei vi Sion Sepeti koa mutis Sion, ka 1, 2 ka 3 Sion emun. En avong koanek, vesesal en sua 95 AD (sua keil koa katau en avong Iesu avasi), kavmen ten out Rom ling Sion en titi aelan tai koa avisi en Patmos. Ka aviteni mini keke uasi hemat munak hesak visi valohosai rani.  
\is1 ?Isei vuli selusien koanik mulamu?  
\ip Sion mutis selusien enek va min Kristin keil en mari sios oulu (7) en provins ten out Esia (koa kosa avise en Turkey), ka min Kristin sav keil en out vasi. Suval Sion, Kristin keil en out vasi amul avisu en avong takeih keil en out vasi en hen asuv houlu etel ten out Rom: Nero (sua 54-68 AD), Vespasian (sua 69-79 AD), ka Domisian (sua 81-96 AD). Sakini, Iesu san leisanien tai mini keke vahit mesein min Kristin keil vahati lat rendemien one ka vasel kat keil avahatimal vakeih en vaeen ten demkatien koa amul ien.  
\is1 ?Sion mutis selusien koanik vensa?  
\im \bd Iesu Kristo meng kat Sion keke vatis leta enek vakataun demkatien onen meatin keil onen\bd* – Iesu Kristo kistal min Sion en leisanien tai ka meng kati vatis kat tounah koa kei vit luvati mini keke vahit meseini min Kristin keil.\x + \xo 1:0 \xt Rev 1:11,19; 22:6\x*  
\ib  
\im \bd Sion en vati vasel kat Kristin keil en out Esia keke demkatien one namandiltei\bd* – Veni sua houlu mai muli, Kristin keil houlu amul amandil en demkatien one.\x + \xo 1:0 \xt Rev 2:4,14,20; 3:2,15\x* Sakini, Sion mutis retai en selkatien keil ekek va min mari sios oulu (7) en provins ten out Esia.\x + \xo 1:0 \xt Rev 2:1–3:22\x*  
\ib  
\im \bd Sion en vati keke Kristin keil availea en hetetamenien onen Ahi\bd* – Kristin keil houlu amul alonge tisa ven avong keil takeih koa amul avisu eni en hen kavmen, en hen meatin sav keil, ka en hen tue keil emun.\x + \xo 1:0 \xt Rev 2:7,9-10,13,19,26; 3:5,21\x* Sakini Sion vit luvati keke tounah vasi koa mul kur out mul musil kat asa koa Ahi ling kati keke vakur out mulamu en avong koa mumon out netan.\x + \xo 1:0 \xt Rev 1:8,17; 4:1–22:21\x*  
\ib  
\im \bd Sion en vati keke Kristin keil availea keke Iesu hemai ris ka hevae lin Temat ka tounah vasi koa tisa\bd* – Kristin keil houlu alesi suval amul arosin Iesu sua houlu tuai ka Kristin keil houlu ka eiloheh keil emun umat tuai ven demkatien one.\x + \xo 1:0 \xt Rev 1:9\x* Ka Sion vati lat rendemien one vit Iesu hemai ris anatin, ka navong hemai ris hevae lin Temat ka tounah vasi koa tisa, ka heling revi tounah vasi keil hemai hetahos.\x + \xo 1:0 \xt Rev 1:10-20; 19:11-21\x*  
\ib  
\im \bd Sion en vati vasel kat Kristin keil keke avalomal vakeih en demkatien one keke anamemoutei en avong koa Iesu hemai ris eni\bd* – Tei en Kristin keil alesi keke tounah koa avisu eni keih ramat.\x + \xo 1:0 \xt Rev 6:9-11\x* Sakini Sion sel kat keil keke avalomal vakeih en demkatien one ka anamaentei desien one en Ahi namot.\x + \xo 1:0 \xt Rev 2:7,11,17,26; 3:5,12,21; 7:14; 12:11; 15:2\x* Kei sel kat keil keke anoumontei tounah koa nasakin keil anamemou en avong koa Iesu hemai ris eni ka helei rahit usite onen meatin keil eni.\x + \xo 1:0 \xt Rev 3:18; 12:11; 16:15\x*  
\ib  
\im \bd Sion en vati vahati lat rendemien onen Kristin keil hetal min selusien usil navong Ahi houm revi teilang nesa ka out netan luhemai luhehi heite hau\bd* – Tei en Kristin keil amundem houlu usil tounah keil ten out netan. Sakini Sion sel kat keil indem usil navong koa Ahi houmon teilang nesa ka out netan luhemai luhehi heite hau.\x + \xo 1:0 \xt Rev 21:1–22:5\x*  
\is1 Mari rendemien tai ten selusien koanik mul en Revelesen 1:10-11,19  
\ipq En Sande, avong onen Asuv Iesu, Ninin onen Ahi sien nau ka naraengon rea tai en eisiluk koa keih suval amaru koa musel. Kei viteni minau vit, “!Kitis lat asa koa kilesi heha en tus tai, ka kisani heha min sios oulu (7) en taon keil ekek: Efeses, Samerna, Pergamam, Taeatira, Sartis, Piladelvia, ka Laodisia! …  
\ipq Kitis lat \bdit tounah keil komul kolesi, asa koa hekur out en avong kosa\bdit* ral min \bdit asa koa hemai hekistal en avong koa hemai veah.”\bdit*  
\is1 ?Asa mul en selusien koanik?  
\io1 1. \bdit “Tounah keil komul kolesi …”\bdit* – Mukave Iesu Kristo selus min Sion ka en leisanien tai. (1:1-20)  
\io1 2. \bdit “… asa koa hekur out en avong kosa …”\bdit* – Selkatien keil va min sios oulu (7) ten provins ten out Esia. (2:1–3:22)  
\io1 3. \bdit “… asa koa hemai hekistal en avong koa hemai veah.”\bdit*  
\io2 a. Tounah keil en out netan amasmas Ahi. (4:1-11)  
\io2 b. Iesu vothot eni keke vi sipsip ten sanien votut koa vinvin vahuli selusien ten hothotien onen Ahi. (5:1-14)  
\io2 c. Iesu kum vahas siil oulu (6) koa sakin mahien tateisav keil umai apurun meatin keil ten out netan. (6:1–8:1)  
\io2 d. Angelo oulu (7) amuh retai en amaru one koa sakin mahien tateisav keil umai apurun meatin keil ten out netan (8:1–16:21)  
\io2 e. Ahi san mahien min koakeil ten out Babilon. (17:1–19:5)  
\io2 f. Iesu mai ris keke vavae lin Temat ka koakeil vasi amusili. (19:6-21)  
\io2 g. Iesu ka koakeil amusili alosil kat out netan sua heite taosen tai. (20:1-6)  
\io2 h. Ahi son Temat vita en Vuli Ahang. (20:7-10)  
\io2 i. Ahi mumon Mari Kot onen ka lei rahit usite onen meatin vasi keil. (20:11-15)  
\io2 j. Ahi mumon teilang nesa ka out netan lumai luvi heite hau. (21:1–22:5)  
\io1 4. Selusien ekor. (22:6-21)  
\c 1  
\s1 Hitkileaen onen Sion usil selusien koanik  
\p
\v 1 Koanik vi hothotien koa Ahi sani min Iesu Kristo keke vatie lati min eiloheh keil onen asa koa hemai hekistal hervitei tuetin. Iesu Kristo sila \w angelo\w* onen mita venau, koa navi eiloheh onen, keke vahit mesein selusien koanik minau. Isok Sion. \x + \xo 1:1 \xt Dan 2:28,29,45; Rev 1:19; 22:6\x*  
\v 2 Ka tounah vasi koa nalesi ka naraengoni usil hothotien onen Ahi koa Iesu Kristo vit meseini minau vi anatin, kei varei namutis kati ekok. \x + \xo 1:2 \xt Rev 1:9; 6:9\x*  
\v 3 Tokolkatien onen Ahi hel en meatin koa vuli tus koanik, ka tokolkatien hel en koakeil emun along selusien ten hothotien koanik ka along kat asa koa mul ien. Veni avong mai vesesal keke tounah keil ekek hekur out. \x + \xo 1:3 \xt Rev 22:7; 22:10\x*   
\s1 Selkatien keil koa va min sios oulu (7) koa amul en mari atan ten out Esia  
\p
\v 4 Inau, Sion, namutis selusien koanik va min kami, sios oulu (7) ten provins ten out Esia.\f + \fr 1:4 \ft Kosa avise out enek en Turkey.\f* \x + \xo 1:4 \xt Eks 3:14; Rev 1:8; 4:8; 11:17; 16:5; Aes 41:4; Rev 3:1; 4:5; 5:6\x*  
\p Navisi keke more envatien ka tomat hel ven kami. Keilu luka ven Ahi koa mul kosa, mul mulamu, ka hel en avong koa hemai veah. Luka ven Ninin koa avi oulu (7) koa amul en meten Ahi koa rondan en vulin ten keihoen.  
\v 5 Luka mun ven Iesu Kristo koa rokilea rovaling desien orer eni. Kei viten anatinien usil asa koa Ahi vothot eni mini. Kei vi moeite en koakeil imea ran matien, ka vi avat ten asuv keil vasi ten out netan. \x + \xo 1:5 \xt Rev 3:14; 19:11; Sam 89:27; Kol 1:18; Sam 89:27; Rev 19:16; Sam 130:8; Aes 40:2\x*  
\p Iesu en vat ir, ka ran koa mue en matien sakin ir romaluv ran mahien ten \w tisaen\w* keil orer.  
\v 6 Kei mumon ir romai rovi vangi meatin keil koa hiasuvien onen Ahi mul en moulien orer. Anatin, kei mumon ir rovi vangi \w pris\w* keil koa romum ven Ahi Tamen. !Ven koanik, rovitehiteni keke hetetamenien ka keihoen mul en Iesu Kristo lises ka lisenges! Anatin. \x + \xo 1:6 \xt Eks 19:6; Aes 61:6; 1Pit 2:5,9; Rev 5:10; 20:6\x*   
\p
\v 7 !Mihetaengoni! Kei hemita en mahmah keil ka meatin vasi keil ilesi. Anatin, koakeil emun asal vini mulamu ilesi. Hesakin meatin keil en out netan imakul en metauen. Anatin, hemai hekistal hemukonek. \x + \xo 1:7 \xt Dan 7:13; Mat 24:30; Mak 13:26; Luk 21:27; 1Tes 4:17; Sak 12:10; Sion 19:34,37; Sak 12:10,12,14; Mat 24:30\x*   
\p
\v 8 Ahi Asuv ten Keihoen koa mul kosa, mul mulamu, ka hel en avong koa hemai veah viteni vit, “En tounah vasi keil koa mul, inau naro mulamu eni ka nito katau eni.” \x + \xo 1:8 \xt Rev 21:6; 22:13; Eks 3:14; Rev 1:4; 4:8; 11:17; 16:5,7,14; Aes 41:4; Amos 3:13; 4:13; Rev 15:3; 19:6,15; 21:22\x*   
\s1 Iesu Kristo mai ven Sion ka rie lat tounah houlu mini  
\p
\v 9 Inau navi Sion, tuomi tai veni demkatien orer en Iesu Kristo vatte tas. Suval kami, namul nakur mahien ten sakvisien keil ral min rendemien koa taveah navong namul narosin hiasuvien onen Ahi vamai vakistal. Aling inau en eim takeih en titi aelan ten out Patmos veni namul navitehiten asa koa Ahi vothot eni minau ka anatinien usil Iesu min meatin keil.  
\v 10 En Sande, avong onen Asuv Iesu, Ninin onen Ahi sien nau ka naraengon rea tai en eisiluk koa keih suval amaru koa musel.  
\v 11 Kei viteni minau vit, “!Kitis lat asa koa kilesi heha en tus tai, ka kisani heha ven sios oulu (7) en taon keil ekek: Efeses, Samerna, Pergamam, Taeatira, Sartis, Piladelvia, ka Laodisia!”   
\p
\v 12 Navong naviles males isei mul selus minau, nales laet oulu (7) koa avatimal en ai keil teni koa amumoni en gol.  
\v 13 Ka luhu en keil, nales meatin tai koa aven mul suval Natin Meatin. Kei musin suval mari meatin tai en eisin tetaveah rokol alen tanetan, ka muan kaliko koa kala teni suval gol mul koe veimasen. \x + \xo 1:13 \xt Dan 7:13; 10:5; Esek 9:2,11\x*  
\v 14 Hilin muoh vis muoh, ka meten vihil keih imok suval ahang. \x + \xo 1:14 \xt Dan 10:6; Rev 2:18; 19:12; Dut 7:9\x*  
\v 15 Alen tanetan vihil suval oai ten vane \f + \fr 1:15 \ft Selusien kati teni vit, \ft \+it “vihil suval aean brons koa alingi en ahang.”\+it*\f* ka ren musel keih suval navong mari tahe mutarum en ahat keil. \x + \xo 1:15 \xt Esek 1:24; 43:2; Rev 14:2; 19:6\x*  
\v 16 En hen matu, vuli kat hitu oulu (7), ka naef tai koa kan lualu kistal ka en ongon. Nan vihil keih imok suval meteiai koa ritin en taviai. \x + \xo 1:16 \xt Rev 1:20; 2:1; Aes 49:2; Rev 2:12,16; 19:15\x*   
\p
\v 17 Navong nalesi, numot navita netan en alen ka nasakras moumon etai tounah suval meatin koa mat. Evus, kei ling hen matu enau ka vit, “!Konametautei! En tounah vasi koa mul, inau nasakini mul ka nisakini hevuol eris. \x + \xo 1:17 \xt Aes 44:6; 48:12; Rev 2:8; 22:13\x*  
\v 18 Inau navi kei koa moul. Avaseini numat, kosa kolesi keke namoul lises ka lisenges. Ka alingi en hek, ki\f + \fr 1:18 \ft Ki enek vi tatavolien koa vit Iesu kur keihoen keke valuvat meatin keil ran keihoen ten matien.\f* keil ten matien ka ten out Hedis, out koa ninin onen meatin keil koa umat uva amul ien.  
\v 19 Kitis lat tounah keil komul kolesi, asa koa hekur out en avong kosa ral min asa koa hemai hekistal en avong koa hemai veah. \x + \xo 1:19 \xt Aes 48:6; Dan 2:28,29,45; Rev 1:1; 22:6\x*  
\v 20 Aneite ten rendemien suai usil hitu oulu (7) koa kolesi amul en hek matu vi tatavolien usil sios oulu ten out Esia. \fig Laet oulu (7) avi tatavolien usil angelo oulu koa alei kokoe sios oulu ten out Esia.|alt="Seven golden lampstands lit" src="WA04002b.tif" size="col" copy="Graham Wade, authorized by United Bible Societies, 1989" ref="1:20" \fig* Ka laet oulu ekek koa vi gol, keil avi tatavolien usil angelo oulu koa alei kokoe en sios keil enek.”\x + \xo 1:20 \xt Rev 1:16; 2:1; 3:1\x*   
\c 2  
\s1 Selkatien va min sios ten out Efeses  
\p
\v 1 Iesu viteni minau vit, “Kitis selusien koanik heha min \w angelo\w* koa lei kokoe en sios ten out Efeses kihit:  
\p “Koanik selkatien koa ka ven kei koa vuli kat hitu oulu (7) mul en hen matu ka kei koa mual luhu en gol laet oulu (7).\x + \xo 2:1 \xt Rev 1:16,20; 3:1\x*  
\v 2 Nalei kilea en umen takeih onami ka nalesi mukave mikur sakvisien keil ral min rendemien koa taveah. Nakilea keke milei sesein koakeil amusil tisaen. Koakeil avit avi \w eiloheh\w* keil onak ka arvitei anatin, kami milei rahit moulien one ka mivotini keke keil avi uti luvosien. \x + \xo 2:2 \xt Rev 3:1,8,15; 1Sion 4:1\x*  
\v 3 Nakilea mun keke mikur sakvisien keil ral min rendemien koa taveah. Mikur mahien houlu ven isok, ka en demkatien onami, mimulomal keih veah, avemi romahtei.   
\p
\v 4 “Ka tounah ekek nakur kati va kat kami: milokovein envatien koa, mulamu, mirie lati minau ka min meatin sav keil.  
\v 5 Mihendem kat sakien ten envatien koa mirie lati mulamu, ka mihelei kilea keke kosa mimul soutin ranau ka mirrie lattei mun sakien ten envatien. Sakini, mihiles ran tisaen onami enek ka mihoumon sakien keil koa hesuval asa mimumoni mulamu. Munak mihermumontei, nimai ven kami ka nikulat laet onami ran vulin. \x + \xo 2:5 \xt Rev 2:16,22; 3:3,19\x*  
\v 6 Ka koanik nalesi mimumoni mal: tinomi katiat kat sakien onen koakeil amusil hihiseien onen Nikolai\f + \fr 2:6 \ft Nikolai mul visein meatin keil keke aven meatin ka ninin koa mul ien, luteteisav. Sakini, tisaen vasi keil koa meatin mul mumoni ral min aven sakras vasakin en ninin onen vahilehilu.\f* suval koa inau mun tinok kati. \x + \xo 2:6 \xt Sam 139:21\x*   
\p
\v 7 “!Munak ralingomi mul, mihetaengon selusien koa Ninin mul viteni va min sios keil! En vaeen ten demkatien, koakeil amulomal keih, nimaen keil ian heite ten vatiai ten moulien ten lisenges koa moul en ah esen Ahi.” \x + \xo 2:7 \xt Sen 2:9; 3:22,24; Rev 22:2,14; Sen 2:8; Esek 28:13; 31:8,9\x*   
\s1 Selkatien va min sios ten out Samerna  
\p
\v 8 Evus, Iesu vit risi minau vit, “Kitis selusien koanik heha min \w angelo\w* koa losil kat sios ten out Samerna kihit:  
\p “Koanik selkatien onen tai koa sakin tounah vasi mul ka hesakini hevuol eris; kei koa mat ka moul eris ran matien. \x + \xo 2:8 \xt Aes 44:6; 48:12; Rev 1:17; 22:13\x*  
\v 9 Nakilea keke sakvisien keil onami houlu ka tounah onami tovuol en out netan veni mimusil kat inau. Ka en usite ten demkatien onami, tounah onami avi houlu. Nakilea keke vangi meatin tai avit avi Siu kati ka amul asel kutut kat kami. Ka inau nales keil suval arvitei Siu anatin. Vuo. Keil avi vangi meatin tai onen \w Temat|lemma="Setan"\w*. \x + \xo 2:9 \xt Tiem 2:5; 2Kor 11:14,15; Rev 3:9\x*  
\v 10 Minametauntei mahien keil koa vesesal mivahisu eni. !Mihetaengoni! Hervitei tuetin, Temat hesakin ison kami koa miheha en eim takeih keke mihekur sakvisien keil. Mihelonge hetisa ten avong halualim (10) ka miheles mihendem kat inau. Mihelomal hekeih ven inau, avaseini munak sakvisien keil koa mikuri houmon kami mihetokol matien onami. Hemukonek, nisan uite ten demkatien min kami koa vi moulien ten lisenges. \x + \xo 2:10 \xt Dan 1:12,14; Tiem 1:12\x*   
\p
\v 11 “Munak ralingomi mul, mihetaengon asa koa Ninin mul viteni va min sios keil. En vaeen ten demkatien, koakeil amulomal keih, keil irmattei mun en matien koa elu ten lisenges.” \x + \xo 2:11 \xt Rev 20:14; 21:8\x*   
\s1 Selkatien va min sios ten out Pergamam  
\p
\v 12 Evus, Iesu vit risi minau vit, “Kitis selusien koanik heha min \w angelo\w* koa lei kokoe en sios ten out Pergamam kihit:  
\p “Koanik vi selkatien onen tai koa kur naef koa kan lualu. \x + \xo 2:12 \xt Aes 49:2; Hib 4:12; Rev 1:16; 2:16; 19:5\x*  
\v 13 Nakilea out kave miro ien, taon koa hiasuvien onen \w Temat|lemma="Setan"\w* mul ien. Mukos, kami mivi anatin minau ka mirlokoveintei demkatien onami. Anatin, mimulomal keih en out koa keihoen onen Temat mul ien, avaseini miro en avong koa meatin keil ten out keisom amu vini Antipas, koa musil kat nau ka vitehiten more longlongien usil nau lises.   
