\id JON ‘PT JH 02ed’ Pitjantjatjara Jonah 20-FEB-03 (Paul & Ann Eckert (SIL/FRM), c/o PO Box 2129 Alice Springs, NT 0871. Ph: +61-8-82924808 Fax: 08-89524894. E-mail: paul.eckert@biblesociety.org.au
\ide UTF-8
\h Jonah-ku
\toc2 Jonah-ku
\toc1 Tjukurpa Jonah-nyatjara (Jonah)
\mt1 Tjukurpa Jonah-nyatjara
\mt2 Jonah
\imt1 Nyangatja Ngaṉmanytju Nyakula Wangkanytjaku
\ip Nyangatja Godaku tjukurpa munu tjukurpa nyanga paluṟu utini Godanya aṉangu uwankaraku mukuringkunytja munu tjananya mukulyangku aṯunymaṟa kanyintja aṉangu Jew wiya tjuṯa kuḻu. Panya Godalu aṉangu Jew tjuṯanguṟu wati Jonah-nya ngurkantanu ngura kutjupakutu ankunytjaku ini Ninipalakutu. Munu paluṟu palunya iyaṉu ankula ngura nyara palula aṉangu panya Jew wiya tjuṯa wangkara nguḻutjunkunytjaku tjana kuranguṟu piiwiyaringkula kura wantinytjaku.
\ip Palu ngaṉmanytju Jonah-lu Godala kulilwiyangku wantingi munu paluṟu anu ngura kutjupakutu. Palu maḻangka tjiṉṯu maṉkurpa antipinaku tjuningka unngu ngarinytjatjanu paluṟu nintiringu munu Godalu palula wangkanyangka paluṟu wangaṉarangku kulinu Ninipalakutu ankunytjikitjangku. Kaya aṉangu Ninipanya nguraṟa tjuṯangku mulapaṯu kuliṟa mulamularingu paluṟu tjukurpa Godalu wangkanytjitja tjanala tjakultjunkunyangka munuya kuṉṯaringkula kura uwankara wantingu alatjiṯu.
\ip Ka ngula mulapa Jesulu ngapartji aṉangu Israelkunu tjuṯangka tjukurpa wangkangi munu panya Ninipanya nguraṟa tjuṯa tjanala tjakultjunangi. Alatji paluṟu wangkangi tjanala, “Tjiṉṯu Maḻatjangka aṉangu panya Ninipanya nguraṟa tjuṯangku nyuranya puntuṟa wangkaku ngayuku tjukurpa kuliṟa wantinytjitjanguṟu. Panya paluṟu tjana Jonah-lu Godaku tjukurpa wangkanyangka wangaṉarangku kulinu munuya piiwiyaringkula kura tjuṯa wantingu. Palu kuwari nyanga kutjupa Jonah-la waintaṟa puḻka mulapa nyurala tjungu ngaṟanyi nyura nyakula wangaṉarangku kulintjaku. Palu nyura ngayunya ngurkantankunytja wiya alatjiṯu.” (Nyawa Luke-aku 11:32.)
\iot Tjukurpa nyanganpa ngarinyi:
\io1 1:1-2 Godalu Jonah-nya aḻṯinytja
\io1 1:3-16 Jonah-nya Godala tungunpungkunytja
\io1 1:17—2:10 Jonah-nya antipina puḻkangka tjuni unngu nyinanytja
\io1 3:1-4 Jonah-nya wangaṉararingkula Ninipalakutu ankunytja
\io1 3:5-10 Ninipanya nguraṟa tjuṯangku piiwiyaringkula Godanya kulintja
\io1 4:1-11 Jonah-nya mirpaṉarinytja munu Godanya ngaḻṯuringkunytja
\ie
\c 1
\s1 Jonah-nya Godala Tungunpungkunytja
\p
\v 1 Iriti mulapa wati ini Jonah-nya nyinangi, Amitaku katja. Munu paluṟu kulinu Godalu wangkanyangka nyanga alatji, 
\v 2 “Jonah, pakaṟa ara ngura tawunu ini Ninipalakutu. Ngura nyara palula panya aṉangu mungilyi mulapa nyinanyi. Kaṉa kuwari tjananya nyanganyi kura puḻka nyinanyi. Ka nyuntu tjanala ankula wirkaṟa alatji wangka, ‘Nyuranya Godalu nyakula kuranmananyi munu nyuranya tjinguṟu iluntankuku.’”
