\id MRK - Oyda New Testament
\ide UTF-8
\h Marqqoosa
\toc1 Marqqoosa Xaafide Yesuus Kiristtoosa Wonggele
\toc2 Marqqoosa
\toc3 Mar.
\mt1 Marqqoosa Xaafide
\mt2 Yesuus Kiristtoosa Wonggele
\imt1 Gele
\ip Marqqoosa Wonggele, «Hyay Xoozze na7a Yesuus Kiristtoosa Wonggele dentstse» yaga7i tiinii dentsane. Hyanna Wonggeltte Yesuusa oocha asin adetits wolqqa aden maaqqii shiiqida. E adetits wolqqita E timirttite, tuna ayyaanalla afa yeze wolqqiten asuntsana nagarappa maarizanne benttida. Yesuusa, «Taanii, asuntsana nagara arotitsappa kessodes tanatitsito aatsii inggodes yi7ide As Na7a» yaga7i fa doonara ohida.
\ip Marqqoosa Yesuusa taarikito luule ogeran wolqqa kumide ogera ohida. Marqqoosa Yesuusa qaaltton timirttito maaqqikaayzin E oochchide gaama qofize oochito tiinizi ohida. Marqqoosa Xammaqize Wahannisa taarikito, Yesuusa xinqqate E fattaninttidanno hyaatara ohi maaqqii, Yesuusa timirttiton E fatstsizanno dalggizii ohida. Aqii aqii hyammadera Yesuusa tamaaruntsi Yesuusa loytsii erii erii hyanggida, yezin Yesuusa ixxizuntsi wozzii ixxii ixxii hyanggida. Hyal7e zofanuntsi Yesuusa yessi hyaase saamintte folinttide oochchiti baz ohine. Yentsesin E suxintton E dendditi baz ohine. Wonggele faaditsite teqera benttide zofanuntsi fettii fettii maxaafite xalaala yene.
\iot Aafe Qofuntsi
\io1 Wonggele dentstse \ior 1:1-13 \ior*
\io1 Yesuusa Galila sa7a fa oocha aykkidanno \ior 1:14—9:50 \ior*
\io1 Yesuusa Yerusalaame oochchide oocha \ior 10:1-52 \ior*
\io1 Wurssutsi saamintta Yerusalaame kara gancce \ior 11:1—15:47 \ior*
\io1 Yesuusa hyayqoppa denddito \ior 16:1-8 \ior*
\io1 Hyayqoppa denddide Laatstse qonccitsin Salo keze \ior 16:9-20 \ior*
\c 1
\s1 Xammaqize Wahannisa oge giigizane
\r (Maato. 3:1-12; Luqa. 3:1-18; Waha. 1:19-28)
\p
\v 1 Hyay Xoozze Na7a Yesuus Kiristtoosa Wonggele dentstse. 
\v 2 Nabe Isayaasa xaafide maxaafite Xoozii,
\q1 «Yikke, taanii ta Kiitanchcho
\q2 neeppa tiino dakkoda.
\q2 E ne ogito giigisada.\x - \xo 1:2 \xo*\xt Mil. 3:1\xt*\x*
\q1
\v 3 Fetay akko baayze ganasa fa qaaltto dhoqi yiizii,
\q2 ‹Laatstse ogito giigizote;
\q2 E yedhdhade wustto
\q2 ees giigizote gayda› »
\m yagayda.\x - \xo 1:3 \xo*\xt Isa. 40:3\xt*\x*
\p
\v 4 Xammaqize Wahannisa asuntsana xammaqittera, «Yin nagarttippa maaqqii xammaqinttote; Xoozii yin nagartto atto ga7oda» yaga7i qaala ohitera akko baayze ganasara yi7ida. 
\v 5 Yihuda sa7a yeze asuntsi ubban Yerusalaame katama asuntsi ubba Wahannisago ye7ine. Fa nagartto faaxin, Wahannisa unttana Yorddanoosa borkka xammaqida.
\p
\v 6 Wahannisa gimale isintseppa dadinttide afula ma77ida. Fa qazintte saqqe danccida; mahi boolen dekera shida mu7ida.\x - \xo 1:6 \xo*\xt 2 Kat. 1:8\xt*\x* 
\v 7 Wahannisa qaala ohitera, «Taappa suubara damma miinggize ye7ine. Melle atto yezin, taanii E caamma gaadiza zuggii billodes beezoos. 
\v 8 Taanii yinttana hyaatsara xammaqane, yezin E yinttana Geeshi Ayyaanara xammaqoda» yagayda.
\s1 Yesuusa Xammaqintton fattaninttidanno
\r (Maato. 3:13-17; 4:1-11; Luqa. 3:21-22; 4:1-13)
\p
\v 9 Yesuusa ye wode Galila awrajja yeze Naazirete katamappa yi7in, Wahannisa Yorddaanosa borkka xammaqida. 
\v 10 Yesuusa hyaatsitippa kezze wode salo bugunttin, Geeshi Ayyaana eella afa wolle gaara wodhdhodera bi7ida. 
\v 11 Mahi saloppa, «Taanii kadhize ta na7ay nena; ta neella ufayttane» yagaaze qaala yi7ida.\x - \xo 1:11 \xo*\xt Medho 22:2; Maz. 2:7; Isa. 42:1; Maato. 3:17; 12:18; Mar. 9:7; Luqa. 3:22\xt*\x*
\p
\v 12 Iira Geeshi Ayyaana Yesuusa akko baayze ganasa kanggida. 
\v 13 Yesuusa akko baayze ganasa Xalahera fattaninttitera oyttam qamma gam7ida. Xootsara yezida, yezin kiitanchchuntsi yi7i eza maaddida.
\s1 Yesuusa molo aykkize oyddii asuntsana xeegida
\r (Maato. 4:12-22; Luqa. 4:14-15; 5:1-11)
\p
\v 14 Wahannisa acinttidannippa suuba Yesuusa Xoozze ka7itumo Wonggele ohitera Galila awrajja qitida. 
\v 15 Ize, «Wode yellida; Xoozze ka7itumo ukkida. Yin nagarttippa maaqqii, Wonggele ammanote» yagayda.\x - \xo 1:15 \xo*\xt Maato. 3:2\xt*\x*
\p
\v 16 Yesuusa Galila Abba kalera aadhitera, molo aykkize, Simoonaran E ishe Inddirasera, fa gitito\f + \fr 1:16 \fr*\fqa Gite: \fqa*\ft Molo aykkize afula aazize baz.\ft*\f* Abba olizuntsana bi7ida. 
\v 17 Unttago, «Tana kaallote; ta yinttana as ayfo tamaarssoda» yagayda 
\v 18 Unttii iira fa gitito olii ashshii Yesuusa kaallida.
\p
\v 19 Yesuusa eeratsi tiino hyanggi, lam77i ishuntsana Zabdoosa na7untsana, Yayqoobaran Wahannisara gongge gidda fa gitito giigizuntsana bi7ida. 
\v 20 E unttana bi7ide gaar xeegida. Un fa adaya Zabdoosan, ees oochchizuntsara gongge gidda olii ashshii Yesuusa kaallii qitida.
\s1 Tuna ayyaana aykkide atstse faxida
\r (Luqa. 4:31-37)
\p
\v 21 Unttii Qifirnahoome katama yellida. Sambbata gelide gaar Yesuusa ellisii Ayhude woosa keetstsa gelii tamaarsse aykkida. 
\v 22 Adetits wolqqara yeze asi fana tamaarssanep attin higge asttamaarunts fana tamaarssoosse gisho asuntsi E timirttite gaama qoppida.\x - \xo 1:22 \xo*\xt Maato. 7:28\xt*\x*
\p
\v 23 Ye wode tuna ayyaana aykkide fettii atstse Ayhude woosa keetstsa gelii fa qaaltto dhoqi yeyzi, 
\v 24 «Naazirete Yesuusa, neenii nuuppa akko koye? Nuna dhabssodes ne yi7ida? Ne oona yezako ta erane; ne Xoozze Geeshi.» Yagayda.
\p
\v 25 Yesuusa ye tuna ayyaanza, «Hyayzo, hyay atstseppa kezo» ga7i seerida.
\p
\v 26 Tuna ayyaana atstsa labbizii, wuysizii ezappa kezida. 
\v 27 Asuntsi ubba gaama qoppii, «Hyanna akko? Hyay atstse fa adetits wolqqara melle atto yezin tuna ayyaanan kiittane. Unttii ees kiittinttane; hyanna akko kille timirtte?» yaga7i, fa gidda fete feta oocida.
\p
\v 28 Yesuusa markkatitsita ellisii Galila sa7a yeze guta ubba kezida.
\s1 Yesuusa gaama hyargginttizuntsana fatstsida
\r (Maato. 8:14-17; Luqa. 4:38-41)
\p
\v 29 Yesuusa Ayhude woosa keetstsappa kezii, Yayqoobaran Wahannisaran Simoona karan Inddirase kara qitida. 
\v 30 Simoona machchiti intta damma otstsi michara hyarggintti woy7idanno Yesuusa ize yellin ees ohida. 
\v 31 E iigo shiiqii, I kushito aykkii, izo dentsii essida. Otstsi michita ashshin iza unttana mokkida.
\p
\v 32 Hyargginttide asuntsanan tuna ayyaana aykkide asuntsana ubba ugure awa gelin eego ki7ida. 
\v 33 Katamite yeze asunts ubbuntsi yinna keetsiti bale shiiqida. 
\v 34 Yesuusa dumma dumma hyarggera aykinttide gaama asuntsana fatstsi, gaama tuna ayyaanuntsana kessida. E oode yezako tuna ayyaanuntsi eride gisho unttana ohaame fana kayda.
\s1 Yesuusa Galila tamaarssida
\r (Luqa. 4:42-44)
\p
\v 35 Yesuusa wontti maatse denddii, asi baayze bessa hyanggi, ize Xooz woossida. 
\v 36 Simoonaran eera yezuntsi eza koyitera qitida. 
\v 37 Unttii eza denggi, «Asi ubba nena koyane» yagayda.
\p
\v 38 Yesuusa mahi unttana, «Yinna gutute yeze seko katamite yedhdhote. Taanii yi7idanna Wonggele ohodes maaqqide gisho ize yeze guta ohodes beezane» yagayda. 
\v 39 Ayhude woosa keetstsa qaala ohiteran tuna ayyaanuntsana kessitera, Galila sa7a ubba wutida.\x - \xo 1:39 \xo*\xt Maato. 4:23; 9:35\xt*\x*
\s1 Yesuusa qursuma hyargginttiza fatstsida
\r (Maato. 8:1-4; Luqa. 5:12-17)
\p
\v 40 Qursuma hyargge aykkide fettii atstse Yesuusago yi7i, E tiintte bunqqunttii, «Neenii koyko tana geeshodes dandda7ane» yaga7i woossida.
\p
\v 41 Yesuusa ees yiqsinttii, fa kushito dakkii eza bochchi, «Taanii kadhane, geezho» yagayda. 
\v 42 Iira qursumtta atstsa dakkin atstse geezhida. 
\v 43 Yesuusa atstsa mintsii naagintto ga7i kessii dakkida. 
\v 44 Yesuusa eza, «Nena ero, hyanno oodesin ohippe. Yezin hyanggi ne galtto kahine beezo. Neenii hyatte geeshi maaqqidanno asuntsana ersodes, Muse kiittide zharshito zharsho» yagayda.\x - \xo 1:44 \xo*\xt Leewe 14:1\xt*\x*
\p
\v 45 Yezin atstsay hyanggi, kara gancce as ubbuntsis ohida. Yinnii gisho, Yesuusa benttii kezii, katama gelodes dandda7ikaaya. Yezin asi baayze bessa gaxa yezida; mahi asuntsi ubba fa yeze bessappa eego ye7ine.
\c 2
\s1 Yesuusa wobbo atstsa fatstsida
\r (Maato. 9:1-8; Luqa. 5:17-26)
\p
\v 1 Eeratsi qammappa suuba Yesuusa Qifirnahoome maaqqii, keetstsa yene gaaze wore sinttida. 
\v 2 Asuntsana keetstsita ekkaanxxi ixxin, melle atto yezin balttan un7ode wontsis gaama asuntsi shiiqin, Yesuusa qaala tamaarssane. 
\v 3 Oyddii asunts fettii wobbo atstsa tookkii eego ki7ida. 
\v 4 Asuntsi gaanggide gisho atstsa Yesuusago shiishodes unttis dandda7inttanxi ixxin, Yesuusa yeze zalara keetstsi aafto tookkii atstsa E woy7ide alggizera sulle ketstsii Yesuusa tiintte gaddida. 
\v 5 Yesuusa un ammantto bi7i, ye wobbo atstsa, «Ta na7ayo, ne nagartta atto ga7inttida» yagayda.
\p
\v 6 Higge asttamaaruntsappa yinna besite bettide fete fete fa wozintte, 
\v 7 «Naate hyay atstse hyannii gaar iita baz Xoozalla akkos ohe? Xoozza xalaalap attin melle oode nagara atto ga7odes dandda7ize?» ga7i qoppida.
\p
\v 8 Unttii fa wozintte yinnii gaara qoppidanno Yesuusa iira fa ayyaantte erii, unttago, «Yinttii yin wozintte akkos hyannigaara qoppete? 
\v 9 Wobbo atstsa, ‹Ne nagartta atto ga7inttida› gaazanna ukkeene? Woy, ‹Denddii eqqii ne alggiza tookkii qito› gaazanna ukke? 
\v 10 Yezin taas, As Na7ays, sa7alla afa nagara atto ga7odes adetits wolqqa yezanno yin erode gaar» ga7i ye wobbo atstsa, 
\v 11 «Nena gaane, denddii eqqii ne alggiza tookkii ne kara qito» yagayda.
\p
\v 12 Atstse ellisii denddii eqqii, fa alggiza tookkii asi ubba be7izin qitida. Asuntsi ubba gaama qoppii, «Nuunii hyannii gaar gaama qofize baz bi7i eroos» yaga7i Xooz galatida.
\s1 Yesuusa Leewe xeegida
\r (Maato. 9:9-13; Luqa. 5:27-32)
\p
\v 13 Yesuusa mahi Galila Abba gaxa hyanggi, faago yi7ide asuntsana ubba tamaarssida. 
\v 14 Iira aadhitera, Ilfiyoosa na7ay Leewe ga7inttize qaraxe gachchize besite bettidaya bi7i, «Tana kaallo» yagayda. Leewize denddii eqqii eza kaallida.
\p
\v 15 Yesuusa katstsa ma7ades Lewii keetstsa bettida. Eza kaallize asuntsi gaama maaqqide gisho qaraxe gachchize gaama asuntsin nagaranchchuntsi eeran E tamaaruntsara wolla bettida. 
\v 16 Higge asttamaare maaqqide fettii fettii Farisaawuntsi Yesuusa nagaranchchuntsaran qaraxe gachchizuntsara katstsa ma7adera bi7i, «E akkos nagaranchchuntsaran qaraxe gachchizuntsara katstsa me7e?» yaga7i, E tamaaruntsana oocida.
\p
\v 17 Yesuusa un gaazanno si7i, «Hyargginttizes fattin faxas akime koshshoos. Taanii nagaranchchuntsana xeegodes yiiddap attin xilluntsana xeegodes yi7ikaaya» yaga7i unttis mahida.
\s1 Xooma baz erodes shiiqide ooce
\r (Maato. 9:14-17; Luqa. 5:33-39)
\p
\v 18 Xammaqize Wahannisa tamaaruntsin Farisaawuntsi xoomane. Fettii fettii asunts Yesuusago yi7i, «Wahannisa tamaaruntsin Farisaawunts tamaaruntsi xoomane, yezin ne tamaaruntsi akkos xoomoso?» yagayda.
\p
\v 19 Yesuusa unttago, «Sarge yi7ide asunts machcho ekkize unttara yezin, xoomodes dandda7ane? Machcho ekkize unttara yezin, xoomodes dandda7oos. 
\v 20 Yezin machcho ekkize un kaleppa ekinttodes wode ye7oda, un ye wode xoomoda.
\p
\v 21 «Gal7a ma7olla kille carqqe gaddii sikkize asi baaya. Gaddii sikkikon, killize gal7a ma7iza feedhane; feedhitsitan kasennippa aadhane. 
\v 22 Mahi mal7antto woyne gal7a silphe gujjize asi baaya. Mahi gujjikon, ye woynize silphiza feedhane, faasin lanttane, silphizen iitane. Yezin mal7antto woyne kille silphe gujjinttane» yagayda.
\s1 Sambbata baz erodes shiiqide ooce
\r (Maato. 12:1-8; Luqa. 6:1-5)
\p
\v 23 Yesuusa fettii Sambbata qamma bangga gade giddara aadhodera, E tamaaruntsi eera hyanggitera bangga tizha shiccii dha7ane.\x - \xo 2:23 \xo*\xt Mahe 23:25\xt*\x* 
\v 24 Farisaawuntsi Yesuusago, «Yikke, ne tamaarunts Sambbata qamma woga baayze baz akkos oochche?» yagayda.
\p
\v 25 Yesuusa unttago, «Dawute naydhdhii, muuze baz koyde wode faara yezuntsara oochchidanno ne nabbabika?\x - \xo 2:25-26 \xo*\xt 1 Sam. 21:1-6\xt*\x* 
\v 26 Abiyaatar kahinunts hyalaqa maaqqii yeze wode Dawute Xoozze keetstsa gelii, kahinunts xalaala ma7adep attin ooden ma7ades woga baayzanno Laatstse tiino gaddide daabbuto mu7ida, faara yezuntsisin inggida» yagayda.\x - \xo 2:26 \xo*\xt Leewe 24:9\xt*\x*
\p
\v 27 Mahin Yesuusa unttago, «Sambbata as na7a maades ga7i medhinttidap attin asi Sambbatas medhinttikaaya. 
\v 28 Yinnii gisho, As Na7ay, melle atto yezin Sambbatasin Laatstsii» yagayda.
\c 3
\s1 Yesuusa kushe gundda atstsa fatstsida
\r (Maato. 12:9-14; Luqa. 6:6-11)
\p
\v 1 Yesuusa Ayhude woosa keetstsa maaqqii gelida. Ize kushe gunddide fettii asi yene. 
