\id COL - Oyda New Testament
\ide UTF-8
\h ቆላስያሳ
\toc1 ጳዉሎሳ ቆላስያሳ አሱንስ ጻፍደ ኪታ
\toc2 ቆላስያሳ
\toc3 ቆላ.
\mt1 ጳዉሎሳ ቆላስያሳ አሱንስ
\mt2 ጻፍደ ኪታ
\imt1 ገለ
\ip ጳዉሎሳ ቆላስያሳ አሱንስ ጻፍደ ኪታ ጻፍንትዳና፥ ኤራ እስያ፥ ኤፈሶነፓ አዋ ኬስ ዛላራ የዘ ቆላስያሳ ካታማ የዘ ዎሳ ኬትስ። ይና ዎሳ ኬቶ ኤስደ ጳዉሎሳ ማቃንጽኮን፥ ሮመ ሳአ እስያ ዋና ካታማ ማቅደ ኤፈሶነፓ ዎንገለ ኦችዙንና ኪትዘ ኤዛ ማቅደ ግሾ ቆላስያሳስን አደትሞ ኤስ የነ። ቆላስያሳ ዎሳ ኬተ፥ «ጾዝ ኤሮደስን ኩሙ አቶት ደንጎደስ አስ ኡባ አያና ዎልቃስን አደት ዎልቁን ጎይኖደስ ኮሻነ» ያጋዘ ዎርዶ አስታማሩን የዛኖ ጳዉሎሳ ስእዳ። የን አስታማሩን ታማርስዘ መለ ባዝ፥ ማህ፥ «አስ ኡባ ጋራዝንተ ፋና የዘ ዎግትስ አቆደስን ካ ዎጋ ኡባ ናጎደስ ኮሻነ» ጋነ።
\ip ጳዉሎሳ Ꮉና ኪቶ ጻፍዳና፥ ቱሪ አማኖ ትምርተ ታማርስ፥ ኡን ዎርዶ ትምርትቶ ላሎደስ። ኤ ማህደ ማህትፓ ዋንዘ፥ «የሱስ ክርስቶሳ ኩሙ አቶት እንጋነ፤ መለ ሃይማኖቱንን ኦቹን ኤፓ Ꮉክነ» ያጋዛኖ። ጾዚ ክርስቶሳ ባጋራ አላምቶ መዳ። ማህ ኤ ባጋራ ማህ ፋጎ ኮኦዳ። Ꮉና አላምትስ አቶት ኡፋይስ የዘ ክርስቶሳ አማነራ። ይኒ ግሾ፥ ጳዉሎሳ Ꮉና ዳማ ትምርትቶ አማንዘ አስ ደእተ ዋይዝ ኦቻላ ፌሻደስ ቤዛኮ ኦህነ። Ꮉና ኪታን ኤፈሶነ አሱንስ ጻፍደ ኪታ፥ ፋ አይክደ ቆፍተን ኪተ ዎል አዛነ። Ꮉና ላምእ ማጻፉን ግዳ የዘ ዱማትታ፥ ኤፈሶነ ግዳ ክርስቶሳ ዎሳ ኬትስ ኦማ፥ ቆላስያሳ ግዳ ክርስቶሳ መትስ ኦማ።
\ip Ꮉና ኪቶ ጳዉሎሳፓ ኤኪ ቆላስያሳ የልደስ Ꮉንግደ ትክቆሳራ ዎላ የዘ አናስሞሳ ማቅዛኖ ቤዛና ማድዘ ባዝ። አኮስ ጋይኮ፥ ጳዉሎሳ አናስሞሳ ጋእንትዘ ፋ ኦቻንችዘባዝ ፍልሞናስ መለ ኪታ ጻፍዳ።
\iot ኣፈ ቆፉን
\io1 ገለ ቆፋ \ior 1:1-8 \ior*
\io1 ክርስቶሳ Ꮉኖን ኦቻ \ior 1:9—2:19 \ior*
\io1 ክርስቶሳ ግዳ የዘ ክለ ደኦ \ior 2:20—4:6 \ior*
\io1 ዉርሱ ሳሮትን ጻ ቆፋ \ior 4:7-18 \ior*
