\id TIT - Oyda New Testament
\ide UTF-8
\h Tito
\toc1 Phawuloosa Titos xaafide Kiita
\toc2 Tito
\toc3 Tito
\mt1 Phawuloosa Titos
\mt2 Xaafide Kiita
\imt1 Gele
\ip Tito Ayhude maaqqoosse asi, yezin suubappa ammanii, Phawuloosa Wonggele kiita oocha oochchize wode kale eza maaddide asi. Ye wode Tito, woosa keetstsa be7adesin naagodes Qarxeese sa7a attida. Hyay kiitize hyaydzdzii aafe qofa aykkida.
\ip 1. Woosa keetstsi ahize asuntsi, iita yessi yeze Qarxeese asunts kale akko fana lo77o yessi yessades beezizako Tito qofizane.
\ip 2. Woosa keetstsa gidda yeze dumma dumma taginttide, yinnan, cima asuntsana, yidhdho dhiiratsuntsana aruntsana wayzi tamaarssodes beezizako Tito zorane.
\ip 3. Ammanze asuntsi ammano yestti baz, yinnan, sarotitsin siiqora yessadebaz, woosa keetstsappa kachchin, lallen shaakkintte hyaasode fana Titoos zore inggane.
\iot Aafe Qofuntsi
\io1 Gele qofa \ior 1:1-4 \ior*
\io1 Woosa keetstsi kaaltsize asuntsana \ior 1:5-16 \ior*
\io1 Woosa keetstsa dumma dumma taginttiduntsi gisho oocha \ior 2:1-15 \ior*
\io1 Zoren naagize \ior 3:1-11 \ior*
\io1 Xaatsi qofa \ior 3:12-15 \ior*
\c 1
\p
\v 1 Yesuus Kiristtoosa hawaaren Xoozze aro, Phawuloosa, xaafide kiita. Xoozii dooride asuntsi ammano dichchode gaaran turii ayyaana de7o wayzi yessade yezako turii erago unttana kaalitsodes ta kiitinttida. 
\v 2 Yinna ammanttan eratitsita medhina de7o ufayssalla afa katida. Yinno gaama wodeppa tiino worddo ohoose Xoozze nuus inggoda ga7i qaala gelida. 
\v 3 Nuna ashshize Xoozze fa wodite hyanno kiitto ohode fana taas hyadara inggi fa qaaltto qonccizida.
\p
\v 4 Nu kotstse ammano ta turii na7a maaqqide Tito,
\p Xoozii Adaypa nuna ashshize Yesuus Kiristtoosappa aadho keehatitsi, maarotitsin sarotitsi nees maaqqe.\x - \xo 1:4 \xo*\xt 2 Qoro. 8:23; Gala. 2:3; 2 Ximo. 4:10\xt*\x*
\s1 Tito Qarxeese oochchide oocha
\p
\v 5 Taanii nena Qarxeese ashshii yi7idanna, ne attidebaz giigisade fanan taanii kiittidanni fana katama ubbanne woosa keetstsa cimuntsana doorode fana. 
\v 6 Woosa keetsi cima borinttoosa, fettii machi azini, woga balera woy kiitinttanxera asi boroosse ammanze na7untsi yeze asi maaqqades beezane. 
\v 7 Woosa keetstsi cima Xoozze oocha hyadara ekkide gisho borinttoosa, uturtoosa, ellisi zhilidhoosa, matsinttoosa, ohe medhdhosa, beezoosse bazis dafinttoosa maaqqodes beezane.\x - \xo 1:7 \xo*\xt 1 Ximo. 3:2-7\xt*\x* 
\v 8 Yezin zaqqo mokkiza, lo77o baz ubba kadhiza, qofara yezaya, xillo, geeshin fana ahizaya maaqqades beezane. 
\v 9 Melluntsana turii timirttera mintsitsodesin yinna timirttito ixxizuntsana mahodes fa tamaaride ammantsize qaaltte miinggi eqqodes beezane.
\p
\v 10 Kiitinttoosuntsi, fatstsoosse ohe ohinttizuntsi, cimmizuntsi aatsii garrazintte woga naagize gaama asunts yene. 
\v 11 Un beezoosse ogera miishe denggodes koyi, tamaarssodes beezoosse baz tamaarssitera kara asuntsana ubba iissize gisho un timirttito teqqodes beezane. 
\v 12 Un nabuntsappa fetay, «Qarxeese asunts ubba wode worddo ohinttane; iita xootsuntsana, azal7a zhimbbara»\f + \fr 1:12 \fr*\ft Yinno yaga7i ohide nabize Ephimenddesa ga7inttane.\ft*\f* yagayda. 
\v 13 Hyanna markkatitsita turii markkatitsi. Yinnii gisho, unttis turii ammano yessade fana unttana seero. 
\v 14 Turo ixxize asunts timirttiton Ayhudunts fatstsoosse tosse si7aame fana unttana seero. 
\v 15 Geeshshuntsis ubbanna geeshi, yezin tununtsisin ammanoosuntsis un qofttan wozintta tunide gisho unttis akkon geeshi maaqqoos. 
\v 16 Un nu Xooz erane ga7ine, yezin fa oochite eza kaddane. Un ixinttiduntsana, kiitinttoosuntsanan lo77o oocha ubbas maaqqoosuntsana.
\c 2
\p
\v 1 Yezin neenii luule timirtte tamaarssodes beezane. 
\v 2 Cima dhiiratsuntsii fana ahizuntsana, woppu gayduntsana, bonchchinttiduntsana, ammanora, siiqoran dandda7ara, mintsii maaqqade fana zoro. 
