\id JHN - Oyda New Testament
\ide UTF-8
\h Wahannisa
\toc1 Wahannisa Xaafide Yesuus Kiristtoosa Wonggele
\toc2 Wahannisa
\toc3 Waha.
\mt1 Wahannisa Xaafide
\mt2 Yesuus Kiristtoosa Wonggele
\imt1 Gele
\ip Wahannisa Yesuusa, «As maaqqii as gidda benttide Xoozze Qaala» yaga7i qonccizane. Hyay Wonggelize xaafinttidanna, eza nabbabize asuntsi Yesuusa asi ashshizaya maaqqii ye7oda ga7inttide Xoozze Na7a maaqqidanno ammanode gaaran E gidda ammanzutsis medhina de7o yezanno un erode gaar (20:31).
\ip Wonggelizes tiino kifilize medhinabaz maaqqide Xoozze qaalan Yesuusa fetto maaqqidanno ohi maaqqii, Yesuusa ashshizaya maaqqii ye7oda ga7eze Xoozze Na7a maaqqidanno beezze melle melle kille baz beezida. Xaafize, Yesuus Kiristtoosa fa ommite turii Xoozze Na7an Xoozze adera fetto maaqqizanno (1:1) afa beezida. Yesuusa fa ommite ta Abrahameppa tiino yene (8:58) yagayda. Faaditsite Toomaasa, «Ta Laatstsayo, ta Xoozayo» yaga7i xeegida (20:28). Yennippa kaallii mahi hyanna kille bazappa benttide aafe qofa ohize taarikita kaallane. Hyay kifilize fettii fettii asuntsi Yesuusa ammani eza kaallizuntsana maaqqidanno ohine; mahi melluntsi eera wayzi ixinttezakon wayzi ammananxii ixxezako ohine. Zofane 13-17 yellodes Yesuusa aykkinttide ugure ees, E tamaaruntsara akko gaar mintsi yellintte yezako, mahi wonttisti wode suxunttodannippa tiino giigintte qaalaran mintsitsize qaala unttis ohidanno qonccizane. Hyal7e zofanuntsi Yesuusa aykkinttide bazin firddas shiiqidanno, E suxintton E denddito, yinnii gaara denddoppa suuba fa tamaaruntsis E qonccide qonccitsiti baz ohine.
\iot Aafe Qofuntsi
\io1 Gele qofa \ior 1:1-18 \ior*
\io1 Xammaqize Wahannisan Yesuusa tiino tamaaruntsana \ior 1:19-51 \ior*
\io1 Yesuusa qoncce oocha aykkidanno \ior 2:1—12:50 \ior*
\io1 Wurssutsi qammito Yerusalaame kale \ior 13:1—19:42 \ior*
\io1 Laatstse dendditon qonccitsiton \ior 20:1-31 \ior*
\io1 Xaatsi qofa: Galila mahi fa tamaaruntsis benttidanno \ior 21:1-25 \ior*
\c 1
\s1 De7o qaala
\p
\v 1 Qaala tiino yene. Qaalizen Xoozara yene; ye Qaalize Xoozii. 
\v 2 Ezin tiinoppan Xoozara yene. 
\v 3 Xoozze ubbabazito Qaala baggara medhdhida. Medhinttide bazappa fettibazin E baytsi medhinttide bazi baaya. 
\v 4 E gidda de7o yene; yinna de7itan asis foo7o. 
\v 5 Foo7ize dhuma gidda foo7ane; dhumita foo7iza gamikaaya.
\p
\v 6 Xoozapp kiitinttide, Wahannisa ga7inttize fettii asi yene.\x - \xo 1:6 \xo*\xt Maato. 3:1; Mar. 1:4; Luqa. 3:1-2\xt*\x* 
\v 7 Asi ubba foo7iza ammanode fana E foo7ize markka maaqqii yi7ida. 
\v 8 E foo7ize baz markkidhodes yi7idap attin fa ommite foo7o baaya. 
\v 9 Asi ubbas foo7ize turii foo7o alame ye7ine.
\p
\v 10 Qaalize alame yene. Xoozze Qaalara alamito medhdhida, yezin alamita eza erikaaya. 
\v 11 E fa bagguntsago yi7ida, yezin E bagguntsin eza ekkikaaya. 
\v 12 Yezin E fana ekkiduntsisin E suntsite ammaniduntsis unttis Xoozze na7a maaqqade gaar adetits wolqqa inggida. 
\v 13 Un Xoozappa yelinttidap attin asi yelinttize wogara woy dhiiratsi qofappa woy as qofappa yelinttikaaya. Xoozze E unttis ade.
\p
\v 14 Qaala asho maaqqida; aadho keehatitsaran turetitsara kumii nu gidda aqida. Fettii na7ays E aday kale yeze bonchchiti fana yeze bonchcho nu bi7ida.
\p
\v 15 Wahannisa E baz markkidhida. Fa qaaltto dhoqi yiizii, «Taanii, ‹Taappa suubara ye7ize taappa tiino yeze gisho taappa aadhane› ga7i markkidhidanna hyanno» yagayda. 
\v 16 Nu ubbuntsi E aadho keehatitsite kumutsitippa anjjolla afa anjjo ekkida. 
\v 17 Xoozze higge Muse baggara inggida, yezin aadho keehatitsin turetitsi Yesuus Kiristtoosa baggara yi7ida. 
\v 18 Xoozza bi7ide asi ooden baaya; fa Aday kale yeze fettii Na7ay Xooz maaqqide E qonccizida.
\s1 Xammaqize Wahannisa markkatitsi
\r (Maato. 3:1-12; Mar. 1:1-8; Luqa. 3:1-8)
\p
\v 19 Yerusalaame yeze hyalaquntsi, kahinuntsin Leewuntsin, «Ne oode?» ga7i, Wahannisa oocode gaar eego kiittin, Wahannisa unttis markkidhide markkatitsita hyanno.
\p
\v 20 Wahannisa, «Ta Kiristtoosa baaya» yaga7i, loytsii markkidhidap attin kaddikaaya.
\p
\v 21 Un, «Yeezin, ne oode? Neenii Eliyaasane?» ga7i oocida.\x - \xo 1:21 \xo*\xt Mil. 4:5; Mahe 18:15-18\xt*\x*
\p Wahannisa, «Ade tana baaya» gayda.
\p Mahi un, «Neenii ye7odes ga7intteze nabene?» ga7i oocida.
\p Wahannisa, «Ade» yaga7i mahida.
\p
\v 22 Yeezin, «Ne oode? Nu nuna kiittezuntsis ohode fana neenii nena oona ga7e?» yagayda.
\p
\v 23 Wahannisa mahi, Nabe Isayaasa ga7idanni gaara, « ‹Laatstse ogito luulizote!› ga7i akko baayze ganasa uukkize atstse qaalize tana» yagayda.\x - \xo 1:23 \xo*\xt Isa. 40:3\xt*\x*
\p
\v 24 Yezin Farisaawuntsi kiittide asuntsi 
\v 25 Wahannisago, «Neenii Kiristtoosa woy Eeliyaasa woy nabe maaqqaanxi ixxiko, yeezin akkos xammaqe?» yaga7i oocida.
\p
\v 26 Wahannisa mahi, «Taanii hyaatsara xammaqane, yezin yin eroosse asi yin gidda eqqida. 
\v 27 E taappa suubite ye7ine. Ta melle atto yezin Ees caamma gaadiza billodes beezoos» yagayda.
\p
\v 28 Yinna ubba Yorddaanosa borkkappa seko fintsa, Bitaaniya katamite, Wahannisa xammaqize besite hyanida.
\s1 Xoozze Duro
\p
\v 29 Wahannisa wonttisti wode Yesuusa faago ye7odera bi7i, «Alame nagara uccize Xoozze Durzay hyaychche! 
\v 30 Taanii, ‹Taappa suubara fettii asi ye7oda. E taappa tiino yeze gisho taappa aadhane› ga7i ohide hyaya. 
\v 31 E oode yezako ta eroos. Yezin Isra7eele asuntsis eza qonccissades hyaatsara xammaqittera yi7ida» yagayda.
\p
\v 32 Wahannisa hyannigaara ga7i markkidhida: «Geeshi Ayyaana saloppa wolle gaar wodhdhizin bi7ida. 
\v 33 Yinna hyanodannippa tiino taanii eza eroos. Yezin hyaatsara xammaqodes tana kiittide Xoozze, ‹Geeshi Ayyaana wodhdhii eera yessadera neenii be7ize Geeshi Ayyaanara xammaqoday eza› yaga7i taas ohida. 
\v 34 Taanii yinna hyanodera bi7i, E Xoozze Na7a maaqqidanno markkidhane» yagayda.
\s1 Yesuusa kaallide tiino tamaaruntsana
\p
\v 35 Mahi wonttisti wode Wahannisa fa tamaaruntsappa lam77untsara wolla eqqida. 
\v 36 Yesuusa aadhodera Wahannisa bi7i, «Xoozze durize hyaynishe!» yagayda.
\p
\v 37 Lam77i Wahannisa tamaaruntsi Wahannisa gaazanno si7i Yesuusa kaallida. 
\v 38 Yesuusa fana kaallizuntsana suub maaqqii bi7i, «Akko koye?» yaga7i oocida.
\p Un mahi, «Rebbii, ne aba yene?» yagayda. (Bilitsita Asttamaarizayo ga7e.)
\p
\v 39 Yesuusa unttago, «Hyankka yi7i bo7ote» yagayda. Un hyanggi E yezebezito bi7ida. Ye wode sa7ita taphphi saate gaar maaqqide gisho E kale feezhida.
\p
\v 40 Wahannisa gaydanno si7i, Yesuusa kaallide lam77i tamaaruntsappa fete, Simoon Phexiroosa ishe Inddiriyase. 
\v 41 Inddiriyase tiino fa ishe Simoonara yellintti, «Nuunii Mesiihi denggida» yagayda. (Bilitsitan Kiristtoosa ga7e.) 
\v 42 Inddiriyase Simoona Yesuusago ki7ida.
\p Yesuusa Simoona bi7i, «Ne Yoona na7a Simoona; ne suntsita Keefa\f + \fr 1:42 \fr*\fk Keefa: \fk*\ft Gaaze qaalize Aramayke doona maaqqii, Girike doonara bilitsita Phexiroosa woy lalla ga7inttane.\ft*\f* ga7i xeeginttoda» yagayda.
\s1 Yesuusa Filphoosan Natina7eelen xeegida
\p
\v 43 Wonttisti wode Yesuusa Galila qitodes qofa accida. E Filphoosa denggi, «Tana kaallo!» yagayda. 
\v 44 Filphoosa, Inddiraseran Phexiroosaran yezide Beetesayda katama asi.
\p
\v 45 Filphoosa Natina7eela yellii, «Muse higge maxaafite, mahi nabuntsin E baz xaafide Yoosefa na7a Naazirete Yesuusa nu denggida» yagayda.
\p
\v 46 Natina7eela mahi, «Naazirete katamappa lo77o baz kessades dandda7ane?» yagayda.
\p Filphoosa, «Yi7i bo7o» yagayda.
\p
\v 47 Natina7eela faago ye7izaya Yesuusa bi7i, «Gene baayze turii Isra7eele asi hyaynishe!» yagayda.
\p
\v 48 Natina7eela Yesuusago, «Ne tana aba ere?» yagayda.
\p Yesuusa mahi, «Filphoosa nena xeegodannippa tiino, ne belese minxa oomo yezin ta nena bi7ida» yagayda.
\p
\v 49 Natina7eela mahi, «Asttamaarizayo, ne Xoozze Na7a! Ne Isra7eele kaati!» yagayda.
\p
\v 50 Yesuusa eego, «Ta nena belese minxa oomo bi7ida gayde gisho ammanane? Ne hyannippa aadhizebaz be7ada!» yagayda. 
\v 51 Mahi Yesuusa, «Taanii yinttis turibaz ohine; salo bugunttin, Xoozze kiitanchchuntsi As Na7alla afa kessaderan keddoderan yin be7ada» yagayda.\x - \xo 1:51 \xo*\xt Medho 28:12\xt*\x*
\c 2
\s1 Yesuusa zhagana bessa
\p
\v 1 Hyaydzintsa wode Galila Qaana katama zhagana yene. Yesuusa intta yinna zhagantte yeshsha. 
\v 2 Yesuusan E tamaaruntsin wolla yinna zhagantte xeeginttida. 
\v 3 Woyne ushita hyal7in, Yesuusa intta Yesuusago, «Unttis woyne ushita hyal7ida» yagayda.
\p
\v 4 Yesuusa mahi, «Immo, ne hyanne gelippe? Ta wodita hyaga yelikaaya» yagayda.
\p
\v 5 Yesuusa intta oochchizuntsago, «E yinttis ohizanno ubba oochchote» yagayda.
\p
\v 6 Ayhudunts fa geeshe wogas maadinttize izippun shuchchi ganuntsi yinna besite yene. Fete fete gaanuntsi lam77i woy hyaydzdzii xugga aykkane. 
\v 7 Yesuusa kiitinttizuntsago, «Gaantte hyaatsi kuntsote» yagayda. Un gaanuntsis doontto yellodes hyaatsi kuntsida. 
\v 8 Yesuusa unttago, «Hyatte duuqqii zhagantto adidhii folizes inggote» yagayda. Un ees kanggi inggida.
\p
\v 9 Zhagantto adidhii folizay woyne ushita laaminttide hyaatsito qamasi bi7i anappa ye7ezakon erikaaya, yezin hyaatsito kuntside kiitinttizuntsi erane. Zhagantto adidhii folizay machcho ekkizaya xeegii, 
\v 10 «Ooden lo77o woyne ushito asi tiinidhii ushshane. Yeyzi asuntsi uzhii mizhidannippa suuba zhagginttida inggane. Yezin neenii lo77o woyne ushito hyanno yellodes gaddii gam7izida» gayda.
\p
\v 11 Yesuusa hyay tiino kille oochchiza Galila Qaana katama oochchida; ize fa bonchchito beezida. E tamaaruntsin eza ammanida.
\p
\v 12 Yinnippa maaqqii, Yesuusa fa inttira, fa ishuntsaran fa tamaaruntsara wolla Qifirnahoome katama hyanggi eeratsi qamma gam7ida.\x - \xo 2:12 \xo*\xt Maato. 4:13\xt*\x*
\s1 Yesuusa Xoozze Keetstsappa zal7izuntsana kessida
\r (Maato. 21:12-13; Mar. 11:15-17; Luqa. 19:45-46)
\p
\v 13 Ayhudunts bonchchize Faasiga Ba7ale qammita ukkin Yesuusa Yerusalaame qitida.\x - \xo 2:13 \xo*\xt Keze 12:1-27\xt*\x* 
\v 14 Hyanggi Xoozze Keetstsa bora, hyaari, duron wollen baayzuntsanan fa oyditilla bettii bira laammizuntsana bi7ida. 
\v 15 E xurqqaafa giigizii asuntsana ubba unttana un hyaaruntsara Xoozze keetstsappa bay7i bale kessida. Bira laammizuntsana xarpheziton shirii olii un birto lalida. 
\v 16 Wolle bayzizuntsana, «Hyantsi wolluntsana hyannippa kessote; ta Aday keetsito gabe mahippete» yagayda.
\p
\v 17 E tamaaruntsi Geeshi Maxaafite, «Ta ne keetsitis yiqsinttize yiqsintta tana tama gaara michchane» ga7intti xaafinttidanno tiirida.\x - \xo 2:17 \xo*\xt Maz. 69:9\xt*\x*
\p
\v 18 Yinnippa suuba, Ayhuduntsi mahi, «Ne hyanno oochchodes nees wolqqa yezannis nuna akko malla oochchii beessade?» yagayda.
\p
\v 19 Yesuusa, «Hyanna Xoozze keetsito wul7ote ta hyaydzdzii qammara mahi keexxoda» yagayda.\x - \xo 2:19 \xo*\xt Maato. 26:61; 27:40; Mar. 14:58; 15:29\xt*\x*
\p
\v 20 Yinnii gisho Ayhuduntsi, «Hyanna Xoozze Keetsito keexxodes oyttam izippun bere ekkida, yezin neenii hyaydzdzii qammara keexxoda?» yagayda.
\p
\v 21 Yezin Yesuusa ohize Xoozze Keetsita fa ashtibaz. 
\v 22 Yinnii gisho, Yesuusa hyayqoppa denddidannippa suuba eza tamaaruntsi E yinno gaydanno tiirida. Mahi un Geeshi maxaafite xaafinttidannon Yesuusa ohidanno ammanida.
\p
\v 23 Yesuusa Faasiga bonchchize bessa Yerusalaame yessadera, E oochchide kille bazito bi7i gaama asuntsi eza ammanida. 
\v 24 Yezin Yesuusa asuntsana ubba erize gisho unttana ammanikaaya. 
\v 25 As wozintte yeze baz E fa ommite erize gisho asi baz ooden ees ohode gaar koshshikaaya.
\c 3
\s1 Yesuusan Niqodimoosan
\p
\v 1 Farisaawunts baggappa maaqqide, Ayhudunts hyalaqa, Niqodimoosa ga7inttize fettii asi yene. 
\v 2 Ezin qamma Yesuusago yi7i, «Bonchcho Asttamaarizayo, neenii Xoozii kiittide asttamaare maaqqizanno nuunii erane. Akkos gayko, Xoozii eera yezanxiko hyanno neenii oochchize kille bazito oochchodes dandda7ize asi baaya» yagayda.
\p
\v 3 Yesuusa mahi, «Taanii nees turo turo gaane; ooden lam7intsa yelinttanxiko Xoozze ka7itumo be7ades dandda7oos» yagayda.
\p
\v 4 Niqodimoosa, «Cinggii asi wayzi lam7intsa yelinttodes dandda7e? Fa inttii saza maaqqii gelii mahi yelinttodes dandda7e?» yagayda.
\p
\v 5 Yesuusa mahi, «Taanii nees turo turo gaane; asi hyaatsappan Geeshi Ayyaanappa yelinttanxiko, Xoozze ka7itumo gelodes dandda7oos. 
\v 6 Asho na7atitsi adeppan inddippan yelinttane; Xoozze na7atitsi Geeshi Ayyaanappa yelinttane. 
\v 7 Taanii, ‹Yin lam7intsa yelinttodes beezane› ga7i yinttis ohide gisho neenii gaama qoipippe. 
\v 8 Baqo fa koyze zala baqqane. Ne E ootsito si7izanno fattin E abappa ye7izako woy aba qitizako ne eroos. Ayyaanappa yelinttide ubba yinnii fana» yagayda.
\p
\v 9 Yeezin Niqodimoosa, «Yinna wayzi hyanodes dandda7e?» yaga7i oocida.
\p
\v 10 Yesuusa mahi, «Neenii Isra7eeluntsi asttamaare maaqqitera hyanno erosa? 
\v 11 Taanii nees turo turo gaane; nu erizebaz ohinen bi7idebaz markkidhane, yezin nu markkatitsito yin ekkoos. 
\v 12 Taanii yinttis sa7abaz ohin yin ammanoosuntsi salobaz ohin wayzi ammanode? 
\v 13 Saloppa wodhdhide As Na7ayip attin salo kezide ooden baaya; [salo yeze As Na7ay tana]»\f + \fr 3:13 \fr*\fk Salo yeze As Na7ay tana: \fk*\ft Fettii fettii zaga maxaafuntsi gujjane. \ft*\f* yagayda.
\p
\v 14-15 Muse akko baayze ganas sa7a shooshi suxxidannifana tana ammanze ubbuntsi medhina de7o ekkode fanan dhabaame fana As Na7ay suxunttodes beezane.\x - \xo 3:14 \xo*\xt Faydo 21:9\xt*\x*
\p
\v 16 Eza ammanze ubbuntsi medhina de7o laattodep attin dhabaame gaar Xoozii hyanna alamito loytsii kadhide gisho fa fettii Na7aya inggida. 
\v 17 Xoozii fa Na7aya hyanna alamite kiittidanna alamito firddodes maaqqikaayzin alamito E baggara ashshodes.
\p
\v 18 Na7aya ammanze ooden firddinttoos, yezin Na7aya ammanoose ooden fettii Xoozze Na7aya ammanikaayze gisho hyatte firddinttida. 
\v 19 Firdditan hyanno: foo7o alame yi7ida, yezin asunts oochita iita maaqqide gisho asuntsi foo7itippa aatsii dhuma kadhane. 
\v 20 Iita baz oochchize ooden foo7o ixxane. Akkos gayko, fa oochita qonccaame fana foo7ogo ye7oos. 
\v 21 Yezin turtto oochchize ooden Xoozze kiittidanni fana E oochchidanno foo7o qonccissade fana foo7ogo ye7ine.
