\id 1TH - Nepo
\ide UTF-8
\h ୧ ତେସ୍‌ଲନିକି
\toc3 ୧ ତେସ୍‌ଲନିକି
\toc2 ୧ ତେସ୍‌ଲନିକି
\toc1 ତେସ୍‌ଲନିକି ମଣ୍ଡଲି ଲାଗାଂ ପକ୍ୟାତି ପାଉଲ୍‌ତି ପର୍ତୁମ୍‌ ଆକି
\mt2 ତେସ୍‌ଲନିକିୟ ମଣ୍ଡଳୀ ନିକଟକୁ ପ୍ରେରିତ ପାଉଲଙ୍କ ପ୍ରଥମ ପତ୍ର
\mt1 ତେସ୍‌ଲନିକିୟ ମଣ୍ଡ୍‌ଲି ଲାଗାଂ ପକ୍ୟାତି ପାଉଲ୍‌ତି ପର୍ତୁମ୍‌ ଆକି
\imt ୧ ତେସ୍‌ଲନିକିୟ ପତି ବିସ୍ରେ ପାଦେକ୍‌
\ip ପରତୁମ୍‌ ତେସ୍‌ଲନିକିୟ ପକ୍ୟାତି ପାଉଲ୍‌ତି ହୁକେ ଲେକା ଆଜ଼ି ମାଚାତ୍‌ । ଇଦାଂ ଆଜ଼ି ମାନ୍‌ଗାନାତ୍‌ ପାଉଲ୍‌ତି ହୁଦାଂ ପରତୁମ୍‌ ଆକି ଲେକା ଆଜ଼ି ମାଚାତ୍‌ ଆରି ହେଦାଂ ବାଇବଲ୍‌ନି ରଞ୍ଜାଙ୍ଗ୍‌ ବାଗ୍‌ ଆତାତ୍‌ନ୍ନା । ଇଦାଂ ଜିସୁ କ୍ରିସ୍ଟତି ଜଲମ୍‌ନି ଲାଗେ ଲାଗେ ଆଜ଼ି ମାନ୍‌ଗାନାତ୍‌ ରିକଡ଼ି ଏଗାର୍‌ ୫୧ ବାର୍ହୁ ପାଚେ ଲେକା ଆଜ଼ି ମାଚାତ୍‌ । ପାଉଲ୍‌ ଏଚେକାଡ଼୍‌ଦ ତେସ୍‌ଲନିକିୟ ମଣ୍ଡ୍‌ଲିତିଂ ଆକି ଲେକିକିତାନ୍‌, ହେୱାଡ଼ାଲିଂ ହେୱାନ୍‌ କରନ୍ତି ମଣ୍ଡ୍‌ଲିତ ମାଚାନ୍‌ । ଇମ୍‌ଣି ମଣ୍ଡ୍‌ଲିତିଂ ହେୱାନ୍‌ ରିହା ମିସେନେରି ହାଜ଼ି ହାନିୱାଡ଼ାଲିଂ ହେ ମଣ୍ଡ୍‌ଲି ରଚ୍‌ଚି ମାଚାନ୍‌ ପକ୍ୟାତାକା \xt ୧:୧-୧୦\xt* ଇଦାଂ ପକ୍ୟାତି ପତିତ ଇନ୍ୟାତାନ୍ନା ଜେ, ଇଦାଂ ଏଚେକ୍‌ ଜିହୁଦି ଆରି ବେସି ଗ୍ରିକ୍‌ ବେରଣ୍‌ତ ଇଞ୍ଜି ମାନି ମାନାୟାର୍‌ ହୁଦାଂ ରଚ୍ୟା ଆଜ଼ି ମାଚାତ୍‌ ।
\ip ପାଉଲ୍‌ ମଣ୍ଡ୍‌ଲି ରଚ୍‌ଚି ପାଚେ ହେୱାନ୍‌ ବେସି ଦିନ୍‌ ତେସ୍‌ଲନିକିୟତ ମାଞ୍ଜେଙ୍ଗ୍‌ ଆଡ୍‌ୱାତାନ୍‌ । ଲାଗିଂ ହାରିହାରା ହେବେ ମାନି ପାର୍ତି କିନାକାରିଂ ସାସ୍‌ ହିଦେଂ ହେୱାନ୍‌ ଇ ଆକି ପକ୍‌ତାନ୍‌ । ରୱାନ୍‌ କ୍ରିସ୍ଟିୟାନ୍‌ ଇନେସ୍‌ ଜିଦେଂ ଆନାତ୍‌, ଇ ଆକିତ ବେସି ବିସ୍ରେ ଆରି ବାରବିନି ୱେଚ୍‌ନାକା ମାନାତ୍‌ ।
\ip ପାଉଲ୍‌ କେତେଗଟାତ ରିହା ୱାନି ବିସ୍ରେ ମାନ୍‌ ଦିଆନ୍‌ ହିନାନ୍‌ । ଆଜ଼ି ମାନ୍‌ଗାନାତ୍‌ ତେସ୍‌ଲନିକିୟ ମଣ୍ଡ୍‌ଲି ନି ପାର୍ତି କିୱାକାର୍‌ ବିନ୍‌ ବାବ୍ରେ ଇ ବିସ୍ରେ ତିର୍‌କାଡ଼୍‌ ମାଚାର୍‌ । ପାଉଲ୍‌ ରିହା ୱାନି ବିସ୍ରେ ଇଞ୍ଜି ଇନେସ୍‌ ଇସ୍ୱର୍‌ତିଂ ଦୁକ୍‌କିନାକା କିନି ଲାକେ ଜିବୁନ୍‌ ଜିଉଣା କିନି କାଜିଂ ପକ୍‌ତାନ୍‌ \xt ୫:୬-୮\xt* ।
\iot ୧ ତେସ୍‌ଲନିକିୟ ପତି ବିସ୍ରେନି ରାହାଣ୍‌
\io1 ୧. ପାଉଲ୍‌ ମଣ୍ଡ୍‌ଲିତିଂ ବାନ୍ଦାୟ୍‌ କିନାନ୍‌ ଆରି ଇସ୍ୱର୍‌ତିଂ ଜୱାର୍‌ କିଜ଼ି ଇ ଆକି ଆରମ୍‌ କିତାନ୍‌ନ୍ନା ୧ ପାର୍ବୁ ।
\io1 ୨. ପାଚେ ହେୱାନ୍‌ ତିମତି ତାହିୱାତି କାବୁର୍‌ ଆରି ହେୱାନ୍ତି କାମାୟ୍‌ ବିସ୍ରେ ୱେଚ୍‌ଚାନ୍‌ ୨ ଆରି ୩ ପାର୍ବୁ ।
\io1 ୩. ପାଉଲ୍‌ ବଲ୍‌ ହିନାନ୍‌ ଜେ, କ୍ରିସ୍ଟିନାର୍‌ ଜିସୁ କ୍ରିସ୍ଟତି ରିହା ୱାନାକା ଅଜଡ଼୍‌ତ ଇନେସ୍‌ ଜିବୁନ୍‌ ଜିପ୍‌କା କିନାକା ମାନାତ୍‌ \ior ୪:୧-୫\ior* ।
\io1 ୪. ପାଉଲ୍‌ ଆରେ ରଗ ମଣ୍ଡ୍‌ଲିତ ବାନ୍ଦାୟ୍‌ କିନାନ୍‌ ଆରି ହେୱାରିଂ ହାତ୍‌ପା ବାବ୍ରେ ଚିଟି ପଡ଼ିକିଦେଂ ଇଞ୍ଜି ୱିହ୍‌ନାନ୍‌ \ior ୫:୧୬-୨୮\ior* ।
\c 1
\p
