\id 1TI - Oyda New Testament
\ide UTF-8
\h 1 ጢሞትዮሳ
\toc1 ጳዉሎሳ ጢሞትዮሳስ ጻፍደ ቲኖ ኪታ
\toc2 1 ጢሞትዮሳ
\toc3 1 ጢሞ.
\mt1 ጳዉሎሳ ጢሞትዮሳስ
\mt2 ጻፍደ ቲኖ ኪታ
\imt1 ገለ
\ip ጢሞትዮሳ ጋእንትዘ፥ አማንዘ ናአይ፥ ኤራ እስያ የልንትዳ (ሐዋ. 16:1-3)። ኤ እንታ አይሁደ፤ ኤ አዳይ ማህ ግርኬ አስ። ኤ ጳዉሎሳራ ዎላ ኦችዛያን ዎንገለ ኦቻ ጳዉሎሳ ካለ ማድዘ አስ። ጳዉሎሳ ጢሞትዮሳስ ጻፍደ ቲኖ ኪታ Ꮉይ ኣፈ ቆፉንና ምን ብእዳ።
\ip ኡባፓ ቲኖ ኪታ፥ ዎሳ ኬ ደንድደ ዎርዶ ትምርተባዝ ምን ኦህነ። Ꮉና ዛቆ ትምርትታ አይሁደ ትምርተፓ ባግቶ፥ ማህ አይሁደ ማቆሰ አሱን ትምርተፓ ባግቶ አይክዳ። የዝን፥ «Ꮉና በንትዘ አላምታ ናጋራራ ኢትደ ግሾ አስ አቶት ደንጎደስ ዱማ ዱማ ማቅደ ሳዛ ቆፋ ኤሮደስ፥ ፈቲ ፈቲ ካ ማአንጽ አሾደስን ማቾ ኤካንጽ ዎይ አዝኒ ገልካይዛራ አሾደስ ኮሻነ» ያጋዘ ቆፋ ባሳ ማህ ደንድዳ።
\ip ላምእን ቆፍታ፥ ዎሳ ኬ አህዘ ባዝን ጎይኖ ዎጋባዝ ታማርስዘ ትምርትቶ፥ ይኒ ፋና ዎሳ ኬ ካልዙንና ኡንታና ማድዙን አኮ ጋር ዎጋ የስ የሳደስ ቤዝዛኮ ኦህነ።
\ip ዉርሱተ፥ ጢሞትዮሳ የሱስ ክርስቶሳስ ኦችዘ ሎኦ አስ ዋይዝ ማቆደስ ቤዝዛኮ፥ ማህ ዱማ ዱማ አማንዘ አሱን ካለ ኤስ የዘ አደትታ አኮ የዛኮ፥ ጳዉሎሳ ኤዛ ዞርደ ዞርቶ ደንጋነ።
\iot ኣፈ ቆፉን
\io1 ገለ ቆፋ \ior 1:1-2 \ior*
\io1 ጾዘ ኬ አህዘ አሱንስ እንግንትደ አሄ ዎጋ \ior 1:3—3:16 \ior*
\io1 ጢሞትዮሳስ እንግንትደ ትምርተ \ior 4:1—6:21 \ior*
\c 1
\p
\v 1 ኑና አሽዘ ጾዘ ኑ ኡፋይት ናግዘ ክርስቶሳ የሱስ ኪታ፥ የሱስ ክርስቶሳ ሐዋረ ማቅደ፥ ጳዉሎሳፓ፥ 
\v 2 አማኖራ ታስ ቱሪ ናአ ማቅደ ጢሞትዮሳስ።
\p \x - \xo 1:2 \xo*\xt ሐዋ. 16:1\xt*\x*ጾዘፓ ኑ አዳይፓን፥ ኑ ላ የሱስ ክርስቶሳፓ አ ኬሃት፥ ማሮትን ሳሮት ኔስ ማቀ።
\s1 ዎርዶ ትምርተፓ ናግንተ
\p
\v 3 ታኒ መቀዶንያ Ꮉንግተራ ነና Ꮉዳርዳን ፋና፥ ፈቲ ፈቲ አሱን ዎርዶ ትምርተ ታማርስዛኖ ካዮደስ ነ ኤፈሶነ ጋምኦደ ጋር ኮይዳ። 