\p
\v 3 Ka wati panya Jonah-lu Godalu wangkanyangka kuliṟa wantira kampa kutjuparira anu ngura ini Tjapalakutu, Ninipalakutu ankunytja wiya. Palu ngura nyanga Tjapanya uṟu puḻkangka itingka, ka pauta tjuṯa mulapa pitjala ngaṟala ankupai. Ka wati panya Jonah-lu wirkaṟa nyangu pauta uṟungka ankunytjikitja ngaṟanyangka ngura ini Paintakutu, munu paluṟu tikiti payamilaṉu tatiṟa ankunytjikitjangku. Munu tatinu wati pauta katipai tjuṯangka tjunguringkula Paintakutu ankunytjikitja, panya paluṟu kuliningi Godalanguṟu kumpiṟa ankunytjikitjangku.\fig |src="co01407b.TIF" size="col" loc="p" ref="1:3"\fig*
\p
\v 4-5 Munuya ma-pakaṟa uṟungka rawa ankula ankula, ka Jonah-nya pakuringu munu pauta unngu ukalingkula ngarikatingu. Ka Godalu waḻpa puḻka iyaṉu, ka winmu-winmulyaraṟa pauta panya puḻkaṟa uritjinganingi, ka nguwanpa kaṯakatingi. Kaya wati pauta katipai tjuṯa puḻkaṟa nguḻuringkula kawaṟu-kawaṟuringu, munuya tjanampa god tjuṯangka tjapiningi tjananya aṯunymaṟa waḻpa pilunmankunytjaku. Munuya pautanguṟu luuta tjuṯa uṟungka waṉingi pauta tjarpanytjaku-tawara, tjana kuḻu ilunytjaku-tawara.
\p
\v 6 Ka wati pautaku mayatjangku Jonah-nya para-nguriningi, “Yaaltjingka paluṟu nyinanyi?” Munu paluṟu nguriṟa nyangu, “Nyangatjampal kunkunaringu.” Munu wangkangu, “Jonah ngalya-pakala! Nyaakun kunkunpa ngarinyi? God nyuntumpangkalampa tjapila alpamilantjaku waḻpa nyangatja wiyantjaku. Paluṟulampa tjinguṟu ngaḻṯuringkuku, munulanya wankaṟu kanyilku.”
\p
\v 7 Kaya pauta katipai tjuṯangku kapuṯu-kapuṯurira nyinara wangkara kuliningi, “Nyaanguṟulanya nyangatja puḻkaṟa uritjingaṉi. Wati kutjupa-manti kurampa nganaṉala tjunguringkula pitjangu, ka nyanga waḻpa puḻka pitjangu.”
\p Munuya wangkangu, “Puṉu lalpirpa tjukutjuku tjuṯangkala wanyu ini uwankara walkatjura ngurkantankunytjikitjangku arkaṟa.” Munuya walkatjunkula puṉu initjara tjuṯa pitingka tjunguṟa tjunu. Ka wati kutjungku kuṟu patiringkula piti palulanguṟu puṉu kutju mantjinu munu kuṟu aḻaringkula nyangu ini Jonah-nya, munu tjanala nintiṟa wangkangu, “Munta, wati nyangangkumpalanyal tatiṟa ankula unnyuṉu.”
\p
\v 8-11 Munuya Jonah-nya aḻṯira tjapinu, “Nyuntu wanyu ngura yaaltjiwanutja? Tjaa nyaa wangkapain?”
