\id PHP - Oyda New Testament
\ide UTF-8
\h ፍልጵስዩሳ
\toc1 ጳዉሎሳ ፍልጵስዩሳ አሱንስ ጻፍደ ኪታ
\toc2 ፍልጵስዩሳ
\toc3 ፍልፕ.
\mt1 ጳዉሎሳ ፍልጵስዩሳ አሱንስ
\mt2 ጻፍደ ኪታ
\imt1 ገለ
\ip ጳዉሎሳ ፍልጵስዩሳ አሱንስ ጻፍደ ኪታ ጻፍንትደ፥ ሮመ ሳአ መቀዶንያ አዉራጃ፥ ፍልጵስዩሳ ሳአ የዘ ዎሳ ኬትስ። ይና ዎሳ ኬታ ጳዉሎሳ አዉሮፓ ሳአ ቲኖ ኤስደ ዎሳ ኬ። ይና ኪታ ጻፍንትደ፥ ጳዉሎሳ አች ኬ የዘ ዎደ መለ አማንዘ ኦቻንቹን ኤዛ እጽደ ዎደን ፍልጵስዩሳ ዎሳ ኬ ደንድደ ዎርዶ ትምርትት ግሾ ኤ ዎዝንታ ጋማ አዛንደ ዎደ። ማቆ የዝን፥ ጳዉሎሳ የሱስ ክርስቶሳ ምን አማንዘ ግሾ Ꮉና ኪተ ቆንጪ በንትዘ፥ ኡፋይስን ኩሙ አማንንተ። ፍልጵስዩሳ የዘ ጋማ አሱን ሮመፓ ድእንቲ ይእደ አስ። ኡን ሮመ ሳአስ ይቅስንታነን ሎይ ካፋነ። ኡንታፓ ፈታይ ፈታይ አማኒ ፋ ጋደ አሱንራ ባይእንትዳ። ይና ባይእታ ኡንታላ አፋ ማን ዳህቱሞ ክእዳ (ሐ። ኦ። 16:20-21)።
\ip ጳዉሎሳ Ꮉና ኪቶ ጻፍደ ቲኖ ምክናትታ ኤዛ ማዘ ዎደ ማዶደስ ፍልጵስዩሳ አማንዘ አሱን እሞ ኤስ ዳክደ ግሾ ኡንታና ጋላቶደስ። ኤላን ኡንታላ አፋ ዱማ ዱማ ማ የልደባዝ ማቅኮን ኡን ምንጎደ ፋናን ኩሙ አማንንቲ የሳደ ጋር Ꮉና በንትደ ቃምተ ኡንታና ምንነ። ጬቆን ኡቱራ አሺ፥ የሱስ ክርስቶሳ ዳልጋትተ ኡን ኩሞደ ፋና ምን ኡንታና ቆፍዝዳ። የሱስ ክርስቶሳራ ፈትላ ማቂ ኡን ደንግደ ደኦ ጾዘ አ ኬሃትፋ ኬዝዳኖን አማኖራ ኡን ኤክዳ ፋትን አይሁዱን ዎጋ ፎለራ በንትደባዝ ባይዛኖ ኡንታና ቆፍዛነ። የሱስ ክርስቶሳራ ፈትላ የዘ ኡቡንስ ጾዚ እንግዘ ሳሮን ኡፋይስ ኡንትስ ጻፍዳ።
\ip Ꮉና ኪታ ኤርንትደ ኡፋይስ፥ አማንንተ፥ ፈተትን አማኖራ ሚንግ ደኦ ቆንጭዝ ቤዛነ። ይንላ አፋ ጉጂ፥ ጳዉሎሳ ፍልጵስዩሳ ዎሳ ኬቶ ሲቅደ ዳማ ሲቅቶ ቆንጭዛነ።
\iot ኣፈ ቆፉን
\io1 ገለ ቆፋ \ior 1:1-11 \ior*
\io1 ጳዉሎሳ Ꮉኒ የዘ የስ \ior 1:12-26 \ior*
\io1 አማኖን አዝዘ የስ \ior 1:27—2:18 \ior*
\io1 ጢሞትዮሳስን ኤጳፍራድቱስ የዘ ቆፋ \ior 2:19-30 \ior*
