\id 1PE - Oyda New Testament
\ide UTF-8
\h 1 ጴጥሮሳ
\toc1 ጴጥሮሳ ጻፍደ ቲኖ ኪታ
\toc2 1 ጴጥሮሳ
\toc3 1 ጴጥ.
\mt1 ጴጥሮሳ ጻፍደ
\mt2 ቲኖ ኪታ
\imt1 ገለ
\ip ሐዋረ ጴጥሮሳ ጻፍደ ቲኖ ኪታ ጻፍንትደ፥ «ዶርንትደ ጾዘ አሱንና» ጋእንት ጼግንትዱንስን ኤራ እስያ ግዳ ዎካ ዛላራ ላልንትደ አማንዘ አሱንስ። Ꮉይ ኪትዘስ ኣፈ ቆፍታ፥ አማኖ ምክናተራ ማን ዋየ የልደ አሱንና ምንደስ። Ꮉይ ማጻፍዘ ጻፍዘ፥ ኤ Ꮉይቅቶ፥ ኤ ደንድቶ፥ ኤ ላምእን የእቶ ኦህዘ የሱስ ክርስቶሳ ዎንገለ ቃላ ኡንታና ቆፍዛነ። የሱስ ክርስቶሳ ደኦ አዝዘ ማህ ብእ፥ ማቶ ዳንዳአራ ፋዶደ ፋና ኡንታና ቆፍዛነ። ይንራ የል፥ ማ ኡን አማንቲ ጌሻትቶ ፋታንዛኖን፥ «የሱስ ክርስቶሳ ቆንጭዘ ቃማ» ቤዝዘ አንጆ ኡን ኤኮደስ የዛኖ ቆፍዛነ።
\ip ጻፍዘ፥ ኡን ማ ዳንዳኦደ ፋና ምንዛንላ አፋ ክርስቶሳ ካልዘ አሱን የዛን ፋና የሳደ ፋና ቆፍዛነ።
\iot ኣፈ ቆፉን
\io1 ሳር \ior 1:1-2 \ior*
\io1 ጾዚ ኑስ እንግደ አቶት \ior 1:3-12 \ior*
\io1 ጌሻት የስ \ior 1:13—2:10 \ior*
\io1 ማ ዎደ አማንዘ አሱን Ꮉኖደስ ቤዝዘ ባዝ \ior 2:11—4:19 \ior*
\io1 ጭሙንስን ናአቱንስ እንግንትደ ዞረ \ior 5:1-11 \ior*
\io1 ጻ ቆፋ \ior 5:12-14 \ior*
\c 1
\p
\v 1 ታኒ፥ የሱስ ክርስቶሳ ሐዋረ ጴጥሮሳ፤ ጳንጦሰ፥ ጋላትያ፥ ቃጳዶቅያ፥ እስያን ብቲንያ ጋደ ላልንቲ በተ የዘ ጾዚ ዶርደ፥ አሱንስ Ꮉይ ዳብዳቢዛ ጻፍዳ። 
\v 2 ጾዚ አደ ቲኒ ቆፕደ ባጋራ ዶርንትዱንስ የሱስ ክርስቶሳስ ኪትንቶደስን ኤ ሱተ ዉጹርክንትዱንና ጌሽ አያናራ ጌዥዱንስ፥ አ ኬሃትን ሳሮት ማቀ።
\s1 ደኦ ኡፋይስ
\p
\v 3 የሱስ ክርስቶሳ Ꮉይቆፓ ደንደ ባጋራ ፋ ዳማ ማሮት ክለ የልንተራ ቦሰ ኡፋይስ እንግደ ኑ ላ የሱስ ክርስቶሳ አዳይ፥ ጾዘ ጋላትንቶ። 
\v 4 ማህ ጾዚ ይንትስ ቦሰ፥ ኢቶሰን ቡቆሰ አንጆ ሳሎ ጊግዝዳ። 
\v 5 ይና አንጅታ ዎደ ዉርሱተ ቆንጮደስ የዘ አቶትትስ ጾዘ ዎልቃራ አማኖራ ይንትስ ናግንቲ የነ።
\p
