\id REV - Oyda New Testament
\ide UTF-8
\h Wahannisa Qonccitsi
\toc1 Wahannisa Qonccitsi
\toc2 Wahannisa Qonccitsi
\toc3 Qon.
\mt1 Wahannisa Qonccitsi
\imt1 Gele
\ip Wahannisa qonccitsi xaafinttidanna, ammanze asuntsi Yesuus Kiristtoosa faas Laatstsii mahi, ammanide gisho unttana baytsin waaye yellide wode. Xaafize loytsi bi7ide aafe qoftta, ammanze asis ufayssita kumutsi maaqqade gaar unttana mintsitsi, unttana yellide baytsin madha gidda fa ammantte miinggi eqqode gaar dentsitsodes.
\ip Maxaafite aadhize kifiltta gaaman kaallii kaallii qonccide qonccitsito aykkane. Yinna qonccitsita ye wode yeze asuntsis gelane, yezin melluntsis saza qofa maaqqii gam7ida. Un ohinttidannan misile aazize ohera. Hyay maxaafize gidda yeze faydita, makkize miishuntsin xootsuntsi deruntsin ayyaana medhetits aazize. Mazmure azmaachche mahi mahi zammarinttizanni fana, hyay maxaafize gidda yeze aafe qoftta dumma dumma qonccits baggara dumma dumma ogera mahi mahi shiiqida. Hyay maxaafize bilitsitis dumma dumma qofa yezikon, aafe qoftta qoncce. Yinnan, «Xoozii Laatstse Kiristtoosa baggara lam7intsoose ogera fa morkkuntsana, Xalahera gujjii, fettii tohe wurssutsi yellodes gamoda. Yinna gamtippa suuba, ees ammaninttii yezide fa bagguntsana kille salon kille sa7a anjjo laatisada» gaazanno.
\iot Aafe Qofuntsi
\io1 Gele qofa \ior 1:1-8 \ior*
\io1 Laappun woosa keetsuntsis gidda1:9-20
\io1 Laappun woosa keetsuntsis xaafinttide kiita \ior 2:1—3:22 \ior*
\io1 Araatiza, xaaxinttide maxaafizan Duriza \ior 4:1—5:14 \ior*
\io1 Laappun mahitamito \ior 6:1—8:1 \ior*
\io1 Laappun moyze \ior 8:2—11:19 \ior*
\io1 Dawan lam77i xootsuntsana \ior 12:1—13:18 \ior*
\io1 Dumma dumma qonccuntsana \ior 14:1—15:8 \ior*
\io1 Laappun Xoozze hyanqo xuu7untsana \ior 16:1-21 \ior*
\io1 Baabiloone gol7e, xootsizan, worddo nabizan Dabuloosa gamintte17:1—20:10
\io1 Wurssutsi firdda \ior 20:11-15 \ior*
\io1 Kille salo, kille sa7an kille Yerusalaame \ior 21:1—22:5 \ior*
\io1 Xaatsi qofa \ior 22:6-21 \ior*
\c 1
\p
\v 1 Ellera yi7ades yeze baz fa aruntsana beessade fana Xoozii Yesuus Kiristtoosas inggide qonccitsita hyanno. Yesuusa fa Kiitanchcho kiittii, fa arize Wahannisas qonccitsito beezida. 
\v 2 Wahannisa Xoozze qaalan, Yesuus Kiristtoosa markkatitsi bi7idannon oochchidanno ubba markkidhida. 
\v 3 Hyanna ubba yi7ades wode ukkide gisho hyanna tinbbite qaaltto nabbabize ooden anjjinttidaya; mahi hyanna qaaltto si7izuntsin xaafinttide qaaltto naagize ubbuntsi anjjinttiduntsana.
\s1 Laappun Isiya woosa keetsunsis kiitinttide saritse
\p
\v 4-5 Hyay dabddaabbiza, Wahannisappa, Isiya sa7a yeze laappun woosa keetsunsis xaafinttida. Zagan, hyatten yeze, tiinosin yo7odes yeze Xoozappa, mahi E araatize tiintte yeze laappun ayyaanutsappa, yinnii fana, hyayqoppa denddora tiino maaqqideppa, sa7a kaatuntsana ahize ammantsize markka maaqqide Yesuus Kiristtoosappa, aadho keehatitsin sarotitsi yinttis maaqqe.
\p Yesuusa nuna siiqane, mahi fa suutsitira nagara arotitsappa nuna wallo kessida.\x - \xo 1:4-5 \xo*\xt Isa. 55:4; Maz. 89:27; Keze 3:14; Qon. 4:5\xt*\x* 
\v 6 Nuunii Xoozze E Adays oochchode gaar nuna ka7itumtte kahinuntsana mahida. Ees medhinappa medhina yellodes bonchchon wolqqan maaqqe. Amin77e.\x - \xo 1:6 \xo*\xt Keze 19:6; Qon. 5:10\xt*\x*
\p
\v 7 Yikke, Yesuusa dhonnera yo7oda. Asi ubbuntsi melle atto yezin, eza caddide asunts ubba eza bo7oda. Sa7a yeze asi ubba E gisho yeekkoda. Yinna turo hyanoda! Amin77e.\x - \xo 1:7 \xo*\xt Dane. 7:13; Maato. 24:30; Mar. 13:26; Luqa. 21:27; 1 Tese. 4:17; Zakka. 12:10; Waha. 19:34\xt*\x*
\p
\v 8 Zagan, hyatten yezay, tiinosin ye7ode Laatstse, Ubbappa Damma Xoozii, «Alfan Oomega tana»\f + \fr 1:8 \fr*\fk Alfan Oomega: \fk*\ft Girike doonara Alfan Oomegan tiinon wurssutsi fidaaluntsana; bilitsitan tiinon wurssutsi ga7e. \ft*\f* yagaane Laatstsii Xoozze.\x - \xo 1:8 \xo*\xt Qon. 22:13; Keze 3:14\xt*\x*
\s1 Laatstse qonccits
\p
\v 9 Taanii, Wahannisa, yin ishay, yinttara wolla Yesuusara madha, E ka7itumtton E dandda7ito bi7ida. Taanii Xoozze qaala gishon Yesuusa baz markkidhide gisho Faximo gaaze hyaatsara teqinttide sa7a yene. 
\v 10 Laatstse qamma ta Geeshi Ayyaanara maaqqii yene; taappa suubara moyze oolle fana damma ootsi si7ida. 
\v 11 Ye ootsize tana, «Ne be7ezanno maxaafite xaafii, Isiya yeze laappun woosa keetsunsis, Efesoone, Semirneese, Pherggamoone, Tiyatiroone, Sarddeese, Filaadelfiyan Loodoqiya dakko» yagayda.
\p
\v 12 Taanii taas ohize ootsito be7ades suub maaqqii xomppe gaddize laappun worqqa xomppe gaddize besito bi7ida. 
\v 13 Yentsi xomppe gaddize bessuntsi gidda as na7a aazizaya bi7ida. E phargo afula fa tohito yeltsi ma77ida, worqqa dancora fa dadabito accida.\x - \xo 1:13 \xo*\xt Dane. 7:13; Dane. 10:5\xt*\x* 
\v 14 E ommitan E omma isintsita bootsi duro isintse fana woy shachchi fana bootsi; E aafuntsii tama loxe aazane.\x - \xo 1:14 \xo*\xt Dane. 7:9 \xt*\x*\x - \xo 1:14-15 \xo*\xt Dane. 10:6\xt*\x* 
\v 15 E tohita tama teellii zoqqide naase meqo aazane; E ootsita damma soso hyaatsi ootse fana.\x - \xo 1:15 \xo*\xt Hiz. 1:24; 43:2\xt*\x* 
\v 16 E fa mizaqi kushtira laappun xoolintto aykkida. E doonttippa lam77i zallara leefinttide mashsha kezane. E sintta awara foo7ize awa aafe aazane.
\p
\v 17 Ta eza bi7ize wode hyayqqide asi fana yii7i E tohiti kale gol7ida. E fa mizaqi kushito taalla afa gaddii, «Zhashtippe; Tiinizen folize tana.\x - \xo 1:17 \xo*\xt Isa. 44:6; 48:12; Qon. 2:8; 22:13\xt*\x* 
\v 18 Taanii de7o yene; taanii hyayqqida, yezin hyaychche medhii medhinas de7o yene. Hyayqon Si7oole qulfe ta kushite yene. 
\v 19 Yikke, hyatte hyanidannon tiinoppa yi7adebaz ne bi7idanno xaafo. 
\v 20 Neenii ta mizaqi kushite bi7ide laappun xoolinttuntsanan laappun worqqa xomppe gaddize besitii bilitsitan hyanno: Laappun xoolinttuntsi laappun woosa keetsuntsi kiitanchchuntsana; laappun worqqa xomppe bessuntsi laappun woosa keetsuntsana.»
\c 2
\s1 Efesoone woosa keetsitis kiitinttide kiita
\p
\v 1 «Efesoone woosa keetstsa kiitanchchos hyannii gaar ga7i xaafo.
\pi Fa mizaqi kushite laappun xoolintto aykkidayin laappun worqqa xomppe gaddize besi giddara hyanttizay hyannigaara yagaane: 
\v 2 Taanii ne oochito, ne labbitsiton ne genccito erane. Neenii iita asuntsbaz genccodes dandda7ikaayzanno erane. Mahi hawaare maaqqikaayzara fana, hawaare gaazuntsana qurichi erii un worddanchcho maaqqin denggidanno ta erane. 
\v 3 Neenii genccida; ta suntsiti gisho madha dandda7ida; gaminttikaaya. 
\v 4 Maaqqikon, hyatte ta nena borizebaz yene; yinnan neenii tiino siiqito ashshida. 
\v 5 Yikke, ne akko gaar dhoqqa bessappa gol7ezako qoppo! Ne nagarttippa maaqqo; neenii tiino oochchize oochito oochcho. Neenii ne nagarttippa maaqqanxiko, ta neego yo7oda, ne xomppe gaddize besito iza besitippa ekkoda. 
\v 6 Hyatte ta nena nashshize fettii bazi yene; ta ixxize Niqoolawuntsi oochito neenin ixxida.
\pi
\v 7 Geeshi Ayyaana woosa keetsunsis gaazebaz si7odes hyaye yeze ooden si7o. Gamii denddide ooden Xoozze gannate yeze de7o minxa aafeppa ma7ade fana adetits wolqqa inggoda.\x - \xo 2:7 \xo*\xt Medho 2:9; Qon. 22:2; Hiz. 28:13; 31:8\xt*\x*
\s1 Semirneese woosa keetsitis kiitinttide kiita
\p
\v 8 «Samirneesa woosa keetstsa kiitanchchos hyannigaar ga7i xaafo.
\pi Tiinon wurssutsize, hyayqqiden hyayqoppa denddiday hyannigaara yagaane:\x - \xo 2:8 \xo*\xt Isa. 44:6; 48:12; Qon. 1:17; 22:13\xt*\x*
\pi
\v 9 Taanii ne waayton ne dahatitsiton erane; maaqqikon ne dure. Ayhude baayzara fana Ayhude gaazuntsi cazhize cashito ta erane, yezin un Xalahe maabara yene. 
\v 10 Neenii ekkodes yeze madhito zhashtippe. Xalahe yinttappa fetaya fetaya fattanodes achi keetstsa oloda; taphphi qamma yellodes yin madhidhoda. Hyayqqode wontsis ammaninttidaya maaqqo; ta nees de7o barneexa inggoda.
\pi
\v 11 Geeshi Ayyaana woosa keetsuntsis gaazebaz si7odes hyaye yeze ooden si7o. Gamide ooden lam7intsa hyayqo qohinttoos.\x - \xo 2:11 \xo*\xt Qon. 20:14; 21:8\xt*\x*
\s1 Pherggamoone woosa keetsitis kiitinttide kiita
\p
\v 12 «Pherggamoone woosa keetstsa kiitanchchos hyannigaar ga7i xaafo.
\pi Lam77i zalara leefinttide mashsha yezay hyannigaara yagaane: 
\v 13 Taanii ne yeze besito erane; ne Xalahe araata yeze bessa yene; ta suntsito mintsii naagida. Melle atto yezin, Xalahe yeze yin katamite hyayqqide taas ammaninttide markka, Antiphaasa, yeze woden ammano kaddikaaya.
\pi
\v 14 Maaqqikon, ta nena borize eeratsi bazi yene. Yinnan Isra7eele asuntsi eeqas zharshinttide katstsa mu7i tunode fanan gome woy7e nagara oochchode fana Baalaqa mana zoride Balaama timirttito ekkide fettii fettii asuntsi neera yene.\x - \xo 2:14 \xo*\xt Faydo 22:5\xt*\x* 
\v 15 Yinnii fana, Niqoolawuntsi timirttito tamaarize asuntsi neera yene. 
\v 16 Yinnii gisho, neenii ne nagarttippa maaqqo. Yinna hyananxiko, ta neego ellera yi7i yentsi asuntsana ta doonttippa kezze mashshara caddoda.
\pi
\v 17 Geeshi Ayyaana woosa keetsuntsis gaazebaz si7odes hyaye yeze ooden si7o. Gamide oodesin aachichcha yeze mannappa\f + \fr 2:17 \fr*\fk Manna: \fk*\ft Isra7eele asuntsi akko baayze sa7a yedhdhize wode saloppa Xoozii unttis inggide dumma katstsa woy kiitanchcho katstsa. \ft*\f* inggoda. Mahi ekkize atstsap attin melle asi eroosse kille suntsi xaafinttide bootsi shuchchi ta ees inggoda.\x - \xo 2:17 \xo*\xt Keze 16:14\xt*\x*
\s1 Tiyaxiroone woosa keetsitis kiitinttide kiita
\p
\v 18 «Tiyatiroone woosa keetstsa kiitanchchos hyannigaar ga7i xaafo.
