\id EPH - Oyda New Testament
\ide UTF-8
\h ኤፈሶነ
\toc1 ጳዉሎሳ ኤፈሶነ አሱንስ ጻፍደ ኪታ
\toc2 ኤፈሶነ
\toc3 ኤፈ.
\mt1 ጳዉሎሳ ኤፈሶነ አሱንስ
\mt2 ጻፍደ ኪታ
\imt1 ገለ
\ip ጳዉሎሳ ኤፈሶነ የዘ አሱንስ ጻፍደ ኪትተ ኡባፓ አ ብእዳና፥ «ዎደ የልዘ ዎደ ጾዚ ፎሎደስ ቆፕደ ቆፍታ፥ ሳሎን ሳአ የዘ መንትደ ባዝ ኡቡና ክርስቶሳፓ ኦሞራ ማቃደ ፋና» ያጋዘ ቆፍቶ (1:10) ይንላ አፋ ጉጂ የሱሳ ክርስቶሳራ የዘ ፈተትተ፥ አስ ኮች ኡባ ፈቶ ማቃደ ፋና ይና ዳማ ቆፍቶ ኦቻላ ፌሾደ ፋና ጾዘ አሱንና ቆፍዛነ።
\ip ኤፈሶነ ኪታ ቲኖ ክፍልተ ጻፍዘ ኦማ ቆፋ ማቅዘ ፈተት ባዝ ጻፎደስ አይክዳኖ ዳልግዚ፥ ጾዘ አዳይ ፋ አሱን ዋይዝ ዶረዛኮ፥ ኡንትን ኤ ናአይ፥ የሱሳ ክርስቶሳ ፋ ናጋርትፓ ማሮት ደንግ ዋይዝ ዋሎ ኬዘዛኮን፥ ጾዘ ዳማ ኡፋይስ ቃላ ጌሽ አያና ባጋራ ቱሮ ማቅዳኖ ኤርንተዛኮ ኦህነ። ላምእን ክፍልተ ማህ ጻፍዘ Ꮉና ኪቶ ናባብዘ አሱን ፋ ፈተትቶ ደእተ ክርስቶሳ ግዳ ኡን የዘ ፈተትታ ቱሮ ማቃደ ጋር ኡን ዋይዝ የሳደስ ቤዝዛኮ ቆፍዛነ።
\ip አሱን ክርስቶሳ ግዳ የዘ ፈተትቶ ዋይዝ የሳደስ ቤዝዛኮ ዱማ ዱማ አዝዘር ቆንጭዳ። ዎሳ ኬ ጋላ አዝዘ ማቅዘ ዎደ ክርስቶሳ ይና ጋልትስ ኦማ። ዎሳ ኬ ግምበ ኬራ አዝዘ ዎደ ክርስቶሳ ይና ኬትስ ዶቸ ጻጵቶ ምንዘ ዋና ሹች። ዎሳ ኬ ማችራ አዝዘ ዎደ ክርስቶሳ አዝናራ አዝዛነ። ጻፍዘ ክርስቶሳ ባጋራ ቆንጭደ ጾዘ አንጆ ኬሃትቶ ጋማ ናሺ ኦህተራ፥ ጋታ ገንዘ ኦሄ ኦህነ። ኤ ኡባ ባዝ፥ ክርስቶሳ ሲቅቶ፥ ኤ ዣርሽንትዳኖ፥ ኤ እንግደ ናጋራ ማሮትቶ፥ ኤ አ ኬሃትቶን ኤ ጌሻትተ ባጋራ በእነ።
\iot ኣፈ ቆፉን
\io1 ሳር \ior 1:1-2 \ior*
\io1 ክርስቶሳን ዎሳ ኬ \ior 1:3—3:21 \ior*
\io1 ክርስቶሳ ግዳ የዘ ክለ ደኦ \ior 4:1—6:20 \ior*
\io1 ጻ ቆፋ \ior 6:21-24 \ior*
\c 1
\p
\v 1 ጾዘ ቆፋራ ክርስቶስ የሱሳ ሐዋረ ማቅደ ጳዉሎሳ፥ ኤፈሶነ የዘ ጌሹንስን ክርስቶሳ የሱሳ አማንዙንስ ጻፍንትደ ኪታ።
\p
\v 2 ጾዘ ኑ አደፓን ላ የሱስ ክርስቶሳፓ አ ኬሃትን ሳሮት ይንትስ ማቀ።\x - \xo 1:2 \xo*\xt ሐዋ. 18:19-21፤ 19:1\xt*\x*
\s1 ክርስቶሳ ግዳ የዘ አያና አንጆ
\p
\v 3 ሳሎ የዘ አያና አንጆ ኡባ ክርስቶሳ ባጋራ ኑና አንጅዳ፥ ኑ ላ የሱስ ክርስቶሳ አዳይ፥ ጋላትንቶ። 
\v 4 ኑኒ ኤ ቲኖ ጌሹንናን ቦረ ባይዙንና ማቆደ ፋና ጾዚ አላመ መንቶዳንፓ ቲኖ ክርስቶሳ ባጋራ ፋ ሲቅተ ኑና ዶርዳ። 
\v 5 ጾዘ ፋ ሎኦ ቆፍተ ፋ ካደ ጋር የሱስ ክርስቶሳ ባጋራ ኑና ፋ ናኡንና ማሆደስ ቲኖ ቆፒ ጋድዳ። 