\v 4 ኡን ማደ ባይዘ ቶሴ ኦሄን ፋ ኮች ፋይደ አሾደ ፋና ኦሆ። ይኒ ፋና የዘ ባዝ ላለ መነ ፋትን አማኖራ ኦችንትዘ ጾዘ ኦቻ ማዶስ። 
\v 5 Ꮉይ ኪትዘስ ኣፈ ቆፍታ ጌሽ ዎዝናፓን፥ ሎኦ ቆፋፓ ቱሪ አማኖፓ በንትዘ ሲቆ። 
\v 6 ፈቲ ፈቲ አሱን Ꮉኖ አሺ፥ ፋሰ ላለጎ ማቅዳ። 
\v 7 ኡን ጾዘ ህገ አስታማረ ማቆደስ ኮያነ። የዝን ኡን አኮ ኦህዛኮ ዎይ ቱርታ አኮ የዛኮን ኤሮስ።
\p
\v 8 አስ ቤዝዘ ፋና ህግተ ማድንትኮ ህገ ሎኦ ማቅዛኖ ኤራነ። 
\v 9 ፈቲ ባዝ ቆፖደስ ቤዛና ህገ ሎኦ አሱንስ መንትካያ። የዝን ህገ፥ ህገ መንዙንና፥ ጾዛ ጎይኖሱንስ፥ ሸምፖ ዎዙንና፥ ናጋራንቹንና፥ ጌሻት ባይዙንና፥ ቱኑንና፥ መለ አቶ የዝን ፋ እንቶ ዎይ አዳያ ዎዙንና፥ 
\v 10 ኦላለ Ꮉንትዙንና፥ ራ ራራ ኦላለ Ꮉንትዙንና፥ አስ ባይዝዙንና፥ ዎርዶ ኦህዙንና፥ ዎርዶራ ጫቂዙንና፥ ዎይ ቱሪ ትምርተራ የልንቶሰ አኮ ኦቻን ኦችዙንስ። 
\v 11 ቱሪ ትምርተ በንትዘ ቦንቾን አንጅንትደ ጾዛ ታኒ አዋጆደ ጋር ታስ Ꮉዳራ እንግደ ዎንገለ ግዳ የነ።
\s1 ጾዘ ማሮትስ ጳዉሎሳ ጋላትደ ጋላታ
\p
\v 12 ታኒ ኦችዘ ኦችተ ታስ ዎልቃ እንግደ ኑ ላ ክርስቶሳ የሱሳ ጋላታነ። ታና ፋ ኦችትስ ሹሚ ይና ኦችትስ ቤዛነ ጋእ ፋይድደ ግሾ ኤዛ ጋላታነ። 
\v 13 ታኒ Ꮉንፓ ቲኖ ኤዛ ጫዥዛ፥ ኤዛ ካልዙንና ባይእዛያን ዋይዛ ማቅኮን ታኒ ይኖ ኤርካይዛራን አማንካይዛራ ኦችደ ግሾ ጾዚ ታና ማርዳ። 
\v 14 ኑ ላ ፋ አ ኬሃትቶ ታላ አፋ ጉሲ፥ ይና አ ኬሃትቶ አማኖራን ሲቆራ ክርስቶሳ የሱሳ ባጋራ ታስ እንግዳ።\x - \xo 1:14 \xo*\xt ሐዋ. 8:3፤ 9:4-5\xt*\x*
\p
\v 15 «ክርስቶሳ የሱሳ ናጋራንቹንና አሾደስ Ꮉና አላምተ ይእዳ» ጋዘ ቃልታ አማንንታነ አስ ኡባ ኤኮደስ ቤዛነ። ኡባፓ አደ ናጋራንችዘ ታና። 
\v 16 የዝን መዽና ደኦ ኤኮደስ ኤዛ አማንዘ አሱንስ ታኒ አዝዘ ማቃደ ጋር የሱስ ክርስቶሳ ጋማ ዳንዳእዳ። ታኒ ኡባፓ አደ ናጋራንችዘስ ጾዚ ፋ ማሮትቶ ጋንዳ። 
\v 17 ኣፈር በንቶሰስ፥ ፈቲ ጾዘስ፥ Ꮉይቆሰስ፥ መዽና ካትዘስ፥ መናፓ መዽና የሎደስ ጋላታን ቦንቾን ማቀ። አምንኤ።
\p