\io1 ሞርኩንፓን ኢቱንፓ ናግንተ \ior 3:1—4:9 \ior*
\io1 ጳዉሎሳን ፍልጵስዩሳ አማንዘ አሱንን \ior 4:10-20 \ior*
\io1 ሳሮትን አንጆ \ior 4:21-23 \ior*
\c 1
\p
\v 1 ክርስቶስ የሱሳራ ፈቶ ማቅደ ግሾ ጾዘ ባዝ ማቅደ፥ ፍልጵስዩሳ ካታማ የዘ ዎሳ ኬ አህዙንስን ዳቆናተስን ክርስቶሳ የሱሳራ የዘ ጌሹንስ ኡቡንስ። የሱስ ክርስቶሳ አሮ ማቅደ፥ ጳዉሎሳፓን ጢሞትዮሳፓ ዳክንትደ ኪታ።
\p
\v 2 ኑ አዳይ ጾዘፓን ላ የሱስ ክርስቶሳፓ አ ኬሃትን ሳሮት ይንትስ ማቀ።\x - \xo 1:2 \xo*\xt ሐዋ. 16:12\xt*\x*
\s1 ጳዉሎሳ ጋላታ ዎሳ
\p
\v 3 ታኒ ይንታና ቲርዘ ዎደ ኡባ፥ ታ ጾዝ ጋላታነ። 
\v 4 ታኒ ይን ኡቡንስ ጾዝ ዎስዘ ዎደ ኡፋይሳራ ዎሳነ። 
\v 5 ይን ቲኖ ቃማፓ Ꮉይኖ የሎደስ፥ ዎንገለ ማርክዛነ ታራ ዎላ ማቅደ ግሾ ጾዝ ጋላታነ። 
\v 6 ይን ግዳ ሎኦ ኦቻ አይክደ ጾዘ፥ ክርስቶስ የሱሳ ላምእን ማቂ የእዘ ቃምቶ የሎደስ፥ ፎሎዳኖ ሎይ ኤራነ።
\p
\v 7 ይን ኡባ ዎደ ታ ዎዝንተ የነ። ታኒ ኡባ ዎደ ይን ግሾ ቆፖደስ ቤዛነ። Ꮉተ ታኒ አቻ የዝተራን አጭንቶዳንፓ ቲኖ ዎንገለ ናጎራን ዎንገለ ምን ኦሄ ጾዚ ታስ እንግደ አ ኬሃትቶ ታራ ግዥንትዳ። 
\v 8 ታኒ ይንታና ኡባ ክርስቶስ የሱሳ ሲቅተ አኮ ፋና ይቅስንትዛኮ ጾዚ ታስ ማርካ።
\p
\v 9 ይን ሲቅታ ቱሪ ኤራትራን አካኬራ ዎላ ጉጂ ጉጂ ድጮደ ፋና ጾዝ ዎሳነ። 
\v 10 ይነ ይን ሎኦ ባዝ ሻጊ፥ ኤሮደ ፋናን፥ ክርስቶሳ ማቂ የእዘ ቃምተ ጌሹንናን ቦረ ባይዙንና ማቃዳ። 
\v 11 ይን ደእታ ጾዝስ ቦንቾን ጋላታ የሱስ ክርስቶሳ ባጋራ በንትዘ ጽሎት ኣፈ ኩሚ አፎደ ፋና።
\s1 ጳዉሎሳ አጭንታ ዎንገለ ዳልጎደ ፋና ማድዳ
\p
\v 12 ታ እሹን፥ ታና የልደ ዎንገለ ዳልጎደ ፋና ቱሮ ማድዳኖ ይን ኤሮደ ፋና ኮያነ። 
\v 13 ታኒ ክርስቶሳ ኦችዘ ግሾ አጭንትዳኖ፥ ካት ኬ ናግዙንን መሉን ኡባ ኤራነ። 
\v 14 ታ አጭንቲ ምክናተር ኑ እሹንፓ ጋሙን ላ ሎይ አማንንትዳ። ይኒ ግሾ፥ ጾዘ ቃላ ዣሽሞ ባይዝን ካሰንፓ አ ሚንግ ኦሆደ ፋና ምንትሞ ኡን ደንግዳ።\x - \xo 1:14 \xo*\xt ሐዋ. 28:30\xt*\x*
