\id 1TH - Oyda New Testament
\ide UTF-8
\h 1 ተሰሎንቄ
\toc1 ጳዉሎሳ ተሰሎንቄ አሱንስ ጻፍደ ቲኖ ኪታ
\toc2 1 ተሰሎንቄ
\toc3 1 ተሰ.
\mt1 ጳዉሎሳ ተሰሎንቄ አሱንስ
\mt2 ጻፍደ ቲኖ ኪታ
\imt1 ገለ
\ip ተሰሎንቄ፥ ሮመ ጋደ የዘ መቀዶንያ አዉራጃስ ዋና ካታማ። ጳዉሎሳ ፍልጵስዩሳ አሺᎹንግደፓ ሱባ ተሰሎንቄ ዎሳ ኬ ኤስዳ። ማቆየዝን፥ አይሁዱን አማንቶ ኤኮደስ ጊግንቲ በትደ አይሁደ ማቆሰ አሱን፥ ጳዉሎሳ ታማርስዘ፥ ክርስትና አማኖ ትምርትተ ኤካንጽደ ግሾ አይሁዱን ቃናቲ፥ ጳዉሎሳ ትምርትቶ እጺ ጳልቂዳ። ይኒ ግሾ፥ ጳዉሎሳ ጋምእካይዝን ተሰሎንቄ አሺ፥ ቤርያ ቅትዳ (1:9-10)። ሱባፓ ኤ ተሰሎንቄ የልደ ዎደ ኤዛ ማድዘ ጢሞትዮሳ ተሰሎንቄ ዎሳ ኬ Ꮉንዳኖ ኤስ ጌሽ ኦህዳ።
\ip ጳዉሎሳ ቲኖ ኪቶ ተሰሎንቄ አሱንስ ጻፍደ፥ አማንዘ አሱንና ዞሮደስን ምንደስ። ኤ ኡን አማንትስን ኡን ሲቅትስ ሎኦ ማርካትቶ ስእደ ዎደ ጾዛ ጋላታነ። ቲኖ ኤ ኡን ግዳ የዘ ዎደ አኮ ፋና የስ የዘዛኮ ኡንታና ቲርዛነ። ይንፓ ክርስቶሳ ላምእን የእትባዝ ኦጭንትደ ኦችትስ ማሄ እንግዳ። ይና ኦችትፓ ፈተ፥ «ክርስቶሳ ላምእን የእትፓ ቲኖ Ꮉይቂደ አማንዘ አሱን ክርስቶሳ የእታ እንግዘ መዽና ደኦ ኤኮደስ ዳንዳእነ? ክርስቶሳ ላምእን ዮኦደ አይደ?» ጋእንትዛንፋና። ጳዉሎሳ ይና ዎትደ ዎድቶ ማድንቲ፥ «ክርስቶሳ ላምእን የኤ ኡፋይሳር ናግተር ኤ ዮኦደ የሎደስ ዎፑ ጋእ ይን ኦችቶ ኦቾተ» ያጋእ ዞራነ።
\iot ኣፈ ቆፉን
\io1 ገለ ቆፋ \ior 1:1 \ior*
\io1 ጳዉሎሳ ኡፋይስቶን ጋላታ \ior 1:2—3:13 \ior*
\io1 አማንዘ አሱንና ደኦጎ ካል \ior 4:1-12 \ior*
\io1 ክርስቶሳ ላምእን የኤ ባዝ \ior 4:13—5:11 \ior*
\io1 ዉርሱ ዞረ \ior 5:12-22 \ior*
\io1 ጻ ቆፋ \ior 5:23-28 \ior*
\c 1
\p
\v 1 ጳዉሎሳ ስላሰን ጢሞትዮሳ ተሰሎንቄ ዎሳ ኬ የዘ አሱንስ፥ ጾዘ አደስን ላ የሱስ ክርስቶሳስ ማቅደ አሱንስ ጻፍደ ኪታ።