\v 1 ପାଉଲ୍‌, ସିଲ୍ୱାନ୍‌ ଆରି ତିମତି ଆବା ଇସ୍ୱର୍‌ ଆରି ମାପ୍ରୁ ଜିସୁ କ୍ରିସ୍ଟତାକେ ମାନି ତେସ୍‌ଲନିକିୟ ମାନାୟାର୍‌ ମଣ୍ଡ୍‌ଲି ଲାଗାଂ ଆକି ଲେକିକିନାନା । ଦୟା ଆରି ସୁସ୍ତା ମି କାଜିଂ ଆଏତ୍‌ ।
\s ତେସ୍‌ଲନିକିୟନିକାର୍‌ତି କାଜିଂ ଦନ୍ୟବାଦ୍‌ ଆଏତ୍‌
\p
\v 2 ମା ଇସ୍ୱର୍‌ ଆରି ଆବାତି ଲାଗାଂ ଆସେଙ୍ଗ୍‌ ମି ପାର୍ତିନି କାମାୟ୍‌, ଜିଉନନି କସ୍ଟ ଆରି ମା ମାପ୍ରୁ ଜିସୁ କ୍ରିସ୍ଟତି ବିସ୍ରେ ମି ବାର୍ସିତ ପାର୍ତାନା ବିସ୍ରେ ସବୁୱେଡ଼ାଙ୍ଗ୍‌ ଏତୁ କିଜ଼ି, 
\v 3 ମା ଆବା ଇସ୍ୱର୍‌ତି ଲାଗାଂ ଏତୁ କିଜ଼ି ମାନାସ୍‌, ଇନେସ୍‌ ଏପେଙ୍ଗ୍‌ ଜାର୍‌ ପାର୍ତିଂ କାମାୟ୍‌ତ ମେହାୟ୍‌ କିନାଦେରା, ଜିଉନନିତ ମେହାଜ଼ି ଇନେସ୍‌ କସ୍ଟ କାମାୟ୍‌ କିନାଦେରା ଆରି ମା ମାପ୍ରୁ ଜିସୁ କ୍ରିସ୍ଟତି ତାକେ ମି ବାର୍ସି ଇନେସ୍‌ ଡାଟ୍‌ । 
\v 4 ଇନାକିଦେଂକି ଏ ଇସ୍ୱର୍ତି ଜିଉନନି ଟଣ୍ଡାର୍‌ ଆରେ ତଣ୍‌ଦେକ୍‌ ଆପେଂ ପୁନାପ୍‌ ଜେ, ଏପେଙ୍ଗ୍‌ ବାଚିକିୟାତି ଲକୁ, 
\v 5 ନେକ୍ରିକାବୁର୍‌ କେବଲ୍‌ ବଚନ୍‌ ଆକାୟ୍‌, ମତର୍‌ ସାକ୍ତି ପୁଇପୁୟା ଜିବୁନ୍‌ ଆରି ଆଦିକ୍‌ ହାତ୍‌ପା ଲାହାଙ୍ଗ୍‌ ମି ଲାଗାଂ ଏକାୱାତାତ୍‌; ମି ବିତ୍ରେ ମାନି ସମୁତ ମି କାଜିଂ ଆପେଂ ଇନେସ୍‌ କିଜ଼ି ଚିନ୍ତା କିଜ଼ି ମାନ୍‌ଚାପ୍‌, ହେଦାଂ ତ ଏପେଙ୍ଗ୍‌ ପୁନାଟ୍‌ । 
\v 6 ଆରେ ଏପେଙ୍ଗ୍‌ ବେସି କସ୍ଟ ବଗି କିନି ବିତ୍ରେ ପୁଇପୁୟା ଜିବୁନ୍‌ତାଂ ପାୟାତି ଦୁକ୍‌କିନାକା ଲାହାଙ୍ଗ୍‌ ହେ ନେକ୍ରିକାବୁର୍‌ ମାନି କିଜ଼ି ମାଙ୍ଗେଙ୍ଗ୍‌ ଆରି ମାପ୍ରୁତି ପାଚେହାନାକା ଆଜ଼ି ମାଚାଦେର୍‌, 
\v 7 ଇ ଲାକେ କି ଏପେଙ୍ଗ୍‌ ମାକିଦନିଆ ଆରି ଆକାୟାତ ମାନାକାର୍‌ ୱିଜ଼ାର୍‌ ପାର୍ତି କିନାକାର୍‌ କାଜିଂ ହାର୍‌ ଲାକେ ଆଜ଼ି ମାଚାନ୍‌ । 
\v 8 ମିତାଂ ମାପ୍ରୁତି କାତା ଜେ କେବଲ୍‌ ମାକିଦନିଆ ଆରି ଆକାୟାତ ସୁଣାୟ୍‌ କିୟାତାତ୍‌ନା, ହେଦାଂ ଆକାୟ୍‌, ମତର୍‌ ଇସ୍ୱର୍ତି କାଜିଂ ମି ପାର୍ତିନି ବିସ୍ରେ ସବୁ ବାହାତ ଏପେଙ୍ଗ୍‌ ମେଙ୍ଗ୍‌ତାତ୍‌ନା ଜେ, ହେ ବିସ୍ରେ ମାଦାଂ ଇନାକା ଇନି ଲଡ଼ା ଆକାୟ୍‌ । 
\v 9 ଲାଗିଂ ଲକୁ ଜାର୍‌ ଜାର୍‌ ମା ବିସ୍ରେ ଇଞ୍ଜି ମାନାର୍‌ ଜେ, ମି ବିତ୍ରେତ ମା ୱାନାକା ସମୁତ ଇନାକା ଗିଟା ଆଜ଼ି ମାଚାତ୍‌, ଆରେ ଇନେସ୍‌ ଏପେଙ୍ଗ୍‌ ପୁତ୍‌ଡ଼ା ପୁଜା ସବୁ ପିସ୍ତି ପୁଇପୁୟା ଜିବୁନ୍‌ ଆରି ହାତ୍‌ପା ଇସ୍ୱର୍ତି ହେବା କିନି କାଜିଂ ୱାତାଦେର୍‌, 
\v 10 ଆରେ, ହେୱାନ୍‌ ଜାର୍‌ ଇମ୍‌ଣି ମାଜ଼ିଙ୍ଗ୍‌ ହାତାକାର୍‌ ବିତ୍ରେତାଂ ନିକ୍‌ଚି ମାଚାନ୍‌, ୱାନି ରିସାତାଙ୍ଗ୍‌ ମାଙ୍ଗେଙ୍ଗ୍‌ ରାକ୍ୟାକିଦେଂ ହେ ଜିସୁତି ସାର୍ଗେତାଂ, ୱାନାକା ମାନି କାଜିଂ ଇସ୍ୱର୍‌ ନିପ ୱାତାଦେର୍‌ ।
\c 2
\s ତେସ୍‌ଲନିକିୟାତ ପାଉଲ୍‌ତି କାମାୟ୍‌
\p
\v 1 ଏ ଟଣ୍ଡାର୍‌, ଆରି ତଣ୍‌ଦେକ୍‌ ଏପେଙ୍ଗ୍‌ ତ ନିଜେ ପୁନାଦେର୍‌ ଜେ, ମି ଲାଗାଂ ମା ୱାନାକା ପଲ୍ୟା ଆୱାତାତ୍‌ନା; 
\v 2 ମତର୍‌ ଇନେସ୍‌ ଏପେଙ୍ଗ୍‌ ପୁନାଟ୍‌, ଆପେଂ ତା ଆଗେ ପିଲିପିପିତ ଦୁକ୍‌ ଆରି ଅପ୍‌ମାନ୍‌ କିତି ପାଚେ ମି ତାକେ ବେସି ଜିବୁନ୍‌ ଜିପ୍‌କା କିଜ଼ି ଇସ୍ୱର୍‌ତି ନେକ୍ରିକାବୁର୍‌ ସୁଣାୟ୍‌ କିଦେଙ୍ଗ୍‌ ଇଞ୍ଜି ମା ଇସ୍ୱର୍‌ତି ହୁଦାଂ ସାସ୍‌ ପାୟା ଆଜ଼ି ମାଚାପ୍‌ । 
