\id 2JN - Oyda New Testament
\ide UTF-8
\h 2 Wahannisa
\toc1 Wahannisa xaafide Lam7intsa Kiita
\toc2 2 Wahannisa
\toc3 2 Waha.
\mt1 Wahannisa Xaafide
\mt2 Lam7intsa Kiita
\imt1 Gele
\ip Wahannisa xaafide lam7intsa kiita, Yesuusa hawaare maaqqide cimize, Wahannisa xaafida. Xaafinttidannan doorinttide inttisin I na7untsis. Oode eride, yinnan fettii woosa keetsisin ize goynize asuntsis maaqqaanxi attoos. Hyay hyaata kiitize xaafinttide, un fetay fetayra siiqinttode fana qofissadesin worddo asttamaaruntsappan un timirtteppa naaginttode fana qofissades.
\iot Aafe Qofuntsi
\io1 Saritse \ior 1-3 \ior*
\io1 Siiqo ubbappa damma \ior 4-6 \ior*
\io1 Worddo timirtteppa naagintte \ior 7-11 \ior*
\io1 Xaatsi qofa \ior 12-13 \ior*
\c 1
\p
\v 1 Ta cimize doorunttide kara intisin I na7untsis kiitinttide kiita. Ta xalaala baayzin turtto erize ubbuntsi kadhane. 
\v 2 Ye turize nuura yeze gishon medhina nuura yessade gisho taanii yinttana turo kadhane.
\p
\v 3 Xoozze nu Aday E na7ay Yesuus Kiristtoosa aadho keehatitsita, maarotitsitan sarotitsitan turiran siiqoran wolla nuura maaqqe.
\s1 Turon siiqon
\p
\v 4 Aday nuna kiittidanni fana, ne na7untsappa bagguntsi, turis kiitinttizanno bi7i taanii gaama ufayttida. 
\v 5 Kara intte, hyatten nuunii ubba fete fetaya siiqode gaar taanii nena woossane. Ye kiitize tiinoppa nuura yeze kiita fattin taanii nees kille kiita xaafoos. 
\v 6 Turii siiqo nu Xoozze kiita naagii yessadanno. Mahi tiinoppa yin si7idanni fana E kiitta, yin ubbuntsi «siiqora yezote» gaazanno.\x - \xo 1:6 \xo*\xt Waha. 13:34; 15:12, 17\xt*\x*
\p
\v 7 Yesuus Kiristtoosa asi maaqqii yi7idanno ammanoosse, gaama balitsize asuntsi, alamite denddida. Yinnii gaarize asi oonin balitsizan Kiristtoosa ixxizan. 
\v 8 Yin oochchide kumutsi waagito ekkodes minggote. Yin oochchidanna dhabaame fana naaginttote.
\p
\v 9 Kiristtoosa timirttite miinggi yezoossesin E timirttitippa hyaakkii yeze atstses Xoozii baaya. Kiristtoosa timirttite yeze atstses Adayin Na7ayin yene. 
\v 10 Oonin yinttago yi7itera hyanna timirttito ekkikaayzar yi7iko, yin kara geltsippete; saron gayppete. 
\v 11 Eza saro gaaze oonin E iita oochite eera shaakkinttane.
\s1 Wurssutsi saritse
\p
\v 12 Taanii yinttis xaafodes koyde gaama baz yene, yezin worqqateran qalamera xaafodes koyoos. Nu ufayssita folinttode fana yinttara sino yellintti ohinttodes yinttago hyammada ga7i qoppane.
\p
\v 13 Xoozii dooride ne mishti na7untsi nena saro gaane.