\id EPH - Oyda New Testament
\ide UTF-8
\h Efesoone
\toc1 Phawuloosa Efesoone Asuntsis Xaafide Kiita
\toc2 Efesoone
\toc3 Efe.
\mt1 Phawuloosa Efesoone Asuntsis
\mt2 Xaafide Kiita
\imt1 Gele
\ip Phawuloosa Efesoone yeze asuntsis xaafide kiitite ubbappa aatsii bi7idanna, «Wode yellize wode Xoozii folodes qoppide qoftta, salon sa7a yeze medhinttide baz ubbunna Kiristtoosappa oomora maaqqade fana» yagaaze qoftto (1:10). Yinnilla afa gujjii Yesuusa Kiristtoosara yeze fettetitsite, as kochchi ubba fetto maaqqade fana yinna damma qoftto oochalla feeshode fana Xoozze asuntsana qofizane.
\ip Efesoone kiita tiino kifiltte xaafize omma qofa maaqqize fettetitsi baz xaafodes aykkidanno dalggizii, Xoozze aday fa asuntsi wayzi doorezako, unttin E na7ay, Yesuusa Kiristtoosa fa nagarttippa maarotitsi denggi wayzi wallo kezezakon, Xoozze damma ufays qaala Geeshi ayyaana baggara turo maaqqidanno ernttezako ohine. Lam7intsa kifiltte mahi xaafize hyanna kiitto nabbabize asuntsi fa fettetitsito de7ite Kiristtoosa gidda un yeze fettetitsita turo maaqqade gaar un wayzi yessades beezizako qofizane.
\ip Asuntsi Kiristtoosa gidda yeze fettetitsito wayzi yessades beezizako dumma dumma aazizer qonccida. Woosa keetstsi galla aazize maaqqize wode Kiristtoosa yinna gallitis omma. Woosa keetstsi gimbbe keetstsara aazize wode Kirsttoosa yinna keetsitis doche xaphito mintsize waanna shuchchi. Woosa keetstsi machchira aazize wode Kiristtoosa azinara aazizane. Xaafize Kiristtoosa baggara qonccide Xoozze anjjo keehatitsito gaama nashshii ohitera, gaatsita genidhize ohe ohine. E ubba baz, Kiristtoosa siiqito, E zharshinttidanno, E inggide nagara maarotitsito, E aadho keehatitsiton E geeshshatitsite baggara be7ine.
\iot Aafe Qofuntsi
\io1 Saritse \ior 1:1-2 \ior*
\io1 Kiristtoosan woosa keetstsi \ior 1:3—3:21 \ior*
\io1 Kiristtoosa gidda yeze kille de7o \ior 4:1—6:20 \ior*
\io1 Xaatsi qofa \ior 6:21-24 \ior*
\c 1
\p
\v 1 Xoozze qofara Kiristtoos Yesuusa hawaare maaqqide Phawuloosa, Efesoone yeze geeshshuntsisin Kiristtoosa Yesuusa ammanzuntsis xaafinttide kiita.
\p
\v 2 Xoozze nu Adeppan Laatstse Yesuus Kiristtoosappa aadho keehatitsin sarotitsi yinttis maaqqe.\x - \xo 1:2 \xo*\xt Hawa. 18:19-21; 19:1\xt*\x*
\s1 Kiristtoosa gidda yeze ayyaana anjjo
\p
\v 3 Salo yeze ayyaana anjjo ubba Kiristtoosa baggara nuna anjjida, nu Laatstse Yesuus Kiristtoosa Aday, galatintto. 
\v 4 Nuunii E tiino geeshshuntsanan bore baayzuntsana maaqqode fana Xoozii alame medhinttodannippa tiino Kiristtoosa baggara fa siiqite nuna doorida. 
\v 5 Xoozze fa lo77o qofite fa kadhide gaar Yesuus Kiristtoosa baggara nuna fa na7untsana mahodes tiino qoppii gaddida. 
\v 6 Xoozze fa siiqize na7ay baggara nuus hyarii inggide aadho keehatitsita bonchchinttode fana yinno oochchida.
\p
\v 7 Al77o na7ay E aadho keehatitsitin dammatitsiti fana E suutsite wozintte denggida, izan nu nagartti atotitsi. 
\v 8 Fa aadho keehatitsita cinccatitsin qofa nuus gaantsida. 
