\id GAL - Oyda New Testament
\ide UTF-8
\h Galaatiya
\toc1 Phawuloosa Galaatiya Asuntsis Xaafide Kiita
\toc2 Galaatiya
\toc3 Gala.
\mt1 Phawuloosa Galaatiya Asuntsis
\mt2 Xaafide Kiita
\imt1 Gele
\ip Yesuusa ashshiza maaqqidanno ohize Wonggele qaala dumma dumma bessa sabbakinttin, Ayhude maaqqoosse asuntsi ammanii ammanii hyanggize wode «Kiristtoosa ammanzuntsi Muse higge folodes koshshanene koshshosa?» yagaaze ooce fettilla denddida. Ye wode Phawuloosa, «Kiristtoosa ammanzuntsi Muse higge folodes koshshoos; Yesuusa gidda kille de7o demmades koshshize waanna ammano. Asuntsi Xoozze tiino xillodes dandda7ize ammano xalaalara» yaga7i tamaarssida. Yezin Eerats Isiya gidda, Galaatiya awurajja yeze woosa keetsite yeze asunts gidda, «Asi Xoozze tiino xillodes Yesuusa ammano xalaala maaqqikaayzin Muse higgen folodes koshshane» yaga7i Phawuloosa timirttito wobbize asuntsi yene.
\ip Phawuloosa Galaatiya maxaafe xaafidanna, yinna bala timirttite cimminttide asuntsana turii ammanogon ammano yessago mahodes. Phawuloosa Yesuusa hawaare maaqqizanno geeshi ohe aykkida. Eza hawaare mahi xeegide asi maaqqikaayzin Xoozii maaqqidannon E kiitinittidanna Ayhude maaqqoosse asuntsis maaqqizanno qonccizi ohida. Yinnilla aytsii asi xillodes dandda7ize ammano xalaalara maaqqizanno ohine. Wurssutsi zofantte ammano de7o Yesuusa ammanera benttize siiqoppa goggizanno maaqqidanno ohine.
\iot Aafe Qofuntsi
\io1 Gele qofa \ior 1:1-10 \ior*
\io1 Phawuloosa hawaaretitsi adetits wolqqa \ior 1:11—2:21 \ior*
\io1 Xoozze aadho keehatitsi Wonggele \ior 3:1—4:31 \ior*
\io1 Wallotitsin ammanora yessi \ior 5:1—6:10 \ior*
\io1 Xaatsi qofa \ior 6:11-18 \ior*
\c 1
\p
\v 1 Asappa woy as baggara maaqqikaayzin Yesuus Kiristtoosappan eza hyayqoppa dentside Xoozze Adeppa hawaare maaqqade gaar kiitinttide ta Phawuloosa, 
\v 2 taara yeze ammanze ishuntsi ubba, Galaatiya yeze woosa keetsuntsis.
\p
\v 3 Xoozze nu Adayin nu Laatstse Yesuus Kiristtoosappa yinttis aadho keehatitsin sarotitsi maaqqe.
\p
\v 4 Hyanna iita woditippa nuna ashshodes, nu Laatstsen, nu Aday qofa fana Kiristtoosa nu nagartti gisho fana aatsii inggida. 
\v 5 Xoozis Medhinappa medhina yellodes bonchcho maaqqe. Amin77e.
\s1 Turii Wonggele fetto
\p
\v 6 Kiristtoosa aadho keehatitsite yinttana xeegide Xoozza ashshii, melle Wonggelego, yin ellisii, wayzi maaqqezako tana gaama qofizane. 
\v 7 E fa ommite melle Wonggele baaya. Yinttana balitsodesin Kiristtoosa Wonggele wobbisades koyze eeratsi asuntsi yene fattin turii Wonggele fetto. 
\v 8 Yezin nuna maaqqin woy salo kiitanchcho maaqqin nu yinttis tiino ohide Wonggeleppa dummudhize Wonggele yinttis ohize baz maaqqiko, E baadinttidaya maaqqe. 