\c 1
\p
\v 1 ጾዘ ቆፋ ክርስቶሳ የሱሳ ሐዋረ ማቅደ ጳዉሎሳን ኑ እሸ ጢሞትዮሳ፥ 
\v 2 ቆላስያሳ ካታማ የዘ ክርስቶሳ ግዳ አማንንትደ አሱንስ ጻፍደ ኪታ።
\p ጾዘ ኑ አደፓ አ ኬሃትን ሳሮት ይንትስ ማቀ።
\s1 ጋላታን ዎሳን
\p
\v 3 ኑኒ ይንትስ ዎስዘ ዎደ ጾዘ ኑ ላ፥ የሱስ ክርስቶሳ አዳያ ኡባ ዎደ ጋላታነ። 
\v 4 ኑ ክርስቶስ የሱሳ ግዳ የዘ ይን አማንቶን ጾዘ አሱንስ ኡባ የዘ ይን ሲቅቶ ስእዳ። 
\v 5 ይኖ ይን ኦችዳና ይን ኡፋይስታ ሳሎ ይንትስ ናግንትደ ግሾ። ይን ቱሪ ኪታ ማቅደ ዎንገለ ቲኖ አማንደ ዎደ ይና ኡፋይስቶ ስእዳ። 
\v 6 ይን ዎንገለ ስእደ ዎደ ጾዘ አ ኬሃት ቱርቶ ሻኪ ኤርደ ዎደፓ አይኪ ይን ግዳ Ꮉንዳን ፋና ሳአ ኡባ ድጭተራን ኣፍትራን የነ።
\p
\v 7 ይን ይኖ ኑራ ዎላ ክርስቶሳስ ኦችዘ አማንንትደን፥ ካንትደ ኤጳፍራፓ ታማርዳ።\x - \xo 1:7 \xo*\xt ቆላ. 4:12፤ ፍልሞ. 23\xt*\x* 
\v 8 ኤ ይንላ አፋ ጉጂ ጌሽ አያና ይንትስ እንግደ ሲቆባዝ ኑስ ኦህዳ።
\p
\v 9 ይኒ ግሾ፥ ኑ ይን ባዝ ስእደ ዎደፓ አይኪ፥ ጾዚ ፋ ቆፍቶ ይንታና ቤሳደ ፋናን፥ ጌሽ አያና እንግዘ ኤራትን ጭንጫት ኡባ ይንታና ኩንደ ጋር ኡባ ዎደ ይንትስ ጾዝ ዎሳነ። 
\v 10 ይኒ ፋና፥ ላ ኮይዛን ጋራ ይን የሳደ ጋር፥ ኡባ ዎደ ኤዛ ኡፋይሶደ ጋር፥ ሎኦ ኦቻ ኡባ ይን ኣፈ አፎደ ፋናን ጾዛ አ ኤርተራ ድጮደ ጋር ጾዝ ዎሳነ።
\p
\v 11 ጾዘ ቦንቾ ዎልቃ ይን ኡባ ባዛ ገንጮደ ፋናን ዳንዳኦደ ፋና ፋ ምንትሞ እንግ ይንታና ኡፋይሶ። 
\v 12 ማህ ጾዘ አሱን ፎኦ ካእቱሞ ላቶደ ጋር ይንታና ማህደ አዳያ ጋላቶተ። 
\v 13 ኤ ኑና ማ ዎልቃፓ አሺ ፋ ካዽዘ ናአይ ካእቱሞጎ ክእዳ። 
\v 14 ኤ ባጋራ ዎዝንት ኤ ሱተ ናጋራ ማሮት ደንግዳ።\x - \xo 1:14 \xo*\xt ኤፈ. 1:7\xt*\x*
\s1 ክርስቶሳ ዳማት
\p
\v 15 ክርስቶሳ በንቶሰ ጾዝስ ቱሪ አዝዘ። ኤ መንትደ ባዝ ኡባፓ ቲኖን አንግስ። 
