\id 2TH - Oyda New Testament
\ide UTF-8
\h 2 Teselonqe
\toc1 Phawuloosa Teselonqe Asunsis Xaafide Lam7intsa Kiita
\toc2 2 Teselonqe
\toc3 2 Tese.
\mt1 Phawuloosa Teselonqe Asuntsis
\mt2 Xaafide Lam7intsa Kiita
\imt1 Gele
\ip Kiristtoosa lam7intsa ye7itilla afa denddide oochchii lalle medhdhitera hyanggide gisho Teselonqe woosa keetstsa madha gaanggi gaanggitera hyanggida. Phawuloosa Teselonqe asuntsis xaafide lam7intsa kiita, «Laatstsis ye7e qammita ukkida» yagaaze ammano timirttella afa mintsii ohida. Phawuloosa ohiter, Kiristtoosa yo7odeppa tiinii, «Gene atstsa» ga7inttize Kiristtoosa ixxiza kaalitser hyanna alamttilla afa iitatitsin genetitsi gaanggitera hyanggoda yaga7i un ammantto luulizane.
\ip Hawaarize, madhan waaye gaanggikon un fa ammantte minggode fana ize eera fettilla yezuntsi oochchizanni fana, un fa yestis koshshize baz denggodes miinggi oochchode fana mahi lo77o oocha oochchodes suub ga7aame fana unttana mintsii zorane.
\iot Aafe Qofuntsi
\io1 Gele qofa \ior 1:1-2 \ior*
\io1 Galatan woosa \ior 1:3-12 \ior*
\io1 Kiristtoosa lam7intsa ye7iti bazis ingginttide timirtte \ior 2:1-17 \ior*
\io1 Ammano yessi wogalla afa ingginttide zore \ior 3:1-15 \ior*
\io1 Xaatsi qofan saritse \ior 3:16-18 \ior*
\c 1
\p
\v 1 Phawuloosa, Sillaasen Ximotiyoosa Teselonqe woosa keetstsa yeze, Xoozze Aday bazin Laatstse Yesuus Kiristtoosa baz maaqqide asuntsis xaafide kiita.
\p
\v 2 Xoozze nu Adayppan Laatstse Yesuus Kiristtoosappa aadho keehatitsin sarotitsi yinttis maaqqe.\x - \xo 1:2 \xo*\xt Hawa. 17:1\xt*\x*
\s1 Kiristtoosa ye7ize wode hyanode firdda
\p
\v 3 Nu ishuntso, yin ammanora yin fetay fetayan melluntsana siiqize siiqita gaama diccize gisho nuunii yinnis Xoozza ubba wode galatodes beezane. 
\v 4 Yinttana yellide bay7iten madha ubbanne gencceran ammanora miinggi eqqide gisho nuunii nu ommite Xoozze woosa keetstsa yin baz markkidhitera yinttalla ceeqinttane.
\p
\v 5 Yin E gisho ga7i madha ekkize Xoozze ka7itumos beezizuntsana maaqqii faydinttode fana Xoozze xillo firddas hyanna malla. 
\v 6 Xoozii turii firdda firddoda. Xoozii yinttana waaysizuntsalla afa waaye ko7oda. 
\v 7 Laatstse Yesuusa fa wolqqaama kiitanchchuntsara, saloppa ye7ize wode waayinttize yinttanan nuna shemppizoda. 
\v 8 Mahi Xoozii fana erosuntsanan nu Laatstse Yesuus Kiristtoosa Wonggeles kiitinttoosuntsana tama loxera firddoda. 
\v 9 Un Laatstse tiinoppan E bonchcho wolqqappa shaakkintti medhina dhabe firdinttoda. 
\v 10 Yinna qammite, yin nu markkatitsito ekkii ammanizunts E bonchchinttodesin sabinttodes ye7ize wode nu yinttis ohide kiitto yin ammanide gisho yin eza bonchchizunts giddan sabbizunts gidda yessada.\x - \xo 1:10 \xo*\xt Isa. 2:10\xt*\x*
\p
\v 11 Nuunii yinttis ubba wode Xooz woossizanna yinnis. Nu Xoozze yinttana xeegide de7oos beezizuntsana maaqqii faydinttode fana nuunii woossane. Yin lo77o baz oochchodes amudhdhize amiton yin ammano oochito E fa wolqqara folo. 
\v 12 Yinne nu Xoozan nu Laatstse Yesuus Kiristtoosa aadho keehatitsite, Laatstse Yesuusa suntsito yin bonchchoda; yinttanan E bonchchoda.
\c 2
\s1 Gene atstsa
\p
\v 1 Nu ishuntso, nu Laatstse Yesuus Kiristtoosa lam7intsa ye7itibaz nu eera yellinttode bazisin shiiqode bazis nu yinttana woossane. 
\v 2 Tinbbitera woy melle asappa si7ide qaalara woy nuuppa ekkide kiita fana mahi, «Laatstsii maaqqii yi7ida» ga7i yin wozintta yirggippen so7ippe.\x - \xo 2:2 \xo*\xt Isa. 2:10\xt*\x* 
\v 3 Yinttana ooden akko ogeran balitsife. Tiinii balitsize qonccikaayzin gene atstse ezin dhabe na7ay yi7ikaayzin, Laatstse lam7intsa ye7e qamma yelloos. 
\v 4 Asi goynize bazin xooz mahizebaz ubba ixxii fana dhoqi yiissada. Melle atto yezin, Xoozze keetstsa gelii bettii, «Taanii Xoozii» yagawuda.