\v 6 ጾዘ ፋ ሲቅዘ ናአይ ባጋራ ኑስ Ꮉሪ እንግደ አ ከሃትታ ቦንችንቶደ ፋና ይኖ ኦችዳ።
\p
\v 7 አልኦ ናአይ ኤ አ ኬሃትትን ዳማትት ፋና ኤ ሱተ ዎዝንተ ደንግዳ፥ እዛን ኑ ናጋርት አቶት። 
\v 8 ፋ አ ከሃትታ ጭንጫትን ቆፋ ኑስ ጋንዳ። 
\v 9 ክርስቶሳ ባጋራ ኦቾደስ ካደ ኤ ግዳ የዘ ሳዛ ቆፋ ኑና ኤርስዳ።\x - \xo 1:9 \xo*\xt ቆላ. 1:14\xt*\x* 
\v 10 ዎደ ዉርሱተ ጾዚ ፎሎደስ ቆፕደ ቆፍታ፥ ሳሎን ሳአ የዘ መት ኡባ ክርስቶሳራ ጻጾደስ።
\p
\v 11 ፋ ቆፋራ ኡባ ኦችዘ፥ ፋ ቆፍት ጋር ቲኒ ፋስ ቆፒ ጋድደ ክርስቶሳራ ማህ እርስተ ኤክዳ። 
\v 12 ይናን ክርስቶሳላ ቲኒ ኡፋይስ ጋድደ ኑኒ ኤ ቦንችቶ ጋላቶደ ፋናስ። 
\v 13 ይን ማህ ቱሪ ቃላ ይናን አቶት ዎንገለ፥ ስእደ ማህ ክርስቶሳ አማኒ ጌሽ አያናራ አታምንትዳ። 
\v 14 ኤ ቦንችትስ ጋላታ ማቃደ ፋና ጾዚ ፋስ ማቅዱንና ዎዞደ ዎንስ ኤዚ ኑስ ቃብደ ማህ እንግዳ።
\s1 ጳዉሎሳ ዎሳ
\p
\v 15 ይኒ ግሾ፥ ላ የሱሳ ይን አማንዛኖን ጌሹንስ ኡባ የዘ ሲቅቶ ታ ስእ 
\v 16 ታ ዎስተ ይንታና ቆፕተራ ይን ግሾ ጾዛ ጋላትዛኖ አሽካያ። 
\v 17 ቦንቾ አዳይ ላ የሱስ ክርስቶሳ፥ ኤዛ ኤርዘ ጭንጫትን ቆንጭ አያና ይንትስ እንጎደ ጋር ታኒ ዎሳነ። 
\v 18-19 ይናን ይን ዎዝና ኣፍታ ፎእዘ ዎደ ይን ጼግስት ኡፋይስታ አኮ ፋና የዛኮን ጌሹን ካለ የዘ እርስተ ቦንቾ ዱረትታ አኮ የዛኮ አማንዙንስ ኡባ አደ ኤ ዎልቃ ዳማትታ አኮ ጋር የዛኮ ይን ኤሮደ ፋናስ።
\p
\v 20-21 ክርስቶሳ Ꮉይቆፓ ደንደ፥ Ꮉላቃት፥ አደት ዎልቃ፥ ዎልቃ፥ ላት ኡባፓ ቃ፥ Ꮉና አላምተ ጻላላ ባይዝን የኦደ አላምተ ማህ ጼግንቶደ ሱንፓ ቃ፥ ሳሎ ጾዛፓ ምዛቅ ዛላራ በትደ ክርስቶሳ ኦችደ ኤ ምን ዎልቅቶ ቆንጭዛነ። 
\v 22 ጾዚ ኡባኖ ክርስቶሳ ቶህትፓ ኦሞራ Ꮉርዝዳ፤ ማህ ዎሳ ኬስ ኡባ ኦማ ማቃደ ፋና ኤዛ ሹምዳ። 
\v 23 ዎሳ ኬታ ክርስቶሳ ኩሙ ኦችዘ ኤ ጋላ። ዎሳ ኬታ ኤ ጋላ፥ ኡባ ባዝ ሙሎ ኩምደ ኤ ኩሙ።\x - \xo 1:23 \xo*\xt ማዝ. 8:6፤ ቆላ. 1:22-23፤ 1:18\xt*\x*
\c 2
\s1 ክርስቶሳራ Ꮉይቆፓ ደኦ ፍንገ
\p
\v 1 Ꮉንፓ ዛጋ ይን፥ ይን ናጋርትፓን ይን ቆህትፓ ደንዲ አያና ደእተ Ꮉይቂዱንና። 
\v 2 ይንፓ ደንዲ ይን Ꮉና አላመ ኢታ ኦግቶ ካልዳ። ባቆላ አፋ የዘ አያኑን ዎልቃራ አህዘስ ኪትንታነ፥ ኤዝን ኪትንቶሰ አሱንላ ኦችዘ ቱና አያና።\x - \xo 2:2 \xo*\xt ቆላ. 2:13\xt*\x* 
\v 3 ኑ ኡቡን ዛጋ የሱን አሱን ግዳ ኑ አሾ አሞራ ኑ ዎዝና ቆፍቶ ካሊ የነ። መሉን ፋና ኑ መተ ጾዘ Ꮉንቆ ኤኮደስ የዙንና።