\s1 Yesuusan Xammaqize Wahannisan
\p
\v 22 Yinnippa suuba, Yesuusan E tamaaruntsin Yihuda sa7a qitida. Yesuusa yeyga xammaqittera unttara eerats wode bettida.
\p
\v 23 Mahi Wahannisa Saleeme kale yeze Henoona gaaze bessa gaama hyaatsi yeze gisho asuntsana yeyga xammaqane. Asuntsin yeyga hyanggi xammaqinttane. 
\v 24 Ye wode Wahannisa hyaga acinttikaaya.\x - \xo 3:24 \xo*\xt Maato. 14:3; Mar. 6:17; Luqa. 3:19-20\xt*\x*
\p
\v 25 Yinnippa suuba, Wahannisa tamaaruntsin fettii Ayhude atstsay\f + \fr 3:25 \fr*\fk Fettii Ayhude Atstsay: \fk*\ft Fettii fettii maxaafuntsi «Eerats Ayhude asuntsi» yagaane. \ft*\f* geeshe wogabaz wolla lallida. 
\v 26 Un Wahannisago hyanggi, «Asttamaarizayo, Yorddaanosa borkkappa seko fintsa neera yeze, neenii E baz markkidhiday, hyaychche xammaqane. Asunts ubba eego hyanggane» yagayda.
\p
\v 27 Wahannisa mahi, «Xoozii inggikaayze asi akko bazin ekkodes dandda7oos. 
\v 28 ‹Taanii Kiristtoosa baaya, yezin eeppa tiino kiitinttida› gaydannis yin, yin ommite taas markka.\x - \xo 3:28 \xo*\xt Waha. 1:20\xt*\x* 
\v 29 Gelodes giiginttdanna ekkodes giigezes. Ekkizes lagguntsi E kale eqqii E gaazanno si7ize wode gaama ufayttane. Yinnii gisho, hyanna ta ufayssita folinttida. 
\v 30 E dammodes ta eerodes beezane» yagayda.
\p
\v 31 Afappa yi7ize ubbappa dhoqqa. Sa7appa benttide sa7a asi; E sa7abaz ohine. Saloppa yi7ide ubbappa aatsii. 
\v 32 E fa bi7idebazin si7idebaz izo markkidhane, yiikon E markkatitsito si7ize baaya. 
\v 33 E markkatitsito ekkize ooden Xoozze turo maaqqidanno tillizane. 
\v 34 Xoozii fa Geeshi Ayyaana ees kuntsi inggize gisho Xoozii kiittide Xoozze qaala ohine. 
\v 35 Aday fa Na7aya kadhii ubbabazito E kushite gaddida.\x - \xo 3:35 \xo*\xt Maato. 11:27; Luqa. 10:22\xt*\x* 
\v 36 Na7aya ammanzes medhina de7o yene. Yezin Na7aya ammanoosella Xoozze firdda yenep attin E de7o denggoos.
\c 4
\s1 Yesuusan Samaara maachiton
\p
\v 1 Yesuusa Wahannisappa aatsii kaallizuntsana faago shiishii xammaqizanno Farisaawuntsi si7ida. 
\v 2 Maaqqikon Yesuusa tamaaruntsi xammaqidap attin Yesuusa oonan xammaqikaaya. 
\v 3 Yesuusa asuntsi E baz gaazanno si7ide wode Yihudappa denddii maaqqii Galila qitida. 
\v 4 Galila qititera Samaarera aadhodanna ees attaamebaz maaqqida.
\p
\v 5 Yinnii gisho, Yayqooba fa na7ay Yoosefas inggide gaditii kale yeze Sikaare gaaze Samaara katama yi7ida.\x - \xo 4:5 \xo*\xt Medho 33:19; Iya. 24:32\xt*\x* 
\v 6 Yinna besite Yayqoobas hyaatsi doochii yene. Yesuusa hyanggitera labbii yinna hyaatsi doochiti kale bettida. Ye wode sa7ita awarappa izippun saate gaara.
\p
\v 7 Fettii Samaara katama maachita yinna doochitippa hyaatsi kixxodes yi7ida. Yesuusa yinna maachitigo, «Tana hyaatsi ushshoya» yagayda. 
\v 8 Yinna wodite Yesuusa tamaaruntsi katstsa wonggodes katama qitenyeshsha.
\p
\v 9 Yinna maachita mahi, «Ne Ayhude asi maaqqitera, Samaara maacho maaqqide tana wayzi hyaatsi ushsho ga7e?» yagayda. Yinno iza gaydanna Ayhudunts Samaaruntsara yellinttoosse gisho.\x - \xo 4:9 \xo*\xt Izi. 4:1-5; Nah. 4:1-2\xt*\x*
\p
\v 10 Yesuusa mahi, «Ne Xoozze imotitsin hyaatsi tana ushsho gaaze oode yezako erizebaz maaqqizako eza ne woossoda; yezin nees de7o inggize hyaatsi inggodyeshsha» yagayda.
\p
\v 11 Maachita mahi, «Laatstsayo, nees duuqqize hyale baaya; doochitan hyaako. Yeezin, de7o inggize hyaatsi ne abappa ekkode? 
\v 12 Nuus hyanna hyaatsi doochito inggide nu aday Yayqoobappa ne aadhode? Een, E na7untsin E hyaaruntsii hyanna hyaatsi doochitippa uzhida» yagayda.
\p
\v 13 Yesuusa, «Hyanna hyaatsitippa uzhize ooden mahi baridhdhada. 
\v 14 Yezin ta inggode hyaatsito uzhize ooden medhinas baridhdhaama. Ta inggode hyaatsita E gidda medhina de7o inggize goggize hyaatsi aafe maaqqada» yagayda.
\p
\v 15 Maachita mahi, «Laatstso, taanii baridhdhaame gaaran hyaatsi duuqqodes hyanna besite ye7aame fana taas yinna hyaatsito inggo» yagayda.
\p
\v 16 Yesuusa iigo, «hyanggi ne azinza xeegii yo7o» yagayda.
\p
\v 17 Maachita mahi, «Taas azini baaya» yagayda.
\p Yesuusa iigo, «Taas azinii baaya ga7i turo ohida. 
\v 18 Nees tiino ichchin azinutsi yene. Hyatte neera yeze atstsay nees azinii baaya. Ne hyatte turo ohida» yagayda.
\p
\v 19 Maachita mahi, «Laatstso, ne nabe maaqqidanno ta erida. 
\v 20 Nu aduntsi hyay derizella Xoozi goynida. Yezin yin Ayhudunts asi Xoozi goynodes beezize besita Yerusalaame yene gaane» yagayda.
\p
\v 21 Yesuusa, «Hyanna maachite tana ammano; hyay derizella woy Yerusalaame Adaya yin goynaame wode ye7oda. 
\v 22 Yin Samaaruntsi erinttooses goynane. Yezin nuunii ashshize Ayhudeppa ye7ize gisho nu erizaya goynane. 
\v 23 Yezin Adaya turippa goynizuntsi Ayyaanaran turotitsara goynize wodita ukkida; hyatten yellida. Yikke, Aday koyze hyannii gaar ogera goynizuntsana. 
\v 24 Xoozze Ayyaana; ees goynizuntsi Ayyaanaran turotitsara goynodes beezane» yagayda.
\p
\v 25 Maachita mahi, «Kiristtoosa gaaze tizhinttide yo7odanno ta erane. E ye7ize wode nuus ubba baz ohoda» yagayda.
\p
\v 26 Yesuusa, «Hyay neera ohinttize taanii eza» yagayda.
\p
\v 27 Un ohinttodera, Yesuusa tamaaruntsi hyanggide besitippa maaqqida. Yesuusa maachitira ohinttodera un bi7i gaama qoppida. Yezin maachitigo, «Akko koye?» Woy Yesuusago, «Izira akkos ohintte?» gayde ooden baaya.
\p
\v 28 Yinnippa maaqqii, maachita fa hyaatsi otto ashshii suuba katama hyanggi asuntsago, 
\v 29 «Taanii oochchidanno ubba taas ohide atstsa bo7odes yedhdhote. E Kiristtoosa maaqqane?» yagayda. 
\v 30 Asuntsi katamappa kezii Yesuusago hyanggida.
\p
\v 31 Yinna yi7adera, E tamaaruntsi Yesuusago, «Mo7oyo» ga7i woossida.
\p
\v 32 Yezin E, «Taas yin eroosse katstsa ta muuze yene» yagayda.
\p
\v 33 Yinnii gisho, E tamaaruntsi fa gidda, «Ees muuze baz asi ki7ikaayzara attaama?» yagayda.
\p
\v 34 Yesuusa unttago, «Ta katsita tana kiitteze qoftto oochchodannon E oochito faaddodanno. 
\v 35 Yin, ‹Oyddii aginappa suuba katstsa maxinttoda› gaane baa? Yezin taanii yinttis ohine; katsita kaxxin shiishes yellidanno loytsii bo7ote. 
\v 36 Budizen maxizen wolla ufayttode gaar maxizay damooze ekkane mahi katstsa medhina de7oos aafe shiishane. 
\v 37 Yikke, ‹Fete budane; hyankkay mahi maxane› gaaze ohita turo. 
\v 38 Yin labbikaayzanno shiishode gaar ta yinttana kiittida. Melluntsi oochchii labbidanne gelii yin un labbide aafto ekkida» yagayda.
\p
\v 39 Maachita, «E, ta oochchide ubbabazito ohida» ga7i markkidhide gisho yinna katamite yeze Samaara asuntsappa gaamuntsi Yesuusa ammanida. 
\v 40 Samaara asuntsin Yesuusago yi7i, un kale gam7ode gaar Yesuusa woossin E ize lam77i qamma bettida.
\p
\v 41 E ohide qaaltti gisho kasennippa gaama asuntsi ammanida. 
\v 42 Mahi un maachitigo, «Hyatte nu ammanidanna nu ommite E gaazanno si7ide gishop attin ne markkidhide gisho baaya. Mahin E turo hyanna alamito ashshiza maaqqizanno nu erida» yagayda.
\s1 Yesuusa shuumize na7aya fatstsida
\p
\v 43 Lam77i qammappa suuba, Yesuusa yinnippa kezii Galila qitida. 
\v 44 Yesuusa fa ommite, «Nabe fa gadite bonchchinttoos» yaga7i tiinidhii ohida.\x - \xo 4:44 \xo*\xt Maato. 13:57; Mar. 6:4; Luqa. 4:24\xt*\x* 
\v 45 Yesuusa Galila yelide wode Galila asuntsi eza mokkida. Akkos gayko, Faasiga Ba7ale bonchchize wode un Yerusalaame yeze gisho E oochchidanno ubba bi7ida.\x - \xo 4:45 \xo*\xt Waha. 2:23\xt*\x*
\p
\v 46 Yesuusa hyaatsito woyne ushi laammide besite, Galila yeze Qaana katama hyanggida. Qifirnahoome kaati keetstsa oocize shuumizes na7i hyargginttane.\x - \xo 4:46 \xo*\xt Waha. 2:1-11\xt*\x* 
\v 47 Yesuusa Yihudappa Galila yiidanno ye shuumize si7i eego yi7ida. Hyayqqodes yellide fa na7aya hyanggi fatstsode gaar Yesuusa woossida.
\p
\v 48 Yesuusa Shuumizego, «Xoozii oochchize gaama qofizen kille bazi bi7ikaayzara yin mulon ammanoos» yagayda.
\p
\v 49 Shuumizen mahi, «Laatstsayo, ta na7ay hyayqqikaayzin taara yedhdhoya» yagayda.
\p
\v 50 Yesuusa, «Ne kara qito; ne na7ay faxoda» yagayda.
\p Ye shuumize Yesuusa ohide qaaltto ammanii fa kara qitida. 
\v 51 E fa kara hyanggodera eza arunts eego yi7itera ezar oge yellintti, «Ne na7ay faxida» gayda.
\p
\v 52 E fa aruntsana fa na7ays akko saate lo77ezako oocida. Un mahi, «Omatse laappun saate michita ashshida» yagayda. 
\v 53 Na7ay aday Yesuusa faago, «Ne na7ay faxoda» gaydanna yinna saate maaqqidanno tiirida. Yinnii gisho, ezin E kara asunts ubbuntsara ammanida.
\p
\v 54 Yinna Yesuusa Yihudappa Galila yi7i oochchide lam7intsa kille baz.
\c 5
\s1 Yesuusa fettii wobbo atstsa fatstsida
\p
\v 1 Yinnippa maaqqii, Yesuusa Ayhuduntsi bonchchize baales Yerusalaame qitida. 
\v 2 Yerusalaame Duro furtsi kale Ibraysxe doonara Beetesayda gaaze teqinttide geenna yene. Ye teqintti yeze hyaatsiti kale kanggizen ke7ize ichchin oge yene. 
\v 3 [Yinne hyaatsita en7inttizanno naagize] gaama hyargginttizuntsi, qooquntsi, wobbuntsin galla siliduntsi woy7ida. 
\v 4 [Akkos gayko, fettii fettii tohe Laatstse kiitanchcho geenite wodhdhii hyaatsito en7izane. Hyaatsita en7ize wode tiinii gelide atstse fana aykkide akko hyarggeppa faxane.]\f + \fr 5:4 \fr*\ft Fettii fettii zaga maxaafuntsi faydo hyaydzdzis tiino baggiton faydo oyddii gujjoos.\ft*\f* 
\v 5 Yinna besite hyastam osfun bere hyargginttide fettii asi yene. 
\v 6 Yesuusa ize woy7ide atstsa bi7i, mahi gaama wode hyargginttidanno erii atstsego, «Faxodes koyane?» yagayda.
\p
\v 7 Hyargganchchize mahi, «Laatstso, hyaatsita en7inttize wode tana hyaatsite olize asi baaya. Ta gelodes yiyoder melluntsi taappa tiinii gelane» yagayda.
\p
\v 8 Yesuusa eego, «Denddii eqqo; ne alggiza tookkii qito» yagayda. 
\v 9 Atstsay iira faxida; fa alggiza tookkii qitida.
\p Yinna Sambbata wode hyanida. 
\v 10 Yinnii gisho, Ayhudunts faxide atstsego, «Hyayno sa7ita Sambbata; neenii ne alggiza tookkizanna woga baaya» yagayda.\x - \xo 5:10 \xo*\xt Nah. 13:19; Er. 17:21\xt*\x*
\p
\v 11 Yezin atstsay, «Tana fatstseze, ‹ne alggiza tookkii qito› gayda» yaga7i mahida.
\p
\v 12 Un eego, «Nena, ne alggiza tookkii qito gayde E oode?» yaga7i oocida.
\p
\v 13 Yezin Yesuusa yinna besite gaama as giddappa deshshi gayde gisho atstsay fana fatstside oode yezako erikaaya. 
\v 14 Yesuusa suubappa ye atstsa Xoozze Keetstsa denggi, «Hyaychche, ne faxida; hyannippa aadhize iita baz nena yellaame gaar mahi nagara oochchippe» yagayda. 
\v 15 Yinnippa maaqqii, atstsay hyanggi fana fatstside Yesuusa maaqqizanno Ayhuduntsis ohida.
\p
\v 16 Yesuusa yinno Sambbata ode oochchide gisho Ayhudunts Yesuusa baytstse aykkida. 
\v 17 Yesuusa mahi, «Ta Aday ubba wode oochchane; taanin oochchodes beezane» yagayda.
\p
\v 18 Yesuusa Sambbata bonchchikaayze gisho xalaalas maaqqikaayzin Xoozza fa Ade ga7i fana Xoozara wolkkizide gisho Ayhudunts eza wodhodes tiinonnippa mintsii koyda.
\s1 Xoozze Na7ay adetits wolqqa
\p
\v 19 Yesuusa mahi, «Ta yinttis turo turo gaane; Na7ay faas akkon oochchodes dandda7oos. E fa Aday oochchodera bi7idanno xalaala oochchane. Aday oochchizanno Na7ayin oochchane. 
\v 20 Aday fa Na7aya kadhize gisho oochchize oocha ubba fa Na7aya beezane. Yin gaama qoppode gaar E hyannippa aadhize oocha fa Na7aya beezoda. 
\v 21 Aday hyayqqiduntsana hyayqoppa dentsii unttis de7o inggizannigaara Na7ayin fa koyezuntsis de7o inggane. 
\v 22 Aday Na7ays firddode gaar adetits wolqqa inggidap attin E oonan firddoos. 
\v 23 Yinno E oochchidanna Asi ubba Adaya bonchchizanni gaar Na7ayan bonchchode fana. Na7aya bonchchoosse ooden Na7aya kiittide Adayan bonchchoos.
\p
\v 24 «Ta yinttis turo turo gaane; ta qaaltto si7izes tana kiitteza ammanzes medhina de7o yene. E hyayqoppa de7o fiinggide gisho firddinttoos. 
\v 25 Ta yinttis turo turo gaane; hyayqqide asuntsi Xoozze Na7ay qaaltto si7ize wode ye7oda; yinnan hyatte. E qaaltto si7ize de7o yessada. 
\v 26 Aday faas de7o yezanni fana Na7aysin de7o yessade fana inggida. 
\v 27 Na7ay As Na7a maaqqide gisho Aday Na7ays firddode gaar adetits wolqqa inggida.
\p
\v 28 «Booza yezuntsi E qaaltto si7i denddize wode ye7ode gisho hyanne gaama qoppipete. 
\v 29 Lo77o oochchiduntsi de7o dendddes mahi iita oochchiduntsi firdda ekkodes boozappa denddoda.\x - \xo 5:29 \xo*\xt Dane. 12:2\xt*\x*
\s1 Yesuusas markkidhide asuntsana
\p
\v 30 «Taanii ta adetitsi wolqqara akko bazin oochchodes dandda7oos. Xoozze taas ohidanni gaar firddane. Taanii tana kiittide koyze baz oochchanep attin ta koyze baz oochchoose gisho ta firddita turo.
\p
\v 31 «Taanii ta baz markkidhiko ta markkatitsita turo maaqqoos. 
\v 32 Ta baz markkidhize melle yene; E ta baz markkidhizanna turo maaqqizanno ta erane.
\p
\v 33 «Yin Wahannisago asi kiittin E turis markkidhida.\x - \xo 5:33 \xo*\xt Waha. 1:19-27; 3:27-30\xt*\x* 
\v 34 Ta yinno yinttis ohizanna, yin attode gaar gaydap attin asi markkatitsi taas koshshin baaya. 
\v 35 Wahannisa goga gaar eexize foo7o. Yin eerats wode E foo7ite ufayttodes koyda.
\p
\v 36 «Yezin taas Wahannisappa aadhize markka yene. Ta oochchode gaar ta Aday taas inggide oochita ta baz markkidhane; Aday tana kiittezanno beezane.
\p
\v 37 «Mahin tana kiittide Aden fa ommite ta baz markkidhane. Yin E qaaltto mulo si7ikaaya woy E bishshito bi7ikaaya.\x - \xo 5:37 \xo*\xt Maato. 3:17; Mar. 1:11; Luqa. 3:22\xt*\x* 
\v 38 E kiittezanno yin ammanoose gisho E qaaltta yin wozintte baaya.
\p
\v 39 «Geeshi Maxaafuntsappa medhina de7o denggodebaz yinttis aazin un qurichchane; qaalttan ta baz markkidhane. 
\v 40 Yezin yin de7o denggodes taago yo7odes koyoos.
\p
\v 41 «Asappa taanii bonchcho koyoos. 
\v 42 Yezin taanii yin wozintte Xoozze siiqo baayzanno erane. 
\v 43 Taanii ta Aday suntsite yi7ida, yezin tana mokkikaaya. Hyankay fa suntsite ye7iza mokkane. 
\v 44 Yin fete feteppa bonchcho koyzuntsi, fettii Xoozzeppa ye7ize bonchcho ekkodes koyoosuntsi, wayzi tana ammanodes dandda7ode?
\p
\v 45 «Taanii ta Aday tiino yinttana mootizebazi yinttis aazippe. Yinttana mootode yin ufaytti kafize Muse. 
\v 46 Yin Muse ammanezako E ta baz xaafide gisho tanan ammanodyeshsha. 
\v 47 Yezikon yin E xaafidanno ammanaanxxiko ta qaaltto wayzi ammanode?» yagayda.
\c 6
\s1 Yesuusa ichchin mukul asuntsana muuzida
\r (Maato. 14:13-21; Mar. 6:30-44; Luqa. 9:10-17)
\p
\v 1 Yinnippa maaqqii, Yesuusa Xibaaryoosa gaaze Galila Abbap seko gaxa fiinggida. 
\v 2 E hyargganchchuntsana fatstsi kille baz oochchidanno bi7ide gisho gaama asuntsi eza kaallida. 
