\id ROM - Oyda New Testament
\ide UTF-8
\h Roome
\toc1 Phawuloosa Roome asuntsis Xaafide Kiita
\toc2 Rome
\toc3 Rome
\mt1 Phawuloosa Roome Asuntsis
\mt2 Xaafide Kiita
\imt1 Gele
\ip Hawaare Phawuloosa kiita Roome asuntsis xaafidanna, Phawuloosa Roome yeze woosa keetstsi be7ades qoppide gisho E hyanggize wode un giigii naagode fana oochchodes. Phawuloosa qoftta Roome yeze ammanzuntsara eeratsi wode oochchideppa suuba un eza maaddin Isppeene hyanggodes. Ammano baz E eridannon ammanze asuntsana yinna timirttito oochalla feeshode fana qonccizi xaafida. Hyanna maxaafite Phawuloosa kumutsi kiita hyanna qoftto aykkida.
\ip Phawuloosa Roome yeze ammanze asuntsana tiino saritsi maaqqii, kaallii unttis woosizanno ohideppa suuba fa kiittis gidda qofa, «Wonggeltte Xoozze xillotitsita qonccida; yinna xillotitsita tiinoppa wurssutsi yellodes ammanora qonccida» ga7i ohine (1:17).
\ip Yinnippa suuba, yinna qoftto dalggizii xaafane. Ayhuduntsana maaqqin Ayhude maaqqoosse asuntsana maaqqin ubbuntsi nagaras aqiduntsana maaqqide gisho un Xoozara giigodes beezane. Asi Xoozara giigodes dandda7izanna Yesuus Kiristtoosa ammanora. Un Xoozara medhdhize hyanna kille yelintte aafita, kille de7o maaqqizanno Phawuloosa dalggizii ohine. Ammanze asi Xoozara saro yene; mahi Xoozze ayyaana baggara nagarappan hyayqo wolqqappa kessii ekkida. Zofane 5-8 yellodes Phawuloosa Xoozze higgiton ammanze asuntsi de7ite oochchize Xoozze ayyaana wolqqa qoftta akko yezako ohine. Yinnippa kaallii, Phawuloosa, «Xoozii as na7untsis qoppide qoftti gidda Ayhuduntsanan Ayhude maaqqoosse asuntsi wayzi i fettilla waaxinttodes dandda7e?» yagaaze oocitis maltse inggodes butunttida.
\ip Mahi Ayhuduntsi Yesuusa ekkanxi ixxidanna Xoozze qofa maaqqikaayzanno ohine. Yinna hyanidanna Yesuus Kiristtoosa baggara qonccide aadho keehatitsi gidda as kochchi ubba ekkinttode fana. Maaqqo yezin, Ayhuduntsi Yesuusa ekkode wode yo7odanno Phawuloosa ammanane. Wurssutsite Phawuloosa ammano de7o wayzi yessades beezzako ohine. Xoozis oochchode baz, ammanze asuntsi fa kaatisin fa gidda fetay fetays aadatitsara oochchodebazin wozina gaatsa medhinttide oocizebaz qonccizi ohine.
\iot Aafe Qofuntsi
\io1 Gele qofa \ior 1:1-15 \ior*
\io1 Roome kiita omma qofa \ior 1:16-17 \ior*
\io1 As na7as atotitsi koshshizanno \ior 1:18—3:20 \ior*
\io1 Xoozze as ashshize oge \ior 3:21—4:25 \ior*
\io1 Kiristtoosa gidda benttize kille de7o \ior 5:1—8:39 \ior*
\io1 Isra7eeles Xoozze qofa \ior 9:1—11:36 \ior*
\io1 Ammanze asunts yessi \ior 12:1—15:13 \ior*
\io1 Xaatsi qofan saritse \ior 15:14—16:27 \ior*
\c 1
\p
\v 1 Yesuus Kiristtoosa aro maaqqide, hawaare maaqqade gaara xeeginttideppan Xoozze Wonggele sabbakode gaara doorinttide Phawuloosa kiittide kiita.
\p
\v 2 Xoozii gaama wodeppa tiino fa nabunts baggara inggoda yagayde Xoozze geeshi Maxaafite xaafinttida. 
\v 3 Hyay Wonggelize ashora Dawute kochchappa yelinttide, Xoozze na7a, nu Laatstse Yesuus Kiristtoosas. 
\v 4 Mahi E fa geeshi ayyaanara hyayqoppa denddii, Xoozze na7a maaqqidanno damma wolqqara beezida. 
\v 5 E baggara Ayhude maaqqoosse asuntsi ubba, ammanii kiitinttode gaar Kiristtoosa suntsiti gisho Xoozze aadho keehatitsin hawaaretitsi adetits wolqqa nu ekkida. 
\v 6 Yesuusa Kiristtoosas maaqqade fana xeeginttide asuntsappa bagguntsi yinttana.
\p
\v 7 Roome yeze, Xoozii yiqsinttizuntsana ees geeshi worzha maaqqade fana dooriduntsis.
\p Xoozze nu Adeppan Laatstse Yesuus Kiristtoosappa aadho keehatitsin sarotitsi yinttis maaqqe.
\s1 Galatan woosa
\p
\v 8 Ubbappa tiinii, yin ammantta sa7a ubba sinttide gisho Yesuus Kiristtoosa baggara yin gisho ta Xoozza galatane. 
\v 9 Taanii E na7ay wonggelebaz kumutsi wozintte ohize Xoozze, taanii ta woostte ubba wode yinttana qoppizannis E markka. 
\v 10 Wurssutsite, Xoozze qofa maaqqiko, taanii yinttago hyanggodes oge taas giigode fana ubba wode woossane. 
\v 11 Taanii yinttis ayyaana anjjo shaakkodesin yinttana be7ades amudhdhane. 
\v 12 Yinnan, taanii yin ammantten, mahi yin ta ammantte minggode fanas.
\p
\v 13 Ta ishuntso, taanii Ayhude maaqqoosse asuntsappa aafe denggidanni fana, yinttappan aafe denggodes yinttago hyanggodes qoppida, yezin kayinttida.\x - \xo 1:13 \xo*\xt Hawa. 19:21\xt*\x* 
\v 14 Girike asuntsisin Girike maaqqoosse asuntsis mahi cincunsisin boozuntsis taas gale yene.
\p
\v 15 Yinnii gisho, Roome yeze yinttisin Wonggele ohodes amudhdhane.
\s1 Wonggele Xoozze wolqqa
\m
\v 16 Tiinidhii Ayhuduntsana, mahi Ayhude maaqqoosuntsanan ammanza ubba ashshodes Wonggele Xoozze wolqqa maaqqide gisho ta Wonggelera yeellidhoos.\x - \xo 1:16 \xo*\xt Mar. 8:38\xt*\x* 
\v 17 Xillo ammanora de7o yessada ga7intti Geeshi Maxaafite xaafinttida. Wonggele Xoozze xillotitsito qonccizida; tiinoppa wurssutsi yellodes asi xillidhize ammanora.\x - \xo 1:17 \xo*\xt Ibr. 2:4\xt*\x*
\s1 Asunts iitatitsi
\p
\v 18 Turita ernttaame fana fa iita oochara kammize asuntsalla afa nagara ubballa afa, Xoozze hyanqqo saloppa wodhdhoda. 
\v 19 Xoozii unttis qonccissades beezzebaz qonccizide gisho un Xoozze baz erane. 
\v 20 Alame medhinttideppa dentsii, asis benttoosse Xoozze hyano, yinnan E medhina wolqqan Xoozzetitsi E medhetitsite qonccii yeze gisho asuntsi fa iitatitsitis mikinaate maaqqize baz baaya.
\p
\v 21 Un Xoozza erittera, eza bonchchikaayan galatikaaya. Un qofita maaddoosse baz maaqqida; un qoppoosse wozintta dhumida.\x - \xo 1:21 \xo*\xt Efe. 4:17-18\xt*\x* 
\v 22 Un fana cinccuntsana gaane, yezin boozuntsana. 
\v 23 Un hyayqqoosse Xoozza goynodanno ashshii, hyayqqize as medhon, landdan, xootsin sazara gochunttize baz aazizi medhdhide misile goynane.\x - \xo 1:23 \xo*\xt Mahe 4:16-18\xt*\x* 
\v 24 Yinnii gisho, un fetay fetayra iita baz oochchii, fa gallito kawushode gaar Xoozii un wozintto amudhdhize tuna oochas unttana olida. 
\v 25 Yinna hyanidanna un Xoozze turtto worddo laammide gishon medhdhide Xoozza ashshii, medhinttide baz goynide gisho. Xoozii medhinas galatinttida. Amin77e.
\p
\v 26 Yinnii gisho, Xoozii unttana tuna amotitsis aatsii inggida. Un maachuntsi faas beezize dhiiratsara yellinttizanno ashshii, beezoosse baz hyanii maacha maachira yellinttane. 
\v 27 Yinnii gaar, dhiiratsi faas beezize maachira yellinttizanno ashshii, dhiiratsi dhiiratsara yellinttane. Dhiiratsuntsii fetay fetayra amotitsara eexinttii, yeellize baz oochchida. Fa oochchide bala oochitis beezize firdda ekkida.
\p
\v 28 Un Xoozza erittera, melle atto yezin E baz qoppodes koyanxi ixxide gisho beezoosse baz oochchode gaar Xoozii unttana maaddoose qofas aatsii inggida. 
\v 29 Un qohera, iitatitsara, zhimbbarara, genera, qinaatera, shemppo wodhera, lallera, cimoran iita amora kumida. Un zigirizuntsana, 
\v 30 As suntsi iissizuntsana, Xooz ixxizuntsana, cazhizuntsana, utirzuntsana, ceeqizuntsana, iita baz oochchodes koyzuntsana fa adaysin inttisin kiitinttoosuntsana, 
\v 31 tiiroossuntsana, qaala laamizuntsana, siiqo baayzuntsana, yiqsimo baayzuntsana. 
\v 32 Hyantses fana oochchizuntsis hyayqo beezane gaaze Xoozze higge erittera, hyanno oochchane. Un fa faas oochchizanno xalaala maaqqikaayzin oochchize melluntsanan likke ga7i nashshane.
\c 2
\s1 Xoozze xillo firdda
\p
\v 1 Yinnii gisho, naate melluntsalla afa firddizayo, ne mikinaate mahize baaya. Ne melluntsalla afa firdditera, ye ne firddize atstse gaar oochchiko, ne, neella afa firddane. 
\v 2 Yinnii fana oocha oochchizuntsalla afa Xoozze xillo firdda firddizanno nu erane.\x - \xo 2:2 \xo*\xt Maato. 7:1; Luqa. 6:37\xt*\x* 
\v 3 Naate, yinnii gaar oocha oochchizuntsalla afa firddizayo, un oochchizanni gaar oochchizayo, ne Xooz firddappa attode gaar aazane? 
\v 4 Woy Xoozze keehatitsi, genccon dandda7a duretitsito leqqane? Xoozze nees dalgga maaqqidanna nena nagarappa mahodes maaqqidanno erosaane?
\p
\v 5 Yezin yinttis shuchchi wozinan si7oosse hyaye yene. Yinnii gisho, Xoozze hyanqon xillo firdda qonccize qamma, neella afa firdda shiishane. 
\v 6 Xoozze fetays fetays E oochiti gaar inggoda. 