\pi Tama loxe aazize aafe yezay, mahi tamara teellide naase meqo aazize tohe yezay, Xoozze na7ay, hyannigaar gaane: 
\v 19 Taanii ne oochito, ne siiqito, ne ammantto, ne oochiton ne genccito erane. Ne tiino oochchizannippa hyatte aatsii oochchizanno erane.
\pi
\v 20 Maaqqikon, ta nena borize fettibazi yene; fana nabe gaaze maachito, Elzaabelo, si7i ga7i bi7i akkon gaykaaya. Yinna maachita eeqas zharshinttide katstsa mu7i amudhdhode fana tunode fanan olalode fana oochchii ta aruntsana balitstsida.\x - \xo 2:20 \xo*\xt 1 Kat. 16:31; 2 Kat. 9:22\xt*\x* 
\v 21 Iza fa nagarttippa maaqqade gaar ta iis wode inggida, yezin iza maaqqades koyikaaya. 
\v 22 Un I bala ogitippa maaqqanxiko, ta izo iita hyarggella oloda; iira olale hyanttizuntsin iita waaye waayinttoda. 
\v 23 Ta I na7untsana wodhoda; mahi woosa keetstsa ubba ta asi qofan as wozina eriza maaqqidanno eroda. Ta fetes fetes yin oochitigaara oochitigaara inggoda.\x - \xo 2:23 \xo*\xt Maz. 7:9; Er. 17:10; Maz. 62:12\xt*\x* 
\v 24 Yezin Tiyatiroone yeze melluntsana, yinna iita timirttito ekkikaayzuntsana, «Xalahe damma gaatsi qofa» ga7inttize hyanna timirttito tamaarikaayze yinttana melle deexo toofo toossoos. 
\v 25 Maaqqoyezin, ta ye7ode wontsis yinttis yeze baz mintsii naagote.
\pi
\v 26 Gamidesin wurssutsi yellodes taas kiitinttide oodesin ka7itumtto ahode gaar adetits wolqqa inggoda.\x - \xo 2:26-28 \xo*\xt Maz. 2:8-9\xt*\x*
\q1
\v 27 «E unttana meqo gufera ahoda;
\q2 sa7appa medhdhize hyayqize miishe fana tinchchoda.»
\mi Yinna adetits wolqqita taanii ta adeppa ekkide wolqqiti fana. 
\v 28 Mahi ta ees goolixe xoolintto inggoda. 
\v 29 Geeshi Ayyaana woosa keetsuntsis gaazebaz si7ize hyaye yeze ooden si7o.
\c 3
\s1 Sarddeese woosa keetsitis kiitinttide kiita
\p
\v 1 «Sarddeese woosa keetstsa kiitanchchos hyannigaara yaga7i xaafo.
\pi Laappun Xoozze ayyaanuntsanan laappun xoolinttuntsanan aykkiday hyannigaara yagaane: Ta ne oochito erane; suntsis faxa; yezin ne hyayqqida. 
\v 2 Barkko! Eerats attidebazin hyayqqodes ukkidebaz miintso. Ne oochita Xoozze tiino folo maaqqikaayzanno denggida. 
\v 3 Yikke, ne ekkide baziton si7idebaziton qoppii; naago; ne nagarttippa maaqqo. Ne barkkaanxiko ta kayzo gaar yo7oda; ta ayde ye7odyezako ne eroos.\x - \xo 3:3 \xo*\xt Maato. 24:43\xt*\x*
\pi
\v 4 Yezin fa ma7ito qitizikaayze eerats asuntsi Sarddeese gidda yene. Unttis koshshize baz maaqqide gisho bootsi ma7o ma77i taara yedhdhada. 
\v 5 Gamide ooden unttinnigaara bootsi ma7o ma77oda. Ta E suntsito de7o maxaafeppa uccoos. Taanii ta Aday tiinon E kiitanchchuntsi tiinon ta E baz markkidhada.\x - \xo 3:5 \xo*\xt Keze 32:32\xt*\x* 
\v 6 Geeshi Ayyaana woosa keetsuntsis gaazebaz si7ize hyaye yeze ooden si7o.
\s1 Filaadelfiya woosa keetsitis kiitinttide kiita
\p
\v 7 «Filaadelfiya woosa keetstsa kiitanchchos hyannigaara ga7i xaafo.
\pi Geeshin turo maaqqiday, Dawute qulfe fa kushite aykkiday, hyannigaara gaane: E gorddin ooden bugodes dandda7oos; mahi E bugin ooden gorddodes dandda7oos.\x - \xo 3:7 \xo*\xt Isa. 22:22; Iyo. 12:14\xt*\x* 
\v 8 «Ta ne oochito erida; yikke ta ne tiino ooden gorddodes dandda7oosse bugunttide furtsi gaddida. Ne wolqqita eeratsi maaqqikon, ta qaaltto naagida; tana kaddikaaya. 
\v 9 Ayhude maaqqikaayzara fana Ayhude gaaze wordduntsanan Xalahe bagguntsana neego ko7oda ne tiino gulbbatisada. Mahi ta nena kadhizanno un erode fana yiissada.\x - \xo 3:9 \xo*\xt Isa. 49:23; 60:14; Isa. 43:4\xt*\x* 
\v 10 Neenii, ‹Dandda7a asi maaqqo› ga7i ta kiittide kiitto naagide gisho kumutsi alamito fattanodes ye7ize madha woditippa taanii nena naagoda.
\pi
\v 11 Ta ellisii yo7oda; ooden ne worqqa zawudito ekkaame gaar nees yezanno mintsii aykko. 
\v 12 Gamidaya ta Xoozze Keetsite tuusi mahoda; E ize medhinas yessada. Taanii ta Xoozze suntsiton ta Xoozze katamttii suntsito eella afa xaafoda; izan ta Xoozze kaleppa wodhdhize kille Yerusalaame. Mahi ta ta kille suntsiton eella afa xaafoda.\x - \xo 3:12 \xo*\xt Qon. 21:2; Isa. 62:2; 65:15\xt*\x* 
\v 13 Geeshi Ayyaana woosa keetsis gaazebaz si7ize hyaye yeze ooden si7o».
\s1 Loodoqiya woosa keetsitis kiitinttide kiita
\p
\v 14 «Loodoqiya woosa keetstsa kiitanchchos hyannigaara ga7i xaafo.
\pi ‹Amin77e› maaqqide ammaninttide turo markka maaqqiday, Xoozii medhetitsi ubbas bentte maaqqiday hyannigaara gaane:\x - \xo 3:14 \xo*\xt Aazi. 8:22\xt*\x* 
\v 15 Taanii ne oochito ubba erane; neenii toya woy misha baaya; neenii lam77untsappa feta maaqqizako lo77o! 
\v 16 Neenii toya woy misha maaqqikaayzin bol77a maaqqide gisho ta nena ta doonttippa cuttodes yi7ine. 
\v 17 Yikke, neenii, ‹Taanii dure, qolora yene, taas akkon faccikaaya› gaane. Yezin neenii waayinttane, daha, qooqen kallidhide asi maaqqizanno nena eroos. 
\v 18 Yinnii gisho, ne duridhodes tamara geezhide worqqa, nena yeellize kallito aachchodes bootsi ma7on loytsii be7ades maaddize aafe gaalla taappa wonggi tishshade fana nena zorane.
\pi
\v 19 Ta kadhizuntsana seeranen firccaane; yikke minggo; ne nagarttippa maaqqo.\x - \xo 3:19 \xo*\xt Aazi. 3:12; Ibr. 12:6\xt*\x* 
\v 20 Yikke, ta bale eqqii nena xeegoda. Ooden ta xeegizanno si7i, furtsito bugiko, eego geloda; eera wolla kawo mo7oda; ezin taara wolla mo7oda.
\pi
\v 21 Ta gamii denddii ta Adera E araatalla bettidannifana gamide taara ta araatalla bettode gaar adetits wolqqa inggoda. 
\v 22 Geeshi Ayyaana woosa keetsuntsis gaazebaz si7ize hyaye yeze ooden si7o» gayda.
\c 4
\s1 Salo yeze goyno
\p
\v 1 Yinnippa suuba, taanii salo be7ize wode bugunttide furtsi bi7ida. Mahi ta tiino si7ide moyze oolle gaarze ootsi taago, «Hyankka kezo; hyannippa suuba, yi7ades yeze baz ta nena beessada» gayda. 
\v 2 Ye wode ta Ayyaana qofara yene. Yikke, salo araata bi7ida; araatizella afa fete bettidaya bi7ida.\x - \xo 4:2-3 \xo*\xt Hiz. 1:26-28; 10:1\xt*\x* 
\v 3 Ye bettiday bishshita iyaspheden sarddiyoone gaaze al77o shuchchi fana. E araatize kantto wutii al77o shuchchi aazize zuulla yene. 
\v 4 Ye araatize kantto wutii lam7itam oyddii araatuntsi yene; unttalla afa bootsi ma7o ma77i, ommite worqqa zawude gaddide lam7itam oyddii cimuntsi bettida. 
\v 5 Araatizeppa dada, zelintsin dhoge kezane. Araatize tiintte laappun foo7ize xomppuntsi yene; un laappun Xoozze ayyaanutsana.\x - \xo 4:5 \xo*\xt Keze 19:16; Qon. 1:4; Qon. 8:5; 11:19; 16:18; Hiz. 1:13; Zakka. 4:2\xt*\x* 
\v 6 Araatize tiino birille aazize foo7ize burccuqo aazze abba yene.\x - \xo 4:6 \xo*\xt Hiz. 1:22 \xt*\x*\x - \xo 4:6-7 \xo*\xt Hiz. 1:5-10; 10:14\xt*\x*
\p Tiinoran suubara aafe kumide oyddii xoots medhetuntsi araatize kantte yene. 
\v 7 Tiino xootsize bishshita gaammo aazane; lam7antsize bora aazane; hyaydzantsize as sino aazize sino yene; mahi oydantsize firize ankko aazane. 
\v 8 Oyddii xootsuntsi ubbuntsis izipun qefe yene; un galtta ubban qefitis kattaran ommita ubba aafera kumida.\x - \xo 4:8 \xo*\xt Hiz. 1:18; 10:12; Isa. 6:2\xt*\x*Un qamman awaran ashshikaayzara,
\q1 «Geeshshayo, geeshshayo, geeshshayo,
\q2 Laatstsayo, Ubbappa Wolqqaama Xoozayo,
\q2 zagan, hyatten yezayo, tiinos yo7odayo»
\m yagaane. 
\v 9 Ye xootsuntsi araatizella bettidaysin medhina yezes nashsho, bonchchon galata inggide wode 
\v 10 lam7itam oyddii cimuntsi araatizella bettidays medhina yezays tiintte zuggii goynida; fa worqqa zawuduntsana tiintte gaddii,
\q1
\v 11 «Nu Laatstsayo, nu Xoozayo,
\q2 neenii bonchcho, nashshon wolqqa ekkodes beezane.
\q2 Ne ubba medhdhida;
\q2 ubba bazi ne qoftti gaar hyanida, medhinttida»
\m yagayda.
\c 5
\s1 Durizan xaaxinttide maxaafiza
\p
\v 1 Yinnippa suuba, araatizella afa bettiday mizaqi kushera gancceran kattara xaafinttide laappun mahitamera gorddunttide xaaxinttide maxaafe bi7ida.\x - \xo 5:1 \xo*\xt Hiz. 2:9\xt*\x* 
\v 2 Fettii mintsi kiitanchchize fa qaaltto dhoqi yiizii, «Mahitamiza billodesin maxaafiza bugodes dandda7ize oode?» yaga7i awaajjodera bi7ida. 
\v 3 Yezin salo maaqqin sa7a woy sa7appa oomora maaqqin ye xaaxinttide maxaafiza billodesin ganccito be7ades dandda7ize ooden benttikaaya.\fig Xaaxinttide maxaafe|alt="Scroll" src="HK00150B.TIF" size="span" ref="5:3"\fig* 
\v 4 Xaatsi maxaafiza billodesin E ganccito be7ades beezize asi benttikaayze gisho ta gaama yeekkida. 
\v 5 Yeezin, cimuntsappa fetay taago, «Yeekkippe! Yikke, Yihuda bagga maaqqide gaammo, Dawute kochchi, laappun mahitamtto billodesin maxaafiza bugodes dandda7ane» gayda.\x - \xo 5:5 \xo*\xt Medho 49:9; Isa. 11:1\xt*\x*
\p
\v 6 Yinnippa suuba, shukinttide Durizay araatizella, oyddii shemppora yeze medhetuntsisin cimuntsis gidda, eqqidaya bi7ida. Ees laappun gumurin laappun aafuntsii yene. Yentses alame ubba kiitinttide Xoozze laappun ayyaanutsana.\x - \xo 5:6 \xo*\xt Isa. 53:7; Zakka. 4:10\xt*\x* 
\v 7 Ye Durizay hyanggi, araatizella afa bettiday mizaqi kusheppa xaaxinttide maxaafiza ekkida. 
\v 8 E ye xaaxinttide maxaafiza ekkide wode oyddii shemppora yeze medhetuntsisin lam7itam oyddii cimuntsi Durize tiino gol7ida. Un fete fete diitsin geeshshuntsi woosa maaqqide ixaane kumide worqqa shaate aykkida.\x - \xo 5:8 \xo*\xt Maz. 141:2\xt*\x* 
\v 9 Un,
\q1 «Xaaxinttide maxaafiza ekkodes,
\q2 mahitamiza billodes nees beezane.\x - \xo 5:9 \xo*\xt Maz. 33:3; 98:1; Isa. 42:10\xt*\x*
\q1 Akkos gayko, neenii shukinttida;
\q2 kochchi ubbappa, dumma dumma doonappa,
\q2 kochchuntsappa ka7itumo ubbappa
\q2 ne suutsite Xoozis wozida.