\v 18 ጢሞትዮሳ፥ ታ ናአዮ፥ ዛጋ ነባዝ ናቡን ኦህደ ቃልትላ አፋ ኤቅደ Ꮉና ኪታ Ꮉዳርቶ ኔስ እንጋነ። ነ ይና ቃልቶ ካልኮ ሎኦ ኦላ ኦልንቶዳ። 
\v 19 አማኖን ሎኦ ቆፋ ኔስ የዞ። ፈቱን ፈቱን ፋ ዎዝንቶ ብሲ ማርካበ እዥዘ ባይ ብዛን ፋና አማኖፓ ብዳ። 
\v 20 ይኖ Ꮉንዱን ግዳ ሄመነዮሳን እስክንድረ የነ። ኡን ታማሪ ጾዛ ጫዥዛኖ አሾደ ፋና ታኒ ጻላሄስ ኡንታና አ እንግዳ።
\c 2
\s1 ዎሳን ጎይኖ ባዝ
\p
\v 1 ኡባፓ ቲኒ፥ ጾዝ ጎይኖራ ቦንቾ ኩምደ ደኦር ዎሶደስ፥ መሉንስ ዎሶደስን ጋላቶደስ ቤዛኖ ታኒ ነና ቆፍዛነ። 
\v 2 ኑ ቱሪ አያና ደኦ ጌሻትራ ጾዛ ጎይንተራ ሳሮትራ ዎፑ ጋእ የሳደ ጋር ካቱንስን ሹሙን ኡቡንስ ዎሶተ። 
\v 3 ይኒ ጋር ዎስዘ ኑና አሽዘ ጾዘ ቲኖ ሎኦን ኡፋይስዘ ባዝ። 
\v 4 ጾዚ አስ ኡባ አቶደ ፋናን ቱርቶ ኤሮደ ፋናን ኮያነ። 
\v 5 ፈቲ ጾዚ የነ። ጾዛፓን አሳፓ ግዳ ማቂ ጭምዘ ፈተ የነ፤ ኤዝን አስ ማቅደ ክርስቶስ የሱሳ። 
\v 6 ኤዚ አስ ኡባ ዎዞደስ ፋና አ እንግዳ። ጾዚ ፋ ዎድተ አሱንና ኡባ ዎዞደስ ኮይዛኖ ቤዝዘ ማርካትታ Ꮉኖ። 
\v 7 ጾዚ ታና ዎንገለስ አስታማረን ሐዋረ ማህ ዶርዳና ይንስ። ታኒ ቱሮ ኦህነ፤ ዎርድስ፤ አማኖን ቱሪ ቃላ አይሁደ ማቆሰ አሱንና ታማርሶደ ፋና ጾዚ ታና ሹምዳ።
\p
\v 8 ይኒ ግሾ፥ ኡባ በሳ የዘ ራን፥ ፋና ጾዝስ ዱሙዚ፥ ካችን ላለን አሺ፥ ፋ ኩሽቶ ኡደ ደን ጾዛ ዎሶደ ጋር ኮያነ።\x - \xo 2:8 \xo*\xt 2 ጢሞ. 1:11\xt*\x*
\p
\v 9 ይኒ ፋናን ማቹን ፋና አህዛኖ ቆንጭዘ፥ ቦንቾራን ዎጋራ የዘ አፉላ ማአደስ ቤዛነ። ኡን ዎጋ ባይዘ ኦማ ዳን፥ ዎርቃራ ዎይ እንቆራ፥ ዎይ አልኦ አፉላራ መሉንፓ ፋና ዱሙዝፐ። 
\v 10 የዝን ጾዝስ ጎይናነ ጋዘ ማቹን ፋስ ቤዝዛን ፋና ሎኦ ባዝ ኦቾ።\x - \xo 2:10 \xo*\xt 1 ጴጥ. 3:3\xt*\x*
\p
\v 11 ማቻ ኪትንተራ ስእ ጋእ ታማሮ። 
\v 12 ታኒ ማቻ ታማርሶደ ፋና ዎይ ራላ አድደ ፋና ባይዝን ስእ ጋእ የሳደ ፋና ኮያነ። 
\v 13 አዳማ ቲኖ መንትዳ፤ ሱባፓ ሄዋና መንትዳ። 