\p \x - \xo 1:1 \xo*\xt ሐዋ. 17:1\xt*\x*አ ኬሃትን ሳሮ ይንትስ ማቀ።
\s1 ተሰሎንቄ አሱን የሲን አማኖን
\p
\v 2 ኑኒ ጾዝ ዎስዘ ዎደ ኡባ ይንታና ቆፕተራ ይን ግሾ ኡባ ዎደ ጾዛ ጋላታነ። 
\v 3 ጾዘ ኑ አዳይ ቲኖ አማኖራ ይን ኦችደ ኦቻ፥ ሲቆራ ይን ላብደ ላብቶ የሱስ ክርስቶሳራ የዘ ኡፋይስቶ ኤኮደስ ይን ሚንግ ኤቅደ ኤቅቶ ኡባ ዎደ ቆፓነ።
\p
\v 4 ኑ እሹን፥ ጾዚ ይንታና ካዛኖን ፋ ባዝ ማህ ይንታና ዶርዳኖ ኤራነ። 
\v 5 አኮስ ጋይኮ፥ ኑኒ ዎንገለ ዶናራ ጻላላ ባይዝን ዎልቃራ፥ ጌሽ አያናራን ዎንገለ ምን አማኖራ ይንትስ ክእዳ። ኑኒ ይንታራ ጋምእደ ዎደ ኡባ ይን ግሾ ዋይዝ የዘዛኮ ይን ኤራነ። 
\v 6 ይን ጋማ ማ ኤክኮን ጌሽ አያና እንግዘ ኡፋይሳራ ኪቶ ኤክዳ፤ ኑናን ኑ ላ አዝዙንና ማቅዳ። 
\v 7 ይኒ ግሾ፥ መቀዶንያን አካያ አዉራጃ የዘ አማንዘ ኡቡንስ አዝዘ ማቅዳ።\x - \xo 1:7 \xo*\xt ሐዋ. 17:5-9\xt*\x* 
\v 8 ላ ቃላ ይንታፓ ኬዚ፥ መቀዶንያን አካያ ጻላላስ ባይዝን ጾዛ ይን አማንዛና ኡባ በሳ ስንትዳ። ይኬ፥ ኑ ጋዉደ ባዝ አኮን ባያ። 
\v 9 ኑኒ ይንታጎ Ꮉንግደ ዎደ ይን ኑና ሞክደ ሞክተ ይን፥ ይን ኤቅቶ አሺ ቱሮን ደኦ ጾዛ ማዶደስ ይን ማቅዳኖ ኡን ፋ ኦምተ ኦህነ። 
\v 10 ማህ ጾዘ ናአያ፥ የሱሳ፥ ጾዚ Ꮉይቆፓ ደንዳኖ፥ ቲኖፓ ዮኦደስ የዘ ጾዘ Ꮉንቆፓ ኑና አሾዳያ፥ ሳሎፓ ዮኦዳያ ይን ናግዛኖ ማርክነ።
\c 2
\s1 ጳዉሎሳ ተሰሎንቄ ኦችደ ኦቻ
\p
\v 1 ታ እሹን፥ ኑኒ ይንታጎ Ꮉንግዳና Ꮉሪ ባይዛኖ ይን፥ ይን ኦምተ ኤራነ። 
\v 2 የዝን ኑኒ ይንታጎ ተሰሎንቄ ዮኦደፓ ቲኖ ፍልጵስዩሳ ካታማ ዋይንተዛኖን ጫዥንትዳኖ ይን ኤራነ። ጋማ ኑና እጽዘ የዝኮን ይንትስ ኤ ዎንገለ ኦሆደ ፋና ጾዚ ኑስ ምንትሞ እንግዳ። 
\v 3 ኑኒ ይንታና ዞርደ ባልራ ዎይ ጭሞራ ዎይ ገነራ ባያ።\x - \xo 2:3 \xo*\xt ሐዋ. 16:19-24፤ 17:1-9\xt*\x*
\p
