\id MRK - Shwe Palaung Bible Translation
\ide UTF-8
\ide 65001 - Unicode (UTF-8)
\h မာကု
\toc1 မာကု တဲမ်အူန် ဆဒါင်ကျ ယေဆုခရိ
\toc2 မာကု
\toc3 မာ
\mt1 မာကု
\mt2 တဲမ်အူန် ဆဒါင်ကျ ယေဆုခရိ
\imt ကောစဒါ
\im \bk မာကု တဲမ်အူန် ဆဒါင်ကျ ယေဆုခရိအီုဝ်\bk* တဘေဲႇကျံမ်က်ုန်မဲ တန်ုဆဒါင်ကျ ဖိုန်အူပ်ဒီန် လီပ်ရန်ုအူအူပ်။ ယာမ်ယေဆုခရိ ပဲန်ဘီ တန်ုကံမ်ဖာအီုဝ် အ်ုန်ဂြည်ဒဲႈအူန် “ဧဝံဂေလိ” ဖိုန်အူပ်အီုဝ်၊ အိုမ်ငဲအ်ုန်မိူဝ်ႈ “ဆဒါင်ကျ။” ဆဒါင်ကျဖိုန်အူပ်ဂဲဒီန် ယေဆု ဟွည်ႇခါမ်ဒေယံမ် ဂဲတဲမ်အူန် ဘေဲႇကျံမ် မဿဲ၊ မာကု၊ လုကာဂါရ် ယောဟန်။ မာကု တဲမ်အူန် ဆဒါင်ကျ ယေဆုခရိအီုဝ် တန်ုဘေဲႇကျံမ်ခရိ ဆဒါင်ကျ ဖိုန်အူပ်ဒီန် အ်ုန်အဲမ်ညှိုႈညှိုႈ။ ပံပ်ဘေဲႇဆဒါင်ကျအီုဝ် ဘီဂဲညှိုမ်ဒိုည်ႇ မိူဝ်ႈပည်ဂဲတဲမ်အူန် ဇူႈအူ တက်ုန်ဒီ ၆၅–၇၀ (တောရ်ကိူရ်ဖံန်–ပူရ်ကိူရ်ဆန်ုမ်) ဘံန်ခရိ ဟွည်ႇကိူတ်လေႈ။ ဘေဲႇကျံမ် ပ်ုန်တဲမ်ဂဲအီုဝ် ဘီမှောဘီနံပ်၊ ဘီယိူဝ်ပိင်ငျာဂဲ ညှိုမ်ဒိုည်ႇ မိူဝ်ႈဂဲတဲမ်ဘေဲႇကျံမ်ဒီန် တန်ုကုင်ရောမ။ အတွငဲဒဲႈရဲင် တဘီအ်ုန်ဂွည် န်ုကုင်ရောမ တခရိဆျှံန်ဂဲ။
\ip မာကုအီုဝ်၊ ဂဲနံပ်ပည်အ်ုန်မိူဝ်ႈ ယောဟန်မာကု၊ အ်ုန်ဘိူည်မိူဝ်ႈဂံတ် ဘူဂေါ တမန်ဇ်ုပေါလုဂါရ် ဗာရဗ္ဗ အခိင်အ်ုန်ဘ်ုပ်ဒေပဲတ်ပဲတ် ဒေင်ဆာဆနာဒေဒီန် ထိညှိုႈဂုင်ဆရေအ်ုန် (\xt တ ၁၃.၁၃\xt*)။ ဘံန်လာ မာကုဂါရ် ဗာရဗ္ဗအာရ်ကူ ႎီရ်လာ်ႈရူမ်ထဲင်ဒေင် (\xt တ ၁၅.၃၇–၃၉\xt*)။ မာကုအီုဝ် မှံတ်ညှိုႈပေတရုမိူဝ်ႈ ခိူည်ဘူဂေါအရာင်ဒေ (\xt ၁ ပေ ၅.၁၃\xt*)။ ယာမ်ယေဆု ပဲန်ဘီတန်ုကံမ်ဖာအီုဝ် မာကုဒီန် ဘိူည်မိူဝ်ႈဂံတ် ဆာ့်ဆေကာယိူဝ်ဒေငိူပ် တငါည်ဒေ၊ ဘီနံပ်ပိင်ငျာဂဲ ဘာ့်ဘာ့်ဘိူဝ်ဘိူဝ် ညှိုမ်ဒိုည်ႇ မိူဝ်ႈမာကုတဲမ်အူန် ဆာ့်ဆေပ်ုန်ဂြည် ပေတရု။ အီအီုဝ်မိူဝ်ႈ မာကု တဲမ်အူန် ဆဒါင်ကျ ယေဆုခရိအအီုဝ် အတွတီုင်ဆဒါင်ကျ။ တန်ုဆဒါင်ကျဒီန် မာကု ခံပ်အူန်တနွံရ်ႈဒေ အတွပဲန်တဘဲႇယေဆုဂါရ် ပ်ုန်ဆာင်ဆောန်အ်ုန် တခိင်ခါဝ်ဟာဆူတ်ဒီန်။
\iot အောပ်ရံတ် ခိူည်မိူဝ်ႈခိူည်ပိုည်
\io1 ၁။ ယာမ်စက်ုရ်ယိူဝ်ဒဲႈ ပံပ်ဘေဲႇကျံမ်မာကု \ior (၁.၁–၁၃)\ior*
\io1 ၂။ ဟွည်ႇဒီန်၊ မာကုဂြည်ပျ အကျံင်ကာန်ပ်ုန်ရ်ုရ် ယေဆု ယာမ်အ်ုန်ဂွည် တကပီုန်ကုင်ဂါလိလဲ \ior (၁.၁၄—၈.၂၁)\ior*
\io1 ၃။ ဟွည်ႇဒီန်၊ အ်ုန်ဂြည်ပျ အကျံင် ဒေင်ဆာဆနာ ယေဆု တကုင်ယေရုရှလင် \ior (၈.၂၂—၁၀.၅၂)\ior*
\io1 ၄။ မာကု တဲမ်အူန် ပ်ုန်ဟွည်ႇဒေဒိူည် ယာမ်အကျံင် ယေဆု ဂွည်တကုင်ယေရုရှလင်၊ အကျံင်အ်ုန်ခါမ်ဒေယံမ်ဂါရ် အကျံင် အ်ုန်ႎီရ်ယိူဝ်ႇအီမ်ဒိုရ်ယံမ်ဒီန် \ior (၁၁.၁—၁၆.၈)\ior*
\ie
\c 1
\s တရာပ်ုန်ဟောဂြည် ဗတ္တိဇံဆရာယောဟန်
\r (မဿဲ ၃.၁–၁၂; လုကာ ၃.၁–၁၈; ယောဟန် ၁.၁၉–၂၈)
\p
\v 1 ယာမ်စ ဆဒါင်ကျ ကွံန်ဖြာ\f + \fr ၁.၁ \fr*\ft န်ုပံပ်ဘေဲႇကျံမ် ပ်ုန်တဲမ်ဇောမ်တီ ပ်ုရ်ဒီဂဲ ကာပါစိ \ft*\fq ကွံန်ဖြာ။\fq*\f* အကျံင်ယေဆုခရိ မိူဝ်ႈခိူည်အီုဝ်။ 
\v 2 ပ်ုန်တဲမ်အူန် တန်ုဘေဲႇကျံမ် ပရောဖက်ဟေရှာယမိူဝ်ႈ၊
\q1 “ဖြာဒါႈ၊ ‘ငိူပ်မေန်၊ အောဒီပ္လေါည်လေႈ ဖဇ်ုတပ္လေင်အော ရအာတ်မီ၊ အတွ ရဲန်ပိူဝ်ႈဒဲႈ ရဒေင်လာ်ႈ ကီုရ်ညာဖြာ။’
\q1
\v 3 တန်ုကန္တာရ ဘီအူကူပြိုႈဒါႈ၊
\q2 ‘ရဲန်ဘြဲရဒေင် အတွစွလေႈ ကီုရ်ညာဖြာ၊
\q2 ရ်ုရ်ဒဲႈ ရဒေင်လာ်ႈအ်ုန် ဆီုဝ်ဆီုဝ်အေ့။’ ”
\p
\v 4 ကောပ်ခိူည်ဒီန် ယောဟန် ပေါရောတ်ဒေ ဟောဂြည်တရာ တန်ုကန္တာရ ဒဲႈပွံတ် မံင်ဂလာဗတ္တိဇံ။\f + \fr ၁.၄ \fr*\fq ကောပ်ခိူည်ဒီန် ယောဟန် ပေါရောတ်ဒေ ဟောဂြည်တရာ တန်ုကန္တာရ ဒဲႈပွံတ် မံင်ဂလာဗတ္တိဇံ၊ \fq*\ft ယိူဝ်တပံပ်ဘေဲႇကျံမ် ပ်ုန်တဲမ်ပ်ုရ်ဒီဂဲ၊ \ft*\fqa ဗတ္တိဇံဆရာယောဟန် ဟောဂြည်ဒဲႈတရာ အ်ုန်လိူရ်ႈ တန်ုကန္တာရ။\fqa*\f* အ်ုန်ဒါႈ တဘီဂဲ၊ “ဒဲႈပဲလှောႇဖိူမ် ဒိုရ်အပေတ်ဒေ ခါမ်ပွံတ် မံင်ဂလာဗတ္တိဇံ၊ က်ုန်ညာခိူည်ဒီန် ဖြာ ဒီပ္လိုတ်ခွါင်ဒဲႈ အပေတ်ပဲ။” 
\v 5 အခိင်ဒီန် ဘီကုင်ဘီရူ တကုင်ယေရုရှလင်၊ ဘီကပီုန်ကုင်ယုဒ ဘာ့်ဘာ့်ဘိူဝ်ဘိူဝ်ဂဲဒီန် လေႈလာ်ႈဇူ တယောဟန်။ ဂဲလာည်ဂြည်ပျဒိုည်ႇ အပေတ် ပ်ုန်က်ုရ်လူတ်ဒေ တအ်ုန် ဂဲခါမ်ဒိုည်ႇပွံတ် မံင်ဂလာဗတ္တိဇံ န်ုအိုမ်ယော်ဒန်။
\p
\v 6 ယောဟန် ချူပ်ဒေဒါ ဂြူရ်ုရ် တဟုကလာအု၊ တုပွံတ်ႎံရ်ဆဲႇဆရေ တညွည်ဒေ၊ အ်ုန်ဟောမ် ႎါႇဆျှံတ်ငှေါဂါရ် ငါမ်ဖျံရ်ဘြီ။ 
\v 7 အ်ုန်ပြိုႈဂြည် တဘီဂဲ၊ “အီအ်ုန်မျြံတ်ဒါင် ဒိုရ်အော ဒီစွလေႈရဘံန်အောယာ့်။ ကူပ်အောကာႈဒဲႈ ႎံရ်ချှူပ်စာပ်အ်ုန်လိုည် အောကာထိူဝ်ႇ။ 
\v 8 အောအီုဝ် ဒဲႈတပဲ မံင်ဂလာဗတ္တိဇံ ဇ်ုတ်တအိုမ်၊ ကောည်လိုည် အ်ုန်ဒီဒါႎိငျံန်ဆပဲ ဒဲႈမံင်ဂလာဗတ္တိဇံ တပဲ။”
\s ယေဆု ခါမ်မံင်ဂလာဗတ္တိဇံဂါရ် ဘ်ုပ်ခါမ်ကဝ်ဆျှူ
\r (မဿဲ ၃.၁၃; ၄.၁၁; လုကာ ၃.၂၁–၂၂; ၄.၁–၁၃)
\p
\v 9 အခိင်ဒီန် ယေဆု ယိူဝ်ႇဒိုရ် ကုင်နာဇရက် တကပီုန်ဂါလိလဲ၊ စွလေႈဇူ ခါမ်ပွံတ် မံင်ဂလာဗတ္တိဇံ တယောဟန် တအိုမ်ယော်ဒန်။ 
\v 10 ယာမ်ယေဆု ယိူဝ်ႇဇံင် ဒိုရ်န်ုအိုမ်၊ အ်ုန်ယိူဝ်ဒေငိူပ် ပ္လေင်က်ုရ်ပိူဝ်ႈပွံတ်ဒေ၊ ႎိငျံန်ဖြာ ညာခိူည်ဆီမ်အပ္လိုည် လေႈစံပ် ဒါ့်တပါင်ယာႇဒေ။ 
\v 11 \x - \xo ၁.၁၁ \xo*\xt မ ၃.၁၇; ၁၂.၁၈; မာ ၉.၇; လု ၃.၂၂\xt*\x*ဟွည်ႇဒီန် ဂံရ်ႈလေႈ ဒိုရ်န်ုပ္လေင်ဒီန် ဒါႈ၊ “မီ မိူဝ်ႈညှိုႈ ကွံန်ပ်ုန်ရံက်အောယာ့်၊ မီဇူႈညှိုႈ နွံရ်ႈဖိူမ်အော။”
\p
\v 12 ဟွည်ႇဒီန် ႎိငျံန် တောႇလာ်ႈပွံတ် ယေဆု တန်ုကန္တာရ အူဒီန်တောအူဒီန်။ 
\v 13 ယာမ်ဒီန် အ်ုန်ဂွည်ဒေ တန်ုကန္တာရ ဖိုန်ကိူရ်ဆငီ၊ ဘ်ုပ်က်ုရ်တူႈ စာတန် ကီုရ်နံမ်ချှိုဂဲ ကဝ်ဆျှူစုင်ဇာမ်ဒေ။ အ်ုန်ဂွည်ရူမ် ဇောမ်တိုဘြီချှိုဂဲ အရာပ်ဒီန်၊ တမန်ဇ်ုဂဲတပ္လေင်မိူဝ်ႈ လေႈပေါဒေ ဟျံင်လူမ်လာပွံတ်အ်ုန်။
\s ယေဆုတောႇ အီဘဲႇကာဖိုန်ကူ
\r (မဿဲ ၄.၁၂–၂၂; လုကာ ၄.၁၄–၁၅; ၅.၁–၁၁)
\p
\v 14 ယောဟန် ဟွည်ႇ က်ုရ်တူႈ ဘ်ုပ်ဇာ်ႈထံင်၊ ယေဆု စွလာ်ႈပွံတ်ဒေ တကပီုန်ကုင် ဂါလိလဲ၊ ဟွည်ႇဒီန် အ်ုန်ဟောဂြည် ဆဒါင်ကျဖြာ၊ 
\v 15 \x - \xo ၁.၁၅ \xo*\xt မ ၃.၂\xt*\x*အ်ုန်ဒါႈ “အခိင်ဟွည်ႇပြေ့စုင်၊ ကပီုန်ကုင်ဖြာ ဟွည်ႇဒံတ်တဲယာ့်၊ ဒဲႈပဲလှောႇဖိူမ် ဒိုရ်အပေတ်ဒေ၊ ညှိုမ်ဆဒါင်ကျအီုဝ်အေ့။”
\p
\v 16 ယာမ်ယေဆု စွလာ်ႈရာင်ကောည်ဒေ တပြါအိုမ်ဆက္လုင် ဂါလိလဲ၊ အ်ုန်ယိူဝ်ဒေငိူပ် ရှိမုန် ဇီုဝ်ပေတရုဂါရ် အန္ဒြေ ႎါႎည် မိူဝ်ႈအီဘဲႇကာ၊ ဂါရ်ဒါ့်ပျာ်ႈ ရရ်ုပ်ကာဒေ တန်ုအိုမ်ဆက္လုင်။ 
\v 17 ယေဆုဒါႈ တဂါရ်၊ “လာ်ႈ ဇောမ်ရဘံန်အော၊ ပါရ်အာရ်ကူဒီန် အောဒီဒဲႈပဲပဲန် အီဘဲႇတိုဘီ။” 
\v 18 ဂဲဒီန်မိူဝ်ႈ ပဲတ်ပွံတ်ရရ်ုပ်ကာဒေ အူဒီန်တောအူဒီန် လာ်ႈဇောမ်ပွံတ်အ်ုန်။ 
\v 19 ဘံန်ဟွည်ႇ စွလာ်ႈဘိုန် အရာပ်ဒီန်တရီတ် အ်ုန်ယိူဝ်ဒေငိူပ် ကွံန်အီမဲဇေဗေဒဲ ယာကုပ်ဂါရ် ယောဟန် ႎါႎည်အာရ်ကူ၊ ဂဲ ဒါ့်က်ုန်ဘာန် ရရ်ုပ်ကာဒေ တပါင်ရိူဝ်။
\p
\v 20 ဘံန်ယေဆု ယိူဝ်ဒေငိူပ် အ်ုန်တောႇပွံတ်ဂါရ် အူဒီန်တောအူဒီန်၊ ဂါရ်ဒီန် ပဲတ်ပဲတ် ကူန်ဒေ ဇေဗေဒဲ ဒါ့်ဂွည်ဒေဇောမ်ဘီစာင်ဂဲ တပါင်ရိူဝ် လာ်ႈဇောမ်ပွံတ် ရဘံန်အ်ုန်။
\s ကီုရ်နံမ်ချှို လီပ်စံပ်တအီအူကူ
\r (လုကာ ၄.၃၁–၃၇)
\p
\v 21 ဟွည်ႇဒီန် ယေဆုဂါရ် တဘဲႇအ်ုန်ဂဲ လာ်ႈလီပ်ဒိုည်ႇ တန်ုကုင် ကပေရနောင်၊ ဘံန်ရောတ် ဆငီဆဒါင် ယေဆုလီပ်ပွံတ် တကျောင်ရဆောန်ဒဲႈတရာ အ်ုန်ဆာင်ဆောန်ပွံတ်ဂဲ။ 
\v 22 \x - \xo ၁.၂၂ \xo*\xt မ ၇.၂၈,၂၉\xt*\x*ယာမ်ဒီန်ဖုင်ဘီဂဲ ယိူဝ်ဒေဆတီုင် ငဲပ်ုန်ဆာင်ဆောန်အ်ုန် ဂဲညာအာမ်ဒိုည်ႇပွံတ်ဒေ။ ပ်ုန်ဆာင်ဆောန်ဒဲႈအ်ုန် ကာနှေရ်စိ ခိူည်တာဆရာနံပ်ဘေဲႇကျံမ်ဂဲ၊ ညာခိူည် ဘီယိူဝ်အခွါင်အာဏာ ဆုင်မဆာင်ဆောန်ဒဲႈ တဘီဂဲ။
\p
\v 23 ဟွည်ႇဒီန် တန်ုကျောင်ရဆောန်ဒဲႈတရာ ယိူဝ်ကီုရ်နံမ်ကာကျကာလ လီပ်စံပ် တအီအူကူ လာ်ႈရောတ် အ်ုန်ပြိုႈဒေဒါႈ၊ 
\v 24 “အိူဝ် ကွံန်ကုင်နာဇရက် ယေဆု၊ ဆေမီ က်ုရ်ဆဴင် တယဲ၊ မီလာ်ႈရောတ် တအရာပ်အီုဝ် မိူဝ်ႈအတွ ပ်ုန်လူယဲအဲႈ။ အဆေမီမိူဝ်ႈ ယဲနံပ်အေ့၊ မီမိူဝ်ႈ ဘီမျြံတ်ဆပဲဖြာ။”
\p
\v 25 ယေဆု ဒါႈငဲဆုင်မပွံတ် တကီုရ်နံမ်ကာကျကာလဒီန်၊ “ဂွည်ညီမ်ညီမ်၊ လေႈပွံတ်မီ ဒိုရ်အ်ုန်။”
\p
\v 26 အခိင်ဒီန် ကီုရ်နံမ်ကာကျကာလ ဟွည်ႇယူႈရဲင်ပ်ုန်ခေါပွံတ် အီကူဒီန်၊ ပြိုႈဂံရ်ႈရဲင်ရဲင် လေႈပွံတ်ဒေ ဒိုရ်တိုအ်ုန်။ 
\v 27 ဟွည်ႇဒီန် ဘီဂဲ ညာအာမ်ဒိုည်ႇပွံတ်ဒေ၊ ဂဲလာည်က်ုရ်မိုန်တဒေ အူကူတောအူကူ ဂဲဒါႈ၊ “ပ်ုန်ဆာင်ဆောန်အ်ုန် က်ုန်မဲအီုဝ် ဆေမိူဝ်ႈအဲႈ။ အီကူအီုဝ် ယိူဝ်အခွါင်အာဏာ ဘံန်အ်ုန်ဒဲႈအမိင် တကီုရ်နံမ်ကာကျကာလဂဲ ဂဲဇူဒိုည်ႇငဲပ်ုန်ဂြည်အ်ုန်။”
\p
\v 28 ဘံန်ညာခိူည်ဒီန် အကျံင် ဆဒါင်ယေဆုမိူဝ်ႈ ပြံတ်ဖာည်ပွံတ်ဒေ တန်ုကပီုန်ဂါလိလဲ အရာပ်တွံန်တီတွံန်တီ။
\s ယေဆု ဒဲႈဘီဘာ့်ဘိူဝ်ဂဲ ချံမ်ဆာ
\r (မဿဲ ၈.၁၄–၁၇; လုကာ ၄.၃၈–၄၁)
\p
\v 29 ဟွည်ႇဒီန် ယေဆုလေႈရူမ်ဇောမ် တဘဲႇဒေ ယာကုပ်ဂါရ် ယောဟန် ဒိုရ်ကျောင်ရဆောန်ဒဲႈတရာ၊ လာ်ႈပွံတ်တဂါင် ရှိမုန်ဂါရ် အန္ဒြေ။ 
\v 30 ကန်ရှိမုန်ပီ စံပ်ဆူဖိူဝ်နာ ဒါ့်အီတ်နှေရ်ဒေ တရအီတ်၊ ဂဲဂြည်ပွံတ် အကျံင်အ်ုန် တယေဆု အူဒီန်တောအူဒီန်။ 
\v 31 အ်ုန်လာ်ႈဇူပွံတ် အီပ်ုန်ဒီန်၊ ဘာတီပျိုႇယိူဝ်ႇပွံတ်အ်ုန်၊ ဒံင်အူကပြေ့ ဆူဖိူဝ်နာအ်ုန်ဒီန် ဟြာည်ပွံတ်ဒေ။ အ်ုန်ယိူဝ်ႇဘဲပွံတ်ဒေ ရ်ုရ်ခါမ်ခဲႇ ဟျံင်လူမ်လာပွံတ်ဂဲ။
\p
\v 32 အခိင်ဆငီလီပ် စူန်မှိူဝ်ဒီန် ဘီဂဲ ဒေါလာ်ႈဒေဒိူည် ဘ်ုရ်ယိူဝ်ဘီဆူနာဂဲဂါရ် ဘီကီုရ်နံမ်ချှို လီပ်စံပ်တဂဲ တရအာတ်ယေဆု။ 
\v 33 ဘီပည်ကုင်ဂဲဒီန် လာ်ႈရောတ်ဒေက်ုရ်စုဒိုည်ႇ တရအာတ်ဘာင်ဘိုႈဂါင်။ 
\v 34 အခိင်ဒီန် ဘီဘ်ုပ်ရောဂါ တွံန်မျိုတွံန်နဲ ယေဆု ဟွည်ႇဒဲႈဂဲချံမ်ဆာ၊ ရူပ်လေႈဒိုည်ႇပဲတ် ကီုရ်နံမ်ချှိုတဂဲ။ ကောပ်ကီုရ်နံမ်ချှိုဂဲဒီန် နံပ်အ်ုန်မိူဝ်ႈအဆေ၊ ငဲအူမိုတ်လိုည် အ်ုန်ကာဒဲႈစိ အခွါင်တဂဲဂြည်။
\s ယေဆုဟောဂြည်တရာ တန်ုကပီုန်ကုင်ဂါလိလဲ
\r (လုကာ ၄.၄၂–၄၄)
\p
\v 35 ဆငီဘံန် အခိင်ရႎါရ်ႈဇံဝ်ဇံဝ်၊ ယေဆု ယိူဝ်ႇလေႈဒိုရ်ဂါင် စွလာ်ႈဆုတောင် တအရာပ်ယေန်ညီမ်။ 
\v 36 အခိင်ဒီန် ရှိမုန်ဂါရ် ဘူဂေါဘူဆေဂဲ ဇောမ်ဒေလဲမ်ဒိုည်ႇအ်ုန်၊ 
\v 37 ဘံန်ဂဲယိူဝ်ဒေငိူပ်အ်ုန် ဂဲဒါႈ၊ “ဘီဂဲ လဲမ်ဒိုည်ႇမီ။”
\p
\v 38 ကောည်လိုည် ယေဆုဒါႈတဂဲ၊ “အယ်လာ်ႈဒိုည်ႇ အတွဒဲႈအောဘိူန်အော ဟောဂြည်တရာ တရူက်ုရ်ဒံတ်အရာပ်အီုဝ်။ ကောပ်မိူဝ်ႈခိူည်ဒီန် အောတလာ်ႈပေါရောတ် ဟာအီုဝ်။”
\p
\v 39 \x - \xo ၁.၃၉ \xo*\xt မ ၄.၂၃; ၉.၃၅\xt*\x*ဘံန်ညာခိူည်ဒီန် အ်ုန်လာ်ႈဒေင် တကပီုန်ကုင်ဂါလိလဲ အရာပ်တွံန်တီတွံန်ဒဲန်၊ အ်ုန်ဟောဂြည်တရာ တကျောင်ရဆောန်ဒဲႈတရာဂဲ ရူပ်လေႈဒိုည်ႇ ကီုရ်နံမ်ချှို။
\s ယေဆု ဒဲႈဘီအူကူချံမ်ဆာ
\r (မဿဲ ၈.၁–၄; လုကာ ၅.၁၂–၁၆)
\p
\v 40 ဘီဘ်ုပ်တူတ်အူကူဒီန် လာ်ႈရောတ်ဒေ မာ့်ပ်ုရ်ဒ်ုပ်ပွံတ် တရအာတ်ယေဆု၊ အ်ုန်မှာန်ဒါႈ၊ “မီက်ုန်ယိူဝ်နွံရ်ႈဖိူမ်၊ မီဘဲအေ့ဒေ ရ်ုရ်ဒဲႈအောဆပဲ။”\f + \fr ၁.၄၀ \fr*\fk ရ်ုရ်ဒဲႈအောဆပဲ၊ \fk*\ft တထုင်အူန်ကူန်မာ ဒါႈထာင်မိူဝ်ႈ ရောဂါအီုဝ် ဆမာဒဲႈပဲန်ကာဆပဲ တအီအူကူ။\ft*\f*
\p
\v 41 ယေဆု ယိူဝ်နွံရ်ႈဖိူမ်က်ုရ်ႎေ\f + \fr ၁.၄၁ \fr*\fq က်ုရ်ႎေ၊ \fq*\ft ယိူဝ် တပံပ်ဘေဲႇ ပ်ုရ်ဒီဂဲ \ft*\fqa ဒေါဆ။\fqa*\f*အ်ုန်၊ ဆာတ်တီဒေ ထိပွံတ်တိုအီကူဒီန်။ အ်ုန်ႎီရ်ဒါႈ၊ “အောယိူဝ်အေ့ နွံရ်ႈဖိူမ်၊ ဒဲႈမီရောတ်တဆပဲ။” 
\v 42 ဒံင်အူကပြေ့ တူတ်ပ်ုန်ဘ်ုပ်အ်ုန်ဒီန် မိူဝ်ႈဟြာည် ဆပဲပွံတ်ဒေ။ 
\v 43 ဟွည်ႇဒီန် ယေဆု တံမ်ရံတ်ငဲတအ်ုန် ဒဲႈအ်ုန်ႎေင်ပွံတ်ဒေ အူဒီန်တောအူဒီန်၊ 
\v 44 ဘံန်ဟွည်ႇဒါႈတအ်ုန်၊ “ဆတီုင်ဘိူဝ်၊ မီမာည်ဂြည်တအဆေ အကျံင်အီုဝ်၊ လာ်ႈပွံတ်မီ တတာယဇ်ပုရောဟိတ် ဒဲႈဂဲစဲတ်မီ၊ က်ုန်ဟွည်ႇ ပျတိုဒေတဂဲ၊ ခိူည်မီရောတ်တဆပဲအီုဝ် ဒဲႈမီပဲန်ဆာ့်ဆေ တရအာတ်ဘီဂဲ၊ လှူအာပ်ကာပ်ဒဲႈပ်ုန်လှူ ခိူည်ပ်ုန်ပိင်ငျှံပ်အူန် မောရှေ တပဲအေ့။”
\p
\v 45 ကောည်လိုည် အီကူဒီန် လေႈပွံတ်ဒေ လာ်ႈဂြည်ဆဒါင်ဒီန် တအရာပ်တွံန်တီ၊ ဘံန်အ်ုန်ဂြည်ဆဒါင်ဒီန်ဘ္လံမ် ယေဆုကာဂိူပ်ယာႇလီပ်ဂွည် တက်ုန်ဒီဘီ လိူရ်ႈလိူရ်ႈ။ ဆဲႈဒီန်၊ အ်ုန်ဂွည်ဂိူဝ်ဒေ တဘြီရိူဝ်ႇကုင် အရာပ်ယေန်ညီမ်၊ အခိင်ဒီန် ဘီအရာပ်တွံန်တီ လာ်ႈရောတ်ပေါဒိုည်ႇတအ်ုန်။
\c 2
\s ယေဆု ဒဲႈဘီဘ်ုပ်တီဇိူင်ဇ်ုမ် ချံမ်ဆာ
\r (မဿဲ ၉.၁–၈; လုကာ ၅.၁၇–၂၆)
\p
\v 1 ဟွည်ႇဇီုဝ့်အူႎံင် ယေဆု ႎီရ်လီပ်ဒေ တကုင်ကပေရနောင်၊ ဘီဂဲယိူဝ်ဒေဆတီုင် ဆဒါင် အ်ုန်ဒါ့်ဂွည်ဒေတဂါင်။ 
\v 2 ဘီဘာ့်ဘာ့်ဘိူဝ်ဘိူဝ်ဂဲ လာ်ႈက်ုရ်စုဒိုည်ႇဒေ တရအာတ် ဘာင်ဘိုႈဂါင် မောဂိူပ်ကာယိူဝ်ရဂွည်၊ ယေဆု ဒါ့်ဟောဂြည် ဒဲႈဂဲဆတီုင် ငဲတရာ။ 
\v 3 ယာမ်ဒီန် ဘီဖိုန်ကူဂဲ က်ုရ်ကွံက်ဒေဒိူည်လာ်ႈ ဘီဘ်ုပ်တီဇိူင်ဇ်ုမ် အူကူ ပေါတယေဆု။ 
\v 4 ကောပ်ဘီက်ုရ်စု ကီုန်လူတ်လာည်၊ ဘံန်ဂဲကာဘိူန်ဒေဒိူည်လာ်ႈ တအ်ုန်၊ ဂဲဟာ့်ပွံတ်တကြောင်ဂါင် တက်ုရ်ႎိူည်ယေဆု။ ဘံန်ဂဲဟွည်ႇစာ်ႈ လျှပိူဝ်ႈက်ုရ်ဘာ့်ဂါင်၊ ပျာ်ႈတခြုံရ်လေႈပွံတ် ဘီဘ်ုပ်တီဇိူင်ဇ်ုမ်ဂါရ် ပေရ်ရအီတ်အ်ုန်။ 
\v 5 ဘံန်ယေဆုယိူဝ်ဒေငိူပ် ဖိူမ်ညှိုမ်ဂဲ၊ အ်ုန်ဒါႈ တဘီဘ်ုပ်တီဇိူင်ဇ်ုမ်ဒီန်၊ “အိူဝ် ကွံန်အီမဲအော၊ ပ္လိုတ်ခွါင်ဒဲႈ အပေတ်ပ်ုန်လူတ်မီယာ့်။”
\p
\v 6 ကောည်လိုည် တာဆရာနံပ်ဘေဲႇကျံမ်ပ်ုရ်ဒီဂဲ မာ့်အရာပ်ဒီန် ဒါ့်စေ့ကူရာင်ကွည်ဒေ တန်ုဖိူမ်၊ 
\v 7 “အီကူအီုဝ် ကောပ်ဆေ အ်ုန်ယာႇဂြည်ငဲ ခိူည်အီုဝ်။ အ်ုန်အီုဝ် မိူဝ်ႈဂြည်ငဲ ပ်ုန်ဘဝ်ဖြာ။ ဆဲႈဖြာအူပါ အဆေဘဲဒေ ပ္လိုတ်ခွါင်ဒဲႈ အပေတ်ပ်ုန်လူတ်အီုဝ်။”
\p
\v 8 ခိူည်မောဂဲ စေ့ကူဆာင်ချာင်တန်ုဖိူမ်ဒေ ယေဆု နံပ်ပွံတ် အူဒီန်တောအူဒီန်၊ အ်ုန်ဒါႈတဂဲ၊ “ကောပ်ဆေ ပဲစေ့ကူဆာင်ချာင် တန်ုဖိူမ်ပဲ ညာခိူည်ဒီန်။ 
\v 9 ငဲခိူည်မောငှိူည်တဒါႈ တဘီဘ်ုပ်တီဇိူင်ဇ်ုမ်အီုဝ်၊ ငှိူည်တဒါႈ၊ ‘ပ္လိုတ်ခွါင်ဒဲႈ အပေတ်ပ်ုန်က်ုရ်လူတ်မီ’ က်ုန်ကာမိူဝ်ႈ ‘ယိူဝ်ႇဇံင်၊ ဒေါပေရ်ရအီတ်မီ လာ်ႈပွံတ်အဲႈ။’ 
\v 10 အောဒီပျဆာ့်ဆေ ဒဲႈပဲနံပ်၊ ခိူည်မောကွံန်ဘီအီုဝ် ယိူဝ်အခွါင်အာဏာ ပ္လိုတ်ခွါင်ဒဲႈ အပေတ်ပ်ုန်လူတ်ဘီ တပါင်ကံမ်ဖာအီုဝ်။” ဘံန်ညာခိူည်ဒီန် အ်ုန်ဒါႈတဘီဘ်ုပ်တီဇိူင်ဇ်ုမ်ဒီန်၊ 
\v 11 “အောဂြည်တမီ၊ ယိူဝ်ႇဇံင်၊ ဒေါပေရ်ရအီတ်မီ ႎေင်ပွံတ်တဂါင်။”
\p
\v 12 အခိင်ဒီန် ဘီဘ်ုပ်တီဇိူင်ဇ်ုမ်ဒီန်မိူဝ်ႈ၊ ယိူဝ်ႇဇံင် တိူဝ်ႈပွံတ်ပေရ်ရအီတ်ဒေ၊ လာ်ႈဖာည်ဖာည်ပွံတ် တဟာရဆငါည်။ ဂဲညာအာမ်ဒိုည်ႇပွံတ်ဒေ၊ ဂဲဒါႈ၊ “ညာခိူည်ပ်ုန်ပဲန်အ်ုန်အီုဝ် အူလိူဝ်ႈမိူဝ်ႈ အယ်ကာကျာင်ယိူဝ်စိ အယ်ငိူပ်။” ဟွည်ႇဒီန် ဂဲဟိုင်တာင်ပွံတ်ဂုင်ဖြာ။
\s ယေဆု တောႇလေဝိ
\r (မဿဲ ၉.၉–၁၃; လုကာ ၅.၂၇–၃၂)
\p
\v 13 ယေဆု ႎီရ်လာ်ႈထဲင် တပြါအိုမ်ဆက္လုင်ဂါလိလဲ။ ဘံန်ဘီက်ုရ်စုဂဲဒီန် လာ်ႈရောတ် တအ်ုန်၊ အ်ုန်ဆာင်ဆောန်ပွံတ်ဂဲ။ 
\v 14 ယာမ်ယေဆုစွလာ်ႈ ရာင်ကွည်ဒေ၊ အ်ုန်ယိူဝ်ဒေငိူပ် ကွံန်အီမဲအာလဖဲ လေဝိ၊ ဒါ့်မာ့်ဒေ တလူမ်ကာ့်အခူန်။ ယေဆုဒါႈတအ်ုန်၊ “ဇောမ်လာ်ႈ ရဘံန်အော။” လေဝိဒီန်မိူဝ်ႈ ယိူဝ်ႇဇောမ်လာ်ႈပွံတ် ရဘံန်အ်ုန်။
\p
\v 15 ယာမ်ယေဆု လီပ်မာ့်ဟောမ်မှိူဝ် တန်ုဂါင်လေဝိ။\f + \fr ၂.၁၅ \fr*\fq တန်ုဂါင်လေဝိ၊ \fq*\ft က်ုန်ကာမိူဝ်ႈ \ft*\fqa တအ်ုန် \fqa*\ft (အ်ုန်ဒီန် မိူဝ်ႈယေဆု) ဂါင်။\ft*\f* အီအ်ုန်ကာ့်အခူန်ဂဲဂါရ် အီအ်ုန်ယိူဝ်အပေတ်ဂဲဒီန် လာ်ႈက်ုရ်စုဒေဟောမ် ဇောမ်ယေဆုဂါရ် တဘဲႇအ်ုန်ဂဲ တဘွည်။ 
\v 16 အခိင်ဒီန် အီအ်ုန်မိူဝ်ႈ ဖာရိရှဲ တာဆရာနံပ်ဘေဲႇကျံမ်ပ်ုရ်ဒီဂဲ၊ ဘံန်ယိူဝ်ဒေငိူပ် ယေဆု ဒါ့်တျံင်ဟောမ်ရူမ် ဇောမ်အီအ်ုန်ယိူဝ်အပေတ်ဂါရ် အီအ်ုန်ကာ့်အခူန်ဂဲဒီန်၊ ဂဲဆ်ုရ်မွံတ်ပွံတ် တဘဲႇအ်ုန်ဂဲ၊ “ကောပ်ဆေ အ်ုန်တျံင်ရူမ်ဟောမ်ရူမ် ဇောမ်ဘီဂဲ ညာခိူည်အီုဝ်။”
\p
\v 17 ဘံန်ယေဆု ယိူဝ်ဒေဆတီုင်၊ အ်ုန်ႎီရ်ဒါႈတဂဲ၊ “ဘီချံမ်ဆာကာယိူဝ်ရောဂါဂဲအီုဝ် ကာလိုစိ ဆရာႎူန်၊ ဘီကာချံမ်ဆာဆူဖိူဝ်ဂဲအီုဝ်ဂိူဝ် လိုဆရာႎူန်။ ကာမိူဝ်ႈစိ အောလာ်ႈပေါ အတွတောႇ ဘီရိုဆီုဝ်ဂဲ၊ မိူဝ်ႈအောလာ်ႈပေါ အတွဝောာႇ အီအ်ုန်ယိူဝ်အပေတ်ဂဲ။”
\s ပ်ုန်ဆ်ုရ်မွံတ် အကျံင်စံင်ႎဲႈပ်ုန်ဟောမ်
\r (မဿဲ ၉.၁၄–၁၇; လုကာ ၅.၃၃–၃၉)
\p
\v 18 ယာမ်ဒီန်အူဆငီ တဘဲႇဇောမ်ရဘံန် ဗတ္တိဇံဆရာယောဟန်ဂါရ် ဖာရိရှဲဂဲဒီန် ဒါ့်စံင်ႎဲႈပ်ုန်ဟောမ်။ ဘီဂဲ ပ်ုရ်ဒီလာ်ႈရောတ်ဒေ ဆ်ုရ်မွံတ်တယေဆု၊ “တဘဲႇဗတ္တိဇံယောဟန်ဂဲဂါရ် တဘဲႇဖာရိရှဲဂဲ ဘိူည်စံင်ႎဲႈပ်ုန်ဟောမ်၊ ကောပ်ဆေ တဘဲႇမီဂဲ ကာပဲန်ဒေ စံင်ႎဲႈပ်ုန်ဟောမ်။”
\p
\v 19 ယေဆု ႎီရ်ဒါႈ၊ “ယာမ်ခြိူဝ်မျို၊ ဘူဂေါဘူဆေ ရလျံင်ကူခံတ်ဂဲဒီန် ဂွည်ရူမ်ဇောမ်အ်ုန် ဂဲဒီပဲန်ကောဒေ စံင်ႎဲႈပ်ုန်ဟောမ်အဲႈ။ ဒံင်ဂဲဂွည်ရူမ် ဇောမ်ရလျံင်ကူခံတ်ဒီန် ဂဲကာပဲန်စိဒေ စံင်ႎဲႈပ်ုန်ဟောမ်။ 
\v 20 ကောည်လိုည် ဒီရောတ်ပေါ ဆငီတောႇဒိူည်လာ်ႈ ရလျံင်ကူခံတ်ဒီန် ဒိုရ်ဂဲ၊ က်ုန်ရောတ် ခိင်ခါဝ်ဆငီဒီန် ဂဲဒီန် ဒီစံင်ႎဲႈဒိုည်ႇပ်ုန်ဟောမ်။
\p
\v 21 “အဆေမိူဝ်ႈ ကာကျာင်စိဒေ ဒါပိဘံန်က်ုန်မဲ က်ုန်ဘာင်ဆဒေါပြီမ်၊ က်ုန်ညာခိူည်ဒီန် ပ်ုန်က်ုန်ဘာင်အူန် ပိဘံန်က်ုန်မဲပီ ဘံန်အ်ုန်ဟောမ်ဆဒေါပြီမ် ဘီုင်ဆမာႎါႈနာပွံတ်ဒေ။ 
\v 22 စံမ်ညာခိူည်ဒီန် အဆေမိူဝ်ႈ ကာကျာင်လှ်ုပ်စိ အိုမ်မရာတ်က်ုန်မဲ တပေါႇဆရေပြီမ်။ က်ုန်လှ်ုပ်ညာခိူည်ဒီန် ဘံန်အိုမ်မရာတ်က်ုန်မဲ ဒဲႈပေါႇဆရေပြီမ်ဒီန် က်ုရ်ဆဲႈ ပည်အိုမ်မရာတ်၊ ပည်ပေါႇဆရေ ဒီလူပွံတ်ဒေ။ အိုမ်မရာတ်က်ုန်မဲဒီန် ဘိူန်ဂိူဝ်လှ်ုပ် တပေါႇဆရေက်ုန်မဲ။”
\s ပ်ုန်ဆ်ုရ်မွံတ် အကျံင်ဆငီဆဒါင်
\r (မဿဲ ၁၂.၁–၈; လုကာ ၆.၁–၅)
\p
\v 23 တန်ုဆငီဆဒါင်၊ ယာမ်ယေဆု စွက်ုရ်ခါမ်လာ်ႈ ကီုရ်ဘူမ်ရဆ်ုမ်ငှေါ ပ်ုရ်ဒီ။ တဘဲႇအ်ုန်ဂဲ လာ်ႈရူမ်ဇောမ်အ်ုန်၊ ပ်ုတ်ပွံတ်ပ္လေငှေါ။ 
\v 24 ကောပ်ခိူည်ဒီန် ဖာရိရှဲ ဂဲဒါႈ တယေဆု၊ “ငိူပ်မေန်၊ တန်ုဆငီဆဒါင်၊ ကောပ်ဆေ တဘဲႇမီဂဲ ရ်ုရ်ညာ ထုင်ပ်ုန်ကာမှိူမ်ရ်ုရ်အဲႈ။”
\p
\v 25 ယေဆု ႎီရ်ဒါႈတဂဲ၊ “ပဲကာတိူမ်ဒီရ်ႈဂံတ်၊ အခိင်ဒါဝိဒ်ဂါရ် ဘူဂေါအ်ုန်ဂဲ ကာယိူဝ်ပ်ုန်ဟောမ် ဘံန်က်ုန်ဘြာန်လူတ်လာည်၊ ဆေဂဲရ်ုရ်ဒေဒိူည်။ 