\v 9 Hyannippa zaga nu gaydannigaara hyatten mahi gaane; yin ekkide Wonggeleppa dummudhize Wonggele ooden yinttis ohiko ye atstse baaddinttida maaqqe.
\p
\v 10 Yeezin, tana asi woy Xoozii nashshode fana koyanene? Woy ta asi ufayssodes koyane? Ta asi ufayssodes koyze baz maaqqiko, Kiristtoosa aro maaqqoos.
\s1 Phawuloosa xeegintte
\p
\v 11 Ta ishuntso, ta yinttis ohize Wonggeltta asappa maaqqoosanno yin erode fana ta koyane. 
\v 12 Taas hyay Wonggeliza Yesuus Kiristtoosa qonccizida fattin asappa ekkikaaya woy asi tana tamaarssikaaya.
\p
\v 13 Ta zaga Ayhude ammano yeze wode wayzi yezezako, taanii ammanzuntsana yiqsimo baytsi bay7adesin dhabssodes butunttidanno yin si7ida.\x - \xo 1:13 \xo*\xt Hawa. 8:3; 22:4-5; 26:9-11\xt*\x* 
\v 14 Ayhude ammano naagora, ta wode yeze Ayhude ishunsappa aadhane. Nu adunts wogitisin aadhii yiqsinttane.\x - \xo 1:14 \xo*\xt Hawa. 22:3\xt*\x*
\p
\v 15 Yezin ta hyaga ta inttii sazite yezin Xoozii tana doorida; fa aadho keehatitsite tana xeegida.\x - \xo 1:15-16 \xo*\xt Hawa. 9:3-6; 22:6-10; 26:13-18\xt*\x* 
\v 16 Ayhude maaqqoosse asuntsis Wonggele ohode gaar Xoozii fa Na7aya taas qonccizide wode ta ooderan zorinttikaaya. 
\v 17 Woy taappa tiino hawaare maaqqiduntsara yellinttodes Yerusalaame hyanggikaaya. Yezin ta tiinidhii Arabe gade qitida; yinnippa maaqqii Damasqqo katama yi7ida. 
\v 18 Hyaydzdzii bereppa suuba, Phexiroosara yellinttodes Yerusalaame hyanggi eera taphpho ichchin qamma gam77ida.\x - \xo 1:18 \xo*\xt Hawa. 9:26-30\xt*\x* 
\v 19 Yezin Laatstse ishe Yayqooba fattin hyankko hawaaruntsappa oonan ta bi7ikaaya.
\p
\v 20 Ta yinttis xaafidanna worddo maaqqoosanno Xoozze tiino yinttis markkidhane.
\p
\v 21 Yinnippa suuba, taanii Sooriyan Kilqiya gade qitida. 
\v 22 Yihuda yeze woosa keetsi asuntsi tana bi7i erikaaya. 
\v 23 Yezin un, «Zaga nuna bay7ize atstse, hyatte yinna E dhabssodes koyze ammantto sabbakane» yagaazanno si7ida. 
\v 24 Si7iduntsi ubba ta gisho Xoozza galatida.
\c 2
\s1 Hawaaruntsi Phawuloosa ekkida
\p
\v 1 Taphpho oyddii bereppa suuba, mahi Barnnabaasan Tito ekkii Yerusalaame hyanggida.\x - \xo 2:1 \xo*\xt Hawa. 11:30; 15:2\xt*\x* 
\v 2 Ta hyanggidannan Xoozii taas qonccizide ogera. Hyannippa tiino zaga ta oochchidannan hyatte ta oochchizanna cer maaqqaame fana Ayhude maaqqoosse asuntsis sabbakida. Woosa keetsi kaalitsizuntsana ga7i xeeginttizuntsana dumma shiishii ohida. 
\v 3 Melle atto yezin, taara yeze Tito Girike asi maaqqikon, garrazinttode gaar ga7i un7itsikaaya. 
\v 4 Yezin, aro nuna mahodesin Kiristtoos Yesuusa gidda yeze nu wallotitsito geeditera nu gidda aachintti gelide worddo ishuntsi yene. 
