\id 1TH - Oyda New Testament
\ide UTF-8
\h 1 Teselonqe
\toc1 Phawuloosa Teselonqe Asuntsis Xaafide Tiino Kiita
\toc2 1 Teselonqe
\toc3 1 Tese.
\mt1 Phawuloosa Teselonqe Asuntsis
\mt2 Xaafide Tiino Kiita
\imt1 Gele
\ip Teselonqe, Roome gade yeze Maqedooniya awurajjas waanna katama. Phawuloosa Filphisiyusa dakkii hyanggideppa suuba Teselonqe woosa keetstsi essida. Maaqqoyezin, Ayhuduntsi ammantto ekkodes giiginttii bettide Ayhude maaqqoosse asuntsi, Phawuloosa tamaarssize, kiristtinna ammano timirttite ekkanxxide gisho Ayhudunts qanaatii, Phawuloosa timirttito ixxii phalqqida. Yinnii gisho, Phawuloosa gam77ikaayzin Teselonqe ashshii, Beeriya qitida (1:9-10). Suubappa E Teselonqe yellide wode eza maaddize Ximotiyoosa Teselonqe woosa keetstsa hyanidanno ees geeshi ohida.
\ip Phawuloosa tiino kiitto Teselonqe asuntsis xaafide, ammanze asuntsana zorodesin mintsitsodes. E un ammanttisin un siiqitisi lo77o markkatitsito si7ide wode Xoozza galatane. Tiino E un gidda yeze wode akko fana yessi yezezako unttana tiirizane. Yinnippa Kiristtoosa lam7intsa ye7itibaz oocinttide oochitis mahe inggida. Yinna oochitippa fetta, «Kiristtoosa lam7intsa ye7itippa tiino hyayqqide ammanze asuntsi Kiristtoosa ye7ita inggize medhina de7o ekkodes dandda7ine? Kiristtoosa lam7intsa yo7ode ayde?» ga7inttizannifana. Phawuloosa yinna wottide wodito maadinttii, «Kiristtoosa lam7intsa ye7e ufayssar naagiter E yo7ode yellodes woppu ga7i yin oochito oochchote» yaga7i zorane.
\iot Aafe Qofuntsi
\io1 Gele qofa \ior 1:1 \ior*
\io1 Phawuloosa ufayssiton galata \ior 1:2—3:13 \ior*
\io1 Ammanze asuntsana de7ogo kaalitse \ior 4:1-12 \ior*
\io1 Kiristtoosa lam7intsa ye7e baz \ior 4:13—5:11 \ior*
\io1 Wurssutsi zore \ior 5:12-22 \ior*
\io1 Xaatsi qofa \ior 5:23-28 \ior*
\c 1
\p
\v 1 Phawuloosa Sillaasen Ximotiyoosa Teselonqe woosa keetstsa yeze asuntsis, Xoozze Adesin Laatstse Yesuus Kiristtoosas maaqqide asuntsis xaafide kiita.
\p \x - \xo 1:1 \xo*\xt Hawa. 17:1\xt*\x*Aadho keehatitsin saro yinttis maaqqe.
\s1 Teselonqe asunts yessin ammanon
\p
\v 2 Nuunii Xooz woossize wode ubba yinttana qoppittera yin gisho ubba wode Xoozza galatane. 
\v 3 Xoozze nu Aday tiino ammanora yin oochchide oocha, siiqora yin labbide labbitsito Yesuus Kiristtoosara yeze ufayssito ekkodes yin miinggi eqqide eqito ubba wode qoppane.
\p
\v 4 Nu ishuntso, Xoozii yinttana kadhizannon fa baz mahi yinttana dooridanno erane. 
\v 5 Akkos gayko, nuunii Wonggele doonara xalaala baayzin wolqqara, Geeshi Ayyaanaran Wonggele mintsii ammanora yinttis ki7ida. Nuunii yinttara gam77ide wode ubba yin gisho wayzi yezezako yin erane. 
