\id 1CO - Oyda New Testament
\ide UTF-8
\h 1 Qoronttoosa
\toc1 Phawuloosa Qoronttoosa Asuntsis Xaafide Tiino Kiita
\toc2 1 Qoronttoosa
\toc3 1 Qoro.
\mt1 Phawuloosa Qoronttoosa Asuntsis
\mt2 Xaafide Tiino Kiita
\imt1 Gele
\ip Phawuloosa Qoronttoosa asuntsis xaafide tiino kiita xaafinttidanna, Phawuloosa Qoronttoosa gidda esside woosa keetsite ammanze as de7ite ammanolla afa denddize madhitis mahe immades. Ye wode Qoronttoosa katama sa7alla yeze dumma dumma asuntsi yeze Girike awurajja kataman Akkaya ga7inttize Roome waanna katama. Yinna katamita zal77era erinttide, wogara miinggide, dumma dumma iita de7or dalggidannon haymaanote gaamatitsara erinttidanno.
\ip Hawaarize mintsii ohodes koydanna, yinna woosa keetsiti gidda medhinttide shaakkinttebaz, dumma dumma iita de7obaz, olale baz, ekken gelebaz, woosa keetsi wogabaz, Geeshi Ayyaana inggize bazin hyayqoppa denddo baz. Wonggele hyanna oocito wayzi mahod yezako hawaarize mintsii ohine.
\ip Siiqo Xoozii fa asuntsis inggide aadho imotitsi maaqqidanno zofane taphpho hyaydzdzii beezane; mahi zofane taphpho hyaydzdzii hyay maxaafize gidda gaama erinttide kifile ga7intti erinttane.
\iot Aafe Qofuntsi
\io1 Gele qofa \ior 1:1-9 \ior*
\io1 Ammanze asuntsi gidda medhinttide shaakkintte \ior 1:9—4:21 \ior*
\io1 Olale hyantten kara as yessi woga \ior 5:1—7:40 \ior*
\io1 Ammanze asin ammanoose asi \ior 8:1—11:1 \ior*
\io1 Woosa keetstsin goyno woga \ior 11:2—14:40 \ior*
\io1 Kiristtoosa dendditon ammanze as denddito \ior 15:1-58 \ior*
\io1 Yihuda gidda yeze madhidhide ammanze asuntsis maade \ior 16:1-4 \ior*
\io1 Xaatsi qofa \ior 16:5-24 \ior*
\c 1
\p
\v 1 Xoozze qofara Yesuus Kiristtoosa hawaare maaqqades xeeginttide Phawuloosan, nu ishe Sostenisa, 
\v 2 Qoronttoosa yeze Xoozze woosa keetsitis, Yesuus Kiristtoosara geezhiduntsis unttisin nuus Laatstsi maaqqide nu Laatstse Yesuus Kiristtoosa suntsito ubba bessa xeegize ubbuntsis;\x - \xo 1:2 \xo*\xt Hawa. 18:1\xt*\x*
\p
\v 3 Xoozze, nu Adeppan Laatstse Yesuus Kiristtoosappa yinttis aadho keehatitsin sarotitsi maaqqe.
\s1 Phawuloosa Xooz galatane
\p
\v 4 Xoozii Kiristtoos Yesuusa baggara yinttis inggide aadho keehatitsiti gisho taanii ubba wode Xoozza galatane. 
\v 5 Ubba bazara oheran maaqqin eratitsara Kiristtoosara duridhdhida. 
\v 6 Nu Kiristtoosa baz ohide markkatitsita yin gidda minggida. 
\v 7 Yinnii gisho, yin nu Laatstse Yesuus Kiristtoosa qonccitsito naagitera yeziko akko ayyaana imon yinttis faccoos. 
\v 8 Ezin mahi nu Laatstse Yesuus Kiristtoosa lam7intsa ye7ite bore baayzuntsana maaqqii wurssutsi yellode gaar yinttana miintsoda. 
\v 9 Fa Na7aygo, nu Laatstse Yesuus Kiristtoosa fettetitsago xeegide Xoozze ammaninttidaya.
\s1 Ammanze asunts gidda medhinttide shaakkintte
\p
\v 10 Ta ishuntso, yin gidda shaakkintte yezippe; ubbuntsi giigii fettii wozinaran fettii qofara maaqqii yezote, yaga7i nu Laatstse Yesuus Kiristtoosa suntsite ta yinttana woossane. 
\v 11 Ta ishuntso, Qelo7e kara asuntsi yin gidda lalle yezanno taas ohida. 
\v 12 Yinttappa fete fete, «Taanii Phawuloosas; taanii Aphiloosas; taanii Phexiroosas; taanii Kiristtoosas» yagaane.\x - \xo 1:12 \xo*\xt Hawa. 18:24\xt*\x* 
\v 13 Yeezin Kiristtoosa shaakkinttidaane? Yin gisho masqalalla afa suxunttide Phawuloosaane? Woy yin Phawuloosa suntsite xammaqinttidane?
\p
\v 14 Taanii Qarisphoosappan Gaayoosappan melle yinttappa ooden xammaqikaayze gisho Xooz galatane.\x - \xo 1:14 \xo*\xt Hawa. 18:8; Hawa. 19:29; Rome 16:23\xt*\x* 
\v 15 Yinnii gisho, ooden yinttana ta suntsite xammaqinttida ga7i ohodes dandda7ize baaya. 
\v 16 [Mahi Isxifaanosa kara asuntsana ta xammaqida, gujjii melle oona xammaqezakon tiirinttoos.]\x - \xo 1:16 \xo*\xt 1 Qoro. 16:15\xt*\x* 
\v 17 Kiristtoosa tana kiittidanna Wonggele ohode gaarap attin xammaqode gaar baaya. Kiristtoosa masqala cer maaqqaame gaar Wonggele qaala ta tamaarssizanna as cinccatitsi qaalara baaya.
\s1 Kiristtoosa Xoozze cinccatitsin wolqqa
\p
\v 18 Masqala qaaltta dhabizuntsis eeyatitsi, yezin nuus attiduntsis Xoozze wolqqa. 
\v 19 Geeshi Maxaafite,
\q1 «Taanii cinccuntsi cinccatitsito dhabssoda;
\q2 eruntsi eratitsito dhabisoda»
\m yagaane.\x - \xo 1:19 \xo*\xt Isa. 29:14\xt*\x*
\p
\v 20 Yeezin, cincca aba yene? Higge asttamaarize aba yene? Woy hyanna alame eruntsi aba yene? Xoozii hyanna alame cinccatitsito eeyatitsi mahikaane?\x - \xo 1:20 \xo*\xt Iyo. 12:17; Isa. 19:12; 33:18; 44:25\xt*\x*
\p
\v 21 Hyanna alame asuntsi fa cinccatitsara Xoozza eraame fana Xoozii fa cinccatitsara gorddida; yezin eeyatitsara faydinttize, nu ohize Wonggele qaala ammaniduntsii attode gaar Xoozze lo77o qofa maaqqida. 
\v 22 Ayhuduntsi kille baz be7ades koyane; mahi Girikuntsi cinccatitsi koyane. 
\v 23 Yezin nuunii masqalalla afa suxunttide Kiristtoosa sabbakane. Yinna Ayhuduntsis dhube; mahi Girikuntsis eeyatitsi. 
\v 24 Yezin Xoozii xeeginttiduntsis, Ayhude maaqqin, Girike maaqqin Kiristtoosa Xoozze wolqqan Xoozze cinccatitsi. 
\v 25 Xoozze eeyatitsita as cinccatitsappa aadhane; mahi Xoozze labitsita as xaalatitsappa aadhane.
\p
\v 26 Yikke, ta ishuntso, yin xeegitsito bo7ote; asi fana cincca maaqqide gaamuntsi, wolqqara yeze gaamuntsi, shuuma maaqqide gaamuntsi xeeginttikaaya. 
\v 27 Yezin Xoozii cinccuntsana yeellisades alame yeze eeyuntsana doorida; mahi miintsuntsana yeellisades alame yeze labitsuntsana doorida. 
\v 28 Xoozii hyanna alamite damma ga7inttidebaz dhabssodes, hyanna alamite labitsuntsana, leqqinttiduntsana akko hyanosuntsana doorida. 
\v 29 Ooden Xoozze tiino ceeqqinttippe. Yezin ceeqinttize ooden Xoozalla ceqintto. 
\v 30 Yezin Xoozii yinttis Kiristtoos Yesuusara fettetitsa yessade gaar yiizida. E nuus Xoozappa cinccatitsi, xillotitsi, geeshshatitsin wozon maaqqida. 
\v 31 Yinnii gisho, Geeshi Maxaafite, «Ceeqinttize ooden Laatstsara ceeqqo» yagayda.\x - \xo 1:31 \xo*\xt Er. 9:24\xt*\x*
\c 2
\s1 Kiristtoosa suxuntto
\p
\v 1 Ta ishuntso, taanii yinttago Xoozze qaala yinttis ohitera yi7ize wode qaalaran cinccatitsara aadhii yi7ikaaya. 
\v 2 Taanii yinttara yeze wode Yesuus Kiristtoosa ezin masqalalla afa suxunttideppa melle erodes koyoos ga7i ta qofa accida. 
\v 3 Ta yinttara yeze wode labitsimora, zhashimoran gaama goqera yezida.\x - \xo 2:3 \xo*\xt Hawa. 18:9\xt*\x* 
\v 4 Ta ohitan ta sabbakita sa7a eraran doona cinccatitsara maaqqikaayzin Xoozze Geeshi Ayyaana wolqqa qonccitsite. 
\v 5 Yinnan, yin ammantta Xoozze wolqqara fattin as cinccatitsalla kataame fana.
\s1 Xoozze cinccatitsi
\p
\v 6 Ayyaana de7o dicciduntsis nuunii cinccatitsi qaalara ohine. Yezin yinna cinccatitsita, hyanna alame cinccatitsito woy dhabodes yeze hyanna alamito ahizunts cinccatitsito baaya. 
\v 7 Yezin nuunii ohize cinccatitsita, gaama wodeppa tiino Xoozii nu bonchchos giigizidannon aachintti yeze Xoozze cinccatitsito. 
\v 8 Hyanna alamtto ahizuntsappa ooden hyanna cinccatitsito erikaaya. Un erizebaz maaqqezako, bonchcho Laatstse masqalalla afa suxxaama yeshsha. 
\v 9 Yezin Geeshi Maxaafite,
\q1 «Aafe bi7ikaayze baz,
\q2 hyaye si7ikaayzebaz,
\q2 wozina qoppikaayzebaz,
\q2 Xoozii fana siiqizuntsis giigizida» yagaane.\x - \xo 2:9 \xo*\xt Isa. 64:4\xt*\x*
\m
\v 10 Nuus Xoozii Geeshi Ayyaana baggara qonccizida. Geeshi Ayyaana melle atto yezin Xoozze gaatsi qofa ubba qurichchane. 