\v 5 Yezin turii Wonggele yin gidda miinggi xaphphii yessade gaar nuunii melle atto yezin, fettii saaten unttis kushe inggikaaya.
\p
\v 6 Yezin hyalaqa aazize asuntsi oodetitsita taas akkon baaya. Xoozii as sino bi7i firddoos. Hyantsi asuntsi ta markkidhize Wonggelella afa fettii bazin gujjikaaya.\x - \xo 2:6 \xo*\xt Mahe 10:17\xt*\x* 
\v 7 Yezin Phexiroosa, Ayhuduntsis Wonggele ohode fana Xoozii ees hyadara inggidannigaar taasin Ayhude maaqqoosse asuntsis Wonggele ohode hyadara inggidanno un suubappa tiirida. 
\v 8 Yikke, Phexiroosa Ayhuduntsi hawaare maaqqade fana oochchide Xoozze, tanan Ayhude maaqqoosse asuntsis hawaare maaqqade fana oochchida. 
\v 9 Mahi taas ingginttide aadho keehatitsito qoppide tuusi maaqqii benttize Yayqooba, Phexiroosan Wahannisa, nuna Ayhude maaqqoosse asuntsago, un Ayhude asuntsago qitodes tanan Barnnabaasan maaddodes mizaqi kushe inggida. 
\v 10 Un nuna mintsii hyadara gaydanna, nuunii dahuntsis qoppode fana. Tiinon ta yinno oochchodes amudhdhane.
\s1 Phawuloosa Phexiroosa qoftto ixxida
\p
\v 11 Phexiroosa Anxookiya katama yi7ide wode E balide gisho taanii E tiintte eqqii «Neenii balida» gayda. 
\v 12 Yayqooba kiittide fettii fettii asunsi Anxookiya yo7odeppa tiino E Ayhude maaqqoosse ammanzuntsara mu7ine, yezin un yi7idannippa suuba, «Ayhude maaqqoosse asuntsappa ammaniduntsii garrazinttodes beezane» gaaze asuntsis zhashtii unttappa shaakkinttida. 
\v 13 Fettii fettii ammanide Ayhuduntsi Phexiroosa oochite kaallida. Melle atto yezin, Barnnabaasan yinna qofite giigida.
\p
\v 14 Yezin un Wonggele turira luule yedhdhosanno bi7i, Phexiroosa as ubba tiino, «Neenii Ayhude maaqqittera, Ayhude woga fana maaqqikaayzin Ayhude maaqqoosse asuntsi fana yene; yeezin, wayzi Ayhude maaqqoosuntsana, ‹Ayhude wogara yezote› ga7i wolqqidhe?» yagayda.
\p
\v 15 Nuunii yelinttera Ayhude, yezin nagaranchcho maaqqide Ayhude maaqqoosse asunts fana baaya. 
\v 16 Yezin asi Yesuus Kiristtoosa ammanii xillane fattin higge naagii xillossanno erane. Ooden asho ma77ide ubba higge naagii xilloosse gisho nuunin higge naagii maaqqikaayzin Kiristtoosa gidda ammanii xillodes Kiristtoos Yesuusa ammanida.\x - \xo 2:16 \xo*\xt Maz. 143:2; Rome 3:20, 22\xt*\x*
\p
\v 17 Nu Ayhuduntsin Kiristtoosa baggara xillodes koshshane. Yinno maaqqiko nuunin melle asuntsi fana nagaranchcho maaqqizanno be7ine. Yeezin, nu nagara oochchode fana dentsitsize Kiristtoosa ga7inttanene? Mulon baaya! 
\v 18 Yikke, ta wul7idanno mahi keexizebaz maaqqiko taanii ta ommite higge mentsizaya maaqqizanno markkidhane. 
\v 19 Taanii Xoozis de7o maaqqii yessade fana higge baggara higges hyayqqida. 
\v 20 Taanii Kiristtoosara masqalalla afa suxunttida. Taanii yikkeppa taas yezoos, yezin Kiristtoosa ta gidda yene. Ta hyatte ashora yeze yestto, tana kadhii ta gisho fana aatsii inggide Xoozze Na7a ammanii yene. 