\p
\v 14 “Ka tounah ekek nakur kati va kat kami: mimaen tei en kami amusil vati hihiseien keil koa asuval hihiseien keil onen \w Balaam\w* telamu.\x + \xo 2:14 \xt Nam 31:16; 25:1-2; Siud 1:11\x* Kei visein asuv houlu Balak mukave valamun me-Isrel keil avamot en tisaen en sakien koa avaan anien koa asani tuai va min nana keil ka avoum vatisa vatal min ahin keil.  
\v 15 Ka kami mimusil vati hihiseien keil koa amukonek koa Nikolai\x + \xo 2:15 \xt Rev 2:6\x* mul vihiseini.  
\v 16 !Sakini, kosa, mihiles ran tisaen keil onami! Munak mihervilestei ran hihiseien keil enek, hervitei tuetin, inau nimai ven kami ka nivae kat kami hetal mari naef koa mul kistal ka en ongok. \x + \xo 2:16 \xt Rev 3:11; 22:7,12,20; Aes 49:2; Rev 1:16; 2:12; 19:15\x*   
\p
\v 17 “!Munak ralingomi mul, mihetaengon selusien koa Ninin mul viteni va min sios keil! En vaeen ten demkatien, koakeil amulomal keih, inau nisan tei manna koa mul suai.\f + \fr 2:17 \ft Siu keil amundemi avit navong Ahi heling hiasuvien onen en out netan, hesan manna koa Mosis ling suaini keke meatin keil onen iani.\f* Ka nisani mun hetetai min keil ahat tamuoh koa amutis eis hau tai mul ien. Kei nges koa kuri ilea en eis koa mul ien, ka meatin sav keil iteingeingeni.” \x + \xo 2:17 \xt Sam 78:24; Aes 62:2; 65:15; Rev 3:12\x*   
\s1 Selkatien va min sios ten out Taeatira  
\p
\v 18 Evus, Iesu vit risi minau vit, “Kitis selusien koanik heha min \w angelo\w* koa lei kokoe en sios ten out Taeatira kihit:  
\p “Koanik selkatien koa ka ven Natin Ahi, koa meten vihil keih imok suval ahang,\x + \xo 2:18 \xt Dan 10:6; Rev 1:14-15; 19:12\x* ka koa alen tanetan vihil suval oai ten vane.\x + \xo 2:18 \xt Rev 1:14-15\x*  
\v 19 Nakilea en asa kami mimumoni. Nalei kilea en envatien onami, demkatien onami, umen onami, ka mukave mikur sakvisien keil ral min rendemien koa taveah. Nalei kilea keke kosa, mimum houlu mulin tounah koa mimumoni navong mikur rohtoh en demkatien onami.   
\p
\v 20 “Ka tounah ekek nakur kati va kat kami: mimaen ahin koa sakien onen suval Sesebel telamu vato vatal kami. Kei mul vise sasen eni vit vi \w provet\w* onen Ahi. Hihiseien keil onen mul luvos eiloheh onak keil keke tahosis umon sakien ten hoeasoen ka ian anien koa asani tuai min nana keil. \x + \xo 2:20 \xt 1Ki 16:31; 2Ki 9:22; Nam 25:1-2; Rev 2:14\x*  
\v 21 Inau nasan avong veni keke vahiles ran tisaen onen, ka kei en rovattei vahiles ran sakien ten hoeasoen onen.  
\v 22 Mihelei kat revi kami, inau nisan mesaien tai koa marite min ahin enek keke hetos en vulin. Ka munak koakeil amum tisa ral mini irvilestei ran sakien keil one, keil emun ilonge hetisa hehi houlu mok hetal mini.  
\v 23 Inau nu vini meatin keil amusili. Hesakini, meatin keil ten sios vasi keil ilea suk keke inau enges nakilea rendemien ka envatien onen meatin vasi. Ka ilea mun keke nisani tetai min kami housil asa koa kei mumoni. \x + \xo 2:23 \xt Sam 7:9; Pro 24:12; Ser 11:20; 17:10; Sam 62:12; Pro 24:12; Ser 17:10; Rom 2:6; 2Tim 4:14; Rev 18:6; 20:12,13\x*   
\p
\v 24 “Ka kami sav ten out Taeatira mirmusiltei hihiseien tatisa keisom. Kami misesein hihiseien enek koa meatin sav keil avise en ‘marmari ileilien keil onen \w Temat|lemma="Setan"\w*.’ Min kami, nirling etai mun mengkatien koa meas.  
\v 25 Mihehuli kat mengkatien enges koa mikuri tuai hetokol avong nimai ris. \x + \xo 2:25 \xt Rev 3:11\x*   
\p
\v 26 “En vaeen ten demkatien, koakeil amulomal keih ka amules amumon umen keil onak hetokol avong nimai ris eni, inau nisani min keil keihoen keke ilosil kat kantri keil. \x + \xo 2:26 \xt Sam 2:8,9; Rev 12:5\x*   
\p
\v 27 “Anatin, nisani min keil, keihoen ten losilkatien suval koa Tata onak sani minau, suval koa avit,  
\q1 \qt ‘Losilkatien one hekeih imok.\qt*  
\q1 \qt U lin koakeil vasi avit avavae vatal min keil.\qt*  
\q2 \qt Uas keil hesuval kilas koa amu pahasi vi soksokeite.’\qt* \rq Sam keil 2:9\rq*   
\m
\v 28 Ka nisani mun min keil Melan, hitu ten visokon.\f + \fr 2:28 \ft Hitu koa avise en Melan mul vihil keih navong vesesal out valan. Kei vi tatavolien usil hatkatien min Kristin keil koa ilomal hekeih en mankoli ten sakvisien keil veni laet ten amairisien onen Iesu Kristo mul mai vesesal.\f* \x + \xo 2:28 \xt Rev 22:16\x*  
\v 29 !Munak ralingomi mul, mihetaengon selusien koa Ninin mul viteni va min sios keil!”   
\c 3  
\s1 Selkatien va min sios ten out Sardis  
\p
\v 1 Iesu viteni mun vit, “Kitis selusien koanik heha min \w angelo\w* koa lei kokoe en sios ten out Sardis kihit:  
\p “Koanik vi selkatien onen tai koa ro ral min Ninin oulu (7) koa mul en meten Ahi ka koa vuli kat hitu oulu (7). \x + \xo 3:1 \xt Rev 1:4; 4:5; 5:6; 1:16,20; 2:1; 2:2; 3:8,15\x* \f + \fr 3:1 \xt Rev 1:20 \ft mul viteni vit hitu oulu vi tatavolien ten angelo oulu.\f* Nakilea en tounah vasi kami mimumoni. Avaseini meatin keil amundemi avit demkatien onami moul mules, ka inau nakilea keke demkatien onami mul mat.  
\v 2 !Sakini, alle almea! Mihoumon demkatien koa mivuli kati veah mules hekeih tamun. Munak hermukteinek, demkatien enek hemat vasi varei. Veni navotini keke hati tounah koa mimumoni rotahostei veah en meten Ahi.  
\v 3 Sakini, mihendem kat hihiseien keil koa milonge ka mikur kati tuai. Mihehiles ran tisaen keil onami ka mihelong kati. Munak miheles mihematil en demkatien onami, nimai ris en avong koa miherkileatei hesuval tarhena tai ka nilei rahit usite onami. \x + \xo 3:3 \xt Rev 2:5,16,22; 3:19; Mat 24:43-44; Luk 12:39-40; 1Tes 5:2,4; 2Pit 3:10; Rev 16:15\x*   
\p
\v 4 “Ka kami teis en out Sadis milei kat revi moulien onami suval mimusin en eisin koa mutolas. Keil enges avinvin en meten Ahi keke avoual vatal minau en eisin tamuoh. \x + \xo 3:4 \xt Siud 1:23\x*  
\v 5 Koakeil emun amulomal keih en vaeen ten demkatien, keil isin en eisin tamuoh hemukonek. Inau nirsahul lintei ise ran Tus ten Moulien. En meten Tata onak ka angelo keil onen, inau nihit lati keke avi onak. \x + \xo 3:5 \xt Rev 3:18; 4:4; 6:11; 7:9,13; 19:14; Eks 32:32,33; Sam 69:28; Rev 17:8; 20:15; Eks 32:32,33; Sam 69:28; Dan 12:1; Plp 4:3; Rev 13:8; 17:8; 20:12,15; 21:27; Mat 10:32; Luk 12:8\x*   
\p
\v 6 “!Munak ralingomi mul, mihetaengon asa koa Ninin mul viteni va min sios keil!”   
\s1 Selkatien va min sios ten out Piladelvia  
\p
\v 7 Iesu vit risi minau vit, “Kitis selusien koanik heha min \w angelo\w* koa lei kokoe en sios ten out Piladelvia kihit:  
\p “Koanik vi selkatien onen kei koa vi votut ka vi anatin, koa kur kat ki ten hiasuvien onen asuv houlu \w Deved\w* telamu. \qt ‘Navong kei seh voiteh, meatin tovuol kilea voteh eni; ka navong koteh eni, meatin tovuol kilea vaseha.’\qt* \rq Aesea 22:22\rq*\x + \xo 3:7 \xt Siob 12:14\x*   
\p
\v 8 “Nakilea en tounah koa mimumoni. Avaseini keihoen havivi mul en kami, mimusil kat hihiseien keil onak ka mirmuun koetei keke mivi onak. Naseh voiteh tai keke mihekaka mihekistal ien, koa meatin sakras voteh eni. \x + \xo 3:8 \xt Rev 2:2; 3:1,15; 1Kor 16:9\x*  
\v 9 !Mihetaengoni! Koakeil amul amusil kat sakien matu onen Siu keil ka avit avi Siu anatin, keil amules amusil kat rendemien onen \w Temat|lemma="Setan"\w* ka umai amul aluvos meatin keil houlu. Inau nisakin keil imai itetengeiril en metomi ka ihouhou min kami, ka ilea suk keke envatien onak mul en kami. \x + \xo 3:9 \xt 2Kor 11:14,15; Rev 2:9; Aes 45:14; 49:23; 60:14; 43:4\x*   
\p
\v 10 “Veni milong kat mengkatien keil onak lises ral min rendemien koa taveah en sakvisien keil, inau nikur koe kami en avong takeih koa hemai vasak vis meatin keil ten out netan. \x + \xo 3:10 \xt Luk 21:19; 2Tim 2:12; Hib 10:36\x*  
\v 11 Nimai hervitei tuetin, sakini mihehuli kat demkatien onami hekeih. Hemukonek, minamaentei meatin etai namai nahenan more uite ten demkatien ran kami.\f + \fr 3:11 \xt Rev 2:10 \ft vit uite ten demkatien vi moulien ten lisenges.\f* \x + \xo 3:11 \xt Rev 2:16; 22:7,12,20\x*  
\v 12 Koakeil amulomal keih en demkatien one, nisakin keil imai ihi vatiseng en Eim Votut onen Ahi onak, ka ito eni lises. Nitis kat isen Ahi en keil, hetal min isen taon onen koa vi \w Serusalem\w* Hau koa hemita netan ran out nesa. Inau nitis eis hau onak emun hel en keil. \x + \xo 3:12 \xt Rev 14:1; 22:4; Esek 48:35; Rev 21:2; Aes 62:2; 65:15\x*   
\p
\v 13 “!Munak ralingomi mul, mihetaengon selusien koa Ninin mul viteni va min sios keil!”   
\s1 Selkatien va min sios ten out Laodisia  
\p
\v 14 Iesu vit risi minau vit, “Kitis selusien koanik heha min \w angelo\w* koa lei kokoe en sios ten out Laodisia kihit:  
\p “Koanik selkatien onen kei koa vi Anatin, tounah koa viteni anatin ka akilea avandesini. Kei vi vatte ten tounah keil vasi koa Ahi mumoni. \x + \xo 3:14 \xt Rev 1:5; 19:11; Pro 8:22; Sion 1:3; Kol 1:15\x*  
\v 15 Nakilea en tounah koa kami mimumoni. Nalei kilea keke mirmandiltei ka mirmutintei. !Ek vati mok vahit mivasuval etai en keilu! \x + \xo 3:15 \xt Rev 2:2; 3:1,8\x*  
\v 16 Ka veni kami mimules mimukonesek, mirmutintei ka mirmandiltei, inau nikus seha kami ran ongok.  
\v 17 Kami mivit, ‘Tounah onomai houlu ka mero en amas, mertamureitei en etai tounah.’ !Ka kami mireingeingeni mivinvin enges keke meatin sav en vamahis kami ka valei kilea mivi meatin maru enges! En meten Ahi mivi livere enges, mikaka hon, ka metomi var. \x + \xo 3:17 \xt Hos 12:8\x*  
\v 18 Sakini nasel kat kami keke mihehuli ranau gol, eisin tamuoh ka meresin ten amet. Gol koa mihehuli ranau hetolas, hesakin kami mihilelau en tounah keil ten out nesa. En eisin tamuoh ten maluen, mihesin koe avemi keke minamemoutei mun ven kakahonien onami. Ka en meresin ten amet, mihekumi heha en metomi ten demkatien hesakini mihelele revi. \x + \xo 3:18 \xt Rev 3:5; 4:4; 6:11; 7:9,13; 19:14; 16:15\x*   
\p
\v 19 “Koakeil envatien onak mul en keil, naralimal en keil ka namulelas keil. Sakini, rendemien onami hekeih keke mihehiles ran tisaen keil onami. \x + \xo 3:19 \xt Pro 3:12; 1Kor 11:32; Hib 12:6; Rev 2:5,16,22; 3:3\x*  
\v 20 !Mihetaengoni! Inau narosin tetai en kami suval namulomal en voiteh ka namul navise kami. Munak mihelong rek ka mihemai mihesehen voiteh ten moulien onami minau, inau nimai neim ka nianian hetal min kami, ka kami mun miheanian hetal minau. \x + \xo 3:20 \xt Sion 14:23\x*  
\v 21 En vaeen ten demkatien, koakeil amulomal keih, inau nimaen keil itondan en usite ten vuluk ten keihoen, hesuval etin koa inau mun namulomal keih en vaeen ten demkatien, ka kosa, namul narondan en usite matu ten vulin ten keihoen onen Tata onak.   
\p
\v 22 “!Munak ralingomi mul, mihetaengon selusien koa Ninin mul viteni va min sios keil!”   
\c 4  
\s1 Tounah keil en out nesa asan masmasien min Ahi  
\p
\v 1 Navong nakur selusien koanek evus, nales leisanien tamun. En leisanien enek nales voiteh seha en out nesa. Ka rea koa naraengoni mulamu koa musel keih suval amaru, kei vit, “Amai keie, ka nitie minuk asa hekur out en avong koa hemai veah.” \x + \xo 4:1 \xt Eks 19:20,24; Dan 2:28,29,45; Rev 1:1,19\x*  
\v 2 Hatte tas, Ninin onen Ahi sienau ka nales tai koa mul rondan en vulin ten keihoen en out nesa. \x + \xo 4:2 \xt 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:9; 5:1,7,13; 6:16; 7:10,15; 19:4; 21:5\x*  
\v 3 Aven vihil suval ahat keil koa merentas koa avise en saspa ka karnilian. Ka mul rahit vulin ten keihoen, mitiet vihil suval ahat koa merendas koa avise en emeral. \x + \xo 4:3 \xt Esek 1:26-28\x*  
\v 4 Ka rahit mari vulin ten keihoen enek, nales out sav keil tatondanien hanumau tai ka ehat (24). Ka elda hanumau tai ka ehat (24) amul en keil ka amusin en eisin tamuoh ka vatluvoluv ten hiasuvien koa vi gol mul en vatie. \x + \xo 4:4 \xt Aes 24:23; Rev 3:5,18; 6:11; 7:9,13; 19:14\x*  
\v 5 Ahil mul vil ka voulul mul mut ka muroh ka en mari vulin ten keihoen onen Ahi. Ka en out enek, en meten kei koa mul en mari vulin enek, ahang oulu (7) amul amukan en ai keil teni. Ahang keil enek avi ninin oulu onen Ahi. \x + \xo 4:5 \xt Eks 19:16; Esek 1:13; Rev 8:5; 11:19; 16:18; Esek 1:13; Sak 4:2; Rev 1:4; 5:6\x*  
\v 6 Ka netan en mari vulin ten keihoen enek nalesi suval atas koa mutolas ka mekaikai. Anatin, nalesi vi aet ka vilahil suval kilas. \x + \xo 4:6 \xt Esek 1:22; 10:14\x*  
\p Nales tounah ehat (4) koa amoul amul en usite ehat ten vulin enek, ka mete ka vasi ave.  
\v 7 Koa tai en keil nalesi suval laeon. Koa elu en keil nalesi suval bul. Koa etel en keil nales veinan suval meatin. Ka koa ehat en keil nalesi suval veivakum koa mul muka.  
\v 8 Keil en tai, apoue ahetai (6) koa mete keil mul neim ka hae.\x + \xo 4:8 \xt Aes 6:2; Esek 1:18; 10:12\x* Vongien ka meneai keil armusehtei en souen one koa vit:  
\q1 “Votut, votut, votut,  
\q2 vi Ahi Asuv ten Keihoen.\x + \xo 4:8 \xt Aes 6:3; Amos 3:13; 4:13; Rev 1:8; 11:17; 15:3; 16:7,14; 19:6,15; 21:22\x*  
\q1 Kei mul kosa, mul mulamu,  
\q2 ka hel en avong hemai hekistal veah.”\x + \xo 4:8 \xt Aes 41:4; Eks 3:14; Rev 1:4,8; 16:5\x*   
\p
\v 9 Tounah ehat (4) enek koa amoul amules amusau en souen keil ten hetetamenien, ten houhouen ka ten masmasien va min kei koa rondan en mari vulin ten keihoen, min kei koa moul lises ka lisenges. Ka navong amumoni mukonek, \x + \xo 4:9 \xt 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:2; 5:1,7,13; 6:16; 7:10,15; 19:4; 21:5; Dan 4:34; 6:27; 12:7\x*  
\v 10 elda keil hanumau tai ka ehat (24) uva netan min kei koa rondan en mari vulin ten keihoen, min kei koa moul lises ka lisenges. En masmasien, keil ason vatluvoluv one netan veni ka avit,   
\q1
\v 11 “!O Ahi, keik kovi Asuv onomai!  
\q1 Kovinvin keke mehouhou minuk,  
\q2 ka melei kilea hetetamenien ka keihoen onom  
\q2 veni komumon tounah vasi keil.  