\v 6 Ꮉተ ኤራ ዎደ ይን ዱማ ዱማ ፋታና ኡንእንትኮን ይነ ኡፋይቶተ። 
\v 7 ይና ፋታንታ ይንታና የልዳና፥ ታማ ኦልን ብዘ ዎርቃፓ ይን አማንታ አን ቱሮ ማቅዛኖ ቤሳደስ። ይና ፋታንትደ አማንተ የሱስ ክርስቶሳ ላምእን ቆንጭዘ ዎደ ጋላታ፥ ቦንቾን ናሾ ይን ኤኮዳ። 
\v 8 ይን የሱሳ ብእካያ፥ የዝን ኤዛ ካነ። ይን Ꮉተ ኤዛ ብእካይዘ ባዝ ማቅኮን፥ ኤዛ አማናነ። ማህ ኦሄራ ቆንጭሳደስ ዳንዳእንቶሰ ኡፋይሳራን ቦንቾራ ኩምዳ። 
\v 9 ይን አማኖራ ናግዘ ይን ሸምፕት አቶት ደንጎዳ።
\p
\v 10 ጾዛፓ ማቅደ አ ኬሃት ባጋራ ይንትስ ማቅደ Ꮉና አቶትትባዝ ናቡን ኤሮደስ ጋማ ቁርቸራ ምን ኮይዳ። 
\v 11 ኡን ግዳ የዘ ክርስቶሳ አያና ኤ ዋይት ባዝን ይንፓ ሱባ ዮኦደ ቦንችትባዝ ቲኒ ማርክተራ፥ አይደ ዎይ ዋይዝ Ꮉኖደ የዛኮ ቆፒ ቁርችዳ። 
\v 12 ናቡን ኦህደ ትንቢታ ፋ ኦማስ ባይዝን ይንትስ ማቅዳኖ ጾዚ ይንትስ ቆንጭዝዳ። Ꮉተ አሱን ይንትስ ኦህደ ዎንገለ ሳሎፓ ኪትንትደ ጌሽ አያና ዎልቃራ ይንትስ ኦህዳ። ኪታንቹንን ይኖ በአደስ አሙዳ።
\s1 ጌሻትራ የዘ
\p
\v 13 ይኒ ግሾ፥ ኦቻስ ይንታና ጊግዞተ፤ ይንታና አሆተ። የሱስ ክርስቶሳ ማህ ቆንጭዘ ዎደ ይን ኤኮደ ዳማ አቶት አ ኬሃት አንጆ ኡፋይሳራ ካፎተ። 
\v 14 ጾዘ ናኡን ፋና ኤስ ኪትንቶተ፤ ይን ቲኖ ኤርካይዛራ ኦችደ ኢታ አሞ ካልፐተ። 
\v 15 የዝን ይንታና ጼግደ ጾዘ ጌሽ ማቅዳን ፋና ይንትን ይን የስተ ኡባ ጌሽ ማቆተ። 
\v 16 ጌሽ ማጻፍተ፥ «ታኒ ጌሽ ማቅደ ግሾ ይንትን ጌሽ ማቆተ» ጋእንት ጻፍንትዳ።
\p
\v 17 አስስ ስኖ ብእካይዛራ ኤ ኦችት ፋና ፍርድዘ ጾዛ፥ «ኑ አዳዮ» ጋእ ጼግዘባዝ ማቅኮ፥ Ꮉነ ሳአ ዛቆት የስተ ዣሽሞራ የዞተ።\x - \xo 1:17 \xo*\xt ሌዌ 11:44-45፤ 19:2\xt*\x* 
\v 18 ይን፥ ይን አዱንፓ ላትደ ፋሰ የሳፓ ዎዝንትደ፥ ብዘ ብራራ ዎይ ዎርቃራ ባይዛኖ ኤራነ። 
\v 19 የዝን ይን ዎዝንትዳና ቦረ ዎይ ሳንከ ባይዘ ጌሽ ዱሮ ሱ ፋና አልኦ ማቅደ ክርስቶሳ ሱተ። 
\v 20 ጾዚ አላመ መንቶዳንፓ ቲኖ ክርስቶሳ ዶርዳ፥ የዝን ይና ዉርሱ ዎድተ ክርስቶሳ ይን ግሾ ቆንጭዳ። 