\v 6 Yin gaama madha ekkikon Geeshi Ayyaana inggize ufayssara kiitto ekkida; nunan nu Laatstsa aazizuntsana maaqqida. 
\v 7 Yinnii gisho, Maqedooniyan Akkaya awurajja yeze ammanze ubbuntsis aazize maaqqida.\x - \xo 1:7 \xo*\xt Hawa. 17:5-9\xt*\x* 
\v 8 Laatstse qaala yinttappa kezii, Maqedooniyan Akkaya xalaalas baayzin Xoozii yin ammanzanna ubba bessa sinttida. Yikke, nu gawude baz akkon baaya. 
\v 9 Nuunii yinttago hyanggide wode yin nuna mokkide mokkite yin, yin eeqito ashshii turon de7o Xoozza maaddodes yin maaqqidanno un fa ommite ohine. 
\v 10 Mahi Xoozze Na7aya, Yesuusa, Xoozii hyayqoppa dentsidanno, tiinoppa yo7odes yeze Xoozze hyanqoppa nuna ashshodaya, salloppa yo7odaya yin naagizanno markkidhane.
\c 2
\s1 Phawuloosa Teselonqe oochchide oocha
\p
\v 1 Ta ishuntso, nuunii yinttago hyanggidanna hyarii baayzanno yin, yin ommite erane. 
\v 2 Yezin nuunii yinttago Teselonqe yo7odeppa tiino Filphisiyusa katama waayinttezannon cazhinttidanno yin erane. Gaama nuna ixxize yezikon yinttis E Wonggele ohode fana Xoozii nuus mintsitimo inggida. 
\v 3 Nuunii yinttana zoride balitsera woy cimora woy genera baaya.\x - \xo 2:3 \xo*\xt Hawa. 16:19-24; 17:1-9\xt*\x*
\p
\v 4 Yezin Xoozii nuna beezuntsana ga7i faydide gisho Wonggele ohode fana nuus hyadara inggide gisho ohine. Nu yinno oochchize nu wozintto be7ize Xoozza ufayssodes fattin as ufayssodes baaya. 
\v 5 Nu miishe zhimbbarii worddo yinttana sabbitera yinttago yi7ikaayzanno loytsii erane; Xoozii nuus markka. 
\v 6 Nuunii yinttappa maaqqin woy melle as oodefan bonchcho koykaaya. 
\v 7 Nuunii Kiristtoosa hawaare maaqqidanni fana nuus koshshize baz inggote ga7i ekkodes dandda7ane, yezin intta fa na7untsana dichchizanni fana yin gidda ashkke maaqqida. 
\v 8 Nu yinttana kadhide gisho Xoozze Wonggele yinttis shaakke xalaala baayzin nu shemppito yinttis inggodes giigida. Yin nuus gaama al77o. 
\v 9 Nu ishuntso, nu oochiton nu labbitsito erane. Yinttis Xoozze Wonggele ohitera, yinttana waaytsaame fana qamman awara oochchida.
\p
\v 10 Nu yessita yin ammanzunts kalen Xoozze tiino geeshi, xillon borinttoosuntsana maaqqizannis yinttin Xoozin markka. 
\v 11 Nuunii yinttis ommite ommite yeliduntsi fa na7untsis oochchizanni fana oochchodanno erane. 
\v 12 Nu yinttana zorida, mintsitsida. Mahi fa ka7itumtton fa bonchchito gishinttodes yinttana xeegide Xoozza ufayssize de7o yin yessade fana yinttis mintsi ohida.
\p
\v 13 Yinttisin nuunii Xoozze qaala ohide wode as qaala fana baayzin Xoozze qaala fana si7i ekkide gisho nuunii ubba wode Xoozza galatane. E turii Xoozze qaala; Xoozze qaala ammanze yin gidda oochchane.