\v 14 ማህ ጭምንት ጾዘ ህገ መንደ ማችቶ ፋትን አዳማ ባያ።\x - \xo 2:14 \xo*\xt መ 2:7፥ 21-22\xt*\x* 
\v 15 የዝን ማቻ አማኖራ፥ ሲቆራን ጌሻትራ ፋና ናጊ የዝኮ\f + \fr 2:15 \fr*\fk ፋና ናጊ የዝኮ፦ \fk*\ft ዎይ ኤ የልደ ናኡን አማኖ፥ ሲቆን ጌሻትራ ፋና ናጊ የዝኮ።\ft*\f* ናአ የለራ አቶዳ።\x - \xo 2:15 \xo*\xt መ 3:1-6\xt*\x*
\c 3
\s1 ዎሳ ኬ ጭሙንና
\p
\v 1 ኦንን፥ «ዎሳ ኬ ካልዘ አስ ማቃደስ ኮይኮ ሎኦ ባዝ አሙነ» ጋዘ ኦህታ ቱሮ። 
\v 2 ዎሳ ኬ ካልዘ አስ ቦርንቶሳያ፥ ፈቲ ማቻ ጻላላ የዛያ፥ ዎጋራ የዛያ፥ ፋና ናግዛያ፥ ቤዛን ፋና ኦችዛያ፥ ዛቆ ሞክዛያ፥ ታማርሶደስ ዳንዳእዛያ፥ 
\v 3 ማንቶሳያ፥ ካጭንቶሳያ፥ ላሎሳያ፥ ብራ ይቅስንቶሳያ፥\x - \xo 3:3 \xo*\xt ትቶ 1:6-9\xt*\x* 
\v 4 ኤ ናኡን ኤስ ኪትንትዙንናን ቦንችዙንና፥ ፋ ኬቶ አሆደስ ዳንዳእዛያ ማቃደስ ቤዛነ። 
\v 5 ፈቲ አስ ፋ ኬቶ አሆደስ ዳንዳአንጽኮ፥ ጾዘ ዎሳ ኬቶ ዋይዝ አሆደስ ዳንዳኤ?
\p
\v 6 ኡቱራራ ኩሚ፥ ጻላሄ ጾዘ ፍርዳራ ጎልእደ ፋና ጎልአመ ፋና፥ አማኖር ሚንግካይዘ አስ ማቆደስ ቤዞስ። 
\v 7 ቦረራን ጻላሄ ጽኬ ገላመ ጋር የ አ አማኖሰ አስ ካለ ሎኦ ማርካት የሳደስ ቤዛነ።
\s1 ዎሳ ኬ ዲያቆናቱንና
\p
\v 8 ይኒ ፋና ማህ ዎሳ ኬ ዳቆናቱን ቦንችንትዱንና፥ ላምእ ዶና ኦህንቶሱንና፥ ጋማ ማዘ ኡሽ ኡዦሱንና፥ ብራ ይቅስንቶሱንና፥ 
\v 9 አማኖ ሳዛ ቆፋ ጌሽ ዎዝናራ ናግዙንና ማቃደስ ቤዛነ። 
\v 10 ኡን ቲኖ ፋታንንቶደስ ቤዛነ፤ ኡንታላ አፋ ቦረ ባይዛ ማቅኮ፥ ዎሳ ኬ ዳቆነ ማቂ ኦቾ።
\p
\v 11 ይኒ ፋናን፥ ኡን ማቹን ቦንችንትዱንና፥ ዝግሮሱንና፥ ዎጋራ የዙንና፥ ኡባ ባዛ አምንንትዱንና ማቃደስ ቤዛነ።
\p
\v 12 ዎሳ ኬ ዳቆናቱን ፈቲ ማቻ ጻላላ የዙንና ማቆ። ፋ ናኡንናን ፋ ኬቶ ሎይ አህዙንና ማቃደስ ቤዛነ። 
\v 13 ዎሳ ኬ ዳቆነ ማቂ፥ ሎኦ ኦቻ ኦችዙን፥ ኡንትስ ዳማ ቦንቾን ክርስቶሳ የሱሳ ግዳ የዘ አማኖ ባዝ ኦሆደስ ምንትሞ ደንጎዳ።
\s1 ዳማ ሳዛ ቆፋ
\p
\v 14 ታኒ Ꮉና ኪቶ ኔስ ጻፍተራ፥ ኤልሲ ኔጎ Ꮉንጎዳ ጋእ ኡፋይስ ጋዳነ። 