\v 3 ଇନାକିଦେଂକି ମା ଉପ୍‌ଦେସ୍‌ ବାଣାୟ୍‌କିନାକା ନୟେଲେ ବିଟାଡ଼୍‌ ଲାକେ ନୟେଲେ ଚାକ୍ରାୟ୍‌କିନାକା ଆକାୟ୍‌, 
\v 4 ମତର୍‌ ମା କେଇଦ ନେକ୍ରିକାବୁର୍‌ ସୁଣାୟ୍‍କିନି ବଜ୍‌ ହେଲାୟ୍‌ ଆଦ୍‍ନି କାଜିଂ ଆପେଂ ଇନେସ୍‌କି ଇସ୍ୱର୍‌ତି ହୁକେ ଜଗ୍‍ ଗାଣା କିୟାତାପ୍‍ନା, ହେ ଲାକେ ଆସେଙ୍ଗ୍‌ ସୁଣାୟ୍‌ କିନାସ୍‌; ଲାଗିଂ ମା ମାନ୍ତ ପରିକ୍ୟା କିନାକାନ୍‌ ଜେ ଇସ୍ୱର୍‌, ହେୱାନିଂ ସାରି କିଦେଙ୍ଗ୍‌ କାଜିଂ ହେଦାଂ କିନାସ୍‌ । 
\v 5 ଏପେଙ୍ଗ୍‌ ତ ପୁନାଦେର୍‌ ଜେ, ଆସେଙ୍ଗ୍‌ ଇମ୍‌ଣି ସମୁତ ମାତି କିନାକାନ୍‌ ଚିନ୍ତା କିୱାତାପ୍‌ନା ନଇଲେ ଲବ୍‍ତିଂ ଡ଼ୁକ୍‍ନି କାଜିଂ ନାଡ଼ାୟ୍‌ କିୱାତାପ୍‌ନା, ଇସ୍ୱର୍‌ ଇବେନି ସାକି । 
\v 6 ଆତିସ୍‌ପା କ୍ରିସ୍ଟତି ପକ୍ୟାତି ଲାକେ ଆସେଙ୍ଗ୍‌ ମାନିନି ଦାବା କିଦେଙ୍ଗ୍‌ ଆଡ଼୍‍ତାପ୍‍ନା, ଆତିସ୍‌ପା ମିତାଙ୍ଗ୍ ଆୟେତ୍‌ ନଲେ ବିନେ ଇନେର୍‌ ତାଙ୍ଗ୍‌ ଆୟେତ୍‌, ଇମ୍‌ଣି ମାନାୟ୍‍ତାଂ ଜାଜ୍‌ମାଲ୍‌ ଗାଟାଦେଂ ଉପାୟ୍‌ କିୱାତାପ୍‌ନା । 
\v 7 ଜଦି କ୍ରିସ୍ଟତି ପକ୍ୟାତାକାସ୍‌ ମତର୍‌ ଆସେଙ୍ଗ୍‌ ମି ବିତ୍ରେ ହୁଦାର୍‌ ଆଜ଼ି, ଆୟା ଇନେସ୍‌ ଜାର୍‌ ହିମ୍‌ଣାକାଂ ପହାପାଲି କିନାତ୍‌, 
\v 8 ମି କାଜିଂ ମାଦାଂ ୱାରି ମାଚିସ୍‌ ଆପ୍‌ ହେ ଲାକେ ମିଙ୍ଗେଙ୍ଗ୍‌ ଇସ୍ୱର୍‌ତି ନେକ୍ରିକାବୁର୍‌ କେବଲ୍‌ ଆକାୟ୍‌, ମତର୍‌ ଜାର୍‌ ଜାର୍‌ ୱାସ୍କି ପା ହିଦେଂ ମାନ୍‌ କିଜ଼ିମାଚାପ୍‌, ଇନାକିଦେଂକି ଏପେଙ୍ଗ୍‌ ମା ୱାରିନିକାଦେର୍‍ ଆଜ଼ି ମାଚାଦେର୍‌ । 
\v 9 ଏ ଟଣ୍ଡାର୍‌, ଆରି ତଣ୍‌ଦେକ୍‌ ମା କସ୍ଟ ଆରି ଆଟ୍‌ୱା କାମାୟ୍‌ ମି ଏତ୍‍ତ ମାନାତ୍‌, ଇନେସ୍‌ ଆପେଂ ମି ବିତ୍ରେ ଇନେରିଂ ବଜ୍‍ଲାକେ ଆଉପ୍‌, ଇଦାଂ କାଜିଂ ୱେଡ଼ାନାଣା ବେସି କସ୍ଟ କିଜ଼ି ଇସ୍ୱର୍‌ତି ନେକ୍ରିକାବୁର୍‌ ମି ତାକେ ସୁଣାୟ୍‌ କିଜ଼ି ମାଚାପ୍‌ ।
\p
\v 10 ଏପେଙ୍ଗ୍‌ ଆରି ନିଜେ ଇସ୍ୱର୍‌ ମା ସାକି ମି ଲାକେ ପାର୍ତି କିନାକାର୍‌ ଲାଗାଂ ମା ବେବାର୍‌ ନିର୍ମଲ୍‌ ନ୍ୟାୟ୍‌ନିକା ଦସ୍‌ ହିଲ୍‌ୱାତାତ୍‌ । 
\v 11 ଆରେ ଏପେଙ୍ଗ୍‌ ତ ପୁନାଦେର୍‌, ଆବା ଇନେସ୍‌ ଜାର୍‌ ମାଜ଼ିରିଂ, ହେ ଲାକେ ଆପେଂ ମି ଜାଣ୍‌କେତିଂ ବୁଜାୟ୍‍କିଜ଼ି ଆରି ଉସ୍‌କାୟ୍‌ ଜିସୁ ଜବର୍‌ ଗୱାରି କିଜ଼ି ମାନାପ୍‌ । 
\v 12 ଆପ୍‌ ମିଙ୍ଗେଙ୍ଗ୍‌ ୱାରି କିଜ଼ି ମାନ୍‌ଚାପ୍‌, ଦୁକ୍‌ସାରାୟ୍‌ତ ଗୱାରି କିଜ଼ି ମାନ୍‌ଚାପ୍‌ ଇନେସ୍‌ ମିଙ୍ଗେଙ୍ଗ୍‌ କୁକ୍‍ତିତି ଇମ୍‌ଣି ଇସ୍ୱର୍‌, ଜିବୁନ୍‌ ହେୱାନ୍ତି ରାଜି ଆରି ସବୁ ନାଜିଂ ବାଡା ଆନାର୍‌ ଜାଜ୍‌ମାଲ୍‌ତ ମେହାଆନି କାଜିଂ ଏପେଙ୍ଗ୍‌ ହେୱାନ୍ତି ହାର୍ଦି ଚିନ୍ତା କିୟାଟ୍‌ ।
\p
\v 13 ଆରେ, ଇନେକିଦେଂକି ଆପ୍‌ ପା ଲାଗିସ୍‌ ଇସ୍ୱର୍‌ତି ଜୱାର୍‌ କିନାପା ଜେ, ଏଚେକାଡ଼୍‌ଦ ଏପେଙ୍ଗ୍‌ ମାହୁଦାଂ ସୁଣାୟ୍‍କିତି ଇସ୍ୱର୍‌ତି କାତା ଇଟ୍‍ତାଦେର୍, ହେ ଏଚେୱେଡ଼ାଙ୍ଗ୍ ହେଦାଂ ମାନାୟ୍‍ତି କାତାଲାକେ ଇଟ୍‍ୱାଦାଂ ନଲେ ଇସ୍ୱର୍‌ତି କାତାଲାକେ ଇଡ଼୍‌ଜି ମାଚାଦେର୍‌, ଆରେ ହାତ୍‌ପାନେ ହେଦାଂ ଇସ୍ୱର୍‌ତି କାତା ଆନାତ୍‌, ଆରେ ପାର୍ତି କିନାକାଦେର୍‌ ଜେ ଏପେଙ୍ଗ୍‌, ମି ୱାସ୍କିତ ହେଦାଂ ପା କାମାୟ୍‌ କିନାତା । 