\v 7 Lo77o oochara miinggi, galata, bonchchon dhaboosse de7o koyzuntsis Xoozze medhina de7o inggoda.\x - \xo 2:7 \xo*\xt Maz. 62:12; Aazi. 24:12\xt*\x* 
\v 8 Yezin fana siiqizuntsana, turtto ixxizuntsana iita baz oochchodes koyzuntsalla afa Xoozze kachchin bosha yo7oda. 
\v 9 Iita baz oochchize asuntsi ubba, tiinii Ayhuduntsana, kaallii Girikuntsana madhan waayen yelloda. 
\v 10 Yezin Xoozze lo77o oocha oochchize ubbuntsis, tiinii Ayhuduntsi, kaallii Girikuntsis galata, bonchchon sarotitsi ingginttoda. 
\v 11 Xoozii sino bi7i asi shaakkoos.
\p
\v 12 Higge baayzin nagara oochchide ubbuntsi higge baytsi dhaboda. Higge yezin, nagara oochchide ubbuntsi higgera firddinttoda.\x - \xo 2:12 \xo*\xt Mahe 10:17\xt*\x* 
\v 13 Xoozze tiintte xillizuntsi higge naagizuntsap attin higge si7e xalaala si7izuntsana baaya. 
\v 14 Higge baayze Ayhude maaqqoosse asuntsi medho higge kiittizanno oochchane. Unttis xaafinttide higge baayzinin un fa wozintte higge erane. 
\v 15 Un hyanotitsita, higge kiita un wozintte xaafinttidanno beezane. Mahi un wozintta unttalla afa markkidhane. Un wozintta fettii fettii tohe unttana balida gaane; fettii fettii tohe unttana turo gaane. 
\v 16 Ta tamaarsside Wonggele fana Xoozze Yesuus Kiristtoosa baggara as wozintte aachinttide qoftta firddize wode erinttoda.
\s1 Ayhuduntsanan un higgito
\p
\v 17 Yezin ne nena Ayhude gaane; higgella katane; Xoozalla ceeqane. 
\v 18 Ne oochchode gaar Xoozii koyze baz akko yezako erane. Higge tamaaride gisho turo maaqqize baz shaakkii erane. 
\v 19 Ne qooquntsana kaallizanno, mahi dhuma yezuntsis foo7o maaqqizanno shaakkii erane. 
\v 20 Ne higgefa denggide eratitsin turetitsara boozuntsana erisizayan zhooguntsana tamaarssizaya maaqqidanno erane. 
\v 21 Yeezin, ne melluntsana tamaarssizay ne nena akkos tamaarssoso? Ne, «Kaysitippe» ga7itera, ne ne ommite kaystanen? 
\v 22 Ne, «Olale hyanttippete» ga7itera, ne ne ommite olale hyanttane? Ne eeqa ixxitera, eeqa yeze keetsito bonqane? 
\v 23 Ne Xoozze wogite ceeqinttane, yezin higgitis kiitinttanxi ixxii Xoozza yeellizane? 
\v 24 Geeshi Maxaafite, «Yin mikinaate Xoozze suntsita Ayhude maaqqoosse asuntsara cazhinttane» ga7intti xaafinttida.
\p
\v 25 Ne higges kiitinttiko, ne garrazinttis maade yene, yezin ne higgitis kiitinttanxi ixxko ne garrazinttidanna garrazinttikaayze fana maaqqane.\x - \xo 2:25 \xo*\xt Isa. 59:7-8\xt*\x* 
\v 26 Ayhude maaqqoosse asuntsi garrazinttikaayzara, higgitis kiitnttiko, Xoozii eza garrazinttide fana faydosoone? 
\v 27 Yin, Ayhude asuntsi, yinttis xaafinttide higgiton garrazinttii yeezittera, yin higges kiitinttanxi ixxiko, Ayhude maaqqoosse asuntsi garrazinttanxi ixxikon higges kiitinttii, yinttalla afa firddoda.\f + \fr 2:27 \fr*\fk Yinttalla afa firddoda: \fk*\ft Un hyanotitsita woy un lo77o oochita yinttalla afa firddoda.\ft*\f*
\p
\v 28 Yikke, suntsara Ayhude maaqqide ubbuntsi turii Ayhude baaya. Mahi bale galla garrazizanna turii garraze baaya. 
\v 29 Yezin turii Ayhudetitsi gaatstsa Ayhude maaqqizanno. Turii garrazintte Xoozze Ayyaanara oocinttize wozina garrazinttep attin xaafinttide wogite oochinttize galla garraze baaya. Ye atstse galata Xoozappa ekkanep attin asappa baaya.
\c 3
\s1 Ayhuduntsi ammananxii ixxe
\p
\v 1 Yeezin, Ayhude maaqqizanna akko maadde? Woy garrazinttes akko maaddize bazi yeze? 
\v 2 Ubbappa tiino Xoozii fa qaala hyadarito Ayhuduntsis inggida.
\p
\v 3 Yeezin, unttappa fetay fetaya qaala ammananxii ixxiko, un ixxizanna Xoozii ammaninttide Xooz maaqqizanno kayanene? 
\v 4 Kayoos! Asi ubba worddo maaqqikon Xoozii turo maaqqe. Geeshi Maxaafite,
\q1 «Ne qaaltte ne xillane;
\q2 nena mootizaya firddara latstsane»
\m ga7intti xaafinttida.
\p
\v 5 Yeezin, nu nagartta Xoozze xillo maaqqizanno beezize baz maaqqikon, nu waagawude? Xoozii nu nagartti gisho nuulla afa firddiko, likke baane? Yinno taanii as qofa fana gaane. 
\v 6 Yinnii fana hyanippe. Yinnii gaar hyaniko, Xoozii hyanna alamttilla afa wayzi firddode?
\p
\v 7 Yezin ta worddotitsita Xoozze turtto qonccizi, E bonchchito gaantsi beezzebaz maaqqiko, yeezin, akkos taalla fana nagaranchcho fana firdde? 
\v 8 Fettii fettii asuntsi, «Lo77o yo7ode fana iita oochchoda?» yaga7i tamaarssize asi fana mahi tana mootane. Yinnii gisho yagaaze asalla afa ye7ize Xoozze firddita likke.
\s1 Asi ubba nagaranchcho
\p
\v 9 Yeezin, nu waagawude? Nu Ayhuduntsi, Girikeppa aadhanene? Ade! Ayhude maaqqin, Ayhude maaqqanxin ubbuntsi nagaranchcho maaqqizanno taanii tiinii yinttis ohida.
\p
\v 10 Geeshi Maxaafite,
\q1 «Xillo asi fetton baaya.
\q2
\v 11 Akaakize asi baaya,
\q2 Xoozza koyze oonin baaya.
\q1
\v 12 Asi ubba balinttida;
\q2 ubbuntsi fettippa maaddoosse baz maaqqida.
\q2 Lo77o oochchize oonin baaya;
\q2 fettii asin baaya.
\q1
\v 13 Un doontta,
\q2 bugunttide booza fana;
\q2 fa il7antsite worddidhdhane.
\q1 Un doonttippa as wodhize,
\q2 shooshi marze kezane.
\q1
\v 14 Un doontte camon baaditsi kumida.
\q2
\v 15 Un tohita suutsi lalodes ellisane.
\q2
\v 16 Un ogite dhaben qohe yene.
\q2
\v 17 Un saro oge eroos.
\q1
\v 18 Fa de7ite Xoozis zhashtoos»
\m ga7intti xaafinttida.
\p
\v 19 As ubba doona gordinttode fana kumutsi alamito Xoozze firddappa oomora shiishodes, higge ingginttide higgeppa oomora yezuntsis maaqqidanno nu erane. 
\v 20 Yinnii gisho, ooden higges kiitinttii Xoozze tiino xillodes dandda7oos. Higge asi ubba nagaranchcho maaqqizanno beezane.\x - \xo 3:20 \xo*\xt Maz. 143:2; Gala. 2:16\xt*\x*
\s1 Xillotitsi ammanora
\p
\v 21 Yezin hyatte Xoozii asi xillize oge higge baytsi qonccizida. Yinna ogito Muse higgen nabuntsin markkidhida. 
\v 22 Yinna ammanze ubbas hyanida, Xoozii Yesuus Kiristtoosa baggara as ubbas shaako baytsi inggida.
\p
\v 23 Asi ubba nagara oochchida; Xoozze bonchcho faccizida. 
\v 24 Yezin un Xoozze aadho keehatitsara, ashshize Kiristtoosa Yesuusa baggara cer xillida. 
\v 25 Xoozii Yesuus Kiristtoosa zharsho mahi inggida, eza ammanze ubba E suutsite nagara atotitsi denggode fana. Xoozii yinno oochchide fa dandda7ara zaga nagartto faydikaayzara ashshii, fa xillotitsito beessades. 
\v 26 Yesuusa ammanze ubba xillode fana hyatte wode Xoozze fa ommite xillo maaqqizanno beessades.
\p
\v 27 Yeezin, nu ceeqinttize baz akko yeze? Akkon baaya. Nuunii ceeqinttizanna higges kiitinttize gishone? Ade! Ammano higgera. 
\v 28 Xoozii asi xillize ammanorap attin higges kiitinttera baayzanno nu qoppane.
\p
\v 29 Woy Xoozii Ayhuduntsi xalaala Xoozoone? Ayhude maaqqoosuntsisin Xoozii baane? Turo, Ayhude maaqqoosuntsisin E Xoozii. 
\v 30 Xoozii fetto; Ayhuduntsanan Ayhude maaqqoosuntsana ammanora xillize eza. 
\v 31 Yeezin, nuunii higge ammano gisho dhabssodane? Ade! Higgito mintsanep attin.\x - \xo 3:31 \xo*\xt Mahe 6:4; Gala. 3:20\xt*\x*
\c 4
\s1 Abrahama ammanora xillida
\p
\v 1 Yeezin, nu aday Abrahama akko denggido? 
\v 2 Abrahama oochara xillidebaz maaqqiko, E ceeqinttize baz yene, Yezin, Xoozze tiino ceeqinttodes dandda7oos. 
\v 3 Geeshi maxaafite, «Abrahama Xooz ammanida; Xoozii yinno ees xillotitsi mahi faydida» gayda.
\p
\v 4 Oochchize atstses ekkize damoozita, E oocha wolqqitis ciginttize galep attin ees imo baaya.\x - \xo 4:4 \xo*\xt Medho 15:6; Gala. 3:6\xt*\x* 
\v 5 Yezin oocha oochchoosse oonin nagaranchcho xillize Xoozza ammaniko, E ammantta ees xillotitsi maaqqii faydinttane. 
\v 6 Geeshi Maxaafite Dawute, oocha baytsi Xoozii xillize asuntsi akko gaar anjjintezako hyannii gaar yaga7i qonccizida:
\q1
\v 7 «Un balita atto ga7inttiduntsi
\q2 un nagartta kaminttiduntsi anjjinttida.
\q2
\v 8 Laatstsii E nagartto faydoosse atstse anjjinttida» yagayda.\x - \xo 4:8 \xo*\xt Maz. 32:1-2\xt*\x*
\p
\v 9 Yeezin, Dawute ohide anjjita garrazinttide asuntsis xalaalasone? Woy garrazinttikaayze asuntsiso? Nuunii, «Geeshi Maxaafta, ‹Abrahama Xooz ammanida; Xoozii yinno ees xillotitsi mahi faydida› gaane» nu yagayda. 
\v 10 Yeezin, yinna ayde hyanido? Abrahama garrazinttinine? Woy garrazinttikaayzin? Garrazintteppa tiino hyanidap attin suuba baaya.