\v 11 As gidda yeze baz atstse gidda yeze ayyaanza fattin as baz ooden eroos. Yinnii gaar, Xoozze baz Xoozze Ayyaana fattin ooden eroos. 
\v 12 Xoozii nuus hyarii inggidanno nu erode gaar Xoozze Ayyaana ekkida fattin hyanna alamtti ayyaana ekkikaaya.
\p
\v 13 Yinnii gisho nuunii ayyaana qofa, ayyaana asuntsana tamaarssizanna as cinccatitsara maaqqikaayzin Xoozze Ayyaana inggize cinccatitsara. 
\v 14 Yezin Geeshi Ayyaana baayze asi Xoozze Ayyaanappa ingginttize imo ekkodes dandda7oos. Yinna ees eeyatitsi; ubbanna Geeshi Ayyaanara qurichinttizanni gisho E erodes dandda7oos. 
\v 15 Yezin Geeshi Ayyaana yeze asi ubba baz qurichchane, yezin eza ooden qurichchoos. 
\v 16 Geeshi Maxaafite,
\q1 «Laatstse wozintto erize oode?
\q2 eza zorodes dandda7ize oode?»
\m ga7intti xaafinttidanni fana. Yezin nuus Kiristtoosa wozina yene.\x - \xo 2:16 \xo*\xt Isa. 40:13\xt*\x*
\c 3
\s1 Xoozis oochizuntsana
\p
\v 1 Ta ishuntso, yin Kiristtoosa gidda hyaga zhoogan ammanoose asuntsi fana yeze gisho taanii ayyaanabaz yinttis ohodes dandda7ikaaya. 
\v 2 Yin mintsi katstsa maades dandda7ikaayze gisho taanii yinttana maatsi shichchida; hyatten maaqqiko yin dandda7ikaaya.\x - \xo 3:2 \xo*\xt Ibr. 5:12-13\xt*\x* 
\v 3 Hyatten hyaga yin asho qofara yene. Yin gidda yeze qanaaten lallen yin ammanoose asi fana yezanno erisosaane? Yin oochchizanna asho qofara yeze asi fana baane? 
\v 4 Yinttappa fete, «Taanii Phawuloosas» melluntsi mahi, «Taanii Aphiloosas» gayko, Xooz Ayyaana baayze asi fana baane?\x - \xo 3:4 \xo*\xt 1 Qoro. 1:12\xt*\x*
\p
\v 5 Yeezin, Aphiloosa oode? Phawuloosa oode? Un yin ammanode fana oochchide Xoozze oochanchcho. Xoozii fetes fetes inggide oochiti gaar oochchane. 
\v 6 Ta tukkida; Aphiloosa hyaatsi ushshida, yezin dichchide Xoozii.\x - \xo 3:6 \xo*\xt Hawa. 18:4-11, 24-28\xt*\x* 
\v 7 Yinnii gisho, dichchide Xoozza fattin tukkizen hyaatsi ushshizen akkon baaya. 
\v 8 Tukkizen hyaatsi ushshizen wolla fetto, yezin fete fete fa oochchii labbide gaar anjjo ekkoda. 
\v 9 Nuunii Xoozis oochchize gade; Xoozze keetstsa eera wolla oochchizuntsana. 
\v 10 Xoozii taas inggide aadho keehatitsiti gaar yiillar yeze anaaxe fana baasa olida. Melle asi eella afa keexxane. Yezin eella afa keexxize ooden wayzi keexizako, faas naagintto. 
\v 11 Fettii tohe olinttide baasappa melle ooden baasa olodes dandda7oos. Ezin Yesuus Kiristtoosa. 
\v 12 Yezin hyay baasizella afa ooden worqqara woy birara maaqqin, al77o shuchchara woy minxara maaqqin, maatara woy hyawulera keexxiko, 
\v 13 fete fete ye baasizella afa akkora keexizako firdda wode tamar qonccoda. 
\v 14 Ooden ye baasizella afa keexxide keetsita tamar mu7inttanxiko, fa anjjito ekkoda. 
\v 15 Yezin oode oochitan tamar mu7inttiko, qohinttoda; yezin, E fa ommite attodan tamappa attizaya maaqqoda.
\p
\v 16 Yin Xoozze keetsi maaqqidannon Xoozze Ayyaana yinttara yezanno erosaane?\x - \xo 3:16 \xo*\xt 1 Qoro. 6:19; 2 Qoro. 6:16\xt*\x* 
\v 17 Ooden Xoozze keetsito laliko, Xoozin eza laloda. Xoozze keetsita geeshi; yinnan yinttana.
\p
\v 18 Ooden fana cimmippe. Hyanna alamite cincca fana aazizide yeziko Xoozze turii cinccito denggode fana ooden cinccatitsito eeyatitsi mahi faydo. 
\v 19 Hyanna alamiti cinccatitsita Xoozze tiino eeyatitsi. Geeshi Maxaafite,
\q1 «Xoozii cinccuntsana un gene oochitira aykkida» yagayda.\x - \xo 3:19 \xo*\xt Iyo. 5:13\xt*\x*
\q2
\v 20 Mahi, «Cinccuntsi qoftta maaddoose baz maaqqidanno Laatstsi erane» yagayda.\x - \xo 3:20 \xo*\xt Maz. 94:11\xt*\x*
\p
\v 21 Yinnii gisho, ubba bazi yinttis maaqqade gisho ooden asalla ceeqinttippe. 
\v 22 Phawuloosa maaqqin, Aphiloosa maaqqin Phexiroosa maaqqin, hyanna alamito maaqqin, de7o maaqqin, hyayqo maaqqin, yezaya maaqqin, tiinoppa ye7odaya maaqqin, ubbanna yinttis. 
\v 23 Yinttin Kiristtoosas; Kiristtoosan Xoozis.
\c 4
\s1 Kiristtoosa hawaaruntsana
\p
\v 1 Yinnii fana asi nuna Kiristtoosa aro fana Xoozze gaatsi qofa qonccizi tamaarssize hyadara ingginttide asi fana mahi faydo. 
\v 2 Tamaarssizuntsi Laatstses ammaninttiduntsana maaqqades beezane. 
\v 3 Yezin yin woy melluntsi taalla firddiko, taas akkon baaya. Melle atto, taanin taalla afa firddodes dandda7oos. 
\v 4 Ta erzanni gaar maaqqiko ta wozintta taalla firddoos, yezin yinnan ta xillotitsito beezoos. Taalla afa firddoday Laatstsa xalaala. 
\v 5 Yinnii gisho, wode yellikaayzin, Laatstsii yi7ikaayzin oodellan firddifete. E dhuma aachinttide baz foo7o kessoda; as wozina aachinttide qofa qonccissada. Ye wode fete fete Xoozzeppa beezize galata ekkoda.
\p
\v 6 Ta ishuntso, yinttana maaddo ga7i tanan Aphiloosan aazize mahi ta ohida. Yinno ta yiizidanna, «Xaafinttidannippa aadhifite» yagaaze zortto yin nuuppa tamaarode fana. Yinnii gisho, ooden feta nashshii hyankkaya leqqodes beezoos. 
\v 7 Neenii melluntsappa akkora aadhe? Neenii ekkikaayzebaz akko yeze? Yeezin, neenii ubba baz melle asappa ekkidebaz maaqqiko, ekkikaayze asi fana akkos ceeqintte?
\p
\v 8 Hyatte yin mizhida. Hyatte yin duridhdhida. Nu shaakkintti yin xalaala ka7itida. Yin turo ka7itezako, nuunin yinttara ka7itod yeshsha. 
\v 9 Xoozii nuna hawaaruntsana, hyayqo firddinttide asi fana as ubbappa nuna suub aatsida taas aazane. Nuunii hyanna alamitis, kiitanchchosin asisin kaas baz maaqqida.
\p
\v 10 Nuunii Kiristtoosa gisho eeya maaqqida, yezin yin Kiristtoosa gidda cinccuntsana maaqqida. Nuunii labitsi, yezin yin mintsi maaqqida. Yin bonchchinttida, yezin nuunii toochinttida. 
\v 11 Hyayno yellodes nu naydhdhane, baridhdhane, kallidhane, hyadhinttane; yessade keetsi dhabin madha be7ine. 
\v 12 Nuunii nu kushite oochchii aqane. Nuna asi cazhodera anjjane; nuna bay7ize wode dandda7ane.\x - \xo 4:12 \xo*\xt Hawa. 18:3\xt*\x* 
\v 13 Un nuna cazhize woden nu suntsito iissize wode aadatitsara mahane. Nu hyano yellodes alame buuren alla olinttide fixo maaqqida.
\p
\v 14 Taanii yinno xaafidanna, ta kadhize na7unts fana, yinttana zorodes xaafida fattin yeellisades baaya. 
\v 15 Kiristtoosa gidda yinttana dichchize gaama kaalitsizunts yezikon, yinttis gaama aduntsi baaya. Ta yinttana Kiristtoos Yesuusa Wonggelera yelida. 
\v 16 Yikke, yin tana aazote ga7i yinttana woossane.\x - \xo 4:16 \xo*\xt 1 Qoro. 11:1; Filph. 3:17\xt*\x* 
\v 17 Yinnii gisho, ammantsizen, ta kadhize, Laatstse baggara ta na7a maaqqide, Ximotiyoosa yinttago kiittida. E dumma dumma bessa yeze woosa keetstsa ta tamaarsside, Kiristtoosa Yesuusa gidda yeze ta ogito yinttana qofissada.
\p
\v 18 Taanii yinttago ye7aame fana aazin, uturara kumide fettii fettii asuntsi yene. 
\v 19 Yezin Laatstsii gayko, ukkera taanii yinttago yo7oda. Ye wode taanii uturanchchunts ohito xalaala baayzin un wolqqiton erodes koyane. 
\v 20 Xoozze ka7itumo wolqqara fattin ohera baaya. 
\v 21 Taanii yinttago gufera yo7onene woy siiqoran aadatits ayyaanara yo7one? Yin aayya doorete?
\c 5
\s1 Ammanze as gidda yeze yeellize oocha
\p
\v 1 Yin gidda olale hyantta yezanna zigirinttane. Yinnii fana yeze olale hyantta melle atto yezin, ammanoose asuntsin oochchoos. Yin gidda fa aday machchitira tunide asi yene.\x - \xo 5:1 \xo*\xt Mahe 22:30\xt*\x* 
\v 2 Yinne yin azzanodesin yeellidhodes beezane, yezin yin utirida. Yinnii gaar borsizebaz oochchide atstsa yin giddappa kessodes beezoso?
\p
\v 3 Taanii ashora yinttara yezanxikon ayyaanara ta yinttara yene. Taanii yinttara yeze asi fana yii7i yinnii gaarize oocha oochchide atstsella firddida. 
\v 4 Nu Laatstse Yesuus Kiristtoosa suntsite yin shiiqize wode taanii ayyaanara yinttara yessada. Yinne Laatstse Yesuus Kiristtoosa wolqqa yinttara maaqqada. 