\p
\v 15 ማቆ የዝን፥ ፈታይ ፈታይ ቃናተራን ላለራን ክርስቶሳ ባዝ ኦህነ፥ የዝን መሉን ሉለ ዎዝናፓ ኦህነ። 
\v 16 ሉለ ዎዝናፓ ኦህዙን፥ ጾዚ ታስ ዎንገለ ናጎ ኦቻ እንጎዳኖ ኤርዘ ግሾ ሲቆራ ኦህነ። 
\v 17 የዝን Ꮉንኩን ታ አችትላ አፋ መለ ማ ኮኦደባዝ ኡንትስ አዝን ፋና ካፓ ደንዲ ክርስቶአባዝ ኦህነፕ አትን ቱሪ ዎዝናፓ ኦሆስ።
\p
\v 18 ይና አኮን ይኦስ። ቱሪ ዎዝናፓ ማቅን ዎይ ቱሪ ባይዘ ዎዝናፓ ማቅን ይና ኡባነ ክርስቶሳ ሳባክንታነ። ታና ይና ኡፋይሳነ።
\p
\v 19 ማህ መለ ታና ኡፋይስዘ ባዝ፥ ታኒ ይን ዎስተን የሱስ ክርስቶሳ አያና ማደራ ዋሎ ኬዝዳኖ ኤርዘ ግሾ ታና ኡፋይሳነ። 
\v 20 ታኒ ፎሎ ታ ኦችተ ዬልማኖ ኡፋይሳራ ናጋነ። የዝን ኡባ ዎደ ኦችዛን ፋና፥ Ꮉተ ታኒ ፋጻ የዝን ዎይ Ꮉይቂን ዣሽትካይዛራ ታ ኩሙ ጋልተ ክርስቶሳ ቦንችንቶዳ ጋእ ምን ኦህነ። 
\v 21 ታስ ደኦ ጋዛና ክርስቶሳስ የዘ፤ ማህ ታ Ꮉይቂኮን ታስ አደ ትርፈ። 
\v 22 የዝን ታ ፋጻ የዝኮ ኣፈ የዘ ኦቻ ኦቾዳ። የዝን ፋጻ የዛንፓን Ꮉይቆፓ አያ ዶሮድ የዛኮ ታስ ኤርንቶስ። 
\v 23 ታኒ Ꮉን ላምኡንፓ አያ ዶሮድ የዛኮ ኡንእንትዳ። Ꮉና ደእትፓ ሻግንት ክርስቶሳራ ዎላ የሳደስ አሙነ፤ ክርስቶሳራ ዎላ የዛና ኡባፓ አ ሎኦ። 
\v 24 የዝን ታኒ ፋጻ የዛና ይንትስ ጋማ ኮሽዘ ባዝ።
\p
\v 25 ይኖ ታኒ ጌሽ ኤራነ፤ ታኒ፥ ይን አማኖራ ድጮደ ፋናን ኡፋይቶደ ፋና ይንታራ ፋጻ የሳዳ። 
\v 26 ይኒ ግሾ፥ ታኒ ይንታጎ ማቂ የእዘ ዎደ ታ ባጋራ ክርስቶስ የሱሳላ የዘ ጬቅንታ ይንትስ ጋንጎዳ።
\p
\v 27 ኡባፓ አ፥ ይን ክርስቶሳ ዎንገለስ ቤዝዘ ደኦ የዞተ። ታ ይንታና ብእን ዎይ በአንጽን ይን ፈቲ ቆፋራ ሚንግ ኤቂ፥ መሉን ዎንገለራ አማኖደ ፋና ፈቲ ዎዝናራ ማቂ ፈትላ ቡቱንትዛኖ ታ ስኦዳ። 
\v 28 ይን ሞርኩንስ ዣሽትፐተ። ኡን ይንታራ ኤቅንትዛና ይና ኡንትስ በ ማላ ማቂ፥ ይንትስ ጾዛፓ ማቅደ አቶት ማላ። 
\v 29 ክርስቶሳስ ኦችዘ እሞት ይንትስ እንግንትዳና፥ ይን ኤዛ አማኖደ ፋና ጻላላስ ባይዝን ይን ኤ ግሾ ማ ኤኮደ ፋና። 
