\id ROM - Oyda New Testament
\ide UTF-8
\h ሮመ
\toc1 ጳዉሎሳ ሮመ አሱንስ ጻፍደ ኪታ
\toc2 ሮመ
\toc3 ሮመ
\mt1 ጳዉሎሳ ሮመ አሱንስ
\mt2 ጻፍደ ኪታ
\imt1 ገለ
\ip ሐዋረ ጳዉሎሳ ኪታ ሮመ አሱንስ ጻፍዳና፥ ጳዉሎሳ ሮመ የዘ ዎሳ ኬ በአደስ ቆፕደ ግሾ ኤ Ꮉንግዘ ዎደ ኡን ጊጊ ናጎደ ፋና ኦቾደስ። ጳዉሎሳ ቆፍታ ሮመ የዘ አማንዙንራ ኤራ ዎደ ኦችደፓ ሱባ ኡን ኤዛ ማድን እስፔነ Ꮉንጎደስ። አማኖ ባዝ ኤ ኤርዳኖን አማንዘ አሱንና ይና ትምርትቶ ኦቻላ ፌሾደ ፋና ቆንጭዝ ጻፍዳ። Ꮉና ማጻፍተ ጳዉሎሳ ኩሙ ኪታ Ꮉና ቆፍቶ አይክዳ።
\ip ጳዉሎሳ ሮመ የዘ አማንዘ አሱንና ቲኖ ሳር ማቂ፥ ካሊ ኡንትስ ዎስዛኖ ኦህደፓ ሱባ ፋ ኪትስ ግዳ ቆፋ፥ «ዎንገልተ ጾዘ ጽሎትታ ቆንጭዳ፤ ይና ጽሎትታ ቲኖፓ ዉርሱ የሎደስ አማኖራ ቆንጭዳ» ጋእ ኦህነ (1:17)።
\ip ይንፓ ሱባ፥ ይና ቆፍቶ ዳልግዚ ጻፋነ። አይሁዱንና ማቅን አይሁደ ማቆሰ አሱንና ማቅን ኡቡን ናጋራስ አቅዱንና ማቅደ ግሾ ኡን ጾዛራ ጊጎደስ ቤዛነ። አስ ጾዛራ ጊጎደስ ዳንዳእዛና የሱስ ክርስቶሳ አማኖራ። ኡን ጾዛራ መዘ Ꮉና ክለ የልንተ ኣፍታ፥ ክለ ደኦ ማቅዛኖ ጳዉሎሳ ዳልግዚ ኦህነ። አማንዘ አስ ጾዛራ ሳሮ የነ፤ ማህ ጾዘ አያና ባጋራ ናጋራፓን Ꮉይቆ ዎልቃፓ ኬሲ ኤክዳ። ዞፋነ 5-8 የሎደስ ጳዉሎሳ ጾዘ ህግቶን አማንዘ አሱን ደእተ ኦችዘ ጾዘ አያና ዎልቃ ቆፍታ አኮ የዛኮ ኦህነ። ይንፓ ካሊ፥ ጳዉሎሳ፥ «ጾዚ አስ ናኡንስ ቆፕደ ቆፍት ግዳ አይሁዱንናን አይሁደ ማቆሰ አሱን ዋይዝ ይእ ፈትላ ዋጽንቶደስ ዳንዳኤ?» ያጋዘ ኦጭትስ ማል እንጎደስ ቡቱንትዳ።
\ip ማህ አይሁዱን የሱሳ ኤካንጽ እጽዳና ጾዘ ቆፋ ማቅካይዛኖ ኦህነ። ይና Ꮉንዳና የሱስ ክርስቶሳ ባጋራ ቆንጭደ አ ኬሃት ግዳ አስ ኮች ኡባ ኤክንቶደ ፋና። ማቆ የዝን፥ አይሁዱን የሱሳ ኤኮደ ዎደ ዮኦዳኖ ጳዉሎሳ አማናነ። ዉርሱተ ጳዉሎሳ አማኖ ደኦ ዋይዝ የሳደስ ቤዛኮ ኦህነ። ጾዝስ ኦቾደ ባዝ፥ አማንዘ አሱን ፋ ካትስን ፋ ግዳ ፈታይ ፈታይስ አዳትራ ኦቾደባዝን ዎዝና ጋ መንትደ ኦጭዘባዝ ቆንጭዝ ኦህነ።
\iot ኣፈ ቆፉን
\io1 ገለ ቆፋ \ior 1:1-15 \ior*
\io1 ሮመ ኪታ ኦማ ቆፋ \ior 1:16-17 \ior*
\io1 አስ ናአስ አቶት ኮሹዛኖ \ior 1:18—3:20 \ior*
\io1 ጾዘ አስ አሽዘ ኦገ \ior 3:21—4:25 \ior*
\io1 ክርስቶሳ ግዳ በንትዘ ክለ ደኦ \ior 5:1—8:39 \ior*
\io1 እስራኤለስ ጾዘ ቆፋ \ior 9:1—11:36 \ior*
\io1 አማንዘ አሱን የስ \ior 12:1—15:13 \ior*
\io1 ጻ ቆፋን ሳር \ior 15:14—16:27 \ior*
\c 1
\p
\v 1 የሱስ ክርስቶሳ አሮ ማቅደ፥ ሐዋረ ማቃደ ጋራ ጼግንትደፓን ጾዘ ዎንገለ ሳባኮደ ጋራ ዶርንትደ ጳዉሎሳ ኪትደ ኪታ።
\p
\v 2 ጾዚ ጋማ ዎደፓ ቲኖ ፋ ናቡን ባጋራ እንጎዳ ያጋይደ ጾዘ ጌሽ ማጻፍተ ጻፍንትዳ። 
\v 3 Ꮉይ ዎንገልዘ አሾራ ዳዉተ ኮቻፓ የልንትደ፥ ጾዘ ናአ፥ ኑ ላ የሱስ ክርስቶሳስ። 
\v 4 ማህ ኤ ፋ ጌሽ አያናራ Ꮉይቆፓ ደንዲ፥ ጾዘ ናአ ማቅዳኖ ዳማ ዎልቃራ ቤዝዳ። 
\v 5 ኤ ባጋራ አይሁደ ማቆሰ አሱን ኡባ፥ አማኒ ኪትንቶደ ጋር ክርስቶሳ ሱንት ግሾ ጾዘ አ ኬሃትን ሐዋረት አደት ዎልቃ ኑ ኤክዳ። 
\v 6 የሱሳ ክርስቶሳስ ማቃደ ፋና ጼግንትደ አሱንፓ ባጉን ይንታና።
\p
\v 7 ሮመ የዘ፥ ጾዚ ይቅስንትዙንና ኤስ ጌሽ ዎርዣ ማቃደ ፋና ዶርዱንስ።
\p ጾዘ ኑ አደፓን ላ የሱስ ክርስቶሳፓ አ ኬሃትን ሳሮት ይንትስ ማቀ።
\s1 ጋላታን ዎሳ
\p
\v 8 ኡባፓ ቲኒ፥ ይን አማንታ ሳአ ኡባ ስንትደ ግሾ የሱስ ክርስቶሳ ባጋራ ይን ግሾ ታ ጾዛ ጋላታነ። 
\v 9 ታኒ ኤ ናአይ ዎንገለባዝ ኩሙ ዎዝንተ ኦህዘ ጾዘ፥ ታኒ ታ ዎስተ ኡባ ዎደ ይንታና ቆፕዛንስ ኤ ማርካ። 
\v 10 ዉርሱተ፥ ጾዘ ቆፋ ማቅኮ፥ ታኒ ይንታጎ Ꮉንጎደስ ኦገ ታስ ጊጎደ ፋና ኡባ ዎደ ዎሳነ። 
\v 11 ታኒ ይንትስ አያና አንጆ ሻኮደስን ይንታና በአደስ አሙነ። 
\v 12 ይናን፥ ታኒ ይን አማንተን፥ ማህ ይን ታ አማንተ ምንጎደ ፋናስ።
\p
\v 13 ታ እሹን፥ ታኒ አይሁደ ማቆሰ አሱንፓ ኣፈ ደንግዳን ፋና፥ ይንታፓን ኣፈ ደንጎደስ ይንታጎ Ꮉንጎደስ ቆፕዳ፥ የዝን ካይንትዳ።\x - \xo 1:13 \xo*\xt ሐዋ. 19:21\xt*\x* 
\v 14 ግርኬ አሱንስን ግርኬ ማቆሰ አሱንስ ማህ ጭንጩንስስን ቦዙንስ ታስ ጋለ የነ።
\p
\v 15 ይኒ ግሾ፥ ሮመ የዘ ይንትስን ዎንገለ ኦሆደስ አሙነ።
\s1 ዎንገለ ጾዘ ዎልቃ
\m
\v 16 ቲን አይሁዱንና፥ ማህ አይሁደ ማቆሱንናን አማንዘ ኡቡና አሾደስ ዎንገለ ጾዘ ዎልቃ ማቅደ ግሾ ታ ዎንገለራ ዬልኦስ።\x - \xo 1:16 \xo*\xt ማር. 8:38\xt*\x* 
\v 17 ጽሎ አማኖራ ደኦ የሳዳ ጋእንት ጌሽ ማጻፍተ ጻፍንትዳ። ዎንገለ ጾዘ ጽሎትቶ ቆንጭዝዳ፤ ቲኖፓ ዉርሱ የሎደስ አስ ጽልዘ አማኖራ።\x - \xo 1:17 \xo*\xt እብ. 2:4\xt*\x*
\s1 አሱን ኢታት
\p
\v 18 ቱርታ ኤርንታመ ፋና ፋ ኢታ ኦቻራ ካምዘ አሱንላ አፋ ናጋራ ኡባላ አፋ፥ ጾዘ Ꮉንቆ ሳሎፓ ዎዳ። 
\v 19 ጾዚ ኡንትስ ቆንጭሳደስ ቤዘባዝ ቆንጭዝደ ግሾ ኡን ጾዘ ባዝ ኤራነ። 
\v 20 አላመ መንትደፓ ደን፥ አስስ በንቶሰ ጾዘ Ꮉኖ፥ ይናን ኤ መዽና ዎልቃን ጾዘት ኤ መትተ ቆንጪ የዘ ግሾ አሱን ፋ ኢታትትስ ምክናተ ማቅዘ ባዝ ባያ።
\p
\v 21 ኡን ጾዛ ኤርተራ፥ ኤዛ ቦንችካያን ጋላትካያ። ኡን ቆፍታ ማዶሰ ባዝ ማቅዳ፤ ኡን ቆፖሰ ዎዝንታ ምዳ።\x - \xo 1:21 \xo*\xt ኤፈ. 4:17-18\xt*\x* 
\v 22 ኡን ፋና ጭንጩንና ጋነ፥ የዝን ቦዙንና። 
\v 23 ኡን Ꮉይቆሰ ጾዛ ጎይኖዳኖ አሺ፥ Ꮉይቅዘ አስ መን፥ ላንዳን፥ ጾን ሳዛራ ጎቹንትዘ ባዝ አዝዝ መደ ምስለ ጎይናነ።\x - \xo 1:23 \xo*\xt ማሄ 4:16-18\xt*\x* 
\v 24 ይኒ ግሾ፥ ኡን ፈታይ ፈታይራ ኢታ ባዝ ኦቺ፥ ፋ ጋልቶ ካዉሾደ ጋር ጾዚ ኡን ዎዝንቶ አሙዘ ቱና ኦቻስ ኡንታና ኦልዳ። 
\v 25 ይና Ꮉንዳና ኡን ጾዘ ቱርቶ ዎርዶ ላምደ ግሾን መደ ጾዛ አሺ፥ መንትደ ባዝ ጎይንደ ግሾ። ጾዚ መዽናስ ጋላትንትዳ። አምንኤ።
\p
\v 26 ይኒ ግሾ፥ ጾዚ ኡንታና ቱና አሞትስ አ እንግዳ። ኡን ማቹን ፋስ ቤዝዘ ራራ የልንትዛኖ አሺ፥ ቤዞሰ ባዝ Ꮉኒ ማቻ ማችራ የልንታነ። 
\v 27 ይኒ ጋር፥ ራ ፋስ ቤዝዘ ማችራ የልንትዛኖ አሺ፥ ራ ራራ የልንታነ። ራን ፈታይ ፈታይራ አሞትራ ኤጽንቲ፥ ዬልዘ ባዝ ኦችዳ። ፋ ኦችደ ባላ ኦችትስ ቤዝዘ ፍርዳ ኤክዳ።
\p
\v 28 ኡን ጾዛ ኤርተራ፥ መለ አቶ የዝን ኤ ባዝ ቆፖደስ ኮያንጽ እጽደ ግሾ ቤዞሰ ባዝ ኦቾደ ጋር ጾዚ ኡንታና ማዶሰ ቆፋስ አ እንግዳ። 
\v 29 ኡን ቆሄራ፥ ኢታትራ፥ ዥምባራራ፥ ገነራ፥ ቅናተራ፥ ሸምፖ ዎራ፥ ላለራ፥ ጭሞራን ኢታ አሞራ ኩምዳ። ኡን ዝግርዙንና፥ 
\v 30 አስ ሱን ኢስዙንና፥ ጾዝ እጽዙንና፥ ጫዥዙንና፥ ኡትርዙንና፥ ጬቅዙንና፥ ኢታ ባዝ ኦቾደስ ኮይዙንና ፋ አዳይስን እንትስን ኪትንቶሱንና፥ 
\v 31 ቲሮሱንና፥ ቃላ ላምዙንና፥ ሲቆ ባይዙንና፥ ይቅስሞ ባይዙንና። 
\v 32 Ꮉንስ ፋና ኦችዙንስ Ꮉይቆ ቤዛነ ጋዘ ጾዘ ህገ ኤርተራ፥ Ꮉኖ ኦቻነ። ኡን ፋ ፋስ ኦችዛኖ ጻላላ ማቅካይዝን ኦችዘ መሉንናን ልከ ጋእ ናሻነ።
\c 2
\s1 ጾዘ ጽሎ ፍርዳ
\p
\v 1 ይኒ ግሾ፥ ናተ መሉንላ አፋ ፍርድዛዮ፥ ነ ምክናተ ማህዘ ባያ። ነ መሉንላ አፋ ፍርድተራ፥ የ ነ ፍርድዘ አ ጋር ኦችኮ፥ ነ፥ ኔላ አፋ ፍርዳነ። 
\v 2 ይኒ ፋና ኦቻ ኦችዙንላ አፋ ጾዘ ጽሎ ፍርዳ ፍርድዛኖ ኑ ኤራነ።\x - \xo 2:2 \xo*\xt ማቶ. 7:1፤ ሉቃ. 6:37\xt*\x* 
\v 3 ናተ፥ ይኒ ጋር ኦቻ ኦችዙንላ አፋ ፍርድዛዮ፥ ኡን ኦችዛን ጋር ኦችዛዮ፥ ነ ጾዝ ፍርዳፓ አቶደ ጋር አዛነ? 
\v 4 ዎይ ጾዘ ኬሃት፥ ገንጮን ዳንዳአ ዱረትቶ ለቃነ? ጾዘ ኔስ ዳልጋ ማቅዳና ነና ናጋራፓ ማሆደስ ማቅዳኖ ኤሮሳነ?