\v 14 ଇନାକିଦେଂକି, ଏ ଟଣ୍ଡାର୍‌, ଆରି ତଣ୍‌ଦେକ୍‌ ଏପେଙ୍ଗ୍‌ କ୍ରିସ୍ଟ ଜିସୁତି ତାକେ ମାନି ଜିହୁଦା ଦେସ୍‌ନି ଇସ୍ୱର୍‌ ମଣ୍ଡ୍‌ଲି ସବୁନି ହୁଡ଼୍‌ଦେଂ ଲାକେ ଆତାଦେର୍ଣ୍ଣା, ଲାଗିଂ ହେୱାର୍‌ ଜିହୁଦିର୍ତି ହୁକେ ଇମ୍‌ଣି ସବୁ ଦୁକ୍‍ବଗ୍‍ କିଜ଼ି ମାଚାର୍‌, ଏପେଙ୍ଗ୍‌ ପା ଜାର୍‌ ଜାତିର୍ତି ହୁଦାଂ ହେ ସବୁ ଦୁକ୍‍ବଗ୍‍ କିତାଦେର୍ଣ୍ଣା । 
\v 15 \x + \xo ୨:୧୫ \xo*\xt ପକ୍ୟାତାକା ୯:୨୩,୨୯; ୧୩:୪୫,୫୦; ୧୪:୨,୫,୧୯; ୧୭:୫,୧୩; ୧୮:୧୨.\xt*\x*ହେ ଜିହୁଦିର୍‌ ମାପ୍ରୁ ଜିସୁଙ୍ଗ୍‌, ଆରେ ଇସ୍ୱର୍‌ତି ବେଣ୍‌ବାକ୍‌ଣାୟ୍‌କିନାକାରିଂ ପା ଅଜ଼ି ମାଚାର୍‌, ଆରେ ମାଙ୍ଗ୍‌ ନିନ୍ଦା କିତ୍‍ତାର୍, ହେୱାର୍‌ ଇସ୍ୱର୍‌ତି ମାନ୍ତହାଲ୍‌ୱି ଲଗୁ ଆରି ୱିଜ଼ୁ ମାନାୟ୍‌ ଜାତିତି ସାତ୍ରୁ, 
\v 16 ଇନାକିଦେଂକି ଇସ୍ୱର୍‌ତିଂ ପାର୍ତିକିୱି ଜିହୁଦିର୍‌ତି ମୁକ୍ତି ଆନାକା କାଜିଂ ହେୱାର୍‌ ଲାଗାଂ ସୁଣାୟ୍‌ କିଦେଙ୍ଗ୍‌ ହେୱାର୍‌ ମାଙ୍ଗେଙ୍ଗ୍‌ ବାଦା ହିତ୍‌ତାର୍‌ନା; ଇ ଲାକେ ହେୱାର୍‌ ନିତ୍ରେ ଜାର୍‌ ଜାର୍‌ତିଂ ପାପ୍‌ ବାର୍ତି କିତାର୍ଣ୍ଣା; ମତର୍‌ ହେୱାର୍‌ତି ଜପି ରିସା ପୁରାବାର୍ତି ଆର୍‍ତାତେ ।
\s ଆରେ ହାଞ୍ଜେଙ୍ଗ୍‌ ଇଞ୍ଜି ପାଉଲ୍‌ତି ୱାରି
\p
\v 17 ମତର୍‌, ଏ ଟଣ୍ଡାର୍‌, ଆରି ତଣ୍‌ଦେକ୍‌ ଆପେଂ ମାନ୍ତ ଆକାୟ୍‌, ମତର୍‌ ଗାଗାଡ଼୍‌ତ ଅଲପ୍‍ ସମୁ କାଜିଂ ମିଙ୍ଗେଙ୍ଗ୍‌ତାଂ ବିଗ୍‌ଡ଼ା ଆଜ଼ି ମାଚିଲେ ମି ମୁମ୍‌ ହୁଡ଼୍‌ଦେଂ ବେସି ଇଚା ହୁକେ ଆଦିକ୍‌ ସେସ୍ଟା କିଜ଼ି ମାଚାପ୍‌ । 
\v 18 ଇଦାଂ କାଜିଂ ଆପେଂ ମି ଲାଗାଂ ହାନି କାଜିଂ ମାନ୍‌ କିଜ଼ି ମାଚାପ୍‌, ଆନ୍‌ ପାଉଲ୍‌ ରଗ, ରିହା ମାନ୍‌ କିଜ଼ି ମାଚାଂ, ମତର୍‌ ସୟ୍‌ତାନ୍‌ ମାଙ୍ଗେଙ୍ଗ୍‌ ବାଦା ହିତ୍‌ତାତ୍‌ । 
\v 19 ଇନାକିଦେଂକି ମାଙ୍ଗ୍‌ ମାପ୍ରୁ ଜିସୁତି ୱାନି ସମୁତ ତା କଚଣ୍‌ତ ମା ଆହା, ଦୁକ୍‌କିନାକା କି ଗରବ୍‍ନି ମୁକୁଟ୍‌ ଇନାକା ? କି ଏପେଙ୍ଗ୍‌ ଆକାୟ୍‌ ? 
\v 20 ଏପେଙ୍ଗ୍‌ ତ ମା ଜାଜ୍‌ମାଲ୍‌ ଆରି ୱାରିକିନିତ କାରଣ୍‌ ଆନାଦେର୍‌ ।
\c 3
\p
\v 1 \x + \xo ୩:୧ \xo*\xt ପକ୍ୟାତାକା ୧୭:୧୫.\xt*\x*ଇଦାଂ କାଜିଂ ଆପେଂ ଆରେ ହୁଞ୍ଜେଙ୍ଗ୍‌ ଆଡ୍‌ୱିତିଲେ ଏତେନ୍‌ସ୍‌ତ ରୱାଙ୍ଗ୍ ମାଞ୍ଜେଙ୍ଗ୍‌ ଇଞ୍ଜି ତିର୍‌ କିତାଙ୍ଗ୍‌; 
\v 2 ଆରେ, ମି ପାର୍ତି ବିସ୍ରେ ମିଂ ୱାରିକିୟ୍‌ କିଦେଂ ଆରି ମିଙ୍ଗେଙ୍ଗ୍‌ ସୁସ୍ତା କିଦେଂ, କ୍ରିସ୍ଟତି ନେକ୍ରିକାବୁର୍‌ କାମାୟ୍‍ତ ଇସ୍ୱର୍‌ତି ହାଙ୍ଗ୍‌ଦାକାର୍‌ ଟଣ୍ଡେନ୍‌ ତିମତିଙ୍ଗ୍‌ ପକ୍‌ତାତାପ୍‌ । 
\v 3 ଇନେସ୍‌କି ଇନେର୍‌ ଇ ୱିଜ଼ୁ କସ୍ଟ ବିତ୍ରେ ଏନେତେନେ ଆମାଟ୍‌ । ଆସେଙ୍ଗ୍‌ ହେଦାଂ କାଜିଂ ବାଚିକିୟାତାସ୍‌ନା ଇଞ୍ଜି ଏପେଙ୍ଗ୍‌ ତ ନିଜେ ପୁନାଦେର୍‌ ଲାଗିଂ ଏପେଙ୍ଗ୍‌ ଇସ୍ୱର୍‌ତି ମାନ୍‌ । 