\v 21 Taanii Xoozze aadho keehatitsito cer ashshoos. Xillotitsi asis higge baggara benttize baz maaqqizako, Kiristtoosa hyarii hyayqqida ga7e.
\c 3
\s1 Xillotitsii ammanora
\p
\v 1 Hyantsi, qoppoosse Galaatiya asuntso, yin aafti tiintte Kiristtoosa masqalalla suxunttide si7ile fana qonccii benttane. Yeezin, turis yin kiitinttaame fana yinttana doccizide oode?\x - \xo 3:1 \xo*\xt Mahe 27:26\xt*\x* 
\v 2 Ta fettibaz erodes koyane; yin Geeshi Ayyaana ekkidanna higge naagine woy Wonggele qaala ammanii ekkidate? 
\v 3 Yin yinnii fana qoppoosuntsana? Yin Xoozze Ayyaanara aykkii, hyatte ashora folodes koyane? 
\v 4 Yin Wonggele baggara gaama waayidanna hyarii? Yinna waayita ubba cer maaqqida? 
\v 5 Xoozii yinttis Geeshi Ayyaana inggidannan yin gidda kille baz oochchizanna, yin higge naagide gishone woy Wonggele si7i ammanide gisho?
\p
\v 6 Ane Abrahama bo7ote, «E Xooz ammanida; Xoozii ees yinno xillotitsi mahi faydida»\x - \xo 3:6 \xo*\xt Medho 15:6; Rome 4:3\xt*\x*ga7intti xaafinttida. 
\v 7 Yikke, ammanzuntsi Abrahama na7untsana maaqqizanno erote.\x - \xo 3:7 \xo*\xt Rome 4:16\xt*\x* 
\v 8 Xoozii Ayhude maaqqoosse asuntsana ammanora xillissadanno tiino Geeshi Maxaafe bi7i, «Worzha ubba neera anjjinttoda» yaga7i, Wonggele Abrahamas tiinidhii ohida.\x - \xo 3:8 \xo*\xt Medho 12:3\xt*\x* 
\v 9 Yinnii gisho, ammanze ubba ammanide Abrahamera wolla anjjinttoda.
\p
\v 10 Higge naagii xilloda gaaze ooden baaditsi gidda yene. Akkos gayko, Geeshi Maxaafite, «Higge maxaafite xaafinttidanne ubba miinggi yezoossen oochchoosse ooden baadinttidaya maaqqo» ga7intti xaafinttida.\x - \xo 3:10 \xo*\xt Mahe 27:26\xt*\x* 
\v 11 «Xillo ammanora yessada» ga7intti xaafinttide gisho ooden Xoozze tiino higge naagii xilloosanna erinttidebaz.\x - \xo 3:11 \xo*\xt Ibr. 2:4\xt*\x* 
\v 12 Higge ammanoppa baaya. Yezin, «Higgito naagize ooden izo kaalloda» yaga7inttida.\x - \xo 3:12 \xo*\xt Leewe 18:5\xt*\x*
\p
\v 13 «Minxalla afa suxuntti hyayqqide ooden baaddinttidaya» ga7intti xaafinttida. Kiristtoosa nu gisho baaddinttezaya maaqqii, nuna higge baadditsappa wozida.\x - \xo 3:13 \xo*\xt Mahe 21:23\xt*\x* 
\v 14 Xoozii Abrahamas inggide anjjita, Yesuus Kiristtoosa baggara Ayhude maaqqoosse asuntsana yellode fanan Xoozii inggoda gayde Geeshi Ayyaana ufayssi ammanora ekkode fana yinno oochchida.
\s1 Higgen ufays qaala
\p
\v 15 Ta ishuntso, ta yinttis as de7o duse maaqqii yeze baz aazize mahi ohine. Asi caaqqide caaqita miinggidannippa suuba, ooden yinna caaqito shaarodes woy melle gujjodes dandda7oos. 