\p
\v 11 Abrahama garrazinttodannippa tiino E ammantta ees xillotetsi maaqqii faydinttidanno ersodes, E garrazintta malla maaqqida. Yinnii gisho, Abrahama garrazinttikaayzara ammanzuntsisin ammanora xillizuntsis ubba ade maaqqida. 
\v 12 E garrazinttezuntsisin ade. Abrahama unttis aday maaqqide un garrazinttide gisho xalaala baayzin E garrazinttodannippa tiino ammanide ammantto un kaallide gishos.\x - \xo 4:12 \xo*\xt Medho 17:10\xt*\x*
\s1 Xoozze ufayssita ammanora ekkinttida
\p
\v 13 Abrahamasin E zerttis, «Alamito ta yinttis inggoda» yagayde ufayssita, Abrahama ammanora xillide gishos fattin higge naagii folide gisho baaya. 
\v 14 Higges kiitinttiduntsi Xoozze ufayssito laatizuntsana maaqqiko, ammano maaddoos; Xoozze ufayssitan cer maaqqane.\x - \xo 4:14 \xo*\xt Medho 17:4-6; 22:17-18; Gala. 3:29\xt*\x* 
\v 15 Higge Xoozze kachchi ke7ine, yezin higge baayze bessa higge aadhen ashshen baaya.\x - \xo 4:15 \xo*\xt Gala. 3:18\xt*\x*
\p
\v 16 Yinnii gisho, Xoozii inggide ufayssita ammanora ekkinttane. Hyanna ufayssita Abrahama kochchi ubbas Xoozze aadho keehatitsi baggara ingginttidanno qonccizane. Yinnan higge naagizuntsis xalaalas baayzin Abrahama fana ammanide ubbuntsis. Abrahama nu ubbuntsis ade. 
\v 17 Geeshi Maxaafite, «Ta nena gaama worzhas ade mahida» ga7intti Abrahama gisho xaafinttida. Yinna ufayssita Abrahamas ingginttide hyayqqiduntsis de7o inggizen baayze baz yezize Xoozze eza maaqqidanno E ammanide gishos.\x - \xo 4:17 \xo*\xt Gala. 3:7\xt*\x*
\p
\v 18 Xoozii Abrahamas ne kochchita ganggoda gaydanna, ufayssi gaddodes akkon dandda7inttoose wode Abrahama Xooz ammanide gishon ufayssi gaddide gisho gaama worzhas ade maaqqida.\x - \xo 4:18 \xo*\xt Medho 17:5\xt*\x* 
\v 19 Abrahamas xeet bere kumida maaqqikon, fa cinggide ashiten Saara na7a yelodes dandda7oosanno erittera fa ammantte labbikaaya.\x - \xo 4:19 \xo*\xt Medho 15:5\xt*\x*
\p
\v 20 E fa ammantte miinggi Xoozis bonchcho inggidap attin Xoozii inggide ufayssito ammananxii, so7ikaaya.\x - \xo 4:20 \xo*\xt Medho 17:17\xt*\x* 
\v 21 Abrahama, Xoozii inggide ufaysito folodanno fa kumutsi wozintte ammanida. 
\v 22 Yinnii gisho, Xoozii E ammantto xillotitsi mahi faydida.
\p
\v 23 Yezin, «Faydinttida» gaaze qaalize Abrahamas xalaala xaafinttikaaya. 
\v 24 Ye qaalize nu Laatstse Yesuusa hyayqoppa dentside Xoozza ammanze nuusin nu ammantta xillotitsi maaqqii faydinttode gaar xaafinttida. 
\v 25 Xoozii eza nu nagartti gisho hyayqos aatsii inggida; E nuna xillissades hyayqoppa denddida.
\c 5
\s1 \x - \xo 5:0 \xo*\xt Isa. 53:4-5\xt*\x*Xoozara yeze sarotitsi
\p
\v 1 Yikke, nu ammanora xillide gisho nu laatstse Yesuus Kiristtoosa baggara Xoozara nuus sarotitsi yene. 
\v 2 Nu E baggara hyatte nu eqqide aadho keehatitsite ammanora gelida. Yinnii gisho, nu Xoozze bonchcho ufayssite ceeqinttane.
\p
\v 3 Yinno xalaala baayzin madha dandda7a ki7izanno nu erize gisho nu madhiten ceeqinttane. 
\v 4 Mahi dandda7a faatana, fatanan ufayssi inggizanno nu erane. 
\v 5 Nuus inggide Geeshi Ayyaana baggara Xoozii fa siiqito nu wozintte gusside gisho yinna ufayssita nuna yeellizoos.
\p
\v 6 Nu hyaga labbiduntsana maaqqii yezin, Xoozze wode yellin, Kiristtoosa nagaranchchuntsi gisho hyayqqida. 
\v 7 Xillo as gisho hyayqqode asi denggodanna damma madha, yezin lo77o as gisho hyayqqode asi oode erize benttikaayzara attoos. 
\v 8 Yezin nuunii hyaga nagaranchcho maaqqii yezin, Kiristtoosa nu gisho hyayqqida. Yinna Xoozii nuna akko gaar siiqizako E siiqito beezane. 
\v 9 Yikke, nuunii Kiristtoosa suutsite xilldebaz maaqqiko, ubbappa aatsii E baggara Xoozze hyanqoppa attoda. 
\v 10 Nuunii Xoozara morkke, yezin E na7ay hyayqite eera giigida. Yinnippa aatsii, hyatte nuunii Xoozara giigideppa suuba E na7ay de7o mikinaatera nuunii attoda. 
\v 11 Yinno xalaala baayzin hyatte nuna Xoozara giigizide nu laatstse Yesuus Kiristtoosa baggara nu Xoozalla ceeqinttane.
\s1 Addaaman Kiristtoosan
\p
\v 12 Addaama baggara nagara hyanna alamite gelida. Yinna nagartti baggara hyayqo yi7ida. Asi ubba nagara oochchide gisho hyayqo as kochchi ubba yellida. 
\v 13 Higge ingginttodannippa tiino alame nagara yene, yezin higge baayze wode nagara nagara maaqqii faydinttoos.\x - \xo 5:13 \xo*\xt Medho 3:6\xt*\x* 
\v 14 Yezin Addaamappa Muse yellodes hyayqo as ubba ahida. Melle atto yezin, Addaama higges kiitinttanxide gisho, Addaama fana nagara oochchikaayzuntsalla afa hyayqo ka7itida.
\p Addaama yo7odes yeze Yesuusas aazize. 
\v 15 Yezin Xoozze aadho keehatitsi as nagartti fana baaya. Fettii as nagara baggara gaama asuntsi hyayqqida. Yezin Yesuus Kiristtoosa baggara Xoozze aadho keehatitsi as ubbas gaantsi ingginttida. 
\v 16 Addaama nagara giddan Xoozze imo gidda gaama dummatitsi yene. Fettii as nagara baggara Xoozii eella afa firddida. Yezin asi gaama nagara oochchinin Xoozze aadho keehatitsita xillotitsi ki7ida. 
\v 17 Fettii as nagara baggara hyayqo ka7itida. Yezin Yesuus Kiristtoosa baggara Xoozze aadho keehatitsin xillotitsi imo ekkize ubbuntsi, game de7or yessada.
\p
\v 18 Yikke, fettii asi nagara oochchide baggara as ubballa firdda yi7idanni fana fettii asi xillo oochchide baggara, Xoozii as ubba xillizii unttis de7o inggane. 
\v 19 Fettii asi kiitinttanxi ixxide baggara, gaama asuntsi nagaranchcho maaqqidanni fana fettii as kiitintter gaama asi xilloda.
\p
\v 20 Asuntsi nagara wolqqa erode fana higge yi7ida, yezin nagara wolqqa gaanggide wode Xoozze aadho keehatitsi aadhii ganggida. 
\v 21 Nagara hyayqo wolqqara ka7itidanni fana Xoozze aadho keehatitsi xillotits wolqqara ka7iti, nu Laatstse Yesuus Kiristtoosa baggara nuna medhina de7ogo kaalitsane.
\c 6
\s1 Nagaras hyayqqii Kiristtoosara yeze
\p
\v 1 Yeezin, nu waagawude? Xoozze aadho keehatitsita gaanggode fana nagarara miinggi yessane? 
\v 2 Atto hyanoos, nuunii nagaras hyayqidebaz maaqqiko, yeezin, nuunii yikkeppa wayzi nagarara yessade? 
\v 3 Nu ubbuntsi Kiristtoosa Yesuusara fetto maaqqades xammaqinttide wode E hyayqite eera wolla mooginttida. 
\v 4 Nu xammaqinttide wode Kiristtoosara hyayqqidanne moogunttida. Kiristtoosa Xoozze Aday bonchcho wolqqara hyayqqoppa denddidanni fana nuunin kille de7o yessada.
\p
\v 5 Nu E hyayqite eera fetto maaqqiko, yinnii gaaran, E denddite eera fetto maaqqada.\x - \xo 6:5 \xo*\xt Qola. 2:12\xt*\x* 
\v 6 Nu yikkeppa nagaras aro maaqqaame fanan nu nagaranchcho asatitsito wolqqita dhabode fana nu gal77a asatitsito Kiristtoosara suxxidanno erane. 
\v 7 Fettii asi hyayqidebaz maaqqiko, E nagara wolqqappa wallo kezane. 
\v 8 Nuunii Kiristtoosara hyayqiko, eera de7o yessadanno ammanane. 
\v 9 Kiristtoosa hyayqoppa denddide gisho mahi E hyayqosannon hyayqo tiinosin eza ahosanno nu erane. 
\v 10 E hyayqqide wode nagaras fettii tohe wurssutsi yellodes hyayqida, yezin hyatte de7o Xoozis yene. 
\v 11 Yinnii fanan, yin nagaras hyayqqii, Laatstse Kiristtoos Yesuusa baggara Xoozis de7o yezanno qoppote.
\p
\v 12 Yinnii gisho, yin, yin asatetsito amos kiitinttaame fana hyayqqize yin asatetsito nagara ahippe. 
\v 13 Mahi yin asatits kifiltto nagara oochchodes gene ola miishe mahi inggippete. Yezin yin hyayqoppa denddii, de7o yeze asi fana yin asatetsito Xoozis inggote. Mahi yin kumutsi asatetsito xillo ola miishe mahi Xoozis aatsii inggote. 
\v 14 Yin Xoozze aadho keehatitsis oomora yenep attin higgeppa oomora yezoosse gisho nagara yinttana ahodes beezoos.
\s1 Xillotits aro maaqqe
\p
\v 15 Yeezin, nu waagawude? Higgeppa oomora maaqqikaayzin Xoozze aadho keehatitsappa oomora yeze gisho nagara oochchodaane? Mulon hyanoos! 
\v 16 Yin fettii asis kiitinttodes yinttana aro mahi inggiko yinna yin kiitinttizes aro maaqqizanno erote. Yinnii gaara, yin nagaras kiitinttiko, yinttis hyayqo ki7ize nagaras aro maaqqane. Woy yin Xoozis kiitinttiko xillotitsi ki7ize Xoozis aro maaqqane. 
\v 17 Zaga yin nagaras aro, yezin hyatte yin ekkide turii timirttes kumutsi wozinappa kiitinttide gisho Xoozis galata maaqqe. 
\v 18 Yin nagara arotitsi achchappa bilnttii xillotits aro maaqqida.
\p
\v 19 Yin yin qofite labbezuntsana maaqqide gisho taanii oodesin gelize ogera ohine. Zaga yin, yin asatetsito tunan iita baz oochchodes aro mahi inggidanni fana hyatte yin asatets kifiltto geeshi maaqqade fana xillotetsi aro mahi inggote.