\v 9 Kiristtoosa baggara oochchodes kadhide E gidda yeze saza qofa nuna erisida.\x - \xo 1:9 \xo*\xt Qola. 1:14\xt*\x* 
\v 10 Wode wurssutsite Xoozii folodes qoppide qoftta, salon sa7a yeze medhetitsi ubba Kiristtoosara xaaxodesi.
\p
\v 11 Fa qofara ubba oochchize, fa qoftti gaar tiinii faas qoppii gaddide Kiristtoosara mahi irste ekkida. 
\v 12 Yinnan Kiristtoosalla tiinii ufays gaddide nuunii E bonchchito galatode fanas. 
\v 13 Yin mahi turii qaala yinnan atotits Wonggele, si7ide mahi Kiristtoosa ammanii Geeshi Ayyaanara attaminttida. 
\v 14 E bonchchitis galata maaqqade fana Xoozii faas maaqqiduntsana wozode wontsis ezii nuus qabde mahi inggida.
\s1 Phawuloosa woosa
\p
\v 15 Yinnii gisho, Laatstsi Yesuusa yin ammanzannon geeshshuntsis ubba yeze siiqito ta si7i 
\v 16 ta woosite yinttana qoppittera yin gisho Xoozza galatizanno ashshikaaya. 
\v 17 Bonchcho Aday Laatstse Yesuus Kiristtoosa, eza erize cinccatitsin qonccits ayyaana yinttis inggode gaar taanii woossane. 
\v 18-19 Yinnan yin wozina aafita foo7ize wode yin xeegisiti ufayssita akko fana yezakon geeshshuntsi kale yeze iriste bonchcho duretitsita akko yezako ammanzuntsis ubba aadhide E wolqqa dammatitsita akko gaar yezako yin erode fanas.
\p
\v 20-21 Kiristtoosa hyayqoppa dentside, hyalaqatitsi, adetitsi wolqqa, wolqqa, laatstsetitsi ubbappa dhoqqa, hyanna alamite xalaala baayzin ye7ode alamite mahi xeeginttode suntsappa dhoqqa, salo Xoozappa mizaqi zalar bettitside Kiristtoosa oochchide E mintsii wolqqito qonccizane. 
\v 22 Xoozii ubbanno Kiristtoosa tohitippa oomora hyaarizida; mahi woosa keetstsis ubba omma maaqqade fana eza shuumida. 
\v 23 Woosa keetsita Kiristtoosa kumutsi oochchize E galla. Woosa keetsita E galla ubba bazi mulo kumide E kumutsi.\x - \xo 1:23 \xo*\xt Maz. 8:6; Qola. 1:22-23; 1:18\xt*\x*
\c 2
\s1 Kiristtoosara hyayqoppa de7o fingge
\p
\v 1 Hyannippa zaga yin, yin nagarttippan yin qohitippa denddii ayyaana de7ite hyayqqiduntsana. 
\v 2 Yinnippa denddii yin hyanna alame iita ogito kaallida. Baqolla afa yeze ayyaanuntsi wolqqara ahizes kiitinttane, ezin kiitinttoose asuntsalla oochchize tuna ayyaana.\x - \xo 2:2 \xo*\xt Qola. 2:13\xt*\x* 
\v 3 Nu ubbuntsi zaga yentsi asunts gidda nu asho amora nu wozina qoftto kaallii yene. Mellunts fana nu medhite Xoozze hyanqo ekkodes yezuntsana.
\p
\v 4 Yezin Xoozii fa maarotitsite dure maaqqide gisho 
\v 5 nuna kadhide damma siiqitippa dinddidanne nu qohittira hyayqqiduntsana maaqqide wode Kiristtoosara de7o inggida. E aadho keehatitsite attida. 
\v 6 Xoozii nuna Kiristtoosara baggara hyayqoppa dentsii salo bessa eera wolla gaddida. 
\v 7 E yinno oochchidanna, Kiristtoosa Yesuusa baggara nuus qonccide fa keehatitsiton likke baayze fa aadho keehatitsi duretitsito yo7ode bere nuna beezodes. 
\v 8 Aadho keehatitsita ammanora ashshida. Yinnan, Xoozze imo fattin yinttappa baaya. 
\v 9 Oonin ceeqinttaame fana oochara baaya. 
\v 10 Nuunii Xoozze medho; E nuus tiinii giigizii gaddide lo77o oocha oochchode fana Kiristtoos Yesuusa baggara kille medhinttida.