\q1
\v 10 Un nu Xoozze Ades oochchode fana
\q2 unttana kahinunts ka7itumo mahida.
\q1 Unttin sa7a ubba ka7itoda»
\m yaga7i kille mazmure yexxida.\x - \xo 5:10 \xo*\xt Keze 19:6; Qon. 1:6\xt*\x*
\p
\v 11 Ta bi7ide wode mukul tohe mukulin taphpho mukul tohe taphpho mukul maaqqade kiitanchchuntsi ootsi si7ida. Unttin araatizes, oyddii shemppora yeze medhetuntsin, cimuntsi kantto wutida.\x - \xo 5:11 \xo*\xt Dane. 7:10\xt*\x* 
\v 12 Yentsi kiitanchchuntsi dhoqi gayde qaalara,
\q1 «Shukinttide Durizay wolqqa, durtumo,
\q2 cinccatitsin mintsitimo,
\q2 bonchcho, saban galata ekkodes beezane»
\m gayda.
\p
\v 13 Yinnippa suuba, sa7an, salo, sa7appa oomora abba gidda yeze medhetitsi ubba,
\q1 «Araatizella afa bettidaysin Durizes,
\q2 galata, bonchcho, saban wolqqa
\q1 medhii medhinas maaqqe»
\m ga7i yexxodera si7ida.
\p
\v 14 Oyddii shemppora yeze medhetuntsi, «Amin77e» yagayda; mahi cimuntsi sinora zuugii goynida.
\c 6
\s1 Mahitamuntsi buguntto
\p
\v 1 Durize laappun mahitamuntsappa feta bugodera bi7ida. Mahi oyddii shemppora yeze medhetuntsappa fete, dada dhoge fana ootsara, «Yo7o!» yagaazin si7ida. 
\v 2 Yikke bootsi fara bi7ida. Ye faraza toggide dongge aykkida; Ees worqqa zawude ingginttida. Ezin gamii denddidaya maaqqii gamodes kezida.\x - \xo 6:2 \xo*\xt Zakka. 1:7\xt*\x*
\p
\v 3 Mahi durize lam7intsa mahitamiza bugide wode lam7intsa shemppora yeze medhetitsize, «Yo7o!» gaazin si7ida. 
\v 4 Mahi melle suuts zoqo fara kezida. Ye faraza toggides sa7appa saro dhabssode gaaran asuntsi wol hyaasode gaar wolqqan damma mashsha ingginttida.\x - \xo 6:4 \xo*\xt Zakka. 1:7\xt*\x*
\p
\v 5 Durize hyaydzdzintsa mahitamiza bugide wode hyaydzdzintsa shemppora yeze medhetitsize, «Yo7o!» gaazin si7ida. Yikke kartsi fara bi7ida; ezin fa kushite mizaane aykkida.\x - \xo 6:5 \xo*\xt Zakka. 6:2\xt*\x* 
\v 6 Oyddii shemppora yeze medhetunts giddappa, «Fettii wode oochas damooze, bagga kilo zarga; mahi fettii wode oochas damooze, fettii kilon bagge bangga maaqqe. Yezin zayten woyne qohippe» gaazin si7ida.
\p
\v 7 Durize oydintsa mahitamiza bugide wode oydintsa shemppora yeze medhetitsize, «Yo7o!» gaazin si7ida. 
\v 8 Hyaychche bootsi fara bi7ida. Ye faraza toggide suntsita hyayqo; E suubite Si7oole kaallane. Unttis sa7a oyddii kusheppa fettii kushe olara, nayera, bay7eran xootsara wodhissade fanan adetits wolqqa ingginttida.\x - \xo 6:8 \xo*\xt Hiz. 14:21\xt*\x*
\p
\v 9 Durize ichchintsa mahitamiza bugide wode un Xoozze qaala ohide gishon fa markkatitsite ammaninttide gisho shukinttide asunts shemppito zharsho bestippa oomora bi7ida. 
\v 10 Un fa qaaltto dhoqi yiizii, «Ubbanno ahize Laatstsayo, geeshshayo, turizayo, sa7a yeze asalla afa ne firddoossanna nu suutsiti gisho kushe mahosanna ayde yellodesi?» gayda. 
\v 11 Un fetes fetes bootsi pharggo ma7o ingginttida. Unttin fana yii7i hyayqqodes beezize un lagguntsi faydita kumode wontsis eerats wode shemppode fana unttis ohida.
\p
\v 12 Durize izippuntsa mahitamiza bugide wode ta bi7ida; damma sa7a en7e hyanida. Awa aafe karttii azzano ma7o aazida. Aginan zoqqii suutsi aazida.\x - \xo 6:12 \xo*\xt Qon. 11:13; 16:18; Isa. 13:10; Er. 2:10\xt*\x* 
\v 13 Mintsi baqo baqqii belese minxa qami7e aafto gufizanni fana salo xoolinttuntsi sa7a gufida.\x - \xo 6:13-14 \xo*\xt Isa. 34:4\xt*\x* 
\v 14 Salo xaaxinttide maxaafe fana xaaxintti hyal7ida; deren hyaatsara teqinttide sa7ita fa bestippa dhabida.\x - \xo 6:14 \xo*\xt Qon. 16:20\xt*\x* 
\v 15 Gade kaatuntsi, worzha ahizuntsi, ola kaalitsizuntsi, duruntsi, wolqqaamuntsi, aruntsin, laatstsuntsi wom7on derella afa yeze lalla wom7on aachinttida.\x - \xo 6:15 \xo*\xt Isa. 2:19\xt*\x* 
\v 16 Unttin deregon lallago, «Nuulla afa wodhdhote; nuna geentsote; araatizella bettiday aafitippan Durize hyanqitippa nuna aachchote.\x - \xo 6:16 \xo*\xt Hose. 10:8; Luqa. 23:30\xt*\x* 
\v 17 Yikke, damma hyanqo qamma yellida; oonii dandda7i eqqode?» yagayda.\x - \xo 6:17 \xo*\xt Er. 2:11; Mil. 3:2\xt*\x*
\c 7
\s1 144, 000 Asuntsalla mahitame gaddinttida
\p
\v 1 Yinnippa suuba, oyddii kiitanchchuntsi oyddii sa7a gaxa eqqiduntsana bi7ida. Yentsi kiitanchchuntsi sa7alla woy abballa woy minxalla afa akkon baqo oyddii sa7a gaxappa baqqaame gaar teqqida.\x - \xo 7:1-2 \xo*\xt Er. 49:36; Dane. 7:2; Zakka. 6:5\xt*\x* 
\v 2 Mahi de7o Xoozze mahitame aykkide melle kiitanchcho awa kessi zalappa kezzaya bi7ida. Ye kiitanchchize fa qaaltto dhoqi yiizii, sa7an abba qohodes wolqqa ingginttide oyddii kiitanchchuntsana, 
\v 3 xeegii, «Nuunii Xoozze arunts sinolla mahitame gaddode wontsis sa7a woy abba woy minxa qohippete» gayda.\x - \xo 7:3 \xo*\xt Hiz. 9:4\xt*\x*
\p
\v 4 Taanii Xoozze mahitame sinolla gaddiduntsi faydito si7ida. Isra7eele kochchi ubbap xeeti oyttam oyddii mukul asuntsis sintte mahitame gaddida.
\q1
\v 5 Yihuda kochchappa taphpho lam77i mukul,
\q1 Roobela kochchappa taphpho lam77i mukul,
\q1 Gaade kochchappa taphpho lam77i mukul,
\q1
\v 6 Aseere kochchappa taphpho lam77i mukul,
\q1 Niftaaleme kochchappa taphpho lam77i mukul,
\q1 Minaase kochchappa taphpho lam77i mukul,
\q1
\v 7 Simoona kochchappa taphpho lam77i mukul;
\q1 Leewe kochchappa taphpho lam77i mukul,
\q1 Yisaakore kochchappa taphpho lam77i mukul,
\q1
\v 8 Zaabiloone kochchappa taphpho lam77i mukul,
\q1 Yoosefa kochchappa taphpho lam77i mukul,
\q1 Biniyame kochchappa taphpho lam77i mukul,
\m asunts sintte mahitame gaddida.
\s1 Bootsi ma7o ma77ide gaama asuntsana
\p
\v 9 Yinnippa suuba, kochchi ubbappa, ka7itumo ubbappa, worizha ubbappan dumma dumma doonappa faydo baayze gaama asuntsana bi7ida. Yentsi asuntsi bootsi pharggo ma7o ma77i, qiile hyaye fa kushite aykkii, araatize tiinon Durize tiino eqqida. 
\v 10 Un fa qaaltto dhoqi yiizii, «Atotitsi araatizella bettide nu Xoozzeppan Durizeppa ye7ine» gayda.
\p
\v 11 Kiitanchchuntsi ubba, araatizen, cimuntsin oyddii medhetuntsi kantto wutii eqqida. Un araatize tiino zuggii Xooz goynida.
\q1
\v 12 «Amin77e!
\q2 Anjjo, bonchcho, cinccatitsi, galata, saba
\q2 wolqqan, mintsitimo medhii medhinas
\q2 nu Xoozzes maaqqe.
\q2 Amin77e!»
\m gayda.
\p
\v 13 Cimuntsappa fetay taago, «Hyanna bootsi ma7ito ma77ide asuntsi un oode yessa? Un abappa yi7ido?» ga7i oocida.
\p
\v 14 Taanii mahi, «Laatstso, ne erane» gayda.
\p Ezin taago, «Hyantses gaama waaye waayi aadhiduntsana. Un fa ma7ito Durize suutsite meeccii bootsida.\x - \xo 7:14 \xo*\xt Dane. 12:1; Maato. 24:21; Mar. 13:19\xt*\x* 
\v 15 Yinnii gisho,
\q1 «Un Xoozze araatize tiintte
\q2 qamman awara E keetsite oochchane.
\q2 Mahi araatizella bettide unttis dunkkaane maaqqada.
\q1
\v 16 Yikkeppa suuba, un naydhdhaama, baridhdhaama.
\q2 Awa woy micha unttana denggaama.\x - \xo 7:16 \xo*\xt Isa. 49:10\xt*\x*
\q1
\v 17 Araatizella bettide Durize unttis wude adaya maaqqada.
\q2 De7o hyaatsi aafego unttana kaalitsoda.\x - \xo 7:17 \xo*\xt Maz. 23:1; Hiz. 34:23; Maz. 23:2; Isa. 49:10; Isa. 25:8\xt*\x*
\q2 Xoozii un aafitippa afutsito ubba uccoda»
\m gayda.
\c 8
\s1 Laappuntso mahitamize bugunttida
\p
\v 1 Durize laappuntso mahitame bugide wode bagga saate maaqqade fana salo si77i gayda.
\p
\v 2 Yinnippa suuba, taanii laappun moyze ingginttide laappun kiitanchchuntsana Xoozze tiino eqqizuntsana bi7ida.
\p
\v 3 Ixaane cugize worqqa shaate aykkide melle kiitanchcho yi7i, zharsho bessiti kale eqqida. E araatize tiino yeze worqqa zharsho besttilla geeshshuntsi ubba woosara gujjii zharshode fana ees gaama ixaane ingginttida. 
\v 4 Ixaanize cugita geeshshunts woosara wolla Kiitanchcho kusheppa ude Xoozago kezida. 
\v 5 Yinnippa suuba, kiitanchchize ixaane cugize shaatiza ekkii, ize zharsho bestippa qaaqa tama kumutsi sa7a sulle olida. Yeyi maaqqin, dada dhogen, zelintsin sa7a en7e hyanida.\x - \xo 8:5 \xo*\xt Leewe 16:12; Hiz. 10:2; Keze 19:16; Qon. 11:19; 16:18\xt*\x*
\s1 Laappun moyzuntsana
\p
\v 6 Yinnippa suuba, laappun kiitanchchuntsi fa moyzito oollodes giiginttida.
\p
\v 7 Tiino kiitanchchize fa moyza oollize wode shachcharan suutsara worqqinttide tama saloppa bukkida. Sa7a hyaydzappa fettii kushe eexinttida; minxa hyaydzappa fettii kushe eexinttida; zhil7o maata ubba eexinttida.\x - \xo 8:7 \xo*\xt Keze 9:23-25; Hiz. 38:22\xt*\x*
\p
\v 8 Lam7intsa kiitanchchize fa moyza oollide wode damma dere aazize bazi tama eexitera abba olinttida. Yeyin, abba hyaydzappa fettii kushe suutsi maaqqida. 
\v 9 Abba gidda shemppora yeze medhetitsi hyaydzappa fettii kushe hyayqqida; markkabuntsi hyaydzappa fettii kushe dhabida.
\p
\v 10 Hyayzintsa kiitanchchize fa moyza oollide wode xomppe fana eexize damma xoolinttize borkka hyaydzappa fettii kushellan hyaatsi aafella afa saloppa wodhdhida.\x - \xo 8:10 \xo*\xt Isa. 14:12\xt*\x* 
\v 11 Ye xoolinttize suntsita Camo ga7inttane. Hyaatsi hyaydzappa fettii kushsha canggizida; hyaatsita canggide gisho gaama asuntsi yinna hyaatsito uzhii hyayqqida.\x - \xo 8:11 \xo*\xt Er. 9:15\xt*\x*
\p
\v 12 Oydintsa kiitanchcho fa moyza oollida. Awappa, aginappan xoolunttuntsappa hyaydzappa fettii kushe guuddinttida; un foo7iti hyaydzappa fettii kushe dhumida. Awara hyaydzappa fettii kushen, qamma hyaydzappa fettii kushe dhumida.\x - \xo 8:12 \xo*\xt Isa. 13:10; Hiz. 32:7; Iyu. 2:10\xt*\x*
\p
\v 13 Fettii ankko salo dhoqi ga7i, aalodera bi7ida. Ye ankkize fa qaaltto dhoqi yiizii, «Attide hyaydzdzii kiitanchchuntsi fa moyzito oollodes yeze gisho sa7a yeze asuntsana Bade! Bade! Bade!» gaazin si7ida.