\v 3 Yesuusa derella kezii, yeyga fa tamaaruntsara wolla bettida. 
\v 4 Ayhuduntsi bonchchize Faasiga Ba7ale ukkida. 
\v 5 Yesuusa gaama asunts faago ye7izanno bi7i Filphoosago, «Hyantsi asuntsana ubba muusades maaqqade katstsa abappa wonggode?» yagayda. 
\v 6 E yinno Filphoosa fattanodes gaydap attin E fa ommite akko oochchodyezako erane.
\p
\v 7 Filphoosa mahi Yesuusago, «Melle atto yezin, omma omma, fettii fettii baaritsi yelitsodes, lam77i xeet dinaarera\f + \fr 6:7 \fr*\fqa Dinaare gaaze bira: \fqa*\ft Fettii dinaare fettii asi fettii wode oochchii feezhii ekkize bira. Lam77i xeet dinaare fettii asi fettii bere bagga oochchii ekkize bira gaara. (Maato 20:2) bo7ote. \ft*\f* boora wonggikon maaqqoos» yagayda.
\p
\v 8 Mahi Yesuusa tamaaruntsappa fete, Simoon Phexiroosa ishe Inddiriyase, 
\v 9 «Ichchin beshe bangga booran lam77i molo aykkide fettii na7a hyanne yene, yezin hyantsi asunts ubbas yinna akko maaddode?» yagayda.
\p
\v 10 Yesuusa fa tamaaruntsago, «Asuntsana betitsote» yagayda. Yinna besite gaama buca yene; asuntsi ubba bettida. Dhiiratsi asunts faydita ichchin mukul maaqqada. 
\v 11 Yesuusa booriza ekkii Xooz galatii maaqqii fa tamaaruntsis inggida. Unttin bettide asuntsis yeltsida. Moltton ekkii yinnii fana yiizii inggin, asuntsi fa koydanni gaar muyda. 
\v 12 Un ubbuntsi mizhidannippa suuba Yesuusa fa tamaaruntsago, «Fettibazin iitaame gaar attide gufto shiishote» yagayda. 
\v 13 Yinnii gisho, un ubba shiishida. Asuntsi mu7in attide bangga boora gufa shiishin taphpho lam77i leemate maaqqida.
\p
\v 14 Asuntsi Yesuusa oochchide kille baz be7eze wode «Hyay turo hyanna alamtte ye7oda ga7inttide nabiza» yagayda. 
\v 15 Yesuusa un eza aykkii wolqqara kaati mahodes hyanzanno erii, faas derella mahi kezida.
\s1 Yesuusa abballa yedhdhii hyanggida
\r (Maato. 14:22-33; Mar. 6:45-52)
\p
\v 16 Sa7ita ugurin Yesuusa tamaaruntsi abbago wodhdhida. 
\v 17 Sa7ita qammide gishon Yesuusa hyaga unttago yi7ikaayze gisho E tamaaruntsi gonggite gelii abba fiinggi Qifirnahoome qitodes denddida. 
\v 18 Damma baqo baqqide gisho abba hyaatsita en7ida. 
\v 19 Ichchin woy izippun kilo mitire maaqqade gaar un abballa hyanggidannippa suuba Yesuusa abballa yedhdhitera ye7izanno bi7i zhashtida. 
\v 20 Yezin E, «Zhashtippete, tana» yagayda. 
\v 21 Un ufaytti eza gonggite geltsida; iira gonggize un hyanggize abba gaxa yellida.
\s1 Yesuusa de7o boora
\p
\v 22 Wonttistti wode abbappa seko gaxa attide gaama asuntsi fettii gongge xalaala yezanno bi7ida. Yesuusa fa tamaaruntsara gonggite gelii, unttara hyanggoosannon un fa faas hyanggidanno bi7ida. 
\v 23 Yezin Xibaaradoosappa melle gongguntsi Yesuusa Xooz galatin, asuntsi boora muyde bessito yi7ida. 
\v 24 Asuntsi Yesuusa woy E tamaaruntsi ize baayzanno bi7i, Yesuusa koyodes gonggite gelii Qifirnahoome qitida.
\p
\v 25 Asuntsi Yesuusa abbappa seko fintsa denggide wode «Asttamaarizayo, hyanne ayde ne yiido?» yagayda.
\p
\v 26 Yesuusa mahi, «Taanii yinttis turo turo gaane; yin tana koyzanna boora mu7i mizhide gishop attin kille baz bi7ide gisho baaya. 
\v 27 Dhabize katstsas oochippete, yezin medhina de7o yeze katstsa inggize As Na7ays oochchote. Ezan Xoozze Aday attamii tillizida.»
\p
\v 28 Yeezin un, «Nuunii Xoozze oocha oochchodes akko oochchode?» yaga7i Yesuusa oocida.
\p
\v 29 Yesuusa mahi, «Yin oochchode gaar Xoozze koyze oochita hyanno: E kiittidaya ammanode fana» yagayda.
\p
\v 30 Un mahi, «Nuunii bi7i, nena ammanode gaar akko kille baz ne beessade? Ne akko oochchode? 
\v 31 Geeshi Maxaafite, ‹Un ma7ade gaar boora saloppa inggida› ga7intti xaafinttidannigaara nu aduntsi akko baayze ganasa manna muyda» yagayda.\x - \xo 6:31 \xo*\xt Keze 6:4, 15; Maz. 78:24\xt*\x*
\p
\v 32 Yesuusa, «Ta yinttis turo ohine; yinttis saloppa turii boora inggide ta Adayp attin Muse baaya. 
\v 33 Yikke, Xoozii inggize boora saloppa wodhdhide alames de7o inggizaya» yagayda.
\p
\v 34 Un mahi, «Laatstso, nuus ye booriza ubba wode inggo» yagayda.
\p
\v 35 Yesuusa, «Taanii de7o boora; taago ye7ize ooden mulo naydhdhoos. Mahi tana ammanze atstsen baridhdhoos. 
\v 36 Yezin ta yinttis ohida; yin tana bi7ida, yezin ammanikaaya. 
\v 37 Ta Aday taas inggide ubbuntsi taago yo7oda; mahi taago ye7iza oonan bale dakkoos. 
\v 38 Taanii ta koyze baz oochchodes maaqqikaayzin tana kiittide koyze baz oochchodes saloppa yi7ida. 
\v 39 Tana kiittide koyzanna hyanno: taanii E taas inggide ubbuntsana wurssutsi wode hyayqoppa dentsode gaarap attin feten dhabode gaar koyoos. 
\v 40 Yikke, ta Aday koyzanna yinno: Na7aya bi7i ammanze ubba medhina de7o ekkoda; taanii yentsana ubba wurssutsi wode medhina de7os hyayqoppa dentsoda» yagayda.
\p
\v 41 Yesuusa, «Taanii saloppa wodhdhide boora» gayde gisho Ayhuduntsi eella zuuzinggida. 
\v 42 Un, «Hyayni nu E adayan E intto erize Yoosefa Na7a Yesuusa baane? Yeezin, E wayzi, ‹Ta saloppa wodhdhida› gawudes dandda7e?» yagayda.
\p
\v 43 Yesuusa mahi, «Fete fetera zuuzinggizanno ashshote. 
\v 44 Tana kiittide ta Aday taago ki7ize asappa attin taago yo7odes dandda7ize ooden baaya. Ta wurssutsi wode eza medhina de7os hyayqoppa dentsoda. 
\v 45 Nabuntsi, ‹Asi ubba Xoozappa tamaariduntsana maaqqada› ga7i xaafida. Adaya si7izen eeppa tamaaride ooden taago ye7ine.\x - \xo 6:45 \xo*\xt Isa. 54:13\xt*\x* 
\v 46 Xoozze kaleppa yi7idayip attin Adaya be7eze ooden baaya; E xalaala Adaya bi7ida.
\p
\v 47 «Ta yinttis turo turo gaane; tana ammanize medhina de7o yene. 
\v 48 Taanii de7o boora. 
\v 49 Yin aduntsi akko baayze ganas sa7a manna mu7ida, yezin hyayqqida. 
\v 50 Saloppa yi7ide boora hyaya; hyay booriza mu7ide ooden hyayqqoos. 
\v 51 Saloppa yi7ide de7o boorize tana. Ooden hyay booriza mu7iko medhinas yessada. Mahi hyanna alamita de7o yessade gaar taanii yinttis inggode boorize ta ashito» yagayda.
\p
\v 52 Ayhuduntsi, «Hyay atstsay fa ashito nu ma7ade gaar nuus wayzi inggodes dandda7e?» yaga7i fa gidda wolla lallida.
\p
\v 53 Yinnii gisho, Yesuusa unttago, «Taanii yinttis turo turo gaane; As Na7ay ashito, yin ma7anxko, mahi E suutsito yin uzhanxiko, yinttis de7o baaya. 
\v 54 Ta ashito mu7izen ta suutsito uzhize atstses medhina de7o yene. Taanii wurssutsi wode eza hyayqoppa dentsoda. 
\v 55 Ta ashita turii katstsa; ta suutsitan turii ushi. 
\v 56 Ta ashito mu7izen ta suutsito uzhize atstse ta gidda yene; taanin E gidda yene. 
\v 57 De7o Aday tana kiittin, ta E baggara de7o yezannigaara, tana mu7ize atstsen ta baggara de7o yessada. 
\v 58 Saloppa wodhdhide boorize hyaya: yin aduntsi mu7i hyayqqide manna fana baaya; hyay booriza mu7ize atstse medhina yessada» yagayda.
\p
\v 59 Yesuusa Qifirnahoome katama Ayhude woosa Keetstsa hyanno tamaarssida.
\s1 Medhina de7o qaala
\p
\v 60 Yesuusa tamaaruntsappa gaama baggita yinno si7eze wode «Hyanna geloose timirtte; oodes gele?» yagayda.
\p
\v 61 Yesuusa fa tamaaruntsi yinnis zuuzinggidanno erii, «Hyanna yinttana balitsane? 
\v 62 Yeezin, As Na7ay tiino fa yeze bessa ude kessadera yin bi7izako wayade? 
\v 63 Geeshi Ayyaana de7o inggane; as wolqqa akkon maaddoos. Ta yinttis ohize qaaltta de7o inggize Geeshi Ayyaanappa yi7ida. 
\v 64 Yezin yin gidda ammanoosunts yene» yagayda. Ammanoosuntsi ood yezako Yesuusa tiinoppan erane. Mahi fana aatsii inggode oona yezako erane. 
\v 65 Mahin Yesuusa, «Aday yo7o gaykaayze ooden taago yo7odes dandda7oos ga7i ta ohizanna yinnii gisho» yagayda.
\p
\v 66 Yinnii baggara, Yesuusa kaallizuntsappa gaamuntsi eza ashshii suub maaqqida; maaqqin eera hyanggikaaya. 
\v 67 Yesuusa taphpho lam77i fa tamaaruntsana, «Yinttin ashshii qitodes koyane?» yaga7i oocida.
\p
\v 68 Simoon Phexiroosa mahi, «Laatstso, nuunii oodego qitode? Nees medhina de7o qaala yene.\x - \xo 6:68-69 \xo*\xt Maato. 16:16; Mar. 8:29; Luqa. 9:20\xt*\x* 
\v 69 Ne Xoozze Geeshi maaqqidanno nuunii ammananen erane» yagayda.
\p
\v 70 Yesuusa unttago, «Ta yinttana taphpho lam77untsana doorikaane? Yezin yinttappa fete Xalahe» yagayda. 
\v 71 Yesuusa yinno gaydanna Simoona Na7ay Asqorootu Yihuda gisho. Yihuda Yesuusa aatsii inggodes yeze taphpho lam77i tamaaruntsappa feta.
\c 7
\s1 Yesuusaran E ishuntsara
\p
\v 1 Yinnippa maaqqii, Ayhuduntsi Yesuusa wodhodes koyde gisho E Yihuda ashshii Galilara wutida. 
\v 2 Ayhuduntsi bonchchize daase Ba7ale ukkida.\x - \xo 7:2 \xo*\xt Leewe 23:34; Mahe 16:13\xt*\x* 
\v 3 Yinnii gisho, Yesuusa ishuntsi, «Ne tamaaruntsi ne oochchize kille bazito be7ade gaar hyannippa denddii Yihuda sa7a qito. 
\v 4 Faas qonccii erinttodes koyze asi ooden fa oochito aachoos. Ne hyantsesana oochchii nebaz alames qonccizo» yagayda. 
\v 5 E ishuntsi yinno gaydanna ammanikaayze gisho.
\p
\v 6 Yesuusa unttago, «Taas wode hyaga yellikaaya, yezin yinttis ubba wode wottane. 
\v 7 Alame yinttana ixxodes dandda7oos, yezin taanii alame oochita iita maaqqizanno markkidhize gisho tana ixxane. 
\v 8 Yin ba7aalito qitote; taas wode yellikaayze gisho taanii ba7alito hyanggoos» yagayda. 
\v 9 E yinno ga7i Galila attida.
\s1 Yesuusa ba7ale bonchchodes qitida
\p
\v 10 E ishuntsi ba7ale bonchchodes qitidanippa maaqqii Yesuusa ooden erikaayzin benttikaayzara yinna besite hyanggida. 
\v 11 Ayhudunts ba7ale bonchchize besite, «E aba yene?» yaga7i eza koyda.
\p
\v 12 Asuntsi zuuzinggii E baz ohinttane. Bagguntsi, «E lo77o asi» gaaze wode melluntsi mahi, «Ade, E as balitstsane» yagayda. 
\v 13 Yezin Ayhude hyalaquntsis zhashtide gisho ooden E baz qoncce ohinttoos.
\p
\v 14 Ba7ale bonchchii gidda yellodera Yesuusa Xoozze keetstsa hyanggi tamaarsse aykkida. 
\v 15 Ayhuduntsi, «Hyay atstse timirtte tamaarikaayzara maxaafe wayzi erido?» ga7i gaama qoppida.
\p
\v 16 Yesuusa mahi, «Ta tamaarssize timirttita tana kiitteze Xoozze kaleppa ye7ize timirttep attin ta baz baaya. 
\v 17 Xoozze qofa oochchodes koyze ooden hyanna timirttita Xoozze kaleppa ye7izakon woy taanii taappa ohizako erane. 
\v 18 Fa baz ohize ooden fa bonchcho koyane. Yezin fana kiitteze bonchcho koyze ooden E turii asi; E gidda worddo baaya. 
\v 19 Muse yinttis higge inggida, yezin yinttappa ooden higge naagikaaya. Yeezin akkos tana wodhodes koye?» yagayda.
\p
\v 20 Asuntsi mahi, «Neera Xalahe yene; nena wodhodes oode koyze?» yagayda.
\p
\v 21 Yesuusa, «Ta fettii kille baz oochchin yin ubbuntsi gaama qoppida. 
\v 22 Yin, yin na7untsana garrazode gaar Muses woga inggida. Yezin yin mayzuntsappa aykkii yeze wogap attin Muse baaya. Yinnii gisho, yin Sambbata wode dhiiratsi na7untsana garrazane.\x - \xo 7:22 \xo*\xt Leewe 12:3; Medho 17:10\xt*\x* 
\v 23 Muse higge sharinttaame fana yin Sambbata wode garrazzebaz maaqqiko, ta fettii atstse kumutsi gallito Sambbatar fatstside gisho taara akkos kacintte?\x - \xo 7:23 \xo*\xt Waha. 5:9\xt*\x* 
\v 24 Turii firdda firddotep attin as sino bi7i firddippete» yagayda.
\s1 Yesuusa, E Kiristtoosa?
\p
\v 25 Yerusalaame asuntsappa fete fete, «Un wodhodes koyze atstse hyaya baane? 
\v 26 Yikke, E qoncce ohine; un eza akkon ga7oos. E Kiristtoosa maaqqidanno Ayhude hyalaquntsi turo eresoone? 
\v 27 Kiristtoosa ye7ize wode E abappa yezako ooden eroos, yezin hyay atstse anappa ye7ezako nu erane» yagayda.
\p
\v 28 Yesuusa Xoozze Keetstsa tamaarssitera fa qaaltto dhoqi yiizii, «Turo yin ta oona yezakon ta abap ye7ezako erane? Taanii ta wolqqara yi7ikaaya, yezin tana kiitteze turii ade; yin eza eroos. 
\v 29 Yezin taanii E kiittin E kaleppa yi7ide gisho eza erane» yaga7i uukkida.
\p
\v 30 Yinnii gisho, un eza aykkodes koyda. Yezin Ees wode hyaga yellikaayze gisho ooden eella kushe gaddikaaya. 
\v 31 Yezin gaama asuntsi Yesuusa ammanii, «Kiristtoosa ye7ize wode hyay atstse oochchize kille bazappa aatsii oochchodaane?» yagayda.
\s1 Yesuusa aykkodes wottaddaruntsi kiitinttida
\p
\v 32 Farisaawunutsi gaama asuntsi Yesuusa baz kalkashizanno si7ida. Kahinunts hyalaquntsin Farisaawunutsi eza aytsii acissades Xoozze keetstsa naagizuntsana kiittida.
\p
\v 33 Yesuusa, «Ta yinttara eerats wode gam77oda; yinnippa suuba tana kiittezego qitoda. 
\v 34 Yin tana koyoda, yezin denggaama. Ta yeze bestto yin yo7odes dandda7oos» yagayda.
\p
\v 35 Ayhuduntsi fete fetera, «Hyay nu denggaame bessa aba qitodes yiye? Girike katama bettii yeze Ayhuduntsana hyanggi tamaarssodes qitodaane? 
\v 36 ‹Yin tana koyoda, yezin denggaama› mahi, ‹Taanii yeze bessa yin yo7odes dandda7aama› gaazanna akki ga7intte?» yagayda.
\s1 De7o hyaatsi
\p
\v 37 Ba7ale bonchchize hyal7e qammite Yesuusa denddii, fa qaaltto dhoqi yiizii, «Baridhdhide ooden taago yi7i uzho.\x - \xo 7:37 \xo*\xt Leewe 23:36\xt*\x* 
\v 38 Tana ammanze ooden Geeshi Maxaafta gaydannigaara de7o inggize hyaatsi aafe E giddappa goggane» yagayda.\x - \xo 7:38 \xo*\xt Hiz. 47:1; Zakka. 14:8\xt*\x* 
\v 39 E yinno gaydanna eza ammanezunts ekkodes yeze Geeshi Ayyaanabaz ohida. Yesuusa hyaga bonchchinttikaayze gisho ye wode Geeshi Ayyaana ingginttikaaya.
\s1 Asunts gidda dummatitsi medhinttida
\p
\v 40 Yentsi asuntsappa gaamuntsi E gaazanno si7i, «Hyay turo yo7oda ga7inttide nabizaya»\f + \fr 7:40 \fr*\fqa Nabe: \fqa*\ft Hyanna besite nabe ga7intteze ye7oda ga7i un naagize nabiza qonccizane. (Waha. 1:21 bo7ote) \ft*\f* yagayda.
\p
\v 41 Melluntsi mahi, «Hyay Kiristtoosa» yagayda.
\p Mahin mellunts, «Kiristtoosa Galilappa ye7inene? 
\v 42 Geeshi Maxaafite, ‹Kiristtoosa Dawute kochchappa Dawute yezide Beeteleme katamappa ye7oda› gaykaane?» yagayda.\x - \xo 7:42 \xo*\xt 2 Sam. 7:12; Mik. 5:2\xt*\x* 
\v 43 Yinnii gisho, Yesuusa baggara asunts wol gidda shaakkinttida. 
\v 44 Yentsi asuntsappa fete fete eza aykkodes koyda, yezin ooden eella kushe gaddikaaya.
\s1 Ayhude hyalaquntsi ammanikaaya
\p
\v 45 Xoozze Keetstsi naagizuntsi kahinunts hyalaquntsagon Farisaawunutsago suub maaqqii yi7in un, «Akkos eza ke7anxxido?» yaga7i oocida.
\p
\v 46 Xoozze Keetstsi naagizuntsi unttago, «Hyay atstse ohizanni gaara ooden ohoos» ga7i mahida.
\p
\v 47 Farisaawununtsi mahi, «E yinttanan balitstsida? 
\v 48 Ayhude hyalaquntsappa woy Farisaawuntsappa eza ammanide asi yene? 
\v 49 Muse higge eroosse hyantsi asuntsi tuneezuntsana» yagayda.
\p
\v 50 Farisaawuntsappa fete qamma Yesuusago hyanggide Niqodimoosa unttago,\x - \xo 7:50 \xo*\xt Waha. 3:1, 2\xt*\x* 
\v 51 «Fettii asi gaazanno si7ikaayzara woy E akko oochchezako erikaayzara tiino eella firddizanna nu higgite yene?» yagayda. 