\p
\v 4 የዝን ጾዚ ፋ ማሮትተ ዱረ ማቅደ ግሾ 
\v 5 ኑና ካደ ዳማ ሲቅትፓ ድንድዳነ ኑ ቆህትራ Ꮉይቂዱንና ማቅደ ዎደ ክርስቶሳራ ደኦ እንግዳ። ኤ አ ኬሃትተ አትዳ። 
\v 6 ጾዚ ኑና ክርስቶሳራ ባጋራ Ꮉይቆፓ ደን ሳሎ በሳ ኤራ ዎላ ጋድዳ። 
\v 7 ኤ ይኖ ኦችዳና፥ ክርስቶሳ የሱሳ ባጋራ ኑስ ቆንጭደ ፋ ኬሃትቶን ልከ ባይዘ ፋ አ ኬሃት ዱረትቶ ዮኦደ በረ ኑና ቤዞደስ። 
\v 8 አ ከሃትታ አማኖራ አሽዳ። ይናን፥ ጾዘ እሞ ፋትን ይንታፓ ባያ። 
\v 9 ኦንን ጬቅንታመ ፋና ኦቻራ ባያ። 
\v 10 ኑኒ ጾዘ መ፤ ኤ ኑስ ቲኒ ጊግዚ ጋድደ ሎኦ ኦቻ ኦቾደ ፋና ክርስቶስ የሱሳ ባጋራ ክለ መንትዳ።
\s1 ክርስቶሳራ የዘ ፈተት
\p
\v 11 ይኒ ግሾ፥ ይን የልንተራ አይሁደ ማቆሱን፥ አሾራ ኩሸራ ጋራዝንትዱን ካለ፥ ጋራዝንትካያ ጋእንተዙን፥ ይኖ ቆፖተ። 
\v 12 የ ዎደ ይን ክርስቶሳፓ ሻክንት የዝዳ፥ እስራኤለ አሱንስ አላጋ ማቂ የዝዳ፥ ጾዘ ኡፋይስ ቃላፓ Ꮉኪ የዝዳኖን Ꮉና አላምት ኡፋይስን ጾዚ ባይዝን የዙንና ቆፖተ። 
\v 13 የዝን ይን ዛጋ Ꮉኪ የዙንና፥ Ꮉተ ክርስቶስ የሱሳ የዘ ክርስቶሳ ሱተ ካለ ሺቅዳ።
\p
\v 14 ክርስቶሳ ኑስ ሳሮ፤ ኤ አይሁደን አይሁደ ማቆሰ አሱንና ፈቶ ማህ፥ ላምእ ሻኪ ጋድደ ሞርከት ዶቸ ላልዳ። 
\v 15 ላምእ ዎርዡንፓ ኤ ፋራ የሳደ ፋና ፈቲ ክለ አስ መደስ፥ ህገ ኪቶን ዎግቶ ፋ አሽተ ብሲ ሳሮ እንግዳ። 
\v 16 ክርስቶሳ ማስቃላላ Ꮉይቂ ሞርከትቶ ብስዳ፤ ማህ ላምእ ዛሩንና ፈቲ አስ ማህ ጾዛራ ጊግዝዳ።\x - \xo 2:16 \xo*\xt ቆላ. 2:14\xt*\x* 
\v 17 ክርስቶሳ ይእ፥ ጾዛፓ Ꮉኪ የዘ ይንትስን፥ ማህ ኡከ የዘ አይሁዱንስ ሳሮት ዎንገለ ኦህዳ።\x - \xo 2:17 \xo*\xt ቆላ. 1:20\xt*\x* 
\v 18 ኑ ኡባ ኤ ባጋራ ፈቲ አያናራ አዳይ ቲኖ ሺቆዳ።\x - \xo 2:18 \xo*\xt ኢሳ. 57:19\xt*\x*
\p
\v 19 ይኬፓ ይን ዛቆን በተ አስ ባያ፥ የዝን ይን Ꮉተ ጌሹንራ ጋደ አስን ጾዘ ካራ አስ። 
\v 20 ይን ሐዋሩንን ናቡን ባስደ ባሳላ ኬጽንትዳ። ዶቸ ጻጶ ምንዘ ሹችዘ ክርስቶስ የሱሳ። 
\v 21 ኤላ ኬታ ኡባ አይክንቲ ላ ግዳ ጌሽ ጾዘ ኬ ማቃደ ዎንስ ዳማነ። 
\v 22 ኤራ ይን ማህ ጾዘስ አቅዘ ኬ ማቂ አያናራ ዎላላ ኬጽንቶዳ።
\c 3
\s1 አይሁደ ማቆሰ አሱንስ ሐዋረ ማቅደ ጳዉሎሳ
\p
\v 1 ይኒ ግሾ፥ ታኒ፥ ጳዉሎሳ፥ አይሁደ ማቆሰ ይን ግሾ ክርስቶስ የሱሳ አች አስ ማቅዳ። 
\v 2 ይንትስ ታና እንግደ ጾዘ አ ኬሃት አስታማረ ታ ማቀዛኖ ይን ሎይ ስእዳ። 
\v 3 ታ ይንትስ ዛጋ Ꮉታራ ጻፍዳን ፋና ጾዚ ፋ ሳዛ ቆፋ ታስ ቆንጭራ ኤርስዳ። 
