\id 2TI - Oyda New Testament
\ide UTF-8
\h 2 Ximotiyoosa
\toc1 Phawuloosa Ximotiyosas xaafide Lam7intsa Kiita
\toc2 2 Ximotiyoosa
\toc3 2 Ximo.
\mt1 Phawuloosa Ximotiyoosas
\mt2 Xaafide Lam7intsa Kiita
\imt1 Gele
\ip Phawuloosa Ximotiyoosas xaafide lam7intsa kiita, Phawuloosara wolla oochchizayan Phawuloosa kale maaddize na7atits Ximotiyoosa zoride zortto aykkida. Yinna zorttis aafe qoftta, «Dandda7ara minggodes beezane» gaazanno. Ximotiyoosa zoritera mintsitse qaala ekkide, Yesuus Kiristtoosa baz turtto markkidhade fana Wonggele qaalan gal77a Caaqo timirttito mintsii aykkode fanan madhan ixxen gaanggikon tamaarssitteran Wonggele sabbakera minggode fana.
\ip Ximotiyoosa cer boozatits lalleppa hyaakkode fana dumma mintsii zore ees ingginttida. Yinnii fana ohize asuntsana dhabssane fattin akkon maaddoos.
\ip Yinna ubbanne Ximotiyoosa qoppodes beezize, Phawuloosa hyantton E yestto yinnan, E ammantto, E genccito, E siiqito, E dandda7iton eza yellide madhito aazize mahi kaallodanno. Phawuloosa yinna kiitto xaafidanna, E fa wotsito hyaasii hyayqos giiginttide wodite.
\iot Aafe Qofuntsi
\io1 Gele qofa \ior 1:1-2 \ior*
\io1 Ximotiyoosas ingginttide zore \ior 1:3—2:13 \ior*
\io1 Wurssutsi wodebaz \ior 2:14—4:5 \ior*
\io1 Phawuloosa hyanii yeze yessi \ior 4:6-18 \ior*
\io1 Xaatsi qofa \ior 4:19-22 \ior*
\c 1
\p
\v 1 Xoozze qofa, Yesuus Kiristtoosara yeze ufays inggide baggara Yesuusa Kiristtoosa hawaare maaqqide Phawuloosappa kiitinttide, 
\v 2 ta kadhize na7ay Ximotiyoosas.
\p Xoozze Adayppan nu Laatstsii Kiristtoosa Yesuusappa aadho keehatitsi, maarotitsin sarotitsi nees maaqqe.\x - \xo 1:2 \xo*\xt Hawa. 16:1\xt*\x*
\s1 Ximotiyoosas ingginttide zore
\p
\v 3 Taanii, ta woosite qamman awara nena qoppane. Taanii woossize wode ta adunts Xoozan taanii lo77o wozinara maaddize Xoozza ne gisho galatane. 
\v 4 Taanii ne afutsito qoppane; nena bi7i ufayttodes gaama amudhdhida.
\p
\v 5 Mahi nees yeze turii ammano erane. Yinnii fana ammantta zaga ne afttii Loydiran ne intti Ewuniqera yeze ammantti fana. 
\v 6 Yinnii gisho, taanii ta kushito neella afa gaddide wode Xoozii nees inggide imo neenii mahi eetsode woy dentsitsode fana qofizane.\x - \xo 1:6 \xo*\xt Hawa. 16:1\xt*\x* 
\v 7 Akkos gayko, Xoozii nuus wolqqa, siiqon nu ommito ahize ayyaana inggane fattin zhashtize ayyaana inggikaaya.
\p
\v 8 Yikke, nu Laatstses markkidhades yeellidhippe; mahi E gisho acinttide ta giddan zhashtippe. Yezin Xoozii nees inggize wolqqite Wonggele gisho taara madha ekko. 
\v 9 Xoozze fa qoftton fa aadho keehatitsara nuna ashshii, fa geeshi worzha mahodes nuna doorida fattin nuunii oochchide oocha gisho baaya. Yinna aadho keehatitsita Kiristtoosa Yesuusa baggara alame medhinttodannippa tiino nuus ingginttida. 
\v 10 Hyatte hyay aadho keehatitsize nuna ashshize Kiristtoosa Yesuusa ye7ite qonccida. E hyayqo wolqqa dhabsi, Wonggele baggara dhaboose de7o nuus qonccizida.
\p
\v 11 Taanii Wonggele sabbakize, hawaaren asttamaare maaqqode gaar Xoozii tana doorida. 