\s1 Kiristtoosara yeze fettetitsi
\p
\v 11 Yinnii gisho, yin yelinttera Ayhude maaqqoosuntso, ashora kushera garrazinttiduntsi kale, garrazinttikaaya ga7inttezuntso, yinno qoppote. 
\v 12 Ye wode yin Kiristtoosappa shaakkintti yezida, Isra7eele asuntsis allaga maaqqii yezida, Xoozze ufays qaalappa hyaakkii yezidannon hyanna alamtti ufayssin Xoozii baayzin yezuntsana qoppote. 
\v 13 Yezin yin zaga hyaakkii yezuntsana, hyatte Kiristtoos Yesuusa yeze Kiristtoosa suutsite kale shiiqida.
\p
\v 14 Kiristtoosa nuus saro; E Ayhuden Ayhude maaqqoosse asuntsana fetto mahi, lam77i shaakkii gaddide morkketitsi doche lalida. 
\v 15 Lam77i worzhuntsappa E faara yessade fana fettii kille asi medhdhodes, higge kiitton wogito fa ashite dhabsi saro inggida. 
\v 16 Kiristtoosa masqalalla hyayqqii morkketitsito dhabsida; mahi lam77i zaruntsana fettii asi mahi Xoozara giigizida.\x - \xo 2:16 \xo*\xt Qola. 2:14\xt*\x* 
\v 17 Kiristtoosa yi7i, Xoozappa hyaakkii yeze yinttisin, mahi ukke yeze Ayhuduntsis sarotits Wonggele ohida.\x - \xo 2:17 \xo*\xt Qola. 1:20\xt*\x* 
\v 18 Nu ubba E baggara fettii Ayyaanara Aday tiino shiiqoda.\x - \xo 2:18 \xo*\xt Isa. 57:19\xt*\x*
\p
\v 19 Yikkeppa yin zaqqon bete asi baaya, yezin yin hyatte geeshshuntsara gade asin Xoozze kara asi. 
\v 20 Yin hawaaruntsin nabuntsi baaside baasalla keexinttida. Doche xapho mintsize shuchchize Kiristtoos Yesuusa. 
\v 21 Eella keetsita ubba aykinttii Laatstse gidda geeshi Xoozze keetstsi maaqqade wontsis dammane. 
\v 22 Eera yin mahi Xoozzes aqize keetstsi maaqqii Ayyaanara wolalla keexinttoda.
\c 3
\s1 Ayhude maaqqoosse asuntsis hawaare maaqqide Phawuloosa
\p
\v 1 Yinnii gisho, taanii, Phawuloosa, Ayhude maaqqoosse yin gisho Kiristtoos Yesuusa achi asi maaqqida. 
\v 2 Yinttis tana inggide Xoozze aadho keehatitsi asttamaare ta maaqqezanno yin loytsii si7ida. 
\v 3 Ta yinttis zaga hyaatara xaafidanni fana Xoozii fa saza qofa taas qonccitsara erisida. 
\v 4 Ta xaafidanno yin nabbabize wode Kiristtoosa saza qofa ta akko gaar akaakezako yin be7ades dandda7ane. 
\v 5 Yinna saza qoftta Xoozze Ayyaanara geeshi hawaaruntsisin nabuntsis hyatte qonccidanni fana zaga wode asuntsis yinnii gaar qonccizikaaya.\x - \xo 3:5 \xo*\xt Qola. 1:26-27\xt*\x* 
\v 6 Yinnan beezanna Ayhude maaqqoosuntsi Isra7eeluntsara fettilla Xoozze anjjo laattodes fettii asatitsi billite maaqqii; Xoozii inggize ufays Wonggele baggara Yesuus Kiristtoosara shaakkinttizuntsana maaqqades.
\p
\v 7 Xoozze fa wolqqa oochara fa inggide aadho keehatitsiti imo baggara Wonggele oochchizaya maaqqida. 
\v 8 Taanii geeshshunts ubbappa laafa maaqqikon Ayhude maaqqoosse asuntsis wuzula baayze Kiristtoosa duretitsi Wonggele ohode gaar aadho keehatitsi taas ingginttida. 
\v 9 Mahi zaga wode ubba medhdhide Xoozara aachintti yeze saza qofa, Xoozze qoftta akko yezako qonccissades aadho keehatitsi taas ingginttida. 