\p Ka Jonah-lu tjanala wangkangu, “Ngayuluṉa wati Israelnga nguraṟa wangka panya Iipuṟu. Munuṉa ngayulu Mayatja God Ilkaṟitjanya waḻkulpai, panya uṟu manta uwankara tjunkunytjanya.”
\p Kaya palunya piṟuku tjapinu, “Nyuntu wanyu nyaaṉu? Nyuntulanguṟu-manti waḻpa nyangampa puḻkaringu munu pauta nyangampa uṉṯuṟa kaṯantananyi.”
\p Ka tjanala Jonah-lu ngapartji wangkangu, “Wiya, Godaluṉi Ninipalakutu wituningi, kaṉa nyangatja Godala tungunpungkula nyuralawanu tatiṟa pitjangu.”
\p Kaya paluṟu tjana Jonah-lu wangkanyangka kuliṟa puḻkaṟa nguḻuringu. Munuya wangkangu, “Nyaakun nyuntumpa mayatjangka tungunpungkula anu? Utin wangaṉarangku kuliṟa anama. Palu nyuntunyala kuwari nyaalku waḻpa atanarinytjaku?” Alatjiya palunya tjapiningi panya waḻpa puḻka mulararinyangka.
\p
\v 12 Ka Jonah-lu wangkangu, “Nyurampa kuranguṟu wiya nyangatja, ngayulanguṟu. Kaṉiya uṟungka waṉi, ka waḻpa uṟu mapalku atanariku.”
\p
\v 13-14 Palu tjana Jonah-nya waṉiwiyangku wantingu, munuya tjaṯu-tjaṯungku pauta panya puṉu waṟa tjuṯangka arkaṟa ilaningi mantangka wirkankunytjikitjangku. Palu puṯuya ilaningi panya waḻpa puḻka mulararinyangka. Ka uṟu panya puḻkaṟa alatjiṯu pirnyalaraṟa pautangka tjarpangi. Kaya palulanguṟu Mayatja Godala puḻkaṟa tjapiningi wangkara, “Mayatja, ngaḻṯuriwalampa! Nyanga kuwarin waḻpa puḻka iyaṉu wati nyanga Jonah-languṟu pauta uritjingaṟa uṟungka tjarpatjunkunytjaku. Ka nganaṉa wati nyanga palunya uṟungka waṉinyangkampa wanyu waḻpa atanmanama nganaṉa wankaringkunytjaku.” 
\v 15 Munuya tjapiṟa wiyaringkula Jonah-nya mantjiṟa uṟungka waṉingu, ka waḻpa uṟu mapalku atanaringu.\fig |src="co01414b.TIF" size="col" loc="p" ref="1:12"\fig* 
\v 16 Kaya atanarinyangka nyakula tjana Mayatja Godaku puḻkaṟa nguḻuringu. Munuya kuka pungkula tiliwakaṟa Godanya waḻkuntjikitjangku ungangi. Munu tjana kalkuṉu alatji wangkara, “Nyanganguṟula nyuntunya kutju kulilku Mayatja Godanya.”
\p
\v 17 Palu Jonah-nya uṟungka tjarpara ilunytja wiya panya Godalu antipina puḻka iyaṉu, ka antipinangku Jonah-nya kuuḻtjanu munu tjiṉṯu maṉkurpa wanka kanyiningi tjuni unngu.
\c 2
\s1 Jonah-lu Godala Puḻkaṟa Tjapintja
\p
\v 1 Ka tjuni unngunguṟu Jonah-lu Godala ngaṉmanytju tungunpungkunytjatjanungku piṟuku palunya kulinu munu alatji wangkangi palula,\fig |alt="Use one man only" src="Prayer symbol 2 GT.tif" size="col" loc="p" ref="2:1"\fig* 
\v 2-9 “Mama, nyuntu panya waḻpa puḻka iyaṉu ngayulu nyuntunya kuliṟa wantinyangka,
\q2 kaṉiya nyangantu palya uṟungka waṉingu.