\v 3 Yinnii gaaran, cima maachuntsi fa yestte geeshuntsana, zuuzinggoosuntsana, ushshi amotitsi baayzuntsana lo77o baz tamaarssizuntsana maaqqade fana tamaarsso. 
\v 4 Un yinnii fana hyaniko na7atits maachuntsi fa azinuntsanan fa na7untsana siiqode fana tamaarssodes beezane. 
\v 5 Xoozze qaala boruntaame gaar fana ahizuntsana, geeshshuntsana, fa kara oochchizuntsana, kara fa azinuntsis kiitinttizuntsana maaqqade fana na7atits maachuntsana tamaarsso zoro.
\p
\v 6 Yinnii gaar, yidhdho dhiiratsuntsii fa ommito ahode fana zoro. 
\v 7 Neenii ne ommite lo77o oocha ubbanne unttis aazize maaqqo. Neenii ne timirttite turon ammaninttidaya maaqqo. 
\v 8 Nu morkkuntsi nuna zigirodes mikinaate maaqqize baz unttis dhabin un yeellidhode fana ne borunttoose lo77o ohe ohintto.
\p
\v 9 Aruntsii ubba baza fa laatstsuntsis kiitinttode fana, unttana ufayssode fanan unttara lallaame fana zoro. 
\v 10 Un fa laatstsuntsappa miishe kaystippe. Yinnan, nuna ashshize Xoozze timirtte, ubba ogera kadhinttidaya maaqqade fana fa oochchize oochite ammninttiduntsana maaqqizanno beezode fana unttana zoro.
\p
\v 11 Asi ubba ashshize Xoozze aadho keehatitsi qonccida. 
\v 12 Ye aadho keehatitsize, nu nagartton hyanna alame amuto ashshii, hyanna wodite nu ommito naagii, turii ayyaana yessaran xillotitsara yessade fana nuna tamaarssane. 
\v 13 Yinnii fana nuunii anjjinttide ufays maaqqide damma Xoozzan nuna ashshize Yesuus Kiristtoosa bonchcho qonccitsito naagane. 
\v 14 Iita oocha ubbappa nuna wozodesin lo77o baz oochchodes ammudhize fa geeshi asi kessodes nu gisho fana aatsii inggida.
\p
\v 15 Neenii hyanno tamaarsso; kumutsi adetitsi wolqqara zoro, seero; ooden nena leqqippe.\x - \xo 2:15 \xo*\xt Maz. 130:8; Keze 19:5; Mahe 4:20; 7:6; 14:2; 1 Phex. 2:9\xt*\x*
\c 3
\s1 Ammanze as oocha
\p
\v 1 Asuntsi worzha ahizuntsis, adetits wolqqa yezuntsis aadatitsara kiitinttode fana, lo77o oocha ubba oochchodes giiginttiduntsana maaqqade fana qoppizo. 
\v 2 Mahin un oodellan iita ohintaame fana, saro asi maaqqade fana, dalggan as ubbas aada maaqqade fana zoro. 
\v 3 Nu zaga eeyuntsana, kiitinttoosuntsana, balinttizuntsana, dumma dumma asho ufayssisin amos aro fana maaqqiduntsana. Nu iitatitsaran qinaatera kumiduntsana; nuunii asi ixxizuntsana, asin nuna ixxizuntsana. 
\v 4 Yezin ashshize Xoozze keehatitsin siiqo qonccide wode 
\v 5 nu oochchide xillo oocha gisho baayzin fa maarotitsiti gisho nuna ashshida. Nuna E ashshidanna, lam7intsa yelintte meeccintteran Geeshi Ayyaana baggara inggide kille de7or. 
\v 6 Ye Ayyaanza, Xoozii nuna ashshize Yesuus Kiristtoosa baggara nuulla afa gaantsi gussida. 
\v 7 Fa aadho keehatitsiti baggara nuna xillizii medhina de7o laata ufayssi aykkode fana yinno oochchida. 
\v 8 Hyay qaalize ammninttide qaala. Xoozza ammanzuntsi lo77o oocha oochchodes giigiduntsana maaqqade fana ne hyanna qaaltto mintsii ohode fana ta koyane. Hyantses as ubbas lo77on maaddize baz. 
\v 9 Yezin eeyatitsi lalleppan, kochchi faydeppa, kachchafan higge mikinaatera denddize lalleppa naagintto. Yinna maaden tirfe baayze baz. 
\v 10 Shaakkintte medhdhize atstsa tiino zoro; lam7intsa kacco yinnippa suuba eeppa hyaakko. 
\v 11 Yinnii gaarize asi wobbon nagaranchcho; E faalla afa firddizanno ero.
\s1 Wurssutsi zore
\p
\v 12 Taanii sila yeyga aatstsodes qoppide gisho Arxemaasa woy Tikiqoosa neego kiittize wode ne taago Niqophiliyoona katama yo7odes elliso. 
\v 13 Higge eranchcha Zeenasan Aphiloosa oge hyanggize wode unttis koshshize baz faccaame fana unttana maaddo.\x - \xo 3:13 \xo*\xt Hawa. 20:4; Efe. 6:21-22; Qola. 4:7-8; 2 Ximo. 4:12\xt*\x* 
\v 14 Nu asuntsin fatstsoosse asi maaqqii attaame fana faas koshshize baz denggode fana lo77o oocha oochchodes miinggi tamaaro.\x - \xo 3:14 \xo*\xt Hawa. 18:24; 1 Qoro. 16:12\xt*\x*
\p
\v 15 Taara yeze ubbuntsi nena saro gaane; ammanora nuna siiqize asuntsana saro ga7o.
\p Xoozze aadho keehatitsita yin ubbuntsara maaqqe. Amin77e.