\p
\v 5 የዝን ይንትስ ሹች ዎዝናን ስኦሰ Ꮉየ የነ። ይኒ ግሾ፥ ጾዘ Ꮉንቆን ጽሎ ፍርዳ ቆንጭዘ ቃማ፥ ኔላ አፋ ፍርዳ ሺሻነ። 
\v 6 ጾዘ ፈታይስ ፈታይስ ኤ ኦችት ጋር እንጎዳ። 
\v 7 ሎኦ ኦቻራ ሚንግ፥ ጋላታ፥ ቦንቾን ቦሰ ደኦ ኮይዙንስ ጾዘ መዽና ደኦ እንጎዳ።\x - \xo 2:7 \xo*\xt ማዝ. 62:12፤ አዝዜ 24:12\xt*\x* 
\v 8 የዝን ፋና ሲቅዙንና፥ ቱርቶ እጽዙንና ኢታ ባዝ ኦቾደስ ኮይዙንላ አፋ ጾዘ ካችን ቦሻ ዮኦዳ። 
\v 9 ኢታ ባዝ ኦችዘ አሱን ኡባ፥ ቲኒ አይሁዱንና፥ ካሊ ግርኩንና ማን ዋየን የሎዳ። 
\v 10 የዝን ጾዘ ሎኦ ኦቻ ኦችዘ ኡቡንስ፥ ቲኒ አይሁዱን፥ ካሊ ግርኩንስ ጋላታ፥ ቦንቾን ሳሮት እንግንቶዳ። 
\v 11 ጾዚ ስኖ ብእ አስ ሻኮስ።
\p
\v 12 ህገ ባይዝን ናጋራ ኦችደ ኡቡን ህገ ባይ ቦዳ። ህገ የዝን፥ ናጋራ ኦችደ ኡቡን ህገራ ፍርድንቶዳ።\x - \xo 2:12 \xo*\xt ማሄ 10:17\xt*\x* 
\v 13 ጾዘ ቲንተ ጽልዙን ህገ ናግዙንፕ አትን ህገ ስኤ ጻላላ ስእዙንና ባያ። 
\v 14 ህገ ባይዘ አይሁደ ማቆሰ አሱን መ ህገ ኪትዛኖ ኦቻነ። ኡንትስ ጻፍንትደ ህገ ባይዝንን ኡን ፋ ዎዝንተ ህገ ኤራነ። 
\v 15 ኡን Ꮉኖትታ፥ ህገ ኪታ ኡን ዎዝንተ ጻፍንትዳኖ ቤዛነ። ማህ ኡን ዎዝንታ ኡንታላ አፋ ማርክነ። ኡን ዎዝንታ ፈቲ ፈቲ ቶሄ ኡንታና ባልዳ ጋነ፤ ፈቲ ፈቲ ቶሄ ኡንታና ቱሮ ጋነ። 
\v 16 ታ ታማርስደ ዎንገለ ፋና ጾዘ የሱስ ክርስቶሳ ባጋራ አስ ዎዝንተ አችንትደ ቆፍታ ፍርድዘ ዎደ ኤርንቶዳ።
\s1 አይሁዱንናን ኡን ህግቶ
\p
\v 17 የዝን ነ ነና አይሁደ ጋነ፤ ህገላ ካታነ፤ ጾዛላ ጬቃነ። 
\v 18 ነ ኦቾደ ጋር ጾዚ ኮይዘ ባዝ አኮ የዛኮ ኤራነ። ህገ ታማርደ ግሾ ቱሮ ማቅዘ ባዝ ሻኪ ኤራነ። 
\v 19 ነ ቆቁንና ካልዛኖ፥ ማህ ማ የዙንስ ፎኦ ማቅዛኖ ሻኪ ኤራነ። 
\v 20 ነ ህገፋ ደንግደ ኤራትን ቱረትራ ቦዙንና ኤርስዛያን ዦጉንና ታማርስዛያ ማቅዳኖ ኤራነ። 
\v 21 ዬዝን፥ ነ መሉንና ታማርስዛይ ነ ነና አኮስ ታማርሶሶ? ነ፥ «ካይስትፐ» ጋእተራ፥ ነ ነ ኦምተ ካይስታነን? 
\v 22 ነ፥ «ኦላለ Ꮉንትፐተ» ጋእተራ፥ ነ ነ ኦምተ ኦላለ Ꮉንታነ? ነ ኤቃ እጽተራ፥ ኤቃ የዘ ኬቶ ቦንቃነ? 
\v 23 ነ ጾዘ ዎግተ ጬቅንታነ፥ የዝን ህግትስ ኪትንታንጽ እጺ ጾዛ ዬልዛነ? 
\v 24 ጌሽ ማጻፍተ፥ «ይን ምክናተር ጾዘ ሱንታ አይሁደ ማቆሰ አሱንራ ጫዥንታነ» ጋእንት ጻፍንትዳ።
\p
\v 25 ነ ህገስ ኪትንትኮ፥ ነ ጋራዝንትስ ማደ የነ፥ የዝን ነ ህግትስ ኪትንታንጽ እጽኮ ነ ጋራዝንትዳና ጋራዝንትካይዘ ፋና ማቃነ።\x - \xo 2:25 \xo*\xt ኢሳ. 59:7-8\xt*\x* 
\v 26 አይሁደ ማቆሰ አሱን ጋራዝንትካይዛራ፥ ህግትስ ኪትንትኮ፥ ጾዚ ኤዛ ጋራዝንትደ ፋና ፋይዶሶነ? 
\v 27 ይን፥ አይሁደ አሱን፥ ይንትስ ጻፍንትደ ህግቶን ጋራዝንቲ ዬዝተራ፥ ይን ህገስ ኪትንታንጽ እጽኮ፥ አይሁደ ማቆሰ አሱን ጋራዝንታንጽ እጽኮን ህገስ ኪትንቲ፥ ይንታላ አፋ ፍርዶዳ።\f + \fr 2:27 \fr*\fk ይንታላ አፋ ፍርዶዳ፦ \fk*\ft ኡን Ꮉኖትታ ዎይ ኡን ሎኦ ኦችታ ይንታላ አፋ ፍርዶዳ።\ft*\f*
\p
\v 28 ይኬ፥ ሱንራ አይሁደ ማቅደ ኡቡን ቱሪ አይሁደ ባያ። ማህ ባለ ጋላ ጋራዝዛና ቱሪ ጋራዘ ባያ። 
\v 29 የዝን ቱሪ አይሁደት ጋ አይሁደ ማቅዛኖ። ቱሪ ጋራዝንተ ጾዘ አያናራ ኦጭንትዘ ዎዝና ጋራዝንተፕ አትን ጻፍንትደ ዎግተ ኦችንትዘ ጋላ ጋራዘ ባያ። የ አ ጋላታ ጾዛፓ ኤካነፕ አትን አሳፓ ባያ።
\c 3
\s1 አይሁዱን አማናንጺ እጸ
\p
\v 1 ዬዝን፥ አይሁደ ማቅዛና አኮ ማደ? ዎይ ጋራዝንተስ አኮ ማድዘ ባዝ የዘ? 
\v 2 ኡባፓ ቲኖ ጾዚ ፋ ቃላ Ꮉዳርቶ አይሁዱንስ እንግዳ።
\p
\v 3 ዬዝን፥ ኡንታፓ ፈታይ ፈታያ ቃላ አማናንጺ እጽኮ፥ ኡን እጽዛና ጾዚ አማንንትደ ጾዝ ማቅዛኖ ካያነነ? 
\v 4 ካዮስ! አስ ኡባ ዎርዶ ማቅኮን ጾዚ ቱሮ ማቀ። ጌሽ ማጻፍተ፥
\q1 «ነ ቃልተ ነ ጽላነ፤
\q2 ነና ሞትዛያ ፍርዳራ ላነ»
\m ጋእንት ጻፍንትዳ።
\p
\v 5 ዬዝን፥ ኑ ናጋርታ ጾዘ ጽሎ ማቅዛኖ ቤዝዘ ባዝ ማቅኮን፥ ኑ ዋጋዉደ? ጾዚ ኑ ናጋርት ግሾ ኑላ አፋ ፍርድኮ፥ ልከ ባነ? ይኖ ታኒ አስ ቆፋ ፋና ጋነ። 
\v 6 ይኒ ፋና Ꮉንፐተ። ይኒ ጋር Ꮉንኮ፥ ጾዚ Ꮉና አላምትላ አፋ ዋይዝ ፍርዶደ?
\p
\v 7 የዝን ታ ዎርዶትታ ጾዘ ቱርቶ ቆንጭዝ፥ ኤ ቦንችቶ ጋን ቤዘባዝ ማቅኮ፥ ዬዝን፥ አኮስ ታላ ፋና ናጋራንቾ ፋና ፍርደ? 
\v 8 ፈቲ ፈቲ አሱን፥ «ሎኦ ዮኦደ ፋና ኢታ ኦቾዳ?» ያጋእ ታማርስዘ አስ ፋና ማህ ታና ሞታነ። ይኒ ግሾ ያጋዘ አሳላ አፋ የእዘ ጾዘ ፍርድታ ልከ።
\s1 አስ ኡባ ናጋራንቾ
\p
\v 9 ዬዝን፥ ኑ ዋጋዉደ? ኑ አይሁዱን፥ ግርኬፓ አነነ? አደ! አይሁደ ማቅን፥ አይሁደ ማቃንጽን ኡቡን ናጋራንቾ ማቅዛኖ ታኒ ቲኒ ይንትስ ኦህዳ።
\p
\v 10 ጌሽ ማጻፍተ፥
\q1 «ጽሎ አስ ፈቶን ባያ።
\q2
\v 11 አካክዘ አስ ባያ፥
\q2 ጾዛ ኮይዘ ኦንን ባያ።
\q1
\v 12 አስ ኡባ ባልንትዳ፤
\q2 ኡቡን ፈትፓ ማዶሰ ባዝ ማቅዳ።
\q2 ሎኦ ኦችዘ ኦንን ባያ፤
\q2 ፈቲ አስን ባያ።
\q1
\v 13 ኡን ዶንታ፥
\q2 ቡጉንትደ ቦዛ ፋና፤
\q2 ፋ እልአንተ ዎርድነ።
\q2 ኡን ዶንትፓ አስ ዎዘ፥
\q2 ሾሽ ማርዘ ከዛነ።
\q1
\v 14 ኡን ዶንተ ጫሞን ባድ ኩምዳ።
\q2
\v 15 ኡን ቶህታ ሱ ላሎደስ ኤልሳነ።
\q2
\v 16 ኡን ኦግተ በን ቆሄ የነ።
\q2
\v 17 ኡን ሳሮ ኦገ ኤሮስ።
\q2
\v 18 ፋ ደእተ ጾዝስ ዣሽቶስ»
\m ጋእንት ጻፍንትዳ።
\p
\v 19 አስ ኡባ ዶና ጎርድንቶደ ፋና ኩሙ አላምቶ ጾዘ ፍርዳፓ ኦሞራ ሺሾደስ፥ ህገ እንግንትደ ህገፓ ኦሞራ የዙንስ ማቅዳኖ ኑ ኤራነ። 
\v 20 ይኒ ግሾ፥ ኦደን ህገስ ኪትንቲ ጾዘ ቲኖ ጽሎደስ ዳንዳኦስ። ህገ አስ ኡባ ናጋራንቾ ማቅዛኖ ቤዛነ።\x - \xo 3:20 \xo*\xt ማዝ. 143:2፤ ጋላ. 2:16\xt*\x*
\s1 ጽሎት አማኖራ
\p
\v 21 የዝን Ꮉተ ጾዚ አስ ጽልዘ ኦገ ህገ ባይ ቆንጭዝዳ። ይና ኦግቶ ሙሴ ህገን ናቡንን ማርክዳ። 
\v 22 ይና አማንዘ ኡባስ Ꮉንዳ፥ ጾዚ የሱስ ክርስቶሳ ባጋራ አስ ኡባስ ሻኮ ባይ እንግዳ።
\p
\v 23 አስ ኡባ ናጋራ ኦችዳ፤ ጾዘ ቦንቾ ፋጭዝዳ። 
\v 24 የዝን ኡን ጾዘ አ ኬሃትራ፥ አሽዘ ክርስቶሳ የሱሳ ባጋራ ጨር ጽልዳ። 
\v 25 ጾዚ የሱስ ክርስቶሳ ዣርሾ ማህ እንግዳ፥ ኤዛ አማንዘ ኡባ ኤ ሱተ ናጋራ አቶት ደንጎደ ፋና። ጾዚ ይኖ ኦችደ ፋ ዳንዳአራ ዛጋ ናጋርቶ ፋይድካይዛራ አሺ፥ ፋ ጽሎትቶ ቤሳደስ። 
\v 26 የሱሳ አማንዘ ኡባ ጽሎደ ፋና Ꮉተ ዎደ ጾዘ ፋ ኦምተ ጽሎ ማቅዛኖ ቤሳደስ።
\p
\v 27 ዬዝን፥ ኑ ጬቅንትዘ ባዝ አኮ የዘ? አኮን ባያ። ኑኒ ጬቅንትዛና ህገስ ኪትንትዘ ግሾነ? አደ! አማኖ ህገራ። 
\v 28 ጾዚ አስ ጽልዘ አማኖራፕ አትን ህገስ ኪትንተራ ባይዛኖ ኑ ቆፓነ።
\p
\v 29 ዎይ ጾዚ አይሁዱን ጻላላ ጾዞነ? አይሁደ ማቆሱንስን ጾዚ ባነ? ቱሮ፥ አይሁደ ማቆሱንስን ኤ ጾዚ። 
\v 30 ጾዚ ፈቶ፤ አይሁዱንናን አይሁደ ማቆሱንና አማኖራ ጽልዘ ኤዛ። 
\v 31 ዬዝን፥ ኑኒ ህገ አማኖ ግሾ ብሶዳነ? አደ! ህግቶ ምንነፕ አትን።\x - \xo 3:31 \xo*\xt ማሄ 6:4፤ ጋላ. 3:20\xt*\x*
\c 4
\s1 አብራሃማ አማኖራ ጽልዳ
\p
\v 1 ዬዝን፥ ኑ አዳይ አብራሃማ አኮ ደንግዶ? 