\v 26 ဘံန်ညာခိူည်ဒီန် အ်ုန်လီပ်ပွံတ် တန်ုဂါင်ဖြာ တိူဝ်ႈဒေဟောမ် မုင်ပ်ုန်လှူကာပ်ဒဲႈ တဖြာ။ အ်ုန်ရ်ုရ်ညာခိူည်ဒီန် မိူဝ်ႈယာမ်လာႇထာႇ အဗျာသာ ပဲန်တာဒါင်ယဇ်ပုရောဟိတ်။ က်ုန်မိူဝ်ႈထုင်ပိင်ငျှံပ်အယ် ဆဲႈတာယဇ်ပုရောဟိတ် အဆေမိူဝ်ႈကာယိူဝ်စိ အခွါင်ဟောမ် မုင်ပ်ုန်လှူဒီန်၊ ကောည်လိုည် ဒါဝိဒ် ဟွည်ႇဟောမ် အ်ုန်ဒဲႈ ပည်ဘူဂေါဒေဂဲ ဟောမ်။”
\p
\v 27 ဟွည်ႇဒီန် ယေဆုႎီရ်ဒါႈထဲင်၊ “ဆငီဆဒါင်အီုဝ် မိူဝ်ႈဖာန်ဇာမ်အူန် အကျိုကျ အတွဘီ။ ကာမိူဝ်ႈစိ ဖာန်ဇာမ်ဘီ အတွဆငီဆဒါင်။” 
\v 28 “ကောပ်ခိူည်ဒီန် ကွံန်ဘီအီုဝ်မိူဝ်ႈ ပည်ကီုရ်ညာ ဆငီဆဒါင်။”
\c 3
\s ဘီဘ်ုပ်တီဇ်ုမ်အူခေါန်
\r (မဿဲ ၁၂.၉–၁၄; လုကာ ၆.၆–၁၁)
\p
\v 1 ဟွည်ႇဒီန် အခိင်ယေဆု ႎီရ်လီပ်ထဲင် တကျောင်ရဆောန်ဒဲႈတရာ၊ ယိူဝ်ဘီဘ်ုပ်တီဇ်ုမ် အူခေါန် ဂွည်က်ုရ်တောဒီန်။ 
\v 2 ဘီပ်ုရ်ဒီဂဲ ဒဲႈဒေဘိူန်ဒေ အတွတာင်အပေတ် တယေဆု၊ ဂဲရဲ့ဒိုည်ႇဒေငိူပ် အ်ုန်ဒီရ်ုရ်ဒဲႈကော အီကူဒီန် ချံမ်ဆာ၊ ကာချံမ်ဆာ တန်ုဆငီဆဒါင်။ 
\v 3 ယေဆု ဒါႈတဘီဘ်ုပ်တီဇ်ုမ် အူခေါန်ဒီန်၊ “လာ်ႈဇံင်ပွံတ်မီ တရအာတ်ဘီဂဲတည်။” 
\v 4 ဟွည်ႇဒီန် အ်ုန်ဆ်ုရ်မွံတ်ဘီဂဲ၊ “ခိူည်န်ုထုင်တရာအယ် တဆငီဆဒါင်အီုဝ် မှိူမ်ဇောည် က်ုန်ကာမိူဝ်ႈ မှိူမ်ဒဲႈဒုခအဲႈ။ မှိူမ်ပ်ုန်လောတ်ဒဲႈ အဆာႇဘီအူကူအူဆိူဝ် က်ုန်ကာမိူဝ်ႈ မှိူမ်ပျံမ်ပဲတ်အဲႈ။”
\p ကောည်လိုည် ဂဲဒီန် ညာဂွည်ညိမ်ဒိုည်ႇပွံတ်ဒေ။ 
\v 5 အခိင်ယေဆု က်ုရ်ပံတ်ဒေငိူပ်ပွံတ် က်ုရ်ႎျံရ်ဒေ၊ ဘိူည်ဒေါဆလေႈဂံတ်တဂဲ ယာမ်ဒီန်၊ ကောပ်မိူဝ်ႈဂဲဖိူမ်ခေါ အတွဂဲက်ုရ်လူတ် ဖိူမ်အ်ုန်ကာပျော။ အ်ုန်ဒါႈတအီကူဒီန်၊ “ဆာတ်ပွံတ်တီမီ။” အီကူဒီန်မိူဝ်ႈ ဆာတ်ပွံတ်တီဒေ၊ တီအ်ုန်ႎီရ်ညာပွံတ်ခိူည်ပြီမ်။ 
\v 6 ဘံန်ညာခိူည်ဒီန် ဖာရိရှဲဂဲ လေႈပွံတ်ဒေ ဒိုရ်ကျောင်ရဆောန်ဒဲႈတရာ အူဒီန်တောအူဒီန်၊ ဂဲလာ်ႈက်ုရ်မိုန်ဇောမ် ဘီလီပ်ဖုင် တာပ်ုရ်မာင်ဟေရုဒ်ဂဲ ပ်ုရ်ဒီ၊ အတွခိူည်မောဂဲ ဒီဘိူန်ဒေခြီုမ် ပ်ုန်လူပျံမ်ပဲတ်ယေဆု။
\s ဘီက်ုရ်စု တပြောအိုမ်ဆက္လုင်
\p
\v 7 ဟွည်ႇဒီန် ယေဆု စွလာ်ႈရူမ်ဇောမ် တဘဲႇဒေဂဲ လ်ုပ်အိုမ်ဆက္လုင်ဂါလိလဲ၊ ဘီဘာ့်ဘာ့်ဘိူဝ်ဘိူဝ်ဂဲ ယိူဝ်ႇဒိုရ်အရာပ် ကပီုန်ကုင်ဂါလိလဲဒီန် ဇောမ်လာ်ႈဒိုည်ႇရဘံန်အ်ုန်။ ဆဲႈဒီန် ယိူဝ်ႇဒိုရ်ကပီုန်ကုင်ယုဒ၊ 
\v 8 ဒိုရ်ကုင်ယေရုရှလင်၊ ဒိုရ်ကပီုန်ကုင်ဣဒုမဲ၊ စပည် ဒိုရ်ဆဲႈပြါအိုမ်ယော်ဒန် လ်ုပ်လေႈဆငီ၊ ကုင်တုရုဂါရ် က်ုရ်ႎျံရ်ကုင်ဇိဒုန်၊ ကောပ်ဘီဂဲဒီန် ယိူဝ်ဒိုည်ႇဒေဆတီုင် ခံင်ပ်ုန်ရ်ုရ်ယေဆု ဂဲလာ်ႈပေါဒိုည်ႇဒေတအ်ုန်။ 
\v 9 \x - \xo ၃.၉,၁၀ \xo*\xt မာ ၄.၁; လု ၅.၁–၃\xt*\x*ဘံန်ဖုင်ဘီက်ုရ်စုဂဲ ကီုန်လူတ်လာည်၊ ယေဆုဒါႈ တတဘဲႇဒေဂဲ ရဲန်အူန်ရိူဝ်အူကြောင် ဒဲႈယိူဝ်ပဲတ်ဆေဆေ အတွအ်ုန်၊ မာည်ဒဲႈဘီဂဲက်ုရ်အီဒေ တိူဝ်တိုအ်ုန်။ 
\v 10 ကောပ်မိူဝ်ႈအ်ုန်ဆန်ုမ်ဒဲႈ ရောဂါဘီဘာ့်ဘာ့်ဘိူဝ်ဘိူဝ်ဂဲ ချံမ်ဆာဟြာည်၊ ဘ်ုရ်ယိူဝ် ဘီဘ်ုပ်ရောဂါႎိုည်ဒနာဂဲအီုဝ် က်ုရ်ညဲတ်ဒေလီပ်ဒိုည်ႇ အတွဒဲႈဂဲဘိူန်ဒေ တိူဝ်ထိအ်ုန်။ 
\v 11 အခိင်ဘီ ကီုရ်နံမ်ကာကျကာလ လီပ်စံပ်ဒီန် ယိူဝ်ဒေငိူပ်အ်ုန်၊ ဂဲမာ့်ဆကူပ်ပွံတ် တရအာတ်အ်ုန်၊ ပြိုႈဒေဒါႈ၊ “မီမိူဝ်ႈညှိုႈ ကွံန်ဖြာယာ့်။”
\p
\v 12 ယေဆု ပိင်ငျှံပ်ရံတ်ရံတ်အူန် တကီုရ်နံမ်ချှိုဒီန် မာည်ဒဲႈဂဲဂြည် အကျံင်ဒေ တအဆေ။
\s ယေဆု ရံရ်ႈတမန်ဇ်ု ကိူရ်အာရ်ကူ
\r (မဿဲ ၁၀.၁–၄; လုကာ ၆.၁၂–၁၆)
\p
\v 13 အခိင်ဒီန် ယေဆု လာ်ႈဟာ့်တဆိုရ် ဘံန်အ်ုန်တောႇ ဘီအ်ုန်ဇူႈနွံရ်ႈဒေ၊ ဂဲလာ်ႈပေါရောတ်ဒိုည်ႇ တအ်ုန်။ 
\v 14 အခိင်ဒီန် အ်ုန်ရံရ်ႈဂဲ ကိူရ်အာရ်ကူ၊ တာင်ဒဲႈဂဲဇီုဝ် တမန်ဇ်ု။ အ်ုန်ဒါႈတဂဲ၊ “အောရံရ်ႈ ဒဲႈပဲဂွည်ရူမ်ဇောမ်အောအီုဝ် မိူဝ်ႈအတွဟောဂြည်တရာ အောဒီပ္လေါည်လာ်ႈပဲ၊ 
\v 15 ဆဲႈဒီန် အောဒဲႈပဲဘိူန် အခွါင်အာဏာ ဘဲဒေရူပ်လေႈ ကီုရ်နံမ်ချှိုဂဲ။”
\p
\v 16 ပ်ုန်ရံရ်ႈအူန်အ်ုန် ကိူရ်အာရ်ကူဒီန်၊ မိူဝ်ႈရှိမုန် (အီကူအီုဝ်မိူဝ်ႈ ယေဆု တာင်ဒဲႈအ်ုန်ဇီုဝ် ပေတရု)၊ 
\v 17 ကွံန်အီမဲဇေဗေဒဲ ယာကုပ်ဂါရ် ယောဟန်၊ (ယေဆုတာင်ဒဲႈဂဲဇီုဝ် ဗောနေရဂက်၊ အိုမ်ငဲအ်ုန်မိူဝ်ႈ ကွံန်ကနံမ်ကဆံရ်ႈ)၊ 
\v 18 အန္ဒြေ၊ ဖိလိပ္ပု၊ ဗာသောလမဲ၊ မဿဲ၊ သောမ၊ ကွံန်အီမဲအာလဖဲ ယာကုပ်၊ သဒ္ဒဲ၊ မိူဝ်ႈအီရံက်ခြိူဝ်ဘီကာနနိတ် ရှိမုန်ဂါရ် 
\v 19 ယုဒရှကာရုတ်၊ ကူအ်ုန်ယာႈဆေတ်စာ တယေဆု။
\s ယေဆုဂါရ် ဗေလဇေဗုလ
\r (မဿဲ ၁၂.၂၂–၃၂; လုကာ ၁၁.၁၄–၂၃; ၁၂.၁၀)
\p
\v 20 ဟွည်ႇဒီန် ယေဆု စွလီပ်တန်ုဂါင်။ ဘံန်ဖုင်ဘီက်ုရ်စုဂဲ ႎီရ်လာ်ႈဇူထဲင် တယေဆုဂါရ် တဘဲႇအ်ုန် ဂဲကာယိူဝ်ပဲတ် အခိင်ဟောမ်ပ်ုန်ဟောမ်။ 
\v 21 ဘံန်ခြိူဝ်မျိုႎါႎည်အ်ုန်ဂဲ ယိူဝ်ဒေဆတီုင် အကျံင်ငဲပ်ုန်ဂြည် ဘီဂဲဒါႈ၊ “ဖိူမ်အ်ုန်ဟွည်ႇဖောက်ပျန်၊” ကောပ်ခိူည်ဒီန် ဂဲဒါႈဒေတိုည်တုအ်ုန် ဂဲလာ်ႈဇူဒိုည်ႇ။
\p
\v 22 \x - \xo ၃.၂၂ \xo*\xt မ ၉.၃၄; ၁၀.၂၅\xt*\x*တာဆရာနံပ်ဘေဲႇကျံမ်ဂဲ ပ်ုရ်ဒီ ယိူဝ်ႇရောတ် ဒိုရ်ကုင်ယေရုရှလင် ဂဲဒါႈ၊ “အ်ုန်အီုဝ် မိူဝ်ႈဗေလဇေဗုလ လီပ်စံပ်တအ်ုန်၊ မိူဝ်ႈအ်ုန်ဒါ တီုင်ဂို တာဒါင်ကီုရ်နံမ်ချှို အ်ုန်တဘဲဒေရူပ်လေႈ ကီုရ်နံမ်ချှိုဂဲ။”
\p
\v 23 အခိင်ဒီန် ယေဆုတောႇဒေဂြည် ငဲပုင်တဲႇ တဂဲ၊ “စာတန်အီုဝ် ခိူည်မောအ်ုန်ဒီညာဒေ ဘဲဒေရူပ်လေႈ စာတန်အဲႈ။” 
\v 24 “ကပီုန်ကုင် အူကုင်အီုဝ် က်ုန်က်ုရ်ခံတ် ဇောမ်တန်ုဖုင်ဒေ ဒီကာဘဲစိဒေတဲ။ 
\v 25 ဂါင်အီုဝ် က်ုန်လာည်နွံရ်ႈလာည်ဖိူမ် တန်ုဒေ၊ ဂါင်ဒီန် ဂဲကာဘဲစိဒေဇံင်မြဲ။” 
\v 26 “ကောပ်ခိူည်ဒီန် ကပီုန်ကုင် စာတန်ဂဲအီုဝ် က်ုန်က်ုရ်ခံတ် ဇောမ်ဖုင်ဒေ၊ ဂဲကာဘဲစိဒေဇံင်မြဲ မောဂိူပ်ပေါ တအခိင်ဟာဆူတ်။”
\p
\v 27 က်ုန်ကာတုဘိူဝ် ဘီႎါဝ်ဒီန် ရအာတ်၊ အဆေကာဘိူန်စိဒေ လီပ်တန်ုဂါင် တိူဝ်ႈဂြူအုဇာအ်ုန်၊ က်ုန်ဟွည်ႇတုဘိူဝ် ဘီႎါဝ်ဒီန် ဒီဘိူန်ဒေ လီပ်တန်ုဂါင် တိူဝ်ႈဂြူအုဇာအ်ုန်။
\p
\v 28 “အောဂြည်ညှိုႈတပဲ၊ ဘီဂဲအီုဝ် ဒီဘိူန်ဒေခါမ်ဇာ ပ္လိုတ်ခွါင် အပေတ်ဒေတွံန်နဲဂါရ် ဘ်ုရ်ယိူဝ်ငဲပ်ုန်ဘဝ်ဒေဂဲဒီန်။\f + \fr ၃.၂၈ \fr*\fq ဘ်ုရ်ယိူဝ်ငဲပ်ုန်ဘဝ်ဒေဂဲဒီန်၊ \fq*\ft က်ုန်ကာမိူဝ်ႈ \ft*\fqa ငဲပ်ုန်ဘဝ်ဂဲ ခံင်ကာကျ က်ုရ်ခံပ် တဖြာ။\fqa*\f* 
\v 29 ကောည်လိုည် အဆေမိူဝ်ႈဟွည်ႇ\x - \xo ၃.၂၉ \xo*\xt လု ၁၂.၁၀\xt*\x* က်ုန်ဂြည်ငဲပ်ုန်ဘဝ် တႎိငျံန်ဆပဲ ယာမ်မောမိူဝ်ႈဟွည်ႇ ဒီကာဘိူန်စိ ပ္လိုတ်ခွါင် ဒိုရ်အပေတ်ဒေ၊ ကောပ်မိူဝ်ႈအ်ုန်လူတ်ဘိုန် ဘ်ုပ်ဒေက်ုရ်တူႈ တာမ်တန်ုအပေတ်ထာဝရ။” 
\v 30 (ကောပ်ယေဆု ဒါႈဒေငဲခိူည်ဒီန် ဘီပ်ုရ်ဒီဂဲဒါႈ၊ “အ်ုန်အီုဝ် မိူဝ်ႈကီုရ်နံမ်ကာကျကာလ လီပ်ဂွည်တန်ုတိုအ်ုန်။”)
\s မာယေဆုဂါရ် ႎါအ်ုန်ဂဲ
\r (မဿဲ ၁၂.၄၆–၅၀; လုကာ ၈.၁၉–၂၁)
\p
\v 31 အခိင်ဒီန် မာယေဆုဂါရ် ႎါအ်ုန်ဂဲ ရောတ်ပေါ။ ဘံန်ဂါရ် ဒါ့်ဇံင်ဒေရရိူဝ့် ဂဲပ္လေါည်ဘီအူကူ လာ်ႈတောႇအ်ုန်။ 
\v 32 ဖုင်ဘီက်ုရ်စု ဒါ့်မာ့်က်ုရ်ႎျံရ် ယေဆုဒီန် ဒါႈတအ်ုန်၊ “ငိူပ်မေန်၊ မာမီ၊ ႎါအီမဲဂါရ် ႎါရပျာမီဂဲ လာ်ႈလဲမ်မီ ဒါ့်ဂွည်ဒိုည်ႇဒေရရိူဝ့်။”
\p
\v 33 ယေဆု ႎီရ်ဒါႈ၊ “အဆေမိူဝ်ႈ မာအောဂါရ် ႎါအောဂဲအဲႈ။” 
\v 34 ဟွည်ႇဒီန် အ်ုန်ငိူပ်ပွံတ်ဘီမာ့် တပြောက်ုရ်ႎျံရ်ဒေဂဲ အ်ုန်ဒါႈ၊ “ငိူပ်မေန်၊ ဘီဂဲအီုဝ် မိူဝ်ႈဒိုည်ႇမာအောဂါရ် ႎါအောဂဲယာ့်။” 
\v 35 “ဘီအ်ုန်ရ်ုရ် ဇောမ်နွံရ်ႈဖိူမ်ဖြာအီုဝ် မိူဝ်ႈဒိုည်ႇႎါအော၊ ႎါရပျာအော၊ မာအောဂဲယာ့်။”
\c 4
\s ပုင်တဲႇ ပြံတ်ကအာင်ဆမာရ်
\r (မဿဲ ၁၃.၁–၉; လုကာ ၈.၄–၈)
\p
\v 1 \x - \xo ၄.၁ \xo*\xt လု ၅.၁–၃\xt*\x*လိူဝ်ႈရဘံန် ယေဆု ဆုင်မဆာင်ဆောန်ဒဲႈ တပြော ပြါအိုမ်ဆက္လုင်ဂါလိလဲ။ ဘံန်ဘီက်ုရ်စု ဘာ့်ဘာ့်ဘိူဝ်ဘိူဝ်ဂဲ လာ်ႈရောတ်ဒိုည်ႇ တပြောအ်ုန်၊ အ်ုန်ဟာ့်မာ့်ပွံတ်ဒေ တပါင်ရိူဝ် န်ုအိုမ်ဆက္လုင်။ ဖုင်ဘီက်ုရ်စုဂဲဒီန်မိူဝ်ႈ လာ်ႈဂွည်ဒိုည်ႇဒေ တပြောပြါအိုမ်ဆက္လုင် ပါင်ဆိုရ်။ 
\v 2 အခိင်ဒီန် အ်ုန်ဒါငဲပုင်တဲႇ ဆာင်ဆောန်ဒဲႈတဂဲ တွံန်မျိုတွံန်နဲ၊ ပ်ုန်ဒါႈအ်ုန် တဂဲဒီန်မိူဝ်ႈ၊
\p
\v 3 “ဆတီုင်ဘိူဝ်။ ယိူဝ်ဘီအူကူ လေႈလာ်ႈပွံတ်ဒေ အတွပြံတ်ကအာင်ဆမာရ်။ 
\v 4 ယာမ်အ်ုန် ပြံတ်ကအာင်ဆမာရ် တနာ၊ ကအာင်ဆမာရ် ပ်ုရ်ဒီ ဘံန်ဇာ်ႈ တပါင်ရဒေင်၊ ဆီမ်ဂဲတပ္လေင် လာ်ႈပေါဒေ ထွံရ်ဒိုည်ႇဒေဟောမ်။ 
\v 5 ပ်ုရ်ဒီ ဇာ်ႈတအရာပ် ကတဲဘြေ့ မိုဘ္လံမ်၊ ကအာင်ဆမာရ်ဒီန် ဘိူည်လဲ့ဖာည်ဂံတ်၊ ကောပ်ကတဲဘြေ့၊ 
\v 6 အခိင်ဆငီလေႈ တာတ်ရဲင်လူတ်လာည်၊ ဘံန်ရျံရ်ႈကာစံပ်ရံတ် တကတဲ ဟောင်ဟျံတ်ဒိုည်ႇဒေ။ 
\v 7 ကအာင်ဆမာရ်ပ်ုရ်ဒီ ဘံန်ဇာ်ႈတယူပ်ပ်ုရ်အောႇ၊ တီုင်ယူပ်ပ်ုရ်အောႇ ဟံန်ဒါင်လာ်ႈ ကောပ်ပိဖလူမ်ဒိုည်ႇတီုင်အ်ုန် ကာဘဲဒေပ္လေ။ 
\v 8 ကောည်လိုည် ကအာင်ဆမာရ်ပ်ုရ်ဒီ ဘံန်ဇာ်ႈတကတဲကျ တီုင်အ်ုန်လဲ့ဟံန်ဒါင်၊ ဆမာဒဲႈပ္လေလေႈ ပ်ုရ်ဒီ ပူန်အွည်ကိူရ်၊ ပ်ုရ်ဒီ ပူန်တောရ်ကိူရ်၊ ပ်ုရ်ဒီ ပူန်အူပ်ုရ်ယာႈ။”
\p
\v 9 ဟွည်ႇဒီန် ယေဆုဒါႈငဲပ်ုန်ဟွည်ႇ၊ “အီအ်ုန်ယိူဝ်ဟျာ့် ဒဲႈပဲယိူဝ်ဒေဆတီုင်။”
\s ပ်ုန်က်ုရ်ယေင် တငဲပုင်တဲႇ
\r (မဿဲ ၁၃.၁၀–၁၇; လုကာ ၈.၉–၁၀)
\p
\v 10 ယာမ်ယေဆု ဂွည်ရာင်ကွည်ဒေ တအရာပ်ယေန်ညိမ်၊ ဘီဆတီုင်တရာ ပ်ုရ်ဒီ လာ်ႈရူမ်ဇောမ် တဘဲႇကိူရ်အာရ်ပါ ဂဲဆ်ုရ်မွံတ် အိုမ်ငဲပုင်တဲႇဒီန် တအ်ုန်။ 
\v 11 ယေဆုႎီရ်ဒါႈ၊ “အောဟွည်ႇဒဲႈဒိုည်ႇပဲနံပ် ခံင်လီုဝ့်လီုဝ့်လံမ်လံမ် က်ုရ်အူပ်က်ုရ်မော ကပီုန်ကုင်ဖြာအီုဝ်။” ကောည်လိုည် က်ုန်မိူဝ်ႈ ဘီရရိူဝ့်ဂဲတည် ဘိူန်ဂိူဝ်ဂြည်ပျ ဇောမ်ငဲပုင်တဲႇ တဂဲ။ 
\v 12 ကောပ်ဆေတဒါႈခိူည်ဒီန်၊
\q1 “ဂဲဘိူည်ငိူပ်ဂံတ်လလ၊
\q2 ကာယိူဝ်ပဲတ်ဒေငိူပ်။
\q1 ဂဲဘိူည်ဆတီုင်ဂံတ်လလ၊
\q2 ကာနံပ်ပဲတ် တီုင်အိုမ်ငဲ၊
\q1 ဂဲက်ုန်က်ုရ်လှာည် အချံင်ဒေ ႎီရ်ဇူလ်ုပ်ဖြာ၊
\q2 အ်ုန်ဒီ ပ္လိုတ်ခွါင်ဒဲႈတဂဲ။”
\s ယေဆု ဆာင်လာင်ဒဲႈ ငဲပုင်တဲႇ အီအ်ုန်ပြံတ်ကအာင်ဆမာရ်
\r (မဿဲ ၁၃.၁၈–၂၃; လုကာ ၈.၁၁–၁၅)
\p
\v 13 ဟွည်ႇဒီန် ယေဆုဆ်ုရ်မွံတ်ဂဲ၊ “ပဲက်ုန်ကာနံပ် ငဲပုင်တဲႇအီုဝ်၊ ခိူည်မော ပဲဒီညာဒေနံပ် ဘ်ုရ်ယိူဝ်ငဲပုင်တဲႇ ဒိုည်ႇဒိုည်ႇအီုဝ်အဲႈ။” 
\v 14 အီကူပြံတ်ကအာင်ဆမာရ်ဒီန် မိူဝ်ႈဘီပြံတ် ငဲတရာဖြာ။ 
\v 15 ဘီပ်ုရ်ဒီ နှေရ်ကအာင်ဆမာရ် ဇာ်ႈတပါင်ရဒေင်။ အခိင် ဂဲယိူဝ်ဒေဆတီုင်ငဲတရာ ဘိူည်ဆွံင်လီပ်ဂံတ် တန်ုဖိူမ်ဒေ အူဒီန်တောအူဒီန် စာတန်ရောတ်ဒေ တိူဝ်ႈပဲတ်ပဲတ် ငဲတရာ ပ်ုန်ပြံတ်အူန် တဂဲဒီန်။ 
\v 16 ဘီပ်ုရ်ဒီ နှေရ်ကအာင်ဆမာရ် ပြံတ်ဇာ်ႈ တအရာပ်မိုဘ္လံမ်။ အခိင်ဂဲယိူဝ်ဒေ ဆတီုင်ငဲတရာ ပည်နွံရ်ႈရျံင်ဖိူန်ပျော ရံပ်တိူဝ်ႈအူန်ဒေဆတီုင် အူဒီန်တောအူဒီန်။ 
\v 17 ကောည်လိုည် ဘံန်ရျံရ်ႈကာစံပ်ရံတ် တန်ုဖိူမ်ဂဲ ခါမ်ဂိူဝ် အူကာပြေ့။ ကောပ်ငဲတရာဒီန် အခိင်ဒုခနာ့်နွံရ်ႈ က်ုန်ကာမိူဝ်ႈ ဆဂေလာလီညာ ရောတ်ပေါ နွံရ်ႈဖိူမ်ဂဲ ဆမာလူဒိုည်ႇ အူဒီန်တောအူဒီန်။ 
\v 18 ဘီပ်ုရ်ဒီဂဲ နှေရ်ကအာင်ဆမာရ် က်ုရ်တူႈပြံတ် တန်ုပ်ုရ်အောႇ။ ပ်ုန်ဆ်ုန်ဒါႈအ်ုန်မိူဝ်ႈ၊ ဘိူည်ယိူဝ်ဂံတ်ဒေ ဆတီုင်ငဲတရာ၊ 
\v 19 ကောည်လိုည် ဘံန်ယိူဝ်ဖိူမ်နွံရ်ႈဟ တလောကီ၊ ဆ်ုန်ဘိူန် အုဇာခြ်ုမ်ဆာဂါရ် ဆ်ုန်ဘိူန် ပ်ုန်ဟံရ်တွံန်မျိုတွံန်နဲ လီပ်ပေါဒေ ဒံန်ခြဲငဲတရာဒီန် ကာနံပ်ယာ့်ဒေပ္လေ။ 
\v 20 ဘီပ်ုရ်ဒီဂဲ နှေရ်ကအာင်ဆမာရ် က်ုရ်တူႈပြံတ် တပါင်ကတဲကျဒီန်။ ပ်ုန်ဆ်ုန်ဒါႈအ်ုန်မိူဝ်ႈ ယိူဝ်ဒေဆတီုင်ငဲတရာ ဘံန်ရံပ်တိူဝ်ႈအူန်တဒေ၊ ဆမာဒဲႈ ပ္လေလေႈ ပ်ုရ်ဒီ ပူန်အွည်ကိူရ်၊ ပ်ုရ်ဒီ ပူန်တောရ်ကိူရ်၊ ပ်ုရ်ဒီ ပူန်အူပ်ုရ်ယာႈ။
\s ငံရ်ရာင်ကာ့် ဂွည်ရခြူမ်ဘာ့်ခွံရ်
\r (လုကာ ၈.၁၆–၁၈)
\p
\v 21 \x - \xo ၄.၂၁ \xo*\xt မ ၅.၁၅; လု ၁၁.၃၃\xt*\x*ယေဆုႎီရ်ဒါႈထဲင်၊ “ဘီအူကူအူဆိူဝ် ကျာင်တိူဝ်ႈကောဒေဒိူည် ငံရ်ရာင်ကာ့် အတွအူန် တရခြူမ်ဘာ့်ခွံရ် က်ုန်ကာမိူဝ်ႈ အတွအူန်တရခြူမ်ချှံင်။ ကာမိူဝ်ႈ တိူဝ်ႈဒေဒိူည် ငံရ်ရာင်ကာ့်ဒီန် အတွဂံမ်အူန် တပါင်ခုင်ငံရ်ရာင်အဲႈ။” 
\v 22 \x - \xo ၄.၂၂ \xo*\xt မ ၁၀.၂၆; လု ၁၂.၂\xt*\x*ဘ်ုရ်ယိူဝ်ခံင်က်ုရ်အူပ်က်ုရ်မောဒီန် ဒီဘ်ုပ်ပိူဝ်ႈလိူရ်ႈဒိုည်ႇ။ ခံင်ဖလူမ်အူန် နဲမောမိူဝ်ႈဟွည်ႇ ဒီဘ်ုပ်ပိူဝ်ႈလိူရ်ႈဒိုည်ႇဒေ။ 
\v 23 “အီအ်ုန် ယိူဝ်ဒေဟျာ့်၊ ဒဲႈပဲယိူဝ်ဒေဆတီုင်။”
\p
\v 24 \x - \xo ၄.၂၄ \xo*\xt မ ၇.၂; လု ၆.၃၈\xt*\x*ဟွည်ႇဒီန် အ်ုန်ႎီရ်ဒါႈထဲင်တဂဲ၊ “ပဲယိူဝ်ဒေဆတီုင်ဘ်ုရ်မော အူန်တနွံရ်ႈဖိူမ်ပဲ။ ခိူည်ပဲဂ်ုမ်တရာ တဘီဟံရ်ဂဲ ဘ်ုရ်မော၊ ဖြာ ဒီဂ်ုမ်တရာ တပဲခိူည်ဒီန် — ကောည်လိုည် ႎရနာထဲင်ဒိုရ်ဒီန်။ 
\v 25 \x - \xo ၄.၂၅ \xo*\xt မ ၁၃.၁၂; ၂၅.၂၉; လု ၁၉.၂၆\xt*\x*ဆဲႈဒီန် တဘီအ်ုန်ယိူဝ် ဒီႎီရ်ဒဲႈထဲင်။ တဘီအ်ုန်ကာယိူဝ် ဒီႎီရ်တိူဝ်ႈဆီမ်ဒိုည်ႇ ဘ်ုရ်ယိူဝ်တဂဲဒီန်။”
\s ပုင်တဲႇ ကအာင်ဆမာရ်ဟံန်ဒါင်
\p
\v 26 ဆဲႈဒီန် ယေဆုႎီရ်ဒါႈ၊ “ကပီုန်ကုင်ဖြာဒီန် ညာခိူည် အီကူပြံတ်ကအာင်ဆမာရ် တပါင်ကတဲ။ 
\v 27 အီကူဒီန် ဟွည်ႇပြံတ်ကအာင်ဆမာရ် အခိင်ရမှိူဝ်၊ ရဆငီ၊ ယာမ်အ်ုန် ဒါ့်အီတ်အီတ်ဂွည်ဂွည်ဒေ ညာခိူည်ဒီန် ကအာင်ဆမာရ်ပီ တီုင်လဲ့ဟံန်ဒါင်လာ်ႈပွံတ်ဒေ။ ခိူည်မောတီုင်ဒီန် ညာဒေဟံန်ဒါင်လာ်ႈ အီကူဒီန်ကာနံပ်ပဲတ်။ 
\v 28 ကတဲဒီန် ဒဲႈငှေါ ပ္လေရာင်ဒေ၊ ယာမ်စ မိူဝ်ႈတီုင်၊ ဟွည်ႇဒီန် ကီုရ်ယိုင်၊ တန်ုကီုရ်ယိုင်ဒီန် ပဲန်ပွံတ်ဒေ ကအာင်ဂြါ။ 
\v 29 ဘံန်ပ္လေဒီန် ဟွည်ႇဆီန် ရောတ်ခါဝ်ႎေါႇတိူဝ်ႈအူန်ပ္လေ၊ အီကူဒီန် တိူဝ်ႈဒေဒါစာန် ႎေါႇပွံတ်အ်ုန်။”
\s ပုင်တဲႇ ကအာင်တူဂိုန်
\r (မဿဲ ၁၃.၃၁–၃၂,၃၄; လုကာ ၁၃.၁၈–၁၉)
\p
\v 30 ယေဆုႎီရ်ဒါႈထဲင်တဂဲ၊ “ကပီုန်ကုင်ဖြာအီုဝ် ဇောမ်ခိူည်မောဒီက်ုရ်တဲႇ ဒဲႈတပဲ က်ုန်ကာမိူဝ်ႈ၊ တိူဝ်ႈဒါငဲပုင်တဲႇ ဇောမ်ခိူည်မော အောဒီဘ်ုပ်ဂြည်ပျတပဲ။ 
\v 31 အီအီုဝ်မိူဝ်ႈ နှေရ်ပွံတ် ကအာင်ဆမာရ်တူဂိုန်။ ဘီအူကူ ယာမ်အ်ုန်တိူဝ်ႈ ကအာင်ဆမာရ်တူဂိုန် ပြံတ်တကတဲ၊ အ်ုန်ဘိူည်ဒျံတ်ဂံတ် ဒိုရ်ဘ်ုရ်ယိူဝ် ကအာင်ဆမာရ်ဒိုည်ႇဒိုည်ႇ။ 
\v 32 ကာဇီုဝ့် တီုင်အ်ုန်ဟံန်ဒါင်လာ်ႈညှိုႈ ဒိုရ်ဘ်ုရ်ယိူဝ် ကာႇပ္လေတူပ္လေလှာ ဒိုည်ႇဒိုည်ႇ။ ဆီမ်တပ္လေင်ဂဲလာ်ႈပေါ ရ်ုရ်ဟူန်ဂါင် တကာႇဟေဒီန်။”
\p
\v 33 ဖုင်ဘီဂဲ ဘဲဒေနံပ်ဘ်ုရ်မော ယေဆု ဒါငဲပုင်တဲႇဟံရ်တွံန်နဲ ဟောဂြည်ငဲတရာဒေ တဂဲ။ 
\v 34 က်ုန်ကာပါငဲပုင်တဲႇ အ်ုန်ကာဟောဂြည်စိ တရာတဂဲ။ ကောည်လိုည် က်ုန်မိူဝ်ႈတဘဲႇဒေဂဲ အ်ုန်ဂြည်ဆာင်လာင်ဒဲႈ ရာင်ကောည် ခိူည်မိူဝ်ႈခိူည်ပိုည် ဒိုည်ႇဒိုည်ႇ။
\s ယေဆု ဒဲႈခူရ်ဒါင်ယေန်ညိမ်
\r (မဿဲ ၈.၂၃–၂၇; လုကာ ၈.၂၂–၂၅)
\p
\v 35 ဆငီဒီန် ရောတ်အခိင်ရမှိူဝ် ယေဆု ဒါႈတ တဘဲႇဒေဂဲ၊ “ဆာ်ႈ အယ်ႎါည်လာ်ႈဒိုည်ႇ ဆဲႈပြါအိုမ်ဆက္လုင် လ်ုပ်တည်။” 
\v 36 ကောပ်ခိူည်ဒီန် ဂဲပဲတ်အူန်ပဲတ် ဖုင်ဘီက်ုရ်စုဂဲ၊ တဘဲႇအ်ုန်ဂဲ လာ်ႈဇူပွံတ် ယေဆုမာ့် တပါင်ရိူဝ်ဒီန် ဂဲႎါည်လာ်ႈပွံတ်။ ရိူဝ်ဟံရ်ဂဲမိူဝ်ႈ ဇောမ်လာ်ႈဒိုည်ႇ။ 
\v 37 ယာမ်ဒီန် ဘံန်ခူရ်ဒါင်ဇုင်ဒါင်ရဲင် ပေါရောတ်၊ က်ုရ်ပံရ်အိုမ်ဒီန် ပါ်ႈပွံတ်ရိူဝ်ဂဲ အိုမ်ဂိူပ်ဆ်ုန်နာ့်ပွံတ် တန်ုရိူဝ်။ 
\v 38 ကောည်လိုည် ယေဆုဒါ့်အီတ် ဂံမ်ကိင်ဒေ မှောန်လ်ုပ်ရဘံန်ရိူဝ်။ တဘဲႇအ်ုန်ဂဲ ပျိူဝ်ႇအ်ုန် ဒါႈ၊ “အိူဝ် တာဆရာ၊ ယဲဒီဘ်ုပ်ယံမ်ဒိုည်ႇခိူည်အီုဝ် ဆေညာမီကာတိူဝ်ႈအရေယဲ။”
\p
\v 39 အခိင်ဒီန် ယေဆုယိူဝ်ႇဒိုရ်အီတ်ဒေ အ်ုန်ငဲဆုင်မပွံတ် ခူရ်ဂါရ် က်ုရ်ပံရ်အိုမ်၊ “ယေန်ညီမ်အေ့” ဘံန်အ်ုန် ပိင်ငျှံပ်ခိူည်ဒီန် ခူရ်ဒီန် ညာယေန်ညီမ် ဆာယာညှိုႈညှိုႈပွံတ်ဒေ။ 
\v 40 အခိင်ဒီန် ယေဆုဆ်ုရ်မွံတ် တဘဲႇဒေဂဲ၊ “ကောပ်ဆေ ပဲနံပ်ဒေယော ညာခိူည်အီုဝ်၊ ပဲညှံမ်ယိူဝ်ဂံတ် ဖိူမ်ညှိုမ် မောအူဒီန်အီုဝ်။”
\p
\v 41 ဘီဂဲဒီန် ယောလူတ်လာည် ညာယူႈယူႈယ်ုရ်ယ်ုရ် ဂဲက်ုရ်မိုန်ဒိုည်ႇတဒေ အူကူတောအူကူ။ “အီကူအီုဝ် အဆေအ်ုန်မိူဝ်ႈအဲႈ၊ ခူရ်ဂါရ် က်ုရ်ပံရ်အိုမ်လိုည် ဆတီုင်ဒိုည်ႇငဲပ်ုန်ဒါႈအ်ုန်။”
\c 5
\s ယေဆု ဒဲႈအီကူကီုရ်နံမ်ချှိုလီပ်စံပ် ချံမ်ဆာ
\r (မဿဲ ၈.၂၈–၃၄; လုကာ ၈.၂၆–၃၉)
\p
\v 1 ဟွည်ႇဒီန် ယေဆုဂါရ် တဘဲႇအ်ုန်ဂဲ ရောတ်ဒိုည်ႇ အရာပ်ဂါရစ၊ ဆဲႈပြါ အိုမ်ဆက္လုင်ဂါလိလဲ လ်ုပ်တည်။ 
\v 2 ယေဆုစွလေႈ ဒိုရ်တပါင်ရိူဝ် ဒံင်အူကပြေ့၊ အီကူကီုရ်နံမ်ကာကျကာလ လီပ်စံပ်တအ်ုန်ဒီန် လေႈဒိုရ်ဆာင်ခဲင် လာ်ႈက်ုရ်ယိူဝ်ပွံတ်အ်ုန်။ 
\v 3 အ်ုန်ဂွည်ဂိူဝ်ဒေ တဆာင်ခဲင်၊ အဆေမိူဝ်ႈ ကာဘိူန်ဒေ ဒါႎံရ်ဟီရ် တိုည်တုအူန်အ်ုန်။ 
\v 4 ကောပ်ဆေတဒါႈညာခိူည်ဒီန် ဂဲဘိူည်တုဂံတ်ဇိူင်အ်ုန် တႎံရ်ဟီရ် တွံန်လိူဝ်ႈတွံန်လိူဝ်ႈ၊ အ်ုန်တီုတ်က်ုရ်တ်ုတ်ပဲတ် ႎံရ်ဟီရ်ကျံင်ဇိူင် ပ်ုန်တုဂဲဒီန်၊ ကောပ်ရဲင်အ်ုန်ဒါင်လူတ်လာည် အဆေမိူဝ်ႈ ကာဘဲဒေထိင်အ်ုန်။ 
\v 5 ကာဒါႈ ရဆငီ၊ ရမှိူဝ် အ်ုန်ပြိုႈဒေရျံင် တဆာင်ခဲင်ဂါရ် တပါင်ဆိုရ်၊ ဒါမိုဟေတ်တိုဒေ ဒဲႈပဲန်ဒိုည်ႇတိူဝ်ဆူ တပါင်တိုအ်ုန်။
\p
\v 6 ဘံန်အ်ုန်ယိူဝ်ဒေငိူပ် ယေဆု တအရာပ်ဆငါည် ခူန်ဒေလာ်ႈ မာ့်ပ်ုရ်ဒ်ုပ်ကိင်ကေရ်ဒေ တရအာတ်အ်ုန်။ 
\v 7 အ်ုန်ပြိုႈဒါႈ ပည်ဂံရ်ႈရဲင်၊ “အိူဝ် ယေဆု ကွံန်ဖြာ မျြံတ်ဇာရ်၊ ဆေမီ ဆ်ုန်ဘိူန်တအောအဲႈ။ ဒါဇီုဝ် ဖြာ၊ အောတောင်ဘာန်မီ မာည်ဆဂေအောစိ။” 
\v 8 (အ်ုန်ဒါႈခိူည်ဒီန်မိူဝ်ႈ၊ ကောပ်ယေဆုဒါႈ၊ “အိူဝ် ကီုရ်နံမ်ကာကျကာလ၊ လေႈပွံတ်မီ ဒိုရ်တိုအီကူအီုဝ်။”)
\p
\v 9 ဘံန်ညာခိူည်ဒီန် ယေဆုဆ်ုရ်မွံတ်အ်ုန်၊ “ဆေမီဇီုဝ်၊”
\p အီကူဒီန် ႎီရ်ဒါႈ၊ “ဇီုဝ်အောမိူဝ်ႈ လေဂေါင်၊ ယဲကီုန်ညှိုႈ။” 
\v 10 ဟွည်ႇဒီန် အ်ုန်တောင်ဘာန်ယေဆု မာည်ရူပ်လေႈဂဲ ဒိုရ်အရာပ်အီုဝ်။
\p
\v 11 ယိူဝ်ဖုင်လေ့ဒါင်အူက်ုရ်စု ဂဲဟောမ်ဂွည် တပါင်ဆိုရ် တပြောအရာပ်ဒီန်။ 
\v 12 ဘံန်ညာခိူည်ဒီန် ႎိငျံန်ကီုရ်နံမ်ချှိုဂဲ တောင်ဘာန် တယေဆု၊ “ပ္လေါည်ဒဲႈယဲ လီပ်ဂွည် တန်ုလေ့စိ။” 
\v 13 ဘံန်အ်ုန်ဒဲႈပွံတ်အခွါင် တကီုရ်နံမ်ကာကျကာလဂဲ၊ ဂဲလေႈပွံတ် ဒိုရ်တိုအီကူဒီန် ဂဲလာ်ႈလီပ်ဒိုည်ႇပွံတ် တဖုင်လေ့၊ ဖုင်လေ့ က်ုရ်ပံတ်အာရ်ဟြဲင် ဟောမ်ဂွည်တအရာပ်ဒီန် လှောဒေခူန်ဇောမ်ကြောင်ဆိုရ် လေႈယံမ်ဒိုည်ႇဒေ တန်ုအိုမ်ဆက္လုင်။
\p
\v 14 အီအ်ုန်ဟျံင်လေ့ဂဲ ခူန်လီပ်ပွံတ်တန်ုကုင်ရူ၊ ဘံန်ဂဲလာ်ႈဂြည်ဆဒါင်ဒီန် ဘီဂဲလာ်ႈငိူပ်ဒိုည်ႇ ပ်ုန်ပဲန်အ်ုန်ဒီန်။ 