\v 52 Un mahi, «Neenin Galila asi? Galila sa7appa nabe kezaamanno Geeshi Maxaafeppa qurichchi ero» yagayda. 
\v 53 Yinnippa suuba fete fete fa kara qitida.
\c 8
\s1 Olale hyanttera aykinttide maachito
\p
\v 1 Fete fete ashshii fa kara fa kara qitida, yezin Yesuusa Shamahe dere qitida. 
\v 2 Mahi wonttistti wode gooda Xoozze keetstsa yi7ida. Gaama asuntsi eego yi7in bettii unttana tamaarssida. 
\v 3 Higge asttamaaruntsin Farisaawunutsi olalodera aykkide fettii maachito eego ki7ida. Un as ubba tiino izo essi, 
\v 4 «Asttamaarizayo, hyanna maachita olalodera nu aykkida. 
\v 5 Muse higge hyannii gaarize maachito shuchchara dhogii wodhode gaar kiittane. Yeezin, ne ibaz waage?» yagayda.\x - \xo 8:5 \xo*\xt Leewe 20:10; Mahe 22:22-24\xt*\x*
\p
\v 6 Un yinno gaydanna Yesuusa fattanii eza mootodebaz denggodes. Yezin Yesuusa zuggii fa gil7izera sa7alla xaafida. 
\v 7 Un eza mahi mahi oocii ashshanxin, ude dhoqi ga7i, «Yin gidda nagara oochchikaayze asi tiinii izo shuchchara dhogo» yagayda. 
\v 8 Mahin zuggii sa7alla xaafida.
\p
\v 9 Un yinno si7ide wode un qoftta un7in cimuntsappa aykkii fete fete kezitera hyal7ida. Yesuusa xalaala yinna besite eqqide maachitira attida. 
\v 10 E ude dhoqi ga7i maachitippa melle asi bi7ikaayze wode, «Maachite, mootizunts aba qitido? Neella firddizuntsappa ooden baa?» yagayda.
\p
\v 11 Maachita, «Laatstso, ooden baaya» yagayda.
\p Yesuusa mahi, «Taanin neella firddoos. Qito; mahi nagara oochchippe» yagayda.
\s1 Yesuusa alames foo7o
\p
\v 12 Mahin Yesuusa asuntsago, «Taanii alames foo7o. Tana kaallize ooden de7o inggize foo7o ekkodap attin dhuma hyanttoos» yaga7i ohida.\x - \xo 8:12 \xo*\xt Maato. 5:14; Waha. 9:5\xt*\x*
\p
\v 13 Farisaawuntsi, «Ne nebaz markkidhane, yezin ne markkatitsita turo baaya» yagayda.\x - \xo 8:13 \xo*\xt Waha. 5:31\xt*\x*
\p
\v 14 Yesuusa mahi, «Taanii ta baz markkidhizakon ta markkatitsita turo. Akkos gayko, taanii abappa ye7ezako mahi aba qitizako erane, yezin yin ta abappa ye7izakon mahi aba qitizako eroos. 
\v 15 Yin as qofa gaar firddane; taanii fettii asallan firddoos. 
\v 16 Taanii firddizebaz maaqqikon ta firddita turo. Akkos gayko, tana kiitteze ta Aday taara yenep attin taanii ta xalaala yezoos. 
\v 17 Lam77i asi markkatitsi turo maaqqizanna yin higgite xaafinttida.\x - \xo 8:17 \xo*\xt Mahe 19:15\xt*\x* 
\v 18 Taanii ta baz ta ommite markkidhane; mahi tana kiitteze ta Aden ta baz markkidhane» yagayda.
\p
\v 19 Un, «Ne aday aba yene?» yagayda.
\p Yesuusa mahi, «Yin tana woy ta Adaya eroos. Tana erizebaz maaqqizako, yin ta Adayan eroda yeshsha» yagayda.
\p
\v 20 Yesuusa Xoozze Keetstsa muxaate bira olize saaxine yeze besite yinno tamaarssida. E qammita hyaga yellikaayze gisho ooden eza aykkikaaya.
\p
\v 21 Mahin Yesuusa unttago, «Ta qitoda; yin tana koyoda, yezin yin yin nagarttira hyayqqoda. Ta qitize bestto qitodes yin dandda7oos» yagayda.
\p
\v 22 Ayhude hyalaquntsi, «E, ‹Ta qitize bestto yin yo7odes dandda7oos› yagayda. E fana faas wodhoda yessane?» yagayda.
\p
\v 23 Yesuusa mahi, «Yin oomoppa; ta afappa. Yin hyanna alamttippa, ta hyanna alamttippa baaya. 
\v 24 Yin yin nagarttira hyayqqoda ga7i ta yinttis ohidanna yinnis. Taanii Tana maaqqizanno yin ammananxiko yin yin nagarttira hyayqqoda» yagayda.
\p
\v 25 Un, «Ne oode?» yaga7i oocida.
\p Yesuusa mahi, «Taanii, tiinoppa yinttis ohide ezii tana. 
\v 26 Taanii yin baz ohi firddize gaama baz yene. Yezin tana kiitteze turo; mahi taanii eeppa si7ezanno xalaala alames ohine» yagayda.
\p
\v 27 Yesuusa fa Adebaz ohizanno un tiirikaaya. 
\v 28 Yinnii gisho, Yesuusa unttago, «Yin As Na7aya ude dhoqi yiize wode Taanii Tana Maaqqizanno yin eroda. Mahin taanii ta adetitsi wolqqara akkon oochchosannon ta Aday tana tamaarssidanno ohizanno yin eroda. 
\v 29 Tana kiitteze taara yene. Ta ubba wode eza ufayssize baz oochchize gisho E tana ta xalaala ashshikaaya» yagayda.
\p
\v 30 Yesuusa yinno ohodera si7eze gaama asuntsi eza ammanida.
\s1 Nagara arotitsappa keze
\p
\v 31 Yesuusan fana ammanide Ayhuduntsago, «Yin ta qaaltte yeziko turii ta tamaaruntsana. 
\v 32 Yin turo eroda; turitan yinttana arotitsappa kessoda» yagayda.
\p
\v 33 Un mahi, «Nu Abrahama kochchi; nu oodesin aridhdhikaaya. Ne wayzi, ‹Yin arotitsappa kessada› ga7e?» yagayda.\x - \xo 8:33 \xo*\xt Maato. 3:9; Luqa. 3:8\xt*\x*
\p
\v 34 Yesuusa mahi, «Ta yinttis turo turo gaane; nagara oochchize ooden nagaras aro. 
\v 35 Aro medhinas kara asara yezoos, yezin na7a medhinas kara asara yezane. 
\v 36 Na7ay yinttana arotitsappa kessiko yin arotitsappa turo kessada. 
\v 37 Yin Abrahama kochchi maaqqizanno ta erane. Yezin ta qaaltta yin gidda baayze gisho tana wodhodes koyane. 
\v 38 Taanii ta Aday tana beezidanno ohine, yezin yinttin yin adeppa be7ezanno oochchane» yagayda.
\p
\v 39 Un mahi, «Nu aday Abrahama» yagayda.
\p Yesuusa unttago, «Yin Abrahama na7untsana maaqqizako E oochchidanno oochchodyeshsha. 
\v 40 Yezin Xoozappa si7eze turtto ohide tana yin wodhodes koyane. Abrahama yinnii gaara yiizikaaya. 
\v 41 Yin, yin aday oochchidanno oochchane» yagayda.
\p Un mahi, «Nuunii olale na7a baaya turii Xoozze na7untsana; nuus fettii Aday Xoozze xalaala yene» yagayda.
\p
\v 42 Yesuusa unttago, «Xoozii turii yinttis aday maaqqizako yin tana kadhodyeshsha; akkos gayko, taanii Xoozze kaleppa yi7ida. Tana E kiittanep attin taanii ta adetits wolqqara yi7ikaaya. 
\v 43 Ta ohizanno yin si7osanna tiiroso? Ta qaaltto yin si7anxide gisho. 
\v 44 Yin, yin aday Xalahe na7a. Mahin yin, yin aday amudhdhizebaz oochchodes koyane. E tiinoppa aykkii shemppo wodhizaya. Turii E gidda baayze gisho E turo ixxane. Worddo ees yeze baz maaqqide gishon E worddos ade maaqqide gisho worddo ohitera faappa ohine. 
\v 45 Ta turito ohine, yezin yin tana ammanoos. 
\v 46 Yinttappa, ‹Ne nagara oochchodera ta bi7ida› gawudes dandda7ize oode? Ta turito ohize baz maaqqiko tana akkos ammanoste? 
\v 47 Xoozze asi maaqqide Xoozii gaazanno si7ine. Yin Xoozze asi maaqqikaayze gisho Xoozii gaazanno si7oos» yagayda.
\s1 Yesuusa Abrahameppa tiino
\p
\v 48 Ayhuduntsi mahi, « ‹Ne Samaara asi; neella tuna ayyaana yene› ga7itera likke nu baane?» yagayda.
\p
\v 49 Yesuusan unttago «Taalla tuna ayyaana baaya. Taanii ta Adaya bonchchane, yezin yin tana leqqane. 
\v 50 Taanii ta bonchcho koyoos; ta bonchchinttode gaar koyzen taas firddize yene. 
\v 51 Ta yinttis turo turo gaane; ta qaaltto naagize ooden hyayqqoos» yagayda.
\p
\v 52 Ayhuduntsi mahi, «Neella tuna ayyaana yezanno nuunii hyatte erida. Abrahama hyayqqida; nabuntsin hyayqqida. Yezin ne, ‹Ta qaaltto naagize ooden hyayqqoos› yagaane. 
\v 53 Ne hyayqqide nu aday Abrahameppa aadhane? Nabuntsin hyayqqida. Ne nena oona ga7i qoppe?» yagayda.
\p
\v 54 Yesuusa, «Taanii tana bonchchiko ta bonchchita hyarii. Yin, ‹Nu Xoozza› gaaze ta Aday E tana bonchchane. 
\v 55 Yin eza eranxikon ta eza erane. Ta eza eroos gayko yin fana taanin worddidhdhane. Yezin ta eza erane; mahi E qaaltton naagane. 
\v 56 Yin aday Abrahama ta ye7ize qammito bi7i ufayttodes amudhdhane; bi7in ufayttida» yagayda.
\p
\v 57 Ayhuduntsi mahi, «Melle atto yezin, nees ichintam bere kumikaayze wayzi Abrahama bi7ida ga7e?» yagayda.
\p
\v 58 Yesuusan unttago, «Ta yinttis turo turo gaane; Abrahama yelinttodannippa tiino Taanii Tana» yagayda.
\p
\v 59 Yinnii gisho, un Yesuusa dhogodes shuchchi ekkida. Yezin Yesuusa unttappa genggii Xoozze keetstsappa kezii qitida.
\c 9
\s1 Yesuusa aafe qooqe maaqqii yelinttide atstsa fatstsida
\p
\v 1 Yesuusa hyanggitera yelinttidannippa aafe qooqe maaqqii yeze fettii atstsa bi7ida. 
\v 2 E tamaaruntsi, «Asttamaarizayo, hyay atstse aafe qooqe maaqqii yelinttode gaar nagara oochchide oode? Ezaane woy eza yeliduntsi oochchido?» ga7i oocida.
\p
\v 3 Yesuusa, «Xoozze oochita eella qonccode gaarap attin ezii woy eza yeliduntsi nagara oochchide gisho baaya. 
\v 4 Sa7a awara yezin tana kiittide oochito oochchodes beezane. Ooden oochchodes dandda7oosse qamma yo7oda. 
\v 5 Ta alamite yezitera alamttis foo7o» gayda.\x - \xo 9:5 \xo*\xt Maato. 5:14; Waha. 8:12\xt*\x*
\p
\v 6 Yesuusa yinno ga7i sa7alla cuttida. Fa cuchchitira eerats sa7a laakitsii yinna looqitira aafe qooqe atstse aafto tizhida. 
\v 7 Yeyzi, «Hyanggi Salihoome (Salihoome ga7inttizanna Kiitinttidaya ga7e) gaaze teqinttide hyaatsite ne aafto matto» yagayda. Yinnii gisho, atstse hyanggi fa aafto mattii bi7itera maaqqida.
\p
\v 8 Dootsuntsin atstse tiino woossodera bi7ide asuntsi, «Hyay bettii woossize atstsa baane?» gayda.
\p
\v 9 Fettii fettii asuntsi, «Hyay eza» yagayda.
\p Melluntsi mahi, «Ade, hyayni eza aazanep attin eza baaya» yagayda.
\p Yezin ezin, «Yee, tana» yagayda.
\p
\v 10 Un eego, «Yeezin ne aafta wayzi bi7ido?» yaga7i oocida.
\p
\v 11 E mahi, «Yesuusa gaaze atstse looqa laakitsii ta aafto tizhii, ‹Salihoome hyanggi ne aafto matto› yaga7in, ta hyanggi mattii bi7ida» yagayda.
\p
\v 12 Un eego, «E aba yene?» yaga7i oocida.
\p Atstsay, «Ta eroos» yagayda.
\s1 Farisaawuntsi hyanidanno erodes koyda
\p
\v 13 Un aafe qooqe yezara, bi7ide atstsa Farisaawuntsago kanggida. 
\v 14 Yesuusa looqa laakitsii atstse aafto fatstside qammita Sambbata. 
\v 15 Yinnii gisho, atstse wayzi be7ezako Farisaawuntsi eza mahi oocida. Atstsay unttago, «E ta aafte looqa tizhida, mattii hyatte be7ine» yagayda.
\p
\v 16 Farisaawuntsappa fete fete, «Hyanno oochchide atstse Sambbata higge naagoosse gisho Xoozze kaleppa yi7ikaaya» yagayda.
\p Yezin melluntsi, «Nagaranchcho asi hyannii gaar kille baz wayzi oochchodes dandda7e?» ga7i wol gidda shaakkinttida.
\p
\v 17 Yinnii gisho, Farisaawuntsi atstsego, «E ne aafto bugide gisho ne ebazito waage?» yagayda.
\p Atstsay, «E nabe» yagayda.
\p
\v 18 Ayhude hyalaquntsi, E intton adayan xeegii oocode wontsis, atstse tiino aafe qooqe maaqqizannon hyatte E be7izanno ammanikaaya. 
\v 19 Un E inttigon E adego, «Yin ‹aafe qooqe maaqqii yelinttida› gaaze yin na7ay hyaya? Yeezin, hyatte wayzi bi7ido?» ga7i oocida.
\p
\v 20 Eza yeliduntsi, «Hyay nu na7a maaqqidannon aafe qooqe maaqqii E yelinttidanno nu erane. 
\v 21 Yezin hyatte E wayzi be7ezako mahi E aafto oode fatstsezako nu eroos. Eza oocote. E fana shaakkide asi maaqqide gisho fa baz ohodes dandda7ane» yagayda. 
\v 22 Eza yeliduntsi yinno gaydanna Ayhuduntsis zhashtize gisho. Akkos gayko, Ayhuduntsi, Yesuusa E Kiristtoosa yaga7i markkidhize asi yeziko ye atstsa Ayhude woosa keetstsappa bay7odes tiinii zore accida. 
\v 23 Eza yeliduntsi, «E fana shaakkide asi; eza oocote» yagaydanna yinnisi.
\p
\v 24 Yinnii gisho, qooqe maaqqii yelinttide atstsa un lam7intsa xeegii, «Xoozza bonchcho; hyay atstsay nagaranchcho maaqqidanno nu erane» yagayda.
\p
\v 25 Atstsay mahi, «E nagaranchcho maaqqizanno ta eroos. Ta qooqe maaqqidannon hyatte bi7idanno yinno fettii baz erane» yagayda.
\p
\v 26 Un mahi, «E nees akko baz oochchido? E ne aafto wayzi fatstsido?» yagayda.
\p
\v 27 E unttago, «Ta yinttis tiino ohida, yezin yin si7odes koykaaya. Akkos mahi si7odes koye? Yinttin E tamaare maaqqades koyanene?» yagayda.
\p
\v 28 Un eza cazhiter yagayda, «Ne ye atstse tamaare; nuunii Muse tamaare. 
\v 29 Xoozii Musera ohinttidanno nu erane, yezin hyay atstse E anappa ye7ezakon nu eroos» yagayda.
\p
\v 30 Atstsay unttago, «E anappa ye7ezako yin erosanna gaama qofize baz, maaqqikon E ta aafto fatstsida. 
\v 31 Xoozzes zhashtizan E koyze baz oochchize atstsa Xoozii si7inep attin nagaranchchuntsana si7oos. 
\v 32 Salon sa7a medhinttidannippa aafe qooqe maaqqii yelinttide as aafe fatstside ooden baaya. 
\v 33 Hyay atstse Xoozappa maaqqikaayzako fettibazin oochchodes dandda7oos» yagayda.
\p
\v 34 Un mahi, «Ne kumutsi medhintte nagarar yelintti diccize nuna tamaarssodes koyane?» yagayda. Eza Ayhude woosa keetstsappa bay7ida.
\s1 Wozina qooqe
\p
\v 35 Yesuusa un atstsa bale kessidanno si7ide wode eza denggi, «As Na7aya ammanane?» yaga7i oocida.
\p
\v 36 Atstsay Yesuusago, «Laatstso, ta eza ammanode gaar E oode? Taas ohoya?» yagayda.
\p
\v 37 Yesuusa atstsego, «Ne eza bi7ida; hyay neera ohinttize eza» yagayda.
\p
\v 38 Atstsay mahi, «Laatstso, ta ammanane» yaga7i Yesuusas goynida.
\p
\v 39 Yesuusa, «Qooqunts be7ade gaaran be7izuntsi qooqode gaar taanii firddodes hyanna alamite yi7ida» yagayda.
\p
\v 40 Ezara yeze eerats Farisaawuntsi yinno si7i, «Nu qooqene?» yagayda.
\p
\v 41 Yesuusa, «Yin qooqe maaqqizako yinttis nagara maaqqoos yeshsha. Yezin hyatte yin be7ine gaaze gisho yin, yin nagarite yene» yagayda.
\c 10
\s1 Yesuusa lo77o wude ade
\p
\v 1 Yesuusa, «Ta yinttis turo turo gaane; duro kales furtstsara maaqqikaayzin melle bessara gelize ooden kayzon faannon. 
\v 2 Yezin furtsara gelize ezii duruntsana yenggizaya. 
\v 3 Furtsito naagize ees furtsito bugane; duruntsin E qaaltto si7ine. E fa duruntsana un suntsitira suntsitira xeegane; unttana kaalitsi bale kessane. 
\v 4 E fa duruntsana ubba bale kessidannippa maaqqii unttap tiinor yedhdhane. Un E qaaltto erize gisho eza kaallane. 
\v 5 Melle qaala un eroosse gisho eeppa hyaakkanep attin eza kaalloos» yagayda.
\p
\v 6 Yesuusa unttis hyanna aazizito ohida, yezin E akko ga7ezakon un tiirikaaya.
\p
\v 7 Mahi Yesuusa unttago, «Ta yinttis turo turo gaane; taanii duruntsis furtsi. \fig Duro Duro Kalen Yenggizayan |alt="Sheep in sheepfold with shepherd" src="LB00014B.TIF" size="span" ref="10:7"\fig* 
\v 8 Taappa tiino ye7eze ubba kayzon faannop, attin duruntsi unttana si7ikaaya. 
\v 9 Furtsize tana; ta baggara gelize ooden attoda. E ta baggara gelodan kessada; lo77o yengginttize bessi demmada. 
\v 10 Kayzo kaystodes, shukkodesin dhabsodes ye7inep attin mellebazis ye7oos. Ta unttis de7o yessade gaaran gaanggode gaar yi7ida.
\p
\v 11 «Ta lo77o wude ade; lo77o wude adaya fa duruntsi gisho fa shemppito aatsii inggane. 
\v 12 Kira yenggize atstse duruntsis ade maaqqikaayze gisho suudhume ye7ize wode bi7i duruntsana ashshii woxxane. Yinnii gisho, suudhume duruntsana bonqane duruntsin lanttane. 
\v 13 Kira yenggizay miishes yenggize gishon duruntsbaz ees sinttoosse gisho duruntsana ashshii woxxane.
\p
\v 14-15 «Ta lo77o wude ade. Ta Aday tana erzanni fana taanin ta Adaya erane. Yinnii fana, taanii ta duruntsana erane; ta duruntsin tana erane. Taanii ta duruntsi gisho ta shemppito aatsii inggane.\x - \xo 10:14-15 \xo*\xt Maato. 11:27; Luqa. 10:22\xt*\x* 
\v 16 Hyanna kaltte baayze melle duruntsi taas yene. Ta unttana ko7odes beezane. Un ta qaaltto si7oda; un fettii wude maaqqada; yenggizayin fetto.