\q1 Anatin, musil rendemien onom,  
\q2 kosakin tounah keil akikistal ka amoul.”   
\c 5  
\s1 Alekat tai koa vinvin vahuli selusien usil tounah keil koa hemai veah  
\p
\v 1 \fig Pepa koa apil kati en siil oulu (7).|alt="scroll" src="Birney Boyd scroll-BB.tif" size="col" copy="Birney Boyd" ref="5:1" \fig*Navong nales tounah keilek evus, nales kei koa mul rondan en vulin ten keihoen mul vuli kat pepa tai en hen matu koa selusien mul en usite keilu teni. Arei kati ka apil kati en siil oulu (7).\f + \fr 5:1 \ft Mulamu, navong hetetamen tai mutis leta tai, kei pil kat leta enek en wax ten kandel koa mai kur ‘siil’ onen navong rang kati en ring koa isen mul ien. Mukonek, meatin koa kur leta enek helei kilea isei sani mini ka helei kilea munak meatin sav tai kum vasi tuai.\f* \x + \xo 5:1 \xt 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:7,13; 6:16; 7:10,15; 19:4; 21:5; Aes 29:11; Esek 2:9-10\x*  
\v 2 Ka nales hetetamen tai onen \w angelo\w* keil, kei visohiso en rea tai koa keih imok vit, “?Isei vinvin vakum vahas siil keil, valuv lin pepa, ka vahuli selusien teni?”  
\v 3 Ka arvotin etai meatin en out nesa vuo en out netan vuo en huinev ten atan koa vinvin vakum vahas siil keil ka vahuli selusien koa mul en pepa enek.  
\v 4 Sakini namis roha veni asakras avahotin meatin etai koa vavinvin valuv lin pepa ka vahuli selusien keil koa amul ien.   
\p
\v 5 Evus, tai en elda keil mai ka viteni minau vit, “Konouaitei. Kilesi, kei koa avise en laeon ten vatiamal onen Sudah mul mai. Kei vi havin asuv houlu \w Deved\w* tai ka mul kur hiasuvien onen. Ka en vaeen ten demkatien, kei mulin Temat tuai. Kei enges vinvin vakum vas siil keil ka valuv lin pepa enek.” \x + \xo 5:5 \xt Sen 49:9-10; Aes 11:1,10; Rev 22:16\x*   
\p
\v 6 Evus nales kei koa mae lat moulien onen suval etin sipsip ten sanien votut. Kei mulomal vesesal ven vulin ten keihoen, luhu en elda keil ka tounah ehat (4) koa amoul. Nalesi suval amu vini tuai, ka moul eris ran matien mules. Hon ten keihoen onen oulu (7) ka meten emun oulu. Meten oulu enek avi ninin oulu onen Ahi koa sila keil uva aka vasi out netan. \x + \xo 5:6 \xt Aes 53:7; Sion 1:29,36; Rev 5:12; 13:8; Sak 4:10; Rev 1:4; 4:5\x*  
\v 7 Kei koa suval sipsip va min kei koa rondan en mari vulin ten keihoen ka kur pepa ran hen matu. \x + \xo 5:7 \xt 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,13; 6:16; 7:10,15; 19:4; 21:5\x*  
\v 8 Navong va kuri, tounah ehat (4) koa amoul ka elda hanumau tai ka ehat (24) uva netan mini. Tetai en keil akur kat harp ka more pesin koa amumoni en gol. En pesin keil enek amunit tounah koa vite tahos ien koa vi hisien keil onen meatin keil onen Ahi. \x + \xo 5:8 \xt Sam 141:2; Rev 8:3,4\x*  
\v 9 Keil amusau en souen hau tai\x + \xo 5:9 \xt Sam 33:3; 40:3; 96:1; 98:1; 144:9; 149:1; Aes 42:10; Rev 14:3\x* avit,  
\q1 “Keik kovinvin kovakur pepa koanek  
\q2 ka kovakum vas siil keil teni.  
\q1 Kovinvin veni amu vinik, ka ram vul lat meatin keil keke avi onen Ahi.  
\q2 Anatin, kovul lat meatin ran vatiamal vasi keil ka ran selusien vasi keil,  
\q2 ran kantri vasi keil ka ran meatin tateisav vasi keil emun.\x + \xo 5:9 \xt Eks 19:6; Aes 61:6; 1Pit 2:5,9; Rev 1:6; 20:6; 22:5\x*   
\q1
\v 10 Komumon keil umai avi vangi meatin keil  
\q2 koa hiasuvien onen Ahi mul en moulien one.  
\q1 Keik kosakin keil amum veni suval \w pris\w* keil onen,  
\q2 ka ilosil kat out vasi netan.”   
\p
\v 11 Navong namul nalele, nalong ren angelo keil koa avi houlu vis avi houlu mok, meatin sakras vahul vasin keil. Keil amul rahit mari vulin ten keihoen, tounah ehat (4) koa amoul ka elda keil emun. \x + \xo 5:11 \xt Dan 7:10; Hib 12:22\x*  
\v 12 Angelo keil amusau roha avit,  
\q1 “Mevati lat isen kei koa amu vini suval sipsip ten sanien votut tai,  
\q2 koa moul eris ran matien.  
\q1 Kei vinvin keke hekur keihoen ten hiasuvien, meteisauen, hetetamenien, ka ihilelau en tounah vasi,  
\q2 ka hekur houhouen, tahosien, ka eis koa nesa vis nesa mok.”\x + \xo 5:12 \xt 1Kron 29:11; Aes 53:7; Sion 1:29,36; Rev 5:6; 13:8\x*   
\p
\v 13 Evus, nalong rea onen tounah vasi keil koa amoul amusau: koakeil ten out nesa ka ten out netan; koakeil ten huinev ten atan ka en atas.\x + \xo 5:13 \xt 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7; 6:16; 7:10,15; 19:4; 21:5\x* Anatin, nalong keil vasi amul amusau avit,  
\q1 “!Hetetamenien ka keihoen mul  
\q2 en kei koa rondan en mari vulin ten keihoen  
\q2 ka en kei koa suval sipsip ten sanien votut!  
\q1 !Keilu luvinvin keke luvakur  
\q2 masmasien ka houhouen onomai  
\q2 lises ka lisenges!”   
\m
\v 14 Navong aviteni mukok, tounah ehat (4) koa amoul avit, “!Anatin eli!” Ka elda vasi keil uva netan ka avati lat isealu.   
\c 6  
\s1 Kei koa suval sipsip kum vahas siil keil koa sakin mahien keil akur out  
\p
\v 1 Evus, nales kei koa suval sipsip ten sanien votut kum vas tai en siil koa avi oulu (7). Navong kum vasi, naraengon tai en tounah ehat (4) koa amoul selus en rea tai koa keih suval voulul vit, “!Amai!”  
\v 2 Navong nalele, nales hos tamuoh tai. Kei koa rondan eni vuli kat hisuput, ka en vatin aling vatluvoluv ten hiasuvien. Kei muloh va keke vavae vali koakeil vasi avi vativieh ral mini. \x + \xo 6:2 \xt Sak 1:8; 6:3,6; Rev 19:11\x*   
\p
\v 3 Evus, kei koa suval sipsip kum vas siil koa elu en keil. Navong kum vasi, naraengon koa elu en tounah ehat (4) koa amoul viteni vit, “!Amai!”  
\v 4 Ka hos tamun koa vilhili kistal. Kei koa rondan eni, asan keihoen mini vasakin vaeen keil ikikistal en out netan keke meatin keil avou vini keil eris. Sakini, asan mari naef tai tavaeen mini. \x + \xo 6:4 \xt Sak 1:8; 6:2\x*   
\p
\v 5 Evus, kei koa suval sipsip kum vas siil koa etel (3) en keil. Navong kum vasi, naraengon koa etel (3) en tounah ehat (4) koa amoul vit, “Amai!” Ka navong nalele, nales hos tamun koa vopoli kistal. Kei koa rondan eni vuli kat sikel tai en hen. \x + \xo 6:5 \xt Sak 6:2,6\x*  
\v 6 Rea tai musel ka nalonge suval kistal luhu en tounah ehat (4) koa amoul. Kei viteni mini vit, “Kiha kisakin anien hervinvintei en out netan keke meatin houm avong tamu tai keke vahul anien koa havivis. Ka konapuruntei nei \w olip\w* keil vuo nei grep keil koa amumon oel ka uaen en heite keilu.”   
\p
\v 7 Evus, kei koa suval sipsip kum vas siil koa ehat (4) en keil. Navong kum vasi, naraengon koa ehat (4) en tounah koa amoul vit, “Amai!”  
\v 8 Ka navong nalele va, nales hos tai koa kala teni tisa suval tounah koa mat vo. Kei koa rondan ien, isen Matien, ka tamun koa avise en Hedis mul musil kati. \x + \xo 6:8 \xt Rev 1:18\x* Ka en meatin vasi keil ten out netan, Ahi mae lat hati tai en keil min keilu keke lukilea luvou vinvini keil en vaeen, vuo en amai, vuo en mesaien, vuo en tirendan keil. Ka hatte koa etel (3) en meatin keil lurrokoltei. \x + \xo 6:8 \xt Ser 14:12; 15:3; Esek 5:12,17; 14:21; 33:27\x*   
\p
\v 9 Evus, kei koa suval sipsip kum vas siil koa elim (5) en keil. Navong kum vasi, nalele hehen \w ahor ten sanien|lemma="Ahor ten sanien votut"\w*, ka nales ninin onen meatin keil koa amu vinvini keil veni asan selusien onen Ahi. Avaseini akur mahien veni, amules avitehiten selusien ten more longlongien usil Iesu.  
\v 10 Keil avisohiso keih min Ahi avit, “!Ahi Asuv ten Keihoen, kovi votut ka anatin! ?Nengeis esuk kilei revi usite onen meatin keil ten out netan koa amu vinvini komai ka kisan mahien min keil?” \x + \xo 6:10 \xt Dut 32:43; 2Ki 9:7; Sam 79:10; Rev 19:2\x*   
\p
\v 11 Sakini, Ahi san eisin tamuoh retai min keil, ka viteni min keil vit, “Tuomi keil koa en demkatien koa avi eiloheh onak, meatin keil ten out netan u vinvini keil suval amumoni min kami. Sakini, miheseh avong havivi ris hetokol avong koa hulhulien ten keil hetokol hulhulien koa inau navat kati.” \x + \xo 6:11 \xt Rev 3:5,18; 4:4; 7:9,13; 19:14\x*   
\p
\v 12 Evus, nales kei koa suval sipsip kum vas siil koa ahetai (6) en keil. Navong kum vasi, mari alu tai mulu en out netan. Meteiai romukantei mun \x + \xo 6:12 \xt Aes 13:10; Esek 32:7,8; Soel 2:10; 3:15; Mat 24:29; Mak 13:24-25; Luk 21:25; Rev 8:12\x* ka out mai vopoli suval eisin ten matien; ka avati mun, maim teni mai vilhili suval ara. \x + \xo 6:12 \xt Soel 2:31; Umen 2:20\x*  
\v 13 Hitu keil umotmot amita en out netan suval hei manggo keil koa armentei veah umotmot navong angu takeih tai kulul lini. \x + \xo 6:13 \xt Aes 34:4\x*  
\v 14 Nales teilang sipasi luhu ka reini rokol keite vasi keilu teni. Vatihou vasi keil, ka aelan keil emun, amemea ran vulie. \x + \xo 6:14 \xt Rev 16:20; 20:11\x*  
\v 15 Navong tounah enek kur out, meatin vasi keil ten out netan uva avato suai en valengeihat keil ka en mari vali ahat ten vatihou keil: asuv houlu keil ten out netan ka hetetamen keil; avat ten meatin keil tavaeen ka koakeil tounah one houlu; koakeil keihoen mul en keil ral min meatin savsav keil; koakeil avi slev ka koakeil emun amaluv. \x + \xo 6:15 \xt Aes 2:10,19,21; Ser 4:29\x*  
\v 16 Keil vasi avisohiso va min hou keil ka apeah ahat keil avit, “!Mihemerang koe komai li keke kei koa rondan en vulin ten keihoen en out nesa nalestei li komai! !Miheav koe komai li keke vurohien onen kei koa suval sipsip nasuttei komai! \x + \xo 6:16 \xt Hos 10:8; Luk 23:30; Rev 9:6; 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 7:10,15; 19:4; 21:5\x*  
\v 17 ?Veni avong ten mari vurohien onealu emai li, ka isei kilea vahisu eni ka vamoul?”\x + \xo 6:17 \xt Soel 2:11; Neh 1:6; Mal 3:2\x*   
\c 7  
\s1 Angelo keil aling metai en me-Isrel tei keil  
\p
\v 1 Katau en tounah keil enek, nales \w angelo\w* ehat (4) amulomal en usite ehat (4) ten out netan. Keitel telring kat angu ehat (4) keke anou lintei tounah keil en out netan, vuo en atas vuo en vatiai etai. \x + \xo 7:1 \xt Ser 49:36; Esek 37:9; Dan 7:2; Sak 6:5; Mat 24:31\x*  
\v 2 Ka nales angelo tateisav tamun mea ran out ist, vuli kat siil koa isen Ahi koa moul mul ien. Kei viso keih va min angelo keil ehat koa Ahi san keihoen min keil avapurun out netan ka atas vit,  
\v 3 “Minapuruntei out netan, atas, vuo vatiai keil hetokol avong meheling metai en veinan eiloheh keil koa avi onen Ahi orer hetal min siil onen.” \x + \xo 7:3 \xt Esek 9:4; Rev 9:4\x*   
\p
\v 4 Ka nakur longlongien ten hulhulien onen koakeil akur metai onen Ahi rokol taosen heite handred tai hanumau elu ka ehat mun (144,000). Koakeil enek aka en mari vatiamal teindan elu (12) ten out Isrel: \x + \xo 7:4 \xt Rev 14:1,3\x*  
\v 5-8 Taosen heite teindan elu (12,000) aka retai en vatiamal vasi keil: Sudah, Ruben, Kat, Aser, Navtali, Manase,\f + \fr 7:5-8 \ft Manase, isen sav vi Dan (\xt Sen 35:26\ft ).\f* Simeon, Livae, Isekar, Sebiulon, Siosep ka \w Bensamin\w*.   
\s1 Meatin keil ten out vasi keil en out netan umai avahou lat isen Ahi  
\p
\v 9 Evus, nalele ka nales vangi meatin keil avi houlu vis avi houlu mok, meatin sakras vahul vasin keil. Vangite keil aka en meatin tateisav vasi keil, en vatiamal vasi keil, en kantri vasi keil, ka en selusien vasi keil. Keil vasi umai amulomal en meten kei koa mul en mari vulin ten keihoen ka en meten kei koa suval sipsip. Amusin en eisin tamuoh, \x + \xo 7:9 \xt Rev 3:5,18; 4:4; 6:11; 7:13; 19:14\x* avuli kat oumeil en he  
\v 10 ka avisohiso keih min keilu avit, “!Memasmas Ahi onomai koa mul rondan en mari vulin ten keihoen ka kei koa suval sipsip ten sanien votut, veni keilu lumutut moulien onomai!” \x + \xo 7:10 \xt 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 6:16; 7:15; 19:4; 21:5\x*   
\p
\v 11 Navong aviteni mukonek, \w angelo\w* vasi keil koa amul rahit mari vulin ten keihoen, elda keil, ka tounah ehat (4) koa amoul, keil umot avita netan min kei koa mul rondan ien, nae rokol atan, ka amasmasi.  
\v 12 Ka navong angelo keil enek amasmasi, avit,  
\q1 “!Anatin eli!  
\q1 !Komai mevati lat isom,  
\q2 ka memasmasuk ka mesan houhouen minuk!  
\q1 !Hetetamenien, meteisauen,  
\q2 hiasuvien, ka keihoen  
\q2 mul en Ahi orer lises ka lisenges!  
\q1 !Anatin!”   
\p
\v 13 Evus, tai en elda keil vis nau vit, “?Meatin keil ekek koa amusin en eisin tamuoh, kokilea keil aka kave?” \x + \xo 7:13 \xt Rev 3:5,18; 4:4; 6:11; 7:9; 19:14\x*   
\p
\v 14 Ka navit kesi mini vit, “Hetetamen, inau nareingeingeni, ka keik kokilea.” \x + \xo 7:14 \xt Dan 12:1; Mat 24:21; Mak 13:19\x*  
\p Sakini kei viteni minau vit, “Meatin keil ekek, keil amulomal keih rokol keite ten mari sakvisien takeih en out netan. Keil akas eisin ome en ran kei koa suval sipsip ka eisin keil ome mai muoh.  
\v 15 Ven koanek, keil amulomal en meten Ahi koa mul en mari vulin ten keihoen onen, ka vongien ka meneai aros ral mini en Eim Votut onen ka uva netan mini. Kei koa rondan en mari vulin ten keihoen helei kokoe en keil. \x + \xo 7:15 \xt 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 6:16; 7:10; 19:4; 21:5\x*  
\v 16 Amai ka maroro herkattei mun keil ka meteiai sisil herkantei mun keil ka saloh herpuruntei keil, \x + \xo 7:16 \xt Aes 49:10\x*  
\v 17 veni kei koa suval sipsip koa mulomal en mari vulin ten keihoen helei kat revi keil. Helamun keil suval meatin mulamun sipsip keil, ka hetie sise min keil iha en vulioai ten moulien. Ka siamet ten mahien keil one, Ahi houul lati ran mete.” \x + \xo 7:17 \xt Sam 23:1; Esek 34:23; Sion 10:11,14; Sam 23:2; Aes 49:10; Ser 2:13; Aes 25:8; Rev 21:4\x*   
\c 8  
\s1 Kei koa suval sipsip kum vas siil koa oulu (7) en keil  
\p
\v 1 Navong kei koa suval sipsip ten sanien votut kum vas siil ekor koa oulu (7) en keil, tounah vasi en out nesa aro raeng avong havivi.  
\v 2 Evus, nales vativar keil onen \w angelo\w* keil koa avi oulu koa amulomal lises en meten Ahi. Ka asan amaru oulu min keil.   
\p
\v 3 Angelo tateisav tamun mai mulomal vesesal ven ahor ten sanien. Kei kur more pesin koa amumoni en gol koa amunit tounah keil koa vite tahos ien. Asan ouai houlu koa vite tahos mini vaniti vatal hisien keil onen meatin keil onen Ahi. Angelo enek kuri valing revi en \w ahor ten sanien votut\w* koa amumoni en gol koa mul vesesal en vulin ten keihoen onen Ahi. \x + \xo 8:3 \xt Sam 141:2; Rev 5:8; 8:4; Eks 30:1-3; Rev 9:13\x*  
\v 4 Kei vou lat pesin en nan Ahi, ka tupas teni vina nesa ral min hisien onen meatin keil onen Ahi. \x + \xo 8:4 \xt Sam 141:2; Rev 5:8; 8:3\x*  
\v 5 Evus, angelo kur pesin ka sieni en menehang koa kuri ran ahor ten sanien votut. Evus, rang lini vita en out netan. Koanik sakin voulul mut ka muroh keih, ahil vil, ka alu mulu keih. \x + \xo 8:5 \xt Lev 16:12; Eks 19:16-19; Rev 4:5; 11:19; 16:18\x*   
\s1 Vativar oulu (7) onen angelo keil asak mesein keil avouh amaru one vasakin mahien keil hekur out  
\p
\v 6 Evus, vativar oulu (7) onen \w angelo\w* keil asak mesein keil avouh amaru one.   