\v 4 የዝን ጾዚ ኑና ቤዙንና ጋእ ፋይድደ ግሾ ዎንገለ ኦሆደ ፋና ኑስ Ꮉዳራ እንግደ ግሾ ኦህነ። ኑ ይኖ ኦችዘ ኑ ዎዝንቶ በእዘ ጾዛ ኡፋይሶደስ ፋትን አስ ኡፋይሶደስ ባያ። 
\v 5 ኑ ሚሸ ዥምባሪ ዎርዶ ይንታና ሳብተራ ይንታጎ ይእካይዛኖ ሎይ ኤራነ፤ ጾዚ ኑስ ማርካ። 
\v 6 ኑኒ ይንታፓ ማቅን ዎይ መለ አስ ኦደፋን ቦንቾ ኮይካያ። 
\v 7 ኑኒ ክርስቶሳ ሐዋረ ማቅዳን ፋና ኑስ ኮሽዘ ባዝ እንጎተ ጋእ ኤኮደስ ዳንዳአነ፥ የዝን እንታ ፋ ናኡንና ድችዛን ፋና ይን ግዳ አሽከ ማቅዳ። 
\v 8 ኑ ይንታና ካደ ግሾ ጾዘ ዎንገለ ይንትስ ሻከ ጻላላ ባይዝን ኑ ሸምፕቶ ይንትስ እንጎደስ ጊግዳ። ይን ኑስ ጋማ አልኦ። 
\v 9 ኑ እሹን፥ ኑ ኦችቶን ኑ ላብቶ ኤራነ። ይንትስ ጾዘ ዎንገለ ኦህተራ፥ ይንታና ዋይመ ፋና ቃማን አዋራ ኦችዳ።
\p
\v 10 ኑ የስታ ይን አማንዙን ካለን ጾዘ ቲኖ ጌሽ፥ ጽሎን ቦርንቶሱንና ማቅዛንስ ይንትን ጾዝን ማርካ። 
\v 11 ኑኒ ይንትስ ኦምተ ኦምተ የልዱን ፋ ናኡንስ ኦችዛን ፋና ኦቾዳኖ ኤራነ። 
\v 12 ኑ ይንታና ዞርዳ፥ ምንዳ። ማህ ፋ ካእቱምቶን ፋ ቦንችቶ ግሽንቶደስ ይንታና ጼግደ ጾዛ ኡፋይስዘ ደኦ ይን የሳደ ፋና ይንትስ ምን ኦህዳ።
\p
\v 13 ይንትስን ኑኒ ጾዘ ቃላ ኦህደ ዎደ አስ ቃላ ፋና ባይዝን ጾዘ ቃላ ፋና ስእ ኤክደ ግሾ ኑኒ ኡባ ዎደ ጾዛ ጋላታነ። ኤ ቱሪ ጾዘ ቃላ፤ ጾዘ ቃላ አማንዘ ይን ግዳ ኦቻነ።
\p
\v 14 ታ እሹን፥ ይን ይሁዳ ሳአ የዘ ዎሳ ኬተን የይጋ ክርስቶሳ የሱሳ ካልዘ አሱን ፋና Ꮉንዳ። ኡን አይሁዱን ዋይዛንፋና ይንታናን ይን ሳአ የዘ አሱን ዋይዳ። 
\v 15 የን አይሁዱን ላ የሱሳን ናቡንና ዎዳ፤ ማህ ኑና ባይእዳ። ኡን ጾዛ ኡፋይሶሱንናን አስ ኡባ እጽዙንና።\x - \xo 2:15 \xo*\xt ሐዋ. 17:5\xt*\x* 
\v 16 ኡን መለ አቶ የዝን፥ አይሁደ ማቆሰ አሱንን አቶደ ፋና ኑኒ ኡንትስ ቃላ ኦህዛኖ ካያነ። ይኒ ጋር ዪዚ ኡን ናጋርት ጹእታ ኩሞደ የሎደስ ኡባ ዎደ ናጋራ ኦቻነ። ዉርሱተ፥ ጾዘ ካች ኡንታላ አፋ ዎነ።\x - \xo 2:16 \xo*\xt ሐዋ. 9:23፥ 29፤ 13:45፥ 50፤ 14:2፥ 5፥ 19፤ 17:5፥ 13፤ 18:12\xt*\x*