\v 2 Fettii fettii asuntsi Yesuusa mootodes kezii, kushe gunddide atstsa Sambbata wode E fatstsikon ashshiko ga7i be7ades koyi mintsii naagane. 
\v 3 Yesuusa kushe gunddide atstsa, «Denddii eqqii hyankka gidda yo7o» yagayda. 
\v 4 Yinnippa suuba, asuntsago, «Sambbata wode lo77o baz oochchizanna wogaane iita baz oochchizanna woga? As shemppo ashshizannone woy wodhizanno?» yaga7i oocida.
\p Yezin asuntsi si77i gayda. 
\v 5 Yesuusa antsinttii, unttana wututsii dakkii bi7i, un ohin si7oosuntsana maaqqide gisho unttalla afa gaama zhilidhdhida. Ye atstsego, «Ne kuciza fiddii yiizo» yagayda. Ezii fiddii yiizin E kucizen faxida. 
\v 6 Ellisii Farisaawuntsi Ayhude woosa keetstsappa bale kezii, Yesuusa wayzi wodhod yezako zorinttodes Heroodisa bagguntsara fettii bessa shiiqida.
\s1 Asuntsi Yesuusago shiiqida
\p
\v 7 Yesuusa fa tamaaruntsara Galila Abbago hyanggida. Galilappan Yihudappa yi7ide gaama asuntsi eza kaallida. 
\v 8 Mahin Yerusalaameppa, Edumiyasappa, Yorddaanosa borkka fintsappa, Xiroosa katamappan Sidoona katamappa Yesuusa oochchidanno si7i, gaama asuntsi eego yi7ida. 
\v 9 Asi gaanggidannippa denddii eza un7itsaame fana E tamaaruntsi gongge ees giigisade gaar kiittida.\x - \xo 3:9-10 \xo*\xt Mar. 4:1; Luqa. 5:1-3\xt*\x* 
\v 10 Gaama asuntsana E fatstside gisho hyargginttize asunts ubba eza bochchodes urqqinttane. 
\v 11 Tuna ayyaana aykkide asuntsi eza bi7ide wode E tiintte bunqitii, fa qaaltto dhoqi yiizii, «Neenii Xoozze Na7a baane?» yagayda.
\p
\v 12 Yesuusa gaama wode tuna ayyaanuntsi fa oonatitsito qonccizaame fana unttana mintsii kiittida.
\s1 Yesuusa taphpho lam77i hawaaruntsana doorida
\r (Maato. 10:1-4; Luqa. 6:12-16)
\p
\v 13 Yesuusa derella afa kezii, fa koyze asuntsana faago xeegida; unttin eego shiiqida. 
\v 14 Un faara yessade gaaran qaala tamaarssode gaar taphpho lam77untsana doorii, unttana, «Hawaare»\f + \fr 3:14 \fr*\fk Hawaare: \fk*\ft Hawaare gaazanna kiitinttiduntsana ga7e. \ft*\f* ga7i suntsida. 
\v 15 Tuna ayyaana kessode gaar unttis adetitsi wolqqa inggida.
\p
\v 16 E dooride taphpho lam77untsi hyantsesana: Phexiroosa ga7i suntside Simoona, 
\v 17 Bo7anergges (Dada aazize asuntsana) yaga7i suntsiduntsana, Zabdoosa na7unts Yayqoobaran Yayqooba ishe Wahannisa, 
\v 18 Inddirase, Filphoosa, Barttolomiyoosa, Maatoosa, Toomaasa, Ilfiyoosa na7a Yayqooba, Taadiyosa, Kananeppa yi7ide Simoonara, 
\v 19 Yesuusa aatsii inggide Asqorootu Yihuda.
\s1 Yesuusan Bi7elzebuulan
\r (Maato. 12:22-32; Luqa. 11:14-23; 12:10)
\p
\v 20 Yinnippa suuba, Yesuusa kara hyanggida. Mahi gaama asunts shiiqin, ezin E tamaarunts melle atto yezin katstsa ma7adesin un dandda7ikaaya. 
\v 21 Asunts eza, «Zhaashtane» gaaze gisho E iginuntsi yinno si7i eza ekkodes hyanggida.
\p
\v 22 Higge asttamaaruntsappa fete fete Yerusalaameppa yi7i, «Eella afa Bi7elzebuula yene», E, «Xalahe wolqqara tuna ayyaana kessane» yaga7i wolla ohinttida.\x - \xo 3:22 \xo*\xt Maato. 9:34; 10:25\xt*\x*
\p
\v 23 Yesuusa asuntsana faago xeegii aazizer ohida. «Xalahe Xalahe wayzi kessodes dandda7e? 
\v 24 Fettii ka7itumo fa gidda shaakkinttiko yinna ka7itumtta eqqodes dandda7oos. 
\v 25 Yinnii gaara, fettii keetstsa asuntsi fa gidda shaakkinttiko dhabodap attin yessades dandda7oos. 
\v 26 Yikke, Xalahe faara kacinttii shaakkinttiko dhabodap attin yessades dandda7oos.
\p
\v 27 «Yinnii gaara tiino wolqqar yeze atstsa accikaayzara E keetstsa gelii, E qoltto bonqodes dandda7ize asi baaya. Accii maaqqii E keetsito bonqodes dandda7ane.
\p
\v 28 «Taanii yinttis turo ohine; Xoozii as na7untsis nagara ubbannon un cazhize cashito ubba atto ga7oda. 
\v 29 Yezin Geeshi Ayyaanalla iita baz ohize medhinas nagara gale maaqqadep attin Xoozii mulon eza maaroos» yagayda.\x - \xo 3:29 \xo*\xt Luqa. 12:10\xt*\x* 
\v 30 Yesuusa yinno ga7idanna, fettii fettii asunts, «Eella afa tuna ayyaana yene» yagayde gisho.
\s1 Yesuusa intton E ishuntsanan
\r (Maato. 12:46-50; Luqa. 8:19-21)
\p
\v 31 E inttan E ishuntsin yi7i bale eqqii, eego asi kiittii eza xeegida. 
\v 32 E kale bettide gaama asuntsi, «Yikke, ne inttan ne ishuntsin bale eqqii nena koyane» yagayda.
\p
\v 33 Yesuusa mahi, «ta intta oode? Mahi ta ishuntsin aanuntsana?» yagayda. 
\v 34 Fa kantte bettide asuntsana wututsii dakkii bi7i, «Yikke, ta inttan ta ishuntsin hyantsesana. 
\v 35 Xoozze qofa oochchize ubbuntsi taas ishen, taas mishon taas inddo» yagayda.
\c 4
\s1 Budutsi budize atstse aazize
\r (Maato. 13:1-9; Luqa. 8:4-8)
\p
\v 1 Yesuusa mahi Galila Abba kale tamaarssane. Gaama asunts E kantte wutii shiiqin, abballa yeze gonggite gelii bettida, asunts ubba Abba kale yene. 
\v 2 E unttana gaama baz aazizera tamaarssida. Tamaarssitera hyannigaara yagayda:
\p
\v 3 «Yikke! Fettii atstse budutstsi budodes kezida. 
\v 4 E budodera, fettii fettii budutstsita oge gaxa wodhdhida; Landda yi7i mu7ida. 
\v 5 Fettii fettii budutstsita forchcho sa7alla wodhdhida. Gaama sa7a baayze gisho yinna budutstsita ellisii dolida. 
\v 6 Yezin awa kezze wode shullida. Loytsii xapho dakkikaayze gisho ellisii melida. 
\v 7 Fettii fettii budutsita anggatsi gidda wodhdhida. Dolidanno anggatsita diccii cuullide gisho aafe aafikaayzara attida. 
\v 8 Fettii fettii budutstsita aradda sa7a wodhdhii dolida. Diccii fete hyasttam, fete izippun tam fete xeet aafida» yagayda. 
\v 9 «Si7ize hyaye yeze ooden si7o» yagayda.
\s1 Yesuusa aazizera akko ohezako
\r (Maato. 13:10-17; Luqa. 8:9-10)
\p
\v 10 Yesuusa ohidanno si7ide fettii fettii asuntsi taphpho lam77i tamaaruntsara yezunts Yesuusa fa xalaala yessadera, eego shiiqii yinna aazizitis bilitsito oocida. 
\v 11 Yesuusa unttago hyannii gaar yagayda: «Yinttis Xoozze ka7itumo gaatsi qofa erodes ingginttida. Yezin melluntsis ka7itumoppa balera yezuntsis ubba bazi aazizera ohinttane. 
\v 12 Hyanna hyanidanna,
\q1 «Unttii be7ine, yezin denggoos.
\q2 Si7ine, yezin tiiroos.
\q2 Unttii denggizakon tiirzako,
\q2 Xoozago maaqqada
\q2 ezin unttana maaroda yeshsha»
\m yagayda.\x - \xo 4:12 \xo*\xt Isa. 6:9\xt*\x*
\s1 Budutsi aazize bilitsito
\r (Maato. 13:18-23; Luqa. 8:11-15)
\p
\v 13 Yesuusa unttago, «Hyanna aazizta yinttis geloso? Yeezin, aazize ubba yin wayzi tiirode? 
\v 14 Budizay Xoozze qaala budane. 
\v 15 Qaala budinttize wode oge gaxa wodhdhidunts qaala si7izuntsana. Yezin Xalahe iira yi7i, un wozintte budinttide qaaltto maxii hyaasane. 
\v 16 Yinnii gaara, forchcho sa7a budinttide qaala si7i, ellisii ufaytti ekkizuntsana. 
\v 17 Yezin unttis mintsii xapho baayze gisho hyattes fattin gam7oos. Eerats wodeppa suuba qaala gisho madhan woy baytstsii yellide wode ellisii dhubunttane. 
\v 18 Anggatsi gidda budinttide qaala si7izuntsana. 
\v 19 Yezin hyanna sa7a yessis yirggan, durtumo kadhen dumma dumma amotitsi un wozintte gelii qaaltto cuullize gisho aafe aafikaayzara attida. 
\v 20 Yezin aradda sa7a budunttezuntsi qaala si7i ekkizuntsana. Unttii fete hyasttam, fete izipuntam fete xeet aafida» yagayda.
\s1 Aachichcha yeze xomppe
\r (Luqa. 8:16-18)
\p
\v 21 Yesuusa gujjii, «Xomppe ekkii, gabate gidda woy algga oomo gaddize asi yene? Dhoqqa bessa gaddosaane?\x - \xo 4:21 \xo*\xt Maato. 5:15; Luqa. 11:33\xt*\x* 
\v 22 Yikke, aachinttide baz ubba qoncce kessada; aachinttide baz ubba erinttikaayzara attaama.\x - \xo 4:22 \xo*\xt Maato. 10:26; Luqa. 12:2\xt*\x* 
\v 23 Si7ize hyaye yeze ooden si7o» yagayda.
\p
\v 24 Mahi unttago, «Yin si7ize baz qofar si7ote! Xoozze qaala yin si7izanni fana E yinttis qofa inggoda. Yinttis makkizanne gaantsi inggoda. 
\v 25 Yeze atstses gaantsi ingginttoda, baayze atstseppa melle atto yezin, ees yeze yinna eeratsitan ekinttoda» yagayda.\x - \xo 4:25 \xo*\xt Maato. 13:12; 25:29; Luqa. 19:26\xt*\x*
\s1 Diccize budutstsiti aazize
\p
\v 26 Yesuusa mahi, «Xoozze ka7itumo fa gadite budutstsi budize atstse fana. 
\v 27 Ye atstse qamma genttane wontta denddane. E fa ommite wayzakon erikaayzara yessadera yinna budutsita dolii diccane. 
\v 28 Gaditan katstsa fa faas inggane. Tiino dolii diccane, suubite aafodes gambbuxane, wurssutsite kumutsi aafe aafane. 
\v 29 Yezin katsita yellide wode atstse maxane» yagayda.\x - \xo 4:29 \xo*\xt Iyu. 3:13\xt*\x*
\s1 Aafe eeratsi minxa aazize
\r (Maato. 13:31-34; Luqa. 13:18-19)
\p
\v 30 Yesuusa, «Nuunii Xoozze ka7itumo akko fana ga7ode? Woy akkora aazissade? 
\v 31 Xoozze ka7itumo aafe eerats minxa aazane. Ye minxa aafize budize wode sa7alla yeze minxa aafe ubbappa laafane. 
\v 32 Budin dolii minxa ubbappa dammane; damma daashi daazhane. Landduntsi E tirshitilla afa keexxii bettode wontsis daazhane» yagayda.
\p
\v 33 Yesuusa hyannii gaar gaama aazizera asunts tiirodes dandda7ode gaar qaala ohida. 
\v 34 Asuntsis aazize baytsi ohoos. Yezin Yesuusa fa tamaaruntsara xalaala yeze wode unttis ubbabazito billii ohida.
\s1 Yesuusa abba zuluntto si7i yiizida
\r (Maato. 8:23-27; Luqa. 8:22-25)
\p
\v 35 Ye wode sa7ita ugurin, Yesuusa fa tamaaruntsago, «Abbappa seko gaxa fiinggoda» gayda. 
\v 36 E tamaarunts gaama asuntsana olii ashshii ashshii, Yesuusa tiino gelii bettide gonggize gidda gelii Yesuusa faara ekkii qitida. Melle gongguntsin ize yene. 
\v 37 Damma gote denddii, zuluntta gonggiza guuddin, hyaatsita kumode wontsis gonggize gidda gelida. 
\v 38 Ye wode Yesuusa gonggizes suuba zalara borkkotsi gaddii genttida. E tamaarunts eza barkkizii, «Asttamaazayo, nu dhabize wode nena yiqsosaane?» yagayda.
\p
\v 39 Yezin, E barkki zuluntto, «Seerii», abbizan, «Si7i ga7o» yagayda. Zulunttan si77i ga7in ubba bazi woppu gayda. 
\v 40 Yesuusa fa tamaaruntsago, «Akkos hyannigaara zhashitete? Yinttis ammano wayzi dhabido?» yagayda.
\p
\v 41 Unttii gaama zhashtii fa gidda, «Hyay melle atto yezin, goten abban kiitinttize oode?» yagayda.
\c 5
\s1 Tuna ayyaana aykkide atstse faxida
\r (Maato. 8:28-34; Luqa. 8:26-39)
\p
\v 1 Yesuusan E tamaaruntsi abba fiinggi, Gerggesoone gaaze sa7a yellida. 
\v 2 Yesuusa gonggizeppa wodhdhize wode tuna ayyaana aykkide fettii atstse boozappa kezii eera yellinttida. 
\v 3 Ye atstse booza gidda aqii feezhii yene. Eza ooden gaadera accodes dandda7oos. 
\v 4 E gaama tohe duullaran santsalaatara acinttii yene. Yezin santsalaaton duutsane, duullizan mentsitsane. Eza mahodes dandda7ize ooden baaya. 
\v 5 E qamman awara yinna booziten derellan wuyssane, fa galtton shuchchara qawuxane.
\p
\v 6 Yesuusa hyaakora bi7ide wode woxxii hyanggi E tiintte bunqunttida. 
\v 7 Ye atstse fa qaaltto dhoqi yiizii, «Ubbappa kattara yeze Xoozze Na7a Yesuusa, neera tana akko yeltsize? Tana dhabssaame gaar taanii nena Xoozze suntsite woossane» yagayda. 
\v 8 E yinno gaydanna Yesuusa eza, «Naate hyay tuna ayyaanzayo, hyay atstseppa kezo» yagayde gisho.
\p
\v 9 Yesuusa eego, «Ne suntsita oode?» yaga7i oocida.
\p E, «Nuunii gaama maaqqide gisho ta suntsita Leegiyona» yagayda. 
\v 10 Tuna ayyaanuntsi fana yinna gaditippa kessii dakkaame gaar Yesuusa mintsii woossida.
\p
\v 11 Ye derizella gaama gudayille wude yengginttane. 
\v 12 Tuna ayyaanuntsi Yesuusago, «Nuna sekka gudayille wudute dakkoya, un gidda hyanggi geloda» yaga7i woossida. 
\v 13 Yesuusa unttago, «Qitote» yagayda. Yeezin tuna ayyaanuntsi atstseppa kezii gudayluntsi gidda gelida. Lam77i mukul maaqqade gudayille wude gaga doonara woxxii hyanggi abba gelii qoodhdhinttida.
\p
\v 14 Gudayille wude yenggizuntsi woxxii hyanggi hyanidanno katamaran gaxarera ohida. Yezin asuntsi hyanidanno be7ades kezida. 
\v 15 Asuntsi Yesuusago ye7ize wode tuna Ayyaanara aykinttide atstsa bi7ida. E fa wozintte maaqqii, ma7o ma77i, ize bettidanno be7ize wode ubbuntsi zhashtida. 
\v 16 Yinno bi7ide gaar asuntsi tuna ayyaanuntsi aykkide atstsella afan gudayluntsalla afa hyanidanno ubba asuntsis ohida. 
\v 17 Yinnii gisho, asunts fa sa7itippa Yesuusa kezode gaar woossida.
\p
\v 18 Yesuusa gonggite gelze wode tiino tuna ayyaana aykkii dakkide atstse, Yesuusara hyanggodes eza woossida. 
\v 19 Yezin Yesuusa ixxii eego, «Ne kara maaqqii, Laatstsii nees akko gaar damma baz oochchezakon akko gaar maarezako ne kara asuntsis oho» yagayda. 
\v 20 Atstsay hyanggi Taphphi Katama ga7inttize sa7a wutii, Yesuusa faas akko gaar damma baz oochchezako ohida. E ohidanno si7ide asunts ubbuntsi gaama qoppida.
\s1 Hyayqide na7iton Yesuusa ma7ito bochchide maachito
\r (Maato. 9:18-26; Luqa. 8:40-56)
\p
\v 21 Yesuusa maaqqii, gongge gelii, abba fiinggidannippa suuba gaama asuntsi abba gaxa E kale wutii shiiqida. 
\v 22 Iyaroosa gaaze Ayhude woosa Keetstsa hyalaquntsappa fete, Yesuusa bi7ide wode eego yi7i E tohitilla afa 
\v 23 gol7i, «Ta naata hyargginttii hyayqqodes yi7ine. Iza faxii yessade gaar yi7i ne kushito iilla afa gaddoya» yaga7i Yesuusa mintsii woossida.