\v 15 የዝን ታኒ Ꮉንጋንጽ ጋምእኮ፥ ጾዘ ኬ አሱን ዋይዝ የሳደስ ቤዝዛኮ ኤሮደ ፋና Ꮉኖ ኔስ ጻፍዳ። ደኦ ጾዘ ኬታ ቱረትስ ቱስን ባሳን። 
\v 16 ኑ አማንትስ ሳዛ ቆፍታ ሶኤ ባይ ዳማ።
\q1 ክርስቶሳ አሾር ቆንጭዳ፤
\q2 ኤ ቱረትቶ ጌሽ አያና ማርክዳ።
\q2 ኪታንቹንስ በንትዳ፤
\q2 ኤ ካእቱምታ ዎርዣ ኡባስ ሳባክንትዳ።
\q2 አላመ የዘ አሱን አማንዳ፤
\q2 ቦንቾር ሳሎ ኤክንትዳ።
\c 4
\s1 ዎርዶ አስታማሩንና
\p
\v 1 ዉርሱ ዎደ ባልዘ አያናን ቱና አያና ትምርትቶ ካሊ፥ ፈቲ ፈቲ አሱን አማኖ ካዶዳኖ ጌሽ አያና ቆንጭዝ ኦህዳ። 
\v 2 ይኒ ፋና ትምርተ ኡን ዎዙንታ ዶጭን፥ አሱንና ባልዘ ዎርዶ አስታማሩንፓ የእነ።
\p
\v 3 የን ፋና የዘ አሱን ኤከን ገለ ካያነ፤ ማህ ፈቲ ፈቲ ካ ማአመ ፋና ጋእ ካያነ። የዝን አማንዙንን ቱሮ ኤርዙን ጾዛ ጋላቲ ዎሲ ማአደ ፋና ጾዚ ካ መዳ። 
\v 4 ጾዘ መደ ኡባ ባዝ ሎኦ። ጾዝ ጋላት ኤክኮ አላ ዎዘ አኮን ባያ። 
\v 5 ኡባ ባዝ ጾዘ ቃላራን ዎሳራ ጌሽ ማቃነ።
\s1 ክርስቶሳስ አምንንትደ አሮ ማቀ
\p
\v 6 ይኒ ግሾ፥ ነ Ꮉና ትምርትቶ አማንዙንና ታማርስኮ፥ ክርስቶሳ የሱሳ ሎኦ አሮ ማቃዳ። ነ ካልዘ ሎኦ ትምርትተ ቃላ ታማርኮ ድጮዳ። 
\v 7 የዝን ማደን ቱሪ ባይዘ ኦሄፓን ጭማ ማቹን ቶሰፓ Ꮉኮ። ጾዛ አዞደስ ነና ዱስዞ። 
\v 8 አስ ፋ ጋልቶ ምንደስ ኦችዘ ኦቻ ኤራ ዎደ ማዳነ። የዝን ጾዝ አዘ ዱስዛና Ꮉተን መዽና ደኦ እንግዘ ኡፋይስ የዘ ግሾ ኡባ ባዝስ ማዳነ። 
\v 9 Ꮉይ ቃልዘ አስ ኡባ ኤኮደስ ቤዝዘ ቱሪ ቃላ። 
\v 10 ኑኒ አስ ኡባ፥ ኡባፓ አ አማንዙንና አሽዘ ደኦ ጾዛ ኡፋይሳራ ናግዘ ግሾ፥ ይንስ ኑኒ ኦቻራ ላባነን ቡቱንታነ።
\p
\v 11 Ꮉና ኪትቶ ታማርሶ። 
\v 12 ነ ይ ማቅደ ግሾ ነና ኦንን ቦርፐ። የዝን አማንዙንስ ኔኒ ኦሄራ፥ ኦቻራ፥ ሲቆራ፥ አማኖራን ጌሻትራን አዝዘ ማቆ። 
\v 13 ታኒ ዮኦደ ዎንስ አሱንስ ጌሽ ማጻፍቶ ናባበራ፥ ሳባኬራን ታማርሰራ ምንጎ። 
\v 14 ትንቢተ ኔስ ኦህንትን፥ ጭሙን ፋ ኩሽቶ ኔላ አፋ ጋድደ ዎደ ነ ኤክደ፥ ነ ግዳ የዘ ጌሽ አያና እሞት ቦርፐ።
\p