\v 4 ଇନାକିଦେଂକି ମାଙ୍ଗେଙ୍ଗ୍‌ ଜେ କସ୍ଟ ବଗି କିଦେଙ୍ଗ୍‌ ଆନାତ୍‌, ଇଦାଂ ଆପେଂ ମି ଲାହାଂ ମାନି ସମୁତ ମିଙ୍ଗେଙ୍ଗ୍‌ ପୁର୍ବେତାଂ ଚାନେକ୍‌ତିଂ ଚାନେକ୍‌ ୱେଚ୍‌ଚି ମାନ୍‌ଚାପ୍‌, ଆରେ ହେ ଲାକେ ଗିଟା ଆତାତ୍‌, ଆରେ ଏପେଙ୍ଗ୍‌ ହେଦାଂ ପୁନାଟ୍‌ । 
\v 5 ଇଦାଂ କାଜିଂ, ଏଚେକାଡ଼୍‌ଦ ସୟ୍‌ତାନ୍‌ ମିଙ୍ଗେଙ୍ଗ୍‌ ପରିକ୍ୟା କିଜ଼ି ମାନ୍‌ଞ୍ଜାନାନ୍‌ ଆରି ମା କାମାୟ୍‌ ପଲ୍ୟା ଆଜ଼ି ମାନାତ୍‌, ଇଦାଂ ପାଣ୍ଡ୍ରାଜ଼ି ଆନ୍‌ ପା ଆରେ ହୁଞ୍ଜେଙ୍ଗ୍‌ ଆଡ୍‌ୱାଦାଂ ମି ପାର୍ତି କିନି ବିସ୍ରେ ପୁଞ୍ଜେଙ୍ଗ୍‌ କାଜିଂ ମାନାୟ୍‌ ପକ୍‌ତାତାଂ ।
\p
\v 6 \x + \xo ୩:୬ \xo*\xt ପକ୍ୟାତାକା ୧୮:୫.\xt*\x*ଇଦାଂ ପାଚେ ମି ଲାଗାଂତାଂ ମାସ୍‌ଦି ୱାଜ଼ି ତିମତି ମି ପାର୍ତି ଆରି ଜିଉନନି ବିସ୍ରେ ହାର୍‌ ନେକ୍ରିକାବୁର୍‌ ତାଇୱାତାର୍ଣ୍ଣା । ହେୱାନ୍‌ ମାଙ୍ଗେଙ୍ଗ୍‌ ୱେଚ୍‌ଚାତାନ୍‌ ଜେ, ଏପେଙ୍ଗ୍‌ ନିତ୍ରେ ମାଦାଂ ହାର୍‌ କାମାୟ୍‌ କିନାଦେରା ଆରି ଆପ୍‌ ଇନେସ୍‌ ମିଙ୍ଗେଙ୍ଗ୍‌ ହୁଡ଼୍‌ଦେଂ ଇଚା, ଏପ୍‌ ପା ହେ ଲାକେ ମାଙ୍ଗେଙ୍ଗ୍‌ ହୁଡ଼୍‌ଦେଂ ଇଚା କିନାଦେରା । 
\v 7 ଇଦାଂ କାଜିଂ, ଏ ଟଣ୍ଡାର୍‌, ଆରି ତଣ୍‌ଦେକ୍‌ ମି ପାର୍ତି କିନି କାଜିଂ ଆପେଂ ମା ୱିଜ଼ୁ ହାବଡ଼ତ ଆରି କସ୍ଟ ବଗିକିନିତ ମି ବିସ୍ରେ ଦୁକ୍‌ସାରାୟ୍‌ କିୟା ଆତାପ୍‌ନା; 
\v 8 ଇନାକିଦେଂକି ଆପେଂ ନଂ ଜିତାପ୍‌ନା ଜଦି ଏପେଙ୍ଗ୍‌ ମାପ୍ରୁ ତାକେ ବିୱାହିଂ ଆଜ଼ି ମାନାଟ୍‌ । 
\v 9 ଆଁ, ମା ଇସ୍ୱର୍‌ତି ଲାଗେ ମି କାଜିଂ ଆପେଂ ଜେ ୱିଜ଼ୁ ୱାରିତ ୱାରି ଆନାପା । ହେବେନି ବାଦୁଲ୍‌ ଲାକେ ମି କାଜିଂ ନଙ୍ଗ୍‌ ଇସ୍ୱର୍‌ତିଂ ଜୁୱାର୍‌ କିଦେଙ୍ଗ୍‌ ଆଡ୍‌ନାନ୍‌ । 
\v 10 ମି ପାର୍ତିତ ଇନାକା ଉଣା ମାନାତ୍‌, ହେଦାଂ ପୁରାୟ୍‌ କିଦେଙ୍ଗ୍‌ ଇଞ୍ଜି ଆପେଂ ମି ଲାହାଂ ଇନେସ୍‌ ମେହାଆଦେଂ ଆଡ୍‌ନାସ୍‌, ଇଦାଂ କାଜିଂ ୱେଡ଼ା ନାଣା ବେସି ପାର୍ତାନା କିନାପା ।
\p
\v 11 ମା ଆବା ଇସ୍ୱର୍‌ ନିଜେ ଆରେ ମା ମାପ୍ରୁ ଜିସୁ ମି ଲାଗାଂ ମା ହାନି ହାଜ଼ି ରଚ୍‌ନାନ୍‌ । 
\v 12 ଆରେ, ମି କାଜିଂ ମାଦାଂ ଇନେସ୍‌ ଜିଉନନାକା, ହେ ଲାକେ ହାରିତିଂ ଆରି ୱିଜ଼ାର୍‌ କାଜିଂ ଜିଉନନିତ ମାପ୍ରୁ ମିଙ୍ଗେଙ୍ଗ୍‌ ଆରେ ଆଦିକ୍‌ ଲାକେ ବାଡାୟ୍‌ କିଦେନ୍‌ । 
\v 13 ହେୱାନ୍‌ ମି ୱାସ୍କି ସୁସ୍ତା କିଜ଼ି ଇଟାଟ୍‌, ଇନେସ୍‌ ମା ମାପ୍ରୁ ଜିସୁ ଜାର୍‌ ୱିଜ଼ୁ ଦାର୍ମିର୍‍ ଲାହାଂ ୱାନାକା ସମୁତ ଏପେଙ୍ଗ୍‌ ମା ଇସ୍ୱର୍‌ ଆରି ଆବାତି ଲାଗାଂ ପୁଇପୁୟାତାଂ ଦସି ଆୱାଦାଂ ଚଞ୍ଜ୍‌ୟାନାଦେର୍‌ । ଆମେନ୍‌ ।
\c 4
\s ଇସ୍ୱର୍‌ ମୁମ୍‌ଦ ସାରିନିକା ଜିବୁନ୍‌
\p
\v 1 ଏ ଟଣ୍ଡାର୍‌, ଆରି ତଣ୍‌ଦେକ୍‌ ହାରିହାରାତ ଇନେସ୍‌ ଲାକେ ଚିନ୍ତା କିଜ଼ି ଇସ୍ୱର୍‌ତିଂ ସାରି କିନାକା ମାନାତ୍‌, ହେ ବିସ୍ରେ ଏପେଙ୍ଗ୍‌ ମା ତାଙ୍ଗ୍‌ ଇନେସ୍‌ ହିକ୍ୟା ଗାଟାତାଦେର୍ଣ୍ଣା, ଆରେ ଏପେଙ୍ଗ୍‌ ପା ଇନେସ୍‌ ଜିବୁନ୍‌ ଜିପ୍‌କା କିନାଦେରା, ତା ଲାକେ ଆରେ ଆଦିକ୍‌ ୱାଦେଂ କାଜିଂ ଆପେଂ ମାପ୍ରୁ ଜିସୁତି ତର୍‌ଦ ମିଙ୍ଗ୍‌ ଗୱାରି କିଜ଼ି ୱାରି କିଦ୍‌ନାପା । 