\p
\v 24 Yesuusa Iyaroosara qitida. E hyammadera gaama asuntsi Eza kaallii un7itsida.
\p
\v 25 Taphpho lam77i bere I gallitippa suutsi goggize fettii maachita yene. 
\v 26 Gaama akimuntsi izo akimida, yezin iza faxa ka7inttida. Iza fa qoltto ubba hyaasinin iisi hyanka iitidap attin akkon maaddikaaya. 
\v 27 Yinna maachita Yesuusa baz si7i, asuntsana aadhii Yesuusa suubara yi7i E ma7ito bochchida. 
\v 28 Iza, «Taanii melle atto yezin E ma7ito bochchizako faxoda» ga7i qoppida.
\p
\v 29 Iippa goggize suutsita iira eqqii attida. Iza fa waaytippa faxidanno fa gallite erida. 
\v 30 Yesuusa iira faappa wolqqa kezidanno fa ommite erii, gaama as gidda suub maaqqii, «Ta ma7ito bochchide oode?» yagayda.
\p
\v 31 E tamaaruntsi, «Asuntsi nena urqqizanno bi7itera, ‹Wayzi tana oode bochchide ga7e?› » yagayda.
\p
\v 32 Yesuusa yinno oonii oochchezako be7ades wututsii dakkii bi7ida. 
\v 33 Yezin maachita faas hyanidanno erii, zhashimora goqitera yi7i Yesuusa tiintte gol7ida; mahi hyanidanno ubba turtto ees ohida. 
\v 34 Yeyin, Yesuusa iigo, «Na7ite, nena ne ammantta fatstsida, sarora qito, ne waaytippa faxo» yagayda.
\p
\v 35 Yesuusa hyaga yinno ohodera, Ayhude woosa Keetstsa hyalaqa karappa kiitinttide asuntsi yi7i, «Ne naata hyayqqida, asttamaariza akkos labbize?» yagayda.
\p
\v 36 Yezin Yesuusa un gaazanno si7i, Ayhude woosa Keetstsa hyalaqizego, «Ammano xalaala ammanop attin zhashtippe» yagayda. 
\v 37 Yesuusa Phexiroosappa, Yayqoobappan Yayqooba ishe Wahannisappa melle ooden fana kaallaame gaar kayda. 
\v 38 Unttii Ayhude woosa Keetstsa hyalaqize kara yellide wode Yesuusa asuntsi wozina dhabii yeekkizuntsanan zeleluntsana bi7ida. 
\v 39 Gelii asuntsago, «Akkos muuzhii yeekkete? Naata genttidap attin hyayqqikaaya» yagayda.
\p
\v 40 Asuntsi eella afa miicida. Yezin asuntsana ubba bale kessii, naatii adayan, intton hyaydzdzii tamaaruntsana faara ekkii naata yeze besite gelida. 
\v 41 Yesuusa naatii kushito aykkii, «Xaalita, quumii» (Eeratsi na7ite, nena gaane denddo) yagayda.
\p
\v 42 Naata iira denddii eqqii yedhdhida. Iza taphpho lam77i bere na7a. Yinne asuntsi gaama qoppida. 
\v 43 Yesuusa yinno un oodesin ohaame gaar unttana mintsii kiittida. Unttii iis mu7ize baz immade gaar ohida.
\c 6
\s1 Yesuusa Naazirete ixinttida
\r (Maato. 13:53-58; Luqa. 4:16-30)
\p
\v 1 Yesuusa izippa kezii, fa tamaaruntsana kaalitsi, fa katama Naazirete yi7ida. 
\v 2 Sambbata wode Ayhude woosa Keetstsa tamaarsse aykkida. E tamaarssizanno si7ide gaama asuntsi gaama qoppii, «Hyay hyanno ubba abappa denggido? Hyanna cinccatitsita ees anapp inginttido? Hyanna E kushite oochinttize kille bazito oochchize wolqqa Ees oonii inggido?\fig Asi na7ay Ayhude woosa keetsa nabbabane |alt="Man reading inside synagogue" src="LB00244B.TIF" size="span" ref="6:2"\fig* 
\v 3 Hyay anaaxe na7a baane? Mayrami na7a, Yayqooba, Yoosa, Yihudan Simoona ishe baane? E mishuntsi nuura hyanne yezuntsana baane?» yaga7i, E gaazanno si7anxi ixxida.
\p
\v 4 Yesuusa yentsi asuntsago, «Nabe fa gade, fa iginuntsi giddan fa kara asunts gidda bonchchinttoos fattin melluntsi kale bonchchinttane» yagayda.\x - \xo 6:4 \xo*\xt Waha. 4:43\xt*\x* 
\v 5 E yinna besite fa kushito eeratsi asuntsalla afa gaddii fatstsidannip attin melle gaama qofize baz oochchodes dandda7ikaaya. 
\v 6 Asuntsi ammanikaayze gisho gaama qoppida. Yinnippa suuba Yesuusa yinna gutute yeze asuntsana tamaarssane.
\s1 Yesuusa taphpho lam77i tamaaruntsana kiittida
\r (Maato. 10:5-15; Luqa. 9:1-6)
\p
\v 7 Yesuusa taphpho lam77i tamaaruntsana faago xeegii, lam77i lam77i mahi kiittida. Unttis tuna ayyaanalla adetits wolqqa inggida. 
\v 8 Unttana, «Oges gufep attin katstsa, karxite, yin kiistte bira akko bazin aykkippete.\x - \xo 6:8-11 \xo*\xt Luqa. 10:4-11\xt*\x* 
\v 9 Yin tohite caamma aatstsote, fattin lam77i afula aykkippete» yagayda. 
\v 10 Mahin, «Yinttana asi mokkize keetstsa aba maaqqikon yinna bessitippa kezii qitode wontsis yinna keetstsite gam7ote. 
\v 11 Yinttana asi mokkoosse bessa woy yin ohizanno si7oosse bessa aban maaqqiko, yinna sa7ite yeze asuntsis yin markka maaqqade gaar yinna bessitippa kezitera, yin tohite yeze xurito fixxote» yagayda.\x - \xo 6:11 \xo*\xt Hawa. 13:51\xt*\x*
\p
\v 12 Taphpho lam77i tamaaruntsi hyanggi, asuntsi fa nagarttippa maaqqade gaar qaala ohida. 
\v 13 Unttii asappa gaama tuna Ayyaana kessida. Gaama hyargginttizuntsana zayte tizhii fatstsida.\x - \xo 6:13 \xo*\xt Yay. 5:14\xt*\x*
\s1 Xammaqize Wahannisa hyayqo
\r (Maato. 14:1-12; Luqa. 9:7-9)
\p
\v 14 Yesuusa suntsita ubba bessa kezide gisho Kaat Heroodisa E baz si7ida. Fettii fettii asuntsi, «Xammaqize Wahannisa hyayqoppa denddida, yinnii gisho hyanna kille bazito oochchize eza» yagayda.\x - \xo 6:14-15 \xo*\xt Maato. 16:14; Mar. 8:28; Luqa. 9:19\xt*\x*
\p
\v 15 Bagguntsi, «Hyay Eeliyaasa» yagayda.
\p Melluntsi mahi, «Hyay zaga wode nabuntsappa fetaya» yagayda.
\p
\v 16 Yezin Heroodisa yinno si7ide wode «Hyay taanii afurtto gachchizide Xammaqize Wahannisa. E hyayqoppa denddida» yagayda.
\p
\v 17 Heroodisa fa ishe Filphoosa machchito Heroodiyada ekkide gisho I mikinaatis Wahannisa aytstsii accizida. 
\v 18 Wahannisa Heroodisago, «Neenii ne ishe machchito ekkodes beezoos» yagayda.\x - \xo 6:18 \xo*\xt Luqa. 3:19-20\xt*\x*
\p
\v 19 Heroodiyada Wahannisa fa wozintte ixxii eza wodhissades koyda, yezin dandda7ikaaya. 
\v 20 Wahannisa xillon geeshi as maaqqidanno Heroodisa eride gisho ees zhashtii loytsii naagizane. Heroodisa Wahannisa gaaze baz si7ize wode tannane. Yezin ufaytti si7ine.
\p
\v 21 Heroodisa fa yelinttide qammito bonchchodes gade ahizuntsana, shaalaquntsisin Galila yeze damma asuntsis diggisa giigizida. Yinna Heroodiyadas wottize wode maaqqida. 
\v 22 Heroodiyada na7ita zaqquntsi mokunttize keetstsa gelii durii, Heroodisan E zaquntsana ufayssida. Kaatize naatigo, «Ne koyze akko maaqqikon tana ooco, ta nees inggoda» yagayda. 
\v 23 Mahi iisi caaqqii, «Neenii oocize akko maaqqikon, taanii nees inggoda. Melle atto yezin, ta ka7itumtti baggito maaqqikon ta nees inggoda» yagayda.
\p
\v 24 Naata bale kezii fa inttigo, «Akko inggo gawune?» ga7i oocida.
\p I intta, «Xammaqize Wahannisa ommito inggo ga7o» yagayda.
\p
\v 25 Naata ellisii kaatizego hyanggi, «Xammaqize Wahannisa ommito saane gidda gaddii hyatte taas immade gaar koyane» gayda.
\p
\v 26 Yaga7in Kaatize gaama zhilidhdhida, yezin fa zaqqunts gisho iisi caaqqide fa caaqito ashshodes koykaaya. 
\v 27 Yinnii gisho, ellisii naagizego Wahannisa ommito ko7ode gaar kiittida. Naagizen achchi keetstsa hyanggi Wahannisa afurtto gachchida. 
\v 28 Ye gachchinttide ommiza saane gidda gaddii ki7i naatis inggida. Naata mahi fa inttis inggida. 
\v 29 Wahannisa tamaaruntsi yinno si7ide wode hyanggi E ahito ekkii kanggi moogida.
\s1 Yesuusa ichchin mukul asuntsana muuzida
\r (Maato. 14:13-21; Luqa. 9:10-17; Waha. 6:1-14)
\p
\v 30 Taphpho lam77i hawaaruntsi maaqqii yi7i un oochchidannon tamaarssidanno ubba Yesuusas ohida. 
\v 31 Unttago yi7ize asuntsin qitize asuntsi gaanggide gisho Yesuusaran E tamaaruntsara, melle atto yezin katstsa maadesin unttana yeltsanxi ixxida. Yeyin, Yesuusa unttago, «Ye7ote wolla eeratsi shemppodes asi baayze bessa yedhdhote» yagayda. 
\v 32 Yinnii gisho, unttii fa faas gongge gelii asi baayze bessa qitida.
\p
\v 33 Unttii hyammadera gaama asuntsi unttana bi7i erida. Yezin, katama ubbappa asuntsi tohera woxxii hyanggi un qitize bessito unttappa tiinii yellida. 
\v 34 Yesuusa gonggizeppa wodhdhii gaama asuntsana bi7ida. Asuntsi yenggize asi baayze duro fana maaqqidanno bi7i unttis yiqsinttii unttana gaama baz tamaarssida.\x - \xo 6:34 \xo*\xt Faydo 27:17; 1 Kat. 22:17; Hiz. 34:5; Maato. 9:36\xt*\x*
\p
\v 35 Sa7ita ugurize wode Yesuusa tamaaruntsi eego yi7i, «Hyanna bessita asi baayze bessi; hyatte sa7itan qammida. 
\v 36 Asuntsi kara ganccen katama hyanggi faas muuze baz wonggode gaar asuntsana dakko» yagayda.
\p
\v 37 Yezin Yesuusa mahi unttago, «Asuntsis muuze baz yin inggote» yagayda.
\p Un, «Nuunii hyanggi lam77i xeet dinaarer\f + \fr 6:37 \fr*\ft Dinaare gaaze fettii asis oochchii feezhidannis ingginttize bira\ft*\f* boora wonggi asuntsana muuzode gaar koyane?» yaga7i oocida.
\p
\v 38 Yesuusa unttago, «Yinttis wantsi boora yeze? Ane hyanggi bo7ote» yagayda.
\p Unttii bi7i, «Ichchin booran lam77i molon» yagayda.
\p
\v 39 Yesuusa fa tamaaruntsana asuntsana ubba gachcho gachcho tagii betitsode gaar kiittida. 
\v 40 Asuntsi baggita xeet, bagita ichintam maaqqii likkera likkera tagintti bettida. 
\v 41 Yesuusa ichchin boortton lam77i moluntsana ekkii, ude salo bi7i Xooz galatida. Boortto baxxi asuntsis yeltsode gaar tamaaruntsis inggida. Mahi lam77i moluntsana un ubbuntsis gishida. 
\v 42 Asunts ubba mu7i mizhida. 
\v 43 Attide boora gupan molo gufan, E tamaaruntsi taphpho lam77i leemate kumutsi dentstsida. 
\v 44 Boortto mu7ide dhiiratsi asuntsi xalaala ichchin mukul maaqqada.
\s1 Yesuusa abballa afa yedhdhida
\r (Maato. 14:22-33; Waha. 6:15-21)
\p
\v 45 Ellisii Yesuusa fa tamaaruntsi gongge gelii, abbappa seko fintsa yeze Beetesayda faappa tiinii qitode gaar kiittida. Yezin faas asuntsana moyzodes suub attida. 
\v 46 Asuntsana moyzidannippa suuba Xooz woossodes derella afa kezida.
\p
\v 47 Sa7ita qammize wode gonggize abba gidda yene, yezin Yesuusa abbappa gaxa faas yene. 
\v 48 Baqo E tamaaruntsago baqize gisho abba fidhizanna waaysizanno Yesuusa bi7ida. Wontti maatse Lukule oollodes yi7ize wode E abballa afa yedhdhitera unttago yi7i, unttana olii aadhades koyda. 
\v 49 Yezin E abballa afa yedhdhadera, un bi7i, unttis meeshe aazin uukkida. 
\v 50 Un ubbuntsi eza bi7i, zhashmora tannida.
\p Yezin Yesuusa ellisii unttago, «Tana, akkon baaya; zhashtippete» yagayda. 
\v 51 E gongge gelii unttara wolla bettin baqita woppu gayda. Unttii gaama qoppida. 
\v 52 Un wozintta doccide gisho un boorttii baz tiirikaaya.
\s1 Yesuusa Gensareexe hyargginttizuntsana fatstsida
\r (Maato. 14:34-36)
\p
\v 53 Unttii abba fiinggi, Gensareexe sa7a yellii, gonggiza gaxalla shiishii accida. 
\v 54 Unttii gonggizeppa wodhdhize wode asunts ellisii Yesuusa erida. 
\v 55 Unttii kara gancce yeze sa7a ubba woxxii yellii hyargginttizuntsana shanchafara tookkii, «Yesuusa yene» ga7in si7ide besite ki7ida. 
\v 56 Asuntsi E hyanggide keetstsa ubba, gaxare maaqqikon, katama, yeze hyargginttizuntsana asi shiiqize bessa kanggane. Hyargganchchuntsii E afula macartto maaqqikon bochchode gaar asuntsi eza woossida. Bochchide ubbuntsi faxida.
\c 7
\s1 Zaga adunts woga
\r (Maato. 15:1-9)
\p
\v 1 Yerusalaameppa yi7ide fettii fettii Farisaawuntsin higge asttamaaruntsin Yesuusa kale shiiqida. 
\v 2 Yesuusa tamaaruntsappa fete fete geezhikaayze kushera, yinnan kushe meeccikaayzara katstsa muuzuntsana un bi7ida.
\p
\v 3 Farisaawuntsin Ayhude asunts ubba fa adunts wogiti gaar fa kushito meeccikaayzara mo7oos. 
\v 4 Yinnii gaara, un gabeppa wonggi maaqqii meeccinttikaayzar mo7oos. Mahi un fa aduntsappa ekkide melle gaama woga yene: yinnan sine, xaaro, meqo miishe datsan geeshize woga naagane.
\p
\v 5 Farisaawuntsin higge asttamaaruntsin Yesuusa, «Ne tamaaruntsi akkos adunts woga mentsii fa kushito meeccikaayzara katstsa me7e?» yaga7i oocida.
\p
\v 6 Yesuusa unttago, «Isayaasa yin cubbuntso,
\q1 «Hyantsi asuntsi tana fa doonara xalaala bonchchanep,
\q2 attin un wozintta taappa hyaako yene.\x - \xo 7:6-7 \xo*\xt Isa. 29:13\xt*\x*
\q1
\v 7 Asi medhdhide woga Xoozze higge aazizi tamaarssize gisho
\q2 un tana hyappo goynane»
\m ga7i xaafide tinbita turo.
\p
\v 8 «Yinttii Xoozze kiita ashshii as woga naagane» yagayda.
\p
\v 9 Mahin Yesuusa, «Yin yin woga naagii Xoozze kiitto olii ashshodes lo77o oge denggida. 
\v 10 Muse, ‹Ne adayan ne intton bonchcho›, mahi ‹Fa adayan woy fa intto cazhide hyayqqodes beezane› yagayda.\x - \xo 7:10 \xo*\xt Keze 20:12; Mahe 5:16; Keze 21:17; Leewe 20:9\xt*\x* 
\v 11 Yezin fettii asi fa adayan woy fa intton maaddodanno ashshii, ‹Yinna Xoozze zharsho› ga7iko, 
\v 12 E fa adayan woy fa intton maaddaame gaar oochchane. 
\v 13 Yinnii gaara, yin melluntsana tamaarsside yin wogitira Xoozze qaala leqqida. Yinnii fana melle gaama baz oochchane» yagayda.
\s1 As tunize baz
\r (Maato. 15:10-20)
\p
\v 14 Yesuusa gaama asuntsana mahi faago xeegii, «Ubbuntsi ta ohizanno si7ote tiirote. 
\v 15 As wozinappa kezze baz asi tunizanep attin baleppa as saza gelii asi tunize akkon baaya. 
\v 16 Si7ize hyaye yeze ooden si7o» yagayda.\f + \fr 7:16 \fr*\ft Faydo 16 Grike maxaafe baaya.\ft*\f*
\p
\v 17 Yesuusa gaama asuntsana ashshii ashshii keetstsa gelin E tamaaruntsi yinna aaziziti baz eza oocida. 