\p
\v 17 «Taanii ta shemppito aatsii inggi mahi ekkize gisho ta Aday tana kadhane. 
\v 18 Ta qofar ta shemppito aatsii ingganep attin taappa ooden ekkoos. Ta ta shemppito aatsii inggodesin mahi ekkodes adetits wolqqa taas yene. Ta oochchode gaar ta Aday tana kiittezanna hyanno» yagayda.
\p
\v 19 Yinna E gayde qaaltti gisho Ayhuduntsi gidda mahi dummatitsi medhinttida. 
\v 20 Unttappa gaamuntsi, «E gidda tuna ayyaana yene! E zhaashitane! E gaazanno akkos si7e?» yagayda.
\p
\v 21 Melluntsi mahi, «Xalahe aykkide asi ohinttize fana baaya. Xalahe qooqe aafe bugodes dandda7anene?» yagayda.
\s1 Yesuusa As Na7a
\p
\v 22 Yerusalaame Xoozze Keetsito geeshide qammito bonchchize ba7ale yellida; sa7ita barggo. 
\v 23 Yesuusa Xoozze Keetstsa Solomone furtstsara goden hyankka hyanttane. 
\v 24 Ayhuduntsi Yesuusa kale eqqii, «Ne nuna ayde yellodes so7era gam7isade? Ne Kiristtoosa maaqqiko ane nuus geeshi oho» yagayda.
\p
\v 25 Yesuusa mahi unttago, «Ta yinttis ohida; yezin tana ammananxida. Taanii ta Aday suntsite oochchize oochita ta baz markkidhane. 
\v 26 Yezin ta yinttis ohidanni gaara yin ta duro maaqqikaayze gisho ammananxida. 
\v 27 Ta duruntsi ta qaaltto si7ine. Ta unttana erane; unttin tana kaallane. 
\v 28 Ta unttis medhina de7o inggane; un mulon dhaboos. Ooden ta kushtippa unttana bonqoos. 
\v 29 Unttana taas inggide ta Aday ubbappa aadhane\f + \fr 10:29 \fr*\fk Ta Aday ubbappa aadhane: \fk*\ft Fettii fettii zaga maxaafuntsi, «Ta Aday taas inggide un ubbappa aadhane» yagayda. \ft*\f* Ooden ta Aday kushtippa unttana bonqii ekkodes dandda7oos. 
\v 30 Taanin ta Adayin fetto» yagayda.
\p
\v 31 Ayhuduntsi Yesuusa dhogodes mahi shuchchi dentsida. 
\v 32 Yesuusa unttago, «Taanii oochchode gaar ta Aday taas inggide gaama lo77o oochito yinttana oochchii beezida. Yentsesappa aaye gisho tana shuchchara dhogodes koye?» yagayda.
\p
\v 33 Ayhuduntsi mahi, «Nu nena ne lo77o oochiti gisho shuchchar dhogodes koyoos. Yezin ne Xoozza cazhize gishon as maaqqitera ne nena Xooz mahize gisho» yagayda.\x - \xo 10:33 \xo*\xt Leewe 24:16\xt*\x*
\p
\v 34 Yesuusa mahi, «Yin higgite, ‹Ta, Yin xoozuntsana gayda› ga7i xaafinttika?\x - \xo 10:34 \xo*\xt Maz. 82:6\xt*\x* 
\v 35 Geeshi Maxaafe medhinas laaminttoos. Xoozii fa qaaltto inggide asuntsana, ‹xoozuntsana› ga7i xeegiko, 
\v 36 Aday doorii anjjii hyanna alamite kiittide tana ‹Xoozze Na7a› gayde gisho wayzi ‹Xooz cazhane› yaga7e? 
\v 37 Taanii ta Aday oochchizanno oochanxiko tana ammanippete. 
\v 38 Yezin taanii oochchiza maaqqiko yin tana ammananxikon, ta Aday ta gidda yezannon taanin ta Aday gidda yezanno yin erode gaar qoppode gaar ta oochito ammanote» yagayda.
\p
\v 39 Yikke mahi un eza aykkodes koyda, yezin E un kushtippa kezida.
\p
\v 40 Wahannisa tiino xammaqize besite, Yorddaanosa borkkappa seko fintsa Yesuusa fiinggi yeyga yezida.\x - \xo 10:40 \xo*\xt Waha. 1:28\xt*\x* 
\v 41 Gaama asuntsi Yesuusago yi7i, «Wahannisa melle atto yezin fettii kille bazin oochchikaaya, yezin E hyay atstsebaz ohidanna ubba turo» yagayda. 
\v 42 Ize gaama asuntsi Yesuusa ammanida.
\c 11
\s1 Alaazare hyayqo
\p
\v 1 Bitaaniya guta Alaazare gaaze fettii asi hyargginttida. Bitaaniya Mayramiran I mishta Martta yeze sa7a.\x - \xo 11:1 \xo*\xt Luqa. 10:38-39\xt*\x* 
\v 2 Mayrama Laatstse tohitilla shitto tizhii fa ommitira E tohito uccidanno. Hyargginttize I ishe Alaazare.\x - \xo 11:2 \xo*\xt Waha. 12:3\xt*\x* 
\v 3 Yinnii gisho, mishuntsi, «Laatstso, ne kadhize nu ishe hyargginttida» ga7i Yesuusago kiittida.
\p
\v 4 Yesuusa yinno si7ide wode «Hyanna hyarggita, Xoozze Na7ay bonchchitode gaaran Xoozze bonchchosp attin hyayqos yeltsize hyargge baaya» yagayda.
\p
\v 5 Yesuusa Marttan, I mishito Mayramon Alaazaren kadhane. 
\v 6 Yezin Alaazare hyargginttidanno Yesuusa si7i fa yeze besite lam77i qamma aqida. 
\v 7 Yinnippa maaqqii, Yesuusa fa tamaaruntsago, «Maaqqii Yihuda sa7a yedhdhote» yagayda.
\p
\v 8 E tamaaruntsi mahi, «Asttamaarizayo, eerats wodeppa tiino Ayhuduntsi nena shuchchar dhogii wodhodes koyda; hyatten ize hyanggodane?» yagayda.
\p
\v 9 Yesuusa, «Fettii awa taphpho lam77i saate baane? Awarara yedhdhize asi hyanna alame foo7ito be7ize gisho dhubinttoos. 
\v 10 Yezin qamma yedhdhize ooden foo7o baayze gisho dhubinttane» yagayda. 
\v 11 Yesuusa yinno gaydannippa maaqqii unttago, «Nu kadhize Alaazare genttida, yezin eza dentsodes ta hyammada» yagayda.
\p
\v 12 E tamaaruntsi mahi, «Laatstso, E genttezebaz maaqqiko denddoda» yagayda.
\p
\v 13 Yesuusa Alaazare hyayqqidanno ohida, yezin unttis cer gentto aazida. 
\v 14 Yinnii gisho, Yesuusa geeshi unttago, «Alaazare hyayqqida. 
\v 15 Yin ammanode fana ta yinna besite baayzanna yin gisho ufayssane. Ane yedhdhote; eego hyammada» yagayda.
\p
\v 16 Yinnippa maaqqii, Didimoosa\f + \fr 11:16 \fr*\fk Didimoosa: \fk*\ft Gaazanna mentte ga7e.\ft*\f* ga7inttize Toomaasa fa lagge tamaaruntsago, «Eera hyayqqodes nuusin yedhdhote» yagayda.
\s1 Yesuusa denddon de7o
\p
\v 17 Yesuusa yellize wode Alaazare mooginttin oyddii qamma maaqqida. 
\v 18 Bitaaney Yerusalaameppa hyaydzdzii kilo mitire gaar hyaakkane. 
\v 19 Gaama Ayhudunts Marttan Mayramon un ishe hyayqqidannis mintsitsodes yi7ida.
\p
\v 20 Martta Yesuusa yi7idanno si7i eza mokkodes kezida, yezin Mayrama keetstsa attida. 
\v 21 Martta Yesuusago, «Laatstso, ne hyanne yeze baz maaqqizako ta ishe hyayqaamyeshsha. 
\v 22 Yezin hyatte maaqqikon ne woossize baz Xoozii nees inggodanno ta erane» yagayda.
\p
\v 23 Yesuusa, «Ne ishe hyayqoppa denddoda» yagayda.
\p
\v 24 Martta eego, «Wurssutsi qamma E hyayqoppa denddodanno erane» yagayda.
\p
\v 25 Yesuusa iigo, «Taanii denddon de7on; tana ammanze ooden hyayqikon de7o yessada. 
\v 26 Mahi de7o maaqqiden tana ammanze ooden medhinas hyayqqoos. Yinno ne ammanane?» yagayda.
\p
\v 27 Martta mahi, «Laatstso, yee ta ammanane! Ne Xoozze Na7a, alame yo7odes yeze Kiristtoosa maaqqidanno ta ammanane» yagayda.
\p
\v 28 Martta yinno gaydannippa maaqqii, hyanggi fa mishto aachintti xeegii, «Asttamaarize yi7i nena xeegane» yagayda. 
\v 29 Mayrama yinno si7ide wode ellisii denddii eqqii Yesuusago hyanggida. 
\v 30 Ye wode Yesuusa Marttara yellinttide besite yene; hyaga kara gancce yellikaaya. 
\v 31 Mayramo mintsitsiter iira keetstsa yeze Ayhuduntsi, iza denddii eqqii ellisii bale kezidanno bi7i, booza hyanggi yeekkodes yi7iza aazin izo kaallii kezida.
\p
\v 32 Mayrama Yesuusa yeze besito hyanggi eza bi7ide wode E tohitilla gol7i, «Laatstso, ne hyanne yeze baz maaqqezako ta ishe hyayqqaam yeshsha» yagayda.
\p
\v 33 Yesuusa Mayramiran iira yeze, Ayhuduntsi yeekkizanno bi7i, fa wozintte gaama yiqsinttii, 
\v 34 «Aba moogido?» ga7i oocin, «Laatstso, yi7i bo7o» yaga7i mahida.
\p
\v 35 Yesuusa afuxxida. 
\v 36 Yinnii gisho, Ayhuduntsi, «E Alaazare akko gaar kadhezako bo7ote» yagayda.
\p
\v 37 Yezin unttappa fete fete, «Hyay qooqize aafto bugide hyay atstse hyayqqaame gaar yissades dandda7oso?» yagayda.
\s1 Yesuusa Alaazare hyayqoppa dentstsida
\p
\v 38 Mahi Yesuusa yiqsinttii, Alaazare mooginttide boozttigo hyanggida. Boozttan shuchchara keellinttide wom7o. 
\v 39 Yesuusa, «Shuchchito dentstsote» yagayda.
\p Martta, «Laatstso, E hyayqqidannippa hyayno oyddii qamma maaqqide gisho hyatte zeeqqoda» yagayda.
\p
\v 40 Yesuusa Marttago, «Ne ammanzebaz maaqqiko Xoozze bonchcho bo7odanno ta nees ohika?» yagayda. 
\v 41 Un boozitilla yeze shuchchito dentsin Yesuusa salo ude bi7i, «Adayo, tana ne si7eze gisho nena galatane. 
\v 42 Ne ubba wode tana si7izanno ta erane. Yezin hyanne eqqide asuntsi ne tana kiittezanno ammanode gaar ta un gisho hyanno gaane» yagayda. 
\v 43 Yesuusa yinno gaydannippa maaqqii, fa qaaltto dhoqi yiizii, «Alaazare, ude kezo!» yagayda. 
\v 44 Hyayqqide atstse ziidhinttidannira kushitan tohito shalora acinttii yezin E aafta goozinttidannira boozttippa kezida. Yesuusa unttana, «Billote! Yedhdho ga7o!» yagayda.
\s1 Kiristtoosalla zorinttida
\r (Maato. 26:1-5; Mar. 14:1-2; Luqa. 22:1-2)
\p
\v 45 Yinnii gisho, Mayramigo yi7ide Ayhuduntsappa gaamuntsi Yesuusa oochchidanno bi7i eza ammanida. 
\v 46 Yezin unttappa fete fete Farisaawuntsago hyanggi Yesuusa oochchidanno unttis ohida. 
\v 47 Yinnippa maaqqii, kahinunts hyalaquntsin Farisaawuntsi shanggos shiishii, «Hyay atstse gaama kille baz oochchize gisho nu akko oochcho? 
\v 48 Nu eza cer ashshiko asi ubba eza ammanoda. Mahi Roome sa7a asuntsi yi7i nu Xoozze Keetsiton nu bagguntsana dhabsoda» yagayda.
\p
\v 49 Unttappa fete Qayyaafa gaaze, yinna berite kahinunts hyalaqa maaqqide, «Yin akkon eroos! 
\v 50 Worzha ubba dhabodannippa fettii asi worzhiti gisho hyayqqodanna lo77o maaqqizanno erosa?» yagayda. 
\v 51 E yinno faappa gaykaaya. Yezin yinna berite kahinunts hyalaqa maaqqide gisho Yesuusa Ayhude asunts gisho hyayqqodes beezanno tinbbite ohida. 
\v 52 Mahi Yesuusa Ayhude asuntsi xalaalas maaqqikaayzin lalinttii yeze Xoozze as ubba fettilla shiishodesin fettii asi mahodes hyayqqoda.
\p
\v 53 Yinna qammitippa aykkii un eza wodhodes zorinttida. 
\v 54 Yinnii gisho, Yesuusa Ayhuduntsi gidda qoncce bessa hyanttikaaya. Yezin akko baayze sa7a kale yeze Efreeme guta qitida. Fa tamaaruntsara yinna besite gam7ida.
\p
\v 55 Ayhuduntsi bonchchize Faasiga qamma ukkida. Mahi gaama asuntsi fana geeshodes Faasiga bonchchize qamma yellodannippa tiino yinna sa7itippa Yerusalaame qitida. 
\v 56 Un Xoozze Keetstsa eqqii Yesuusa ye7ito naagize gisho «Akko qoppe? Yesuusa ba7ale bonchchodes ye7am yessane?» yaga7i fete feta oocida. 
\v 57 Kahne hyalaquntsin Farisaawuntsi Yesuusa aykkodes, E yeze bestto erize ooden faas mallode fana kiittida.
\c 12
\s1 Yesuusa shitto tizhide maachito
\r (Maato. 26:6-13; Mar. 14:3-9)
\p
\v 1 Faasiga bonchchize izipun qammappa tiino, Yesuusa hyayqoppa dentstside Alaazare yeze guta, Bitaaniya hyanggida. 
\v 2 Yinna besite un ees kawo giigizida. Alaazare Yesuusara wolla leematella bettezin Martta unttis kiitinttane. 
\v 3 Mayrama narddoosa gaaze gaama al77o geeshi shitto ki7i Yesuusa tohitilla gussida. Fa ommitira E tohito uccida; keetsite ubba shitto sawora tonkku gayda.\x - \xo 12:3 \xo*\xt Luqa. 7:37-38\xt*\x*
\p
\v 4 Yezin Yesuusa tamaaruntsappa fete, Yesuusa aatsii inggodes yeze, Asqorootu Yihuda, 
\v 5 «Hyanna shittita hyaydzdzii xeet dinaares bayzinttii, miishita dahuntsis ingginttosa?» yagayda. 
\v 6 E kayzo maaqqide gisho yinno gaydap attin dahas yiqsinttii gaykaaya. E bira aykkiza maaqqide gisho ubba wode iippa faas ekkane.
\p
\v 7 Yesuusa, «Iza faas yeze baz ta mooginttize qammas minjjide gisho izo ashshii ashshote. 
\v 8 Dahuntsi ubba wode yinttara yessada, yezin ta ubba wode yinttara yezoos» yagayda.\x - \xo 12:8 \xo*\xt Mahe 15:11\xt*\x*
\p
\v 9 Ye wode gaama asuntsi Yesuusa Bitaaniya yezanno si7i ize yi7ida. Un Yesuusa xalaala maaqqikaayzin E hyayqoppa dentside Alaazaren be7ades yi7ida. 
\v 10 Yinnii gisho, kahinunts hyalaquntsi Alaazaren gujjii wodhodes zorinttida. 
\v 11 Akkos gayko, Alaazare baggara gaama Ayhuduntsi unttana ixxii Yesuusa ammanze gisho.
\s1 Yesuusa bonchchora Yerusalaame gelida
\r (Maato. 21:1-11; Mar. 11:1-11; Luqa. 19:28-40)
\p
\v 12 Wonttisti wode Faasiga bonchchize besite ye7ize gaama asuntsi Yesuusa Yerusalaame yi7izanno si7i, 
\v 13 Qiile hyaye ekkii eza mokkodes kezida. Un fa qaaltto dhoqi yiizii,
\q1 «Hosaana!
\q2 Laatstse suntsite ye7ize!
\q2 Isra7eele Kaati anjjintto!»
\m yagayda.\x - \xo 12:13 \xo*\xt Maz. 118:25-26\xt*\x*
\p
\v 14-15 Geeshi Maxaafite,
\q1 «Xiyoone katamite, zhashtippe!
\q2 Yikke, ne Kaatize hyare na7alla bettii yi7ida»
\m gaynttidanni fana Yesuusa hyare na7a denggi eza toggida.\x - \xo 12:14-15 \xo*\xt Zakka. 9:9\xt*\x*
\p
\v 16 Yesuusa tamaaruntsi yinno tiino tiirikaaya. Yezin Yesuusa bonchchinttidannippa suuba un yinno ubba tiirida. Yinna ubba Geeshi Maxaafta gaydannigaara hyanida.
\p
\v 17 Yesuusa Alaazare boozappa xeegii, hyayqoppa dentside wode eera yeze gaama asuntsi Yesuusa baz markkidhida. 
\v 18 Gaama asuntsi eza mokkodes kezide, E yinna kille bazito oochchezanno si7ide gisho. 
\v 19 Yinnii gisho, Farisaawuntsi fete fetego, «Nu akkon oochchodes dandda7oosanno bo7ote; worzhita ubba eza kaallida» yagayda.
\p
\v 20 Faasiga bonchchize wode goynodes Yerusalaame hyanggezunts gidda fettii fettii Girike asuntsi yene. 
\v 21 Unttin Galila sa7a Beetesayda katamappa yi7ide Filphoosago yi7i, «Laatstso, nuunii Yesuusa be7ades koyane» yaga7i woossida. 
\v 22 Filphoosa hyanggi Inddiriyases ohin lam77untsi hyanggi, Yesuusas ohida.
\p
\v 23 Yesuusa unttago, «As Na7ay, bonchchinttize wode yellida. 
\v 24 Ta yinttis turo turo gaane; fettii zarga aafe sa7a wodhdhii dolanxiko faas attane. Yezin ye zarga aafize doliko gaama aafe aafane. 
\v 25 Fa shemppito kadhize ooden dhabssane; fa shemppito hyanna alamite ixxize ooden medhina de7oos naagane.\x - \xo 12:25 \xo*\xt Maato. 10:39; 16:25; Mar. 8:35; Luqa. 9:24; 17:33\xt*\x* 
\v 26 Ta yeze besite taara yessade gaar taas oochchodes koyeze ooden tana kaallodes beezane. Taas oochchiza oonan ta Aday bonchchoda.
\s1 Yesuusa fa hyayqitibaz tiinii ohida
\p
\v 27 «Hyatte ta shemppita gaama un77inttida; yeezin waago? ‹Ta Adayo, tana hyanna saattippa ashsho› yagawune? Ade, ta yi7idanna hyanna madha saatis. 
\v 28 Ta Adayo, ne suntsito bonchcho» yagayda.
\p Ye wode saloppa, «Taanii ta suntsito bonchchida; mahin bonchchoda» yagaaze qaala yi7ida.
\p
\v 29 Yinna besite eqqide gaama asuntsi yinna qaaltto si7i, «Yinna dada dhoge» yagayda.
\p Melluntsi mahi, «Kiitanchcho ees ohida» yagayda.
\p
\v 30 Yesuusa mahi unttago, «Hyay ootsize yin gisho yi7idap attin ta gisho baaya. 
\v 31 Hyanna alamita firddinttize wodita hyatte; hyanna alamito ahize kaatize hyatte bale olinttoda. 
\v 32 Mahi ta sa7appa dhoqi dhoqi gayde wode as ubba taago ko7oda» yagayda. 
\v 33 E yinno gaydanna akko gaar hyayqo hyayqqodyezako unttis qonccissades.
\p
\v 34 Gaama asuntsi mahi, «Nu higgita Kiristtoosa medhina yezanno ohine. Yeezin, ne waaga7i, ‹As Na7ay dhoqi dhoqi gawudes beezane› ga7e? ‹E, As Na7ay oode?› » yagayda.\x - \xo 12:34 \xo*\xt Maz. 110:4; Isa. 9:7; Hiz. 37:25; Dane. 7:14\xt*\x*
\p
\v 35 Yesuusa, «Foo7o yinttara eerats wode gam77oda. Yinttis dhumaame gaar foo7o yezin, foo7ite hyanttote. Dhuma yedhdhize asi ana qitizako eroos. 