\v 4 ታ ጻፍዳኖ ይን ናባብዘ ዎደ ክርስቶሳ ሳዛ ቆፋ ታ አኮ ጋር አካኬዛኮ ይን በአደስ ዳንዳአነ። 
\v 5 ይና ሳዛ ቆፍታ ጾዘ አያናራ ጌሽ ሐዋሩንስን ናቡንስ Ꮉተ ቆንጭዳን ፋና ዛጋ ዎደ አሱንስ ይኒ ጋር ቆንጭዝካያ።\x - \xo 3:5 \xo*\xt ቆላ. 1:26-27\xt*\x* 
\v 6 ይናን ቤዛና አይሁደ ማቆሱን እስራኤሉንራ ፈትላ ጾዘ አንጆ ላቶደስ ፈቲ አሳት ብልተ ማቂ፤ ጾዚ እንግዘ ኡፋይስ ዎንገለ ባጋራ የሱስ ክርስቶሳራ ሻክንትዙንና ማቃደስ።
\p
\v 7 ጾዘ ፋ ዎልቃ ኦቻራ ፋ እንግደ አ ኬሃትት እሞ ባጋራ ዎንገለ ኦችዛያ ማቅዳ። 
\v 8 ታኒ ጌሹን ኡባፓ ላፋ ማቅኮን አይሁደ ማቆሰ አሱንስ ዉዙላ ባይዘ ክርስቶሳ ዱረት ዎንገለ ኦሆደ ጋር አ ኬሃት ታስ እንግንትዳ። 
\v 9 ማህ ዛጋ ዎደ ኡባ መደ ጾዛራ አችንት የዘ ሳዛ ቆፋ፥ ጾዘ ቆፍታ አኮ የዛኮ ቆንጭሳደስ አ ኬሃት ታስ እንግንትዳ። 
\v 10 ጾዚ ይኖ ኦችደ Ꮉተ ዎደ ዎሳ ኬ አሱን ባጋራ ሳሎ የዘ Ꮉላቁንስን አህዙንስ ፋ ዱማ ዱማ ቆንጭቶ ኤርሶደስ። 
\v 11 ይናን ክርስቶስ የሱሳ ባጋራ ኑ ላ ፎልደ መዽና ቆፋ። 
\v 12 ኑ ክርስቶሳስ ማቅዳንራን ኤዛ አማንዳን ጋራ ጾዘ ቲኖ ሚንግ አማንንቲ ሺቆደስ ዳንዳአነ።
\p
\v 13 ታኒ ይን ግሾ ማ ኤክዛና ኑስ ቦንቾ ይኒ ግሾ ታ የልዘ ማቶ ብእ ኡፋይስ ጋችፈተ ጋእ ይንታና ዎሳነ።
\s1 ኤፈሶነ አሱንስ ዎስደ ዎሳ
\p
\v 14 ታኒ አዳይ ቲኖ ቡንቁንቲ ዎስዘ Ꮉኒ ግሾስ። 
\v 15 ሳሎ ሳአ የዘ ፈቲ ፈቲ ካራ አሱን ቱሪ ሱን ደንግዘ ጾዛፓ። 
\v 16 ጾዚ ፋ ቦንቾ ዱረትፓ ይን ጋ ቆፍቶ ምንዘ ዎልቃ ፋ አያና ባጋራ እንጎደ ጋር ይንትስ ዎሳነ። 
\v 17 ማህ አማኖራ ክርስቶሳ ይን ዎዝንተ የሳደ ጋራን ይን ሲቆራ ጻጶ ዳኪ ሚንግ የሳደ ጋር ዎሳነ። 
\v 18 ይኒ ፋና፥ ክርስቶሳ ሲቆ አኮ ጋር ዳልጋ፥ ጳርጎ፥ ቂን ጪሞ የዛኮ ጌሹን ኡቡንራ አካኪ ኤሮደ ጋር ዎሳነ። 
\v 19 ይና አስ ኤራትፓ ቃ ማቅደ ክርስቶሳ ሲቆ ይን ኤሮደ ጋራን ጾዘ ፎሎ ኩሙ ይን ኩሞደ ፋና ታ ዎሳነ።
\p
\v 20 ይኬ፥ ኑ ግዳ ኦችዘ ዎልቂት ባጋራ ኑኒ ዎስዛንፓ ዎይ ቆፕዛንፓ ኡባ አ ኦቾደስ ዳንዳእዘስ፥ 
\v 21 ኤስን ዎሳ ኬ አሱንስ ኡባ ክርስቶስ የሱሳ ዎደ ኡባ መፓ መዽና የሎደስ ቦንቾ ማቀ። አምንኤ።
\c 4
\s1 ክርስቶሳራ የዘ ፈተት
\p
\v 1 ይኬ፥ ላስ አጭንትደ ታኒ፥ ይን ጼግንትደ ጼግስተ ቤዝዘ ደኦር የሳደ ፋና ዎሳነ። 
\v 2 ሲቆራ ፈታይ ፈታያ ዳንዳእተራ ኡባ ዎደ አዳትራን ዳልጋትራ ዎል ዳንዳእ የዞተ። 
\v 3 ሳሮትራ አጭንትደ አያና ፈተት ናጎደስ ምንጎተ።\x - \xo 4:3 \xo*\xt ቆላ. 3:12-13\xt*\x* 
