\id JUD - Oyda New Testament
\ide UTF-8
\h Yihuda
\toc1 Yihuda Xaafide Kiita
\toc2 Yihuda
\toc3 Yihu.
\mt1 Yihuda Xaafide Kiita
\imt1 Gele
\ip Yihuda kiita xaafinttide, ammananxi yezitera ammanze asi aazii worddo timirtte dalggize asuntsappa ammanze asuntsi naaginttode gaar qofissades. Hyay hyaata kiitize fa gidda aykkide qoftta lam7intsa Phexiroosa kiita aazane. Xaafize, «Ammanze asuntsis fettii tohen wurssutsi yellodes ingginttide ammanos olinttote» yaga7i nabbabizuntsana mintsii qofizane.
\iot Aafe Qofuntsi
\io1 Saritse \ior 1-2 \ior*
\io1 Worddo asttamaarunts timirttiton un gol7ito \ior 3-16 \ior*
\io1 Ammano naagode fana ingginttide zore \ior 17-23 \ior*
\io1 Galata woosa \ior 24-25 \ior*
\c 1
\p
\v 1 Taanii Yihuda, Yesuus Kiristtoosa arize, Yayqooba ishay;
\p Xoozii xeegiduntsis, Xoozze Aday kadhizuntsin Yesuus Kiristtoosas naaginttiduntsis hyay kiitiza xaafida.
\p
\v 2 Maarotitsi, sarotitsin siiqon yinttis gaanggo.\x - \xo 1:2 \xo*\xt Maato. 13:55; Mar. 6:3\xt*\x*
\s1 Worddo asttamaaruntsana
\p
\v 3 Ta siiqo ishuntso, nuunii wolla shaakkinttize atotitsiti baz yinttis xaafodes taanii gaama amudhdhida. Yezin ammanze asuntsis fettii tohen lam7intsaames ingginttide ammano gisho olinttode gaar yinttana zoritera xaafodanna taas koshshize baz maaqqida. 
\v 4 Gaama wodeppa tiino un firddita xaafintti bettide, fettii fettii asuntsi oonin erikaayzin aachintti yin gidda gelida. Un Xoozza eroosuntsana, un nu Xoozzes aadho keehatitsito tuna oocha hyanttodes maaddinttize oge mahi ekkane. Fa xalaala kaati maaqqide, nu Laatstse Yesuus Kiristtoosa kaddane.
\p
\v 5 Yezin yin hyanno ubba erizebaz maaqqikon, Laatstsi Isra7eele asuntsi Gibxxe sa7appa wayzi kessezako, mahi suubappa ammanoosuntsana dhabsidanno ta yinttana qofissades koyane. 
\v 6 Fa yeze bestto ashshii, faas ingginttide adetits wolqqito naagikaayze kiitanchchuntsana, damma firdda qamma yellodes Xoozii unttana dhumappa oomora medhina santsalaatara accii gaddida.\x - \xo 1:6 \xo*\xt Keze 12:51; Faydo 14:29-30\xt*\x* 
\v 7 Yinnii gaar, Soodoman Gamoora asuntsi un kale yeze katama asuntsara olale hyanttida; un medho woga baayze olale oochchida. Un medhina tamar firddinttoduntsis aazize maaqqida.
\p
\v 8 Yinnii fanan, yentsi asuntsi abukkora fa galtto tunizane; adetits wolqqara yezuntsana borane; salo bonchcho yezuntsanan cazhane.\x - \xo 1:8 \xo*\xt Medho 19:1-24\xt*\x* 
\v 9 Yezin kiitanchchuntsi hyalaqa Mika7eele Muse ahas Xalahera lallide wode «Laatstsii nena seero» yagayda fattin eella afa cashshi qaala ohi mootodes koykaaya. 
\v 10 Yezin hyantsi asuntsi faas eroosse baz ubba cazhane; mahi un wozina baayze hyaars fana medho qofara erizebazi yezikon, iza unttana dhabsoda.\x - \xo 1:10 \xo*\xt Dane. 10:13, 21; 12:1; Qon. 12:7; Mahe 34:6; Zakka. 3:2\xt*\x* 
\v 11 Unttana bade! Un Qaa7ela oge hyanggida. Miishe koyi Balaama balidanne gol7ida. Qore ixxidanni fana unttin Xoozalla denddii dhabida.
\p
\v 12 Hyantsi asuntsi, siiqo zhagana bessa yinttara bettize wode yeella baayze borinttiduntsana. Un fana xalaala yenggizuntsana. Un zhuubba kanggize ira baayze dhonne fana. Mahi aafe wode aafe baayze, xaphora shodinttide, lam77i tohe melide minxa fana.\x - \xo 12 \xo*\xt Medho 4:3-8; Faydo 22:1-35; 16:1-35\xt*\x* 
\v 13 Un mintsi abba zuluntte gaar fa yeella oochchar dubbizuntsana. Un medhina linxi yiide dhuma naagize waayinttize xoolinttuntsana.
\p
\v 14 Addaamappa dentsii, laappuntso yeletitsi maaqqide Heenokan, hyantsi asuntsbaz tinbbite ohittera, «Yikke, Laatstsii, fa gaama mukul geeshshuntsara ye7oda. 
\v 15 Asuntsana ubba firddoda; genuntsana ubba un oochchide iita oochiti ubba gishon genetitsara un Xoozzella afa ohinttide iita ohiti ubba gisho firddoda» gayda.\x - \xo 15 \xo*\xt Medho 5:18, 21-24\xt*\x* 
\v 16 Yentsi asuntsi ubba wode zuuzinggizuntsanan ohe koyzuntsana. Mahi fa iita amotitsito kaallane; fana ceeqqanen fana maaddize baz denggodes melluntsana nashshane.
\s1 Wurssutsi zore
\p
\v 17 Yezin ta ishuntso, nu laatstse Yesuus Kiristtoosa hawaaruntsi zaga yinttis ohide qaaltto qoppote. 
\v 18 Un, «Wurssutsi wodite, Xoozze qofa ashshii fa iita amotitsi kaallii Xooz toochizuntsi ye7oda» gayda. 
\v 19 Yentsi asuntsi as gidda shaako medhdhizuntsana, fa asho amotitsis aqizuntsana Geeshi Ayyaana baayzuntsana.\x - \xo 1:19 \xo*\xt 2 Phex. 3:3\xt*\x*
\p
\v 20 Yezin ta ishuntso, geeshi maaqqide yin ammantte yinttana Ayyaanar dichchodes minggote; mahi Geeshi Ayyaana wolqqa woossote. 
\v 21 Yinttana medhina de7o yeltsize nu Laatstse Yesuus Kiristtoosa maarotitsi naagitera yinttana Xoozze siiqite naagote.
\p
\v 22 So7ize asuntsis yiqsinttote. 
\v 23 Fettii fettii asuntsana tamappa kessii ekkote. Melluntsis nagarara tunide un galtto bochchide afultto ixxittera zhashimora maarote.
\s1 Galatan woosan
\p
\v 24 Yin gol7aame fana naagodesin bore baayzuntsana mahi damma ufayssara kumide tiino shiishodes dandda7ize, 
\v 25 nuna ashshize fettii Xoozze, nu Laatstse Yesuus Kiristtoosa baggara bonchchon, dammatetsi, wolqqan adetits wolqqa, zagappa aykkii, hyatten, medhina ees maaqqe. Amin77e.