\v 12 Taanii yinnii gisho hyanna madhito ekkane; yezin ta ammanze oona yezako erize gisho yeellidhoos. Taas ingginttide hyadarto yinna Kiristtoosa ye7e qamma yellodes E naagodes dandda7izanno erane.\x - \xo 1:12 \xo*\xt 1 Ximo. 2:7\xt*\x*
\p
\v 13 Taanii nena tamaarsside turii qaala aazize mahi aykkii Kiristtoosa Yesuusa baggara yeze ammantten siiqite yezo. 
\v 14 Nu gidda yeze Geeshi ayyaana wolqqara nees ingginttide lo77o hyadarto naago.
\p
\v 15 Isiya awurajja yeze ubbuntsi taappa hyaakkidanno erane; un gidda Figeluusan Hermmogeneesa yene.
\p
\v 16 Anesfoora tana gaama wode mintsitside gisho Laatstsii E kara asuntsis yiqsintto. Ta acinttinin E yeellidhikaaya. 
\v 17 Yinnilla afa E Roome katama yi7ide gaar tana mintsii koyi denggida. 
\v 18 Wurssutsi qammite Laatstsii yiqsinttode fana taanii Laatstsa woossane. Efesoone katama E tana akko gaar maaddezako ne loytsii erane.
\c 2
\s1 Ammaninttide Kiristtoosa wottaaddare maaqqe
\p
\v 1 Yikke, ta na7ayo, Kiristtoosa Yesuusa gidda yeze aadho keehatitsite minggo. 
\v 2 Gaama markkunts tiino taanii nena tamaarsside timirttito, melluntsana tamaarssodes dandda7ize ammaninttide asuntsis hyadara inggo.
\p
\v 3 Yesuus Kiristtoosa lo77o wottaddare maaqqii taara madha ekko. 
\v 4 Ola wottaddare fa hyalaqiza ufayssodes giiginttane fattin melle oochalla fana feeshoos. 
\v 5 Yinnii gaara, galgaade woxxize oonin beezize ogera woxxanxiko woyto ekkoos. 
\v 6 Wootara labbize gade aday fa labbidanni aaftippa mu7ize tiino as maaqqades beezane. 
\v 7 Laatstsii nees ubba baza akaake inggize gisho ta nees ohizanno ne wozintte naago.
\p
\v 8 Taanii markkidhize Wonggele fana hyayqoppa denddide, Dawute kochchi maaqqide Yesuus Kiristtoosa qoppo. 
\v 9 Taanii Wonggele ohize gisho iita baz oochchide asi fana, acinttii madha ekkida. Yezin Xoozze qaala acinttoos. 
\v 10 Yinnii gisho, Xoozze dooride asuntsi Kiristtoos Yesuusa gidda yeze atotits baggara medhina bonchcho ekkode fana un gisho ubba baza minggane.
\p
\v 11 Hyannifana yagaaze turii qaala yene;
\q1 «Nu eera hyayqqiko,
\q2 eera wolla yessada.
\q2
\v 12 Nu gencciko,
\q2 eera wolla ka7itoda.
\q2 Nu eza kaddiko,
\q2 E nuna kaddoda.
\q1
\v 13 Nu ammaninttanxikon,\x - \xo 2:13 \xo*\xt Maato. 10:33; Luqa. 12:9\xt*\x*
\q2 E ammaninttidaya maaqqii yessada.
\q2 Akkos gayko, E fana
\q2 kaddodes dandda7oos» yagayda.
\s1 Mintsi oochanchcho
\p
\v 14 Neenii unttana hyanno tiirizo; un qaala gisho lallaame fana, Xoozze tiino unttana zoro. Yinna si7izuntsana dhabssane fattin akkon maaddoos. 
\v 15 Neenii turii qaala luulera tamaarssizan yeellizoose oochanchcho maaqqii, Xoozze tiinii ufayssize asi fana, nenatitsito ees shiishodes minggo. 
\v 16 Yezin hyanna alamttis giigize maaddoose oheppa hyaakko. Yinnii fana ohize asi Xoozappa hyaakitsane. 
\v 17 Yinnii fana timirtte galla mu7i hyaasize faxoosse citto hyargge fana. Yinnii fana ohe ohinttizunts gidda fa Hemeneyoosan Filixoosa yene. 
\v 18 Hyantsi asuntsi turii oge ashshii, «Hyayqqide asuntsi hyayqoppa zaga denddida» yaga7i eeratsi asunts ammantto dhabsida.
\p
\v 19 Maaqqo yezin, Xoozii mintsii baasa yiixxii mahitame yeze en7inttodes dandda7oos. Izillan afa, «Laatstsii fa asuntsana erane. Laatstse suntsito xeegize oonin iita oochappa hyaakko» yagaaze qaala xaafinttida.