\v 16 Xoozii yinna ufays qaaltto Abrahamasin E zaruntsis inggida. Geeshi Maxaafite, gaama asis ohize fana, «Ne kochchuntsis» ga7oos. Yezin fettii asis ohize fana, «Ne kochchitis» yagayda; ezin Kiristtoosa.\x - \xo 3:16 \xo*\xt Medho 12:7\xt*\x*
\p
\v 17 Taanii gaazanna hyanno; oyddii xeeti hyasttam bereppa suuba ingginttide higgita, tiino Xoozii mintside caaqito shaarii ufays qaaltto dhabisodes dandda7oos.\x - \xo 3:17 \xo*\xt Keze 12:40\xt*\x* 
\v 18 Xoozii inggize laatita higgera ekkinttizebaz maaqqizako Xoozii inggide ufays qaala baggara maaqqizanna attane. Yezin Xoozii fa aadho keehatitsite laata Abrahamas ufays qaala baggara inggida.\x - \xo 3:18 \xo*\xt Rome 4:14\xt*\x*
\p
\v 19 Yeezin, higge akkos ingginttido? Higge ingginttidanna, Abrahamas ufays qaala ingginttide kochchita ye7ode wontsis iita oocha akko yezako beessades. Higge kiitanchcho baggara ingginttii, gidda maaqqii giigize fettii as baggara oochalla afa feezhida. 
\v 20 Gidda maaqqii giigize atstse lam77i zalas oochchane fattin fetes baaya, yezin Xoozii fetto.
\p
\v 21 Yeezin, higge Xoozze ufays qaala ixxanene? Ade! Higge inginttidanna asis de7o inggodes maaqqizako, turii xillotitsi higge baggara maaqqadyeshsha. 
\v 22 Yezin Yesuus Kiristtoosa ammanin benttize ufays qaaltto ammanzutsis ingginttode fana kumutsi alamtta nagaras oomora yezanno Geeshi Maxaafite ohine.
\p
\v 23 Yezin ammano ye7odannippa tiino higgera acinttii yene yeshsha. Yinna ammantta qonccode wontsis higgera naaginttii yezida. 
\v 24 Yinnii gisho, nuunii ammanora xillode fana Kiristtoosa ye7ode wontsis higge melle as na7a naagize asi fana nuna naagizaya maaqqida. 
\v 25 Yezin hyatte ammano yi7ide gisho higge yikkeppa suuba melle as na7a naagize asi fana nuna naagizanna attida.
\p
\v 26 Yin ubbuntsi Yesuus Kiristtoosa ammanii Xoozis na7untsana maaqqida. 
\v 27 Kiristtoosara fetto maaqqades xammaqinttide ubbuntsi Kiristtoosa ma77ida. 
\v 28 Yin ubbuntsi Kiristtoosa gidda fetto maaqqize gisho Ayhude asunts giddan Girike asunts gidda, aro giddan bonchcho as gidda, dhiiratsi giddan maachi gidda dummatitsi baaya. 
\v 29 Yikke, yin Kiristtoosas maaqqiko yin Abrahama kochchi. Xoozze ufays qaaltti fana yin laattizuntsana.\x - \xo 3:29 \xo*\xt Rome 4:13\xt*\x*
\c 4
\p
\v 1 Ta gaazanna hyanno. Laattizay na7a maaqqii yeze wode, ubba bazis Laatstsii maaqqikon, aroppa akkon dummudhoos. 
\v 2 Yezin E aday gayde wode yellodes wontsis E hyadarto ekkiduntsi kushen naagizunts kushe yene. 
\v 3 Yinnii gaara, nuunii na7atitsa yeze wode alame tiino wogas aqii aridhdhii yene. 
\v 4 Yezin wodita yellide wode Xooz higgeppa oomora, maachippa yelinttide fa na7aya kiittida. 
\v 5 E yinno oochchidanna, higges aqii yezuntsana wozodesin nuna fa na7a mahodes.\x - \xo 4:5-7 \xo*\xt Rome 8:15-17\xt*\x*
\p
\v 6 Nu Xoozze na7a maaqqize gisho «Abbo, Abbaba» ga7i xeegize fa Na7ay Ayyaana nu wozintti gidda kiittida. 