\s1 ጳዉሎሳ ተሰሎንቄ አሱንና ማህ በአደስ አሙዳ
\p
\v 17 የዝን ኑ እሹን፥ ኑኒ ኑ አያናራ ባይዝን አሾራ ይንታፓ ሻክንት ኤራ ዎደ ጋምእዳነ ይንታና ጋማ አሙ በአደስ ኮይዳ። 
\v 18 ኑ ማቂ ይንታጎ Ꮉንጎደስ ኮይዳ። ታኒ ታ ኦምተ ይንታጎ Ꮉንጎደስ ኮይዳ፥ የዝን ጻላሄ ኑና ካይዳ። 
\v 19 ይኬ፥ ኑ ላ የሱስ ክርስቶሳ የእዘ ዎደ ኑ ኡፋይስታ ዎይ ኑ ጬቅንትዘ ኑ ዎይቱን ኦደ? ይንታና ባነ? 
\v 20 ቱሮ ይን ኑስ ቦንቾን ኑስ ኡፋይስ።
\c 3
\p
\v 1 ይኒ ግሾ፥ ኑ ይንታና በአንጽዳነ ኑስ ገንጮደስ ዳንዳእንታንጽን፥ አቴና ካታማ ኑ ጻላላ አቶደስ ቆፋ አጭዳ። 
\v 2 ይንታና ዞሮደ ፋና አማኖራ ይንታና ምንደ ፋና ኑራ ዎላ ጾዝስ ኦችዛን ክርስቶሳ ዎንገለ ኦህዘ ኑ እሻይ ጢሞትዮሳ ይንታጎ ዳክዳ።\x - \xo 3:2 \xo*\xt ሐዋ. 17:15\xt*\x* 
\v 3 ይናን ይንታና የልደ ዋይተ ይንታፓ ኦደን ሱብ ማቅፈ። ይና ዋይታ ኑስ ጾዘ ቆፋ ማቅዳኖ ይን፥ ይን ኦምተ ኤራነ። 
\v 4 ኑ ይንታራ የዘ ዎደ ዋየ ኑና የሎዳኖ ይንትስ ቲን ኦህዳ። ይን ኤርዛን ፋና Ꮉንዳ። 
\v 5 ይኒ ግሾ፥ ታስ ገንጮደስ ዳንዳእንታንጽን፥ «ኦደ ኤርዘ ጻላሄ ኡንታና ፋታኒ ኑ ላቢቶ ጨር አሽካይዛራ አታማ» ጋእ ይን አማንትባዝ ኤሮደስ ጢሞትዮሳ ይንታጎ ኪትዳ።
\p
\v 6 Ꮉተ ጢሞትዮሳ ይን ካለፓ ይእ፥ ይን አማንትባዝ ይን ሲቅትባዝ ሎኦ ዎረ ኦህዳ። ማህ ይን ኡባ ዎደ ኑስ ሎኦ ቆፕዛኖን ኑኒ ይንታና በአደስ አሙዛኖ ይን ኑና በአደስ አሙዛኖ ኤ ኑስ ኦህዳ። 
\v 7 ታ እሹን፥ ኑና የልዘ ዋይተን ማተ ማቅኮን ይን አማንቲ ግሾ ምንግዳ።\x - \xo 3:7 \xo*\xt ሐዋ. 18:5\xt*\x* 
\v 8 ይን ላራ ሚንግ የዝኮ ኑስን ደኦ። 
\v 9 ይኬ፥ ኑኒ ይን ባጋራ ደንግደ ኡፋይስትስ ጾዛ ዋይዝ ጋላቶደ? 