\v 30 ይኒ ግሾ፥ Ꮉተ ይን ታራ ዋየ ግሽንትዙንና ማቅዳ፤ ይና ዋይታ Ꮉንፓ ቲኖ ታና የልን ብእዳኖን Ꮉተን ታና የሊተራ የዛኖ ይን ስእተ የነ።
\c 2
\s1 ቱሪ አሽከት
\p
\v 1 ክርስቶሳራ ይን የዘ የስታ ይንታና ሚንነ፤ ማህ ኤ ሲቅታን ይንታና ምንነ። ጌሽ አያናራ ይንትስ ፈተት የነ፤ ይን መሉንስ ዳልጋነን ይቅስንታነ። 
\v 2 ይኬ፥ ይን ፈቲ ቆፋራ፥ ፈቲ ሲቆራ፥ ፈቲ ዎዝናራን ፈቲ አያናራ ማቂ ታና ፎሎ ኡፋይሶተ። 
\v 3 ይንታና ካራ ዎይ ጬቅንትዘ ፋሰ አሞራ ፈቲ ባዝን ኦችፐተ። የዝን ይን ፈታይ ፈታይፓ ዳማነ ያጋእ ቆፕካይዛራ ይንታና ካዉሾተ። 
\v 4 ይን ፈታይ ፈታያ፥ መሉንና ማድዘ ባዝ ኮዮተ ፋትን ይንታና ማድዘ ባዝ ጻላላ ኮይፐተ።
\p
\v 5 ክርስቶስ የሱሳ የዘ ቆፍታ ይን ግዳ የሳደስ ቤዛነ።
\q1
\v 6 ኤስ ኡባ ዎደ ጾዘ Ꮉኖት የነ።
\q2 ይኖ ማቅኮን፥ ኤዛ ጾዛራ ፈቶ ማህዘ Ꮉኖትቶ፥
\q2 ዎልቃራ ኤኮደስ ኮይካያ።
\q1
\v 7 የዝን፥ ኤ ፋስ የዘ ቦንችቶ ኡባ አሺ፥
\q2 አሮ ማቅዳ፤ አስ ፋና የልንትዳ፤
\q2 አስ ማቂ ቆንጭዳ።
\q1
\v 8 ኤ ፋና ካዉሽዳ፤
\q2 Ꮉይቆስ የሎደስ፥
\q2 መለ አቶ የዝን ማስቃላላ አፋ
\q2 Ꮉይቆደስ ኪትንትዳ።
\q1
\v 9 ይኒ ግሾ፥ ጾዚ ኤዛ ጋማ ቅ ቅ ዪዝዳ፤
\q2 ማህ ሱን ኡባፓ አዘ ዳማ ሱን እንግዳ።
\q1
\v 10 ይኒ ግሾ ሳሎን ሳአ፥
\q2 ሳአፓ ኦሞራ የዘ ኡባና፥
\q2 የሱሳ ሱንት ቦንቾስ ቡንቅንቶዳ።
\q1
\v 11 አስ ኡባ ፋ እልአንተ፥\x - \xo 2:11 \xo*\xt ኢሳ. 45:23\xt*\x*
\q2 የሱስ ክርስቶሳ ላ ጋእ፥
\q2 ጾዘ አዳይ ቦንቾስ ማርክዳ።
\s1 Ꮉና አላምትስ ፎኦ ማቀ
\p
\v 12 ታ እሹን፥ ታኒ ይንታራ የዘ ዎደ ኡባ ይን ኪትንትደ ፋና፥ Ꮉተ ታ ይን ካለፓ Ꮉክኮን፥ ቲኖንፓ አ፥ ኪትንቶደስ ቤዛነ። ጾዝስ ዣሽሞራን ጎቀራን ይን አቶትቶ ቤዝዘ ኦቻ ኦቾተ። 
\v 13 ኤ ኮይዘ ቆፍቶ ኦቾደ ፋናን ኮዮደ ፋና ይን ግዳ ኦችዘ ጾዚ።
\p
\v 14 አኮ ኦቻን ኦችተራ ዙዝንግካይዛራ ዎይ ላልካይዛራ ኦቾተ። 
\v 15 ዎቦን ናጋራንቾ አሱን ግዳ ቦረ ባይ፥ ጌሹንናን ቦርሶ ባይዘ ጾዘ ናአ ማቆተ። ይን ኡን ግዳ ሳሎ ጾልንቶ ፋና ፎእተራ፥ 