\v 10 Xoozii yinno oochchide hyatte wode woosa keetstsi asunts baggara salo yeze hyalaquntsisin ahizuntsis fa dumma dumma qonccitsito erisodes. 
\v 11 Yinnan Kiristtoos Yesuusa baggara nu Laatstse folide medhina qofa. 
\v 12 Nu Kiristtoosas maaqqidanniran eza ammandanni gaara Xoozze tiino miinggi ammaninttii shiiqodes dandda7ane.
\p
\v 13 Taanii yin gisho madha ekkizanna nuus bonchcho yinnii gisho ta yellize madhito bi7i ufays gachchifete ga7i yinttana woossane.
\s1 Efesoone asuntsis woosside woosa
\p
\v 14 Taanii Aday tiino bunqqunttii woossize hyannii gishosi. 
\v 15 Salo sa7a yeze fettii fettii kara asuntsi turii suntsi denggize Xoozappa. 
\v 16 Xoozii fa bonchcho duretitsappa yin gaatsa qoftto mintsize wolqqa fa ayyaana baggara inggode gaar yinttis woossane. 
\v 17 Mahi ammanora Kiristtoosa yin wozintte yessade gaaran yin siiqora xapho dakkii miinggi yessade gaar woossane. 
\v 18 Yinnii fana, Kiristtoosa siiqo akko gaar dalgga, pharggo, dhoqqin ciimmo yezako geeshshunts ubbuntsara akaakii erode gaar woossane. 
\v 19 Yinna as Eratitsappa dhoqqa maaqqide Kiristtoosa siiqo yin erode gaaran Xoozze folo kumutsi yin kumode fana ta woossane.
\p
\v 20 Yikke, nu gidda oochchize wolqqiti baggara nuunii woossizannippa woy qoppizannippa ubba aatsii oochchodes dandda7izes, 
\v 21 Eesin woosa keetstsa asuntsis ubba Kiristtoos Yesuusa wode ubba medhippa medhina yellodes bonchcho maaqqe. Amin77e.
\c 4
\s1 Kiristtoosara yeze fettetitsi
\p
\v 1 Yikke, Laatstses acinttide taanii, yin xeeginttide xeegisite beezize de7or yessade fana woossane. 
\v 2 Siiqora fetay fetaya dandda7itera ubba wode aadatitsaran dalggatitsara wol dandda7i yezote. 
\v 3 Sarotitsara acinttide ayyaana fettetitsi naagodes minggote.\x - \xo 4:3 \xo*\xt Qola. 3:12-13\xt*\x* 
\v 4 Yin xeeginttidanna fettii ufays xeegitsi maaqqide gisho fettii asatetsin fettii Ayyaana yene. 
\v 5 Fettii Laatstsii, fettii ammanon fettii xinqqate yene. 
\v 6 Ubbannippa dhoqqa maaqqide, ubballa oochchize ubba bessa yeze fettii Xoozii, ubbuntsi aday yene.
\p
\v 7 Yezin Kiristtoosa inggodes koydanni fana nuus fetes fetes dumma dumma imotitsi inggida. 
\v 8 Yinnii gisho, Xoozze qaaltte,
\q1 «E ude kezide wode di7inttodes yezuntsana di7ida,
\q2 asuntsisin imotitsi inggida»
\m yagayda. 
\v 9 Sulle sa7a oomo wodhdhida ga7e maaqqanxiko yinna «Ude kezida» gaazanna akko ga7e?\x - \xo 4:9 \xo*\xt Maz. 68:18\xt*\x* 
\v 10 Ye sulle wodhdhiday, mahi ubbanne benttode wontsis salo ubbas kattar keziday eza.
\p
\v 11 E feta feta hawaaruntsana, feta feta nabe, Wonggele sabaakuntsana, woosa keetsi yenggizuntsanan, asttamaaruntsana mahi inggida. 
\v 12 E yinno oochchidanna Kiristtoosa galla maaqqide woosa keetsita geeshshade fanan ammanze asuntsana Xoozze oochas giigisades. 
\v 13 Yinnii fana, nu ubba Xoozze na7a erii ammanora benttize fettetitsago yellii, Kiristtoosa folon kumutsi maaqqide fana nuunin kumutsi as maaqqade fanas.
\p
\v 14 Yikkeppa suuba, asuntsi gene cimora giigide balitsize worddo timirtte baqoran zulunttera goden hyankka sholale kaa7ize na7untsi fana maaqqodes beezoos. 