\v 5 Ye atstse nagara ashita\f + \fr 5:5 \fr*\fqa Nagara asho: \fqa*\ft Nagara medho woy nagara asatits. \ft*\f* dhabii, E ayyaanize Laatstse Yesuusa firdda wode attode fana E Xalahes aadhii inggintto.
\p
\v 6 Yin ceeqita lo77o baaya. Eerats irshsho buka ubba dentsizanno erosaane?\x - \xo 5:6 \xo*\xt Gala. 5:9\xt*\x* 
\v 7 Yin hyatte irshsho baayze buka maaqqade gaar, nagara irshsho yinttappa kessote. Nu Faasiga duro maaqqide Kiristtoosa zharshinttida.\x - \xo 5:7 \xo*\xt Keze 12:5\xt*\x* 
\v 8 Yinnii gisho, genen iitatitsi yeze irshshora maaqqikaayzin turetitsin geeshshatitsi yeze boorara nu baalito bonchchoda.\x - \xo 5:8 \xo*\xt Keze 13:7; Mahe 16:3\xt*\x*
\p
\v 9 Ta tiino xaafide kiitite yin olale asuntsara yellinttaame gaar yinttis ohida. 
\v 10 Yinno gaazanna hyanna alamite yeze olale hyanttizuntsana woy zhaaridhizuntsara woy kaystizuntsara woy eeqa goynizuntsara mulo yellinttippete ga7e baaya. Yinno maaqqiko, hyanna alamttippa yin kessades beezane yeshsha. 
\v 11 Yezin ammanane ga7ite olale hyanttizuntsara woy zhaaridhizuntsara woy eeqa goynizuntsara woy cazhizuntsara woy matsnttizuntsara woy kaystizuntsara yellinttippete ga7i yinttis ohine. Yentses gaarize asara melle atto yezin, katstsan mu7ippete.
\p
\v 12 Woosa keetstsappa balera yezuntsalla afa firddodes tana akko madhe? Woosa keetsite yezuntsalla afa yin firddosaane? 
\v 13 Yezin balera yezuntsalla afa Xoozii firddoda. Yinna iita baz oochchize atstsa yin giddappa kessote.\x - \xo 5:13 \xo*\xt Mahe 13:5; 17:7\xt*\x*
\c 6
\s1 Ammanze asunts gidda yeze mooto
\p
\v 1 Yin giddappa fete fetera mooto yeziko, yinno ammanze as tiino firddinttodanno ashshii ammanoose as tiino firddinttodes wayzi qite? 
\v 2 Geeshshuntsi alamella firddodanno yin eroso? Yeezin, yin alamella firddizebaz maaqqiko, hyannii fana eeratsbaz firddodes wayzi dandda7oso? 
\v 3 Nuunii kiitanchcholla firddodanno erosaane? Yeezin, hyanna sa7a yessi bazalla afa firddodanna yinttana wayzi game? 
\v 4 Yeezin, yinnii fana mooto yin gidda medhinttiko, woosa keetstsa leqinttide asunts tiino firddinttodes wayzi kanggete? 
\v 5 Taanii yinttana yeellisades yinno gaane. Yin gidda kacinttide asuntsana giigisades dandda7ize akaakize asi baa? 
\v 6 Yeezin, fettii ammanzay hyankkay ammanzaya firdda keetstsa ammanoose as tiino mootodes beezane?
\p
\v 7 Yikke, yin fete feta kasasii mootizanna yinna yinttis lo77o baaya. Yinnippa aadhii yin qohinttizakon ciminttizako lo77oso? 
\v 8 Yezin yinttii wol gidda ammanzuntsi fete feta qohanen cimmane.
\p
\v 9 Genuntsi Xoozze ka7itumo gelaamanno yin erosaane? Yinttana cimmippete; olale hyanttizuntsi woy eeqa goynizuntsi woy qayxizuntsi woy dhiiratsi dhiiratsara woy7izuntsi, 
\v 10 woy kayisttizuntsi woy zharidhizuntsi woy matsinttizuntsi woy cazhizuntsi woy bonqizuntsi Xoozze ka7itumo geloos. 
\v 11 Yinttappa fettii fettii asuntsi tiino yinnii gaar. Yezin yin hyatte Laatstse Yesuus Kiristtoosa suntsiten Xooz Ayyaanara meeccinttida; geezhida; xillida.
\s1 Yin gallite Xoozi bonchchote
\p
\v 12 Yin, «Nu koydebaz oochchodes dandda7ane» yagaane. Yezin ubbanna yinttana maaddoos. Taanii koydebaz ubba oochchodes dandda7ane, yezin akkon tana ahoos.\x - \xo 6:12 \xo*\xt 1 Qoro. 10:23\xt*\x* 
\v 13 Yin, «Katstsa sazas; sazan katstsas» gaane. Yezin Xoozii saziton katsito dhabssodanno ta yinttis ohine. Nu gallita Laatstsis fattin olale hyanttas baaya. Laatstsin nu gallitis. 
\v 14 Xoozii Laatstsa hyayqoppa dentsidanni fana, nunan hyayqoppa fa wolqqitira dentsoda.
\p
\v 15 Yin asatitsita Kiristtoosa galla kifile maaqqidanno erosaane? Yeezin, taanii Kiristtoosa galla kifile maaqqidanno kanggi olale hyanttize galla maaqqade fana yiissane? Mulon koshshoos! 
\v 16 Olale hyanttize atstse E yellinttize maachitira fettii asho maaqqizanno erosaane? Geeshi Maxaafite, «Un lam77untsi fettii asho maaqqada» ga7intti xaafinttida.\x - \xo 6:16 \xo*\xt Medho 2:24\xt*\x* 
\v 17 Yezin Laatstsara fetto maaqqize atstse E ayyaanzera fetto maaqqane.
\p
\v 18 Olaleppa hyaakkote. Fettii atstse oochchize melle nagara ubba E gallitippa balera oochinttane, yezin olalize asi fa gallitilla afa nagara oochchane. 
\v 19 Yin gallita Xoozii yinttis inggidanna yinggida yeze Geeshi Ayyaana keetsi maaqqidanno erosaane? Yin yin baz baaya.\x - \xo 6:19 \xo*\xt 1 Qoro. 3:16; 2 Qoro. 6:16\xt*\x* 
\v 20 Xoozii yinttana wagar wonggida. Yinnii gisho, yin gallite Xooz bonchchote.
\c 7
\s1 Ekken gele bazi
\p
\v 1 Yin taas xaafide kiittis mahita hyanno. Fettii asi maacho bochchikaayzar yeziko lo77o. 
\v 2 Yezin olaleppa attodes fetes fetes machcha yesse; mahi fettis fettis azinii yesse.
\p
\v 3 Azinze fa machchitis, machchitan fa azinzes koshshize baz kuntso. 
\v 4 Machchitis fa ashtilla afa iis adetits wolqqa baaya, yezin adetits wolqqa I azinzes. Yinnii fana, azinzes E ashtilla afa adetits wolqqa baaya, yezin adetits wolqqa machchitis. 
\v 5 Yin woosara eerats wode gam7odes zorera maaqqanxiko, fete feta kayppete. Yinnii gisho yin yinttana ahodes gamin, Xalahe yinttana fattanaame gaar wolla yezote. 
\v 6 Yezin taanii yinttana zorodes hyanno gaane fattin kiita baaya. 
\v 7 Asi ubba ta gaar machcho ekkikaayzara yezako kadhane, yezin Xoozii fetes fetes inggide dumma imo yene. Fetes hyannii fana imo hyankkays yinnii fana imo yene.
\p
\v 8 Machcho ekkikaayzuntsisin azinii gelikaayzuntsisin mahi azinii hyayqqiduntsis taanii gaazanna, ta gaar ekkikaayzara woy gelikaayzara yezote ga7i zorane. 
\v 9 Yezin amora eexinttizannippa ekkizannan gelizanna lo77o maaqqide gisho un fana ahodes dandda7anxiko, ekkon gele.
\p
\v 10 Taanii ekkiduntsanan geliduntsana hyannigaara ga7i zorane; tana baayzin Laatstsii kiittane; machchita fa azinzeppa shaakkinttippe.\x - \xo 7:10-11 \xo*\xt Maato. 5:32; 19:9; Mar. 10:11-12; Luqa. 16:18\xt*\x* 
\v 11 Yezin shaakkinttiko melle azinii gelikaayzara faas yezo woy fa azinzera giigo. Azinze fa machchito billippe.
\p
\v 12 Yezin melluntsis Laatstsii baayzin taanii hyannigaara gaane. Ammanoose machcha yeze ammanze azinii yeziko, E machchita eera fettilla yessades koyko izo dakkippe. 
\v 13 Mahi ammanoose azinii yeze ammanze machcha yeziko, I azinze iira fettilla yessades koyko eeppa dakkinttippe. 
\v 14 Ammanoose azinze fa ammanze machchiti baggara geezhane; mahi ammanoose machchita fa ammanze azinze baggara geezhane. Yinna baayzako, un na7untsi tuna maaqqane, yezin hyatte un geeshi. 
\v 15 Yezin ammanoose azinze woy machchita billodes koyko billo. Ammanze machcha woy azinii yinnii gaarze bazara acinttoos. Xoozii nuna sarora yessade gaar xeegida. 
\v 16 Ammanze maachite, neenii ammanoose ne azinza ashshod yezako akko ere? Woy ammanze azinzayo, neenii ammanoose ne machchito ashshod yezako akko ere?
\s1 Xoozii yinttana xeegidanni gaar yezote
\p
\v 17 Fettii fettii as Laatstsii ees inggide imotitsite Xoozii eza xeegidanni gaar yezo. Woosa keetstsa ubba taanii tamaarsside wogita hyanno. 
\v 18 Ooden garrazinttii ammanida maaqqiko, garrazinttikaayze fana yi7ippe. Garazinttii ammanide ooden yeziko, garrazinttodes koyppe. 
\v 19 Xoozze kiitto folodes beezane fattin garrazinttin garrazinttanxi ashshin akkon maaddoos.
\p
\v 20 Fettii fettii asi Xoozii eza xeegize wodite yezanni fana yezo. 
\v 21 Xoozii nena xeegide wodite neenii aro? Akko baaya yinnis un77inttippe. Yezin neenii arotitsappa wallo kessades dandda7iko neeppa attippe kezo. 
\v 22 Aro maaqqii yezitera Laatstse gidda xeeginttide asi Laatstse gidda arotitsappa wallo kezida. Yinnii gaar, aro maaqqikaayzara yezitera, Laatstse gidda xeeginttide asi Kiristtoosa aro. 
\v 23 Xoozii yinttana wagar wonggide gisho as aro maaqqippete. 
\v 24 Ta ishuntso, yin fete fete xeeginttide wode yeze yestte Xoozara wolla yezote.
\s1 Ekkikaayzen, gelikaayze asunts bazin azinii hyayqiduntsi baz
\p
\v 25 Wuduruntsibaz Laatstsii tana kiittidebaz baaya. Yezin Laatstsii taas inggide maarotitsite ammaninttidaya maaqqii ta yinttana zorane. 