\v 16 ኡባ ባዝ ኤ ባጋራ መንትዳ። በንትዘባዝን በንቶሰ ባዝ፥ ዎልቃሙንን ላን፥ አህዙንን አደት ዎልቃ አዱን፥ ሳሎን ሳአ የዘ ኡባና ኤስን ኤ ባጋራ መንትዳ። 
\v 17 ክርስቶሳ ኡባባዛፓ ቲኖ የነ። ኡባ ባዝ ኤ ባጋራ ፋ በስተ አይክንቲ ኤቅዳ። 
\v 18 ኤ ፋ ጋላ ማቅደ ዎሳ ኬትስ ኦማ። ኤ ኡባፓ ካታራ ማቃደስ Ꮉይቆፓ ደንዶራ ቲኖን አንግስ።\x - \xo 1:18 \xo*\xt ኤፈ. 1:22-23\xt*\x*
\p
\v 19 ጾዘ ኩሙ ዎልቅታ ናአይ ግዳ የሳደ ፋና ጾዘ አዳይ ኮይዳ። 
\v 20 ማህ ማስቃላላ አፋ ላልደ ፋ ናአይ ሱተ ሳሮት መ ሳሎን ሳአ የዘ ኡባ ኤ ባጋራ ፋራ ጊግዝዳ።\x - \xo 1:20 \xo*\xt ኤፈ. 2:16\xt*\x*
\p
\v 21 Ꮉንፓ ቲኖ ይን ቆፋ ኢታትታ ይንታና ጾዛፓ ሻጊ ኤራ ሞርከ ማህዳ፤ ይን ኦችታን ኢታ። 
\v 22 የዝን Ꮉተ ክርስቶሳ አሾራ Ꮉይቂደ Ꮉይቅት ባጋራ ጾዚ ይንታና ፋራ ጊግዝዳ፥ ጌሹንና፥ ቦረ ባይዙንናን ጽሉንና ማህዳ። 
\v 23 ይን፥ ይን አማንተ ኤንአንጽ ሚንግ የሳደስ ቤዛነ። ይን ዎንገለ ቃላ ስእደ ዎደ ኤክደ ኡፋይስቶ ምን አይኮተ። የ ዎንገልዘ ይን ስእዳያን ሳአ ኡባ ሳባክንትዳያ። ታ፥ ጳዉሎሳን Ꮉይ ዎንገልዘስ ኦቻንቾ ማቅዳ።
\s1 ጳዉሎሳ ሐዋረት ኦቻ
\p
\v 24 ታ ይን ግሾ Ꮉተ ኤክዘ ዋይተ ኡፋይታነ። ክርስቶሳ ፋስ ጋላ ማቅደ ዎሳ ኬትስ ኤክደ ዋይተ አትዳኖ ታኒ ታ አሽተ ፎላነ። 
\v 25 ጾዘ ቃላ ይንትስ ፋዲ ኦሆደ ጋር ታስ እንግንትደ አደት ዎልቂተ ዎሳ ኬስ ኦቻንቾ ማቅዳ። 
\v 26 Ꮉይ ቃልዘ ዛጋ አደ ዎደ የለቱን ኡባፓ አችንት የዝዳ። የዝን Ꮉተ ጾዚ Ꮉና ሳዛ ቆፍቶ አማንዘ ኡቡንስ ቆንጭዝዳ። 
\v 27 ጾዚ አይሁደ ማቆሰ አሱን ግዳ Ꮉና ሳዛ ቆፍቶ ቦንቾ ዱረትታ አኮ ፋና ዳማ የዛኮ ቆንጭሳደስ። ኤዝን ቦንቾ ኡፋይስ ማቅደ ይን ግዳ የዘ ክርስቶሳ።
\p
\v 28 ይኒ ግሾ፥ ፈቲ ፈቲ አስ ክርስቶሳ ግዳ ኩሙ አስ ማህ ሺሾደስ ጭንጫት ኡባ አስ ታማርሰራን ዞረራ ክርስቶሳ ኡን ሳባካነ። 
\v 29 ጾዚ ፋ ዳማ ዎልቂተ ታ ግዳ ኦችዘ ግሾ Ꮉኖ የሎደስ ኤ ዎልቂተ ዋይተራ ላባነ።
