\id PHM - Oyda New Testament
\ide UTF-8
\h Filmmoona
\toc1 Phawuloosa Filmmoonas xaafide Kiita
\toc2 Filmmoona
\toc3 Filmo.
\mt1 Phawuloosa Filmmoonas
\mt2 Xaafide Kiita
\imt1 Gele
\ip Filmmoona erinttide ammanze asi. E Qolaasiyasa woosa keetstsa asi maaqqikaayzara attoos. Filmmoonas Anasmoosa gaaze aro yene. Ye arize fa laatstseppa bettii qitide wode achi keetstsa yeze Phawuloosara yellinttida. Anasmoosa Yesuusa ammanode gaar oochchide Phawuloosa. Phawuloosa Filmmoonas xaafide kiitiza, Filmmoona suub maaqqii eego hyanggize fa arizera giigode fana qoppizane. Gujjii hyatte Anasmoosa ammanze as maaqqide gisho yikkeppa suuba ammanze ishe fana eza mokkii ekkode gaar fattin aro fana eza faydaame fana ees ohida.
\iot Aafe Qofuntsi
\io1 Saritse \ior 1-3 \ior*
\io1 Galatan woosa \ior 4-7 \ior*
\io1 Phawuloosa Anasmoosa gisho Filmmoona woossida \ior 8-21 \ior*
\io1 Xaatsi qofa \ior 22-25 \ior*
\c 1
\p
\v 1 Taanii Phawuloosa, Yesuus Kiristtoosa gisho achcha yezayin nu ishe Ximotiyoosa, nuura oochchize nuunii kadhize Filmmoonas, 
\v 2 yinnii fana ne kara shiiqize ammanzuntsis, nu mishta Afibiyasasin nuura wolla yeze wottaddare Arkkiphaasas xaafide kiita.\x - \xo 2 \xo*\xt Qola. 4:17\xt*\x*
\p
\v 3 Xoozze nu Adeppan nu Laatstse Yesuus Kiristtoosappa aadho keehatitsin sarotitsi yinttis maaqqe.
\s1 Filmmoona siiqon ammanon
\p
\v 4-5 Neenii geeshshuntsana kadhizannon Laatstse Yesuusa ammanzanno taanii si7ide gisho Xoozza woossittera nena qoppize wode ubba ta Xooz galatane. 
\v 6 Neenii ne ammantto melluntsis shaakkizanna nuus Kiristtoos Yesuusa baggara ye7ize lo77o baz ubba erode fana taanii Xooz woossane. 
\v 7 Ammanzunts wozintta ne oochite shemppide gisho ta ishayo, taanii ne siiqite gaama ufayssin mintsitimo denggida.
\s1 Phawuloosa Anasmoosas woosside woosa
\p
\v 8 Yinnii gisho, neenii oochchodes beezzebaz oochchode fana nena kiittodes Kiristtoosa baggara taas mintsii qofa yene. 
\v 9 Taanii, cimize Phawuloosa, Kiristtoos Yesuusas hyatten achi keetstsa yezay, siiqora nena woossane. 
\v 10 Taanii achi keetstsa yezitera Kiristtoosara taas na7a maaqqide Anasmoosa gisho nena woossane.\x - \xo 10 \xo*\xt Qola. 4:9\xt*\x* 
\v 11 E zaga nena maaddoos, yezin hyatte nenan tanan turippa maaddode asi.
\p
\v 12-13 Taanii wozinappa kadhize Anasmoosa neego dakkida. Taanii Wonggele gisho acinttii yezin, ne gisho mahi tana maaddode fana ta kale eza ashshodes koyda. 
\v 14 Yezin ne qofa gaar oochchodes koydap attin neera zorinttikaayzara wolqqara akkon oochchodes koyoos.
\p
\v 15 Anasmoosa eerats wode neeppa shaakkinttide, oode erode maaqqii ubba wode neera yezikaayzara attaama. 
\v 16 Yikke, hyannippa suuba Anasmoosa aro baayzin aroppa E gaama aadhane. E taas akko gaar siiqo ishe! Mahi E nees asho baggaran Laatstse baggara aadhide ishe.
\p
\v 17 Yikke, neenii tana nees lagge gaazebaz maaqqiko tana mokkizannifana eza mokko. 
\v 18 E nena qohide baz woy ees gale yeziko taappa ekko. 
\v 19 Yinna acito ta ciggada ga7i taanii, Phawuloosa, ta kushite xaafane. Neenii taas ne shemppito galidhii bettidaya taanii nena tiirissades koshshoos.
\p
\v 20 Ta ishayo, Laatstse baggara neeppa maade denggodes koyda. Kiristtoosa baggara tana mintsitso. 
\v 21 Taanii gaydannifa gaama ne oochchodanno erii mahi ne taas kiitinttodanno ammanii hyanno xaafane.
\p
\v 22 Xoozii yin woosito si7i tana yinttago suub mahoda ga7i qoppize gisho taas aqize keetsi giigizo.
\s1 Wurssutsi saritse
\p
\v 23 Kiristtoos Yesuusa gisho taara achcha yeze Ephafira nena saro saro gaane.\x - \xo 23 \xo*\xt Qola. 1:7; 4:12\xt*\x* 
\v 24 Mahi taara wolla oochchize Marqqoosa, Arsxirokoosa, Deemasan Luqasa nena saro saro gaane.\x - \xo 24 \xo*\xt Hawa. 12:12, 25; 13:13; 15:37-39; 19:29; 27:2; Qola. 4:10, 14; 2 Ximo. 4:10-11\xt*\x*
\p
\v 25 Laatstse Yesuus Kiristtoosa aadho keehatitsita yinttara maaqqe.