\v 18 E unttago, «Yinttisin mahi gelikaane? Baleppa as wozina gelize akko bazin asi tunissades dandda7osanna gelosaane? 
\v 19 Akkos gayko, katstsa as saza gidda gelii fa ogitira aadhanep attin as wozina gidda geloos» yagayda. Yinne Yesuusa katstsa ubba geeshi maaqqizanno ersida.
\p
\v 20 Kaallii, Yesuusa, «Asi tunize baz as wozina giddappa kezze baz. 
\v 21 As wozina giddappa kezze bazi iita qofa, gome woy7e, kayzo, as wodhe, 
\v 22 olale, zhinbbartimo, iitatitsi, gene, qayxe, cimo, qana7e, cashshi, uturan boozatitsi. 
\v 23 Hyanna iitabazita ubba as wozina giddappa kezii asi tunizane» yagayda.
\s1 Fettii maachiti ammano
\r (Maato. 15:21-28)
\p
\v 24 Yesuusa yinnippa kezii, Xiroosa katama kale yeze sa7a qitida. E fettii keetstsa gelii ize yezanno ooden erode gaar koyikaaya. Yinno maaqqikon aachintti gam77odes dandda7ikaaya. 
\v 25 Yezin I eeratsi na7ito tuna ayyaana aykkide fettii maachita Yesuusa baz si7i ellisii eego yi7i E tohitilla afa gol7ida. 
\v 26 Iza yelinttidanna Sooriya gidda Finqqe gaaze sa7a yelinttide Grike maacho. Iza, fa naatippa tuna ayyaanza kessode gaar Yesuusa woossida.
\p
\v 27 Yezin Yesuusa mahi, «Na7untsi tiinidhii katstsa mu7i mizho; na7unts katsito ekkii kanuntsis olizanna lo77o maaqqoos» yagayda.
\p
\v 28 Maachita mahi, «Ta Laatstsayo yinna turo, yezin leemate kale yeze kanuntsi na7untsappa wodhdhide gufto muune» yagayda.
\p
\v 29 Yesuusa mahi iigo, «Hyanno ne ohide gisho ne kara qito; tuna ayyaanze ne naatippa kezida» yagayda.
\p
\v 30 Maachita fa kara hyanggize wode tuna ayyaanze naatippa kezin yitstsa woy7idanno bi7ida.
\s1 Yesuusa tullen doona muume atstsa fatstsida
\p
\v 31 Yesuusa Xiroosa katamappa kezii, Sidoonaran Taphphi Katama gaaze sa7ara aadhii Galila Abbago qitida. 
\v 32 Asuntsi tullen doona muume asi Yesuusago ki7i, fa kushito eella gaddode gaar eza woossida. 
\v 33 Yesuusa faas ye atstsa gaama asappa gaxa kessii, fa gil7iza E hyayte dakkida. Mahi cuchchi cuttii E il7antsito bochchida. 
\v 34 Salo ude bi7i, gaddii shemppii, «Eftah» gayda. Bilitsitan «Buguntto» ga7e. 
\v 35 Atstse hyayta ellisii buginttida, acinttide il7antsitan bilinttida, atstse geeshi ohinttida.
\p
\v 36 Yesuusa asuntsago, «Hyanno oodesin ohippete» yagayda. Yezin E gaama mintsii ohippete ga7in, asuntsi ohito gode gaantsida. 
\v 37 Yinno si7ide asuntsi ubba gaama qoppii, «Ubbabazito E loytsii oochchane. Melle atto yezin, tulliza sissane, muumiza ohizane» yagayda.
\c 8
\s1 Yesuusa oyddii mukul asuntsana muuzida
\r (Maato. 15:32-39)
\p
\v 1 Eerats wodeppa suuba, gaama asuntsi Yesuusago shiiqida. Asuntsis mu7izebaz dhabin Yesuusa fa tamaaruntsana faago xeegii, 
\v 2 «Hyantsi asuntsi taara hyaydzdzii qamma yellodes gam7i, akkon muuze baz denggikaayze gisho tana asunts bazita yiqsane. 
\v 3 Taanii asuntsana nayera kara dakkiko asunts hyanggitera oge labbii gol7oda, bagge asuntsi hyaako bessappa yi7ida» yagayda.
\p
\v 4 Yesuusa tamaarunts mahi, «Hyanna akko baayze ganasa hyantsi asuntsana ubba muussades maaqqade katstsa denggodes dandda7ode oode?» yagayda.
\p
\v 5 Yesuusa unttago, «Yin kale wantsi boora yeze?» ga7i oocida.
\p Un mahi, «Laappun boora yene» yagayda.
\p
\v 6 Yesuusa asunts sa7alla bettode gaar kiittida. Yeyzi, laappun boortto ekkii Xooz galatii maaqqii boortto baxxi, asuntsana yeltsode gaar fa tamaaruntsis inggida. E tamaarunts asuntsis gizhida. 
\v 7 Unttis mahi eeratsin yishsha molunts yene. Yesuusa yentsi molunts gisho Xooz galatii, asuntsis yeltsode gaar fa tamaaruntsana kiittida. 
\v 8 Asunts ubbuntsi mu7i mizhida. E tamaaruntsi mu7in attide gufa laappun leemate kumutsi dentsida. 
\v 9 Katstsa mu7ide asunts faydita oyddii mukul maaqqada. Yinnippa suuba, Yesuusa asuntsana moyzida. 
\v 10 E mahi fa tamaaruntsara ellisii gongge gelii Dalmmanuuta gaaze sa7a qitida.
\s1 Malla oochinttode gaar oocida
\r (Maato. 16:1-4)
\p
\v 11 Farisaawuntsi yi7i Yesuusa oocodes koyi, saloppa fana malla beessade gaar Yesuusara lalle aykkida.\x - \xo 8:11 \xo*\xt Maato. 12:38; Luqa. 11:16\xt*\x*
\p
\v 12 Yesuusa gaddii shemppii, «Hyanna wode asuntsi akkos malla koye? Taanii yinttis turo ohine; hyanna wode asuntsis akko mallan ingginttoos» yagayda.\x - \xo 8:12 \xo*\xt Maato. 12:39; Luqa. 11:29\xt*\x* 
\v 13 E unttana ize olii ashshii mahi gongge gelii abbappa seko fintsa fiinggida.
\s1 Farisaawuntsin Heroodisa irshsho
\r (Maato. 16:5-12)
\p
\v 14 E tamaaruntsi katstsa aykkodanno botida; unttis gongge gidda fettii boorappa melle baaya. 
\v 15 Yesuusa unttago, «Yinttana erote. Farisaawunts irshitippan Heroodisa irshitippa naaginttote» yaga7i kiittida.\x - \xo 8:15 \xo*\xt Luqa. 12:1\xt*\x*
\p
\v 16 Un wol gidda, «E hyanno gaazanna nuus boora baayze gisho» yagayda.
\p
\v 17 Yesuusa un gaazanno erii unttago, «Yinttis boora baayze gisho akkos ohintte? Hyatten erosite? Woy tiirosite? Yin wozintta doccida? 
\v 18 Yinttis aafe yezin bo7osite? Hyaye yezin si7osite? Yin tiirane?\x - \xo 8:18 \xo*\xt Er. 5:21; Hiz. 12:2; Mar. 4:12\xt*\x* 
\v 19 Taanii ichchin boora ichchin mukul asuntsis yeltsize wode wantsi leemate kumutsi gufa dentsido?» yagayda.
\p Unttin, «Taphpho lam77i leemate kumutsi» yagayda.
\p
\v 20 «Yinnii gaara, taanii laappun boora oyddii mukul asuntsis yeltside wode wantsi leemate kumutsi gufa dentsido?» yagayda.
\p Un, «Laappun leemate kumutsi dentsida» yagayda.
\p
\v 21 Yeezin, «Hyatten tiirikaane?» yagayda.
\s1 Yesuusa Beetesayda fettii qooqe fatstsida
\p
\v 22 Unttii Beetesayda katama qitida. Eerats asuntsi qooqe atstsa Yesuusago ki7i ye atstsa girmode gaar eza woossida. 
\v 23 Yesuusa qooqe atstse kushito aykkii katamappa gaxa kessida. E aafte cuttii fa kushito aafitilla afa gaddii, «Nees akko benttane?» yaga7i oocida.
\p
\v 24 Atstsay dhoqi ga7i bi7i, «Taas asunts benttane, yezin asuntsi minxa gaar en7ane» yagayda.
\p
\v 25 Yinnippa suuba, Yesuusa mahi, atstse aafte fa kushito gaddida. Atstsayin loytsii bi7ida, faxin ubba baz shaakkii bi7ida. 
\v 26 Yesuusa atstsego, «Ne kara qito, yezin katama gelippe» yaga7i kiittida.
\s1 Phexiroosa markkatitsito
\r (Maato. 16:13-20; Luqa. 9:18-21)
\p
\v 27 Yesuusa fa tamaaruntsara Qisaariya Filphoosa kale yeze kara gancce qitida. Unttii hyammadera ogella yezin Yesuusa, «Tana asuntsi oona ga7e?» yaga7i fa tamaaruntsana oocida.
\p
\v 28 E tamaaruntsi, «Fettii fettii asuntsi nena, ‹Xammaqize Wahannisa› gaane; melluntsi, ‹Eeliyaasa gaane› mahi melluntsi, ‹Nabuntsappa feta› gaane» yagayda.\x - \xo 8:28 \xo*\xt Mar. 6:14\xt*\x*
\p
\v 29 Yesuusa unttago, «Yeezin yin tana oona ga7e?» yaga7i oocida.
\p Phexiroosa, «Neenii Kiristtoosa\f + \fr 8:29 \fr*\ft Kirsttoosa ga7inttizanna meesii bilitsitan tizhinttidaya ga7e\ft*\f*» yaga7i mahida.
\p
\v 30 Yesuusa, «Ta baz oodesin ohippete» yaga7i unttana kiittida.
\s1 Yesuusa fana yellode madhan waaye ohida
\r (Maato. 16:21-28; Luqa. 9:22-27)
\p
\v 31 Yesuusa fa tamaaruntsago, «As Na7ay, gaama madha ekkodes beezane; cimuntsi, kahinunts hyalaquntsin higge asttamaaruntsi eza ixxodes beezane. Unttii eza wodhodesin hyaydzdzii qammappa suuba, E hyayqoppa denddodes beezane» yaga7i unttana tamaarssida. 
\v 32 E yinno unttis loytsii ohida. Phexiroosa eza fettii zala mahi kaccida.
\p
\v 33 Yezin Yesuusa suuba maaqqii, fa tamaaruntsana bi7i, Phexiroosa kaccii, «Hyay Xalahizay, taappa hyaakko. Neenii asi kadhizebaz qoppanep attin Xoozii kadhizebaz qoppoos» yagayda.
\s1 Yesuusa kaallodes fana zharshe beezane
\r (Maato. 10:38-39; 16:24-28; Luqa. 9:23-27; 14:26-27)
\p
\v 34 Mahika Yesuusa gaama asin fa tamaaruntsana faago xeegii, «Tana kaallodes koyze ooden fana kaaddo; fa masqaltto tookkii tana kaallo.\x - \xo 8:34 \xo*\xt Maato. 10:38; Luqa. 14:27\xt*\x* 
\v 35 Fa shemppito ashshodes koyze atstse dhabssoda. Yezin ta gishon Wonggele gishon fa shemppito dhabsize atstse ashshoda.\x - \xo 8:35 \xo*\xt Maato. 10:39; Luqa. 17:33; Waha. 12:25\xt*\x* 
\v 36 Asi sa7alla yeze alamito tirfizako, fa shemppito dhabsiko eza akko maaddode? 
\v 37 Asi fa shemppito wozodes akko immades dandda7e? 
\v 38 Xooz ammanoose hyanna iita yeletuntsappa, fettii asi ta giddan ta qaaltten yeellidhiko, As Na7ay, mahi fa Aday bonchchora geeshi kiitanchchuntsara ye7ize wode yeyga yeellidhoda» yagayda.
\c 9
\r (Maato. 17:1-13; Luqa. 9:28-36)
\p
\v 1 Yesuusa unttago, «Taanii yinttis turo ohine; Xoozze ka7itumo wolqqara yi7izanno bi7ikaayzara hyayqqaame fettii fettii asuntsi hyanne yene» yagayda.
\s1 Yesuusa bishshita laaminttida
\p
\v 2 Yesuusa izipun qammappa suuba, faara Phexiroosa, Yayqooban Wahannisa ekkii, unttana xalaala damma derella afa kessii un tiino laaminttida.\x - \xo 9:2-7 \xo*\xt 2 Phex. 1:17-18\xt*\x* 
\v 3 E ma7itan focida; sa7alla ma7o meeccize ooden geeshshodes dandda7oose fana gaama booxxida. 
\v 4 Eliyaasan Musen Yesuusara ohinttodera un bi7ida.
\p
\v 5 Phexiroosa Yesuusa, «Asttamaarizayo, nuunii hyanne yezanna nuus lo77o; nu hyaydzdzii gaabba feta nees, feta Muses, mahi feta Eliyaasas gaabboda» yagayda. 
\v 6 Hyankkuntsi gaama tannide gisho E akko gaazakon erikaaya.
\p
\v 7 Yinnippa suuba, dhonne yi7i unttana goozin dhonne garsappa, «Hyayni ta kadhize, ta Na7aya, E gaazanno si7ote» gaaze qaala yi7ida. 
\v 8 Ellisii unttii wututsi dakkii be7ize wode Yesuusa fattin melle ooden fa kale bi7ikaaya.\x - \xo 9:8 \xo*\xt Maato. 3:17; Mar. 1:11; Luqa. 3:22\xt*\x*
\p
\v 9 Unttii derizeppa wodhdhodera, Yesuusa unttago, «As Na7ay, hyayqoppa denddode wontsis, yin bi7idanno oodesin ohippete» yaga7i kiittida.
\p
\v 10 E kiittidanno un, «Ye7e» ga7i, «Hyanna hyayqoppa dendde gaazanna akko ga7e» ga7i, wol gidda ohinttida.
\p
\v 11 Un mahi, «Higge asttamaaruntsi, ‹Eeliyaasa tiinidhii yo7odes beezane› akkos ga7e?» yaga7i oocida.\x - \xo 9:11 \xo*\xt Mil. 4:5; Maato. 11:14\xt*\x*
\p
\v 12 Yesuusa mahi «Eeliyaasa tiinidhii yi7i, ubbabazito loytsoda; yeezin, akkos Geeshi Maxaafite, ‹As Na7ay gaama waayinttoda ixinttoda› yagaane ga7i oocida. 
\v 13 Yezin taanii yinttis ohine; Eeliyaasa yi7ida; mahi E baz Geeshi Maxaafite xaafinttidannigaara, asuntsi eella afa fa koydanno oochchida» yagayda.
\s1 Yesuusa tuna ayyaana aykkide na7a fatstsida
\r (Maato. 17:14-21; Luqa. 9:37-43)
\p
\v 14 Yesuusan, hyaydzdzuntsi tamaaruntsago maaqqii ye7ize wode gaama asuntsi un kale eqqiduntsanan higge asttamaare maaqqide eerats asuntsi unttara lallizanno bi7ida. 
\v 15 Yinna gaama asuntsi Yesuusa bi7ide wode gaama qoppii, ellisii eego woxxii yi7i, eza sarotsida. 
\v 16 Yesuusa, Xaafuntsago «Unttara akko lalle?» yaga7i oocida.
\p
\v 17 Yentsi gaama asunts giddappa fettii atstse mahi, «Asttamaarizayo, ta na7aylla afa ohinttodanno kayze tuna ayyaana yeze gisho eza neego ekkii yi7ida. 
\v 18 Hyay tuna ayyaanze eza aykkide wode ubba, eza guuddii olane; E donttira dubba ye7ine; mahi achchi garccizane; gallitan minggane. Eeppa hyay tuna ayyaanza kessode gaar, ne tamaaruntsis ohida, yezin kessodes un dandda7ikaaya» yagayda.
\p
\v 19 Yesuusa mahi unttago, «Ammanoose hyanna wode asuntso! Taanii yinttara ayde yellodes yessade? Mahi yinttana ayde yellodes dandda7ode? Na7aya taas hyanka ekkii yo7ote» yagayda. 
\v 20 Unttii na7aya eego ki7ida; ye tuna ayyaanze Yesuusa bi7ide fana na7aya goqizida; na7ay sa7a gol7i, doonara goppuntto cuttitera gol7inttida. 
\v 21 Yesuusa ye na7ay adaygo, «Hyay ne na7aya aykkidannippa wantsi wode maaqqade?» yaga7i oocida.
\p Na7ay aday, «E eerats yezin aykkida. 
\v 22 Eza wodhodes gaama wode taman hyaatsan olane, yezin nees dandda7inttiko, nuus yiqsinttoya, nuna maaddoya» yagayda.
\p
\v 23 Yesuusa eego, « ‹Ne dandda7iko gaane?› Ammanze oodesin ubba bazi dandda7inttane» yagayda.
\p
\v 24 Ellisii na7ay aday fa qaaltto dhoqi yiizii, «Taanii ammanane, yezin gujjii ammanode gaar tana maaddoya» yagayda.
\p
\v 25 Yesuusa asunts gaanggi gaanggi hyanggizanno bi7i, tuna ayyaanza, «Hyay tullen muume ayyaanzayo, hyay na7ayppa kezo ga7i nena ta kiittane; mahi lam7intsa E gidda gelippe» yagayda.
\p
\v 26 Ye tuna ayyaanze uukki, na7aya gaama goqizii, eeppa kezida. Na7ay hyayqqide gaara yi7in, gaama asuntsi, «Na7ay hyayqqida» yagayda. 
\v 27 Yezin Yesuusa na7ay kushito aykkii dentsin, na7ay denddii eqqida.
\p
\v 28 Yesuusa keetstsa gelidannippa suuba E tamaaruntsi, «Nuunii ye tuna ayyaanza kessodes akkos dandda7ikaaya?» yaga7i Yesuusa shaakkii dumma oocida.