\v 10 ኑኒ ይንታና በአደስን ይን አማንተ ፋጭደባዝ ኩንደስ ቃማን አዋራ ኑ ኩሙ ዎዝንተ ጾዝ ዎሳነ።
\p
\v 11 ጾዘ ኑ አዳይ ፋ ኦምተ ኑ ላ የሱስ ኑ ይንታጎ Ꮉንጎደ ኦግቶ ጊግዞ። 
\v 12 ኑ ይንታና ጋማ ካዛን ፋና ላ ይንታና ፈታያ ፈታያ ሲቅዘ ሲቅተ አስ ኡባ ሲቆ ይንትስ ጋን ጉጆ። 
\v 13 ኑ ላ የሱስ ክርስቶሳ ፋ ጌሹንራ ይእዘ ዎደ ጾዘ፥ ኑ አዳይ ቲኖ ይን ዎዝንታ ጌሽን ቦረ ባይዛ ማህ ኤ ይንታና ምን።
\c 4
\s1 ጾዛ ኡፋይስዘ የሲ
\p
\v 1 ዉርሱተ፥ ታ እሹን፥ ጾዛ ኡፋይሶደስ ይን ዋይዝ የሳደስ ቤዝዛኮ ኑፓ ታማርዳ። ይኖ ይን ቲኖፓ የዝደ የስ፥ የዝን Ꮉተ ይን ቲኖስትፓ አ ኦቾደ ፋና ላ የሱሳ ቲኖ ይንታና ዎሳነን ዞራነ። 
\v 2 ኑ ላ የሱሳ ሱንተ አኮ ኪታ እንገዛኮ ኤራነ።
\p
\v 3 ጾዚ፥ ይን ጌሽ ማቃደ ፋናን ኦላለ Ꮉንታመ ፋና ኮያነ። 
\v 4 ይን ፈታይ ፈታይ፥ ይን ማቹንራ ጌሻትራን ቦንቾራ የሳደስ ቤዛነ። 
\v 5 ጾዛ ኤሮሰን አማኖሰ አስ ፋና ኦላለ Ꮉንተራ አሞራ ኤጽንትፐተ። 
\v 6 ኑ ዛጋ ይንትስ ኦህዳን ፋና ምን ዞሪዳንፋና ላ ይኒ ፋና ኦችዛ ኡባ ፍርድዘ ግሾ ኦንን Ꮉንሳራ ፋ አማንዘ እሻያ ቆሆደስን ጭሞደስ ቤዞስ። 
\v 7 ጾዚ ኑኒ ጌሻትራ የሳደ ፋና ፋትን ቱኒ የሳደ ፋና ጼግካያ። 
\v 8 ይኒ ግሾ፥ Ꮉና ትምርትት ቆፍቶ እጽዘ ኦደን ይንትስ ጌሽ አያና እንግደ ጾዘ ቆፋ እጻነ ፋትን አስ ባያ።
\p
\v 9 ይን ፈታይ ፈታይ ዋይዝ ሲቆድየዛኮ ጾዚ ይንታና ታማርስደ ግሾ Ꮉተ ሲቆባዝ ኑ ይንትስ ጻፎደስ ቤዞስ። 
\v 10 ማህ መቀዶንያ የዘ አማንዙንና ኡባ ቱሮ ይን ካነ። የዝን ኑ እሹን፥ Ꮉተን ይን ኡንታና አ ካደ ፋና ይንታና ዎሳነ።
\p
\v 11 ኑኒ ቲኖ ይንትስ ኦህዳን ፋና ዎፑ ጋይደ የስ የዞተ። ይን፥ ቤዝዘ ኦቻ ኦቺ ይንትስ የሳደስ ኮሽዘ ባዝ ደንጎተ። 