\v 15 Yezin nuunii turo siiqora aytsitsii ubba bazara eego omma maaqqide Kiristtoosago dichchoda. 
\v 16 Eeppa denddii galla ubba billite wogara oochchode fana acinttide galla xapho shazhara aykkinttii fana siiqora keexitera fa galtto dichchane.\x - \xo 4:16 \xo*\xt Qola. 2:19\xt*\x*
\s1 Kiristtooara kille de7o
\p
\v 17 Yikkeppa qofa baayze Ayhude maaqqoosse asunts fana yezippete ga7i Laatstse tiino markkidhane. 
\v 18 Un qoftta dhumida; fa wozintte dhumida. Xoozii inggize de7oppan hyaakkida. 
\v 19 Un yeella gaazebaz eroos; un tuna baz oochchodesin asho amotitsis fana aatsii inggida.
\p
\v 20 Yin Kiristtoosa baz yinnii gaar tamaarikaaya. 
\v 21 Turippa yin si7ida. Mahi Yesuusa gidda turii yezanno tamaarida. 
\v 22 Yin tiino yezide wogito ashshote. Mahi cimmize ammora dhabize yin gal77a qoftto hyaasote. 
\v 23 Yin wozina ayyaanara killidhdhote.\x - \xo 4:23 \xo*\xt Qola. 3:9\xt*\x* 
\v 24 Turii xillotitsaran geeshshatitsara Xoozii aazii medhinttide kille asatitsito ma77ote.
\p
\v 25 Yikke, worddo ohinttippete. Nuunii ubbuntsi Kiristtoosa galla billite maaqqide gisho as ubbara turo ohinttote.\x - \xo 4:25 \xo*\xt Medho 1:26; Qola. 3:10\xt*\x* 
\v 26 Kaccote, yezin yin nagara oochchippete. Yin kachchara yezin awa gelippe. 
\v 27 Xalahes bessi inggifete. 
\v 28 Kaystize yikkeppa kaystippe. Yezin dahuntsana maaddize baz yessade fana fa kushera lo77o baz oochcho.
\p
\v 29 Yin doonttippa mulon iita qaala kezippe. Yezin si7izuntsana ufaysodesin mintsodes beezize lo77o qaala yin doonttippa kezo. 
\v 30 Wozo qammas attamii gaddide geeshi Xoozze ayyaana azzantsifete. 
\v 31 Morkketitsi, zhilo, kachchi, uufo, cashshin iita ubba yinttappa hyaasote. 
\v 32 Aatsii fetay fetays keehan yiqsinttizuntsana maaqqote. Xoozii Kiristtoosa baggara yinttis atto gaydanni fana yinttin wolis atto ga7ote.
\c 5
\p
\v 1 Yikke, Xoozii kadhinttide na7unts fana Xoozza kaallizuntsana maaqqote.\x - \xo 5:1 \xo*\xt Qola. 3:13\xt*\x* 
\v 2 Kiristtoosa nuna kadhii Xoozza ufaysize lo77o sawize imon zharsho mahi fa shemppito nuus aatsii inggidanni fana yinttin siiqora yezote.
\p
\v 3 Akkon olale hyantta, woy tunatitsi, woy amotitsi gaarize baz mulon yin kale sinttippe. Yinna geeshi maaqqide Xooz asis beezoos.\x - \xo 5:3 \xo*\xt Keze 29:18; Maz. 40:6\xt*\x* 
\v 4 Yeellize bazin booza ohe woy qidhe yinttis beezoosse gisho yezippete; aadhii Xooz galatote fattin. 
\v 5 Hyanno erote; oonin olale hyanttize woy tuna baz oochchize woy amodhdhizen eeqa goynizen zhaaridhize Kiristtoosara Xoozze ka7itumo gelodes dandda7oos.
\p
\v 6 Yinnippa denddidanne Xoozze hyanqo kiitinttoose asuntsalla afa ye7ode gisho oonin yinttana fatstsoosse ohera cimmippe. 
\v 7 Yikke yentsesara wolla iita baz oochchizuntsana maaqqippete. 
\v 8 Zaga yin dhuma yezida, yezin hyatte Laatstse baggara foo7o yene. Yikke, foo7o yeze asi fana hyanttote. 
\v 9 Lo77otitsi ubba, xillotitsin turii aafe benttize foo7o gidda.