\p
\v 29 Yesuusa mahi, «Yinnii gaarize woosaran [xoomaran] fattin melle bazara kessades dandda7oos» yagayda.
\s1 Yesuusa fana yellode madhito mahi ohida
\r (Maato. 17:22-23; Luqa. 9:43-45)
\p
\v 30 Unttii yinna bestippa denddii, Galilara aadhii qitida; Yesuusa fa yeze bestto ooden erode gaar koykaaya. 
\v 31 E fa tamaaruntsago, «As Na7aya, asi asis aatsii inggoda wodhoda; E hyaydzdzii qammappa suuba, hyayqoppa denddoda» yaga7i tamaarssitera yene.
\p
\v 32 Yezin unttis E gaazanna gelikaaya; mahi eza oocodesin zhashtida.
\s1 Ubbappa aadhize oode?
\r (Maato. 18:1-5; Luqa. 9:46-48)
\p
\v 33 Unttii Qifirnahoome katama hyanggi keetstsa gelidannippa suuba Yesuusa unttago, «Oge akkos lalle?» yaga7i oocida. 
\v 34 Yezin un, «Nu gidda ubbappa aadhode oode?» yaga7i lallide gisho si77i gayda.\x - \xo 9:34 \xo*\xt Luqa. 22:24\xt*\x* 
\v 35 Yesuusa bettii, taphpho lam77i tamaaruntsana xeegii, «Ooden tiino aadhodes koyko, ubbappa suuba aadhii, ubbuntsis aro maaqqades beezane» yagayda.\x - \xo 9:35 \xo*\xt Maato. 20:26\xt*\x*
\p
\v 36 Fettii eeratsi na7a ekkii, un gidda essida; ye eerats na7aya iringgi unttago, 
\v 37 «Hyantses gaar eerats na7untsappa feta ta suntsite mokkize ooden tana mokkane; mahi tana mokkize ooden tana kiittezayan mokkanep attin tana xalaala mokkoos» yagayda.\x - \xo 9:37 \xo*\xt Maato. 10:40; Luqa. 10:16; Waha. 13:20\xt*\x*
\s1 Nuna ixxoose atstse nu bagga
\r (Luqa. 9:49-50)
\p
\v 38 Wahannisa, «Asttamaarizayo, fettii asi ne suntsite tuna Ayyaana kessodera nuunii bi7i, nu bagga maaqqoosse gisho eza kayda» yagayda.
\p
\v 39 Yezin Yesuusa, «Ooden ta suntsite Xoozii oochchize gaama qofize baz oochchii, ellisii taalla afa iita baz ohinttodes dandda7ize baayze gisho kayppete. 
\v 40 Nu baz ixxoose atstse nu bagga.\x - \xo 9:40 \xo*\xt Maato. 12:30; Luqa. 11:23\xt*\x* 
\v 41 Taanii yinttis turo ohine; yin taasuntsana maaqqide gisho ooden yinttis ta suntsite hyale hyaatsi ushshades inggikon, fa anjjito ekkoda.\x - \xo 9:41 \xo*\xt Maato. 10:42\xt*\x*
\s1 Nagarara fattanintte
\r (Maato. 18:6-9; Luqa. 17:1-2)
\p
\v 42 «Tana ammanze hyantsi eeratsuntsappa feta balitstsize ooden, gaacize damma woxa fa afurtte accii, Abba gidda gelizako ees lo77o. 
\v 43 Ne kushita nena balitstsizako, gachchii olo. Neenii lam77i kushera dhaboose gaanname tama olinttodannippa, duuxutsi kushera de7o gelzako nees lo77o.\x - \xo 9:43-44 \xo*\xt Maato. 5:30\xt*\x* 
\v 44 Gaanname zaqiltta hyayqoosse taman dhaboose bessi. 
\v 45 Ne tohita nena balitstsizako, gachchii olo. Neenii lam77i tohera gaanname tama olinttodannippa, duuxa maaqqii de7o gelizanna nees lo77o. 
\v 46 Gaanname zaqiltta hyayqoosse taman dhaboose bessi. 
\v 47 Ne aafta nena balitstsizako, woocii kessii olo. Neenii lam77i aafera gaanname tama olinttodannippa, fettii aafera Xoozze ka7itumo gelizanna nees lo77o.\x - \xo 9:47 \xo*\xt Maato. 5:29\xt*\x* 
\v 48 Ize zaqilttan hyayqqoos, tamttan dhaboos.\x - \xo 9:48 \xo*\xt Isa. 66:24\xt*\x*
\p
\v 49 «Zharsho soogera geezhanni fana asi ubba tamara geeshshada. 
\v 50 Sooge lo77o, yiikon E mal7anxi ixxiko, mahi wayzi mal7issade? Yin gidda sooge yesse. Yi7i fetay fetayra sarora yezote» yagayda.\x - \xo 9:50 \xo*\xt Maato. 5:13; Luqa. 14:34\xt*\x*
\c 10
\s1 Machcho dakkodes beezoos
\r (Maato. 19:1-2; Luqa. 16:18)
\p
\v 1 Yesuusa yinnippa denddii, Yihuda sa7a hyanggi Yorddaanosa borkka fiinggida. Gaama asuntsi mahi eego shiiqin, tiinosttifana yentsi asuntsana tamaarssida.
\p
\v 2 Fettii fettii Farisaawuntsi fattanodes koyi Yesuusa, «Fettii asi fa machchito dakkode gaar Muse higgita kiittane?» yaga7i eza oocida.
\p
\v 3 E mahi, «Muse yinttana waaga7i kiittido?» yagayda.
\p
\v 4 Unttii, «Muse, ‹Fettii asi fa machchitis dafo warqqate inggi dakko› gayda» yagayda.\x - \xo 10:4 \xo*\xt Mahe 24:1\xt*\x*
\p
\v 5 Yesuusa mahi, unttana «Yin ohin si7oosuntsana maaqqide gisho Muse hyanna kiitto yinttis xaafida. 
\v 6 Yezin Xoozii tiino medhdhize wode dhiiratsin maachon mahi medhdhida.\x - \xo 10:6 \xo*\xt Medho 1:27; 5:1\xt*\x* 
\v 7 Yinnii gisho, fettii asi fa adayan fa intton ashshii, fa machchitira wolla yezane.\x - \xo 10:7-8 \xo*\xt Medho 2:24\xt*\x* 
\v 8 Un lam77untsi fettii asho maaqqane; yikkeppa, un fettii asho maaqqanep attin lam77i asi maaqqoos. 
\v 9 Yinnii gisho, Xoozii accidanno asi shagippe» yagayda.
\p
\v 10 Un kara maaqqide wode E tamaaruntsi hyanna ohiti baz Yesuusa lam7intsa oocida. 
\v 11 Yesuusa unttago, «Fa machchito dakkii melle ekkize ooden olalane.\x - \xo 10:11-12 \xo*\xt Maato. 5:32; 1 Qoro. 7:10-11\xt*\x* 
\v 12 Mahi machchitan fa azinzeppa kezii melle azinii geliko olalida» yagayda.
\s1 Yesuusa eerats na7untsana anjjida
\r (Maato. 19:13-15; Luqa. 18:15-17)
\p
\v 13 Yesuusa eerats na7untsana bochchode fana, fettii fettii asunts na7untsana eego ki7ida, yezin E tamaaruntsi yentsi asuntsana kaccida. 
\v 14 Yesuusa yinno bi7i, fa tamaaruntsana kaccii; unttago, «Eerats na7untsi taago yi7izanno kayppete; Xoozze ka7itumo yentses gaarzuntsis. 
\v 15 Taanii yinttis turo ohine; Xoozze ka7itumo eerats na7a fana ekkoosse atstse ooden yinna ka7itumtto mulon geloos» yagayda.\x - \xo 10:15 \xo*\xt Maato. 18:3\xt*\x* 
\v 16 Eerats na7untsana iringgi, fa kushito fetella fetella afa gaddii anjjida.
\s1 Qolo yiqsimo ki7ize madha
\r (Maato. 19:16-30; Luqa. 18:18-30)
\p
\v 17 Yesuusa qitodes kezide wode fettii atstse woxxii yi7i, E tiintte bunqqunttii, «Keeha asttamaarzayo, medhina de7o laattodes taanii akko oochcho?» yaga7i oocida.
\p
\v 18 Yesuusa, «Akkos tana keehizayo ga7i xeege? Xoozze xalaalap attin melle keeha ooden baaya. 
\v 19 Xoozze kiitto, wodhippe; olalippe; kaystippe; worddo markkidhippe; il7antsite laammippe; ne adayan ne intto bonchcho yagaazanno erane» yagayda.\x - \xo 10:19 \xo*\xt Keze 20:12-16; Mahe 5:16-20\xt*\x*
\p
\v 20 Atstse, «Asttamaarizayo, taanii yinno ubba na7atitsappa aykkii hyayno yellodes naagane» yagayda.
\p
\v 21 Yesuusa atstsa dakkii bi7i kadhida; «Nees fettii bazi faccane; hyanggi nees yeze baz mulo bayzi, yinna birtto dahuntsis inggo; neenii salo duridhdhada. Yeyzi maaqqii tana kaallo» yagayda. 
\v 22 Yezin atstse yinno si7i, E gaama dure maaqqide gisho fa sintto kartsii, ufayttikaayzara ashshii qitida.
\p
\v 23 Yesuusa fa tamaaruntsana wututsii dakkii bi7i, «Dure asi Xoozze ka7itumo gelodanna wayzi madhodyessa!» yagayda.
\p
\v 24 E tamaaruntsi E timirttite gaama qoppida. Yezin Yesuusa mahi unttago, «Na7untso, Xoozze ka7itumo gelodanna wayzi madhodyessa! 
\v 25 Dure asi Xoozze ka7itumo gelodannippa, gimale marppe uruntsara aadhizanna laafane» yagayda.
\p
\v 26 E tamaaruntsi gaama qoppii, «Yeezin, oode attode?» yaga7i, fete feta oocida.
\p
\v 27 Yesuusa unttana dakki bi7i, «Hyanna Xoozzes dandda7inttanep attin asis dandda7inttoos; Xoozzes ubba bazi dandda7inttane» yagayda.
\p
\v 28 Phexiroosa Yesuusago, «Ero; nuunii nu baz ubba ashshii, nena kaallane» yagayda.
\p
\v 29 Yesuusa «Taanii yinttis turo ohine; ta gishon Wonggele gishon keetsito woy ishuntsana woy mishuntsana woy adaya woy intto woy machchito woy na7untsana woy oochchize gadito ashshize ooden, 
\v 30 hyatte hyanna wodite xeet kushe keetsito, ishuntsana, mishito, intto, na7untsana, oochchize gadito, baytstsara wolla ekkoda. Tiinoppa ye7ode woden medhina de7o ekkoda. 
\v 31 Yezin gaamuntsi tiino maaqqiduntsi suub maaqqada, mahi gaamuntsi hyatte suub maaqqiduntsi tiino maaqqada» yagayda.\x - \xo 10:31 \xo*\xt Maato. 20:16; Luqa. 13:30\xt*\x*
\s1 Yesuusa fana yellode madhito hyaydzdzintsa ohida
\r (Maato. 20:17-19; Luqa. 18:31-34)
\p
\v 32 Yesuusaran E tamaaruntsara Yerusalaame hyammadera, Yesuusa fa tamaarunts tiintte yedhdhane. Un gaama qoppida. Eza kaallizuntsin zhashtida. Lam7intsa, taphpho lam77i tamaaruntsana gaxa kessii, fana yellode baz shagii unttago hyannigaara yaga7i ohida. 
\v 33 «Hyaychche, nuunii Yerusalaame hyatte kezane. Ize As Na7ay, kahinunts hyalaquntsisin higge asttamaaruntsis aatsii ingginttoda. Unttii eella afa hyayqo firdda firddoda; mahi Ayhude maaqqoosse asuntsis eza aatsii inggoda. 
\v 34 Ye Ayhude maaqqoosse asuntsi eza leqqoda, eella afa cuttoda, allanggara garaafoda wodhoda. E hyaydzdzii qammappa suuba, hyayqoppa denddoda» yagayda.
\s1 Yayqooban Wahannisa woosside woosa
\r (Maato. 20:20-28)
\p
\v 35 Zabdoosa na7unts Yayqooban Wahannisa Yesuusago yi7i, «Asttamaarizayo, nuunii nena woossize fettibaz nuus oochchoya» yagayda.
\p
\v 36 Yesuusa unttago, «Taanii yinttis akko oochcho?» yagayda.
\p
\v 37 Unttii, «Neenii ne bonchcho ka7itumtte bettize wode nuuppa feta mizaqi zalara mahi feta workkita zalara betitsoya» yagayda.
\p
\v 38 Yezin Yesuusa unttago, «Yinttii akko woossizako eroos, ta ushshades yeze xuu7a ushshades dandda7odate? Mahi taanii xammaqinttodes yeze xinqqatto xammaqinttodes dandda7odate?» yagayda.\x - \xo 10:38 \xo*\xt Luqa. 12:50\xt*\x*
\p
\v 39 Un mahi, «Ye dandda7oda» yagayda.
\p Yesuusa mahi, «Turo ta ushshades yeze xuu7a yin ushshada, taanii xammaqinttodes yeze xinqqatto yin xammaqinttoda. 
\v 40 Yezin taappa mizaqi zalaran workkita zalara bettoduntsana doorodes taas adetits wolqqa baaya, yezin yinna bessita Xoozii immades giigizii gaddiduntsis» yagayda.
\p
\v 41 Attiduntsi taphphi tamaaruntsi yinno si7ide wode Yayqooballan Wahannisalla shenidhdhida. 
\v 42 Yesuusa unttana ubba faago xeegii, «Ayhude maaqqin Ayhude maaqqoosse asunts hyalaquntsi worzha ahizuntsana ga7intti xeeginttizuntsanan ahizuntsis worzhuntsalla afa adetits wolqqa yezanno yin erane.\x - \xo 10:42-44 \xo*\xt Luqa. 22:25-26; Maato. 23:11; Mar. 9:35; Luqa. 22:26\xt*\x* 
\v 43 Yezin yin gidda yinnii fana maaqqades beezoos; yin gidda damma maaqqades koyze ooden yinttis aro maaqqades beezane. 
\v 44 Mahi yin gidda ubbappa aatsii maaqqades koyze ooden yin ubbuntsis aro maaqqades beezane. 
\v 45 Melle atto yezin, As Na7ayin, as maaddodesin gaamuntsana ashshodes fa shemppito aatsii immades yi7idap attin asi ees oochchode gaar yi7ikaaya» yagayda.
\s1 Yesuusa qooqe Barxxemoosa aafto fatstsida
\r (Maato. 20:29-34; Luqa. 18:35-43)
\p
\v 46 Unttii Iyaarkko katama hyanggida. Yesuusa fa tamaaruntsaran gaama asara Iyaarkkoppa kessadera, Ximoosa na7a, qooqize, Barxximoosa ga7inttize, oge gaxa woossittera bettida. 
\v 47 Barxximoosa, yeygara aadhize Naazirete Yesuusa maaqqidanno si7ide wode fa qaaltto dhoqi yiizii, «Dawute na7a Yesuusa, tana maaroya!» yaga7e aykkida.
\p
\v 48 Gaama asuntsi eza, «si7i ga7o!» ga7i kaccida.
\p Yezin, E fa qaaltto kasennippa gaama dhoqi yiizii, «Dawute na7ayo, tana maaroya!» yagayda.
\p
\v 49 Yesuusa eqqii, «Eza hyankka xeegote» yagayda.
\p Unttii qooqizego, «Akko baaya, denddii eqqo, nena xeegane» yagayda. 
\v 50 Qooqize fa ma7ito olii ashshii, doollii denddii eqqii, Yesuusago hyanggida.
\p
\v 51 Yesuusa, «Taanii nees akko oochchode gaar koye?» yagayda.
\p Qooqize, «Asttamaarizayo, ta be7ades koyane» yagayda.
\p
\v 52 Yesuusa eego, «Qito, ne ammantta nena fatstsida» yagayda. Iira E aafta bi7in, Yesuusa kaallida.
\c 11
\s1 Yesuusa damma bonchchora Yerusalaame gelida
\r (Maato. 21:1-11; Luqa. 19:28-40; Waha. 12:12-19)
\p
\v 1 Un Yerusalaame ukkitera, Shamahe Derize kale yeze Beetefaagen Bitaaniya katamito yellida. Yesuusa fa tamaaruntsappa lam77untsana tiino dakkii, 
\v 2 «Yinttappa tiino yeze kara gancce qitote; ize gelide gaar ooden toggii bi7ikaayze acinttii yeze hyare na7a yin denggoda, eza billii, hyayga ekkii yo7ote. 
\v 3 Ooden yinttana, ‹Hyanno akkos oochche?› yaga7i oociko, ‹Laatstsii eza koyane, ellisii eza hyankka dakkoda› ga7ote» yagayda.
\p
\v 4 Un hyanggi, hyare na7aya bale oge kale acinttii yezaya denggi billida. 
\v 5 Yinna besite eqqide fettii fettii asunts unttago, «Hyare na7aya wayssades bille?» yagayda. 
\v 6 E tamaaruntsi Yesuusa fana kiittezanno ohin, asunts ashshii ashshida. 
\v 7 Unttii hyare na7aya Yesuusago ki7i, fa ma7ito E bantte yiixxin Yesuusa ye hyare na7aya toggida. 
\v 8 Gaama asuntsi fa ma7ito ogite yiixxida; mahi melluntsi minxa tashe shaqqii, ogite yiixxida. 
\v 9 Yesuusappa tiino yedhdhize asuntsin eza kaallize asuntsi fa qaaltto dhoqi yiizii,
\q1 «Hosaana!\f + \fr 11:9 \fr*\fk Hosaana: \fk*\ft Maato 21:9 bo7ote. \ft*\f*
\q2 Laatstse suntsite ye7ize anjjinttidaya.\x - \xo 11:9 \xo*\xt Maz. 118:25\xt*\x*
\q2
\v 10 Ye7ize nu aday Dawute ka7itumtta anjjinttidanno.
\q2 Hosaana! Salo»
\m yagayda.