\c 9
\p
\v 1 Yinnippa suuba, ichchintsa kiitanchchize fa moyziza oollin saloppa sulle sa7a wodhdhide xoolintto bi7ida. Ees damma doochii bugize qulfe ingginttida. 
\v 2 Xoolinttize damma doochito bugide wode dalgga cooceppa kezize cuga fana cugize yinna doochitippa kezida. Yinna doochitippa kezide cugitippa awan salon dhumida.\x - \xo 9:2 \xo*\xt Medho 19:28\xt*\x*
\p
\v 3 Yinna cugitippa booluntsi sa7a kezida. Sa7a yeze masmasuntsis yeze wolqqa fana wolqqa booluntsis ingginttida.\x - \xo 9:3 \xo*\xt Keze 10:12\xt*\x* 
\v 4 Xoozze mahitame sintte baayze asunts xalaalap attin sa7a yeze wolqqa woy minxa woy akko zhil7o baz maaqqin qohaame gaar booluntsis ohinttida.\x - \xo 9:4 \xo*\xt Hiz. 9:4\xt*\x* 
\v 5 Booluntsi asmana ichchin agina yellodes faxa un7itsode fana wolqqa ingginttidap attin as wodhode fana baaya. Masmaso asi dha7in hyaazhizanni gaar boole dha7in hyaazhane. 
\v 6 Yinna qammite asi hyayqo koyoda, yezin denggoos. Un hyayqqodes amudhdhoda, yezin hyayqo unttap hyaakkoda.\x - \xo 9:6 \xo*\xt Iyo. 3:21; Er. 8:3\xt*\x*
\p
\v 7 Booluntsi olas giigii bettide faruntsana aazane. Un ommita worqqa zawude aazane; un sinttan as sino aazane.\x - \xo 9:7 \xo*\xt Iyu. 2:4\xt*\x* 
\v 8 Un omma isintsitan maachi omma isintse fana pharggo. Un achchitan gaammo achchi aazane.\x - \xo 9:8 \xo*\xt Iyu. 1:6\xt*\x* 
\v 9 Unttis dadabitilla afa gaddize meqo xurure yene; un qefiti ootsita olinttodes gallabize faran fara gaare ootsi aazane.\x - \xo 9:9 \xo*\xt Iyu. 2:5\xt*\x* 
\v 10 Unttis masmaso unkko fana yeze unkkon dha7i hyaazhize yiishshii yene. Yinna unkkite ichchin agina asmana qohode fana adetits wolqqa ingginttida. 
\v 11 Unttana ahize kaati yene; ye kaatize damma doochiti kiitanchcho. E suntsita Ibraysxe doonara Abddoona; mahi Girike doonara Apholiyoona ga7inttane. E suntsiti bilitsitan «Dhabsiza» ga7inttane.
\p
\v 12 Tiino badize aadhida; yikke, melle lam77i baduntsi hyaga ye7oda.
\p
\v 13 Izippuntso kiitanchchize fa moyza oollida. Xoozze tiino eqqide, worqqa zharsho besite yeze oyddii gumuruntsappa fettii ootsii si7ida.\x - \xo 9:13 \xo*\xt Keze 30:1\xt*\x* 
\v 14 Ye ootsize moyze aykkide izippuntso kiitanchchizego, «Efiraxiise gaaze damma borkka acinttide oyddii kiitanchchuntsana billote» yagayda. 
\v 15 Sa7alla yeze asappa hyaydzdzii kushito wodhode gaar yinna saatis, yinna qammitis, yinna aginttis yinna beritis giigii bettide oyddii kiitanchchuntsi bilinttida. 
\v 16 Ola fara toggide olanchchunts faydita lam77i xeeti miloone maaqqizanno si7ida.
\p
\v 17 Mahi ta qonccitsite faruntsanan yentsi faruntsana toggide asuntsana bi7ida. Yentsi asunts dadabite gaddize meqo xurure tama bonqo fana zoqo, yaakintte fana, kaarts salo fanan diinne fana cililo. Faruntsis ommita gaammos tiino zaltto aazane; un doonttippa tama, cugan diinne kezida. 
\v 18 Farunts doonttippa kezize tama, cugan diinne yinna hyaydzdzii hyanqite sa7a yeze asappa hyaydzappa fettii kushita hyayqqida. 
\v 19 Yentsi faruntsis wolqqita un doonttii giddan unkkite yene. Un unkkitan shooshi omma fana yene; un iira asi qohane.
\p
\v 20 Hyanna hyanqitippa attiduntsi fa kushe oochchitippa ashshii maaqqikaaya. Un tuna ayyaanara worqqappa, birappa, naase meqoppan shuchchappan minxappa oochinttide eeqas goynane.\x - \xo 9:20 \xo*\xt Maz. 115:4\xt*\x*Be7ades, si7ades, yedhdhades dandda7oosse eequntsis goynizanno ashshikaaya. 
\v 21 As wodhizanno, bitizanno, olalizanno kaystizanno ashshii maarotitsi oocikaaya.
\c 10
\s1 Kiitanchchizan eeratsi maxaafiza
\p
\v 1 Yinnippa suuba, ta melle mintsi kiitanchcho saloppa sa7a wodhdhodera bi7ida. E dhonne ma77ida; E ommitilla afa zuulla yene. E sintta awa fana; E tohita tama tuus fana. 
\v 2 Ye kiitanchchize bugutsi yeze fettii eerats xaaxinttide maxaafe fa kushite aykkii, fa mizaqi tohiza abballa afa, fa workkita tohiza sa7alla afa essida. 
\v 3 Dhazize gaammo fana fa qaaltto dhoqi yiizii uukkida. E wuyside wode laappun daduntsi fa dhogito sissida.
\p
\v 4 Laappun daduntsi fa dhogito sisside wode ta xaafodes giiginttida. Yezin saloppa, «Laappun daduntsi ohidanno mahitamera gorddop attin xaafippe» yagaaze ootsi si7ida.
\p
\v 5 Yinnippa suuba, abballa afan sa7alla afa eqqide, ta bi7ide kiitanchchize, fa mizaqi kushito salo ude miccida.\x - \xo 10:5-7 \xo*\xt Keze 20:11; Mahe 32:40; Dane. 12:7; Amo. 3:7\xt*\x* 
\v 6 E salon I gidda yeze baz ubba, sa7an I gidda yeze baz ubba, abban I gidda yeze baz ubba medhdhide, medhina yeze Xoozze suntsite caaqqii, «Yikkeppa suuba, Xoozii gam7aama. 
\v 7 Yezin laappuntso kiitanchchize fa moyza oollide wode Xoozii fa aro maaqqide nabunts baggara qonccizide gaatsi qofita folinttoda» gayda.
\p
\v 8 Yinnippa suuba, abballa afan sa7alla afa eqqii, «E kushite bugunttii yeze xaaxinttide maxaafiza Kiitanchchize kushtippa ekko» yaga7i lam7intsa saloppa taas ohodera si7ida.
\p
\v 9 Taanii ye kiitanchchizego hyanggi, eerats xaaxinttide maxaafiza inggo ga7i oocida. E taago, «Ekkii mo7o; iza ne sazite canggoda, yezin ne doontte shida fana mal7oda» gayda.
\p
\v 10 Taanii Kiitanchchize kusheppa ye eerats xaaxinttide maxaafiza ekkii mu7ida; ta doontte shida fana mal77ida, yezin ta sazite canggida. 
\v 11 Yinnippa suuba, taago, «Neenii kochchi ubbas, worzha ubbas, dumma dumma doonara ohinttizuntsisin kaatuntsis tinbbite mahi ohodes beezane» yagayda.
\c 11
\s1 Lam77i markkuntsana
\p
\v 1 Gufe aazize hyadha taas inggida, «Hyanggi Xoozze Keetsiton zharsho besito hyadhdho; ize goynize asuntsanan faydo.\x - \xo 11:1 \xo*\xt Hiz. 40:3; Zakka. 2:1\xt*\x* 
\v 2 Yezin Xoozze Keetstsa bale bucita Ayhude maaqqoosse asuntsis ingginttide gisho mixxippe ashshii aadho. Unttin oyttam lam77i agina geeshi katama ahoda.\x - \xo 11:2 \xo*\xt Luqa. 21:24\xt*\x* 
\v 3 Taanii lam77i markkuntsi azzano ma7o ma77i 1, 260 qamma tinbbite ohode fana wolqqa inggoda».
\p
\v 4 Yentses alame Laatstse tiino eqqize lam77i shamahe minxan lam77i xomppe gaddize kocuntsana.\x - \xo 11:4 \xo*\xt Zakka. 4:3\xt*\x* 
\v 5 Ooden unttana qohodes koyko un doonttippa tama kessada, un morkkuntsana mo7oda. Ooden qohodes koyko yinnii fana hyayqo hyayqqoda. 
\v 6 Un tinbbite ohize yinna qammite ira bukkaame fana salo gorddodes unttis adetits wolqqa yene. Unttis hyaatsi suutsi laammodesin, mahi un koyde wode ubba fa koyde hyanqora sa7ito dhabssodes unttis adetits wolqqa yene.\x - \xo 11:6 \xo*\xt 1 Kat. 17:1; Keze 7:17\xt*\x*
\p
\v 7 Un fa markkatitsito hyaasidannippa suuba, doochappa kezze xootsize unttara olintti, caddoda, gamoda, wodhoda.\x - \xo 11:7 \xo*\xt Dane. 7:7; Qon. 13:5\xt*\x* 
\v 8 Un Laatstse masqalalla afa suxinttide damma katama ogitilla afa un ahita olinttoda. Yinna katamita aazizera Soodome woy Gibxxe ga7intti xeeginttane.\x - \xo 11:8 \xo*\xt Isa. 1:9\xt*\x* 
\v 9 Mahi bagga ubbappa, kochchi ubbappa, dumma dumma doonappan worzha ubbappa yi7ide asuntsi un ahito hyaydzdzii qamman bagga yellodes be7ada. Un ahita mooginttaame fana asuntsi kayoda. 
\v 10 Hyantsi lam77i nabuntsi sa7a yeze asuntsana un7itside gisho asuntsi un hyayqite ufayttoda. Fa ufaysitis ba7aale oochchoda fete fetes imon inggoda.
\p
\v 11 Hyaydzdzii qamma baggeppa suuba, de7o ayyaana Xoozze kaleppa yi7i un gidda gelin, un denddii eqqida. Unttana bi7ide ubba damma zhashimo zhashtida.\x - \xo 11:11 \xo*\xt Hiz. 37:10\xt*\x* 
\v 12 Yinnippa suuba, yentsi lam77i nabuntsi, «Ude kezote» gaaze qaala saloppa si7ida. Un morkkuntsi unttana beezin, dhonne gidda gelii ude salo kezida.\x - \xo 11:12 \xo*\xt 2 Kat. 2:11\xt*\x*
\p
\v 13 Yinna saatte sa7a damma en7e en7in, katamappa taphphi kushe maaqqade dhabida. Mahi sa7a en7ite laappun mukul asi hyayqqida. Attide asuntsi gaama goqii zhashtii; salo Xoozis bonchcho inggidda.\x - \xo 11:13 \xo*\xt Qon. 6:12; 16:18\xt*\x*
\p
\v 14 Lam7intsa badize aadhida, yezin hyaychche hyaydzintsa badize ellisii yo7oda.
\s1 Laappuntso moyze
\p
\v 15 Laappuntsa kiitanchchize fa moyza oollida. Saloppa, «Sa7a ka7itumo nu Laatstsesin Kiristtoosas maaqqida; E medhinappa medhina yellodes ka7itoda» gaaze damma girsuntsi sinttida.\x - \xo 11:15 \xo*\xt Keze 15:18; Dane. 2:44; 7:14\xt*\x* 
\v 16 Xoozze tiino, fa araatuntsalla bettide lam7itam oyddii cimuntsi zuggii, Xoozzes,
\q1
\v 17 «Yezen yezide,
\q2 Laatstso, Ubbappa damma Xoozzayo,
\q2 neenii damma wolqqa aykkida.
\q2 Neenii ka7itide gisho
\q2 nuunii nena galatane.\x - \xo 11:17 \xo*\xt Keze 3:14\xt*\x*
\q1
\v 18 Ayhude maaqqoosse asuntsi hyanqinttida, yezin ne hyanqitan yi7ida.\x - \xo 11:18 \xo*\xt Maz. 2:5; 110:5; 115:13\xt*\x*
\q2 Hyayqqiduntsalla ne firddize wode yi7ida.
\q2 Neenii nees oochchizuntsis, nabuntsis
\q1 geeshshuntsisin ne suntsitis zhashtizuntsis,
\q2 eeratsuntsisin dammuntsis, un oochiti gaar inggize wode yellida.
\q2 Alame dhabsizuntsana dhabsize wode yi7ida»
\m yagayda.