\v 36 Foo7o na7untsana maaqqade gaar foo7o yezin foo7iza ammanote» yagayda.
\s1 Ayhuduntsi ammanikaaya
\p Yesuusa yinno ohidannippa maaqqii hyanggi unttappa genggida. 
\v 37 E yinnii fana kille baz un tiino oochchinin ammanikaaya. 
\v 38 Nabe Isayaasa,
\q1 «Laatstso, nu markkatitsito oonii ammanide?\x - \xo 12:38 \xo*\xt Isa. 53:1\xt*\x*
\q2 Laatstse fa wolqqito oos qonccizido?»
\m Gaydanna turo maaqqade fana un eza ammanikaaya.
\p
\v 39-40 Mahin Isayaasa,
\q1 «un aafta be7aame gaar,
\q2 un wozintta tiiraame gaar,
\q2 un Xoozago maaqqin, E unttana fatstsaame gaar,
\q2 Xoozii un aafto qooqizida.
\q2 Un wozintta minggida»
\m gayde gisho un ammanodes dandda7ikaaya.\x - \xo 12:39-40 \xo*\xt Isa. 6:10\xt*\x*
\p
\v 41 Isayaasa yinno gaydanna, Yesuusa bonchchito bi7ide gishone ebazin ohide gisho.
\p
\v 42 Maaqqikon, Ayhude hyalaquntsappa gaamuntsi Yesuusa ammanida. Yezin Farisaawuntsi fana Ayhuduntsi woosa keetstsappa kessoda ga7i zhashtide gisho ammanida ga7i qoncce markkidhikaaya. 
\v 43 Yinno un oochchide, Xoozze bonchchoppa aadhii as bonchcho kadhide gisho.
\p
\v 44 Yesuusa fa qaaltto dhoqi yiizii, «Tana ammanze ooden tana kiittezan ammananep attin tana xalaala ammanoos. 
\v 45 Tana be7ize ooden tana kiittezan be7ine. 
\v 46 Tana ammanze ubba dhuma yezaame fana ta foo7o maaqqii alame yi7ida. 
\v 47 Ta qaaltto si7i kiitinttoosa oonan ta firddoos. Akkos gayko, ta alamito ashshodes yi7idap attin firddodes yi7ikaaya. 
\v 48 Tana ixxizayan ta qaaltto ekkoossa oonan firddize yene. Ta ohide qaaltta wurssutsi qamma ye atstsa firddoda. 
\v 49 Akkos gayko, ta yinno taappa ohoos, yezin tana kiitteze ta Aday ta gawudannon ohodanno kiittida. 
\v 50 Mahi E kiittan medhina de7o maaqqidanno ta erane. Yinnii gisho, ta ohizanna ta Aday taas ohidanno» yagayda.
\c 13
\s1 Yesuusa fa tamaarunts tohito meeccida
\p
\v 1 Faasiga bonchchize qammita yellodannippa tiino hyanna alamito ashshii Adego qitize wode yellidanno Yesuusa erane. Hyanna alamite yeze fa asuntsana ubba wode kadhane; wurssutsi yellodes unttana kadhane.
\p
\v 2 Yesuusaran E tamaaruntsara wolla kawo muune. Yinnippa tiino Xalahe Simoona na7a Asqorootu Yihuda Yesuusa aatsii inggodegaara E wozintte iita qofa gaddida. 
\v 3 Yesuusa Aday ubbabazito E kushite gaddidanno, E Xoozze kaleppa yi7idannon maaqqii eego uddodanno erane. 
\v 4 Yesuusa kawoppa denddii kattara yeze ma7ito qaarii gaddii, afula lodo ekkii fa qazintte danccida. 
\v 5 Yinnippa maaqqii, hyaatsi gabate faqii, fa tamaaruntsi tohito meeccida; mahi fa qazintte danccide afula lodora uccida.
\p
\v 6 Yesuusa Simoon Phexiroosago yellide wode Phexiroosa, «Laatstso, ne ta tohito meeccodaane?» yagayda.
\p
\v 7 Yesuusa mahi eego, «Ta oochchizanno ne hyatte eroos, yezin suubappa tiiroda» yagayda.
\p
\v 8 Yeezin, Phexiroosa, «Ne ta tohito medhinas meecaama» yagayda.
\p Yesuusa eego, «Ta ne tohito meeccanxxiko neesin taas fettetitsi baaya» yagayda.
\p
\v 9 Phexiroosa Yesuusago, «Laatstso, yeezako, ta tohito xalaala maaqqikaayzin ta kushiton ta ommiton ubba meecco» yagayda.
\p
\v 10 Yesuusa mahi, «Galla mattinttide ooden toheppa mellebaz mattinttodes beezoos; ees ubba galtta geeshi. Yin geeshi, yezin ubbuntsi geeshi baaya» yagayda. 
\v 11 Yesuusa fana aatsii immade atstse oona yezako erize gisho «Yin ubbuntsi geeshi baaya» yagayda.
\p
\v 12 Un tohito meeccidannippa maaqqii Yesuusa fa ma7ito mahi ma77ida. Maaqqii un gidda bettii unttago, «Taanii yinttis oochchidanno tiirane?\x - \xo 13:12-15 \xo*\xt Luqa. 22:27\xt*\x* 
\v 13 Yin tana asttamaaren Laatstsin gaane; taanii yin gaazanni fana maaqqide gisho lo77o gayda. 
\v 14 Ta yinttis Laatstsin asttamaare maaqqitera yin tohito meecciko yinttin fete fetes yinnii gaara oochchodes beezane. 
\v 15 Yikke, ta yinttis oochchidanni gaar yinttin oochchode gaar ta yinttis aazize inggida. 
\v 16 Ta yinttis turo turo gaane; aro fa laatstseppa, kiitinttizen kiittideppa aadhoos.\x - \xo 13:16 \xo*\xt Maato. 10:24; Luqa. 6:40; Waha. 15:20\xt*\x* 
\v 17 Yin yinno erii oochchiza maaqqiko anjjinttiduntsana.
\p
\v 18 «Ta yin ubbuntsana ga7oos; ta dooriduntsana ta erane. Yezin Geeshi Maxaafite, ‹Ta booriza muyde taalla denddida› ga7inttidanna turo maaqqades beezane.\x - \xo 13:18 \xo*\xt Maz. 41:9\xt*\x* 
\v 19 Taanii tana maaqqizanno yin ammanode gaar yinna hyanodannippa tiino yinttis ohine. 
\v 20 Ta yinttis turo turo gaane; ta kiittide atstsa mokkize tana mokkane. Tana mokkize ooden tana kiitteza mokkane» yagayda.\x - \xo 13:20 \xo*\xt Maato. 10:40; Mar. 9:37; Luqa. 9:48; 10:16\xt*\x*
\s1 Yesuusa fana aatsii inggode oona yezako tiinii ohida
\r (Maato. 26:20-25; Mar. 14:17-21; Luqa. 22:21-23)
\p
\v 21 Yesuusa yinno ohidannippa maaqqii fa wozintte gaama un77intti, «Ta yinttis turo turo gaane; tana yinttappa fete aatsii inggoda» ga7i qonccizi ohida.
\p
\v 22 E ohidanna tamaaruntsis erinttanxin wol bi7ida. 
\v 23 E tamaaruntsappa fete, Yesuusa kadhize, Yesuusa kale bettida. 
\v 24 Yinnii gisho, Simoon Phexiroosa eza mallii, «E oona gaazako ane ooco» yagayda.
\p
\v 25 Yinnii gisho, ye tamaarize Yesuusago shiiqii, «Laatstso, E oode?» yagayda.
\p
\v 26 Yesuusa mahi, «Ta boora baxxi tushii baarsizaya» yagayda. Mahin boora baxxi ekkii, tushii, Simoona na7ays Asqorootu Yihudas inggida. 
\v 27 Yihuda booriza baaridannippa maaqqii Xalahe iira Yihuda gidda gelida. Yesuusa eego, «Ne oochchodes qoppezanno ellisii oochcho» yagayda. 
\v 28 Yezin betteezuntsappa ooden Yesuusa yinno akkos eego ga7ezako erikaaya. 
\v 29 Yihuda bira aykkize gisho eza tamaaruntsappa fete fete Yesuusa eza, «Faasiga bonchchize qammas faas beezize baz wonggo woy dahuntsi muxaate inggo gayda» yaga7i qoppida.
\p
\v 30 Yihuda booriza ekkide fana iira bale kezida. Ye wode sa7ita qamma.
\s1 Kille kiita
\p
\v 31 Yihuda bale kezidannippa maaqqii, Yesuusa, «Hyatte As Na7ay bonchchinttida; Xoozin E baggara bonchchinttida. 
\v 32 Xoozii E baggara bonchchinttin E fa ommite As Na7aya bonchchoda; mahi E yinno ellisii yiissada. 
\v 33 Ta na7untso, ta yinttara gaama wode gam77oos. Yin tana koyoda, yezin ta Ayhuduntsis ohizanni gaar, ‹Yin taanii qitide bestto yo7odes dandda7oos.›\x - \xo 13:33 \xo*\xt Waha. 7:34\xt*\x* 
\v 34 Ta yinttis inggize kille kiitta hyanno; fete feta kadhote. Ta yinttana kadhidannifana yin fete feta kadhodes beezane.\x - \xo 13:34 \xo*\xt Waha. 15:12, 17; 1 Waha. 3:23; 2 Waha. 5\xt*\x* 
\v 35 Yin fete fetera kadhinttiko yin ta tamaaruntsana maaqqizanno asi ubba yinne eroda» yagayda.
\s1 Phexiroosa kaddodanno Yesuusa tiinii ohida
\r (Maato. 26:31-35; Mar. 14:27-31; Luqa. 22:31-34)
\p
\v 36 Simoon Phexiroosa Yesuusago, «Laatstso, ne aba qite?» yagayda.
\p Yesuusa mahi, «Ta qitize bessa ne hyatte kaallodes dandda7oos, yezin suubappa tana kaalloda» yagayda.
\p
\v 37 Phexiroosa, «Laatstso, ta nena hyatte kaallodes akkos dandda7osa? Ta ne gisho hyayqqodesin giigii bettida» yagayda.
\p
\v 38 Yesuusa mahi, «Ta gisho hyayqqodes turo giigii bettida? Ta nees turo turo gaane; lukule uukkodannippa tiino ne tana hyaydzdzii tohe kaddoda» yagayda.
\c 14
\s1 Yesuusa Adego kuddize oge
\p
\v 1 Yesuusa fa tamaaruntsago, «Yin wozintta yirggippe, Xoozza ammanote, tanan ammanote. 
\v 2 Ta Aday keetstsa gaama bessi yene. Ta yinttis bessi giigissades qitane. Yinna baayzako ta yinttis ohod yeshsha. 
\v 3 Ta uddii bessi giigizidannippa suuba ta yeze besite yin yessade gaar lam7intsa yi7i yinttana taago ekkoda. 
\v 4 Yin ta qitize besiton ogito erane» yagayda.
\p
\v 5 Yeezin, Toomaasa, «Laatstso, ne qitize bestto nu eroos; ogito wayzi erodes dandda7ode?» yagayda.
\p
\v 6 Yesuusa mahi, «Oge, turon de7on tana. Ta baggara maaqqanxiko ooden ta Adego yo7odes dandda7oos. 
\v 7 Yin tana erizako, ta Adayan eroda. Yezin yikkeppa aykkii yin eza eranen eza bi7ida» yagayda.
\p
\v 8 Filphoosan Yesuusago, «Laatstso, Adaya nuna beezzako; nuus maaqqada» yagayda.
\p
\v 9 Yesuusan mahi, «Ta hyannii gaarize wode yinttara yezin tana erosite? Tana bi7ide atstse Adayan bi7ida. Yeezin, ne wayzi, ‹Adaya nuna beezo› ga7e? 
\v 10 Taanii Adera fetto maaqqidannon Aden taara fetto maaqqidanno ne ammanosane? Ta yinttis ohize qaaltto ta taappa ohoos, yezin ta gidda yeze Aday E fa oochito oochchane. 
\v 11 Taanii Aday gidda yezannon Aden ta gidda yezanno ammanote. Yinno ammananxiko ta oochite tana ammanote.
\p
\v 12 «Ta yinttis turo turo gaane; tana ammanze atstse ta oochchize oocha E oochchoda. Ta Adego qitize gisho tana ammanze ooden hyannippa aadhize oocha oochchoda. 
\v 13 Aday Na7ay baggara bonchchinttode fana ta suntsite yin woossize baz ubba ta yinttis yiissada. 
\v 14 Ta suntsite akko bazin yin oociko ta yinttis oochchoda.
\s1 Yesuusa Geeshi Ayyaana inggodes qaala gelida
\p
\v 15 «Yin tana kadhiko ta kiitto naagote. 
\v 16 Taanii ta Adaya woossoda; yinttara medhina yessade gaar mintsitsiza yinttis inggoda. 
\v 17 Ye Ayyaanize Xoozze turo beezane. Hyanna alamite asuntsi eza bi7ikaayze gishon eroosse gisho eza ekkodes dandda7oos. Yezin E yinttara yeze gishon yin gidda yessade gisho yin eza erane.
\p
\v 18 «Ta yinttana inddan aden baayze na7a gaar yin xalaala ashshoos; maaqqii yinttago yo7oda. 
\v 19 Eeratsi wodeppa suuba alame tana mahi bo7oos, yezin yin bo7oda. Ta de7o maaqqide gisho yinttin de7o yessada. 
\v 20 Ta ta Aday gidda, yin ta gidda, mahi ta yinttara yezanno yin ye wode eroda.
\p
\v 21 «Ta kiitto ekkii naagize tana kadhane. Tana kadhizaya ta Aden kadhane; taanin eza kadhane; taanin tanatitsito yinttis qonccisada» yagayda.
\p
\v 22 Asqorootu Yihuda maaqqikaayze Yihuda Yesuusago, «Laatstso, ne wayzi alames maaqqikaayzin nuus nena qonccissade?» yagayda.
\p
\v 23 Yesuusa mahi, «Tana kadhize ooden ta qaaltto naagoda. Ta Aday eza kadhoda. Eego nu yo7oda. Eera yessada. 
\v 24 Tana kadhoosse ooden ta qaaltto naagoos. Yin si7ize qaaltta tana kiittide Ade bazep attin ta baz baaya.
\p
\v 25 «Ta yinttara hyatte yeze gisho yinno yinttis ohida. 
\v 26 Yezin Aday ta suntsite kiittize mintsitsize Geeshi Ayyaana, yinttana ubbabazito tamaarssoda. Ta yinttis ohidanno ubba E yinttana qofissada.
\p
\v 27 «Saro yinttis ashshoda. Taanii ta sarito yinttis inggoda. Ta inggize sarotitsita alame inggize sarotitsiti fana baaya. Yinnii gisho, yin wozintta yirggippen, zhashtippe. 
\v 28 ‹Ta qitoda, yezin maaqqii yinttago yo7oda› gaydanno yin si7ida. Yin tana turo kadhizebaz maaqqiko ta Aday taappa aadhize gisho ta eego qitizanne yin ufayttoda. 
\v 29 Yinna yiize wode yin ammanode gaar yinna hyanikaayzin tiino ta yinttis ohida.
\p
\v 30 «Hyanna alamito ahize ye7ize gisho yikkeppa suuba yinttara gaama ohinttoos. Tana E akkon oochchodes dandda7oos. 
\v 31 Yezin ta Adaya kadhizanno alame erode gaar ta Aday tana kiittezanno ubba yiissada. Denddote; hyannippa yedhdhote.
\c 15
\s1 Woynes turii uzuma Yesuusa
\p
\v 1 «Ta woynes turii uzuma, wootizen ta Adaya. 
\v 2 Ta gidda yeze aafe aafoosse tashito ubba E gachchii hyaasoda. Aafize tashito kasennippa gaantsi aafode fana yinna tashito E koshii giigissada. 
\v 3 Ta yinttis ohide qaaltti gisho yin geeshi. 
\v 4 Ta gidda yezote; taanin yin gidda yessada. Woynes tashe uzumzella yezanxiko ye tashize fa faas aafe aafodes dandda7oos. Yinnii fana, yinttin ta gidda yezanxiko aafe aafodes dandda7oos.
\p
\v 5 «Taanii woynes uzuma; yin tashe. Taalla yezen taanin E gidda yeze, E gaama aafe aafoda. Ta baayzin yin xalaala akkon oochchodes dandda7oos.\fig Woynes uzuman zhanggen |alt="Grape vine on trellis" src="HK00112B.TIF" size="span" ref="15:5"\fig* 
\v 6 Taalla yezoosse tashe fana alla olintti meloda. Yinnii fana tashuntsan shiishii tama oloda, michchoda. 
\v 7 Yin taar yeziko, ta qaalttan yinggida yeziko, yin koyze baz akko maaqqikon woossote; yin ekkoda. 
\v 8 Yin gaama aafe aafize ta tamaaruntsana maaqqiko, yinne ta Aday bonchchinttoda. 
\v 9 Aday tana kadhizanni gaara taanin yinttana kadhane; ta siiqite yezote. 
\v 10 Taanii ta Aday kiitto naagii E siiqite yezidannigaara yinttin ta kiitto naagiko ta siiqite yessada.
\p
\v 11 «Ta ufayssita yinggida folinttode fanan yin ufayssita folo maaqqade fana ta yinttis yinno ohida. 
\v 12 Ta kiitta hyanno; ta yinttana kadhizanni fana yinttin fete feta kadhote.\x - \xo 15:12 \xo*\xt Waha. 13:34; 15:17; 1 Waha. 3:23; Yihu. 5\xt*\x* 
\v 13 Fa shemppito fa lagguntsis inggizannippa aadhize damma siiqo baaya. 
\v 14 Ta yinttana kiittidanno ubba oochchiko yin ta lagguntsana.
\p
\v 15 «Aro fa laatstsay oochchizebaz eroosse gisho ta yinttana yikkeppa maaqqii aruntsana ga7oos. Yezin ta Adaya si7ize ubba ta yinttis ohide gisho yinttana ta lagguntsana gayda. 
\v 16 Ta yinttana dooridap attin yin tana doorikaaya. Yin hyanggi aafe aafode fanan aafera yin yessade fana shuumida. Yinno maaqqiko ta Aday yin ta suntsitira woossidebaz ubba inggoda. 
\v 17 Ta kiitta hyanno: fete feta kadhote.
\s1 Yesuusa alame ixxodanno ohida
\p
\v 18 «Alame yinttana ixxiko tiino tana ixxidanno erote. 
\v 19 Yin alamebaz maaqqizako alame fa baz fana yinttana kadhodyeshsha. Yezin ta yinttana alameppa dooride gishon yin alamebaz maaqqikaayze gisho alame yinttana ixxane. 
\v 20 ‹Aro fa laatstseppa aadhoos› ga7i ta yinttis ohidanno qoppote. Un tana bay7izebaz maaqqiko yinttanan bay7oda. Un ta qaaltto naagezebaz maaqqiko yin qaaltton naagoda.\x - \xo 15:20 \xo*\xt Maato. 10:24; Luqa. 6:40; Waha. 13:16\xt*\x* 
\v 21 Yezin un tana kiittezaya eroosse gisho hyanno ubba ta gisho yinttalla oochchoda. 
\v 22 Ta yi7i ohikaayzako unttis nagara maaqqamyeshsha. Yezin hyatte un oochchide nagarttis miknaate baaya. 
\v 23 Tana ixxize ta Adayan ixxane. 
\v 24 Ooden oochchikaayze oocha ta un gidda oochchii bi7ikaayze baz maaqqizako unttis nagara maaqqamyeshsha. Yezin hyatte un ta oochchide oochchito bi7i tanan ta Adayan ixxida. 
\v 25 Yezin un higgite, ‹Tana hyarii ixxida› ga7intti xaafinttidanna folinttode fana yinna yii7ida.\x - \xo 15:25 \xo*\xt Maz. 35:19; 69:4\xt*\x*
\p
\v 26 «Adeppa ye7ize turii Ayyaana ta yinttis kiittoda. E yinttana mintsitsoda, ta baz markkidhoda. 
\v 27 Yinttin tiinoppa aykkii taara yeze gisho ta baz markkidhoda.
\c 16
\p
\v 1 «Ta yinno yin ammanttippa dhubinttaame fana yinttis ohida. 
\v 2 Un yinttana Ayhude woosa Keetstsappa kessoda. Yinnippan aadhii, yinttana wodhize ooden Xoozii koyze baz oochchiza aazize wode ye7oda. 