\v 2 አብራሃማ ኦቻራ ጽልደባዝ ማቅኮ፥ ኤ ጬቅንትዘ ባዝ የነ፥ የዝን፥ ጾዘ ቲኖ ጬቅንቶደስ ዳንዳኦስ። 
\v 3 ጌሽ ማጻፍተ፥ «አብራሃማ ጾዝ አማንዳ፤ ጾዚ ይኖ ኤስ ጽሎት ማህ ፋይድዳ» ጋይዳ።
\p
\v 4 ኦችዘ አስ ኤክዘ ዳሞዝታ፥ ኤ ኦቻ ዎልቂትስ ጭግንትዘ ጋለፕ አትን ኤስ እሞ ባያ።\x - \xo 4:4 \xo*\xt መ 15:6፤ ጋላ. 3:6\xt*\x* 
\v 5 የዝን ኦቻ ኦቾሰ ኦንን ናጋራንቾ ጽልዘ ጾዛ አማንኮ፥ ኤ አማንታ ኤስ ጽሎት ማቂ ፋይድንታነ። 
\v 6 ጌሽ ማጻፍተ ዳዉተ፥ ኦቻ ባይ ጾዚ ጽልዘ አሱን አኮ ጋር አንጅንተዛኮ Ꮉኒ ጋር ያጋእ ቆንጭዝዳ፦
\q1
\v 7 «ኡን ባልታ አቶ ጋእንትዱን
\q2 ኡን ናጋርታ ካምንትዱን አንጅንትዳ።
\q2
\v 8 ላ ኤ ናጋርቶ ፋይዶሰ አ አንጅንትዳ» ያጋይዳ።\x - \xo 4:8 \xo*\xt ማዝ. 32:1-2\xt*\x*
\p
\v 9 ዬዝን፥ ዳዉተ ኦህደ አንጅታ ጋራዝንትደ አሱንስ ጻላላሶነ? ዎይ ጋራዝንትካይዘ አሱንሶ? ኑኒ፥ «ጌሽ ማጻፍታ፥ ‹አብራሃማ ጾዝ አማንዳ፤ ጾዚ ይኖ ኤስ ጽሎት ማህ ፋይድዳ› ጋነ» ኑ ያጋይዳ። 
\v 10 ዬዝን፥ ይና አይደ Ꮉንዶ? አብራሃማ ጋራዝንትንነ? ዎይ ጋራዝንትካይዝን? ጋራዝንተፓ ቲኖ Ꮉንዳፕ አትን ሱባ ባያ።
\p
\v 11 አብራሃማ ጋራዝንቶዳንፓ ቲኖ ኤ አማንታ ኤስ ጽሎተ ማቂ ፋይድንትዳኖ ኤርሶደስ፥ ኤ ጋራዝንታ ማላ ማቅዳ። ይኒ ግሾ፥ አብራሃማ ጋራዝንትካይዛራ አማንዙንስን አማኖራ ጽልዙንስ ኡባ አደ ማቅዳ። 
\v 12 ኤ ጋራዝንተዙንስን አደ። አብራሃማ ኡንትስ አደ ማቅደ ኡን ጋራዝንትደ ግሾ ጻላላ ባይዝን ኤ ጋራዝንቶዳንፓ ቲኖ አማንደ አማንተ ኡን ካልደ ግሾስ።\x - \xo 4:12 \xo*\xt መ 17:10\xt*\x*
\s1 ጾዘ ኡፋይስታ አማኖራ ኤክንትዳ
\p
\v 13 አብራሃማስን ኤ ዛርትስ፥ «አላምቶ ታ ይንትስ እንጎዳ» ያጋይደ ኡፋይስታ፥ አብራሃማ አማኖራ ጽልደ ግሾስ ፋትን ህገ ናጊ ፎልደ ግሾ ባያ። 
\v 14 ህገስ ኪትንትዱን ጾዘ ኡፋይስቶ ላትዙንና ማቅኮ፥ አማኖ ማዶስ፤ ጾዘ ኡፋይስታን ጨር ማቃነ።\x - \xo 4:14 \xo*\xt መ 17:4-6፤ 22:17-18፤ ጋላ. 3:29\xt*\x* 
\v 15 ህገ ጾዘ ካች ከእነ፥ የዝን ህገ ባይዘ በሳ ህገ አን አሸን ባያ።\x - \xo 4:15 \xo*\xt ጋላ. 3:18\xt*\x*
\p
\v 16 ይኒ ግሾ፥ ጾዚ እንግደ ኡፋይስታ አማኖራ ኤክንታነ። Ꮉና ኡፋይስታ አብራሃማ ኮች ኡባስ ጾዘ አ ኬሃት ባጋራ እንግንትዳኖ ቆንጭዛነ። ይናን ህገ ናግዙንስ ጻላላስ ባይዝን አብራሃማ ፋና አማንደ ኡቡንስ። አብራሃማ ኑ ኡቡንስ አደ። 
\v 17 ጌሽ ማጻፍተ፥ «ታ ነና ጋማ ዎርዣስ አደ ማህዳ» ጋእንት አብራሃማ ግሾ ጻፍንትዳ። ይና ኡፋይስታ አብራሃማስ እንግንትደ Ꮉይቂዱንስ ደኦ እንግዘን ባይዘ ባዝ የዝዘ ጾዘ ኤዛ ማቅዳኖ ኤ አማንደ ግሾስ።\x - \xo 4:17 \xo*\xt ጋላ. 3:7\xt*\x*
\p
\v 18 ጾዚ አብራሃማስ ነ ኮችታ ጋንጎዳ ጋይዳና፥ ኡፋይስ ጋዶደስ አኮን ዳንዳእንቶሰ ዎደ አብራሃማ ጾዝ አማንደ ግሾን ኡፋይስ ጋድደ ግሾ ጋማ ዎርዣስ አደ ማቅዳ።\x - \xo 4:18 \xo*\xt መ 17:5\xt*\x* 
\v 19 አብራሃማስ ጼት በረ ኩምደ ባዝ ማቅኮን፥ ፋ ጭንግደ አሽተን ሳራ ናአ የሎደስ ዳንዳኦሳኖ ኤርተራ ፋ አማንተ ላቢካያ።\x - \xo 4:19 \xo*\xt መ 15:5\xt*\x*
\p
\v 20 ኤ ፋ አማንተ ሚንግ ጾዝስ ቦንቾ እንግዳፕ አትን ጾዚ እንግደ ኡፋይስቶ አማናንጺ፥ ሶእካያ።\x - \xo 4:20 \xo*\xt መ 17:17\xt*\x* 
\v 21 አብራሃማ፥ ጾዚ እንግደ ኡፋይስቶ ፎሎዳኖ ፋ ኩሙ ዎዝንተ አማንዳ። 
\v 22 ይኒ ግሾ፥ ጾዚ ኤ አማንቶ ጽሎት ማህ ፋይድዳ።
\p
\v 23 የዝን፥ «ፋይድንትዳ» ጋዘ ቃልዘ አብራሃማስ ጻላላ ጻፍንትካያ። 
\v 24 የ ቃልዘ ኑ ላ የሱሳ Ꮉይቆፓ ደንደ ጾዛ አማንዘ ኑስን ኑ አማንታ ጽሎት ማቂ ፋይድንቶደ ጋር ጻፍንትዳ። 
\v 25 ጾዚ ኤዛ ኑ ናጋርት ግሾ Ꮉይቆስ አ እንግዳ፤ ኤ ኑና ጽልሳደስ Ꮉይቆፓ ደንድዳ።
\c 5
\s1 \x - \xo 5:0 \xo*\xt ኢሳ. 53:4-5\xt*\x*ጾዛራ የዘ ሳሮት
\p
\v 1 ይኬ፥ ኑ አማኖራ ጽልደ ግሾ ኑ ላ የሱስ ክርስቶሳ ባጋራ ጾዛራ ኑስ ሳሮት የነ። 
\v 2 ኑ ኤ ባጋራ Ꮉተ ኑ ኤቅደ አ ኬሃትተ አማኖራ ገልዳ። ይኒ ግሾ፥ ኑ ጾዘ ቦንቾ ኡፋይስተ ጬቅንታነ።
\p
\v 3 ይኖ ጻላላ ባይዝን ማ ዳንዳአ ክእዛኖ ኑ ኤርዘ ግሾ ኑ ማተን ጬቅንታነ። 
\v 4 ማህ ዳንዳአ ፋታና፥ ፋታናን ኡፋይስ እንግዛኖ ኑ ኤራነ። 
\v 5 ኑስ እንግደ ጌሽ አያና ባጋራ ጾዚ ፋ ሲቅቶ ኑ ዎዝንተ ጉስደ ግሾ ይና ኡፋይስታ ኑና ዬልዞስ።
\p
\v 6 ኑ Ꮉጋ ላቢዱንና ማቂ የዝን፥ ጾዘ ዎደ የልን፥ ክርስቶሳ ናጋራንቹን ግሾ Ꮉይቂዳ። 
\v 7 ጽሎ አስ ግሾ Ꮉይቆደ አስ ደንጎዳና ዳማ ማ፥ የዝን ሎኦ አስ ግሾ Ꮉይቆደ አስ ኦደ ኤርዘ በንትካይዛራ አቶስ። 
\v 8 የዝን ኑኒ Ꮉጋ ናጋራንቾ ማቂ የዝን፥ ክርስቶሳ ኑ ግሾ Ꮉይቂዳ። ይና ጾዚ ኑና አኮ ጋር ሲቅዛኮ ኤ ሲቅቶ ቤዛነ። 
\v 9 ይኬ፥ ኑኒ ክርስቶሳ ሱተ ጽልደባዝ ማቅኮ፥ ኡባፓ አ ኤ ባጋራ ጾዘ Ꮉንቆፓ አቶዳ። 
\v 10 ኑኒ ጾዛራ ሞርከ፥ የዝን ኤ ናአይ Ꮉይቅተ ኤራ ጊግዳ። ይንፓ አ፥ Ꮉተ ኑኒ ጾዛራ ጊግደፓ ሱባ ኤ ናአይ ደኦ ምክናተራ ኑኒ አቶዳ። 
\v 11 ይኖ ጻላላ ባይዝን Ꮉተ ኑና ጾዛራ ጊግዝደ ኑ ላ የሱስ ክርስቶሳ ባጋራ ኑ ጾዛላ ጬቅንታነ።
\s1 አዳማን ክርስቶሳን
\p
\v 12 አዳማ ባጋራ ናጋራ Ꮉና አላምተ ገልዳ። ይና ናጋርት ባጋራ Ꮉይቆ ይእዳ። አስ ኡባ ናጋራ ኦችደ ግሾ Ꮉይቆ አስ ኮች ኡባ የልዳ። 
\v 13 ህገ እንግንቶዳንፓ ቲኖ አላመ ናጋራ የነ፥ የዝን ህገ ባይዘ ዎደ ናጋራ ናጋራ ማቂ ፋይድንቶስ።\x - \xo 5:13 \xo*\xt መ 3:6\xt*\x* 
\v 14 የዝን አዳማፓ ሙሴ የሎደስ Ꮉይቆ አስ ኡባ አህዳ። መለ አቶ የዝን፥ አዳማ ህገስ ኪትንታንጽደ ግሾ፥ አዳማ ፋና ናጋራ ኦችካይዙንላ አፋ Ꮉይቆ ካእትዳ።
\p አዳማ ዮኦደስ የዘ የሱሳስ አዝዘ። 
\v 15 የዝን ጾዘ አ ኬሃት አስ ናጋርት ፋና ባያ። ፈቲ አስ ናጋራ ባጋራ ጋማ አሱን Ꮉይቂዳ። የዝን የሱስ ክርስቶሳ ባጋራ ጾዘ አ ኬሃት አስ ኡባስ ጋን እንግንትዳ። 
\v 16 አዳማ ናጋራ ግዳን ጾዘ እሞ ግዳ ጋማ ዱማት የነ። ፈቲ አስ ናጋራ ባጋራ ጾዚ ኤላ አፋ ፍርድዳ። የዝን አስ ጋማ ናጋራ ኦችንን ጾዘ አ ከሃትታ ጽሎት ክእዳ። 
\v 17 ፈቲ አስ ናጋራ ባጋራ Ꮉይቆ ካእትዳ። የዝን የሱስ ክርስቶሳ ባጋራ ጾዘ አ ኬሃትን ጽሎት እሞ ኤክዘ ኡቡን፥ ጋምዘ ደኦር የሳዳ።
\p
\v 18 ይኬ፥ ፈቲ አስ ናጋራ ኦችደ ባጋራ አስ ኡባላ ፍርዳ ይእዳን ፋና ፈቲ አስ ጽሎ ኦችደ ባጋራ፥ ጾዚ አስ ኡባ ጽልዚ ኡንትስ ደኦ እንጋነ። 
\v 19 ፈቲ አስ ኪትንታንጽ እጽደ ባጋራ፥ ጋማ አሱን ናጋራንቾ ማቅዳን ፋና ፈቲ አስ ኪትንተር ጋማ አስ ጽሎዳ።
\p
\v 20 አሱን ናጋራ ዎልቃ ኤሮደ ፋና ህገ ይእዳ፥ የዝን ናጋራ ዎልቃ ጋንግደ ዎደ ጾዘ አ ኬሃት አ ጋንግዳ። 
\v 21 ናጋራ Ꮉይቆ ዎልቃራ ካእትዳን ፋና ጾዘ አ ኬሃት ጽሎት ዎልቃራ ካእት፥ ኑ ላ የሱስ ክርስቶሳ ባጋራ ኑና መዽና ደኦጎ ካልነ።
\c 6
\s1 ናጋራስ Ꮉይቂ ክርስቶሳራ የዘ
\p
\v 1 ዬዝን፥ ኑ ዋጋዉደ? ጾዘ አ ከሃትታ ጋንጎደ ፋና ናጋራራ ሚንግ የሳነ? 
\v 2 አቶ Ꮉኖስ፥ ኑኒ ናጋራስ Ꮉይቅደባዝ ማቅኮ፥ ዬዝን፥ ኑኒ ይኬፓ ዋይዝ ናጋራራ የሳደ? 
\v 3 ኑ ኡቡን ክርስቶሳ የሱሳራ ፈቶ ማቃደስ ጻማቅንትደ ዎደ ኤ Ꮉይቅተ ኤራ ዎላ ሞግንትዳ። 
\v 4 ኑ ጻማቅንትደ ዎደ ክርስቶሳራ Ꮉይቅዳነ ሞጉንትዳ። ክርስቶሳ ጾዘ አዳይ ቦንቾ ዎልቃራ Ꮉይቆፓ ደንድዳን ፋና ኑንን ክለ ደኦ የሳዳ።
\p
\v 5 ኑ ኤ Ꮉይቅተ ኤራ ፈቶ ማቅኮ፥ ይኒ ጋራን፥ ኤ ደንድተ ኤራ ፈቶ ማቃዳ።\x - \xo 6:5 \xo*\xt ቆላ. 2:12\xt*\x* 
\v 6 ኑ ይኬፓ ናጋራስ አሮ ማቃመ ፋናን ኑ ናጋራንቾ አሳትት ዎልቅታ ቦደ ፋና ኑ ጋልአ አሳትቶ ክርስቶሳራ ሱጽዳኖ ኤራነ። 
\v 7 ፈቲ አስ Ꮉይቅደባዝ ማቅኮ፥ ኤ ናጋራ ዎልቃፓ ዋሎ ከዛነ። 
\v 8 ኑኒ ክርስቶሳራ Ꮉይቅኮ፥ ኤራ ደኦ የሳዳኖ አማናነ። 
\v 9 ክርስቶሳ Ꮉይቆፓ ደንድደ ግሾ ማህ ኤ Ꮉይቆሳኖን Ꮉይቆ ቲኖስን ኤዛ አሆሳኖ ኑ ኤራነ። 
\v 10 ኤ Ꮉይቂደ ዎደ ናጋራስ ፈቲ ቶሄ ዉርሱ የሎደስ Ꮉይቂዳ፥ የዝን Ꮉተ ደኦ ጾዝስ የነ። 
\v 11 ይኒ ፋናን፥ ይን ናጋራስ Ꮉይቂ፥ ላ ክርስቶስ የሱሳ ባጋራ ጾዝስ ደኦ የዛኖ ቆፖተ።
\p
\v 12 ይኒ ግሾ፥ ይን፥ ይን አሳተታ አሞስ ኪትንታመ ፋና Ꮉይቅዘ ይን አሳተቶ ናጋራ አህፐ። 
\v 13 ማህ ይን አሳት ክፍልቶ ናጋራ ኦቾደስ ገነ ኦላ ሚሸ ማህ እንግፐተ። የዝን ይን Ꮉይቆፓ ደንዲ፥ ደኦ የዘ አስ ፋና ይን አሳተቶ ጾዝስ እንጎተ። ማህ ይን ኩሙ አሳተቶ ጽሎ ኦላ ሚሸ ማህ ጾዝስ አ እንጎተ። 
\v 14 ይን ጾዘ አ ኬሃትስ ኦሞራ የነፕ አትን ህገፓ ኦሞራ የዞሰ ግሾ ናጋራ ይንታና አሆደስ ቤዞስ።
\s1 ጽሎት አሮ ማቀ
\p
\v 15 ዬዝን፥ ኑ ዋጋዉደ? ህገፓ ኦሞራ ማቅካይዝን ጾዘ አ ኬሃትፓ ኦሞራ የዘ ግሾ ናጋራ ኦቾዳነ? ሙሎን Ꮉኖስ! 