\p
\v 7 Navong vativar koa tai en keil muh amaru onen, amutah merali laklas keil ka ahang koa ara mul ien avita en out netan. Ahang enek kan lin oumunai vasi keil koa amoul en out netan, ka kan lin vatiai keil en hatte koa tai en atan keil en out netan. Ka hatte koa elu eni amules. \x + \xo 8:7 \xt Eks 9:23-25; Esek 38:22\x*   
\p
\v 8 Evus, vativar koa elu (2) en keil muh amaru onen. Navong muhi, tounah tai koa alesi suval mari hou tai koa ahang mul ien, asoni va en atas. Koanek sakin hatte koa tai en atas keil mai vi ara, ka hatte koa elu eni mules. \x + \xo 8:8 \xt Eks 7:20,21\x*  
\v 9 Koanek sakin hatte koa tai en tounah keil koa amoul en atas umatmat, ka hatte koa elu en keil amules. Ka hatte koa tai en sip keil emun koa amul ien avi soksokeite, ka hatte koa elu en keil amules.   
\p
\v 10 Evus, vativar koa etel (3) en keil muh amaru onen. Navong muhi, mari hitu tai koa ahang mul vilhili ien mot ran teilang ka bon hatte koa tai en oaisal ka vulioai keil, ka hatte koa elu en keil amules.  
\v 11 Isen hitu enek vi ‘Kun’ ka sakin hati oai keil enek viles mai kun, ka meatin houlu umatmat veni amun oai takun enek. \x + \xo 8:11 \xt Ser 9:15\x*   
\p
\v 12 Evus, vativar koa ehat (4) en keil muh amaru onen. Navong muhi, tounah tai mai bon hatte koa tai en meteiai, en avati ka en hitu keil emun. Ka hatte koa elu en keil mules. Sakini keil arritintei vasuval mulamu. En hatte koa tai en avong vasi, meneai mai malikelik, ka hatte koa elu eni meneai mules. Ka hatte koa tai en vongien vasi, maim tovuol, ka hatte koa elu eni maim mules. \x + \xo 8:12 \xt Aes 13:10; Esek 32:7,8; Soel 2:10; 3:15; Mat 24:29; Mak 13:24-25; Luk 21:25; Rev 6:12-13\x*   
\p
\v 13 Evus, naseipat ka nales veivakum tai mul muka en mesaiuai. Nalong ren koa viso keih vit, “!Aue li! !Aue li! !O aue li! !Hetisa vis hetisa mok min koakeil amul en out netan navong vativar keitel koa telmules telhouh amaru oneatel!”   
\c 9  
\p
\v 1 Evus, vativar koa elim (5) en keil muh amaru onen. Navong muhi, nales angelo tatisa tai mot mita en out netan suval hitu tai. Asan mini ki ten Vulvul koa keite teni tovuol.\f + \fr 9:1 \ft Vulvul koanik vi eim takeih onen ninin tisa keil navong arosin Avong ten Mari Kot onen Ahi.\f* \x + \xo 9:1 \xt Rev 20:1\x*  
\v 2 Kei mai sehen Vulvul enek, ka tupas houlu kikistal ien suval tupas ten mari ahang tai. Tupas enek sakin meneai ka teilang malikelik. \x + \xo 9:2 \xt Sen 19:28; Eks 19:18\x*  
\v 3 Tounah keil suval kal amita en out netan ran tupas. Keil akur poisen en vatike suval skopion keke avasan mahien houlu min meatin keil navong arili keil eni. \x + \xo 9:3 \xt Eks 10:12,15\x*  
\v 4 Akur mengkatien keke anapurun etai oumunai, vatiai vuo tounah sav keil koa avitehiteh amoul. Ahi maen keil avapurun meatin enges koa arkurtei metai onen en veinae. \x + \xo 9:4 \xt Esek 9:4; Rev 7:3\x*  
\v 5 Avati elim (5), maen kal keil enek asakin meatin keil akur mahien houlu, ka anouastei keil anamatmat. Mahien enek suval mahien navong skopion rili meatin.  
\v 6 En avati elim (5) enek, meatin keil enek ilei kat matien, ka asakras avahotini; anatin, keil e hehati mok avamat, ka matien helohosai ran keil. \x + \xo 9:6 \xt Siob 3:21; Ser 8:3; Hos 10:8; Luk 23:30; Rev 6:16\x*   
\p
\v 7 Kal keil enek, tounah keil mul koe ave suval hos keil koa asak mesein keil ven vaeen. En vatie, nales tounah koa suval vatluvoluv ten hiasuvien koa amumoni en gol, ka veinae, nalesi suval veinan meatin. \x + \xo 9:7 \xt Soel 2:4,5\x*  
\v 8 Hilie tetaveah suval hilin ahin keil, ka lohe kan suval lohon laeon. \x + \xo 9:8 \xt Soel 1:6\x*  
\v 9 En veimase, hilive keih suval eisin ten vaeen koa amumoni en aean. Ka navong amuka, verien ten apoue suval mari verien navong hos keil houlu amuloh aleh kat tavaeen keil uva en out ten vaeen. \x + \xo 9:9 \xt Soel 2:5\x*  
\v 10 Poisen one mul en vatike suval skopion, ka navong arili meatin eni, meatin longe tisa vis tisa mok. Keil uva amul arili purun meatin keil rokol avati elim (5).  
\v 11 Angelo tatisa koa losil kat Vulvul koa keite teni tovuol, kei vi asuv houlu one. En selusien onen me-Isrel keil, isen ‘Abadon,’ ka en selusien onen me-Gris keil, isen ‘Apolion’ koa aneite ten keilu vi ‘meatin tou rasilinien.’   
\p
\v 12 !Aue li! Koanik keite ten avong tatisa tai. !Ka aue, o aue li, hekatau en koanik, avong tatisa elu mun luhemai luhekistal!   
\p
\v 13 Evus, vativar koa ahetai (6) en keil muh amaru onen. Navong muhi, naraengon rea tai kistal ka en usite ehat (4) ten \w ahor ten sanien|lemma="Ahor ten sanien votut"\w* koa amumoni en gol koa mules en meten Ahi. \x + \xo 9:13 \xt Eks 30:1-3; Rev 8:3\x*  
\v 14 Rea enek viteni min vativar koa ahetai (6) en keil vit, “!Kiha ven angelo ehat (4) koa Ahi ling keil amules vesesal en mari Oaisal Upretis, ka kimaen keil iha!”  
\v 15 Ven hati avong enek varei, en avong kati ten avati kati ten sua kati koanek, Ahi ling angelo keil en out enek keke avatosin avong koa hemaen keil iha u vini hatte koa tai en meatin keil koa ten out netan, ka hatte koa elu en keil amules. \x + \xo 9:15 \xt Rev 8:7-12\x*   
\p
\v 16-17 En leisanien onak, nalei revi en hos keil ka koakeil amuloh en keil. Meatin tavaeen keil koa amuloh en hos, nalong hulhulien ten keil vi milian handred elu (200,000,000). Eisin tavaeen one vilhili suval ahang, blu suval atas, ka okohis suval sulfa.\f + \fr 9:16-17 \ft Sulfa vi ahat tai koa vi okohis ka merau. Navong amuniti, ahang teni mutin ramat ka tupas teni vite vo suval rolhat.\f* Vatin hos keil asuval vatin laeon, ka ahang, tupas ka sulfa akistal ran onge.  
\v 18 Mahien keitel ten ahang, tupas, ka sulfa koa kistal ran onge mu vinvini hatte koa tai en meatin keil ten out netan, ka hatte koa elu en keil amules.  
\v 19 Keihoen onen hos keil mul en onge. Ka vatike emun akilea avapurun meatin keil veni vatike suval tetal koa vatin mul.   
\p
\v 20 Meatin keil koa armattei veah ven ahang, tupas vuo sulfa, keil arvilestei ran sakien koa uva netan min nana keil ka tounah sav keil koa amumoni en he. Vuo, amules uva netan min ninin tisa keil ka min nana keil. Anatin, amules uva netan min nana keil koa amumonis en gol, silva, brons, ahat, ka ai koa asakras avalele, asakras avataengon tounah, ka asakras avakaka. \x + \xo 9:20 \xt Dut 32:17; 1Kor 10:19-20; Sam 115:4-7; 135:15-17; Dan 5:23\x*  
\v 21 Arvilestei ran sakien koa amu vini meatin sav keil, sakien ten eimas, sakien ten hoeasoen, ka sakien ten henaien one.\x + \xo 9:21 \xt Rev 16:9,11,21\x*   
\c 10  
\s1 Angelo tai san pepa tai min Sion  
\p
\v 1 Evus, nales hetetamen tamun onen \w angelo\w* keil mita netan ran out nesa. Kei kav koe en mahmah keil ka mitiet tai karahit vatin. Veinan suval meteiai ka alen keilu lusuval ahang koa vilhili vina nesa.  
\v 2 En hen, kei kur kat pepa tai koa avue mules koa selusien mul ien. Ling alen matu va en atas, ka alen koa meil lingi mul en atan.  
\v 3 Evus, viso keih suval makulien onen laeon tai. Navong viso evus, rea oulu (7) muroh keih suval voulul.  
\v 4 Navong rea keil enek selus mukok, inau nasak meseinau keke matisi. Ka naraengon rea tai selus ka nesa vit, “Asa koa voulul viteni en avong oulu (7) enek, kihuli kati hel enuk ka konatis lattei.” \x + \xo 10:4 \xt Dan 8:26; 12:4,9\x*   
\p
\v 5 Evus, angelo koa nalesi mulomal en atas ka en atan mutelan hen matu vina nesa \x + \xo 10:5 \xt Dut 32:40; Dan 12:7\x*  
\v 6 ka mumon hatkatien takeih en isen Ahi, koa moul lises ka lisenges, koa mumon teilang nesa ka out netan, atas ka tounah vasi amul en keil. Angelo viteni vit, “!Anatin eli, Ahi hertountei mun! \x + \xo 10:6 \xt Sen 14:19,22; Eks 20:11; Neh 9:6; Sam 146:6\x*  
\v 7 Ka navong angelo koa oulu (7) en keil uh amaru onen, Ahi houm vasin lingkatien suai keil onen. Houmoni hesuval koa kei vit meseini tuai min \w provet\w* keil koa avi eiloheh keil onen.” \x + \xo 10:7 \xt Dan 9:6,10; Amos 3:7; Sak 1:6\x*   
\p
\v 8 Evus, rea koa naraengoni mulamu selus eris ka en out nesa ka viteni minau vit, “Kiha kikur pepa koa avue tuai mules en hen angelo koa mulomal en atas ka en atan.”   
\p
\v 9 Sakini nuva ven angelo enek ka navisi vasan pepa enek minau. Kei viteni minau vit, “Kikuri ka kiani. En vangom hekun, ka en ongom, kei hekas hesuval hani.” \x + \xo 10:9 \xt Esek 2:8; 3:1-3\x*  
\v 10 Sakini nakur titi pepa enek ran hen ka nakani. Navotini keke kas suval hani en ongok, ka navong nakani evus, kei viles esuk mai kun en vangok.   
\p
\v 11 Evus, aviteni minau avit, “Keik kihit luvat selusien onen Ahi hati tamun usil asa houmoni min meatin tateisav keil koa aka en kantri keil houlu ka selusien keil houlu, ka usil asuv houlu keil.”\x + \xo 10:11 \xt Ser 1:10; 25:30; Dan 3:4; 7:14\x*   
\c 11  
\s1 Ahi sila meatin onen elu keke luvahiten selusien onen  
\p
\v 1 Evus, asani minau ai tai koa nakilea nakur mita eni, ka aviteni minau avit, “Kiha ka kihuli mita ten Eim Votut onen Ahi ka ten \w ahor ten sanien|lemma="Ahor ten sanien votut"\w* teni. Ka kihuli lat koakeil amul uva netan en Eim Votut enek. \x + \xo 11:1 \xt Esek 40:3; Sak 2:1-2\x*  
\v 2 Ka en teahu teni, konahulitei mita teni, veni Ahi sani tuai min koakeil arkileatei kei. Keil imai ihetan en Taon Votut avati hanumau elu ka elu mun (42). \x + \xo 11:2 \xt Sam 79:1; Aes 63:18; Sak 12:3; Luk 21:24; Rev 12:6; 13:5\x*  
\v 3 En avong taosen tai handred elu ka hanumau etel (1,260) enek,\f + \fr 11:3 \ft Avati 42 ka avong 1,260, keilu vasi luvi sua 3 ka hap teni (3½).\f* inau nisan keihoen min provet onak helu (2) koa luheselus usil anatinien onak. Luhesin en eisin tatangien ka nisila keilu keke luheha luheta usil selusien onak min meatin keil.”   
\p
\v 4 Meatin keilu enek luvi vati olip keilu\f + \fr 11:4 \xt Sak 4:11-14 \ft vit usil vati olip keilu koa luvi eiloheh keilu onen Ahi.\f* ka laet elu koa lumulomal en meten Ahi Asuv koa mul losil kat out vasi netan.  
\v 5 Ka munak meatin etai hehit vapurun keilu, ahang hekistal en ongealu ka hean lin koakeil avi vativieh ral min keilu. En sise enek, meatin etai koa hehit vapurun keilu, hemat. \x + \xo 11:5 \xt 2Saml 22:9; 2Ki 1:10; Sam 97:3; Ser 5:14\x*  
\v 6 Luhekur keihoen luvating koe ous keke hermustei hetokol keite ten avong koa luhehit luvat selusien onen Ahi eni. Luhekur keihoen keke lukilea luvahiles oai vasi keil avamai avahi ara. Ka keihoen hel en keilu keke luvailea luvasan mahien savsav keil vapurun meatin keil en out netan en avong vasi koa keilu ealu vati. \x + \xo 11:6 \xt 1Ki 17:1; Eks 7:17,19-20; 1Saml 4:8\x*   
\p
\v 7 Navong luhehit vasin selusien koa Ahi sani min keilu, tirendan tisa tai hemea ran avul koa keite teni tovuol. Kei helin keilu en vaeen ka hou vinvini keilu. \x + \xo 11:7 \xt Dan 7:3; Rev 13:1; 17:8; Dan 7:7,21; Rev 12:17; 13:7\x*  
\v 8 Ka teiai onealu hematil heles en sise ten mari taon ten out Serusalem koa Iesu, Asuv onealu, amuti kati en aiveave eni. Avise mari taon enek en eis suai elu (2) mun: \w Sodom\w* vuo \w Isip\w*. \x + \xo 11:8 \xt Luk 13:34; Aes 1:10\x*  
\v 9 Meatin keil ten kantri vasi, vatiamal vasi, selusien vasi ka vati meatin savsav keil ilei mamah en teiai onealu avong hetel (3) hetokol taviai ten avong sav teni. Keil irmaentei avatahin keilu.  
\v 10 Meatin vasi keil ten out netan isi keil hehi houlu ven matien onealu. Umon mari ale keil ka isa kekes en sanien min keil, veni \w provet\w* keilu enek lusakin mahien houlu akikistal mai en meatin keil ten out netan.   
\p
\v 11 Ka en taviai ten avong ehat (4), Ahi hesan sehien ten moulien min keilu ka luhelomal eris. Ka koakeil ilesi, imaleilei hehi houlu. \x + \xo 11:11 \xt Esek 37:5,10\x*  
\v 12 Evus, provet keilu enek luhetaengon rea tai heka en out nesa hehit, “!Luma nesa ekok!” Ka en meten meatin keil koa avi vativieh ral min keilu, luhehina en out nesa en mahmah tai. \x + \xo 11:12 \xt 2Ki 2:11\x*   
\p
\v 13 En hati avong enesek, mari alu tai helu. Koanik hesakin hatte koa tai en eim keil ten mari taon enek hemerangle, ka hatte koa ouhat (9) eni hetahos heles. Ka meatin keil hetokol taosen oulu (7,000) imatmat. Meatin sav keil koa ilesi imaleilei houlu ka ikur anatin en hetetamenien onen Ahi ten out nesa. \x + \xo 11:13 \xt Esek 38:19-20\x*   
\p
\v 14 !Aue li! Koanik hehi keite ten avong tatisa koa elu (2). !Ka, aue, o aue li, hekatau en koanik, koa etel eni hemai hekistal hervitei tuetin!   
\s1 Angelo muh amaru ekor  
\p
\v 15 Evus, vativar ten \w angelo\w* keil koa oulu (7) en keil muh amaru onen. Navong muhi, naraengon rea keil takeih ka en out nesa aviteni avit,  
\q1 “Kosa, hiasuvien ten losilkatien ten out netan  
\q2 mai mul en hen Asuv orer ka Mesaea onen.  
\q1 Ka hiasuvien teni hel en hen lises ka lisenges.” \x + \xo 11:15 \xt Eks 15:18; Sam 10:16; 22:28; Dan 2:44; 7:14; Oba 21; Sak 14:9\x*   
\p
\v 16 Evus, elda hanumau tai ka ehat (24) koa arondan en titi vulie keil ten keihoen en meten Ahi, keil uva netan mini, nae vita rokol atan ka amul amasmasi.  
\v 17 Amusau mini avit,  
\q1 “!Ahi Asuv ten Keihoen,  
\q2 komul kosa ka komul mulamu!\x + \xo 11:17 \xt Rev 1:8; 4:8; 15:3; 16:7,14; 19:6,15; 21:22\x*  
\q1 Meviten hihuri minuk veni keik korie lat mari keihoen onom  
\q2 ka kumai suk kovalosil kat vasi out netan.   
\q1
\v 18 Koakeil arkileatei keik, tine katiat, \x + \xo 11:18 \xt Sam 2:1; 46:6; Dan 9:6,10; Amos 3:7; Sak 1:6; Sam 115:13; Rev 19:5\x*  
\q2 ka avong ten vurohien onom emai.  
\q1 Koanik vi avong koa kilei rahit usite  
\q2 onen meatin keil umatmat.  
\q1 Koanik vi avong koa kisan ui umen  
\q2 min \w provet\w* keil koa avi eiloheh keil onom,  
\q2 ka min meatin keil onom koa avouhou minuk,  
\q2 koakeil avi hetetamen vita rokol meatin kuren keil emun.  
\q1 !Koanik vi avong kipurun koakeil amul apurun meatin sav keil en out netan!”   