\p
\v 20 Yin nagaras aro yeze wode xillotitsis aqoos. 
\v 21 Yinttana hyatte yeellize zaga yin iita oochitippa akko maade denggidote? Yinna oochitis wurssutsita hyayqo. 
\v 22 Yezin yin nagara arotitsappa bilinttii, Xoozze aro maaqqida. Yinna yinttana geeshi mahi medhina de7o kaalitsane. 
\v 23 Nagara damooze hyayqo. Yezin Xoozze, nu Laatstse Kiristtoos Yesuusa baggara inggize imotitsita medhina de7o.
\c 7
\s1 Ekken gelen aazize
\p
\v 1 Ta ishuntso, taanii higge erize asuntsis ohine. Higge fettii asi faxa yeze wode eza ahizanno eroso? 
\v 2 Aazizes, azinii gelide maachita I azinze faxa yeze wode higgera ezara acinttida. Yezin I azinze hyayqiko ezara iza caaqide caaqita izo ahoos. 
\v 3 Yinnii gisho, iza fa azinze faxa yezin, melle dhiiratsi geliko, iza laammida ga7inttane. Yezin I azinze hyayqiko, caaqo izo ahoosse gisho iza melle azinii geliko, iza olalida ga7inttoos.
\p
\v 4 Yinnii gisho, ta ishuntso, yin Kiristtoosa asho baggara higge wolqqas hyayqqii, Xoozis aafe aafodes hyayqoppa denddide Kiristtoosas maaqqida. 
\v 5 Nu asho amo nuna ahin, nu yeze wode higge gujjii nagara oochchode gaar nuna dentsitsane. Nu ashtii gidda iita amotitsi yeze gisho nuunii hyayqo aafe aafode fana oochchane yeshsha. 
\v 6 Yezin hyatte nuunii nuna accide higgitis hyayqide gisho nuunii higge achchappa bilnttida. Yinnii gisho, kille Ayyaanar Xoozis kiitinttanep attin xaafinttide gal77a higgitis kiitinttoos.
\s1 Higgen nagaran
\p
\v 7 Yeezin, nuunii waagawude? Higge nagarane? Ade! Yezin higge nagara akko yezako tana erssida. Higge, «Amudhdhippe» gaykaayzako, amudhdhe akko yezako ta eroos. 
\v 8 Yezin ta ubba baz amudhdhode fana nagara higge baggara ta gidda oge denggida. Higge baayzako nagara hyayqqide baz.\x - \xo 7:8 \xo*\xt Keze 20:17; Mahe 5:21\xt*\x*
\p
\v 9 Zaga higge baayze wode ta faxa, yezin higge ingginttide wode nagara faxin ta hyayqqida. 
\v 10 Taanii de7o yessade fana Xoozii inggide higge taas hyayqo ki7ida. 
\v 11 Nagara higge baggara tana cimmize oge denggi, wodhida.
\p
\v 12 Yinnii gisho, higge geeshi; ize xaafinttide kiittan geeshi, xillon lo77o.\x - \xo 7:12 \xo*\xt Medho 3:13\xt*\x*
\p
\v 13 Yeezin, lo77o maaqqide baz taalla afa hyayqo ki7idaane? Ade! Yezin nagara nagara maaqqizanna qonccode fana lo77o bazara maaddinttii taas hyayqo ki7ida. Yinnii gisho, nagara nagara maaqqidanna higge baggara aadhii erinttida.
\p
\v 14 Nuunii higge ayyaanabaz maaqqizanno erane. Yezin taanii nagaras bayzinttide asho asi. 
\v 15 Taanii ta oochchizanno tiiroos; taanii kadhizebaz oochchodanno ashshii ta ixxizebaz oochchane. 
\v 16 Taanii ixxizebaz oochchizebaz maaqqiko, higge lo77o maaqqizanno ta markkidhane.\x - \xo 7:16 \xo*\xt Gala. 5:17\xt*\x* 
\v 17 Yinno maaqqiko, yinna oochito ta gidda yeze nagartta oochchanep attin ta oochchoos.
\p
\v 18 Ta gidda, yinnan ta ashite lo77o baz baazanno erane. Lo77o baz oochchize amotitsi ta gidda yene, yezin lo77o baz oochchodes dandda7oos. 
\v 19 Taanii ixxize iita baz oochchanep attin ta kadhize lo77o baz oochchoos. 
\v 20 Taanii ixxizebaz oochchizebaz maaqqiko, yinna ta gidda yeze nagartta oochchanep attin oochchize tana baaya.
\p
\v 21 Yikke, ta lo77o baz oochchodes kadhizin, iita baz oochchizanno beezize higge denggida. 
\v 22 Taanii ta wozintte Xoozze wogite ufayttane. 
\v 23 Yezin ta asatitsite yezay ta guugite yeze higgera olinttize dumma higge be7ine. Ye higgize ta asatitsite oochchize nagara higges tana aro mahi inggida. 
\v 24 Taanii wayzi alla wodhdhide aso? Hyayqos kanggize hyanna asatitsitippa tana ashshode oode? 
\v 25 Nu Laatstse Yesuus Kiristtoosa baggara tana ashshize Xoozzes galata maaqqe.
\p Yikke, taanii ta qofite Xoozze higges aqane; yezin ta asatitsite nagara higges aqane.
\c 8
\s1 Geeshi Ayyaana de7o
\p
\v 1 Yinnii gisho, Kiristtoos Yesuusara yezuntsi hyatte firdda baaya. 
\v 2 Kiristtoos Yesuusa baggara nuus de7o inggize Geeshi Ayyaana higge, tana nagaran hyayqo higge arotitsappa kessida. 
\v 3 Nu nagara asatitsiti baggara, higge leppide gisho nuna ashshodes dandda7ikaaya. Xoozii fa na7aya nagaranchcho asuntsis aazizi nagaras zharsho maaqqode fana kiittii yinno oochchida. Yeyzi, Xoozii Kiristtoosa ashtii baggara, nagara firddi hyaasida. 
\v 4 Xoozii yinno oochchidanna, nu asho amo koyzanni fana baayzin Geeshi Ayyaana koyzanni fana yeze nuulla afa higge xillo kiita folinttode fana.
\p
\v 5 Asho qofar yezuntsi ashobaz qoppane. Yezin Geeshi Ayyaana qofar yezuntsi Geeshi Ayyaanabaz qoppane. 
\v 6 Nu qoftta asho amos aqiko hyayqo ke7ine, yezin ayyaanas aqiko de7on sarotits ke7ine. 
\v 7 Asho amos aqize asi Xoozze higges kiitinttodes koyoosse gishon kiitinttodes dandda7oosse gisho Xoozara morkke. 
\v 8 Asho amos aqizuntsi Xooz ufayssodes dandda7oos.
\p
\v 9 Yezin Xoozze Ayyaana yinttara yeziko yinttalla aqiko, yin Ayyaana qofa yenep attin yin asho amos aqoos. Kiristtoos Ayyaana baayzin oonin Kiristtoosas maaqqoos. 
\v 10 Yezin Kiristtoosa yin gidda yeziko, yin asatitsito nagara baggara hyayqqidanno. Yezin yin ayyaanize xillotitsi baggara de7o yene. 
\v 11 Yezin Yesuusa hyayqoppa dentside Xoozze Ayyaana yin gidda yeziko, Kiristtoosa hyayqoppa dentside Xoozii, yinttara yeze fa Geeshi Ayyaanara hyayqqide yin asatitsitis de7o inggoda.
\p
\v 12 Yikke, ta ishuntso gale yene, nuunii nu asho amo kaallii yessades beezoos.\x - \xo 8:12 \xo*\xt 1 Qoro. 3:16\xt*\x* 
\v 13 Yin, yin asho amos yeziko hyayqoda, yezin Geeshi Ayyaana wolqqara nagara oochito wodhiko yin de7o yessada. 
\v 14 Xoozze Ayyaana kaallize ubbuntsi Xoozze na7untsana. 
\v 15 Nuunii, «Abbo, ta Adayo» yaga7i xeegize, Xoozze na7untsana mahize Geeshi Ayyaana ekkidap attin mahi zhashimora yessades aro mahize ayyaana ekkikaaya. 
\v 16 Xoozze Ayyaana nu ayyaanara maaqqii nuunii Xoozze na7a maaqqizanno markkidhane.\x - \xo 8:16 \xo*\xt Mar. 14:36; Gala. 4:6\xt*\x* 
\v 17 Nuunii E na7a maaqqiko Xoozza laattoda; Kiristtoosara wolla yinno laattoda. Mahi nuunii Kiristtoosara waaye ekkiko eera wolla E bonchchito shaakkinttoda.
\s1 Yo7ode bonchcho
\p
\v 18 Nuunii hyatte waayize waayito, tiinoppa nuus qonccode bonchchora yeltsi bi7iko, wolkkissades dandda7inttoos ga7i qoppane. 
\v 19 Medhetitsi ubba Xoozze na7a qonccitsito gaama amudhdhii kafane. 
\v 20 Medhetitsi ubba hyarii maaqqida; yinnan, medhetitsita dooror baayzin ufayssara naagode fana oochchide Xoozze qofa hyanida. 
\v 21 Medhetitsi fa ommite dhabe arotitsappa kezii, Xoozze na7untsara wallo bonchcho gishinttoda.\x - \xo 8:21 \xo*\xt Medho 3:17-19\xt*\x* 
\v 22 Medhetitsi wolla hyayno yellodes yelo dha7e aykkide maachiti fana inxixeran un7ara yezanno nu erane. 
\v 23 Mahi yinno medhetitsiti xalaala baayzin Geeshi Ayyaana imo ekkide nuunii, nu ommite nu asatitsitis wozo maaqqide Xoozze na7a maaqqize ufayssito naagitera nu asatitsite inxixane. 
\v 24 Yinna ufaysite nuunii attida. Yezin nuunii ufayssi oochchizebaz benttize baz maaqqiko yinno oonii ufayssi oochchize?\x - \xo 8:24 \xo*\xt 2 Qoro. 5:2-4\xt*\x* 
\v 25 Yezin nu bi7ikaayze baz denggodes ga7i ufayssara naagiko yinno dandda7ara naagane.
\p
\v 26 Yinnii gaar Geeshi Ayyaana nu labitsite maaddane. Nuunii Xooz wayzi woosodes beezizako eroos, yezin Geeshi Ayyaana fa ommite, asi ohodes dandda7oosse qaalar nuus shoobbane. 
\v 27 Mahi asi wozina erize Xoozze Geeshi Ayyaana qoftta akko yezako erane. Geeshi Ayyaana Xoozze qoftti gaar geeshshuntsis shoobbane.
\p
\v 28 Xoozza siiqizuntsisin E qoftti gaar xeeginttezuntsis Xoozii ubba baz lo77oos oochchizanno nu erane. 
\v 29 Xoozza eriduntsi fa na7aya aazode fanan na7ayin ammanizunts gidda anggis maaqqade fana unttana doorii gaddida. 
\v 30 Xoozii tiino dooriduntsana xeegida; xeegiduntsana xillizida; xilliziduntsana mahi bonchchida.
\s1 Xoozze siiqo
\p
\v 31 Yeezin, nu hyanna ubbannis waagawude? Xoozii nu bagga maaqqiko nuna oode ixxode? 
\v 32 E melle atto yezin, fa na7ays yiqsinttikaayzara, nu gisho aatsii inggida. Yeezin, fa na7aya nuus aatsii inggide wayzi E ubba baz cer inggoso?