\p
\v 10 Yinnii gisho Laatstsa ufayssize baz oochchodes koyote. 
\v 11 Aafe baayze dhuma oochara fetto maaqqippete, aatsii qonccizote. 
\v 12 Un aachicha oochchize gisho melle atto yezin ohodesin yeellizane. 
\v 13 Yezin ubba bazi foo7o kezize wode qonccii benttane. 
\v 14 Qonccii benttize ubba foo7o. Yinnii gisho,
\q1 «Naate genttizayo barkko;
\q2 hyayqoppa denddo;
\q2 Kiristtoosa nees foo7oda» yagayda.
\p
\v 15 Yikke, yin cinccuntsi fana maaqqote fattin cinccatitsi baayzuntsi fana maaqqii yezaame fana loytsii naaginttote. 
\v 16 Qammita iita maaqqide gisho wodito wozote. 
\v 17 Yinnii gisho, Laatstse qoftta akko yezako qoppote fattin eeyuntsana maaqqippete.\x - \xo 5:17 \xo*\xt Qola. 4:5\xt*\x*
\p
\v 18 Geeshi Ayyaanara kumote fattin woyne ushshara matsintifete, yinna dhabssego kanggane. 
\v 19 Mazmureran, sabara ayyaana yetstsara, fetay fetayra ohinttote. Mahi yin wozintte zammariteran sabbitera Laatstsa galatote. 
\v 20 Nu Laatstse Yesuus Kiristtoosa suntsite ubba bazis Xoozza Adaya ubba wode galatote.\x - \xo 5:20 \xo*\xt Qola. 3:16-17\xt*\x*
\p
\v 21 Kiristtoosa bonchchos ga7i yinttappa fetay fetays aqote.
\s1 Azini bazin machchi baz
\p
\v 22 Machchuntso, Laatstsis aqizanni fana yin azinuntsis aqote. 
\v 23 Kiristtoosa woosa keetsitis omma maaqqidanni gaar azinin fa machchitis omma. Mahi Kiristtoosa fa galla maaqqide woosa keetsito ashshiza.\x - \xo 5:23 \xo*\xt Qola. 3:18; 1 Phex. 3:1\xt*\x* 
\v 24 Yezin woosa keetstsi asuntsi Kiristtoosas aqizanni fana machchuntsi fa azinuntsis ubba bazara hyaarnttote.
\p
\v 25 Azinuntso, Kiristtoosa woosa keetsito kadhii fana iis inggidanni fana yinttin yin machchuntsana kadhote. 
\v 26 E woosa keetsito fa qaaltti baggara hyaatsara meeccize fana geeshane.\x - \xo 5:26 \xo*\xt Qola. 3:19; 1 Phex. 3:7\xt*\x* 
\v 27 Dhoha woy sino tukke woy yinnii gaarize baz baayze geeshin bore baayzanno mahi bonchchinttide woosa keetsito faas shiishodes koyi yinno oochchida. 
\v 28 Yinnii fana, azinuntsii fana kadhizanni gaara fa machchuntsana kadhodes beezane. Fa machchito kadhize fana kadhane. 
\v 29 Fana ixxize asi oonin baaya, yezin Kiristtoosa woosa keetsis oochchizannin naagizanni fana fa galtto muuzanen naagane. 
\v 30 Nuunii Kiristtoosa asatitsiti billite.
\p
\v 31 «Yinnii gisho, asi fa adayan fa intto ashshii, fa machchitira fetto maaqqane; un lam77untsi fettii asho maaqqane» yagayda. 
\v 32 Yinna damma saza qoftta, yezin taanii yinno Kiristtoosasin woosa keetsis aazize mahi ohine.\x - \xo 5:32 \xo*\xt Medho 2:24\xt*\x* 
\v 33 Yezin, yin fetay fetay yin machchuntsana yinnii fana kadhote. Machchitan fa azinza bonchcho.
\c 6
\s1 Na7unts bazin yelidunts bazi
\p
\v 1 Na7untso, yinttana yeliduntsis Laatstse gisho ga7i kiitinttote, Yinna beezize bazi. 