\v 15 အခိင်ဂဲရောတ်ဒိုည်ႇ တယေဆု၊ အီကူကီုရ်နံမ်ချှိုလေဂေါင် တိူမ်လီပ်စံပ်တအ်ုန်ဒီန် ဟွည်ႇချှုပ်ဒေဒါဂြူ ဒါ့်မာ့်ဒေ ပဲန်ပွံတ်ခိူည်ပြီမ်၊ ဘံန်ဂဲယိူဝ်ဒေငိူပ်ခိူည်ဒီန် ဂဲညာယောဒိုည်ႇပွံတ်ဒေ။ 
\v 16 ဘီအ်ုန်ယိူဝ်ဒေငိူပ် တရအာတ်ငါည်ဒေဒီန် ဂြည်ပျဒိုည်ႇ တဘီဂဲ အကျံင်ကီုရ်နံမ်ချှိုစံပ်တအီကူ ခိူည်မောအ်ုန်ပဲန်ဂါရ် အကျံင်လေ့ဂဲဒီန်။
\p
\v 17 ဘံန်ညာခိူည်ဒီန် ဘီဂဲတောင်ဘာန် ယေဆု ဒဲႈအ်ုန်လေႈပွံတ်ဒေ ဒိုရ်အရာပ်ဂဲဒီန်။
\p
\v 18 ယာမ်ယေဆု ရဲန်ဒေဟာ့်တပါင်ရိူဝ် အီကူကီုရ်နံမ်ချှို လီပ်စံပ်ဒီန် တောင်ဘာန်အ်ုန်၊ “ဒဲႈအောလာ်ႈ ဇောမ်မီစိ။”
\p
\v 19 ကောည်လိုည် ယေဆု ကာဒဲႈစိ အခွါင်။ အ်ုန်ႎီရ်ဒါႈတအ်ုန်၊ “ႎေင်ပွံတ် တဂါင်တရမာမီ၊ ဂြည်ပျတဂဲ ဘ်ုရ်မောကီုရ်ညာဖြာ ရ်ုရ်ဒဲႈကေစူတပါင်မီဂါရ် ခိူည်အ်ုန်ညာဒေ က်ုရ်ႎေမီဒီန်။”
\p
\v 20 ဘံန်ညာခိူည်ဒီန် အီကူဒီန်လေႈလာ်ႈပွံတ်ဒေ၊ အ်ုန်လာ်ႈဂြည်ပျဆဒါင် ဘ်ုရ်မောယေဆု ရ်ုရ်ဒဲႈကေစူတပါင်ဒေ တကပီုန်ကုင်ဒေကာပေါလိ၊\f + \fr ၅.၂၀ \fr*\fk ဒေကာပေါလိ၊ \fk*\ft ကုင်ကပိုမ်အူန် ကပီုန်ကုင်ကိူရ်ကုင်။\ft*\f* ဘ်ုရ်ယိူဝ်ဘီဂဲဒီန် ဘံန်ယိူဝ်ဒေဆတီုင် ဂဲအာမ်ဒိုည်ႇပွံတ်ဒေ။
\s ကွံန်ရပျာယာဣရုဂါရ် အီပ်ုန် ထိဆဒေါလှိူင်ယေဆု
\r (မဿဲ ၉.၁၈–၂၆; လုကာ ၈.၄၀–၅၆)
\p
\v 21 ဟွည်ႇဒီန် ယေဆုဘရိူဝ် ႎီရ်လာ်ႈထဲင် ဆဲႈပြါအိုမ်ဆက္လုင်ဂါလိလဲ လ်ုပ်တည်၊ ယာမ်အ်ုန်ဂွည် တပြါအိုမ်ဆက္လုင် ဘီက်ုရ်စုဒါင်ဂဲ လာ်ႈက်ုရ်စုဒိုည်ႇဒေ က်ုရ်ႎျံရ်အ်ုန်။ 
\v 22 အခိင်ဒီန် တာအွံရ်ကိင် ကျောင်ရဆောန်ဒဲႈတရာ အီကူဇီုဝ် ယာဣရု လာ်ႈပေါပွံတ်၊ ဘံန်ယိူဝ်ဒေငိူပ်ယေဆု အ်ုန်လာ်ႈ ဆကူပ်ပွံတ် တရအာတ်ဇိူင်အ်ုန်။ 
\v 23 အ်ုန်နွံရ်ႈရဲင်ဖိူမ်ရဲင်ဒေ တောင်ဘာန်ဒါႈ၊ “ကွံန်ရပျာဒျံတ်အော ဘ်ုပ်ဆူဖိူဝ်နာ။ ရာ့်မီ စွလာ်ႈဂံမ်တီမီ တပါင်အ်ုန်စိ၊ က်ုန်ညာခိူည်ဒီန် အ်ုန်ဒီဘိူန်ဒေချံမ်ဆာ အဆာႇအီမ်။”
\p
\v 24 ဟွည်ႇဒီန် ယေဆု ဇောမ်လာ်ႈပွံတ်အ်ုန်။ ဘံန်ဘီဘာ့်ဘာ့်ဘိူဝ်ဘိူဝ်ဂဲ က်ုရ်ညဲတ်ဒေလာ်ႈ ဇောမ်ယေဆု ဂဲတ်ုရ်တိူဝ်ဒိုည်ႇအ်ုန်။
\p
\v 25 ယာမ်ဒီန် ယိူဝ်အီပ်ုန်အူကူ ဘ်ုပ်ဒေခါမ်ဇာ ရောဂါနှာမ်တခူႈနာ ဒံင်ကိူရ်အာရ်ဆန်ုမ်၊ 
\v 26 တာဆရာႎှုန်ဘာ့်ဘိူဝ်ဂဲ ဘိူည်ဆန်ုမ်ဒဲႈဂံတ် မောအုဇာဂြူဂြိမ် ဘ်ုရ်ယိူဝ်အ်ုန် ဂိူပ်ဒိုည်ႇ၊ ဆဲႈကာဟြာည် ရောဂါအ်ုန် ယိူင်ရဲ့ယိူင်နာ။ 
\v 27 ဘံန်အ်ုန်ယိူဝ်ဒေဆတီုင် အကျံင်ယေဆု၊ အ်ုန်လာ်ႈဇောမ်ပွံတ် လ်ုပ်ရဘံန် ဘီက်ုရ်စုဂဲ အတွထိဆဒေါလှိူင်အ်ုန်၊ 
\v 28 အ်ုန်ဒါႈရာင်ကွည်ဒေ၊ “အောက်ုန်ဘိူန်အော ထိဂိူဝ်ဆဒေါလှိူင်အ်ုန်၊ ရောဂါအော ဒီဘိူန်ဒေဟြာည်။”
\p
\v 29 ဘံန်ညာခိူည်ဒီန် အ်ုန်လာ်ႈထိပွံတ် ဆဒေါလှိူင်ယေဆု၊ ဒံင်အူကပြေ့ အ်ုန်နံပ်ပွံတ် ရောဂါနှာမ်တခူႈ ပ်ုန်ဘ်ုပ်တန်ုတိုဒေဒီန် ဟြာည်။ 
\v 30 ယေဆုနံပ်ပွံတ် အဖုင်တီုင်ဂိုဒေ လေႈဒိုရ်တို အူဒီန်တောအူဒီန်၊ အ်ုန်က်ုရ်ပံတ်ပွံတ်ဒေငိူပ် လ်ုပ်တန်ုဘီက်ုရ်စုဂဲ အ်ုန်ဆ်ုရ်မွံတ်ဒါႈ၊ “အဆေ ထိဆဒေါအော။”
\p
\v 31 တဘဲႇအ်ုန်ဂဲ ႎီရ်ဒါႈတအ်ုန်၊ “မီယိူဝ်ဘိူဝ်ဒေငိူပ် ဖုင်ဘီဂဲ က်ုရ်စုညဲတ်ဒေလီပ် ခိူည်အီုဝ်၊ ဆေညာ မီဆ်ုရ်မွံတ်ယဲ၊ ‘အဆေတိူဝ်အောဒီန်။’ ”
\p
\v 32 ကောည်လိုည် ယေဆုငိူပ်ပွံတ်က်ုရ်ႎျံရ်ဒေ အ်ုန်ဆ်ုန်နံပ် အဆေထိဒေဒီန်။ 
\v 33 ဘံန်အီပ်ုန်ဒီန်နံပ် ခိူည်မောဟွည်ႇပဲန်တတိုဒေ အ်ုန်ယောလူတ်လာည် လာ်ႈမာ့်ပ်ုရ်ဒ်ုပ်ကိင်ကေရ်ဒေ တရအာတ်ဇိူင်အ်ုန်၊ အီပ်ုန်ဒီန် ဂြည်ဆီုဝ်ပွံတ် ခိူည်ပဲန်တတိုဒေ။ 
\v 34 ယေဆုဒါႈတအ်ုန်၊ “အိူဝ် ကွံန်အီပ်ုန်အော၊ ဖိူမ်ညှိုမ်မီဒီန် ဒဲႈမီချံမ်ဆာယာ့်။ လာ်ႈယေန်ညီမ်ပွံတ်မီ၊ မီချံမ်ဆာ ဒိုရ်ႎိုည်ဒနာဒေဒီန်ယာ့်။”
\p
\v 35 ယာမ်ယေဆုဒါႈငဲခိူည်ဒီန်၊ ဘီပ်ုရ်ဒီ ဂွည်တဂါင် တာအွံရ်ကိင်ယာဣရု လာ်ႈပေါဒေ ဒါႈတယာဣရု၊ “ကွံန်ရပျာမီ ဟွည်ႇယံမ်၊ မာည်ဒါ့်ကဝ်ဆျှုယာ့် တာဆရာဒီန်။”
\p
\v 36 ကောည်လိုည် ယေဆု ကာတိူဝ်ႈငဲဂဲလီပ်တနွံရ်ႈဒေ\f + \fr ၅.၃၆ \fr*\fq ကာတိူဝ်ႈငဲဂဲလီပ်တနွံရ်ႈဒေ၊ \fq*\ft က်ုန်ကာမိူဝ်ႈ \ft*\fqa ယိူဝ်ဒေဆတီုင် ကာအူန်တနွံရ်ႈ။\fqa*\f* အ်ုန်ဒါႈတတာအွံရ်ကိင် ကျောင်ရဆောန်ဒဲႈတရာ ယာဣရု၊ “မီမာည်နွံရ်ႈဟ၊ ဒဲႈဂိူဝ် မီညှိုမ်။” 
\v 37 အခိင်ဒီန် ဆဲႈပေတရု၊ ယာကုပ်ဂါရ် ႎါအ်ုန် ယောဟန် အဆေမိူဝ်ႈ အ်ုန်ကာဒဲႈစိ ဂဲလီပ်ဇောမ်ဒေ။ 
\v 38 အခိင်ဂဲရောတ်တဂါင် တာအွံရ်ကိင်ယာဣရု ယေဆုယိူဝ်ဒေငိူပ် ဘီဂဲဒါ့်ကန်ုမ်က်ုရ်ႎှ်ရ်၊ ယိူဝ်ပည်ဒေဆတီုင် ဂဲဒါ့်ယာမ်ဂံရ်ႈရဲင်ဒီန်။ 
\v 39 အ်ုန်ဒါႈတဂဲ၊ “ဆေညာ ပဲဒါ့်ယာမ်ကန်ုမ်က်ုန်ႎှ်ရ် ခိူည်ဒီန်။ ကွံန်ကညောမ်အီုဝ် ကာမိူဝ်ႈစိအ်ုန်ယံမ်၊ မိူဝ်ႈအ်ုန်ဒါ့်အီတ်ဒေ။”
\p
\v 40 အခိင်ဒီန် ဘီဂဲပ်ုန်ဘဝ် ယူမ်ဒိုည်ႇအ်ုန်။ ဘံန်ညာခိူည်ဒီန် ဆဲႈကူန်မာကွံန်ကညောမ်ဂါရ် တဘဲႇဒေဂဲအွည်ကူ အ်ုန်ဆူတ်ဘီဂဲ လေႈဒိုည်ႇဒေရရိူဝ်ႇ၊ ဂဲလီပ်ပွံတ်တအခါန် ကွံန်ကညောမ်ဒီန်။ 
\v 41 အ်ုန်ဘာပွံတ်တီ ကွံန်ရပျာဒီန်၊ အ်ုန်ဒါႈ \tl “တလိသ ကုမိ”\tl* တီုင်အိုမ်ငဲ ပ်ုန်ဒါႈအ်ုန်ဒီန်မိူဝ်ႈ “အိူဝ် ကွံန်ရပျာ၊ အောဒါႈတမီ ယိူဝ်ႇ။”
\p
\v 42 ဒံင်အူကပြေ့ ကွံန်ရပျာဒီန် ယိူဝ်ႇလာ်ႈပွံတ်ဒေ။ (အ်ုန်ဘိူန်ဂိူဝ်ဒေအဆာႇ ကိူရ်အာရ်ဆနံမ်။) အခိင်ဒီန် ဂဲညာအာမ်ဒိုည်ႇပွံတ်ဒေ။ 
\v 43 ကောည်လိုည် ယေဆု ပိင်ငျှံပ်ရံတ်ရံတ်ဂဲ မာည်ဂြည် အဆေနံပ် အကျံင်အီုဝ်၊ ဟွည်ႇဒီန် အ်ုန်ဒါႈ၊ “ဒဲႈအ်ုန်ဟောမ် အူနဲအူနဲ။”
\c 6
\s ကုင်နာဇရက် ကာရံပ် ယေဆု
\r (မဿဲ ၁၃.၅၃–၅၈; လုကာ ၄.၁၆–၃၀)
\p
\v 1 ယေဆု လေႈဒိုရ်အရာပ်ဒီန် ႎီရ်ႎေင်ပွံတ် တကုင်ဇာဒိဒေ၊ တဘဲႇအ်ုန်ဂဲမိူဝ်ႈ ဇောမ်လာ်ႈဒိုည်ႇ ရဘံန်အ်ုန်။ 
\v 2 ရောတ်ဆငီဆဒါင် အ်ုန်ဆာင်ဆောန် တန်ုကျောင်ရဆောန်ဒဲႈတရာ။ ဘံန်ဘီဘာ့်ဘာ့်ဘိူဝ်ဘိူဝ် ဂဲယိူဝ်ဒေဆတီုင် ဂဲညာအာမ်ဒိုည်ႇ။ ဂဲဒါႈ၊ “ငျံန်ပိင်ငျာအီုဝ် ဟာမောအ်ုန်ဘိူန်ဒေဒိူည်အဲႈ၊ အဖုင်တီုင်ဂို ခံင်မှိူမ်အာမ်အီုဝ် ခိူည်မောအ်ုန်ညာဒေရ်ုရ်။ 
\v 3 အ်ုန်ကာမိူဝ်ႈ လံက်ဆမာ၊ အ်ုန်ကာမိူဝ်ႈ ကွံန်အီမဲ မာရိ၊ အ်ုန်ကာမိူဝ်ႈ ႎည်ယာကုပ်၊ ယောသေ၊ ယုဒဂါရ် ရှိမုန်ဂဲအဲႈ၊ ကာမိူဝ်ႈႎါရပျာအ်ုန်ဂဲ ဂွည်ရူမ်ဇောမ်အယ် အရာပ်အီုဝ်။” ဟွည်ႇဒီန် ဂဲကာရံပ်အ်ုန်။
\p
\v 4 \x - \xo ၆.၄ \xo*\xt ယော ၄.၄၄\xt*\x*ယေဆုဒါႈတဂဲ၊ “ပရောဖက်အီုဝ် ဆဲႈတကုင်ဇာဒိဒေ၊ တက်ုန်ဒီ ခြိူဝ်မျိုဒေဂဲဂါရ် တဂါင်ဒေ၊ ယိူဝ်ဘီရိုဆေအ်ုန် တအရာပ်တွံန်တီ။”
\p
\v 5 ဆဲႈအ်ုန်ဂံမ်တီဒေ တပါင်ဘီ ကာချံမ်ဆာဂဲ ပ်ုရ်ဒီ ဒဲႈရောဂါဂဲဟြာည်၊ ဆံင်မှာ်ႈမိူဝ်ႈ အ်ုန်ကာရ်ုရ်ပျစိ နမိလက္ခဏာ ခံင်မှိူမ်အာမ် တအရာပ်ဒီန်။ 
\v 6 ကောပ်ဘီဂဲ ကာယိူဝ်ဖိူမ်ညှိုမ်ညာခိူည်ဒီန် အ်ုန်အာမ်ညှိုႈ။
\s ယေဆုပ္လေါည်လာ်ႈ တဘဲႇဒေကိူရ်အာရ်ကူ
\r (မဿဲ ၁၀.၅–၁၅; လုကာ ၉.၁–၆)
\p ဟွည်ႇဒီန် ယေဆု လာ်ႈတကုင်ရူဟံရ် က်ုရ်ႎျံရ်ကုင်ဒီန် အ်ုန်ဆာင်ဆောန်ပွံတ် ဘီဂဲ။ 
\v 7 အ်ုန်တောႇ တဘဲႇဒေကိူရ်အာရ်ကူ ဒဲႈအခွါင်အာဏာ ဘဲဒေရူပ် ကီုရ်နံမ်ကာကျကာလဂဲ၊ အ်ုန်ပ္လေါည်လာ်ႈပွံတ် အာရ်ကူ အာရ်ကူ။ 
\v 8 \x - \xo ၆.၈–၁၁ \xo*\xt လု ၁၀.၄–၁၁\xt*\x*ဟွည်ႇဒီန် အ်ုန်တံမ်ပွံတ်ဂဲ၊ “ဆဲႈဂြိုန်အူညံင် ဆံင်မှာ်ႈမိူဝ်ႈ ပဲမာည်တိူဝ်ႈဒေဒိူည် အတွဒေင်လာ်ႈပဲ။ မုင်ပ်ုန်ဟောမ်၊ ရပျိုဂါရ် ရိူန်ဒဲင်ဂါမိူဝ်ႈ ပဲမာည်ဆ်ုရ်ဒေဒိူည် တရပျိုႎံရ်ညွည်ဒေ။ 
\v 9 ချူပ်ချှူစာပ်ပဲ၊ ကောည်လိုည် ပဲမာည်ဒိူည် ဆဒေါလှိူဝ်။” 
\v 10 အ်ုန်ႎီရ်တံမ်ထဲင်ဂဲ၊ “ဂါင်မောမိူဝ်ႈဟွည်ႇ ဘီက်ုန်ရဲ့ရံပ်က်ုရ်တူႈပဲ၊ ဂွည်ဂိူဝ်တဂါင်ဂဲ မောပဲႎီရ်လေႈဒိုရ်အရာပ်ဒီန်။ 
\v 11 \x - \xo ၆.၁၁ \xo*\xt တ ၁၃.၅၁\xt*\x*ပဲက်ုန်ပေါတကုင် ကာရဲ့ရံပ်ဒေက်ုရ်တူႈပဲ က်ုန်ကာမိူဝ်ႈ က်ုန်ကာဆတီုင်ငဲပဲ လေႈလာ်ႈပွံတ်ပဲ၊ အခိင်ပဲလေႈ ဒိုရ်အရာပ်ရဂွည်ဂဲဒီန် အတွဒဲႈအ်ုန်ပဲန် ဆာ့်ဆေလ်ုပ်ဂဲ တခြ်ုရ်ႈပဲတ် မှုင်က်ုန်ဘူႈ တတာႇဇိူင်ပဲအေ့။”
\p
\v 12 ဘံန်ညာခိူည်ဒီန် တဘဲႇအ်ုန်ဂဲ လာ်ႈဟောဂြည်ပွံတ် တဘီဂဲ ဒဲႈဂဲလှောႇဖိူမ် ဒိုရ်အပေတ်ဒေ။ 
\v 13 \x - \xo ၆.၁၃ \xo*\xt ယာ ၅.၁၄\xt*\x*ဂဲရူပ်လေႈပဲတ် ကီုရ်နံမ်ချှိုဘ္လံမ်၊ ဖွံန်ဒဲႈအိုမ်နံမ်ငါတာန်လူန် တဘီဆူကာချံမ်ဆာဂဲ ဒဲႈရောဂါဂဲဟြာည်ဒိုည်ႇဒေ။
\s ဗတ္တိဇံဆရာယောဟန် ယံမ်
\r (မဿဲ ၁၄.၁–၁၂; လုကာ ၉.၇–၉)
\p
\v 14 \x - \xo ၆.၁၄ \xo*\xt မ ၁၆.၁၄; မာ ၈.၂၈; လု ၉.၁၉\xt*\x*ဟွည်ႇဒီန် ဆဒါင်ယေဆု ဂံရ်ႈဟိုဟို လာ်ႈရောတ်ပွံတ်တဟျာ့် တာပ်ုရ်မာင်ဟေရုဒ်\f + \fr ၆.၁၄ \fr*\fk တာပ်ုရ်မာင်ဟေရုဒ်၊ \fk*\ft ဟေရုဒ်အန်တီပါတ်၊ အ်ုန်အူပ်ဘြောင်ကုင်ဂါလိလဲ။\ft*\f* ဘီဂဲပ်ုရ်ဒီဒါႈ၊ “ဗတ္တိဇံဆရာယောဟန်အီုဝ် အ်ုန်ႎီရ်ယိူဝ်ႇအီမ်ဒိုရ်ယံမ်။ ကောပ်ခိူည်ဒီန် အ်ုန်ဘဲဒေရ်ုရ်ပျ အဖုင်တီုင်ဂို နမိလက္ခဏာ။”
\p
\v 15 ပ်ုရ်ဒီဂဲဒါႈ၊ “အ်ုန်အီုဝ် မိူဝ်ႈဧလိယ။”
\p ပ်ုရ်ဒီဂဲဒါႈ၊ “အ်ုန်အီုဝ် မိူဝ်ႈပရောဖက် ခိူည်ပရောဖက်အူဟိူဝ် အူကူကူ။”
\p
\v 16 ဘံန်တာပ်ုရ်မာင်ဟေရုဒ် ယိူဝ်ဒေဆတီုင်၊ အ်ုန်ဒါႈ၊ “အီအီုဝ်မိူဝ်ႈ ပ်ုန်က္လက်ုရ်တ်ုတ်ကိင် ပျံမ်ယံမ်ပဲတ်အော ဗတ္တိဇံဆရာယောဟန် ႎီရ်ယိူဝ်ႇအီမ်ဒေယာ့်။” 
\v 17 အာတ်ဒီန် တာပ်ုရ်မာင်ဟေရုဒ်အီုဝ် ကောပ်အ်ုန်တိူဝ်ႈဆီမ် ပ်ုန်လဲႎါဒေဖိလိပ္ပု ဟေရောဒိ၊ မိူဝ်ႈတိုအ်ုန် ပ္လေါည်လာ်ႈဘီဒေဂဲ တိုည်ယောဟန် ချပဲတ်တန်ုထံင်။ ကောပ်မိူဝ်ႈအ်ုန် တိူဝ်ႈဆီမ်ပ်ုန်လဲႎါဒေ အ်ုန်တရ်ုရ်ခိူည်ဒီန်။ 
\v 18 ဗတ္တိဇံဆရာယောဟန်ဒါႈ တတာပ်ုရ်မာင်ဟေရုဒ်၊ “မီတိူဝ်ႈဆီမ်ပဲတ် ပ်ုန်လဲႎါဒေဒီန် ကာက်ုရ်ဖြေင်စိဒေ ဇောမ်ထုင်။”
\p
\v 19 ဘံန်ညာခိူည်ဒီန် ဟေရောဒိ အူန်ဖိူမ်ရာန်တယောဟန်၊ ဘိူည်ဆ်ုန်ပျံမ်ဂံတ်အ်ုန် ကောပ်တာပ်ုရ်မာင်ဟေရုဒ် အ်ုန်ကာဘိူန်ပဲတ်အခွါင်။ 
\v 20 ကောပ်တာပ်ုရ်မာင်ဟေရုဒ် နံပ်ယောဟန်မိူဝ်ႈ ဘီရိုဆီုဝ်အူကူ၊ အ်ုန်ယောရိုဆေ ယောဟန် ငိူပ်မေန်အူန်လလပွံတ်အ်ုန်၊ တွံန်အ်ုန်ယိူဝ်ဒေဆတီုင် ငဲပ်ုန်ဂြည် ယောဟန် ဘိူည်ပဲန်ဂံတ် ဖိူမ်ဆျှုဆာႇညှိုႈ အ်ုန်အုင်ဒေဆတီုင် ငဲပ်ုန်ဂြည်အ်ုန်။
\p
\v 21 ဘံန်လာ ဟေရောဒိ ဘိူန်ပွံတ်အခွါင်ကျ။ တာပ်ုရ်မာင်ဟေရုဒ်အီုဝ် ဘံန်ရောတ်ဆငီကိူတ်ဒေ အ်ုန်ရ်ုရ်ပ္လေါည်၊ ဖီတ်ပါင် တာဒါင်အစိုယဂဲ၊ တာဒါင်အူပ်ဆီုဝ့်ဂါရ် ဘီအွံရ်ကိင်ဂါလိလဲဂဲ အတွဟောမ်ပ္လေါည်ဒီန်။ 
\v 22 ဘံန်ကွံန်ရပျာ ဟေရောဒိ\f + \fr ၆.၂၂ \fr*\fq ကွံန်ရပျာ ဟေရောဒိ၊ \fq*\ft ယိူဝ်တပံပ်ဘေဲႇပ်ုရ်ဒီ \ft*\fqa အ်ုန်မိူဝ်ႈ ကွံန်အီပ်ုန် ဟေရောဒိ။\fqa*\f* လီပ်ကာပျ တပ္လေါည်ဂဲ၊ ဒဲႈဟေရုဒ်ဂါရ် ခဲႇအ်ုန်ဂဲ ပဲန်နွံရ်ႈဖိူမ်ပျော။ ကောပ်ခိူည်ဒီန် တာပ်ုရ်မာင်ဒါႈ တကွံန်ရပျာဒီန်၊ “ဆေမီဆ်ုန်ဘိူန်၊ ဘ်ုရ်ပ်ုန်ဆ်ုန်ဘိူန်မီ အောဒီဒဲႈတမီ။” 
\v 23 ပည်ငဲကီန်တိူင် ႎီရ်ဒါႈထဲင် တအ်ုန်၊ “ဘ်ုရ်ပ်ုန်မှာန်မီ အောဒီဒဲႈ မောတကပီုန်ကုင်အော အူက်ုန်ဒါႇ။”
\p
\v 24 ဘံန်ညာခိူည်ဒီန် ကွံန်ရပျာပီ လာ်ႈဆမွံတ်ပွံတ် မာဒေ၊ “ဆေအောဒီမှာန်အဲႈ။”
\p မာအ်ုန်ႎီရ်ဒါႈတအ်ုန်၊ “မှာန်ပွံတ်ကိင် ဗတ္တိဇံဆရာယောဟန်။”
\p
\v 25 ကွံန်ရပျာဒီန် ႎီရ်လီပ်ဖါည်ဖါည် မှာန်ပွံတ်တတာပ်ုရ်မာင် အူဒီန်တောအူဒီန်၊ “အောဆ်ုန်ဘိူန် ဒဲႈမီတိူဝ်ႈကိင် ဗတ္တိဇံဆရာယောဟန် ဂံမ်တပါင်ဘာန်အီုဝ်။”
\p
\v 26 တတာပ်ုရ်မာင်အီုဝ် ဘိူည်ပဲန်ဂံတ် နွံရ်ႈဖိူမ်ကာပျော၊ ကောပ်အ်ုန်အူန်ပဲတ် ငဲကဒိဆေတ်စာ တရအာတ်ခဲႇဒေ၊ အ်ုန်ကာပဲန်ဒေ ႎဲႈထေင် ငဲကွံန်ရပျာဒီန်။ 
\v 27 ဘံန်ညာခိူည်ဒီန် အ်ုန်ပ္လေါည်လာ်ႈပွံတ် ဘီရဲ့အူကူ တန်ုထံင် အတွတိူဝ်ႈဒေဒိူည် ကိင်ယောဟန် အူဒီန်တောအူဒီန်။ ဘီရဲ့ဒီန်မိူဝ်ႈ လာ်ႈက္လက်ုရ်တ်ုတ်ပွံတ် ကိင်ယောဟန် တန်ုထံင် တိူဝ်ႈပွံတ်ဒေဒိူည်။ 
\v 28 ဟွည်ႇဒီန် အ်ုန်ဂံမ်ကိင်ဒီန် တပါင်ဘာန် ဒဲႈပွံတ်တကွံန်ရပျာ။ ကွံန်ရပျာဒီန်မိူဝ်ႈ လာ်ႈဒဲႈပွံတ် တမာဒေ။ 
\v 29 ဘံန်တဘဲႇယောဟန်ဂဲ ယိူဝ်ဒေဆတီုင်အကျံင်ဒီန် ဂဲလာ်ႈ တိူဝ်ႈဒေဒိူည် တိုဘီယံမ် ဆာင်ဂျိုပွံတ် တဘီုင်ဆာင်ခဲင်။
\s ယေဆု ဟျံင်ဘီဖံန်ဟြဲင်ဟောမ်
\r (မဿဲ ၁၄.၁၃–၂၁; လုကာ ၉.၁၀–၁၇; ယောဟန် ၆.၁–၁၄)
\p
\v 30 တမန်ဇ်ုဂဲ ႎီရ်လာ်ႈက်ုရ်စုဒိုည်ႇဒေ တရအာတ်ယေဆု၊ ဘ်ုရ်မောဂဲဆာင်ဆောန် ရ်ုရ်ဒေဒိူည် ဂဲဂြည်ဒိုည်ႇ အ်ုန်ဆတီုင်။ 
\v 31 အကျံင်ဒီန်မိူဝ်ႈ ဘံန်ဘီလီပ်လီပ်လေႈလေႈ ကီုန်လူတ်လာည် ယေဆုဂါရ် တဘဲႇအ်ုန်ဂဲ ဂိူပ်ကာတံန်ဒေဟောမ် ပ်ုန်ဟောမ်၊ ဘံန်ညာခိူည်ဒီန် အ်ုန်ဒါႈတဂဲ၊ “အယ်လာ်ႈရလူဘိူဝ် ရာင်ကောည် တအရာပ်ကာယိူဝ်ဘီ။” 
\v 32 ကောပ်ခိူည်ဒီန် ဂဲဘရိူဝ် ရာင်ကောည်ဒေ လာ်ႈပွံတ် တအရာပ်ယေန်ညီမ်။
\p
\v 33 ဘံန်ဘီဘာ့်ဘာ့်ဘိူဝ်ဘိူဝ်ဂဲ ယိူဝ်ဒေငိူပ် ဂဲလေႈလာ်ႈပွံတ်ဒိုည်ႇဒေ ညာခိူည်ဒီန်၊ ဂဲနံပ်ပွံတ် အဆေဂဲမိူဝ်ႈ။ ဘံန်ညာခိူည်ဒီန် ဂဲလေႈဒိုည်ႇ ဒိုရ်ကုင်ဒိုရ်ရူဒေ ခူန်လာ်ႈဇောမ်ရဒေင်ဆိုရ် ဂဲလာ်ႈရောတ်ဇံဝ်ပွံတ် ဒိုရ်ယေဆုဂါရ် တဘဲႇအ်ုန်ဂဲ။ 
\v 34 \x - \xo ၆.၃၄ \xo*\xt မ ၉.၃၆\xt*\x*အခိင်ယေဆု လေႈဒိုရ်ပါင်ရိူဝ်၊ အ်ုန်ယိူဝ်ဒေငိူပ် ဖုင်ဘီက်ုရ်စုဒါင် ညာခိူည်ဆို ကာယိူဝ်ဘီထိင်။ ဘံန်ညာခိူည်ဒီန် အ်ုန်ယိူဝ်ပွံတ် နွံရ်ႈဖိူမ်က်ုရ်ႎေဂဲ ဆာင်ဆောန်ပွံတ်ဂဲ အကျံင်တွံန်နဲ။ 
\v 35 ဘံန်စူန်အံပ် တဘဲႇအ်ုန်ဂဲ လာ်ႈဇူအ်ုန် ဂဲဒါႈ၊ “အရာပ်အီုဝ် မိူဝ်ႈအရာပ်ကာယိူဝ်ဘီ၊ အခိင်မိူဝ်ႈဟွည်ႇလာယာ့်။ 
\v 36 ပ္လေါည်ဒဲႈဘီဂဲအီုဝ် လာ်ႈဇိူရ်ႈအူနဲအူနဲ အတွပ်ုန်ဟောမ်ဒေ တက်ုရ်ႎျံရ်ရူအီုဝ်။”
\p
\v 37 ယေဆုႎီရ်ဒါႈတဂဲ၊ “ဒဲႈပဲဒဲႈ အတွပ်ုန်ဟောမ်ဂဲ အူနဲအူနဲ။”
\p အခိင်ဒီန် ဂဲႎီရ်ဒါႈ၊ “တယဲအီုဝ် ယိူဝ်ဂိူဝ်ရိူန်ဒဲင်ဂါ\f + \fr ၆.၃၇ \fr*\fk ရိူန်ဒဲင်ဂါ၊ \fk*\ft ရိူန်ဒဲင်ဂါအူပံင်အီုဝ်မိူဝ်ႈ ဘီစာင်ဒေ ရ်ုရ်ကာန်တရူတဂါင် အတွရူႈရဲင်ရ်ုရ်ကာန်ဂဲ တွံန်ဆငီ (ငိူပ်မေန် \ft*\xt မ ၂၀.၂\xt*)။\f* အာရ်ပ်ုရ်ယာႈ၊ ခိူည်မောယဲဒီညာ ယဲလာ်ႈဇိူရ်ႈဒဲႈမုင် အတွပ်ုန်ဟောမ်ဂဲ။”
\p
\v 38 ကောပ်ခိူည်ဒီန် ယေဆုဆ်ုရ်မွံတ်ဂဲ၊ “လာ်ႈငိူပ်မေန်၊ တပဲယိူဝ်မုင် ဒါင်ပံင်အဲႈ၊”
\p ဘံန်ဂဲဟွည်ႇလာ်ႈငိူပ်၊ ဂဲႎီရ်ဒါႈတအ်ုန်၊ “ယိူဝ်ဂိူဝ်မုင်ဖံန်ပံင်ဂါရ် ကာအာရ်တို။”
\p
\v 39 ဟွည်ႇဒီန် ယေဆုဆူတ် တဘဲႇဒေဂဲ ဒဲႈဘီဂဲမာ့် တပါင်ကီုရ်ဘာန်ငျံရ် ပေန်က်ုရ်စု ပေန်က်ုရ်စု။ 
\v 40 ဘံန်ညာခိူည်ဒီန် ဘီဂဲမာ့်က်ုရ်တျံရ်ဒေ အူပ်ုရ်ယာႈက်ုရ်စု၊ ဖံန်ကိူရ်က်ုရ်စု။ 
\v 41 အခိင်ဒီန် ယေဆု တိူဝ်ႈပွံတ်မုင်ဖံန်ပံင်ဂါရ် ကာအာရ်တို ဆိူန်ဂိူဝ်ႈပွံတ်တပ္လေင်၊ ဟွည်ႇတာင်ဂုင်ကေစူဖြာ။ အ်ုန်က်ုရ်ပ္လဲႈပွံတ်မုင် ဒဲႈတဘဲႇဒေဂဲ က်ုရ်ဆာင်တဘီဂဲ။ စံမ်ညာခိူည်ဒီန် အ်ုန်က်ုရ်ဆာင်ဒဲႈပွံတ် ကာအာရ်တိုဒီန် တဘီဂဲဒိုည်ႇဒိုည်ႇ။ 
\v 42 ဘီဒိုည်ႇဒိုည်ႇဂဲဒီန် ဟွည်ႇဟောမ်ဟိူဝ့်။ 
\v 43 ဟွည်ႇဒီန် တဘဲႇအ်ုန်ဂဲ ထွံရ်အူန်ပ်ုန်ကီုတ် မုင်ဂါရ် ကာ က်ုရ်ပူက်ုရ်ပိုတ်ဒီန် ဘိူန်ပွံတ်ဂုဒါင် အူကိူရ်အာရ်ဂုနာ့်နာ့်။ 
\v 44 ဘ်ုရ်ဂွည် အီအ်ုန်ဟောမ်မုင်ဒီန် မိူဝ်ႈဂိူဝ်အီမဲဒါင်ဂဲ လာပ်လာပ် ယိူဝ်ဖံန်ဟြဲင်။
\s ယေဆု လာ်ႈပါင်အိုမ်
\r (မဿဲ ၁၄.၂၂–၃၃; ယောဟန် ၆.၁၅–၂၁)
\p
\v 45 ယာမ်ယေဆု ဒဲႈဖုင်ဘီက်ုရ်စုဂဲႎေင် အ်ုန်ဆူတ်ပွံတ်တဘဲႇဒေဂဲ ဟာ့်တပါင်ရိူဝ်၊ ဒဲႈဂဲႎါည်လာ်ႈပွံတ်ရအာတ် ဆဲႈပြါအိုမ်ဆက္လုင် လ်ုပ်တည် ကုင်ဗက်ဇဲဒ အူဒီန်တောအူဒီန်။ 
\v 46 ဟွည်ႇဒီန် အ်ုန်ငဲက်ုရ်ကာႈ တဘီဂဲ၊ အ်ုန်စွဟာ့်ပွံတ်ဒေ တပါင်ဆိုရ် အတွဆုတောင်။ 
\v 47 ရောတ်အခိင်ရမှိူဝ် ရိူဝ်ဂဲဒီန် ဂွည်ပဲတ်ဒေ တက်ုန်ဒီအိုမ်ဆက္လုင်။ ယာမ်ဒီန် ကီုတ်ဂိူဝ်ယေဆု ဒါ့်ဂွည်ပဲတ်ဒေ တပြါအိုမ်။ 
\v 48 အ်ုန်ယိူဝ်ဒေငိူပ် တဘဲႇဒေဂဲ ဒါလာႇဒါ့်ႎါည်အိုမ် ကောပ်ခူရ်တာ်ႈကာက်ုရ်တော ဂဲအိူရ်ဒိုည်ႇဒေ၊ ဘံန်ညာခိူည်ဒီန် ရႎါရ်ႈစူန်ပ္လါင် အ်ုန်လာ်ႈပွံတ်ပါင်အိုမ် ရဲန်ဒေက်ုရ်ခါမ်\f + \fr ၆.၄၈ \fr*\fq က်ုရ်ခါမ်၊ \fq*\ft က်ုန်ကာမိူဝ်ႈ \ft*\fqa က်ုရ်ပိုမ်ဇောမ်ဂဲ။\fqa*\f* လာ်ႈပြောဂဲ။ 
\v 49 ဘံန်တဘဲႇအ်ုန်ဂဲယိူဝ်ဒေငိူပ် အ်ုန်လာ်ႈပါင်အိုမ် ညာခိူည်ဒီန် ဂဲထာင်အ်ုန်မိူဝ်ႈကီုရ်ဘူ ဂဲပြိုႈဒိုည်ႇဒေရျံင်။ 
\v 50 ဘံန်ဂဲ ယိူဝ်ဒေငိူပ်အ်ုန် ဂဲယောလူတ်လာည် ယူႈယူႈယ်ုရ်ယ်ုရ်ဒိုည်ႇဒေ။
\p ကောည်လိုည် ယေဆုငဲပွံတ်တဂဲ အူဒီန်တောအူဒီန်၊ “ဒဲႈနွံရ်ႈဖိူမ်ပဲညီမ်၊ မိူဝ်ႈအောမိူဝ်ႈ၊ ပဲမာည်ယော။” 
\v 51 ဟွည်ႇဒီန် အ်ုန်ဟာ့်ဇူပွံတ်ဂဲ တပါင်ရိူဝ်၊ ခူရ်ဒါင်မိူဝ်ႈ ညီမ်ပွံတ်ဒေ၊ ဘံန်ညာခိူည်ဒီန် တဘဲႇအ်ုန်ဂဲ ညာအာမ်ဒိုည်ႇပွံတ်ဒေ။ 
\v 52 ကောပ်မိူဝ်ႈနွံရ်ႈဖိူမ်ဂဲ ခေါလူတ်လာည် ဂဲကာနံပ်ပဲတ်အိုမ်ငဲ အကျံင်အ်ုန်ဟျံင်ဘီဖံန်ဟြဲင် ဟောမ်မုင်။
\s ယေဆု ဒဲႈဘီဆူဖိူဝ် န်ုကုင်ဂင်္နေသရက်ဂဲချံမ်ဆာ
\r (မဿဲ ၁၄.၃၄–၃၆)
\p
\v 53 ဟွည်ႇဒီန် ဂဲႎါည်က်ုရ်ခါမ်လာ်ႈ အိုမ်ဆက္လုင် ဘံန်ဂဲရောတ် ဆဲႈပြါအိုမ် တကုင်ဂင်္နေသရက်၊ ဂဲဒါ့်ပွံတ်ရိူဝ်ဒေ။ 
\v 54 အခိင်ဂဲလေႈ ဒိုရ်ရိူဝ်၊ ဘံန်ဘီဂဲတံင်ပွံတ်ယေဆု အူဒီန်တောအူဒီန်၊ 
\v 55 ဘံန်ညာခိူည်ဒီန် ဂဲခူန်လာ်ႈပွံတ် တအရာပ်တွံန်တီ၊ ဟွည်ႇဒီန် ဂဲဒေါဒေဒိူည်လာ်ႈပွံတ် ဘီဆူဖိူဝ်ဂါရ် ရအီတ်ဂဲ တအရာပ် ယိူဝ်ဒေဆတီုင် ဟာရဂွည် ယေဆု။ 
\v 56 အရာပ်ရစွလာ်ႈ ယေဆုတွံန်တီ၊ တကုင်မိူဝ်ႈဟွည်ႇ၊ တရူမိူဝ်ႈဟွည်ႇ က်ုန်ကာမိူဝ်ႈ တနာမိူဝ်ႈဟွည်ႇ ဘီဂဲဒီန် ဒေါဒေဒိူည် ဘီဆူဖိူဝ်ဂဲ လာ်ႈချအူန်ပဲတ်ဂဲ တအရာပ်တကာတ်၊ ဂဲမှာန်အခွါင်တအ်ုန် ဒဲႈဂဲဘိူန်ဒေဒါတီ ထိကဆိုည်ဆဒေါအ်ုန်။ ဘ်ုရ်ယိူဝ်ဘီဂဲဘိူန်ဒေထိဒိုည်ႇ ကဆိုည်ဆဒေါအ်ုန်ဒီန် ဂဲဘိူန်ဒိုည်ႇဒေချံမ်ဆာ။
\c 7
\s ပ်ုန်ဆုင်မဆာင်ဆောန် တာယာအူဟိူဝ်
\r (မဿဲ ၁၅.၁–၉)
\p
\v 1 အခိင်ဒီန် ဖာရိရှဲဂဲ ပ်ုရ်ဒီဂါရ် တာဆရာနံပ်ဘေဲႇကျံမ်ဂဲ ယိူဝ်ႇဒိုရ်ကုင်ယေရုရှလင် လာ်ႈပေါဒေ က်ုရ်စုဒိုည်ႇ တပြောယေဆု။ 
\v 2 ဖာရိရှဲဂဲ နွံရ်ႈလှူႈဒေငိူပ် တဘဲႇအ်ုန်ဂဲ ပ်ုရ်ဒီ တီဂဲကာဆပဲ၊
\p ပ်ုန်ဆ်ုန်ဒါႈအ်ုန်မိူဝ်ႈ၊ ဖာရိရှဲဂဲဒါႈ ထုင်ကာမှိူမ်ရ်ုရ်ဘီ ဂဲရ်ုရ်၊ တီဒေဂဲကာပါည် ဟောမ်ပ်ုန်ဟောမ်။ 
\v 3 (က်ုန်မိူဝ်ႈ ဖာရိရှဲဂဲဂါရ် ဘီယုဒဂဲဒီန်၊ တိူဝ်ႈဒေဇောမ်ထုင် ပ်ုန်ဆာင်ဆောန်ဒဲႈ တာယာဒေအူဟိူဝ်၊ က်ုန်ကာပါည်ဘိူဝ်တီဒေ ကာကျာင်စိဒေ ဟောမ်ပ်ုန်ဟောမ်။
\p