\p
\v 33 Xoozii dooriduntsana oode mootode? Xillize Xoozii firddize oode? 
\v 34 Yeezin, unttalla afa firddodes dandda7ize oode? Oonin baaya. Hyayqoppa denddii Xoozze mizaqite bettide, Kiristtoos Yesuusa, E nuus shoobbane.
\p
\v 35 Yikke, nuna Kiristtoosa siiqoppa shagode oode? Waayene woy madhane woy bay7ene woy naye woy kallotitsone woy zhashimone woy olane? 
\v 36 Geeshi Maxaafite,
\q1 «Nuunii ne gisho awara kumutsi hyayqqane;
\q2 shufos kanggize duro fana faydinttida»
\m \x - \xo 8:36 \xo*\xt Maz. 44:2\xt*\x*ga7intti xaafinttide fana maaqqida.
\p
\v 37 Yezin nuunii hyanne ubba, nuna siiqize Kiristtoosara gamizuntsappa aadhane.
\p
\v 38 Yinnii gisho, hyayqo maaqqin de7o maaqqin kiitanchchuntsana maaqqin ahizuntsana maaqqin hyatte yezaya maaqqin tiinoppa yo7odaya maaqqin wolqqamuntsana maaqqin, 
\v 39 dhoqqa maaqqin ziqqa maaqqin akko medhetitsi maaqqin nu Laatstse, Kiristtoos Yesuusara yeze Xoozze siiqoppa nuna shaakkodes dandda7oosanno taanii erida.
\c 9
\s1 Isra7eeluntsi doorintto
\p
\v 1 Taanii Kiristtoosar turo ohine, worddidhdhoos. Geeshi Ayyaana kaalitsize ta wozintta taanii worddidhoossanno taas markkidhane. 
\v 2 Ta wozintte Isra7eeluntsis gaama azzanon ashshoosse waaye ta gidda yene. 
\v 3 Taanii, ta ishuntsin ta iginuntsi gisho Kiristtoosappa shaakkintti Xoozze baadditsappa oomora yezezako kadhane. 
\v 4 Unttin Isra7eeluntsana, Xoozii unttana fa na7untsana mahida, fa bonchchito unttis qonccizida. Unttara caaqqida; higge unttis inggida. Un Xooz goynode turii oge beezida; Xoozii ufays qaala unttis inggida. 
\v 5 Un yelinttera mayzunts kochchi; mahi Kiristtoosa ashora un kochchi maaqqii yi7ida. Ubbappa kattara maaqqide Xoozze medhinas anjjinttida. Amin77e!\x - \xo 9:5 \xo*\xt Keze 4:22\xt*\x*
\p
\v 6 Yezin, Xoozze qaaltta shaarinttida ga7e baaya. Isra7eeleppa yi7ide ubba turii Isra7eele maaqqoos. 
\v 7 Mahi Abrahama kochchi ubba Abrahama na7a maaqqoos. Xoozii Abrahamas, «Ne zartta Yisaaqa baggara xeeginttoda» yagayda. 
\v 8 Yinno gaazanna ashora yelinttide na7a ubbuntsi Xooz na7a maaqqoos. Yezin turii Isra7eele na7a Xoozii Abrahamas gelide qaaltti gaar yelinttide na7a.\x - \xo 9:8 \xo*\xt Medho 21:12\xt*\x* 
\v 9 yagaazanno.\x - \xo 9:9 \xo*\xt Medho 21:12\xt*\x* Xoozii inggoda ga7i gelide qaaltta, «Taanii wontsi bere hyannii wode yo7oda; Saaran dhiiratsi na7a yeloda»\x - \xo 9:9 \xo*\xt Medho 18:10\xt*\x*
\p
\v 10 Yinno xalaala baayzin Irbbiqa fettii nu aday Yisaaqappa mentte na7untsana wodaxide wode, 
\v 11 un yelinttodeppa iita woy lo77o oochchodeppa tiino oochara baayzin doorer maaqqize Xoozze qoftta minggode fana, 
\v 12 «Anggisse geezes kiitinttoda» yaga7i Laatstsii Irbbiqas ohida. 
\v 13 Ga7intti xaafinttida.\x - \xo 9:13 \xo*\xt Medho 25:23\xt*\x* Yinnan Geeshi Maxaafite, «Yayqooba kadhida, Eesawo ixxida»\x - \xo 9:13 \xo*\xt Mil. 1:2\xt*\x*
\p
\v 14 Yeezin, nu waagawude? Xoozii firdda deshizane? Ade. 
\v 15 Laatstsii Musego,
\q1 «Ta maarodes koyduntsana maaroda;
\q2 ta yiqsinttodes koyduntsis yiqsinttoda»\x - \xo 9:15 \xo*\xt Keze 33:19\xt*\x*yagayda. 
\v 16 Yikke, Xoozze doore as qofa woy oochara baayzin E maarotitsite.
\p
\v 17 Geeshi Maxaafite, Gibxxe kaatizego, «Taanii, ta wolqqito neella beezodesin ta suntsita alame ubba gidda erinttode fana yinnis nena ka7itizida»\x - \xo 9:17 \xo*\xt Keze 9:16\xt*\x*ga7intti xaafinttida. 
\v 18 Yikke, Xoozii maarodes koyzaya maarane; wozintto muumisades koyzay wozintto muumizane.
\s1 Xoozze kachiton maarotitsito
\p
\v 19 Yinttappa fetay, «Yeezin, Xooz asi iita oocha gisho akkos bore? Xoozze qoftto atto gawude oode?» Ga7i oocodes dandda7ane.
\p
\v 20 Yezin ta ishayo, Xoozara lallodes ne oode? Looqappa medhinttide miishe fana medhdhidego, «Tana hyannii gaar oochchii akkos medhdhido?»\x - \xo 9:20 \xo*\xt Isa. 29:16; 45:9\xt*\x* ga7i oocodes dandda7ane? 
\v 21 Woy looqa medhdhiday fettii looqappa fetaya bonchcho miishe, hyankkaya mahi bore miishe mahi medhdhodes adetits wolqqa baaya?
\p
\v 22 Xoozii fa kachchito beezodes fa wolqqito erssodes koyi, firddas giigide hyanqqo na7untsana gaama genccera dandda7ezako ne akko ere? 
\v 23 Yinno E oochchidanna tiinii bonchchos giigizide, fa dooride na7untsis fa bonchchito qonccissades. 
\v 24 Ayhuduntsana xalaala maaqqikaayzin, Ayhude maaqqoosse nuunin Xoozara doorinttida.
\p
\v 25 Nabe Hose7e maxaafite,
\q1 «Ta asi maaqqikaayzuntsana, Ta asi ga7i xeegoda.
\q2 Ta siiqikaayze worzhito, ‹Siiqinttiduntsana› ga7i xeegoda.
\q1
\v 26 Un, ‹Ta worzha baaya› ga7intti xeeginttide besite,\x - \xo 9:26 \xo*\xt Hose. 2:23\xt*\x*
\q2 ‹De7o Xoozze na7a› ga7intti xeeginttoda»\x - \xo 9:26 \xo*\xt Hose. 1:10\xt*\x*yagayda.
\p
\v 27 Nabe Isayaasa Isra7eele asuntsbaz,
\q1 «Isra7eele asuntsi abba gaxa yeze shafe fana gaanggikon,
\q2 unttappa eeratsi asuntsi xalaala attoda.
\q1
\v 28 Yinna sa7alla afa ellisii folinttoda.»\x - \xo 9:28 \xo*\xt Isa. 10:22-23\xt*\x* 
\v 29 Mahi Isayaasa,
\q1 «Ubbappa wolqqaama Laatstse nuus eeratsi kochchi ashshikaayzako,
\q2 nuunii Soodoman gamoora katama fana dhabod yeshsha»
\m \x - \xo 9:29 \xo*\xt Isa. 1:9\xt*\x*yaga7i tiinii ohida.
\p
\v 30 Yeezin, nu waagawude? Xillotitsi kaalloosse Ayhude maaqqoosse asuntsi ammanora xillotitsi denggida. 
\v 31 Yezin xillotitsago yeltsize higge yeze Isra7eele asuntsi xillotitsi denggikaaya. 
\v 32 Akkos denggaanxido? Un xillotitsita ammanora baayzin oochara ekkodes koyde gishos. Yeyize gisho, un, «Dhubbize shuchchara» dhubbnttida. 
\v 33 Geeshi Maxaafite, bo7ote
\q1 «Taanii Xiyoone dhubbize shuchchin lallan gaddoda.
\q2 Eza ammanze oonin yeellidhoos»
\m \x - \xo 9:33 \xo*\xt Isa. 28:16\xt*\x*ga7intti xaafinttida.
\c 10
\p
\v 1 Ta ishuntso, ta kumutsi wozintte ta amudhizannan Xooz woosizanna Isra7eele attode fana. 
\v 2 Un Xoozis mishinttane yezin, turii eratitsappa mishinttosanno ta markkidhane. 
\v 3 Un Xoozze xillotits ogito eranxii ixxii, fa omma xillotitsi kaallidap attin Xoozze xillotitsi koyikaaya. 
\v 4 Asi ubba ammanora xillode fana Kiristtoosa higge folida.
\s1 Atotitsi ubbuntsis
\p
\v 5 Asi higge naagii ekkize xillotitsibaz Muse xaafittera, «Higge naagize oonin yinna higgito naagii de7o yezane»\x - \xo 10:5 \xo*\xt Leewe 18:5\xt*\x*yagayda. 
\v 6 Yezin ammanora ekkize xillotitsbaz ga7inttidanna hyanno: «Ne wozintte, ‹Oonii salo kessade?› yaga7ippe; yinna Kiristtoosa wodhissades. 
\v 7 Woy, ‹Sulle sa7a oomo wodhdhode oode?› ga7ippe; yinna Kiristtoosa boozappa kessodes.\x - \xo 10:7 \xo*\xt Mahe 30:12-14\xt*\x* 
\v 8 Yezin yaga7i xaafinttida: ‹Qaala ne kale; ne doontte ne wozintte yene› Nuunii yinttis ohize ammano qaaltta hyanno.
\p
\v 9 «Yesuusa Laatstsii» ga7i ne doontte markkidhiko Xoozii eza hyayqoppa dentsidanno ne wozintte ammaniko, ne attoda. 
\v 10 Asi fa wozintte ammanii xillane; fa doontte markkidhii attane. 
\v 11 Geeshi maxaafite, «Eza ammanze oonin yeellidhoos»\x - \xo 10:11 \xo*\xt Isa. 28:16\xt*\x*yagayda. 
\v 12 Fettii Xoozze ubbunts Laatstsii maaqqide gisho Ayhuduntsana maaqqin Ayhude maaqqoosse asuntsi gidda dummatitsi baaya. E fana xeegize ubbuntsis fa anjjito gaantsi inggane. 
\v 13 «Laatstse suntsito xeegize oonin attoda.»\x - \xo 10:13 \xo*\xt Iyu. 2:32\xt*\x*
\p
\v 14 Yeezin, un ammanosara wayzi eza xeegodes dandda7e? Un E baz si7ikaayzara wayzi eza ammanodes dandda7e? Mahi unttis qaala ohize asi baayzin, wayzi eza si7odes dandda7e? 
