\id 2TI - Oyda New Testament
\ide UTF-8
\h 2 ጢሞትዮሳ
\toc1 ጳዉሎሳ ጢሞቶሳስ ጻፍደ ላምእን ኪታ
\toc2 2 ጢሞትዮሳ
\toc3 2 ጢሞ.
\mt1 ጳዉሎሳ ጢሞትዮሳስ
\mt2 ጻፍደ ላምእን ኪታ
\imt1 ገለ
\ip ጳዉሎሳ ጢሞትዮሳስ ጻፍደ ላምእን ኪታ፥ ጳዉሎሳራ ዎላ ኦችዛያን ጳዉሎሳ ካለ ማድዘ ናአይ ጢሞትዮሳ ዞርደ ዞርቶ አይክዳ። ይና ዞርትስ ኣፈ ቆፍታ፥ «ዳንዳአራ ምንጎደስ ቤዛነ» ጋዛኖ። ጢሞትዮሳ ዞርተራ ምን ቃላ ኤክደ፥ የሱስ ክርስቶሳ ባዝ ቱርቶ ማርክደ ፋና ዎንገለ ቃላን ጋልአ ጫቆ ትምርትቶ ምን አይኮደ ፋናን ማን እጻን ጋንግኮን ታማርስተራን ዎንገለ ሳባኬራ ምንጎደ ፋና።
\ip ጢሞትዮሳ ጨር ቦዛት ላሌፓ Ꮉኮደ ፋና ዱማ ምን ዞረ ኤስ እንግንትዳ። ይኒ ፋና ኦህዘ አሱንና ብሳነ ፋትን አኮን ማዶስ።
\ip ይና ኡባነ ጢሞትዮሳ ቆፖደስ ቤዝዘ፥ ጳዉሎሳ Ꮉንቶን ኤ የስቶ ይናን፥ ኤ አማንቶ፥ ኤ ገንጭቶ፥ ኤ ሲቅቶ፥ ኤ ዳንዳእቶን ኤዛ የልደ ማቶ አዝዘ ማህ ካሎዳኖ። ጳዉሎሳ ይና ኪቶ ጻፍዳና፥ ኤ ፋ ዎቶ Ꮉሲ Ꮉይቆስ ጊግንትደ ዎድተ።
\iot ኣፈ ቆፉን
\io1 ገለ ቆፋ \ior 1:1-2 \ior*
\io1 ጢሞትዮሳስ እንግንትደ ዞረ \ior 1:3—2:13 \ior*
\io1 ዉርሱ ዎደባዝ \ior 2:14—4:5 \ior*
\io1 ጳዉሎሳ Ꮉኒ የዘ የስ \ior 4:6-18 \ior*
\io1 ጻ ቆፋ \ior 4:19-22 \ior*
\c 1
\p
\v 1 ጾዘ ቆፋ፥ የሱስ ክርስቶሳራ የዘ ኡፋይስ እንግደ ባጋራ የሱሳ ክርስቶሳ ሐዋረ ማቅደ ጳዉሎሳፓ ኪትንትደ፥ 
\v 2 ታ ካዽዘ ናአይ ጢሞትዮሳስ።
\p ጾዘ አዳይፓን ኑ ላ ክርስቶሳ የሱሳፓ አ ኬሃት፥ ማሮትን ሳሮት ኔስ ማቀ።\x - \xo 1:2 \xo*\xt ሐዋ. 16:1\xt*\x*
\s1 ጢሞትዮሳስ እንግንትደ ዞረ
\p
\v 3 ታኒ፥ ታ ዎስተ ቃማን አዋራ ነና ቆፓነ። ታኒ ዎስዘ ዎደ ታ አዱን ጾዛን ታኒ ሎኦ ዎዝናራ ማድዘ ጾዛ ነ ግሾ ጋላታነ። 
\v 4 ታኒ ነ አፉቶ ቆፓነ፤ ነና ብእ ኡፋይቶደስ ጋማ አሙዳ።
\p
\v 5 ማህ ኔስ የዘ ቱሪ አማኖ ኤራነ። ይኒ ፋና አማንታ ዛጋ ነ ኣፍቲ ሎይድራን ነ እንት ኤዉንቀራ የዘ አማንት ፋና። 