\v 4 အခိင်ဂဲႎီရ်ရောတ် ဒိုရ်တကာတ်မိူဝ်ႈ က်ုန်ကာပါည်ဆပဲဘိူဝ် ပ်ုန်ဒိူည်ဒေရအာတ်\f + \fr ၇.၄ \fr*\fq အခိင်ဂဲႎီရ်ရောတ် ဒိုရ်တကာတ်မိူဝ်ႈ က်ုန်ကာပါည်ဆပဲဘိူဝ် ပ်ုန်ဒိူည်ဒေရအာတ်၊ \fq*\ft က်ုန်ကာမိူဝ်ႈ \ft*\fqa ဂဲဟွည်ႇႎီရ်ရောတ်ဒိုရ်တကာတ် ဂဲက်ုန်ကာပါည်ဆပဲဘိူဝ်တိုဒေဆံင်မှာ်ႈ ရအာတ်။\fqa*\f* ဂဲကာကျာင်စိဒေဟောမ်။ ဆဲႈဒီန် ဂဲတိူဝ်ႈပည်ဒေဒါထဲင် ထုင်ဇာမ်ပ်ုန်ဟံရ် ခိူည်ခိုည်ႇ ဆလောႇ၊ တလုင်ဒေါင်၊ က္လိုဒေါင်ဂါရ် ရအီတ်ဒေဂဲ။\f + \fr ၇.၄ \fr*\ft တပံပ်ဘေဲႇပ်ုန်တဲမ်ပ်ုရ်ဒီဂဲ ကာယိူဝ်စိ \ft*\fq ဂါရ် ရအီတ်ဒေဂဲ။\fq*\f*)
\p
\v 5 ဘံန်ညာခိူည်ဒီန် ဖာရိရှဲဂဲဂါရ် တာဆရာနံပ်ဘေဲႇကျံမ်ဂဲ ဆ်ုရ်မွံတ်ယေဆု၊ “ကောပ်ဆေ တဘဲႇမီဂဲ ကာဇောမ် ထုင်အူန်ကူန်မာ တာယာအယ်အူဟိူဝ်၊ ဂဲဒါတီ ကာဆပဲဒေ ဒါ့်ဟောမ်ပ်ုန်ဟောမ်အဲႈ။”
\p
\v 6 ယေဆု ႎီရ်ဒါႈတဂဲ၊ “အခိင်ဟေရှာယ ရ်ုရ်ပရောဖက် ဂြည်အူန် အကျံင်ပဲမှာန်ညှိုႈ၊ ခိူည်ပ်ုန်ဒါႈအ်ုန် ပဲမိူဝ်ႈညှိုႈ ညာရာင်ဘီဆူဒေါ၊ ပ်ုန်တဲမ်အူန်အ်ုန်ဒီန်မိူဝ်ႈ၊
\q1 “ ‘ဖြာဒါႈ၊ ဘီဂဲအီုဝ်၊ မူရ်ဂဲ ဘိူည်ရိုဆေဂံတ်အော၊
\q2 က်ုန်မိူဝ်ႈနွံရ်ႈဖိူမ်ဂဲ ဆငါည်ညှိုႈ ဒိုရ်အော။
\q1
\v 7 ပ်ုန်ကိုကွည်ဂဲ တအော ကာထူစိ၊
\q2 ကောပ်ဆေတဒါႈခိူည်ဒီန် ဂဲဆာင်ဆောန် ဒဲႈဂိူဝ်ဥပဒေ ဒေင်လာ့်လာည်ဘီဂဲ၊
\q2 ညာခိူည် ပိင်ငျှံပ်အော။’
\p
\v 8 “ပဲထေင်ဒိုည်ႇပဲတ် ပိင်ငျှံပ်ဖြာ ပဲတိူဝ်ႈဒိုည်ႇဒေဒါ ပ်ုန်ဆာင်ဆောန်ဘီဂဲ။”
\p
\v 9 ဟွည်ႇဒီန် ယေဆုႎီရ်ဆီုပ်ဒေဒါႈ၊ “အတွပဲဒဲႈထုင် ပ်ုန်ဆာင်ဆောန်ဒေမြဲ ပဲလှညှိုႈဒေ ထေင်ဒိုည်ႇပဲတ် ပိင်ငျှံပ်ဖြာ။ 
\v 10 မောရှေ ပိင်ငျှံပ်အူန်၊ ‘ရိုဆေကူန်မာပဲ၊ အဆေမိူဝ်ႈဟွည်ႇ က်ုန်အေႈကီန်တိူင် ကူန်မာဒေ ဒီဘ်ုပ်ဒေခါမ် တာမ်ယံမ်။’ 
\v 11 ကောည်လိုည် ပဲက်ုန်ဒါႈ၊ ဘီအူကူ ဘိူည်ယိူဝ်ဂံတ် ပ်ုန်လှူ ဒဲႈအကျိုအူနဲနဲ တကူန်မာဒေ အ်ုန်က်ုန်ဒါႈ ‘မိူဝ်ႈကော်ဘန်ယာ့်’ (အိုမ်ငဲအ်ုန်မိူဝ်ႈ၊ ပ်ုန်လှူအီုဝ် ဟွည်ႇကာပ်ဒဲႈ တဖြာ)၊ 
\v 12 အီကူဒီန် ကာလိုယာ့် ရ်ုရ်ဇောည် ကူန်မာဒေ၊ ပဲဆမာနံပ်ဒေ ဆာင်ဆောန်ညာခိူည်ဒီန်။ 
\v 13 ပဲဆာင်ဆောန်ဒဲႈ တဘီဟံရ် ဒါဒေင်လာ့်လာည်အီုဝ် မိူဝ်ႈညှိုႈပဲထေင်ဒိုည်ႇပဲတ် ငဲဖြာ။ ဆဲႈဒီန် ခံင်ရ်ုရ်ပဲ ပ်ုန်ဟံရ် ယိူဝ်ထဲင်ဘာ့်ဘာ့်ဘိူဝ်ဘိူဝ်။”
\s ခံင်ဒဲႈဘီပဲန် ကာဆပဲ
\r (မဿဲ ၁၅.၁၀–၂၀)
\p
\v 14 အခိင်ဒီန် ယေဆု ႎီရ်တောႇထဲင် ဖုင်ဘီက်ုရ်စု လာ်ႈတဒေ၊ အ်ုန်ဒါႈတဂဲ၊ “ဆတီုင်ဘိူဝ်ငဲအော ဒဲႈပဲနံပ်ဒိုည်ႇတွံန်ကူ။” 
\v 15 ခံင်ယိူဝ်ႇဒိုရ်ရရိူဝ်ႇဘီ လီပ်တရန်ုဘီဒီန်၊ အူနဲမောမိူဝ်ႈ ကာယိူဝ်စိ အ်ုန်ဘဲဒေဒဲႈ ဘီပဲန်ကာဆပဲ။ မိူဝ်ႈဂိူဝ် ခံင်ယိူဝ်ႇဒိုရ်တရန်ုဘီ လေႈရရိူဝ်ႇဒီန် အ်ုန်ဆမာဒဲႈ ဘီပဲန်ကာဆပဲ။ 
\v 16 \f + \fr ၇.၁၆ \fr*\ft တပံပ်ဘေဲႇပ်ုန်တဲမ် ပ်ုရ်ဒီ ဂဲလှ်ုပ်အူန်ပဲတ် တအခါန်ဒျံတ် ၁၆၊ \ft*\fqa က်ုန်ယိူဝ်ဒေဟျာ့်၊ ဒဲႈယိူဝ်ဒေဆတီုင်၊ \fqa*\ft (ငိူပ်မေန် \+xt ၄.၂၃\+xt*)။\ft*\f*
\p
\v 17 အခိင်ယေဆု ဟွည်ႇလေႈ ဒိုရ်ဖုင်ဘီက်ုရ်စုဂဲ ယာမ်အ်ုန်လီပ်တန်ုဂါင်၊ တဘဲႇအ်ုန်ဂဲဆ်ုရ်မွံတ် အကျံင်ငဲပုင်တဲႇဒီန်တအ်ုန်။ 
\v 18 အခိင်ဒီန် ယေဆုဒါႈတဂဲ၊ “ပဲကာယိူဝ်ဂံတ် ငျံန်ပိင်ငျာ ဒိုရ်ဘီဟံရ်ဂဲ။ ပဲကာနံပ်၊ ယိူဝ်ႇဒိုရ်ရရိူဝ်ႇဘီ လီပ်တရန်ုဘီ ခံင်နဲမောမိူဝ်ႈဟွည်ႇ ကာဘဲစိဒေရ်ုရ်ဒဲႈပဲကာဆပဲ၊” 
\v 19 “ကောပ်ဆေတဒါႈ ခံင်ကာဆပဲဒီန် ကာမိူဝ်ႈစိ အ်ုန်လီပ်တန်ုပ္လေဖိူမ်ဘီ၊ အ်ုန်က်ုန်ဟွည်ႇလီပ်ရောတ် တရန်ုႎဲ့ပုင်ဟောမ် လေႈဒိုည်ႇပွံတ်ဒေ တဘီုင်ရအိင်။” (တန်ုငဲအီုဝ်မိူဝ်ႈ ယေဆုဒါႈတဂဲ ခံင်ပ်ုန်ဟောမ်တွံန်နဲ ဘိူန်ဒိုည်ႇဟောမ်။)
\p
\v 20 ဆဲႈဒီန် အ်ုန်ႎီရ်ဒါႈထဲင် တဂဲ၊ “ခံင်လေႈဒိုရ် တရန်ုဘီဒီန်၊ အ်ုန်ဆမာဒဲႈ ဘီပဲန်ကာဆပဲ။” 
\v 21 အကျံင်ဒီန်မိူဝ်ႈ တရန်ုပ္လေဖိူမ်ဘီအီုဝ် ဆမာခံပ်က်ုရ်ယေင် ကာကျကာလ၊ ဆမာက်ုရ်လူတ်တပ်ုန်လဲဘီ၊ ဆမာရာတ်ဂြူဘီ၊ ဆမာပျံမ်အဆာႇဘီ၊ 
\v 22 လောဖဒါင်၊ ဆမာအူန်ဖိူမ်ကာကျ၊ ကာအိုတ်၊ ဇောမ်ဂုင်ကာမ၊ ဆမာဒဲႈကာလနွံရ်ႈဖိူမ်ဒေ၊ ဆမာငဲအေႈ၊ ယိူဝ်မာနဒါင်ဂါရ် ဆမာႎါဝ်ရိူဝ်ဒီန် မိူဝ်ႈလေႈဒိုည်ႇ ဒိုရ်န်ုပ္လေဖိူမ်ဘီ။ 
\v 23 ဘ်ုရ်ယိူဝ်ဖိူမ်ကာကျ ခံင်မှိူမ်ရအီရ်ႈ လေႈဒိုရ်ရန်ုတိုဘီအီုဝ် ဆမာဒဲႈဘီပဲန် ခံင်ကာဆပဲ။
\s ဖိူမ်ညှိုမ် အီပ်ုန်အူကူ
\r (မဿဲ ၁၅.၂၁–၂၈)
\p
\v 24 ဘံန်ယေဆု ယိူဝ်ႇဒိုရ်အရာပ်ဒီန် အ်ုန်စွလာ်ႈ တအရာပ်ပြော ကုင်တုရု။ အ်ုန်လီပ်ပွံတ်ဒေ တဂါင်အူဂါင်၊ အ်ုန်ဘိူည်ကာဆ်ုန်ဒဲႈဂံတ် ဘီဂဲနံပ် ကာပဲန်စိဒေ မောတိုဒေ။ 
\v 25 မာကွံန်ရပျာ ကီုရ်နံမ်ကာကျကာလ လီပ်စံပ်ဒီန်၊ ဘံန်အ်ုန်ယိူဝ်ဒေဆတီုင် အကျံင်ယေဆု၊ အ်ုန်လာ်ႈဇူပွံတ်ယေဆု အူဒီန်တောအူဒီန် မာ့်ဂြူပ်ပွံတ် တပြောဇိူင်အ်ုန်။ 
\v 26 အီပ်ုန်ဒီန်မိူဝ်ႈ ခြိူဝ်မျိုဟေလသ၊ ကိူတ်တကပီုန်ကုင်ရှုရိဖိနိတ်။ အ်ုန်မှာန် ဒဲႈယေဆု ရူပ်လေႈပဲတ်ကီုရ်နံမ်ချှို ဒိုရ်တိုကွံန်ရပျာဒေ။ 
\v 27 ကောည်လိုည် ယေဆုႎီရ်ဒါႈတအ်ုန်၊ “ဒဲႈဘိူဝ် ကွံန်ႎါအောဂဲ ဟောမ်ဟိူဝ့်ရအာတ်။ ကာကျစိ တတိူဝ်ႈပ်ုန်ဟောမ် ကွံန်ႎါအောဂဲ ဂံမ်ဒဲႈအအို့ဂဲဟောမ်။”
\p
\v 28 အီပ်ုန်ဒီန် ႎီရ်ဒါႈ၊ “မိူဝ်ႈအေ့ ကီုရ်ညာ၊ ပ်ုန်ဟောမ်ကွံန်ႎါ ဇာ်ႈရခြူမ်ဘွည် တရူတရီတ်ဒီန် အအို့ဂဲအီုဝ် ယိူဝ်အေ့ထုင်ဇာမ် ထွံရ်ဒေဟောမ်။”
\p
\v 29 ယေဆုဒါႈတအ်ုန်၊ “ကောပ်ငဲပ်ုန်ဂြည်မီအီုဝ် ႎေင်ပွံတ်မီတဂါင်၊ ကီုရ်နံမ်ချှိုဒီန်ဟွည်ႇလေႈ ဒိုရ်ကွံန်ရပျာမီယာ့်။”
\p
\v 30 ဘံန်အီပ်ုန်ဒီန် ႎီရ်ႎေင်ပွံတ်ဒေတဂါင် အ်ုန်ယိူဝ်ဒေငိူပ် ကွံန်ရပျာဒေ ဒါ့်အီတ်နှေရ်ဒေတပါင်ချှံင်၊ ကီုရ်နံမ်ချှိုမိူဝ်ႈ ဟွည်ႇလေႈပွံတ်ဒေ ဒိုရ်တိုကွံန်ရပျာအ်ုန်။
\s ယေဆု ဒဲႈဘီဟျာ့်ဇံန်ကာခီုတ်ငဲ ချံမ်ဆာ
\p
\v 31 ဟွည်ႇဒီန်ယေဆု ႎီရ်လေႈဒိုရ်အရာပ်တုရု လာ်ႈက်ုရ်ခါမ်ပွံတ် ကုင်ဇိဒုန်၊ အ်ုန်လာ်ႈရောတ်ပွံတ် တအိုမ်ဆက္လုင်ဂါလိလဲ ကပီုန်ကုင်ဒေကာပေါလိ။ 
\v 32 အခိင်ဒီန် ဘီဂဲပ်ုရ်ဒီ တောႇဒေဒိူည် အီအူကူ ဟျာ့်ဇံန်ကာခီုတ်ငဲ ပေါတယေဆု၊ ဂဲမှာန် ဒဲႈယေဆု ဂံမ်တီဒေ တပါင်အ်ုန်။ 
\v 33 ဘံန်ညာခိူည်ဒီန် ယေဆု တောႇလာ်ႈပွံတ်အီကူဒီန် တအရာပ်ယေန်ညီမ် ဒိုရ်န်ုဖုင်ဘီက်ုရ်စုဂဲ၊ အ်ုန်ဒါရ်ုန်ဂိုရ်တီဒေ စီလီပ်ပွံတ် တန်ုဘီုင်ဟျာ့်အ်ုန် အာရ်ခေါန်၊ ဟွည်ႇဒီန် ဘဲ့အိုမ်ဘဲ့ဒေ စူတ်ပွံတ် တကီုရ်တာႇ အီကူဒီန်။ 
\v 34 အခိင်ဒီန် ယေဆု ဆိူန်ဂိူဝ်ႈဒေငိူပ် တပ္လေင် အ်ုန်ငှူရ် ဒါႈ၊ \tl “ဧဖသ”\tl* အိုမ်ငဲဧဖသဒီန်မိူဝ်ႈ၊ “ဒဲႈအ်ုန်က်ုရ်ပိူဝ်ႈ။”
\p
\v 35 ဒံင်အူကပြေ့ ဟျာ့်အ်ုန်ဒီန်မိူဝ်ႈ က်ုရ်ပိူဝ်ႈ၊ ဘံန်ဆနာႇကီုရ်တာႇအ်ုန် ညောတ်ညောတ် ဘိူန်ပွံတ်ဒေငဲလလ။ 
\v 36 အခိင်ဒီန် ယေဆု ပိင်ငျှံပ်အူန်ဘီဂဲ မာည်ဂြည်အကျံင်အီုဝ် တအဆေ၊ အ်ုန်ဘိူည်ပိင်ငျှံပ်အူန်ဂံတ်ဂဲ ညာခိူည်ဒီန် ဂဲယိူင်ႎရဂြည်လှိူဝ်။ 
\v 37 ဘံန်ဘီဂဲ ယိူဝ်ဒေဆတီုင် အကျံင်ဒီန် ဂဲအာမ်ညှိုႈညှိုႈ။ “အ်ုန်နံပ်ဒေရ်ုရ်ညာခိူည်အီုဝ် ဘ်ုရ်မောဒါႈဒေကျညှိုႈ၊” ဂဲဒါႈဒိုည်ႇခိူည်ဒီန်။ “အီအ်ုန်ဟျာ့်ဇံန်ကာခီုတ်ငဲလိုည် ဟွည်ႇဒဲႈအ်ုန်ယိူဝ်ဒေဆတီုင် ဘဲဒေငဲယာ့်။”
\c 8
\s ယေဆု ဟျံင်ဘီဖိုန်ဟြဲင်ဟောမ်
\r (မဿဲ ၁၅.၃၂–၃၉)
\p
\v 1 ဘံန်ကာဇီုဝ့် ဖုင်ဘီက်ုရ်စုဒါင် ပ်ုန်ဟံရ်ဂဲ လာ်ႈက်ုရ်စုရူမ်ဒိုည်ႇဒေ။ ကောပ်ကာယိူဝ်ပ်ုန်ဟောမ် တဂဲဒီန်၊ ယေဆု တောႇပွံတ် တဘဲႇဒေဂဲ အ်ုန်ဒါႈ၊ 
\v 2 “အောက်ုရ်ႎေညှိုႈ ဘီဂဲအီုဝ်၊ ဂဲဟွည်ႇဂွည်ရူမ် ဇောမ်အော ဘိူန်အွည်ဆငီ၊ ပ်ုန်ဟောမ် ဆံင်မှာ်ႈမိူဝ်ႈ ကာယိူဝ်တဂဲ။ 
\v 3 က်ုန်ကာဟျံင်ဘိူဝ် ဂဲဟောမ်ပ်ုန်ဟောမ် ပ္လေါည်ႎေင်တဂါင် ဘီပ်ုရ်ဒီမိူဝ်ႈ ကောပ်ယိူဝ်ႇ ဒိုရ်တအရာပ်ဆငါည်၊ ဂဲဒီအိူရ် မဝ်ဂေႈဒိုည်ႇဒေ တရဒေင်။”
\p
\v 4 တဘဲႇအ်ုန်ဂဲ ႎီရ်ဒါႈတအ်ုန်၊ “တန်ုဘြီအရာပ်အီုဝ် အဆေဒီဘဲဒေလဲမ်မုင် ဟျံင်ဂဲဟောမ် မောဂိူပ်ဟိူဝ့်။”
\p
\v 5 ယေဆု ဆ်ုရ်မွံတ်ဂဲ၊ “တပဲယိူဝ်မုင် ဘ်ုရ်မော၊”
\p ဂဲႎီရ်ဒါႈတအ်ုန်၊ “တယဲ ယိူဝ်ဂိူဝ်မုင်ပူရ်ပံင်။”
\p
\v 6 အခိင်ဒီန် အ်ုန်ဆူတ် ဖုင်ဘီက်ုရ်စုဂဲ မာ့်ဒိုည်ႇဒေ တပါင်ကတဲ။ ဟွည်ႇဒီန် အ်ုန်တိူဝ်ႈပွံတ် မုင်ပူရ်ပံင်ဒီန် တာင်ဂုင်ကေစူ တဖြာ၊ အ်ုန်ပ္လဲႈမုင်ဒီန် ဒဲႈပွံတ်တဘဲႇဒေဂဲ က်ုရ်ဆာင်ဒဲႈ တဖုင်ဘီက်ုရ်စုဂဲ၊ ဂဲဒီန်မိူဝ်ႈ လာ်ႈက်ုရ်ဆာင်ဒဲႈပွံတ် ခိူည်ပ်ုန်ဒါႈအ်ုန်။ 
\v 7 ဘံန်တရန်ုဂဲ ယိူဝ်ပည်ကာဒျံတ်ဒျံတ် တရီတ်၊ ယေဆုဟွည်ႇတာင် ဂုင်ကေစူ အတွဒီန်၊ အ်ုန်ဆူတ်ပွံတ် တဘဲႇဒေဂဲ က်ုရ်ဆာင်ဒဲႈ တဖုင်ဘီက်ုရ်စုဂဲ။ 
\v 8 ဘီဂဲတွံန်ကူ ဟွည်ႇဟောမ်ဟိူဝ့်ဒိုည်ႇ၊ တဘဲႇအ်ုန်ဂဲ ထွံရ်ပ်ုန်ကီုတ် က်ုရ်ပူက်ုရ်ပိုတ်ဒီန် ဘိူန်ပွံတ်ပူရ်ဂုနာ့်နာ့်။ 
\v 9 တအရာပ်ဒီန် ယိူဝ်ဘီက်ုရ်ပံတ် ဖိုန်ဟြဲင်။ ယေဆု ပ္လေါည်ႎေင်ပွံတ်ဂဲဒီန်၊ 
\v 10 အခိင်ဒီန် အ်ုန်ဟာ့်ရူမ် ဇောမ်တဘဲႇဒေဂဲ တပါင်ရိူဝ် အူဒီန်တောအူဒီန် ဂဲလာ်ႈပွံတ် တအရာပ် ဒါလမနုသ။
\s ဖာရိရှဲဂဲမှာန် နမိလက္ခဏာ
\r (မဿဲ ၁၆.၁–၄)
\p
\v 11 \x - \xo ၈.၁၁ \xo*\xt မ ၁၂.၃၈; လု ၁၁.၁၆\xt*\x*အခိင်ဒီန် ဖာရိရှဲဂဲပ်ုရ်ဒီ လာ်ႈရောတ်ဒေ က်ုရ်မိုန်က်ုရ်ထေင် ဇောမ်ယေဆု၊ ကောပ်ဂဲဆ်ုန်စာမ်ဒေ ခြီုမ်အ်ုန် ဂဲမှာန်ဒဲႈအ်ုန်ပျ နမိလက္ခဏာ ယိူဝ်ႇဒိုရ်ပ္လေင်။ 
\v 12 \x - \xo ၈.၁၂ \xo*\xt မ ၁၂.၃၉; လု ၁၁.၂၉\xt*\x*ကောည်လိုည် ယေဆု က်ုန်အိူဝ်ႈဖိူမ်ဒါင်ဒေ ဒါႈတဂဲ၊ “ကောပ်ဆေ ဘီခြိူဝ်မျိုဂဲအီုဝ် နံပ်ဒေမှာန်နမိလက္ခဏာအဲႈ၊ အောဂြည်ညှိုႈတပဲ၊ ဆံင်မှာ်ႈမိူဝ်ႈ အောကာပျဒဲႈစိ နမိလက္ခဏာ တဘီခြိူဝ်မျိုဂဲအီုဝ်။”
\p
\v 13 အ်ုန်လေႈပွံတ်ဒေဒိုရ်ဂဲ ႎီရ်ဟာ့်ဒေတပါင်ရိူဝ် ဂဲႎါည်လာ်ႈပွံတ် ဆဲႈပြါအိုမ်ဆက္လုင်လ်ုပ်တည်။
\s ဆန်ုမ်ဂိူဝ်ႈ ဖာရိရှဲဂဲဂါရ် ဟေရုဒ်
\r (မဿဲ ၁၆.၅–၁၂)
\p
\v 14 ဘံန်တဘဲႇအ်ုန်ဂဲ ဘီရ်တိူဝ်ႈဒေဒိူည် မုင်လုင်လုင်လာ့်လာ့်၊ တရန်ုရိူဝ်ဂဲဒီန် ယိူဝ်ဂိူဝ်မုင်အူပံင်။ 
\v 15 \x - \xo ၈.၁၅ \xo*\xt လု ၁၂.၁\xt*\x*အခိင်ဒီန် ယေဆုဒဲႈဆဒိတဂဲ၊ “ဒဲႈပဲအူန်ဆဒိ၊ ပဲလိုႎဲႈဆန်ုမ်ဂိူဝ်ႈ ဖာရိရှဲဂဲဂါရ် ဆန်ုမ်ဂိူဝ်ႈ ဟေရုဒ်အေ့။”
\p
\v 16 ဂဲက်ုရ်မိုန်က်ုရ်ဂြည်တဒေ အူကူတောအူကူ ဂဲဒါႈ၊ “ကောပ်အယ်ကာဒိူည်မုင် အ်ုန်ဒါႈဒေငဲ တအယ်ခိူည်အီုဝ်။”
\p
\v 17 ဘံန်ယေဆုနံပ် ဂဲက်ုရ်မိုန်က်ုရ်ဂြည်ခိူည်ဒီန်၊ အ်ုန်ဆ်ုရ်မွံတ်ဂဲ၊ “ဆေညာ ပဲဒါ့်က်ုရ်မိုန်က်ုရ်ဂြည် အကျံင်ပဲ ကာဒိူည်မုင်ဒီန်အဲႈ။ ပဲညှံမ်နံပ်၊ ညှံမ်လှူႈဘိူဝ် တဖိူမ်ဒေ၊ ပ္လေဖိူမ်ပဲဒါ့်ခေါပဲတ် မောအူဒီန်အီုဝ်အဲႈ။ 
\v 18 \x - \xo ၈.၁၈ \xo*\xt မာ ၄.၁၂\xt*\x*ပဲယိူဝ်ဘိူဝ်ဒေပ္လေငါည် ကာယိူဝ်ဒေငိူပ်၊ ပဲယိူဝ်ဘိူဝ်ဒေဟျာ့် ကာယိူဝ်ဒေဆတီုင်၊ ပဲကာတံင်ဘိူဝ်အဲႈ၊ 
\v 19 ယာမ်အောက်ုရ်ပ္လဲႈဒဲႈ မုင်ဖံန်ပံင် အတွဘီဖံန်ဟြဲင် ဒါင်ဂုပဲဘိူန်ဒေ ထွံရ်တကျြံတ် ပ်ုန်ကီုတ် က်ုရ်ပူက်ုရ်ပိုတ်အ်ုန်ဒီန်” ဘံန်အ်ုန်ဆ်ုရ်မွံတ်ဂဲ ခိူည်ဒီန်။
\p ဂဲႎီရ်ဒါႈတအ်ုန်၊ “ဘိူန်ကိူရ်အာရ်ဂု။”
\p
\v 20 “ယာမ်အောက်ုရ်ပ္လဲႈဒဲႈ မုင်ပူရ်ပံင် အတွဘီဖိုန်ဟြဲင် ဒါင်ဂုပဲဘိူန်ဒေ ထွံရ်တကျြံတ် ပ်ုန်ကီုတ် က်ုရ်ပူက်ုရ်ပိုတ်ဒီန်” ဘံန်ယေဆု ႎီရ်ဆ်ုရ်မွံတ်ဂဲခိူည်ဒီန်။
\p ဂဲႎီရ်ဒါႈတအ်ုန်၊ “ဘိူန်ပူရ်ဂု။”
\p
\v 21 အ်ုန်ႎီရ်ဒါႈတဂဲ၊ “ပဲညှံမ်နံပ်ဘိူဝ် မောအူဒီန်အဲႈ။”
\s ယေဆု ဒဲႈအီငါည်အံပ်အူကူ ချံမ်ဆာ တရူဗက်ဇဲဒ
\p
\v 22 အခိင်ဂဲရောတ်ဒိုည်ႇ တရူဗက်ဇဲဒ၊ ဘီပ်ုရ်ဒီဂဲ တောႇဒေဒိူည် အီငါည်အံပ်အူကူ လာ်ႈရောတ် တယေဆု၊ ဂဲမှာန် ဒဲႈအ်ုန်ထိ အီကူဒီန်။ 
\v 23 ယေဆု တီုတ်ဒေဘာတီ အီကူငါည်အံပ်ဒီန် တောႇလေႈပွံတ်အ်ုန်ရိူဝ့်ရူ။ ဟွည်ႇဒီန် ယေဆုဘဲ့ပွံတ် အိုမ်ဘဲ့ဒေတပ္လေငါည်အ်ုန်၊ ဂံမ်တီဒေ တပါင်အ်ုန် ဆ်ုရ်မွံတ်ပွံတ်၊ “မီပည်ယိူဝ်ဒေငိူပ် အူနဲအူနဲ။”
\p
\v 24 အီကူဒီန် ဆိူန်ဂိူဝ်ႈဒေငိူပ် ဒါႈတအ်ုန်၊ “အောယိူဝ်ယာ့် အောငိူပ်ဘီဂဲ၊ ကောည်လိုည် ဂဲနှေရ်ဒိုည်ႇပဲတ် တီုင်ဟေဂဲ လာ်ႈလာ်ႈႎေင်ႎေင်။”
\p
\v 25 ဟွည်ႇဒီန် ယေဆုႎီရ်ဂံမ်တီဒေ တပါင်ပ္လေငါည်အ်ုန်။ အခိင်ဒီန် အ်ုန်ငိူပ်ပွံတ်လလ၊ ပ္လေငါည်အ်ုန် ပ္လါင်ဆာင်လာင် ယိူဝ်ပွံတ်ဒေငိူပ် ကတီကရီ။ 
\v 26 ယေဆုဒါႈ၊ “မီမာည်ဂွည်ႇလီပ်ယာ့် တရူ” ဟွည်ႇဒါႈခိူည်ဒီန် ပ္လေါည်ႎေင်ပွံတ်အ်ုန် တဂါင်။
\s ပေတရုဂြည် အကျံင်ယေဆု
\r (မဿဲ ၁၆.၁၃–၂၀; လုကာ ၉.၁၈–၂၁)
\p
\v 27 အခိင်ဒီန် ယေဆု စွလာ်ႈရူမ်ဇောမ် တဘဲႇဒေဂဲ အရာပ်ဒံတ်ရူ တကုင်ကဲသရိဖိလိပ္ပိ။ ယာမ်ဂဲလာ်ႈတဒေင် အ်ုန်ဆ်ုရ်မွံတ်တဘဲႇဒေဂဲ၊ “ဂြည်ဘိူဝ်တအော၊ ဆေဘီဂဲအီုဝ် ဒါႈအောမိူဝ်ႈအဲႈ။”
\p
\v 28 \x - \xo ၈.၂၈ \xo*\xt မာ ၆.၁၄,၁၅; လု ၉.၇,၈\xt*\x*ဂဲႎီရ်ဒါႈ၊ “ပ်ုရ်ဒီဒါႈ မီမိူဝ်ႈ ဗတ္တိဇံဆရာယောဟန်၊ ပ်ုရ်ဒီဒါႈ မီမိူဝ်ႈ ဧလိယ၊ ပ်ုရ်ဒီဒါႈ မီမိူဝ်ႈ ပရောဖက် အူကူအူကူ။”
\p
\v 29 \x - \xo ၈.၂၉ \xo*\xt ယော ၆.၆၈,၆၉\xt*\x* ဟွည်ႇဒီန် အ်ုန်ႎီရ်ဆ်ုရ်မွံတ်ဂဲ၊ “က်ုန်မိူဝ်ႈပဲ၊ ဆေပဲ ဒါႈအောမိူဝ်ႈ။”
\p ပေတရု ႎီရ်ဒါႈတအ်ုန်၊ “မီမိူဝ်ႈ မေရှိယ။”
\p
\v 30 အခိင်ဒီန် ယေဆုပိင်ငျှံပ် ဒဲႈဆဒိတဂဲ၊ “ပဲမာည်လာ်ႈဂြည် အကျံင်အော တအဆေအေ့။”
\s ယေဆုဂြည် အကျံင်ဒေ ဒီဘ်ုပ်က်ုရ်တူႈ ႎိုည်ဒနာဂါရ် ယံမ်
\r (မဿဲ ၁၆.၂၁–၂၈; လုကာ ၉.၂၂–၂၇)
\p
\v 31 ဟွည်ႇဒီန် ယေဆုဆာင်ဆောန် တဘဲႇဒေဂဲ၊ “ကွံန်ဘီအီုဝ် ဒီဘ်ုပ်ဒေက်ုရ်တူႈ ႎိုည်ဒနာဘ္လံမ်ဂါရ် ဘီအဆာႇဒါင်ဝါဒါင်ဂဲ၊ ယဇ်ပုရောဟိတ်ဒါင်ဂဲဂါရ် တာဆရာနံပ်ဘေဲႇကျံမ်ဂဲ ႎဲႈထေင်ပဲတ်ဒေ။ ဒီဘ်ုပ်ဒေက်ုရ်တူႈထဲင် ဂဲပျံမ်ယံမ်ပဲတ်ဒေ၊ ကောည်လိုည် က်ုန်ဟွည်ႇဘိူန်အွည်ဆငီ အ်ုန်ဒီႎီရ်ယိူဝ်ႇအီမ်ဒေ။” 
\v 32 ဘံန်အ်ုန်ဂြည်ဆာင်လာင် အကျံင်ဒီန်တဂဲ ပေတရု တောႇလာ်ႈအ်ုန်လ်ုပ်ဟံရ် တာင်အပေတ်တအ်ုန်။ 
\v 33 ကောည်လိုည် ယေဆုက်ုရ်ပံတ်ငါည်ဒေ ငိူပ်ပွံတ်လ်ုပ်တဘဲႇဒေဂဲ၊ အ်ုန်တာင်အပေတ် ဒါႈဒေဆုင်မပွံတ် ပေတရု၊ “အိူဝ် စာတန် လေႈပွံတ်မီဒိုရ်အော၊ ပ်ုန်စေ့ကူမီဒီန် ကာမိူဝ်ႈစိ ယိူဝ်ႇဒိုရ်တဖြာ၊ မိူဝ်ႈယိူဝ်ႇ ဒိုရ်တဘီဂဲ။”
\p
\v 34 \x - \xo ၈.၃၄ \xo*\xt မ ၁၀.၃၈; လု ၁၄.၂၇\xt*\x*အခိင်ဒီန် ယေဆု တောႇပွံတ် တဘဲႇဒေဂဲဂါရ် ဖုင်ဘီက်ုရ်စု၊ အ်ုန်ဒါႈတဂဲ၊ “အဆေမိူဝ်ႈဟွည်ႇ က်ုန်ဆ်ုန်ဇောမ်ရဘံန်အော ဒီဘ်ုပ်ဒေထေင်တိုဒေ၊ ဒီဘ်ုပ်ဒေကွံတ် တီုင်ဒါ်ႈစံပ်တာႇတီဒေ။ ဟွည်ႇဒီန် တဘိူန်ဒေဇောမ်လာ်ႈ ရဘံန်အော။ 
\v 35 \x - \xo ၈.၃၅ \xo*\xt မ ၁၀.၃၉; လု ၁၇.၃၃; ယော ၁၂.၂၅\xt*\x*ကောပ်ဆေတဒါႈခိူည်ဒီန် အီအ်ုန်ဆ်ုန်ပ်ုန်လောတ် အဆာႇဒေအီုဝ်၊ ဒီဘ်ုပ်ချှူမ် အဆာႇဒေ။ ကောည်လိုည် အီအ်ုန်ခါမ် အဆာႇဒေချှူမ် ကောပ်အောဂါရ် ကောပ်ဆဒါင်ကျအောဒီန် ဒီဘိူန်ဒေပ်ုန်လောတ်။ 
\v 36 ဘီအီုဝ် ဘိူည်ဘိူန်ဂံတ်ဒေ ဘြောင်ဒိုည်ႇကံမ်ဖာ က်ုန်ချှူမ်အဆာႇႎိငျံန်ဒေ ဆေဒီယိူဝ်အကျိုအဲႈ။ 
\v 37 က်ုန်ချှူမ် အဆာႇႎိငျံန်အယ်၊ ဒါခံင်နဲမော ဒီဘဲဒေႎီရ်ရံရ်ႈဒဲႈ အဆာႇအယ်အဲႈ။ 
\v 38 ခိင်ခါဝ်ကာပ်ကာကျ ဘီကာနံပ်ဖြာတရာ၊ အဆေမိူဝ်ႈဟွည်ႇ က်ုန်ကဆေ ကောပ်အောဂါရ် ကောပ်ငဲပ်ုန်ဆာင်ဆောန်အော၊ အခိင်ကွံန်ဘီအီုဝ် ဒါအဖုင်တီုင်ဂို ကူန်ဖြာဒေ စွလေႈရူမ် ဇောမ်တမန်ဇ်ုဆပဲဂဲတပ္လေင် အ်ုန်ဒီဘ်ုပ်ဒေကဆေ အတွဂဲ။”
\c 9
\p
\v 1 ဟွည်ႇဒီန် အ်ုန်ဒါႈတဂဲ၊ “အောဂြည်ညှိုႈတပဲ၊ ဘီပ်ုရ်ဒီ ဒါ့်ဇံင်က်ုရ်တောအီုဝ် ကြိူည်ဂဲယိူဝ်ဒေငိူပ် ကပီုန်ကုင်ဖြာ ပြေ့စုင် တအဖုင်တီုင်ဂိုဒေ ဂဲညံမ်ဘိူန်စိယံမ်။”
\s ပုင်ရံင် က်ုရ်လှာႇ
\r (မဿဲ ၁၇.၁–၁၃; လုကာ ၉.၂၈–၃၆)
\p
\v 2 \x - \xo ၉.၂–၇ \xo*\xt ၂ ပေ ၁.၁၇,၁၈\xt*\x*ဟွည်ႇဘိုန်တောရ်ဆငီ ယေဆု တောႇဂိူဝ်ဒေဒိူည်လာ်ႈ ပေတရု၊ ယာကုပ်ဂါရ် ယောဟန် ဟာရဂွည်ကွည်ဒေ တပါင်ဆိုရ်ဇာရ်။ အခိင်ဒီန် ပုင်ရံင်ယေဆု က်ုရ်လှာႇပွံတ်ဒေ တရအာတ်ဂဲ၊ 
\v 3 ဂြူဒါအ်ုန်ဒီန် ညာဘ္လောႇဘ္လူႇ ဂူႈလာ်ႈပွံတ်ဒေ၊ တန်ုကတဲကံမ်ဖာအီုဝ် အဆေမိူဝ်ႈ ကာဘဲစိဒေလ်ုရ်ႈ မောအ်ုန်ဂိူပ်ဘ္လောႇဘ္လူႇ ညာခိူည်ဒီန်။ 
\v 4 အခိင်ဒီန် တဘဲႇအ်ုန်ဂဲ အွည်ကူ ယိူဝ်ဒေငိူပ် မောရှေဂါရ် ဧလိယ ပေါရောတ်ဒေက်ုရ်မိုန် ဇောမ်ယေဆု။ 
\v 5 အခိင်ဒီန် ပေတရုဒါႈဒေဂြည် တယေဆု၊ “အိူဝ် တာဆရာ၊ အရာပ်အီုဝ် ကျညှိုႈတဂွည် အတွအယ်။ ဒဲႈယဲရ်ုရ်ဘိူဝ် ကီုရ်ဟူပ်အွည်ကြောင် အတွမီ အူကြောင်၊ အတွမောရှေ အူကြောင်၊ အတွဧလိယ အူကြောင်။” 
\v 6 ဘံန်ဂဲ ယောလူတ်လာည်၊ ပေတရု ကာနံပ်ပ်ုန်ဒါႈဒေ ပဲန်အ်ုန်ဒါႈညာခိူည်ဒီန်။
\p
\v 7 \x - \xo ၉.၇ \xo*\xt မ ၃.၁၇; မာ ၁.၁၁; လု ၃.၂၂\xt*\x*အခိင်ဒီန် ဆိုရ်အူတ်လှိူရ်ႈပေါ ကီုရ်မုအ်ုန်ဖလူမ်ဒိုည်ႇဂဲ၊ ငဲဂံရ်ႈလေႈ ဒိုရ်တဆိုရ်အူတ်ဒီန်ဒါႈ၊ “အ်ုန်အီုဝ် မိူဝ်ႈကွံန်ရံက်အော၊ ဒဲႈပဲဆတီုင် ငဲအ်ုန်အေ့။” 
\v 8 ဘံန်ညာခိူည်ဒီန် ဂဲက်ုရ်ပံတ်ဒေငိူပ်ပွံတ် က်ုရ်ႎျံရ်ဒေ၊ ဆဲႈယေဆုအူကူ ဂွည်ရူမ်ဇောမ်ဂဲ၊ အဆေမိူဝ်ႈကာယိူဝ်။
\p
\v 9 ယာမ်ဂဲလေႈဒိုည်ႇဒေ ဒိုရ်တဆိုရ် ယေဆုပိင်ငျှံပ်အူန်ဂဲ၊ “ပဲမာည်လာ်ႈဂြည်တအဆေ ခိူည်ပ်ုန်ယိူဝ်ပဲငိူပ်ဒေဒိူည်အီုဝ် ကြိူည်ကွံန်ဘီအီုဝ် ႎီရ်ယိူဝ်ႇအီမ်ဒိုရ်ယံမ်ဒေ။”
\p
\v 10 ဂဲဘိူည်ဇူဂံတ်ငဲ ပ်ုန်ပိင်ငျှံပ်အ်ုန် ဂဲလာည်က်ုရ်မိုန်က်ုရ်ဂြည်တဒေ၊ “ဆေမိူဝ်ႈ ခိူည်အကျံင်ဟွည်ႇယံမ် ႎီရ်ယိူဝ်ႇအီမ်ဒေဒီန်အဲႈ။” 
\v 11 \x - \xo ၉.၁၁ \xo*\xt မ ၁၁.၁၄\xt*\x*ဟွည်ႇဒီန် ဂဲဆ်ုရ်မွံတ်ယေဆု၊ “ကောပ်ဆေ တာဆရာနံပ်ဘေဲႇကျံမ်ဂဲ တဒါႈ ဧလိယ ဒီဘ်ုပ်ဒေ လာ်ႈရောတ်ပေါဇံဝ် ရအာတ်အဲႈ။”
\p
\v 12 ယေဆုႎီရ်ဒါႈ၊ “ဧလိယ လာ်ႈရောတ်ပေါဇံဝ်ရအာတ်ဒီန် မိူဝ်ႈအေ့ အတွရဲန်ဒေရ်ုရ်တွံန်နဲ။ က်ုန်ညာခိူည်ဒီန် ကွံန်ဘီအီုဝ် ဒီဘ်ုပ်ဒေခါမ်ဇာ ဒုခႎိူည်ဒနာဂါရ် ဒီဘ်ုပ်ဒေက်ုရ်တူႈထဲင် ဘီဂဲႎဲႈထေင်ဒေ၊ ကောည်လိုည် ဆေညာ တန်ုဘေဲႇကျံမ်တဲမ်အူန် ညာခိူည်ဒီန်အဲႈ။” 
\v 13 “ကောည်လိုည် အောဂြည်ညှိုႈတပဲ ဧလိယ ဟွည်ႇရောတ်ယာ့်။ ခိူည်ပ်ုန်တဲမ်အူန် တန်ုပံပ်ဘေဲႇကျံမ် ဘီဂဲဒီန်မိူဝ်ႈ ဟွည်ႇရ်ုရ်ဒိုည်ႇ ပ်ုန်ဆ်ုန်ရ်ုရ်ဒေ တပါင်အ်ုန်ယာ့်။”
\s ယေဆုရူပ်လေႈ ကီုရ်နံမ်ချှို ဒိုရ်ကွံန်ရလျံင်အူကူ
\r (မဿဲ ၁၇.၁၄–၂၁; လုကာ ၉.၃၇–၄၃)
\p
\v 14 အခိင်ဂဲရောတ်ဒေလာ်ႈက်ုရ်စု တရဂွည် တဘဲႇဟံရ်ဂဲ၊ ဂဲယိူဝ်ပဲတ်ဒေငိူပ် ဖုင်ဘီက်ုရ်စုဂဲ က်ုရ်ႎျံရ်ဒိုည်ႇပြော တဘဲႇဟံရ်ဂဲဂါရ် တာဆရာနံပ်ဘေဲႇကျံမ်ဂဲပ်ုရ်ဒီ ဒါ့်က်ုရ်ထေင်ဒေ။ 
\v 15 ဘံန်ဘီဂဲ ယိူဝ်ဒေငိူပ်ယေဆု ဂဲညာအာမ်၊ ဂဲခူန်ဒေလာ်ႈဇူ ငဲတက်ုရ်ယိူဝ်ပွံတ် တအ်ုန်။ 