\p
\v 19 Evus, metareh ten Eim Votut onen Ahi en out nesa seha, ka ales Bokis ten \w Hatkatien|lemma="hatkatien takeih"\w* mul ien. Navong metareh seha, ahil vilahil, voulul mut ka muroh, alu mulu, ka merali laklas houlu rivtiv ran teilang.\x + \xo 11:19 \xt 1Ki 8:1,6; 2Kron 5:7; Eks 19:16; Esek 1:13; Rev 8:5; 16:18; Eks 9:24; Rev 16:21\x*   
\c 12  
\s1 Dragon\f + \fr 12:0 \ft Dragon, alesi suval akai ka marite suval lerumrum tai.\f* tai sak visi van titiali onen ahin tai  
\p
\v 1 Evus, nales mari tounah sal tai kistal en teilang koa sakinau namundem usil aneite teni. Ahin tai koa musin en meteiai suval eisin omon, ka avati mul en hehen alen keilu koa rie lati keke hetetamenien onen mariso. Ka vatluvoluv ten hiasuvien mul en vatin koa hitu teindan elu (12) amul ien.\f + \fr 12:1 \ft Ahin enek vi tatavolien usil Sios onen Ahi. Ka hitu keil ekek avi tatavolien usil mari vatiamal teindan elu (12) ten out Isrel.\f*  
\v 2 Ahin enek, vesesal vakur tivava, ka mahien ten hasuen sakini mis houlu. \x + \xo 12:2 \xt Aes 66:7; Maek 4:10\x*   
\p
\v 3 \fig Mari dragon kistal.|alt="Dragon" src="Birney Boyd Dragon.tif" size="col" copy="Birney Boyd" ref="12:3" \fig*Evus, tounah sal tamun kistal en teilang. Mari dragon tai koa vilhili kistal. Vatin oulu (7) ka hon keil onen halualim (10), ka vatluvoluv mul retai en vatin vasi keil. \x + \xo 12:3 \xt Dan 7:7\x*  
\v 4 En avuken, kei mutavis lin hatte koa tai en hitu keil amemea ran teilang ka son keil amita en out netan, ka hatte koa elu en keil amules. Kei mai mul vesesal ven ahin keke kilea van lat tivava onen navong hehasi lati. \x + \xo 12:4 \xt Dan 8:10\x*  
\v 5 Evus, ahin kur tivava tai vi ehon, kei koa helosil kat out vasi netan hetal min keihoen. Ka tivava enek, navong avasi lati, asavul lati ka akur seheni va ven Ahi ka alingi rondan en mari vulin ten keihoen onen. \x + \xo 12:5 \xt Aes 7:14; 66:7; Sam 2:9; Rev 19:15\x*  
\v 6 Ahin enek lohosai va en out volvol, va en out koa Ahi sak meseini tuai veni. Ekonek, ilei kat revi hetokol avong taosen tai handred elu ka hanumau etel (1,260).\f + \fr 12:6 \ft Avong 1,260 vi sua etel ka hap teni (3½). \f* \x + \xo 12:6 \xt Rev 11:2; 13:5\x*   
\p
\v 7 Evus, en out nesa, vaeen kur out. Vativar Maekel ka \w angelo\w* keil onen uvae ral min dragon enek ka angelo onen keil. \x + \xo 12:7 \xt Dan 10:13,21; 12:1; Siud 1:9\x*  
\v 8 Onen Maekel, amulin keihoen onen Dragon ka angelo keil onen, ka armaentei mun avato en out nesa.  
\v 9 Anatin, mari dragon, tetal telamu\x + \xo 12:9 \xt Sen 3:1\x* koa avise en Temat, vuo \w Setan\w*, keil aso lati ran out nesa.\x + \xo 12:9 \xt Sen 3:14-15; Aes 14:12-15; Luk 10:18; Sion 12:31; Rev 20:2\x* Kei koa mul luvos meatin vasi keil ten out netan, vativar Maekel soni mita netan ral min angelo keil vasi onen.   
\p
\v 10 Evus, naraengon rea takeih tai en out nesa viteni vit,  
\q1 “!Kosa, Ahi mutut meatin keil onen ral min keihoen onen!  
\q1 !Kosa, kei vothot en hiasuvien onen ka mita keke valosil kat keil!  
\q1 Kosa, kei ling keihoen koa marite mok en hen Mesaea koa kei rie lati.  
\q1 Veni tai koa mulomal en meten Ahi orer  
\q2 ka mul selus karen isen tuer ka ahiner keil meneai ka vongien, \x + \xo 12:10 \xt Siob 1:9-11; Sak 3:1\x*  
\q2 kosa, aso lati tuai ran out nesa.   
\q1
\v 11 Tuer ka ahiner keil alohlin Temat  
\q2 veni aling demkatien one en kei koa ran mue suval sipsip ten sanien votut tai,  
\q2 ka armemoutei keke avitehiten anatinien teni min meatin sav keil.  
\q1 Keil amundem maen moulien one keke avahati keil vakeih en demkatien keil one,  
\q2 avaseini akur matien veni.   
\q1
\v 12 !Kami vasi koa miro en out nesa,  
\q2 mihesi kami!  
\q1 Ka, aue li, hetisa min kami koa miro en out netan ka en atas,  
\q2 veni Temat vita netan ven kami.  
\q1 Kei vilelau en vurohien,  
\q2 veni kilea keke avong onen tamurei sesuk.”   
\p
\v 13 Navong dragon lei kilea keke asoni tuai vita en out netan, kei mul likat ahin koa kur ehon.  
\v 14 Ka ahin enek, Ahi sakin mari apouen veivakum elu lukistal luka en aven. Ral min keilu, kei va en out volvol, va en out koa alei kat revi sua etel ka hap teni (3½). Ekonek kilea val seh ran dragon enek. \x + \xo 12:14 \xt Dan 7:25; 12:7\x*  
\v 15 Evus, dragon enek mulu lat mari oai mue musil kat ahin enek keke valah lati vaha.  
\v 16 Ka atan kataun ahin enek. Atan seha ka sim lat oai vasi koa kistal en ongon dragon.  
\v 17 Navong lesi, dragon enek tin vepeng houlu kat ahin enek. Sakini va vit voumon vaeen vatal min titan keil: koakeil along kat mengkatien onen Ahi ka amul avitehiten anatinien usil Iesu min meatin sav keil. \x + \xo 12:17 \xt Dan 7:7,21; Rev 11:7; 13:7\x*  
\v 18 Ka dragon va mulomal en hehetas.   
\c 13  
\s1 Tirendan tisa elu lumea  
\p
\v 1 Evus, nales tirendan tisa tai mea ran atas. Vatin oulu (7) ka hon keil onen halualim (10), ka vatluvoluv mul retai en hon vasi keil. Ka tetai en vatin keil akur kat eis ten hetetamenien koa avenani ran Ahi vahi one. \x + \xo 13:1 \xt Dan 7:3; Rev 17:3,7-12\x*  
\v 2 Tirendan tisa enek nales aven suval aven lepard, alen keil suval alen \w bear\w* ka ongon suval ongon laeon. Min tirendan tisa enek, \w dragon\w* san keihoen onen, vulin ten keihoen onen, ka hiasuvien onen keke valosil kat tounah houlu. \x + \xo 13:2 \xt Dan 7:4-6\x*  
\v 3 Tai en vatin tirendan enek, tounah tai kula koa alesi avit hemat veni. Ka navong mai ris moul tahos, meatin keil ten out vasi netan amutimanin eni ka amusil kati. \x + \xo 13:3 \xt Rev 17:8\x*  
\v 4 Koakeil vasi enek uva netan min dragon veni kei san hiasuvien onen min tirendan enek. Ka uva netan emun min tirendan tisa avit, “?Isei kur keihoen suvali? ?Isei kilea vavae vatal mini? !Meatin tovuol!”   
\p
\v 5 Ahi maen tirendan enek val vahasi kei vahiteni keke hetetamenien onen vinvin en hetetamenien onen Ahi. Ahi maeni mun keke vakur hiasuvien valosil kat out vasi netan avati hanumau elu ka elu mun (42).\f + \fr 13:5 \ft Avati 42 vi sua 3 ka hap teni (3½).\f* \x + \xo 13:5 \xt Dan 7:8,20,25; 11:36; Rev 11:2; 12:6\x*  
\v 6 Kei mul musili Ahi, selus karen isen ka out ro ien, ka selus karen koakeil emun aro en out nesa.  
\v 7 Kei, Ahi maeni vavae vatal meatin keil onen va vio … u rasilin keil. Tirendan enek, Ahi maeni vakur keihoen valin vatiamal vasi keil, valin meatin keil ten kantri vasi keil ka selusien vasi keil, ka valin vati meatin savsav keil emun. \x + \xo 13:7 \xt Dan 7:7,21; Rev 11:7; 12:17\x*  
\v 8 Meatin vasi keil aro en out netan iha netan mini. Ka koakeil enges varei ise amutisi en Tus ten Moulien koa onen kei koa amuasi emat suval sipsip ten sanien votut tai, keil irvatei netan mini. Ise, amutis kati mul en Tus ten Moulien enek mulamu en avong amumon out netan. \x + \xo 13:8 \xt Eks 32:32,33; Sam 69:28; Dan 12:1; Plp 4:3; Rev 3:5; 17:8; 20:12,15; 21:27; Aes 53:7; Sion 1:29,36; Rev 5:6,12\x*   
\p
\v 9 !Munak ralingomi mul, mihetaengoni!  
\v 10 Isei koa Ahi ling kati keke avahuli kati, kei ihuli kati. Isei koa Ahi ling kati keke avatili vini en naef tavaeen, kei itili vini eni. Sakini, Ahi mul vis meatin keil onen ilomal hekeih en demkatien one. \x + \xo 13:10 \xt Ser 15:2; 43:11\x*   
\p
\v 11 Evus, nales tirendan tisa tamun kistal ran atan. Hon onen elu (2) suval hon sipsip, ka selusien onen keih suval dragon.  
\v 12 Tirendan tisa koa mulamu maeni valosil kat tounah keil en usite onen. Kei keih kat meatin keil koa amul en out netan keke iha netan min tirendan tisa koa mulamu, koa tounah tai kula ka moul eris tahos.  
\v 13 Tirendan enek koa mai katau, kei mumon marmari merikel keil suval mumon ahang ka en teilang nesa mita netan keke meatin vasi keil alesi. \x + \xo 13:13 \xt Mat 24:24; 2Tes 2:9; 1Ki 18:24-39\x*  
\v 14 Ahi maen tirendan enek koa mai katau, va luvos meatin vasi keil ten out netan en merikel keil koa mumoni en usite onen tirendan koa mulamu. Kei luvos meatin keil ka sakin keil amumon nana tai ven tirendan koa asal vini en naef tavaeen tai ka moul eris tahos keke avahouhou mini. \x + \xo 13:14 \xt Mat 24:24; 2Tes 2:9-10; Rev 19:20; Dut 13:2-4\x*  
\v 15 Ahi maen tirendan tisa koa katau voumon nana onen tirendan koa mulamu vaseh vaha ien ka vamoul. Sakini, nana enek kilea vaselus ka vasan matien min koakeil arvatei netan mini. \x + \xo 13:15 \xt Dan 3:5-6\x*  
\v 16 Tirendan koa katau keih kat meatin vasi keil avakur metai en he matu vuo en veinae: koakeil avi hetetamen vita rokol koakeil avi meatin kuren enges, koakeil tounah one houlu vita rokol koakeil avi livere, koakeil amaluv vita rokol koakeil avi slev.  
\v 17 Meatin koa metai enek tovuol eni, kei sakras vahulhul vuo voumon tounah tahulien. Metai enek vi isen tirendan tisa koa mulamu ka hulhulien ten isen. \x + \xo 13:17 \xt Rev 14:9,11; 16:2; 19:20; 20:4\x*  
\v 18 Aneite ten koanek hekistal en koakeil avi metaluv, veni koakeil ileilien one mul akilea avoum lat aneite ten hulhulien teni. Hulhulien ten isen vi ahetai ahetai ahetai (666).   
\c 14  
\s1 Kei koa suval sipsip ten sanien votut mulomal en Hou Saeon ral min meatin keil onen  
\p
\v 1 Evus nalele, ka nales kei koa suval sipsip mul mulomal en Hou Saeon. Ka meatin onen koa avi taosen handred tai hanumau elu ka ehat (144,000) amulomal ral mini. Koakeil enek akur kat metai en veinae koa isen kei koa suval sipsip ka isen Tamen amutisi ien. \x + \xo 14:1 \xt Rev 7:4; 14:3; Esek 9:4; Rev 3:12; 7:3\x*  
\v 2 Ka naraengon rea tai ka en out nesa koa musel keih suval navong mari tahe mutarum en ahat keil, vuo suval navong voulul muroh. Verien teni suval navong meatin keil apilei en string keil ten harp one. \x + \xo 14:2 \xt Esek 1:24; 43:2; Rev 1:15; 19:6\x*  
\v 3 Meatin taosen handred tai hanumau elu ka ehat (144,000) enek amulomal en meten koakeil amul en out nesa, en meten tai koa mul en mari vulin ten keihoen, en meten tounah keil ehat (4) koa amoul, ka en meten elda keil emun. Navong amulomal mukok, amul amusau en souen hau tai koa onen koakeil Ahi kulat keil ran out netan, koakeil enges koa avi taosen handred tai hanumau elu ka ehat (144,000) enek akilea avasau eni. \x + \xo 14:3 \xt Sam 33:3; 40:3; 96:1; 98:1; 144:9; 149:1; Aes 42:10; Rev 5:9; 7:4; 14:1\x*  
\v 4 Koakeil enek amutolas revi ka armatiltei vatal min ahin keil. Anatin, keil amumon rendemien one keke avousil kat Ahi enges ka irrotei hetal min etai ahin. Amusil kat kei koa suval sipsip en out vasi koa kei mul va en. Ahi lei kan keil ran meatin sav keil ten out netan ral min ran Iesu keke imai ilomal en meten Ahi ka en meten kei koa suval sipsip ten sanien votut keke imai isuval sanien votut ten moei anien heha min keilu.  
\v 5 En moulien vasi one, arluvostei meatin ka sakien keil one mutolas. \x + \xo 14:5 \xt Sam 32:2; Aes 53:9; Sef 3:13\x*   
\s1 Angelo etel telsan selkatien va min meatin keil ten out netan  
\p
\v 6 Evus, nales \w angelo\w* tamun muka nesa en mesaiuai. Kei kur kat more longlongien koa ten lisenges vahitehiteni min meatin savsav vasi keil ten out netan: koakeil ten vatiamal vasi keil, koakeil ten selusien vasi keil, koakeil ten kantri vasi keil, ka min vati meatin savsav keil emun.  
\v 7 Kei selus en rea takeih tai vit, “!Mihehouhou min Ahi ka mihekur anatin en hetetamenien onen! Ven avong emai keke kei helei rahit usite onen meatin vasi keil. !Miheha netan min kei koa mumon teilang nesa, out netan, atas ka vulioai keil!” \x + \xo 14:7 \xt Eks 20:11; Sam 146:6\x*   
\p
\v 8 Katau en koanek, angelo koa elu eni muka ka vit, “!Taon tatisa merangle koa avise en \w Babilon\w* ven hetetamenien onen! Ahi san mahien ten vurohien min meatin teni veni asakin meatin ten kantri vasi keil alokovein sakien tetahos keil ka amusil sakien tatisa keil suval hoeaso tai san uaen min meatin keke voum vatisa vatal mini.” \x + \xo 14:8 \xt Aes 21:9; Ser 51:8; Rev 18:2; Ser 51:7; Rev 17:2; 18:3\x*   
\p
\v 9 Katau en koanek, angelo koa etel en keitel muka musil koakeilu lumulamu. Kei viteni en rea takeih tai vit, “Kami koa miva netan min tirendan koa mulamu ka min nana onen, ka mikur metai onen mul en veinami vuo en hemi, \x + \xo 14:9 \xt Rev 13:12-17; 14:11; 16:2; 19:20; 13:17; 20:4; Sam 75:8; Aes 51:17,22; Ser 25:15; Rev 15:7; 16:19; Sen 19:24; Sam 11:6; Esek 38:22; Rev 20:10; 21:18\x*  
\v 10 kami varei mihekur mahien ten vurohien onen Ahi koa hekeih vis hekeih imok. Ahi heson kami miheha en ahang takeih keke mihelong mahien tatisa en meten angelo votut keil ka en meten kei koa suval sipsip.  
\v 11 Kami koa miva netan min tirendan ka nana onen, ka koa mikur metai ten isen, tupas ten mahien onami hehina nesa lises ka lisenges, mahien onami sakras vavus.” \x + \xo 14:11 \xt Aes 34:10; Rev 19:3; 13:12-17; 14:9; 16:2; 19:20; 20:4\x*   
\p
\v 12 Sakini, meatin keil onen Ahi koa along kat mengkatien onen ka amusil kat Iesu, tahos ilomal hekeih en demkatien one.   
\p
\v 13 Evus, naraengon rea tai ka en out nesa koa vit, “Kitis selusien koanik: Kosa heha, tokolkatien hel ven koakeil imatmat ven demkatien one en Asuv Iesu!” \x + \xo 14:13 \xt Hib 4:10\x*  
\p Ninin vit kesi vit, “!Anatin eli! Keil iseh revi ran umen takeih one, keil ikur uite ten sakien tetahos keil koa amumoni.”   
\s1 Iesu lei rahit usite onen meatin keil  
\p
\v 14 Evus, nalele ka nales mahmah tai koa muoh. Ka meatin tai mul rondan ien koa alesi suval Natin Meatin. En vatin, vatluvoluv mul koa vi gol, ka vuli kat huknaef tai koa kan mul en hen. \x + \xo 14:14 \xt Dan 7:13\x*  
\v 15 Evus, \w angelo\w* tamun kistal ran Eim Votut ka visohiso keih va min kei koa rondan en mahmah vit, “Kikur kat huknaef onom ka kum hetal mini, veni kosa vi avong koa tounah vasi keil en out netan umen tuai, ka avong vinvin keke kileh vasin meatin keil ka kilei rahit usite one.” \x + \xo 14:15 \xt Soel 3:13; Mat 13:39-40\x*  
\v 16 Evus, kei koa rondan en mahmah sein huknaef onen en out netan, ka kei musuhut en tounah vasi koa mul ien.   
\p
\v 17 Evus, nales angelo tamun kistal ran Eim Votut en out nesa, ka kei mun vuli kat huknaef tai koa kan.  
\v 18 Evus, angelo tamun, koa lei kat ahang lou ten \w ahor ten sanien votut\w* ka ven avet enek. Kei viso keih vina ven angelo koa vuli kat huknaef koa kan vit, “!Kikur kat huknaef onom ka kitei lat meatin keil ten out netan veni asuval hei \w grep\w* keil koa men tuai en nei grep keil!”  
\v 19 Sakini, angelo sein huknaef onen en out netan, rei hei grep keil ran vatte. Evus, so ruain keil uva en out koa ave lin site rani koa vi out ten mari vurohien onen Ahi. \x + \xo 14:19 \xt Aes 63:3; Rev 19:15\x*  
\v 20 Hei grep keil enek, ave lin site rani en out hae ten taon ten out Serusalem, ka ara teni mue rani suval oaisal koa taveah teni rokol kilomita handred etel (300 km) ka anev teni vesesal vatokol rokol mita elu (2).   
\c 15  
\s1 Angelo oulu (7) akur pesin oulu (7) koa mahien ten vurohien onen Ahi amul ien  
\p
\v 1 Evus nales mari tounah sal tamun kistal en teilang koa sakinau namundem usil aneite teni. Nales \w angelo\w* oulu (7) koa akur kat mahien oulu. Mahien keil ekek avi mahien ekor koa hetie lat vurohien ekor onen Ahi. \x + \xo 15:1 \xt Lev 26:21; Rev 15:6\x*   
\p
\v 2 Evus, en out nesa nales out suval navong atas mutolas ka mekaikai suval kilas koa ahang emun mul ien. Nales koakeil amulomal keih ka amuli en vaeen ten demkatien va kat tirendan tisa koa mulamu, nana onen ka hulhulien ten isen. Keil amulomal vesesal en atas koa suval kilas, ka avuli kat harp keil one koa Ahi sani min keil.  