\q1 Kaṉa unngu mulapa kata wiyaringkula kaṟalukatingi,
\q2 munuṉa puṯu pakaṟa nguwanpa ilungi mulyangka uṟu tjarpanyangka.
\q1 Munuṉatju ngayulu kulinu, ‘Tjinguṟuṉitju ngayunya Godalu wantiku.’
\q1 Palu ngayuluṉa piṟuku kuliningi,
\q2 ‘Wiya, Godaluṉi wanka kanyilku ngayulu palunya rawangku waḻkuntjaku.’
\q1 Palu ngayuluṉa wanka alatjiṯu kaṟalukatira ukalingkula nguṟurpa puṯu ngaalymanangi.
\q2 Munuṉa ukalingkula puḻi paṉṯangka wirkanu,
\q2 kaṉi ukiṟi unngutjangku kata karpiṉu.
\q1 Kaṉatju nyakula kulinu, ‘Awari! Nyangatja aḻa wiya pati alatjiṯu ngayulu maḻaku pakantjaku wiya.
\q2 Yaaltjingaṟaṉatju maḻaku pakalku?’
\q1 Mama God, ngayulu nguwanpa ilura puḻkaṟa mirangu nyuntumpa ngayunya kuliṟa alpamilantjaku.
\q2 Ka nyuntu mulapaṯu ilkaṟinguṟu kuliṟa ngayunya wankaṟunu uṟungka ilunytjaku-tawara.
\q1 Mama God, aṉangu tjarangkuya nyuntunya wantira god puṉunguṟu palyantja tjuṯa waḻkulpai.
\q2 Palu ngayuluṉa nyuntunya kutju rawangku kuliṟa mirawaṉiku nyanga tjana puṟunypa wiyangku.
\q2 Munuṉa ngayulu nyuntunya kuka pungkula tiliwakaṟa ungkuku nyuntu ngayuku kalyparingkunytjaku.
\q1 Mama God, ngayuluṉa nyuntunya kuwari kalkuntjatjanungku watarkuriwiyangku rawangku kulilku.
\q2 Nyuntu kutjungku aṉangu tjukaṟurulpai aḻa kurawanu nyinanyangka,
\q2 munun iwara tjukaṟurungka katiṟinkupai.”
\m Alatji Jonah-lu Godala wangkangi antipina tjuni unngunguṟu.
\p
\v 10 Ka palulanguṟu Godalu antipina panya palunya mantakutu wituṉu. Ka mulapaṯu wirkaṟa Jonah-nya mantangka ulkapatjunu pika wiya.
\c 3
\s1 Jonah-nya Wangaṉararingkula Ninipalakutu Ankunytja
\p
\v 1 Ka Godalu piṟuku Jonah-la wangkangu, 
\v 2 “Pakaṟa ara ngura Ninipalakutu ngura panya aṉangu mungilyitjarakutu. Munu tjukurpa panyatja tjanala wangka, panya ngaṉmanytjuṉa ngayulu nyuntula wangkangu.” 
\v 3 Ka paluṟu mulapa pakaṟa anu ngura Ninipaku munu ankula wirkanu. Palu Ninipanya ngura city puḻka mulapa, waḻi mungilyitjara. Panya wiluṟaranguṟu kakaraṟakutu tjiṉṯu maṉkurpa rawa ankula kutju ma-pakalku uṟilkutu.
\p
\v 4 Ka Jonah-nya ngura Ninipala tjarpara ankula nguṟurpa wirkaṟa aṉangu tjuṯangka wangkangi Godalu wangkanytja alatji, “Tjiṉṯu 40-nguṟu kunyu Godalu nyuranya uwankara mulapa wiyalku aṉangu, kuka, waḻi uwankara, kutjupa maḻaringkula ngaṟanytjaku wiya.”