\v 4 ይን ጼግንትዳና ፈቲ ኡፋይስ ጼግ ማቅደ ግሾ ፈቲ አሳተን ፈቲ አያና የነ። 
\v 5 ፈቲ ላ፥ ፈቲ አማኖን ፈቲ ጽንቃተ የነ። 
\v 6 ኡባንፓ ቃ ማቅደ፥ ኡባላ ኦችዘ ኡባ በሳ የዘ ፈቲ ጾዚ፥ ኡቡን አደ የነ።
\p
\v 7 የዝን ክርስቶሳ እንጎደስ ኮይዳን ፋና ኑስ ፈተስ ፈተስ ዱማ ዱማ እሞት እንግዳ። 
\v 8 ይኒ ግሾ፥ ጾዘ ቃልተ፥
\q1 «ኤ ኡደ ከዝደ ዎደ ድእንቶደስ የዙንና ድእዳ፥
\q2 አሱንስን እሞት እንግዳ»
\m ያጋይዳ። 
\v 9 ሱለ ሳአ ኦሞ ዎዳ ጋኤ ማቃንጽኮ ይና «ኡደ ከዝዳ» ጋዛና አኮ ጋኤ?\x - \xo 4:9 \xo*\xt ማዝ. 68:18\xt*\x* 
\v 10 የ ሱለ ዎዳይ፥ ማህ ኡባነ በንቶደ ዎንስ ሳሎ ኡባስ ካታር ኬዝዳይ ኤዛ።
\p
\v 11 ኤ ፈታ ፈታ ሐዋሩንና፥ ፈታ ፈታ ናበ፥ ዎንገለ ሳባኩንና፥ ዎሳ ኬ የንግዙንናን፥ አስታማሩንና ማህ እንግዳ። 
\v 12 ኤ ይኖ ኦችዳና ክርስቶሳ ጋላ ማቅደ ዎሳ ኬታ ጌሻደ ፋናን አማንዘ አሱንና ጾዘ ኦቻስ ጊግሳደስ። 
\v 13 ይኒ ፋና፥ ኑ ኡባ ጾዘ ናአ ኤሪ አማኖራ በንትዘ ፈተትጎ የሊ፥ ክርስቶሳ ፎሎን ኩሙ ማቅደ ፋና ኑንን ኩሙ አስ ማቃደ ፋናስ።
\p
\v 14 ይኬፓ ሱባ፥ አሱን ገነ ጭሞራ ጊግደ ባልዘ ዎርዶ ትምርተ ባቆራን ዙሉንተራ ጎደን Ꮉንካ ሾላለ ካእዘ ናኡን ፋና ማቆደስ ቤዞስ። 
\v 15 የዝን ኑኒ ቱሮ ሲቆራ አይ ኡባ ባዛራ ኤጎ ኦማ ማቅደ ክርስቶሳጎ ድቾዳ። 
\v 16 ኤፓ ደንዲ ጋላ ኡባ ብልተ ዎጋራ ኦቾደ ፋና አጭንትደ ጋላ ጻጶ ሻዣራ አይክንቲ ፋና ሲቆራ ኬጽተራ ፋ ጋልቶ ድቻነ።\x - \xo 4:16 \xo*\xt ቆላ. 2:19\xt*\x*
\s1 ክርስቶአራ ክለ ደኦ
\p
\v 17 ይኬፓ ቆፋ ባይዘ አይሁደ ማቆሰ አሱን ፋና የዝፐተ ጋእ ላ ቲኖ ማርክነ። 
\v 18 ኡን ቆፍታ ምዳ፤ ፋ ዎዝንተ ምዳ። ጾዚ እንግዘ ደኦፓን Ꮉክዳ። 
\v 19 ኡን ዬላ ጋዘባዝ ኤሮስ፤ ኡን ቱና ባዝ ኦቾደስን አሾ አሞትስ ፋና አ እንግዳ።
\p
\v 20 ይን ክርስቶሳ ባዝ ይኒ ጋር ታማርካያ። 
\v 21 ቱርፓ ይን ስእዳ። ማህ የሱሳ ግዳ ቱሪ የዛኖ ታማርዳ። 
\v 22 ይን ቲኖ የዝደ ዎግቶ አሾተ። ማህ ጭምዘ አሞራ ብዘ ይን ጋልአ ቆፍቶ Ꮉሶተ። 
\v 23 ይን ዎዝና አያናራ ክልተ።\x - \xo 4:23 \xo*\xt ቆላ. 3:9\xt*\x* 
\v 24 ቱሪ ጽሎትራን ጌሻትራ ጾዚ አዚ መንትደ ክለ አሳትቶ ማኦተ።
\p
\v 25 ይኬ፥ ዎርዶ ኦህንትፐተ። ኑኒ ኡቡን ክርስቶሳ ጋላ ብልተ ማቅደ ግሾ አስ ኡባራ ቱሮ ኦህንቶተ።\x - \xo 4:25 \xo*\xt መ 1:26፤ ቆላ. 3:10\xt*\x* 
\v 26 ካጮተ፥ የዝን ይን ናጋራ ኦችፈተ። ይን ካቻራ የዝን አዋ ገልፐ። 