\p
\v 11 Yesuusa Yerusalaame hyanggi, Xoozze Keetstsa gelida. Mahi ubbabazito wutii bi7idannippa suuba, sa7ita qammize gisho taphpho lam77i tamaaruntsara Bitaaniya katama qitida.
\s1 Yesuusa baaddide belese minxito
\r (Maato. 21:18-19)
\p
\v 12 Wonttistti wode un Bitaaniyappa kezii hyammadera, Yesuusa nayzida. 
\v 13 Hyaakora fettii belese minxitis zhil7o hyaye yezanno bi7i, Iilla afa aafe benttiko ga7i, be7ades izigo hyanggida, yezin izigo E hyanggize wode hyaye xalaalap attin fettii aafen denggikaaya; akkos gayko, belese aafze wode yellikaayze gisho. 
\v 14 Yesuusa yinna belesito, «Yikke, neeppa asi aafe miippe» yagayda. E tamaaruntsi E gaazanno si7ida.
\s1 Yesuusa Xoozze Keetstsa zal7izuntsana kessida
\r (Maato. 21:12-17; Luqa. 19:45-48; Waha. 2:13-22)
\p
\v 15 Un Yerusalaame qitida; Yesuusa Xooze Keetstsa gelii, ize bayzizuntsanan wonggizuntsana bale bay7e aykkida; mahi bira laammizuntsana xarphezan wolle bayzizuntsana oyda dakkii olii, 
\v 16 asi akko bazin tookkii, Xoozze Keetstsa giddara aadhaame fana kayda. 
\v 17 Yesuusa asuntsana hyannigaara yaga7i tamaarssida: «Geeshi Maxaafite, ‹Ta keetsita asi ubba Xooz woossize keetstsi maaqqada› ga7intti xaafinttida. Yezin yinttii izo faanno aachinttize wom7o mahida» yagayda.\x - \xo 11:17 \xo*\xt Isa. 56:7; Er. 7:11\xt*\x*
\p
\v 18 Kahinunts hyalaquntsin higge asttamaaruntsi yinno si7i, eza wodhodes oge koye aykkida. Yezin gaama asuntsi E timirttite gaama qoppize gisho ees zhashtida.
\p
\v 19 Sa7ita ugurize wode Yesuusan E tamaaruntsin katamappa gaxa kezida.
\s1 Belese minxita melida
\r (Maato. 21:20-22)
\p
\v 20 Un wonttistti wode yinna ogitira aadhitera, yinna belesta xaphora melidaanno bi7ida. 
\v 21 Phexiroosa tiirii, «Asttamaarizayo, yikke, neenii baaddide belesita melida» yagayda.
\p
\v 22 Yesuusa mahi, «Xoozza ammanote. 
\v 23 Taanii yinttis turo ohine; ooden fa wozintte so7ikaayzara gaydebazi hyanodanno ammanii, hyay deriza, ‹Denddii Abba wodhdho› yagayko ees hyanoda.\x - \xo 11:23 \xo*\xt Maato. 17:20; 1 Qoro. 13:2\xt*\x* 
\v 24 Yinnii gisho, taanii yinttis ohine; Xoozza yin woossize bazin oocizebaz akko maaqqikon ekkide gaara ammanote, yin ekkoda. 
\v 25 Xooz woossodes yin eqqize wode salo yeze yin Aday yin nagartto atto gawude fana, ooden yinttana naaqqidebaz yeziko, ees atto ga7ote. 
\v 26 [Yezin as nagara yin atto ga7anxi ixxiko, salo yeze yin Adayn yin nagartto yinttis atto ga7oos» yagayda].
\s1 Yesuusa akko adetits wolqqara oochchizako oocinttida
\r (Maato. 21:23-27; Luqa. 20:1-8)
\p
\v 27 Un mahi Yerusalaame hyanggida. Yesuusa Xoozze Keetstsa hyanttodera, kahinunts hyalaquntsi, higge asttamaaruntsin cimuntsi eego yi7i, 
\v 28 «Neenii hyanno oochchodes nees akko adetits wolqqa yeze? Woy nees hyanna adetits wolqqito inggide oode?» yagayda.
\p
\v 29 Yesuusa mahi unttago, «Ta yinttana fettibaz oocoda, taas ohote. Ta mahi hyanno akko adetits wolqqara oochchizako, yinttis ohoda. 
\v 30 Wahannisa xinqqata Xoozappane woy asappa? Taas ohote» yagayda.
\p
\v 31 Unttii fa gidda lalle aykkii, «Nuunii, ‹Xoozappa› gayko, E nuugo, ‹Yeezin, Wahannisa ohizanno akkos ammananxido?› yagawuda. 
\v 32 ‹Asappa gayko› asi ubba Wahannisa nabe maaqqizanno erane.» Maaqqide gisho asuntsis zhashtida. 
\v 33 Yinnii gisho, unttii Yesuusago, «Nuunii eroos» yaga7i mahida;
\p Yesuusa, «Taanin hyanno akko adetits wolqqara oochchizako, yinttis ohoos» yagayda.
\c 12
\s1 Woyne tukkii oochchizunts aazize
\r (Maato. 21:33-46; Luqa. 20:9-19)
\p
\v 1 Yesuusa unttis aazizera yaga7i ohida; «Fettii atstse woyne atakiltte tukkii, gaxito wututsii gase gasida. Mahi ye woyniza cicize ollan bookkida. Eza kafodes pharggo shakko shakkida. Yinnippa suuba, kotstse oochchize asuntsis inggi, melle sa7a qitida.\x - \xo 12:1 \xo*\xt Isa. 5:1\xt*\x* 
\v 2 Woyne aafta diilii maxize wode yellin, fana yellizanno ekkii ye7ode gaar, fettii fa ariza kotstse aduntsago kiittida.\fig Gaditi aday fa arito woyne aafito ko7ode gaar |alt="Woman with child bringing grapes to wine press" src="LB00106B.TIF" size="span" ref="12:2"\fig* 
\v 3 Kotstse ekkide asuntsi E ariza aykkii hyadhdhii, hyarii kushe dakkida. 
\v 4 Lam7intsa melle aro unttago kiittin, un ye arizes ommito shuchchara qawuxii kawushizii dakkida. 
\v 5 Woyne taakilte laatstsay mahin melle aro kiittida. Ye ariza wodhida, mahi melle gaamuntsana yinnii gaara yeyzida, feta feta hyadhdhii, melluntsana wodhida.
\p
\v 6 «Woyne atakiltte laatstses kiittodes ubbappa lasite E gaama kadhize fa na7aya dakkodanna xalaala attida. E, ‹Un ta na7aya bonchchikaayzara ashshaama› ga7i, fa na7aya unttago kiittida.
\p
\v 7 «Yezin kotstse aduntsi fa gidda, ‹Laattoday hyaya; yedhdhote eza wolla wodhoda; E laatita nuus maaqqada!› yagayda. 
\v 8 Na7aya aykkii wodhii, E ahito woyne atakiltte giddappa gaxa kessii olida.
\p
\v 9 «Yikke, woyne atakiltte laatstsay wayssade? Yi7i yentsi kotstse aduntsana wodhii hyaasii, woyne kotstse oochchize melle asis inggoda.
\q1
\v 10-11 « ‹Keexizuntsi leqqii ixxide shuchchize
\q2 Keetsiti mayzentto xaalize,
\q2 ubbappa aadhize mintsi shuchchi maaqqida.
\q1 Hyanno Laatstsii oochchidebaz;
\q2 mahi nu aaftisin gaama qofize baz
\m yagaazanno Geeshi Maxaafeppa nabbabika?› » yagayda.\x - \xo 12:10-11 \xo*\xt Maz. 118:22-23\xt*\x*
\p
\v 12 Kahinunts hyalaquntsi, higge asttamaaruntsin cimuntsi Yesuusa yinna aazizito unttalla afa ohidanno eride gisho eza aykkodes koyda, yezin asuntsis zhashtii, ashshii qitida.
\s1 Giira giirize bazis shiiqide ooce
\r (Maato. 22:15-22; Luqa. 20:20-26)
\p
\v 13 Mahi yinna ohitippa bala denggi, eza aykkode gaar, Farisaawuntsappa Heroodisa bagguntsappa eerats asuntsana eego kiittida. 
\v 14 Unttii eego yi7i, «Asttamaarizayo, neenii turibaz ohinttizanno asappa as shaakkoosanno nuunii erane. Neenii as shaakkoos; mahi Xoozze ogito turetitsara tamaarssane. Nuunii Roome gade Kaat Qeesares giira giirizanna likken likke baa? Giira giironene ashshone?» yagayda.
\p
\v 15 Yezin un cubbotitsito Yesuusa erii, «Tana akkos fattane? Ane fettii santime tana beezote» yagayda. 
\v 16 Unttii ees ki7ida, «Hyanna bishshitan suntsita oodeso?» yaga7i unttana oocida.
\p Unttii, «Qeesares\f + \fr 12:16 \fr*\ft Qeesare-Roome kaat\ft*\f*» yagayda.
\p
\v 17 Yesuusa mahi, «Yeezako, Qeesarestto Qeesares, Xoozzesito Xoozis inggote» yaga7in un E baz gaama qoppida.
\s1 Hyayqoppa denddebaz
\r (Maato. 22:23-33; Luqa. 20:27-40)
\p
\v 18 Hyayqqide asi denddoos gaaze Saduqaawuntsappa fettii fettii asuntsi Yesuusago yi7i, hyannigaara yaga7i, eza oocida.\x - \xo 12:18 \xo*\xt Hawa. 23:8\xt*\x* 
\v 19 «Asttamaarizayo, Muse nuus higge xaafittera, ‹Machcho ekkide asi na7a yelikaayzara hyayqqiko, ye hyayqqide ishe E machchito ekkii, fa ishes na7a yelodes beezane› yagaazanno xaafida.\x - \xo 12:19 \xo*\xt Mahe 25:5\xt*\x* 
\v 20 Zaga wode laappun ishuntsi yezuntsappa anggisse machcho ekkii, na7a yelikaayzara hyayqqida. 
\v 21 Lam7antsize izo ekkida, ezin na7a yelikaayzara hyayqqida. Hyaydzantsize yinnii gaar yi7ida. 
\v 22 Laappununtsin yinnii gaara izo ekkii, na7a yelikaayzara hyayqqida. Ubbappa suuba, mahi yinna maachita hyayqqida. 
\v 23 Yeezin, laappununtsi mulo izo ekkide gisho hyayqqide asuntsi hyayqoppa denddide wode, iza unttappa aayyes machcho maaqqade?» yagayda.
\p
\v 24 Yesuusa mahi, «Yinttii balinttizanna, Geeshi Maxaafito woy Xoozze wolqqa erikaayze gisho! 
\v 25 Hyayqqide asuntsi hyayqoppa denddide wode, salo yeze kiitanchcho maaqqanep attin dhiiratsin ekkoos; maachan geloos. 
\v 26 Yezin hyayqqiduntsi denddebaz maaqqiko, Muse maxaafite xaafinttide eexize hyaburtutibaz ohize besite, Xoozii Musego, ‹Taanii, Abrahama Xoozii, Yisaaqa Xoozii, Yayqooba Xoozii› gaydanno nabbabikate?\x - \xo 12:26 \xo*\xt Keze 3:6\xt*\x* 
\v 27 Yinnii gisho, E, shemppora yezunts Xoozap attin hyayqqiduntsi Xoozii baaya. Yin gaama balida» yagayda.
\s1 Ubbappa aadhize kiita
\r (Maato. 22:34-40; Luqa. 10:25-28)
\p
\v 28 Higge asttamaaruntsappa fete un lallizanno shiiqii si7ida. Mahi Yesuusa unttis loytsii mahidanno si7i, «Kiita ubbappa aadhize kiitta aanno?» yaga7i Yesuusa oocida.\x - \xo 12:28-34 \xo*\xt Luqa. 10:25-28\xt*\x*
\p
\v 29 Yesuusa mahi, eego hyannigaara yagayda: «Kiita ubbappa aadhize kiita si7ote; ‹Isra7eele asuntso, Laatstse nu Xoozze fettii Laatstsii.\x - \xo 12:29-30 \xo*\xt Mahe 6:4-5\xt*\x* 
\v 30 Ne Laatstsa ne Xoozza ne kumutsi wozinappa, ne kumutsi shemppoppa, ne kumutsi qofappa, ne kumutsi wolqqappa kadho› yagayda. 
\v 31 Mahi kiita ubbappa aadhize lam7intsa kiitize; ‹As ubba ne ommiti gaar kadho› yagaazanno; hyantsesappa aadhize melle kiita baaya» yagayda.\x - \xo 12:31 \xo*\xt Leewe 19:18\xt*\x*
\p
\v 32 Higge asttamaarize Yesuusago, «Asttamaarzayo, turo gayda; neenii ‹Xoozii fettii Xoozii xalaala. Eeppa melle baaya› gaydanna turo.\x - \xo 12:32 \xo*\xt Mahe 4:35\xt*\x* 
\v 33 Xoozza kumutsi wozinappa, kumutsi qofappa kumutsi wolqqappa kadhizannon mahi as ubba fa ommiti gaar kadhizanna, michchize zharshoppan melle zharsho ubbappa aadhane» yagayda.\x - \xo 12:33 \xo*\xt Hose. 6:6\xt*\x*
\p
\v 34 Yesuusa higge asttamaarize mahidanna aadhize era as mahe maaqqidanno bi7i, «Neenii Xoozze ka7itumoppa hyaakkikaaya» yagayda; yinnippa suuba, Yesuusa mellebaz oocodes ooden miinggikaaya.\x - \xo 12:34 \xo*\xt Luqa. 10:25-28\xt*\x*
\s1 Kiristtoosa oode na7a
\r (Maato. 22:41-46; Luqa. 20:41-46)
\p
\v 35 Yesuusa Xoozze Keetstsa tamaarssite, hyannigaara yagayda: «Higge asttamaaruntsi Kiristtoosa ‹wayzi Dawute na7a ga7e?› 
\v 36 Dawute Geeshi Ayyaanara kaallii,
\q1 « ‹Laatstsii, ta Laatstsaya, «Taanii ne morkkuntsana
\q2 ne tohita yedhdhize bessi mahode wontsis,
\q2 hyanne taappa mizaqi zala betto» gayda› yagayda.\x - \xo 12:36 \xo*\xt Maz. 110:1\xt*\x*
\m
\v 37 Dawute fa ommite Kiristtoosa, ‹Laatstso› ga7i xeegiko, yeezin, Kiristtoosa wayzi, Dawute na7a maaqqe» yagayda.
\p Gaama asuntsi Yesuusa gaazanno ufaytti si7ida.
\s1 Yesuusa higge asttamaaruntsanan Farisaawuntsana leqqida
\r (Maato. 23:1-36; Luqa. 20:45-47)
\p
\v 38 Yesuusa tamaarssitera, hyannigaara yagayda: «Higge asttamaaruntsappa naaginttote; un pharggo ma7o ma77i wutizannon gaben asi unttana bonchchii sarotsizanno koyane. 
\v 39 Unttii Ayhude woosa keetstsa gaama lo77o oyda koyane; mahi asi fana mokkize bessa bonchcho bessi koyane. 
\v 40 Un budan keetstsi bonqii, fana beessades pharggizii woossane; un ubbappa aadhize firdda ekkoda» yagayda.
\s1 Budantti muxaate
\r (Luqa. 21:1-4)
\p
\v 41 Yesuusa Xoozze Keetstsa muxaate olize saaxine kale bettii, asuntsi fa birtto yinna saaxintte olizanno bi7ida; gaama dure asuntsi gaama bira yinna saaxintte olane. 
\v 42 Fettii daha budantta yi7i, lam77i sikkinna yinna saaxintte olida. 
\v 43 Yesuusa fa tamaaruntsana xeegii, «Taanii yinttis turo ohine; muxaate saaxintte olide asunts ubbappa hyanna daha budantta gaantsi olida. 
\v 44 Akkos gayko, melluntsi ubba faas kumii attide birappa olane. Yezin iza fa facitippa, faas yeze qoltto ubba inggida» yagayda.
\c 13
\s1 Yesuusa Xoozze Keetsita wul7inttodanno tiinii ohida
\r (Maato. 24:1-2; Luqa. 21:5-6)
\p
\v 1 Yesuusa Xoozze keetstsappa kessadera, E tamaaruntsappa fete, «Asttamaarizayo, hyanna lo77o shuchchiton hyanna lo77o shuchchi keetsito be7ine!» yagayda.
\p
\v 2 Yesuusa mahi, «Hyanna damma shuchchi keetsito be7ine? Hyanna keetsita shuchchi shuchchalla afa gimbbinttide fana wul7inttikaayzara attoos; fettii shuchchin attikaayzara ubba wul7inttoda» yagayda.
\s1 Laatstsii yo7odannippa tiino yellode baytstsin madha
\r (Maato. 24:3-14; Luqa. 21:7-19)
\p
\v 3 Yesuusa Xoozze keetstsappa seko zalara Shamahe Derizella afa bettezin, Phexiroosa, Yayqooba, Wahannisan Inddiriyase eego yi7i, 
\v 4 «Hyanna ayde yi7adyezako, nuus oho; hyanna ubba folinttodes wodito erisize mallita akko?» yaga7i oocida.
\p
\v 5 Yesuusa mahi unttago hyannigaara yaga7i ohida: «Yinttana ooden balitsaame fana naaginttote. 
\v 6 Gaama asuntsi ta suntsite, ‹Taanii Kiristtoosa› ga7i gaama asuntsana balitstsoda. 
\v 7 Olan ola wore si7ize wode yirggippete. Yinnii gaarize hyanodes beezane, yezin wurssutsita hyaga. 
\v 8 Fettii gade asuntsi melle gade asuntsara olinttoda; mahi fettii ka7itumo melle ka7itumora olinttoda; sa7a eni7e ubba bessa hyanoda; naye yessada, yezin yinna ubbanna yelo zooqe fana.
\p
\v 9 «Yezin yinttii, yin ommite naaginttote. Akkos gayko, asi yinttana aykkii, firdda keetstsis aatsii inggoda; mahi Ayhude woosa Keetstsiten yinttana alanggara garaafoda; gade ahizuntsii tiinon kaatuntsi tiino ta gisho yin markkidhades eqqoda.\x - \xo 13:9-11 \xo*\xt Maato. 10:17-20; Luqa. 12:11-12\xt*\x* 
\v 10 Wurssutsita yellodannippa tiino Wonggele asi ubbas ohinttodes beezane. 