\v 21 ይን አማንታን ይን ኡፋይስታ ጾዛራ ማቃደ ፋና ኤዛ Ꮉይቆፓ ደን፥ ቦንችደ ክርስቶሳ ባጋራ ጾዘ ግዳ አማናነ።
\p
\v 22 ይን ቱርስ ኪትንትተራ ጩቦ ባይዘ እሽቱሞ ካ ይን ሸምፕተ ምን ፈታይ ፈታያ ዎዝናፓ ዎል ካተ።
\p
\v 23 ይን ላምእን የልንትዳና ብዘ ኮቻፓ ባይዝን መዽና የዘ ጾዘ ቃላ ቦሰ ኮቻፓ የልንትዳ። 
\v 24 ጾዘ ቃላ፥
\q1 «አስ ኡባ ማታ ፋና፤
\q2 ኤ ቦንችታ ኡባ ፉ ፋና።
\q2 ማታ መላነ፥ ፉታን ጉፋነ።
\q2
\v 25 የዝን ላ ቃላ መዽና የነ»\x - \xo 1:25 \xo*\xt ኢሳ. 40:6-8\xt*\x*
\m ያጋይዳ። ይንትስ ኦህንትደ ዎንገለ ቃልታ Ꮉኖ።
\c 2
\s1 ደኦ ሹችን ጌሽ ዎርዣ
\p
\v 1 ይኬ፥ ኢታት ኡባ፥ ጭሞ ኡባ፥ ጩቦት ቅናተን ዝግርስ ኡባ ይንታፓ Ꮉሶተ። 
\v 2-3 ላ ዳልጋ ማቅዳኖ ይን ኤርዛን ፋና Ꮉተ የልንትደ ዦጋ ናኡን ፋና ይን አቶትተ ኤ ግዳ ድጭተራ Ꮉንጎደስ ጾዘ ጌሽ ቃላ ማቶ ኡባ ዎደ አሙተ።
\p
\v 4 አሳራ ቦርንቲ ጾዛራ ዶርንትደ ቦንቾ ማቅደ ደኦ ሹች፥ ላ የሱሳጎ ሺቆተ።\x - \xo 2:4 \xo*\xt ማዝ. 34:8\xt*\x* 
\v 5 ይን አያና ኬ ኬጽንትዘ ደኦ ሹቹንና። ይን የሱስ ክርስቶሳ ባጋራ ጾዚ ኡፋይስዘ አያና ዣርሾ ዣርሽዘ ጌሽ ካህኑንና። 
\v 6 ጌሽ ማጻፍተ፥
\q1 «Ꮉይቼ፥ ታኒ ጽዮነ ካታማ፥
\q2 ዶርንትደ፥ ቦንቾ ማይዘነ ሹች ጋድዳ፤
\q2 ኤዛ አማንዘ ሞሎን ዬልስ»
\m ያጋይዳ። 
\v 7 Ꮉይ ሹችዘ ይንትስ አማንዙንስ ቦንቾ፥ የዝን አማኖሱንስ፥\x - \xo 2:7 \xo*\xt ኢሳ. 28:16\xt*\x*
\q1 «ኬጽዙን ቦሪ አሽደ ሹችዘ
\q2 ኡባፓ አዘ ማይዘነስ ኦማ ሹች ማቅዳ።»
\m
\v 8 ማህን፥ ጌሽ ማጻፍተ፥\x - \xo 2:8 \xo*\xt ማዝ. 118:22\xt*\x*
\q1 «Ꮉይ ሹችዘ አስ ቢዘ ሹችን
\q2 አስ ጎልእዘ ላላ»
\m ያጋይዳ። ኡን ይንስ ጋእንትደ ግሾ ጾዘ ቃላስ ኪትንታንጽ ቡንታነ።
\p
\v 9 የዝን ጾዚ ማፓ ጋማ ቆፍዘ ፋ ፎኦጎ ይንታና ጼግደ፥ ይን ኤ ሎኦትቶ መሉንስ ኦሆደስ ዶርንትደ ኮች፥ ካት ካህነን፥ ጌሽ ዎርዣን ጾዝስ ዱማ ዎርዣ።\x - \xo 2:9 \xo*\xt ኢሳ. 8:14-15\xt*\x* 