\v 2 ଆପେଂ ମାପ୍ରୁ ଜିସୁତି ଆଦିକାର୍‌ ମିଙ୍ଗେଙ୍ଗ୍‌ ଇନା ଇନା ବଲ୍‌ ହିଜ଼ି ମାନ୍‌ଚାପ୍‌, ହେଦାଂ ତ ଏପେଙ୍ଗ୍‌ ପୁନାଦେର୍‌ । 
\v 3 ଇନାକିଦେଂକି ଏପେଙ୍ଗ୍‌ ଇନେସ୍‌ ପୁଇପୁୟା ଆନାଦେର୍‌, ଇଦାଂ ଇସ୍ୱର୍ତି ଇଚା, ଇନାକିଦେଂକି ଏପେଙ୍ଗ୍‌ ଇନେସ୍‌ ଦାରିତାଂ ଦେହା ମାନାଟ୍‌, 
\v 4 ଜାଣ୍‍କେ ପୁଇପୁୟା ଆରି ହାରି ଦୁକ୍‌କିନାକା ବାବ୍ରେ ଜାର୍‌ ଜାର୍‌ କାଜିଂ କଗ୍‌ଲେ ଇଡ୍‌ଦେଂ ପୁନାଦେର୍‌, 
\v 5 ଆରେ, ଇନେସ୍‌ ଇସ୍ୱର୍ତି ବିସ୍ରେ ପୁନ୍‌ୱାତାକାଦେର୍‌ ଇସ୍ୱର୍‌ତିଂ ପାର୍ତିକିୱି ଜିହୁଦିର୍‌ ଲାକେ ବାନ୍ୟାକାମାୟ୍‍ତ ହାଲ୍‍ୱାଦାଂ, 
\v 6 ଆରେ, ଇନେସ୍‌ ଇନେର୍‌ ଇ ବିସ୍ରେ ହାନ୍ଦି ନାସି ଜାର୍‌ କ୍ରିସ୍ଟ ଟଣ୍ଡେନିଙ୍ଗ୍‌ ନିନ୍ଦା କିୱାତାନ୍‌ଚି, ଲାଗିଂ ମାପ୍ରୁ ଇ ୱିଜ଼ୁ ବିସ୍ରେ ଦାଣ୍ଡ୍‌ହିଦ୍‌ନାକାନ୍‍, ଇନେସ୍‌ ଆପେଂ ପୁର୍ବେ ପା ମିଙ୍ଗେଙ୍ଗ୍‌ ୱେଚ୍‌ଚି ସାକି ହିିଜ଼ି ମାଞ୍ଚାପ୍‌ । 
\v 7 ଇନାକିଦେଂକି ଇସ୍ୱର୍‌ ମାଙ୍ଗେଙ୍ଗ୍‌ ବିଟାଡ଼୍‌ତ ଜିବୁନ୍‌ ଜିପ୍‌କା କିଦେଙ୍ଗ୍‌ କାଜିଂ କୁକ୍‍ତାୱାଦାଂ ପୁଇପୁୟା ଆନି କାଜିଂ କୁକ୍‍ତାତାନ୍ନା । 
\v 8 ଲାଗିଂ, ଇନେନ୍‌ ଇଦାଂ ଇଟୁୱାତାନ୍‍, ହେୱାନ୍‌ ମାନାୟ୍‍ତିଂ ଇଟ୍‌ତାନ୍‌, ମତର୍‌ ଇମ୍‌ଣି ଇସ୍ୱର୍‌ ମି ୱାସ୍କିତ ଜାର୍‌ ପୁଇପୁୟା ଜିବୁନ୍‌ ହିତ୍‍ତାନ୍ନା, ହେୱାନିଂ ଇଟୁନ୍‌ ।
\p
\v 9 କ୍ରିସ୍ଟ ପାର୍ତି ବିସ୍ରେ ମି ଲାଗେ ଲେକିକିନାକା ଲଡ଼ା ଆକାୟ୍‌, ଇନାକିଦେଂକି ଏପେଙ୍ଗ୍‌ ଜାଣ୍‌କେତିଂ ଜିଉନନି କାଜିଂ ଇସ୍ୱର୍‌ତି ହୁଦାଂ ନିଜେ ହିକିତ୍‍ ଆତାଦେର୍ଣ୍ଣା, 
\v 10 ଆରେ, ହାତ୍‌ପାନେ ୱିଜ଼ୁ ମାକିଦନିଆତ ମାନି ୱିଜ଼ାର୍‌ ଟଣ୍ଡେନ୍‌ କାଜିଂ ଏପେଙ୍ଗ୍‌ ହେଦାଂ କିନାଦେରା । ଆତିସ୍‌ପା ଏ ଟଣ୍ଡାର୍‌, ଏପେଙ୍ଗ୍‌ ଇନେସ୍‌ ଆରି ଆଦିକ୍‌ ଲାକେ ହେଦାଂ କିନି କାଜିଂ ଗୱାରି କିନାଦେରା, 
\v 11 ଆରେ, ମିଙ୍ଗ୍‌ ହିତ୍‍ତି ମା ବଲ୍‍ଇସାପେ ଏପେଙ୍ଗ୍‌ ଇନେସ୍‌ ସୁସ୍ତାରେ ବାହା କିଜ଼ି ଜାର୍‌ ଜାର୍‌ କାମାୟ୍‌ତ ଲାଗାଆଦେଂ ଆରି ଜାର୍‌ ଜାର୍‌ କେଇଦ କାମାୟ୍‌ କିଦେଙ୍ଗ୍‌ ମର୍ଜଦା ବିସ୍ରେ ବାବି କିନାଦେରା, ଇଦାଂ କାଜିଂ ଆସେଙ୍ଗ୍‌ ମିଙ୍ଗେଙ୍ଗ୍‌ ଗୱାରି କିଦ୍‌ନାପା । 
\v 12 ଇ ବାନି କିନି ହୁକେ ଇନେସ୍‌ ବାର୍‌ତି ଲକୁ କାଜିଂ ଏପେଙ୍ଗ୍‌ ହାର୍ଦି ମାନ୍‌ କିୟାଟ୍‌, ଆରେ ମିଦାଙ୍ଗ୍‌ ଇମ୍‌ଣାକା ଅବାବ୍‌ ଆଉତ୍‌ ।
\s ମାପ୍ରୁତି ୱାନାକା
\p
\v 13 ଏ ଟଣ୍ଡାର୍‌, ଆରି ତଣ୍‌ଦେକ୍‌ ବାର୍ସି ହିଲ୍‍ୱି ବିନ୍‌ ୱିଜ଼ାକାର୍‌ ଲାକେ ଏପେଙ୍ଗ୍‌ ଇନେସ୍‌ ଦୁକ୍‌ ଆମାଟ୍‌, ଇଦାଂ କାଜିଂ ହାତି ଲଗାର୍ତି ବିସ୍ରେ ଏପେଙ୍ଗ୍‌ ଜେ ପୁନ୍‌ୱାଦାଂ ମାନାଦେର୍‌, ଇଦାଂ ମା ଇଚା ଆକାୟ୍‌ । 
\v 14 ଇନାକିଦେଂକି ଜଦି ଆସେଙ୍ଗ୍‌ ପାର୍ତି କିନାସ୍‌ ଜେ, ଜିସୁ ହାଜ଼ି ଆରେ ରଗ ନିଙ୍ଗ୍‌ତାନ୍‌ନା, ୱାଟିଙ୍ଗ୍‌ ଇସ୍ୱର୍‌ ଜେ ଜିସୁତି କ୍ରିସ୍ଟ ତାକେ ପାର୍ତି କିଜ଼ି ମାଚି ମାନାୟ୍‌ ହାତାକାର୍‌ ମାନାୟାରିଂ ହେ ଲାକେ ତା ଲାହାଙ୍ଗ୍‌ ତାନାନ୍, ଇଦାଂ ପା ପାର୍ତି କିନି ଲଡ଼ା ।
\p