\p
\v 19 Salo yeze Xoozze Keetsita bugunttida; I gidda Xoozze caaqo taabote benttida. Mahi zeelintsi zeelinggida, dhoge dhogida; dada dhuqqida; sa7a en7ida; shachchi bukkida.\x - \xo 11:19 \xo*\xt Qon. 8:5; 16:18; 21\xt*\x*
\c 12
\s1 Maachiton dawiza
\p
\v 1 Yinnippa suuba, salo damma malla benttida. Awa ma77ide, aginalla eqqide, taphpho lam77i xoolintto worqqa zawude fa ommite gaddide, fettii maachita yene. 
\v 2 Yinna maachita wodatsi yezin, izo yelo dha7e aykkin un7intti uukkida.
\p
\v 3 Mahi melle malla salo benttida. Laappun omman taphphi gumuri yeze damma zoqo dawa benttida. E fa ommuntsalla afa laappun worqqa zawuduntsana gaddida.\x - \xo 12:3 \xo*\xt Dane. 7:7\xt*\x* 
\v 4 Ye dawize fa unkkite xooluntto hyaydzappa fettii kushito saloppa gochchi sa7a olida. Ye dawize na7ay yelintti wodhdhide fana qoodhdhodes koyi, yelodes dha7inttize maachiti tiintte eqqida.\x - \xo 12:4 \xo*\xt Dane. 8:10\xt*\x*
\p
\v 5 Yinna maachita ka7itumo ubba meqo gufera ahodes yeze dhiiratsi na7a yelida. Na7ay Xoozagon E araatizego salo ekinttida.\x - \xo 12:5 \xo*\xt Isa. 66:7; Maz. 2:9\xt*\x* 
\v 6 Maachita 1260 qamma yellodes izo naagode fana Xoozii iis giigizii gaddide bessa akko baayze sa7a aachinttida.
\p
\v 7 Salo ola medhinttida. Mika7eele fa kiitanchchuntsara wolla dawara olinttida; dawize fa kiitanchchuntsara maaqqii mahi olinttida.\x - \xo 12:7 \xo*\xt Dane. 10:13\xt*\x* 
\v 8 Yezin dawize gaminttin salo unttis yeze bessi dhabida. 
\v 9 Damma dawize, zaga shooshe, sa7a wodhdhida. Ezin Dabuloosa woy Xalahe ga7inttize alame balitsizaya. E fa kiitanchchuntsara wolla sulle alame olinttida.\x - \xo 12:9 \xo*\xt Medho 3:1; Luqa. 10:18\xt*\x*
\p
\v 10 Yinnippa suuba, salo hyannigaara yagaaze qaala si7ida.
\q1 «Hyatte atotitsi, wolqqan ka7itumo, nu Xoozzes;
\q2 adetits wolqqa Kiristtoosas maaqqida.
\q1 Yikke, qamman awara Xoozze tiintte,
\q2 nu ishuntsana mootizay saloppa sulle olinttida.\x - \xo 12:10 \xo*\xt Iyo. 1:9\xt*\x*
\q1
\v 11 Un durize suutsiten fa markkatitsi qaaltte,
\q2 eza olii gamida.
\q1 Un fa shemppitis yiqsinttikaayzara
\q2 fana hyayqos aatsii inggida.
\q1
\v 12 Yinnii gisho, salon E gidda yezuntso ufayttote.
\q2 Yezin sa7an abba bade!
\q1 Yikke, Dabuloosa faas eerats wode attidanno eride gisho
\q2 damma hyanqora yinttago wodhdhida»
\m yagayda.
\p
\v 13 Mahi dawize fana sa7a olidanno bi7ide wode dhiiratsi na7a yelide maachito bay7ida. 
\v 14 Maachito shooshe qohaame gaar hyaydzdzii beren bagga mu7iteran uzhitera iza naaginttize bessi akko baayze ganasa firii qitode gaar lam77i damma ankko qefe iis ingginttida.\x - \xo 12:14 \xo*\xt Dane. 7:25; 12:7\xt*\x*
\p
\v 15 Yeyzi, maachito hyaro goggii shokkii ekkode fana dawize borkka hyaatsi fana fa doonappa maachiti suubara coozhida. 
\v 16 Yezin sa7ita maachito maaddida; sa7ita fa doontto bugii dawize doonappa kezide hyaatsito qoodhdhida. 
\v 17 Ye dawize maachitilla afa gaama shenidhii, I zaruntsana, Xoozze kiita naagizuntsanan Yesuusa qonccizide turetitsitis ammanittiduntsana olodes hyanggi, 
\v 18 dawize abba gaxa yeze shaftte eqqida.\f + \fr 12:18 \fr*\ft Grike maxaafite E eqqida; melluntsi maxaafite ta eqqida gaane.\ft*\f*
\c 13
\s1 Lam77i xootsuntsana
\p
\v 1 Yinnippa suuba, fettii xootsize abbap kessadera bi7ida. Ees taphphi gumurin laappun omma yene. Yentsi taphphi gumuruntsalla afa taphphi zawuduntsi yene. Yentsi ommuntsalla afa cashshi suntsi yene.\x - \xo 13:1 \xo*\xt Dane. 7:3; Qon. 17:3\xt*\x* 
\v 2 Ta bi7ide xootsize worba aazane; E tohitan babbantsi tohe aazane; E doonttan gaammo doona aazane. Dawize fa wolqqito, fa araatizan fa adetitsito ye xootsizes inggida.\x - \xo 13:2 \xo*\xt Dane. 7:4\xt*\x*
\p
\v 3 Ye xootsize ommitippa fete hyayqos yeltsize hyarggize bessi yezanno bi7ida, yezin yinna hyarggize bessita faxida. Alame ubba gaama qoppii ye xootsiza kaallida. 
\v 4 Dawize fa adetitsito xootsizes inggide gisho asi ubba dawizes goynida. Mahi asuntsi, «Xootsiza aazize oode? Ezara olinttodes dandda7ize oode?» yaga7i xootsizes goynida.
\p
\v 5 Ye xootsizes uturtode gaaran cashshade gaar doona ingginttida; oyttam lam77i agina ahode gaar wolqqa ees ingginttida.\x - \xo 13:5-6 \xo*\xt Dane. 7:8, 25; 11:36\xt*\x* 
\v 6 Ye xootsize Xoozza, E suntsito, E yeze bestton salo yezuntsana cashshi aykkida. 
\v 7 Ye xootsize geeshshuntsana olii, gamode gaar wolqqa ees ingginttida. Kochchi ubba, worzha ubba, dumma dumma doona ohize ubban worzha ubballa afa adetitsi ees ingginttida.\x - \xo 13:7 \xo*\xt Dane. 7:21\xt*\x* 
\v 8 Alame medhinttidannippa aykkii, shukinttide Durize de7o maxaafite un suntsita xaafinttikaayze hyanna sa7ite yeze asi ubba ye xootsizes goynoda.\x - \xo 13:8 \xo*\xt Maz. 69:28\xt*\x*
\p
\v 9 Si7ize hyaye yeze asi si7o. 
\v 10 Ooden di7inttodes yeze di7inttoda. Mashshara hyayqqodes yeze mashshara hyayqqoda. Geeshshuntsi dandda7itan ammanora erinttode yinne.\x - \xo 13:10 \xo*\xt Er. 15:2; 43:11\xt*\x*
\p
\v 11 Mahin, melle xootsi sa7appa kessadera bi7ida. Ees duro gumuri aazize lam77i gumuri yene; E ohitan dawize fana. 
\v 12 E tiino xootsize adetitsi wolqqara oochchane. Een hyayqos yeltsize hyarggize bessappa faxide tiino xootsizes; sa7a yeze ubba goyinode gaar yiizane. 
\v 13 Ye lam7intsa xootsize melle atto yezin, tama saloppa as ubba tiino ketstsode wontsis damma kille baz oochchida. 
\v 14 Tiino xootsize tiintte oochchode fana, ees ingginttide kille baz sa7a yeze asi ubba balitstsida. Mashshara hyarggizide bessi faxide xootsize bonchchos misile giigissade fana unttana kiittida. 
\v 15 Lam7intsa xootsize tiino xootsize misilizes shemppo inggi ohinttode fanan ees goynoosuntsi hyayqqode fana oochchize adetitsi ingginttida.
\p
\v 16 Ye lam7intsa xootsize damman eeratsi, dahan dure, laatstsin aro fa mizaqi kushite woy fa sintte malla gaddode fana yiizida. 
\v 17 Ye xootsize suntsita woy E suntsiti fayditi malla baayze asi ooden bayzodesin wonggodes dandda7oos.
\p
\v 18 Cinccatitsi koshshize hyanne. Qofa yeze ooden ye xootsize fayditi bilitsito ero; yinna fayditan as faydo. Yinna faydita izipun xeeti izippuntam izippun.
\c 14
\s1 Durizan 144, 000 asuntsana
\p
\v 1 Durize Xiyoone Derizella afa eqqezin bi7ida. Eera E suntsitan E Aday suntsita un sintte xaafinttide, 144, 000 asuntsi yene.\x - \xo 14:1 \xo*\xt Hiz. 9:4; Qon. 7:3\xt*\x* 
\v 2 Saloppa damma hyaatsi guumen dada dhoge ootsi aazize ootsi si7ida. Mahi ta si7ide yinna ootsitan diitsi diixxodera sinttize ootsi fana. 
\v 3 Attide144, 000 asuntsi araatize tiino, oyddii medhetuntsi tiinon cimuntsi tiino eqqide unttappa melle ooden tamaarodes dandda7oose kille mazmure yexxida. 
\v 4 Yentses maachira fana tunizikaayzara naagide geeshshuntsana. Un durize hyanggize bessa ubba kaallane. Un Xoozzesin Durizes anggis maaqqii, shiiqodes sa7a as giddappa wozinttida. 
\v 5 Unttalla worddon bore baaya.\x - \xo 14:5 \xo*\xt Sofo. 3:13\xt*\x*
\s1 Hyaydzdzi kiitanchchuntsana
\p
\v 6 Yinnippa suuba, medhina Wonggele sa7alla afa yeze ka7itumo ubbas, kochchi ubbas, dumma dumma doona ubbasin dumma dumma bagga ubbas markkidhades salora firize melle kiitanchcho bi7ida. 
\v 7 Ye kiitanchchize fa qaaltto dhoqi yiizii, «Xoozii alame firddize saata yellide gisho Xoozis zhashitote; eza bonchchote. Salo, sa7a, abban hyaatsi aafe medhdhide Xoozza goynote» gayda.
\p
\v 8 Tiinoya kaallii melle lam7intsa kiitanchchize, «Worzha ubba tunara matstsize woyne ushshide, damma Baabiloone gol7ida! gol7ida!» yaga7i uukkida.\x - \xo 14:8 \xo*\xt Isa. 21:9; Er. 51:8; Qon. 18:2\xt*\x*
\p
\v 9 Hyaydzdzintsa kiitanchchize unttana kaallii, fa qaaltto dhoqi yiizii, «Xootsizan E misiltto goynize mahi E mallito fa sintte woy fa kushite gaddide ooden yeziko, 
\v 10 E hyanqo xuu7a kumide Xoozze hyanqo woyne ushshada. Un geeshi kiitanchchuntsi tiinon Durize tiino eexize diinne tama waayinttoda.\x - \xo 14:10 \xo*\xt Isa. 51:17; Medho 19:24; Hiz. 38:22\xt*\x* 
\v 11 Un waayinttize tamiti cugita medhii medhinas cugitera yessada. Xootsizan E misiltto goynizen mahi ye xootsize suntsiti malla yeze ooden qamman awara shemppo baytsi ka7inttoda» yagayda.\x - \xo 14:11 \xo*\xt Isa. 34:10\xt*\x*
\p
\v 12 Xoozze kiita naagizuntsin Yesuusa ammanii genccizunts geeshshuntsi dandda7ita yinne.
\p
\v 13 Yinnippa suuba, «Yikkeppa Laatstsara hyayqqizuntsi anjjinttiduntsana» yagaaze qaala saloppa si7ida; hyanno xaafo.
\p Ayyaana, «Yee turo, un oochita unttana kaallide gisho un fa waaytippa shemppoda» yagaane.
\s1 Katstsa shiishize wode
\p
\v 14 Yinnippa suuba, bootsi dhonnella afa bettide As Na7a aazizaya bi7ida. E fa ommite worqqa zawude gaddida; mahi fa kushite oco baaca aykkida.\x - \xo 14:14 \xo*\xt Dane. 7:13-14\xt*\x* 
\v 15 Melle kiitanchcho Xoozze keetstsappa kezii, dhonnella afa bettezego fa qaaltto dhoqi yiizii, «Baha shiishize wode yellide gisho ne baaca ekkii bahito man7o; gadite yeze bahita boottida» gayda.\x - \xo 14:15 \xo*\xt Iyu. 3:13\xt*\x* 
\v 16 Dhonnella afa bettide fa baaca gade dakkii, gade yeze bahito man7ida.
\p
\v 17 Mahin salo yeze Xoozze keetstsappa melle kiitanchcho kezida; eesin oco baaca yene.
\p
\v 18 Tamalla afa adetits wolqqa yeze melle kiitanchcho zharsho bessappa kezida. E fa qaaltto dhoqi yiizii oco baaca aykkide kiitanchchizego, «Woyne aafita diilide gisho ne oco baaciza ekkii, gade yeze woynttippa zhanggito gachcho» yagayda. 
\v 19 Ye kiitanchchize fa baaciza ekkii, gade yeze woynttippa gachchii, Xoozze damma hyanqo cicize besite olida. 
\v 20 Yinna woyne aafe cicize besita katamappa gaxa yedhinttida. Suutsi woyne cicize bessappa kezii hyaydzdzii xeeti kilo mitire fana hyaakkii, fara bixaale yellode fana eellii dhoqi gayda.\x - \xo 14:20 \xo*\xt Isa. 63:3; Kayo Er. 1:15; Qon. 19:15\xt*\x*
\c 15
\s1 Wurssutsi hyanqo
\p
\v 1 Taanii salo melle damman gaama qofize malla bi7ida. Xoozze wurssutsi hyanqo qonccize laappun boshuntsana aykkide laappun kiitanchchuntsana bi7ida.