\v 16 ደኦ በንትዘ ቃላ አሽካይዛራ ምን አይኪ፤ ይኒ ፋና ታ ዎታን ታ ኦችታ Ꮉሪ አቶሰ ግሾ ክርስቶሳ የእዘ ዎደ ታስ ጬቆ ማቃዳ።\x - \xo 2:16 \xo*\xt ማሄ 32:5\xt*\x*
\p
\v 17 የዝን ይን አማንተን ኦችተ ዣርሾ ጉጂ ታ ሸምፕታ ላንትዛኮን\f + \fr 2:17 \fr*\fqa ታ ሱታ ኡሽ ዣርሾ ፋና፦ \fqa*\ft ፈቲ ፈቲ ዎደ ዣርሾ በሳ ዣርሽንትዘ Ꮉርስ ዣርሾላ አፋ Ꮉ ዎይ ዎይነ ኡሽ ጉሳነ።\ft*\f* ታና ኡፋይሳነ። ይንትን ታራ ኡፋይቶዳ። 
\v 18 ይኒ ፋና ይንትን ኡፋይት ታናን ኡፋይሶደስ ቤዛነ።
\s1 ጢሞትዮሳን ኤጳፍሮድቱሳ
\p
\v 19 ታኒ ይን የስት ባዝ ስእ ታ ኡፋይቶደ ፋና ጢሞትዮሳ ይንታጎ ኤልሲ ዳኮደ ፋና ላ የሱሳ ታና ማዶዳኖ አማንንታነ። 
\v 20 ይን የስትስ ዎዝናፓ ቆፕዘ ኤ ጋርዘ አስ መለ ኦንን ባያ። 
\v 21 መሉን ፋና ማድዘ ባዝ ኮያነፕ አትን የሱስ ክርስቶሳ ኮይዘ ባዝ ኦቾስ። 
\v 22 ኤ ታራ ፈትላ ማቂ ናአ ፋ አዳይስ ኦችዛን ፋና ዎንገለ ኦቻ ኦችዳይን አማንንትደ አስ ማቅዛኖ ይን ኤራነ። 
\v 23 ይኒ ግሾ፥ ታ ባዝ ዋያድየዛኮ ብእ ኤልሲ ኤዛ ይንታጎ ዳኮዳ ጋእ ቆፓነ። 
\v 24 ታኒ፥ ታ ኦምተ ኡከ ዎደ ይንታጎ Ꮉንጎዳኖ ላላ አማንንታነ።
\p
\v 25 ይን ጋራን፥ ታኒ፥ ታ እሻ ኤጳፍሮድቱሳ፥ ታራ ዎላ ታ ባጋ ማቂ ኦችዳያ፥ ኦልንትዳያን፥ ታና ማዶደስ ይንትስ ኪትንትድያ፥ ይንታጎ ኪቶደስ ቆፕዳ። 
\v 26 ኤ ይንታና ኡባ በአደስ ጋማ አሙነ። ማህ ኤ Ꮉርግንትዳኖ ይን ስእደ ግሾ ፋ ዎዝንተ ጋማ ኡንእንታነ። 
\v 27 ኤ ቱሮ Ꮉርግንቲ Ꮉይቆስ ዪእ አትዳ። የዝን ጾዚ ኤዛ ማርዳ። ኤ ጻላላስ ባይዝን አዛኖ አዛኖላ አፋ ጉጁንታመ ፋና፥ ታስን ይቅስንትዳ።
\p
\v 28 ይኬ፥ ይን ኤዛ ማህ ብእ ኡፋይቶደ ፋና ታስን ታ ዎዝንተ ምችቶ ቶይሳደ ፋና ታ ኤዛ ኤልሲ ይንታጎ ዳኮደስ አሙነ። 
\v 29 ላ አማንዘ ግሾ ኡፋይሳራ ሞኮተ። ማህ ኤ ፋና የዘ አስ ኡባ ቦንቾተ። 
\v 30 ይን ታ ካለ ማቂ ኦቾደስ ዳንዳኦሰ ማደ ማዲ ክርስቶሳ ኦቻ ግሾ ፋ ሸምፕትስ ይቅስንታንጽ Ꮉይቆስ ዪእ አትዳ።
\c 3
\s1 ቱሪ ጽሎት
\p