\v 10 ይን ዛጋ ጾዘ ዎርዣ ባያ፥ የዝን Ꮉተ ይን ኤ ዎርዣ። ይን ዛጋ ማሮት ደንግካያ፥ የዝን Ꮉተ ማሮት ደንግዳ።\x - \xo 2:10 \xo*\xt ሆሴ. 2:23\xt*\x*
\s1 ጾዘ አሮ ፋና የዘ
\p
\v 11 ታ እሹን፥ ይን Ꮉነ ሳእተ ዛቆን በተ ማቅዳን ፋና ይን አያና ደእቶ ኦልዘ አሾ አሞፓ Ꮉኮደ ፋና ታኒ ይንታና ዎሳነ። 
\v 12 አማኖሰ አሱን ይንታና ኢታ ኦችዘ አስ ፋና ዝግርዘ ዎደ ጾዚ ኑና በአደስ የእዘ ቃማ፥ ኡን ይን ሎኦ ኦችቶ ብእ ጾዝ ጋላቶደ ፋና ይንትስ ሎኦ የስ የዞ።
\p
\v 13 ላ ግሾ ጋእ አህዘ አሱንስ አቆተ፤ ኡባፓ ካታራ ማቅደ ግሾ ካትስን አቆተ። 
\v 14 ኡን ኢታ ኦችዙንና ሴሮደስን ሎኦ ኦችዙንና ናሾደስ ካትዘፓ ኪትንትደ ግሾ ዎርዥቶ አህዙንስ አቆተ። 
\v 15 ይን ሎኦ ኦችተራ ኤሮሰ ቦዛ አሱን ኦህቶ ስእ ዪዝዘ ጾዘ ቆፋ። 
\v 16 ጾዘ አሮ ፋና ማቂ ዋሎት የዞተፕ አትን ይን ዋሎትታ ኢታ ኦቻስ ኣችቸ ማህፐተ። 
\v 17 አስ ኡባ ቦንቾተ፤ አማንዘ አሱንና ካተ፤ ጾዝስ ዣሽቶተ፤ ካት ቦንቾተ።
\s1 ክርስቶሳ ዋየ አዝዘ
\p
\v 18 አሩን፥ ሎኦ ላንስስን ዳልጋ ላንስ ጻላላ ባይዝን ኢቱንስን ቦንቾራ አቆተ። 
\v 19 አስ ጾዝ ግሾ ጋእ ገነር ማ ኤኪ ዳንዳእኮ ጾዚ ኤዛ አንጆዳ። 
\v 20 የዝን ይን ናጋራ ኦችን ይንታና ሴርዘ ዎደ ይን ዳንዳእኮ ይንትስ አኮ ጋላታ የዘ? የዝን ሎኦ ባዝ ኦቺ ማ ዳንዳእኮ ጾዚ ይንታና ይንስ አንጆዳ። 
\v 21 ጾዚ ይንታና ጼግደ ይኒ ግሾስ፤ ክርስቶሳ ይንትስ ዋይንትዳ፤ ይን ኤዛ ካሎደ ፋና፥ ይንትስ አዝዘ ማቅዳ። 
\v 22 ኤ ናጋራ ኦችካያ፤ ኤ ዶንተ ጭሞ በንትካያ። 
\v 23 ኡን ኤዛ ጫዣደር ማህ ጫዥካያ። የዝን ማ ኤክተራ ጽሎ ፍርድዘ ጾዘስ ፍርዳ አሽዳ ፋትን ማንድካያ።\x - \xo 2:23 \xo*\xt ኢሳ. 53:9\xt*\x* 
\v 24 ኑኒ ናጋራስ Ꮉይቂ ጽሎትስ የሳደ ፋና ክርስቶሳ ፋ አሽተ ኑ ናጋርቶ ማስቃላላ አፋ ቶክዳ፤ ይን ኤዛ ጋራፍን Ꮉርግደ በስትራ ፋጽዳ።\x - \xo 2:24፦ \xo*\xt ኢሳ. 53:7\xt*\x* 