\p
\v 20 Fettii damma keetstsa worqqappa woy birappa oochinttide miishe xalaala baayzin minxappa woy looqappa oochinttide miishe yene. Yentsesappa bagguntsi bonchchos, mahi bagguntsi borinttide oochas feezhane.\x - \xo 2:20 \xo*\xt Faydo 16:5\xt*\x* 
\v 21 Yinnii gisho, oonin iita ubba ashshii fana geeshiko, bonchcho oochas maaqqize miishe maaqqada. Un de7ite geeshin Laatstsa ufayssize oocha ubba oochchodes dandda7izuntsana maaqqada.
\p
\v 22 Na7itumo iita amoppa hyaakko. Geeshi wozinara Laatstsa xeegize asuntsara wolla, xillotitsi, ammano, siiqon sarotitsi kaallo.
\p
\v 23 Yezin kachchi medhdhiza erii boozatitsin maade baayze lalleppa hyaakko. 
\v 24 Laatstse oochanchcho asi ubbas keeha, lo77o tamaarssizan dandda7anchcho maaqqades beezane fattin kacinttodes beezoos. 
\v 25 E faara eqinttizuntsana keehatitsara seeriza maaqqades beezane. Un fa nagarttippa maaqqii turo erode fana Xoozii oochchodyezako oode erize. 
\v 26 Un fa wozinago maaqqii fa qofa oochchode fana unttana aykkide Xalahe xikeppa kessii ekkoda.
\c 3
\s1 Wode wurssutsi qammas malla
\p
\v 1 Wurssutsi qamma un7itsize wode yo7odanno ero. 
\v 2 Asuntsi fana kadhizuntsana, miishe siiqizuntsana, ceeqinttizuntsana, uturizuntsana, cazhizuntsana, fana yeliduntsis kiitinttoosuntsana, galatoosuntsana, geeshshatitsi baayzuntsana, 
\v 3 siiqo baayzuntsana, maarotits oochchosuntsana, zigirzuntsana, fana ahoosuntsana, yiqsinttimo baayzuntsana, lo77o kadhoosuntsana, 
\v 4 Morkkes aatsii inggizuntsana, qofa baayzuntsana, uturara kumiduntsana, Xoozappa aatsii asho ufayssodes kadhizuntsana maaqqada. 
\v 5 Un ammanze as aazane fattin Xoozze wolqqa kaddida; ne yentsi fana yeze asuntsappa hyaakko.
\p
\v 6 Unttappa fete fete as keetstsa gelii nagarara aykkinttiduntsana dumma dumma amora aykinttide ammano laafa maachuntsana aykkane. 
\v 7 Yentsi maachuntsi ubba wode tamaarane, yezin turo erodes dandda7oos. 
\v 8 Yaanesan Yambbareesa Musera eqinttidanni fana hyantsi asunts wozina oochchosuntsanan ammanora gol7ide asuntsana maaqqide gisho turira eqinttane. 
\v 9 Yezin Yaanesan Yambbareesa eeyatitsita qonccidanni gaar un eeyatitsita as ubba tiino qonccode gisho unttis hyanoos.\x - \xo 3:9 \xo*\xt Keze 7:11\xt*\x*
\s1 Wurssutsi zore
\p
\v 10 Yezin ne ta timirttito, ta yestto, ta qoftto, ta ammantto, ta dandda7ito, ta siiqito, ta genccito, 
\v 11 ta bay7intto ta waayito erane. Anxookiya, Iqooniyone, Lisxira katama tana yellide bazin ta dandda7ide waayito erane; Laatstsii tana yinna ubbanippa ashshida. 
\v 12 Kiristtoos Yesuusa gidda Xoozza ufayssize yessi yessades koyze ubbuntsi bay7inttoda.\x - \xo 3:12 \xo*\xt Hawa. 13:14-52; 14:1-20\xt*\x* 
\v 13 Iita asuntsin balitsizuntsi faasi balinttitera melluntsana balitsitera tiinostippa iitii iitii hyanggoda.
\p
\v 14 Yezin ne tamaaridannen ne ammanide turtte eqqo. Ne oodeppa tamaarezako erane. 
\v 15 Neenii ne na7atitsappa dantsii Kiristtoos Yesuusa ammanii atotitsi benttize cinccatitsi inggodes dandda7ize Geeshi maxaafe erida. 
\v 16 Geeshi maxaafe ubba Xoozze Ayyaana kaalitsin xaafinttide qaala. Ye maxaafize turo tamaarssodes, baliduntsana seerodes, luulisadesin xillotitsi yessi koshshize zore inggodes maaddane. 
\v 17 Xoozze asi folon lo77o oocha ubbas giigidaya maaqqade fana maaddane.
\c 4
\p
\v 1 Taanii nena Xoozze tiinon, kaati maaqqii ahodes qonccize wode faxuntsanan hyayqqiduntsana firddodes yeze Kiristtoos Yesuusa tiino zorane. 