\v 26 Yikke, hyatte madhiti gisho ekkikaayzara woy gelikaayzara yessii taas lo77o aazane. 
\v 27 Ne machcho ekkezebaz maaqqiko, billodes koyppe. Ne machcho ekkikaayzebaz maaqqiko, ekkodes koyppe. 
\v 28 Yezin ne machcho ekkiko nagara baaya. Yinnii gaar wudurttan azinii geliko nagara baaya. Yezin ekkizen gelize asuntsis hyanna sa7ite gaama madha yeze gisho yinttii yinnippa attode gaar ta koyane.
\p
\v 29 Ta ishuntso, ta gaazanna hyanno; wode hyal7ida. Yikkeppa tiino machcha yeze machcho ekkikaayze gaar yezo. 
\v 30 Yeekkizuntsi yeekkoosse gaar, ufayttizuntsi ufayttoosse gaar, wonggizuntsi akkon baayzuntsi gaar fana faydo. 
\v 31 Hyanna sa7a qoltte maadinttizuntsi maadinttoosse fana yii7i yezo. Hyanna alamtti bishshita aadhoda.
\p
\v 32 Yin yirga baytsi yessade gaar ta kadhane. Machcho ekkikaayze Laatstsa ufayssodes koyze gisho Laatstse baz qoppane. 
\v 33 Yezin machcho ekkiday fa machchito ufayssodes koyze gisho hyanna sa7itibaz qoppane. 
\v 34 E qoftta lam77i bessa shaakkinttane. Azinii gelikaayze wudurtta fa ashiten fa shemppite geezhi Laatstsa ufayssodes koyze gisho Laatstsi baz qoppane. Yezin azinii gelidanna fa azinza ufayssodes koyze gisho sa7abaz qoppane.
\p
\v 35 Taanii yinno yinttis ohizanna, yin maadinttode gaar ga7i fattin yinttana un77itsodes baaya. Yezin yin qoftta shaakkinttikaayzin wogara yezii Laatstsa ufayssize baz yin oochchode gaar taanii ohine.
\p
\v 36 Ooden fa oocide wuduritis gelize wode aadhida ga7i izo ashshodes qoppiko, yinna mahi iis lo77o maaqqoosanna ees sinttiko, fa koydanno oochcho; un ekkon, gelon; yinne nagara baaya. 
\v 37 Yezin fettii asi un7itsizebaz dhabin, fa wozintte miinggi, fana naagii, fa oocide wudurito ekkanxi ashshodes koyko loytsida. 
\v 38 Yinnii gisho, wudurito ekkize atstse loytsida; mahi ekkoosse atstse gaama loytsida.
\p
\v 39 Machchita fa azinze faxa yeze wode ubba eera acinttida. Yezin I azinze hyayqqiko, fa koyde azinii gelodes dandda7ane. Maaqqoyezin, iza gelize dhiiratse ammanze as maaqqades beezane. 
\v 40 Ta qofa maaqqiko, iza gelikaayzara yeziko ufayssara yessada. Mahi taasin, taara Xoozze Ayyaana yeza aazane.
\c 8
\s1 Eeqas zharshinttide katstsa baz
\p
\v 1 Eeqas zharshinttide katstsabaz maaqqiko nu ubbuntsis era yene. Eratitsi uturssane, yezin siiqo dichchane. 
\v 2 Ooden fana erane ga7i qoppiko, E hyaga erodes beezzanno erikaaya. 
\v 3 Yezin ooden Xooz kadhiko E Xoozze kale erinttidaya.
\p
\v 4 Yinnii gisho, eeqas zharshinttide katstsa muuze baz maaqqiko hyanna alamite Laatstsii fettii Xoozzeppa fattin melle baayze gisho eeqa fatstsoosse baz maaqqidanno nuunii erane. 
\v 5 Xooz maaqqikaayzin salon sa7an xoozii ga7intti xeeginttide gaama xoozzuntsin laatstsuntsi yezikon, 
\v 6 ubba baz medhdhide, nu E baz maaqqide, fettii Xoozii, Ade, nuus yene. Ubbuntsi E baggara medhinttida, nuunin E baggara de7o denggida fettii Laatstsi, Yesuus Kiristtoosa nuus yene.
\p
\v 7 Yezin hyanno erize ubba baaya. Fettii fettii asuntsi eeqa goynora erinttide gisho katstsa muuze wode eeqa zharshinttidebaz mahi ekkane. Ye wode un wozintta labitsi maaqqide gisho tunane. 
\v 8 Yezin katstsa nuna Xoozara igintsoos. Nu mu7ikaayzara ashshin akkon qohinttoos; mahi mu7i dumma maadinttoos.
\p
\v 9 Yezin yin koydebaz mo7odes wallotitsi yinttis yezikon yinna ammanora miinggikaayzuntsana dhubbaame fana naaginttote. 
\v 10 Neenii nena era ga7i eeqa zharshinttide katstsa mo7odes eeqa keetstsa bettezin, ammanora miinggikaayze nena bi7iko yinna eza eeqas zharshinttide katstsa mo7ode gaar dentsitsosa? 
\v 11 Yikke, ne eratitsiti baggara Kiristtoosa E gisho hyayqqida, ammanora miinggikaayze ne ishe, dhabida. 
\v 12 Yinnii gaar yiizii, ammanora miinggikaayze yin ishuntsana qohitte un wozintto hyarggizii Kiristtoosa qohane. 
\v 13 Yinnii gisho, katstsa ta isha dhubbize baz maaqqiko, E dhubinttaame fana asho mulon mo7oos.
\c 9
\s1 Hawaaruntsi adetitsi wolqqa
\p
\v 1 Taanii wallotitsa yeze asi baane? Ta hawaare baane? Taanii nu Laatstsa Yesuus Kiristtoosa bi7ika? Yin Laatstsara ta waaye aafe baane? 
\v 2 Yin Laatstse baz maaqqide gisho ta melluntsis hawaare maaqqanxikon, yinttis hawaare maaqqidannis yin markka.
\p
\v 3 Tana hawaare baaya gaazuntsis ta inggize mahita hyanno. 
\v 4 Nu yinttappa mo7odesin ushshadesin turo nuus adetits wolqqa baa? 
\v 5 Hyanizako hawaaruntsi fana, Laatstse ishuntsi fanan Phexiroosa fana, ammanze nu machchuntsana ekkii yedhdhades nuus adetits wolqqa baa? 
\v 6 Woy oochchii mo7odes beezize tanan Barnnabaasan xalaala? 
\v 7 Fa miishera wottaddaretitsi oochchize oode? Woy woyne tukkii, izippa aafe mo7oosse oode? Woy wude yenggittera, yinna wuditippa maatsi uzhoosse oode?
\p
\v 8 Taanii yinno as qofa gaar gaanene? Higge yinno ga7osaane? 
\v 9 Muse Higgite, «Uduma katstsa yedhdhize borize doontto accippe» ga7intti xaafinttida. Yeezin Xoozii yinno boras qoppii gaydaane?\x - \xo 9:9 \xo*\xt Mahe 25:4; 1 Ximo. 5:18\xt*\x* 
\v 10 Xoozii yinno gaydanna nuus qoppii baane? Yee nu gishos. Wootizen, katstsa geeshizen fana yellizanno ekkoda ga7i ufayssara oochchodes beezane ga7intti turo nu gisho xaafinttida. 
\v 11 Nuunii yin gidda ayyaana budutsi budezebaz maaqqiko ashos beezzebaz nu yinttappa ekkiko, yinna damma bazone?\x - \xo 9:11 \xo*\xt Rome 15:27\xt*\x* 
\v 12 Melluntsi yinno yinttappa ekkodes unttis adetits wolqqa yeziko, nuus unttappa aadhize adetitsi wolqqa yene.
\p Yezin nuunii Kiristtoosa Wonggeles dhube maaqqaame gaar, ubbanne genccane fattin yinna adetitsi wolqqitira maadinttikaaya. 
\v 13 Xoozze keetstsa oochchize asuntsi fa katsito Xoozze keetstsappa ekkizanno erosaane? Mahi zharsho besite oochchizuntsi zharshitippa ekkizanno erosaane?\x - \xo 9:13 \xo*\xt Mahe 25:4; 1 Ximo. 5:18\xt*\x* 
\v 14 Yinnii fana, Wonggele markkidhizuntsi yessis koshshize baz Wonggeleppa ekkode fana Laatstsii kiittida.\x - \xo 9:14 \xo*\xt Maato. 10:10; Luqa. 10:7\xt*\x*
\p
\v 15 Yezin taanii hyanna adetitsi wolqqito ubba akkon maadinttikaaya. Taanii hyanno xaafidanna ta adetetsi wolqqito bonchchisades koyi baaya. Ooden ta ceeqito hyarii ashshodannippa hyayqo taas lo77o. 
\v 16 Taanii Wonggele ohizanna tana kiittide gisho fattin tana ceeqizebaz baaya. Wonggele ohanxiko, tana bade. 
\v 17 Taanii Wonggele kadhii sabbakiko taas damooze yene. Yezin taanii Wonggele kadhikaayzara kiittin sabbakizebaz maaqqiko yinno Xoozii taas hyadara inggida. 
\v 18 Yeezin, ta damoozita akko? Taanii Wonggele sabbakize wode ta adetits wolqqa maadinttikaayzara Wonggele hyarii sabbakizanna taas damooze.
\p
\v 19 Taanii oodesin aro maaqqoos, yezin gaamuntsana ko7odes ubbuntsis aro maaqqida. 
\v 20 Taanii Ayhuduntsi attode fana unttara unttana maaqqida. Ta ommite higgeppa oomora yezoos, yezin higgeppa oomora yezuntsi attode fana higgeppa oomora yeze asi maaqqida. 
\v 21 Xoozze higgeppa balera kezikaayzara, Kiristtoosa higgitis kiitinttite, higge baayzuntsi attode fana higge baayze asi fana maaqqida. 
\v 22 Taanii ammanora labbiduntsi attode fana labitsi maaqqida. Taanii eeratsuntsi attode fana unttar unttana maaqqida. 
\v 23 Taanii Wonggele maabara asi maaqqadesin anjjito shaakkinttodes, hyanno ubba Wonggele gisho yiizida.
\p
\v 24 Galgaade wotstsi ubbuntsi woxxane, yezin fete xalaala shilimaate ekkizanno erosaane? Yinnii fana yinttin shilimaatto ekkodes woxxote. 
\v 25 Galgaade as ubbuntsi ubbabazite fana ahane. Un yinno labbizanna dhabize worqqa zawude ekkodes. Yezin nuunii labbizanna medhina dhaboose worqqa zawude ekkodes. 
\v 26 Yinnii gisho, taanii qofa baayze asi fana woxxoos. Baqo zhulttize asi fana hyarii kushe dentsoos. 
\v 27 Yinnii gisho taanii melluntsis Wonggele sabbakidannippa suuba ta ommite olinttide asi maaqqaame fana ta ashito wolqqara ahi taas kiitinttode fana yiizane.