\v 25 ዛጋ ይን ኦገ ባል ብደ ዱሮ ፋና፥ የዝን Ꮉተ ይን ሸምፖ የንግዘጎን ናግዘጎ ማቅዳ።\x - \xo 2:25 \xo*\xt ኢሳ. 53:5\xt*\x*
\c 3
\s1 አዝንን ማቺ ባዝ
\p
\v 1-2 ይኒ ፋና፥ ማቹን፥ ይን አዝኑንፓ ጾዘ ቃላስ ኪትንቶሱን የዝኮ ዣሽሞራ የዘ ይን ጌሽ የስቶ ብእ ጾዘ ቃላ ባይ ፋ ማቹን የስተ አማኖደ ፋና ኡንትስ ሎኦተ። 
\v 3 ይን፥ ይን ኦማ ዳደራን ዎርቃ አራ ዎይ ሎኦ አፉላ ማኤራ ማቅፈ።\x - \xo 3:3 \xo*\xt ኤፈ. 5:22፤ ቆላ. 3:18\xt*\x* 
\v 4 የዝን ይን ዎዝንተ የዘ ሎኦትታ ጾዘ ቲኖ ይንትስ ጋማ አልኦ ማቅደ ቦሰ፥ ዳልጋን ዎፑ ጋይደ አያና ማቀ።\x - \xo 3:4 \xo*\xt 1 ጢሞ. 2:9\xt*\x* 
\v 5 ጾዚ እንጎዳ ጋይዳኖ አማንደ ጌሽ ማቹን ዛጋ ዎደ ፋ አዝኑንስ ኪትንት፥ ፋና ይኒ ጋር ጋማ ቦንችዝዳ። 
\v 6 ይኒ ጋራን ሳራ አብራሃማጎ፥ «ላ» ጋእ ጼጊ፥ ኤስ ኪትንትዳ፤ ይንትን አኮን ዣሽትካይዛራ ሎኦ ባዝ ኦችኮ እ ናኡንና።
\p
\v 7 ይንትን አዝኑን፥ ይን ማቹን ይንታፓ ዎልቃ ባይዘ መ ማቅዳኖ ኤሪ፥ ኡንታና ቦንቾተ፤ ይን ዎስትስ በ ማቃመ ፋና ጾዚ እንግደ ደኦ ኡን ይንታራ ዎላ ላትዘ ግሾ ኡንታና ቦንቾተ.\x - \xo 3:7 \xo*\xt ኤፈ. 5:25፤ ቆላ. 3:19፤ መ 18:12\xt*\x*
\s1 ሎኦ ኦቺ ማ ኤከ
\p
\v 8 ዉርሱተ፥ ኡቡን ፈቲ ቆፋራ የዞተ። ዎል ካተ፥ እሸ ፋና ዎል ካተ፤ ማህ ፈታይ ፈታይስ ዳልጋን አዳ ማቆተ። 
\v 9 ኢታ ግሾ ኢታ ዎይ ጫሽ ግሾ ጫዥ ማህፐተ፤ ይኖ አሺ፥ ጾዚ ይንትስ አንጆ እንጎደስ ይንታና ጼግደ ግሾ አንጆተ። 
\v 10 አኮስ ጋይኮ፥ ጌሽ ማጻፍተ፥
\q1 «ደኦ ካዘን ሎኦ ቃማ በአደስ ኮይዘ ኦና የዝኮን ፋ እልአንተ ኢታ ባዝ ኦህዛኖ አሾ፥
\q2 ዶንታን ገነ ኦሃመ ፋና ተቆ።
\q1
\v 11 ኢታ ባዝ ኦችዛኖ አሺ ሎኦ ባዝ ኦቾ፤\x - \xo 3:11 \xo*\xt ማዝ. 34:12-16\xt*\x*
\q2 ሳሮት ኮዮን ካሎ።
\q1
\v 12 ላ ኣፈ ጽሉንና በእነ፤
\q2 ማህ ኤ ኡባ ዎደ ኡን ዎስቶ Ꮉይዛነ።
\q1 የዝን ላ ኢታ ባዝ ኦችዙንና ፋ ካች ስንቶ ቤዛነ»
\m ያጋይዳ።
\p
\v 13 ይን ሎኦ ባዝ ኦቾደስ አሙኮ ይንታና ካዮደ ኦደ? 