\p
\v 14 Ta ishuntso, yin Yihuda sa7a yeze woosa keetsiten yeyga Kiristtoosa Yesuusa kaallize asunts fana hyanida. Un Ayhuduntsi waayitsizannifana yinttanan yin sa7a yeze asuntsi waytsida. 
\v 15 Yentsi Ayhuduntsi Laatstse Yesuusan nabuntsana wodhida; mahi nuna bay7ida. Un Xoozza ufayssosuntsanan as ubba ixxizuntsana.\x - \xo 2:15 \xo*\xt Hawa. 17:5\xt*\x* 
\v 16 Un melle atto yezin, Ayhude maaqqoosse asuntsin attode fana nuunii unttis qaala ohizanno kayane. Yinnii gaar yiizii un nagartti xuu7ita kumode yellodes ubba wode nagara oochchane. Wurssutsite, Xoozze kachchi unttalla afa wodhdhane.\x - \xo 2:16 \xo*\xt Hawa. 9:23, 29; 13:45, 50; 14:2, 5, 19; 17:5, 13; 18:12\xt*\x*
\s1 Phawuloosa Teselonqe asuntsana mahi be7ades amudhdhida
\p
\v 17 Yezin nu ishuntso, nuunii nu ayyaanara baayzin ashora yinttappa shaakkintti eeratsi wode gam77idanne yinttana gaama amudhdhii be7ades koyda. 
\v 18 Nu maaqqii yinttago hyanggodes koyda. Taanii ta ommite yinttago hyanggodes koyda, yezin xalahe nuna kayda. 
\v 19 Yikke, nu Laatstse Yesuus Kiristtoosa ye7ize wode nu ufayssita woy nu ceeqinttize nu woytuntsi oode? Yinttana baane? 
\v 20 Turo yin nuus bonchchon nuus ufayssi.
\c 3
\p
\v 1 Yinnii gisho, nu yinttana be7anxidaane nuus genccodes dandda7inttaanxin, Ateena katama nu xalaala attodes qofa accida. 
\v 2 Yinttana zorode fana ammanora yinttana mintsitsode fana nuura wolla Xoozis oochchizan Kiristtoosa Wonggele ohize nu ishay Ximotiyoosa yinttago dakkida.\x - \xo 3:2 \xo*\xt Hawa. 17:15\xt*\x* 
\v 3 Yinnan yinttana yellide waayte yinttappa ooden suub maaqqippe. Yinna waayta nuus Xoozze qofa maaqqidanno yin, yin ommite erane. 
\v 4 Nu yinttara yeze wode waaye nuna yellodanno yinttis tiinidhii ohida. Yin erzanni fana hyanida. 
\v 5 Yinnii gisho, taas genccodes dandda7inttaanxin, «Oode erize Xalahe unttana fattanii nu labbitsito cer ashshikaayzara attaama» ga7i yin ammanttibaz erodes Ximotiyoosa yinttago kiittida.
\p
\v 6 Hyatte Ximotiyoosa yin kaleppa yi7i, yin ammanttibaz yin siiqitibaz lo77o wore ohida. Mahi yin ubba wode nuus lo77o qoppizannon nuunii yinttana be7ades amudhizanno yin nuna be7ades amudhizanno E nuus ohida. 
\v 7 Ta ishuntso, nuna yellize waayten madhite maaqqikon yin ammanttii gisho minggida.\x - \xo 3:7 \xo*\xt Hawa. 18:5\xt*\x* 
\v 8 Yin Laatstsara miinggi yeziko nuusin de7o. 
\v 9 Yikke, nuunii yin baggara denggide ufayssitis Xoozza wayzi galatode? 
\v 10 Nuunii yinttana be7adesin yin ammantte faccidebaz kuntsodes qamman awara nu kumutsi wozintte Xooz woossane.
\p
\v 11 Xoozze nu aday fa ommite nu Laatstse Yesuus nu yinttago hyanggode ogito giigizo. 