\v 12 ይኒ ፋና Ꮉንኮ፥ አማኖሰ አሱን ካለ ይን ቦንችንቶዳ፤ ማህ ይንታና ኮሽዘ ባዝስ ኦደስን አዳሻማ።
\s1 ላ የኤ ባዝ
\p
\v 13 ኑ እሹን፥ አማኒ Ꮉይቅደ አሱን Ꮉኖደባዝ ይን ኤሮደ ፋና ኮያነ። ይን ኡን ግሾ ኡፋይስ ባይዘ አስ ፋና አዛንፈተ። 
\v 14 ኑኒ፥ የሱሳ Ꮉይቅዳኖን ማህ Ꮉይቆፓ ደንድዳኖ አማናነ። ይኒ ጋር፥ ጾዚ የሱሳ አማኒ Ꮉይቅዱንና ኤራ ዎላ ኮኦዳኖ አማናነ።
\p
\v 15 ላ ኑስ ኦህዳን ፋና ላ የእዘ ቃማ ኤራ የልንቶደስ ኑኒ ፋጻ የዙን፥ Ꮉይቅዱንፓ ቲኖስ። 
\v 16 ላ ዳማ ኪታ ኦራ፥ ኪታንቹን Ꮉላቃ ኦራ፥ ጾዘ ሞይዘ ኦለራ፥ ሳሎፓ ዎዳ። ክርስቶሳ አማኒ Ꮉይቅዱን ቲኒ Ꮉይቆፓ ደንዶዳ።\x - \xo 4:16 \xo*\xt 1 ቆሮ. 15:51-52\xt*\x* 
\v 17 ይንፓ ሱባ፥ የ ዎደ ኑኒ ፋጻ የዙን፥ ላራ ነላ የልንቶደስ ኡንታራ ዎላ ሳሎ ኤክንቶዳ። ይንፓ ሱባ፥ ኑኒ ላራ ዎላ መናስ የሳዳ። 
\v 18 ይኒ ግሾ፥ Ꮉና ቃልተ ፈታይ ፈታያ ምንተ።
\c 5
\s1 ላ የእቶ ጊጊ ናጎተ
\p
\v 1 ታ እሹን፥ Ꮉና Ꮉኖደ ዎደን አግና ይንትስ ጻፎደስ ኮሾስ። 
\v 2 ላ ቃምታ ካይዞ ቃማ የእዛን ፋና ዮኦዳኖ ይን ሎይ ኤራነ። 
\v 3 አሱን፥ «ሳአ ሳሮ፥ አኮን Ꮉኖስ» ያጋዝን፥ ማቾ የሎ ኤ አይክዛን ፋና በ ኡን ቆፕካይዝን ኡንታላ አፋ ዮኦዳ። ኡን አኮ ኦገራን ከስ ኤካማ።\x - \xo 5:3 \xo*\xt ማቶ. 24:43፤ ሉቃ. 12:39፤ 2 ጴጥ. 3:10\xt*\x*
\p
\v 4 የዝን ኑ እሹን፥ ይና ቃምታ ይንትስ ካይዞ የእዛን ፋና ዮኦደስ ይን ማ ባያ። 
\v 5 ይን ኡባ ፎኦ አስን አዋራ የዘ አስ፤ ኑኒ ቃማ አስ ዎይ ማ አስ ባያ። 
\v 6 ይኒ ግሾ፥ ኑኒ መሉን ገንትዛን ፋና ገንቶደስ ቤዞስ፤ ኑኒ ባርኮደስን ጊጊ የሳደስ ቤዛነ። 
\v 7 ገንትዙን ቃማ ገንታነ፤ ማንትዙን ቃማ ማንታነ። 
\v 8 የዝን ኑኒ አዋራ አስ ማቅደ ግሾ ጊጊ የሳደስ ቤዛነ። አማኖን ሲቆ ጹሩረ ፋና ማእ፥ አቶት ኡፋይስ ኦማ ጋድዘ ኦላ መቆ ባርኔጻ ጋዲ የሳደስ ቤዛነ። 