\v 16 ይን ፈቲ አስስ ኪትንቶደስ ይንታና አሮ ማህ እንግኮ ይና ይን ኪትንትዘስ አሮ ማቅዛኖ ኤሮተ። ይኒ ጋራ፥ ይን ናጋራስ ኪትንትኮ፥ ይንትስ Ꮉይቆ ክእዘ ናጋራስ አሮ ማቃነ። ዎይ ይን ጾዝስ ኪትንትኮ ጽሎት ክእዘ ጾዝስ አሮ ማቃነ። 
\v 17 ዛጋ ይን ናጋራስ አሮ፥ የዝን Ꮉተ ይን ኤክደ ቱሪ ትምርተስ ኩሙ ዎዝናፓ ኪትንትደ ግሾ ጾዝስ ጋላታ ማቀ። 
\v 18 ይን ናጋራ አሮት አቻፓ ብልንቲ ጽሎት አሮ ማቅዳ።
\p
\v 19 ይን ይን ቆፍተ ላበዙንና ማቅደ ግሾ ታኒ ኦደስን ገልዘ ኦገራ ኦህነ። ዛጋ ይን፥ ይን አሳተቶ ቱናን ኢታ ባዝ ኦቾደስ አሮ ማህ እንግዳን ፋና Ꮉተ ይን አሳተ ክፍልቶ ጌሽ ማቃደ ፋና ጽሎተ አሮ ማህ እንጎተ።
\p
\v 20 ይን ናጋራስ አሮ የዘ ዎደ ጽሎትስ አቆስ። 
\v 21 ይንታና Ꮉተ ዬልዘ ዛጋ ይን ኢታ ኦችትፓ አኮ ማደ ደንግዶተ? ይና ኦችትስ ዉርሱታ Ꮉይቆ። 
\v 22 የዝን ይን ናጋራ አሮትፓ ብልንቲ፥ ጾዘ አሮ ማቅዳ። ይና ይንታና ጌሽ ማህ መዽና ደኦ ካልነ። 
\v 23 ናጋራ ዳሞዘ Ꮉይቆ። የዝን ጾዘ፥ ኑ ላ ክርስቶስ የሱሳ ባጋራ እንግዘ እሞትታ መዽና ደኦ።
\c 7
\s1 ኤከን ገለን አዝዘ
\p
\v 1 ታ እሹን፥ ታኒ ህገ ኤርዘ አሱንስ ኦህነ። ህገ ፈቲ አስ ፋጻ የዘ ዎደ ኤዛ አህዛኖ ኤሮሶ? 
\v 2 አዝዘስ፥ አዝኒ ገልደ ማችታ እ አዝንዘ ፋጻ የዘ ዎደ ህገራ ኤዛራ አጭንትዳ። የዝን እ አዝንዘ Ꮉይቅኮ ኤዛራ እዛ አጭንትደ ጫቅታ እዞ አሆስ። 
\v 3 ይኒ ግሾ፥ እዛ ፋ አዝንዘ ፋጻ የዝን፥ መለ ራ ገልኮ፥ እዛ ላምዳ ጋእንታነ። የዝን እ አዝንዘ Ꮉይቅኮ፥ ጫቆ እዞ አሆሰ ግሾ እዛ መለ አዝኒ ገልኮ፥ እዛ ኦላልዳኖ ጋእንቶስ።
\p
\v 4 ይኒ ግሾ፥ ታ እሹን፥ ይን ክርስቶሳ አሾ ባጋራ ህገ ዎልቃስ Ꮉይቂ፥ ጾዝስ ኣፈ አፎደስ Ꮉይቆፓ ደንድደ ክርስቶሳስ ማቅዳ። 
\v 5 ኑ አሾ አሞ ኑና አህን፥ ኑ የዘ ዎደ ህገ ጉጂ ናጋራ ኦቾደ ጋር ኑና ደንነ። ኑ አሽቲ ግዳ ኢታ አሞት የዘ ግሾ ኑኒ Ꮉይቆ ኣፈ አፎደ ፋና ኦቻነ የሻ። 
\v 6 የዝን Ꮉተ ኑኒ ኑና አጭደ ህግትስ Ꮉይቅደ ግሾ ኑኒ ህገ አቻፓ ብልንትዳ። ይኒ ግሾ፥ ክለ አያናር ጾዝስ ኪትንታነፕ አትን ጻፍንትደ ጋልአ ህግትስ ኪትንቶስ።
\s1 ህገን ናጋራን
\p
\v 7 ዬዝን፥ ኑኒ ዋጋዉደ? ህገ ናጋራነ? አደ! የዝን ህገ ናጋራ አኮ የዛኮ ታና ኤርስዳ። ህገ፥ «አሙፐ» ጋይካይዛኮ፥ አሙ አኮ የዛኮ ታ ኤሮስ። 
\v 8 የዝን ታ ኡባ ባዝ አሙደ ፋና ናጋራ ህገ ባጋራ ታ ግዳ ኦገ ደንግዳ። ህገ ባይዛኮ ናጋራ Ꮉይቂደ ባዝ።\x - \xo 7:8 \xo*\xt ከዘ 20:17፤ ማሄ 5:21\xt*\x*
\p
\v 9 ዛጋ ህገ ባይዘ ዎደ ታ ፋጻ፥ የዝን ህገ እንግንትደ ዎደ ናጋራ ፋጽን ታ Ꮉይቂዳ። 
\v 10 ታኒ ደኦ የሳደ ፋና ጾዚ እንግደ ህገ ታስ Ꮉይቆ ክእዳ። 
\v 11 ናጋራ ህገ ባጋራ ታና ጭምዘ ኦገ ደንግ፥ ዎዳ።
\p
\v 12 ይኒ ግሾ፥ ህገ ጌሽ፤ እዘ ጻፍንትደ ኪታን ጌሽ፥ ጽሎን ሎኦ።\x - \xo 7:12 \xo*\xt መ 3:13\xt*\x*
\p
\v 13 ዬዝን፥ ሎኦ ማቅደ ባዝ ታላ አፋ Ꮉይቆ ክእዳነ? አደ! የዝን ናጋራ ናጋራ ማቅዛና ቆንጮደ ፋና ሎኦ ባዛራ ማድንቲ ታስ Ꮉይቆ ክእዳ። ይኒ ግሾ፥ ናጋራ ናጋራ ማቅዳና ህገ ባጋራ አ ኤርንትዳ።
\p
\v 14 ኑኒ ህገ አያናባዝ ማቅዛኖ ኤራነ። የዝን ታኒ ናጋራስ ባይዝንትደ አሾ አስ። 
\v 15 ታኒ ታ ኦችዛኖ ቲሮስ፤ ታኒ ካዘባዝ ኦቾዳኖ አሺ ታ እጽዘባዝ ኦቻነ። 
\v 16 ታኒ እጽዘባዝ ኦችዘባዝ ማቅኮ፥ ህገ ሎኦ ማቅዛኖ ታ ማርክነ።\x - \xo 7:16 \xo*\xt ጋላ. 5:17\xt*\x* 
\v 17 ይኖ ማቅኮ፥ ይና ኦችቶ ታ ግዳ የዘ ናጋርታ ኦቻነፕ አትን ታ ኦቾስ።
\p
\v 18 ታ ግዳ፥ ይናን ታ አሽተ ሎኦ ባዝ ባዛኖ ኤራነ። ሎኦ ባዝ ኦችዘ አሞት ታ ግዳ የነ፥ የዝን ሎኦ ባዝ ኦቾደስ ዳንዳኦስ። 
\v 19 ታኒ እጽዘ ኢታ ባዝ ኦቻነፕ አትን ታ ካዽዘ ሎኦ ባዝ ኦቾስ። 
\v 20 ታኒ እጽዘባዝ ኦችዘባዝ ማቅኮ፥ ይና ታ ግዳ የዘ ናጋርታ ኦቻነፕ አትን ኦችዘ ታና ባያ።
\p
\v 21 ይኬ፥ ታ ሎኦ ባዝ ኦቾደስ ካዝን፥ ኢታ ባዝ ኦችዛኖ ቤዝዘ ህገ ደንግዳ። 
\v 22 ታኒ ታ ዎዝንተ ጾዘ ዎግተ ኡፋይታነ። 
\v 23 የዝን ታ አሳትተ የዛይ ታ ጉግተ የዘ ህገራ ኦልንትዘ ዱማ ህገ በእነ። የ ህግዘ ታ አሳትተ ኦችዘ ናጋራ ህገስ ታና አሮ ማህ እንግዳ። 
\v 24 ታኒ ዋይዝ አላ ዎደ አሶ? Ꮉይቆስ ካንግዘ Ꮉና አሳትትፓ ታና አሾደ ኦደ? 
\v 25 ኑ ላ የሱስ ክርስቶሳ ባጋራ ታና አሽዘ ጾዘስ ጋላታ ማቀ።
\p ይኬ፥ ታኒ ታ ቆፍተ ጾዘ ህገስ አቃነ፤ የዝን ታ አሳትተ ናጋራ ህገስ አቃነ።
\c 8
\s1 ጌሽ አያና ደኦ
\p
\v 1 ይኒ ግሾ፥ ክርስቶስ የሱሳራ የዙን Ꮉተ ፍርዳ ባያ። 
\v 2 ክርስቶስ የሱሳ ባጋራ ኑስ ደኦ እንግዘ ጌሽ አያና ህገ፥ ታና ናጋራን Ꮉይቆ ህገ አሮትፓ ከስዳ። 
\v 3 ኑ ናጋራ አሳትት ባጋራ፥ ህገ ለፕደ ግሾ ኑና አሾደስ ዳንዳእካያ። ጾዚ ፋ ናአያ ናጋራንቾ አሱንስ አዝዝ ናጋራስ ዣርሾ ማቆደ ፋና ኪቲ ይኖ ኦችዳ። የይዝ፥ ጾዚ ክርስቶሳ አቶትት ባጋራ፥ ናጋራ ፍርድ Ꮉስዳ። 
\v 4 ጾዚ ይኖ ኦችዳና፥ ኑ አሾ አሞ ኮይዛን ፋና ባይዝን ጌሽ አያና ኮይዛን ፋና የዘ ኑላ አፋ ህገ ጽሎ ኪታ ፎልንቶደ ፋና።
\p
\v 5 አሾ ቆፋር የዙን አሾባዝ ቆፓነ። የዝን ጌሽ አያና ቆፋር የዙን ጌሽ አያናባዝ ቆፓነ። 
\v 6 ኑ ቆፍታ አሾ አሞስ አቅኮ Ꮉይቆ ከእነ፥ የዝን አያናስ አቅኮ ደኦን ሳሮት ከእነ። 
\v 7 አሾ አሞስ አቅዘ አስ ጾዘ ህገስ ኪትንቶደስ ኮዮሰ ግሾን ኪትንቶደስ ዳንዳኦሰ ግሾ ጾዛራ ሞርከ። 
\v 8 አሾ አሞስ አቅዙን ጾዝ ኡፋይሶደስ ዳንዳኦስ።
\p
\v 9 የዝን ጾዘ አያና ይንታራ የዝኮ ይንታላ አቅኮ፥ ይን አያና ቆፋ የነፕ አትን ይን አሾ አሞስ አቆስ። ክርስቶስ አያና ባይዝን ኦንን ክርስቶሳስ ማቆስ። 
\v 10 የዝን ክርስቶሳ ይን ግዳ የዝኮ፥ ይን አሳትታ ናጋራ ባጋራ Ꮉይቂዳኖ። የዝን ይን አያንዘ ጽሎት ባጋራ ደኦ የነ። 
\v 11 የዝን የሱሳ Ꮉይቆፓ ደንደ ጾዘ አያና ይን ግዳ የዝኮ፥ ክርስቶሳ Ꮉይቆፓ ደንደ ጾዚ፥ ይንታራ የዘ ፋ ጌሽ አያናራ Ꮉይቂደ ይን አሳትትስ ደኦ እንጎዳ።
\p
\v 12 ይኬ፥ ታ እሹን ጋለ የነ፥ ኑኒ ኑ አሾ አሞ ካሊ የሳደስ ቤዞስ።\x - \xo 8:12 \xo*\xt 1 ቆሮ. 3:16\xt*\x* 
\v 13 ይን፥ ይን አሾ አሞስ የዝኮ Ꮉይቆዳ፥ የዝን ጌሽ አያና ዎልቃራ ናጋራ ኦችቶ ዎኮ ይን ደኦ የሳዳ። 
\v 14 ጾዘ አያና ካልዘ ኡቡን ጾዘ ናኡንና። 
\v 15 ኑኒ፥ «አቦ፥ ታ አዳዮ» ያጋእ ጼግዘ፥ ጾዘ ናኡንና ማህዘ ጌሽ አያና ኤክዳፕ አትን ማህ ዣሽሞራ የሳደስ አሮ ማህዘ አያና ኤክካያ። 
\v 16 ጾዘ አያና ኑ አያናራ ማቂ ኑኒ ጾዘ ናአ ማቅዛኖ ማርክነ።\x - \xo 8:16 \xo*\xt ማር. 14:36፤ ጋላ. 4:6\xt*\x* 
\v 17 ኑኒ ኤ ናአ ማቅኮ ጾዛ ላቶዳ፤ ክርስቶሳራ ዎላ ይኖ ላቶዳ። ማህ ኑኒ ክርስቶሳራ ዋየ ኤክኮ ኤራ ዎላ ኤ ቦንችቶ ሻክንቶዳ።
\s1 ዮኦደ ቦንቾ
\p
\v 18 ኑኒ Ꮉተ ዋይዘ ዋይቶ፥ ቲኖፓ ኑስ ቆንጮደ ቦንቾራ የል ብእኮ፥ ዎልክሳደስ ዳንዳእንቶስ ጋእ ቆፓነ። 
\v 19 መት ኡባ ጾዘ ናአ ቆንጭቶ ጋማ አሙ ካፋነ። 
\v 20 መት ኡባ Ꮉሪ ማቅዳ፤ ይናን፥ መትታ ዶሮር ባይዝን ኡፋይሳራ ናጎደ ፋና ኦችደ ጾዘ ቆፋ Ꮉንዳ። 
\v 21 መት ፋ ኦምተ በ አሮትፓ ኬዚ፥ ጾዘ ናኡንራ ዋሎ ቦንቾ ግሽንቶዳ።\x - \xo 8:21 \xo*\xt መ 3:17-19\xt*\x* 
\v 22 መት ዎላ Ꮉይኖ የሎደስ የሎ ኤ አይክደ ማችት ፋና እንጽጸራን ኡንአራ የዛኖ ኑ ኤራነ። 
\v 23 ማህ ይኖ መትት ጻላላ ባይዝን ጌሽ አያና እሞ ኤክደ ኑኒ፥ ኑ ኦምተ ኑ አሳትትስ ዎዞ ማቅደ ጾዘ ናአ ማቅዘ ኡፋይስቶ ናግተራ ኑ አሳትተ እንጽጻነ። 
\v 24 ይና ኡፋይስተ ኑኒ አትዳ። የዝን ኑኒ ኡፋይስ ኦችዘባዝ በንትዘ ባዝ ማቅኮ ይኖ ኦደ ኡፋይስ ኦችዘ?\x - \xo 8:24 \xo*\xt 2 ቆሮ. 5:2-4\xt*\x* 
\v 25 የዝን ኑ ብእካይዘ ባዝ ደንጎደስ ጋእ ኡፋይሳራ ናግኮ ይኖ ዳንዳአራ ናጋነ።
\p
\v 26 ይኒ ጋር ጌሽ አያና ኑ ላብተ ማዳነ። ኑኒ ጾዝ ዋይዝ ዎሶደስ ቤዝዛኮ ኤሮስ፥ የዝን ጌሽ አያና ፋ ኦምተ፥ አስ ኦሆደስ ዳንዳኦሰ ቃላር ኑስ ሾባነ። 
\v 27 ማህ አስ ዎዝና ኤርዘ ጾዘ ጌሽ አያና ቆፍታ አኮ የዛኮ ኤራነ። ጌሽ አያና ጾዘ ቆፍት ጋር ጌሹንስ ሾባነ።
\p
\v 28 ጾዛ ሲቅዙንስን ኤ ቆፍት ጋር ጼግንተዙንስ ጾዚ ኡባ ባዝ ሎኦስ ኦችዛኖ ኑ ኤራነ። 
\v 29 ጾዛ ኤርዱን ፋ ናአያ አዞደ ፋናን ናአይን አማንዙን ግዳ አንግስ ማቃደ ፋና ኡንታና ዶሪ ጋድዳ። 
\v 30 ጾዚ ቲኖ ዶርዱንና ጼግዳ፤ ጼግዱንና ጽልዝዳ፤ ጽልዝዱንና ማህ ቦንችዳ።
\s1 ጾዘ ሲቆ
\p
\v 31 ዬዝን፥ ኑ Ꮉና ኡባንስ ዋጋዉደ? ጾዚ ኑ ባጋ ማቅኮ ኑና ኦደ እጾደ? 