\v 3 Keil amusau en souen onen \w Mosis\w*, eiloheh onen Ahi, ka souen onen kei koa suval sipsip avit,  
\q1 “Ahi Asuv ten Keihoen,  
\q2 tounah keil komumoni marite ka tahos imok. \x + \xo 15:3 \xt Eks 15:1; 15:11; Sam 92:5; 111:2; 139:14; Amos 3:13; 4:13; Rev 1:8; 4:8; 11:17; 16:7,14; 19:6,15; 21:22; Dut 32:4; Sam 145:17; Ser 10:10\x*  
\q1 Kovi Asuv Houlu ten kantri vasi keil,  
\q2 ka sakien keil vasi onom mal ka vi anatin.   
\q1
\v 4 Meatin vasi keil ihouhou minuk.  
\q2 Keil ihati lat isom en hetetamenien,  
\q2 veni keik kos kovi votut.\x + \xo 15:4 \xt Ser 10:6-7; Sam 86:9; Mal 1:11\x*  
\q1 Kantri vasi keil imai ka iha netan enuk,  
\q2 veni alei kilea sakien ten maluen onom.”   
\p
\v 5 Katau suk, nalele en out nesa, ka nalesi keke asehen out votut, neim en Eim Tavolin onen Ahi. \x + \xo 15:5 \xt Eks 38:21; 40:34\x*  
\v 6 Angelo koa oulu (7) amea ran Eim Votut koa isan mahien oulu min meatin keil ten out netan. Keil amusin en eisin tamuoh koa muto ka merendas, ka en veimase, amuan kaliko koa kala teni suval gol. \x + \xo 15:6 \xt Lev 26:21; Rev 15:1\x*  
\v 7 Evus, tai en tounah ehat (4) koa moul, kei sasan retai en more pesin koa amumoni en gol min angelo keil koa avi oulu (7). Pesin keil enek avilelau en vurohien onen Ahi koa moul lises ka lisenges. \x + \xo 15:7 \xt Sam 75:8; Aes 51:17,22; Ser 25:15; Rev 14:10; 16:19\x*  
\v 8 Tupas ten hetetamenien ka keihoen onen Ahi sien Eim Votut. Sakini meatin sakras vaha neim ien vatokol keite ten mahien oulu koa angelo oulu akur kati.\x + \xo 15:8 \xt Eks 40:34; 1Ki 8:10-11; 2Kron 5:13-14; Aes 6:4; Esek 44:4\x*   
\c 16  
\s1 Angelo oulu (7) amutah lin pesin ten mahien ekor keil vita en meatin keil ten out netan  
\p
\v 1 Evus, nalong rea takeih tai mul selus en Eim Votut va ven \w angelo\w* oulu (7) enek vit, “Miheha mihetah mahien koa mul en pesin oulu (7) ten vurohien onen Ahi hehita en out netan.” \x + \xo 16:1 \xt Aes 66:6; Rev 16:7; Sam 69:24; Ser 10:25; Esek 22:31; Sef 3:8\x*   
\p
\v 2 Sakini, angelo koa mulamu en keil va ka mutah mahien koa mul en pesin onen vita en out netan. Sakin utua tatisa keil akikistal en koakeil akur metai ten tirendan tisa ka koa uva netan min nana onen. Ka mahien teni tisa vis tisa mok. \x + \xo 16:2 \xt Eks 9:10; Dut 28:35; Rev 13:12-17; 14:9,11; 19:20; 20:4\x*   
\p
\v 3 Evus, angelo koa elu (2) en keil mutah mahien koa mul en pesin onen vita en atas ka atas mai suval hatira ten meatin koa mat. Koanek sakin tounah vasi keil amoul en atas umatmat. \x + \xo 16:3 \xt Eks 7:17-21\x*   
\p
\v 4 Evus, angelo koa etel (3) en keil mutah mahien koa mul en pesin onen vita en oaisal keil ka vulioai keil. Sakin oai keil enek aviles umai avi ara. \x + \xo 16:4 \xt Eks 7:19-24; Sam 78:44\x*  
\v 5 Ka naraengon angelo koa losil kat oai keil ten out netan vit,  
\q1 “Ahi koa kovi votut,  
\q2 komul kosa ka komul mulamu,  
\q2 kolei rahit usite onen meatin keil musil sakien koa mal vasi.\x + \xo 16:5 \xt Sam 119:137; 145:17; Dut 32:4; Eks 3:14; Rev 1:4,8; 11:17\x*   
\q1
\v 6 Meatin keil enek asakin ran meatin keil onom ka \w provet\w* keil amue, \x + \xo 16:6 \xt Sam 79:3; Aes 49:26\x*  
\q2 sakini komul kosan ara min keil amuni.  
\q1 !Mukonek, keil amul akur kes asas keil amumoni!”   
\p
\v 7 Evus nalong rea tai en \w ahor ten sanien|lemma="Ahor ten sanien votut"\w* koa vit,  
\q1 “!Ahi Asuv ten Keihoen!\x + \xo 16:7 \xt Amos 3:13; 4:13; Rev 1:8; 4:8; 11:17; 15:3; 16:14; 19:6,15; 21:22; Sam 19:9; 119:137; Rev 19:2\x*  
\q2 !Anatin eli, kolei rahit usite onen meatin keil musil sakien koa mal!”   
\p
\v 8 Evus, angelo koa ehat (4) en keil mutah mahien koa mul en pesin onen vita en meteiai. Sakin meteiai ritin keih vis keih ka kan purun aven meatin keil ral ahang teni.  
\v 9 Meteiai kan purun keil en titinien teni koa keih imok. Ka meatin keil arvilestei ran tisaen one ka arvou lattei Ahi ven hetetamenien onen. Vuo, keil amusisil va kat isen koa keihoen ten mahien keil mul en hen. \x + \xo 16:9 \xt Rev 9:20-21; 16:11,21\x*   
\p
\v 10 Evus, angelo koa elim (5) en keil mutah mahien koa mul en pesin onen vita en vulin ten keihoen onen tirendan tisa koa mulamu. Sakin mankoli mutaluh koe out vasi koa losil kati. Meatin keil aval lohe ven mahien keil akuri \x + \xo 16:10 \xt Eks 10:21; Aes 8:22\x*  
\v 11 ka amusisil va kat Ahi ten out nesa ven mahien ka utua tatisa keil one. Ka keil arvilestei varei ran sakkalkalien keil one. \x + \xo 16:11 \xt Rev 9:20-21; 16:9,21\x*   
\p
\v 12 Evus, angelo koa ahetai (6) en keil mutah mahien koa mul en pesin onen vita en mari Oaisal Upretis. Sakin oaisal enek mai memes keke vasan sise min asuv houlu keil ten out ist ka meatin tavaeen keil one avoual eni avaha. \x + \xo 16:12 \xt Aes 11:15; 44:27; Ser 50:38; 51:36\x*  
\v 13 Evus, nales ninin tisa etel (3) koa ales keitel telsuval frog. Keitel telmul telmemea ran ongon \w dragon\w*, ran ongon tirendan tisa, ka ran ongon provet taluvosien \f + \fr 16:13 \ft Provet taluvosien koanik vi tirendan tisa elu koa kistal en \xt Rev 13:11-15\ft .\f* onen.  
\v 14 Frog keitel enek telvi ninin tisa keitel koa telmul telmumon marmari merikel keil. Ninin tisa keitel enek telva ven asuv houlu vasi keil ten out netan keke telvalah ruain keil avamai out vatas. Imai keke avasak mesein keil ven mari vaeen koa hel en Avong ten Mari Kot onen Ahi ten keihoen. \x + \xo 16:14 \xt Rev 19:19; Amos 3:13; 4:13; Rev 1:8; 4:8; 11:17; 15:3; 16:7; 19:6,15; 21:22\x*  
\v 15-16 Keil ilah ruai en out koa avise en selusien ten Hibru vit ‘Armagedon.’  
\p Navong namul nalesi, Asuv Iesu viteni vit, “!Mihetaengon revi! Inau nimai en avong koa miheteingeingeni hesuval tarhena tai.\x + \xo 16:15-16 \xt Mat 24:43-44; Luk 12:39-40; 1Tes 5:2,4; 2Pit 3:10; Rev 3:3\x* Ka tokolkatien onen Ahi hel en kei koa hetos helele ka hel hesak mesei en avong vasi ven amairisien onak. Kei hesuval meatin koa ro lele ka musin revi keke munak hetimanin en tounah, kei hermemoutei veni mul kaka hon.”   
\p
\v 17 Evus, angelo koa oulu (7) en keil mutah mahien koa mul en pesin onen en mesaiuai. Navong mumoni, rea takeih tai selus ka en vulin ten keihoen koa mul en Eim Votut vit, “!Vus tuai!” \x + \xo 16:17 \xt Aes 66:6; Rev 16:1\x*  
\v 18 En hati avong enek, ahil vil, voulul mut ka muroh, ka mari alu mulu. Alu koanik mulin alu sav keil koa akur out en avong koa Ahi ling meatin keil en out netan rokol avong koanik. Anatin, alu koanik tisa mok mulin alu savsav vasi keil. \x + \xo 16:18 \xt Eks 19:16-19; Rev 4:5; 8:5; 11:19; Dan 12:1\x*  
\v 19 Sakini mari taon ten out \w Babilon\w* sipasi heite etel (3), ka mari taon keil en kantri vasi keil amerangle. Ahi mundem kat tisaen keil onen koakeil ten mari taon koa aling eis suai eni vi Babilon, ka san mahien ten mari vurohien onen va kat keil. \x + \xo 16:19 \xt Sam 75:8; Aes 51:17,22; Ser 25:15; Rev 14:10; 15:7\x*  
\v 20 Navong alu mulu keih mukok, aelan vasi keil ka hou vasi keil amerangle avupuol varei. \x + \xo 16:20 \xt Rev 6:14; 20:11\x*  
\v 21 Ran teilang, marmari laklas umotmot koa retai en keil ameas rokol kilo hanumau elu (40 kg). Navong umotmot, abon meatin keil ka keil esuk amusili Ahi ven mahien ten laklas enek tisa vis tisa mok.\x + \xo 16:21 \xt Eks 9:24; Rev 11:19; 16:9,11\x*   
\c 17  
\s1 Ahi lei rahit usite onen hoeaso Babilon \f + \fr 17:0 \ft Babilon vi selusien suai usil mari taon ten out Rom.\f*  
\p
\v 1 Evus, tai en \w angelo\w* keil koa avi oulu (7) koa akur pesin keil, kei mai venau ka vit, “Amai, ka nitie minuk hemukave Ahi helei rahit usite onen hoeaso koa meatin vasi keil akilea eni. Kei vi mari taon enek koa amuti vesesal en oaisal keil. \x + \xo 17:1 \xt Ser 51:13; Rev 17:15\x*  
\v 2 Asuv houlu keil ten out netan amumon sakien tatisa ral mini, ka meatin keil ten out netan emun amun uaen onen ten sakkalkalien, umai avi vau eni, ka amumon sakien ten hoeasoen ral mini.” \x + \xo 17:2 \xt Aes 23:17; Ser 51:7; Rev 14:8; 18:3\x*   
\p
\v 3 Navong selus minau evus, Ninin Votut sienau, ka angelo koanik kur inau melva en out volvol. Ekonek, nales ahin tai rondan en tirendan tisa koa mulamu koa aven vilhili. Vatin oulu (7) ka hon keil onen halualim (10). Ka ka vasin aven, amutis eis keil ten hetetamenien mul ien koa venani ran Ahi vahi onen. \x + \xo 17:3 \xt Rev 13:1; 17:7-12\x*  
\v 4 Ahin enek musin en eisin ten hetetamenien koa vi pepol ka vilhili. Kei mosan eni en gol, mormore ahat ka veimesau keil tetahos. En hen, mul vuli kat kap tai koa vi gol koa vilelau en tounah keil koa avi amus ka atisaso, keil avi heite ten sakien tatisa keil onen. \x + \xo 17:4 \xt Esek 28:13; Rev 18:16; Ser 51:7\x*  
\v 5 En veinan amutis eis suai tai koa aneite ten mukok: “Mari \w Babilon\w*, latin hoeaso vasi keil ka vatte ten sakien tisa keil vasi en out netan.”  
\v 6 Ahin enek mul sakin meatin sav keil amu vinvini meatin keil onen Ahi ka koakeil avitehiten anatinien usil Iesu. Nalesi keke ahin enek vi vau en rae suval ahin koa munmun va vio … vi vau en uaen. Ka navong nalesi, namutimanin varei. \x + \xo 17:6 \xt Rev 18:24; 19:2\x*   
\p
\v 7 Ka angelo vis nau vit, “?Komutimanin vensa? Inau nihit lein aneite ten rendemien suai usil tirendan ekek koa vatin oulu (7) ka hon halualim (10) ka en ahin koa rondan eni.  
\v 8 Tirendan koa kolesi, kei mul mulamu, romultei mun kosa, ka hervitei tuetin, hel hemea ran Vulvul koa keite teni tovuol. Hevus, ilamuni iha ka u vini. Meatin keil ten out netan koa ise armutis kattei en Tus ten Moulien mulamu en avong amumon out netan, keil itimanin en tirendan enek. Anatin, keil itimanin navong ilesi keke tirendan enek mul mulamu, romultei mun kosa, ka hel hekistal eris en avong hemai veah. \x + \xo 17:8 \xt Dan 7:3; Rev 11:7; 13:1; Eks 32:32,33; Sam 69:28; Dan 12:1; Plp 4:3; Rev 3:5; 13:8; 20:12,15; 21:27\x*   
\p
\v 9 “Aneite ten leisanien enek hemai hehothot en koakeil rendemien ten metaluv mul en keil. Avat oulu (7) onen tirendan enek vi hou oulu koa ahin enek mul rondan ien. \f + \fr 17:9 \ft Taon ten out Rom mul en hou oulu (7).\f* Avat oulu enek, aneite tamun teni vi asuv houlu oulu.  
\v 10 Elim (5) en asuv houlu keil enek uvus tuai, tai mul losil kat out kosa, ka koa ekor en keil, kei romaitei veah. Navong hemai, Ahi hemaeni helosil kat out ten avong havivis.  
\v 11 Ka tirendan tisa koa moul mulamu ka romoultei mun kosa, kei mun vi asuv houlu tai koa vi outel (8) en keil. Kei hesuval asuv houlu oulu (7) ka Ahi helamuni heha ka hou vini.   
\p
\v 12 “Hon halualim (10) koa kolesi, keil avi asuv houlu keil koa arlosil kattei veah etai out. Keil ikur hiasuvien one ten avong havivis keke avalosil kat out keil en out netan vatal min tirendan tisa. \x + \xo 17:12 \xt Dan 7:24\x*  
\v 13 Koakeil halualim ekek, rendemien one vatte hetas keke imaen keihoen ka losilkatien one min tirendan tisa enek.  
\v 14 Keil ivae kat kei koa suval sipsip ka onen keil koa kei vise keil ka rie lat keil avousil kati lises. Ka kei helin tirendan ka onen keil veni kei vi Asuv Houlu onen asuv houlu savsav keil, ka vi Avat onen avat savsav keil.” \x + \xo 17:14 \xt Dut 10:17; Dan 2:47; 1Tim 6:15; Rev 19:16\x*   
\p
\v 15 Angelo viteni mun minau vit, “Oaisal keil kolesi koa hoeaso mul rondan ien, keil avi tatavolien usil meatin keil koa aka en vangi meatin keil, kantri keil, vati meatin tateisav keil, ka selusien keil ten out netan.  
\v 16 Hon keil halualim (10) ka tirendan koa kolesi, keil imai itisa kat hoeaso enek. Keil imai ilah lat vasin tounah keil onen ka ilokoveini hekaka hon. Keil ian teiai onen ka iling ahang hean lini. \x + \xo 17:16 \xt Lev 21:9; Rev 18:8\x*  
\v 17 Asuv houlu halualim enek, Ahi ling rendemien onen mul en keil keke avoumoni vamukonek ka avamaen keihoen ka losilkatien one min tirendan tisa enek hetokol avong selusien onen hemai hekistal hehi anatin.   
\p
\v 18 “Ahin koa kolesi vi mari taon koa mul losil kat asuv houlu savsav keil ten out netan.”   
\c 18  
\s1 Ahi sakin tounah keil koa amul en taon ten out Babilon \f + \fr 18:0 \ft Babilon vi selusien suai usil mari taon ten out Rom.\f* amerangle  
\p
\v 1 Katau en koanek, nales \w angelo\w* tamun ka en out nesa. Hetetamenien onen marite ka muohien onen vihil ka vasi out netan.  
\v 2 Kei makul keih vit,  
\q1 “!Ahi hesakin mari taon ten out \w Babilon\w* hemerang! \x + \xo 18:2 \xt Aes 21:9; Ser 51:8; Rev 14:8; Aes 13:21; 34:11; Ser 50:39\x*  
\q2 !Kei hemerangle varei!  
\q2 Meatin keil teni hetovuol emun.  
\q1 Vuli eim keil teni hemai hehi out tatosuaien  
\q2 onen temat keil ka ninin tisa keil enges.  
\q2 Aman tatisa keil enges ito kos ien.   
\q1
\v 3 Mari taon enek heles vurohien onen Ahi veni kei suval ahin koa vi hoeaso  
\q2 koa mul leh rendemien onen meatin ten kantri vasi keil keke umai amum tisa ral mini.  
\q1 Kei hekur mahien veni mum tisa ral min asuv houlu keil ten out netan.  
\q2 Anatin, hekur mahien veni kei en vati mok hehilelau en tounah tetahos keil ka sakin koakeil vasi ten out netan asalem en tounah akur mani houlu rani.”\x + \xo 18:3 \xt Aes 23:17; Ser 51:7; Rev 14:8; 17:2\x*   
\p
\v 4 Evus, naraengon rea tateisav tamun ka en out nesa vit,  
\q1 “!Meatin onak keil almea! !Almea rani!  
\q2 !Minapiltei en \w tisaen\w* onen!  
\q2 !Mihelei kati keke minakurtei mahien natal mini!\x + \xo 18:4 \xt Aes 48:20; 52:11; Ser 50:8; 51:6,9,45; 2Kor 6:17\x*   
\q1
\v 5 Veni tisaen keil onen susupat vina nesa rokol out nesa,  
\q2 ka Ahi mundem kat sakkalkalien keil onen.\x + \xo 18:5 \xt Sen 18:20-21; Ser 51:9\x*   
\q1
\v 6 Mihoumoni mini hesuval koa kei mumoni min kami.  
\q2 Mihesa kesi mini hatte helu hesuval koa kei mumoni.  
\q1 Kap ten mahien koa kei sani min kami mimuni,  
\q2 mihesien uaen ten mahien eni koa hekeih imok hatte helu keke kei hemuni.\x + \xo 18:6 \xt Sam 137:8; Ser 50:15,29; 2Tes 1:6\x*   
\q1
\v 7 Mihesan mahien mini ka mihesakini helonge hetisa hehi houlu.  
\q2 Anatin, mihoumoni mini hemal hevinvin en hetetamenien ka tounah keil ten out netan koa kei lahi ven kei sasen.  
\q1 Ven kei vit sasen eni vit,  
\q2 ‘!Inau narondan ekok ka navi Kwin!  
\q2 Narvitei vatina tai ka nasakras matang.’ \x + \xo 18:7 \xt Aes 47:7-9\x*   
\q1
\v 8 Ven selusien ten hetetamenien onen,  
\q2 mahien keil onen hemai hesuti ka hou lini en avong hetas: \x + \xo 18:8 \xt Rev 17:16; Ser 50:34\x*  
\q2 mesaien keil ipuruni, kei hetang, ka amai heati.  