\c 10
\s1 Eeqas goynippete
\p
\v 1 Ta ishuntso, taanii yin hyanno tiirode fana koyane. Nu aduntsi ubbuntsi dhonneppa yeekkara yedhdhida; ubbuntsi abba fiinggida.\x - \xo 10:1 \xo*\xt Keze 13:21-22; 14:22-29\xt*\x* 
\v 2 Un Musera wolla maaqqades dhonne giddan Abba gidda xammaqinttida. 
\v 3 Un ubbuntsi fettii ayyaana katstsa mu7ida.\x - \xo 10:3 \xo*\xt Keze 16:35\xt*\x* 
\v 4 Mahi ubbuntsi fettii ayyaana ushi uzhida. Un uzhiden unttana kaalliter yeze ye ayyaana lallizeppa kezzaya; ye lallizen Kiristtoosa.\x - \xo 10:4 \xo*\xt Keze 17:6; Faydo 20:11\xt*\x* 
\v 5 Yezin Xoozii unttappa gaamite ufayttikaayze gisho un ahita akko baayze sa7a wodhdhii attida.\x - \xo 10:5 \xo*\xt Faydo 14:29-30\xt*\x*
\p
\v 6 Un iita baz amudhdhidanni gaar, nuunin iita baz amudhdhaame gaar yinna ubbanna nuus aazize maaqqida.\x - \xo 10:6 \xo*\xt Faydo 11:4\xt*\x* 
\v 7 Geeshi Maxaafite, «Asuntsi mo7odesin ushshadesin bettida; mahi yexxodes denddida» ga7inttidanni gaar unttappa fete fete eeqa goynidanni gaar yin eeqa goynippete.\x - \xo 10:7 \xo*\xt Keze 32:6\xt*\x* 
\v 8 Unttappa fete fete olalidanni gaar nu olalodes beezoos. Yinnii gisho unttappa fettii wode lam7itam hyaydzdzii mukul asi hyayqqida.\x - \xo 10:8 \xo*\xt Faydo 25:1-18\xt*\x* 
\v 9 Unttappa fete fete Laatstsa fattani shooshara dha7intti hyayqqidanni gaar nu Laatstsa fattanodes beezoos.\x - \xo 10:9 \xo*\xt Faydo 21:5-6\xt*\x* 
\v 10 Unttappa fete fete zuuzinggii hyayqo ki7ize kiitanchchora dhabidanni gaara yinttin zuuzinggippete.\x - \xo 10:10 \xo*\xt Faydo 16:41-49\xt*\x*
\p
\v 11 Hyanna unttalla afa yellidanna mulo nu naaginttode gaar nuus aazize maaqqida. Mahi wode wurssutsalla afa yeze nuus timirtte maaqqade gaar hyanna ubba xaafinttida.
\p
\v 12 Yinnii gisho, ta eqqida gaaze ooden gol7aame gaar fana naago. 
\v 13 As ubba yellize faatana fattin dumma faatana yinttana yellikaaya. Yin wolqqita dandda7izannippa aadhize faatana yin fattaninttaame gaar aatsii inggoosse Xoozze ammaininttidaya. Yinttana faatana yellize wode yinna fatantto E yinttana dandda7isada. Mahi yinna fatanttippa yin kessade ogito E giigisada.
\p
\v 14 Yikke, ta al77o ishuntso, eeqa goynizannippa hyaakkote. 
\v 15 Yin wozinaama as maaqqide gisho ta hyanno ohine. Taanii gaazanna turo maaqqidanno yin yin ommite firddote. 
\v 16 Nuunii Xooz galatii gishinttize anjjo xuu7ita Kiristtoosa suutsara fettetitsi yezanno baane? Mahi nuunii baxxize daabbize Kiristtoosa ashtira fettetitsi yezanno baane?\x - \xo 10:16 \xo*\xt Maato. 26:26-28; Mar. 14:22-24; Luqa. 22:19-20\xt*\x* 
\v 17 Nuunii gaama maaqqikon daabbize fetto, nu ye fettii daabbo gishinttize gisho fettii asho.
\p
\v 18 Ane Isra7eele asuntsi oochchidanno qoppote. Zharshinttide zharshita muuzuntsis zharsho bessara fettetitsi baane?\x - \xo 10:18 \xo*\xt Leewe 7:6\xt*\x* 
\v 19 Taanii akko ga7odes koyi ga7e? Eeqas zharshinttide katsita woy eeqa maaddize baz baaya. 
\v 20 Un zharshizanna Xoozis maaqqikaayzin tuna ayyaanas. Yinnii gisho, yinttis tuna ayyaanara fettetitsi yessade gaar ta koyoos.\x - \xo 10:20 \xo*\xt Mahe 32:17\xt*\x* 
\v 21 Yin Laatstse xuu7itippa uzhitera, mahi tuna ayyaana xuu7itippa ushshades dandda7oos. Laatstse leematippa mu7itera mahi tuna ayyaana leematippa mo7odes dandda7oos. 
\v 22 Nu yinno yiizii Laatstsa zhilissane? Nu eeppa aadhize miintstsone?\x - \xo 10:22 \xo*\xt Mahe 32:21\xt*\x*
\p
\v 23 Yin, «Ubba baz oochaame gaar kayzebazi baaya» gaane, yezikon ubbanna maaddoos. Yin, «Ubba baz oochaame gaar kayzebazi baaya» gaane, yezin ubbanna xaalizoos.\x - \xo 10:23 \xo*\xt 1 Qoro. 6:12\xt*\x* 
\v 24 Fettii fettii asi, melle asi maaddize baz qoppodes beezane fattin fana maaddize baz xalaala qoppipe.
\p
\v 25 Yin wozintte medhinttize so7ito hyaasii gabe bayzinttize asho cer mo7ote. 
\v 26 Akkos gayko, «Sa7an sa7alla yeze ubba Laatstsis.»\x - \xo 10:26 \xo*\xt Maz. 24:1\xt*\x*
\p
\v 27 Fettii ammanoose asi yinttana mokkodes koyi xeegiko hyammades koyko hyanggote. Yin wozintte so7ikaayzara yin tiino aatsidanno ubba mo7ote. 
\v 28 Yezin fettii asi, «Hyanna eeqas zharshinttidebaz» gayko, ye yinttis ohide atstse gishon yin wozintti gisho yinna katstsito mu7ippete. 
\v 29 Taanii, wozina gisho gaazanna yinno yinttis ohide atstse wozintti gisho fattin yin wozintti gisho baaya.
\p Melle as wozina gisho ga7i taanii ta wallotitsalla akkos firddode? 
\v 30 Taanii muuze katsitis Xooz galatii mu7iko akkos hyalide fana Xooz galatize baza oocintte?
\p
\v 31 Yikke, yin akko mu7izako akko uzhizakon, woy akko oochchizako ubbanno Xoozze bonchchos oochchote. 
\v 32 Ayhuduntsana maaqqin Girikuntsanan maaqqin woy Xoozze woosa keetsite maaqqin oodesin dhube maaqqippete. 
\v 33 Taanii ubba wode gaamuntsi attode fana un maaddinttode oge koyane fattin tana maaddode oge koyoos.
\c 11
\p
\v 1 Taanii Kiristtoosa aazii kaallizannifana, yinttin tana kaallote.\x - \xo 11:1 \xo*\xt 1 Qoro. 4:16; Filph. 3:17\xt*\x*
\s1 Goyno woga
\p
\v 2 Yin ubba baza tana qoppize gishon ta tamaarsside timirttito mintsii aykkide gisho ta yinttana galatane. 
\v 3 Yezin Kiristtoosa dhiiratsi ubbas omma, dhiiratsi maachis omma, mahi Xoozii Kiristtoosas omma maaqqidanno yin erode fana ta koyane. 
\v 4 Fa ommito guulunttii Xooz woossize woy tinbbite ohize dhiiratsi ubba omma maaqqide Kiristtoosa toochane. 
\v 5 Fa ommito guulunttikaayzara Xooz woossize woy tinbbite ohize maachita omma maaqqide fa azinza toochane. Fa ommito guulunttikaayze maachita fa ommito meedinttide maachiti fana.
\p
\v 6 Maacha fa ommito guulunttanxiko, fa ommito cuqintto. Yezin iis ommito cuqqizanna woy meedizanna borsiko fa ommito guulintto. 
\v 7 Dhiiratsi Xooz aazii Xoozze bonchcho maaqqide gisho fa ommito guulinttodes beezoos, yezin maacha dhiiratsi bonchchoos.\x - \xo 11:7 \xo*\xt Medho 1:26-27\xt*\x* 
\v 8 Maacha dhiiratsappa medhinttida fattin dhiiratsi maachippa medhinttikaaya.\x - \xo 11:8-9 \xo*\xt Medho 2:18-23\xt*\x* 
\v 9 Maacha dhiiratsis medhinttida fattin dhiiratsi maachis medhinttikaaya. 
\v 10 Hyannii gishon kiitanchchuntsi gisho maacha faas adetits wolqqa yezanno beezize malla fa ommito guulunttodes beezane.
\p
\v 11 Yezin Laatstse qofara maacha dhiiratsi baayzin yezoos; dhiiratsin maacha baayzin yezoos. 
\v 12 Maacha dhiiratsappa medhinttidanni fana dhiiratsin maachippa yelinttida. Yezin ubbuntsin Xoozappa medhinttida.
\p
\v 13 Ane yin firddote. Maacha fa ommito guulinttikaayzara Xooz woossodes beezane? 
\v 14 Dhiiratsi fa ommito dichchiko ees boriso maaqqidanno melle atto yezin medhetitsi yinttana tamaarssoso? 
\v 15 Yezin maacha fa ommito dichchiko iis bonchcho baane? Maachis omma ingginttidanna iza fana kammode fana. 
\v 16 Yinnii gisho hyannilla lallodes koyze asi yeziko, nuus maaqqin woy Xoozze woosa keetsis maaqqin hyannippa melle woga baaya.
\s1 Laatstse kawo ekkize woga
\r (Maato. 26:26-29; Mar. 14:22-25; Luqa. 22:14-20)
\p
\v 17 Yin fettilla shiiqizanna lo77oos maaqqikaayzin qohes maaqqide gisho hyatte ta inggize kiitte yinttana nashshoos. 
\v 18 Ta tiino si7idannna, yin woosa keetsite shiiqize wode yin gidda shaako yezanno. Yinno ta si7idannippa baggita turo maaqqidanno ammanane. 
\v 19 Yin gidda fa oochite turii yezuntsi oona yezako erinttode gaar yin gidda shaako yessadanna attoos. 
\v 20 Yin wolla shiiqize wode yin shiiqizanna Laatstse kawo maades baaya. 
\v 21 Yin katstsa mu7ize wode fete feta naagikaayzara faasito faasito muuze gisho feta nayane hyankkay mahi matsinttane. 