\v 15 Kiitinttide asi baayzin, qaala wayzi ohinttodes dandda7e? Geeshi Maxaafite, «Ufays Wonggele ohize asuntsi tohita wayzi lo77o yessa!» yaga7i xaafinttida.\x - \xo 10:15 \xo*\xt Isa. 52:7\xt*\x*
\p
\v 16 Yezin Isayaasa, «Laatstso, nu markkatitsito oode ammanido?» yaga7idanni fana, ubbuntsi Wonggele ammanikaaya.\x - \xo 10:16 \xo*\xt Isa. 53:1\xt*\x* 
\v 17 Yinnii gisho, ammano sissappa ye7ine; si7izannan Kiristtoosa qaalappa ye7ine.
\p
\v 18 Maaqqo yezin, Isra7eele asuntsi qaala si7ikaaya ga7ene? Ade si7ida. Geeshi Maxaafite,
\q1 «Un ootsita sa7a ubba sinttida,
\q2 un qaaltta sa7a gaxa yellida»\x - \xo 10:18 \xo*\xt Maz. 19:4\xt*\x*yagayda. 
\v 19 Yezin Isra7eele asuntsi erikaaya ga7ene? Muse zaga,
\q1 «Taanii yinttana leqinttide asuntsara qiirissada;
\q2 mahi eeya asuntsara yinttana qiirissada»\x - \xo 10:19 \xo*\xt Mahe 32:21\xt*\x*yagayda.
\p
\v 20 Mahi Isayaasa,
\q1 «Tana koykaayze asuntsis benttida;
\q2 tana oocikaayze asuntsis qonccida»
\m \x - \xo 10:20 \xo*\xt Isa. 65:1\xt*\x*yaga7i zhashtikaayzara ohida.
\p
\v 21 Yezin Isra7eele baz ohittera,
\q1 «Ubba qamma kiitinttoosse asuntsisin
\q2 tana ixxize asuntsis ta kushito miccida»\x - \xo 10:21 \xo*\xt Isa. 65:2\xt*\x*yagayda.
\c 11
\s1 Xoozii Isra7eeluntsana olikaaya
\p
\v 1 Ane ta oocane: yeezin, Xoozii fa asuntsana olidaane? Olikaaya! Taanii ta ommite Isra7eele; Abrahama kochchi; Biniyame kochchi. 
\v 2 Xoozii tiino dooride fa asuntsana olikaaya. Geeshi Maxaafite, Eeliyaasa Isra7eeluntsana Xoozze tiino wayzi mootezako, yin eroso?\x - \xo 11:2 \xo*\xt Filph. 3:5\xt*\x* 
\v 3 Eeliyaasa, «Laatstso, un ne nabuntsana wodhida, ne zharsho bestton lalida. Ta ta xalaalla attida; un tanan wodhodes koyane»\x - \xo 11:3 \xo*\xt 1 Kat. 19:10, 14\xt*\x*yagayda.
\p
\v 4 Xoozii ees waaga7i mahido? «Ba7aale eeqas goynikaayze laappun mukul asuntsana taas ashshida»\x - \xo 11:4 \xo*\xt 1 Kat. 19:18\xt*\x*yagayda.
\p
\v 5 Yinnii gaaran, hyanna wodite Xoozii fa aadho keehatitsite dooriduntsappa attide (Isra7eeluntsi) yene. 
\v 6 E unttana dooride fa aadho keehatitsitep attin un oochara baaya. Doore oochara maaqqiko, E aadho keehatitsita aadho keehatitsi maaqqoos.
\p
\v 7 Yeezin, waydo? Isra7eele fa koyzanno denggikaaya, yezin Xoozii dooriduntsii denggida. Attiduntsi fa wozintto muumizida. 
\v 8 Yezin, Geeshi Maxaafite,
\q1 «Un fa aafte be7aame fana
\q2 fa hyayte si7aame fana,
\q2 hyanno yellodes unttis
\q2 Xoozii doccize ayyaana inggida»
\m \x - \xo 11:8 \xo*\xt Mahe 29:4; Isa. 29:10\xt*\x*ga7intti xaafinttide gaar hyanida. 
\v 9 Mahi Dawute,
\q1 «Un mu7ize gabita unttana xike fana aykko;
\q2 unttana gol7ize gaga maaqqo;
\q2 un iitatitsita unttana yello.
\q1
\v 10 Un be7aame fana un aaftta goozintto;\x - \xo 11:10 \xo*\xt Maz. 69:22-23\xt*\x*
\q2 ubba wode waayeppa denddi yin bantta kuunnii yezo» yagayda.
\p
\v 11 Yeezin, Ayhuduntsi mahi denddaame fana gol7idaane? Baaya! Un gol7ita Ayhude maaqqoosse asuntsi attode fana mikinaate maaqqida. Yinnan Ayhuduntsi unttalla afa qana7ode fana oochchida. 
\v 12 Ayhudutsi nagartta alamttis gaama anjjo ki7ida; mahi un gol7ita Ayhude maaqqoosse asuntsis gaama anjjo maaqqida. Yeezin, doorinttide Ayhuduntsi kumutsi attize wode anjjo akko fana ganggod yeshsha!
\p
\v 13 Taanii, hyatte yinttis Ayhude maaqqoosse asuntsis ohine. Ayhude maaqqoosse asuntsi hawaare maaqqii oochchizanne taanii gaama ceeqinttane. 
\v 14 Ta yinno oochchidanna taas asho kochchi maaqqize Isra7eeluntsana qiirizidanna unttappa eeratsito ashshodes. 
\v 15 Xoozii unttana olii ashshide wode hyanna alamtta Xoozara giigida. Xoozii unttana shiishii ekkize wode hyayqide asi hyayqoppa denddize fana maaqqida.
\p
\v 16 Tiino minxa aafize Xoozis zharshinttide geeshi maaqqiko, mulo minxa aafttan geeshi. Minxizes xaphita geeshi maaqqiko, zhanggitan geeshi. 
\v 17 Gade tukkide shamahe zhangge maaqqide Ayhuduntsi meqqiko, yin gurdde dolide shamahe zhangge maaqqize Ayhude maaqqoosuntsin un bessa dhantsinttii un aafe anjjiton duretitsito shaakkinttida. 
\v 18 Yikke, yin zhangge fana sarfinttii wodhdhide Ayhuduntsalla afa uturtippete. Yin uturtize baz maaqqiko, xapho yinttana tookkidap attin yin xapho tookkoosanno qoppote.
\p
\v 19 Neenii, «Yikke ta un besite gelode fana» ga7i qoppoda. 
\v 20 Yinna turo. Un ammanikaayze gisho sarfinttida. Ne ammanide gisho yinna besite eqqida. Ne zhashtodes beezanep attin uturtodes beezoos. 
\v 21 Xoozii medho zhangge maaqqize Ayhuduntsis yiqsinttanxiko yinttisin yiqsinttoos.
\p
\v 22 Yikke, Xoozii akko gaar dalggan akko gaar zhashizako bo7o. E zhashizanna kiitinttosuntsalla, mahi E dalggatitsita yin ammanii miinggi eqqiko yinttis. Miinggi eqqanxiko yinttin sarfinttoda. 
\v 23 Ayhuduntsi ammaniko, zaga yeze besite maaqqada. Xoozii unttana mahi, geltsodes dandda7ane. 
\v 24 Yinttana gurdde yeze shamahe maaqqide Ayhude maaqqikaayzuntsana gachchii, gade tukkide shamahella afa yinttana dhantsiko, medho gade shamahe maaqqide Ayhuduntsana fa tiino bessa mahi tukkodes wayzi dandda7inttoosa? \fig Shamahe fa aafera|alt="Olive tree with its fruits" src="LB00087B.TIF" size="span" ref="11:24"\fig*
\s1 Xoozze maarotitsita ubbas
\p
\v 25 Ta ishuntso, yin yinttana eranchcha ga7i ceeqinttippete. Ta yinttis ohize fettii saza qofa yene. Yinnan Isra7eeluntsi si7anxi ixxidanna wurssutsi yellodes maaqqikaayzin attodes yeze Ayhude maaqqoosse asuntsi kumutsi Xoozago ye7ode wontsis. 
\v 26 Yinnii gaar, Isra7eele asuntsi ubbanna attoda. Geeshi Maxaafite,
\q1 «Nuna ashshizay Xiyooneppa yo7oda;
\q2 Yayqooba kochchappa iita ubba hyaasoda.
\q1
\v 27 Taanii un nagartto atto gaaze wode
\q2 unttara gelize caaqita hyanno» \x - \xo 11:27 \xo*\xt Isa. 59:20-21\xt*\x*
\m \x - \xo 11:27 \xo*\xt Isa. 27:9\xt*\x*ga7intti xaafinttida.
\p
\v 28 Ayhuduntsi Wonggele ekkanxide gisho yinttara morkke. Maaqqoyezin, hyatten un doornttide gishon, Xoozii un adunts gisho unttana kadhane. 
\v 29 Xoozii fa imoten fa xeegiten qiiridhdhoos. 
\v 30 Yin Ayhude maaqqoosuntsi zaga Xoozis kiitinttikaaya. Yezin hyatte Ayhuduntsi kiitinttanxi ixxin, yin Xoozze maarotitsito ekkida. 
\v 31 Yinnii gaar, yin ekkide maarotitsito Ayhuduntsi ekkode fana hyatte Xoozis kiitinttanxi ixxida. 
\v 32 Xoozii as ubbuntsis fa maarotitsito beezodes koyi, asi ubba kiitinttoosuntsana ga7i faydida.
\p
\v 33 Xoozze duretitsi, cinccatitsin eratitsi qoppii ohode oode? E firddita qurichinttoos, E ogita erinttoos. 
\v 34 Geeshi Maxaafite,\x - \xo 11:34 \xo*\xt Isa. 55:8\xt*\x*
\q1 «Laatstse qofa erize oode?
\q2 eza zorodes dandda7ize oode?
\q1
\v 35 Xoozis tal77izen\x - \xo 11:35 \xo*\xt Isa. 40:13\xt*\x*
\q2 tal7idanno mahi ekkize oode?»
\m \x - \xo 11:35 \xo*\xt Iyo. 41:11\xt*\x*yagayda.
\p
\v 36 Ubbanna eeppa; eeran eesi. Ees medhinas bonchcho maaqqe. Amin77e.
\c 12
\s1 Kiristtoosar kille de7o
\p
\v 1 Yikke, ta ishuntso, Xoozza ufayssize, de7on geeshi zharsho mahi, yin galtto shiishode fana taanii yinttana Xoozze maarotitsite woossane. Yinnan Xoozza yin goynodes beezize turii oge. 
\v 2 Lo77o, ufayssizen folo maaqqide Xoozze qofa shaakkii erodes yin wozintte laaminttotep attin hyanna alamito aazippete.
\p
\v 3 Xoozii yin fetays fetays inggide ammanttii fana wozinaama asi fana qoppote. Qoppodes beezizannippa aatsii yinttana dummuzii, uturara qoppipete ga7i taas ingginttide aadho keehatitsite yinttis ohine. 
\v 4 Nu fettii gallitii gidda dumma dumma billituntsi yene; yinna dumma dumma billituntsis dumma dumma oocha yene. 
\v 5 Yinnii gaar, nuunii gaama asi maaqqikon Kiristtoosara fettii galla maaqqida. Nuunii fettii galla maaqqii dumma dumma billite fetay fetayra aykinttida. 
\v 6 Nuus ingginttide aadho keehatitsite dumma dumma imo yene. Nu imotta tinbbite ohe maaqqiko, nuus yeze ammanttii gaar ohodes beezane. 