\v 16 ယေဆုဆ်ုရ်မွံတ် တဘဲႇဒေဂဲ၊ “အကျံင်ဆေ ပဲဒါ့်က်ုရ်ထေင် ဇောမ်ဂဲအဲႈ။”
\p
\v 17 ယာမ်ဒီန် န်ုပါင်ဘီက်ုရ်စုဂဲ ယိူဝ်ဘီအူကူဒါႈ၊ “အိူဝ် တာဆရာ၊ အောဒိူည်လာ်ႈ ကွံန်ရလျံင် ကာခီုတ်ငဲအော တမီ ကီုရ်နံမ်ချှိုလီပ်စံပ် တအ်ုန်။ 
\v 18 တွံန်ကီုရ်နံမ်ချှိုဒီန် လီပ်စံပ်တအ်ုန်၊ အ်ုန်ဆမာ ပ်ုန်ဂေႈဆကြ်ုပ်ပဲတ်အ်ုန် တပါင်ကတဲ၊ ဟွည်ႇဒဲႈဘူရ်ႈလေႈ တမူရ်အ်ုန်၊ က်ုရ်ဂြီတ်ဟြာင်ဟောမ်ဒေ ဆမာပ်ုန်ခေါပဲတ်တိုအ်ုန်။ အောဘိူည်ဒါႈဂံတ်တ တဘဲႇမီဂဲ ရူပ်လေႈဒဲႈ ကီုရ်နံမ်ချှိုအီုဝ် ဂဲကာဘဲလိုည်ဒေရူပ်။”
\p
\v 19 ကီုရ်ညာဒါႈတဂဲ၊ “အိူဝ် အမျိုကာယိူဝ်ဖိူမ်ညှိုမ်၊ ခိင်ခါဝ်ဘ်ုရ်မော အောဒီဘ်ုပ်အောဂွည်ရူမ်ထဲင်ဇောမ်ပဲ၊ ခိင်ခါဝ်ဘ်ုရ်မော အောဒီဘ်ုပ်ရျံတ်အောတပဲအဲႈ၊ ဒိူည်လာ်ႈကွံန်ရလျံင်ဒီန် တအော။” 
\v 20 ဂဲဒိူည်လာ်ႈကွံန်ရလျံင်ဒီန် တယေဆု။
\p ဘံန်ကီုရ်နံမ်ချှိုဒီန် ယိူဝ်ဒေငိူပ်ယေဆု၊ အ်ုန်ပ်ုန်ခေါဟာ့်ပွံတ် ကွံန်ရလျံင်ဒီန် အူဒီန်တောအူဒီန်၊ အ်ုန်ဟွည်ႇပ်ုန်ဂေႈဆကြ်ုပ်ပဲတ် ကွံန်ရလျံင်ဒီန် တပါင်ကတဲ ဘူရ်လေႈပွံတ်တမူရ်အ်ုန်၊ ညာအီတ် က်ုရ်ပ္လူက်ုရ်ပ္လါႇပွံတ်တိုဒေ။ 
\v 21 ယေဆု ဆ်ုရ်မွံတ် ကူန်ကွံန်ရလျံင်ဒီန်၊ “အ်ုန်ပဲန်ညာခိူည်အီုဝ် ဘ်ုရ်မောဟွည်ႇဇီုဝ့်အဲႈ။”
\p ကူန်အ်ုန်ဒါႈ၊ “အ်ုန်ပဲန် ညာခိူည်အီုဝ် အိုရ်ယာမ်အ်ုန်ဒျံတ်ဒျံတ်။” 
\v 22 “ကီုရ်နံမ်ချှိုအီုဝ် ဆ်ုန်ဒဲႈအ်ုန်ယံမ် ပ်ုန်ဂေႈဆကြ်ုပ်အ်ုန် တပါင်ငံရ်၊ တရန်ုအိုမ် က်ုရ်စံပ်က်ုရ်ဘာ၊ ကောည်လိုည် မီက်ုန်ဘဲ က်ုရ်ႎေဇောည်ဘိူဝ်ယဲစိ။”
\p
\v 23 ယေဆုဒါႈတအ်ုန်၊ “ဆေညာ မီနံပ်ဒေဒါႈတအော မီက်ုန်ဘဲဒီန်၊ အတွဘီအ်ုန်ယိူဝ်ဖိူမ်ညှိုမ်အီုဝ် ဘိူန်ပဲန်တွံန်နဲ။”
\p
\v 24 ကူန်ကွံန်ရလျံင်ဒီန် ပြိုႈရျံင်ဒေဒါႈ အူဒီန်တောအူဒီန်၊ “အောညှိုမ်အေ့၊ မစဘိူဝ်အောစိ ဒဲႈအောဘိုန်ပဲတ် ဖိူမ်ကာညှိုမ်အောအီုဝ်။”
\p
\v 25 ဘံန်ယေဆု ယိူဝ်ဒေငိူပ် ဖုင်ဘီက်ုရ်စုဂဲ ခူန်လာ်ႈဇူဒေ အ်ုန်ပိင်ငျှံပ်ဆုင်မ ဒဲႈဆဒိ တကီုရ်နံမ်ကာကျကာလဒီန်၊ “အိူဝ် ကီုရ်နံမ်ချှိုဟျာ့်ဇံန်ကာခီုတ်ငဲ၊ အောဒဲႈငဲအမိင်တမီ၊ လေႈပွံတ်မီ ဒိုရ်တို ကွံန်ကညောမ်ဒီန်၊ မီမည်ဂွည်ႇလီပ်ယာ့်ထဲင် ရန်ုအ်ုန်။”
\p
\v 26 အခိင်ဒီန် ကီုရ်နံမ်ချှိုပီ ပည်ပြိုႈဒေရျံင်၊ ဘံန်အ်ုန်ဟွည်ႇဒဲႈ ကွံန်ရလျံင်ဒီန် တကြိုတ် လေႈပွံတ်ဒေဒိုရ်တိုအ်ုန်၊ အ်ုန်ပဲန်ပွံတ် ညာခိူည်တိုဘီယံမ်၊ ဘီတွံန်ကူဂဲ ဒါႈဒိုည်ႇ၊ “အ်ုန်ယံမ်ယာ့်။” 
\v 27 ကောည်လိုည် ယေဆု ဘာပွံတ်တီ ကွံန်ရလျံင်ဒီန် ပျိူဝ်ႇယိူဝ်ႇပွံတ်တိုအ်ုန် အ်ုန်မိူဝ်ႈယိူဝ်ႇပွံတ်ဒေ။
\p
\v 28 ဟွည်ႇဒီန် ယေဆု လီပ်ပွံတ်ဒေ ရန်ုဂါင်၊ တဘဲႇအ်ုန်ဂဲ က်ုရ်ရာတ်က်ုရ်မောဒေ ဆ်ုရ်မွံတ်အ်ုန်၊ “ကောပ်ဆေ ယဲကာဘဲယဲ ရူပ်လေႈပဲတ် ကီုရ်နံမ်ချှိုဒီန်အဲႈ။”
\p
\v 29 ယေဆုႎီရ်ဒါႈ၊ “ခိူည်ကီုရ်နံမ်ချှိုအီုဝ် ဆဲႈဆုတောင်အူနဲ ကာဘဲစိ ရူပ်လေႈအ်ုန်။”
\s ယေဆုႎီရ်ဂြည် အကျံင်အ်ုန်ဒီယံမ် လှိူဝ်ႈအာရ်
\r (မဿဲ ၁၇.၂၂–၂၃; လုကာ ၉.၄၃–၄၅)
\p
\v 30 ယေဆုဂါရ် တဘဲႇအ်ုန်ဂဲ လေႈဒိုရ်အရာပ်ဒီန် ဂဲက်ုရ်ခါမ်လာ်ႈပွံတ် တကပီုန်ကုင်ဂါလိလဲ။ ကောည်လိုည် ယေဆု ကာဆ်ုန်ဒဲႈအဆေနံပ် ဒေရောတ်က်ုရ်တောဒီန်။ 
\v 31 ကောပ်ဆေတဒါႈခိူည်ဒီန် အ်ုန်ဆာင်ဆောန်ဒဲႈ တတဘဲႇဒေဂဲ၊ “ကွံန်ဘီအီုဝ် ဒီဘ်ုပ်က်ုရ်တူႈအာပ် တတီဘီဂဲယာ့်၊ ဂဲဒီပျံမ်ယံမ်ပဲတ်အ်ုန်။ ကောည်လိုည် က်ုန်ဟွည်ႇဘိူန်အွည်ဆငီ အ်ုန်ဒီႎီရ်ယိူဝ်ႇအီမ်ဒေ။”
\p
\v 32 တဘဲႇအ်ုန်ဂဲ ဘိူည်ကာနံပ်ဂံတ် ငဲပ်ုန်ဂြည်အ်ုန်၊ ဂဲကာယာႇပဲတ် ဆ်ုရ်မွံတ်အ်ုန်။
\s အဆေမိူဝ်ႈညှိုႈ အီမျြံတ်ဒါင်
\r (မဿဲ ၁၈.၁–၅; လုကာ ၉.၄၆–၄၈)
\p
\v 33 ဟွည်ႇဒီန် ဂဲရောတ်ဒိုည်ႇ တကုင်ကပေရနောင်၊ ယာမ်ဂဲဂွည်တရန်ုဂါင် ယေဆုဆ်ုရ်မွံတ် တဘဲႇဒေဂဲ၊ “ယာမ်ပဲလာ်ႈတရဒေင် အကျံင်ဆေ ပဲဒါ့် က်ုရ်ထေင်ဒေဂြည်အဲႈ။”
\p
\v 34 \x - \xo ၉.၃၄ \xo*\xt လု ၂၂.၂၄\xt*\x*ကောည်လိုည် ဂဲကာႎီရ်ဒါႈယာ့်ဆံင်မှာ်ႈ ဂွည်ညီမ်ညီမ်ပွံတ်ဒေ၊ ကောပ်ဆေတဒါႈခိူည်ဒီန် ယာမ်ဂဲလာ်ႈတရဒေင် ဂဲမေန်ဟွည်ႇက်ုရ်ထေင် အကျံင်အဆေမိူဝ်ႈညှိုႈ အီမျြံတ်ဒါင်။ 
\v 35 \x - \xo ၉.၃၅ \xo*\xt မ ၂၀.၂၆,၂၇; ၂၃.၁၁; မာ ၁၀.၄၃,၄၄; လု ၂၂.၂၆\xt*\x*အခိင်ဒီန် ယေဆုဒါ့်မာ့်ဒေ၊ အ်ုန်တောႇပွံတ် တဘဲႇဒေကိူရ်အာရ်ကူ ဒါႈတဂဲ၊ “အဆေမိူဝ်ႈဟွည်ႇ က်ုန်ဆ်ုန်ပဲန်ဘီဇူႈအူ ဒီဘ်ုပ်ရောတ်ဘိူဝ်ရဘံန် ဘ်ုပ်ပဲန် မှာည်ဘီဒိုည်ႇဒိုည်ႇ။” 
\v 36 ဟွည်ႇဒီန် အ်ုန်တောႇပွံတ် ကွံန်ကညောမ်ဒျံတ်အူကူ ဒဲႈအ်ုန်ဇံင်ဒေ တက်ုန်ဒီဂဲ။ ဇာ့်ပွံတ်အ်ုန် တပေါႇတီဒေ ဒါႈတဂဲ၊ 
\v 37 \x - \xo ၉.၃၇ \xo*\xt မ ၁၀.၄၀; လု ၁၀.၁၆; ယော ၁၃.၂၀\xt*\x*ကောပ်ဇီုဝ်အော အီအ်ုန်ရံပ်အူန် ကွံန်ကညောမ်ဒျံတ်ဂဲ အူကူအူဆိူဝ်အီုဝ် မိူဝ်ႈဂဲရံပ်အူန်အောယာ့်။ အီအ်ုန် ရံပ်အူန်အောဒီန် ကာမိူဝ်ႈစိဂဲ ရံပ်အူန်ဂိူဝ်အောအူကူ၊ မိူဝ်ႈဂဲရံပ်အူန်ပါည် အီအ်ုန်ပ္လေါည်လေႈအော။
\s အီအ်ုန်ကာက်ုရ်ခံတ် ဇောမ်အယ် မိူဝ်ႈဘီလ်ုပ်အယ်
\r (လုကာ ၉.၄၉–၅၀)
\p
\v 38 ယောဟန်ဒါႈတအ်ုန်၊ “အိူဝ် တာဆရာ၊ ယဲယိူဝ်ယဲငိူပ် အီအူကူ ဒါဇီုဝ်မီရူပ်လေႈပဲတ် ကီုရ်နံမ်ချှို၊ ကောပ်အ်ုန် ကာမိူဝ်ႈဘီဇောမ်ယဲ ယဲခြဲအေ့ယဲဒိူည်အ်ုန်။”
\p
\v 39 ယေဆုဒါႈတဂဲ၊ “ပဲမာည်ခြဲအ်ုန်၊ ကောပ်ဆေတဒါႈခိူည်ဒီန် အကျံင်အ်ုန်ဒါဇီုဝ်အော ဟွည်ႇပျ ဖုင်တီုင်ဂိုလက္ခဏာဒီန် ကာဇီုဝ့် အဆေမိူဝ်ႈ ကာယာႇယာ့် ငဲပ်ုန်ဘဝ်တအော။” 
\v 40 \x - \xo ၉.၄၀ \xo*\xt မ ၁၂.၃၀; လု ၁၁.၂၃\xt*\x*အီအ်ုန်ကာက်ုရ်ခံတ် ဇောမ်အယ် မိူဝ်ႈဘီလ်ုပ်အယ်ယာ့်။ 
\v 41 \x - \xo ၉.၄၁ \xo*\xt မ ၁၀.၄၂\xt*\x*အောဂြည်ညှိုႈတပဲ၊ ကောပ်ပဲမိူဝ်ႈတဘဲႇအော အီအ်ုန်ဒဲႈပဲတျံင်အိုမ် အူဆလောႇ ဒီဘ်ုပ်ဘိူန်ညှိုႈ အကျိုကေစူအ်ုန်။
\s ကဝ်ချောႇ အတွရ်ုရ်အပေတ်
\r (မဿဲ ၁၈.၆–၉; လုကာ ၁၇.၁–၂)
\p
\v 42 “အီအ်ုန်ဒဲႈ တန်ုကညောမ်ညှိုမ်အော အူကူအူကူ ရ်ုရ်ပဲန်အပေတ်ဒီန်၊ အီကူဒီန် ဟောည်မိုပံရ်ဒါင် တရမောင်အ်ုန် က်ုန်ဘ်ုပ်ဒေခါမ် ပျာ်ႈလေႈ တန်ုအိုမ်ပါင်လာည် အတွအ်ုန်ႎရကျ။ 
\v 43 \x - \xo ၉.၄၃ \xo*\xt မ ၅.၃၀\xt*\x*တီမီဒီန် က်ုန်ဒဲႈဖိူမ်ပ်ုန်ညှိုမ်မီ ပဲန်က်ုရ်လူတ် က္လပဲတ်အ်ုန်၊ လဒိုရ် မီဒိူည်တီဒေအာရ်ခေါန် လီပ်တရန်ုငံရ်ရာည် ကာနံပ်ဒေယံတ်၊ က်ုန်ဒါတီအူခေါန် လီပ်ဂွည် တန်ုအဆာႇအီမ် အတွမီႎရကျ။ 
\v 44 \f + \fr ၉.၄၄ \fr*\ft တပံပ်ဘေဲႇ ပ်ုန်တဲမ်ပ်ုရ်ဒီဂဲ လ်ှုပ်အူန်ပဲတ် တအခါန်ဒျံတ် ၄၄၊ \ft*\fqa တအရာပ်ဒီန် ႎါႇဘြဲ့ဆမာဂဒေဟောမ်မိူဝ်ႈ ကာနံပ်ဒေယံမ်၊ ငံရ်ရလာရ်ႈမိူဝ်ႈ ကာနံပ်ဒေယံတ်ယေန်၊ \fqa*\ft (ငိူပ်မေန် တအခါန်ဒျံတ် ၄၈)။\ft*\f* 
\v 45 ဇိူင်မီဒီန် က်ုန်ဒဲႈဖိူမ်ပ်ုန်ညှိုမ်မီ ပဲန်က်ုရ်လူတ် က္လပဲတ်အ်ုန်၊ လဒိုရ် မီဒိူည်ဇိူင်ဒေအာရ်ခေါန် လီပ်တရန်ုငံရ်ရာည် ကာနံပ်ဒေယံတ် က်ုန်ဒါဇိူင်အူခေါန် လီပ်ဂွည် တန်ုအဆာႇအီမ် အတွမီႎရကျ။ 
\v 46 \f + \fr ၉.၄၆\fr*\ft ပံပ်ဘေဲႇပ်ုန်တဲမ် ပ်ုရ်ဒီ လ်ှုပ်အူန်တအခါန်ဒျံတ် ၄၆၊ \ft*\fqa တအရာပ်ဒီန် ႎါႇဘြဲ့ဆမာဂဒေဟောမ်မိူဝ်ႈ ကာနံပ်ဒေယံမ်ဂါရ်၊ ငံရ်ရလာရ်ႈ ယာမ်မောမိူဝ်ႈ ကာနံပ်ဒေယံတ်ယေန်၊ \fqa*\ft (ငိူပ်မေန် တအခါန်ဒျံတ် ၄၈)။\ft*\f* 
\v 47 \x - \xo ၉.၄၇ \xo*\xt မ ၅.၂၉\xt*\x*ပ္လေငါည်မီဒီန် က်ုန်ဒဲႈဖိူမ်ပ်ုန်ညှိုမ်မီ ပဲန်က်ုရ်လူတ် စာ့်လေႈပဲတ်အ်ုန်၊ လဒိုရ် မီဒိူည်ပ္လေငါည်ဒေ အာရ်ခေါန် လီပ်တငံရ်ရာည် ကာနံပ်ဒေယံတ် က်ုန်ဒါပ္လေငါည်အူခေါန် လီပ်ဂွည်တရန်ု ကပီုန်ကုင်ဖြာ အတွမီႎရကျ။ 
\v 48 တအရာပ်ဒီန် ‘ႎါႇဘြဲ့ဆမာဂဒေဟောမ်မိူဝ်ႈ ကာနံပ်ဒေယံမ်၊ ငံရ်ရလာရ်ႈမိူဝ်ႈ ကာနံပ်ဒေယံတ်။’ ”
\p
\v 49 “ညာခိူည်ဒါဆောႇ ဒဲႈတိုယဇ်ဆပဲ၊ ဘီတွံန်ကူအီုဝ် ဒီဘ်ုပ်ဒေက်ုရ်တူႈ ဒါငံရ် ဒဲႈတိုအ်ုန်ဆပဲ။”
\p
\v 50 \x - \xo ၉.၅၀ \xo*\xt မ ၅.၁၃; လု ၁၄.၃၄,၃၅\xt*\x*“ဆောႇဒီန်ကျအေ့။ ကောည်လိုည် ဆောႇအီုဝ် က်ုန်ကာယိူဝ်စဲမ် ခိူည်မောပဲညာဒေ ႎီရ်ဘဲဒေဘိူန်ထဲင် အိုမ်ဆငဲႈအ်ုန်အဲႈ။
\p “ဒဲႈတတိုပဲဒီန် ယိူဝ်ဆောႇ၊ ပဲလိုက်ုရ်ရံက်ဒေ အူကူတောအူကူ ဂွည်ရူမ်ရူမ်ရာႈရာႈအေ့” အ်ုန်ဒါႈတဂဲခိူည်ဒီန်။
\c 10
\s ယေဆု ဆာင်ဆောန် အကျံင်က်ုရ်ပဲတ်
\r (မဿဲ ၁၉.၁–၁၂; လုကာ ၁၆.၁၈)
\p
\v 1 ယေဆု ဟွည်ႇယိူဝ်ႇဒိုရ်အရာပ်ဒီန်၊ ႎက်ုရ်ခါမ်လာ်ႈ အိုမ်ယော်ဒန် ရောတ်ပွံတ်ဒေ ဆဲႈပြာအိုမ်လ်ုပ်တည် တကပီုန်ကုင်ယုဒ၊ ဖုင်ဘီက်ုရ်စုဂဲ ႎီရ်လာ်ႈက်ုရ်စုဒိုည်ႇထဲင်ဒေ တအ်ုန်၊ အ်ုန်ဆာင်ဆောန်ဒဲႈတဂဲ ခိူည်ပ်ုန်ကျာင်ရ်ုရ်ဒေ။
\p
\v 2 ဘံန်ဖာရိရှဲဂဲပ်ုရ်ဒီ ဆ်ုန်စာမ်အ်ုန် ဂဲလာ်ႈဇူ ဆ်ုရ်မွံတ်ဒါႈ၊ “ဂြည်ဘိူဝ်တယဲ၊ အီမဲအူကူအူကူ က်ုန်က်ုရ်ပဲတ်ဇောမ် ပ်ုန်လဲဒေ က်ုရ်ဖြေင်ကော ဇောမ်ဥပဒေအဲႈ။”
\p
\v 3 ယေဆု ႎီရ်ဆ်ုရ်မွံတ်ဂဲ၊ “ခိူည်မော မောရှေဒါႈဒေ ပိင်ငျှံပ်အူန်တပဲအဲႈ။”
\p
\v 4 ဂဲဒီန်ႎီရ်ဒါႈ၊ “မောရှေ ဒဲႈအူန်အခွါင်တယဲ က်ုန်ဆ်ုန်က်ုရ်ပဲတ်ဇောမ် ပ်ုန်လဲဒေ လိုတဲမ်ဒါဘေဲႇက်ုရ်ကာႈ ဒီဘိူန်က်ုရ်ပဲတ်။”
\p
\v 5 ယေဆု ဒါႈတဂဲ၊ “ကောပ်မိူဝ်ႈပဲ နွံရ်ႈဖိူမ်ခေါ ဆောန်ကျူ မောရှေဘ်ုပ်ဒေတဲမ်အူန်ပိင်ငျှံပ်အီုဝ် အတွပဲ။ 
\v 6 ကောည်လိုည် တန်ုဘေဲႇကျံမ်ဒါႈ၊ ‘အိုရ်ယာမ်ဖြာ စဒေဖာန်ဇာမ် ရ်ုရ်ပဲန်အီမဲဂါရ် အီပ်ုန်။’ 
\v 7 ကောပ်မိူဝ်ႈခိူည်ဒီန် အီမဲဂဲအီုဝ် ဒီပဲတ်ပဲတ် ကူန်မာဒေ လာ်ႈဂွည်ရူမ် ဇောမ်ပ်ုန်လဲဒေ၊\f + \fr ၁၀.၇ \fr*\ft တပံပ်ဘေဲႇပ်ုန်တဲမ် ပ်ုရ်ဒီ ကာယိူဝ်စိ \ft*\fqa က်ုရ်ပိုမ်ဇောမ် ပ်ုန်လဲဒေ။\fqa*\f* 
\v 8 ဂါရ်ဒီန်အာရ်ကူမိူဝ်ႈ ပဲန်ပွံတ်ဒေ အူယီုင်အူနှာမ်။ ကောပ်ခိူည်ဒီန် ဂါရ်ကာမိူဝ်ႈယာ့်အာရ်ကူ ပဲန်ပွံတ်အူကူ။ 
\v 9 ကောပ်ခိူည်ဒီန် မာည်ဒဲႈ ဘီဂဲက်ုရ်ကာႈ က္လံင်ရကွံတ် ပ်ုန်တာင်က်ုရ်ပိုမ် ဖြာအေ့။”
\p
\v 10 ယာမ်တဘဲႇအ်ုန်ဂဲ ဂွည်ဒေတရန်ုဂါင် ဂဲႎီရ်ဆ်ုရ်မွံတ် ခိူည်အကျံင်ဒီန် တယေဆု။ 
\v 11 \x - \xo ၁၀.၁၁,၁၂ \xo*\xt မ ၅.၃၂; ၁ ကော ၇.၁၀,၁၁\xt*\x*အ်ုန်ဒါႈတဂဲ၊ “အီမဲအူကူအီုဝ် က်ုန်က်ုရ်ပဲတ်ဇောမ်ပ်ုန်လဲဒေ ႎီရ်လာ်ႈခံတ်ထဲင်ဒေ ဇောမ်အီပ်ုန်ဟံရ်၊ မိူဝ်ႈအ်ုန်ဖေါက်ပျန် တရမာဒေယာ့်။” 
\v 12 “စံမ်ညာခိူည်ဒီန် အီပ်ုန်အူကူအီုဝ် က်ုန်က်ုရ်ပဲတ်ဇောမ်ရလေႈဒေ ႎီရ်လာ်ႈလေႈထဲင်ဒေ တအီမဲဟံရ်၊ မိူဝ်ႈအ်ုန်ဖေါက်ပျန် တရမာဒေယာ့်။”
\s ယေဆုဟိုင်ဒဲႈကျဒဲႈလ တကွံန်ကညောမ်ဂဲ
\r (မဿဲ ၁၉.၁၃–၁၅; လုကာ ၁၈.၁၅–၁၇)
\p
\v 13 အခိင်ဒီန် ဘီဂဲပ်ုရ်ဒီ တောႇဒေဒိူည်လာ်ႈ ကွံန်ကညောမ်ဂဲ တယေဆု၊ အတွဂဲဆ်ုန်ဒဲႈ ယေဆု ဂံမ်တီဒေ ဟိုင်ဒဲႈကျဒဲႈလ တပါင်ဂဲ။ ကောည်လိုည် တဘဲႇအ်ုန်ဂဲ ဟီုတ်ပွံတ် ဘီဂဲဒီန်။ 
\v 14 ဘံန်ယေဆု ယိူဝ်ဒေငိူပ်ခိူည်ဒီန် ဒေါဆအ်ုန်လေႈ တတဘဲႇဒေဂဲ အ်ုန်ဒါႈ၊ “ပဲတ် ကွံန်ကညောမ်ဂဲ လာ်ႈဇူအော၊ ပဲမာည်ထိင် မာည်ခြဲဂဲ၊ ကပီုန်ကုင်ဖြာအီုဝ် မိူဝ်ႈအတွ ညာခိူည် ကွံန်ကညောမ်ဂဲအီုဝ်ယာ့်။” 
\v 15 \x - \xo ၁၀.၁၅ \xo*\xt မ ၁၈.၃\xt*\x*“အောဂြည်ညှိုႈတပဲ၊ အီအ်ုန်ကာရံပ် ကပီုန်ကုင်ဖြာ ညာခိူည် ကွံန်ကညောမ်အူကူ၊ ယာမ်မောမိူဝ်ႈ အ်ုန်ကာဘိူန်စိဒေလီပ် ကပီုန်ကုင်ဖြာ။” 
\v 16 ဟွည်ႇဒီန် အ်ုန်တိူဝ်ႈဒေဇာ့်ပွံတ် ကွံန်ကညောမ်ဂဲ တပေါႇယာႇဒေ ဟိုင်ဒဲႈကျဒဲႈလပွံတ် တဂဲ။
\s ဘီခြ်ုမ်ဆာ
\r (မဿဲ ၁၉.၁၆–၃၀; လုကာ ၁၈.၁၈–၃၀)
\p
\v 17 ယာမ်ယေဆု စွလာ်ႈတရဒေင် ဘီအူကူ ခူန်ဒေလာ်ႈမာ့်ပ်ုရ်ဒ်ုပ်ပွံတ် တရအာတ်အ်ုန်၊ အ်ုန်ဒါႈ၊ “အိူဝ် တာဆရာကျမျြံတ်၊ ခိူည်မောအောလိုရ်ုရ် အတွဘိူန် အဆာႇထာဝရ။”
\p
\v 18 ယေဆုဒါႈတအ်ုန်၊ “ဆေညာ မီတောႇအောမိူဝ်ႈ ဘီကျမျြံတ်။ ဆဲႈဖြာအူပါ အူကူမိူဝ်ႈကာယိူဝ်စိ ဘီကျမျြံတ်။ 
\v 19 မီနံပ်အေ့ ပိင်ငျှံပ်ကာမိူဝ်ႈ၊ ‘မာည်ကဝ်ရမာဘီ၊ မာည်ပျံမ်အဆာႇဘီ၊ မာည်ရာတ်ဂြူအုဇာဘီ၊ မာည်ခါမ် ဆာ့်ဆေကာမှာန်၊ မာည်လာလီတိူဝ်ႈဆီမ်အူန် အုဇာဘီ၊ ဒဲႈပဲရိုဆေ ကူန်မာဒေအေ့။’”
\p
\v 20 အီကူဒီန်ဒါႈ၊ “အိူဝ် တာဆရာ၊ ပိင်ငျှံပ် ပ်ုန်ဒါႈမီဒိုည်ႇဒိုည်ႇဒီန် အောဟွည်ႇထိင်အူန်အောဒိူည် အိုရ်ယာမ်အောဒျံတ်ဒျံတ်။”
\p
\v 21 ယေဆု ပ်ုန်ရိူဝ်ငိူပ်ပွံတ်အ်ုန် ယိူဝ်ဖိူမ်ရံက်က်ုရ်ႎေ ဒါႈတအ်ုန်၊ “တမီဒီန် လိုဂိူဝ်အူနဲ။ လာ်ႈ၊ မီက်ုန်ဟွည်ႇယံင်ပဲတ် ဘ်ုရ်ယိူဝ်အုဇာဒေ စာဂဒဲႈဒိုည်ႇတဘီဖ္လာန်ဂဲ။ က်ုန်ညာခိူည်ဒီန် မီဒီဘိူန်အုဇာဘဏ္ဍာ တန်ုပ္လေင်အေ့၊ ဟွည်ႇဒီန် မီတဇောမ်လာ်ႈ ရဘံန်အော။” 
\v 22 အ်ုန်မေန်မိူဝ်ႈဘီခြ်ုမ်ဆာ အုဇာဂြူဂြိူမ်ဘ္လံမ် ဘံန်အ်ုန်ယိူဝ်ဒေဆတီုင် ငဲပ်ုန်ဒါႈအ်ုန်ဒီန် ငါည်အ်ုန်ငှဝ်နွံရ်ႈကာပျော လေႈလာ်ႈပွံတ်ဒေ။
\p
\v 23 အခိင်ဒီန် ယေဆုငိူပ်ပွံတ် က်ုရ်ႎျံရ်ဒေ အ်ုန်ဒါႈတတဘဲႇဒေဂဲ၊ “ဘီခြ်ုမ်ဆာဂဲအီုဝ် ကျူညှိုႈတလီပ် တန်ုကပီုန်ကုင်ဖြာ။”
\p
\v 24 ဘံန်တဘဲႇအ်ုန်ဂဲ ယိူဝ်ဒေဆတီုင်ငဲဒီန်၊ ဂဲညာအာမ်ဒိုည်ႇပွံတ်ဒေ။ ကောည်လိုည် ယေဆု ႎီရ်ဒါႈထဲင်တဂဲ၊ “အိူဝ် ကွံန်အောပဲ၊ ကျူညှိုႈတလီပ် တန်ုကပီုန်ကုင် ဖြာအာ်။ 
\v 25 ကလာအုအီုဝ် ငှိူည်ဘိူဝ်တပ္လီပ်လီပ် တန်ုဘီုင်ဟျာ့်ပ်ုန်လဲ့၊ က်ုန်မိူဝ်ႈ ဘီခြ်ုမ်ဆာဂဲအီုဝ် ကျူညှိုႈတလီပ် တန်ုကပီုန်ကုင် ဖြာ။”
\p
\v 26 အခိင်ဒီန် တဘဲႇအ်ုန်ဂဲညာအာမ်ပွံတ်ဒေ ဂဲက်ုရ်ဆ်ုရ်မွံတ်တဒေ အူကူတောအူကူ၊ “က်ုန်ဒါႈခိူည်ဒီန်၊ အဆေဒီဘိူန် ပ်ုန်လောတ်အဲႈ။”
\p
\v 27 ယေဆု ပ်ုန်ရိူဝ်ငိူပ်ပွံတ်ဂဲ အ်ုန်ဒါႈ၊ “အီအီုဝ် အတွဘီဂဲ ဘိူည်ကာဘဲဂံတ်ဒေပဲန် က်ုန်မိူဝ်ႈ အတွဖြာ ကာမိူဝ်ႈစိခိူည်ဒီန်၊ အတွဖြာ ဘဲဒေပဲန်ဒိုည်ႇတွံန်နဲ။”
\p
\v 28 အခိင်ဒီန် ပေတရု ဒါႈတအ်ုန်၊ “ငိူပ်ဘိူဝ်၊ ယဲပဲတ်ဒိုည်ႇပဲတ် ဘ်ုရ်ပ်ုန်ယိူဝ်ယဲ ဇောမ်လာ်ႈဒိုည်ႇရဘံန်မီယာ့်။”
\p
\v 29 ယေဆုဒါႈတဂဲ၊ “မိူဝ်ႈအေ့၊ အောဂြည်ညှိုႈတပဲ အဆေမိူဝ်ႈဟွည်ႇ ကောပ်အောဂါရ် ကောပ်ဆဒါင်ကျ က်ုန်ပဲတ် ဂါင်၊ နာ၊ ႎါႎည်၊ ႎါရပျာ၊ ကူန်မာ၊ ကွံန်၊ ႎါ ဘူရမာဒေ အူနဲအူနဲ၊” 
\v 30 အီကူဒီန် ခိူည်မိူဝ်ႈအကျိုပူန်အူပ်ုန်ယာႈ ဂါင်၊ နာ၊ ႎါရပျာ၊ ႎါည်အီမဲ၊ ကူန်မာ၊ ကွံန်ႎါဒေဂဲဂါရ် ဆဂေလာလီညာ ဒီဘ်ုပ်ဒေခါမ်ဇာ တန်ုဇာတ်အီုဝ်၊ အ်ုန်ဒီဘိူန် အဆာႇထာဝရ တဇာတ်ဘံန်။ 
\v 31 \x - \xo ၁၀.၃၁ \xo*\xt မ ၂၀.၁၆; လု ၁၃.၃၀\xt*\x*“ကောည်လိုည် အီအ်ုန်ရောတ် လ်ုပ်ရအာတ်ဒီန် ဒီဘ်ုပ်ဒေရောတ် လ်ုပ်ရဘံန်၊ အီအ်ုန်ရောတ် လ်ုပ်ရဘံန်ဒီန် ဒီဘ်ုပ်ဒေရောတ် လ်ုပ်ရအာတ်။”
\s ယေဆုဂြည် အကျံင်ဒေယံမ် လိူဝ်ႈအွည်
\r (မဿဲ ၂၀.၁၇–၁၉; လုကာ ၁၈.၃၁–၃၄)
\p
\v 32 ယာမ်ယေဆုဂါရ် တဘဲႇအ်ုန်ဂဲ လာ်ႈဟာ့်ဇောမ်ဒေင် တကုင်ယေရုရှလင်၊ ယေဆု ပည်ပြိုႈဟိုရ်ဂြည် အွံရ်လာ်ႈ တဘဲႇဒေဂဲ၊ အီအ်ုန်လာ်ႈဇောမ်ရဘံန်ဂဲဒီန် ယောဒိုည်ႇပွံတ်ဒေ။ အခိင်ဒီန် ယေဆုႎီရ်တောႇထဲင် တဘဲႇကိူရ်အာရ်ကူ၊ အ်ုန်ဂြည်ပျတဂဲ ခိူည်မောဒီပဲန် တအ်ုန်။ 
\v 33 အ်ုန်ဒါႈတဂဲ၊ “ဆတီုင်ဘိူဝ်၊ အယ်လာ်ႈ တကုင်ယေရုရှလင် အူဒီန်၊ ကွံန်ဘီအီုဝ် ဒီဘ်ုပ်က်ုရ်တူႈ အာပ်တတီ ယဇ်ပုရောဟိတ်ဒါင်ဂဲဂါရ် တာဆရာနံပ်ဘေဲႇကျံမ်ဂဲ။ ဂဲဒီန် ဒီပ်ုန်ဘဝ် ဟွည်ႇဂ်ုမ်တာမ်ယံမ်တအ်ုန်၊ အာပ်ဒဲႈပွံတ် တတီခြိူဝ်မျိုဟံရ်။” 
\v 34 “ခြိူဝ်မျိုဟံရ်ဂဲဒီန် ဒီပ်ုန်ဘဝ်၊ ဘဲႇအိုမ်ဘဲႇဒေတအ်ုန်၊ ဂဲဟွည်ႇဒဲႈတာမ်လ်ုရ်ႈ၊ ပျံမ်ယံမ်ပဲတ်အ်ုန်။ ကောည်လိုည် က်ုန်ဟွည်ႇဘိူန်အွည်ဆငီ အ်ုန်ဒီႎီရ်ယိူဝ်ႇအီမ်ဒေ။”
\s ပ်ုန်မှာန်ယာကုပ်ဂါရ် ယောဟန်
\r (မဿဲ ၂၀.၂၀–၂၈)
\p
\v 35 အခိင်ဒီန် ကွံန်အီမဲဇေဗေဒဲ ယာကုပ်ဂါရ် ယောဟန် လာ်ႈဇူ တယေဆု။ ဂါရ်ဒါႈတအ်ုန်၊ “အိူဝ် တာဆရာ၊ ယာရ်ဆ်ုန်ဒဲႈမီရ်ုရ်ဒဲႈ ဘ်ုရ်ပ်ုန်မှာန်ယာရ်။”
\p
\v 36 ယေဆုဆ်ုရ်မွံတ်ဂါရ်၊ “ဆေပါရ်ဆ်ုန်ဒဲႈ အောရ်ုရ် အတွဒေ၊”
\p
\v 37 ဂါရ်ဒီန် ႎီရ်ဒါႈတအ်ုန်၊ “အခိင်မီမာ့် တပါင်ရာဇပလာင်ဒေ တကပီုန်ကုင် ယိူဝ်အဖုင်တီုင်ဂို ဒဲႈယာရ်ဘိူန်အခွါင် မာ့်လ်ုပ်ခေါန်ညှိုႈမီအူကူ၊ လ်ုပ်ခေါန်ကာတ်မီအူကူ။”
\p
\v 38 \x - \xo ၁၀.၃၈ \xo*\xt လု ၁၂.၅၀\xt*\x* ယေဆု ဒါႈဒေဆ်ုရ်မွံတ်တဂါရ်၊ “ဆေပါရ်အာရ်ကူမှာန် ပါရ်ကာနံပ်။ ဆလော့ဒုခ ပ်ုန်ဒီတျံင်အော ပါရ်ဘဲကောဒေတျံင် က်ုန်ကာမိူဝ်ႈ ဗတ္တိဇံ ပ်ုန်ဒီဘ်ုပ်ခါမ်အောအီုဝ် ပါရ်ဘဲကောဒေခါမ်အဲႈ။”
\p
\v 39 ဂါရ်ႎီရ်ဒါႈတအ်ုန်၊ “ယာရ်ဘဲအေ့။”
\p ယေဆုဒါႈတဂါရ် “ဆလော့ပ်ုန်တျံင်အော ပါရ်ဒီဘ်ုပ်တျံင်၊ ဗတ္တိဇံ ပ်ုန်ခါမ်အော ပါရ်ဒီဘ်ုပ်ခါမ်။” 
\v 40 “ကောည်လိုည် လ်ုပ်တီခေါန်ညှိုႈအောဂါရ် လ်ုပ်တီခေါန်ကာတ်ဒီန် အောကာယိူဝ်စိ အခွါင်ရံရ်ႈဒဲႈ အဆေမာ့်။ က်ုန်မိူဝ်ႈအရာပ်ဒီန် ဖြာ ရဲန်အူန်ဂိူဝ် အတွဘီဂဲ။”
\p
\v 41 အခိင်ဒီန် ဘံန်တဘဲႇဟံရ်အူကိူရ်ကူဂဲ ယိူဝ်ဒေဆတီုင် အကျံင်ဒီန် ဂဲရဝ်ဒိုည်ႇ တယောဟန်ဂါရ် ယာကုပ်။ 
\v 42 \x - \xo ၁၀.၄၂ \xo*\xt လု ၂၂.၂၅,၂၆\xt*\x* ဘံန်ညာခိူည်ဒီန် ယေဆု တောႇဒိုည်ႇဒေဒါႈ တဂဲ၊ “ပဲဟွည်ႇနံပ်ဒိုည်ႇ၊ န်ုခြိူဝ်မျိုဟံရ်ဂဲ အီအ်ုန်ဘိူန်ဒေဘြောင် ကုင်အီုဝ် ဆမာဒါအာဏာဒေ အူပ်ဘြောင်ဆာင်ဒိုည်ႇ တပါင်ဘီကုင်ဘီရူဂဲ၊ အီအ်ုန်မိူဝ်ႈ ဘီအွရ်ကိင်ဂဲအီုဝ် ဆမာဒါအာဏာဒေ ရ်ုရ်ဒိုည်ႇတပါင်ဂဲ။ 
\v 43 \x - \xo ၁၀.၄၃,၄၄ \xo*\xt မ ၂၃.၁၁; မာ ၉.၃၅; လု ၂၂.၂၆\xt*\x* ကောည်လိုည် က်ုန်မိူဝ်ႈတရန်ုပဲ ကာဘိူန်စိ ညာခိူည်ဒီန်။ တရန်ုပဲ အီအ်ုန်ဆ်ုန်ပဲန်ဘီအွံရ်ကိင်ဒီန် ဒီဘ်ုပ်ဒေပဲန်ဘိူဝ်မှာည်ပဲ။ 
\v 44 အီအ်ုန်ဆ်ုန်ပဲန် ဘီဇူႈအူအီုဝ် ဒီဘ်ုပ်ဒေပဲန် ဒိုည်ႇမှာည်ဘီ။ 
\v 45 အကျံင်အ်ုန်မိူဝ်ႈ ကွံန်ဘီအီုဝ် ကာမိူဝ်ႈစိ အ်ုန်လာ်ႈပေါ အတွဒဲႈဘီဂဲဟျံင်လူမ်လာဒေ၊ မိူဝ်ႈအတွရံရ်ႈအဆာႇဘီ ဘာ့်ဘာ့်ဘိူဝ်ဘိူဝ်ဂဲ လာ်ႈပေါဒေ စူန်အဆာႇဒေ။”
\s ယေဆု ဒဲႈအီငါည်အံပ်ဗာတိမဲ ချံမ်ဆာ
\r (မဿဲ ၂၀.၂၉–၃၄; လုကာ ၁၈.၃၅–၄၃)
\p
\v 46 ဂဲလာ်ႈရောတ်ဒိုည်ႇ တကုင်ယေရိခေါ၊ ဟွည်ႇဒီန် ယေဆုဂါရ် တဘဲႇအ်ုန်ဂဲဒိုည်ႇဒိုည်ႇ ပါပည်ဖုင်ဘီက်ုရ်စုဂဲ ယာမ်ဂဲလေႈရူမ်ဒိုည်ႇ ဒိုရ်ကုင်ယေရိခေါ၊ ယိူဝ်အီငါည်အံပ်အူကူ ဇီုဝ်ဗာတိမဲ၊ (အ်ုန်မိူဝ်ႈ၊ ကွံန်တီမဲ) ဒါ့်မာ့်မှာန်ဒေဟောမ် တပြောရဒေင်။ 
\v 47 ဘံန်အ်ုန်ယိူဝ်ဒေဆတီုင် မိူဝ်ႈနာဇရက်ယေဆု၊ အ်ုန်ပြိုႈဒေဒါႈ၊ “အိူဝ် ကွံန်ဒါဝိဒ်၊ ယေဆု၊ က်ုရ်ႎေဘိူဝ်အောစိ။”
\p
\v 48 ဘီဘာ့်ဘာ့်ဘိူဝ်ဘိူဝ်ဂဲ ဟီုတ်ပွံတ်အ်ုန် ဆူတ်အ်ုန်ဂွည်ညီမ်ညီမ်ဒေ။ ကောည်လိုည် အ်ုန်ႎရပြိုႈထဲင်ဒေဒါႈ၊ “အိူဝ် ကွံန်ဒါဝိဒ်၊ က်ုရ်ႎေဘိူဝ်အောစိ။”