\v 11 Unttii yinttana firdda keetstsa ki7ize woden aatsii inggize wode waagii ohodyezako tiino yirggippete; yinna saate Xoozii yinttis inggide baz ohote. Yin gidda Geeshi Ayyaana ohinep attin yinttana baaya.
\p
\v 12 «Ishe fa isha, aday fa na7aya wodhissada. Na7untsi fana yeliduntsalla denddii, unttana wodhoda. 
\v 13 Asi ubba yinttana ta suntsiti gisho ixxoda, yezin wurssutsi yellodes miinggide attoda.\x - \xo 13:13 \xo*\xt Maato. 10:22\xt*\x*
\s1 Yerusalaame yellode iita madha
\r (Maato. 24:15-28; Luqa. 21:20-24)
\p
\v 14 «Yezin dhabsize tunize eqqodes beezoosse bessa eqqezin yin be7ada.» Yinna akko ga7inttizako nabbabize akaako! «Yihuda sa7a ye wode yezuntsi derego woxxii aachintto.\x - \xo 13:14 \xo*\xt Mahe 9:27; 11:31; 12:11\xt*\x* 
\v 15 Bale yeze keetstsa gelii keetstsappa fettibaz ekkodes gode, fa keetstsa gelippe.\x - \xo 13:15-16 \xo*\xt Luqa. 17:31\xt*\x* 
\v 16 Gade yeze fa ma7ito ekkodes suuba maaqqippe. 
\v 17 Ye wode wodatsi maachuntsisin dhantsize maachuntsis gaama madha maaqqada. 
\v 18 Yezin hyanna ubba hyanize wodita seete maaqqaame gaar, Xooz woossote. 
\v 19 Akkos gayko, Xoozii alamito medhdhide woditippa aykkii, hyayno yellodes hyanikaayze madhan tiinosin hyanoosse kille madha asalla afa ye wode hyanoda.\x - \xo 13:19 \xo*\xt Mahe 12:1; Qon. 7:14\xt*\x* 
\v 20 Laatstsii yinna qammiti faydito eeritsikaayzako, asi maaqqide ooden attoos. Yezin E fa dooride asunts gisho yinna faydito eeritsane.
\p
\v 21 «Ye wode ooden yinttana, ‹Yikke, Kiristtoosa hyanne yene woy Kiristtoosa sekka yene› yagayko, yinno ammanippete. 
\v 22 Worddo Kiristtoosan worddo nabuntsi denddii faas dandda7inttiko, melle atto yezin Xoozii dooriduntsappa balitstsode wontsis kille bazin gaama qofize baz beessada. 
\v 23 Yezin yinttii naaginttote, taanii yinttis ubba baz tiinidhii ohida.
\s1 Kiristtoosa lam7intsa ye7e
\r (Maato. 24:29-31; Luqa. 21:25-28)
\p
\v 24 «Yezin ye wode yinna madhitippa suuba,
\q1 «Awa dhumoda;
\q2 agina foo7ito ashshoda;\x - \xo 13:24 \xo*\xt Isa. 13:10; Er. 2:10\xt*\x*
\q2
\v 25 Xoolinttuntsi saloppa gol7oda;
\q2 mahi salo yeze wolqqitan en7oda.\x - \xo 13:25 \xo*\xt Isa. 34:4; Qon. 6:13; Er. 2:10\xt*\x*
\m
\v 26 Ye wode As Na7ay, damma wolqqaran bonchchora dhonne giddara ye7odera un be7ada.\x - \xo 13:26 \xo*\xt Dane. 7:13; Qon. 1:7\xt*\x* 
\v 27 Ye wode E kiitanchchuntsana kiittoda. Oyddii zala sa7a gaxappa salo gaxa yellodes, Xoozze dooride asuntsana shiishoda.
\s1 Wode yellidanno erisize belese minxito
\r (Maato. 24:32-35; Luqa. 21:29-33)
\p
\v 28 «Aaziztto belese minxappa tiirote; belesta aacize wode I hyayta cil7e aykkide wode torchche yellidanno yin erane. 
\v 29 Yinnii gaar, yinttii yinna ubba bazita hyanizanno be7ize wode ukkii furtsa yellidanno erote. 
\v 30 Taanii yinttis turo ohine; hyanna ubba bazita hyanode wontsis hyanne yeze asuntsi ubba hyayqqoos. 
\v 31 Salon sa7an aadhoda, yezin ta qaaltta mulon aadhoos.
\s1 Laatstsii ye7ode qammiton saatto ooden eroos
\r (Maato. 24:36-44)
\p
\v 32 «Yezin yinna qammiton yinna saatto Aday xalaalap attin melle atto yezin salo yeze kiitanchchuntsana maaqqikon woy Na7aya maaqqikon ooden erize baaya.\x - \xo 13:32 \xo*\xt Maato. 24:36\xt*\x* 
\v 33 Yinna wodita ayde maaqqizako, yin eroosse gisho naaginttoten minggote. 
\v 34 Ta ye7ita fa keetsito ashshii, oge qitide atstse gaara. Atstsay fa aruntsis ommar ommar oocha inggi unttana oochitis ade mahida; mahi naagizen mintstsii naagode gaar kiittida.\x - \xo 13:34 \xo*\xt Luqa. 12:36\xt*\x*
\p
\v 35 «Yinnii gisho, minggote. Akkos gayko, karttii aday ugure maaqqiko woy qamma bilahe maaqqin woy Lukule oollize wode maaqqin woy wontta gooda maaqqin ayde ye7ode yezako, yin eroos. 
\v 36 Yin tiirikaayzin E yi7i yinttana gentto yezin denggaame gaar minggote. 
\v 37 Taanii yinttis ohizanno asi ubbuntsis ohine; minggote» yagayda.
\c 14
\s1 Kiristtoosalla afa maaqqinttida
\r (Maato. 26:1-5; Luqa. 22:1-2; Waha. 11:45-53)
\p
\v 1 Faasiga Ba7aale bonchchize qamman boora Ba7ale bonchchize qamma yellodes lam77i qamma attida. Kahinunts hyalaquntsin higge asttamaaruntsi asi erikaayzin Yesuusa genii aykkii wodhodes oge koyane.\x - \xo 14:1 \xo*\xt Keze 12:1\xt*\x* 
\v 2 «Asuntsi kachchi kessaame fana Faasiga bonchchize qammite yinno oochchoos» yagayda.
\s1 Yesuusa shitto tizhide maachito
\r (Maato. 26:6-13; Waha. 12:1-8)
\p
\v 3 Yesuusa Bitaaniya katamite qursumara hyargginttide Simoona keetstsa munttalla afa bettezin, fettii maachita albasxiroose bilqqaaxe kumutsi narddoosa gaaze gaama al77o shitto ekkii yi7ida. Ye bilqqaaxiza mentsii shitto Yesuusa ommite gussida.\x - \xo 14:3 \xo*\xt Luqa. 7:37\xt*\x*\fig Albasxiroose Bilqqaaxe |alt="Alabaster jars" src="HK00142B.TIF" size="span" ref="14:3"\fig* 
\v 4 Yinna besite yeze asuntsappa fete fete zhilidhdhii, «Hyay shittiza cer hyarii lalizanna akkoso? 
\v 5 Hyay shittiza hyaydzdzii xeet dinaares\f + \fr 14:5 \fr*\fk Dinaar: \fk*\ft Fettii asis fettii qamma oochas ciginttize miishe.\ft*\f* bayzi, birtto dahuntsis immades dandda7inttane» yaga7i fa gidda ohinttida. Yeyzi, yinna maachito gaama leqqida.
\p
\v 6 Yezin Yesuusa «Hyanna maachito akkon ga7ippete; izo akkos waytsete? Iza taas lo77o baz oochchida. 
\v 7 Dahuntsi ubba wode yinttara yene. Yin koyeze wode ayden yin unttana maaddodes dandda7ane, yezin taanii ubba wode yinttara yezoos.\x - \xo 14:7 \xo*\xt Mahe 15:11\xt*\x* 
\v 8 Iza fa dandda7idanno oochchida; mahi tana mooges giigisades tiinidhdhii shitto tizhida. 
\v 9 Taanii yinttis turo ohine; sa7a ubbanne Wonggele ohinttize aban, asuntsi izo tiirode fana hyanna iza oochchidanna ohinttoda» yagayda.
\s1 Yihuda Yesuusa aatsii immades zorinttida
\r (Maato. 26:14-16; Luqa. 22:3-6)
\p
\v 10 Taphpho lam77i tamaaruntsappa fete Asqorootu Yihuda ga7inttize Yesuusa kahinunts hyalaquntsis aatsii immades unttago hyanggida. 
\v 11 Unttii yinno si7eze wode ufaytti, «Nuunii nees bira inggoda» yagayda; Yihuda Yesuusa aatsii immades wottize wode koyane.
\s1 Yesuusa fa tamaaruntsara Faasiga mu7ida
\r (Maato. 26:17-25; Luqa. 22:7-14, 21-23; Waha. 13:21-30)
\p
\v 12 Boora Ba7aale bonchchinttize tiino qamma, Faasiga katstsa ma7ades mara shukkize wode Yesuusa tamaaruntsi eego, «Faasiga bonchchize qamma ne ma7ade katstsa nu aba hyanggi giigisade?» ga7i oocida.
\p
\v 13 Yesuusa fa tamaaruntsappa lam77untsana hyannii gaara yaga7i kiittida: «Katama qitote; yin hyammadera, xuggara hyaatsi tookkii fettii atstse yinttara yellinttoda; eza kaallote. 
\v 14 E hyanggi gelize karttii adego, ‹Asttamaarize neego, «Taanii ta tamaaruntsara Faasiga ma7ades zaqqo keetstsita aba yene?» gayda› yaga7ote. 
\v 15 Karttii adday yinttana fooqella yeze giigii bettide dalgga kifile beessada; yeyga giigizote» yagayda.\fig Fooqella yeze kifile gidda|alt="Two-story house with steps to roof" src="LB00235B.TIF" size="span" ref="14:15"\fig*
\p
\v 16 Yentsi tamaaruntsi kezii, katama hyanggida; Yesuusa unttago ohidanni gaara denggi, Faasiga katstsa giigizida.
\p
\v 17 Saata ugurize wode Yesuusa taphpho lam77i tamaaruntsara yeyga hyanggida. 
\v 18 Unttii bettii katstsa ma7adera, Yesuusa unttago, «Taanii yinttis turo ohine; yinttappa fete taara mu7ize, tana aatsii inggoda» yagayda.\x - \xo 14:18 \xo*\xt Maz. 41:9\xt*\x*
\p
\v 19 E tamaaruntsi azzanii, fa ommite ommite, «Turo tana yessane?» yaga7i eza oocida.
\p
\v 20 Yesuusa mahi, «Ye atstse yin taphpho lam77untsappa feta; E taara fettilla fa kushito gabate dakkizaya. 
\v 21 As Na7ay, Geeshi Maxaafite hyayqqoda ga7idanni gaara hyayqqoda, yezin As Na7aya, aatsii inggize atstsa bade. Ye atstse yelinttikaayzar attezako ees lo77o yeshsha» yagayda.
\s1 Laatstse kawo
\r (Maato. 26:26-30; Luqa. 22:14-20; 1 Qoro. 11:23-25)
\p
\v 22 Unttii ma7adera, Yesuusa boora ekkii, Xooz galatida; ye booriza baxxi, fa tamaaruntsis inggitera, «Hya7ate, hyanna ta ashito» yagayda.
\p
\v 23 Xuu7a ekkii, Xooz galatii, unttis inggin ubbuntsin ye xuu7izeppa uzhida. 
\v 24 Yesuusa, «Hyanna gaama asuntsi gisho goggize caaqo suutsi. 
\v 25 Taanii yinttis turo ohine; ta Xoozze ka7itumtte kille woyne ushshade qammita yellodes mahi hyay woynizeppa uzhoos» yagayda.
\p
\v 26 Mazmure yexxidannippa suuba Shamahe Derizella afa kezida.
\s1 Phexiroosa kaddodanno Yesuusa tiinidhii ohida
\r (Maato. 26:31-35; Luqa. 22:31-34; Waha. 13:36-38)
\p
\v 27 Yesuusa unttago, «Yin ubba tana ashshii ashshii lalinttoda;» Xaafinttidanni fana,
\q1 « ‹Xoozze duro yenggizaya wodhoda,
\q2 duruntsi ubbanna lalinttoda›
\m yagayda.\x - \xo 14:27 \xo*\xt Zakka. 13:7\xt*\x* 
\v 28 Yezin taanii hyayqoppa denddidannippa suuba yinttappa tiinidhii Galila aadhoda» yagayda.\x - \xo 14:28 \xo*\xt Maato. 28:16\xt*\x*
\p
\v 29 Phexiroosa mahi, «Unttii ubbuntsi nena ashshii ashshii dhabikon, ta nena ashshoos» yagayda.
\p
\v 30 Yesuusa Phexiroosago, «Taanii nees turo ohine; hyayno qamma lukule lam77i tohe oollodannippa tiino ne tana hyaydzdzii tohe kaddoda» yagayda.
\p
\v 31 Yezin Phexiroosa kasennippa mintstsii, «Taanii melle atto yezin, neera wolla hyayqqizakon, nena kaddoos» yagayda. Mahi melluntsi ubbuntsi yinnii fana gayda.
\s1 Yesuusa Geetesemaane woossida
\r (Maato. 26:36-46; Luqa. 22:39-46)
\p
\v 32 Geetesemaane gaaze bessa hyanggida; Yesuusa fa tamaaruntsago, «Taanii Xooz woossii maaqqade wontsis yin hyanne bettote» yagayda.
\p
\v 33 Yesuusa Phexiroosa, Yayqoobaran Wahannisa faara ekkii qitida; gaama waayintti un7inttida. 
\v 34 Mahi unttago, «Taanii hyayqqode wontsis azzanida, hyanne gam7ote; genttippete» yagayda.
\p
\v 35 Eeratsi tiino shiiqii, sa7alla bunqunttii, dandda7inttize baz maaqqiko, hyanna waaye saata faappa aadhode gaar, Xooz woossida. 
\v 36 Mahi, «Ababa, ta Adayo, ubba bazita nees dandda7inttane, hyanna waaye xuu7uto taappa hyaaso. Yezin ne qoftta hyanop attin ta qoftta hyanippe» yagayda.
\p
\v 37 Yesuusa maaqqii yi7i, un genttezin denggi, Phexiroosago, «Simoona, genttida? Neenii fettii saaten barkki naagodes dandda7osa? 
\v 38 Madha yin gelaame gaar barkki naagii Xooz woossote. Ayyaana giigida, yezin yin ashita labbitsi» yagayda.
\p
\v 39 Mahika hyanggi tiinosttifana Xooz woossida. 
\v 40 Fa tamaaruntsago suub maaqqii ye7ize wode genttezin denggida. Un aafto gentto goozii aykkide gisho E akko ohizakon eroos.
\p
\v 41 Hyaydzintsa unttago yi7i, «Hyanno yellodes genttii shemppolla? Yikke, maaqqada; saata yellida; bo7ote! As Na7ay, nagaranchcha asuntsis aadhii ingginttode wodita yellida. 
\v 42 Denddii yedhdhote; bo7ote, tana aatsii inggoday yellida» yagayda.
\s1 Yesuusa fa morkkunts kushite aykinttida
\r (Maato. 26:47-56; Luqa. 22:47-53; Waha. 18:3-12)
\p
\v 43 Yesuusa yinno hyaga ohodera, taphpho lam77i E tamaaruntsappa fete, Yihuda, ellisii yellii ashshida. Mahi kahinunts hyalaquntsi, higge asttamaaruntsin cimuntsi kiittin, mashshan gufen aykkii gaama asuntsi eera wolla yi7ida. 
\v 44 Yesuusa aatsii inggiday yentsi gaama asuntsis, «Taanii yeerizay eza; eza aykkii, mintstsii naagii, ekkii kanggote» yaga7i malla ohi gaddida.
\p
\v 45 Yihuda yellii wodhdhide gaar Yesuusago shiiqii, «Asttamaarzayo» yaga7i Yesuusa yeerii ekkida. 
\v 46 Yentsi gaama asuntsi Yesuusa aykkida. 
\v 47 Yezin kale eqqiduntsappa fete fa mashshiza shoddii kahinunts hyalaqize ariza guuddii, E hyayza gachchii olida.
\p
\v 48 Yesuusa mahi, yentsi asuntsago, «Tana faanno mahi, faanno aykkzefana aykkodes mashshan gufen aykkii yi7idate? 
\v 49 Taanii Xoozze Keetstsa tamaarsitera, ubba wode yinttara yeze wode tana aykkikaayzara, yezin Geeshi Maxaafite ga7idanna folinttodes beezane» yagayda.\x - \xo 14:49 \xo*\xt Luqa. 19:47; 21:37\xt*\x*
\p
\v 50 E tamaaruntsi ubbuntsi eza ashshii ashshii lalinttida.
\p
\v 51 Laxana xalaala ma77ide fettii na7atitsi atstsa Yesuusa kaallizaya asuntsi aykkida. 
\v 52 Yezin ye atstse laxinza ashshii ashshii, xira kallo woxxii qitida.
\s1 Yesuusa firdda Shanggo tiino kanggida
\r (Maato. 26:57-68; Luqa. 22:54-55, 63-71; Waha. 18:13-14, 19-24)
\p
\v 53 Asuntsi Yesuusa kahinunts hyalaqize keetstsa kanggida. Ize kahinunts hyalaquntsi, cimuntsin higge asttamaaruntsi shiiqii yene. 
\v 54 Phexiroosa kahinunts hyalaqize woofa yellodes hyaakora eza kaallii hyanggi ize kiitinttizuntsara bettii tama kaazhane.
\p
\v 55 Kahinunts hyalaquntsin firdda shangguntsi ubba Yesuusa wodhodes eella afa markka koyda, yezin akkon denggikaaya. 