\v 6 ይኒ ግሾ፥ ታኒ ታ ኩሽቶ ኔላ አፋ ጋድደ ዎደ ጾዚ ኔስ እንግደ እሞ ኔኒ ማህ ኤደ ዎይ ደንደ ፋና ቆፍዛነ።\x - \xo 1:6 \xo*\xt ሐዋ. 16:1\xt*\x* 
\v 7 አኮስ ጋይኮ፥ ጾዚ ኑስ ዎልቃ፥ ሲቆን ኑ ኦምቶ አህዘ አያና እንጋነ ፋትን ዣሽትዘ አያና እንግካያ።
\p
\v 8 ይኬ፥ ኑ ላስ ማርክደስ ዬልፐ፤ ማህ ኤ ግሾ አጭንትደ ታ ግዳን ዣሽትፐ። የዝን ጾዚ ኔስ እንግዘ ዎልቂተ ዎንገለ ግሾ ታራ ማ ኤኮ። 
\v 9 ጾዘ ፋ ቆፍቶን ፋ አ ኬሃትራ ኑና አሺ፥ ፋ ጌሽ ዎርዣ ማሆደስ ኑና ዶርዳ ፋትን ኑኒ ኦችደ ኦቻ ግሾ ባያ። ይና አ ከሃትታ ክርስቶሳ የሱሳ ባጋራ አላመ መንቶዳንፓ ቲኖ ኑስ እንግንትዳ። 
\v 10 Ꮉተ Ꮉይ አ ኬሃትዘ ኑና አሽዘ ክርስቶሳ የሱሳ የእተ ቆንጭዳ። ኤ Ꮉይቆ ዎልቃ ብሲ፥ ዎንገለ ባጋራ ቦሰ ደኦ ኑስ ቆንጭዝዳ።
\p
\v 11 ታኒ ዎንገለ ሳባክዘ፥ ሐዋረን አስታማረ ማቆደ ጋር ጾዚ ታና ዶርዳ። 
\v 12 ታኒ ይኒ ግሾ Ꮉና ማቶ ኤካነ፤ የዝን ታ አማንዘ ኦና የዛኮ ኤርዘ ግሾ ዬልኦስ። ታስ እንግንትደ Ꮉዳርቶ ይና ክርስቶሳ የኤ ቃማ የሎደስ ኤ ናጎደስ ዳንዳእዛኖ ኤራነ።\x - \xo 1:12 \xo*\xt 1 ጢሞ. 2:7\xt*\x*
\p
\v 13 ታኒ ነና ታማርስደ ቱሪ ቃላ አዝዘ ማህ አይኪ ክርስቶሳ የሱሳ ባጋራ የዘ አማንተን ሲቅተ የዞ። 
\v 14 ኑ ግዳ የዘ ጌሽ አያና ዎልቃራ ኔስ እንግንትደ ሎኦ Ꮉዳርቶ ናጎ።
\p
\v 15 እስያ አዉራጃ የዘ ኡቡን ታፓ Ꮉክዳኖ ኤራነ፤ ኡን ግዳ ፍገሉሳን ሄርሞገኔሳ የነ።
\p
\v 16 አነስፎራ ታና ጋማ ዎደ ምንደ ግሾ ላ ኤ ካራ አሱንስ ይቅስንቶ። ታ አጭንትንን ኤ ዬልካያ። 
\v 17 ይንላ አፋ ኤ ሮመ ካታማ ይእደ ጋር ታና ምን ኮይ ደንግዳ። 
\v 18 ዉርሱ ቃምተ ላ ይቅስንቶደ ፋና ታኒ ላ ዎሳነ። ኤፈሶነ ካታማ ኤ ታና አኮ ጋር ማደዛኮ ነ ሎይ ኤራነ።
\c 2
\s1 አማንንትደ ክርስቶሳ ዎታዳረ ማቀ
\p
\v 1 ይኬ፥ ታ ናአዮ፥ ክርስቶሳ የሱሳ ግዳ የዘ አ ኬሃትተ ምንጎ። 
\v 2 ጋማ ማርኩን ቲኖ ታኒ ነና ታማርስደ ትምርትቶ፥ መሉንና ታማርሶደስ ዳንዳእዘ አማንንትደ አሱንስ Ꮉዳራ እንጎ።
\p
\v 3 የሱስ ክርስቶሳ ሎኦ ዎታዳረ ማቂ ታራ ማ ኤኮ። 