\v 15 ነ ድችታ አሱን ኡቡንስ ቆንጮደ ፋና ይኖ ምን ቆፖ፤ Ꮉኖ ኡባ ዎደ ኦቾ። 
\v 16 ነ ኦምትስን ነ ትምርትስ ናግንቶ። ነ ይኖ ኡባ ዎደ ኦችኮ ነናን ነና ስእዙንና አሾዳ።
\c 5
\s1 ዶንዝደ ማቹን ባዝ
\p
\v 1 ጭማ ነ አዳይ ፋና ቦንቾፕ አትን ካጭፐ። ይንና ነ እሸ ፋና ማህ ቦኦ። 
\v 2 ማች ጭሙንና ነ እንቲ ፋና፥ ዉዱሩንና ነ ምሹን ፋና፥ ፎሎ ጌሻትራ አይኮ።
\p
\v 3 አዝኒ Ꮉይቂደ ቱሪ ቡዳኑንና ማዲ ቦንቾ። 
\v 4 የዝን ቡዳንትስ ናኡን ዎይ ናኡን ናአ የዝኮ፥ የን ናኡን ቱሪ አያና የስ የዛኖ ቤሳደ ፋና የልዱንናን፥ ፋ አፍቶን ማይዛያን ማዲ ኩሸ ማሄ ታማሮ። ይና ጾዝ ኡፋይስዘ ባዝ።
\p
\v 5 ፋ ፋስ የዘ ቱሪ ቡዳንታ ጾዘፓ ማደ ደንጎደስ ኡፋይሳራ ናጋነ። አዋራን ቃማ ጾዚ ፋና ማዶደ ፋና ዎሳራ ምንጋነ። 
\v 6 የዝን Ꮉና አላምተ ሎኦ የስ ጻላላ ኮይዘ ቡዳንታ ፋጻ የዛራ Ꮉይቂዳኖ። 
\v 7 ኦንን ኡንታና ቦራመ ፋና Ꮉና ትምርትቶ ኡንትስ እንጎ። 
\v 8 የዝን ፋ እግኑንስ፥ ኡባፓ አ ፋ ካራ አሱንስ ቆፖሰ ኦንን ፋ አማንቶ ካድዳያ፤ አማኖሰ አሳፓን ወዝ ኢታ።
\p
\v 9 በረ እዝፑንታም ኩምካይዘ ቡዳንትስ ሱንቶ ማዝጋበ ጻፍፐ። ማህ ይንላ አፋ እዛ ፋ አዝንዘስ አማንንትዳኖ ማቆደስ ቤዛነ። 
\v 10 ናኡንና ድቼራ፥ ዛቆ ሞከራ፥ ጌሹንስ ቶሄ ሜጨራ፥ ማደ አስ ማደራ፥ ሎኦ ኦቻ ኡባስ ፋና አ እንግዳኖን ሎኦ ኦቻራ ኤርንትዳኖ ማቃደስ ቤዛነ።
\p
\v 11 የዝን ናአት ማቅደ አዝኒ ባይዙን ሱንቶ ማዝጋበ ጻፍፐ። ኡንታና አዝኒ ገለ ገሎ ጋዘ አሾ አሞ አይክዘ ዎደ ክርስቶሳ አሾዳ። 
\v 12 ኡን ቲኖ ገልደ ቃልቶ መንደ ግሾ ፍርድንቶዳ። 
\v 13 ይንላ አፋ ኡን ኦቻ ብን ኬፓ ኬ ዉቶዳ። ዉተ ጻላላ ባይዝን ዝግርስን ፋና ገልሰ ባዛ ገሊ ቤዞሰ ባዝ ኦህንታነ። 
\v 14 ይኒ ግሾ፥ ኑ ሞርኩን ኑላ አፋ ኦህንትዘ ኢታ ባዝ ደንጋመ ፋና ናአት ማቅደ አዝኒ ባይዙን አዝኒ ገሊ፥ ናአ የሊ፥ ፋ ኬቶ አሆደ ፋና ዞራነ። 
\v 15 Ꮉንፓ ዛጋ ኤር አዝኒ ባይዙን ጻላሄ ካሎደስ ሱብ ማቅዳ።
\p