\c 2
\p
\v 1 ታ ይንትስን ሎዶቅያ ካታማ የዘ አሱንስ፥ ይኒ ጋር ታና ኣፈራ ብእካይዘ አሱን ኡቡንስ አኮ ጋር ኦልንትዛኮ ይን ኤሮደ ፋና ኮያነ። 
\v 2 ታ ኦልንትዘ ምክናታን ኡን ፋ ዎዝንተ ሚንግ፥ ሲቆራ አጭንቲ፥ ፎሎ ማቅደ ኩሙ ቆፋ ዱረት ደንግ ጾዘ ሳዛ ቆፍቶ ክርስቶሳ ኤሮደ ፋና። 
\v 3 ኤ ግዳ አችደ ኤራን ጭንጫት ኡባ የነ።
\p
\v 4 ታ ይኖ ኦደን ይንታና ጭሞ ቃላራ ባልመ ጋር ኮይ ጋነ። 
\v 5 ታ ይንታፓ Ꮉኪ የዝኮን አያናራ ይንታራ የነ። ይን የስ ዎግቶን ክርስቶሳ ይን ሚንግ አማንዳኖ ብእ ኡፋይታነ።
\s1 ክርስቶሳራ የዘ ኩሙ ደኦ
\p
\v 6 ይን ላ ክርስቶስ የሱሳ ኤክዳን ፋና ኤራ የዞተ። 
\v 7 ኤ ግዳ ጻጶ ዳኮተ፤ ኤ ግዳ ኬጽንቶተ። ይን ታማርዳንፋና አማኖራ ምንጎተ፤ ጾዝስ ኩሚ ላንትዘ ጋላታ እንጎተ።
\p
\v 8 ክርስቶሳፓ ማቅካይዝን አስ ዎጋራን Ꮉና አላመ ጨር ዎጋራ ኤቂ ትምርተራን አሳፓ ይእደ ኤራትራ ኦደን ይንታና ጭሚ ባል ኤካመ ፋና ናግንቶተ። 
\v 9 ጾዘ ጾዘትታ ክርስቶሳ ጋልተ ኩሙ ቆንጪ የነ። 
\v 10 ይንትን አደት ዎልቃ ኡባስ ኦማ ማቅደ ክርስቶሳ ግዳ ኩምዳ።
\p
\v 11 ይን ክርስቶሳ አማኒ ጋራዝንትዳ። ይናን አስ ኩሸ ማቅካይዝን ይንታና ኢታ ናጋራ Ꮉኖትፓ ካይዘ ክርስቶሳራ ኦችንትደ ጋራዝንተ። 
\v 12 ይን ጻማቅንትደ ዎደ ክርስቶሳራ ሞግንቲ፥ ክርስቶሳ Ꮉይቆፓ ደንደ ጾዘ ዎልቃ አማኒ፥ ክርስቶሳራ ደንድዳ።\x - \xo 2:12 \xo*\xt ሮመ 6:4\xt*\x*
\p
\v 13 ይን፥ ይን ናጋራ ግሾን ይን ናጋራ አሳትታ ጋራዝንትካይዘ ግሾ Ꮉይቂዳ የሻ፥ ጾዚ ይን ናጋርቶ አቶ ጋይዳ። ክርስቶሳራ ይንትስ ደኦ እንግዳ።\x - \xo 2:13 \xo*\xt ኤፈ. 2:1-5\xt*\x* 
\v 14 ኤ ኑና ሞቲ ኑራ ኦልንትዘ ህግቶ Ꮉሲ፥ ኑላ አፋ ጻፍንትደ ጋልቶ ፈርእ ማስቃላላ አፋ ሱጺ ኦገፓ Ꮉስዳ።\x - \xo 2:14 \xo*\xt ኤፈ. 2:15\xt*\x* 
\v 15 ክርስቶሳ ዎልቂቶን አደትቶ ማስቃላላ ጋሚ፥ ኡን ኦላ ማሣርቶ ብልዚ፥ የዝደ አስ ፋና ኦቺ ኡንታና ቆንጭዝ ቤዝዳ።