\v 7 Yinnii gisho, yikkeppa neenii Xoozze na7a fattin aro baaya. Neenii E na7a maaqqiko, Kiristtoosa baggara Xooz laattiza maaqqane.
\s1 Phawuloosa Galaatiya asuntsis qoppida
\p
\v 8 Yin zaga Xoozza eroosse wode fa hyanotitsite xooz maaqqoosuntsis aro maaqqii aqida. 
\v 9 Yezin hyatte yin Xoozza erida; aatsii Xoozara erinttida. Yeezin mahi fatstsoossen maaddoosse alame wogago suuba wayzi maaqqidate? Wodhdhii eqqii, wayzi unttis mahi aro maaqqades koyete? 
\v 10 Dummudhide qammas, aginas, wodesin beres yin dummuzi loytsii bonchcho inggane. 
\v 11 Ood erize hyarii ta yinttis labbid yessane ga7i zhashitane.
\p
\v 12 Ta ishuntso, ta yin fana maaqqide gisho yinttin ta fana maaqqote ga7i yinttana woossane. Yin tana fettii bazaran qohikaaya. 
\v 13 Taanii tiino hyargginttitera yinttis Wonggele ohidanno yin erane. 
\v 14 Ta hyarggita yinttis faatana maaqqikon, tana borikaaya; antsinttikaaya. Yezin tana Xoozze kiitanchcho woy Kiristtoos Yesuusa mokkizannifana mokkida.
\p
\v 15 Yikke, yin tana ufaysidanna ane? Yinttis dandda7inttizako, yin taas, yin aafto kessii inggizako ixxosanno ta markkidhane. 
\v 16 Yeezin, ta yinttis turito ohide gisho yinttis morkke maaqqid yessane?
\p
\v 17 Yentsi asuntsi yinttana mintsii koyane, yezin lo77oos baaya. Mintsii koyzanna yinttana shaakkodesin faas qoppode fana yissades amudhdhane. 
\v 18 Lo77o baz oochchodes beeziduntsana maaqqiko lo77o, yezin yinna ta yinttara yeze wode xalaala maaqqikaayzin ubba wode maaqqe.
\p
\v 19 Ta siiqo na7untso, Kiristtoosa yinggida si7ile fana yi7ade wontsis yelos maacha dha7inttizanni gaara ta yin gisho dha7inttane. 
\v 20 Yin baz taas workkita maaqqin un77inttane; hyatte yin gidda ta benttii zhilidhdhi ohizako akko gaar kadhane yeshsha.
\s1 Aggaaron Saaro
\p
\v 21 Higge aqii yessades koyzuntso, ane taas ohote; higge akko gaazako si7osite? 
\v 22 Geeshi Maxaafite, «Abrahamas arttippan kara inttippa yelinttide lam77i na7untsi yene» yagaane.\x - \xo 4:22 \xo*\xt Medho 16:15; 21:2\xt*\x* 
\v 23 Arttii na7ay as na7a yelinttize wogara yelinttida, yezin kara inttii na7ay Xoozze ufays qaalara yelinttida.
\p
\v 24 Hyants maachuntsi lam77i caaquntsis aazize maaqqii ekkinttane. Unttappa fetta, Siina Derizeppa yi7idanna, fa na7untsana arotitsis yelida; izan Aggaaro. 
\v 25 Aggaara Arabe sa7a yeze Siina Dereppa. Hyatte yeze Yerusalaame aazane. Iza fa na7untsara arotitsa yene. 
\v 26 Yezin salo Yerusalaame wallotitsa yezanno; izan nu ubbuntsis inddo. 
\v 27 Geeshi Maxaafite,
\q1 «Na7ite, yeloosse dhoontsite ufaytto;
\q2 na7ite yelo dha7i eroosanne ililio.
\q1 Azinara yeze maachitippa,
\q2 azini baayze maachitis na7untsi gaama» yagaane.\x - \xo 4:27 \xo*\xt Isa. 54:1\xt*\x*
\p
\v 28 Ta ishuntso, nuunii Yisaaqa fana Xoozze ufays qaalara yelinttide na7a. 