\p
\v 49 အခိင်ဒီန် ယေဆု ဒါ့်ပွံတ်ဒေ၊ အ်ုန်ဒါႈ၊ “တောႇပဲဒိူည်အ်ုန်။”
\p ဘံန်ညာခိူည်ဒီန် ဘီဂဲတောႇပွံတ်အီငါည်အံပ်ဒီန် ဂဲဒါႈတအ်ုန်၊ “မာည်အူန်ဖိူမ်ဒေဒျံတ်၊ ယိူဝ်ႇပွံတ်၊ အ်ုန်တောႇမီယာ့်။”
\p
\v 50 ဘံန်ညာခိူည်ဒီန် အ်ုန်ဘေည်ပဲတ် ဆဒေါဒါင်ဒေ၊ ယိူဝ်ႇစာ့်တဲႇလာ်ႈဇူပွံတ် ယေဆု။
\p
\v 51 ယေဆုဆ်ုရ်မွံတ်အ်ုန်၊ “ဆေမီဆ်ုန်ဒဲႈ အောရ်ုရ် တဒေအဲႈ။”
\p အီငါည်အံပ်ဒီန်ဒါႈ၊ “အိူဝ် တာဆရာ၊ အောဆ်ုန်ႎီရ်ယိူဝ်ထဲင်အောငိူပ်။”
\p
\v 52 ယေဆုဒါႈတအ်ုန်၊ “လာ်ႈပွံတ်၊ ဖိူမ်ပ်ုန်ညှိုမ်မီဒီန် ဒဲႈမီချံမ်ဆာယာ့်။”
\p ဒံင်အူကပြေ့ ငါည်အ်ုန်ႎီရ်ယိူဝ်ပွံတ်ဒေငိူပ်၊ ဟွည်ႇဒီန် အ်ုန်ဇောမ်ပွံတ် ရဘံန်ဒေင်လာ်ႈ ယေဆု။
\c 11
\s ပည်ပ္လေါည်အံင် လီပ်တန်ုကုင်ယေရုရှလင်
\r (မဿဲ ၂၁.၁–၁၁; လုကာ ၁၉.၂၈–၄၀; ယောဟန် ၁၂.၁၂–၁၉)
\p
\v 1 ဂဲလာ်ႈဒံတ်ပွံတ် တကုင်ယေရုရှလင်၊ အခိင်ဂဲလာ်ႈရောတ်ဒိုည်ႇ တဇိူင်ဆိုရ်တာန်လူန် ကုင်ရူဗက်ဖာဂေဂါရ် ရူဗေသနိ၊ ယေဆု ပ္လေါည်လာ်ႈပွံတ် တဘဲႇဒေဂါရ်အာရ်ကူ ရအာတ်။ 
\v 2 အ်ုန်ဒါႈဒေတံမ်ငဲ တဂါရ်၊ “လာ်ႈပွံတ် တန်ုရူ ရအာတ်ပါရ်။ ပါရ်က်ုန်လီပ်တန်ုရူဒီန် ပါရ်ဒီယိူဝ်ဒေငိူပ် အဆေမိူဝ်ႈ ကာတိူမ်ဘလီအူတို ဂဲတုအူန်အ်ုန် က်ုရ်တောဒီန်။ ကာႈႎံရ်လီဒီန် တိူဝ်ႈပွံတ်ပါရ်ဒိူည်အေ့။ 
\v 3 ဘီအူကူကူ က်ုန်ဆ်ုရ်မွံတ်ပါရ်၊ ‘ကောပ်ဆေ ပါရ်ရ်ုရ်ခိူည်အီုဝ်’ ပါရ်ဒီႎီရ်ဒါႈ တအ်ုန်၊ ‘တာဆရာ\f + \fr ၁၁.၃ \fr*\fq တာဆရာ၊ \fq*\ft က်ုန်ကာမိူဝ်ႈ \ft*\fqa ကီုရ်ညာ။\fqa*\f* ဆ်ုန်ဘိူန်၊ က်ုန်ဟွည်ႇ ယာရ်ဒီႎီရ်တိုန်အ်ုန် က်ုရ်တောအီုဝ် အူဒီန်တောအူဒီန်အေ့။’”
\p
\v 4 ကောပ်ခိူည်ဒီန် ဂါရ်လေႈလာ်ႈပွံတ်ဒေ၊ ဘံန်ဂါရ်ယိူဝ်ဒေငိူပ် ဘီတုအူန်လီအူတို တဘာင်ဘိုႈရိူဝ့်ဂါင် ပြောဒေင် ဂါရ်ကာႈပွံတ်ႎံရ်အ်ုန်။ 
\v 5 အခိင်ဒီန် ဘီပ်ုရ်ဒီ ဒါ့်ဇံင်ငိူပ်က်ုရ်တောဒီန် ဆ်ုရ်မွံတ်ဂါရ်၊ “ဆေပါရ်ကာႈဒေညာ ႎံရ်လီဒီန်အဲႈ။”
\p
\v 6 ဂါရ်ႎီရ်ဒါႈပွံတ်တဂဲ ခိူည်ငဲပ်ုန်တံမ်အူန် ယေဆုတဒေ၊ ဘီဂဲဒီန်မိူဝ်ႈ ဒဲႈပွံတ်အခွါင် တဂါရ်။ 
\v 7 ဘံန်ဂါရ် တီုတ်ဒံရ်လာ်ႈ ပွံတ်ဒေဒိူည် လီဒီန် တယေဆု၊ ဂဲပ္လါရ်ႈပွံတ် ဆဒေါလှိူင်ဒေ တပါင်ကြောင်လီ ဒဲႈပွံတ်ယေဆုဘ။ 
\v 8 ဘီဘာ့်ဘာ့်ဘိူဝ်ဘိူဝ်ဂဲ ပ္လါရ်ႈဒိုည်ႇဂြူဒေ တပါင်ရဒေင်။ ပ်ုရ်ဒီဂဲ က္လႇဒေဒိူည် ကာႇလှာဟေလှာယူပ် ပ္လါရ်ႈပွံတ် တပါင်ရဒေင်။ 
\v 9 အီအ်ုန်ဇောမ်လာ်ႈ ရအာတ်၊ ရဘံန်ဂဲဒီန် ပြိုႈဒေဒါႈ၊ “ဟောရှဏ္ဏ၊ ဒဲႈဖြာ ဟိုင်ဒဲႈကျဒဲႈလ တအီအ်ုန်စွလေႈ တဇီုဝ် ကီုရ်ညာဖြာအီုဝ်။” 
\v 10 “ကူန်အယ် ခူန်ဟောခံမ်ဒါဝိဒ် ဒီရောတ်ဒေတဲ ကပီုန်ကုင်အီုဝ် ဒဲႈယိူဝ်မံင်ဂလာ၊ တအရာပ်မျြံတ်ဇာရ် ဒဲႈပဲန်ဟောရှဏ္ဏ။”
\p
\v 11 ယေဆု လီပ်ပွံတ်ရန်ုကုင်ယေရုရှလင် စွလာ်ႈ တကျောင်ဗိမာန်၊ အ်ုန်က်ုရ်ပံန်ဒေငိူပ်ပွံတ် က်ုရ်ႎျံရ်တွံန်တီ။ ဘံန်ရောတ်အခိင်ရမှိူဝ် အ်ုန်လာ်ႈရူမ် ဇောမ်တဘဲႇဒေ ကိူရ်အာရ်ကူဂဲ တရူဗေသနိ။
\s ယေဆု ကီန်တိူင် တီုင်ပ္လေပ္လေါႇ
\r (မဿဲ ၂၁.၁၈,၁၉)
\p
\v 12 ဆငီရဘံန်၊ ယာမ်ဂဲႎီရ်ႎေင် ဒိုရ်ရူဗေသနိ ယေဆု က်ုန်ဘြာန်ပ်ုန်ဟောမ်။ 
\v 13 ဘံန်အ်ုန်ယိူဝ်ဒေငိူပ် တီုင်ပ္လေပ္လေါႇအူတီုင်လှာက္လ်ုမ် အိုရ်အရာပ်ဆငါည် အ်ုန်လဲမ်ပ္လေကာယိူဝ်။ ကောည်လိုည် ကောပ်ကာမိူဝ်ႈ အခိင်ဟောမ်ပ္လေ ယိူဝ်ဂိူဝ်လှာအ်ုန်။ 
\v 14 ယေဆုဒါႈ တတီုင်ပ္လေပ္လေါႇဒီန်၊ “စမံင်အူဒီန်အီုဝ် ယာမ်မောမိူဝ်ႈ မည်ဒဲႈဘီဘိူန်ထဲင် ဒေဟောမ်ပ္လေပ္လေါႇ တတီုင်မီဒီန်။”
\p တဘဲႇအ်ုန်ဂဲဒီန် ယိူဝ်ဒိုည်ႇဒေဆတီုင် ငဲပ်ုန်ဒါႈအ်ုန်။
\s ယေဆုလာ်ႈ တကျောင်ဗိမာန်
\r (မဿဲ ၂၁.၁၂–၁၇; လုကာ ၁၉.၄၅–၄၈; ယောဟန် ၂.၁၃–၂၂)
\p
\v 15 အခိင်ဂဲရောတ် တကုင်ယေရုရှလင်၊ ယေဆု လီပ်ပွံတ်ဒေ န်ုကျောင်ဗိမာန်၊ အ်ုန်ရူပ်လေႈဒိုည်ႇပဲတ် ဘီက်ုရ်ဇိူရ်ႈက်ုရ်ယံင်ဂဲ။ ဟွည်ႇဒီန် အ်ုန်ကြူန်ရႎိူဝ်ႈဒိုည်ႇပဲတ် ခုင်ပွည်ဇာက်ုရ်လှာည်ရိူန်ဂဲဂါရ် ခုင်ရမာ့်ဘီယံင်ဆီမ်ကာႇကဲဂဲ။ 
\v 16 ဆဲႈဒီန်အဆေမိူဝ်ႈဟွည်ႇ အ်ုန်ကာဒဲႈစိအခွါင် ဒေါဒေဒိူည်ကူမ် ႎက်ုရ်ခါမ် တကျောင်ဗိမာန်။ 
\v 17 ဟွည်ႇဒီန် အ်ုန်ဒါႈဒေဆာင်ဆောန် ဘီဂဲ၊ “တန်ုဘေဲႇကျံမ် တဲမ်အူန် ဖြာဒါႈ၊ ‘ကျောင်ဗိမာန်အီုဝ် ဒီဘ်ုပ်တောႇ ဒဲႈအ်ုန်မိူဝ်ႈဂါင် ဟာရဆုတောင် အတွဘီတွံန်မျို။’ ကောည်လိုည် ပဲဒဲႈပဲတ် ဂါင်အီုဝ်ပဲန် အတွရမောဘီစိုန်ဂဲ။”
\p
\v 18 ဘံန်ယဇ်ပုရောဟိတ်ဒါင်ဂဲဂါရ် တာဆရာနံပ်ဘေဲႇကျံမ်ဂဲ ယိူဝ်ဒေဆတီုင်အကျံင်ဒီန်၊ ဂဲလဲမ်ဒေင်လာ့်လာည် ဒဲႈဘိူန်ဒေပျံမ်ယံမ်ယေဆု။ ကောပ်ဖုင်ဘီက်ုရ်စုဂဲ အာမ်ဒိုည်ႇ တငဲပ်ုန်ဆာင်ဆောန်အ်ုန် ဂဲယောဒိုည်ႇဒေ။
\p
\v 19 ဘံန်ရောတ်စူန်မှိူဝ်၊ ယေဆုဂါရ် တဘဲႇအ်ုန်ဂဲ လေႈပွံတ်ဒေဒိုရ်ကုင်။
\s ပဲန်ငါည်ရာင် ဒိုရ်တီုင်ပ္လေပ္လေါႇ
\r (မဿဲ ၂၁.၂၀–၂၂)
\p
\v 20 အခိင်ရႎါရ်ႈဇံဝ်ဇံဝ် ယာမ်ဂဲလာ်ႈ တရဒေင်၊ ဂဲယိူဝ်ဒေငိူပ် တီုင်ပ္လေပ္လေါႇဟောင် အိုရ်တရျံရ်ႈဒေ။ 
\v 21 ဘံန်ပေတရု နွံရ်ႈလှူႈ ဆေအ်ုန်ပဲန်ဒေဒိူည် အ်ုန်ဒါႈတယေဆု၊ “ငိူပ်မေန်၊ တာဆရာ တီုင်ပ္လေပ္လေါႇ ပ်ုန်ကီန်တိူင်မီအီုဝ် ဟောင်ဟျံတ်ပွံတ်ဒေယာ့်။”
\p
\v 22 ယေဆု ႎီရ်ဒါႈတဂဲ၊ “ဒဲႈပဲညှိုမ်ဖြာ။ 
\v 23 \x - \xo ၁၁.၂၃ \xo*\xt မ ၁၇.၂၀; ၁ ကော ၁၃.၂\xt*\x*အောဂြည်ညှိုႈတပဲ အဆေမိူဝ်ႈဟွည်ႇ ကာယိူဝ် ဖိူမ်ကာဆာင်ခါ တန်ုဖိူမ်ဒေ က်ုန်ဒါႈတဆိူရ်၊ ‘က်ုရ်ခြါည်မီ လာ်ႈဇာ်ႈပွံတ် တန်ုအိုမ်ပါင်လာည်’ က်ုန်ညှိုမ်တငဲပ်ုန်ဒါႈဒေ ဒီပဲန်ပွံတ် ခိူည်ပ်ုန်ဒါႈအ်ုန်ဒီန်။ 
\v 24 ကောပ်ခိူည်ဒီန် အောဆ်ုန်ဂြည်တပဲ၊ အခိင်ပဲဆုတောင် က်ုန်မှာန်အူနဲအူနဲ ဒဲႈပဲညှိုမ်ဒေ ရံပ်တိူဝ်ႈညှိုႈ ခံင်ပ်ုန်မှာန်ပဲ၊ အ်ုန်ဒီဒဲႈ ဘ်ုရ်မှာန်ပဲဒီန်။ 
\v 25 \x - \xo ၁၁.၂၅,၂၆ \xo*\xt မ ၆.၁၄,၁၅\xt*\x*အခိင်ပဲဒါ့်ဇံင်ဆုတောင် က်ုန်ယိူဝ်ပ်ုန်တာင်အပေတ် တပါင်ဘီအူကူ အူနဲအူနဲ ပ္လိုတ်ခွါင်ဒဲႈဒိုည်ႇတအ်ုန်အေ့။ က်ုန်ညာခိူည်ဒီန် ကူန်ပဲဂွည်တပ္လေင် ဒီပ္လိုတ်ခွါင်ဒဲႈ အပေတ်ပ်ုန်လူတ်ပဲအေ့။” 
\v 26 \f + \fr ၁၁.၂၆ \fr*\ft တပံပ်ဘေဲႇ ပ်ုန်တဲမ်ပ်ုရ်ဒီဂဲ လှ်ုပ်အူန်တအခါန်ဒျံတ် ၂၆၊ \ft*\fqa ပဲက်ုန်ကာပ္လိုတ်ခွါင်ဒဲႈ တဘီဟံရ်၊ ကူန်ပဲဂွည် တန်ုခြိုင်ပ္လေင်ဒီန် ကာပ္လိုတ်ခွါင်ဒဲႈစိ အပေတ်ပ်ုန်လူတ်ပဲ၊ \fqa*\ft (ငိူပ်မေန် \ft*\xt မ ၆.၁၅\xt*)။\f*
\s ပ်ုန်ဆ်ုရ်မွံတ် အကျံင်အခွါင်အာဏာယေဆု
\r (မဿဲ ၂၁.၂၃–၂၇; လုကာ ၂၀.၁–၈)
\p
\v 27 ဟွည်ႇဒီန် ဂဲႎီရ်ရောတ်ဒိုည်ႇ တကုင်ယေရုရှလင်။ ယာမ်ယေဆု လာ်ႈ တန်ုကျောင်ဗိမာန်၊ ယဇ်ပုရောဟိတ်ဒါင်၊ တာဆရာနံပ်ဘေဲႇကျံမ်ဂဲဂါရ် ဘီအဆာႇဒါင်ဝါဒါင်ဂဲ လာ်ႈဇူဒိုည်ႇတအ်ုန်၊ 
\v 28 ဂဲဆ်ုရ်မွံတ်အ်ုန်၊ “ခိူည်အမူအီုဝ် မီဒါအခွါင်အာဏာ အဆေရ်ုရ်၊ အဆေဒဲႈ အခွါင်တမီ ရ်ုရ်အမူအီုဝ်။”
\p
\v 29 ယေဆု ႎီရ်ဒါႈတဂဲ၊ “အောဆ်ုရ်မွံတ်ဘိူဝ်ပဲ အူနဲ၊ ဒဲႈပဲႎီရ်ဂြည်၊ ပဲက်ုန်ဟွည်ႇဂြည် ပ်ုန်ဆ်ုရ်မွံတ်အော အောဒီႎီရ်ဂြည် အခွါင်အာဏာအဆေ အောဒါ။” 
\v 30 “ဂြည်ဘိူဝ်တအော၊ တရာဗတ္တိဇံ ယောဟန်အီုဝ် ယိူဝ်ႇဒိုရ်တပ္လေင်၊ က်ုန်ကာမိူဝ်ႈ ယိူဝ်ႇဒိုရ်တန်ုဘီဂဲအဲႈ။”
\p
\v 31 အခိင်ဒီန် ဂဲဒါ့်က်ုရ်မိုန်တဒေ အူကူတောအူကူ၊ “ခိူည်မော အယ်ကျတဒါႈ၊ အယ်က်ုန်ဒါႈ ‘ယိူဝ်ႇဒိုရ်တဖြာ’ အ်ုန်ဒီဒါႈ တအယ် ‘ဆေညာ ပဲကာညှိုမ်ယောဟန်အဲႈ။’ 
\v 32 ကောည်လိုည် က်ုန်မိူဝ်ႈအယ်ဒါႈ၊ ‘ယိူဝ်ႇဒိုရ်တဘီ’ ” (ကောပ်ဘီဂဲဒီန် ဒါႈထာင်ဒိုည်ႇ ယောဟန် မိူဝ်ႈပရောဖက်၊ အယ်ဘ်ုပ်ယောဒိုည်ႇ ဂဲတွံန်ကူ။) 
\v 33 ဘံန်ညာခိူည်ဒီန် ဂဲႎီရ်ဒါႈ တယေဆု၊ “ယဲကာနံပ်စိ။”
\p ယေဆု ဒါႈတဂဲ၊ “အောမိူဝ်ႈ ကာပဲန်စိ အောဂြည်တပဲ အခွါင်အာဏာအဆေ အောဒါရ်ုရ်အီုဝ်။”
\c 12
\s1 ငဲပုင်တဲႇ ဘီက်ုရ်ႎါည် တန်ုကီုရ်ဘူမ်မရာတ်
\r (မဿဲ ၂၁.၃၃–၄၆; လုကာ ၂၀.၉–၁၉)
\p
\v 1 အခိင်ဒီန် ယေဆုဂြည်ငဲပုင်တဲႇ တဂဲ၊ “ဘီအူကူ ဆ်ုမ်ကီုရ်ဘူမ်မရာတ်၊ ဟွည်ႇ ရ်ုရ်ရောင်ကာင်လံင်၊ အ်ုန်ကိူဝ်ႈပွံတ်ဘီုင် အတွရဒူည်ပ္လေမရာတ်၊ ရ်ုရ်ပွံတ်ရရဲ့ယာမ်။ ဟွည်ႇဒီန် အ်ုန်က်ုရ်ႎါည်ပွံတ် က်ုရ်ဘူမ်မရာတ်ဒေ တဘီရ်ုရ်စာင် အ်ုန်လေႈပွံတ်ဒေဒေင်။ 
\v 2 ဘံန်ရောတ်အခိင် ပဲႈပ္လေမရာတ် အ်ုန်ပ္လေါည်လာ်ႈပွံတ် မှာည်ဒေအူကူ တဘီက်ုရ်ႎါည် ကီုရ်ဘူမ်ဒေဂဲ အတွတိူဝ်ႈပ္လေဒိုရ်ဂဲ။ 
\v 3 ဘီက်ုရ်ႎါည်ကီုရ်ဘူမ်ဂဲ ဟွည်ႇတိုည်မှာည်အ်ုန်ဒီန် ဂဲလ်ုရ်ႈပွံတ်အ်ုန် ဆူတ်အ်ုန်ႎေင်ပွံတ်ဒေ ဆံင်မှာ်ႈမိူဝ်ႈကာဒဲႈအ်ုန်ဒိူည်။ 
\v 4 ဟွည်ႇဒီန် စံဝ်ကီုရ်ဘူမ်ဒီန် ႎီရ်ပ္လေါည်လာ်ႈထဲင် မှာည်ဟံရ်ဒေတဂဲ အူကူ၊ ဘီက်ုရ်ႎါည် ကီုရ်ဘူမ်ဂဲဒီန် ဒါ်ႈပွံတ်ကိင်အ်ုန် ဂဲကဝ်ဆူ ဒဲႈအ်ုန်ဘ်ုပ်ဒေကဆေ။ 
\v 5 ဘံန်ႎီရ်ပ္လေါည်လာ်ႈ မှာည်ဟံရ်ဒေအူကူ ဂဲပျံမ်ယံမ်ပဲတ်အ်ုန်။ အ်ုန်ဘိူည်ပ္လေါည်လာ်ႈဂံတ်ထဲင် တဘဲႇဟံရ်ဘာ့်ဘာ့်ဘိူဝ်ဘိူဝ်ဒေ ခိူည်ရအာတ်နာန်၊ ပ်ုရ်ဒီ ဂဲလ်ုရ်ႈ၊ ပ်ုရ်ဒီ ဂဲပျံမ်ယံမ်ဒိုည်ႇပဲတ်ဂဲ။ 
\v 6 တအ်ုန်ဒီန် အတွပ္လေါည်လာ်ႈ ကီုတ်ဂိူဝ် ကွံန်ရံက်အူကူ၊ အ်ုန်ဒါႈ၊ ‘ဂဲစံမ်ဒီရိုဆေ ကွံန်ရံက်အောအီုဝ်ယာ့်၊’ ဘံန်လာ အ်ုန်ပ္လေါည်လာ်ႈပွံတ် ကွံန်ရံက်ဒေ တဘီက်ုရ်ႎါည်ကီုရ်ဘူမ်ဂဲ။ 
\v 7 ကောည်လိုည် ဘီက်ုရ်ႎါည် ကီုရ်ဘူမ်ဂဲဒါႈ တဘူဂေါဟံရ်ဒေ၊ ‘အ်ုန်မိူဝ်ႈကွံန်အီမဲ စံဝ်ကီုရ်ဘူမ်၊ လာ်ႈအယ်ပျံမ်ပဲတ်အ်ုန်၊ က်ုန်ညာခိူည်ဒီန် အုဇာအ်ုန်အီုဝ် ဒီပဲန်ဒိုည်ႇအုဇာအယ်။’ 
\v 8 ဘံန်ညာခိူည်ဒီန်၊ ဂဲတိူည်ပွံတ် ကွံန်အီမဲအ်ုန်၊ ဂဲဟွည်ႇပျံမ်ယံမ် ထုလေႈပဲတ်တိုအ်ုန် ရရိူဝ့်ကီုရ်ဘူမ်မရာတ်။”
\p
\v 9 “ယေဆု ဆ်ုရ်မွံတ်ဂဲ၊ က်ုန်ညာခိူည်ဒီန် စဝ်ကီုရ်ဘူမ်မရာတ်ပီ ခိူည်မောအ်ုန်ဒီညာအဲႈ။ အ်ုန်ဒီလာ်ႈပျံမ်ယံမ်ပဲတ် ဘီက်ုရ်ႎါည်ကီုရ်ဘူမ်ဒေဂဲဒီန်၊ ဟွည်ႇဒီန် အ်ုန်ဒီအာပ်ဒဲႈပွံတ် ကီုရ်ဘူမ်မရာတ်ဒေဒီန် တတီဘီဟံရ်။ 
\v 10 ကာမိူဝ်ႈပဲ ဟွည်ႇယိူဝ်ဒေဒီရ်ႈ တန်ုဘေဲႇကျံမ်၊
\q1 “ ‘မိုပ်ုန်ပဲတ် ဘီရ်ုရ်ဂါင်ဂဲဒီန်၊
\q2 ဒီႎီရ်ပဲန်ဒေမိုအရေဒါင် ဒိုရ်မိုဒိုည်ႇဒိုည်ႇ။
\q1
\v 11 ကီုရ်ညာဖြာ ဟွည်ႇရ်ုရ်အမှုအီုဝ်
\q2 ပဲန်ခံင်မှိူမ်အာမ် တရအာတ်ငါည်အယ်။’”
\p
\v 12 ဘံန်ဘီအွံရ်ကိင်ယုဒဂဲနံပ် ယေဆု ဟောဂြည်ငဲပုင်တဲႇ ဒံင်ဒါႈတဒေ ဂဲရီန်ဒိုည်ႇဒေ တိုည်အ်ုန်၊ ကောည်လိုည် ကောပ်ဂဲယော ဖုင်ဘီကီုန် ဂဲလေႈလာ်ႈဒိုည်ႇပွံတ်ဒေ။
\s ပ်ုန်ဆ်ုရ်မွံတ် အကျံင်ထာမ်အခူန်
\r (မဿဲ ၂၂.၁၅–၂၂; လုကာ ၂၀.၂၀–၂၆)
\p
\v 13 ဘီအွံရ်ကိင်ဂဲဒီန် ပ္လေါည်လာ်ႈပွံတ် ဖာရိရှဲဂဲပ်ုရ်ဒီဂါရ် ဘီလီပ်န်ုဖုင်ဟေရုဒ်ဂဲပ်ုရ်ဒီ တယေဆု ဆူတ်ဂဲဆ်ုရ်မွံတ် ဒဲႈဘိူန်ဒေတိုည်အ်ုန်။ 
\v 14 ဂဲလာ်ႈဇူပွံတ်အ်ုန် ဒါႈ၊ “အိူဝ် တာဆရာ၊ ယဲနံပ်အေ့ မီဂြည်ငဲဆီုဝ်ငဲမှာန်၊ ငါည်အဆေမိူဝ်ႈ မီကာထာ့်၊ မီဆာင်ဆောန်ဆီုဝ်မှာန် ဒဲႈတဘီဂဲ ဒေင်တရာဖြာ။ အခူန်ပ်ုန်ထာမ်ယဲ တအင်ပါယာဆီဇာအီုဝ် က်ုရ်ဖြေင်ကော ဇောမ်ထုင်ဥပဒေ။ ယဲကျကော တထာမ် က်ုန်ကာမိူဝ်ႈ ကာကျ။”
\p
\v 15 ကောည်လိုည် ယေဆုနံပ် ဂဲညာခိူည်ဘီဆူဒေါ ဆ်ုရ်မွံတ်၊ အ်ုန်ႎီရ်ဒါႈ၊ “ကောပ်ဆေ ပဲကဝ်ဆျှု စုင်ဇာမ်ဒိုည်ႇအော ညာခိူည်အီုဝ်အဲႈ။ တိူဝ်ႈပဲဒိူည်အောငိူပ် ရိူန်ဒဲင်ဂါအူပံင်။”
\p
\v 16 ဂဲတိူဝ်ႈဒေဒိူည် ဒဲင်ဂါအူပံင် ဒဲႈတအ်ုန်၊ အ်ုန်ဆ်ုရ်မွံတ်ဂဲ၊ “အီအီုဝ်မိူဝ်ႈ ပုင်ရာင်အဆေဂါရ် ဇီုဝ်အဆေအဲႈ။”
\p ဂဲႎီရ်ဒါႈတအ်ုန်၊ “အီအီုဝ်မိူဝ်ႈ ပုင်ငါည်အင်ပါယာဆီဇာဂါရ် ဇီုဝ်အ်ုန်။”
\p
\v 17 ဘံန်ညာခိူည်ဒီန် ယေဆု ဒါႈတဂဲ၊ “အုဇာက်ုရ်ဆဴင်ဒေ တအင်ပါယာဆီဇာ လိုအာပ်ဒဲႈ တအင်ပါယာဆီဇာ၊ က်ုန်မိူဝ်ႈအုဇာ က်ုရ်ဆဴင်ဒေ တဖြာ လိုအာပ်ဒဲႈ တဖြာ။”
\p အခိင်ဒီန် ဂဲညာအာမ်ဒိုည်ႇပွံတ် ယေဆု။
\s ပ်ုန်ဆ်ုရ်မွံတ် အကျံင်ႎီရ်ယိူဝ်ႇအီမ်ဒိုရ်ယံမ်
\r (မဿဲ ၂၂.၂၃–၃၃; လုကာ ၂၀.၂၇–၄၀)
\p
\v 18 \x - \xo ၁၂.၁၈ \xo*\xt တ ၂၃.၈\xt*\x*ဟွည်ႇဒီန် ကာယိူဝ်စိထုင်ဇာမ် မျိုဘီအီုဝ် က်ုန်ဟွည်ႇယံမ်ႎီရ်ယိူဝ်ႇအီမ်ဒေ အီအ်ုန်ကျာင်ဒေဒါႈ ဇဒ္ဒုကဲဂဲပ်ုရ်ဒီ လာ်ႈဇူဒိုည်ႇတယေဆု ဂဲဒါႈဒေငဲ၊ 
\v 19 “အိူဝ် တာဆရာ၊ မောရှေ တဲမ်အူန်ထုင်ပိင်ငျှံပ် အတွယဲ၊ ‘ဘီအူကူအီုဝ် ယိူဝ်ဒေပ်ုန်လဲ ကာယိူဝ်ပဲတ်ကွံန်ႎါ အ်ုန်က်ုန်ယံမ်ပွံတ်ဒေ၊ အတွမာည်ဒဲႈ ခြိူဝ်မျိုႎည်ဒေဟြာည် ႎါအီမဲအ်ုန် ဒီဘ်ုပ်ဒေႎီရ်တိူဝ်ႈ ပ်ုန်လဲႎည်ဒေ ယာကမာည်ဒီန်။’ 
\v 20 အာတ်ဒီန် ယိူဝ်ဂဲအူႎါႎည်ပူရ်ကူ၊ ႎည်ဒါင်ဂဲ ဟွည်ႇခံတ်ဒေ ကာယိူဝ်ကွံန်ႎါ ယံမ်ပွံတ်ဒေ။ 
\v 21 ဟွည်ႇဒီန် ႎါအ်ုန်ႎီဒီ ႎီရ်တိူဝ်ႈဆိမ်ပွံတ် ပ်ုန်လဲႎီဒါင်ဒေ ကာယိူဝ်ဒေကွံန်ႎါ ႎီရ်ယံမ်ထဲင်ဒေ။ ႎါအ်ုန်ႎီဒျံတ် စံမ်ညာထဲင်ခိူည်ဒီန်။ 
\v 22 ဂဲႎါႎည်ပူရ်ကူ အူကူဟွည်ႇအူကူ တိူဝ်ႈဆိမ်ပွံတ် ပ်ုန်လဲႎည်ဒေဒီန် ကာဒဲႈအူန်ကွံန်ႎါဒေကီုတ် ဂဲယံမ်ဒိုည်ႇဒေ၊ ဘံန်လာ အီပ်ုန်ဒီန်မိူဝ်ႈ ယံမ်ပွံတ်ဒေ။ 
\v 23 ရောတ်ခိင်ခါဝ် ႎီရ်ယိူဝ်ႇအီမ် ဂဲက်ုန်ႎီရ်ယိူဝ်ႇအီမ် ဒိုည်ႇဒေ အီပ်ုန်ဒီန် ပ်ုန်လဲအဆေ အ်ုန်ဒီပဲန်ပွံတ်အဲႈ။ ကောပ်ဆေတဒါႈခိူည်ဒီန် ဂဲအူႎါႎည်ပူရ်ကူ ဟွည်ႇရမာဒိုည်ႇဒေ တအ်ုန်။”
\p
\v 24 ယေဆုႎီရ်ဒါႈတဂဲ၊ “ကောပ်မိူဝ်ႈပဲကာနံပ်ဘေဲႇကျံမ်ဂါရ် အဖုင်တီုင်ဂိုဖြာ ပဲကျာင်ဒေက်ုရ်လူတ် ညာခိူည်အီုဝ် ကာမိူဝ်ႈအဲႈ။ 
\v 25 ဘီအ်ုန်ဟွည်ႇယံမ်ဂဲအီုဝ် အခိင်ဂဲႎီရ်ယိူဝ်ႇအီမ်ဒေ ဂဲဒီကာယိူဝ်ယာ့် ဘီရ်ုရ်ခံတ်လေႈ၊ ဒီပဲန် ညာခိူည်တမန်ဇ်ုဂဲ ဂွည်တပ္လေင်။ 
\v 26 ဆဲႈဒီန်၊ အကျံင်ဘီဟွည်ႇယံမ် ႎီရ်ယိူဝ်ႇအီမ်ဒေအီုဝ် တန်ုဘေဲႇကျံမ် မောရှေ တဲမ်အူန် ပဲကာတိူမ်ဒီရ်ႈဒေဒိူည် အကျံင်ဖြာ ငဲတမောရှေ န်ုယူပ်၊ ‘အောမိူဝ်ႈ ဖြာ အာဗြဟံ၊ ဖြာ ဣဇက်၊ ဖြာ ယာကုပ်။’ 
\v 27 ဖြာအီုဝ် ကာမိူဝ်ႈစိ ဖြာ ဘီဟွည်ႇယံမ်၊ မိူဝ်ႈဖြာ ဘီဒါ့်အီမ်ဂဲ။ မိူဝ်ႈညှိုႈ ပဲက်ုရ်လူတ်ဒိုည်ႇယာ့်။”
\s ပိင်ငျှံပ် မျြံတ်ဒါင်
\r (မဿဲ ၂၂.၃၄–၄၀; လုကာ ၁၀.၂၅–၂၈)
\p
\v 28 \x - \xo ၁၂.၂၈–၃၄ \xo*\xt လု ၁၀.၂၅–၂၈\xt*\x*အီအ်ုန်မိူဝ်ႈ တာဆရာနံပ်ဘေဲႇကျံမ် လာ်ႈပေါ ယိူဝ်ဒေဆတီုင် ပ်ုန်က်ုရ်မိုန်ဂဲ။ အ်ုန်နွံရ်ႈလှူႈဒေငိူပ် ယေဆု ႎီရ်ဂြည် က်ုရ်တောက်ုရ်ငျာ တဇဒ္ဒုကဲဂဲ၊ အ်ုန်ဆ်ုရ်မွံတ်၊ “ပိင်ငျှံပ်နဲမော မိူဝ်ႈညှိုႈ ပိင်ငျှံပ်မျြံတ်ဒါင်အဲႈ။”
\p
\v 29 ယေဆု ႎီရ်ဒါႈတဂဲ၊ “ပိင်ငျှံပ်မျြံတ်ဒါင်ဇူႈအူ မိူဝ်ႈ၊ ‘အိူဝ် ခြိူဝ်မျိုဣသရေလ၊ ဆတီုင်ဘိူဝ်၊ ကီုရ်ညာဖြာ ဖြာအယ်အီုဝ် မိူဝ်ႈညှိုႈ ကီုရ်ညာဖြာအူဆူ။\f + \fr ၁၂.၂၉ \fr*\fq ကီုရ်ညာဖြာ ဖြာအယ်အီုဝ် မိူဝ်ႈညှိုႈ ကီုရ်ညာဖြာအူဆူ၊ \fq*\ft က်ုန်ကာမိူဝ်ႈ \ft*\fqa ကီုရ်ညာဖြာ မိူဝ်ႈဖြာအယ်အီုဝ်၊ ကီုရ်ညာဖြာအူဆူ။\fqa*\f* 
\v 30 လိုရံက် ကီုရ်ညာဖြာ ဖြာမီ၊ ဘ်ုရ်ယိူဝ်နွံရ်ႈဖိူမ်၊ ဘ်ုရ်ယိူဝ်ႎိငျံန်၊ ဘ်ုရ်ယိူဝ်အိုမ်ငျံန်ဂါရ် ဘ်ုရ်ယိူဝ်ရဲင်ဆွံန်မီ။’ 
\v 31 ပိင်ငျှံပ်မျြံတ်ဒါင်ဇူႈအာရ်ဒီန် မိူဝ်ႈ၊ ‘လိုရံက်ဘူဂါင်ဘူရာပ် ခိူည်မီရံက်တိုဒေ’ ဆဲႈပိင်ငျှံပ် အာရ်ပါအီုဝ် ကာယိူဝ်ယာ့် ပိင်ငျှံပ်ဟံရ် ဒါင်ဒိုရ်အ်ုန်။”
\p
\v 32 တာဆရာနံပ်ဘေဲႇကျံမ် ဒါႈတယေဆု၊ “ပ်ုန်ဒါႈမီမိူဝ်ႈအေ့၊ တာဆရာ၊ ထာဝရကီုရ်ညာဖြာအီုဝ် မိူဝ်ႈညှိုႈ ယိူဝ်ဂိူဝ်အ်ုန်အူဆူ၊ ဆဲႈကီုရ်ညာဖြာအီုဝ် ကာယိူဝ်ယာ့်ဖြာဟံရ်။ 
\v 33 လိုရံက်ဖြာမီ တဘ်ုရ်ယိူဝ်နွံရ်ႈဖိူမ်၊ ဘ်ုရ်ယိူဝ်အိုမ်ငျံန်၊ ဘ်ုရ်ယိူဝ်ရဲင်ဆွံန်ဒေ၊ လိုရံက်ဘူဂါင်ဘူရာပ် ခိူည်မီရံက်တိုဒေ၊ က်ုန်ဒါဇောမ် ပိင်ငျှံပ်အာရ်ပါအီုဝ် မျြံတ်ဒိုရ်လှူအာပ်ကာပ်ဒဲႈ တိုဆံတ်ဂါရ် ယဇ်ပ်ုန်ဟံရ် ပါင်ယဇ်ပလာင် တဖြာ။”
\p
\v 34 ယေဆုယိူဝ်ဒေငိူပ် အီကူဒီန် ဒါပိင်ငျာဒေႎီရ်ဂြည်၊ ဘံန်ညာခိူည်ဒီန် အ်ုန်ဒါႈတအ်ုန်၊ “မီကာဆငါည်ယာ့် ဒိုရ်တကပီုန်ကုင်ဖြာ။”
\p စမံင်အခိင်ဒီန် အဆေမိူဝ်ႈ ကာယာႇဆ်ုရ်မွံတ်ယာ့် ပ်ုန်ဆ်ုရ်မွံတ်လှာည်အူနဲ တယေဆု။
\s ပ်ုန်ဆ်ုရ်မွံတ် အကျံင်မေရှိယ
\r (မဿဲ ၂၂.၄၁–၄၆; လုကာ ၂၀.၄၁–၄၄)
\p
\v 35 ယာမ်ယေဆု ဆုင်မဆာင်ဆောန်ဒဲႈ တန်ုကျောင်ဗိမာန်၊ အ်ုန်ဆ်ုရ်မွံတ်ဂဲ ပ်ုန်ဆ်ုရ်မွံတ်၊ “ကောပ်ဆေ တာဆရာနံပ်ဘေဲႇကျံမ်ဂဲ နံပ်ဒေဒါႈ မေရှိယ မိူဝ်ႈကွံန်ဒါဝိဒ်အဲႈ။ 
\v 36 ႎိငျံန်ဆပဲဆောနွံရ်ႈဖိူမ် ဆူတ်ဒါဝိဒ်ဒါႈ၊
\q1 “ကီုရ်ညာဖြာ ဒါႈတကီုရ်ညာအော၊
\q2 မာ့်မီ လ်ုပ်ခေါန်ညှိုႈအော
\q2 မောဂိူပ်ပေါအခိင် အောဂံမ်အူန်ရာန်ဆူမီဂဲ ရခြူမ်ဇိူင်မီ။”
\m
\v 37 “ဒါဝိဒ် က်ုန်တောႇ အ်ုန်မိူဝ်ႈ ‘ကီုရ်ညာ၊’ ခိူည်မော ညာဒေပဲန် ကွံန်ဒါဝိဒ်အဲႈ။”
\s ယေဆုဒဲႈဆဒိ လိုႎဲႈတာဆရာနံပ်ဘေဲႇကျံမ်ဂဲ
\r (မဿဲ ၂၃.၁–၃၆; လုကာ ၂၀.၄၅–၄၇)
\p ဖုင်ဘီက်ုရ်စုဒါင်ဂဲ နွံရ်ႈရျံန်ဖိူမ်ပျောဒေ ဆတီုင်ဒိုည်ႇငဲပ်ုန်ဂြည်ယေဆု။ 
\v 38 အ်ုန်ဆီုပ်ထဲင်ဒေ ဆုင်မဆာင်ဆောန်ဂဲ၊ အ်ုန်ဒါႈ၊ “ပဲလိုအူန်ဆဒိ ႎဲႈတာဆရာနံပ်ဘေဲႇကျံမ်ဂဲအေ့။ ဂဲဆမာ ချူပ်ဒေဒါ ဆဒေါလှိူင် လာ်ႈလာ်ႈႎေင်ႎေင် တအရာပ်တကာတ် ဂဲယိူဝ်ဖိူမ် ဆ်ုန်ဒဲႈဘီရိုဆေကူပ်ယောမ်တဒေ။ 
\v 39 တန်ုကျောင်ရဆောန်ဒဲႈတရာ ဂဲဆမာအုင်ဒေရံရ်ႈ ရမာ့်ကျ၊ တပ္လေါည်ဟောမ် ပ္လေါည်တျံင်မိူဝ်ႈ ဂဲဆမာအုင်ရဂွည်ကျ။ 
\v 40 ဂဲဟွည်ႇတိူဝ်ႈဆီမ် ဂါင်ယာကမာည်ဂဲ၊ ဆမာညာရာင် ဆုတောင်လှိူင်လှိူင်။ ဂဲဒီဘ်ုပ်ဒေခါမ် ဂ်ုမ်အပေတ်ဇံန်။”
\s ရိူန်ပ်ုန်လှူ ယာကမာည်
\r (လုကာ ၂၁.၁–၄)
\p
\v 41 ယာမ်ယေဆု မာ့်ပြောတိူဝ့်ခါမ်ရိူန်လှူ တကျောင်ဗိမာန်၊ အ်ုန်ငိူပ်ပုင်ဇာမ်ဘီဂဲ ဆ်ုရ်ရိူန်လှူတန်ုတိူဝ့်။ ဘီခြ်ုမ်ဆာဂဲဒီန် ဆွံင်လီပ်ဘ္လံမ်။ 
\v 42 ဟွည်ႇဒီန် ယာကမာည်ဖ္လာန်အူကူ လာ်ႈပေါဒေဆွံင်လီပ် ရိူန်ဒဲင်ဂါအာရ်ပံင် တာန်အူပဲ။ 
\v 43 အခိင်ဒီန် အ်ုန်တောႇဒေဒါႈတ တဘဲႇဒေဂဲ၊ “အောဂြည်ညှိုႈတပဲ၊ ရိူန်ပ်ုန်ဆွံင်လီပ် ယာကမာည်အီုဝ် ဘ္လံမ်ဒိုရ်ဘ်ုရ်ယိူဝ်အီအ်ုန်ဆွံင်လီပ် တန်ုတိူဝ့်ခါမ်ရိူန်လှူ။” 
\v 44 “အကျံင်အ်ုန်မိူဝ်ႈ ဂဲဒိုည်ႇဒိုည်ႇအီုဝ် တိူဝ်ႈဒိုရ်န်ုအုဇာခြ်ုမ်ဆာဒေ ဂဲဆွံင်လီပ်။ ကောည်လိုည် က်ုန်မိူဝ်ႈယာကမာည်အီုဝ်၊ အ်ုန်ဘိူည်ဖ္လာန်ဂံတ်၊ အ်ုန်တိူဝ်ႈတန်ုပ်ုန်ဟျံင်အဆာႇဒေ ဆွံင်လီပ်ဒိုည်ႇ။”
\c 13
\s ယေဆုဂြည် အကျံင်ကျောင်ဗိမာန် ဒီလူ
\r (မဿဲ ၂၄.၁–၂; လုကာ ၂၁.၅–၆)
\p
\v 1 ယာမ်ယေဆု လေႈဒိုရ်ကျောင်ဗိမာန်၊ န်ုတဘဲႇအ်ုန်ဂဲအူကူ ဒါႈတအ်ုန်၊ “ငိူပ်ဘိူဝ် တာဆရာ၊ က်ုန်လူမ်မိုဒါင်ဂါရ် ဂါင်ခီုဝ့်ဂါင်ဒါင် ဘ္လံမ်ညှိုႈအာ်။”
\p