\v 2 Qaala oho; wode giigin giiganxin mintsii oho. Gaama dandda7aran tamaarssera asuntsana zoro, seerittera mintsitso. 
\v 3 Asuntsi turii timirtte si7anxode wode yo7oda. Un fa amotitsi kaallii, faas si7odes ufayssize baz ohize asttamaaruntsana shiishane. 
\v 4 Un turibaz ohize timirtte ashshii, turo maaqqoosse tosse si7odes fa hyayto mahane. 
\v 5 Yezin neenii ubba bazara nena aho. Madha dandda7o. Wonggele markkatitsi oochito oochcho. Nees ingginttide Xoozze oochito ubba folo.
\p
\v 6 Taanii zharsho fana zharshinttode wode yellida; hyanna alamito ashshii qitize wode ukkida. 
\v 7 Taanii lo77o ola olinttida; wotsito hyaasida; ammano naagida. 
\v 8 Tiinoppa xillotits worqqa zawude\f + \fr 4:8 \fr*\fqa Xillotitsi worqqa zawude: \fqa*\ft Xillotitsi de7o gisho ta ekkode worqqa zawude. Xillotitsito taas worqqa zawude mahi inggane ga7e.\ft*\f* tana naagane. Yinno xillo firdda firddize Laatstse yinno lam7intsa ye7e qammite taas inggoda. Yinno ta xalaalas baayzin E qonccitsito ammudhize ubbuntsis inggoda.
\s1 Phawuloosa fa omma kiita
\p
\v 9 Ellisii yi7i tana bo7o. 
\v 10 Deemaasa hyanna alamite yeze baz kadhii, tana ashshii, Teselonqe katama qitida. Qerqisa Galaatiya sa7a, mahi Tito Dilmmaxe sa7a qitida. 
\v 11 Luqasa xalaala taara yene. Marqqoosa Xoozze oocha tana maaddodes dandda7ize gisho neera ekkii yo7o.\x - \xo 4:11 \xo*\xt Qola. 4:14; Filmo. 24; 2 Qoro. 8:23; Gala. 2:3; Tito 1:4\xt*\x* 
\v 12 Taanii Tikiqoosa Efesoone katama da.\x - \xo 4:12 \xo*\xt Qola. 4:14; Filmo. 24; Hawa. 12:12, 25; 13:13; 15:37-39; Qola. 4:10\xt*\x* 
\v 13 Neenii yi7iter, Xiro7aada katama Karppoosa kale ashshii yi7ide ta kootizan maxaafito taas ekkii yo7o. Ubbappa aatsii qolera xaafinttide maxaafito ekkikaayzara yi7ippe.\x - \xo 4:13 \xo*\xt Hawa. 20:4; Efe. 6:21-22; Qola. 4:7-8\xt*\x*
\p
\v 14 Meqo qoxxize Iskkinddire tana gaama qohida; Laatstsii E oochiti fana ees mahoda. 
\v 15 E nu timirttito gaama ixxize gisho eeppa nena naago.\x - \xo 4:15 \xo*\xt 1 Ximo. 1:20; Maz. 62:12; Rome 2:6\xt*\x*
\p
\v 16 Tiino ta mootinttize wode ubbanna ashshii qitida fattin oonin tana maaddikaaya. Xoozii yinna balito unttis faydippe. 
\v 17 Yezin taanii mulo kiita Ayhude maaqqoosse asunts ubbuntsis markkidhin, un si7ode fana Laatstsii ta kale eqqii taas wolqqa inggida. Mahi gaammo fana doona shaqinggide hyayqoppa tana ashshida. 
\v 18 Laatstsii tana iita ubbappa ashshii fa salo ka7itumo sarora yeltsoda. Ees medhinappa medhina yellodes bonchcho maaqqe. Amin77e.
\s1 Wurssutsi saritse
\p
\v 19 Phirisqilas, Aqiilasin Anesfoora kara asuntsis ta sarotitsito oho. 
\v 20 Erasxoosa Qoronttoosa katama attida. Xirofimoosa hyargginttide gisho Miliixe katama ashshida.\x - \xo 4:20 \xo*\xt Hawa. 18:2; 2 Ximo. 1:16-17\xt*\x* 
\v 21 Barggo gelodeppa tiinii ellisii yo7o.\x - \xo 4:21 \xo*\xt Hawa. 19:22; Rome 16:23; Hawa. 20:4; 21:29\xt*\x*
\p Ewubulusa, Phudeesa, Linuusa, Qilaadeyan melle ammanze asunts ubbuntsi nena saro saro gaane.
\p
\v 22 Laatstse Yesuus Kiristtoosa neera maaqqe.
\p Xoozze maarotitsita yin ubbuntsara maaqqe.