\v 32 ኤ መለ አቶ የዝን፥ ፋ ናአይስ ይቅስንትካይዛራ፥ ኑ ግሾ አ እንግዳ። ዬዝን፥ ፋ ናአያ ኑስ አ እንግደ ዋይዝ ኤ ኡባ ባዝ ጨር እንጎሶ?
\p
\v 33 ጾዚ ዶርዱንና ኦደ ሞቶደ? ጽልዘ ጾዚ ፍርድዘ ኦደ? 
\v 34 ዬዝን፥ ኡንታላ አፋ ፍርዶደስ ዳንዳእዘ ኦደ? ኦንን ባያ። Ꮉይቆፓ ደንዲ ጾዘ ምዛቅተ በትደ፥ ክርስቶስ የሱሳ፥ ኤ ኑስ ሾባነ።
\p
\v 35 ይኬ፥ ኑና ክርስቶሳ ሲቆፓ ሻጎደ ኦደ? ዋየነ ዎይ ማነ ዎይ ባይኤነ ዎይ ናየ ዎይ ካሎትነ ዎይ ዣሽሞነ ዎይ ኦላነ? 
\v 36 ጌሽ ማጻፍተ፥
\q1 «ኑኒ ነ ግሾ አዋራ ኩሙ Ꮉይቃነ፤
\q2 ሹፎስ ካንግዘ ዱሮ ፋና ፋይድንትዳ»
\m \x - \xo 8:36 \xo*\xt ማዝ. 44:2\xt*\x*ጋእንት ጻፍንትደ ፋና ማቅዳ።
\p
\v 37 የዝን ኑኒ Ꮉነ ኡባ፥ ኑና ሲቅዘ ክርስቶሳራ ጋምዙንፓ አነ።
\p
\v 38 ይኒ ግሾ፥ Ꮉይቆ ማቅን ደኦ ማቅን ኪታንቹንና ማቅን አህዙንና ማቅን Ꮉተ የዛያ ማቅን ቲኖፓ ዮኦዳያ ማቅን ዎልቃሙንና ማቅን፥ 
\v 39 ቃ ማቅን ዝቃ ማቅን አኮ መት ማቅን ኑ ላ፥ ክርስቶስ የሱሳራ የዘ ጾዘ ሲቆፓ ኑና ሻኮደስ ዳንዳኦሳኖ ታኒ ኤርዳ።
\c 9
\s1 እስራኤሉን ዶርንቶ
\p
\v 1 ታኒ ክርስቶሳር ቱሮ ኦህነ፥ ዎርድስ። ጌሽ አያና ካልዘ ታ ዎዝንታ ታኒ ዎርድኦሳኖ ታስ ማርክነ። 
\v 2 ታ ዎዝንተ እስራኤሉንስ ጋማ አዛኖን አሾሰ ዋየ ታ ግዳ የነ። 
\v 3 ታኒ፥ ታ እሹንን ታ እግኑን ግሾ ክርስቶሳፓ ሻክንት ጾዘ ባድፓ ኦሞራ የዘዛኮ ካነ። 
\v 4 ኡንትን እስራኤሉንና፥ ጾዚ ኡንታና ፋ ናኡንና ማህዳ፥ ፋ ቦንችቶ ኡንትስ ቆንጭዝዳ። ኡንታራ ጫቂዳ፤ ህገ ኡንትስ እንግዳ። ኡን ጾዝ ጎይኖደ ቱሪ ኦገ ቤዝዳ፤ ጾዚ ኡፋይስ ቃላ ኡንትስ እንግዳ። 
\v 5 ኡን የልንተራ ማይዙን ኮች፤ ማህ ክርስቶሳ አሾራ ኡን ኮች ማቂ ይእዳ። ኡባፓ ካታራ ማቅደ ጾዘ መናስ አንጅንትዳ። አምንኤ!\x - \xo 9:5 \xo*\xt ከዘ 4:22\xt*\x*
\p
\v 6 የዝን፥ ጾዘ ቃልታ ሻርንትዳ ጋኤ ባያ። እስራኤለፓ ይእደ ኡባ ቱሪ እስራኤለ ማቆስ። 
\v 7 ማህ አብራሃማ ኮች ኡባ አብራሃማ ናአ ማቆስ። ጾዚ አብራሃማስ፥ «ነ ዛርታ ይሳቃ ባጋራ ጼግንቶዳ» ያጋይዳ። 
\v 8 ይኖ ጋዛና አሾራ የልንትደ ናአ ኡቡን ጾዝ ናአ ማቆስ። የዝን ቱሪ እስራኤለ ናአ ጾዚ አብራሃማስ ገልደ ቃልት ጋር የልንትደ ናአ።\x - \xo 9:8 \xo*\xt መ 21:12\xt*\x* 
\v 9 ያጋዛኖ።\x - \xo 9:9 \xo*\xt መ 21:12\xt*\x* ጾዚ እንጎዳ ጋእ ገልደ ቃልታ፥ «ታኒ ዎን በረ Ꮉኒ ዎደ ዮኦዳ፤ ሳራን ራ ናአ የሎዳ»\x - \xo 9:9 \xo*\xt መ 18:10\xt*\x*
\p
\v 10 ይኖ ጻላላ ባይዝን እርቢቃ ፈቲ ኑ አዳይ ይሳቃፓ መንተ ናኡንና ዎዳጽደ ዎደ፥ 
\v 11 ኡን የልንቶደፓ ኢታ ዎይ ሎኦ ኦቾደፓ ቲኖ ኦቻራ ባይዝን ዶረር ማቅዘ ጾዘ ቆፍታ ምንጎደ ፋና፥ 
\v 12 «አንግሰ ጌዘስ ኪትንቶዳ» ያጋእ ላ እርቢቃስ ኦህዳ። 
\v 13 ጋእንት ጻፍንትዳ።\x - \xo 9:13 \xo*\xt መ 25:23\xt*\x*ይናን ጌሽ ማጻፍተ፥ «ያይቆባ ካዳ፥ ኤሳዎ እጽዳ»\x - \xo 9:13 \xo*\xt ሚል. 1:2\xt*\x*
\p
\v 14 ዬዝን፥ ኑ ዋጋዉደ? ጾዚ ፍርዳ ደሽዛነ? አደ። 
\v 15 ላ ሙሴጎ፥
\q1 «ታ ማሮደስ ኮይዱንና ማሮዳ፤
\q2 ታ ይቅስንቶደስ ኮይዱንስ ይቅስንቶዳ»\x - \xo 9:15 \xo*\xt ከዘ 33:19\xt*\x* ያጋይዳ። 
\v 16 ይኬ፥ ጾዘ ዶረ አስ ቆፋ ዎይ ኦቻራ ባይዝን ኤ ማሮትተ።
\p
\v 17 ጌሽ ማጻፍተ፥ ግብጸ ካትዘጎ፥ «ታኒ፥ ታ ዎልቅቶ ኔላ ቤዞደስን ታ ሱንታ አላመ ኡባ ግዳ ኤርንቶደ ፋና ይንስ ነና ካእትዝዳ»\x - \xo 9:17 \xo*\xt ከዘ 9:16\xt*\x* ጋእንት ጻፍንትዳ። 
\v 18 ይኬ፥ ጾዚ ማሮደስ ኮይዛያ ማራነ፤ ዎዝንቶ ሙምሳደስ ኮይዛይ ዎዝንቶ ሙምዛነ።
\s1 ጾዘ ካችቶን ማሮትቶ
\p
\v 19 ይንታፓ ፈታይ፥ «ዬዝን፥ ጾዝ አስ ኢታ ኦቻ ግሾ አኮስ ቦረ? ጾዘ ቆፍቶ አቶ ጋዉደ ኦደ?» ጋእ ኦጮደስ ዳንዳአነ።
\p
\v 20 የዝን ታ እሻዮ፥ ጾዛራ ላሎደስ ነ ኦደ? ሎቃፓ መንትደ ሚሸ ፋና መደጎ፥ «ታና Ꮉኒ ጋር ኦቺ አኮስ መዶ?»\x - \xo 9:20 \xo*\xt ኢሳ. 29:16፤ 45:9\xt*\x* ጋእ ኦጮደስ ዳንዳአነ? 
\v 21 ዎይ ሎቃ መዳይ ፈቲ ሎቃፓ ፈታያ ቦንቾ ሚሸ፥ Ꮉንካያ ማህ ቦረ ሚሸ ማህ መደስ አደት ዎልቃ ባያ?
\p
\v 22 ጾዚ ፋ ካችቶ ቤዞደስ ፋ ዎልቅቶ ኤርሶደስ ኮይ፥ ፍርዳስ ጊግደ Ꮉንቆ ናኡንና ጋማ ገንጨራ ዳንዳኤዛኮ ነ አኮ ኤረ? 
\v 23 ይኖ ኤ ኦችዳና ቲኒ ቦንቾስ ጊግዝደ፥ ፋ ዶርደ ናኡንስ ፋ ቦንችቶ ቆንጭሳደስ። 
\v 24 አይሁዱንና ጻላላ ማቅካይዝን፥ አይሁደ ማቆሰ ኑንን ጾዛራ ዶርንትዳ።
\p
\v 25 ናበ ሆሴዕ ማጻፍተ፥
\q1 «ታ አስ ማቅካይዙንና፥ ታ አስ ጋእ ጼጎዳ።
\q2 ታ ሲቅካይዘ ዎርዥቶ፥ ‹ሲቅንትዱንና› ጋእ ጼጎዳ።
\q1
\v 26 ኡን፥ ‹ታ ዎርዣ ባያ› ጋእንት ጼግንትደ በስተ፥\x - \xo 9:26 \xo*\xt ሆሴ. 2:23\xt*\x*
\q2 ‹ደኦ ጾዘ ናአ› ጋእንት ጼግንቶዳ»\x - \xo 9:26 \xo*\xt ሆሴ. 1:10\xt*\x* ያጋይዳ።
\p
\v 27 ናበ ኢሳያሳ እስራኤለ አሱንባዝ፥
\q1 «እስራኤለ አሱን አባ ጋጻ የዘ ሻፈ ፋና ጋንግኮን፥
\q2 ኡንታፓ ኤራ አሱን ጻላላ አቶዳ።
\q1
\v 28 ይና ሳአላ አፋ ኤልሲ ፎልንቶዳ።»\x - \xo 9:28 \xo*\xt ኢሳ. 10:22-23\xt*\x* 
\v 29 ማህ ኢሳያሳ፥
\q1 «ኡባፓ ዎልቃማ ላ ኑስ ኤራ ኮች አሽካይዛኮ፥
\q2 ኑኒ ሶዶማን ጋሞራ ካታማ ፋና ቦድ የሻ»
\m \x - \xo 9:29 \xo*\xt ኢሳ. 1:9\xt*\x*ያጋእ ቲኒ ኦህዳ።
\p
\v 30 ዬዝን፥ ኑ ዋጋዉደ? ጽሎት ካሎሰ አይሁደ ማቆሰ አሱን አማኖራ ጽሎት ደንግዳ። 
\v 31 የዝን ጽሎትጎ የልዘ ህገ የዘ እስራኤለ አሱን ጽሎት ደንግካያ። 
\v 32 አኮስ ደንጋንጽዶ? ኡን ጽሎትታ አማኖራ ባይዝን ኦቻራ ኤኮደስ ኮይደ ግሾስ። የይዘ ግሾ፥ ኡን፥ «ቢዘ ሹቻራ» ብንትዳ። 
\v 33 ጌሽ ማጻፍተ፥ ቦኦተ
\q1 «ታኒ ጽዮነ ቢዘ ሹችን ላላን ጋዶዳ።
\q2 ኤዛ አማንዘ ኦንን ዬልኦስ»
\m \x - \xo 9:33 \xo*\xt ኢሳ. 28:16\xt*\x*ጋእንት ጻፍንትዳ።
\c 10
\p
\v 1 ታ እሹን፥ ታ ኩሙ ዎዝንተ ታ አሙዛናን ጾዝ ዎስዛና እስራኤለ አቶደ ፋና። 
\v 2 ኡን ጾዝስ ምሽንታነ የዝን፥ ቱሪ ኤራትፓ ምሽንቶሳኖ ታ ማርክነ። 
\v 3 ኡን ጾዘ ጽሎት ኦግቶ ኤራንጺ እጺ፥ ፋ ኦማ ጽሎት ካልዳፕ አትን ጾዘ ጽሎት ኮይካያ። 
\v 4 አስ ኡባ አማኖራ ጽሎደ ፋና ክርስቶሳ ህገ ፎልዳ።
\s1 አቶት ኡቡንስ
\p
\v 5 አስ ህገ ናጊ ኤክዘ ጽሎትባዝ ሙሴ ጻፍተራ፥ «ህገ ናግዘ ኦንን ይና ህግቶ ናጊ ደኦ የዛነ»\x - \xo 10:5 \xo*\xt ሌዌ 18:5\xt*\x* ያጋይዳ። 
\v 6 የዝን አማኖራ ኤክዘ ጽሎትባዝ ጋእንትዳና Ꮉኖ፦ «ነ ዎዝንተ፥ ‹ኦኒ ሳሎ ኬሳደ?› ያጋእፐ፤ ይና ክርስቶሳ ዎዺሳደስ። 
\v 7 ዎይ፥ ‹ሱለ ሳአ ኦሞ ዎደ ኦደ?› ጋእፐ፤ ይና ክርስቶሳ ቦዛፓ ኬሶደስ።\x - \xo 10:7 \xo*\xt ማሄ 30:12-14\xt*\x* 
\v 8 የዝን ያጋእ ጻፍንትዳ፦ ‹ቃላ ነ ካለ፤ ነ ዶንተ ነ ዎዝንተ የነ› ኑኒ ይንትስ ኦህዘ አማኖ ቃልታ Ꮉኖ።
\p
\v 9 «የሱሳ ላ» ጋእ ነ ዶንተ ማርክኮ ጾዚ ኤዛ Ꮉይቆፓ ደንዳኖ ነ ዎዝንተ አማንኮ፥ ነ አቶዳ። 
\v 10 አስ ፋ ዎዝንተ አማኒ ጽላነ፤ ፋ ዶንተ ማርክ አታነ። 
\v 11 ጌሽ ማጻፍተ፥ «ኤዛ አማንዘ ኦንን ዬልኦስ»\x - \xo 10:11 \xo*\xt ኢሳ. 28:16\xt*\x* ያጋይዳ። 
\v 12 ፈቲ ጾዘ ኡቡን ላ ማቅደ ግሾ አይሁዱንና ማቅን አይሁደ ማቆሰ አሱን ግዳ ዱማት ባያ። ኤ ፋና ጼግዘ ኡቡንስ ፋ አንጅቶ ጋን እንጋነ። 
\v 13 «ላ ሱንቶ ጼግዘ ኦንን አቶዳ።»\x - \xo 10:13 \xo*\xt ኢዩ. 2:32\xt*\x*
\p
\v 14 ዬዝን፥ ኡን አማኖሳራ ዋይዝ ኤዛ ጼጎደስ ዳንዳኤ? ኡን ኤ ባዝ ስእካይዛራ ዋይዝ ኤዛ አማኖደስ ዳንዳኤ? ማህ ኡንትስ ቃላ ኦህዘ አስ ባይዝን፥ ዋይዝ ኤዛ ስኦደስ ዳንዳኤ? 