\v 12 Nu yinttana gaama kadhizanni fana Laatstsii yinttana fetaya fetaya siiqize siiqite as ubba siiqo yinttis gaantsi gujjo. 
\v 13 Nu Laatstse Yesuus Kiristtoosa fa geeshuntsara yi7ize wode Xoozze, nu aday tiino yin wozintta geeshin bore baayza mahi E yinttana mintsitso.
\c 4
\s1 Xoozza ufayssize yessii
\p
\v 1 Wurssutsite, ta ishuntso, Xoozza ufayssodes yin wayzi yessades beezizako nuuppa tamaarida. Yinno yin tiinoppa yezide yessi, yezin hyatte yin tiinositippa aatsii oochchode fana Laatstse Yesuusa tiino yinttana woossanen zorane. 
\v 2 Nu Laatstse Yesuusa suntsite akko kiita inggezako erane.
\p
\v 3 Xoozii, yin geeshi maaqqade fanan olale hyanttaame fana koyane. 
\v 4 Yin fetay fetay, yin machchuntsara geeshshatitsaran bonchchora yessades beezane. 
\v 5 Xoozza eroossen ammanoose asi fana olale hyanttera amora eexinttippete. 
\v 6 Nu zaga yinttis ohidanni fana mintsii zoridannifana Laatstsii yinnii fana oochchiza ubba firddize gisho oonin hyantsesara fa ammanze ishaya qohodesin cimmodes beezoos. 
\v 7 Xoozii nuunii geeshshatitsara yessade fana fattin tunii yessade fana xeegikaaya. 
\v 8 Yinnii gisho, hyanna timirttiti qoftto ixxize ooden yinttis Geeshi Ayyaana inggide Xoozza qofa ixxane fattin as baaya.
\p
\v 9 Yin fetay fetay wayzi siiqodyezako Xoozii yinttana tamaarsside gisho hyatte siiqobaz nu yinttis xaafodes beezoos. 
\v 10 Mahi Maqedooniya yeze ammanzuntsana ubba turo yin kadhane. Yezin nu ishuntso, hyatten yin unttana aatsii kadhode fana yinttana woossane.
\p
\v 11 Nuunii tiino yinttis ohidanni fana woppu gayde yessi yezote. Yin, beezize oocha oochchii yinttis yessades koshshize baz denggote. 
\v 12 Yinnii fana hyaniko, ammanoose asunts kale yin bonchchinttoda; mahi yinttana koshshize bazis oodesin aaddashaama.
\s1 Laatstse ye7e baz
\p
\v 13 Nu ishuntso, ammanii hyayqqide asuntsi hyanodebaz yin erode fana koyane. Yin un gisho ufayssi baayze asi fana azzanifete. 
\v 14 Nuunii, Yesuusa hyayqqidannon mahi hyayqoppa denddidanno ammanane. Yinnii gaar, Xoozii Yesuusa ammanii hyayqqiduntsana eera wolla ko7odanno ammanane.
\p
\v 15 Laatstsii nuus ohidanni fana Laatstsii ye7ize qamma eera yellinttodes nuunii faxa yezuntsi, hyayqqiduntsappa tiinoos. 
\v 16 Laatstsii damma kiita ootsara, kiitanchchuntsi hyalaqa ootsara, Xoozze moyze oollera, saloppa wodhdhoda. Kiristtoosa ammanii hyayqqiduntsi tiinii hyayqoppa denddoda.\x - \xo 4:16 \xo*\xt 1 Qoro. 15:51-52\xt*\x* 
\v 17 Yinnippa suuba, ye wode nuunii faxa yezuntsi, Laatstsara dhonnella yellinttodes unttara wolla salo ekinttoda. Yinnippa suuba, nuunii Laatstsara wolla medhinas yessada. 
\v 18 Yinnii gisho, hyanna qaaltte fetay fetaya mintsitsote.
\c 5
\s1 Laatstse ye7ito giigii naagote
\p
\v 1 Ta ishuntso, hyanna hyanode woden agina yinttis xaafodes koshshoos. 