\v 2 «Ne adayan ne intto bonchcho.» Yinna ufays qaala yeze tiino kiita.\x - \xo 6:2 \xo*\xt Qola. 3:20\xt*\x* 
\v 3 «Ne yinno oochchiko ubba bazi nees giigoda; ne berita sa7alla pharggoda».\x - \xo 6:3 \xo*\xt Keze 20:12; Mahe 5:16\xt*\x*
\p
\v 4 Aduntso, yin na7untsana Laatstse zoreran seerera dichchote fattin unttana zhilizippete.\x - \xo 6:4 \xo*\xt Qola. 3:21\xt*\x*
\s1 Laatstsuntsi bazin aruntsi baz
\p
\v 5 Aruntso, yin Kiristtoosas kiitinttizanni fana zhashmoran goqera, yin wozintte suuritera ashos laatstsii maaqqiduntsis kiitinttote. 
\v 6 As tiino saba denggodes un be7ize wode xalaala oochchifite. Yezin Xoozze qofa oochchize Kiristtoosa aruntsana maaqqote. 
\v 7 Asis maaqqikaayzin Laatstsis ga7i yin kumits wozinttippa oochchote. 
\v 8 Aro maaqqin woy laatstsii maaqqin fetay fetay fa oochchide lo77o oochitis laatstsappa anjjo kushe ekkodanno erote.
\p
\v 9 Yin laatstsuntso, manddizanno ashshii lo77o baz oochchote, yinttanan unttanan ahize Laatstsay, salo yezay as sino bi7i firdda deshshi yizoosanno yin erane.\x - \xo 6:9 \xo*\xt Qola. 4:1; Mahe 10:17; Qola. 3:25\xt*\x*
\s1 Xoozze ola miishe
\p
\v 10 Attidanne, Laatstsaran E damma wolqqite miinggiduntsana maaqqote. 
\v 11 Xalahe cimo ixxii dandda7ode gaar Xoozze yinttis inggide ola miishe ubba ma77ote. 
\v 12 Nu olinttizanna suutsaran ashora baaya; salo yeze tuna ayyaana olanchchuntsara; adetits wolqqa aduntsara, hyalaquntsaran hyanna dhuma alamito ahizuntsara.
\p
\v 13 Yinnii gisho, iita qamma ixxodes ubbanno folii, miinggi eqqodes yin dandda7ode gaar Xoozze ola miishe ubba ma77ote. 
\v 14-15 Yikke yin qazintte turotitsi danccii, xillotitsi xurure ma77i; sarotitsi Wonggelera giiginttii yin tohite caamma fana aatsii miinggi eqqote. 
\v 16 Ubbannilla gujjii, Xalahe dakkize iita lobize tama dongge ubba dhabsodes dandda7ize ammano gonddalle dentstsote.\x - \xo 6:16 \xo*\xt Isa. 11:5; Isa. 59:17; 52:7\xt*\x* 
\v 17 Atotitsi biraata barnneexa gaar yin ommite gaddote; ayyaana mashsha aykkote; ezin Xoozze qaala. 
\v 18 Woosaran melluntsis woosara ubba wode Ayyaanara woossote. Yinna qoftira geeshshuntsis woosittera ubba wode minggote.\fig Roome Wottaadare Toorara |alt="Roman soldier in armor" src="LB00196B.TIF" size="span" ref="6:18"\fig*\x - \xo 6:18 \xo*\xt Isa. 59:17\xt*\x*
\p
\v 19 Taanii Wonggele gaatsi qofa qonccizi ohode fana Xoozii taas qaala inggode fana woossote. 
\v 20 Wonggele kiitas santsalaatara acinttiday E gisho ohodes beezize fana qonccizi ohode fana taas woossote.
\s1 Wurssutsi saritse
\p
\v 21 Taanii wayze yezakon akko oochchizako yin erode gaar nu siiqo ishay, Laatstse oochite ammninttide oochanchchizay, Tikiqoosa, ta baz ubba yinttis ohoda. 
\v 22 Nu baz yin erode fanan yin wozintto mintsitsode gaar yinttago kiittidanna yinnii gishos.\x - \xo 6:22 \xo*\xt Hawa. 20:4; 2 Ximo. 4:12; Qola. 4:7-8\xt*\x*
\p
\v 23 Xoozze adeppa, Laatstse Yesuus Kiristtoosappa sarotitsin siiqo ammanora wolla ammanze ubbuntsis maaqqe.\x - \xo 6:23 \xo*\xt Medho 21:10\xt*\x* 
\v 24 Toyoosse siiqon Nu Laatstse Yesuus Kiristtoosa kadhize ubbuntsis aadho keehatitsi maaqqe; Amin77e.