\p
\v 2 Mahi tamara worqqinttide burccuqo abba aaziza bi7ida. Yinna abba gaxite xootsin, E misiltton E suntsiti faydito gammiduntsana bi7ida. Xoozii unttis inggide bagana aykkii eqqida. 
\v 3 Un Xoozze arize Muse mazmuren Durize mazmure hyannii gaar yag7i yexxida.
\q1 «Laatstso, Ubbappa Damma Xoozayo,
\q2 ne oochita damman gaama qofize baz.
\q2 Worzha ubba kaatayo,
\q2 ne ogita xillon turo.\x - \xo 15:3 \xo*\xt Keze 15:1\xt*\x*
\q1
\v 4 Geeshi ne xalaala maaqqide gisho
\q2 Laatstso, nees zhashitoosen
\q2 ne suntsito bonchchoosse oode?
\q2 Ne xillo oochita qonccide gisho
\q2 ka7itumo ubba ne tiino yi7i goynoda»
\m yaga7i yexxane.\x - \xo 15:4 \xo*\xt Er. 10:7; Maz. 86:9\xt*\x*
\p
\v 5 Yinnippa suuba, salo bugunttin Xoozze Keetstsa, Markkatitsi Dunkkaane bi7ida.\x - \xo 15:5 \xo*\xt Keze 38:21\xt*\x* 
\v 6 Laappun boshuntsana aykkide laappun kiitanchchuntsi Xoozze keetstsappa kezida. Un geeshin focize liino ma7o ma77ida; fa dadabite worqqa saqqe danccida. 
\v 7 Oyddii medhetuntsappa fetay, medhinas yeze Xoozze hyanqo kumide laappun worqqa xuu7uto laappun kiitanchchuntsis inggida. 
\v 8 Xoozze bonchchoppan E wolqqitippa denddidanne Xoozze Keetsita cugara kumida. Laappun kiitanchchuntsi aykkide laappun bochuntsi folinttode wontsis Xoozze Keetstsa ooden gelodes dandda7ikaaya.\x - \xo 15:8 \xo*\xt Keze 40:34; 1 Kat. 8:10\xt*\x*
\c 16
\s1 Xoozze hyanqo kumide xuu7a
\p
\v 1 Yinnippa suuba, Xoozze keetstsappa laappun kiitanchchuntsago, «Hyanggi Xoozze hyanqo laappun xuu7untsappa sa7a gussote» yaga7i, ohize dhoqi gayde qaala si7ida.
\p
\v 2 Tiino kiitanchchize hyanggi, fa xuu7ite yezanno sa7a lalin, xootsize malla yezuntsalla afan E misiltto goyniduntsalla afa iita hyaazhi hyarggize bessi kezida.\x - \xo 16:2 \xo*\xt Keze 9:10\xt*\x*
\p
\v 3 Lam7intsa kiitanchchize fa xuu7ite yezanno abba lalin, abbize hyayqqide as suutsi lanttide baz aazida. Mahi abba yeze medhetitsi ubba hyayqqida.
\p
\v 4 Hyaydzdzintsa kiitanchchize fa xuu7ite yezanno borkkan hyaatsi aafella lalin, hyaatsita suutsi maaqqida.\x - \xo 16:4 \xo*\xt Keze 7:17\xt*\x* 
\v 5 Yinnippa suuba, hyaatsitilla afa adetitsi yeze kiitanchcho hyannii gaar yagaazin si7ida.
\q1 «Hyatten zagan yeze geeshizayo,\x - \xo 16:5 \xo*\xt Keze 3:14\xt*\x*
\q2 hyannii gaar ne firddide gisho ne xillo.
\q1
\v 6 Un geeshuntsi suutsin nabunts suutsi lalide gisho
\q2 un suutsi ushshade gaar yiida.
\q2 Un beezize firdda ekkida»
\m yagayda. 
\v 7 Zharsho bessappa,
\q1 «Yee, ubba ahize Laatstsi Xoozayo,
\q2 ne firddita turon xillo»
\m yagaaze qaala si7ida.
\p
\v 8 Oydintsa kiitanchchize fa xuu7ite yezanno awalla lalin, awa fa michara asuntsana micisade fana awas wolqqa ingginttida. 
\v 9 Asuntsi damma teellar michinttida, yinna bochuntsalla afa adetitsi yeze Xoozze suntsito baaddida; fa nagarttippa maarinttii Xoozza bonchchikaaya.
\p
\v 10 Ichchintsa kiitanchchize fa xuu7ite yezanno xootsize araatizella afa lalin, ye xootsize ka7itumtta dhumida. Asuntsi un7ide gisho fa il7antsito dha7ane.\x - \xo 16:10 \xo*\xt Keze 10:21\xt*\x* 
\v 11 Mahi asuntsana un7ide gishon hyarggize bessiti gisho salo Xoozza cazhida; fa oochchide nagarttippa maaqqikaaya.
\p
\v 12 Izippuntso kiitanchchize fa xuu7ite yezanno damma Efiraxiise borkka lalin, awa kessi zalappa ye7ode kaatuntsis ogita giigode gaar hyaatsita melida.\x - \xo 16:12 \xo*\xt Isa. 11:15\xt*\x* 
\v 13 Yinnippa suuba, onaqqe aazize hyaydzdzii tuna ayyaanuntsi dawize doonappa, xootsize doonappan worddo nabize doonappa kezzin bi7ida. 
\v 14 Yentsesin malla oochchize tuna ayyaanuntsana. Yentsesi hyaydzdzii tuna ayyaanuntsi Ubbappa Wolqqaama Xoozze qammite hyanodes yeze olas shiishodes alame ubba kaatuntsago kezoda.
\p
\v 15 «Yikke, ta kayzo gaar yo7oda! Kallidhaame fanan borsunttaame fana barkki, fa ma7ito naagize atstse anjjinttidaya!» yagayda.\x - \xo 16:15 \xo*\xt Maato. 24:43\xt*\x*
\p
\v 16 Yentsi tuna ayyaanuntsi kaatuntsana Ibraysxe doonara Armmagedoone gaaze bessa shiishida.\x - \xo 16:16 \xo*\xt 2 Kat. 23:29; Zakka. 12:11\xt*\x*
\p
\v 17 Laappuntso kiitanchchize fa xuu7ite yezanno carkkolla afa lalin, Xoozze Keetstsa yeze araatizeppa, «Folinttida» yagaaze damma qaala kezida. 
\v 18 Yinnippa zeelintsi zeelinggida; dada dhogida, sa7a en7ida. Asi sa7alla medhinttideppa hyanno yellodes yinnii fana en7e en7ikaaya. Ubbappa aadhida.\x - \xo 16:18 \xo*\xt Qon. 8:5; 11:13\xt*\x* 
\v 19 Damma katamita hyaydzdzii kezii shaakkinttida; Sa7a yeze katamita ubba dhabida. Xoozii damma katamito Baabiloone qoppii, fa iita hyanqo woyne ushi kumide xuu7iza ushshade gaar inggida.\x - \xo 16:19 \xo*\xt Isa. 51:17\xt*\x* 
\v 20 Hyaatsar teqinttide sa7ita dhabida; deruntsin benttikaaya.\x - \xo 16:20 \xo*\xt Qon. 6:14\xt*\x* 
\v 21 Asalla afa ichchintam kilo giiraame fana damma shachchi saloppa bukkida. Hyanqita gaama iita maaqqide gisho asuntsi yinna shachchi hyanqiti gisho Xoozza cazhida.\x - \xo 16:21 \xo*\xt Keze 9:23\xt*\x*
\c 17
\s1 Damma olalize maachito
\p
\v 1 Laappun xuu7ito aykkide laappun kiitanchchuntsappa fetay taago yi7i, «Yo7o; gaama hyaatsalla afa bettide damma olalitilla yo7odes yeze firdda ta nena beessada.\x - \xo 17:1 \xo*\xt Er. 51:13\xt*\x* 
\v 2 Alame kaatuntsi iira olalida; alame yeze asuntsi I olale woyniza uzhii matsinttida» yagayda.\x - \xo 17:2 \xo*\xt Isa. 23:17; Er. 51:7\xt*\x*
\p
\v 3 Ye kiitanchchize tana Geeshi Ayyaanara akko baayze sa7a kanggida. Yeyga fettii maachita cashshi suntsi kumide, laappun omman taphphi gumuri yeze zoqo xootsi toggidanno bi7ida.\x - \xo 17:3 \xo*\xt Qon. 13:1\xt*\x* 
\v 4 Yinna maachita bonchcho ma7on zoqo ma7o ma77ida; iza worqqara, bonchcho shuchcharan inqo gaaze al77o shuchchara shuurinttida. Iza fa kushite borssizebazin olale tunara kumide worqqa xuu7a aykkida.\x - \xo 17:4 \xo*\xt Er. 51:7\xt*\x* 
\v 5 I sintte aachinttide suntsi, «Damma Baabiloone, olalesin sa7a yeze tuna baz ubbas inddo» yagaaze xuufe xaafintti yene. 
\v 6 Mahi yinna maachita geeshshuntsi suutsin Yesuusas markkidhitera hyayqqiduntsi suutsito uzhii matsinttidanno ta bi7i gaama qoppida.
\p
\v 7 Kiitanchchize taago, «Neenii akkos gaama qoppe? Taanii nees maachiti gaatsi qofan iza tookkide laappun omman taphphi gumuri yeze xootsizes gaatsi qofa ohoda. 
\v 8 Neenii bi7ide xootsize tiino yene, hyatte baaya. Ye xootsize damma olappa kezii dhabodes qitoda. Sa7a medhinttidannippa aykkii, de7o maxaafite un suntsita xaafinttikaayze sa7a yeze asuntsi xootsiza bi7i gaama qoppida. Yikke, E tiino yene; hyatte baaya, yezin tiinos yo7oda.\x - \xo 17:8 \xo*\xt Dane. 7:7; Qon. 11:7; Maz. 69:28\xt*\x*
\p
\v 9 «Cinccatitsin qofa koshshize hyanne. Laappun ommuntsi maachita bettide laappun deruntsana; yentses mahi laappun kaatuntsana. 
\v 10 Unttappa ichchin kaatuntsi gol7ida. Fetay hyayno yellodes ahane; hyankay hyaga yi7ikaaya. E yi7i eerats wode gami7odes beezane. 
\v 11 Tiino yezide xootsize, hyatte baayzay, E fa ommite osfuntso xootsi. E laappun xootsuntsappa fetaya; E dhabodes qitane.
\p
\v 12 «Neenii bi7ide taphphi gumuruntsi ahe aykkikaayze taphphi kaatuntsana. Yezin un xootsizera wolla fettii saate ka7iti ahodes unttis adetitsi wolqqa inginttoda.\x - \xo 17:12 \xo*\xt Dane. 7:24\xt*\x* 
\v 13 Un ubbuntsis fettii qofa yene; un fa wolqqiton fa adetits wolqqito xootsizes inggoda. 
\v 14 Un Durizera olinttoda, yezin durize laatstsuntsi Laatstsaya kaatuntsi Kaataya maaqqide gisho E xeegidunts, dooriduntsin ammaninttiduntsii yentsi kaatuntsana eera gamoda» yagayda.
\p
\v 15 Kiitanchchize mahi taago, «Olalita bettide ye neenii bi7ide hyaatsita worzhuntsi, asuntsi, kochchin dumma dumma doonara ohizuntsana. 
\v 16 Mahi ne bi7ide taphphi gumuruntsin xootsize olale maachito ixxoda. Un iis yeze ubbabazito ekkoda. Mahi izo hyarii ashshoda I ashito mo7oda; yinnippa izo tama michchoda. 
\v 17 Yikke, Xoozze qaalita folinttode wontsis un qoftta fetto maaqqade fana ka7itumo adetits wolqqito xootsizes inggode fana Xoozii qoppidanno un oochchode fana un wozintte Xoozii amotetsi gaddida. 
\v 18 Ye ne bi7ide maachita sa7a kaatuntsalla ka7itize damma katamito» yagayda.
\c 18
\s1 Baabiloone gol7ito
\p
\v 1 Yinnippa suuba, damma wolqqa yeze melle kiitanchcho saloppa wodhdhodera ta bi7ida. E bonchchitippa denddii sa7a foo7ida. 
\v 2 Dhoqqa ootsara,
\q1 «Damma Baabiloone gol7ida! Gol7ida!
\q2 Tuna ayyaanuntsi aqize bessi maaqqida.
\q1 Iita ayyaanuntsis keetstsi maaqqida;
\q2 tunan ixinttide landduntsis shemppize bessi maaqqida.\x - \xo 18:2 \xo*\xt Isa. 21:9; Er. 51:8; Qon. 14:8; Isa. 13:21; Er. 50:39\xt*\x*
\q1
\v 3 Worzha ubba iza fa olale hyanqo woyne ushshida.
\q2 Sa7a kaatuntsi iira olalida.
\q1 Iis wottidannippa denddii
\q2 sa7a yeze zal7izuntsi duridhdhida»
\m yagayda.\x - \xo 18:3 \xo*\xt Isa. 23:17; Er. 51:7\xt*\x*
\p
\v 4 Yinnippa suuba, ta saloppa hyannii gaar yagaaze melle qaala si7ida.
\q1 «I nagartto iira koxxaame fanan,
\q2 iza ekkodes yeze hyanqito yin ekkaame fana,
\q2 ta worzhuntso I kaleppa kezote.\x - \xo 18:4 \xo*\xt Isa. 23:17; Er. 51:7\xt*\x*
\q1
\v 5 Yikke, I nagartta salo yellodes doorinttida.