\v 15 ኪትንትደ አስ ባይዝን፥ ቃላ ዋይዝ ኦህንቶደስ ዳንዳኤ? ጌሽ ማጻፍተ፥ «ኡፋይስ ዎንገለ ኦህዘ አሱን ቶህታ ዋይዝ ሎኦ የሳ!» ያጋእ ጻፍንትዳ።\x - \xo 10:15 \xo*\xt ኢሳ. 52:7\xt*\x*
\p
\v 16 የዝን ኢሳያሳ፥ «ላ፥ ኑ ማርካትቶ ኦደ አማንዶ?» ያጋእዳን ፋና፥ ኡቡን ዎንገለ አማንካያ።\x - \xo 10:16 \xo*\xt ኢሳ. 53:1\xt*\x* 
\v 17 ይኒ ግሾ፥ አማኖ ስሳፓ የእነ፤ ስእዛናን ክርስቶሳ ቃላፓ የእነ።
\p
\v 18 ማቆ የዝን፥ እስራኤለ አሱን ቃላ ስእካያ ጋኤነ? አደ ስእዳ። ጌሽ ማጻፍተ፥
\q1 «ኡን ኦታ ሳአ ኡባ ስንትዳ፥
\q2 ኡን ቃልታ ሳአ ጋጻ የልዳ» ያጋይዳ።\x - \xo 10:18 \xo*\xt ማዝ. 19:4\xt*\x* 
\v 19 የዝን እስራኤለ አሱን ኤርካያ ጋኤነ? ሙሴ ዛጋ፥
\q1 «ታኒ ይንታና ለቅንትደ አሱንራ ቂሪሳዳ፤
\q2 ማህ ኤያ አሱንራ ይንታና ዥልሳዳ» ያጋይዳ።\x - \xo 10:19 \xo*\xt ማሄ 32:21\xt*\x*
\p
\v 20 ማህ ኢሳያሳ፥
\q1 «ታና ኮይካይዘ አሱንስ በንትዳ፤
\q2 ታና ኦጭካይዘ አሱንስ ቆንጭዳ»
\m \x - \xo 10:20 \xo*\xt ኢሳ. 65:1\xt*\x*ያጋእ ዣሽትካይዛራ ኦህዳ።
\p
\v 21 የዝን እስራኤለ ባዝ ኦህተራ፥
\q1 «ኡባ ቃማ ኪትንቶሰ አሱንስን
\q2 ታና እጽዘ አሱንስ ታ ኩሽቶ ምጭዳ» ያጋይዳ።\x - \xo 10:21 \xo*\xt ኢሳ. 65:2\xt*\x*
\c 11
\s1 ጾዚ እስራኤሉንና ኦልካያ
\p
\v 1 አነ ታ ኦጮ፦ ዬዝን፥ ጾዚ ፋ አሱንና ኦልዳነ? ኦልካያ! ታኒ ታ ኦምተ እስራኤለ፤ አብራሃማ ኮች፤ ብንያመ ኮች። 
\v 2 ጾዚ ቲኖ ዶርደ ፋ አሱንና ኦልካያ። ጌሽ ማጻፍተ፥ ኤልያሳ እስራኤሉንና ጾዘ ቲኖ ዋይዝ ሞተዛኮ፥ ይን ኤሮሶ?\x - \xo 11:2 \xo*\xt ፍልፕ. 3:5\xt*\x* 
\v 3 ኤልያሳ፥ «ላ፥ ኡን ነ ናቡንና ዎዳ፥ ነ ዣርሾ በስቶን ላልዳ። ታ ታ ጻላላ አትዳ፤ ኡን ታናን ዎደስ ኮያነ» ያጋይዳ።\x - \xo 11:3 \xo*\xt 1 ካት 19:10፥ 14\xt*\x*
\p
\v 4 ጾዚ ኤስ ዋጋእ ማህዶ? «ባኣለ ኤቃስ ጎይንካይዘ ላፑን ሙኩል አሱንና ታስ አሽዳ» ያጋይዳ።\x - \xo 11:4 \xo*\xt 1 ካት 19:18\xt*\x*
\p
\v 5 ይኒ ጋራን፥ Ꮉና ዎድተ ጾዚ ፋ አ ኬሃትተ ዶርዱንፓ አትደ (እስራኤሉን) የነ። 
\v 6 ኤ ኡንታና ዶርደ ፋ አ ኬሃትተፕ አትን ኡን ኦቻራ ባያ። ዶረ ኦቻራ ማቅኮ፥ ኤ አ ከሃትታ አ ኬሃት ማቆስ።
\p
\v 7 ዬዝን፥ ዋይዶ? እስራኤለ ፋ ኮይዛኖ ደንግካያ፥ የዝን ጾዚ ዶርዱን ደንግዳ። አትዱን ፋ ዎዝንቶ ሙምዝዳ። 
\v 8 የዝን፥ ጌሽ ማጻፍተ፥
\q1 «ኡን ፋ ኣፍተ በአመ ፋና
\q2 ፋ Ꮉይተ ስአመ ፋና፥
\q2 Ꮉኖ የሎደስ ኡንትስ
\q2 ጾዚ ዶጭዘ አያና እንግዳ»
\m \x - \xo 11:8 \xo*\xt ማሄ 29:4፤ ኢሳ. 29:10\xt*\x*ጋእንት ጻፍንትደ ጋር Ꮉንዳ። 
\v 9 ማህ ዳዉተ፥
\q1 «ኡን ሙእዘ ጋብታ ኡንታና ጽኬ ፋና አይኮ፤
\q2 ኡንታና ጎልእዘ ጋጋ ማቆ፤
\q2 ኡን ኢታትታ ኡንታና የሎ።
\q1
\v 10 ኡን በአመ ፋና ኡን ኣፍታ ጎዝንቶ፤\x - \xo 11:10 \xo*\xt ማዝ. 69:22-23\xt*\x*
\q2 ኡባ ዎደ ዋየፓ ደንድ ይን ባንታ ኩኒ የዞ» ያጋይዳ።
\p
\v 11 ዬዝን፥ አይሁዱን ማህ ደንዳመ ፋና ጎልእዳነ? ባያ! ኡን ጎልእታ አይሁደ ማቆሰ አሱን አቶደ ፋና ምክናተ ማቅዳ። ይናን አይሁዱን ኡንታላ አፋ ቃናኦደ ፋና ኦችዳ። 
\v 12 አይሁዱ ናጋርታ አላምትስ ጋማ አንጆ ክእዳ፤ ማህ ኡን ጎልእታ አይሁደ ማቆሰ አሱንስ ጋማ አንጆ ማቅዳ። ዬዝን፥ ዶርንትደ አይሁዱን ኩሙ አትዘ ዎደ አንጆ አኮ ፋና ጋንጎድ የሻ!
\p
\v 13 ታኒ፥ Ꮉተ ይንትስ አይሁደ ማቆሰ አሱንስ ኦህነ። አይሁደ ማቆሰ አሱን ሐዋረ ማቂ ኦችዛነ ታኒ ጋማ ጬቅንታነ። 
\v 14 ታ ይኖ ኦችዳና ታስ አሾ ኮች ማቅዘ እስራኤሉንና ቂርዝዳና ኡንታፓ ኤራቶ አሾደስ። 
\v 15 ጾዚ ኡንታና ኦሊ አሽደ ዎደ Ꮉና አላምታ ጾዛራ ጊግዳ። ጾዚ ኡንታና ሺሺ ኤክዘ ዎደ Ꮉይቅደ አስ Ꮉይቆፓ ደንድዘ ፋና ማቅዳ።
\p
\v 16 ቲኖ ምንጻ ኣፍዘ ጾዝስ ዣርሽንትደ ጌሽ ማቅኮ፥ ሙሎ ምንጻ አፍታን ጌሽ። ምንጻዘስ ጻጵታ ጌሽ ማቅኮ፥ ዣንግታን ጌሽ። 
\v 17 ጋደ ቱክደ ሻማሄ ዣንገ ማቅደ አይሁዱን መቂኮ፥ ይን ጉርደ ዶልደ ሻማሄ ዣንገ ማቅዘ አይሁደ ማቆሱንን ኡን በሳ ንንቲ ኡን ኣፈ አንጅቶን ዱረትቶ ሻክንትዳ። 
\v 18 ይኬ፥ ይን ዣንገ ፋና ሳርፍንቲ ዎደ አይሁዱንላ አፋ ኡቱርትፐተ። ይን ኡቱርትዘ ባዝ ማቅኮ፥ ጻጶ ይንታና ቶክዳፕ አትን ይን ጻጶ ቶኮሳኖ ቆፖተ።
\p
\v 19 ኔኒ፥ «ይኬ ታ ኡን በስተ ገሎደ ፋና» ጋእ ቆፖዳ። 
\v 20 ይና ቱሮ። ኡን አማንካይዘ ግሾ ሳርፍንትዳ። ነ አማንደ ግሾ ይና በስተ ኤቅዳ። ነ ዣሽቶደስ ቤዛነፕ አትን ኡቱርቶደስ ቤዞስ። 
\v 21 ጾዚ መ ዣንገ ማቅዘ አይሁዱንስ ይቅስንታንጽኮ ይንትስን ይቅስንቶስ።
\p
\v 22 ይኬ፥ ጾዚ አኮ ጋር ዳልጋን አኮ ጋር ዣሽዛኮ ቦኦ። ኤ ዣሽዛና ኪትንቶሱንላ፥ ማህ ኤ ዳልጋትታ ይን አማኒ ሚንግ ኤቅኮ ይንትስ። ሚንግ ኤቃንጽኮ ይንትን ሳርፍንቶዳ። 
\v 23 አይሁዱን አማንኮ፥ ዛጋ የዘ በስተ ማቃዳ። ጾዚ ኡንታና ማህ፥ ገልደስ ዳንዳአነ። 
\v 24 ይንታና ጉርደ የዘ ሻማሄ ማቅደ አይሁደ ማቅካይዙንና ጋቺ፥ ጋደ ቱክደ ሻማሄላ አፋ ይንታና ንኮ፥ መ ጋደ ሻማሄ ማቅደ አይሁዱንና ፋ ቲኖ በሳ ማህ ቱኮደስ ዋይዝ ዳንዳእንቶሳ? \fig ሻማሄ ፋ ኣፈራ|alt="Olive tree with its fruits" src="LB00087B.TIF" size="span" ref="11:24"\fig*
\s1 ጾዘ ማሮትታ ኡባስ
\p
\v 25 ታ እሹን፥ ይን ይንታና ኤራንቻ ጋእ ጬቅንትፐተ። ታ ይንትስ ኦህዘ ፈቲ ሳዛ ቆፋ የነ። ይናን እስራኤሉን ስአንጽ እጽዳና ዉርሱ የሎደስ ማቅካይዝን አቶደስ የዘ አይሁደ ማቆሰ አሱን ኩሙ ጾዛጎ የኦደ ዎንስ። 
\v 26 ይኒ ጋር፥ እስራኤለ አሱን ኡባና አቶዳ። ጌሽ ማጻፍተ፥
\q1 «ኑና አሽዛይ ጽዮነፓ ዮኦዳ፤
\q2 ያይቆባ ኮቻፓ ኢታ ኡባ Ꮉሶዳ።
\q1
\v 27 ታኒ ኡን ናጋርቶ አቶ ጋዘ ዎደ\x - \xo 11:27 \xo*\xt ኢሳ. 59:20-21\xt*\x*
\q2 ኡንታራ ገልዘ ጫቅታ Ꮉኖ»
\m \x - \xo 11:27 \xo*\xt ኢሳ. 27:9\xt*\x*ጋእንት ጻፍንትዳ።
\p
\v 28 አይሁዱን ዎንገለ ኤካንጽደ ግሾ ይንታራ ሞርከ። ማቆየዝን፥ Ꮉተን ኡን ዶርንትደ ግሾን፥ ጾዚ ኡን አዱን ግሾ ኡንታና ካነ። 
\v 29 ጾዚ ፋ እሞተን ፋ ጼግተን ቂርስ። 
\v 30 ይን አይሁደ ማቆሱን ዛጋ ጾዝስ ኪትንትካያ። የዝን Ꮉተ አይሁዱን ኪትንታንጽ እጽን፥ ይን ጾዘ ማሮትቶ ኤክዳ። 
\v 31 ይኒ ጋር፥ ይን ኤክደ ማሮትቶ አይሁዱን ኤኮደ ፋና Ꮉተ ጾዝስ ኪትንታንጽ እጽዳ። 
\v 32 ጾዚ አስ ኡቡንስ ፋ ማሮትቶ ቤዞደስ ኮይ፥ አስ ኡባ ኪትንቶሱንና ጋእ ፋይድዳ።
\p
\v 33 ጾዘ ዱረት፥ ጭንጫትን ኤራት ቆፒ ኦሆደ ኦደ? ኤ ፍርድታ ቁርችንቶስ፥ ኤ ኦግታ ኤርንቶስ። 
\v 34 ጌሽ ማጻፍተ፥\x - \xo 11:34 \xo*\xt ኢሳ. 55:8\xt*\x*
\q1 «ላ ቆፋ ኤርዘ ኦደ?
\q2 ኤዛ ዞሮደስ ዳንዳእዘ ኦደ?
\q1
\v 35 ጾዝስ ታልእዘን\x - \xo 11:35 \xo*\xt ኢሳ. 40:13\xt*\x*
\q2 ታልእዳኖ ማህ ኤክዘ ኦደ?»