\v 4 ኦላ ዎታዳረ ፋ Ꮉላቅዛ ኡፋይሶደስ ጊግንታነ ፋትን መለ ኦቻላ ፋና ፌሾስ። 
\v 5 ይኒ ጋራ፥ ጋልጋደ ዎጽዘ ኦንን ቤዝዘ ኦገራ ዎጻንጽኮ ዎይቶ ኤኮስ። 
\v 6 ዎታራ ላቢዘ ጋደ አዳይ ፋ ላቢዳን ኣፍትፓ ሙእዘ ቲኖ አስ ማቃደስ ቤዛነ። 
\v 7 ላ ኔስ ኡባ ባዛ አካኬ እንግዘ ግሾ ታ ኔስ ኦህዛኖ ነ ዎዝንተ ናጎ።
\p
\v 8 ታኒ ማርክዘ ዎንገለ ፋና Ꮉይቆፓ ደንድደ፥ ዳዉተ ኮች ማቅደ የሱስ ክርስቶሳ ቆፖ። 
\v 9 ታኒ ዎንገለ ኦህዘ ግሾ ኢታ ባዝ ኦችደ አስ ፋና፥ አጭንቲ ማ ኤክዳ። የዝን ጾዘ ቃላ አጭንቶስ። 
\v 10 ይኒ ግሾ፥ ጾዘ ዶርደ አሱን ክርስቶስ የሱሳ ግዳ የዘ አቶት ባጋራ መዽና ቦንቾ ኤኮደ ፋና ኡን ግሾ ኡባ ባዛ ምንጋነ።
\p
\v 11 Ꮉንፋና ያጋዘ ቱሪ ቃላ የነ፤
\q1 «ኑ ኤራ Ꮉይቅኮ፥
\q2 ኤራ ዎላ የሳዳ።
\q2
\v 12 ኑ ገንጭኮ፥
\q2 ኤራ ዎላ ካእቶዳ።
\q2 ኑ ኤዛ ካድኮ፥
\q2 ኤ ኑና ካዶዳ።
\q1
\v 13 ኑ አማንንታንጽኮን፥\x - \xo 2:13 \xo*\xt ማቶ. 10:33፤ ሉቃ. 12:9\xt*\x*
\q2 ኤ አማንንትዳያ ማቂ የሳዳ።
\q2 አኮስ ጋይኮ፥ ኤ ፋና
\q2 ካዶደስ ዳንዳኦስ» ያጋይዳ።
\s1 ምን ኦቻንቾ
\p
\v 14 ኔኒ ኡንታና Ꮉኖ ቲርዞ፤ ኡን ቃላ ግሾ ላላመ ፋና፥ ጾዘ ቲኖ ኡንታና ዞሮ። ይና ስእዙንና ብሳነ ፋትን አኮን ማዶስ። 
\v 15 ኔኒ ቱሪ ቃላ ሉለራ ታማርስዛን ዬሊዞሰ ኦቻንቾ ማቂ፥ ጾዘ ቲኒ ኡፋይስዘ አስ ፋና፥ ነናትቶ ኤስ ሺሾደስ ምንጎ። 
\v 16 የዝን Ꮉና አላምትስ ጊግዘ ማዶሰ ኦሄፓ Ꮉኮ። ይኒ ፋና ኦህዘ አስ ጾዛፓ Ꮉክዛነ። 
\v 17 ይኒ ፋና ትምርተ ጋላ ሙእ Ꮉስዘ ፋጾሰ ጭቶ Ꮉርገ ፋና። ይኒ ፋና ኦሄ ኦህንትዙን ግዳ ፋ ሄመነዮሳን ፍልጾሳ የነ። 
\v 18 Ꮉን አሱን ቱሪ ኦገ አሺ፥ «Ꮉይቂደ አሱን Ꮉይቆፓ ዛጋ ደንድዳ» ያጋእ ኤራ አሱን አማንቶ ብስዳ።
\p
\v 19 ማቆ የዝን፥ ጾዚ ምን ባሳ ዪጺ ማታመ የዘ ኤንእንቶደስ ዳንዳኦስ። እዝላን አፋ፥ «ላ ፋ አሱንና ኤራነ። ላ ሱንቶ ጼግዘ ኦንን ኢታ ኦቻፓ Ꮉኮ» ያጋዘ ቃላ ጻፍንትዳ።
\p
\v 20 ፈቲ ዳማ ኬ ዎርቃፓ ዎይ ብራፓ ኦችንትደ ሚሸ ጻላላ ባይዝን ምንጻፓ ዎይ ሎቃፓ ኦችንትደ ሚሸ የነ። የንሳፓ ባጉን ቦንቾስ፥ ማህ ባጉን ቦርንትደ ኦቻስ ፌዣነ።\x - \xo 2:20 \xo*\xt ፋይዶ 16:5\xt*\x* 