\q2 Xoozii I qohito qoppida.\x - \xo 18:5 \xo*\xt Medho 18:20\xt*\x*
\q1
\v 6 Iza inggidanni fana lam77i kushe iis inggote.
\q2 Iza oochchide oochitis lam77i kushe iis mahote.
\q2 Iza giigizide ushshitilla afa yin lam77i kushe matstsize ushi I xuu7ite worqqote.\x - \xo 18:6 \xo*\xt Maz. 137:8; Er. 50:29\xt*\x*
\q2
\v 7 Iza bonchchinttidanni fanan iis giigidanni fana,
\q2 izo waytsoten azzantsote.
\q2 Iza fa wozintte,
\q2 ‹Taanii kaat maaqqii bettoda; taanii azinii baayze maacho maaqqoos;
\q2 taanii azzanon mahi azzanoos› gayda.
\q1
\v 8 Yinnii gisho, hyanqo,
\q2 hyargge, azzanon naye izo fettii qamma aykkoda.
\q1 Mahi iza tamar mu7inttoda;
\q2 akkos gayko, Iilla afa firddize Laatstsi Xoozze mintsi»
\m gayda.\x - \xo 18:8 \xo*\xt Isa. 47:7-9\xt*\x*
\p
\v 9 «Iira olale hyanttiduntsin iis wottide yestte yezide, alame kaatuntsi yinna katamita mu7inttin kezize cugito bi7ide wode wuysi yeekkoda.\x - \xo 18:9-10 \xo*\xt Hiz. 26:16-17\xt*\x* 
\v 10 Un yinna katamiti waayito bi7i zhashtide gisho hyaakkii eqqii,
\q1 « ‹Hyanna damma katamite! Wolqqara yezanne!
\q2 Baabiloone, nena bade! Bade!
\q2 Nena fettii saate gidda firdda yellida› gawuda.
\p
\v 11 «Un markkabite yeze caantto yikkeppa gode wonggize asi baayze gisho sa7a yeze zal7izuntsi yinna katamitis yeekkoda azzanoda;\x - \xo 18:11 \xo*\xt Hiz. 27:31\xt*\x* 
\v 12 Un worqqa, bira, bonchcho shuchchi, inqo gaaze al77o shuchchi, bonchcho ma7o, liino ma7o, haare ma7o, zoqo ma7o, dumma dumma sawo minxa, danggars achchi, al77on bonchcho minxa, naase, meqqon, ibine beredeppa medhinttide miishe ubba,\x - \xo 18:12-13 \xo*\xt Hiz. 27:12-13, 22\xt*\x* 
\v 13 qerefa, qimaame, sawize minxa, karbbe, ixaane, woyne, zayte, liiqo dhiilla, zarga, hyaari, duro, fara, fara gaare, aron melle asuntsin yene.
\p
\v 14 «Zal7izuntsi, ‹Neenii amudhdhide lo77o baz ubba neeppa aadhida. Ne yessitan ne falimo miishita ubba neeppa hyaakkida. Asuntsi yikkeppa mahi yinno denggaama› yagayda. 
\v 15 Yinno zal7i duridhdhide ubba yeekkiteran azzanitera,\x - \xo 18:15 \xo*\xt Hiz. 27:31\xt*\x*
\q1
\v 16 « ‹Liino ma7o, lee7o ma7on zoqo ma7o ma77i,
\q2 worqqara, bonchcho shuchchin
\q2 inqo gaaze al7o shuchchara
\q2 bonchchinttidanna aadhii lo77ida,
\q2 yinna damma katamito bade! Bade!
\q1
\v 17 Hyannii fana damma duretetsi!›
\p «Fettii saate dhabida yaga7i hyanqito zhashtidannippa denddii hyaako eqqida.
\p «Markkabiza izhize ubba, markkabzera qitize ubba, markkabizella afa oochchize ubba Abballa zal7ize ubba hyaakkii eqqida.\x - \xo 18:17 \xo*\xt Isa. 23:14; Hiz. 27:26\xt*\x* 
\v 18 Yinna katamita eexin kezize cugito bi7ide wode ‹Hyanna damma katamito aazize melle katama yene yessane?› yaga7i uukkida.\x - \xo 18:18 \xo*\xt Hiz. 27:32\xt*\x* 
\v 19 Un fa ommite bul7a gussii, yeekkiteran kaayidhitera,
\q1 « ‹Abballa markkabe yeze ubba,
\q2 fa duretitsitippa denddii dure mahide,
\q2 damma katamite bade! bade!
\q2 Fettii saate dhabida yaga7i› uukkida.
\q1
\v 20 Saltte,
\q2 Geeshshuntso, hawaaruntso, nabuntso,
\q2 Xoozii yin gisho iilla afa firddide gisho ufayttote» yagayda.\x - \xo 18:20 \xo*\xt Hiz. 27:30; Mahe 32:43; Er. 51:48\xt*\x*
\p
\v 21 Fettii mintsi kiitanchcho woxa aazize damma shuchchi dentsii abba dhogii, «Damma katamite Baabiloone hyannigaara urqqintti gol7oda; yikkeppa suuba mulon benttoos.\x - \xo 18:21 \xo*\xt Er. 51:63\xt*\x* 
\v 22 Bagana guuddizuntsin mazmure yexxizunts, suulunqen moyze oollizunts, yikkeppa suuba ne gidda mulon sinttoos. Akko bazin kushe yiillar oochchize asin ne gidda benttoos. Woxa ootsi yikkeppa suuba ne gidda mulon sinttoos.\x - \xo 18:22 \xo*\xt Isa. 24:8; Hiz. 26:13 \xt*\x*\x - \xo 18:22-23 \xo*\xt Er. 7:34; 25:10\xt*\x* 
\v 23 Xomppe foo7o mahi ne gidda foo7oos. Machcho ekkizen azinii gelize ufayssi qaala yikkeppa suuba ne gidda mulon sinttoos. Zal7izuntsi sa7a erinttide gisho ne bititira ka7itumo mulo balitstsida» gayda.
\p
\v 24 Nabunts suutsi, geeshshuntsi suutsitan sa7alla afa hyayqqide asunts ubbunts suutsita I gidda benttida.\x - \xo 18:24 \xo*\xt Er. 51:49\xt*\x*
\c 19
\p
\v 1 Yinnippa suuba, salo gaama asunts,
\q1 «Xoozze galatintto!
\q2 Atotitsi, bonchchon wolqqa nu Xoozzes maaqqe.
\q1
\v 2 E firddita turon xillo.
\q2 Sa7a tunizide damma olalito Xoozii firddide gishon
\q1 fa arunts suutsito iippa mahida»
\m gaazin si7ida.\x - \xo 19:2 \xo*\xt Mahe 32:43; 2 Kat. 9:7\xt*\x*
\p
\v 3 Mahin fa qaaltto dhoqi yiizii,
\q1 «Xoozza galata yello.
\q2 Cugitan medhippa medhina yellodes cugoda»
\m yagayda.\x - \xo 19:3 \xo*\xt Isa. 34:10\xt*\x*
\p
\v 4 Lam7itam oyddii cimuntsin oyddii medhetuntsi araatizella bettide Xoozzes bunqitii,
\q1 «Amin77e! Xoozza galata yello»
\m yaga7i goynida.
\p
\v 5 Yinnippa suuba ootsara,
\q1 «Aruntso,
\q2 Eza zhashtizuntso eeratsuntso dammuntso,
\q2 nu Xoozza galatote»
\m yagaaze qaala zufanzeppa kezida.\x - \xo 19:5 \xo*\xt Maz. 115:13\xt*\x*
\p
\v 6 Gaama asunts ootsi fana, damma goggize borkka hyaatsi guume fana, dada fana dhogize ootsara,
\q1 «Xoozza galata yello;
\q2 ubba ahize nu Laatstse, ka7itida.\x - \xo 19:6 \xo*\xt Hiz. 1:24; Maz. 93:1; 97:1; 99:1\xt*\x*
\q1
\v 7 Nu ufayttoda, galatoda eza bonchchoda.
\q2 Akkos gayko Durize sarge yellide gishon eza gelizanna giigide gisho.
\q2
\v 8 Gelodes giigidanna focizan geeshi maaqqide
\q2 liino ma7o ma77ode fana iis ingginttida»
\m gawudera ta si7ida. (Liino ma7o geeshuntsi xillo oocha aazize.)
\p
\v 9 Yinnippa suuba, kiitanchchize taago, «Durize sargito xeeginttiduntsi anjjinttiduntsana» ga7i xaafo. Mahin, «Hyanna Xoozze turii qaala» yagayda.\x - \xo 19:9 \xo*\xt Maato. 22:2\xt*\x*
\p
\v 10 Ye wode ta ees goynodes E tohitilla afa gol7ida. Yezin E, «Yinno oochaame fana naagintto! Taanii Yesuusa baz markkidhize ne fanan ne ishuntsi fana aro. Ne Xoozzes goyno» yagayda. Yikke, Yesuusa markkatitsita nabetitsi ayyaana.
\s1 Bootsi faara toggidaya
\p
\v 11 Salo bugunttin bi7ida, hyaychche bootsi fariza toggiday Ammaninttidayan Turii asi ga7inttane. E xillotitsara firddanen olinttane.\x - \xo 19:11 \xo*\xt Hiz. 1:1\xt*\x* 
\v 12 E aafita tama loxe fana; E ommite gaama worqqa zawude yene. Eeppa attin melle ooden eroosse xaafinttide suntsi yene.\x - \xo 19:12 \xo*\xt Dane. 10:6\xt*\x* 
\v 13 E suutsar wuxurkkinttide ma7o ma77ida; E suntsitan Xoozze Qaala ga7inttida. 
\v 14 Focizan geeshi maaqqide liino ma7o ma77ide salo olanchuntsi bootsi faruntsana toggii E suubito kaallane. 
\v 15 Worzhito gachchize mashsha E doonttippa kezane. E meqo gufera asuntsana ahane. Ezin Ubbappa Damma Xoozze hyanqo woyne ushito gum7ize bessito E yedhdhoda.\x - \xo 19:15 \xo*\xt Maz. 2:9; Isa. 63:3; Iyu. 3:13; Qon. 14:20\xt*\x* 
\v 16 E ma7itillan E magatsitilla afa, «Kaatuntsi Kaati Laatstsuntsi Laatstsi» yagaaze suntsi xaafinttida.
\p
\v 17 Yinnippa suuba, fettii kiitanchchize awalla afa eqqidaya bi7ida. Ezin salora firize landda ubbuntsis fa qaaltto dhoqi yiizii, «Hyayga yo7ote! Xoozze diggisa ma7ades fettii bessa shiiqote.\x - \xo 19:17-18 \xo*\xt Hiz. 39:17-20\xt*\x* 
\v 18 Yi7i kaatuntsi asho, shalaqunts asho, wottaddarunts asho, farunts asho, faruntsana toggizunts asho, as ubba asho, arunts asho, laatstsuntsi asho, dammuntsin eeratsuntsi asho mo7ote» gayda.
\p
\v 19 Fariza toggidayran olinttizuntsara olinttodes sa7a kaatuntsin unttis olinttize olanchuntsi fettii bessa shiiqezin bi7ida. 
\v 20 Yezin xootsizen E suntsite kille baz oochchide xootsize malla ekkiden E misilito goyniduntsana balitside worddo nabize eera wolla aykinttida. Lam77untsin diinne eexize tama abba faxa olinttida.\x - \xo 19:20 \xo*\xt Qon. 13:1-18\xt*\x* 
\v 21 Attiduntsi fara toggiday doonappa kezize mashshara hyayqqida. Landduntsi ubba un ashito mu7i mizhida.
\c 20
\s1 Mukul bere
\p
\v 1 Wurssutsi baayze olla qulfen damma santsalaata fa kushite aykkide fettii kiitanchchize saloppa wodhdhodera bi7ida. 
\v 2 E dawiza aykkii mukul beres accida. Ye dawizen zaga shoosha, Dabuloosa woy Xalahe.\x - \xo 20:2 \xo*\xt Medho 3:1\xt*\x* 
\v 3 Kiitanchchize wurssutsi baayze olla eza olii, mukul bere hyal7ode wontsis worzha mahi balitsaame fana gorddii attamida. Yinnippa suuba, dawize eerats wodes bilinttodes beezane.
\p
\v 4 Yinnippa suuba, araatuntsana bi7ida. Unttalla afa bettiduntsis adetits wolqqa ingginttida. Yesuusa markkatitsisin Xoozze qaala gisho fa ommito gachchinttide asunts shemppo, xootsizes woy xootsize misilito goynikaayzuntsanan malla fa sintte woy fa kushite aykkikaayzuntsana bi7ida. Unttin eera hyayqoppa denddii Kiristtoosara wolla mukul bere ka7itida.\x - \xo 20:4 \xo*\xt Dane. 7:9\xt*\x* 
\v 5 Yinna tiino denddo; attide hyayqqiduntsi mukul bere hyal7ode wontsis hyayqoppa denddikaaya. 
\v 6 Tiino denddes ixa yezuntsi anjjinttiduntsanan geeshshuntsana. Unttalla afa lam7intsa hyayqo adetits wolqqa baaya. Un Xoozzesin Kiristtoosas kahinunts maaqqada; eera wolla mukul bere ka7itoda.
\s1 Xalahe gamintte
\p
\v 7 Mukul bere hyal7idannippa suuba Xalahe achchappa bilinttoda. 