\v 16 ፈቲ አማንዘ ማችታ ካራ አሱን ግዳ አዝኒ ባይዛና የዝኮ እዛ ኡንታና ማዶደስ ቤዛነ። ይኒ ጋር ኦችኮ፥ ዎሳ ኬስ ቶፎ ፎላነ። የ ዎደ ዎሳ ኬታ ማደ ቤዝዘ ቱሪ አዝኒ ባይዙንና ማዶደስ ዳንዳእነ።
\p
\v 17 ዎሳ ኬ ሎይ የንግዘ ጭሙን፥ ኡባፓ አ፥ ቃላ ሳባኬራ ታማርሰራ ላቢዙን ዳኮ ቦንቾ ኤኮደስ ቤዛነ። 
\v 18 ጌሽ ማጻፈ፥ «ቆይዳ ባሃ የዘ ቦራ ዶና አጭፈ» ይኒ ፋና፥ «ኦችዘ ፋ ዳሞዘ ኤኮደስ ቤዛነ» ያጋይዳ።\x - \xo 5:18 \xo*\xt ማሄ 25:4፤ ማቶ. 10:10፤ ሉቃ. 10:7\xt*\x*
\p
\v 19 ላምእ ዎይ Ꮉይ ማርካ ባይዝን፥ ዎሳ ኬ ጭማ ሞትዘባዝ ስእፐ። 
\v 20 መሉን ዣሽቶደ ፋና ናጋራ ኦችዘ ኦናን አስ ኡባ ቲኖ ሴሮ።\x - \xo 5:20 \xo*\xt ማሄ 17:6፤ 19:15\xt*\x*
\p
\v 21 ኔኒ አስ ስኖ ብእካይዛራ፥ ፈታያ ፈታይፓ ዱሙዝካይዛራ Ꮉና ኪቶ ናጎደ ፋና ጾዘ፥ ላ የሱሳ ክርስቶሳን ዶርንትደ ኪታንቹን ቲኖ ታ ነና ዞራነ። 
\v 22 ኦደላን አፋ ነ ኩሽቶ ጋዲ ሹሞደስ ኤልስፐ። መሉን ናጋራ ገልፐ፤ ነና ጌሻትራ ናጎ።
\p
\v 23 ኔኒ ኡባ ዎደ Ꮉርግንትዘ ግሾን ነ ሳዛ Ꮉርግት ግሾ Ꮉ ጻላላ ኡዥፐ፤ ኤራ ዎይነ ኡዦ።
\p
\v 24 ፈቲ ፈቲ አሱን ናጋርታ ቆንጨ፤ ባጉን ናጋርታ ኡንታና ፍርዶደስ ኡንታፓ ቲኒ ኤርንታነ፥ የዝን መሉን ናጋርታ ሱባፓ ጋምእ ቆንጫነ። 
\v 25 ይኒ ጋር፥ ሎኦ ኦቻን ቆንጨ፤ ቆንጫንጽ እጽኮን ገንጎደስ ዳንዳኦስ።
\c 6
\s1 አሩንስ እንግንትደ ዞረ
\p
\v 1 ጾዘ ሱንታን ኑ ትምርትታ ጫዥንታመ ፋና አሮት የዙን ፋና አህዘ ላንና ቦንቾ። 
\v 2 አማንዘ ላን የዘ አሩን፥ ኡን ላን ኡንትስ እሸ ማቅዘ ግሾ ኡንታና ቦርፐ። ኡን ኦችተ ማድንትዘ ላን፥ አማንዙንናን ካንትዱንና ማቅደ ግሾ ኡን ቲኖስትፓ አ ኦቾደስ ቤዛነ።
\p ኔኒ Ꮉኖ ታማርሶደስን ኡን ኦቾደ ጋር ዞሮደስ ቤዛነ።
\s1 ዎርዶ ትምርተን ቱሪ ዱርቱሞ
\p
\v 3 ኦንን ዱማ ትምርተ ታማርስኮ፥ ኑ ላ የሱስ ክርስቶሳ ቱሪ ቃላራን ኑ አማኖ ትምርተራ ጊጎስ። 
\v 4 የ አ ኡቱራራ ኡርቂንታነ ፋትን አኮን ኤሮስ። ኡንትስ ፈቲ ቆፋላ አፋ ላሎደስን ካጭንቶደስ ኢታ አሞት የነ። ይናን ቅናተ፥ ካች፥ ጫሽ፥ ኢታ ሶኤ፥ 