\p
\v 16 ይኒ ግሾ፥ ሙእዘ ባዛራ ዎይ ኡዥዘ ባዛራ፥ ባአለ ዎደ ዎይ አግና ጼርዘ ቃማ ቦንቾራ ሳምባታ ቦንቾራ ኦደን ይንታላ አፋ ፍርድፐ።\x - \xo 2:16 \xo*\xt ሮመ 14:1-6\xt*\x* 
\v 17 Ꮉንስ ቲኖፓ ዮኦደስ የዘ ባዝስ ዳሾ፥ የዝን ቱርዘ ክርስቶሳ። 
\v 18 ዎዝናፓ ባይዝን አሽከትራን ኪታንቾ ጎይኖራ ጨር ጬቅንተራ ኦደን ይንታና ፍርድፐ። ይኒ ፋና አስ ፋ ብእደ ቆንጭተ ናሽንትተራ ፋ አሾ ቆፋራ Ꮉሪ ኡቱርታነ። 
\v 19 የን ጋርዘ አስስ ኦማ ማቅደ ክርስቶሳራ የልንተ ባያ። ኤ ኡባ ጋልቶን ጋላ ጻጶራን ዎል የል ሙዚ ድቻነ። ጾዚ ይኒ ጋርዘ ኦገራ ጋላ ኡባስ ድች እንጋነ።\x - \xo 2:19 \xo*\xt ኤፈ. 4:16\xt*\x*
\s1 ክለ ደኦ
\p
\v 20 ይን ክርስቶሳራ Ꮉይቂ Ꮉና አላምቶ አህዘ አያና ዎልቃፓ ዋሎ ከዝዳ። ዬዝን፥ አኮስ ሻክንትካይዘ አስ ፋና ማቂ Ꮉና ዎግትስ አቀተ? 
\v 21 Ꮉና ዎግታ፥ «አይክፐ፤ ላእፐ፤ ቦችፐ» ጋእንትዙንና። 
\v 22 Ꮉና ኡባ አስ ዎጋን ትምርተ ማቅደ ግሾ ኦቻላ አፋ ፌዥደፓ ሱባ ቦዳ። 
\v 23 Ꮉን ኪቱን ፋ ቆፋፓ ደንድደ ጎይኖን ጋማ አዳ፥ አሳት ዋይዛን ግሾ ጭንጫ የዘ ባዝ አዛነ፥ የዝን ኑ ኢታ አሞትትላ አፋ ዎልቃ ኡንትስ ባያ።
\c 3
\p
\v 1 ይኬ፥ ይን ክርስቶሳራ Ꮉይቆፓ ደንድዳን ፋና፥ ጾዛፓ ምዛቅ ዛላራ በትደ ክርስቶሳ የዘ በስተ፥ ሳሎ የዘ ባዝ ኮዮተ።\x - \xo 3:1 \xo*\xt ማዝ. 110:1\xt*\x* 
\v 2 ሳሎ የዙንላ አፋ ይን ቆፍቶ ጋዶተ ፋትን ሳአ የዘባዛላ አፋ ጋድፐተ። 
\v 3 ይን Ꮉይቆራ ሻክንትደ ፋና Ꮉና አላመ ናጋራ ኦቻፓ ሻክንትዳ። ይን ደእታ ክርስቶሳር ዎላ ጾዘ ግዳ አችንትዳ። 
\v 4 ይንትስ ደኦ ማቅደ ክርስቶሳ ቆንጭዘ ዎደ የ ዎደ ይንትን ኤራ ቦንቾር ቆንጮዳ።
\p
\v 5 ይኒ ግሾ፥ ይን ግዳ የዘ አላመ አሞትቶ ዎተ። የንስን ኦላለ፥ ቱናት፥ ኦላሎደስ አሙ፥ ኤቃ ጎይኖ ፋና ማቅደ ቂር። 
\v 6 Ꮉንስ ባጋራ ጾዘ ባድ ኪትንቶሰ አሳላ አፋ የኦዳ። 