\v 22 Turo yin mo7odesin ushshades yinttis keetsi baane? Woy Xoozze woosa keetsito leqqane? Dahuntsana yeellizane? Ta yinttana waago? Hyannis ta yinttana nashsho? Mulon nashshoos.
\p
\v 23 Taanii yinttis inggide timirttito Laatstsappa ekkida. Laatstse Yesuusa aadhii ingginttize qammite boora ekkii, 
\v 24 Xooz galatida. Boorito baxxi «Hya7ate; mo7ote. Hyanna yinttis ingginttide ta ashito. Hyanno mu7itera tana qoppote» yagayda. 
\v 25 Yinnii gaara, kawo mu7i maaqqin, ushi ekkii, «Hyanna ushita ta suutsite eqqide kille caaqo. Yin iippa uzhide wode ubba tana qoppote» yagayda.\x - \xo 11:25 \xo*\xt Keze 24:6-8; Er. 31:31-34\xt*\x* 
\v 26 Yin hyay booriza mu7ize woden hyanna ushito uzhize wodeppa dentsi Laatstsii ye7ode wontsis E hyayqito ohoda.
\p
\v 27 Yinnii gisho, beezoosse ogera Laatstse boorito mu7ize woy Laatstse ushito uzhize ooden E ashiton suutsiton toochide gisho fa nagarite oocinttane. 
\v 28 Yinnii gisho asi fana fattano. Yeyzi boorito mo7o; ushitippan uzho. 
\v 29 Laatstse ashitibaz shaakkii eroosse, boortippa mu7izen ushitippa uzhize, faalla afa firdda muunen uzhane. 
\v 30 Yinnii gisho, yin gidda fa gaamuntsi labbida; hyargginttida; mahi unddenna asuntsi hyayqqida. 
\v 31 Yezin nu nuna fattanii be7ezako, nuulla afa firddinttaama yeshsha. 
\v 32 Alame firddinttize wode nu alamttira firddinttaame gaar hyatte Laatstsii nuna kaccane.
\p
\v 33 Yinnii gisho, ta ishuntso, Laatstse kawo maades yin shiiqize wode wol yeltsi ekkote. 
\v 34 Yin shiiqita firddas maaqqaame gaar naydhdhide ooden yeziko, fa kara mo7o.
\p Attide bazito ta ize hyanggi yinttis ohoda.
\c 12
\s1 Geeshi Ayyaana imotitsi
\p
\v 1 Ta ishuntso, Geeshi Ayyaana imotitsibaz yin erode fana ta koyane. 
\v 2 Yin Xooz ammanoose wode doona baayze eequntsago gochinttii, yin eroosse oge hyanggidanno yin erane. 
\v 3 Xoozze Ayyaana kaalitsize asi ooden, «Yesuusa baaddintto» yaga7oos. Mahi Geeshi Ayyaana kaalitsikaayzin, ooden, «Yesuusa Laatstsii» ga7odes dandda7oosanno yin erode fana koyane.
\p
\v 4 Dumma dumma Ayyaana imotitsi yene, yezin imotitsito inggize Ayyaanize fetto.\x - \xo 12:4-11 \xo*\xt Rome 12:6-8\xt*\x* 
\v 5 Nu Laatstses dumma dumma oocha yene, yezin Laatstse fetto. 
\v 6 Nu Laatstses oochchize dumma dumma oge yene, yezin yinna ogite as ubbara oochchize Xoozze fetto. 
\v 7 Yezin fetes fetes ingginttide imotitsito melluntsana maaddode fana Geeshi Ayyaana qonccane.
\p
\v 8 Geeshi Ayyaana fetes cinccatitsi kumide qaala inggane; mahi fetes eratitsi kumide qaala inggane. 
\v 9 Ye Geeshi Ayyaanize fetes ammano, hyankkays mahi fatstsize imo inggane. 
\v 10 Geeshi Ayyaana fetes kille baz oochchize imo, fetes tinbbite ohize imo inggane. Fetes ayyaanappa ayyaana shaakkii erize wolqqa, fetes dumma dumma doonara ohize imo, mahi fetes dumma dumma doonara ohinttidanno billize imo inggane. 
\v 11 Yinnii gisho hyanno ubba oochchize ye fettii Geeshi Ayyaaniza. E koyde fana fetes fetes dumma dumma imo inggane.
\s1 Fettii galla dumma dumma billite
\p
\v 12 Fettii gallite gaama billite yene, yezin yinna dumma dumma billituntsi fettii galla. Yinnii fana, Kiristtoosa dumma dumma billituntsi yeze fettii galla fana.\x - \xo 12:12 \xo*\xt Rome 12:4-5\xt*\x* 
\v 13 Nuunii Ayhude maaqqin Girike maaqqin aro maaqqin wallo asi maaqqin, ubbuntsi fettii galla maaqqades Geeshi Ayyaanara xammaqinttida. Mahi nu ubbuntsi fettii Geeshi Ayyaana uzhida.
\p
\v 14 Nu gallite dumma dumma billite yene fattin fettii galla billite baaya. 
\v 15 Tohe, «Taanii kushe maaqqoosse gisho billite baaya» gayko, E yinno gayde gisho billite maaqqizanna attodaane? 
\v 16 Hyaye, «Taanii aafe maaqqoosse gisho galla billite baaya» gayko, E yinno gayde gisho gallappa fettii billite maaqqizanna attodaane? 
\v 17 Galla ubba aafe xalaala maaqqizako, nu akkora si7ode? Mahi galla ubba hyaye xalaala maaqqizako nu akkora singgode?
\p
\v 18 Yezin Xoozii fa koydanni gaara, galla gidda dumma dumma billituntsana gaddida. 
\v 19 Ubbuntsi fettii billite maaqqizako galla wayzi yessade? 
\v 20 Yezin billituntsi gaama maaqqikon, galla fetto.
\p
\v 21 Aafe kushego, «Ne taas koshshoos» ga7odes dandda7oos. Woy omma tohego, «Ne taas koshshoos» ga7odes dandda7oos. 
\v 22 Yezin labitsi aazize galla billituntsi nuus aadhii koshshane. 
\v 23 Bonchcho koshshoos ga7i nu qoppize billituntsappa bagguntsana gaama bonchchane. Mahi nu borssize nu galla billituntsana aatsii bonchchii naagane. 
\v 24 Be7adera borssoose galla billituntsis bonchcho koshshoos. Yezin Xoozii nu galla billituntsana wol yeltsi borssize billituntsis aadhize bonchcho inggida. 
\v 25 Galla billituntsi fete fetera shaako medhdhikaayzara wolis qoppode gaar mahi medhdhida. 
\v 26 Galla billituntsappa fete hyargginttiko billituntsi ubba eera hyargginttane. Galla billituntsappa fete bonchchinttiko billituntsi ubba eera ufayttane.
\p
\v 27 Yin ubbuntsi Kiristtoosa galla; mahi yin fete fete E billite. 
\v 28 Woosa keetsite Xoozii, tiino hawaaruntsana, lam7intsa nabuntsana, hyaydzintsa asttamaaruntsana, mahi kille baz oochchizuntsana, fatstsizuntsana, melluntsana maaddizuntsana, woosa keetstsa ahizuntsana, dumma dumma doonara ohizuntsana doorida.\x - \xo 12:28 \xo*\xt Efe. 4:11\xt*\x*
\m
\v 29 Ubbuntsi hawaare? Ubbuntsi nabe? Ubbuntsi asttamaare? Ubbuntsi kille baz oochchane? 
\v 30 Ubbuntsis fatstsize imo yene? Ubbuntsi dumma dumma doonara ohine? Ubbuntsi dumma dumma doonara ohizanno billane? 
\v 31 Yinnii gisho ubbappa aadhize imotitsi mintsii koyote.
\p Mahi ubbappa aadhize ogito ta yinttana beessada.
\c 13
\s1 Turii siiqo
\p
\v 1 Taanii as qaalaran kiitanchcho qaala ohinttodes dandda7ikon, taas siiqo dhabiko, cer girize luulle fana. 
\v 2 Tinbbite ohize imotitsi taas yezikon, gaatsi qofa ubba erikon, eratitsi ubba yezikon, mahi dere dentsii melle bessa kanggize ammano taas yezikon, siiqo dhabiko, tana akkon maaddoos hyari.\x - \xo 13:2 \xo*\xt Maato. 17:20; 21:21; Mar. 11:23\xt*\x* 
\v 3 Taas yeze baz ubba dahuntsis inggikon, melle atto yezin, tana tamas aatsii inggikon, siiqo dhabiko tana akkon maaddoos.
\p
\v 4 Siiqo dandda7a. Siiqo keeha. Siiqo qanaatoos. Siiqo ceeqinttoos. Siiqo uturtoos. 
\v 5 Siiqo beezoosse baz oochchoos. Siiqo qiiridhdhoos. Siiqo zhilidhdhoos. Siiqo fa qohito faydoos. 
\v 6 Siiqo turira ufayttane fattin worddora ufayttoos. 
\v 7 Siiqo ubba dandda7ane; ubba ammanane; lo77o baz hyanoda ga7i, ufayssara naagane; ubba genccane.
\p
\v 8 Siiqo wurssutsi yellodes dhaboos. Yezin tinbbite attoda; dumma dumma doonara ohinttizanna attoda; eratitsin aadhoda. 
\v 9 Nu eratitsappan eeratsito erane; tinbbiteppa baggito ohine. 
\v 10 Yezin folo maaqqide ye7ize wode folo maaqqikaayze attoda.
\p
\v 11 Taanii na7a yeze wode na7a gaar ohine; na7a gaar qoppane; na7a gaar qurichchane. Ta wozanttide wode na7atitsi hyanto ashshida. 
\v 12 Hyatte foo7o baayze bessa masttootera be7izannigaara be7ine, yezin ye wode nu geeshi be7ada. Hyatte ta eratitsappa eeratsi erane, yezin ye wode Xoozii tana erzanni gaar folii eroda.
\p
\v 13 Yikke, ammano, ufayssin siiqo, hyantsi hyaydzdzuntsi miinggi yessada. Yezin hyantsesappa aadhize siiqo.
\c 14
\s1 Tinbbiten dumma dumma doona
\p
\v 1 Siiqo koyote. Ayyaana imotitsi mintsii koyote; ubbappa aatsii, tinbbite imo mintsii koyote. 
\v 2 Dumma dumma doonara ohinttize asi Xoozis ohine fattin asis ohoos. Yezin asis benttikaayze gancce qofa Ayyaana wolqqara ohize gisho ooden E ohizanno tiiroos. 
\v 3 Yezin tinbbite ohizuntsi as Ayyaanar dichchodes, mintsitsodesin mintsodes asis ohine. 
\v 4 Dumma dumma doonara ohize asi fana Ayyaanar dichchane. Yezin tinbbite ohize asi woosa keetsito Ayyaanar dichchane.
\p
\v 5 Yin ubbuntsi dumma dumma doonara ohinttizako ta kadhane, yezin tinbbite ohizanno aatsii kadhane. Dumma dumma doonara ohinttizanno woosa keetstsi dichchodes billize asi dhabiko, dumma dumma doonara ohinttizannifa tinbbite ohizanna aadhane.