\v 29 Yezin ye wode as wogara yelinttide, Ayyaana wolqqara yelinttidaya baytsida. Hyaynon yinnii fana.\x - \xo 4:29 \xo*\xt Medho 21:9\xt*\x* 
\v 30 Yezin Geeshi Maxaafta waage? «Arttii na7ay kara inttii na7ayra fettilla laattoose gisho artton I na7ayra kessii dakko» yagaane.\x - \xo 4:30 \xo*\xt Medho 21:10\xt*\x* 
\v 31 Yinnii gisho, ta ishuntso, nuunii kara inttii na7untsana fattin arttii na7untsana baaya.
\c 5
\s1 Kiristtoosa gidda yeze wallotitsi
\p
\v 1 Nuunii wallotitsa yessade fana Kiristtoosa nuna arotitsappa kessida. Yikke, miinggi eqqote; mahi arotitsi qambbara waaxinttippete.
\p
\v 2 Taanii, Phawuloosa, gaazanno si7ote. Yin garrazinttiko, Kiristtoosa yinttana akkon maaddoos. 
\v 3 Garrazinttize ooden higge kiittize ubba folodes beezizanno fetes fetes mahi ohine. 
\v 4 Higge naagii xillodes koyzuntso, Kiristtoosappa shaakkintti; Xoozze aadho keehatitsappa gol7ida. 
\v 5 Yezin nuunii Xoozze Ayyaana baggara ammanora xillodanno ufayssara naagane. 
\v 6 Yikke, Kiristtoos Yesuusa gidda yeziko, siiqo oocha qonccize ammano fattin garrazinttin, garrazinttanxin nuna akkon maaddoos.
\p
\v 7 Lo77o woxxane yeshsha, yezin hyatte turis kiitinttaame fana yinttana kayde oode? 
\v 8 Hyannii fana iita zore yinttana xeegide Xoozzeppa baaya. 
\v 9 Yinnan, «Eerats irshsho buka ubba dentsitsane»\x - \xo 5:9 \xo*\xt 1 Qoro. 5:6\xt*\x*ga7inttide fana. 
\v 10 Yinttis melle qofa baayzanno folo Laatstsella ammaninttane. Yezin yinttana buqize ooden Xoozappa fa firddito ekkoda.
\p
\v 11 Ta ishuntso, ta hyayno yellodes garrazintte sabbakize baz maaqqiko, yeezin tana akkos bay7e? Yinno subbakizebaz maaqqiko Kiristtoosa masqalabaz asuntsis dhube maaqqizanna attane yeshsha. 
\v 12 Yinttana buqizuntsi garrazintte xalaala maaqqikaayzin fa agastto gachchizakon ta kadhane.
\p
\v 13 Ta ishuntso, yin wallo yessades xeeginttida. Maaqqoyezin, yin wallotitsita asho amotitsi folodes yinttis oge maaqqippe; yinnippa aatsii fetay fetays siiqora aro fana maaqqote. 
\v 14 Higge ubba, fettii qaalara acinttida. Yinnan «Ne laggiza ne ommiti fana kadho» gaazanno.\x - \xo 5:14 \xo*\xt Leewe 19:18\xt*\x* 
\v 15 Yezin yin fetay fetayra saxinttizebazin mu7inttizebaz maaqqiko, yin woli hyaasaame fana naaginttote.
\s1 Ayyaan de7on asho de7o
\p
\v 16 Yikke, ta yinttis ohine; Ayyaanara yezote; yin asho amuto mulon folippete. 
\v 17 Asho Ayyaanalla Ayyaana asholla amudhdhane; unttin fete fetera ixinttane. Yinnii gisho yin kadhizebaz oochchodes dandda7oos.\x - \xo 5:17 \xo*\xt Rome 7:15-23\xt*\x* 
\v 18 Ayyaanara kaallizebaz maaqqiko higge yinttana ahoos.