\v 15 ଲାଗିଂ ଆପେଂ ମାପ୍ରୁତି କାତା ଇସାପ୍‌ରେ ମିଙ୍ଗ୍‌ ଇଦାଂ ଇଞ୍ଜ୍‌ନାପା, ଆପେଂ ଏଚେକ୍‌ ମାନାୟ୍‌ ମାପ୍ରୁତି ୱାନି ପାତେକ୍‌ ଜିଜ଼ି ମାନ୍‌ଞ୍ଜି ବାକି ମାନାପ୍‌, ଆପେଂ ଇନେସ୍‌ପା ହାତାକାର୍‌ ମାନାୟାର୍ତି ନିପ ହାଲୁପ୍‍ । 
\v 16 ଇନାକିଦେଂକି ମାପ୍ରୁ ଆପେ ବଲ୍‌ ହିିଜ଼ି ମୁଡ଼୍‌ ଦୁତତିଂ କାଟ୍‌ ଆରି ଇସ୍ୱର୍ତି ମରି ବାଜା ହୁଦାଂ ସାର୍ଗେତାଂ ଜୁଦ୍‍ନାନ୍‍, ହେବେତାଂ ଇମ୍‌ଣାକାର୍‌ କ୍ରିସ୍ଟତାକେ ମାନ୍‌ଞ୍ଜି ହାତାର୍ଣ୍ଣା, ହେୱାର୍‌ ପର୍ତୁମ୍‌ ନିଙ୍ଗ୍‌ନାର୍‌; 
\v 17 ପାଚେ ଆସେଙ୍ଗ୍‌ ଏଚେକ୍‌ ମାନାୟ୍‌ ଜିଜ଼ି ମାନ୍‌ଞ୍ଜି ବାକି ମାନାସ୍, ମାପ୍ରୁତି ଲାହାଙ୍ଗ୍‌ ବେଟ୍‌ ଆଦେଂ କାଜିଂ ଆସେଙ୍ଗ୍‌ ହେୱାର୍‌ତି ହୁକେ ବାଦାଡ଼୍‍ତ ୱାରି ପୁର୍ତିତ ଜୁଦ୍‍ନାସ୍; ଇ ଲାକେ ଆସେଙ୍ଗ୍‌ ନିତ୍ରେ ମାପ୍ରୁତି ଲାହାଙ୍ଗ୍‌ ମାନାସ୍ । 
\v 18 ଲାଗିଂ ଇ ୱିଜ଼ାର୍‌ ବଚନ୍‌ ହୁଦାଂ ଏପେଙ୍ଗ୍‌ ହାରି ଦୁକ୍‌ସାରାୟ୍‌ କିୟାଟ୍‌ ।
\c 5
\s ମାପ୍ରୁତି ଆରେ ୱାନି କାଜିଂ ଜାଲ୍‌ଦି ଆଡୁ
\p
\v 1 ମତର୍‌, ଏ ଟଣ୍ଡାର୍‌, ଆରି ତଣ୍‌ଦେକ୍‌ କାଡ଼୍‌ ଆରି ସମାନ୍‍ ୱେଡ଼ାଲିଂ ବିସ୍ରେ ଇନାୱାଡ଼ାଲିଂ ଇମ୍‌ଣି ସମୁତ ଗିଟା ଆଦ୍‌ନାତ୍‌ ମି ଲାଗାଂ ଲେକିକିନାକା ଲଡ଼ା ଆକାୟ୍‌, 
\v 2 \x + \xo ୫:୨ \xo*\xt ମାତିଉ ୨୪:୪୩; ଲୁକ ୧୨:୩୯; ୨ ପିତର୍‌ ୩:୧୦.\xt*\x*ଇନାକିଦେଂକି ନାଣା ଚର୍‌ ୱାତି ଲାକେ ମାପ୍ରୁତି ଦିନ୍‌ ଜେ ୱାନାତ୍, ଇଦାଂ ଏପେଙ୍ଗ୍‌ ହାର୍‍କିଜ଼ି ପୁନାଦେର୍‌ । 
\v 3 ଏଚେକାଡ଼୍‌ଦ ଲକୁ ସୁସ୍ତା ଆରି ହାର୍‌ ଆକାୟ୍‌ ଇଞ୍ଜି ଇଞ୍ଜି ମାନାର୍‍, ହେ ଏଚେକାଡ଼୍‌ଦ ଏସ୍‌ପିସ୍ତି କୁଚ୍‍ନିକସ୍ଟ ଲାକେ ହାଚାଟ୍ରେ ହେୱାର୍‌ତି ନାସ୍‌ ଏକାୱାନାତ୍‌, ଆରେ ହେୱାର୍‌ ଇନେସ୍‌ପା ବାନି ରାକ୍ୟା ପାୟା ଆଦେଂ ଆଡୁର୍‌ । 
\v 4 ମତର୍‌ ଏ ଟଣ୍ଡାର୍‌, ଆରି ତଣ୍‌ଦେକ୍‌ ଏପେଙ୍ଗ୍‌ ମାଜ୍‌ଗାତ ଆକାୟ୍‌ ଜେ ହେ ଦିନ୍‌ ଚର୍‌ ଲାକେ ପୁନ୍‌ୱିଲାଡ଼େ ମି ଲାଗାଂ ଏକାୱାନାନ୍‌, 
\v 5 ଇନାକିଦେଂକି ଏପେଙ୍ଗ୍‌ ୱିଜ଼ାଦେର୍‌ ଅଜଡ଼୍‌ ଆରି ୱେଡ଼ାନି ହିମ୍‌ଣାଂ । ଆସେଙ୍ଗ୍‌ ନାଣା କି ମାଜ୍‌ଗାନି ହିମ୍‌ଣାଂ ଆକାୟ୍‌; 
\v 6 ଲାଗିଂ ୱାଡୁ, ଆସେଙ୍ଗ୍‌ ବିନ୍‌ନିକାର୍‌ ଲାକେ ହୁଞ୍ଜ୍‌ୱାଦାଙ୍ଗ୍‌, ମତର୍‌ ଜାଗ୍ରତ୍‌ ଆଜ଼ି ଚେତ୍‌ନା ଆଜ଼ି ମାନାସ୍‌ । 
\v 7 ଲାଗିଂ ଇମ୍‌ଣାକାର୍‌ ହୁନ୍‌ଞ୍ଜି ହାନାର୍‍, ହେୱାର୍‌ ନାଣା ହୁଞ୍ଜି ହାନାର୍‍, ଆରେ ଇନେର୍‌ ମଦୁଆ ଆନାର୍‌, ହେୱାର୍‌ ନାଣା ହଚ୍‍ନାର୍‍ । 
\v 8 \x + \xo ୫:୮ \xo*\xt ଏପିସିୟ ୬:୧୩-୧୭.\xt*\x*ମତର୍‌ ୱାଡ, ଆସେଙ୍ଗ୍‌ ୱେଡ଼ାନି ହିମ୍‌ଣାଂ ଆତିଲେ ପାର୍ତି କିନାକାର୍‌ ଆରି ଜିଉନନି ଲାକେ ମୁକ୍‌ଡ଼ାନାକା ଟପ୍ରି ଆର୍ପିସ୍‌ ଆରି ମୁକ୍‌ଡ଼ାତି ବାର୍ସି ଲାକେ କାପ୍‌ଡ଼ା ଆତିୟାର୍‌ କାପ୍‌ଡ଼ାତ ହିଜ଼ି ଜାଗ୍ରତ୍‌ ମାନାସ୍‌ । 
\v 9 ଇନାକିଦେଂକି ଇସ୍ୱର୍‌ ମାଙ୍ଗେଙ୍ଗ୍‌ କାକ୍ରିନି ବାହା ଆଦେଂ କାଜିଂ ବାଚି କିଦ୍‌ୱାଦାଂ ମତର୍‌ ମାଂ ମାପ୍ରୁ ଜିସୁ କ୍ରିସ୍ଟତି ହୁଦାଂ ମୁକ୍‌ଡ଼ାନାକା ଗାଟାଆଦେଂ କାଜିଂ ବାଚି କିତାନ୍‌ନ୍ନା; 