\p
\v 6 Yikke ta ishuntso, taanii yinttago hyanggi qonccitsara woy eratitsara woy tinbbite ohera woy timirttera maaqqaanxi dumma dumma doonara ohinttiko yinttana akko maaddode? 
\v 7 Dumma dumma yetsis fettii kochchi ootsi yeziko, suulunqe ootsin diitsi ootsi wayzi shagii erode? 
\v 8 Mahi moyze oolle loytsii erinttanxiko olas giiginttode oode? 
\v 9 Yinnii gaar, dumma dumma doonara yin ohizanna geeshi maaqqanxiko yin ohizanno oode erode? Yinna baqos ohize fana.
\p
\v 10 Alamella gaama doona yene; bilitsii baayze doona baaya. 
\v 11 Yikke fettii asi ohinttize doona taanii eranxiko E taas zaqqo maaqqane; taanin ees zaqqo maaqqane. 
\v 12 Yinnii gaar, Geeshi Ayyaana imo yin ekkodes mintsii koyzako, woosa keetstsi dichchodes ubbappa aadhize imotitsi koyote.
\p
\v 13 Dumma dumma doonara ohize asuntsi ohito billodes billize imotitsi ingginttode gaar Xooz woosso. 
\v 14 Taanii dumma dumma doonara Xooz woossiko, ta ayyaanze woossane, yezin ta qoftippa akkon shaakkii eroos. 
\v 15 Yeezin, ta akko oochchodes beeze? Taanii ta ayyaantte woossane; ta wozintten woossane. Taanii ta ayyaantte yexxane; ta wozintten yexxane. 
\v 16 Yinno maaqqanxiko neenii ne ayyaantte Xooz galatize wode yinna besite neenii gaazanno eroosse asi ne galatizanno waagii, «Amin77e» gawude? 
\v 17 Neenii Xooz galatizanna lo77o, yezin melle asi maaddoos.
\p
\v 18 Ta yin ubbappa aatsii dumma dumma doonara ohizanni gisho Xooz galatane. 
\v 19 Yezin taanii woosa keetstsa melluntsana tamaarssodes dumma dumma doonara taphphi mukul qaala ohodannippa erinttize doonara ichchin qaala ohizanno kadhane.
\p
\v 20 Ta ishuntso, yin qofara na7a fana maaqqippete. Yin iitabazis na7a fana maaqqote fattin yin qofara wozinaamuntsana maaqqote. 
\v 21 Laatstsii, Geeshi Maxaafite,
\q1 «Taanii hyantsi asuntsis,
\q2 dumma dumma doonara ohize asin
\q2 zaqqo il7antsara ohize asara ohoda.
\q1 Yezin yinno maaqqikon tana si7oos» yagaane.\x - \xo 14:21 \xo*\xt Isa. 28:11-12\xt*\x*
\p
\v 22 Yikke, dumma dumma doonara ohizanna, ammanoosse asuntsis malla maaqqane fattin ammanze asis baaya. Tinbbite ammanze asis malla maaqqane fattin ammanoosse asuntsis baaya.
\p
\v 23 Woosa keetstsa asuntsi fettilla shiiqize wode ubbuntsi dumma dumma doonara ohinttiko eroosse woy ammanoosse asuntsi yin shiiqite yi7i, «Hyantses zhashitane» ga7osaane? 
\v 24 Yezin eroosse woy ammanoosse asuntsi woosa keetstsa ye7ize wode asuntsi tinbbite ohodera, si7iko fa nagartto tiiroda; mahi E si7ide qaaltte firddinttoda. 
\v 25 Un E wozintte geenggide qoftto qonccissada. Yinnii gaar, «Turii Xoozii yin gidda yene» yaga7i markkidhii, zuggii Xoozis goynoda.
\s1 Goyno woga
\p
\v 26 Ta ishuntso, nu akko ga7o? Yin wolla shiiqize wode fetes mazmure yene; fetes tamaarsse imotitsi yene; fetes qonccitsi yene; fetes dumma dumma doonara ohize imotitsi yene; fetes billize imotitsi yene. Yinna ubba woosa keetstsi dichchizebaz maaqqades beezane. 
\v 27 Dumma dumma doonara ohize asuntsi yeziko, lam77i woy ganggiko hyaydzdzii maaqqii tarar tarar ohodes beezane. Un ohizanno melle asi billo. 
\v 28 Yezin billize asi dhabiko, dumma dumma doonara ohize woosa keetsite si77i ga7o. Faasin fa Xoozzesin oho.
\p
\v 29 Tinbbite ohizuntsi lam77i woy hyaydzdzii maaqqii oho. Mahi melluntsi un gaazanno shago. 
\v 30 Yinna shiiqite yeze melle asis fettibaz qoncciko tiino ohize si77i ga7o. 
\v 31 Ubbuntsi tamaarode gaaran ubbuntsi minggode gaar tarar tarar tinbbite ohodes dandda7ane. 
\v 32 Nabunts ayyaana nabuntsis kiitinttane. 
\v 33 Geeshshuntsi woosa keetstsa ubba lammadinttidanni gaar Xoozii sarotitsi Xooz fattin wacalize Xooz baaya.
\p
\v 34 Maacha woosa keetstsa si77i ga7o. Muse higge gaazanni fana un aqo fattin woosa keetstsa ohodes unttis adetits wolqqa baaya. 
\v 35 Maachuntsi woosa keetstsa ohizanna borssizebaz maaqqide gisho fettibaz erodes koyko kara fa azinuntsana ooco.
\p
\v 36 Xoozze qaala tiino yin ki7idaane? Woy Xoozze qaala yin xalaalago yi7idaane? 
\v 37 Ooden fana nabe woy fana Xoozze asi ga7i qoppiko, taanii yinttis xaafizanna Laatstse kiita maaqqidanno ero. 
\v 38 Yinnii gisho ooden ekkanxiko nuunin eza ekkoos.
\p
\v 39 Yinnii gisho, ta ishuntso, tinbbite ohodes mintsii amudhdhote; mahi dumma dumma doonara ohizanno kayippete. 
\v 40 Yezin ubbannan wogaran tarar maaqqe.
\c 15
\s1 Kiristtoosa hyayqoppa denddito
\p
\v 1 Ta ishuntso, ta yinttis markkidhide Wonggele yin ekkidanne yin ammantte E gidda eqqidanno yin qoppode gaar koyane. 
\v 2 Ta tamaarsside Wonggele mintsii aykkiko yin E gidda attoda. Yinno yi7anxiko yin ammantta hyarii maaqqada.
\p
\v 3 Taanii ekkide ubbappa aadhize kiita tiinidhii yinttis inggida. Yinnan, Geeshi Maxaafite gaazanni gaara, Kiristtoosa nu nagartti gisho hyayqqida;\x - \xo 15:3 \xo*\xt Isa. 53:5-12\xt*\x* 
\v 4 Mooginttida; Geeshi Maxaafite gaazanni gaara, hyaydzdzintsa qamma hyayqoppa denddida;\x - \xo 15:4 \xo*\xt Maz. 16:8-10; Maato. 12:40; Hawa. 2:24-32\xt*\x* 
\v 5 Phexiroosas\f + \fr 15:5 \fr*\fk Phexiroosa: \fk*\ft Ga7inttize Keefa.\ft*\f* benttida; Yinnippa suuba, taphpho lam77i hawaaruntsis benttida;\x - \xo 15:5 \xo*\xt Maato. 28:16-17; Mar. 16:14; Luqa. 24:34, 36; Waha. 20:19\xt*\x* 
\v 6 Yinnippa suuba, ichchin xeetappa gaanggize asuntsis fettii tohe benttida; Unttappa aadhize baggita hyatte yellodes faxa yene, yezin eeratsuntsi hyayqqida. 
\v 7 Yinnippa suuba, Yayqoobas benttida; suubappa fa hawaaruntsis ubbuntsis benttida.
\p
\v 8 Mahi wurssutsite bochinttide gaar yeze taas qonccida.\x - \xo 15:8 \xo*\xt Hawa. 9:3-6\xt*\x* 
\v 9 Taanii Yesuusa hawaaruntsi ubbappa laafa. Taanii Xoozze woosa keetstsa bay7ide gisho Yesuusa hawaare ga7intti xeeginttodes beezoosaayya.\x - \xo 15:9 \xo*\xt Hawa. 8:3\xt*\x* 
\v 10 Yezin Xoozze aadho keehatitsite ta hyatte yezanni gaar maaqqida; E taas inggide aadho keehatitsiti hyarii attikaaya. Taanii mellunts hawaaruntsappa aadhii labbida. Yezin taara yeze Xoozze aadho keehatitsite fattin tana baaya. 
\v 11 Yikke, tana maaqqin unttin, nu ubba tamaarssizanna yinno; yinttin yinna kiitto ammanida.
\s1 Hyayqoppa dendde
\p
\v 12 Kiristtoosa hyayqoppa denddidanno nu sabbakize wode yinttappa fete fete yeezin, wayzi, «Hyayqoppa denddo baaya» yaga7e? 
\v 13 Hyayqoppa denddo baayze baz maaqqiko Kiristtoosa hyayqoppa denddikaaya ga7e. 
\v 14 Kiristtoosa hyayqoppa denddikaayze baz maaqqiko nu timirttitan maaqqin yin ammanttan hyarii. 
\v 15 Hyayqoppa denddo baayzin, nuunii Xoozii, «Kiristtoosa hyayqoppa dentsizida» yaga7i sabbakitera Xoozze worddanchcho markka maaqqida ga7e. 
\v 16 Hyayqqide asuntsi hyayqoppa denddikaayze baz maaqqiko yikke, Kiristtoosa hyayqoppa denddikaaya. 
\v 17 Kiristtoosa hyayqoppa denddoosse baz maaqqiko, yin ammantta hyarii; mahi yin hyayno yellodes yin nagarara yene. 
\v 18 Yikke, Kiristtoosa ammanii hyayqqiduntsin dhabida ga7e. 
\v 19 Nuunii hyanna alamite de7o xalaalas Kiristtoosa gidda ufayssi oochchidebaz maaqqiko, hyanna alamite yeze as ubbappa nu bazita aadhide iita.
\p
\v 20 Yezin Kiristtoosa hyayqqiduntsis hyayqoppa denddera anggisi maaqqii turo denddida. 
\v 21 Hyayqo fettii as baggara hyanna alamite yi7idanni gaar hyayqoppa denddon fettii as baggara yi7ida. 
\v 22 Addaama baggara as ubba hyayqqidanni gaara Kiristtoosa baggara asi ubba de7o yessada. 
\v 23 Yezin fete fete fa tarar denddoda. Kiristtoosa ubbappa tiinii denddida; yinnippa suuba, Kiristtoosa ye7ize wode eesuntsi denddoda.