\p
\v 5 Ka aṉangu tjuṯangku Godaku tjukurpa kuliṟa nguḻu-nguḻuringkula Jonah-la wangkangu, “Munta-uwa, panya nganaṉa kura mulapa Godanya kulilwiya nyinangi watarku alatjiṯu. Uti nganaṉa mulamularingkula kampa kutjuparira Godanya kutju kulinma.” Munuya maḻa kutju kuliṟa puḻkaṟa mulapa tjituṟu-tjituṟuringu kura panya ngaṉmanypa nyinanytjatjanu. Munuya kuṉṯaringkula mai kuka ngalkuwiya nyinangi munuya mantara wiṟu tjuṯa wantira mantara walyku-walyku tjana palyantjitjangka tjarpara nyinara waṉingi tjituṟu-tjituṟu mulapa.\f * \fr 3:5 \fr*\ft Tjakangkuya aṟa nyangatja alatjinganingi kura nyinanytjatjanungku kuṉṯaringkula tjukaṟururingkunytjikitjangku.\ft*\f*\fig |src="co01419b.TIF" size="col" loc="p" ref="3:5"\fig*
\p
\v 6 Ka wati panya Ninipaku mayatjangku kulinu Jonah-ku wangka munu kulintjatjanu nguḻuringkula tjiyanguṟu pakaṟa mantakutu ukalingu munu mantara wiṟu panya aṉangitja araṟa waṉira mantara walyku-walyku palyantjitjangka tjarpara nyinakatingu manta tjuṉpatjarangka puḻkaṟa kuṉṯaringkula. 
\v 7 Munu paluṟu wati tjuṯa wituṟa iyaṉu aṉangu tjuṯangka para-wangkanytjaku alatji, “Nyangatjala pitjangu Ninipaku mayatja tjuṯanguṟu nyurala wangkanytjikitja. Kaya wangaṉarangku kuliṟa palyanma alatji kuka, mai, waina uwankara ngalkuwiyangku wantima munuya puluka, nanikuta, tjiipi kuḻu ngalkuntjaku ungkuwiyangku wantima. 
\v 8-9 Munuya uwankara mantara walyku-walyku palyantjitjangka tjarpara nyinama, munuya kuka tjuṯa kuḻu mantara kurakurangka tjarpatjura. Munuya kura nyinanytjatjanu kampa kutjuparira palyanyku nyinara Godala tjapinma nganampa ngaḻṯuringkula nganaṉanya iluntankuwiyangku wantinytjaku. Ka tjinguṟu Godalu kampa kutjuparira nganaṉanya kalypangku wantiku, kala wanka nyinaku.” Nyanga alatjiya aṉangu tjuṯangka para-tjakultjunangi panya wati mayatjangku wangkanytja.
\p
\v 10 Kaya aṉangu tjuṯangku wangaṉarangku kuliṟa ngaṉmanypa kura nyinanytjatjanu kampa kutjuparingu tjukaṟuru nyinanytjikitja. Ka Godalu tjananya nyakula kuliṟa ngaḻṯuringu munu tjananya iluntankuwiyangku wantingu.
\c 4
\s1 Jonah-nya Mirpaṉarinytja Munu Godanya Ngaḻṯuringkunytja
\p
\v 1 Ka palulanguṟu Jonah-nya tjituṟu-tjituṟuringu munu Godaku mirpaṉarira paluṟu wangkangu, 
\v 2 “Nyaakun panyatja ngayunya iyaṉu ngura parari Ninipalakutu ankula aṉangu tjuṯa wangkanytjaku? Munun nyaaku tjananya mapalku iluntankuwiyangku wantingu? Utin tjananya kalyparingkuwiyangku iluntara wiyanma. Panya nyuntun ngayula ngaṉmanytju wangkangu tjananya iluntankunytjikitjangku. Kaṉa ngayulu kulinu, ‘Wiya nyuntu tjinguṟu tjanampa ngaḻṯuringkuku.’ Ka panyaṉa alatji kuliṟa ngayulu tjanalakutu ankunytja wiya wantira kampa kutjuparira anu ngura panya Paintakutu ankunytjikitja. God, ngayulu nyuntumpa ninti panya nyuntu aṉangu tjuṯaku mukulya, munun warpungkula mirpaṉaripai wiya, ngaḻṯunytju mulapa. Nyuntu kutjupaṟa aṉangu tjuṯa iluntankunytjikitjangku kulilpai munun tjana kampa kutjuparinyangka iluntankuwiyangku ngaḻṯuringkula wantipai. Mulapa nyuntu kurunpa ngaḻṯunytju.”