\v 7 ይንትን ዛጋ ይና ኢታ ኦግተ Ꮉንትተራ Ꮉንሳና ኦችተራ የሻ።
\p
\v 8 Ꮉተ ይን Ꮉንሳና ባድ፥ እጻ፥ ካች፥ ዝግርስ፥ ቦርስዘ ኦሄ ይንታፓ Ꮉሶተ። 
\v 9 ጋልአ አሞትቶ እ ኦችትራ ይንታፓ ጋርደ ግሾ ፈተ ፈተስ ዎርድፐተ።\x - \xo 3:9 \xo*\xt ኤፈ. 4:22\xt*\x* 
\v 10 ጾዘ መ አዝዘ፥ ኤራትራ ላምንትደ ክለ Ꮉኖት ማኦተ።\x - \xo 3:10 \xo*\xt መ 1:26፤ ኤፈ. 4:24\xt*\x* 
\v 11 Ꮉና ክለ መትተ፥ ግርኬ አስ ዎይ አይሁደ አስ፥ ጋራዝንትደ ዎይ ጋራዝንትካይዘ፥ ባርባረ አስ\f + \fr 3:11 \fr*\fk ባርባረ አስ፦ \fk*\ft ጋዛና ታማርካይዛ ዎይ ኤሮሳ ዎይ የልንትደፓ ስእ ጋእ የዘ አስ ጋኤ።\ft*\f* ዎይ እስኩተ አስ\f + \fr 3:11 \fr*\ft እስኩተ አስ ጋዛና ዎዝና ምን አስ ዎይ ዎዝና ኢታ አስ ጋኤ\ft*\f* አሮ ዎይ ቦንቾ አስ ባያ። ክርስቶሳ ኡባ፤ ኤ ኡባነ የነ።
\p
\v 12 ይኒ ግሾ፥ ጾዛራ ዶርንትደ አስ ፋና ጌሹንናን ካንትዱንና ማቂ፥ ማሮት፥ ኬሃት፥ አሽከትን ዳንዳአ ማኦተ።\x - \xo 3:12-13 \xo*\xt ኤፈ. 4:2\xt*\x* 
\v 13 ፈታይ ፈታ ዳንዳኦተ። ኦደን ላገ ቆህደ የዝኮ ኤስ አቶ ጋኦ። ላ ይንትስ አቶ ጋእዳን ጋራ ይንትን ዎልስ አቶ ጋኦተ።\x - \xo 3:13 \xo*\xt ኤፈ. 4:32\xt*\x* 
\v 14 ይና ኡባንላ አፋ ኡባኖ ፈትላ ሺሺ አጭዘ ሲቆ ማኦተ። 
\v 15 ጾዚ ይንታና ፈቲ አስ ማህ ጼግዳና፥ ሳሮትስ ማቅደ ግሾ ክርስቶሳ ሳሮትታ ይን ዎዝንቶ አሆ፤ ጋላትዙንናን ማቆተ።
\p
\v 16 ክርስቶሳ ቃላ ይን ዎዝንተ ኩሚ የዞ። ጭንጫት ኡባ ፈተ ፈታያ ታማርሶተን ዞሮተ። ማዝሙረራ፥ ናሸራ አያና የራ ጾዛ ዎዝናፓ ጋላትተራ የጾተ።\x - \xo 3:16-17 \xo*\xt ኤፈ. 5:19-20\xt*\x* 
\v 17 ጾዘ አዳይ የሱሳ ባጋራ ጋላትተራ ይን ኦህንትዘባዝ ዎይ ኦችዘባዝ ኡባ ላ የሱሳ ሱንተ ኦቾተ።
\s1 አማንዘ አስ የስ ዎጋ
\p