\v 9 ጾዚ ኑና ኑ ላ የሱስ ክርስቶሳ ባጋራ ኩሙ አቶት ኤኮደ ፋና ዶርዳ ፋትን ካችስ ዶርካያ።\x - \xo 5:9 \xo*\xt ኢሳ. 59:17፤ ኤፈ. 6:13-17\xt*\x* 
\v 10 ኑኒ ፋጻ የዝኮ ዎይ Ꮉይቂኮ፥ ክርስቶሳ የእዘ ዎደ ኤራ ዎላ የሳደ ፋና ክርስቶሳ ኑ ግሾ Ꮉይቂዳ። 
\v 11 ይኒ ግሾ፥ ይን ቲኖ ኦችዛን ፋና፥ ፈታይ ፈታይራ ዞርንቶተን ምንተ።
\s1 ዉርሱ ዞረን ሳር
\p
\v 12 ኑ እሹን፥ ይን ግዳ ኦቺ ላብዙንና፥ ላ ሱንተ ይንታና ካልደ ፋናን ዞሮደ ፋና ዶርዱንና ቦንቾደ ፋና ይንታና ዎሳነ። 
\v 13 ኡን ኦችዘ ኦችት ግሾ ኡንታና ጋማ ቦንቾተን ሲቆተ። ፈታይ ፈተራ ሳሮራ የዞተ።
\p
\v 14 ኑ እሹን፥ ኑኒ ይንታና ዞራነ። ቦዙንና ካጮተ፤ ዣሽትዙንና ምንተ፤ ላብዱንና ማዶተ፤ አስ ኡባ ዳንዳኦተ። 
\v 15 ኦደን ኢታ ግሾ ኢታ ማሀመ ፋና ናግንቶተ። ይን ዎልስን አስ ኡባስ ሎኦ ባዝ ኦቾደስ ምንጎተ።
\p
\v 16 ኡባ ዎደ ኡፋይቶተ። 
\v 17 ኡባ ዎደ ጾዝ ዎሶተ። 
\v 18 ኡባ ባዛ ጋላቶተ። ክርስቶስ የሱሳ ባጋራ ጾዚ ይንታፓ ኮይዛና ይኖ።
\p
\v 19 ጌሽ አያና ታማ ብስፐተ። 
\v 20 ትንቢተ ቃላ ለቅፐተ። 
\v 21 ኡባ ባዝ ፋታኖተ፤ ሎኦ ባዝ ኤኮተ። 
\v 22 ኢታ ባዝ ኡባፓ Ꮉኮተ።
\p
\v 23 ሳሮ እንግዘ ጾዘ ፋ ኦምተ ይንታና ጌሾ። ኑ ላ የሱስ ክርስቶሳ ዮኦደ ቃማስ፥ ጾዚ ይን አያና፥ ይን ሸምፕቶን ይን ኩሙ ጋልቶ ቦረ ባይ ናጎ። 
\v 24 ይንታና ጼግዘ አማንንትዳያ ማቅደ ግሾ ይኖ ኤ ፎሎዳ።
\p
\v 25 ኑ እሹን፥ ኑስ ጾዝ ዎሶተ።
\p
\v 26 አማንዘ አሱንና ኡባ ጌሽ ዬርንተራ ሳርተ።
\p
\v 27 ይን Ꮉና ኪቶ አማንዘ አስ ኡቡንስ ናባቦደ ፋና ላ ሱንተ ይንታና ዎሳነ።
\p
\v 28 ኑ ላ የሱስ ክርስቶሳ አ ኬሃት ይንታራ ማቀ። አምንኤ።