\v 14 መለ አቶ የዝን፥ ጽሎት ግሾ ይን ማኮ አንጅንትዱንና። አስስ ዣሽትፐተን ይርግፐተ። 
\v 15 ክርስቶሳ ይን ዎዝንተ ቦንቾተ፤ ይን ደእተ ላ ማሆተ። ጾዚ ይንትስ እንግደ ኡፋይስቶ ኦጭዘ ኦደስን ማሄ እንጎደስ ኡባ ዎደ ጊጊ የዞተ፥ የዝን ይናን አዳትራን ዣሽሞራ ማቀ።\x - \xo 3:15 \xo*\xt ማቶ. 5:10፤ ኢሳ. 8:12-13\xt*\x* 
\v 16 ማህ ክርስቶሳ ግዳ የዘ ሎኦ የስቶ ጫዥዘ አሱን ኢታ ባዝ ኦችደ ፋና፥ ይንታና ዝግርዛነ ኡን ዬልደ ፋና ሎኦ ዎዝና የሰ። 
\v 17 ጾዘ ቆፋ ማቅኮ ኢታ ባዝ ኦቺ ማ ኤክዛንፓ ሎኦ ባዝ ኦቺ ማ ኤክዛና ሎኦ። 
\v 18 ክርስቶሳ ኑና ጾዛጎ ሺሾደስ ፋስ ጽሎ ማቂ የዝተራ፥ ናጋራንቹን ግሾ ፈቲ ቶሄ ናጋራ ኡባስ Ꮉይቂዳ፤ ኤ አሾራ Ꮉይቂዳ፥ የዝን ጌሽ አያናራ ደኦ ማቅዳ። 
\v 19 ማህ የ አያንዘራ ኤ Ꮉንግ አች ኬ የዘ ሸምፑንስ ቃላ ኦህዳ። 
\v 20 ኖሄ ማርካበ ኬጽዘ ዎደ የን ሸምፑን ጾዝስ ኪትንታንጽዳ፥ የዝን ጾዚ ኡንታና ዳንዳእዳ። ኦስፉን አስ ጻላላ ማርካበ ገሊ፥ ብሰ Ꮉትፓ አትዳ። 
\v 21 የ ብሰ Ꮉዘ Ꮉተ ይንታና አሽዘ ጽንቃተ አዝዘ ማቅዳ። ይና ጽንቃታ ጋላ ሃ ሜጨ ባይዝን ሎኦ ቆፋ ጾዛፓ ኤኮደስ ኡፋይስ ገልዘ ኦገ ማቂ፥ ክርስቶሳ ደንድት ባጋራ ይንታና አሻነ። 
\v 22 ኤ ሳሎ ኡዲ ጾዘ ምዛቅተ በትን፥ ኪታንቹንን፥ ዎልቃ አዱን ኤስ Ꮉርንትዳ።
\c 4
\s1 ላስ የዘ
\p
\v 1 ይኒ ግሾ፥ ክርስቶሳ ፋ አሽተ ኑስ ማ ኤክደ ግሾ ይንትን ይና ቆፍተ ሚንግ ጊግንቶተ። ክርስቶሳ ግሾ ጋእ ፋ አሽተ ማ ኤክዘ አ ናጋራ ኦቾስ ጋእ ጋቺ አሽዳ። 
\v 2 ይኬፓ አትደ ዎድተ ጾዘ ቆፋ ኦቾደስ ኮዮ ፋትን ኢታ አሾ አሞ ፎሎደስ ባያ። 
\v 3 ቲኖ ይን አማኖሰ አሱን የዛን ፋና የዝዳ። ይን ኢታ አሞራ፥ ቃይጸራ፥ ማራ፥ ቱናት ደንዘ የራ፥ ቦርስዘ ኤቃ ጎይነራ ዛጋ የዝደ የስታ ማቃዳ። 
\v 4 አማኖሰ አሱንራ ይን ጌሻት ባይዘ ኦቻ ኦቾሰ ግሾ ጋማ ቆፒ ይንታና ጫዣነ። 