\p
\v 19 Asho oochuntsi erinttiduntsana; unttin, olale, tunatitsi, qayxe, 
\v 20 eeqas goyne, bita, morkketitsi, kachchi, qanaate, zhilo, zadzdza7intte, fana kadhe, shaakkintte, iita zore 
\v 21 gene, matstse, yetstsin yinno aazizuntsana; tiino ta yinttis ohidanni fana hyatten ta yinttis ohine. Hyannii fana aazizebazito oochchizuntsi Xoozze ka7itumo geloos.
\p
\v 22 Yezin Ayyaana aafe, siiqo, ufayssi, sarotitsi, dandda7a, keehatitsi, lo77otitsi, ammano, 
\v 23 aadatitsi, fana ahe. Hyannii fana aazizebazito ixxize higge baaya.
\p
\v 24 Kiristtoos Yesuusa baz maaqqiduntsi fa ashito Iis yeze iita qoftiran I amotitsitira wolla masqalalla afa suxxida. 
\v 25 Ayyaanara yeze baz maaqqiko, nuunii Ayyaanar kaalloda. 
\v 26 Ane fete fetella zhilidhdhittera, dendditteran qanaatitteran hyappo ceeqinttizanno ashshoda.
\c 6
\s1 Fetay feta maaddote
\p
\v 1 Ta ishuntso, asi akko qohe gidda gol7iko, Ayyaanara yeze yin ye atstsa ashkketitsara luulizote. Yezin neenii yinnii gaarze bazara fattanintaame gaar nena naago. 
\v 2 Yinttappa Fetay fete tooftto tookko. Yeyzitera Kiristtoosa higge folote. 
\v 3 Fete asi akkon hyanikaayzin, akkon hyanide fana melluntsappa lo77o ga7i qoppiko, E fana cimmane. 
\v 4 Yezin fete fete fa omma oochito fattano. Yinnippa suuba, melluntsis hyanikaayze baz fa xalaalas ceeqinttize baz demmada. 
\v 5 Fete fete fa tooftto tookkodes beezane.
\p
\v 6 Yezin Xoozze qaala tamaarize tamaarssizera lo77o baz ubba gishinttane.
\p
\v 7 Balinttippete, Xoozii ciminttoos Asi fa budizanno mahi maxoda. 
\v 8 Fa asho amora budize ooden, fa asho amotitsitippa wooqa maxoda. Yezin Ayyaanara budize ooden Ayyaanappa medhina de7o maxoda. 
\v 9 Azal7anxiko nu woder maxoda. Lo77o oocha oochchodes azal7oos. 
\v 10 Yikke wottize wode denggiko, asi ubbas, aatsii ammanze asis lo77o baz oochchoda.
\s1 Wurssutsi zoren saritsen
\p
\v 11 Taanii ta kushera, akko gaar damma fidaalera yinttis xaafezako bo7ote. 
\v 12 As tiino lo77o maaqqii benttodes koyze asuntsi yin garrazinttode fana koyane. Yezin yinno un oochchizanna, Kiristtoosa masqala gisho unttana baytsi yellaame fana. 
\v 13 Un yin garrazinttidanne ceeqinttodes koyi «Yinttana garrazinttote!» gaane fattin garrazinttiduntsin fa ommite higge naagoos.
\p
\v 14 Yezin alame taas suxinttidayppan taanin alames suxunttide, Laatstse Yesuus Kiristtoosa masqalappa melle ceeqintte taappa hyaakko. 
\v 15 Yikke, garrazinttin garrazinttanxin akkon maaddoos. Kiristtoos Yesuusara kille medho maaqqe maaddane. 
\v 16 Hyanna wogito kaallize ubbuntsisin Xoozze worzha maaqqide Isra7eeluntsis sarotitsin maarotitsin maaqqe.
\p
\v 17 Taanii Yesuusa hyarggide beetto ta ashite tookkida, yikkeppa tana akkon labbizoos.
\p
\v 18 Ta ishuntso, nu Laatstse Yesuus Kiristtoosa aadho keehatitsi Ayyaana yinttara maaqqe. Amin77e.