\v 2 Laatstse qammita kayzo qamma ye7izanni fana yo7odanno yin loytsii erane. 
\v 3 Asuntsi, «Sa7a saro, akkon hyanoos» yagaazin, maacho yelo dha7e aykkizanni fana dhabe un qoppikaayzin unttalla afa yo7oda. Un akko ogeran kessii ekkaama.\x - \xo 5:3 \xo*\xt Maato. 24:43; Luqa. 12:39; 2 Phex. 3:10\xt*\x*
\p
\v 4 Yezin nu ishuntso, yinna qammita yinttis kayzo ye7izanni fana yo7odes yin dhuma baaya. 
\v 5 Yin ubba foo7o asin awara yeze asi; nuunii qamma asi woy dhuma asi baaya. 
\v 6 Yinnii gisho, nuunii mellunts genttizanni fana genttodes beezoos; nuunii barkkodesin giigii yessades beezane. 
\v 7 Genttizuntsi qamma genttane; matsinttizuntsi qamma matsinttane. 
\v 8 Yezin nuunii awara asi maaqqide gisho giigii yessades beezane. Ammanon siiqo xurure fana ma77i, atotits ufayssi omma gaddize ola meqo barneexa gaddii yessades beezane. 
\v 9 Xoozii nuna nu Laatstse Yesuus Kiristtoosa baggara kumutsi atotitsi ekkode fana doorida fattin kachchis doorikaaya.\x - \xo 5:9 \xo*\xt Isa. 59:17; Efe. 6:13-17\xt*\x* 
\v 10 Nuunii faxa yeziko woy hyayqqiko, Kiristtoosa ye7ize wode eera wolla yessade fana Kiristtoosa nu gisho hyayqqida. 
\v 11 Yinnii gisho, yin tiino oochchizanni fana, fetay fetayra zorinttoten mintsitsote.
\s1 Wurssutsi zoren saritse
\p
\v 12 Nu ishuntso, yin gidda oochchii labbizuntsana, Laatstse suntsite yinttana kaalitsode fanan zorode fana dooriduntsana bonchchode fana yinttana woossane. 
\v 13 Un oochchize oochiti gisho unttana gaama bonchchoten siiqote. Fetay fetera sarora yezote.
\p
\v 14 Nu ishuntso, nuunii yinttana zorane. Boozuntsana kaccote; zhashtizuntsana mintsitsote; labbiduntsana maaddote; as ubba dandda7ote. 
\v 15 Ooden iita gisho iita mahaame fana naaginttote. Yin wolisin as ubbas lo77o baz oochchodes minggote.
\p
\v 16 Ubba wode ufayttote. 
\v 17 Ubba wode Xooz woossote. 
\v 18 Ubba baza galatote. Kiristtoos Yesuusa baggara Xoozii yinttappa koyzanna yinno.
\p
\v 19 Geeshi Ayyaana tama dhabsippete. 
\v 20 Tinbbite qaala leqqippete. 
\v 21 Ubba baz fattanote; lo77o baz ekkote. 
\v 22 Iita baz ubbappa hyaakkote.
\p
\v 23 Saro inggize Xoozze fa ommite yinttana geesho. Nu Laatstse Yesuus Kiristtoosa yo7ode qammas, Xoozii yin ayyaana, yin shemppiton yin kumutsi galtto bore baytsi naago. 
\v 24 Yinttana xeegize ammaninttidaya maaqqide gisho yinno E foloda.
\p
\v 25 Nu ishuntso, nuus Xooz woossote.
\p
\v 26 Ammanze asuntsana ubba geeshi yeerinttera saritsote.
\p
\v 27 Yin hyanna kiitto ammanze as ubbuntsis nabbabode fana Laatstse suntsite yinttana woossane.
\p
\v 28 Nu Laatstse Yesuus Kiristtoosa aadho keehatitsi yinttara maaqqe. Amin77e.