\v 5 የዝን ኡን ፋጹንላን Ꮉይቂደ አሱንላ አፋ ፍርዶደስ የዘ ጾዘስ ማሄ እንጎዳ። 
\v 6 Ꮉይቂደ አሱንስ ዎንገለ ሳባክንትደ Ꮉኒ ግሾስ። ኡን አስ ፋና ፋ አሽተ ፍርድንቶዳ ማህ ፋና አያናራ ጾዘ ፋና ደኦ የሳዳ።
\p
\v 7 ይኬ፥ ኡባ ባዝስ ዉርሱታ ኡክዳ። ይኒ ግሾ፥ ሚንግ ዎሶደስ ዳንዳእንቶደ ፋና ዎፑ ጋይደ ዎዝና የሰ፤ ዎጋራ የዞተ። 
\v 8 ሲቆ ጋማ ናጋራ ጌንዘ ግሾ ኡባፓ አ ፈታይ ፈታያ ዎዝናፓ ሲቅንቶተ። 
\v 9 ዙዝንግካይዛራ ፈታይ ፈታያ ዛቆትራ ሞኮተ።\x - \xo 4:9 \xo*\xt አዝዜ 10:12\xt*\x* 
\v 10 ይን ጾዛፓ ዱማ ዱማ አ ኬሃት እሞ ኤክዳን ፋና ይን ፈታይ ፈታያ ይና እሞቶ ቤዛን ፋና አይኪ ፈታይ ፈታያ ማዶ። 
\v 11 የሱስ ክርስቶሳ ባጋራ ኡባ ባዛ ጾዚ ጋላትንቶደ ፋና ኦንን ኦህዘ ጾዛፓ ቃላ ኤክዳን ፋና ኦሆ። ማህ ኦደን ማድዘ ጾዚ ኤስ እንግደ ዎልቂት ፋና ማዶ። ቦንቾን ዎልቃን መናፓ መዽና የሎደስ ኤስ ማቀ። አምንኤ።
\s1 አማኖ ባጋራ የልዘ ማ
\p
\v 12 ታ ባጉን፥ ይንታና ታማ ፋና ፋታንዘ ማ ግዳራ አዘ ዎደ ክሌ ባዝ Ꮉንደ ፋና አ ቆፕፐተ። 
\v 13 የዝን ኤ ቦንችታ ማህ ቆንጭዘ ዎደ ይን ኡፋይስታ ዳማ ማቃደ ፋና ክርስቶሳ ማቶ ይን ኤክዛነ ኡፋይቶተ። 
\v 14 ክርስቶሳ ሱንት ግሾ አስ ይንታና ጫዥዘ ዎደ ጾዘ ቦንቾ አያና ይንታላ አፋ ሸምፕዘ ግሾ ይን አንጅንትዱንና። 
\v 15 ይንታፓ ኦንን ማ ኤክዘ ሸምፖ ዎዘ ፋና ዎይ ካይስትደ ፋና ዎይ ኢታ ኦችደ ፋና ዎይ ቤዞሰ ባዛ ገልዘ አስ ፋና ዪእ ማ ኤክፐ። 
\v 16 ማቆ የዝን፥ ክርስታነ ማቂ ማኮ ክርስቶሳ ሱንት ግሾ ጾዛ ጋላቶ ፋትን ዬልፐ።
\p
\v 17 ፍርዳ ጾዘ አሳላ ደንድዘ ዎደ የልዳ። ይኬ፥ ይና ፍርድታ ቲኒ ኑላ አፋ ደንድዘ ባዝ ማቅኮ፥ ጾዘ ዎንገለስ ኪትንቶሰ አሱን ዉርሱታ አኮ ማቃደ? 
\v 18 ጽሎ ኡንእንት አትዘባዝ ማቅኮ፥ ገኑንን ናጋራንቹን ዬዝን ዋያደ? 