\v 1 ይኬ፥ ታ እሹን፥ ይን ላ ባዝ ማቅደ ግሾ ኡፋይቶተ። ታኒ ቲኖ ጻፍዳን ፋና ማህ ጻፎዳና ታና ዋይስ፥ የዝን ይንታና ባልንተፓ ናጎደስ ዳንዳአነ።
\p
\v 2 ኢታ ባዝ ኦችዘ ካኑንፓን፥ ማህ ጋራዝንቶደስ ቤዛነ ጋዘ ኢታ አሱንፓ ናግንቶተ። 
\v 3 ኑኒ ጾዘ ጌሽ አያናራ ጎይንዘ ግሾን ኑ የስተ ክርስቶስ የሱሳራ ጬቅንትዘ ግሾ ቱሪ ጋራዝንተ ጋራዝንትዱንና። ኑኒ አሳትላ አፋ ኦችንትዘ ባዛላ ጬቅንቶስ።
\p
\v 4 ታ በንትዘ አሳትላ ጬቅንቶደስ ቤዝኮ ታ ጋማ ባዛራ ጬቅንቶደስ ዳንዳአነ። አኮ አስን ፋ በንትዘ አሳትላ ጬቅንትዘ ባዝ ፋስ የነ ጋእ ቆፕኮ፥ ታኒ ኤፓ ጋማ አ ጬቅንትዘ ባዝ የነ። 
\v 5 ታኒ የልንትደ ኦስፉን ቃማራ ጋራዝንትዳ። ታኒ የልንተራ እስራኤለ፤ ብንያመ ኮች፤ ታኒ ዎርቂንተ ባይዘ አይሁደ አስ። አይሁደ ህገ ናገራ ማቅኮ ታኒ ፋርሳወ። 
\v 6 \x - \xo 3:6 \xo*\xt ሐዋ. 23:6፤ 26:5፤ ሮመ 11:1\xt*\x*አይሁደ አማኖ ቅናተራ ማቅኮ ታ ዎሳ ኬ አማንዙንና ባይአነ። ፈቲ አስ ህገ ናጊ ጽልዘባዝ ማቅኮ፥ ታላ ቦረ በንትካያ።
\p
\v 7 \x - \xo 3:7 \xo*\xt ሐዋ. 8:3፤ 22:4፤ 26:9-11\xt*\x*የዝን ዛጋ ታና ማዳነ ጋእ ቆፕደባዝ ኡባ፥ ክርስቶሳ ግሾ ጋእ ማዶሰ ባዝ ማህ ፋይድዳ። 
\v 8 ይኖ ጻላላ ባይዝን ታኒ ታ ላ ክርስቶስ የሱሳ ኤርዛና መለባዝ ኡባፓ ጋማ አዘ ግሾ ይና ኡባኖ ትርፈ ባይዘ ፋና ፋይድዳ። ታኒ ኤ ግሾ ኡባነ ቆህንትዳ። ክርስቶሳ ደንጎደስ ኡባ ባዝ አላ ኦልንትደ ቡረ ፋና ፋይድዳ። ታኒ የሱሳራ ፈቶ ማቅዳ። 
\v 9 ይኖ ዪዛና ህገላ ማቅደ ታ ኦማ ጽሎት አሺ አማኖላ ማቅደ ጾዘ ጽሎት ክርስቶሳ አማኒ ደንጎደስን ኤራ ዎላ ማቃደስ። 
\v 10 ታኒ ክርስቶሳን ኤ ደንዶ ዎልቅቶ ኤሮደስ ኮያነ። ታኒ ኤ ዋይቶ ኤራ ግሽንቶደስ ኤ Ꮉይቅተ ኤ ደንድቶ አሙነ። 
\v 11 ይኒ ጋር፥ Ꮉይቆፓ ደንዲ መዽና ደኦ የሳደስ ኡፋይታነ።
\s1 ቆፕደ በስቶ የሎደስ ዎጾተ
\p
\v 12 ታኒ Ꮉተ ቆፕደ በስቶ የልዳ ዎይ ታ ግዳ ባላ ባያ ጋኦስ። የዝን ክርስቶስ የሱሳ ታና አይክደ ግሾ ታኒ ታ ቲኖ የዘ ዎይቶ አይኮደስ ዎጻነን ቡቱንታነ። 