\p
\v 3 Munu palulanguṟu Jonah-lu wangkangu, “Mayatja God, nyuntu ngayuku wangka kulintja wiya. Ngayunyaṉi palya iluntara.”
\p
\v 4 Ka Mayatja Godalu Jonah-nya ngapartji kuliṟa wangkangu, “Wiya, nyaakun mirpaṉarinyi? Wantima!”
\p
\v 5 Ka Jonah-nya pakaṟa anu kakaraṟa parari wiya uṟilta nyinanytjikitja Ninipala itingka. Munu paluṟu wiltja kurakura palyaṟa paṯaṟa nyinangi munu kuliningi, “Tjinguṟu Godalu iluntankuku aṉangu tjuṯa, tjinguṟu tjananya wantir'iyalku.”
\p
\v 6 Ka Jonah-ku ngurangka Mayatja Godalu puṉu puya pakaltjingaṉu Jonah-nya wiltjangka pukuḻpa nyinanytjaku. Ka puṉu puya paluṟu mapalku puḻkaringu puḻkuṉpa wiṟu mulapa. Ka Jonah-nya wiltjangka pukuḻpa mulapa nyinangi.\fig |src="GT00020.tif" size="col" loc="p" ref="4:2"\fig* 
\v 7 Ka mungawinki Godalu maku kataṯi puṟunypa iyaṉu puṉu panya palunya ngalkula kuraṟa wiyantjaku. 
\v 8 Munu tjiṉṯu pakannyangka Godalu waḻpa waṟu iyaṉu, ka Jonah-nya kuḻingku kampangu wiltja wiyangka. Ka paluṟu nyinara puṯu warikitja ngaṟangi munu nguwanpa punkaningi. Munu paluṟu wiltja wiyangka ilunytjikitja mukuringangi, munu Godala wangkangu, “Palyaṉi iluntara wanka kanyilwiyangku.”
\p
\v 9 Ka Godalu wangkangu Jonah-nya, “Nyaakun mirpaṉarinyi puṉunguṟu?”
\p Ka Jonah-lu ngapartji wangkangu, “Wiya, palyaṉa ngayulu mirpaṉarinyi ilunytjikitja.”
\p
\v 10-11 Ka Godalu Jonah-nya piṟuku wangkangu, “Puṉu nyangatja munga kutju pakaṉu munu mungawinki piḻṯiringu rawa ngaṟanytja wiya. Ka nyaaku nyuntu tjituṟu-tjituṟu nyinanyi? Nyuntun wanyu minangka kurpiṟa puṉu nyangatja pakaltjingaṉu? Wiya palatja ngayulu tjunkunytja. Palu nyuntun puṉu wanka rawa ngaṟanytja-tjiratja ngalytjurmananyi. Wiya palatja puṉu piḻṯiringu, aṉangu wiya. Kan nyaaku aṉangu tjuṯaku ngaḻṯuringkuwiya puṉuku nyinara ulanyi? Kulila, ngura pala Ninipala aṉangu tjuṯa mulapa nyinanyi nampa nyangatja 120,000 munu puluka, tjiipi kuḻu puḻka ngaṟanyi. Utiṉa ngayulu aṉangu Ninipanya nguraṟa tjuṯaku ngaḻṯuringama tjananya wiṟuṟa kanyintjikitja, panya paluṟu tjana kuwari ngayunya kulilpairingu.” Alatji Godalu Jonah-la wangkangu.