\v 3 Un yinno yinttalla oochchize tana woy Adaya erikaayze gisho. 
\v 4 Yezin un yinno yinttalla oochchize wodita yellide wode ta yinttis ohidanno yin qoppode gaar ta yinttis hyanno ohida.
\s1 Geeshi Ayyaana oocha
\p «Tiino ta hyanno yinttis ohikaayzara gam7idanna ta yinttara yeze gisho. 
\v 5 Yezin hyatte taanii tana kiittezego qitane; yinttappa ooden, ‹Aba qite?› ga7i tana oocize baaya. 
\v 6 Yezin ta yinno ohide gisho yin wozintte gaama kayo qofara kumida. 
\v 7 Yezin ta yinttis turo ohine; ta qitizako yinttis lo77o. Akkos gayko, ta qitanxiko mintsitsize yinttago ye7aama. Yezin ta qitiko eza yinttago dakkoda. 
\v 8 Mintsitsize yi7i, nagaras, xillotitsisin firddas hyanna alame asuntsana oocoda. 
\v 9 Nagaras, asuntsi tana ammanoose gisho. 
\v 10 Xillotitsis, ta Adego qitize gishon yin tana mahi be7aame gisho. 
\v 11 Firddas, mahi alamito ahize firddinttide gisho.
\p
\v 12 «Ta yinttis ohode gaama baz yene, yezin hyatte yinttana deexxoda. 
\v 13 Turii Ayyaana yi7ide wode yinttana turetits ubbago kaalitsoda. E si7idebaz ohodap attin faappa akko bazin ohoos. Mahi tiinoppa ye7odebaz yinttis E ohoda. 
\v 14 E taas yezannippa ekkii yinttis ohize gisho E tana bonchchoda. 
\v 15 Ades yeze baz ubbanna ta baz; ‹Mintsitsize taas yezannippa ekkii yinttis ohoda› ta gaydanna yinnisi.
\s1 Yin azzantta ufayssa laaminttoda
\p
\v 16 «Eerats wodeppa suuba tana yin be7aama; mahi eerats wodeppa suuba yin tana bo7oda» yagayda.
\p
\v 17 E tamaaruntsappa fete fete wol gidda, «‹Eerats wodeppa suuba yin tana be7aama; mahi eerats wodeppa suuba yin tana bo7oda›; mahin ta Adego qitoda gaazanna akko ga7intte?» ga7i wolla ohinttida. 
\v 18 Yikke «Eerats wodeppa suuba gaazanna akko ga7e? E akko ohizako nuus erinttoos» yagayda.
\p
\v 19 Un eza oocodes koyzanno Yesuusa erii, «Taanii, ‹Eerats wodeppa suuba tana be7aama; mahi eerats wodeppa suuba yin tana bo7oda› gaydannis yin fete feta oocane? 
\v 20 Taanii yinttis turo turo gaane; yin yeekkodan zeleloda, yezin hyanna alamita ufayttoda. Hyatte yin azzanoda, yezin yin azzantta ufayssa laaminttoda. 
\v 21 Fettii maachita na7a yelodes yii7ize wode fa yelize wodita yellide gisho yirgane. Yezin na7a yelidannippa suuba na7a hyanna alamite yelinttide ufaysiti gisho fa un7ito botane. 
\v 22 Yinnii gaar, yinttin yin wozintte azzanane, yezin taanii yinttana mahi bo7oda. Yin wozintta gaama ufayttoda; yinna ufaysito ooden yinttappa ekkoos.
\p
\v 23 «Ye wode yin tana akko bazin woossaama. Ta yinttis turo turo gaane; yin ta suntsite woossize baz ubba Aday yinttis inggoda. 
\v 24 Hyanno yellodes ta suntsite akko bazin woossikaaya. Yin ufayssita folo maaqqade gaar woossote; yin ekkoda.
\p
\v 25 «Taanii hyanno yellodes yinttis aazizera ohida, yikkeppa taanii aazizera ohoose wode ye7oda. Yezin Adebaz ta yinttis qonccizi ohoda. 
\v 26 Ye wode yin ta suntsite Adaya woossoda; yin gisho taanii ta Adaya woossoda ga7e baaya. 
\v 27 Akkos gayko, Aday fa ommite yinttana kadhane. Yin tana kadhize gishon ta Aday kaleppa yiidanno ammanze gisho E yinttana kadhane. 
\v 28 Ta Aday kaleppa hyanna alamite yiida; mahi alamito ashshii Adego qitoda» yagayda.
\p
\v 29 E tamaaruntsi mahi, «Yikke, hyatte neenii qonccizi ohinep attin; aazizera akkon ohoos. 
\v 30 Ne ubba baz erizanno oonan oocodes koyosanno nu hyatte erane. Yinnii gisho ne Xoozappa kiitinttidanna ammantsane» yagayda.
\p
\v 31 Yeezin, Yesuusa mahi unttago, «Hyatte yin ammanane? 
\v 32 Yikke, yin, yin kara yin kara lalinttii tana ta xalaala ashshii ashshii aachinttode wode ye7oda; hyatten yellida. Yezin Aday taara yeze gisho ta ta xalaala baaya. 
\v 33 Yin taara yezin saro yinttis yessade fana ta yinno ohida. Alame gidda yeziter yin waayinttoda. Yezin minggote; taanii alamito gamida» yagayda.
\c 17
\s1 Yesuusa woosa
\p
\v 1 Yesuusa yinno ohidannippa suuba ude salo bi7i, hyannigaara yagayda: «Ta Adayo, qammita yellida; ne Na7ay nena bonchchode gaar neenii ne Na7aya bonchcho. 
\v 2 Ne ees inggide ubbuntsis E medhina de7o inggode fana as ubballa ees adetits wolqqa inggida. 
\v 3 Medhina de7o, nena, fettii turii Xoozzan ne kiittide Yesuus Kiristtoosa ere. 
\v 4 Ne ta oochchode fana inggide oochito faaddii nena sa7alla bonchchida. 
\v 5 Hyatten, Adayo, alame medhinttodannippa tiino ne kale taas yeze bonchchite tana bonchcho.
\p
\v 6 «Alame asappa ne taas inggiduntsana nena erisida. Un nebaz; ne unttana taas inggida. Un ne qaalttisin kiitinttida. 
\v 7 Ne taas inggide ubba bazita neeppa yiidanno un hyatte erane. 
\v 8 Ne taas inggide qaaltto ta unttis inggida; unttin yinna qaaltto ekkida. Ta ne kaleppa yi7idanna turo maaqqidanno erii ne tana kiittidanno ammanida.
\p
\v 9 «Ta unttis woossane. Un nebaz maaqqide gisho ne taas inggide asuntsis woossanep attin alames woossoos. 
\v 10 Taas yezanna ubba nebaz; nees yezanna ubba taas. Ta un baggara bonchchinttida. 
\v 11 Ta yikkeppa suuba alamite gam7oos; un alamite yene. Ta hyatte neego qitane. Geeshi Adayo, hyantses ne taas inggiduntsi neeran taaran fetto maaqqidanni gaara un fetto maaqqade gaar unttana ne taas inggide ne suntsite naago. 
\v 12 Ta unttara sa7a yezitera, ne taas inggide ne suntsite unttana naagida. Geeshi Maxaafita gaydanna folinttode gaar dhabe beezze atstsep attin unttappa melle ooden dhabikaaya.\x - \xo 17:12 \xo*\xt Maz. 41:9; Waha. 13:18\xt*\x*
\p
\v 13 «Hyatte ta neego ye7oda. Ta ufayssita un wozintte folo maaqqade gaar hyanno ta alamite yezara ohine. 
\v 14 Ta unttis ne qaaltto inggida. Ta alameppa maaqqikaayzanni fana, unttin alameppa maaqqikaayze gisho alame unttana ixxida. 
\v 15 Ne iitappa unttana naagode gaarap attin alameppa kessoda gaar woossoos. 
\v 16 Taanii alameppa baayzanni fana unttin alameppa baaya. 
\v 17 Neenii ne turite unttana geesho; ne qaalttan turo. 
\v 18 Ne tana alame kiittidanni fana taanin unttana alame kiittida. 
\v 19 Mahi un turo geeshi maaqqade gaar un gisho ta ta ommito geeshoda.
\p
\v 20 «Taanii un xalaalas maaqqikaayzin un qaalttippa denddii, tana ammanoduntsisin woossane. 
\v 21 Un ubbuntsi fetto maaqqade gaar ta woossane. Adayo, ne ta gidda yezannigaara, mahi ta ne gidda yezannigaara un ne gidda yessade gaar woossane. Ye wode ne tana kiittezanno alame ammanoda. 
\v 22 Neenin taanin fetto maaqqidanni gaara, unttin fetto maaqqade gaar, ne tana bonchchidanni gaara, taanin unttana bonchchida. 
\v 23 Ta un gidda, neenii ta gidda yezannigaara un folo fetto maaqqade gaar nena woossane. Yinnan, ne tana kiittezanno ne tana kadhide kadhite un kadhidanno alame erode gaar.
\p
\v 24 «Adayo, ne taas inggiduntsi ta yeze besite taara yessade gaar koyane. Alame medhinttodannippa tiino ne tana kadhide gisho taas inggide ta bonchchito un bo7oda.
\p
\v 25 «Geeshi ta Adayo, alame nena eroos, yezin nena ta erane. Mahi ne tana kiittezanno hyantses erane. 
\v 26 Ne tana siiqide siiqita un gidda yessade gaar, mahi taanii un gidda yessade gaar, ta ne suntsito unttana erisida; tiinosin erisoda» yagayda.
\c 18
\s1 Yesuusa aykintte
\r (Maato. 26:47-56; Mar. 14:43-50; Luqa. 22:47-53)
\p
\v 1 Yesuusa woosa hyaasidannippa maaqqii fa tamaaruntsara Qediroone borkka fiinggi, yinna besite yeze atakiltte gidda gelida. 
\v 2 Yesuusa ubba wode fa tamaaruntsara ize shiiqize gisho Yesuusa aatsii inggide Yihuda yinna bessito erane. 
\v 3 Yinnii gisho, Yihuda faanoose, xomppe, ola miishe aykkide gaama wottaddaruntsana, kahinunts hyalaquntsin Farisaawuntsi kiittide Xoozze Keetsito naagize poolisuntsana kaalitsi ekkii, yinna bessito hyanggida.
\p
\v 4 Yesuusa fana yellode baz ubba erii, gaxa kezii, «Oona koyete?» yagayda.
\p
\v 5 Un mahi, «Naazirete Yesuusa koyane» yagayda.
\p E mahi, «Taanii Yesuusa» yagayda.
\p Yesuusa aatsii inggide Yihuda ize unttara eqqida. 
\v 6 E, «Taanii Yesuusa» gayde wode un suub shiiqii, sa7a gol7ida. 
\v 7 Yesuusa mahi, «Oona koyete?» yaga7i oocida.
\p Unttin, «Naazirete Yesuusa koyane» yagayda.
\p
\v 8 E mahi, «Taanii Yesuusa maaqqizanno yinttis ohida. Yikke, yin tana koyze baz maaqqiko hyantses qito ga7o ashshote» yagayda. 
\v 9 E yinno gayde, «Adayo, ne taas inggiduntsappa melle atto yezin fetan dhabsikaaya» gayde qaaltta folinttode fana.
\p
\v 10 Simoon Phexiroosas mashsha yene. E ye mashshiza shoddii kahinunts hyalaqa arizes mizaqi hyayza gachchii olida. Ye arize suntsita Malkkoosa. 
\v 11 Yesuusa Phexiroosago, «Ne mashshiza shookite geltso. Ta Aday taas inggide xuu7itippa ta uzhamaane?» yagayda.\x - \xo 18:11 \xo*\xt Maato. 26:39; Mar. 14:36; Luqa. 22:42\xt*\x*
\s1 Yesuusa Haanna tiino shiiqida
\r (Maato. 26:57-58; Mar. 14:53-54; Luqa. 22:54)
\p
\v 12 Roome wottaddaruntsin un hyalaqize Xoozze Keetsito naagize poolisuntsara wolla Yesuusa aykkii accida. 
\v 13 Tiino Yesuusa Haannago kanggida. Haanna yinna berite kahinunts hyalaqa maaqqide Qayyaafa bolle. 
\v 14 Qayyaafa, «Worzha gisho fettii asi hyayqqiko lo77o» ga7i tiino Ayhuduntsana zoridaya.\x - \xo 18:14 \xo*\xt Waha. 11:49-50\xt*\x*
\s1 Phexiroosa Yesuusa kaddida
\r (Maato. 26:69-70; Mar. 14:66-68; Luqa. 22:55-57)
\p
\v 15 Simoon Phexiroosan melle fettii tamaarize Yesuusa kaallii hyanggida. Kahine hyalaqize ye melle tamaariza loytsii erane. Yinnii gisho, E Yesuusara kahinunts hyalaqize gibbe gelida. 
\v 16 Yezin Phexiroosa gaseppa balera eqqida. Kahinunts hyalaqize erize melle tamaarize bale kezii, furtsito naagize naatis ohi, Phexiroosa geltsida. 
\v 17 Furtsito naagize naata Phexiroosago, «Ne, ye atstse tamaaruntsappa feta baane?» yagayda.
\p Phexiroosa mahi, «Aday, tana baaya» yagayda.
\p
\v 18 Sa7ita ciishize gisho aruntsin naagizuntsin kenchchelo qaaqa tama eetsii, wutii aadhii eqqii kaazhane. Phexiroosan unttara eqqii tama kaazhane.
\s1 Kahinunts Hyalaqize Yesuusa oocida
\r (Maato. 26:59-66; Mar. 14:55-64; Luqa. 22:66-71)
\p
\v 19 Ye wode Kahinunts hyalaqize Yesuusa, E tamaarunts bazin E timirttitibaz oocida. 
\v 20 Yesuusa mahi, «Ta asi ubbas qonccizi ohida. Ta Ayhude ubbuntsis shiiqize Ayhude woosa Keetstsan Xoozze Keetstsa ubba wode tamaarssida. Aachchii akkon ohikaaya. 
\v 21 Yeezin, ne tana akkos ooce? Ta ohodera si7ide asuntsana ooco. Yentsi asuntsi ta ohidanno erane» yagayda.
\p
\v 22 Yesuusa yinno ohize wode yinna besite eqqide zabe naagizuntsappa fete Yesuusa baqqii, «Kahinunts hyalaqago yaga7i mahine?» yagayda.
\p
\v 23 Yesuusa mahi, «Ta iita baz ohidebaz maaqqiko hyanne yeze as ubba tiino markkidho. Yezin ta turo ohidebaz maaqqiko tana akkos baqqe?» yagayda.
\p
\v 24 Yinnii gisho, Haanna, Yesuusa acinttii yezin kahinunts hyalaqize Qayyaafago dakkida.
\s1 Phexiroosa Yesuusa mahi kaddida
\r (Maato. 26:71-75; Mar. 14:69-72; Luqa. 22:58-62)
\p
\v 25 Phexiroosa ize eqqii, tama kaashadera, hyankkunts eego, «Ne hyay atstse tamaaruntsappa feta baane?» yagayda.
\p Phexiroosa mahi, «Ade, tana baaya» yaga7i kaddida.
\p
\v 26 Kahinunts hyalaqize aruntsappa fete, Phexiroosa hyaye gachchide atstses iginze, Phexiroosago, «Ta nena eera atakiltte gidda bi7ika?» yaga7i oocida.
\p
\v 27 Phexiroosa mahin kaddida. Iira lukule uukkida.
\s1 Yesuusa Philaaxoosa tiino
\r (Maato. 27:1-2, 11-14; Mar. 15:1-5; Luqa. 23:1-5)
\p
\v 28 Wontta gooda, un Yesuusa Qayyaafa karappa Roome gade ahize oocha keetstsa kanggida. Ayhuduntsi Faasiga Ba7ale katstsa ma7ades fana tunizaame gaar kaatize oocha keetstsa gelikaaya. 
\v 29 Yinnii gisho, Philaaxoosa unttago bale kezii, «Hyay atstsa akkos moote?» yagayda.
\p
\v 30 Un, «E iita oochchosako nuunii eza neego ke7aama yeshsha» yagayda.
\p
\v 31 Philaaxoosa mahi, «Yin eza ekkii kanggi, yin higgita gaazanni gaara eella firddote» yagayda.
\p Ayhudunts, «Oodellan hyayqo firdda firddize adetits wolqqa nuus baaya» yagayda; 
\v 32 Yinna yi7idanna Yesuusa akko gaar hyayqo hyayqqod yezako erisodes ohidanna folinttodes.\x - \xo 18:32 \xo*\xt Waha. 3:14; 12:32\xt*\x*
\p
\v 33 Philaaxoosa fa oocha keetstsa mahi gelii, Yesuusa xeegii, «Ne Ayhude kaato?» yaga7i oocida.
\p
\v 34 Yesuusa Philaaxoosago, «Hyanna oocito ne neeppa oocanene woy melle asi nees ta baz ohida?» yagayda.
\p
\v 35 Philaaxoosa mahi, «Ta Ayhude aso? Ne asuntsin kahinunts hyalaquntsi nena taas aatsii inggida. Ne akko oochchido?» yagayda.
\p
\v 36 Yesuusa, «Ta ka7itumtta hyanna alamttippa baaya. Hyannippa maaqqizako ta Ayhudunts hyalaquntsis aadhii ingginttaame fana taas oochchizuntsi olinttodyeshsha. Yezin ta ka7itumtta hyanna alamttippa baaya» yagayda.
\p
\v 37 Yinnii gisho, Philaaxoosa Yesuusago, «Yeezin, ne kaat baa?» yaga7i oocida.
\p Yesuusa mahi, «Ta kaati maaqqidanno ne gayda. Taanii yelinttidannan hyanna alamite yi7idanna turetitsis markkidhades. Turippa maaqqide ooden ta gaazanno si7ine» yagayda.
\p
\v 38 Philaaxoosa, «Turii akko?» yagayda.
\p Philaaxoosa yinno gaydannippa maaqqii Ayhuduntsago bale kezii, «Taanii eza mootize bala denggikaaya. 
\v 39 Yezin Faasiga Ba7ale ode, fettii asi yinttis achchappa billize woga yene. Ta yinttis Ayhuduntsi kaatiza billode gaar koyane?» yagayda.
\p
\v 40 Un mahi, fa qaaltto dhoqi yiizii, «Barbbaana billop attin eza billippe» yagayda. Yezin Barbbaane faanno.
\c 19
\s1 Wottaddaruntsi Yesuusa leqqida
\r (Maato. 27:27-32; Mar. 15:15-21)
\p
\v 1 Yinnippa suuba, Philaaxoosa Yesuusa kanggi garafizida. 
\v 2 Wottaddaruntsi anggats barneexa medhdhii E ommite gaddida. Mahi zoqo ma7o eza ma7isida. 
\v 3 Eego yi7itera, «Ayhude kaatizayo, saro nees maaqqe» yaga7i eza baqqida.
\p
\v 4 Philaaxoosa mahi bale kezii, Ayhuduntsago, «Yikke, taanii eeppa akko iitabazin denggikaayzanno yin erode gaar eza yinttago bale kessoda» yagayda. 
\v 5 Yinnippa maaqqii, Yesuusa anggats barneexa fa ommite gaddii, zoqo ma7o ma77i, bale kezida. Philaaxoosa Ayhuduntsago, «Atstsa hyaya bo7ote» yagayda.
\p
\v 6 Kahinunts hyalaquntsin Xoozze Keetsito naagizuntsi eza bi7ide wode fa qaaltto dhoqi yiizii, «Masqalalla suxxo! Suxxo!» yagayda.
\p Philaaxoosa unttago, «Yin eza kanggi, masqalalla suxxo. Ta eeppa akko iitabazin denggikaaya» yagayda.
\p
\v 7 Ayhuduntsi mahi, «Nuus higge yene. E fana Xoozze na7a mahide gisho nu higgiti gaara E hyayqqodes beezane» yagayda.
\p
\v 8 Philaaxoosa yinno si7ide wode tiinonnippa gaama zhashtida. 
\v 9 Mahin Philaaxoosa fa oocha keetstsite maaqqii gelii Yesuusago, «Ne abappa yi7ido?» yaga7i oocida. Yezin Yesuusa ees akkon mahikaaya. 
\v 10 Yinnii gisho, Philaaxoosa, «Taas ohoso? Nena billodes woy masqalalla suxxodes taas adetits wolqqa yezanno eroso?» yagayda.
\p
\v 11 Yesuusa, «Xoozii nees adetits wolqqa inggikaayzako taalla adetits wolqqa nees yezamayeshsha. Yinnii gisho, tana nees aatsii inggide aadhize nagara oochchida» yagayda.