\v 10 କ୍ରିସ୍ଟ ମା କାଜିଂ ହାତାନ୍‌ ଇନେସ୍‌ ଆସେଙ୍ଗ୍‌ ଜାଗ୍ରତ୍‌ ମାନ୍‌ଞ୍ଜି କି ହୁଞ୍ଜ୍‌ୱାଦାଙ୍ଗ୍‌ ମାନ୍‌ଞ୍ଜି ତା ଲାହାଙ୍ଗ୍‌ ଜିବୁନ୍‌ ମାନ୍‌ୱାଦାଂ କି ଜିବୁନ୍‌ ମାନ୍‌ଗାନାପ୍‌ । 
\v 11 ଲାଗିଂ ଇନେସ୍‌ କିତାପ୍‍ନା, ହେ ଲାକେ ହାରିତିଂ ଦୁକ୍‌ସାରାୟ୍‌ କିୟାଟ୍‌, ଆରେ ହାରି ହାର୍‌ ଇଟାଟ୍‌ ।
\s ହାରିହାରା ହିକ୍ୟା ଆରି ନେକ୍ରିକାବୁର୍‌
\p
\v 12 ଏ ଟଣ୍ଡାର୍‌, ଆରି ତଣ୍‌ଦେକ୍‌ ଆପେଂ ମିଙ୍ଗେଙ୍ଗ୍‌ ଗୱାରି କିଦ୍‌ନାପା, ଇମ୍‌ଣାକାର୍‌ ମି ବିତ୍ରେ କସ୍ଟ କିତାର୍‌ ଆରି ମାପ୍ରୁତି ହେବାତ ମି ମୁଡ଼୍‌ଦାକାନ୍‌ ଲାକେ ବାଚିକିୟା ଆଜ଼ି ମିଙ୍ଗେଙ୍ଗ୍‌ ଚେତ୍‌ନା ହିଦ୍‌ନାନ୍‌, ହେୱାରିଂ ୱାରି କିୟାଟ୍‌, 
\v 13 ଆରେ, ହେୱାର୍‌ କାମାୟ୍‌ କାଜିଂ ହେୱାରିଂ ଜିଉନନିତ ବେସି ଜିଉ ନୱାଟ୍‌ । ହାରି ରଚେ ସୁସ୍ତାତ ମାନାଟ୍‌ ।
\p
\v 14 ଏ ଟଣ୍ଡାର୍‌, ଆରି ତଣ୍‌ଦେକ୍‌ ଆପେଂ ମିଙ୍ଗେଙ୍ଗ୍‌ ଗୱାରି କିଦ୍‌ନାପା; ଅରାହିଲ୍‍ୱି ଚିନ୍ତା କିନି ମାନାୟ୍‍ତିଂ ଜାଗ୍ରତ୍‌ କିୟାଟ୍‌, ସାସ୍‌ ହିଲ୍‌ୱାକାରିଂ ଦୁକ୍‌ସାରାୟ୍‌ କିୟାଟ୍‌, ନାଦାର୍‌ରିଂ ଉପ୍‌କାର୍‌ କିୟାଟ୍‌, ୱିଜ଼ାର୍‌ କାଜିଂ ହୁଦାର୍‌ ଆଡୁ । 
\v 15 ଜାଗ୍ରତ୍‌, ଇନେର୍‌ ଇମ୍‌ଣାକାର୍‌ତି କାଜିଂ ଅନ୍ୟାୟ୍‌ ବାଦୁଲ୍‌ ଅନ୍ୟାୟ୍‌ କିମେନ୍‌, ଇଚିସ୍‌ ଏପେଙ୍ଗ୍‌ ନିତ୍ରେ ହାରିତିଂ ଆରି ୱିଜ଼ାର୍‌ତି ହାର୍‌ କିଦେଙ୍ଗ୍‌ ଜାଲ୍‌ଦି ଆଡୁ ।
\p
\v 16 ସବୁୱେଡ଼ାଲିଂ ଦୁକ୍‌ସାରାୟ୍‌ କିନାକା ହାରି କିୟାଟ୍‌ । 
\v 17 ନିତ୍ରେ ପାର୍ତାନା କିୟାଟ୍‌ । 
\v 18 ସବୁ ୱେଡ଼ାଲିଂ ଜୁୱାର୍‌ ହିୟାଟ୍‌; ଇନାକିଦେଂକି ମି ବିସ୍ରେ କ୍ରିସ୍ଟ ଜିସୁ ସୁକ୍‌ତାକେ ଇଦାଂ ଇସ୍ୱର୍ତି ଇଚା ।
\p
\v 19 ପୁଇପୁୟା ଜିବୁନ୍ତିଙ୍ଗ୍‌ ପାଗି କିମାଟ୍‌ । 
\v 20 ନିତ୍ରେ ମାପ୍ରୁ ତାକେ ବେଣ୍‌ବାକ୍‌ଣାୟ୍‌କିନାକା ପଲ୍ୟା ଇନ୍‌ମାଟ୍‌ । 
\v 21 ମତର୍‌ ୱିଜ଼ୁ ବିସ୍ରେ ପରିକ୍ୟା କିଜ଼ି ହୁଡ଼ାଟ୍‌; ଇନାକା ନେକ୍ରାକା, ହେଦାଂ ଆସ୍ତି ଇଟାଟ୍‌; 
\v 22 ୱିଜ଼ୁ ବାନି ବାନ୍ୟାତାଙ୍ଗ୍‌ ବିନେ ମାନାଟ୍‌ ।
\p
\v 23 ସୁସ୍ତାହିଦ୍‌ନି ଇସ୍ୱର୍‌ ତାୱେନ୍‍ ମାଙ୍ଗେଙ୍ଗ୍‌ ପୁରାପୁରି ପୁଇପୁୟା କିଦେନ୍‌, ଆରେ ମା ମାପ୍ରୁ ଜିସୁ କ୍ରିସ୍ଟତି ୱାନି କାଜିଂ ମି ୱାସ୍କି, ପାରାଣ୍‌, ଗାଗାଡ଼୍‌ ବାର୍ତି ଦସ୍‌ଆୱାଦାଂ ଇଟ୍‍ୟାୟେତ୍‍ । 
\v 24 ଇନେନ୍‌ ମିଙ୍ଗେଙ୍ଗ୍‌ କୁକ୍‌ତାନାନ୍‌, ହେୱାନ୍‌ ପାର୍ତିନିକାନ୍‍, ହେୱାନ୍‌ ହେଦାଂ ପା ପୁରାକିଦେଂ ଆଡ୍‌ନାନ୍‌ ।
\p
\v 25 ଏ ଟଣ୍ଡାର୍‌, ଆରି ତଣ୍‌ଦେକ୍‌ ମା କାଜିଂ ପାର୍ତାନା କିୟାଟ୍‌ ।
\p
\v 26 ୱିଜ଼ାର୍‌ ଟଣ୍ଡାରିଂ ପୁଇପୁୟାତ ଡନ୍‌ଞ୍ଜି ଜୁୱାର୍‌ କିୟାଟ୍‌ ।
\p
\v 27 ୱିଜ଼ାର୍‌ ଟଣ୍ଡାର୍‌ ଆରି ତଣ୍‌ଦେକ୍‌ ତାକେ ଇ ଆକି ପାଟ୍‍ କିୟ୍‍କିନି କାଜିଂ ଆନ୍‌ ମାପ୍ରୁତି ଆଦିକାର୍‌ ମିଙ୍ଗେଙ୍ଗ୍‌ ହିଦ୍‌ନାଙ୍ଗା ।
\p
\v 28 ମା ମାପ୍ରୁ ଜିସୁ କ୍ରିସ୍ଟତି ଦୟା ମି ଲାହାଙ୍ଗ୍‌ ଆଏତ୍‌ ।