\v 27 ጻላሄስ በሲ እንግፈተ። 
\v 28 ካይስትዘ ይኬፓ ካይስትፐ። የዝን ዳሁንና ማድዘ ባዝ የሳደ ፋና ፋ ኩሸራ ሎኦ ባዝ ኦቾ።
\p
\v 29 ይን ዶንትፓ ሙሎን ኢታ ቃላ ኬዝፐ። የዝን ስእዙንና ኡፋይሶደስን ምንደስ ቤዝዘ ሎኦ ቃላ ይን ዶንትፓ ከዞ። 
\v 30 ዎዞ ቃማስ አታሚ ጋድደ ጌሽ ጾዘ አያና አዛንፈተ። 
\v 31 ሞርከት፥ ዥሎ፥ ካች፥ ኡፎ፥ ጫሽን ኢታ ኡባ ይንታፓ Ꮉሶተ። 
\v 32 አ ፈታይ ፈታይስ ኬሃን ይቅስንትዙንና ማቆተ። ጾዚ ክርስቶሳ ባጋራ ይንትስ አቶ ጋይዳን ፋና ይንትን ዎልስ አቶ ጋኦተ።
\c 5
\p
\v 1 ይኬ፥ ጾዚ ካንትደ ናኡን ፋና ጾዛ ካልዙንና ማቆተ።\x - \xo 5:1 \xo*\xt ቆላ. 3:13\xt*\x* 
\v 2 ክርስቶሳ ኑና ካ ጾዛ ኡፋይስዘ ሎኦ ሳውዘ እሞን ዣርሾ ማህ ፋ ሸምፕቶ ኑስ አ እንግዳን ፋና ይንትን ሲቆራ የዞተ።
\p
\v 3 አኮን ኦላለ Ꮉንታ፥ ዎይ ቱናት፥ ዎይ አሞት ጋርዘ ባዝ ሙሎን ይን ካለ ስንትፐ። ይና ጌሽ ማቅደ ጾዝ አስስ ቤዞስ።\x - \xo 5:3 \xo*\xt ከዘ 29:18፤ ማዝ. 40:6\xt*\x* 
\v 4 ዬልዘ ባዝን ቦዛ ኦሄ ዎይ ቅ ይንትስ ቤዞሰ ግሾ የዝፐተ፤ አ ጾዝ ጋላቶተ ፋትን። 
\v 5 Ꮉኖ ኤሮተ፤ ኦንን ኦላለ Ꮉንትዘ ዎይ ቱና ባዝ ኦችዘ ዎይ አሞዘን ኤቃ ጎይንዘን ዣርዘ ክርስቶሳራ ጾዘ ካእቱሞ ገሎደስ ዳንዳኦስ።
\p
\v 6 ይንፓ ደንድዳነ ጾዘ Ꮉንቆ ኪትንቶሰ አሱንላ አፋ የኦደ ግሾ ኦንን ይንታና ፋሰ ኦሄራ ጭምፐ። 
\v 7 ይኬ የንሳራ ዎላ ኢታ ባዝ ኦችዙንና ማቅፈተ። 
\v 8 ዛጋ ይን ማ የዝዳ፥ የዝን Ꮉተ ላ ባጋራ ፎኦ የነ። ይኬ፥ ፎኦ የዘ አስ ፋና Ꮉንቶተ። 
\v 9 ሎኦት ኡባ፥ ጽሎትን ቱሪ ኣፈ በንትዘ ፎኦ ግዳ።
\p
\v 10 ይኒ ግሾ ላ ኡፋይስዘ ባዝ ኦቾደስ ኮዮተ። 
\v 11 ኣፈ ባይዘ ማ ኦቻራ ፈቶ ማቅፈተ፥ አ ቆንጭዞተ። 
\v 12 ኡን አችቻ ኦችዘ ግሾ መለ አቶ የዝን ኦሆደስን ዬልዛነ። 
\v 13 የዝን ኡባ ባዝ ፎኦ ከዝዘ ዎደ ቆንጪ በንታነ። 
\v 14 ቆንጪ በንትዘ ኡባ ፎኦ። ይኒ ግሾ፥
\q1 «ናተ ገንትዛዮ ባርኮ፤
\q2 Ꮉይቆፓ ደንዶ፤
\q2 ክርስቶሳ ኔስ ፎኦዳ» ያጋይዳ።
\p
\v 15 ይኬ፥ ይን ጭንጩን ፋና ማቆተ ፋትን ጭንጫት ባይዙን ፋና ማቂ የዛመ ፋና ሎይ ናግንቶተ። 
\v 16 ቃምታ ኢታ ማቅደ ግሾ ዎድቶ ዎዞተ። 
\v 17 ይኒ ግሾ፥ ላ ቆፍታ አኮ የዛኮ ቆፖተ ፋትን ኤዩንና ማቅፈተ።\x - \xo 5:17 \xo*\xt ቆላ. 4:5\xt*\x*
\p
\v 18 ጌሽ አያናራ ኩሞተ ፋትን ዎይነ ኡሻራ ማንትፈተ፥ ይና ብሰጎ ካንጋነ። 
\v 19 ማዝሙረራን፥ ሳባራ አያና የራ፥ ፈታይ ፈታይራ ኦህንቶተ። ማህ ይን ዎዝንተ ዛማርተራን ሳቢተራ ላ ጋላቶተ። 