\v 21 ይኒ ግሾ፥ ኦንን ኢታ ኡባ አሺ ፋና ጌሽኮ፥ ቦንቾ ኦቻስ ማቅዘ ሚሸ ማቃዳ። ኡን ደእተ ጌሽን ላ ኡፋይስዘ ኦቻ ኡባ ኦቾደስ ዳንዳእዙንና ማቃዳ።
\p
\v 22 ናእቱሞ ኢታ አሞፓ Ꮉኮ። ጌሽ ዎዝናራ ላ ጼግዘ አሱንራ ዎላ፥ ጽሎት፥ አማኖ፥ ሲቆን ሳሮት ካሎ።
\p
\v 23 የዝን ካች መዛ ኤሪ ቦዛትን ማደ ባይዘ ላለፓ Ꮉኮ። 
\v 24 ላ ኦቻንቾ አስ ኡባስ ኬሃ፥ ሎኦ ታማርስዛን ዳንዳአንቾ ማቃደስ ቤዛነ ፋትን ካጭንቶደስ ቤዞስ። 
\v 25 ኤ ፋራ ኤቅንትዙንና ኬሃትራ ሴርዛ ማቃደስ ቤዛነ። ኡን ፋ ናጋርትፓ ማቂ ቱሮ ኤሮደ ፋና ጾዚ ኦቾድየዛኮ ኦደ ኤርዘ። 
\v 26 ኡን ፋ ዎዝናጎ ማቂ ፋ ቆፋ ኦቾደ ፋና ኡንታና አይክደ ጻላሄ ጽኬፓ ኬሲ ኤኮዳ።
\c 3
\s1 ዎደ ዉርሱ ቃማስ ማላ
\p
\v 1 ዉርሱ ቃማ ኡንእዘ ዎደ ዮኦዳኖ ኤሮ። 
\v 2 አሱን ፋና ካዙንና፥ ሚሸ ሲቅዙንና፥ ጬቅንትዙንና፥ ኡቱርዙንና፥ ጫዥዙንና፥ ፋና የልዱንስ ኪትንቶሱንና፥ ጋላቶሱንና፥ ጌሻት ባይዙንና፥ 
\v 3 ሲቆ ባይዙንና፥ ማሮት ኦቾሱንና፥ ዝግርዙንና፥ ፋና አሆሱንና፥ ይቅስንትሞ ባይዙንና፥ ሎኦ ካኦሱንና፥ 
\v 4 ሞርከስ አ እንግዙንና፥ ቆፋ ባይዙንና፥ ኡቱራራ ኩምዱንና፥ ጾዛፓ አ አሾ ኡፋይሶደስ ካዙንና ማቃዳ። 
\v 5 ኡን አማንዘ አስ አዛነ ፋትን ጾዘ ዎልቃ ካድዳ፤ ነ የን ፋና የዘ አሱንፓ Ꮉኮ።
\p
\v 6 ኡንታፓ ፈተ ፈተ አስ ኬ ገሊ ናጋራራ አይክንትዱንና ዱማ ዱማ አሞራ አይክንትደ አማኖ ላፋ ማቹንና አይካነ። 
\v 7 የን ማቹን ኡባ ዎደ ታማራነ፥ የዝን ቱሮ ኤሮደስ ዳንዳኦስ። 
\v 8 ያነሳን ያምባሬሳ ሙሴራ ኤቅንትዳን ፋና Ꮉን አሱን ዎዝና ኦቾሱንናን አማኖራ ጎልእደ አሱንና ማቅደ ግሾ ቱርራ ኤቅንታነ። 
\v 9 የዝን ያነሳን ያምባሬሳ ኤያትታ ቆንጭዳን ጋር ኡን ኤያትታ አስ ኡባ ቲኖ ቆንጮደ ግሾ ኡንትስ Ꮉኖስ።\x - \xo 3:9 \xo*\xt ከዘ 7:11\xt*\x*
\s1 ዉርሱ ዞረ
\p
\v 10 የዝን ነ ታ ትምርትቶ፥ ታ የስቶ፥ ታ ቆፍቶ፥ ታ አማንቶ፥ ታ ዳንዳእቶ፥ ታ ሲቅቶ፥ ታ ገንጭቶ፥ 