\p
\v 5 Taanii yinttara yezitera yinttis ohidanno qoppoos yessane?\x - \xo 2:5 \xo*\xt Dane. 11:36; Hiz. 28:2\xt*\x* 
\v 6 Ye gene atstse E fa qamma yo7oda fattin hyatte ye7aame fana akko eza teqqizako yin erane.
\p
\v 7 Asuntsis qonccikaayze genetits saza qofa hyatten oochchane, yezin hyatte eza teqqize yene. Eza teqqize ogeppa hyal7ide wode E qonccoda. 
\v 8 Yinnippa suuba, gene atstse qonccoda, yezin Laatstse Yesuusa fa doonttippa kezize kasora fa bonchcho ye7ite eza wodhoda. 
\v 9 Gene atstse Xalahe wolqqara yi7i worddo kille bazin gaama qofize malla bazi oochchoda.\x - \xo 2:9 \xo*\xt Isa. 11:4\xt*\x* 
\v 10 Yinnii fanan, dhabes yeze asuntsana dumma dumma cimmize iita oochara balitstsoda. Un dhabidanna ashshize turiza kadhii ekkanxide gishos.\x - \xo 2:10 \xo*\xt Maato. 24:24\xt*\x* 
\v 11 Yinnii gisho, un worddo maaqqize baz ammanode fana Xoozii wolqqaama balitse unttalla dakkoda. 
\v 12 Yinnan, turo ammanoose asuntsi, nagara oocha ufayttizuntsi ubba firddinttode fana.
\s1 Atotitsis doorinttide asuntsana
\p
\v 13 Laatstsa kadhize nu ishuntso, nuunii Xoozza yin gisho ubba wode galatodes beezane. Yin attode fana Xoozii Geeshi Ayyaana wolqqara yinttana geeshidannen yinttin turo ammanidanne E yinttana anggis fana doorida. 
\v 14 Xoozii, nu yinttis ohize Wonggele baggara yinttana xeegide, yin nu Laatstse Yesuus Kiristtoosara wolla bonchchito shaakkinttode fana. 
\v 15 Yikke, nu ishuntso, miinggi eqqote. Nuunii yinttana nu doonara maaqqin woy dabddaabbera maaqqin tamaarsside timirttito aykkote.
\p
\v 16-17 Nu Laatstse Yesuus Kiristtoosan nuna kadhide fa aadho keehatitsite medhina mintsitsera lo77o ufayssi inggide Xoozze nu aday nu wozintto mintsitso; lo77o oocharan qaalara ubba mintsitso.
\c 3
\s1 Nuus woossote
\p
\v 1 Wurssutsite nu ishuntso, Laatstse qaala yin gidda ellisii dalggode fanan bonchchinttode fana nuus woossote. 
\v 2 Yinnii fanan, qaala si7ide ubba ammanoose gisho Xoozii genuntsappan iita asuntsappa nuna ashshode fana nuus woossote.
\p
\v 3 Yezin Laatstsii ammaninttidaya; E yinttana mintsitsodan Xalaheppa naagoda. 
\v 4 Nuunii yinttana kiittizanno hyatten tiinoppan yin oochchode fana Laatstsalla nuunii ammaninttane.
\p
\v 5 Laatstsii yin wozintto Xoozze siiqogon Kiristtoosa dandda7ago kaalitso.
\s1 Oocha billikaayzara yezote
\p
\v 6 Nu ishuntso, yin nuuppa ekkide kiitto kaalloosuntsappan oocha ashshii azal7a ammanze asuntsappa yin shaakkinttode fana Laatstse Yesuus Kiristtoosa tiino yinttana kiittane. 
\v 7 Nu fana hyanii yessades beezizanno yin, yin ommite erane. Nuunii yinttara yeze wode oocha ashshikaaya. 
\v 8 Nuunii oodeppan katstsa hyarii mu7ikaaya. Nuus dandda7inttide fana qamman awara oochchii labbii yezida fattin oodesin toofo maaqqikaaya. 
\v 9 Nuunii yinno oochchidanna, yinttis aazize maaqqades fattin yinttappa maade oocodes nuus adetits wolqqa dhabin baaya. 
\v 10 Nu yinttara yeze woden, «Oochchodes koyoose asi ooden mu7ippe» yaga7i kiittida.
\p
\v 11 Nuunii yinno gayde, yin gidda fettii fettii azal7untsi yezanno si7ide gishos. Yentsi asuntsi geltsoose baza gelii melluntsana oocha billizane fattin akkon oochchoos. 
\v 12 Nuunii yentses fana asuntsi woga yessi yessade fanan koshshize baz oochchii denggode fana Laatstse Yesuus Kiristtoosa tiino unttana kiittanen zorane.
\p
\v 13 Yezin nu ishuntso, lo77o oocha oochchodes azal7ippete. 
\v 14 Hyatte nuunii hyay xaafinttide dabddaabbizes kiitinttoosse asi ooden yeziko ye atstsa erote. E yeellidhade fana eeppa shaakkinttote. 
\v 15 Yezin eza ishe fana seerote fattin morkke fana bi7ippete.
\s1 Wurssutsi saritse
\p
\v 16 Saro inggize Laatstse, fa ommite yinttis ubba woden ubba baggara saro inggo. Laatstse yin ubbuntsara maaqqe.
\p
\v 17 Taanii Phawuloosa, hyay saritsiza ta kushera xaafida. Ta kiita ubbannis mallita hyanno; ta xaafizannan yinnii fana.
\p
\v 18 Nu Laatstse Yesuus Kiristtoosa aadho keehatitsi yin ubbuntsara maaqqe.