\v 18 ማቹን፥ አማንዘ አስስ በዝዘ ባዝ ማቅደ ግሾ ይን አዝኑንስ አቆተ።\x - \xo 3:18 \xo*\xt ኤፈ. 5:22፤ 1 ጴጥ. 3:1\xt*\x*
\p
\v 19 አዝኑን፥ ይን ማቹንና ካተ፤ ኡንትስ ኢትፐተ።\x - \xo 3:19 \xo*\xt ኤፈ. 5:25፤ 1 ጴጥ. 3:7\xt*\x*
\p
\v 20 ናኡን፥ ይንታና የልዱንስ ኡባ ባዛ ኪትንቶተ፤ ይና ላ ኡፋይስዘ ባዝ።\x - \xo 3:20 \xo*\xt ኤፈ. 6:1\xt*\x*
\p
\v 21 አዱን፥ ይን ናኡን ኡፋይስ ጋቻመ ጋር ኡንታና ዥልዝፐተ።\x - \xo 3:21 \xo*\xt ኤፈ. 6:4\xt*\x*
\p
\v 22 አሩን፥ ሳአ ይንትስ ላ ማቅዱንስ ኡባ ባዛ ኪትንቶተ። ላ ቦንችተራ ሉለ ዎዝናፓ ኪትንቲ ኡንታና ኡፋይሶተ ፋትን አስ ቦኦ ጋእ ኦችፐተ።\x - \xo 3:22-25 \xo*\xt ኤፈ. 6:5-8\xt*\x* 
\v 23 ይን ኦችዘ ኦችቶ ኡባ አስስ ማቅካይዝን ላስ ኦችዘ ፋና ዎዝናፓ ኦቾተ። 
\v 24 ላፓ ላታ ዎይቶ ይን ኤኮዳኖ ኤሮተ፤ ይን ላ ክርስቶሳስ ኦቻነ። 
\v 25 ጾዚ አስ ስኖ ብእ ፍርዶሰ ግሾ ኦደን ኢታ ኦቻ ኦችኮ ፋ ኢታ ኦችት ግሾ ኩሸ ማሄ ኤኮዳ።\x - \xo 3:25 \xo*\xt ኤፈ. 6:5-8\xt*\x*
\c 4
\p
\v 1 ላን፥ ይንትስን ማህ ሳሎ ላ የዛኖ ኤሪ፥ ይን አሩንስ ጽሎትራ ፈታ ፈተፓ ሻክካይዛራ ኮሽዘ ባዝ ኦቾተ።\x - \xo 4:1 \xo*\xt ኤፈ. 6:9\xt*\x*
\p
\v 2 ጾዛ ባርክ ጋላትተራ ጋችካይዛራ ዎሶተ። 
\v 3 ጾዚ ፋ ቃልትስ ፉርቶ ቡጎደ ፋናን ታኒ ይኒ ምክንያተር አቻ የዘ ክርስቶሳ ሳዛ ቆፍቶ አዋጆደ ፋና ኑስን ዎሶተ። 
\v 4 ማህ ታንን ቤዛን ፋና ቃላ ቆንጭዝ ኦሆደ ፋና ታስ ጾዝ ዎሶተ።
\p
\v 5 ዎትዘ ዎደ ኡባ ማድንቲ አማኖሰ አስ ካለ ጭንጫትራ የዞተ።\x - \xo 4:5 \xo*\xt ኤፈ. 5:16\xt*\x* 
\v 6 ይን አስ ኡባስ ኮሽዘ ማሄ እንገ ኤሮደ ፋና ይን ኦህታ ኡባ ዎደ አ ኬሃትራ ኩምዳን ሶገር ማልእዛ ማቃደስ ቤዛነ።
\s1 ዉርሱ ሳር
\p