\v 20 ኑ ላ የሱስ ክርስቶሳ ሱንተ ኡባ ባዝስ ጾዛ አዳያ ኡባ ዎደ ጋላቶተ።\x - \xo 5:20 \xo*\xt ቆላ. 3:16-17\xt*\x*
\p
\v 21 ክርስቶሳ ቦንቾስ ጋእ ይንታፓ ፈታይ ፈታይስ አቆተ።
\s1 አዝን ባዝን ማቺ ባዝ
\p
\v 22 ማቹን፥ ላስ Ꮉርንትዛን ፋና ይን አዝኑንስ አቆተ። 
\v 23 ክርስቶሳ ዎሳ ኬትስ ኦማ ማቅዳን ጋር አዝንን ፋ ማችትስ ኦማ። ማህ ክርስቶሳ ፋ ጋላ ማቅደ ዎሳ ኬቶ አሽዛ።\x - \xo 5:23 \xo*\xt ቆላ. 3:18፤ 1 ጴጥ. 3:1\xt*\x* 
\v 24 የዝን ዎሳ ኬ አሱን ክርስቶሳስ Ꮉርንትዛን ፋና ማቹን ፋ አዝኑንስ ኡባ ባዛራ አቆተ።
\p
\v 25 አዝኑን፥ ክርስቶሳ ዎሳ ኬቶ ካ ፋና ኢስ እንግዳን ፋና ይንትን ይን ማቹንና ካተ። 
\v 26 ኤ ዎሳ ኬቶ ፋ ቃልት ባጋራ Ꮉራ ሜጭዘ ፋና ጌሻነ።\x - \xo 5:26 \xo*\xt ቆላ. 3:19፤ 1 ጴጥ. 3:7\xt*\x* 
\v 27 ሃ ዎይ ስኖ ቱከ ዎይ ይኒ ጋርዘ ባዝ ባይዘ ጌሽን ቦረ ባይዛኖ ማህ ቦንችንትደ ዎሳ ኬቶ ፋስ ሺሾደስ ኮይ ይኖ ኦችዳ። 
\v 28 ይኒ ፋና፥ አዝኑን ፋና ካዛን ጋራ ፋ ማቹንና ካደስ ቤዛነ። ፋ ማችቶ ካዽዘ ፋና ካነ። 
\v 29 ፋና እጽዘ አስ ኦንን ባያ፥ የዝን ክርስቶሳ ዎሳ ኬስ ኦችዛንን ናግዛን ፋና ፋ ጋልቶ ሙዛነን ናጋነ። 
\v 30 ኑኒ ክርስቶሳ አሳትት ብልተ።
\p
\v 31 «ይኒ ግሾ፥ አስ ፋ አዳያን ፋ እንቶ አሺ፥ ፋ ማችትራ ፈቶ ማቃነ፤ ኡን ላምኡን ፈቲ አሾ ማቃነ» ያጋይዳ። 
\v 32 ይና ዳማ ሳዛ ቆፍታ፥ የዝን ታኒ ይኖ ክርስቶሳስን ዎሳ ኬስ አዝዘ ማህ ኦህነ።\x - \xo 5:32 \xo*\xt መ 2:24\xt*\x* 
\v 33 የዝን፥ ይን ፈታይ ፈታይ ይን ማቹንና ይኒ ፋና ካተ። ማችታን ፋ አዝንዛ ቦንቾ።
\c 6
\s1 ናኡን ባዝን የልዱን ባዝ
\p
\v 1 ናኡን፥ ይንታና የልዱንስ ላ ግሾ ጋእ ኪትንቶተ፥ ይና ቤዝዘ ባዝ። 
\v 2 «ነ አዳያን ነ እንቶ ቦንቾ።» ይና ኡፋይስ ቃላ የዘ ቲኖ ኪታ።\x - \xo 6:2 \xo*\xt ቆላ. 3:20\xt*\x* 
\v 3 «ነ ይኖ ኦችኮ ኡባ ባዝ ኔስ ጊጎዳ፤ ነ በርታ ሳአላ ጳርጎዳ»።\x - \xo 6:3 \xo*\xt ከዘ 20:12፤ ማሄ 5:16\xt*\x*
\p
\v 4 አዱን፥ ይን ናኡንና ላ ዞረራን ሴረራ ድቾተ ፋትን ኡንታና ዥልዝፐተ።\x - \xo 6:4 \xo*\xt ቆላ. 3:21\xt*\x*
\s1 ላን ባዝን አሩን ባዝ
\p
\v 5 አሩን፥ ይን ክርስቶሳስ ኪትንትዛን ፋና ዣሽሞራን ጎቀራ፥ ይን ዎዝንተ ሱርተራ አሾስ ላ ማቅዱንስ ኪትንቶተ። 
\v 6 አስ ቲኖ ሳባ ደንጎደስ ኡን በእዘ ዎደ ጻላላ ኦችፍተ። የዝን ጾዘ ቆፋ ኦችዘ ክርስቶሳ አሩንና ማቆተ። 