\q1 Ahang hemai hean lini,  
\q2 veni Ahi Asuv koa mul lei rahit usite onen,  
\q2 keihoen onen marite.”   
\p
\v 9 Asuv houlu keil koa amumon sakien tatisa ral mini ka akapil ral mini en envatien onen en tounah keil ten out netan, navong keil iles tupas ten ahang koa kan lini, itangisi ka simete hemotmot. \x + \xo 18:9 \xt Esek 26:16; 27:30-35\x*  
\v 10 Keil ilomal soutin, veni imetau anakur mahien natal mini. Keil ihit, “!Aue li, tisa vis tisa mok min mari taon ten out Babilon! Avaseini keihoen onen marite, en avong havivis, kur vasin mahien onen.” \x + \xo 18:10 \xt Esek 26:17; Dan 4:30\x*   
\p
\v 11 Meatin keil ten out netan koa asalem en tounah, keil emun itangisi ka simete hemotmot, veni meatin tovuol emun koa vahul tounah ran keil.  
\v 12 Anatin, meatin tovuol vahul tounah koa amumoni en gol, silva, ahat koa merentas ka veimesau tetahos keil. Irvultei mun more eisin keil koa muoh, vilhili ka pepol vatal min eisin tetahos koa avise en ‘silk.’ Ka meatin tovuol emun keke vahul tounah keil koa amumoni en more ai keil, en lohon tirendan keil, en aean koa avise en ‘brons,’ ka en ahat koa avise en ‘marbel.’ \x + \xo 18:12 \xt Esek 27:12,13,22\x*  
\v 13 Tounah koa sakin anien vite moutut tahos suval sinamon, ka senta keil suval mir, ka \w frangkansen\w* il sesuk. Anien suval uaen, oel, pulaoa ka \w uit\w*, irvultei mun. Meatin tovuol vahuli tirendan keil suval buluk, \w sipsip\w*, ka hos vatal min kat teni. Meatin tovuol vahis keil vahul lat moulien onen meatin keil keke avamai avahi slev keil one.  
\v 14 Meatin keil koa asalem en tounah ihiteni mini ihit, “Tounah keil tetahos koa em vati kovakuri avupuol. Ka tounah keil koa kovilelau eni mulamu ral tounah koa sakinuk kovutuk veni, arasil ranuk kosa ka kirvotintei mun.”  
\v 15 Koakeil enek akur mani houlu en tounah keil koa meatin keil avuli ran keil, navong iles mahien onen Babilon, ihati keil soutin veni imetau avakur mahien vatal mini. Keil uai ka itangisi \x + \xo 18:15 \xt Esek 27:36\x*  
\v 16 ihit,  
\q1 “!Aue li, koanik tisa vis tisa mok!  
\q2 Mulamu, mari taon ten out Babilon musin en mormore eisin keil koa muoh, vilhili ka pepol.  
\q2 Mulamu, kei mosan eni en gol, ahat keil koa merentas, ka veimesau tetahos keil. \x + \xo 18:16 \xt Esek 28:13; Rev 17:4\x*   
\q1
\v 17 !Ka en avong havivis, tounah vasi keil onen avupuol rani!”  
\p Navong vatihos keil ten sip, boskru teni, meatin keil koa amul ien ka meatin sav keil koa avotin moulien one en atas alesi, keil amulomal soutin enges. \x + \xo 18:17 \xt Esek 27:27-29\x*  
\v 18 Navong ales tupas ten ahang koa mul kan lin taon enek, amis keih ka avit, “!Aue li, taon sav tovuol vasuval mari taon koanik!” \x + \xo 18:18 \xt Esek 27:32\x*  
\v 19 Sakini, arivin vulimeas en vatie vatie lati keke alonge tisa, ka amis keih avit, \x + \xo 18:19 \xt Esek 27:30-34\x*  
\q1 “!Aue li, koanik tisa vis tisa mok!  
\q2 Mulamu mari taon ten out Babilon kur tounah houlu en sip  
\q2 ka meatin keil ten sip akur mani houlu rani.  
\q1 !Ka en avong havivis, tounah vasi keil onen vupuol rani!”   
\p
\v 20 Evus, nalong rea tai koa vit, \x + \xo 18:20 \xt Dut 32:43; Sam 96:11; Aes 44:23; 49:13; Ser 51:48\x*  
\q1 “Kami ten out nesa,  
\q2 mihesi kami veni amu rasilin mari taon enek!  
\q1 Kami mun koa mivi meatin keil onen Ahi, \w eiloheh\w* keil ka \w provet\w* keil, mihelonge hetahos,  
\q2 veni Ahi lei rahit usite onen tuai ven tounah tisa koa kei mumoni min kami.”   
\p
\v 21 Evus, nales hetetamen tai onen angelo keil mai vou lat mari ahat tai koa meas ka lapuni va en atas. Navong mumoni vit,  
\q1 “En sakien enek, mari taon ten out Babilon emun,  
\q2 hesuval koa Ahi hehou lati ka helapuni heha netan,  
\q2 ka meatin keil irlestei mun. \x + \xo 18:21 \xt Ser 51:63-64; Esek 26:21\x*   
\q1
\v 22 En taon enek, meatin keil irlongtei mun  
\q2 romarom ten harp, flut, hon vuo ren meatin.  
\q1 Meatin keil amumon tounah keil ten mosanien,  
\q2 miherlestei mun keil eni.  
\q1 Verien ten koakeil avilei uti uit hemai hehi pulaoa, irlongtei mun.\x + \xo 18:22 \xt Aes 24:8; Esek 26:13\x*   
\q1
\v 23 Laet hervilhilitei mun eni.  
\q1 En taon enek, romarom ten sien onen meatin ka ahin keil koa aretalihe,  
\q2 mihertaengontei mun. \x + \xo 18:23 \xt Ser 7:34; 16:9; 25:10; Aes 23:8; 47:9\x*  
\q1 Mulamu, meatin keil koa asalem en tounah,  
\q2 keil avi hetetamen imok en out vasi netan.  
\q1 Ka ral min sakien ten matsik onen  
\q2 kei luvos meatin vasi keil ten out netan.”   
\p
\v 24 Ahi lei rahit usite ten taon ten out Babilon veni votin ran provet keil, ka ran meatin keil onen amul ien. Anatin, kei lesi keke Babilon mu vinvini meatin keil houlu ten out vasi netan. \x + \xo 18:24 \xt Ser 51:49; Esek 24:7; Rev 6:10; 17:6; 19:2\x*   
\c 19  
\s1 Koakeil ten out nesa amasmas Ahi ven mahien koa sani min taon ten out Babilon \f + \fr 19:0 \ft Babilon vi selusien suai usil mari taon ten out Rom.\f*  
\p
\v 1 Katau en koanik, nalong mari verien tai suval vangi meatin tai koa marite vis marite mok amakul en out nesa avit,  
\q1 “!Masmasien va min Ahi!  
\q2 !Mututien, hetetamenien, ka keihoen vi onen Ahi orer!   
\q1
\v 2 !Sakien koa mul lei rahit usite onen meatin keil onen vi anatin ka mal! \x + \xo 19:2 \xt Sam 19:9; 119:137; Rev 16:7\x*  
\q1 Kei san mahien va kat hoeaso  
\q2 koa mul purun out netan ral min sakien tatisa keil onen.  
\q1 Ahi sa kes mahien mini  
\q2 ven kei mu vinvini more eiloheh keil onen.”\x + \xo 19:2 \xt Dut 32:43; 2Ki 9:7; Sam 79:10; Rev 6:10\x*   
\m
\v 3 Keil amakul eris avit,  
\q1 “!Masmasien va min Ahi!  
\q1 !Tupas ten ahang koa kan lin mari taon enek ven sakien tatisa keil onen  
\q2 va nesa lises ka lisenges!”\x + \xo 19:3 \xt Aes 34:10\x*   
\p
\v 4 Elda hanumau ka ehat (24) ka tounah ehat (4) koa amoul uva netan min Ahi koa rondan en mari vulin ten keihoen onen. \x + \xo 19:4 \xt 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 6:16; 7:10,15; 21:5\x* Keil aviteni avit,  
\q1 “!Anatin! !Masmasien va min Ahi!”   
\s1 Meatin keil onen Ahi asi keil ven tetaliheien onen kei koa suval sipsip ten sanien votut  
\p
\v 5 Evus, nalong rea tai mul selus ka vesesal ven mari vulin ten keihoen onen Ahi koa vit,  
\q1 “!Kami eiloheh vasi keil koa mimusil kat Ahi orer,  
\q2 mihemasmasi!  
\q1 !Kami koa mivouhou mini,  
\q2 kami koa mimarite vita rokol kami koa mivi havivi,  
\q2 mihemasmasi!”\x + \xo 19:5 \xt Sam 22:23; 134:1; 135:1; 115:13; Rev 11:18\x*   
\p
\v 6 Evus, nalong mari verien tai suval vangi meatin tai koa marite vis marite mok amakul, amusel keih suval navong mari tahe mutarum en ahat keil. Anatin, verien teni suval voulul koa muroh keih.\x + \xo 19:6 \xt Esek 1:24; 43:2; Rev 1:15; 14:2\x* Nalong keil amakul avit,  
\q1 “!Masmasien va min Ahi!  
\q1 Veni Ahi orer, Ahi Asuv ten keihoen,  
\q2 kei vi Asuv Houlu koa mul losil kat tounah vasi.\x + \xo 19:6 \xt Eks 15:18; Sam 22:28; 93:1; 97:1; 99:1; Dan 7:14; Sak 14:9; Rev 11:15\x*   
\q1
\v 7 !Rehesi ir ka rehemakul!  
\q2 !Rehemasmas hetetamenien onen!  
\q1 Ven avong ten tetaliheien onen kei koa suval sipsip emai,  
\q2 ka ahin onen sak mesein kei veni.   
\q1
\v 8 Min ahin onen, asan more eisin tamuoh koa muto ka merendas.” \x + \xo 19:8 \xt Aes 61:10\x*  
\m (Eisin enek vi sakien tetahos onen meatin keil onen Ahi.)   
\p
\v 9 Evus, angelo viteni minau vit, “Kitis selusien koanik: Tokolkatien onen Ahi hel en koakeil asisil en keil keke avaha en anien tatetaliheien onen kei koa suval sipsip.” Ka angelo vit risi minau vit, “Koanik vi selusien anatin onen Ahi.” \x + \xo 19:9 \xt Mat 22:2-3; Luk 14:15\x*   
\p
\v 10 Navong viteni mukok, namalingling ka nuva netan en alen. Ka kei viteni minau vit, “!Konoumontei namukonek! Inau mun navi eiloheh enges onen Ahi suvaluk ka suval tumali keil koa akur anatin en selusien usil Iesu. !Kiha netan min Ahi enges! Veni anatinien usil Iesu vi vatte ten asa koa provet keil vasi ara usili ka en Ninin onen Ahi.” \x + \xo 19:10 \xt Umen 10:25-26; Rev 22:8-9\x*   
\s1 Kei koa muloh en hos tamuoh va vae lin meatin tatisa keil  
\p
\v 11 Evus, nales voiteh ten out nesa seha, ka en out enek, namutimanin nales hos tamuoh tai. Ka meatin koa mul muloh eni vi Iesu, kei koa avise en ‘Meatin ten Anatinien ka Kei koa Aling Desien eni.’ Ka en sakien ten maluen, kei mul lei rahit usite onen meatin keil, ka mul vae ral min vativieh keil onen. \x + \xo 19:11 \xt Esek 1:1; Rev 4:1; Sak 1:8; 6:3,6; Rev 6:2; 1:5; 3:14; Sam 96:13; 11:4\x*  
\v 12 Meten vihil suval ahang, ka vatluvoluv houlu ten hiasuvien amul en vatin. Eis tai, amutisi mul en kei koa kei sasen enges kilea en aneite teni. \x + \xo 19:12 \xt Dan 10:6; Rev 1:14; 2:17-18\x*  
\v 13 Ara ka vasi eisin koa musin eni. Ka isen tamun vi ‘Vati Selusien onen Ahi.’ \x + \xo 19:13 \xt Aes 63:1-3; Sion 1:1,14\x*  
\v 14 Meatin tavaeen keil ten out nesa amusili. Keil emun amul amuloh en hos tamuoh ka keil amusin en eisin tamuoh koa muto.  
\v 15 Naef takan tai kistal ka en ongon koa hou vasin meatin tatisa keil en kantri keil eni. Kei helosil kat keil hekeih. Heso ruain keil iha en out ten mari vurohien onen Ahi ten Keihoen ven sakien tatisa keil one. Houmoni min keil hesuval navong avita lin site ran hei grep keil. \x + \xo 19:15 \xt Aes 49:2; Rev 1:16; 2:12,16; Sam 2:9; Rev 12:5; Aes 63:3; Rang 1:15; Soel 3:13; Rev 14:20; Amos 3:13; 4:13; Rev 1:8; 4:8; 11:17; 15:3; 16:7,14; 19:6; 21:22\x*  
\v 16 Eis tai mul en eisin omon ka en horan koa vit, “Asuv Houlu onen asuv houlu savsav keil, ka Avat onen avat savsav keil.” \x + \xo 19:16 \xt Dut 10:17; Dan 2:47; 1Tim 6:15; Rev 17:14\x*   
\p
\v 17 Evus, nales \w angelo\w* tai mulomal en meteiai. Kei viso keih va min aman vasi keil koa amul amuka en teilang vit, “!Almai, ka mihelah ruai out hetas ven mari anien onen Ahi! \x + \xo 19:17 \xt Esek 39:17-20\x*  
\v 18 !Almai, ka mihean teiai onen asuv houlu keil, onen avat keil tavaeen, onen meatin tavaeen keil one, onen hos keil ka onen meatin keil amuloh eni emun! !Almai, ka mihean teiai onen meatin vasi keil enek: koakeil amaluv vita rokol koakeil avi slev, ka koakeil amarite vita rokol koakeil avi havipi sukar!”   
\p
\v 19 Evus, nales tirendan tisa koa mulamu ka asuv houlu keil ten out netan ral min meatin tavaeen keil one. Keil umai out tas keke avavae vatal min Iesu, koa mul muloh en hos, ka meatin keil onen. \x + \xo 19:19 \xt Sam 2:2\x*  
\v 20 Kei vuli kat tirendan tisa ral provet taluvosien onen koa mumon merikel keil en meten tirendan enek keke valuvos koakeil akur metai onen tirendan ka koakeil uva netan min nana onen. Kei son keilu lumoul luva en mari ahang koa suval vuli ahang ten vane. \x + \xo 19:20 \xt Rev 13:7,12-17; 14:9,11; 16:2; 20:4,10,15; Aes 30:33\x*  
\v 21 Evus Iesu, koa muloh en hos onen, ra vinvini meatin tavaeen vasi keil onen tirendan ral min naef koa kistal ran ongon. Ka aman keil umai akan vini keil en teiai onen meatin keil enek.\x + \xo 19:21 \xt Esek 39:17,20\x*   
\c 20  
\s1 Meatin keil onen Ahi alosil kat tounah keil ten out netan sua taosen tai (1000)  
\p
\v 1 Evus, nales \w angelo\w* tai mita ran out nesa, en hen vuli kat ki ten Vulvul koa keite teni tovuol ral min sen tai koa meas ka mariso.  
\v 2 Kei vuli kat mari \w dragon\w*, tetal telamu \x + \xo 20:2 \xt Sen 3:1\x* koa avise en Temat, vuo \w Setan\w*, ka par kati en sen koanik ten sua taosen tai (1000). \x + \xo 20:2 \xt Rev 12:9\x*  
\v 3 Anatin, angelo soni vita en Vulvul, koteh kat metareh teni, ka sak kati keih. Kei sakini keke Temat sakras valuvos ris kantri keil emun hetokol navong sua taosen tai heli. Ka hekatau en sua keil enek, Ahi hemaeni hemaluv eris ten avong hehi havivis. \x + \xo 20:3 \xt 2Pit 2:4; Siud 1:6\x*   
\p
\v 4 Evus, nales meatin keil arondan en vulin keil ten keihoen ka Ahi maen keil alei rahit usite onen meatin keil vasi. Nalesi emun koakeil koa, mulamu, ara koteh vatie veni avitehiten anatinien usil Iesu ka selusien onen Ahi. Anatin, keil enek arvatei netan min tirendan tisa vuo nana onen, ka arkurtei metai onen en veinae vuo en he. Nales koakeil enek amoul eris ran matien ka amul alosil kat out netan ral min Iesu Kristo ten sua taosen tai (1000). \x + \xo 20:4 \xt Dan 7:9,22,27; Luk 22:30; 1Kor 6:2; Rev 13:17; 14:9,11; 16:2; 19:20\x*  
\v 5 Koanik vi mearisien koa mulamu. Meatin savsav keil koa umat imoul eris esuk navong sua taosen tai heli.  
\v 6 Tokolkatien onen Ahi hel en koakeil koa Ahi rali lat keil ran matien en mearisien koa mulamu, ka keil irmattei mun en matien koa elu ten lisenges. \x + \xo 20:6 \xt Rev 20:14; 21:8\x* Keil ihi votut ka imai ihi \w pris\w* onen Ahi ka onen Iesu Kristo, ka ilosil kat out vasi hetal min Iesu sua taosen tai (1000). \x + \xo 20:6 \xt Eks 19:6; Aes 61:6; 1Pit 2:5,9; Rev 1:6; 5:10\x*   
\s1 Ahi heson Temat hehita en vuli ahang  
\p
\v 7 Navong sua taosen tai (1000) heli, Ahi hemaen \w Temat|lemma="Setan"\w* hemaluv ran eim takeih onen.  
\v 8 Ka kei heha heluvos meatin ten kantri keil en out vasi netan, houmoni en kantri ten out Gog ka Magog. Temat helah keil imai out hetas ven rea, ka keil imai ihi houlu vis ihi houlu mok hesuval veien koa mul en sisi atas keil. \x + \xo 20:8 \xt Esek 7:2; 38:2\x*  
\v 9 Keil imai ihilelau en out vasi ka il rahit out koa meatin keil onen Ahi umon votevav ome ien ka ikarahit mari taon koa envatien onen mul ien. Ka Ahi hesakin ahang hemita netan ran teilang nesa, hehita hean lin koakeil avi vativieh ral min keil. \x + \xo 20:9 \xt 2Ki 1:10; Esek 38:22; 39:6\x*  
\v 10 Evus, Temat koa mul luvos keil, Ahi hesakini isoni hehita en vuli ahang koa suval ahang ten vane, out koa ason tirendan ka provet taluvosien onen luva ien. Ekonek, ahang hean keil meneai ka vongien, ka ilong mahien teni lises ka lisenges. \x + \xo 20:10 \xt Aes 30:33; Rev 19:20; 20:15; Sen 19:24; Sam 11:6; Esek 38:22; Rev 21:8\x*   
\s1 Ahi lei rahit usite onen tounah vasi keil en Avong ten Mari Kot  
\p
\v 11 Evus, nales mari vulin ten keihoen koa muoh ka nales kei koa rondan ien. \x + \xo 20:11 \xt Dan 7:9-10; Mat 25:31-46\x* Out netan ka teilang nesa luva rani, luvuol ka arlestei mun keilu. \x + \xo 20:11 \xt Sam 114:3,7\x*  
\v 12 Ka nales meatin vasi keil koa umatmat amulomal vesesal en mari vulin ten keihoen, hetetamen keil vita rokol meatin kuren keil, koakeil amarite vita rokol koakeil avi havipi. Evus, nalesi avue tus keil koa amutis kat sakien vasi keil onen meatin retai mul ien.\x + \xo 20:12 \xt Sam 28:4; 62:12; Pro 24:12; Aes 59:18; Ser 17:10; Rom 2:6; 1Kor 3:8; 2Kor 11:15; 2Tim 4:14; 1Pit 1:17; Rev 2:23; 18:6; 22:12\x* Ka avue tus tamun, Tus ten Moulien, koa amutis kat isen meatin keil mul ien koa ikur moulien ten lisenges.\x + \xo 20:12 \xt Eks 32:32,33; Sam 69:28; Dan 12:1; Plp 4:3; Rev 3:5; 13:8; 17:8; 20:15; 21:27\x* Evus, Ahi lei rahit usite onen meatin vasi keil enek musil sakien keil one koa amutis kati mul ien.  