\v 7 Nu imotta melluntsana maade maaqqiko, yinna oochite minggodes beezane; tamaarsse maaqqiko, yinna tamaarssite minggodes beezane. 
\v 8 Nu imotta melluntsana mintsitse maaqqiko, miinggi mintsitsodes beezane. Nu imotta nuus yeze bazappa melluntsis ingge maaqqiko, wozinappa inggodes beezane. Nu imotta ahe maaqqiko, miinggi ahodes beezane. Nu imotta melluntsis keehe maaqqiko, ufayssara keehodes beezane.
\p
\v 9 Yin siiqita afurappa kattara maaqqodes beezoos. Iita baz ixxote; lo77o baz mintsii aykkote. 
\v 10 Fetay fatayra ishe fana siiqinttote; fetay fetaya bonchchote. 
\v 11 Azal7ippete; yin ayyaanar miinggi Laatstsis oochchote. 
\v 12 Xoozii inggide ufayssara ufayttote; madha dandda7ote; ubba wode Xooz woossote. 
\v 13 Ammanze geeshshuntsana koshshize bazara maaddote; zaqqo mokkote.
\p
\v 14 Yinttana bay7izuntsana anjjote; anjjotep attin baaddippete. 
\v 15 Ufayttizuntsara ufayttote; yeekkizuntsara yeekkote. 
\v 16 Fetay fetayra fettii qofite yezote. Utura qofa ashshii, yinttana ziqii yiizii, aada asuntsara wolla yezote. Yin yinttana era ga7i qoppipete.
\p
\v 17 Ooden yinttis iita baz oochchiko, ye atstses iita mahippete. As ubba tiino nashshize lo77o oocha oochchote. 
\v 18 Dandda7inttiko as ubbara saro yessades yinttis dandda7inttizanno ubba oochchote. 
\v 19 Ta ishuntso, yin, yin ommite asis qime mahippete. Xoozii qime mahode fana ees ashshote. Geeshi Maxaafite,
\q1 «Taanii qime mahoda;
\q2 taanii kushito mahoda»
\m yagaane Laatstsii, ga7intti xaafinttida.
\p
\v 20 Yezin Geeshi Maxaafite,
\q1 «Ne morkkizaya naydhdhiko muzo;
\q2 E baridhdhiko ushsho.
\q1 Ne yinno oochchiko E ommite
\q2 tama qaaqa gussane»
\m ga7intti xaafinttida.
\p
\v 21 Iita lo77or gamotep attin iitara gaminttippe.
\c 13
\s1 Worzha ahizuntsis kiitintte
\p
\v 1 Xoozze qofa baayzin adetits wolqqa ingginttoose gishon hyatte yeze shuumuntsin Xoozze qofara shuumunttide gisho asi ubba worzha ahizuntsis kiitnttodes beezane. 
\v 2 Yinnii gisho, adetits wolqqara yezuntsis kiitinttanxi ixxize oonin Xoozze kiita ixxane. Kiitinttanxi ixxize oonin faalla afa firdda ke7ine. 
\v 3 Ahizuntsii iita oochchizuntsana fattin lo77o oochchizuntsana zhashoos. Ahizuntsis zhashitaanxodes koyane? Yeezako lo77o oochcho; un nena galatoda. 
\v 4 Un lo77o baz oochchodes shuumunttide Xoozze aro. Yezin ne iita baz oochchiko, un iita baz oochchiza seerize mashsha aykkide gisho unttis zhashito. Un iita oochchizuntsana seerii, Xoozze hyanqqo qonccize Xoozze aro. 
\v 5 Yinnii gisho, Xoozze kachchi xalaalas baayzin yin qoftta markkidhize gisho worzha ahizuntsis kiitinttodes beezane.
\p
\v 6 Yin giira giirizannan yinnis. Worzha ahizuntsii yinna oochito oochchizanna, un Xoozze aro maaqqide gishos. 
\v 7 Fetes fetes beezanno inggote. Giira giirodes beezays giirote; qaraxe gachchodes beezays qaraxe gachchote; zhashtodes beezays zhashtote; bonchcho beezaya bonchchote.\x - \xo 13:7 \xo*\xt Maato. 22:21; Mar. 12:17; Luqa. 20:25\xt*\x*
\s1 Siiqinttote
\p
\v 8 Fetay fetera siiqinttote. Siiqo galep attin yinttalla afa melle gale yezippe. Asi siiqize oonin higge gaazanno folida. 
\v 9 «Laammippe; wodhippe; kaystippe; amudhdhippe» gaaze kiittan melluntsin ubba, «Asi ne ommiti fana kadho» gaaze kiitte accinttida. 
\v 10 Asi siiqize oonin ezalla afa iita baz oochchoos. Yinnii gisho, asi siiqize higge kiita folida.\x - \xo 13:10 \xo*\xt Keze 20:13-17; Mahe 5:17-19; Leewe 19:18\xt*\x*
\p
\v 11 Genttoppa yin barkkize wode hyatte yellidanno erote. Nu ammanide woditippa aadhii atotitsi hyatte nuugo ukkida. 
\v 12 Qamma aadhida; wontta ukkida. Yikke, nuunii dhuma oocha ashshii foo7o ola miishe aykkoda. 
\v 13 Ane awara foo7o yeze asi fana wogara yezote. Beezoosse yetstsaran matstsera maaqqippe olale hyantteran qayxer aykkinttide dumma dumma tuna oocha,\f + \fr 13:13 \fr*\fqa Olale hyanttera yellii dumma dumma tuna oocha: \fqa*\ft Woy yetstsara, matstsera, olale hyanttera, qayxera maaqqippe ga7i billodes dandda7inttane. Olale hyanttara yellize dumma dumma tuna oochita asi Xoozze aheppa bale kezii xootsi woga kaallii folize oocha ga7e.\ft*\f* Lalleran qinaatera maaqqippe. 
\v 14 Laatstse Yesuus Kiristtoosa ma77ote; yin nagara asho fa amuto folode fana qoppipete.
\c 14
\s1 Asalla afa firddippete
\p
\v 1 Ammanora labbide oonan shiishii ekkotep attin E qoftilla afa firddippete. 
\v 2 Aazizes, ammanora miinggide fettii asi akko katstsan ma7ades dandda7ane. Yezin ammanora labbide asi atakiltte xalaala muune.\x - \xo 14:2 \xo*\xt Qola. 2:16\xt*\x* 
\v 3 Muuze asi mo7oosse atstsa borippe. Mo7oosse atstse muuze atstsella afa firddippe. Xoozii ubbuntsana ekkane. 
\v 4 Melle as arolla firddize ne oode? E labbin woy miinggin E Laatstse erane. Laatstsii eza essodes dandda7ize gisho E miinggi eqqoda.
\p
\v 5 Mahi «Fettii awara melle awarappa aadhane» yaga7i qoppize asi yene. Melle mahi, «Awara ubba fettii fana» ga7i qoppane. Yezin fete fete fa qoftto qoppii oochcho. 
\v 6 Fettii qammiza melle qammitipa aatsii bonchchize oonin Laatstse bonchchos ga7i oochchane. Katstsa muuze asi Laatstse bonchchos ga7i muune. E muuze yinna katsitii gisho Xooz galatane. Katstsa mo7oosse asi Laatstse bonchchos me7anxi ashshane; mahi me7anxi ashsheran Xooz galatane. 
\v 7 Nuuppa oonin faas yezoos; mahi nu giddappa oonin faas hyayqoos. 
\v 8 Nu de7or yeziko Laatstsis yessada; mahi hyayqqikon Laatstsis hyayqqoda. Yikke, nu de7or yezin woy hyayqqikon Laatstsis.
\p
\v 9 Kiristtoosa hyayqqii hyayqqoppa denddide, de7or yezuntsisin hyayqqiduntsis Laatstse maaqqades. 
\v 10 Yeezin, ne ne ishella afa akkos firdde? Woy ne ne isha akkos leqqe? Nuunii ubbanna Xoozze firdda oyda tiino eqqoda.
\p
\v 11 Geeshi Maxaafite Laatstsii,\x - \xo 14:11 \xo*\xt 2 Qoro. 5:10; Isa. 45:23\xt*\x*
\q1 «Taanii de7o;
\q2 asi ubba ta tiino bunqqinttoda;
\q2 taanii Xooz maaqqizanno markkidhoda»
\m yagayda. 
\v 12 Yikke, nu oochchide bazitis nu ommite ommite Xooz tiino shiiqii mahe inggoda.
\s1 Melle asi dhubutsippete
\p
\v 13 Yinnii gisho, nuunii fetay fetaylla afa firddizanno ashshote. Yezin yin ishaya dhubutsaame fana woy qaxxaame fana naaginttote. 
\v 14 Laatstse Yesuusa ammanze asi maaqqii, fa ommite tuna maaqqide baz baayzanno taanii geeshi erane. Yezin fettii asi fettii baz tuna mahi qoppiko yinna ees tuna maaqqane. 
\v 15 Ne muuze katstsa gisho ne ishaya dhubbize baz maaqqiko, Kiristtoosa yeze ne ishaya siiqoos. Kiristtoosa E gisho hyayqqide atstsa ne muuze katstsiti gisho dhabsippe. 
\v 16 Yikke, yinttis yeze lo77o bazito cazhizippete. 
\v 17 Xoozze ka7itumo Geeshi Ayyaanara benttize xillotetsi, sarotitsin turii ufayssap attin muuze bazin uzhize bazi baaya. 
\v 18 Yinnii gaar Kiristtoosas oochchize asi Xooz ufayssane; as giddan anjjinttane.
\p
\v 19 Yinnii gisho, ane nuunii sarotitsi benttize ogen fete fetaya ammanora mintsize oge koyote. 
\v 20 Katstsa gisho ga7i Xoozze oochito lalippe. Katstsa ubba geeshi, yezin melle asi nagarara dhubbize katstsa mu7izanna iita. 
\v 21 Ne ishay dhubunttaame fana asho mo7oosanna woy ushi uzhoosanna woy ne ishay dhubbize akko bazin oochchoosanna lo77o.
\p
\v 22 Yikke, ne ammantto ne giddan ne Xoozze gidda naago. Likke ga7i qoppidebaz oochchize wode E wozintta mootoosse atstse anjjinttidaya. 
\v 23 Yezin so7itter muuze atstses E muuze ammanora maaqqikaayze gisho firddinttane. Ammano baayzin oochinttide oocha ubba nagara.
\c 15
\s1 Melluntsana ufayssodes beezane
\p
\v 1 Nuunii minggiduntsi labbiduntsi toofito tookkodes beezane. Nuunii nuna ufayssodes beezoos. 
\v 2 Nuunii nu dootsiza mintsitsodes maaddodesin ufayssodes beezane. 
\v 3 Kiristtoosa fana ufayssikaaya. Yezin Geeshi Maxaafite, «Nena boride borita nuna yellida»\x - \xo 15:3 \xo*\xt Maz. 69:9\xt*\x*ga7intti xaafinttidanni gaar hyanida. 
\v 4 Geeshi Maxaafite inggize genccon mintsitsera nu ufayssito ekkode fana Geeshi Maxaafite xaafinttide ubbanna nuna tamaarssodes xaafinttida.
\p
\v 5 Genccon mintsitimo inggize Laatstse yin Kiristtoos Yesuusa kaallize wode fettetitsi yinttis imme. 
\v 6 Yinnan, nu Laatstse Yesuus Kiristtoosa Adaya, Xoozza, fettetitsaran fettii qaalara yin bonchchode fana.