\v 7 ኑ ሲቆ እሸ ትክቆሳ፥ ታራ ዎላ ላ ኦችተ አሮ ማቅደ፥ አማንዘ ኦቻንቾ፥ ታ የስት ባዝ ይንትስ ኦሆዳ።\x - \xo 4:7 \xo*\xt ሐዋ. 20:4፤ 2 ጢሞ. 4:12\xt*\x* 
\v 8 ታኒ ኤዛ ይንታጎ ኪትዳና፥ ኑ ዋይዝ የዛኮ ይንትስ ኦህ ይንታና ምንደ ፋና።\x - \xo 4:7-8 \xo*\xt ኤፈ. 6:21-22\xt*\x* 
\v 9 አናስሞሳ፥ አማንዘ ሲቆ እሸ፥ ይን ባጋ፥ ኤራ ይንታጎ Ꮉንጋነ። ኡን Ꮉነ Ꮉንዘባዝ ኡባ ይንትስ ኦሆዳ።\x - \xo 4:9 \xo*\xt ፍልሞ. 10-12\xt*\x*
\p
\v 10 ታራ አጭንተዘ አርስጥሮኮሳን ባርናባሳ እሸ ናአይ ማርቆሳ፥ ይንታና ሳሮ ጋነ። ታ ይንትስ ዛጋ ኦህዳን ፋና ማርቆሳ ይንታጎ Ꮉንግኮ ኤዛ ሞኮተ።\x - \xo 4:10 \xo*\xt ሐዋ. 19:29፤ 27:2፤ ፍልሞ. 24፤ ሐዋ. 12:12፥ 25፤ 13:13፤ 15:37-39\xt*\x* 
\v 11 ኢያሱ ጋዘ ኢዮስጦሳ ይንታና ሳሮ ሳሮ ጋነ። ጾዘ ካእቱሞ ግሾ ታራ ኦችዘ አሱን ግዳፓ አይሁደ ማቅዱን፤ ታና ጋማ ምንዳ።
\p
\v 12 ይን ባግዘ፥ ክርስቶስ የሱሳ አርዘ፥ ኤጳፍራ ይንታና ሳሮ ሳሮ ጋነ። ኤ ይን ጾዘ ቲኖ ሚንግ ኤቆደ ፋናን ጾዘ ቆፋ ኤሪ ፎሎደ ፋና ኡባ ዎደ ጾዚ ይን ግሾ ዎሳነ።\x - \xo 4:12 \xo*\xt ቆላ. 1:7፤ ፍልሞ. 23\xt*\x* 
\v 13 ኤ ይን ግሾን ሎዶቅያን ህራፖሊሰ ካታማ የዘ አሱን ግሾ ጋማ ላቢዳኖ ታ ማርክነ።
\p
\v 14 ኑ ሲቆ እሸ አክምዘ ሉቃሳን ዴማሳ፥ ይንታና ሳሮ ሳሮ ጋነ።\x - \xo 4:14 \xo*\xt 2 ጢሞ. 4:10-11፤ ፍልሞ. 24\xt*\x* 
\v 15 ሎዶቅያ የዘ ኑ እሹንስ፥ ንምፋሳን እ ኬተ ሺቅዘ አሱንስ ኑ ሳሮትቶ ኦሆተ።
\p
\v 16 Ꮉይ ዳብዳቢዛ ይን ናባብዳንፓ ሱባ፥ ሎዶቅያ ዎሳ ኬ ናባብዞተ። ይንትን ሎዶቅያ ዎሳ ኬታ ይንትስ ዳክዘ ዳብዳብቶ ናባቦተ። 
\v 17 ማህ አርክጳሳ፥ «ላ ኔስ እንግደ ኦችቶ ፎሎዳኖ ቦትፐ» ጋእ ቆፍዞተ።\x - \xo 4:17 \xo*\xt ፍልሞ. 2\xt*\x*
\p
\v 18 ታኒ፥ ጳዉሎሳ፥ Ꮉና ሳሮትቶ ታ ኩሽትራ ጻፍዳ። ታ አችቶ ቆፖተ።
\p ጾዘ አ ከሃትታ ይንታራ ማቀ።