\v 56 Gaama asuntsi eella afa worddo markkidhida, yezin un markkatitsita fetto baaya.
\p
\v 57-58 Fettii fettii asuntsi denddii eqqii Yesuusalla, «E, ‹Taanii asi keexide hyanna Xoozze Keetsito lalii, asi kushera keexinttikaayze melle Xoozze Keetstsi hyaydzdzii qamma gidda keexxoda› ga7odera nuunii si7ida» yaga7i worddo markkidhida.\x - \xo 14:57-58 \xo*\xt Waha. 2:19\xt*\x* 
\v 59 Maaqqo yezin, un markkatitsita yinnan fetto baaya.
\p
\v 60 Kahinunts hyalaqize as ubbunts tiintte denddii eqqii, «Hyantses nena mootize mootis ne mahizebaz baa?» yaga7i Yesuusa oocida. 
\v 61 Yezin Yesuusa si77i gayda; akkon mahikaaya. Kahinunts hyalaqize, «Anjjinttide Xoozze Na7ay, Kiristtoosa nenane?» yaga7i mahi oocida.
\p
\v 62 Yesuusa mahi, «Yee tana, yin As Na7ay, wolqqaama Xoozzeppa mizaqi zalara bettezin mahi salo dhonnera ye7odera be7ada» yagayda.\x - \xo 14:62 \xo*\xt Dane. 7:13\xt*\x*
\p
\v 63 Kahinunts hyalaqize fa ma7ito feedhii, «Nuus melle markka akko koshshe? 
\v 64 Yin E cashito si7ida; yin qoftta akko?» yagayda. Un ubbuntsi, «E hyayqqodes beezane» yaga7i eella afa firddida.\x - \xo 14:64 \xo*\xt Leewe 24:15\xt*\x*
\p
\v 65 Unttappa fete fete eella afa cutte aykkida. E aafto goozii baqqittera, «Nena qoxxide oode? Ane nuus oho!» yagayda. Naagizuntsi eza guudditera kanggida.
\s1 Phexiroosa Yesuusa kaddida
\r (Maato. 26:69-75; Luqa. 22:56-62; Waha. 18:15-18, 25-27)
\p
\v 66 Phexiroosa kahinunts hyalaqize woofa yeekka zalara yezin, kahinunts hyalaqize maachi aruntsappa fetta ize yi7ida. 
\v 67 Phexiroosa tama kaazhanno bi7i, dakkii loytsii bi7i, «Neenin Naazirete Yesuusara yene» yagayda.
\p
\v 68 Yezin Phexiroosa, «Ne gaazana akko yezakon ta eroosin, taas tiirinttoos» yaga7i kaddida. Yaga7i maaqqii woofa kezida [iira lukule oollida]\f + \fr 14:68 \fr*\ft Fettii fettii maxaafite iira lukule oollida gaazana baaya\ft*\f*.
\p
\v 69 Yinna arita Phexiroosa bi7i, E kale eqqide asuntsago, «Hyay atstsen unttara yene» ga7i mahi ohida. 
\v 70 Yezin Phexiroosa mahin kaddida. Eeratsi gam7odera, kale eqqide asuntsi mahi Phexiroosago, «Neenii Galila sa7a asi maaqqide gisho turo unttara yene» yagayda.
\p
\v 71 Yezin Phexiroosa, «Taanii yin gaaze atstsa eroos!» yaga7i fana baadditera caaqo aykkida.
\p
\v 72 Iira lukule lam7intsa oollii ashshida. Phexiroosa Yesuusa eego, «Neenii lukule lam77i tohe oollodannippa tiino hyaydzdzii tohe tana kaddoda» eego gaydanno tiirii yeekkida.
\c 15
\s1 Yesuusa Philaaxoosago kanggida
\r (Maato. 27:1-2, 11-14; Luqa. 23:1-5; Waha. 18:28-38)
\p
\v 1 Wontta gooda ellisii kahinunts hyalaquntsi, cimuntsi, higge asttamaaruntsin firdda shangguntsi ubba shiiqii zorinttida. Unttii Yesuusa accii kanggi Philaaxoosas aatsii inggidda.
\p
\v 2 Philaaxoosa eego, «Neenii Ayhudunts kaati?» yaga7i oocida.
\p Yesuusa mahi, «Ne gayda» yagayda.
\p
\v 3 Kahinunts hyalaquntsi Yesuusa gaama bazara mootida. 
\v 4 Yezin Philaaxoosa mahi Yesuusago, «Nees mahizebaz baa? Unttii neella akko mooto ke7izako bo7oso?» yagayda.
\p
\v 5 Yezin Yesuusa mellebaz mahanxi ixxin, Philaaxoosa gaama qoppida.
\s1 Yesuusa hyayqqo ga7i firddida
\r (Maato. 27:15-26; Luqa. 23:13-25; Waha. 18:39-40; 19:1-16)
\p
\v 6 Philaaxoosas Faasiga Ba7aale bonchchize qammite asuntsi koyze fettii asi achchappa billize woga yene. 
\v 7 Ye wode fettii Barbaana gaaze atstse kachchi dentsii shemppo wodhide asuntsara wolla achi keetstsa yene. 
\v 8 Gaama asuntsi Philaaxoosago yi7i tiinoppa yiizitera gam7ide fana oochchode gaar eza oocida. 
\v 9 Philaaxoosa asuntsana mahi, «Taanii yinttis Ayhudunts kaatiza billode gaar koyane?» yaga7i oocida. 
\v 10 Yinno E ga7idanna, kahinunts hyalaquntsi Yesuusa qanaatii aatsii inggidanno erize gisho.
\p
\v 11 Yezin kahinunts hyalaquntsi E gisho Barbaana billode gaar, yentsi shiiqide asuntsi Philaaxoosa woossode gaar asuntsana zorida. 
\v 12 Philaaxoosa mahi, «Yeezin, yin Ayhude kaati gaazaya wayssa?» yagayda.
\p
\v 13 Asuntsi Philaaxoosalla afa uukki, «Masqalalla afa eza suxxo» yagayda.
\p
\v 14 Philaaxoosa asuntsago, «Akkoso? E akko iita baz oochchido?» yagayda.
\p Yezin asuntsi tiinostippa gujjii uukki, «Masqalalla eza suxxo» yagayda.
\p
\v 15 Philaaxoosa asuntsana ufayssodes koyi, Barbaana asuntsis billida; yeyzi allanggara Yesuusa garafii, masqalalla afa suxxode gaar aatsii inggida.
\s1 Wottaddaruntsi Yesuusa leqqida
\r (Maato. 27:27-31; Waha. 19:2-3)
\p
\v 16 Yinnippa maaqqii, wottaddaruntsi Yesuusa ekkii Piratoriya gaaze Poolis xaaba kanggi, melle wottaddaruntsana ubba fettilla xeegida. \fig Yesuusa omitilla anggatsi gaddida |alt="Head of Jesus wearing crown of thorns" src="LB00321B.TIF" size="span" ref="15:16"\fig* 
\v 17 Mahi zoqo afula eza mayzida; anggatsi zawude giigizii, E ommite gaddida. 
\v 18 Yinnippa maaqqii, eego, «Ayhudunts kaatizayo saro» yaga7i, kushe dentsida. 
\v 19 E ommite gufera guuddida; mahi eella cuttida; bunqquntii ees goynida. 
\v 20 Eza toochidannippa maaqqii zoqo afula eeppa qaarii ekkii, E afultto eza ma7isii masqalalla afa eza suxxodes ekkii kanggida.
\s1 Yesuusa suxxida
\r (Maato. 27:32-44; Luqa. 23:26-43; Waha. 19:17-27)
\p
\v 21 Un hyanggitera, Iskkinddirenen Rufoosa aday, Simoona gaaze Qereena sa7a asi, gaxareppa katama ye7izera yellintti, Yesuusa masqala wolqqara toossida.\x - \xo 15:21 \xo*\xt Rome 16:13\xt*\x* 
\v 22 Yeyzi Golggotta gaaze bessa Yesuusa kanggida. «Golggotta» gaazanna «Omma ota» ga7e. 
\v 23 Hyargaame fana karbbe gaaze gaalla worqqinttide woyne uzho ga7i ees inggida. Yezin E uzhanxi ixxida. 
\v 24 Unttii masqalalla afa eza suxxida. Oona akko yellodyezakon ga7i E afultto shagii ixa olida.
\p
\v 25 Un masqalalla afa eza suxxize wode wonttappa hyaydzdzii saate. 
\v 26 Un, «Ayhudunts kaat» yaga7i eza mootize xuufe xaafii gaddida. 
\v 27 Yesuusara lam77i faanuntsana feta eeppa mizaqi zalara hyankkaya eeppa workkita zalara masqalalla afa suxxida. 
\v 28 Geeshi Maxaafite, «Iita baz oochchide asuntsara E faydinttida» ga7inttidanna folinttida.\x - \xo 15:28 \xo*\xt Isa. 53:12\xt*\x*
\p
\v 29 Ogera aadhize asuntsi Yesuusa leqqii, fa ommito en7izi cazhida; «Zambbay! Xoozze Keetsito lalii hyaydzdzii qamma gidda keexizayo, ne ommito ashsho;\x - \xo 15:29 \xo*\xt Maz. 22:7; 109:25; Mar. 14:58; Waha. 2:19\xt*\x* 
\v 30 ane masqalizeppa wodhdhii nena ashsho» yagayda.
\p
\v 31 Yinnii gaara, kahinunts hyalaquntsi higge tamaarssizuntsara fettilla Yesuusa leqqii, «Melluntsana ashshida, yezin fana ashshodes dandda7oos; 
\v 32 nuunii bi7i ammanode gaar Kiristtoosa, Isra7eele Kaati, ane masqalappa hyatte wodhdho» yagayda. Mahi melle atto yezin, eera masqalalla afa suxunttiduntsappa eza leqqida.
\s1 Yesuusa hyayqqida
\r (Maato. 27:45-56; Luqa. 23:44-49; Waha. 19:28-30)
\p
\v 33 Izippun saateppa dentsii, uddufun saate yellodes sa7ita ubba dhumida. 
\v 34 Uddufun saate Yesuusa fa qaaltto dhoqi yiizii, «Elohee, Elohee, laama sabaqitani?» yagayda. Yinnii bilitsita, «Ta Xoozayo, ta Xoozayo, tana akkos ashshido?» ga7e.\x - \xo 15:34 \xo*\xt Maz. 22:1\xt*\x*
\p
\v 35 Ize eqqide asappa fete fete yinno si7i, «Yikke, Eeliyaasa xeegane» yagayda. 
\v 36 Yentsi asuntsappa fete woxxii, gurba fuzara caala woyne baazhii; gufe bertstsalla gaddii, «Naagote; Eeliyaasa masqalappa eza ketstsodes ye7odyezako ane bo7oda» yaga7i Yesuusa doonago ushshodes shiishida.\x - \xo 15:36 \xo*\xt Maz. 69:21\xt*\x*
\p
\v 37 Yesuusa fa qaaltto dhoqi yiizii uukki, hyayqqida.
\p
\v 38 Xoozze Keetstsa suxunttide magaraajita wokkappa sulle gaxa yellodes, lam77i kezii feedhinttii wodhdhida.\x - \xo 15:38 \xo*\xt Keze 26:31\xt*\x* 
\v 39 Masqalzeppa tiino zalara ize eqqide fettii mato hyalaqize, Yesuusa wayzi hyayqqezako bi7ide wode «Hyay atstse turo Xoozze Na7a» yagayda.
\p
\v 40 Yinno hyaakora eqqii be7ize eerats maachuntsi yene. Un gidda Magdela Mayrama, geezze Yayqooban Yoosa intta Mayramiran Salooma yene. 
\v 41 Yentsi maachuntsi Yesuusa Galila yeze wode eza kaalliduntsanan eza mokkiduntsana mahi Yesuusara wolla Yerusalaame hyanggide melle gaama maachuntsi ize yene.\x - \xo 15:41 \xo*\xt Luqa. 8:2-3\xt*\x*
\s1 Yesuusa mooginttida
\r (Maato. 27:57-61; Luqa. 23:50-56; Waha. 19:38-42)
\p
\v 42-43 Sa7ita uguride wode shiiqide asunts gidda bonchchinttide Ayhude shangguntsappa fete, Yoosefa gaaze atstse, Xoozze ka7itumo yo7odanno naagitera yeze, Armmatiyasa katama asi yezay yi7ida. Wonttistte Sambbatas giiginttize qamma maaqqide gisho Yoosefa miinggi Philaaxoosago hyanggi, Yesuusa ahito ekkodes woossida. 
\v 44 Philaaxoosa Yesuusa hyayqqidanno si7ide wode gaama qoppida; mato hyalaqiza xeegii, «E hyayqqi gam7ida?» yaga7i oocida. 
\v 45 Philaaxoosa Yesuusa hyayqqidanno mato hyalaqizeppa si7i E ahito Yoosefas inggida. 
\v 46 Yoosefa moogo afula wonggi; Yesuusa ahito masqalappa ketstsii, afulara xaaxii, shuchchappa woocinttide booza gidda E ahito moogida. Mahi yinna booziti doontte damma shuchchi gol7izi gaddida. 
\v 47 Magdela Mayramiran Yoosa intta Mayrama Yesuusa ahito un aanne gaddizako be7ine.
\c 16
\s1 Yesuusa hyayqoppa denddida
\r (Maato. 28:1-8; Luqa. 24:1-12; Waha. 20:1-10)
\p
\v 1 Sambbata aadhidannippa suuba Magdela Mayramo, Yayqooba intta Mayramiran Salooma hyanggi, Yesuusa ahito tishshades shitto wonggida. 
\v 2 Wogga wode wontta gooda xalqe kessadera, booza hyanggida. 
\v 3 Un fa gidda fetay fetayra, «Booziti doonttippa nuus shuchchito oode gol7izi hyaasode?» yaga7i ohinttida.
\p
\v 4 Un be7ize wode ye anddir damma shuchchize bunbbulunttii hyal7idanno bi7ida. 
\v 5 Yesuusa mooginttide booziti gidda gelize wode fettii yidhdho dhiiratsay bootsi ma7o ma77i, mizaqi zalara bettiday bi7i tannida.
\p
\v 6 Yezin E unttago, «Tannippete; masqalalla afa suxunttide, Naazirete Yesuusa yin koyzanno taanii erane. E hyanne baaya, hyayqoppa denddida. Un eza moogide bessito hyanno bo7ote. 
\v 7 Hyatte hyanggi Yesuusa tamaaruntsisin Phexiroosas, ‹Yesuusa yinttappa tiinidhii Galila aadhida. E yinttis ohidanni fana yin eza yeyga be7ada› ga7i ohote» yagayda.\x - \xo 16:7 \xo*\xt Maato. 26:32; Mar. 14:28\xt*\x*
\p
\v 8 Maachuntsi zhashmora goqii boozitippa kezii aachinttida. Mahi un zhashtize gisho yinno oodesin akkon ohikaaya.\f + \fr 16:8 \fr*\ft Fettii fettii zaga maxaafuntsi Marqqoosa Wonggele faydo 8 lla afa essane. Mahi fettii fettii maxaafuntsi faydo 9-20 yellodes yeze qoftto gujjoos. Maaqqikon melluntsi, faydo 8 kaallii yezanno gujjane. Yinnan [Maachuntsi hyanggi, kiitanchcho ohidanno ubba Phexiroosan eera yezuntsis hyaatara ohida. Yinnippa suuba, Yesuusa fa tamaaruntsana geeshin medhina atotitsi Wonggele kiitto awa kessappa awa gelo yellodes kiittida]\ft*\f*
\s1 Yesuusa Magdela Mayramis benttida
\r (Maato. 28:9-10; Waha. 20:11-18)
\p
\v 9 Yesuusa hyayqoppa denddidannippa maaqqii wogga wode wontta, laappun tuna ayyaanuntsana kesside Magdela Mayramis tiinidhii benttida. 
\v 10 Iza hyanggi eera tiino yezuntsis, un azzaniteran yeekkittera yezin ohida. 
\v 11 Yezin Yesuusa faxa yezannon iis benttidanno un si7ide wode iza gaazanno ammanikaaya.
\s1 Yesuusa lam77i fa tamaaruntsis benttida
\r (Luqa. 24:13-35)
\p
\v 12 Yinnippa suuba, unttappa lam77untsi katamappa kezii hyammadera, ogella afa Yesuusa tiinoppa dumudhii unttis benttida. 
\v 13 Un suub maaqqii, melluntsis ohidap, attin melluntsin un ohito turo gaykaaya.
\s1 Yesuusa taphpho fettii fa tamaaruntsis benttida
\r (Maato. 28:16-20; Luqa. 24:36-49; Waha. 20:19-23; Hawa. 1:6-8)
\p
\v 14 Suubappa taphpho fettii E tamaaruntsi katstsa ma7adera, Yesuusa unttis benttida. Unttis ammano baayze gishon hyayqoppa E denddidanno bi7ide asuntsi ohin un ammananxii ixxide gisho E unttana borida.
\p
\v 15 E unttago, «Sa7a ubba qitii as ubbuntsis Wonggele ohote.\x - \xo 16:15 \xo*\xt Hawa. 1:8\xt*\x* 
\v 16 Ammanidayin xammaqinttiday attoda, yezin ammanoose firddinttoda. 
\v 17 Ammanzuntsis hyanna mallita ingginttoda. Un ta suntsite tuna ayyaana kessoda, kille doonara ohinttoda. 
\v 18 Un shooshi aykkikon woy wodhizebaz uzhikon unttana qohaama. Mahi un fa kushito hyargginttizuntsalla afa gaddii unttana fatstsoda» yagayda.
\s1 Yesuusa ude Salo kezida
\r (Luqa. 24:50-53; Hawa. 1:9-11)
\p
\v 19 Laatstsii Yesuusa tamaaruntsara ohinttidannippa suuba ude salo kezida; Xoozzeppa mizaqi zalara bettida.\x - \xo 16:19 \xo*\xt Hawa. 1:9\xt*\x* 
\v 20 E tamaaruntsi qitide bessa ubba qaala ohida. Laatstsin unttara wolla oochchane. Unttii ohize qaaltta turo maaqqidanno Xoozii unttis inggide mallite miintsane.