\s1 Wonggele asi ubbas
\p
\v 7 Kiristtoosa yinttana ekkidanni fana Xoozze bonchchos fetay fetaya ekkote. 
\v 8 Xoozii zaga aduntsis inggide ufayssita folinttode fanan E turetitsita erinttode fana Kiristtoosa Ayhudunts garraze woga folera aro maaqqii yi7idanno ta yinttis ohine. 
\v 9 Kiristtoosa Ayhudunts garraze woga aro maaqqide melle mikinaata mahi Ayhude maaqqoosse asuntsi Xoozze maarotitsiti gisho galatode fana. Geeshi Maxaafite,
\q1 «Ta nena Ayhude maaqqoosse asunts gidda galatoda;
\q2 Ne suntsito mazmurer sabboda» \x - \xo 15:9 \xo*\xt 2 Sam. 22:50; Maz. 18:49\xt*\x*
\m ga7intti xaafinttide gaar hyanida.
\p
\v 10 Mahi,
\q1 «Ayhude maaqqoosse asuntso,
\q2 Xoozze asuntsara ufayttote»
\m yagayda.
\p
\v 11 Hyatten mahi,
\q1 «Ayhude maaqqoosse asuntso,
\q2 Laatstsa galatote;
\q2 worzha ubba eza sabbote»
\m yagayda.
\p
\v 12 Yinnii gaar Isayaasa,
\q1 «Issey kochchappa yelinttode fetay ye7oda;
\q2 E ka7itumo ubba ahoda.
\q2 Un fa ufayssito eella afa gaddoda»
\m \x - \xo 15:12 \xo*\xt Isa. 11:10\xt*\x*yagayda.
\p
\v 13 Geeshi Ayyaana wolqqara yin diccode fana ufayssi inggide Xoozze, yin ammanttii baggara yinttis ufayssin sarotits kumutsi imme.
\s1 Phawuloosa xaafide mikinaate
\p
\v 14 Ta ishuntso, yinttara lo77otitsin eratitsi kumiduntsana mahi fetay fetaya zorodes dandda7izanno ta loytsii erane. 
\v 15 Taanii yinttana fettii fettibaz qofissades koyi zhashtikaayzara Xoozze aadho keehatitsara yinttis xaafida. 
\v 16 Taanii Kiristtoos Yesuusa aro maaqqii, Ayhude maaqqoosuntsis kahine fana maaqqii, Wonggele ohode fana Xoozii taas aadho keehatitsi inggida. Ayhude maaqqoosse asuntsi Geeshi Ayyaanara geezhi, Xooz ufayssize zharsho maaqqode fana Xoozii yinno oochchida.
\p
\v 17 Taanii Kiristtoos Yesuusar maaqqii ta Xoozzes oochchize oochite ceeqinttane. 
\v 18 Ayhude maaqqoosse asuntsi Xoozis kiitinttode fana, Kiristtoosa ta qaaltten ta oochchiti baggara oochchide oochchitippa melle ta ceeqinttize baz baaya. 
\v 19 Xoozii yinno kille baz oocharan Geeshi Ayyaana wolqqara wayzi oochchezako ta yinttis ohoda. Taanii Yerusalaameppa dentsii, Iliwarqoone yellodes Kiristtoosa Wonggele sabbakida. 
\v 20 Taanii melle asi baaside baasalla keexxodes koyoos. Kiristtoosa suntsita xeeginttikaayze bessa Wonggele ohodes amudhdhane. 
\v 21 Geeshi Maxaafite,
\q1 «E bazi ohinttikaayze asuntsi eza be7ada;
\q2 E baz si7ikaayze asuntsi qoppoda»
\m \x - \xo 15:21 \xo*\xt Isa. 52:15\xt*\x*ga7intti xaafinttida.
\s1 Phawuloosa Roome qitodes qoppida
\p
\v 22 Yinnii mikinaatera, taanii yinttago yo7odes dandda7ikaaya. 
\v 23 Yezin taanii hyatte hyanna gututo ubba ta yellii hyaaside gishon gaama bereppa dentsii yinttana be7odes amudhdhide gisho\x - \xo 15:23 \xo*\xt Rome 1:13\xt*\x* 
\v 24 taanii Isppeene hyanggitera yinttana be7odes qoppida. Mahi eeratsi wode yinttara ufayttideppa suuba Isppeene hyanggize wode yin oges tana maaddode fana koyane.
\p
\v 25 Yezin hyatte taanii Xoozze asuntsana maaddodes Yerusalaame hyanggoda. 
\v 26 Maqedooniyan Akkaya gidda yeze Xoozze asuntsi, Yerusalaame yeze dahuntsana miishera maaddodes koyde gisho. 
\v 27 Un dahuntsana maaddizanna unttis attoossebaz maaqqide gisho fa ommite yinno oochchodes qofa accida. Ayhuduntsara Ayhude maaqqikaayzuntsin ayyaana anjjo shaginttiko, un mahi unttis yeze bazara Ayhuduntsana maaddodes beezane.\x - \xo 15:27 \xo*\xt 1 Qoro. 16:1-4\xt*\x* 
\v 28 Yinnii gisho, taanii yinna shiiqide miishito unttis inggi un ekkidanno erideppa suuba Isppeene hyanggitera yin kalera aadhoda.\x - \xo 15:28 \xo*\xt 1 Qoro. 9:11\xt*\x* 
\v 29 Taanii yinttago hyanggize wode Kiristtoosa anjjo kumutsi ekkii hyanggodanno erane.
\p
\v 30 Ta ishuntso, taas Xooz woossittera ta butuntte taara eqqode fana Laatstse Yesuus Kiristtoosaran Geeshi Ayyaana siiqite yinttana woossane. 
\v 31 Xoozii tana Yihuda yeze ammanoose asuntsappa ashshode fana Yerusalaame ta oochchode oochita Xooz asunts kale ekkinttode fana taas woossote. 
\v 32 Mahi Xoozii gayko, taanii yinttago hyanggi ufayssara yinttara shemppode fana taas woossote. 
\v 33 Sarotits Xoozze yin ubbuntsara maaqqe. Amin77e.
\c 16
\s1 Saritse
\p
\v 1 Kinkkiriya katama yeze woosa keetstsite oochchize nu mishita Feeba lo77o maacho maaqqidanno yin erode fana koyane. 
\v 2 Yin izo ammanze asuntsi Laatstse suntsite mokkodes beezize ammanze asuntsappa fete fana mokkite. Iza yinttappa koyze baz ubba izo maaddote. Iza fa ommite gaama asi maaddida; mahi tana ta ommite gaama maaddida.
\p
\v 3 Kiristtoos Yesuusa oocha taara wolla oochchize Phirisqilan Aqiila saro ga7ote. 
\v 4 Un ta gisho fa shemppito aatsii inggida. Ta xalaalas baayzin Ayhude maaqqoosse asunts woosa keetsuntsin ubba unttana galatane.\x - \xo 16:4 \xo*\xt Hawa. 18:2\xt*\x* 
\v 5 Un kara shiiqize ammanzunts saro ga7ote.
\p Isiya sa7a Kiristtoosa tiino ammanide, ta kadhize Ephanexoosas ta saritsito yeltsote.
\p
\v 6 Yinnii gisho oochara gaama labbide Mayramo saro ga7ote. 
\v 7 Taara achi keetstsa yezide ta Ayhude lagguntsana Anddironiqoosan Yuuniyasa saro ga7ote. Un Yesuusa hawaaruntsi gidda erinttiduntsana. Mahi un Kiristtoosa taappa tiino ammanida.
\p
\v 8 Laatstse ammanze ta siiqo laggiza, Amphiliyaxoosa saro ga7ote. 
\v 9 Kiristtoosa oocha nuura wolla oochchize Urbbanoosan ta kadhize Isttakuusa saro ga7ote. 
\v 10 Kiristtoosas yezanna fattanintti ammantsize Apheliisa saro ga7ote. Arsxobuloosa kara asuntsana saro ga7ote. 
\v 11 Ta Ayhude laggiza Heroodiyoona saro ga7ote.
\p Narssisanen E kara asuntsappa Kiristtoosa ammaniduntsana saro ga7ote.
\p
\v 12 Laatstse oocha labbize Tirufaynan Tirufoosa saro ga7ote. Mahi Laatstsis gaama labbii oochchize, ta kadhize Phersiiso saro ga7ote. 
\v 13 Laatstse oochara gaama erinttide Rufoosasin tana fa na7a fana be7ize E intto saro ga7ote. 
\v 14 Asinikirttoosas, Filegoonas, Hermmeesas, Patirobaasasin unttara yeze ammanze ishuntsi ubbuntsis ta saritsito ohote.\x - \xo 16:14 \xo*\xt Mar. 15:21\xt*\x* 
\v 15 Filoloogusa, Yuuliya, Neeriya, E mishito, Olumppoosan unttara yeze ammanze asuntsana ubba saro ga7ote.
\p
\v 16 Geeshi yeerintte yeerinttitera, fetay fetaya saritsote. Kiristtoosa woosa keetstsi ubba yinttana saro gaane.
\s1 Wurssutsi zore
\p
\v 17 Ta ishuntso, yin tamaaride timirttito ixxii, yin gidda shaakkintten madha medhdhize asuntsappa naaginttote. Unttappa hyaakkote. 
\v 18 Yinnii fana yeze asuntsi fa sazasip attin nu Laatstse Kiristtoosas oochchoos. Fa mal77ize doonaran yiqsize qaalara akko eroosse asunts wozintto balitsane. 
\v 19 Wonggeles yin kiitinttidanno asi ubba si7ide gisho tana ufayssane. Yezin yin lo77o baz erode fana iita bazappa hyaakkode fana ta koyane. 
\v 20 Sarotits Xoozze Xalahe yin tohitippa oomora gaacii oloda.
\p Nu Laatstse Yesuus Kiristtoosa aadho keehatitsita yinttara maaqqe.
\p
\v 21 Taara oochchize Ximotiyoosa yinttana lo77o yagayda.\x - \xo 16:21 \xo*\xt Hawa. 16:1\xt*\x* Yinnii gaaran, ta iginuntsi Luqiyosa, Iyaasonen Sosphaxiroosa yinttana saro gaane.
\p
\v 22 Hyay dabddaabbiza Phawuloosas xaafide taanii, Xarxiyoosa, yinttana Laatstse suntsite saro gaane.
\p
\v 23 Tana mokkize woosa keetsito ubba E kara shiiqize Gaayoosa, yinttana saro gayda. Katama miishe aykkize Erasxoosan nu ishe Qarxoosa yinttana saro gaane. [
\v 24 Nu Laatstse Yesuus Kiristtoosa aadho keehatitsi yin ubbara maaqqe. Amin77e.]\f + \fr 16:24 \fr*\ft Zaga tiino maxaafite faydo 24 baaya.\ft*\f*
\p
\v 25 Xoozis galata maaqqe. Taanii, Yesuus Kiristtoosa baz ohize Wonggele qaaltte gaama wodeppa aachintti gam7ide turetitsara, Xoozii yinttana ammanora mintsii essodes dandda7ane.\x - \xo 16:25 \xo*\xt Hawa. 19:29; 1 Qoro. 1:14; 2 Ximo. 4:20\xt*\x* 
\v 26 Yezin hyatte yinna turita qonccida. Ka7itumo ubba ammanii kiitinttode fana medhina Xoozze kiitte nabuntsi yinna turttibaz xaafida.
\p
\v 27 Yesuus Kiristtoosa baggara cinccatitsi E xalaalas yeze, fettii Xoozzes medhinas bonchcho maaqqe. Amin77e.