\s1 Yesuusalla hyayqo firddida
\r (Maato. 27:15-31; Mar. 15:6-20; Luqa. 23:13-25)
\p
\v 12 Philaaxoosa yinno si7eze wode Yesuusa billodes oge koyda. Yezin Ayhuduntsi fa qaaltto dhoqi yiizii, «Ne eza billizebaz maaqqiko Kaat Qeesare ne bagga baaya. Fana kaati gaaze ooden Qeesare ixxizaya» yagayda.
\p
\v 13 Philaaxoosa yinno si7i Yesuusa bale kessida. Yeyzi, «Lochche Shuchchi» gaaze bessa firdda oydalla bettida. Ibraysxe qaalara yinna bessita «Gebeta» ga7inttane. 
\v 14 Yinna qammita Faasiga Ba7aale bonchchodes giigize wode. Ye wode sa7itan awarappa izipun saate gaar. Philaaxoosa Ayhuduntsago, «Yin kaat hyaya bo7ote» gayda.
\p
\v 15 Ayhuduntsi fa qaaltto dhoqi yiizii, «Hyaaso! Hyaaso! Masqalalla suxxo» yagayda.
\p Philaaxoosa mahi, «Yin kaatiza ta masqalalla suxxodanno koyane?» yaga7i oocida.
\p Kahinunts hyalaquntsi, «Qeesareppa melle kaati nuus baaya» yagayda.
\p
\v 16 Yinnippa maaqqii, un Yesuusa masqalalla suxxode fana Philaaxoosa unttis aatsii inggida.
\s1 Yesuusa suxintte
\r (Maato. 27:32-44; Mar. 15:21-32; Luqa. 23:26-43)
\p Un Yesuusa aykkii kanggida. 
\v 17 Yesuusa fa masqaliza tookkii, «Yeras qil» gaaze bessa kezida. «Yeras qil» ga7inttizanna Ibraysxe qaalara «Golggotta» ga7inttane. \fig Yesuusa masqalalla |alt="Jesus on the cross" src="LB00324B.TIF" size="span" ref="19:17"\fig* 
\v 18 Un yinna besite masqalalla Yesuusa suxxida. Mahin eera melle lam77i asuntsana, feta seko zalara hyankkaya hyankka zalara masqalalla suxxida. 
\v 19 Philaaxoosa, «Ayhuduntsi Kaati, Naazirete Yesuusa» yagaaze xuufe xaafii masqalalla gaddida. 
\v 20 Yesuusa masqalalla suxunttide besita katamas kale yeze gisho gaama Ayhuduntsi yinna xuufito nabbabida. Xuufize xaafinttidanna Ibraysxe doonara, Laatine doonaran Girike doonara. 
\v 21 Yinnii gisho, kahinunts hyalaquntsi Philaaxoosago, « ‹Hyay atstse fana Ayhude kaati gaydanni gaar› ga7i xaafop attin eza E ommite ‹Ayhude kaati› ga7i xaafippe yagayda.»
\p
\v 22 Yeezin, Philaaxoosa, «Taanii xaafidanno xaafida» yaga7i mahida.
\p
\v 23 Wottaddaruntsi masqalalla eza suxxidannippa suuba E ma7ito ekkii, oyddii bessa shaakkii, fetto fetto ekkida. Dakitsi ma7inttize pharggo ma7o yeshsha. 
\v 24 Wottaddaruntsi, «Oona yellodyezako, ixa olidap attin ma7iza fer7oos» yagayda. Yinna hyanidanna Geeshi Maxaafite,
\q1 «Ta ma7ito gizhintti ekkida;
\q2 ta pharggo ma7izella ixa olida»
\m gaynttidanna folinttode gaar.\x - \xo 19:24 \xo*\xt Maz. 22:18\xt*\x*Yinnii gisho, wottaddaruntsi yinno yiizida.
\p
\v 25 Yezin Yesuusa masqala kale E inttan, E inttii mishta, Qeliyoopha machchita Mayramiran Magdela Mayrama eqqida. 
\v 26 Yesuusa fa intton E kadhize tamaarize ize eqqiduntsana bi7i, fa inttigo, «Ta intte, ne na7aya hyaya bo7o» yagayda.
\p
\v 27 Yinnippa suuba, ye tamaarizego, «Ne intto hyanno bo7o» yagayda. Ye tamaarize izo yinna woditippa aykkii faara yessade gaar kara kanggida.
\s1 Yesuusa hyayqo
\r (Maato. 27:45-56; Mar. 15:33-41; Luqa. 23:44-49)
\p
\v 28 Yinnippa suuba, Yesuusa ubbanna hyatte folinttidanno erii, Geeshi Maxaafite xaafinttidanna folinttode gaar «Tana barida» yagayda.\x - \xo 19:28 \xo*\xt Maz. 69:21; 22:15\xt*\x*
\p
\v 29 Yinna besite fettii gonbbo kumutsi caala woyne yene. Un fuza yinna woyntte dakkii, hisophe minxa bertstsa gaddii, Yesuusa doonago shiishida. 
\v 30 Yesuusa woyniza qamasi bi7i, «Folinttida» yagayda.
\p Yinnippa suuba, fa ommito soxor yiizii fa shemppito inggida.
\s1 Yesuusa millite toorara cadde
\p
\v 31 Yinna qammita giiginttize qamma maaqqide gishon wonttize qammize bonchcho Sambbata maaqqide gisho asuntsana ahita masqalalla Sambbata wode feezhaame gaar un bunqito mentsii, masqalappa ketstsode gaar Ayhuduntsi Philaaxoosa woossida. 
\v 32 Yinnii gisho, wottaddaruntsi hyanggi, Yesuusara suxunttide lam77i asuntsis bunqito mentsida. 
\v 33 Yezin Yesuusago yi7ide wode E hyayqqidanno bi7i, E bunqito mentsikaaya. 
\v 34 Yezin wottaddaruntsappa fete E millite toorara caddin iira suutsin hyaatsin goggida. 
\v 35 Yinno ammanode fana yinno bi7ide markkidhida. E markkatitsitan turo. Mahi E hyanidanna turo maaqqizanno erane. 
\v 36 Yinna hyanidanna Geeshi Maxaafite, «E meqatsitippa fettin meqqoos» gaydanna folinttode fana.\x - \xo 19:36 \xo*\xt Keze 12:46; Faydo 9:12; Maz. 34:20\xt*\x* 
\v 37 Mahin Geeshi Maxaafite melle bessa, «Un fa caddidanno bo7oda» yagayda.\x - \xo 19:37 \xo*\xt Zakka. 12:10; Qon. 1:7\xt*\x*
\s1 Yesuusa moogintte
\r (Maato. 27:57-61; Mar. 15:42-47; Luqa. 23:50-56)
\p
\v 38 Yinnippa suuba, Armmatiyasa katamapa yi7ide Yoosefa Yesuusa ahito ekkodes Philaaxoosa woossida. Yoosefa Ayhuduntsis zhashtide gisho aachintti Yesuusa kaallizaya.
\p Philaaxoosa, «Ekko» yagayda. Yinnii gisho, Yoosefa hyanggi Yesuusa ahito ekkida. 
\v 39 Mahi Niqodimoosa, hyannippa tiino Yesuusago qamma yi7iday, karbberan arkkintteran worqqinttide hyastam fettii kilo giiraame maaqqade shitto ekkii Yoosefara yi7ida.\x - \xo 19:39 \xo*\xt Waha. 3:1-2\xt*\x* 
\v 40 Yentsi lam77i asuntsi Yesuusa ahito ekkii, Ayhuduntsi aha ziidhize wogara, shittora, moogize afulara xaaxida. 
\v 41 Yesuusa masqalalla suxunttide besite gaama atakiltte yene. Yinna atakilttiti gidda shuchchappa woocii giigizide hyaga ooden mooginttikaayze kille booza yene. 
\v 42 Ye wom7ize kale yeze gishon Ayhuduntsi Sambbatas giiginttize wode maaqqide gisho Yesuusa ahito ize moogida.
\c 20
\s1 Yesuusa hyayqoppa dendde
\r (Maato. 28:1-8; Mar. 16:1-8; Luqa. 24:1-12)
\p
\v 1 Wogga ode wontta hyaga sa7a geezhikaayzin, Magdela Mayrama, Yesuusa mooginttide booza hyanggi shuchchita booza doonttippa denddidanno bi7ida. 
\v 2 Simoon Phexiroosagon Yesuusa kadhize hyankkay tamaarizego woxxii hyanggi, «Boozitippa Laatstsa ekkida; eza aba gaddezako nu eroos» yagayda.
\p
\v 3 Yinnii gisho, Phexiroosan hyankkay tamaarize kezii woxxittera booza hyanggida. 
\v 4 Lam77untsin fettilla woxxida, yezin hyankkay tamaarize Phexiroosappa aadhii tiino boozite yellida. 
\v 5 Ye tamaarize zuggii, eza xaaxide afultto bi7ida, yezin booziti gidda wodhdhikaaya. 
\v 6 Simoon Phexiroosa eza kaallii yi7i, booziti gidda wodhdhii eza xaaxide afultta ize yezanno bi7ida. 
\v 7 Mahi Yesuusa ommito xaaxide afula xaaxintti boozite omma guro yezin bi7ida. Ye afulize dumma bessa yenep attin booza afulara wolla baaya. 
\v 8 Ye wode tiinii booztte yellide hyankkay tamaarize gelii bi7i ammanida. 
\v 9 Yesuusa hyayqoppa denddodes beezanno ohize Geeshi maxaafe yeze qaaltto un hyaga tiirikaaya. 
\v 10 Yinnippa suuba, E tamaaruntsi fa kara maaqqii qitida.
\s1 Yesuusa Magdela Mayramis benttida
\r (Maato. 28:9-10; Mar. 16:9-11)
\p
\v 11 Yezin Mayrama yinna booziti doontte eqqii yeekkitera zuggii boozito bi7ida. 
\v 12 Bootsi ma7o ma77ide lam77i kiitanchchuntsi Yesuusa ahita woy7ide besite fete omma gurora fete tohe guro bettezin bi7ida. 
\v 13 Un iigo, «Maachite, akkos yeekke?» yaga7i oocida.
\p Iza, «Un ta Laatstsa ekkida; un aba gaddezako ta eroos» yagayda.
\p
\v 14 Yinno gaydannippa suuba, iza suub maaqqii be7ize wode Yesuusa ize eqqezin bi7ida. Yezin E Yesuusa maaqqidanno erikaaya. 
\v 15 Yesuusa iigo, «Maachite, akkos yeekke? Oona koye?» yaga7i oocida.
\p Mayrama atakiltte oochchize asi aazin, «Laatstso, ne ekkezako, eza aba gaddezako taas ohoya. Ta eza ekkoda» yagayda.
\p
\v 16 Yesuusa iigo, «Mayrame» yagayda.
\p Iza eego maaqqin, Ibraysxe doonara «Rebuunii» yagayda. Bilitsitan «Asttamaarizayo» ga7e.
\p
\v 17 Yesuusa iigo, «Ta hyaga ta Adego kezikaayze gisho tana aykkippe. Yezin ta ishuntsanan hyanggi, ‹Taanii ta Adegon yin Adego, ta Xoozzegon yin Xoozzego, kessada gayda› ga7i unttis oho» yagayda.
\p
\v 18 Magdela Mayrama Laatstsa bi7idannon iis E ohidanno hyanggi E tamaaruntsis ohida.
\s1 Yesuusa fa tamaaruntsis benttida
\r (Maato. 28:16-20; Mar. 16:14-18; Luqa. 24:36-49)
\p
\v 19 Wogga ode ugure, E tamaaruntsi Ayhuduntsis zhashtii furtsito gorddii shiiqii bettezin, Yesuusa yi7i, un gidda eqqii, «Saro yinttis maaqqe» yagayda. 
\v 20 Yinno ga7i maaqqii fa kushiton fa millito unttana beezida. E tamaaruntsi Laatstsa bi7ide wode gaama ufayttida. 
\v 21 Yesuusa mahi unttago, «Saro yinttis maaqqe; ta Aday tana kiittidannigaara taanin yinttana kiittoda» yagayda. 
\v 22 Yinno ga7idannippa suuba, unttalla ufi ga7i fuggida. Mahi, «Geeshi Ayyaana ekkote. 
\v 23 Yin atto gayde as nagartta atto ga7inttoda. Yin atto gaykaayze nagartta atto gaynttoos» yagayda.\x - \xo 20:23 \xo*\xt Maato. 16:19; 18:18\xt*\x*
\s1 Yesuusan Toomaasan
\p
\v 24 Yezin taphpho lam77i tamaaruntsappa fete, Didimoosa\f + \fr 20:24 \fr*\ft Didimoosa gaazes bilitsita Waha 11:16 bo7ote.\ft*\f* ga7inttize Toomaasa, Yesuusa ye7ize wode unttara baaya. 
\v 25 Yinnii gisho, hyankko E tamaaruntsi Toomasago, «Nuunii Laatstsa bi7ida» yagayda.
\p Yezin Toomaasa unttago, «Misimarera E cadinttide E kushite yeze beetto bi7ikaayzara yinna beetto ta gil7ara bochchikaayzara, mahi ta kushito E millite dakkii bi7ikaayzara ammanoos» yagayda.
\p
\v 26 Osfun qammappa suuba, Yesuusa tamaaruntsi mahi keetstsa shiiqii bettida; Toomaasan unttara yeshsha. Furtsita gorddinttii yezin Yesuusa yi7i, un gidda eqqii, «Saro yinttis maaqqe» yagayda. 
\v 27 Yinnippa suuba, Yesuusa Toomasago, «Ta kushito ne gil7itira bochchii bo7o. Mahi ne kushito ta millite dakkii bo7o; so7ippe, ammano» yagayda.
\p
\v 28 Toomaasa mahi, «Ta Laatstsayo, ta Xoozayo» yagayda.
\p
\v 29 Yeezin Yesuusa, «Ne tana bi7ide gisho ammanida, yezin bi7ikaayzara ammaniduntsii anjjinttiduntsana» yagayda.
\s1 Hyay maxaafize qofa
\p
\v 30 Yesuusa maxaafite xaafinttikaayze melle gaama kille baz fa tamaarunts tiintte oochchida. 
\v 31 Yezin Yesuusa E Kiristtoosa, Xoozze Na7a maaqqizanno yin ammanode gaaran ammanii E suntsite de7o denggode gaar hyanna xaafinttida.
\c 21
\s1 Yesuusa laappun fa tamaaruntsis qonccida
\p
\v 1 Yinnippa suuba, Yesuusa Xibaaryoosa Abba kale fa tamaaruntsis mahi qonccida. E unttis hyannippa kaallii yeze hyanotitsar qonccida. 
\v 2 Simoon Phexiroosa, Didimoos ga7inttize Toomaasa, Qaana Galilappa yi7ide Natina7eela, Zabdoosa na7untsin Yesuusa tamaaruntsappa melle lam77unts wolla yene.
\p
\v 3 Simoon Phexiroosa unttago, «Ta molo aykkodes qitane» yagayda.\x - \xo 21:3 \xo*\xt Luqa. 5:5\xt*\x*
\p Un, «Nuunin neera hyammada» yaga7i, gongge gidda gelida. Yezin un yinna qammite akko molon aykkikaaya.
\p
\v 4 Wontta gooda xalqe kessadannippa tiino, Yesuusa abba gaxa eqqida, yezin E tamaaruntsi Yesuusa maaqqidanno erikaaya. 
\v 5 Yesuusa unttago, «Na7untso, akko muuze baz yene?» gayda.
\p Un mahi, «Akkon baaya» yagayda.
\p
\v 6 E mahi, «Yin molo aykkize gitto gonggizeppa mizaqi zalara olote; molo yin aykkoda» yagayda. Yinnii gisho, molo aykkize gitto mizaqi zalara olida. Molo gelii kumide gisho gochchii kessodes gamida.\x - \xo 21:6 \xo*\xt Luqa. 5:6\xt*\x*
\p
\v 7 Yesuusa kadhize tamaarize Phexiroosago, «Hyayni Laatstsi!» yagayda. Simoon Phexiroosa E Laatstsi maaqqidanno si7ide wode gaarii gaddide fa ma7ito ma77i abba gidda doollii gelida. 
\v 8 Yezin gonggite attide hyankko tamaaruntsi molo kumide gitto gochchii, abbappa gaxa kezida. Un abbappa lam77i xeet hyadha fana hyaakkida. 
\v 9 Un abbappa gaxa kezide wode kenchchelo tama qaaqa, molon booran bi7ida.
\p
\v 10 Yesuusa unttago, «Hyatte yin aykkide molttippa ane taas ko7ote» yagayda.
\p
\v 11 Simoon Phexiroosa gonggite gelii, xeeti ichintam hyaydzdzii damma molo aykkide gitto gochchii abbappa gaxa kessida. Moltta yinnii gaar gaama maaqqikon molo aykkide gitto fer7ikaaya.
\p
\v 12 Yesuusa unttago, «Hyankka yi7i dayxe mo7ote» yagayda. E Laatstsi maaqqidanno un eride gisho E tamaaruntsappa fettin, «Ne oode?» ga7i eza oocodes miinggide baaya. 
\v 13 Yesuusa yi7i, boora ekkii unttis inggida; moloppan yinnii gaara inggida.
\p
\v 14 Yesuusa hyayqoppa denddii fa tamaaruntsis benttide hyannira hyaydzintsa.
\s1 Yesuusan Phexiroosan
\p
\v 15 Un dayxito mu7idannippa suuba, Yesuusa Simoon Phexiroosago, «Yoona\f + \fr 21:15 \fr*\fk Yoona: \fk*\ft Girike doonara Yoona gaaze suntsita Wahannisa gaaze suntsitis saqintse suntsi. \ft*\f* na7a Simoona, tana hyantsesappa aatsii kadhane?» yagayda.
\p Simoon Phexiroosa, «Yee Laatstso, ta nena kadhizanno ne erane» yagayda.
\p Yesuusa eego, «Ta dhanggize duro na7untsana yenggo» yagayda.
\p
\v 16 Yesuusa lam7intsa, «Yoona na7a Simoona, tana kadhane?» yagayda.
\p Simoon Phexiroosa, «Yee Laatstso, ta nena kadhizanno ne erane» yagayda.
\p Yesuusa, «Ta duruntsana yeenggo» yagayda.
\p
\v 17 Yesuusa hyaydzintsa, «Yoona na7a Simoona, tana kadhane?» yagayda.
\p Yesuusa hyaydzintsa Simoon Phexiroosago, «Tana kadhane?» yaga7i oocide gisho Phexiroosa azzanii, «Laatstso, ne ubbabazito erane; ta nena kadhizanno ne erane» yagayda.
\p Yesuusa, «Ta duruntsana yeenggo. 
\v 18 Ta nees turo turo gaane; ne na7atitsa yeze wode nenes ma77i, ne koyze bessa qitane. Yezin ne cinggide wode ne kushito miccii beessada. Melle asi danccisada; ne kadhoosse bessa kanggoda» yagayda. 
\v 19 Yesuusa yinno Phexiroosa akko gaar hyayqo hyayqqii, Xoozza bonchchisad yezako beessades gayda. Yinno gaydannippa suuba, Yesuusa Phexiroosago, «Tana kaallo» yagayda.
\s1 Yesuusan hyankkay tamaarizan
\p
\v 20 Phexiroosa suuba maaqqii, Yesuusa kadhize tamaarize faappa suubara ye7izanno bi7ida. Ye tamaarize, kawo muuze bessa Yesuusago shiiqii, «Laatstso, nena aatsii immade oode?» gaydaya.\x - \xo 21:20 \xo*\xt Waha. 13:25\xt*\x* 
\v 21 Phexiroosa ye tamaariza bi7i, «Laatstso, hyay atstse wayade?» yaga7i Yesuusa oocida.
\p
\v 22 Yesuusa eego, «Ta ye7ode wontsis E shemppora yessade gaar ta koyko, nena akko madhe? Ne tana kaallo» yagayda.
\p
\v 23 Yinnii gisho, ye tamaarize hyayqqoos gaaze ohe ishuntsana ubba yellida. Yezin Yesuusa, «Ta ye7ode wontsis, E shemppora yessade gaar ta koyko nena akko madhe?» gaydap attin «Hyayqqoos» gaykaaya.
\p
\v 24 Hyanna ohiti baz markkidhidayin hyanno xaafide ye tamaarize eza. E markkatitsitan turo maaqqidanno nu erane.
\p
\v 25 Yesuusa oochchide melle gaama baz yene. Ta qoppin, ubba bazi fete fete ommara xaafinttizako, xaafinttize maxaaftis alame gaddodes bessi maaqqada aazoos.