\v 13 Atas sa lat koakeil umat ien. Ka Matien ka Hedis, keilu mun lusa lat koakeil umat koa luvuli kat keil. Anatin, en meatin keil vasi, Ahi san mahien min keil musil asa koa keil amumoni. \x + \xo 20:13 \xt Rev 1:18\x*  
\v 14 Evus, Matien ka Hedis, Ahi son keilu luva en vuli ahang koa vi matien koa elu ten lisenges. \x + \xo 20:14 \xt 1Kor 15:26,55\x*  
\v 15 Navong avuli Tus ten Moulien koa amutis kat isen meatin keil koa ikur moulien ten lisenges, koakeil arvotintei isei mul ien, ason keil uva en vuli ahang enek. \x + \xo 20:15 \xt Aes 30:33; Mat 25:41; Rev 19:20; 20:10; 21:8; Eks 32:32,33; Sam 69:28; Dan 12:1; Plp 4:3; Rev 3:5; 13:8; 17:8; 20:12; 21:27\x*   
\c 21  
\s1 Out nesa ka out netan lumai luvi heite hau  
\p
\v 1 Evus, nalesi keke teilang nesa ka out netan koa luvi heite hau lukikistal. Teilang nesa ka out netan telamu luvupuol, ka atas tovuol emun. \x + \xo 21:1 \xt Aes 65:17; 66:22; 2Pit 3:13\x*  
\v 2 Nales taon ten out \w Serusalem\w* koa vi heite hau, kei mun kistal. Anatin, Taon Votut onen Ahi mul mita netan ran out nesa ven Ahi. Nalesi keke taon enek tahos imok suval ahin koa musin revi kei ven tetaliheien onen keke vaha vales meatin onen. \x + \xo 21:2 \xt Aes 52:1; Rev 3:12; Aes 61:10; Hib 11:10,16\x*  
\v 3 Evus, nalong rea takeih tai selus ka vesesal en mari vulin ten keihoen onen Ahi vit,  
\q1 “!Kosa, teim onen Ahi mul  
\q2 ral min meatin keil ten out netan!  
\q1 Kei heto hetal min keil,  
\q2 ka keil ihi meatin keil onen.  
\q1 Ahi kei enges varei heto hetal min keil,  
\q2 ka hehi Ahi one.\x + \xo 21:3 \xt Lev 26:11-12; 2Kron 6:18; Esek 37:27; Sak 2:10; 2Kor 6:16\x*   
\q1
\v 4 Kei houul siamet ran mete. \x + \xo 21:4 \xt Aes 25:8; Rev 7:17\x*  
\q2 Matien ka tangien hetovuol emun,  
\q2 isien ka mahien hevus varei.  
\q1 Veni sakien keil telamu ten mahien ka matien irlestei mun.”\x + \xo 21:4 \xt Aes 35:10; 65:19\x*   
\p
\v 5 Evus, tai koa rondan en mari vulin ten keihoen viteni vit, “?Milesi? !Kosa, namumon tounah vasi mai vi heite hau!” Evus, kei viteni mun minau vit, “Kitis selusien koanik, veni selusien keil enek vi anatin ka meatin kilea valing desien onen eni.” \x + \xo 21:5 \xt 1Ki 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 6:16; 7:10,15; 19:4; 2Kor 5:17\x*  
\v 6 Ka kei viteni vit, “!Vus tuai, namum vasin asa koa ek vati moumoni! En tounah vasi keil koa mul, inau naro mulamu eni ka nito hekatau eni. Anatin, nasakini mul ka nisakini hevuol. Min etai koa maroro kati, inau nisa maen oai hemuni koa ka en vulioai koa san moulien ten lisenges. \x + \xo 21:6 \xt Rev 1:8; 22:13; Aes 44:6; 48:12; Rev 1:17; 22:13; Aes 55:1; Sion 7:37; Rev 22:17; Sam 36:9; Ser 2:13\x*  
\v 7 Koakeil ihatimal hekeih en vaeen ten demkatien, keil ikur tounah keil vasi enek ranau keke hehi one ten lisenges. Inau nihi Ahi one, ka keil ihi titak keil. \x + \xo 21:7 \xt 2Saml 7:14\x*  
\v 8 Ka en usite onen koakeil ulie metau, koakeil aviles ran Iesu, koakeil amusil kat sakien keil ten out netan, koakeil amu vini meatin, koakeil amumon sakien ten hoeasoen, koakeil amumon eimas, koakeil uva netan min nana keil, ka koakeil taluvosien; koakeil vasi amukonek, keil iha en vuli ahang koa suval vuli ahang ten vane. Koanik vi matien koa elu ten lisenges.” \x + \xo 21:8 \xt Aes 30:33; Mat 25:41; Rev 19:20; 20:10,15; Sen 19:24; Sam 11:6; Esek 38:22; Rev 19:20\x*   
\s1 Serusalem mai vi heite hau ka mita en out netan  
\p
\v 9 Tai en \w angelo\w* koa oulu (7) koa akur pesin oulu (7) vilelau en mahien ekor, kei emai venau ka vit, “Amai, ka nitie minuk ahin koa hetetalihe hetal min kei koa suval sipsip.”  
\v 10 Evus, Ninin onen Ahi sienau ka angelo kur nau melvina nesa en mari hou tai. Ekonek, kei rie Serusalem Hau koa vi Taon Votut minau, ka nalesi mul mita netan ran out nesa ven Ahi. \x + \xo 21:10 \xt Esek 40:2\x*  
\v 11 Kei vihil ral min muohien onen Ahi. Anatin, nalesi vilahil suval ahat koa tahos imok, suval saspa koa mekaikai suval kilas. \x + \xo 21:11 \xt Aes 60:1,2,19\x*  
\v 12 Vieh ten taon mariso ka taveah vina nesa. Meteau teni teindan elu (12) ka angelo teindan elu (12) alei kokoe en meteau keil enek. Nesa en meteau keil enek, amutis isen mari vatiamal teindan elu (12) onen me-Isrel keil. \x + \xo 21:12 \xt Eks 28:21; Esek 48:30-35\x*  
\v 13 Meteau etel amul en usite vasi keil; etel en usite koa ist, etel en usite koa saot, etel en usite koa not, ka etel en usite koa wes.  
\v 14 Vieh ten taon enek, vatte teni vi mari ahat teindan elu (12), koa amutis isen \w eiloheh\w* teindan elu (12) onen kei koa suval sipsip mul ien.   
\p
\v 15 Angelo koa selus minau kur ai tai koa vi gol koa akur mita eni. Nalesi navong vuli mita keil ten taon, ten meteau keil, ka ten vieh keil emun teni. \x + \xo 21:15 \xt Esek 40:3,5\x*  
\v 16 Taon enek, usite vasi keil teni ral min taveah teni vatte tas. Navong angelo vuli, votini keke taveah teni vi stadia\f + \fr 21:16 \ft Stadia tai suval out ten futbol koa marite. Ka 12,000 stadia vinvin en 2,400 kilomita.\f* taosen teindan elu (12,000). \x + \xo 21:16 \xt Esek 48:16,17\x*  
\v 17 Evus, angelo kur hulhulien ten vieh teni, votini keke matetel teni rokol kiubit handred tai hanumau elu ka ahat emun (144).\f + \fr 21:17 \ft Kiubit tai suval taveah ten urulin meatin rokol kalihen. Ka 144 kiubit vinvin en 60 mita.\f* Navong angelo kur hulhulien ten tounah keil enek, kei musil sakien ten hulhulien onen meatin keil ten out netan.  
\v 18 Vieh amumoni en ahat koa merentas koa avise en saspa. Ka taon enek, amumoni en gol koa mutolas ka vilahil suval navong meteiai ritin en kilas.  
\v 19 Ahat keil koa avi vatte ten vieh ten taon, keil amosan en keil en mormore ahat keil. Koanik ahat keil koa alingi ihi vatte teni: koa mulamu (1) vi saspa, koa elu (2) en keil vi safaea, ka koa etel (3) en keil vi akat. Ka nesa eni, koa ehat (4) en keil vi emeral, \x + \xo 21:19 \xt Aes 54:11-12\x*  
\v 20 koa elim (5) en keil vi onikis, ka koa ahetai (6) en keil vi kanilian. Evus, koa oulu (7) en keil vi krisolaet, koa outel (8) en keil vi beril, ka koa ouhat (9) en keil vi topas. Ka nesa eni, koa halualim (10) en keil vi krisopres, koa teindan tai (11) vi takois, ka koa teindan elu (12) vi ametis.  
\v 21 Meteau teindan elu (12) keil enek avi veimesau keil tetahos; tetai en meteau keil enek amumoni en mari veimesau tas. Sise keil ten taon vi gol koa mutolas imok, koa vilahil suval kilas koa mekaikai.   
\p
\v 22 En taon enek, narlestei Eim Votut tai val ien, veni Ahi Asuv ten Keihoen ka kei koa suval sipsip mul en mesai ka meatin keil akilea avaha netan min keilu en out vasi. \x + \xo 21:22 \xt Amos 3:13; 4:13; Rev 1:8; 4:8; 11:17; 15:3; 16:7,14; 19:6,15\x*  
\v 23 Taon enek, muohien onen Ahi enges ritin eni, ka kei koa suval sipsip vi meneai teni. Sakini meatin keil teni armundem ramat entei meteiai vuo avati. \x + \xo 21:23 \xt Aes 60:19-20; Rev 22:5\x*  
\v 24 Meatin keil ten out netan ual en meneai teni, ka asuv houlu keil emun ilah mormore tounah keil one iha eni keke isani min Ahi ka min kei koa suval sipsip. \x + \xo 21:24 \xt Aes 60:3,5\x*  
\v 25 Meteau keil ten taon enek itah lises. Irkotehtei en keil avong etai, veni vongien hetovuol en out enek. \x + \xo 21:25 \xt Aes 60:11; Sak 14:7; Rev 22:5\x*  
\v 26 Meatin keil ten out netan ilah mormore tounah keil one heha en taon keke isani min Ahi ka min kei koa suval sipsip. \x + \xo 21:26 \xt Sam 72:10-11\x*  
\v 27 En taon enek, meatin koa sak kalkali, vuo koa mumon tounah tatisaso, vuo koa mul luvos, vulie hetovuol ien. Ka koakeil enges ise amutisi en Tus ten Moulien onen kei koa suval sipsip, keil enges akilea iha ka ito en taon enek. \x + \xo 21:27 \xt Aes 52:1; 1Kor 6:9-10; 2Pit 3:13; Rev 22:15; Eks 32:32,33; Sam 69:28; Dan 12:1; Plp 4:3; Rev 3:5; 13:8; 17:8; 20:12,15\x*   
\c 22  
\s1 Oai ten moulien  
\p
\v 1 Evus, angelo rie lati minau oaisal koa oai ten moulien mul muloh eni. Nalesi mekaikai ka vilahil suval kilas koa meteiai ritin eni, ka mul mue ran mari vulin ten keihoen onen Ahi ka onen kei koa suval sipsip. \x + \xo 22:1 \xt Esek 47:1; Soel 3:18; Sak 14:8\x*  
\v 2 Oaisal enek mue luhu en mari sise ten taon. Ka en usi oaisal vasi keilu, vatiai keil amoul ien koa heite teni mul san moulien ten lisenges. Keil akur heite avong teindan elu (12) en sua tai, avong tai en avati vasi keil. Ka oute keil ten keil akilea vakulat mesaien ran meatin keil ten kantri vasi. \x + \xo 22:2 \xt Sen 2:9; 3:22; Esek 47:12\x*  
\v 3 En out enek, sesendaen hetovuol emun. \x + \xo 22:3 \xt Sak 14:11\x*  
\p Mari vulin ten keihoen onen Ahi ka onen kei koa suval sipsip luhel en taon enek, ka meatin vasi keil onen koa avi eiloheh keil onen iha netan mini.  
\v 4 Keil iles veinan, ka isen itisi hel en veinae. \x + \xo 22:4 \xt Sam 17:15; 42:2; Mat 5:8; Rev 3:12\x*  
\v 5 Vongien hetovuol emun, ka meatin keil irmundem ramat entei mun laet vuo meneai, veni Ahi Asuv hehi meneai one. Ka keil ilosil kat out vasi hesuval asuv houlu keil lises ka lisenges. \x + \xo 22:5 \xt Sak 14:7; Rev 21:25; Aes 60:19-20; Rev 21:23; Dan 7:18,27; Rev 5:10; 20:6\x*   
\s1 Amairisien onen Iesu  
\p
\v 6 Evus, \w angelo\w* viteni minau vit, “Selusien keil enek vi anatin ka akilea avandesini. Ahi Asuv koa san ninin onen ven \w provet\w* keil, kei san angelo onen vatie lati min eiloheh keil onen asa koa hekur out hervitei tuetin.” \x + \xo 22:6 \xt Dan 2:28,29,45; Rev 1:1,19\x*   
\p
\v 7 Evus, Iesu viteni vit, “!Mihetaengoni! !Nimai hervitei tuetin! Ka tokolkatien onen Ahi hel en koakeil along kat selusien ten hothotien usil asa koa hemai koa nara usili en tus koanik.” \x + \xo 22:7 \xt Rev 2:16; 3:11; 22:12,20\x*   
\p
\v 8 Inau, Sion, nalonge ka nalei vasin tounah keil ekek. Ka navong nalonge ka nalesi evus, namalingling ka nuva netan en alen angelo koa rie tounah keil enek minau. \x + \xo 22:8 \xt Umen 10:25-26; Rev 19:10\x*  
\v 9 Ka kei viteni minau vit, “!Konoumontei namukonek! Inau mun navi eiloheh enges onen Ahi suvaluk, suval tumali keil koa avi provet keil koa akur hothotien keil, ka suval koakeil emun amusil kat selusien koa mul en tus ekek. !Kiha netan min Ahi enges!”   
\p
\v 10 Ka kei viteni mun minau vit, “Selusien usil asa koa hemai koa Iesu vit luvati minuk, konapil koetei natal min siil tai, veni avong vesesal keke tounah keil ekek hekur out. \x + \xo 22:10 \xt Dan 12:4; Rev 1:3\x*  
\v 11 Sakini, koakeil amul amum tisa ka kalkali, akilea avales avahikit sakien keil tatisa ka takalkalien. Ka koakeil amul amum mal ka moulien one vi votut, akilea avales avahikit sakien keil koa mal ka vi votut.”   
\p
\v 12 Evus, Iesu vit, “!Mihetaengoni! !Nimai hervitei tuetin! Nikur ui umen ka mahien hetal minau, ka nisani hetetai min meatin keil housil asa koa keil en tai amumoni. \x + \xo 22:12 \xt Rev 2:16; 3:11; 22:7,20; Aes 40:10; 62:11; Sam 28:4; 62:12; Pro 24:12; Aes 59:18; Ser 17:10; Rom 2:6; 1Kor 3:8; 2Kor 11:15; 2Tim 4:14; 1Pit 1:17; Rev 2:23; 18:6; 20:13,14\x*  
\v 13 En tounah vasi keil koa mul, inau naro mulamu eni ka nito hekatau eni. Anatin, nasakini mul ka nisakini hevuol, namum rohtoh eni ka num ekor eni.” \x + \xo 22:13 \xt Rev 1:8; 21:6; Aes 44:6; 48:12; Rev 1:17; 2:8; 21:6\x*   
\p
\v 14 Tokolkatien onen Ahi hel en koakeil moulien one mutolas suval akas motein eisin ome muto. Ahi hemaen keil imai ian heiai ten vatiai keil koa heite teni mul san moulien ten lisenges. Hemaen keil ika en meteau keil ten taon imai neim. \x + \xo 22:14 \xt Sen 2:9; 3:22; Esek 47:12; Rev 22:2,19\x*  
\v 15 Ka hae en taon enek hehi koakeil amusil kat sakien keil ten out netan: koakeil amumon eimas, koakeil amumon sakien ten hoeasoen, koakeil amu vini meatin, koakeil uva netan min nana keil, ka koakeil avi uti luvosien. \x + \xo 22:15 \xt 1Kor 6:9-10; Rev 21:8,27\x*   
\p
\v 16 “Inau, Iesu, koa nasila angelo onak vahit mesein tounah keil ekek min kami koa mika en sios vasi keil. Inau navi kei koa provet keil avit luvati vit heka en vatiamal onen asuv houlu \w Deved\w* ka hekur ris losilkatien onen. \x + \xo 22:16 \xt Aes 11:1,10; Rom 1:3; Rev 5:5\x* Inau navi Melan, hitu ten visokon koa avat kati avit hemai.” \x + \xo 22:16 \xt Nam 24:17; Rev 2:28\x*   
\p
\v 17 Ninin onen Ahi ka ahin \f + \fr 22:17 \ft Ahin enek vi tatavolien usil meatin keil onen Ahi koa aling demkatien one en Iesu ka asan moulien one mini.\f* onen kei koa suval sipsip mul viso vit, “!Almai!” \x + \xo 22:17 \xt Aes 55:1; Sion 7:37; Rev 21:6\x*  
\p Koakeil vasi ilong hothotien koanik ihiteni mun ihit “!Almai!”  
\p !Kami keil maroro kat kami, almai! Anatin, mihemai mihemun oai koa hesan moulien ten lisenges min kami. Asa maen oai enek vi sanien tai min koakeil e vati avamai avakuri.   
\s1 Selusien ekor  
\p
\v 18 Inau, Sion, nasel kat kami vasi li mok koa milong selusien ten hothotien usil asa koa hemai koa Iesu vit luvati mul en tus ekek. Munak meatin etai heling kat etai mun selusien eni, Ahi heling kat mahien koa avit usili en tus ekek hel ien. \x + \xo 22:18 \xt Dut 4:2; 12:32\x*  
\v 19 Ka munak meatin etai hekulat etai selusien rani, Ahi hekulati rani vangi heiai ten vatiai keil koa heite teni san moulien ten lisenges ka hermaentei vaha neim en Taon Votut onen Ahi koa avit usili en tus ekek. \x + \xo 22:19 \xt Sen 2:9; 3:22; Esek 47:12; Rev 22:2,14\x*   
\p
\v 20 Kei koa vothot en selusien koanik mul viteni vit, “!Anatin! Nimai hervitei tuetin!” \x + \xo 22:20 \xt Rev 2:16; 3:11; 22:7,12\x*  
\p !Anatin eli, Asuv Iesu kimai!   
\p
\v 21 Navisi keke more envatien onen Asuv Iesu heto hetal min kami vasi koa mivi meatin keil onen Ahi. !Anatin!