\v 11 ታ ባይእንቶ ታ ዋይቶ ኤራነ። አንጾክያ፥ እቆንዮነ፥ ልስጥራ ካታማ ታና የልደ ባዝን ታ ዳንዳእደ ዋይቶ ኤራነ፤ ላ ታና ይና ኡባንፓ አሽዳ። 
\v 12 ክርስቶስ የሱሳ ግዳ ጾዛ ኡፋይስዘ የስ የሳደስ ኮይዘ ኡቡን ባይእንቶዳ።\x - \xo 3:12 \xo*\xt ሐዋ. 13:14-52፤ 14:1-20\xt*\x* 
\v 13 ኢታ አሱንን ባልዙን ፋስ ባልንትተራ መሉንና ባልተራ ቲኖስትፓ ኢቲ ኢቲ Ꮉንጎዳ።
\p
\v 14 የዝን ነ ታማርዳነን ነ አማንደ ቱርተ ኤቆ። ነ ኦደፓ ታማረዛኮ ኤራነ። 
\v 15 ኔኒ ነ ናአትፓ ዳን ክርስቶስ የሱሳ አማኒ አቶት በንትዘ ጭንጫት እንጎደስ ዳንዳእዘ ጌሽ ማጻፈ ኤርዳ። 
\v 16 ጌሽ ማጻፈ ኡባ ጾዘ አያና ካልን ጻፍንትደ ቃላ። የ ማጻፍዘ ቱሮ ታማርሶደስ፥ ባልዱንና ሴሮደስ፥ ሉልሳደስን ጽሎት የስ ኮሽዘ ዞረ እንጎደስ ማዳነ። 
\v 17 ጾዘ አስ ፎሎን ሎኦ ኦቻ ኡባስ ጊግዳያ ማቃደ ፋና ማዳነ።
\c 4
\p
\v 1 ታኒ ነና ጾዘ ቲኖን፥ ካት ማቂ አሆደስ ቆንጭዘ ዎደ ፋጹንናን Ꮉይቂዱንና ፍርዶደስ የዘ ክርስቶስ የሱሳ ቲኖ ዞራነ። 
\v 2 ቃላ ኦሆ፤ ዎደ ጊግን ጊጋንጽን ምን ኦሆ። ጋማ ዳንዳአራን ታማርሰራ አሱንና ዞሮ፥ ሴርተራ ምን። 
\v 3 አሱን ቱሪ ትምርተ ስአንጾደ ዎደ ዮኦዳ። ኡን ፋ አሞት ካሊ፥ ፋስ ስኦደስ ኡፋይስዘ ባዝ ኦህዘ አስታማሩንና ሺሻነ። 
\v 4 ኡን ቱርባዝ ኦህዘ ትምርተ አሺ፥ ቱሮ ማቆሰ ቶሴ ስኦደስ ፋ Ꮉይቶ ማሀነ። 
\v 5 የዝን ኔኒ ኡባ ባዛራ ነና አሆ። ማ ዳንዳኦ። ዎንገለ ማርካት ኦችቶ ኦቾ። ኔስ እንግንትደ ጾዘ ኦችቶ ኡባ ፎሎ።
\p
\v 6 ታኒ ዣርሾ ፋና ዣርሽንቶደ ዎደ የልዳ፤ Ꮉና አላምቶ አሺ ቅትዘ ዎደ ኡክዳ። 
\v 7 ታኒ ሎኦ ኦላ ኦልንትዳ፤ ዎቶ Ꮉስዳ፤ አማኖ ናግዳ። 
\v 8 ቲኖፓ ጽሎት ዎርቃ ዛዉደ\f + \fr 4:8 \fr*\fk ጽሎት ዎርቃ ዛዉደ፦ \fk*\ft ጽሎት ደኦ ግሾ ታ ኤኮደ ዎርቃ ዛዉደ። ጽሎትቶ ታስ ዎርቃ ዛዉደ ማህ እንጋነ ጋኤ።\ft*\f* ታና ናጋነ። ይኖ ጽሎ ፍርዳ ፍርድዘ ላ ይኖ ላምእን የኤ ቃምተ ታስ እንጎዳ። ይኖ ታ ጻላላስ ባይዝን ኤ ቆንጭቶ አሙዘ ኡቡንስ እንጎዳ።
\s1 ጳዉሎሳ ፋ ኦማ ኪታ
\p
\v 9 ኤልሲ ይእ ታና ቦኦ። 