\v 2 ယေဆု ႎီရ်ဒါႈ၊ “မီယိူဝ်ဂိူဝ်ဒေငိူပ် ခိူည်ဂါင်ခီုဝ့်ဂါင်ဒါင်ညှိုႈအီုဝ် ကာမိူဝ်ႈ။ အရာပ်အီုဝ် က်ုန်လူမ်မိုဒိုည်ႇဒိုည်ႇ ဒီဘ်ုပ်က်ုရ်တူႈယာႈဒိုည်ႇ၊ က်ုန်လူမ်မိုအူပံင်လိုည် ကာဒါ့်ကီုတ်ယာ့်ဒေ။”
\s ဒုခနာ့်နွံရ်ႈဂါရ် ဆဂေလာလီညာ
\r (မဿဲ ၂၄.၃–၁၄; လုကာ ၂၁.၇–၁၉)
\p
\v 3 ဟွည်ႇဒီန် ယေဆုဟာ့်မာ့်ဒေ တပါင်ဆိုရ်တာန်လူန်၊ က်ုရ်ပံတ်ငါည်ဒေ လ်ုပ်ကျောင်ဗိမာန်၊ ယာမ်အ်ုန်ဂွည်ရာင်ကောည်ဒေ ပေတရု၊ ယာကုပ်၊ ယောဟန်ဂါရ် အန္ဒြေ လာ်ႈဇူဒိုည်ႇဒေဆ်ုရ်မွံတ်အ်ုန်။ 
\v 4 ဂဲဒါႈ၊ “ခိူည်ပ်ုန်ဒီပဲန်လာ်ႈဒိုည်ႇဒိုည်ႇအီုဝ် ဘံန်မောအ်ုန်ဒီပဲန်ဂါရ် အကျံင်နမိလက္ခဏာအီုဝ် ဘံန်မောအ်ုန်ဒီဇာ်ႈရောတ် ဂြည်ဘိူဝ်တယဲစိ။” 
\v 5 ယေဆုဒါႈ တဂဲ၊ “မာည်ဒဲႈအဆေ ဘိူန်ဒေချှောႇကဝ်ပဲ အူန်ဒိုည်ႇဆဒိအေ့။ 
\v 6 ဘီဘာ့်ဘာ့်ဘိူဝ်ဘိူဝ်ဂဲဒီန်၊ ဒီတိူဝ်ႈဒေဒါဇီုဝ်အော ရောတ်ပေါဒေဒါႈ၊ ‘အောမိူဝ်ႈ အ်ုန်ယာ့်၊’ ဟွည်ႇဒါႈခိူည်ဒီန် ဒီချှောႇကဝ်ဒိုည်ႇဘီဂဲ။ 
\v 7 အခိင်ပဲယိူဝ်ဒေဆတီုင် ဆဒါင်က်ုရ်တီုဝ့်ဆီုဝ့်ဂါရ် ဆဒါင်ဘီဂဲရဲန်ဒေက်ုရ်တီုဝ့်ဒီန် ပဲမာည်အူန်နွံရ်ႈဖိူမ်ဒေယော။ ခိူည်အကျံင်ဒီန် ဒီဘ်ုပ်ပဲန်ညှိုႈ၊ ကောည်လိုည် ညှံမ်ရောတ်စိ တဟာတိူဝ်ႇဟာဆူတ်။ 
\v 8 ခြိူဝ်မျိုဘီ အူမျိုတော အူမျိုဂါရ် ကပီုန်ကုင် အူကုင်တော အူကုင် ဒီက်ုရ်ရာန်ဒိုည်ႇဒေ၊ တအရာပ်တွံန်တီမိူဝ်ႈ အီမ်ယာဒီယူႈ၊ ဒီက်ုရ်တူႈရာႇဟောမ်ရာႇဒါ။ အီအီုဝ်မိူဝ်ႈ ႎိုည်ဒနာ စဒေတဲကိူတ်ႎါ။
\p
\v 9 \x - \xo ၁၃.၉ \xo*\xt မ ၁၀.၁၇–၂၀; လု ၁၂.၁၁,၁၂\xt*\x* “ဒဲႈပဲအူန်ဆဒိ တတိုဒေ။ ဘီဂဲ ဒီအာပ်ဒိုည်ႇပဲ တလူမ်တရာ။ ပဲဒီဘ်ုပ်ဒေက်ုရ်တူႈ ဘီဂဲလ်ုရ်ႈဒိုည်ႇဒေ တကျောင်ရဆောန်ဒဲႈတရာ၊ ကောပ်ပဲဂြည်ဆဒါင်ကျ ပဲန်ဆာ့်ဆေအတွအော ပဲဒီဘ်ုပ်ဒေဇံင် တရအာတ်ဘီအူပ်ဘြောင်ဂါရ် တရအာတ်ခူန်ဟောခံမ်။ 
\v 10 ဟွည်ႇဒီန် ဒီဘ်ုပ်ဟောဂြည်ဇံဝ် ဆဒါင်ကျအီုဝ် တခြိူဝ်မျိုဘီဂဲ ဒိုည်ႇဒိုည်ႇ။ 
\v 11 အခိင်ဘီဂဲတောႇဒေဒိူည် လာ်ႈအာပ်ဒိုည်ႇပဲ တလူမ်၊ ခိူည်မောပဲ ဒီညာဒေဂြည် ပဲမာည်ယိူဝ်နွံရ်ႈဟဇံဝ်၊ အခိင်ဒီန် ကာမိူဝ်ႈစိတိုပဲ ဂြည်၊ မိူဝ်ႈႎိငျံန်ဆပဲ ဒီဂြည်။ 
\v 12 ခိင်ခါဝ်ဒီန် အူႎါႎည် အူကူတောအူကူ ဒီက်ုရ်အာပ်ဒိုည်ႇဒေ တယံမ်၊ စံမ်ညာခိူည်ဒီန် ကူန်မိူဝ်ႈ ဒီအာပ်ဒိုည်ႇကွံန်ႎါဒေ တယံမ်။ ကွံန်ႎါဂဲမိူဝ်ႈ ဒီရာန်ကူန်မာဒေ အာပ်ဒဲႈဒိုည်ႇဂဲတယံမ်။ 
\v 13 \x - \xo ၁၃.၁၃ \xo*\xt မ ၁၀.၂၂\xt*\x* ကောပ်ဇီုဝ်အော ဘီဂဲတွံန်ကူ ဒီရအီရ်ႈဒိုည်ႇပဲ။ ကောည်လိုည် အဆေမိူဝ်ႈဟွည်ႇ က်ုန်ယိူဝ်ဆတ်စာ မောဂိူပ်ပေါ တဟာတိူဝ်ႇဟာဆူတ် ဒီဘိူန်ပ်ုန်လောတ်။”
\s ခံင်မှိူမ်ရအီရ်ႈမှိူမ်ယော
\r (မဿဲ ၂၄.၁၅–၂၈; လုကာ ၂၁.၂၀–၂၄)
\p
\v 14 “ပဲဒီယိူဝ်ဒေငိူပ် ‘ခံင်မှိူမ်ရအီရ်ႈမှိူမ်ယော’ ဒါ့်ဇံင်ဒေ တအရာပ်ကာမှိူမ်ဇံင်ဒီန်။” (အီအ်ုန်ဒီရ်ႈဘေဲႇ၊ ဒဲႈအ်ုန်နံပ်အိုမ်ငဲ ပ်ုန်ဒါႈအ်ုန်)။ ဟွည်ႇဒီန် အီအ်ုန်ဂွည် တကပီုန်ကုင်ယုဒ ဒဲႈဂဲဒူဟာ့်ဒိုည်ႇဒေ တပါင်ဆိုရ်။ 
\v 15 \x - \xo ၁၃.၁၅,၁၆ \xo*\xt လု ၁၇.၃၁\xt*\x*အီအ်ုန်ဂွည်ဒေ တပါင်ကြောင်ဂါင် ဆံင်မှာ်ႈမိူဝ်ႈမာည်ဒဲႈအ်ုန်ႎီရ်လေႈတိူဝ်ႈ တရန်ုဂါင်။ 
\v 16 အီအ်ုန်ဂွည်တနာ မာည်ဒဲႈအ်ုန် ႎီရ်ႎေင်တိူဝ်ႈဆဒေါဒါင်ဒေ တဂါင်။ 
\v 17 တန်ုဆငီဒီန် အီပ်ုန်ဂွည်တတိုဒေဂါရ် အီပ်ုန်ယိူဝ်ႎါဒါ့်ဘူတဒေဒီန် ဒီပဲန်ဒုခနာ့်နွံရ်ႈ ကျူညှိုႈအတွဂဲ။ 
\v 18 ဒဲႈပဲဆုတောင် တဖြာ အခိင်ဒီန် မာည်ဒဲႈအ်ုန် ရောတ်ခိင်ခါဝ်ကံတ်။ 
\v 19 \x - \xo ၁၃.၁၉ \xo*\xt ဗျာ ၇.၁၄\xt*\x*အကျံင်အ်ုန်မိူဝ်ႈ၊ အိုရ်စတဲကံမ်ဖာ ပ်ုန်ဖာန်ဇာမ်ဖြာ မောအူဒီန်အီုဝ် ကာတိူမ်ပဲန်၊ ဘံန်ဒီန်မိူဝ်ႈ ကာနံပ်ဒေပဲန် ဒုခနာ့်နွံရ်ႈအီုဝ် ဒီဇာ်ႈရောတ်တန်ုဆငီဒီန်။ 
\v 20 ကီုရ်ညာဖြာ က်ုန်ကာဒဲႈ ဆငီဒီန်ဒံတ် အဆေမိူဝ်ႈကာဘိူန်စိ ပ်ုန်လောတ်တိုဒေ။ ကောည်လိုည် က်ုန်မိူဝ်ႈ ဘီပ်ုန်ရံရ်ႈအူန်အ်ုန် တဆငီဒီန် ဒီဒဲႈဆငီဒံတ်အတွဂဲ။
\p
\v 21 “အခိင်ဒီန် ဘီအူကူကူ က်ုန်ဒါႈတပဲ၊ ‘ငိူပ်ဘိူဝ်၊ အရာပ်အီုဝ် ယိူဝ်ခရိ၊’ က်ုန်ကာမိူဝ်ႈ ‘ငိူပ်ဘိူဝ်၊ အ်ုန်ဂွည် အရာပ်တည်’ ပဲမာည်ညှိုမ်အေ့။ 
\v 22 အီအ်ုန်ယိူင်ဒေပဲန်ခရိဂါရ် အီယိူင်ဒေပဲန်ပရောဖက်ဂဲ ဒီရောတ်ပေါ။ ဂဲက်ုန်ဘဲဒေချှောႇကဝ် ဘီပ်ုန်ရံရ်ႈအူန်ဖြာ ဂဲဒီရ်ုရ်နမိလက္ခဏာ ခံင်မှိူမ်အာမ်။ 
\v 23 ကောပ်ခိူည်ဒီန် ဒဲႈပဲအူန်ဆဒိအေ့၊ အောဟွည်ႇဂြည်အူန်ဇံဝ် အကျံင်ဒီန်တပဲယာ့်။”
\s ကွံန်ဘီအီုဝ် ႎီရ်ရောတ်ပေါ
\r (မဿဲ ၂၄.၂၉–၃၁; လုကာ ၂၁.၂၅–၂၈)
\p
\v 24 \x - \xo ၁၃.၂၄ \xo*\xt ဗျာ ၆.၁၂\xt*\x* “န်ုဆငီဒီန် ဒုခနာ့်နွံရ်ႈ က်ုန်ဟွည်ႇဇာ်ႈရောတ် ဆငီအီုဝ်ဒီအံပ်လာ်ႈပွံတ်ဒေ၊ ပ္လါင်ကျံရ်မိူဝ်ႈ ဒီကာဒဲႈယာ့်ပ္လါင်ဒေဂူႈ၊ 
\v 25 \x - \xo ၁၃.၂၅ \xo*\xt ဗျာ ၆.၁၃\xt*\x*ဆမိင်ဂဲမိူဝ်ႈ ယိူဝ်ႇဒိုရ်တပ္လေင် ဒီဇာ်ႈလေႈဒိုည်ႇဒေ၊ ရဲင်ဒေင်နက္ခတ်မိူဝ်ႈ ဒီက်ုရ်ခြါည်ဒိုည်ႇဒေ။ 
\v 26 \x - \xo ၁၃.၂၆ \xo*\xt ဗျာ ၁.၇\xt*\x*အခိင်ဒီန် ဘီဂဲဒီယိူဝ်ဒိုည်ႇဒေငိူပ် ကွံန်ဘီအီုဝ် ဒိူည်အဖုင်တီုင်ဂိုဂုင်ဒါင်ဒေ ဒီဘဆိုရ်အူတ်စွလေႈ။ 
\v 27 ဟွည်ႇဒီန် အ်ုန်ဒီပ္လေါည် တမန်ဇ်ုဂဲတပ္လေင် လေႈတဘီပ်ုန်ရံရ်ႈအူန် ဖြာ၊ အ်ုန်ဒီက်ုရ်စုဒိုည်ႇ အရာပ်လ်ုပ်ငါည်ဖိုန်တီ ယိူဝ်ႇဒိုရ်တပါင်ကံမ်ဖာ မောဂိူဝ့်ပေါ တဟာတိူဝ်ႇဟာဆူတ် တပ္လေင်။
\s ပုင်တဲႇ တီုင်ပ္လေပ္လေါႇ
\r (မဿဲ ၂၄.၃၂–၃၅; လုကာ ၂၁.၂၉–၃၃)
\p
\v 28 “ဒဲႈပဲပ်ုရ်နောအူန်ဒေဒါ ပုင်တဲႇ ဒိုရ်တီုင်ပ္လေပ္လေါႇအေ့၊ အခိင်ကာႇလှာညောတ်အ်ုန် က္လဲႇဒေလေႈ၊ ပဲစံမ်နံပ် အ်ုန်ဒံတ်တခါဝ်မည်။ 
\v 29 စံမ်ညာခိူည်ဒီန် အခိင်ပဲယိူဝ်ဒေငိူပ် ပဲန်အကျံင်ခိူည်ဒီန်၊ ဒဲႈပဲနံပ် ကွံန်ဘီအီုဝ် ဟွည်ႇမိူဝ်ႈဒံတ်ရောတ် တဘာင်ဘိုႈယာ့်။\f + \fr ၁၃.၂၉ \fr*\fq ဒဲႈပဲနံပ် ကွံန်ဘီအီုဝ် ဟွည်ႇမိူဝ်ႈဒံတ်ရောတ် တဘာင်ဘိုႈယာ့်၊ \fq*\ft က်ုန်ကာမိူဝ်ႈ \ft*\fqa အခိင်ဟွည်ႇဒံတ် ရောတ်ပေါယာ့်။\fqa*\f* 
\v 30 အောဂြည်ညှိုႈတပဲ၊ ဘီအ်ုန်ဒါ့်အဆာႇအီမ် အူဒီန်အီုဝ် ကြိူည်ဂဲယံမ် ဒဲႈပဲတံင်အူန် အကျံင်ပ်ုန်ဒီပဲန်အီုဝ်။ 
\v 31 ပ္လေင်ဂါရ် ကတဲ ဘိူည်ကာမြဲ ငဲအောကာနံပ်စိဒေဟြာည်။
\s အဆေကာနံပ် အခိင်ဆငီနာရီဒီန်
\r (မဿဲ ၂၄.၃၆–၄၄)
\p
\v 32 \x - \xo ၁၃.၃၂ \xo*\xt မ ၂၄.၃၆\xt*\x*“ကောည်လိုည် အခိင်ဆငီနာရီ ဒီပေါဒီန်၊ အဆေမိူဝ်ႈကာနံပ်၊ တမန်ဇ်ုဂဲတပ္လေင်မိူဝ်ႈကာနံပ်၊ ကွံန်မိူဝ်ႈကာနံပ်၊ မိူဝ်ႈဂိူဝ်ကူန်အူကူနံပ်။ 
\v 33 ကောပ်ပဲကာနံပ် အခိင်ဆငီနာရီ ဒီပေါဒီန် ဒဲႈပဲဂွည်ရဲ့အူန်ဆဒိအေ့။ 
\v 34 \x - \xo ၁၃.၃၄ \xo*\xt လု ၁၂.၃၆–၃၈\xt*\x*ပ်ုန်ဆ်ုန်ဒါႈအ်ုန်မိူဝ်ႈ ညာခိူည်ဘီအူကူ ရဲန်ဒေလေႈဒေင်၊ ယာမ်အ်ုန်ဒီလေႈ ဒိုရ်ဂါင်ဒေ အ်ုန်တံမ်အူန်မှာည်ဒေဂဲ တွံန်ကူတွံန်ကူ၊ အ်ုန်အာပ်ဒဲႈတဂဲ ကာန်ပ်ုန်လိုရ်ုရ်ဂဲဂါရ် အခွါင်အာဏာ၊ ဟွည်ႇဒီန် အ်ုန်တံမ်အူန် အီရဲ့ဘာင်ဘိုႈဒီန် ဒဲႈအ်ုန်ယိူဝ်ဆဒိ ဒါ့်ဂွည်ငိူပ်လလဘာင်ဘိုႈ။ 
\v 35 စဝ်ဂါင်ဒီန် အခိင်စူန်အံပ်၊ အခိင်ရဆိူမ်၊ အခိင်အျံရ်စဒေတဂေါႇ၊ အခိင်ရႎါရ်ႈဇံဝ်ဇံဝ် ဘံန်မောအ်ုန်ဒီႎီရ်ပေါ ကောပ်ပဲကာနံပ် ဒဲႈပဲအူန်ဆဒိ ဒါ့်ရဲ့အေ့။ 
\v 36 အ်ုန်က်ုန်ပေါဘြုပွံတ်တပဲ၊ မာည်ဒဲႈအ်ုန်ယိူဝ်ဒေငိူပ်ပဲ ဒါ့်အီတ်ဆငဲႈဒေ။ 
\v 37 ဆေအောဂြည်အူန်တပဲအီုဝ်၊ အောဟွည်ႇဂြည်ဒိုည်ႇ တဘီတွံန်ကူယာ့်၊ ‘အူန်ဆဒိ ဒါ့်ရဲ့အေ့။’”
\c 14
\s ပ်ုန်က်ုရ်ယေင်က်ုရ်ခံတ် တယေဆု
\r (မဿဲ ၂၆.၁–၅; လုကာ ၂၂.၁–၂; ယောဟန် ၁၁.၄၅–၅၃)
\p
\v 1 ဒံတ်ရောတ် ပ္လေါည်ပသခါဂါရ် မုင်ကာယိူဝ်ဆနံမ်ဂိူဝ်ႈ လိုဂိူဝ်အာရ်ဆငီ။ ယဇ်ပုရောဟိတ်ဒါင်ဂဲဂါရ် တာဆရာနံပ်ဘေဲႇကျံမ်ဂဲ အတွဘိူန်ဒေတိုည် ပျံမ်ယေဆု ဂဲလဲမ်ဒိုည်ႇဒေင်လာ့်လာည်။ 
\v 2 ကောည်လိုည် ဂဲဒါႈ၊ “မာည်က်ုရ်နဲတ်တိုည်အ်ုန် တန်ုဆငီပ္လေါည်အီုဝ်၊ ဘီဂဲဆမာပဲန် က်ုရ်မှူရ်က်ုရ်မီုင်ဒေ။”
\s ယေဆုခါမ်ဘိသိက် တရူဗေသနိ
\r (မဿဲ ၂၆.၆–၁၃; ယောဟန် ၁၂.၁–၈)
\p
\v 3 \x - \xo ၁၄.၃ \xo*\xt လု ၇.၃၇,၃၈\xt*\x* ယေဆု ဂွည်တဂါင် အီအ်ုန်ဘ်ုပ်တူတ်ဇီုဝ်ရှိမုန် တရူဗေသနိ၊ ယာမ်ယေဆု ဒါ့်မာ့်ဟောမ်ပ်ုန်ဟောမ်၊ အီပ်ုန်အူကူလီပ်ပေါ တိူဝ်ႈဒေဒိူည် အိုမ်နံမ်ငါနာဒု အူရ်ႈငှူရ်စဲတ်စဲတ် ဆ်ုရ်နာ့်တပြဴင်မိုဘ္လောႇ ပည်ငွံရ်ႈရဲင်၊ အ်ုန်ဟွည်ႇပ်ုန်တဲႈပွံတ်ပြဴင်ဒီန် ထောႇလေႈပွံတ် အိုမ်နံမ်ငါအူရ်ႈငှူရ် တပါင်ကိင်ယေဆု။ 
\v 4 အခိင်ဒီန် ဘီဂဲပ်ုရ်ဒီ ပည်ဒေါဆလေႈ ရဝ်ဒါႈတဘီဟံရ်အူကူ၊ “ဆေမိူဝ်ႈ အ်ုန်တပ်ုန်ချှူမ်ပဲတ် အိုမ်နံမ်ငါအူရ်ႈငှူရ်အီုဝ်အဲႈ၊ 
\v 5 က်ုန်ယံင် အိုမ်နံမ်ငါအူရ်ႈငှူရ်အီုဝ် တရိူန်ဒဲင်ဂါ\f + \fr ၁၄.၅ \fr*\fk ရိူန်ဒဲင်ဂါ၊ \fk*\ft ငိူပ်မေန် ၆.၃၇။\ft*\f* အွည်ပ်ုရ်ယာ်ႈပည့်ပါည်ပါည် ဘိူန်ဒဲႈရိူန်ဒီန်တဘီဖ္လာန်ဂဲ၊” ဂဲတာင်အပေတ် ဒါႈငဲတအီပ်ုန်ဒီန်။
\p
\v 6 ကောည်လိုည် ယေဆုဒါႈ၊ “လိုင်ပဲတ် အီပ်ုန်ဒီန် ရ်ုရ်ပ်ုန်ဆ်ုန်ရ်ုရ်ဒေ၊ ကောပ်ဆေပဲ ကဝ်ဆျှူအ်ုန်အဲႈ၊ အ်ုန်ရ်ုရ်ဒဲႈအမှုကျ တအောမိူဝ်ႈ။ 
\v 7 ဘီဖ္လာန်ဂဲအီုဝ် ဒီယိူဝ်ဇောမ်ပဲဆေဆေ၊ အခိင်ပဲယိူဝ်နွံရ်ႈဖိူမ် ပဲဘိူန်ဒေဇောည်ဂဲ။ က်ုန်မိူဝ်ႈအော ကာဂွည်စိ ဇောမ်ပဲဆေဆေ။ 
\v 8 အ်ုန်ဘဲဘ်ုရ်မော အ်ုန်ဟွည်ႇရ်ုရ်ဒေဒိူည် အတွရဲန်ဆာင်ဂျိုဒဲႈ တိုအော၊ အ်ုန်ဟွည်ႇ ထောႇဖွံန်အူန်ဇံဝ် အိုမ်နံမ်ငါအူရ်ႈငှူရ် တတိုအောယာ့်။ 
\v 9 အောဂြည်ညှိုႈတပဲ၊ စမံင်အူဒီန် အရာပ်ဟောဂြည် တရာဆဒါင်ကျ တန်ုကံမ်ဖာအီုဝ်တွံန်တီ၊ ဂဲဒီဂြည် အမှုပ်ုန်ရ်ုရ်အီပ်ုန်အီုဝ် ဒဲႈပဲန်ကာဘီရ်ကာပြါႈ တအ်ုန်။”
\s ယုဒဖြောမ်ဒေ ယာႈဆေတ်စာ တယေဆု
\r (မဿဲ ၂၆.၁၄–၁၆; လုကာ ၂၂.၃–၆)
\p
\v 10 ဟွည်ႇဒီန် အီအ်ုန်လီပ်န်ုတဘဲႇ အူကိူရ်အာရ်ကူ၊ ယုဒရှကာရုတ်ဒီန်၊ အတွအာပ်ယေဆု အ်ုန်လေႈလာ်ႈပွံတ်ဒေ တယဇ်ပုရောဟိတ်ဒါင်ဂဲ။ 
\v 11 ဘံန်ဂဲယိူဝ်ဒေဆတီုင် နွံရ်ႈဖိူမ်ဂဲရျံန်ပျော ဂဲဒဲႈကဒိ ဒါႈဒေဒဲႈရိူန် တအ်ုန်။ ကောပ်ခိူည်ဒီန် ယုဒခံပ်က်ုရ်ယေင် လဲမ်ဒေင်လာ့်လာည် အခိင်ကျ အတွဘိူန်ဒေအာပ် ယေဆု တတီဂဲ။
\s ယေဆု ဟောမ်ရူမ်ပ္လေါည်ပသခါ ဇောမ်တဘဲႇဒေဂဲ
\r (မဿဲ ၂၆.၁၇–၂၅; လုကာ ၂၂.၇–၁၄,၂၁–၂၃; ယောဟန် ၁၃.၂၁–၃၀)
\p
\v 12 ဆငီဇူႈအူ ပ္လေါည်မုင် ကာပါဆနံမ်ဂိူဝ်ႈ၊ အတွပ္လေါည်ပသခါဆိုဒျံတ် ဆငီဂဲပျံမ်တိုယဇ်ဒီန် တဘဲႇယေဆု ဆ်ုရ်မွံတ်အ်ုန်၊ “အတွဟောမ်ပ္လေါည်ပသခါ မီယိူဝ်နွံရ်ႈဖိူမ် ဆ်ုန်ဒဲႈယဲလာ်ႈရဲန် အတွဒေ အရာပ်မောအဲႈ။”
\p
\v 13 ဟွည်ႇဒီန် ယေဆု ပ္လေါည်လာ်ႈပွံတ် တဘဲႇဒေအာရ်ကူ အ်ုန်ဒါႈ၊ “လာ်ႈပွံတ်ပါရ် တန်ုကုင်၊ ပါရ်ဒီလာ်ႈယိူဝ်ဒေငိူပ် ဘီအူကူကွံတ်အဴင်။ ဒဲႈပါရ်လာ်ႈဇောမ်ပွံတ်အ်ုန် 
\v 14 တဂါင်ဟာရလီပ်အ်ုန်၊ ဆ်ုရ်မွံတ် တစဝ်ဂါင်ဒီန်၊ ‘တာဆရာယဲဒါႈ၊ အခါန်ဟောမ်ပ္လေါည်ပသခါ ဇောမ်တဘဲႇအော ဟာမောအ်ုန်ဂွည်အဲႈ။’ 
\v 15 ဟွည်ႇဒီန် အ်ုန်ဒီယီုဝ်ဒဲႈတပါရ် အခါန်ဒါင်လ်ုပ်က်ုရ်ႎိူည်၊ ဂဲဟွည်ႇရဲန်ဒဲႈအူန် အတွအယ်တွံန်နဲ ဟာဒီန်။”
\p
\v 16 ဘံန်တဘဲႇအ်ုန်ဂဲ လာ်ႈပွံတ်ဒေ တကုင်ဒီန်၊ ဂဲယိူဝ်ဒေငိူပ်ပွံတ် ခိူည်ပ်ုန်ဂြည် ယေဆု တဒေ၊ ဂဲရဲန်ပွံတ် ရဟောမ်ပ္လေါည်ပသခါ။
\p
\v 17 ဘံန်ရောတ်အခိင် စူန်ဒီအံပ် ယေဆုစွလာ်ႈရူမ် ဇောမ်တဘဲႇဒေ အူကိူရ်အာရ်ကူ။ 
\v 18 ယာမ်ဂဲမာ့် ဟောမ်ဒေတဘွည်၊ ယေဆုဒါႈ၊ “အောဂြည်တပဲ၊ ရန်ုပဲဒီန် ဒီယိူဝ်ဘီယာႈဆေတ်စာ တအော အူကူ အီအ်ုန်ဟောမ်ရူမ် ဇောမ်အော တဘွည်အီုဝ်။”
\p
\v 19 တဘဲႇအ်ုန်ဂဲ ညာဖိူမ်ကာပျောပွံတ်ဒေ ဂဲဒါႈဒေဆ်ုရ်မွံတ်အ်ုန်၊ “ကာမိူဝ်ႈစိ မီဒါႈအောယို” ဂဲလာည်က်ုရ်ဆ်ုရ်မွံတ်ဒိုည်ႇ အူကူဟွည်ႇအူကူ။
\p
\v 20 ယေဆုႎီရ်ဒါႈ၊ “မိူဝ်ႈတန်ုပဲ ကိူရ်အာရ်ကူ၊ အီအ်ုန်ဟောမ်ရူမ်မုင် ဇောမ်အော န်ုတလုင်အီုဝ်ယာ့်။ 
\v 21 ခိူည်ပ်ုန်တဲမ်အူန် တန်ုဘေဲႇကျံမ်ဒါႈ၊ မိူဝ်ႈညှိုႈကွံန်ဘီအီုဝ် ဒီဘ်ုပ်ခါမ်ဒေယံမ်၊ ကောည်လိုည် အီအ်ုန်အာပ် ကွံန်ဘီအီုဝ် ယိူဝ်အမံင်ဂလာ။ အီကူဒီန် က်ုန်ကာကိူတ်လေႈ အတွအ်ုန်ႎရကျ။”
\s ပ္လေါည်ဟောမ်မှိူဝ် ကီုရ်ညာဖြာ
\r (မဿဲ ၂၆.၂၆–၃၀; လုကာ ၂၂.၁၄–၂၀; ၁ ကောရိန္သု ၁၁.၂၃–၂၅)
\p
\v 22 ယာမ်ဂဲဒါ့်ဟောမ်၊ ယေဆုတိူဝ်ႈပွံတ်မုင်၊ အ်ုန်ဟွည်ႇတာင်ဂုင်ကေစူ တဖြာ၊ က်ုရ်ပ္လဲႈမုင် ဒဲႈပွံတ်တတဘဲႇဒေဂဲ၊ အ်ုန်ဒါႈ၊ “အီအီုဝ် မိူဝ်ႈတိုအော၊ တိူဝ်ႈပဲဟောမ်။”
\p
\v 23 ဟွည်ႇဒီန် အ်ုန်တိူဝ်ႈဆလော့၊ တာင်ဂုင်ကေစူ တဖြာ၊ ဒဲႈပွံတ်တဂဲ၊ ဂဲတျံင်ဒိုည်ႇပွံတ် တွံန်ကူ။ 
\v 24 ယေဆုဒါႈတဂဲ၊ “အီအီုဝ်မိူဝ်ႈ နှာမ်အော ပ်ုန်ထောႇလေႈဒဲႈ အတွဘီဘာ့်ဘာ့်ဘိူဝ်ဘိူဝ်ဂဲ၊ နှာမ်အောအီုဝ် က်ုရ်ဆဴင်ဒေ တတရာပဋိညာဉ်ဖြာ။ 
\v 25 အောဂြည်ညှိုႈတပဲ၊ အောကာတျံင်ယာ့် ခိူည်အိုမ်မရာတ်အီုဝ် မောဂိူပ်ပေါဆငီ အောတျံင်အိုမ်မရာတ်က်ုန်မဲ တန်ုကပီုန်ကုင်ဖြာ။”
\p
\v 26 ဟွည်ႇဒီန် ဂဲဟိုင်ဒါႈတချံင် တာင်ဂုင်ဖြာ ဂဲလာ်ႈဒိုည်ႇပွံတ်ဒေ တဆိုရ်တာန်လူန်။
\s ယေဆုဂြည်အူန်ဇံဝ် ပေတရုဒီႎဲႈထေင်ဒေ
\r (မဿဲ ၂၆.၃၁–၃၅; လုကာ ၂၂.၃၁–၃၄; ယောဟန် ၁၃.၃၆–၃၈)
\p
\v 27 ယေဆုဒါႈ တဂဲ၊ “ပဲဒီဒူလာ်ႈဆငါည်ဒိုည်ႇဒေ ပဲတ်ပဲတ်အောအူကူ၊ တဘေဲႇကျံမ် ဂြည်အူန်၊ ‘ဘံန်ဖြာ ပျံမ်ယံမ်ပဲတ် ဘီရဲ့ဆိုဒီန်၊ ဆိုဂဲမိူဝ်ႈ ညာပြံတ်ပြံတ်စာႈစာႈ က်ုရ်ကာႈဒိုည်ႇဒေ။’ 
\v 28 \x - \xo ၁၄.၂၈ \xo*\xt မ ၂၈.၁၆\xt*\x*ကောည်လိုည် အောက်ုန်ဟွည်ႇ ႎီရ်ယိူဝ်ႇအီမ်၊ အောဒီလာ်ႈအွံရ်ပွံတ် ရအာတ်ပဲ တကပီုန်ကုင်ဂါလိလဲ။”
\p
\v 29 ပေတရုႎီရ်ဒါႈ၊ “ဂဲဘိူည်ပဲတ်ဂံတ်မီ၊ ယာမ်မောမိူဝ်ႈ အောကာပဲတ်စိမီ။”
\p
\v 30 ယေဆုဒါႈ တပေတရု၊ “အောဂြည်ညှိုႈတမီ၊ ရမှိူဝ်အီုဝ် ကြိူည်အျံရ်တဂေါႇ အာရ်လိူဝ်ႈ၊ မီဒီႎဲႈထေင်ပဲတ်အော ဒါႈဒေကာနံပ်အော အွည်လိူဝ်ႈ။”
\p
\v 31 ပေတရု ႎီရ်ဒါႈညှိုႈထဲင်၊ “အောဘိူည် ဘ်ုပ်ယံမ်ရူမ်ဂံတ်ဇောမ်မီ၊ ယာမ်မောမိူဝ်ႈ အောကာႎဲႈထေင်စိမီခိူည်ဒီန်။”
\p တဘဲႇဟံရ်အ်ုန်ဂဲမိူဝ်ႈ ဒါႈဒိုည်ႇခိူည်ပ်ုန်ဒါႈအ်ုန်ဒီန်။
\s ယေဆု ဆုတောင် တန်ုဂေသရှေမန်
\r (မဿဲ ၂၆.၃၆–၄၆; လုကာ ၂၂.၃၉–၄၆)
\p
\v 32 ဟွည်ႇဒီန် ဘံန်ဂဲရောတ်ဒိုည်ႇဒေ တအရာပ်ဇီုဝ်ဂေသရှေမန်။ ယေဆုဒါႈ တဘဲႇဒေ၊ “အခိင်အောဆုတောင် ဒဲႈပဲမာ့်ဒေအရာပ်အီုဝ်။” 
\v 33 အ်ုန်တောႇ ပေတရု၊ ယာကုပ်ဂါရ် ယောဟန်ဂဲ လာ်ႈရူမ်ဇောမ်ဒေ။ အခိင်ဒီန် ဘံန်ႎိုည်ဒနာပေါ နွံရ်ႈဖိူမ်အ်ုန်ကာပျော၊ 
\v 34 အ်ုန်ဒါႈတဂဲ၊ “တန်ုနွံရ်ႈဖိူမ်အောအီုဝ် ဇံန်လူတ်လာည် ခိူည်မိူဝ်ႈအော ဂိူပ်ဆ်ုန်ယံမ်။ ဒဲႈပဲဒါ့်ဂွည်ရဲ့ငိူပ်အော အရာပ်အီုဝ်။”
\p
\v 35 ဟွည်ႇဒီန် အ်ုန်စွလာ်ႈဒေ ဘိုန်တရီတ်၊ အ်ုန်ဆကူပ်ပွံတ်ဒေ တပါင်ကတဲ ဆုတောင်၊ က်ုန်ပဲန်ဘိူန် ဒဲႈအ်ုန်ဘိုန်ပွံတ် အခိင်နာရီႎိုည်ဒနာအီုဝ်။ 
\v 36 အ်ုန်ဆုတောင်ဒါႈ၊ “အိူဝ် ကူန်၊ အိူဝ် ကူန်အော အတွမီဘဲဒေပဲန်ဒိုည်ႇ တွံန်မျိုတွံန်နဲ။ ႎဲႈဒဲႈပဲတ် ဆလော့ႎိုည်ဒနာအီုဝ် ဒိုရ်အော။ ကောည်လိုည် မာည်ဒဲႈအ်ုန်ပဲန် ခိူည်အလိုအောစိ၊ ဒဲႈအ်ုန်ပဲန် ခိူည်အလိုမီ။”
\p
\v 37 ဟွည်ႇဒီန် ဘံန်အ်ုန်ႎီရ်ရောတ် အ်ုန်ယိူဝ်ဒေငိူပ် တဘဲႇဒေဂဲ အွည်ကူ ဒါ့်အီတ်ဆငဲႈဒေ။ အ်ုန်ဒါႈ တပေတရု၊ “ရှိမုန် မီဒါ့်အီတ်ဆငဲႈဒေအဲႈ၊ အူနာရီလိုည် မီကာဘဲဒေ အူန်ဆဒိရဲ့ငိူပ်အာ်။” 
\v 38 အခိင်ဒီန် အ်ုန်ဒါႈတဂဲ၊ “ဒဲႈပဲအူန်ဆဒိ ဒါ့်ဆုတောင်ရဲ့ငိူပ် အတွမာည်ဒဲႈပဲရောတ် တစုင်ဇာမ်ကဝ်ဆျှူဒီန်။ ဖိူမ်ႎိငျံန်ပဲ ဘိူည်ယိူဝ်ဂံတ်နွံရ်ႈရဲင်၊ တိုပဲဒီန် ရဲင်ဘြေ့ညှိုႈအာ်။”
\p
\v 39 အ်ုန်ႎီရ်လာ်ႈဆုတောင်ထဲင် ခိူည်ပ်ုန်မှာန်ဒေ ရအာတ်ပီ။ 
\v 40 ဟွည်ႇဒီန် အ်ုန်ႎီရ်လာ်ႈဇူ ရဂွည်တဘဲႇဒေဂဲ အ်ုန်ယိူဝ်ဒေငိူပ် ဘံန်ပ္လေငါည်ဂဲဇံန် ဒါ့်အီတ်ဆငဲႈဒေ။ ခိူည်မောဂဲဒီဒါႈဒေ ႎီရ်ဂြည်တအ်ုန် ဂဲကာနံပ်။
\p
\v 41 အခိင်ဒီန် အ်ုန်ႎီရ်လာ်ႈထဲင် လိူဝ်ႈအွည်၊ အ်ုန်ဒါႈတဂဲ၊ “ဆေညာ ပဲနံပ်ဒေဒါ့်အီတ် ဂွည်ရလူဒိုည်ႇဒေ မောအူဒီန်အီုဝ်အဲႈ၊ ဆာင်တောယာ့်၊ ငိူပ်မေန်၊ ဟွည်ႇရောတ်ယာ့် အခိင်အာပ်ကွံန်ဘီအီုဝ် တတီဘီယိူဝ်အာဏာ အပေတ်ဘ္လံမ်ဂဲ။ 
\v 42 ယိူဝ်ႇ၊ အယ်လာ်ႈငိူပ်၊ အီအ်ုန်အာပ်အော ရောတ်ဟာအီုဝ်ယာ့်။”
\s ဂဲတိုည်ယေဆု
\r (မဿဲ ၂၆.၄၇–၅၆; လုကာ ၂၂.၄၇–၅၃; ယောဟန် ၁၈.၃–၁၂)
\p
\v 43 ယာမ်ယေဆုဒါ့်ဂြည်ငဲ၊ အီအ်ုန်လီပ် န်ုတဘဲႇကိူရ်အာရ်ကူ ယုဒပေါရောတ်။ ပ်ုန်ပ္လေါည်လာ်ႈ ယဇ်ပုရောဟိတ်ဒါင်ဂဲ၊ တာဆရာနံပ်ဘေဲႇကျံမ်ဂါရ် ဘီအဆာႇဒါင်ဂဲ၊ ဖုင်ဘီအူက်ုရ်စုဂဲဒီန် ကံင်ဒေဒိူည် ဘိုတ်၊ ဒု လာ်ႈရူမ်ဇောမ်အ်ုန်။ 
\v 44 အီအ်ုန်ယာႈဆေတ်စာဒီန် ရမာည်တံမ်အူန် ဖုင်ဘီအူက်ုရ်စုဂဲ၊ “ဘီပ်ုန်ဆ်ုန်ဘိူန်ပဲ မိူဝ်ႈအီကူ ပ်ုန်ဒီအူရ်ႈအောယာ့်။ ဒဲႈပဲတိုည် ဒိူည်လာ်ႈအ်ုန်လလ။”
\p
\v 45 ဘံန်ယုဒရောတ်၊ အ်ုန်လာ်ႈဇူပွံတ်ယေဆု အူဒီန်တောအူဒီန်၊ အ်ုန်တောႇဒါႈ၊ “အိူဝ် တာဆရာ” ဟွည်ႇဒီန် အ်ုန်လာ်ႈအူရ်ႈပွံတ်အ်ုန်။ 
\v 46 ဘံန်ညာခိူည်ဒီန် ဘီဂဲ တိုည်ပွံတ်ဒေငံန်ရံတ် ယေဆု။ 
\v 47 ယာမ်ဒီန် ယိူဝ်ဘီအူကူတန်ုဂဲ ဒါ့်ဇံင်တပြောဟာဒံတ်ဒီန် ထုလေႈဘိုတ်ဒေ က္လႇပွံတ် မှာည်တာဒါင်ယဇ်ပုရောဟိတ် လှာဟျ်ာ့အ်ုန် တ်ုတ်ဇာ်ႈပွံတ်ဒေ။ 
\v 48 အခိန်ဒီန် ယေဆုဒါႈ တဂဲ၊ “ပဲလာ်ႈတိုည်အော ညာခိူည်ဘီလာ်ႈတိုည်ဘီစိုန်၊ ကံင်ဒေဒိူည်ဘိုတ်၊ ဒိူည်ဒု ပဲပေါရောတ်အဲႈ။ 
\v 49 \x - \xo ၁၄.၄၉ \xo*\xt လု ၁၉.၄၇; ၂၁.၃၇\xt*\x*ယာမ်အောဂွည်ရူမ်ဇောမ်ပဲ ပ်ုရ်နောဆာင်ဆောန်ပဲတွံန်ဆငီ တန်ုကျောင်ဗိမာန်၊ ပဲကာတိုည်လိုည်အော။ ကောည်လိုည် အ်ုန်ပဲန်ခိူည်အီုဝ် မိူဝ်ႈအကျံင်တန်ုဘေဲႇကျံမ် ရောတ်တပြေ့စုင်ယာ့်။”
\p
\v 50 အခိင်ဒီန် တဘဲႇအ်ုန်ဂဲ ပဲတ်ပဲတ်အ်ုန်၊ ဒူလာ်ႈဆငါည်ဒိုည်ႇပွံတ်ဒေ။
\p
\v 51 ကွံန်ရလျံင်အူကူ၊ ဖလူမ်ဂိူဝ် ပိဘံန်ချောအူဖီုန် တပါင်တိုဒေ ဘံန်အ်ုန်ဇောမ်လာ်ႈပွံတ် ရဘံန်ယေဆု၊ ဘီဂဲဒီန် ရီန်ပွံတ်ဒေတိုည်အ်ုန်။ 
\v 52 ကောည်လိုည် အ်ုန်ပဲတ်အူန်ပဲတ် ပိဘံန်ချောဒေ လ်ုပ်ရဘံန် ပည်ကာဒါဂြူ ဒူပွံတ်ဒေ။
\s ယေဆုရောတ် တရအာတ်လူမ်ကောင်ဆီ
\r (မဿဲ ၂၆.၅၇–၆၈; လုကာ ၂၂.၅၄–၅၅,၆၃–၇၁; ယောဟန် ၁၈.၁၃–၁၄,၁၉–၂၄)
\p
\v 53 ဟွည်ႇဒီန် ဘံန်ဘီဂဲဒိူည်လာ်ႈပွံတ်ယေဆု တဂါင် တာဒါင်ယဇ်ပုရောဟိတ်၊ ယာမ်ဒီန် ယဇ်ပုရောဟိတ်ဒါင်ဂဲ၊ ဘီအဆာႇဒါင်ဝါဒါင်ဂါရ် တာဆရာနံပ်ဘေဲႇကျံမ်ဂဲဒီန် လာ်ႈက်ုရ်စုဒိုည်ႇဒေ တပါင်က်ုရ်မိုန်။ 