\v 5 የንስ ጊጎሰ ላለ ካልነ። ማህ ኡንትስ ኢታ ዎዝና የነ፤ ቱርን ብዳ፤ ኡን ጾዝ አማንዛና ዱረትስ ኦገ ጋእ ቆፓነ።
\p
\v 6 የዝን ታስ የዛና ማቃዳ ጋዘ አስስ ጾዝ ጎይንዛና ዳማ ትርፈ። 
\v 7 ኑኒ Ꮉና አላምተ አኮን ክእካያ፤ ማህ ኢፓ አኮን ኤኪ ቅቶስ። 
\v 8 ኑስ ካን ማኦ የዝኮ ይና ማቃዳ። 
\v 9 የዝን ዱርቱሞ ኮይዙን ፋታና ግዳን ጽኬን ገላነ። ማህ ኡንታና ሱለ ዳፍዘን ብስዘ ኤያትን ቆህዘ አሞት ጎልአነ። 
\v 10 ሚሸ ሲቆ ኢታት ኡባስ ጻጶ። ፈታይ ፈታያ ሚሸ አሙተራ አማኖፓ ባልንቲ ጋማ አዛኖን ማ ግዳ ፋና ኦልዳ።
\s1 ጢሞትዮሳስ እንግንትደ ዞረን ኪታ
\p
\v 11 የዝን ናተ፥ ጾዘ አዮ፥ ይንፓ Ꮉኮ። ጽሎት፥ ጾዝ አዘ፥ አማኖ፥ ሲቆ፥ ዳንዳአን ዳልጋት ካሎ። 
\v 12 አማኖ ኦላ ሎይ ኦልንቶ። ጋማ አሱን ቲኖ ኔስ ማርክደ ነ አማንትባዝ፥ ጾዘ ነና ይንስ ጼግደ መዽና ደኦ አይኮ። 
\v 13 ኡባ ባዝስ ደኦ እንግዘ ጾዘ ቲኖን፥ ጰንጠ ጵላጦሳ ቲኖ ሎኦ ማርካ ማርክደ ክርስቶሳ የሱሳ ቲኖ ታ ነና ኪታነ። 
\v 14 ኑ ላ የሱስ ክርስቶሳ ቆንጮደ ዎንስ Ꮉኖ ኪቶ ባልንትካይዛራ ቦረ ባይዝን ናጎ።\x - \xo 6:14 \xo*\xt ዋሐ. 18:37\xt*\x* 
\v 15 ፋ ጻላላ ኡባ አህዘ ቦንቾ ጾዘ፥ ካቱን ካታይ፥ ላን ላ፥ ፋ ቆፕደ ቃምተ የሱስ ክርስቶሳ ማህ ኪቶዳ። 
\v 16 ፈተ ኤ ጻላላ Ꮉይቆስ። ኦደን ሺቆደስ ዳንዳኦሰ ፎኦ የነ። ኦደን ኤዛ ብእካያ፤ ማህ ቦኦደስን ዳንዳኦስ። ቦንቾን መዽና ዎልቃ ኤስ ማቀ። አምንኤ።
\p
\v 17 Ꮉና አላመ ዱሩን ጨር ብዘ ቆሎራ ኡቱራመ፥ ጬቃመን ኡፋይስ ጋዳመ ፋና ኦሆ። ኑስ ኮሽዘ ባዝ ጋን እንግዘ ኑና አንጅዘ፥ ዱረ ጾዘ ግዳ አማንንቶደ ፋና ኡንታና ኪቶ። 
\v 18 ኑኒ ሎኦ ኦቻ ኦቾደ ፋና ሎኦ ኦቻራ ዱርደ ፋና፥ ዳልጋን መሉንስ ግሽዙንና ማቃደ ፋና ኪቶ። 
\v 19 ይና ኡንትስ ቲኖስ ምን ባሳ ማቃደ ግሾ የ ዎደ ኡን ቱሪ ደኦ አኮ አዝዛኮ ኤሮዳ።
\p
\v 20 ጢሞትዮሳ፥ ነኒ ፈቲ ፈቲ አሱን፥ «ኤራት» ባይዘ ቦዛ ላለፓን ማዶሰ ኦሄፓ Ꮉኮ፤ ኔስ እንግንትደ Ꮉዳርቶ ናጎ። 
\v 21 ፈተ ፈተ ኑስ ኤራት የነ ያጋእተራ አማኖ አሽዳ።
\p ጾዘ አ ኬሃት ይን ኡቡንራ ማቀ።