\v 13 ታ እሹን፥ ታኒ ይኖ ደንግዳ ጋእ ቆፖስ፥ የዝን ታኒ ፈቲ ባዝ ኦቾዳ። ታፓ ሱባራ የዛኖ ቦቲ ቲኖ የዛኖ አይኮደስ ሼልንቃነ። 
\v 14 ይኒ ግሾ፥ ታኒ ቆፕደ በስቶ የሎደስ ዎጻነ። ጾዘ ክርስቶስ የሱሳ ባጋራ ሳሎ የዘ መዽና ደኦስ ጼግደ ዎይቶ ኤኮደስ ኤልሳነ።
\p
\v 15 ይኬ፥ ኑኒ አያናራ ሚንግደ ኡቡን Ꮉኖ ቆፖደስ ቤዛነ። ይንታፓ ባጉንስ ዱሙዽዘ ቆፋ የዝኮ፥ ይኖን ጾዚ ይንትስ ቆንጭሳዳ። 
\v 16 ማቅኮን፥ ጾዚ ኑስ ቆንጭዝደ ቱርተ፥ ቲኖ Ꮉማዳ።
\p
\v 17 ታ እሹን፥ ታና አዞተ፤ ይኒ ፋናን፥ ኑና አዚ ካልዘ መለ አሱንና ቆፒ ቦኦተ። 
\v 18 \x - \xo 3:18 \xo*\xt 1 ቆሮ. 4:16፤ 11:1\xt*\x*ታኒ ይኖ ይንትስ ቲኖ ጋማ ቶሄ ኦህዳ፥ የዝን Ꮉተን ማህ አፉራ ኦህነ። ፋ የስተ ክርስቶሳ ማስቃላስ ፋና ሞርከ ማህደ ጋማ አሱን የነ። 
\v 19 ኡን ፎልታ በ፤ ኡን ሳዝታ ኡንትስ ላ። ዬልደስ ቤዝዘ ባዛ ኡን ጬቅንታነ፤ ማህ Ꮉና ሳእትባዝ ጻላላ ቆፓነ። 
\v 20 ኑ ጋድታ ሳሎ። ሳሎፓ ይእ ኑና አሾደስ የዘ ላ የሱስ ክርስቶሳ ናጋነ። 
\v 21 ክርስቶሳ ኡባባዝቶ ፋ አደት ዎልቃፓ ኦሞራ ማሆደስ ዳንዳእዘ ፋ ዎልቃራ ኑ ላቢ አሳትቶ ላሚ ፋ ቦንቾ አሳትቶ አዞደ ፋና ዪሳዳ።
\c 4
\s1 ዉርሱ ዞረ
\p
\v 1 ታ እሹን፥ ታ ካዙን፥ ታ አሙዙን፥ ታና ኡፋይስዙንን፥ ታና ጬቅዙን ይኬ ላራ ሚንግ ኤቆተ።
\p
\v 2 ኤዎድን ስንጺካን፥ ይን ላምኡን፥ ፈቲ ቆፋራ ላራ የሳደ ፋና ታ ይንታና ዞራነ። 
\v 3 ታራ ኦችዘ አማንዛዮ፥ ኔኒ Ꮉን ማቹንና ማዶደ ፋና ታ ነና ዎሳነ። Ꮉን ማቹን ታራ፥ ቀለምንጾሳራን ኡን ሱንታ ጾዘ ደኦ ማጻፍተ ጻፍንትደ መሉንራ ዎላ ዎንገለ ኡባ በሳ የልደስ ላቢዳ።
\p
\v 4 ላራ የዛነ ኡባ ዎደ ኡፋይቶተ። ታኒ ይኖ ጉጂ ኦህነ፤ ኡፋይቶተ።
\p
\v 5 አስ ኡባ ይን ሎኦትቶ ኤሮ፤ ላ ኡከራ ዮኦዳ። 
\v 6 ጾዝ ይን ዎስዘ ዎደ ኡባ ባዛራ ኤዛ ጋላትተራ፥ ይንታና ቤዝዘ ባዝ ኡባ ዎሶተፕ አትን አኮ ባዝስን ይርግፐተ። 
\v 7 አስ ኤራት ኡባፓ አዘ ጾዘ ሳሮት፥ ይን ዎዝንቶን ይን ቆፍቶ ላ የሱስ ክርስቶሳስ ማቅዳነ ናጎዳ።
\p