\v 10 ዴማሳ Ꮉና አላምተ የዘ ባዝ ካ፥ ታና አሺ፥ ተሰሎንቄ ካታማ ቅትዳ። ቀርቅሳ ጋላትያ ሳአ፥ ማህ ትቶ ድልማጠ ሳአ ቅትዳ። 
\v 11 ሉቃሳ ጻላላ ታራ የነ። ማርቆሳ ጾዘ ኦቻ ታና ማዶደስ ዳንዳእዘ ግሾ ኔራ ኤኪ ዮኦ።\x - \xo 4:11 \xo*\xt ቆላ. 4:14፤ ፍልሞ. 24፤ 2 ቆሮ. 8:23፤ ጋላ. 2:3፤ ትቶ 1:4\xt*\x* 
\v 12 ታኒ ትክቆሳ ኤፈሶነ ካታማ ዳክዳ።\x - \xo 4:12 \xo*\xt ቆላ. 4:14፤ ፍልሞ. 24፤ ሐዋ. 12:12፥ 25፤ 13:13፤ 15:37-39፤ ቆላ. 4:10\xt*\x* 
\v 13 ኔኒ ይእተር፥ ጢሮአዳ ካታማ ካርፖሳ ካለ አሺ ይእደ ታ ኮትዛን ማጻፍቶ ታስ ኤኪ ዮኦ። ኡባፓ አ ቆለራ ጻፍንትደ ማጻፍቶ ኤክካይዛራ ይእፐ።\x - \xo 4:13 \xo*\xt ሐዋ. 20:4፤ ኤፈ. 6:21-22፤ ቆላ. 4:7-8\xt*\x*
\p
\v 14 መቆ ቆጽዘ እስክንድረ ታና ጋማ ቆህዳ፤ ላ ኤ ኦችት ፋና ኤስ ማሆዳ። 
\v 15 ኤ ኑ ትምርትቶ ጋማ እጽዘ ግሾ ኤፓ ነና ናጎ።\x - \xo 4:15 \xo*\xt 1 ጢሞ. 1:20፤ ማዝ. 62:12፤ ሮመ 2:6\xt*\x*
\p
\v 16 ቲኖ ታ ሞትንትዘ ዎደ ኡባና አሺ ቅትዳ ፋትን ኦንን ታና ማድካያ። ጾዚ ይና ባልቶ ኡንትስ ፋይድፐ። 
\v 17 የዝን ታኒ ሙሎ ኪታ አይሁደ ማቆሰ አሱን ኡቡንስ ማርክን፥ ኡን ስኦደ ፋና ላ ታ ካለ ኤቂ ታስ ዎልቃ እንግዳ። ማህ ጋሞ ፋና ዶና ሻቅንግደ Ꮉይቆፓ ታና አሽዳ። 
\v 18 ላ ታና ኢታ ኡባፓ አሺ ፋ ሳሎ ካእቱሞ ሳሮራ የልዳ። ኤስ መናፓ መዽና የሎደስ ቦንቾ ማቀ። አምንኤ።
\s1 ዉርሱ ሳር
\p
\v 19 ጵርስቅላስ፥ አቂላስን አነስፎራ ካራ አሱንስ ታ ሳሮትቶ ኦሆ። 
\v 20 ኤራስጾሳ ቆሮንቶሳ ካታማ አትዳ። ጥሮፍሞሳ Ꮉርግንትደ ግሾ ምሊጠ ካታማ አሽዳ።\x - \xo 4:20 \xo*\xt ሐዋ. 18:2፤ 2 ጢሞ. 1:16-17\xt*\x* 
\v 21 ባርጎ ገሎደፓ ቲኒ ኤልሲ ዮኦ።\x - \xo 4:21 \xo*\xt ሐዋ. 19:22፤ ሮመ 16:23፤ ሐዋ. 20:4፤ 21:29\xt*\x*
\p ኤዉቡሉሳ፥ ጱዴሳ፥ ልኑሳ፥ ቅላደያን መለ አማንዘ አሱን ኡቡን ነና ሳሮ ሳሮ ጋነ።
\p
\v 22 ላ የሱስ ክርስቶሳ ኔራ ማቀ።
\p ጾዘ ማሮትታ ይን ኡቡንራ ማቀ።