\v 8 Oyddii sa7a zala yellodes yeze worzha, unttin, Googen Maagoge ga7inttizuntsana balitsii olas shiishodes kessada. Un faydita abba gaxa yeze shafe fana.\x - \xo 20:8 \xo*\xt Hiz. 38:2\xt*\x* 
\v 9 Un sa7a ubba kezii, geeshshunts gutan Xoozii kadhide katamito wutii aykkida. Yezin tama saloppa wodhdhii unttana mu7ida.
\p
\v 10 Unttana balitside Xalahize, xootsizen worddo nabize olinttide taman eexize diinne abba olinttida. Un qamman awara medhinas faxa ka7inttoda.
\s1 Wurssutsi firdda
\p
\v 11 Yinnippa suuba, damma bootsi araatizella afa bettidaya bi7ida. Sa7an salon E tiinoppa aachinttida; mahi benttikaaya.\x - \xo 20:11-12 \xo*\xt Dane. 7:9-10\xt*\x* 
\v 12 Hyayqqiduntsi, dammuntsin eeratsuntsi araatize tiino eqqezin bi7ida; maxaafen bugunttida; mahi melle maxaafen bugunttida ezin de7o maxaafe, hyayqqiduntsi maxaafite xaafintti yezanni fana fa oochchitigaara firdda ekkida. 
\v 13 Abba fa gidda yeze hyayqqiduntsana inggida; hyayqon Si7oole fa gidda yeze hyayqqiduntsana inggidda. Fete fete fa oochchitigaara firdda ekkida. 
\v 14 Hyayqon Si7oole tama abba olinttida. Yinnan tama abbita lam7intsa hyayqo. 
\v 15 De7o maxaafite E suntsita xaafinttikaayze ooden tama abba olinttida.
\c 21
\s1 Kille salon kille sa7a
\p
\v 1 Taanii kille salon kille sa7a bi7ida. Tiino salon tiino sa7a aadhida; abban yikkeppa gode yezoos.\x - \xo 21:1 \xo*\xt Isa. 65:17; 66:22; 2 Phex. 3:13\xt*\x* 
\v 2 Geeshi katamttan, kille Yerusalaame, azinii gelodes fana loytsii giigii yeze maachi fana saloppa Xoozze kaleppa wodhdhizin bi7ida.\x - \xo 21:2 \xo*\xt Isa. 52:1; Qon. 3:12; Isa. 61:10\xt*\x*
\p
\v 3 Araatizeppa hyannigaara yaga7i, ohize damma qaala si7ida; «Xoozze Keetsita asunts gidda yene; unttara wolla aqoda, unttin E worzha maaqqada; Xoozii fa ommite unttara yessada; E unttis Xooz maaqqada.\x - \xo 21:3 \xo*\xt Hiz. 37:27; Leewe 26:11\xt*\x* 
\v 4 Xoozii un aaftippa afutsito ubba uccoda. Yikkeppa hyayqo woy azzano woy wuyse woy waaye yezoos. Tiino wogita ubba aadhida» gayda.\x - \xo 21:4 \xo*\xt Isa. 25:8; Isa. 35:10; 65:19\xt*\x*
\p
\v 5 Araatizella bettide, «Taanii ubbanno kille mahoda» yagayda. Mahi taago, «Taanii ohidanna ammantsizanon turo maaqqide gisho xaafo» yagayda. 
\v 6 Mahi taago, «Folinttida! Taanii Alfan Oomega; Tiinon wurssutsi.\x - \xo 21:6 \xo*\xt Isa. 55:1\xt*\x*Baridhdhide oodesin de7o hyaatsi aafeppa ta hyarii ushshoda. 
\v 7 Gamide ooden yinno ubba laattoda; taanii ees Xooz maaqqada; ezin taas na7a maaqqada.\x - \xo 21:7 \xo*\xt 2 Sam. 7:14; Maz. 89:26\xt*\x* 
\v 8 Yezin zhashtizuntsin, ammanoosuntsi, tununtsi, shemppo wodhizuntsi, olalizuntsi, amudhizuntsii, bitizuntsii, eeqa goynizuntsin worddidhdhizuntsi ubbunts ixita diinne eexize tama abba maaqqada. Yinna lam7intsa hyayqo» yagayda.
\s1 Kille Yerusalaame
\p
\v 9 Laappun wurssutsi hyanqo kumide laappun xuu7uto aykkide laappun kiitanchchuntsappa fetay taago yi7i, «Yo7o, gelodes giigide Durize machchito beessada» yagayda. 
\v 10 Kiitanchchize tana damma dhoqqa dere omma Ayyaanara kessii, geeshi katama, Yerusalaame, salo Xoozze kaleppa wodhdhodera beezida.\x - \xo 21:10 \xo*\xt Hiz. 40:1\xt*\x* 
\v 11 Yinna katamita Xoozze bonchchora foo7ane. Foo7itan iyasphphiide gaaze al77o shuchche fanan; kille geeshi birille fana. 
\v 12 Damman dhoqqa gase yene. Yinna gasitis taphpho lam77i furtsi yene. Yinna furtsito naagize taphpho lam77i kiitanchchuntsi yene. Furtsuntsalla afa taphpho lam77i Isra7eele zarunts suntsita xaafintti yene.\x - \xo 21:12-13 \xo*\xt Hiz. 48:30-35\xt*\x* 
\v 13 Awa kessi zalara hyaydzdzii furtstsuntsi, wookka zalara hyaydzdzii furtstsuntsi, yeekka zalar hyaydzdzii furtstsuntsin awa gelo zalara hyaydzdzii furtstsuntsi yene. 
\v 14 Katama gasitis taphpho lam77i baasa yene. Unttalla afa taphpho lam77i Durize hawaaruntsi suntsita xaafintti yene.
\p
\v 15 Taas ohizes kiitanchchizes, katamtton, I furtsiton I gasito hyadhdhize worqqa gufe yene.\x - \xo 21:15 \xo*\xt Hiz. 40:3\xt*\x* 
\v 16 Katamttis oyddii zalara yene; pharggotitsitan I dalggatitsiti fana. Katamito fa gufizera hyadhdhin, lam77i mukul oyddii xeet kilo mitire maaqqida; pharggotitsita, dalggatitsitan dhoqqatitsita wolkke. 
\v 17 Gasito hyadhdhin, as kushera fettii xeeti oyttam oyddii hyadha maaqqida yinnan kiitanchcho hyadhas ekkizanno.
\p
\v 18 Gasita iyasphphiide gaaze shuchchara gasinttida. Katamita burccuqo fana geeshi worqqara oochinttida. 
\v 19 Katamttii gasita baasaran bonchcho shuchchara ubba lo77ida. Tiino baasize iyasphphiide, lam7intsize sanppeere, hyaydzantsize kelqqedoone, oydantsize meregid, 
\v 20 ichchintsize sarddonkise, izippuntsize sarddiyoone, laappuntsize kiristiloobe, osppuntsize birille, uddufuntsize wurawure, taphphintsize kirisphiraasise, taphpho fettintsize yaakintte, taphpho lam7antsize ametesxinoose.
\p
\v 21 Taphpho lam77i furtsuntsis taphpho lam77i inqo yene. Furtsuntsi fete fete inqora oochinttida. Katamiti furtsita burccuqo fana foo7ize geeshi worqqappa oochinttida.\x - \xo 21:21 \xo*\xt Isa. 54:11-12\xt*\x*
\p
\v 22 Ubba ahize Laatstsi Xoozze Durize Xoozze keetstsi, yinne Xoozze keetstsi bi7ikaaya. 
\v 23 Xoozze bonchchita yinna katamttis foo7ize gishon Durize iis xomppe maaqqide gisho katamitis awa woy agina foo7o koshshoos.\x - \xo 21:23 \xo*\xt Isa. 60:19\xt*\x* 
\v 24 Derita yinna katamiti foo7ite hyanttoda; sa7a kaatuntsin fa bonchchito hyankka iigo ko7oda.\x - \xo 21:24 \xo*\xt Isa. 60:3\xt*\x* 
\v 25 Qamma yeyga baayze gisho katamiti furtstsuntsi ubba wode bugutsi maaqqada; gorddinttoos.\x - \xo 21:25-26 \xo*\xt Isa. 60:11\xt*\x* 
\v 26 Ka7itumo saban bonchcho iigo ko7oda. 
\v 27 Durizes maaqqide de7o maxaafite suntsita xaafinttiduntsana xalaala fattin tuna baz woy yeellize baz oochchize woy worddo ooden yinna katamite mulo geloos.\x - \xo 21:27 \xo*\xt Isa. 52:1; Hiz. 44:9\xt*\x*
\c 22
\p
\v 1 Yinnippa suuba, kiitanchchize tana Xoozzeppan Durize araatizeppa kezize burccuqqo fana foo7ize de7o hyaatsi borkka beezida.\x - \xo 22:1 \xo*\xt Hiz. 47:1; Zakka. 14:8\xt*\x* 
\v 2 Ye borkkize katama ogitis giddara goggane; borkkitis seekkan hyankka zala agina agina aafii bere taphpho lam77i tohe aafe inggize de7o minxa yene.\f + \fr 22:2 \fr*\ft Grike maxaafe minxize borkkasin oges gidda yene.\ft*\f* Ye minxize hyayita hyarggeppa fatstsane.\x - \xo 22:2 \xo*\xt Medho 2:9\xt*\x*
\p
\v 3 Yikkeppa gode aatse yezoos. Xoozzen Durize araatize ize maaqqada. Aruntsii Xoozzes goynoda.\x - \xo 22:3 \xo*\xt Zakka. 14:10\xt*\x* 
\v 4 Ezan be7ada; E suntsita un sintte maaqqada. 
\v 5 Yikkeppa qamma baaya; Laatstse Xoozze unttis xomppe maaqqide gisho unttis xomppe woy awa foo7o koshshoos. Un medhii medhinas ka7itoda.\x - \xo 22:5 \xo*\xt Isa. 60:19; Dane. 7:18\xt*\x*
\s1 Yesuusa ye7e
\p
\v 6 Kiitanchchize taago, «Hyanna ta ohize qaaltta ammaninttidannon turon. Laatstse Xoozze Geeshi Ayyaana fa nabuntsis inggide, ellera hyanodebaz fa aruntsana beessades fa Kiitanchcho kiittida» gayda. 
\v 7 Yesuusa, «Yikke ta ellisii yo7oda; hyanna maxaafite yeze tinbbite qaaltto naagize ooden anjjinttidaya» yagayda.
\p
\v 8 Taanii, Wahannisa, yinno si7ida; bi7ida. Taanii yinno si7ide woden bi7ide wode tana beezide Kiitanchchizes goynodes E tohitilla afa gol7ida. 
\v 9 Yezin ezin taago, «Yinno yiizippe! Taanii ne fana, nabunts fanan ne ishunts fana hyanna maxaafite yeze qaala naagize asuntsara wolla aro; Xoozzes goyno» yagayda.
\p
\v 10 Kiitanchchize taago, «Wode ukkida hyanna maxaafite xaafinttide tinbbite qaaltto mahitamera gorddippe. 
\v 11 Yikkeppa iita oochchize gujjii iita oochcho; tunize gujjii tuno. Xillizen gujjii xillo; geezhizay gujjii geezho» yagayda.\x - \xo 22:11 \xo*\xt Dane. 12:10\xt*\x*
\p
\v 12 «Yikke, taanii ellera yo7oda. Fetes fetes E oochchiti gaar immades waaga taara yene.\x - \xo 22:12 \xo*\xt Isa. 40:10; 62:11; Maz. 28:4; Er. 17:10\xt*\x* 
\v 13 Alfan Oomegan; Tiinizen Wurssutsizen Dentsizen Folizen; Tana.\x - \xo 22:13 \xo*\xt Qon. 1:8, 17; 2:8; Isa. 44:6; 48:12\xt*\x*
\p
\v 14 «De7o minxago yellodes adetits wolqqa yessade fanan, furtsara katamito gelodes fa ma7ito meeccizuntsi anjjinttiduntsana.\x - \xo 22:14 \xo*\xt Medho 2:9; 3:22\xt*\x* 
\v 15 Yezin kanuntsi, bitizuntsii, olale oochchizuntsi, shemppo wodhizuntsi, eeqa goynizuntsi, wordduntsin oochchizuntsi ubba bale yene.
\p
\v 16 «Taanii, Yesuusa, hyanna markkatitsito yinttis, woosa keetsuntsis ohode fana ta Kiitanchchiza kiittida. Taanii Dawute xaphon kochchi. Taanii foo7ize wontta goolixe» yagayda.\x - \xo 22:16 \xo*\xt Isa. 11:1\xt*\x*
\p
\v 17 Geeshi Ayyaanan gelodes giigide maachita, «Yo7o» ga7o. Si7ize «Hyankka yo7o» Baridhdhide hyankka yo7o; koyze ooden de7o hyaatsi hyarii ekko.\x - \xo 22:17 \xo*\xt Isa. 55:1\xt*\x*
\p
\v 18 Hyanna maxaafite xaafinttide tinbbite qaaltto si7ize oodesin ta markkidhada. Ooden hyanna qaalttilla afa fettibaz gujjiko, Xoozii hyanna maxaafite xaafinttide hyanqito eella afa gujjoda.\x - \xo 22:18-19 \xo*\xt Mahe 4:2; 12:32\xt*\x* 
\v 19 Ooden hyanna tinbbite maxaafite xaafinttide qaalappa fettibaz facciziko, Xoozii hyanna maxaafite xaafinttide de7o minxa aafitippan geeshi katamttippa E ixito faccisada.
\p
\v 20 Hyanna ubba markkidhize, «Turo, taanii ellera yo7oda» yagaane.
\p Amin77e; Laatstsi Yesuusa, yo7o.
\p
\v 21 Laatstse Yesuus Kiristtoosa aadho keehatitsita yin ubbuntsara maaqqe. Amin77e.