\v 8 ዉርሱተ፥ ታ እሹን፥ ይን ዎዝንተ ሎኦ ባዝን ጋላትዘ ባዝ ቆፖተ። ቱሮ ማቅደ ባዝ ኡባ፥ ቦንቾ ባዝ ኡባ፥ ቆሄ ማቆሰ ባዝ ኡባ፥ ጌሽ ባዝ ኡባ፥ ሲቆባዝ ኡባ ኡፋይስዘ ባዝ ኡባ ቆፖተ። 
\v 9 ይን ታፓ ታማርዳኖ፥ ኤክዳኖ፥ ስእዳኖን ብእዳኖን ኡባ ኦቾተ። ሳሮት እንግዘ ጾዘ ይንታራ ዎላ ማቃዳ።
\s1 ጳዉሎሳ እንግንትደ እሞትስ ጋላትዳ
\p
\v 10 ጋማ ዎደፓ ሱባ፥ ይን ታ ባዝ ማህ ቆፋ አይክደ ግሾ ታኒ ላ ግዳ ጋማ ኡፋይታነ። ይኖ ጋዛና፥ ታስ ቆፖደስ ይንትስ ዎታንጽደ ግሾፕ አትን ታስ ቆፍቶ አሽካያ። 
\v 11 ታኒ ይኖ ታና ማደ ግሾ ጋኦስ፤ ታስ የዛና ማቃዳ ጋዛኖ ታማርዳ። 
\v 12 ታኒ ማ የዘ የሲን ኤራነ፤ ማህ ዱር የዘ የሲን ኤራነ። አባን ማቅን ማህ አኮ ዎደን ታኒ ምሽን ናየ፥ ፋጨን ኩመን ኡባነ ታስ የዛና ማቃዳ ጋዛኖ ታማርዳ። 
\v 13 ዎልቃ እንግዘ ክርስቶሳራ ኡባ ባዝ ኦቾደስ ዳንዳአነ።
\p
\v 14 ማቅኮን፥ ይን ታ ማተ ማድዳነ ሎኦ ኦችዳ። 
\v 15 ፍልጵስዩሳ አሱን፥ ዎንገለ ቲኖ ኦሆደስ ታኒ መቀዶንያፓ ከዝዘ ዎደ እንግዘ ባዛን ኤክዘ ባዛ ይን ዎሳ ኬትፋ መለ ዎሳ ኬ ታና ማድካይዛኖ ይን ኤራነ። 
\v 16 ተሰሎንቄ የዘ ዎደን ታና ኮሽዘባዛ ማህ ማህ ማድዳ።\x - \xo 4:16 \xo*\xt 2 ቆሮ. 11:9\xt*\x* 
\v 17 ታኒ፥ ይንታፓ እሞ ኤኮደስ ኮይ ባይዝን እሞፓ የእዘ አንጆ ይን ኤኮደ ፋና።\x - \xo 4:17 \xo*\xt ሐዋ. 17:1\xt*\x*
\p
\v 18 ታስ ኮሽዛኖን ኮሽዛንፓ አ ይን ታስ ዳክደ እሞቶ ኤጳፍራድቱሳፓ ኤክዳ፤ ይናን ይን እሞታ ጾዚ ኤክዘ ሳዎ ቶንኩ ጋዘ፥ ኤ ካዽዘ፥ ኤ ኡፋይትዘ ዣርሾ ፋና። 
\v 19 ታ ጾዘ ፋ ዱረትትፓ፥ ቦንቾ ክርስቶስ የሱሳ ባጋራ ይንትስ ኮሽዘ ባዝ ኡባ እንጎዳ።\x - \xo 4:19 \xo*\xt ከዘ 29:18\xt*\x* 
\v 20 ኑ አዳይ ጾዘስ መናፓ መዽና የሎደስ ቦንቾ ማቀ። አምንኤ።
\s1 ዉርሱ ሳር
\p
\v 21 ክርስቶስ የሱሳ ባጋራ ጾዘ ባዝ ማቅደ ኡቡንና ሳሮ ጋኦተ። ታራ የዘ እሹን ይንታና ሳሮ ጋነ። 
\v 22 ጾዝስ ማቅደ አሱን ኡባ፥ ኡባፓ አ ካት ቄሳረ ኬ የዙን ይንታና ሳሮ ጋነ።
\p
\v 23 ላ የሱስ ክርስቶሳ አ ከሃትታ ይንታራ ማቀ።