\id 3JN - Oyda New Testament
\ide UTF-8
\h 3 Wahannisa
\toc1 Wahannisa xaafide Hyaydzdzintsa Kiita
\toc2 3 Wahannisa
\toc3 3 Waha.
\mt1 Wahannisa Xaafide
\mt2 Hyaydzdzintsa Kiita
\imt1 Gele
\ip Wahannisa xaafide hyaydzdzintsa kiita, Yesuusa hawaare maaqqide cimize, Wahannisa xaafida. E xaafidannan Gaayoosa ga7inttize fettii woosa keetstsi yenggizes. Xaafize fettii baggara Gaayoosa melle ammanzuntsana maaddide gisho eza galatane; mahi melle baggara Diyotirafiisa ga7inttize woosa keetstsis ade maaqqides koyze gene atstseppa naaginttode fana qofizane.
\iot Aafe Qofuntsi
\io1 Gele qofa \ior 1-4 \ior*
\io1 Gaayoosa galatinttida \ior 5-8 \ior*
\io1 Diyotirafiisa borinttida \ior 9-10 \ior*
\io1 Dimexiroosa galatinttida \ior 11-12 \ior*
\io1 Xaatsi qofa \ior 13-15 \ior*
\c 1
\p
\v 1 Taanii woosa keetsi cimize, turo kadhize Gaayoosas kiittide kiita. 
\v 2 Ta siiqizayo, ne yessita ubba giigode fana, qone yessade fanan ayyaana shemppo ne denggode fana woossane.\x - \xo 1:2 \xo*\xt Hawa. 19:29; Rome 16:23; 1 Qoro. 1:14\xt*\x* 
\v 3 Fettii fettii ammanze asuntsi yi7i, ubba wode ne turis ammaninttii yezannon ne turibaz markkidhide wode taanii gaama ufayttida. 
\v 4 Ta na7untsi turetitsara yezanno si7izannippa aadhize, tana ufayssize bazi baaya.
\s1 Gaayoosa galatinttida
\p
\v 5 Ta siiqizayo, un nees zaqqo maaqqikon, ne ammanize asuntsis ammanintte oocha oochchane. 
\v 6 Un ne siiqitibaz woosa keetstsa markkidhane. Hyatten un hyanggize ogite Xoozii kadhizanni fana oochchii unttana maaddiko lo77o oochchane. 
\v 7 Un Kiristtoosas oochchodes kezitera, ammanoose asuntsappa akkon ekkikaaya. 
\v 8 Nuunii turii oocha unttara wolla oochchodes hyantsi fana yeze asuntsana maaddodes beezane.
\s1 Diyotirefiisan Dimexiroosa
\p
\v 9 Taanii woosa keetsitis kiita xaafida, yezin woosa keetsis cima maaqqodes koyze Diyotirafiisa nu gaazanno ekkoos. 
\v 10 Yinnii gisho, taanii ize hyanggize wode E nuulla afa ohide iita ohiton E oochchide oochito ubba ohoda. E yinno eerida ga7i, nu ishuntsi ye7ize wode mokkoos. Melle atto yezin, unttana mokkodes koyzuntsana kayi woosa keetstsappa kessane.
\p
\v 11 Ta siiqizayo, lo77o baz aazop attin iita baz aazippe. Lo77o baz oochchize oonin Xoozze asi, yezin iita baz oochchize oonin Xoozza bi7ikaaya.
\p
\v 12 Dimexiroosa lo77o asi maaqqidanno asi ubba markkidhane. Turita fa ommite E baz markkidhane; nuunin E baz markkidhane; nu markkatitsitan turo maaqqizanno yin erane.
\s1 Wurssutsi saritse
\p
\v 13 Taanii nees xaafodes koyde gaama baz yene, yezin qalamer warqqatella xaafodes koyoos. 
\v 14 Yezin taanii ukkera neera yellinttodes koyane; ye wode neera ohinttoda.
\p
\v 15 Saro nees maaqqe.
\p Ne lagguntsi nena saro gaane. Nu lagguntsana ubba un suntsito suntsito xeegii tana «Saro gayda» ga7o.