\m \x - \xo 11:35 \xo*\xt ኢዮ. 41:11\xt*\x*ያጋይዳ።
\p
\v 36 ኡባና ኤፓ፤ ኤራን ኤስ። ኤስ መናስ ቦንቾ ማቀ። አምንኤ።
\c 12
\s1 ክርስቶሳር ክለ ደኦ
\p
\v 1 ይኬ፥ ታ እሹን፥ ጾዛ ኡፋይስዘ፥ ደኦን ጌሽ ዣርሾ ማህ፥ ይን ጋልቶ ሺሾደ ፋና ታኒ ይንታና ጾዘ ማሮትተ ዎሳነ። ይናን ጾዛ ይን ጎይኖደስ ቤዝዘ ቱሪ ኦገ። 
\v 2 ሎኦ፥ ኡፋይስዘን ፎሎ ማቅደ ጾዘ ቆፋ ሻኪ ኤሮደስ ይን ዎዝንተ ላምንቶተፕ አትን Ꮉና አላምቶ አዝፐተ።
\p
\v 3 ጾዚ ይን ፈታይስ ፈታይስ እንግደ አማንቲ ፋና ዎዝናማ አስ ፋና ቆፖተ። ቆፖደስ ቤዝዛንፓ አ ይንታና ዱሙዚ፥ ኡቱራራ ቆፕፐተ ጋእ ታስ እንግንትደ አ ኬሃትተ ይንትስ ኦህነ። 
\v 4 ኑ ፈቲ ጋልቲ ግዳ ዱማ ዱማ ብልቱን የነ፤ ይና ዱማ ዱማ ብልቱንስ ዱማ ዱማ ኦቻ የነ። 
\v 5 ይኒ ጋር፥ ኑኒ ጋማ አስ ማቅኮን ክርስቶሳራ ፈቲ ጋላ ማቅዳ። ኑኒ ፈቲ ጋላ ማቂ ዱማ ዱማ ብልተ ፈታይ ፈታይራ አይክንትዳ። 
\v 6 ኑስ እንግንትደ አ ኬሃትተ ዱማ ዱማ እሞ የነ። ኑ እሞታ ትንቢተ ኦሄ ማቅኮ፥ ኑስ የዘ አማንቲ ጋር ኦሆደስ ቤዛነ። 
\v 7 ኑ እሞታ መሉንና ማደ ማቅኮ፥ ይና ኦችተ ምንጎደስ ቤዛነ፤ ታማርሰ ማቅኮ፥ ይና ታማርስተ ምንጎደስ ቤዛነ። 
\v 8 ኑ እሞታ መሉንና ምን ማቅኮ፥ ሚንግ ምንደስ ቤዛነ። ኑ እሞታ ኑስ የዘ ባዛፓ መሉንስ እንገ ማቅኮ፥ ዎዝናፓ እንጎደስ ቤዛነ። ኑ እሞታ አሄ ማቅኮ፥ ሚንግ አሆደስ ቤዛነ። ኑ እሞታ መሉንስ ኬሄ ማቅኮ፥ ኡፋይሳራ ኬሆደስ ቤዛነ።
\p
\v 9 ይን ሲቅታ አፉራፓ ካታራ ማቆደስ ቤዞስ። ኢታ ባዝ እጾተ፤ ሎኦ ባዝ ምን አይኮተ። 
\v 10 ፈታይ ፋታይራ እሸ ፋና ሲቅንቶተ፤ ፈታይ ፈታያ ቦንቾተ። 
\v 11 አዛልእፐተ፤ ይን አያናር ሚንግ ላስ ኦቾተ። 
\v 12 ጾዚ እንግደ ኡፋይሳራ ኡፋይቶተ፤ ማ ዳንዳኦተ፤ ኡባ ዎደ ጾዝ ዎሶተ። 
\v 13 አማንዘ ጌሹንና ኮሽዘ ባዛራ ማዶተ፤ ዛቆ ሞኮተ።
\p
\v 14 ይንታና ባይእዙንና አንጆተ፤ አንጆተፕ አትን ባድፐተ። 
\v 15 ኡፋይትዙንራ ኡፋይቶተ፤ ዬክዙንራ ዬኮተ። 
\v 16 ፈታይ ፈታይራ ፈቲ ቆፍተ የዞተ። ኡቱራ ቆፋ አሺ፥ ይንታና ዝቂ ዪዚ፥ አዳ አሱንራ ዎላ የዞተ። ይን ይንታና ኤራ ጋእ ቆፕፐተ።
\p
\v 17 ኦደን ይንትስ ኢታ ባዝ ኦችኮ፥ የ አስ ኢታ ማህፐተ። አስ ኡባ ቲኖ ናሽዘ ሎኦ ኦቻ ኦቾተ። 
\v 18 ዳንዳእንትኮ አስ ኡባራ ሳሮ የሳደስ ይንትስ ዳንዳእንትዛኖ ኡባ ኦቾተ። 
\v 19 ታ እሹን፥ ይን፥ ይን ኦምተ አስስ ቅመ ማህፐተ። ጾዚ ቅመ ማሆደ ፋና ኤስ አሾተ። ጌሽ ማጻፍተ፥
\q1 «ታኒ ቅመ ማሆዳ፤
\q2 ታኒ ኩሽቶ ማሆዳ»
\m ያጋነ ላ፥ ጋእንት ጻፍንትዳ።
\p
\v 20 የዝን ጌሽ ማጻፍተ፥
\q1 «ነ ሞርክዛያ ናይኮ ሙዞ፤
\q2 ኤ ባርኮ ኡሾ።
\q1 ነ ይኖ ኦችኮ ኤ ኦምተ
\q2 ታማ ቃቃ ጉሳነ»
\m ጋእንት ጻፍንትዳ።
\p
\v 21 ኢታ ሎኦር ጋሞተፕ አትን ኢታራ ጋምንትፐ።
\c 13
\s1 ዎርዣ አህዙንስ ኪትንተ
\p
\v 1 ጾዘ ቆፋ ባይዝን አደት ዎልቃ እንግንቶሰ ግሾን Ꮉተ የዘ ሹሙንን ጾዘ ቆፋራ ሹሙንትደ ግሾ አስ ኡባ ዎርዣ አህዙንስ ኪትንቶደስ ቤዛነ። 
\v 2 ይኒ ግሾ፥ አደት ዎልቃራ የዙንስ ኪትንታንጽ እጽዘ ኦንን ጾዘ ኪታ እጻነ። ኪትንታንጽ እጽዘ ኦንን ፋላ አፋ ፍርዳ ከእነ። 
\v 3 አህዙን ኢታ ኦችዙንና ፋትን ሎኦ ኦችዙንና ዣሾስ። አህዙንስ ዣሽታንጾደስ ኮያነ? ዬዛኮ ሎኦ ኦቾ፤ ኡን ነና ጋላቶዳ። 
\v 4 ኡን ሎኦ ባዝ ኦቾደስ ሹሙንትደ ጾዘ አሮ። የዝን ነ ኢታ ባዝ ኦችኮ፥ ኡን ኢታ ባዝ ኦችዛ ሴርዘ ማሻ አይክደ ግሾ ኡንትስ ዣሽቶ። ኡን ኢታ ኦችዙንና ሴሪ፥ ጾዘ Ꮉንቆ ቆንጭዘ ጾዘ አሮ። 
\v 5 ይኒ ግሾ፥ ጾዘ ካች ጻላላስ ባይዝን ይን ቆፍታ ማርክዘ ግሾ ዎርዣ አህዙንስ ኪትንቶደስ ቤዛነ።
\p
\v 6 ይን ጊራ ጊርዛናን ይንስ። ዎርዣ አህዙን ይና ኦችቶ ኦችዛና፥ ኡን ጾዘ አሮ ማቅደ ግሾስ። 
\v 7 \x - \xo 13:7 \xo*\xt ማቶ. 22:21፤ ማር. 12:17፤ ሉቃ. 20:25\xt*\x*ፈተስ ፈተስ ቤዛኖ እንጎተ። ጊራ ጊሮደስ ቤዛይስ ጊሮተ፤ ቃራጠ ጋቾደስ ቤዛይስ ቃራጠ ጋቾተ፤ ዣሽቶደስ ቤዛይስ ዣሽቶተ፤ ቦንቾ ቤዛያ ቦንቾተ።
\s1 ሲቅንቶተ
\p
\v 8 ፈታይ ፈተራ ሲቅንቶተ። ሲቆ ጋለፕ አትን ይንታላ አፋ መለ ጋለ የዝፐ። አስ ሲቅዘ ኦንን ህገ ጋዛኖ ፎልዳ። 
\v 9 «ላምፐ፤ ዎፐ፤ ካይስትፐ፤ አሙፐ» ጋዘ ኪታን መሉንን ኡባ፥ «አስ ነ ኦምት ፋና ካ» ጋዘ ኪተ አጭንትዳ። 
\v 10 \x - \xo 13:10 \xo*\xt ከዘ 20:13-17፤ ማሄ 5:17-19፤ ሌዌ 19:18\xt*\x*አስ ሲቅዘ ኦንን ኤዛላ አፋ ኢታ ባዝ ኦቾስ። ይኒ ግሾ፥ አስ ሲቅዘ ህገ ኪታ ፎልዳ።
\p
\v 11 ገንቶፓ ይን ባርክዘ ዎደ Ꮉተ የልዳኖ ኤሮተ። ኑ አማንደ ዎድትፓ አ አቶት Ꮉተ ኑጎ ኡክዳ። 
\v 12 ቃማ አዳ፤ ዎንታ ኡክዳ። ይኬ፥ ኑኒ ማ ኦቻ አሺ ፎኦ ኦላ ሚሸ አይኮዳ። 
\v 13 አነ አዋራ ፎኦ የዘ አስ ፋና ዎጋራ የዞተ። ቤዞሰ የራን ማራ ማቅፐ ኦላለ Ꮉንተራን ቃይጸር አይክንትደ ዱማ ዱማ ቱና ኦቻ፥\f + \fr 13:13 \fr*\fqa ኦላለ Ꮉንተራ የሊ ዱማ ዱማ ቱና ኦቻ፦ \fqa*\ft ዎይ የራ፥ ማራ፥ ኦላለ Ꮉንተራ፥ ቃይጸራ ማቅፈ ጋእ ብሎደስ ዳንዳእንታነ። ኦላለ Ꮉንታራ የልዘ ዱማ ዱማ ቱና ኦችታ አስ ጾዘ አሄፓ ባለ ኬዚ ጾ ዎጋ ካሊ ፎልዘ ኦቻ ጋኤ።\ft*\f* ላለራን ቅናተራ ማቅፐ። 
\v 14 ላ የሱስ ክርስቶሳ ማኦተ፤ ይን ናጋራ አሾ ፋ አሙቶ ፎሎደ ፋና ቆፕፐተ።
\c 14
\s1 አሳላ አፋ ፍርድፐተ
\p
\v 1 አማኖራ ላቢደ ኦናን ሺሺ ኤኮተፕ አትን ኤ ቆፍትላ አፋ ፍርድፐተ። 
\v 2 አዝዘስ፥ አማኖራ ሚንግደ ፈቲ አስ አኮ ካን ማአደስ ዳንዳአነ። የዝን አማኖራ ላቢደ አስ አታክልተ ጻላላ ሙነ።\x - \xo 14:2 \xo*\xt ቆላ. 2:16\xt*\x* 
\v 3 ሙእዘ አስ ሞኦሰ አ ቦርፐ። ሞኦሰ አ ሙእዘ አላ አፋ ፍርድፐ። ጾዚ ኡቡንና ኤካነ። 
\v 4 መለ አስ አሮላ ፍርድዘ ነ ኦደ? ኤ ላቢን ዎይ ሚንግን ኤ ላ ኤራነ። ላ ኤዛ ኤሶደስ ዳንዳእዘ ግሾ ኤ ሚንግ ኤቆዳ።
\p
\v 5 ማህ «ፈቲ አዋራ መለ አዋራፓ አነ» ያጋእ ቆፕዘ አስ የነ። መለ ማህ፥ «አዋራ ኡባ ፈቲ ፋና» ጋእ ቆፓነ። የዝን ፈተ ፈተ ፋ ቆፍቶ ቆፒ ኦቾ። 
\v 6 ፈቲ ቃምዛ መለ ቃምትፓ አ ቦንችዘ ኦንን ላ ቦንቾስ ጋእ ኦቻነ። ካ ሙእዘ አስ ላ ቦንቾስ ጋእ ሙነ። ኤ ሙእዘ ይና ካቲ ግሾ ጾዝ ጋላታነ። ካ ሞኦሰ አስ ላ ቦንቾስ መአንጽ አሻነ፤ ማህ መአንጽ አሸራን ጾዝ ጋላታነ። 
\v 7 ኑፓ ኦንን ፋስ የዞስ፤ ማህ ኑ ግዳፓ ኦንን ፋስ Ꮉይቆስ። 
\v 8 ኑ ደኦር የዝኮ ላስ የሳዳ፤ ማህ Ꮉይቂኮን ላስ Ꮉይቆዳ። ይኬ፥ ኑ ደኦር የዝን ዎይ Ꮉይቂኮን ላስ።
\p
\v 9 ክርስቶሳ Ꮉይቂ Ꮉይቆፓ ደንድደ፥ ደኦር የዙንስን Ꮉይቂዱንስ ላ ማቃደስ። 
\v 10 ዬዝን፥ ነ ነ እሸላ አፋ አኮስ ፍርደ? ዎይ ነ ነ እሻ አኮስ ለቀ? ኑኒ ኡባና ጾዘ ፍርዳ ኦይዳ ቲኖ ኤቆዳ።
\p
\v 11 ጌሽ ማጻፍተ ላ፥\x - \xo 14:11 \xo*\xt 2 ቆሮ. 5:10፤ ኢሳ. 45:23\xt*\x*
\q1 «ታኒ ደኦ፤
\q2 አስ ኡባ ታ ቲኖ ቡንቂንቶዳ፤
\q2 ታኒ ጾዝ ማቅዛኖ ማርክዳ»
\m ያጋይዳ። 
\v 12 ይኬ፥ ኑ ኦችደ ባዝትስ ኑ ኦምተ ኦምተ ጾዝ ቲኖ ሺቂ ማሄ እንጎዳ።
\s1 መለ አስ ቡፐተ
\p
\v 13 ይኒ ግሾ፥ ኑኒ ፈታይ ፈታይላ አፋ ፍርድዛኖ አሾተ። የዝን ይን እሻያ ቡመ ፋና ዎይ ቃጻመ ፋና ናግንቶተ። 
\v 14 ላ የሱሳ አማንዘ አስ ማቂ፥ ፋ ኦምተ ቱና ማቅደ ባዝ ባይዛኖ ታኒ ጌሽ ኤራነ። የዝን ፈቲ አስ ፈቲ ባዝ ቱና ማህ ቆፕኮ ይና ኤስ ቱና ማቃነ። 
\v 15 ነ ሙእዘ ካ ግሾ ነ እሻያ ቢዘ ባዝ ማቅኮ፥ ክርስቶሳ የዘ ነ እሻያ ሲቆስ። ክርስቶሳ ኤ ግሾ Ꮉይቂደ አ ነ ሙእዘ ካት ግሾ ብስፐ። 
\v 16 ይኬ፥ ይንትስ የዘ ሎኦ ባዝቶ ጫዥዝፐተ። 
\v 17 ጾዘ ካእቱሞ ጌሽ አያናራ በንትዘ ጽሎተ፥ ሳሮትን ቱሪ ኡፋይሳፕ አትን ሙእዘ ባዝን ኡዥዘ ባዝ ባያ። 
\v 18 ይኒ ጋር ክርስቶሳስ ኦችዘ አስ ጾዝ ኡፋይሳነ፤ አስ ግዳን አንጅንታነ።
\p
\v 19 ይኒ ግሾ፥ አነ ኑኒ ሳሮት በንትዘ ኦገን ፈተ ፈታያ አማኖራ ምንዘ ኦገ ኮዮተ። 
\v 20 ካ ግሾ ጋእ ጾዘ ኦችቶ ላልፐ። ካ ኡባ ጌሽ፥ የዝን መለ አስ ናጋራራ ቢዘ ካ ሙእዛና ኢታ። 
\v 21 ነ እሻይ ቡንታመ ፋና አሾ ሞኦሳና ዎይ ኡሽ ኡዦሳና ዎይ ነ እሻይ ቢዘ አኮ ባዝን ኦቾሳና ሎኦ።
\p
\v 22 ይኬ፥ ነ አማንቶ ነ ግዳን ነ ጾዘ ግዳ ናጎ። ልከ ጋእ ቆፕደባዝ ኦችዘ ዎደ ኤ ዎዝንታ ሞቶሰ አ አንጅንትዳያ። 
\v 23 የዝን ሶእተር ሙእዘ አስ ኤ ሙእዘ አማኖራ ማቅካይዘ ግሾ ፍርድንታነ። አማኖ ባይዝን ኦችንትደ ኦቻ ኡባ ናጋራ።
\c 15
\s1 መሉንና ኡፋይሶደስ ቤዛነ
\p
\v 1 ኑኒ ምንግዱን ላቢዱን ቶፍቶ ቶኮደስ ቤዛነ። ኑኒ ኑና ኡፋይሶደስ ቤዞስ። 
\v 2 ኑኒ ኑ ዶዛ ምንደስ ማዶደስን ኡፋይሶደስ ቤዛነ። 