\v 19 ይኒ ግሾ፥ ጾዘ ቆፋ ፋና ማ ኤክዙን ፋ ሸምፖ Ꮉዳርቶ ፋና መደ፥ አማንዘ ጾዘስ እንግ ሎኦ ባዝ ኦቾ።\x - \xo 4:19 \xo*\xt አዝዜ 11:31\xt*\x*
\c 5
\s1 ጭሙንስን ናአትንስ እንግንትደ ዞረ
\p
\v 1 ይኬ፥ ዎሳ ኬ ጭሙንራ ጭማ ማቅደ፥ ክርስቶሳ ማቶ ማርክዘ ቆንጮደስ የዘ ቦንቾ ሻክንቶደስ የዘ ታኒ፥ ይን ግዳ የዘ ጭሙንና ዞራነ። 
\v 2 ይንትስ አደትራ እንግንትደ ጾዘ ዉድቶ የንጎተ። ጾዚ ኮይዛን ፋና ካራ ፋትን ኡንእራ የንግፐተ። ማህ ሚሸ ኮይ ባይዝን ካ ማዶዳ ጋእ ሎኦ ቆፋራ የንጎተ። 
\v 3 \x - \xo 5:3 \xo*\xt ዋሐ. 21:15-17\xt*\x*ይን አደትፓ ኦሞራ የዘ ዉዱንስ አዝዘ ማቆተ ፋትን ላ ማቅፈተ። 
\v 4 የንግዙን አዳይ ቆንጭዘ ዎደ ቦሰ ቦንቾ ዎርቃ ዛዉደ ይን ኤኮዳ።
\p
\v 5 ይኒ ፋናን፥ ናአትን፥ ጭሙንስ አቆተ። ይን ፈታይ ፈታይስ አዳ ማቆተ። ጌሽ ማጻፍተ፥ «ጾዚ ኡቱርትዙንና እጻነ፥ የዝን አዱንስ አ ኬሃት እንጋነ» ያጋይዳ። 
\v 6 \x - \xo 5:6 \xo*\xt ማቶ. 23:12፤ ሉቃ. 14:11፤ 18:14\xt*\x*ጾዚ ፋ ዎደ ይንታና ቦንቾደ ፋና ዳማ ጾዘ ኩሸፋ ኦሞራ ይንታና ዝቂ ዪዞተ። 
\v 7 \x - \xo 5:7 \xo*\xt ማቶ. 23:12፤ ሉቃ. 14:11፤ 18:14\xt*\x*ኤ ይንትስ ቆፕዘ ግሾ ይንታና ይርግዘባዝ ኡባ ኤላ አፋ ኦሎተ።
\p
\v 8 ይን ሞርክዘ ጻላሄ፥ ቆዘባዝ ኮይ፥ ጋሞ ፋና ዝተራ ይን ካለራ ዉትዘ ግሾ ይንታና ናጎተን ባርኮተ። 
\v 9 አላመ የዘ ይን እሹን ይኒ ጋር ማ ኤክዛኖ ኤሪ፥ አማኖራ ሚንግ፥ ጻላሄ እጾተ። 
\v 10 ፋ መዽና ቦንቾስ ክርስቶሳ የሱሳ ባጋራ ይንታና ጼግደ አ ኬሃት ኡባ ጾዘ፥ ኤራ ዎደስ ይን ማ ኤክደፓ ሱባ፥ ኤ ፋ ኦምተ ይንታና አሾዳ፥ ካትሳዳ፥ ምን ኤሶዳ፥ ጻልሳዳ። 
\v 11 መናፓ መዽና የሎደስ ጾዚ ካእቶ። አምንኤ።
\s1 ዉርሱ ሳር
\p
\v 12 አማንንትደ እሸ ጋእ ታ ኤክዘ ስላሰ ባጋራ Ꮉይ ኪትዛ ይንትስ Ꮉታራ ጻፍዳ። ታ ይኖ ይንትስ ጻፍዳና፥ ይንታና ዞሮደስን ጾዘ አ ከሃትታ ቱሮ ማቅዛኖ ማርክደስ። ይና አ ኬሃትተ ሚንግ ኤቆተ።
\p
\v 13 \x - \xo 5:13 \xo*\xt ሐዋ. 15:22፥ 40\xt*\x*ይንታራ ዎላ ዶርንትደ ባብሎነ\f + \fr 5:13 \fr*\fk ባብሎነ፦ \fk*\ft Ꮉና በስተ ባብሎነ ጋእንትደ ሮመ ካታማ ማቅካይዛራ አቶስ።\ft*\f* የዘ ዎሳ ኬ አሱንን ታ ናአይ ማርቆሳ ይንታና፥ «ሳሮ ሳሮ» ያጋነ። 
\v 14 \x - \xo 5:14 \xo*\xt ሐዋ. 12:12፥ 25፤ 13:13፤ 15:37-39፤ ቆላ. 4:10፤ ፍልሞ. 24\xt*\x*ሲቆ ዬርንተ ዬርንትተራ፥ ፈታይ ፈታያ ሳርተ።
\p ክርስቶሳ ግዳ የዘ ይን ኡቡንስ ሳሮ ማቀ። አምንኤ።