\v 54 ပေတရု ဇောမ်လာ်ႈရဘံန်အ်ုန် ဟာကာဒံတ်ကာဆငါည်ဂဲ မောတရန်ုကာင်လာင်က္လာႇဂါင် တာဒါင်ယဇ်ပုရောဟိတ်။ အ်ုန်လာ်ႈ မာ့်ႎငံရ် ဇောမ်ဘီရဲ့ယာမ်ဂဲ။ 
\v 55 ယဇ်ပုရောဟိတ်ဒါင်ဂဲဂါရ် တာဒါင်လူမ်ကောင်ဆီဂဲဒီန် အတွဒဲႈဒေဘိူန် ချတာမ်အမိင်ယံမ် တယေဆု၊ ဂဲဘိူည်လဲမ်ဂံတ် ဆာ့်ဆေ ငဲက်ုရ်ခံတ်လေႈ ဒိုရ်တအ်ုန် ကာယိူဝ်ပဲတ်ဆံင်မှာ်ႈ။ 
\v 56 ဖုင်ဘီကီုန်ဂဲ ဘိူည်ချောႇဂြည်ဂံတ် ဆာ့်ဆေကာမှာန် တပါင်ယေဆု၊ ကောည်လိုည် ဂဲကာယိူဝ်ပဲတ် ဆာ့်ဆေက်ုရ်တောက်ုရ်ဖြေင်။
\p
\v 57 ဟွည်ႇဒီန် ဘီဂဲပ်ုရ်ဒီ ယိူဝ်ႇဂြည်ဆာ့်ဆေကာမှာန် တပါင်ယေဆု၊ 
\v 58 \x - \xo ၁၄.၅၈ \xo*\xt ယော ၂.၁၉\xt*\x*“ယဲဟွည်ႇယိူဝ်ယဲဆတီုင် ပ်ုန်ဒါႈအ်ုန်၊ ‘အောဒီယာ်ႈလူပဲတ် ဘီဒါတီဒေရ်ုရ် ကျောင်ဗိမာန်အီုဝ်၊ က်ုန်ဟွည်ႇဘိူန်အွည်ဆငီ ကာဒါစိတီဘီရ်ုရ် အောဒီႎီရ်တဲထဲင် ကျောင်ဗိမာန်ဟံရ်။’ ” 
\v 59 ဘိူည်ဒါႈခိူည်ဒီန် ဆာ့်ဆေပ်ုန်ခါမ်ဂဲ ကာယိူဝ်ပဲတ် အ်ုန်က်ုရ်ဖြေင်ဒေ တပ်ုန်ဂြည်ဂဲဒီန်။
\p
\v 60 တာဒါင်ယဇ်ပုရောဟိတ် ယိူဝ်ႇဇံင်ပွံတ်ဒေ တရအာတ်ဂဲ အ်ုန်ဆ်ုရ်မွံတ်ပွံတ် ယေဆု၊ “ဘီဂဲညာဒေဒါႈငဲတမီခိူည်အီုဝ် မီကာယိူဝ်ငဲ ပ်ုန်ႎီရ်ဒါႈဒေတဂဲအဲႈ။”
\p
\v 61 ကောည်လိုည် ယေဆု ငဲအူမိုတ်လိုည် ကာႎီရ်ဒါႈတဂဲ ဂွည်ညီမ်ညီမ်ဂိူဝ်ဒေ။ တာဒါင်ယဇ်ပုရောဟိတ် ႎီရ်ဆ်ုရ်မွံတ်အ်ုန်၊ “မီမိူဝ်ႈကောမေရှိယ၊ ကွံန်ဖြာ ယိူဝ်မံင်ဂလာ။”
\p
\v 62 ယေဆု ႎီရ်ဒါႈ၊ “မိူဝ်ႈအေ့။ ပဲဒီယိူဝ်ဒိုည်ႇဒေငိူပ် ကွံန်ဘီအီုဝ် မာ့်ဒေ လ်ုပ်ခေါန်ညှိုႈ အဖုင်တီုင်ဂိုဖြာ ဘပွံတ်ဆိုရ်အူတ် ပ္လေင် စွလေႈ။”
\p
\v 63 တာဒါင်ယဇ်ပုရောဟိတ်ဒီန် က်ုရ်ဘျဲႈပွံတ်ဂြူဒါဒေ အ်ုန်ဒါႈ၊ “ဆေအယ်လိုထဲင် ဆာ့်ဆေအဲႈ။” 
\v 64 “ပဲဟွည်ႇ ယိူဝ်ဒိုည်ႇဒေ ဆတီုင် ငဲအေႈပ်ုန်ဘဝ်အ်ုန် တဖြာ ကာမိူဝ်ႈ။ ခိူည်မောပဲထာင်အဲႈ။”
\p ဖုင်ဘီဂဲဒီန် ဒါႈဒေဂ်ုမ်ဒိုည်ႇတအ်ုန်၊ အ်ုန်ထိူဝ်ႇဒေခါမ် တာမ်ယံမ်။
\p
\v 65 ဘီပ်ုရ်ဒီဂဲ ဟွည်ႇဘဲ့အိုမ်ဘဲ့ တယေဆု၊ ဂဲအူပ်ငါည် ဒါတီဒေတ်ုမ်ပွံတ်အ်ုန်၊ ဂဲဒါႈတအ်ုန် “အဆေတ်ုမ်မီ ဟောဂြည် ရ်ုရ်မေန်ပရောဖက်။” ဘီဆီုဝ့်ရဲ့ယာမ်ဂဲဒီန်မိူဝ်ႈ တောႇလာ်ႈအ်ုန် ဟွည်ႇဒီန် ပါ်ႈပွံတ်ကီုရ်လာအ်ုန်။
\s ပေတရု ႎဲႈထေင်ယေဆု
\r (မဿဲ ၂၆.၆၉–၇၅; လုကာ ၂၂.၅၆–၆၂; ယောဟန် ၁၈.၁၅–၁၈,၂၅–၂၇)
\p
\v 66 ယာမ်ပေတရု ဂွည်ဒေရခြူမ် န်ုလံင်မိုကာင်လာင်က္လာႇ တရခြူမ်ဂါင် တန်ုမှာည်အီပ်ုန် တာဒါင်ယဇ်ပုရောဟိတ်ဂဲဒီန် အူကူရောတ်ပေါ။ 
\v 67 ဘံန်အ်ုန်ယိူဝ်ဒေငိူပ် ပေတရု ဒါ့်ႎငံရ်ဒေ၊ အ်ုန်ပ်ုန်ရိူဝ်ဒေငိူပ် ဒါႈတအ်ုန်၊ “မီမိူဝ်ႈ အီအ်ုန်ဂွည်ရူမ်ဇောမ် ကွံန်ကုင်နာဇရက် ယေဆုပီ။”
\p
\v 68 ကောည်လိုည် ပေတရုဒါႈတအ်ုန်၊ “ပ်ုန်ဒါႈမီဒီန် အောကာနံပ်၊ ကာလှူႈစိ တဖိူမ်အော” အ်ုန်ဟွည်ႇႎဲႈထေင်ငဲဂဲ အ်ုန်လေႈပွံတ်ဒေ လ်ုပ်ရလီပ် ရအာတ်ဂါင်၊ အခိင်ဒီန် အျံရ်တဂေါႇလေႈ\f + \fr ၁၄.၆၈ \fr*\ft တပံပ်ဘေဲႇပ်ုရ်ဒီ ကာယိူဝ်စိ \ft*\fqa ဟွည်ႇဒီန် အျံရ်တဂေါႇလေႈ။\fqa*\f* ပွံတ်ဒေ။
\p
\v 69 ဘံန်မှာည်အီပ်ုန်ဒီန် ယိူဝ်ထဲင်ဒေငိူပ်ပေတရု လိူဝ်ႈရဘံန်၊ အ်ုန်ဒါႈ တဘီအ်ုန်ဇံင်ဒံတ် တပြောဒေဂဲ၊ “အီကူအီုဝ် မိူဝ်ႈဘီလီပ်န်ုဂဲဒီန်။” 
\v 70 ကောည်လိုည် ပေတရု ႎီရ်ႎဲႈထေင်ထဲင်။
\p ဒံင်အူကာပြေ့ ဘီအ်ုန်ဇံင် တပြောဂဲဒီန် ႎီရ်ဒါႈ တပေတရု၊ “မီမိူဝ်ႈညှိုႈ ဘီလီပ်န်ုဖုင်ဂဲအူကူ ကောပ်မီမိူဝ်ႈ ကွံန်ကုင်ဂါလိလဲ၊ မီကာဘဲဒေ ႎီရ်ထေင်ငဲယဲ။”
\p
\v 71 ဟွည်ႇဒီန် ပေတရုဒါႈ၊ “အောယာႇကီန်တိူင်၊ အောဒါႈညှိုႈမိူဝ်ႈ၊ က်ုန်မိူဝ်ႈညှိုႈအောနံပ် ဒဲႈဖြာ ဒဲႈတာမ်တအော။ အောကာနံပ်စိ ဘီပ်ုန်ဂြည်မီဒီန်။”
\p
\v 72 ဒံင်အူကပြေ့ဒီန် အျံရ်ႎီရ်တဂေါႇထဲင် လိူဝ်ႈဇူႈအာရ်။ အခိင်ဒီန် ပေတရု နွံရ်ႈလှူႈငဲပ်ုန်ဂြည် ယေဆုတဒေ၊ “ကြိူည်အျံရ်တဂေါႇအာရ်လိူဝ်ႈ မီဒီႎဲႈထေင် ဒါႈဒေကာနံပ်အော အွည်လိူဝ်ႈ။” ဟွည်ႇဒီန် အ်ုန်ယာမ်လေႈပွံတ် နီုဝ့်နီုဝ့်ခေါႇခေါႇ။
\c 15
\s ယေဆုရောတ် တရအာတ်ပိလတ်
\r (မဿဲ ၂၇.၁,၂,၁၁–၁၄; လုကာ ၂၃.၁–၅; ယောဟန် ၁၈.၂၈–၃၈)
\p
\v 1 အခိင်ရႎါရ်ႈဇံဝ် ယဇ်ပုရောဟိတ်ဒါင်ဂဲ၊ ဘီအဆာႇဒါင်ဂဲ၊ တာဆရာနံပ်ဘေဲႇကျံမ်ဂဲဂါရ် တာဒါင်လူမ်ကောင်ဆီဂဲဒီန် ဘံန်ဂဲဟွည်ႇ က်ုရ်မိုန်ဖာည်ဖာည် ဂဲတုယေဆု ဒိူည်လာ်ႈအာပ်ပဲတ်အ်ုန် တတာမျိုဇာပိလတ်။ 
\v 2 အခိင်ဒီန် တာမျိုဇာပိလတ် ဆ်ုရ်မွံတ်အ်ုန်၊ “မီမိူဝ်ႈကော ခူန်ဟောခံမ်ယုဒဂဲအဲႈ၊”
\p ယေဆု ႎီရ်ဒါႈ၊ “မိူဝ်ႈအေ့၊ ခိူည်ဒါႈမီဒီန်။”
\p
\v 3 ယဇ်ပုရောဟိတ်ဒါင်ဂဲ တာင်အပေတ် တွံန်မျိုတွံန်နဲ တယေဆု။ 
\v 4 ကောပ်ခိူည်ဒီန် တာမျိုဇာပိလတ် ႎီရ်ဆ်ုရ်မွံတ်ထဲင် အ်ုန်၊ “ဆေညာ ငဲအူမိုတ်လိုည် မီကာႎီရ်ဒါႈအဲႈ။ ဆတီုင်မေန် ဘ်ုရ်မောဂဲဒါႈဒေ တာင်အပေတ် တပါင်မီ။”
\p
\v 5 ဘံန်ယေဆု ကာႎီရ်ဒါႈငဲတဂဲ ဆံင်မှာ်ႈ၊ ပိလတ် ညာအာမ်ပွံတ်ဒေ။
\s ဒဲႈတာမ်ယံမ် တယေဆု
\r (မဿဲ ၂၇.၁၅–၂၆; လုကာ ၂၃.၁၃–၂၅; ယောဟန် ၁၈.၃၉—၁၉.၁၆)
\p
\v 6 တွံန်ရောတ် အခိင်ပ္လေါည်ပသခါ အတွပ်ုန်မှာန်ဘီဂဲ တာမျိုဇာပိလတ် ကျာင်ဒေပ္လေါည်ဒဲႈ ဘီဇာ်ႈထံင် အူကူအူကူ။ 
\v 7 ယာမ်ပဲန်ႎှီုန် ဘံန်ဘီႎှီုန်ဂဲ ပျံမ်အဆာႇဘီ ဂဲဘ်ုပ်ဒေဇာ်ႈထံင် ဘ္လံမ်၊ တန်ုဂဲဒီန် ပါပည်အီကူဇီုဝ်ဗာရဗ္ဗ။ 
\v 8 ဖုင်ဘီကီုန်ဂဲ လာ်ႈပေါဒေမှာန် တတာမျိုဇာပိလတ် အတွရ်ုရ်ဒဲႈတဂဲ ခိူည်ပ်ုန်ကျာင်ဒေရ်ုရ်အ်ုန်။ 
\v 9 ပိလတ်ဆ်ုရ်မွံတ်ဂဲ၊ “ပဲဆ်ုန်ဒဲႈကော အောပ္လေါည် ခူန်ဟောခံမ်ယုဒအီုဝ် အတွပဲ။” 
\v 10 ကောပ်ဆေ အ်ုန်တဆ်ုရ်မွံတ်ဂဲ ညာခိူည်ဒီန်၊ အ်ုန်မေန်နံပ် ယဇ်ပုရောဟိတ်ဒါင်ဂဲ ယိူဝ်ဖိူမ်ကနာလို ဆ်ုန်အာပ်ယေဆု တဒေ။
\p
\v 11 ကောည်လိုည် ယဇ်ပုရောဟိတ်ဒါင်ဂဲ ဆောနွံရ်ႈဖိူမ် ဖုင်ဘီက်ုရ်စုဂဲမှာန် တတာမျိုဇာပိလတ် ပ္လေါည်ဒဲႈဂိူဝ်ဗာရဗ္ဗ အတွဂဲ။ 
\v 12 အခိင်ဒီန် တာမျိုဇာပိလတ် ႎီရ်ဒါႈ တဖုင်ဘီကီုန်ဂဲ၊ “က်ုန်ဒါႈခိူည်ဒီန် ပ်ုန်တောႇပဲ ခူန်ဟောခံမ်ယုဒအီုဝ် ခိူည်မောပဲ ဆ်ုန်ဒဲႈအောရ်ုရ် တအ်ုန်အဲႈ။”
\p
\v 13 ဂဲႎီရ်ပြိုႈဒေဒါႈ၊ “တာင်စံပ်အ်ုန် တတီုင်ဒါ်ႈစံပ်တာႇတီ။”
\p
\v 14 ပိလတ်ဆ်ုရ်မွံတ်ဂဲ၊ “အပေတ်ဆေ အ်ုန်က်ုရ်လူတ်အဲႈ။”
\p ဂဲဒီန် ႎရပြိုႈဒေဒါႈ၊ “တာင်စံပ်အ်ုန် တတီုင်ဒါ်ႈစံပ်တာႇတီ။”
\p
\v 15 ပိလတ် ဆ်ုန်ဒဲႈဖိူမ်ဖုင်ဘီက်ုရ်စုဂဲဟျာႈ၊ အ်ုန်ပ္လေါည်ဒဲႈပွံတ် ဗာရဗ္ဗ အတွဂဲ။ ဟွည်ႇဒီန် အ်ုန်ဆူတ်ဂဲ ဒါရဖျြံတ်လ်ုရ်ႈပွံတ်ယေဆု အာပ်ဒဲႈပဲတ်တဂဲ အတွပျံမ်ယံမ်အ်ုန် တတီုင်ဒါ်ႈစံပ်တာႇတီ။
\s ဘီဆီုဝ့်ဂဲ ပ်ုန်ဘဝ်ယူမ်ဆငဲႈ တယေဆု
\r (မဿဲ ၂၇.၂၇–၃၁; ယောဟန် ၁၉.၂–၃)
\p
\v 16 အခိင်ဒီန် ဘီဆီုဝ့်ဂဲ တောႇဒေဒိူည်လာ်ႈယေဆု န်ုကာင်လာင်က္လာႇ တရခြူမ်ဟော တလူမ်တရာ၊ ဂဲဒဲႈပွံတ် ဘီဆီုဝ့်ဂဲက်ုရ်စုဒေ။ 
\v 17 ဟွည်ႇဒီန် ဂဲဒဲႈပွံတ်ယေဆု ချူပ်ဂြူ ညောတ်မိုင်ကံမ်၊ ဘံန်ဂဲဟွည်ႇ တဲင်ကာႇတီုင်ႎံရ်ပ်ုရ်အောႇ ဒဲႈအ်ုန်ပဲန် မှာ့်ပါန်ဂုင် ချူပ်ဒဲႈပွံတ် တပါင်ကိင်အ်ုန်၊ 
\v 18 ဟွည်ႇဒီန် ဂဲကူပ်ကိင်ဒေရိုဆေ ဒါႈတအ်ုန်၊ “ဒဲႈအဆာႇ ခူန်ဟောခံမ်ယုဒ လှိူင်။” 
\v 19 ဆဲႈဒီန် ဂဲလ်ုရ်ႈပွံတ်ကိင်အ်ုန် တဒု တီုင်ခွည်ခဲ၊ ဂဲဘဲ့အိုမ်ဘဲ့၊ ဂဲမာ့်ပ်ုရ်ဒ်ုပ်ဒေ ညာရာင်ဂြူပ်ပွံတ်အ်ုန်။ 
\v 20 အခိင်ဂဲဟွည်ႇ ပ်ုန်ဘဝ်ယူမ်ဆငဲႈအ်ုန်၊ ဂဲလူည့်ပဲတ် ဂြူညောတ်မိုင်ကံမ်အ်ုန်ဒီန် ဂဲႎီရ်ဒဲႈအ်ုန် ချူပ်ဒေဒါ ဆဒေါဒေ။ ဟွည်ႇဒီန် ဂဲထုဒေဒိူည်လာ်ႈပွံတ်အ်ုန် အတွတာင် တတီုင်ဒါ်ႈစံပ်တာႇတီ။
\s ယေဆုခါမ်ဒေယံမ် တတီုင်ဒါ်ႈစံပ်တာႇတီ
\r (မဿဲ ၂၇.၃၂–၄၄; လုကာ ၂၃.၂၆–၄၃; ယောဟန် ၁၉.၁၇–၂၇)
\p
\v 21 \x - \xo ၁၅.၂၁ \xo*\xt ရော ၁၆.၁၃\xt*\x* ယာမ်ဒီန် ဘံန်ဂဲလာ်ႈယိူဝ် အီကူဇီုဝ်ရှိမုန် ယိူဝ်ႇဒိုရ်တရူ ႎက်ုရ်ခါမ်ဂဲတဒေင်၊ ဘီဆီုဝ့်ဂဲ ဘဲဒေဟောမ် ဆူတ်အ်ုန်ကွံတ်ပွံတ် တီုင်ဒါ်ႈစံပ်တာႇတီ ယေဆု။ (ရှိမုန်ဒီန် မိူဝ်ႈကွံန်ကုင်ကုရေနေ၊ မိူဝ်ႈကူန် အာလေဇန္ဒြုဂါရ် ရုဖု။) 
\v 22 ဂဲတောႇဒေဒိူည်လာ်ႈယေဆု တအရာပ်ဂေါလဂေါသ၊ တီုင်အိုမ်ငဲအ်ုန်ဒီန်မိူဝ်ႈ၊ “အရာပ်က်ုန်အာင်ကိင်။” 
\v 23 အရာပ်ဒီန် ဂဲဒဲႈအ်ုန်တျံင် အိုမ်မရာတ်က်ုရ်ဆူရ် ဇောမ်ဆန်ုမ် ဇီုဝ်မုရန်၊ ကောည်လိုည် ယေဆုကာတျံင်စိ။ 
\v 24 ဟွည်ႇဒီန် ဂဲတာင်ပွံတ်အ်ုန် တပါင်တီုင်ဒါ်ႈစံပ်တာႇတီ၊ က်ုန်မိူဝ်ႈဂြူရ်ုန်ဒါအ်ုန် ဂဲက်ုရ်ချမဲတဒေ အဆေဒီဘိူန်။ 
\v 25 ယာမ်ဂဲတာင်အ်ုန် တတီုင်ဒါ်ႈစံပ်တာႇတီဒီန် မိူဝ်ႈအခိင်ရႎါရ်ႈ တီမ်နာရီ။ 
\v 26 ဘေဲႇပ်ုန်ဘဝ်ဒဲႈဆဒိ တပါင်တီုင်အ်ုန်ဒီန် ဒါႈ၊ “ခူန်ဟောခံမ်ယုဒဂဲ။” 
\v 27 ဂဲတာင်ရူမ်ပွံတ် ဘီစိုန်အာရ်ကူဒီန် ဇောမ်ယေဆု၊ တတီုင်ဒါ်ႈစံပ်တာႇတီ တီုင်လ်ုပ်ခေါန်ညှိုႈအူကူ၊ တီုင်လ်ုပ်ခေါန်ကာတ်အူကူ။ 
\v 28 \f + \fr ၁၅.၂၈ \fr*\ft တပံပ်ဘေဲႇ ပ်ုရ်ဒီ လှ်ုပ်အူန်တအခါန်ဒျံတ် ၂၈၊ \ft*\fqa ကောပ်ခိူည်ဒီန် ပ်ုန်ဒါႈတန်ုဘေဲႇကျံမ် ရောတ်တပြေ့စုင်၊ “စရာင်အ်ုန်လီပ်ပွံတ် ဇောမ်ဘီကာအိုတ်ဂဲ၊” \fqa*\ft (ငိူပ်မေန် \ft*\xt လု ၂၂.၃၇\xt*)။\f*
\p
\v 29 ဘီအ်ုန်လာ်ႈက်ုရ်ခါမ် အရာပ်ဒီန် ႎံတ်ႎံတ်ပွံတ်ကိင်ဒေ ငဲပ်ုန်ဘဝ်ဒါႈ တယေဆု၊ “ဟိူည်၊ မီဒါႈဒေယာ်ႈပ်ုန်လူ ကျောင်ဗိမာန် တန်ုအွည်ဆငီ အီအ်ုန်ဒါႈဒေႎီရ်ရ်ုရ်ဒီန်။” 
\v 30 “လေႈပွံတ်မီ ဒိုရ်တီုင်ဒါ်ႈစံပ်တာႇတီ အူဒီန်အီုဝ် ပ်ုန်လောတ် ကောည်ဘိူဝ်တိုမီ။”
\p
\v 31 စံမ်ညာခိူည်ဒီန် ယဇ်ပုရောဟိတ်ဒါင်ဂဲဂါရ် တာဆရာနံပ်ဘေဲႇကျံမ်ဂဲ ပ်ုန်ဘဝ်ယူမ်ဆငဲႈဒိုည်ႇ ယေဆု၊ ဂဲက်ုရ်ဒါႈတဒေ အူကူတောအူကူ၊ “အ်ုန်ဘိူည်ပ်ုန်လောတ်ဒဲႈဂံတ် ဘီဟံရ်၊ အ်ုန်ကာဘဲလိုည်ဒေ ပ်ုန်လောတ်တိုဒေ။ 
\v 32 အယ်က်ုန်ယိူဝ်အယ်ငိူပ် မေရှိယ၊ ခူန်ဟောခံမ်ဣသရေလ လေႈပွံတ်ဒေ ဒိုရ်တီုင်ဒါ်ႈစံပ်တာႇတီ အူဒီန်အီုဝ်၊ အယ်ဒီညှိုမ်အ်ုန်။”
\p ယာမ်ဒီန် ဘီအာရ်ကူ ဘ်ုပ်တာင်ရူမ်ဇောမ်ယေဆု တတီုင်ဒါ်ႈစံပ်တာႇတီဒီန်မိူဝ်ႈ ပ်ုန်ဘဝ်ယူမ်ဆငဲႈဒိုည်ႇအ်ုန်။
\s အဆာႇယေဆုဒိုည်ႇ
\r (မဿဲ ၂၇.၄၅–၅၆; လုကာ ၂၃.၄၄–၄၉; ယောဟန် ၁၉.၂၈–၃၀)
\p
\v 33 ရောတ်အခိင်က်ုန်ဒီဆငီ အံပ်လံပ်ဆီင်ပေါဒေ ဖလူမ်ဒိုည်ႇတကပီုန်ကုင်ဒီန် မောဟိူဝ့်ဆံန် အွည်နာရီ။ 
\v 34 တအခိင်အွည်နာရီ ယေဆုပြိုႈဒေဒါႈ၊ \tl “ဧလိ၊ ဧလိ၊ လာမရှာဗခသာနိ” \tl*အိူမ်ငဲအ်ုန်ဒီန် မိူဝ်ႈ၊ “အိူဝ် ဖြာအော၊ အိူဝ် ဖြာအော၊ ကောပ်ဆေ မီပဲတ်ပဲတ်အော ညာခိူည်အီုဝ်။”
\p
\v 35 ဘံန်ဘီဂဲပ်ုရ်ဒီ ဒါ့်ဇံင်တပြောဒီန် ယိူဝ်ဒေဆတီုင်ငဲအ်ုန် ဂဲဒါႈ၊ “ဆတီုင်ဘိူဝ်၊ အ်ုန်ဒါ့်တောႇ ဧလိယ။” 
\v 36 အခိင်ဒီန် ဘီအူကူ ခူန်လာ်ႈတိူဝ်ႈဒေဒိူည် အိုမ်ဘူရ်ႈပ္လိူည်၊ ဟွည်ႇစူတ် တအိုမ်မရာတ်ဘြာင် ဒဲႈအ်ုန်နာ့်၊ ႎှတကီုရ်တောႇတီုင်ခွည်ခဲ ယီုဝ်ပွံတ်တမူရ်ယေဆု ဒဲႈအ်ုန်တျံင်၊ ဟွည်ႇဒီန် အ်ုန်ဒါႈ၊ “ရဲ့ဘိူဝ်အယ်ငိူပ်၊ ဧလိယ ဒီရောတ်ကောဒေ ချလေႈအ်ုန်ရခြူမ် ဒိုရ်တီုင်ဒါ်ႈစံပ်တာႇတီအီုဝ်။”
\p
\v 37 ယေဆု ဟွည်ႇပြိုႈရျံင်ယာမ် အဆာႇအ်ုန် ဒိုည်ႇပွံတ်ဒေ။
\p
\v 38 အခိင်ဒီန် ဖကံင် န်ုကျောင်ဗိမာန် က်ုရ်ဆဲႈပဲန်ပွံတ်ဒေ အာရ်က်ုန်ဒါႈ ယိူဝ်ႇဒိုရ်တကီုရ်ႎိူည် မောဂိူပ်ရောတ်ရခြူမ်။ 
\v 39 တာဒါင်ဟိုဆီုဝ့်အူကူ ဒါ့်ဇံင်ဒေတရအာတ် တီုင်ဒါ့်စံပ်တာႇတီဒီန် ဘံန်အ်ုန်ယိူဝ်ဒေငိူပ် ခိူည်မောယေဆု ညာဒေယံမ်။\f + \fr ၁၅.၃၉ \fr*\fq ညာဒေယံမ်၊ \fq*\ft ယိူဝ် တပံပ်ဘေဲႇပ်ုရ်ဒီ \ft*\fqa ဟွည်ႇယာမ် အ်ုန်ယံမ်ပွံတ်ဒေ။\fqa*\f* အ်ုန်ဒါႈ၊ “ဘီကူအီုဝ် မိူဝ်ႈညှိုႈ ကွံန်ဖြာယာ့်။”
\p
\v 40 \x - \xo ၁၅.၄၀,၄၁ \xo*\xt လု ၈.၂,၃\xt*\x*အီပ်ုန်ဂဲပ်ုရ်ဒီ ဒါ့်ဇံင်ရဲ့ဒေငိူပ် တအရာပ်ဟာရဆငါည်။ တန်ုဂဲဒီန်မိူဝ်ႈ မာရိ ကွံန်ကုင်မာဂဒလ၊ မာရိ မာယာကုပ်ဒျံတ်ဂါရ် ယောသေ၊ ပါပည် ရှာလုံ။ 
\v 41 ယာမ်ယေဆု ဂွည်တန်ုကပီုန်ကုင်ဂါလိလဲ ဂဲဒီန် မိူဝ်ႈဒိုည်ႇဘီဇောမ်ရဘံန် ကျာင်ဒေဟျံင်လူမ်လာအ်ုန်။ ဆဲႈဂဲဒီန် ယိူဝ်ထဲင်ဘိူဝ် အီပ်ုန်ဟံရ်ဂဲ ဘာ့်ဘာ့်ဘိူဝ်ဘိူဝ် လာ်ႈရူမ်ဇောမ်အ်ုန် တကုင်ယေရုရှလင်။
\s ဆာင်ဂျိုယေဆု
\r (မဿဲ ၂၇.၅၇–၆၁; လုကာ ၂၃.၅၀–၅၆; ယောဟန် ၁၉.၃၈–၄၂)
\p
\v 42 ဆငီဒီန် မိူဝ်ႈဆငီရဲန် (ကြိူည်ဆငီဆဒါင်)။ ဘံန်ရောတ် အခိင်စူန်ဆငီဒံတ်လီပ်၊ 
\v 43 ကွံန်ကုင်အရိမဿဲ ယောသပ် ရောတ်ပေါ။ အ်ုန်မိူဝ်ႈ ဘီလီပ်န်ုဖုင်ကောင်ဆီဂဲ၊ ယိူဝ်ဂုင်ဒါင် ထိူဝ်ႇဘီရိုဆေဒေ အ်ုန်မိူဝ်ႈဘီရဲ့မောင် ကပီုန်ကုင်ဖြာ။ အ်ုန်ပ်ုန်ႎါဝ်ပွံတ်ဒေ လီပ်တရအာတ် တာမျိုဇာပိလတ် မှာန်ပွံတ်တိုယံမ်ယေဆု။ 
\v 44 ဘံန်တာမျိုဇာပိလတ် ယိူဝ်ဒေဆတီုင် ယေဆုဟွည်ႇယံမ် အ်ုန်ညာအာမ်ပွံတ်ဒေ၊ အ်ုန်တောႇပွံတ်ဒေဆ်ုရ်မွံတ် တာဒါင်ဟိုဆီုဝ့် ယေဆုဟွည်ႇယံမ်ဇီုဝ့်၊ ညှံမ်ဇီုဝ့်။ 
\v 45 ဘံန်တာမျိုဇာပိလတ် ဟွည်ႇယိူဝ်ဒေဆတီုင် ငဲပ်ုန်တာင်ပျ တာဒါင်ဟိုဆီုဝ့်ဒီန်၊ အ်ုန်ဒဲႈပွံတ်တိုဘီယံမ် တယောသပ်။ 
\v 46 အခိင်ဒီန် ယောသပ် ပျာ်ႈလေႈပွံတ်တိုဘီယံမ်ဒီန်၊ ဒိုရ်တီုင်ဒါ်ႈစံပ်တာတီ၊ ဘံန်ဟွည်ႇဇိူရ်ႈဒေဒိူည် ပိဘံန်ချော၊ အ်ုန်က်ုရ်ပ်ုရ်ပွံတ်အ်ုန် လာ်ႈအူန်ပဲတ် တဘီုင်ဆာင်ခဲင်မို ပ်ုန်စာ်ႈအူန်ဒေ။ ဟွည်ႇဒီန် အ်ုန်ဂ္လိင်ပိအူန်ပဲတ်မို တမူရ်ဘီုင်ဆာင်ခဲင်ဒီန်။ 
\v 47 မာရိ ကွံန်ကုင်မာဂဒလဂါရ် မာရိ မာယောသေဂဲဒါ့်ငိူပ်၊ ယိူဝ်ပွံတ်ဒေငိူပ် အရာပ်ရအူန်တိုယေဆုဒီန်။
\c 16
\s ႎီရ်ယိူဝ်ႇအီမ်ဒိုရ်ယံမ်
\r (မဿဲ ၂၈.၁–၈; လုကာ ၂၄.၁–၁၂; ယောဟန် ၂၀.၁–၁၀)
\p
\v 1 ဟွည်ႇဘိုန်ဆငီဆဒါင် မာရိ ကွံန်ကုင်မာဂဒလ၊ မာရိ မာယာကုပ်ဂါရ် ရှာလုံဂဲ ဒါႈဒေလာ်ႈဖွံန်ဒဲႈနံမ်ဆာ တတိုယံမ်ယေဆု ဂဲဇိူရ်ႈဒေဒိူည် နံမ်ဆာအူရ်ႈငှူရ်။ 
\v 2 န်ုပူရ်ဆငီ တဆငီဇူႈအူ ရႎါရ်ႈဇံဝ်ဇံဝ်၊ အခိင်ဆငီလေႈ ဂဲလာ်ႈပေါဒိုည်ႇဒေ တဘီုင်ဆာင်ခဲင်။ 
\v 3 ယာမ်လာ်ႈတရဒေင် ဂဲလာည်က်ုရ်မိုန်တဒေ အူကူတောအူကူ၊ “အဆေဒီဂ္လိင်ပိူဝ်ႈဒဲႈ မိုပိတမူရ် ဘီုင်ဆာင်ခဲင်ဒီန် အတွအယ်အဲႈ။” (ကလူမ်မိုဒီန် ဒါင်ညှိုႈညှိုႈ။)
\p
\v 4 အခိင်ဒီန် ဂဲယိူဝ်ဒေငိူပ် မိုဒီန်ဟွည်ႇဂ္လိင်ပိူဝ်ႈပဲတ်ဒေ။ 
\v 5 ဘံန်ညာခိူည်ဒီန် ဂဲလီပ်ပွံတ် တန်ုဘီုင်ဆာင်ခဲင်၊ ဘံန်ဂဲယိူဝ်ဒေငိူပ် ကွံန်ရလျံင်အူကူ ဒါဆဒေါလှိူင်ဘ္လောႇဘ္လူႈ ဒါ့်မာ့်ဒေလ်ုပ်ခေါန်ညှိုႈ ဂဲညာယောယ်ုရ်ယ်ုရ်ဒိုည်ႇပွံတ်ဒေ။
\p
\v 6 အ်ုန်ဒါႈ၊ “ပဲမာည်ယိူဝ်ဖိူမ် ယောယ်ုရ်ယ်ုရ်။ အောနံပ်အေ့ ပဲလာ်ႈပေါဒေလဲမ် ကွံန်ကုင်နာဇရက်ယေဆု ဘ်ုပ်ခါမ်တာင် တပါင်တီုင်ဒါ်ႈစံပ်တာႇတီဒီန်။ အ်ုန်ဟွည်ႇႎီရ်ယိူဝ်ႇအီမ်ဒိုရ်ယံမ်၊ ကာယိူဝ်ယာ့်အ်ုန် က်ုရ်တောအီုဝ်။ ငိူပ်မေန်၊ ဟာရအူန်တိုယံမ်အ်ုန်နာန်။ 
\v 7 \x - \xo ၁၆.၇ \xo*\xt မ ၂၆.၃၂; မာ ၁၄.၂၈\xt*\x* အူဒီန်ဒဲႈပဲလာ်ႈ ဂြည်ပွံတ်ဆဒါင်အီုဝ် တတဘဲႇအ်ုန်ဂဲဂါရ် ပည်တပေတရု၊ ‘အ်ုန်စွလာ်ႈ တကုင်ဂါလိလဲ ရအာတ်ပဲယာ့်၊ ပဲဒီလာ်ႈ ယိူဝ်ဒေငိူပ်အ်ုန် အရာပ်ဒီန်၊ ခိူည်ငဲပ်ုန်ဂြည်အူန်အ်ုန်တပဲ။’”
\p
\v 8 ဘံန်ညာခိူည်ဒီန် ပည်ဂဲဖိူမ်နာ့်နွံရ်ႈ ယောယ်ုရ်ယ်ုရ် ဒူလေႈဒိုည်ႇပွံတ်ဒေ ဒိုရ်ဘီုင်ဆာင်ခဲင်။ ကောပ်မိူဝ်ႈဂဲ ယောလူတ်လာည် တအဆေမိူဝ်ႈ ဂဲကာယာႇဂြည်။
\s ငဲပ်ုန်ဟွည်ႇ ဆဒါင်ကျ\f + \fr ၁၆.၈ \fr*\ft တပံပ်ဘေဲႇဒါတီတဲမ် ပ်ုရ်ဒီဂဲဂါရ် တန်ုဘေဲႇကျံမ် ပ်ုန်ႎီရ်ပ္လါန် အူဟိူဝ် ပ်ုန်ဟွည်ႇပ်ုန်တာ်ႈအီုဝ် ကာယိူဝ်စိ က်ုရ်ဆဴင်ဒေ တတရာဆဒါင်ကျ (အခါန်ဒျံတ် ၉–၂၀)။\ft*\f*
\s ယေဆု ပျတိုဒေ တမာရိ ကွံန်ကုင်မာဂဒလ
\r (မဿဲ ၂၈.၉,၁၀; ယောဟန် ၂၀.၁၁–၁၈)
\p [ 
\v 9 ဟွည်ႇဒီန် ယေဆု ႎီရ်ယိူဝ်ႇအီမ်ဒိုရ်ယံမ် န်ုပူရ်ဆငီ ဆငီဇူႈအူ ရႎါရ်ႈဇံဝ်ဇံဝ်၊ အ်ုန်ပျလိူရ်ႈတိုဒေ တမာရိ ကွံန်ကုင်မာဂဒလ ရအာတ်၊ မာရိဒီန်မိူဝ်ႈ ယေဆု တိူမ်ရူပ်လေႈဒဲႈပဲတ် ကီုရ်နံမ်ချှိုပူရ်တို ဒိုရ်အ်ုန်။ 
\v 10 ယာမ်ဘူဂေါဘူဆေအ်ုန်ဂဲ နာ့်နွံရ်ႈဖိူမ်ကာပျော ဒါ့်ယာမ် အ်ုန်လာ်ႈဇူ ဂြည်ပျပွံတ်တဂဲ အကျံင်ဒီန်။ 
\v 11 ဟွည်ႇဒီန် ဘံန်ဂဲယိူဝ်ဒေဆတီုင် ပ်ုန်ဂြည်မာရိ အကျံင်ယေဆုႎီရ်အီမ်ဒေဂါရ် အကျံင်ယိူဝ်ဒေငိူပ်ဒေဒိူည်အ်ုန်ဒီန်၊ ဂဲကာညှိုမ်ပဲတ်။
\s ယေဆုပျတိုဒေ တတဘဲႇဒေအာရ်ကူ
\r (လုကာ ၂၄.၁၃–၃၅)
\p
\v 12 ယာမ်တဘဲႇအ်ုန်အာရ်ကူ လာ်ႈဒေင်တရူ ယေဆု ပျလိူရ်ႈတိုဒေ ပည်ပုင်ရံင်က်ုရ်လှာႇ တဂါရ်အာရ်ကူ။ 
\v 13 ဂါရ်ဒီန်အာရ်ကူမိူဝ်ႈ ႎီရ်ရောတ်ဒေ ဂြည်ပျတတဘဲႇဟံရ်၊ ကောည်လိုည် ဂဲကာညှိုမ်ပဲတ် အကျံင်ဒီန်။
\s ယေဆုပျတိုဒေ တဘဲႇကိူရ်အူကူ။
\r (မဿဲ ၂၈.၁၆–၂၀; လုကာ ၂၄.၃၆–၄၉; ယောဟန် ၂၀.၁၉–၂၃; တမန်ဇ်ုဂဲ ၁.၆–၈)
\p
\v 14 ယာမ်တဘဲႇကိူရ်အူကူဂဲ ဒါ့်မာ့်ဟောမ်ပ်ုန်ဟောမ် ယေဆုပျတိုဒေတဂဲ။ ဟွည်ႇဒီန် အ်ုန်ႎှိုင်ပွံတ်တဂဲ၊ ကောပ်မိူဝ်ႈဂဲကာယိူဝ်ဖိူမ်ညှိုမ်၊ နွံရ်ႈဖိူမ်ခေါ ကာညှိုမ်ငဲပ်ုန်ဂြည် အီအ်ုန်ယိူဝ်ဒေငိူပ် အကျံင်အ်ုန်ႎီရ်ယိူဝ်ႇအီမ်ဒေဒီန်။ 
\v 15 \x - \xo ၁၆.၁၅ \xo*\xt တ ၁.၈\xt*\x*အ်ုန်ဒါႈတဂဲ၊ “ဒဲႈပဲလာ်ႈဟောဂြည်ဒိုည်ႇ ဆဒါင်ကျအီုဝ် တန်ုကံမ်ဖာ အရာပ်တွံန်တီတွံန်ဒဲန်အေ့။ 
\v 16 အဆေမိူဝ်ႈဟွည်ႇ အီအ်ုန်ယိူဝ်ဖိူမ်ညှိုမ် ခါမ်ဗတ္တိဇံဒီန် ဒီဘိူန်ဒေပ်ုန်လောတ်။ အီအ်ုန်ကာယိူဝ်ဖိူမ်ညှိုမ်ဒီန် ဒီဘ်ုပ်ဒေခါမ်ဂ်ုမ်တရာ တာမ်အပေတ်။ 
\v 17 အီအ်ုန်ယိူဝ်ဖိူမ်ညှိုမ်ဒီန် ဒီဘိူန်ဒေဒါအဖုင်တီုင်ဂို အတွရ်ုရ်နမိလက္ခဏာ၊ ဂဲဒီဒါဇီုဝ်အော ရူပ်လေႈဒိုည်ႇ ကီုရ်နံမ်ချှိုဂဲ၊ ဂဲဒီဒါႈဒိုည်ႇငဲက်ုရ်လှာႇ။ 
\v 18 ဂဲက်ုန်ဒါတီဒေ တိုည်ကံင်ဟိင် က်ုန်ကာမိူဝ်ႈ ဂဲဘိူည်က်ုရ်လူတ်ဂံတ်ဒေ တျံင်ခံင်ပဲန်က်ုရ်ဘူရ်ဆမာယံမ် ကာပဲန်စိဖေတဂဲ။ ဂဲဒီဂံမ်တီဒေ တပါင်ဘီဆူဖိူဝ်နာ ဒီချံမ်ဆာဒိုည်ႇဒေ။”
\s ယေဆုစွဟာ့်ဒေ တပ္လေင်
\r (လုကာ ၂၄.၅၀–၅၃; တမန်ဇ်ုဂဲ ၁.၉–၁၁)
\p
\v 19 \x - \xo ၁၆.၁၉ \xo*\xt တ ၁.၉–၁၁\xt*\x*အခိင်ဒီန် ကီုရ်ညာယေဆု ဒါႈငဲပ်ုန်ဟွည်ႇ တဂဲ၊ အ်ုန်ဟွည်ႇဘ်ုပ်ခါမ် တိူဝ်ႈဟာ့်ပွံတ် တပ္လေင် အ်ုန်မာ့်ပွံတ်ဒေ လ်ုပ်တီ ခေါန်ညှိုႈဖြာ။ 
\v 20 အခိင်ဒီန် တဘဲႇအ်ုန်ဂဲ လာ်ႈဟောဂြည်ဒိုည်ႇတရာ အရာပ်တွံန်တီတွံန်ဒဲန်၊ ကီုရ်ညာဖြာမိူဝ်ႈ ရ်ုရ်ရူမ်ဇောမ်ဂဲ၊ ဟွည်ႇဒီန် အ်ုန်ဒါနမိလက္ခဏာ ခံင်မှိူမ်အာမ် ပျဆာ့်ဆေ တအကျံင်တရာ ပ်ုန်ဟောဂြည်ဂဲမှာန်။]
\s ငဲပ်ုန်ဟွည်ႇ ပ်ုန်ဟံရ်\f + \fr ၁၆.၂၀ \fr*\ft ပံပ်ဘေဲႇ ပ်ုန်တဲမ်ဇောမ်တီ ပ်ုရ်ဒီဂဲဂါရ် အူဟိူဝ်ပ်ုန်ႎီရ်ပ္လါန်ငဲ တန်ုဘေဲႇကျံမ်ဒီန် ဆဲႈပ်ုန်ဟွည်ႇပ်ုန်တာ်ႈလှိူင် အတွတရာဆဒါင်ကျဒီန် ယိူဝ်ပည် ပ်ုန်ဟွည်ႇပ်ုန်တာ်ႈအဲမ်အဲမ် (အခါန်ဒျံတ် ၉–၂၀)။\ft*\f*
\p [