\v 3 ክርስቶሳ ፋና ኡፋይስካያ። የዝን ጌሽ ማጻፍተ፥ «ነና ቦርደ ቦርታ ኑና የልዳ» ጋእንት ጻፍንትዳን ጋር Ꮉንዳ።\x - \xo 15:3 \xo*\xt ማዝ. 69:9\xt*\x* 
\v 4 ጌሽ ማጻፍተ እንግዘ ገንጮን ምንራ ኑ ኡፋይስቶ ኤኮደ ፋና ጌሽ ማጻፍተ ጻፍንትደ ኡባና ኑና ታማርሶደስ ጻፍንትዳ።
\p
\v 5 ገንጮን ምንትሞ እንግዘ ላ ይን ክርስቶስ የሱሳ ካልዘ ዎደ ፈተት ይንትስ እመ። 
\v 6 ይናን፥ ኑ ላ የሱስ ክርስቶሳ አዳያ፥ ጾዛ፥ ፈተትራን ፈቲ ቃላራ ይን ቦንቾደ ፋና።
\s1 ዎንገለ አስ ኡባስ
\p
\v 7 ክርስቶሳ ይንታና ኤክዳን ፋና ጾዘ ቦንቾስ ፈታይ ፈታያ ኤኮተ። 
\v 8 ጾዚ ዛጋ አዱንስ እንግደ ኡፋይስታ ፎልንቶደ ፋናን ኤ ቱረትታ ኤርንቶደ ፋና ክርስቶሳ አይሁዱን ጋራዘ ዎጋ ፎለራ አሮ ማቂ ይእዳኖ ታ ይንትስ ኦህነ። 
\v 9 ክርስቶሳ አይሁዱን ጋራዘ ዎጋ አሮ ማቅደ መለ ምክናታ ማህ አይሁደ ማቆሰ አሱን ጾዘ ማሮትት ግሾ ጋላቶደ ፋና። ጌሽ ማጻፍተ፥
\q1 «ታ ነና አይሁደ ማቆሰ አሱን ግዳ ጋላቶዳ፤
\q2 ነ ሱንቶ ማዝሙረር ሳቦዳ»
\m \x - \xo 15:9 \xo*\xt 2 ሳመ. 22:50፤ ማዝ. 18:49\xt*\x*ጋእንት ጻፍንትደ ጋር Ꮉንዳ።
\p
\v 10 ማህ፥
\q1 «አይሁደ ማቆሰ አሱን፥
\q2 ጾዘ አሱንራ ኡፋይቶተ»
\m \x - \xo 15:10 \xo*\xt ማሄ 32:43\xt*\x*ያጋይዳ።
\p
\v 11 Ꮉተን ማህ፥
\q1 «አይሁደ ማቆሰ አሱን፥
\q2 ላ ጋላቶተ፤
\q2 ዎርዣ ኡባ ኤዛ ሳቦተ»
\m \x - \xo 15:11 \xo*\xt ማዝ. 117:1\xt*\x*ያጋይዳ።
\p
\v 12 ይኒ ጋር ኢሳያሳ፥
\q1 «እሰይ ኮቻፓ የልንትደ ፈታይ የኦዳ፤
\q2 ኤ ካእቱሞ ኡባ አሆዳ።
\q2 ኡን ፋ ኡፋይስቶ ኤላ አፋ ጋዶዳ»
\m \x - \xo 15:12 \xo*\xt ኢሳ. 11:10\xt*\x*ያጋይዳ።
\p
\v 13 ጌሽ አያና ዎልቃራ ይን ድጮደ ፋና ኡፋይስ እንግደ ጾዘ፥ ይን አማንቲ ባጋራ ይንትስ ኡፋይስን ሳሮት ኩሙ እመ።
\s1 ጳዉሎሳ ጻፍደ ምክናተ
\p
\v 14 ታ እሹን፥ ይንታራ ሎኦትን ኤራት ኩምዱንና ማህ ፈታይ ፈታያ ዞሮደስ ዳንዳእዛኖ ታ ሎይ ኤራነ። 
\v 15 ታኒ ይንታና ፈቲ ፈትባዝ ቆፍሳደስ ኮይ ዣሽትካይዛራ ጾዘ አ ኬሃትራ ይንትስ ጻፍዳ። 
\v 16 ታኒ ክርስቶስ የሱሳ አሮ ማቂ፥ አይሁደ ማቆሱንስ ካህነ ፋና ማቂ፥ ዎንገለ ኦሆደ ፋና ጾዚ ታስ አ ኬሃት እንግዳ። አይሁደ ማቆሰ አሱን ጌሽ አያናራ ጌዥ፥ ጾዝ ኡፋይስዘ ዣርሾ ማቆደ ፋና ጾዚ ይኖ ኦችዳ።
\p
\v 17 ታኒ ክርስቶስ የሱሳር ማቂ ታ ጾዘስ ኦችዘ ኦችተ ጬቅንታነ። 
\v 18 አይሁደ ማቆሰ አሱን ጾዝስ ኪትንቶደ ፋና፥ ክርስቶሳ ታ ቃልተን ታ ኦችት ባጋራ ኦችደ ኦችትፓ መለ ታ ጬቅንትዘ ባዝ ባያ። 
\v 19 ጾዚ ይኖ ክሌ ባዝ ኦቻራን ጌሽ አያና ዎልቃራ ዋይዝ ኦቼዛኮ ታ ይንትስ ኦሆዳ። ታኒ የሩሳላመፓ ደን፥ እልዋርቆነ የሎደስ ክርስቶሳ ዎንገለ ሳባክዳ። 
\v 20 ታኒ መለ አስ ባስደ ባሳላ ኬጾደስ ኮዮስ። ክርስቶሳ ሱንታ ጼግንትካይዘ በሳ ዎንገለ ኦሆደስ አሙነ። 
\v 21 ጌሽ ማጻፍተ፥
\q1 «ኤ ባዝ ኦህንትካይዘ አሱን ኤዛ በአዳ፤
\q2 ኤ ባዝ ስእካይዘ አሱን ቆፖዳ»
\m \x - \xo 15:21 \xo*\xt ኢሳ. 52:15\xt*\x*ጋእንት ጻፍንትዳ።
\s1 ጳዉሎሳ ሮመ ቅቶደስ ቆፕዳ
\p
\v 22 ይኒ ምክናተራ፥ ታኒ ይንታጎ ዮኦደስ ዳንዳእካያ። 
\v 23 የዝን ታኒ Ꮉተ Ꮉና ጉቱቶ ኡባ ታ የሊ Ꮉስደ ግሾን ጋማ በረፓ ደን ይንታና በአደስ አሙደ ግሾ\x - \xo 15:23 \xo*\xt ሮመ 1:13\xt*\x* 
\v 24 ታኒ እስፔነ Ꮉንግተራ ይንታና በአደስ ቆፕዳ። ማህ ኤራ ዎደ ይንታራ ኡፋይትደፓ ሱባ እስፔነ Ꮉንግዘ ዎደ ይን ኦገስ ታና ማዶደ ፋና ኮያነ።
\p
\v 25 የዝን Ꮉተ ታኒ ጾዘ አሱንና ማዶደስ የሩሳላመ Ꮉንጎዳ። 
\v 26 መቀዶንያን አካያ ግዳ የዘ ጾዘ አሱን፥ የሩሳላመ የዘ ዳሁንና ሚሸራ ማዶደስ ኮይደ ግሾ። 
\v 27 ኡን ዳሁንና ማድዛና ኡንትስ አቶሰባዝ ማቅደ ግሾ ፋ ኦምተ ይኖ ኦቾደስ ቆፋ አጭዳ። አይሁዱንራ አይሁደ ማቅካይዙንን አያና አንጆ ሻግንትኮ፥ ኡን ማህ ኡንትስ የዘ ባዛራ አይሁዱንና ማዶደስ ቤዛነ።\x - \xo 15:27 \xo*\xt 1 ቆሮ. 16:1-4\xt*\x* 
\v 28 ይኒ ግሾ፥ ታኒ ይና ሺቅደ ሚሽቶ ኡንትስ እንግ ኡን ኤክዳኖ ኤርደፓ ሱባ እስፔነ Ꮉንግተራ ይን ካለራ አዳ።\x - \xo 15:28 \xo*\xt 1 ቆሮ. 9:11\xt*\x* 
\v 29 ታኒ ይንታጎ Ꮉንግዘ ዎደ ክርስቶሳ አንጆ ኩሙ ኤኪ Ꮉንጎዳኖ ኤራነ።
\p
\v 30 ታ እሹን፥ ታስ ጾዝ ዎስተራ ታ ቡቱንተ ታራ ኤቆደ ፋና ላ የሱስ ክርስቶሳራን ጌሽ አያና ሲቅተ ይንታና ዎሳነ። 
\v 31 ጾዚ ታና ይሁዳ የዘ አማኖሰ አሱንፓ አሾደ ፋና የሩሳላመ ታ ኦቾደ ኦችታ ጾዝ አሱን ካለ ኤክንቶደ ፋና ታስ ዎሶተ። 
\v 32 ማህ ጾዚ ጋይኮ፥ ታኒ ይንታጎ Ꮉንግ ኡፋይሳራ ይንታራ ሸምፖደ ፋና ታስ ዎሶተ። 
\v 33 ሳሮት ጾዘ ይን ኡቡንራ ማቀ። አምንኤ።
\c 16
\s1 ሳር
\p
\v 1 ክንክርያ ካታማ የዘ ዎሳ ኬተ ኦችዘ ኑ ምሽታ ፌበኖ ሎኦ ማቾ ማቅዳኖ ይን ኤሮደ ፋና ኮያነ። 
\v 2 ይን እዞ አማንዘ አሱን ላ ሱንተ ሞኮደስ ቤዝዘ አማንዘ አሱንፓ ፈተ ፋና ሞኮተ። እዛ ይንታፓ ኮይዘ ባዝ ኡባ እዞ ማዶተ። እዛ ፋ ኦምተ ጋማ አስ ማድዳ፤ ማህ ታና ታ ኦምተ ጋማ ማድዳ።
\p
\v 3 ክርስቶስ የሱሳ ኦቻ ታራ ዎላ ኦችዘ ጵርስቅላን አቂላ ሳሮ ጋኦተ። 
\v 4 ኡን ታ ግሾ ፋ ሸምፕቶ አ እንግዳ። ታ ጻላላስ ባይዝን አይሁደ ማቆሰ አሱን ዎሳ ኬንን ኡባ ኡንታና ጋላታነ።\x - \xo 16:4 \xo*\xt ሐዋ. 18:2\xt*\x* 
\v 5 ኡን ካራ ሺቅዘ አማንዙን ሳሮ ጋኦተ።
\p እስያ ሳአ ክርስቶሳ ቲኖ አማንደ፥ ታ ካዽዘ ኤጳነጦሳስ ታ ሳርቶ የልተ።
\p
\v 6 ይኒ ግሾ ኦቻራ ጋማ ላቢደ ማይራሞ ሳሮ ጋኦተ። 
\v 7 ታራ አች ኬ የዝደ ታ አይሁደ ላጉንና አንድሮንቆሳን ዩንያሳ ሳሮ ጋኦተ። ኡን የሱሳ ሐዋሩን ግዳ ኤርንትዱንና። ማህ ኡን ክርስቶሳ ታፓ ቲኖ አማንዳ።
\p
\v 8 ላ አማንዘ ታ ሲቆ ላግዛ፥ አምጵልያጦሳ ሳሮ ጋኦተ። 
\v 9 ክርስቶሳ ኦቻ ኑራ ዎላ ኦችዘ ኡርባኖሳን ታ ካዽዘ እስታኩሳ ሳሮ ጋኦተ። 
\v 10 ክርስቶሳስ የዛና ፋታንንት አማንዘ አጰሊሳ ሳሮ ጋኦተ። አርስጦቡሎሳ ካራ አሱንና ሳሮ ጋኦተ። 
\v 11 ታ አይሁደ ላግዛ ሄሮድዮና ሳሮ ጋኦተ።
\p ናርስሳነን ኤ ካራ አሱንፓ ክርስቶሳ አማንዱንና ሳሮ ጋኦተ።
\p
\v 12 ላ ኦቻ ላቢዘ ትሩፋይናን ትሩፎሳ ሳሮ ጋኦተ። ማህ ላስ ጋማ ላቢ ኦችዘ፥ ታ ካዽዘ ጰርሲሶ ሳሮ ጋኦተ። 
\v 13 ላ ኦቻራ ጋማ ኤርንትደ ሩፎሳስን ታና ፋ ናአ ፋና በእዘ ኤ እንቶ ሳሮ ጋኦተ። 
\v 14 አስንክርቶሳስ፥ ፍለጎናስ፥ ሄርሜሳስ፥ ፓትሮባሳስን ኡንታራ የዘ አማንዘ እሹን ኡቡንስ ታ ሳርቶ ኦሆተ።\x - \xo 16:14 \xo*\xt ማር. 15:21\xt*\x* 
\v 15 ፍሎሎጉሳ፥ ዩልያ፥ ኔርያ፥ ኤ ምሽቶ፥ ኦሉምፖሳን ኡንታራ የዘ አማንዘ አሱንና ኡባ ሳሮ ጋኦተ።
\p
\v 16 ጌሽ ዬርንተ ዬርንትተራ፥ ፈታይ ፈታያ ሳርተ። ክርስቶሳ ዎሳ ኬ ኡባ ይንታና ሳሮ ጋነ።
\s1 ዉርሱ ዞረ
\p
\v 17 ታ እሹን፥ ይን ታማርደ ትምርትቶ እጺ፥ ይን ግዳ ሻክንተን ማ መዘ አሱንፓ ናግንቶተ። ኡንታፓ Ꮉኮተ። 
\v 18 ይኒ ፋና የዘ አሱን ፋ ሳዛስፕ አትን ኑ ላ ክርስቶሳስ ኦቾስ። ፋ ማልእዘ ዶናራን ይቅስዘ ቃላራ አኮ ኤሮሰ አሱን ዎዝንቶ ባልነ። 
\v 19 ዎንገለስ ይን ኪትንትዳኖ አስ ኡባ ስእደ ግሾ ታና ኡፋይሳነ። የዝን ይን ሎኦ ባዝ ኤሮደ ፋና ኢታ ባዛፓ Ꮉኮደ ፋና ታ ኮያነ። 
\v 20 ሳሮት ጾዘ ጻላሄ ይን ቶህትፓ ኦሞራ ጋጪ ኦሎዳ።
\p ኑ ላ የሱስ ክርስቶሳ አ ከሃትታ ይንታራ ማቀ።
\p
\v 21 ታራ ኦችዘ ጢሞትዮሳ ይንታና ሎኦ ያጋይዳ። ይኒ ጋራን፥ ታ እግኑን ሉቅዮሳ፥ ኢያሶነን ሶስጳጥሮሳ ይንታና ሳሮ ጋነ።\x - \xo 16:21 \xo*\xt ሐዋ. 16:1\xt*\x*
\p
\v 22 Ꮉይ ዳብዳቢዛ ጳዉሎሳስ ጻፍደ ታኒ፥ ጻርጽዮሳ፥ ይንታና ላ ሱንተ ሳሮ ጋነ።
\p
\v 23 ታና ሞክዘ ዎሳ ኬቶ ኡባ ኤ ካራ ሺቅዘ ጋዮሳ፥ ይንታና ሳሮ ጋይዳ። ካታማ ሚሸ አይክዘ ኤራስጾሳን ኑ እሸ ቃርጾሳ ይንታና ሳሮ ጋነ። [
\v 24 ኑ ላ የሱስ ክርስቶሳ አ ኬሃት ይን ኡባራ ማቀ። አምንኤ።]\f + \fr 16:24 \fr*\ft ዛጋ ቲኖ ማጻፍተ ፋይዶ 24 ባያ።\ft*\f*
\p
\v 25 ጾዝስ ጋላታ ማቀ። ታኒ፥ የሱስ ክርስቶሳ ባዝ ኦህዘ ዎንገለ ቃልተ ጋማ ዎደፓ አችንት ጋምእደ ቱረትራ፥ ጾዚ ይንታና አማኖራ ምን ኤሶደስ ዳንዳአነ።\x - \xo 16:25 \xo*\xt ሐዋ. 19:29፤ 1 ቆሮ. 1:14፤ 2 ጢሞ. 4:20\xt*\x* 
\v 26 የዝን Ꮉተ ይና ቱርታ ቆንጭዳ። ካእቱሞ ኡባ አማኒ ኪትንቶደ ፋና መዽና ጾዘ ኪተ ናቡን ይና ቱርትባዝ ጻፍዳ።
\p
\v 27 የሱስ ክርስቶሳ ባጋራ ጭንጫት ኤ ጻላላስ የዘ፥ ፈቲ ጾዘስ መናስ ቦንቾ ማቀ። አምንኤ።