\v 7 አስስ ማቅካይዝን ላስ ጋእ ይን ኩም ዎዝንትፓ ኦቾተ። 
\v 8 አሮ ማቅን ዎይ ላ ማቅን ፈታይ ፈታይ ፋ ኦችደ ሎኦ ኦችትስ ላፓ አንጆ ኩሸ ኤኮዳኖ ኤሮተ።
\p
\v 9 ይን ላን፥ ማንድዛኖ አሺ ሎኦ ባዝ ኦቾተ፥ ይንታናን ኡንታናን አህዘ ላይ፥ ሳሎ የዛይ አስ ስኖ ብእ ፍርዳ ደሽ ይዞሳኖ ይን ኤራነ።\x - \xo 6:9 \xo*\xt ቆላ. 4:1፤ ማሄ 10:17፤ ቆላ. 3:25\xt*\x*
\s1 ጾዘ ኦላ ሚሸ
\p
\v 10 አትዳነ፥ ላራን ኤ ዳማ ዎልቂተ ሚንግዱንና ማቆተ። 
\v 11 ጻላሄ ጭሞ እጺ ዳንዳኦደ ጋር ጾዘ ይንትስ እንግደ ኦላ ሚሸ ኡባ ማኦተ። 
\v 12 ኑ ኦልንትዛና ሱራን አሾራ ባያ፤ ሳሎ የዘ ቱና አያና ኦላንቹንራ፤ አደት ዎልቃ አዱንራ፥ Ꮉላቁንራን Ꮉና ማ አላምቶ አህዙንራ።
\p
\v 13 ይኒ ግሾ፥ ኢታ ቃማ እጾደስ ኡባኖ ፎሊ፥ ሚንግ ኤቆደስ ይን ዳንዳኦደ ጋር ጾዘ ኦላ ሚሸ ኡባ ማኦተ። 
\v 14-15 ይኬ ይን ቃዝንተ ቱሮት ዳንጪ፥ ጽሎት ጹሩረ ማእ፤ ሳሮት ዎንገለራ ጊግንቲ ይን ቶህተ ጫማ ፋና አ ሚንግ ኤቆተ። 
\v 16 ኡባንላ ጉጂ፥ ጻላሄ ዳክዘ ኢታ ሎብዘ ታማ ዶንገ ኡባ ብሶደስ ዳንዳእዘ አማኖ ጎንዳለ ደንተ።\x - \xo 6:16 \xo*\xt ኢሳ. 11:5፤ ኢሳ. 59:17፤ 52:7\xt*\x* 
\v 17 አቶት ብራታ ባርኔጻ ጋር ይን ኦምተ ጋዶተ፤ አያና ማሻ አይኮተ፤ ኤዝን ጾዘ ቃላ። 
\v 18 ዎሳራን መሉንስ ዎሳራ ኡባ ዎደ አያናራ ዎሶተ። ይና ቆፍትራ ጌሹንስ ዎስተራ ኡባ ዎደ ምንጎተ።\fig ሮመ ዎታዳረ ቶራራ |alt="Roman soldier in armor" src="LB00196B.TIF" size="span" ref="6:18"\fig*\x - \xo 6:18 \xo*\xt ኢሳ. 59:17\xt*\x*
\p
\v 19 ታኒ ዎንገለ ጋ ቆፋ ቆንጭዝ ኦሆደ ፋና ጾዚ ታስ ቃላ እንጎደ ፋና ዎሶተ። 
\v 20 ዎንገለ ኪታስ ሳንላታራ አጭንትዳይ ኤ ግሾ ኦሆደስ ቤዝዘ ፋና ቆንጭዝ ኦሆደ ፋና ታስ ዎሶተ።
\s1 ዉርሱ ሳር
\p
\v 21 ታኒ ዋይዘ የዛኮን አኮ ኦችዛኮ ይን ኤሮደ ጋር ኑ ሲቆ እሻይ፥ ላ ኦችተ አምንንትደ ኦቻንችዛይ፥ ትክቆሳ፥ ታ ባዝ ኡባ ይንትስ ኦሆዳ። 
\v 22 ኑ ባዝ ይን ኤሮደ ፋናን ይን ዎዝንቶ ምንደ ጋር ይንታጎ ኪትዳና ይኒ ግሾስ።\x - \xo 6:22 \xo*\xt ሐዋ. 20:4፤ 2 ጢሞ. 4:12፤ ቆላ. 4:7-8\xt*\x*
\p
\v 23 ጾዘ አደፓ፥ ላ የሱስ ክርስቶሳፓ ሳሮትን ሲቆ አማኖራ ዎላ አማንዘ ኡቡንስ ማቀ።\x - \xo 6:23 \xo*\xt መ 21:10\xt*\x* 
\v 24 ቶዮሰ ሲቆን ኑ ላ የሱስ ክርስቶሳ ካዽዘ ኡቡንስ አ ኬሃት ማቀ፤ አምንኤ።