\p
\v 24 Yinnippa suuba, Kiristtoosa ka7itumo, adetitsin wolqqa ubba dhabsi, ka7itumo Xoozze Ades inggodera wode wurssutsi ye7oda. 
\v 25 Xoozii E morkkuntsana ubba E tohitippa oomora yedhdhissade wontsis Kiristtoosa ahodes beezane.\x - \xo 15:25 \xo*\xt Maz. 110:1\xt*\x* 
\v 26 Wurssutsite E dhabssodes yeze morkkizes hyayqo. 
\v 27 Geeshi Maxaafite, «Xoozii ubba baz E adetitsi wolqqappa oomora ahizane» ga7intti xaafinttida. Yezin ubba E adetitsi wolqqappa oomora ahane gaazanna, ubbabazito E adetitsi wolqqappa oomora ahide Xoozza Adaya gujjoos.\x - \xo 15:27 \xo*\xt Maz. 8:6\xt*\x* 
\v 28 Ubba bazita Kiristtoosa adetitsi wolqqappa oomora aqidannippa suuba Xoozze Ades ubbanna maaqqade fana Kiristtoosa mahi fa ommite ubba baz Xoozis aqizida. Ye wode Xoozii fa xalaala ubba ahoda.
\p
\v 29 Hyayqqiduntsi denddoosse baz maaqqiko un gisho xammaqinttize asuntsis akko tirfe yeze? Hyayqqiduntsi denddoosse baz maaqqiko yeezin, akkos, asunts hyayqqiduntsi gisho xammaqintte?
\p
\v 30 Yeezin, nuunii akkos ubba wode nuna madhas aatsii ingge? 
\v 31 Ta ishuntso, ta qammite qammite hyayqos aadhii ingginttane. Yinnan, Laatstse Kiristtoos Yesuusa baggara yinttalla yeze ceeqita turo maaqqide gisho. 
\v 32 As qofa gaar maaqqiko, taanii Efesoone gidda xootsara butunttidanna tana akko maadde? Hyayqqiduntsi hyayqoppa denddoosse baz maaqqiko, «Wontta nu hyayqqize gisho hyayno maada ushshada» yagaaze asi fana maaqqane.\x - \xo 15:32 \xo*\xt Isa. 22:13\xt*\x*
\p
\v 33 Ciminttippete! Iita laggetitsi lo77o duse iissane. 
\v 34 Yin wozinttigo maaqqote. Nagara oochchippete. Yinttappa fettii fettii asuntsi Xooz eroos. Ta yinttana yeellisades yinno gaane.
\s1 Denddo galla
\p
\v 35 Fettii asi, «Hyayqqide asi wayzi denddode? Un akko fana yeze gallara ye7ode?» yaga7i oocize yezikaayzara attoos. 
\v 36 Hyay eeyizayo, neenii sa7alla budize budutsita hyayqqikaayzara doloos. 
\v 37 Neenii budize zarga maaqqin woy melle katstsa kochchi aafe fattin suubappa dolize doltto baaya. 
\v 38 Yezin Xoozii budutsis fa kadhide gaar galla inggane. Dumma dumma budutsis dumma dumma galla inggane. 
\v 39 Medho ubbas asho fetto baaya. As asho fetto; hyaars asho dumma; landda asho dumma; maaqqii molo asho dumma.
\p
\v 40 Salo galla yene; mahi sa7a gallan yene. Yezin salo gallas bonchchita fetto; maaqqii sa7a gallas bonchchitan dumma. 
\v 41 Awa bonchcho fetto; agina bonchcho dumma; xoolintto bonchcho dumma; fettii xoolinttize hyankay xoolinttizeppa bonchchora dummudhane.
\p
\v 42 Hyayqqiduntsi hyayqoppa denddize wode yinnii gaara yi7ada. Hyayqqize galla budunttane; hyayqqoose galla maaqqii denddoda. 
\v 43 Toochera budunttii, bonchchora denddoda; labitsimor budunttii, wolqqara denddoda. 
\v 44 Medhetitsi galla budunttii, ayyaana galla maaqqii denddoda. Medho galla yeziko, ayyaana galla\f + \fr 15:44 \fr*\fk Ayyaana galla: \fk*\ft Geeshi Ayyaana ahide woy Geeshi Ayyaana de7o inggide galla ga7inttane. \ft*\f* yene.
\p
\v 45 Yinnii gaar, Geeshi Maxaafite, «Tiino atstse, Addaama, faxa yeze medho maaqqida»\x - \xo 15:45 \xo*\xt Medho 2:7\xt*\x*yagayda. Yezin wurssutsi Addaama, Kiristtoosa, de7o inggize ayyaana maaqqida. 
\v 46 Yezin medhetits asi tiino yi7in, suubappa ayyaana asi yi7ida fattin ayyaana asi tiino yi7ikaaya. 
\v 47 Tiino Addaama sa7appa medhinttide sa7a asi; lam7intsa Addaama saloppa yi7ide salo asi. 
\v 48 Sa7appa medhinttiduntsi sa7appa medhinttidaya aazane. Saloppa maaqqiduntsi saloppa yi7idaya aazane. 
\v 49 Nuunii sa7appa medhinttide atstsa aazanni fana saloppa yi7ide atstsa aazoda.
\p
\v 50 Ta ishuntso, ta gaazanna hyanno; hyatte nu ma77ide gallita Xoozze ka7itumo gelodes dandda7oos. Wooqize gallita wooqoosse galla laattoos.
\p
\v 51 Ta yinttis fettii gancce qofa ohoda. Nu ubbuntsi hyayqqoos, yezin wurssutsite ubbuntsi laaminttoda; 
\v 52 Moyze oollinttize wode aafe qiphi be7ades qoppikaayzin laaminttoda. Hyayqqide asuntsi wooqoosse as maaqqii denddoda; nuunin laaminttoda.\x - \xo 15:52 \xo*\xt 1 Tese. 4:15-17\xt*\x* 
\v 53 Hyay wooqqizay wooqqoosaya, hyay hyayqqizay hyayqqoosaya ma77odes beezane.
\p
\v 54 Hyay wooqqize wooqqoosaya, maaqqii hyay hyayqqize hyayqqoosaya ma77ize wode Geeshi Maxaafite, «Hyayqo gaminttii qoodhinttida.\x - \xo 15:54 \xo*\xt Isa. 25:8\xt*\x*Gaaze qaaltta folinttoda. 
\v 55 Yinnii gaar,
\q1 «Hyayqo, ne gamizanna aba yene?
\q2 Hyayqo, ne caddize wolqqita aba yene?»\x - \xo 15:55 \xo*\xt Hose. 13:14\xt*\x*
\m gayde qaaltta folinttoda. 
\v 56 Hyayqo caddize wolqqa nagara; mahi nagara wolqqa higge. 
\v 57 Yezin nu Laatstse Yesuus Kiristtoosa baggara nuus game inggize Xoozzes galata maaqqe.
\p
\v 58 Yinnii gisho, ta siiqo ishuntso, en7inttanxi miinggi eqqote. Laatstse oochite yin labbizanna cer baayzanno erii ubba wode Laatstse oochito azal7ikaayzara oochchote.
\c 16
\s1 Ammanze Asuntsis shiiqide maade miishe
\p
\v 1 Ammanze asuntsis miishe shiishebaz Galaatiya woosa keetsis taanii kiittidanni fana yinttin oochchote.\x - \xo 16:1 \xo*\xt Rome 15:25-26\xt*\x* 
\v 2 Miishe shiishita ta yinttago hyanggize wode maaqqaame fana fettii fettii saaminttappa tiino qamma, wogga wode wogga wode fa denggizanippa kessii fa kara shiisho. 
\v 3 Taanii ize hyanggide wode miishito Yerusalaame yeltsode fana yin dooride asuntsis dabddaabbe inggi unttana Yerusalaame kiittoda. 
\v 4 Unttara ta hyanggizanna koshshize baz maaqqiko un taara hyammades dandda7ane.
\s1 Phawuloosa qofa
\p
\v 5 Taanii Maqedooniyara aadhodes qoppide gisho ize hyanggi yinttago ye7oda.\x - \xo 16:5 \xo*\xt Hawa. 19:21\xt*\x* 
\v 6 Ta hyanggizanna aba maaqqikon, ta qitizanne yin tana moyzode gaar yin kale eerats wode gam7ikaayzara ashshoos. Seete aginuntsana yin kale aatsikaayzara waayi ashshoda. 
\v 7 Taanii ogera aadhitera yinttana be7ades koyoos. Laatstsii gayko, yin kale eerats wode gam7odes qoppane.
\p
\v 8 Yezin taanii Phenxeqosxe Ba7ale yellodes Efesoone gam77oda. 
\v 9 Taas oocha kumide dalgga furtsi bugunttida, yezin gaama olinttize morkkuntsi yene.\x - \xo 16:9 \xo*\xt Leewe 23:15-21; Mahe 16:9-11; Hawa. 19:8-10\xt*\x*
\p
\v 10 E ta gaar Laatstse oocha oochchize asi maaqqide gisho Ximotiyoosa yinttago hyanggiko, yin kale E yirggikaayzara yessade gaar yiizote.\x - \xo 16:10 \xo*\xt 1 Qoro. 4:17\xt*\x* 
\v 11 Ooden eza leqqippe. E taago sarora maaqqade gaar eza maaddii moyzote. Taanii E hyankutsi ammanzuntsara maaqqadanno naagane.
\p
\v 12 Nu ishe Aphiloosa hyankkuntsi ammanzuntsara yinttago hyammade gaar ta eza mintsii woossane. Hyatte yinttago hyammades koykaaya, yezin eesi wottide wode yinttago hyammada.
\s1 Wurssutsi zoren saritse
\p
\v 13 Barkkote; Ammanora eqqote; xaalote; minggote. 
\v 14 Oochito ubba siiqora oochchote.
\p
\v 15 Ta ishuntso, Isxifaanosan E kara asuntsi Akkaya gidda un tiino ammaniduntsana maaqqidanno ammanzuntsana maaddodes fana aatsii inggidanno yin erane.\x - \xo 16:15 \xo*\xt 1 Qoro. 1:16\xt*\x* 
\v 16 Yinttin un gaar asuntsisin, unttara oochara labbize ubbuntsis kiitinttode gaar ta yinttana woossane.
\p
\v 17 Isxifaanosa, Ferddonaxisan Akkayqoosa taago yi7idanna tana ufayssida. Yin baayze besite un yinttana maaqqii ta facito kuntsida. 
\v 18 Un yinttana ufayssidanni fana tanan ufayssida. Yinnii fana asuntsana botifete.
\p
\v 19 Isiya woosa keetstsa asuntsi yinttana saro gaane. Aqiilan Phirisqilan fa kara shiiqize woosa keetstsa asuntsara wolla yinttana Laatstse suntsite wozinappa sarotsida.\x - \xo 16:19 \xo*\xt Hawa. 18:2\xt*\x* 
\v 20 Ammanze ishunts ubbuntsi yinttana saro yagayda.
\p Geeshi yeerintte yeerinttitera fete feta sarotsote. 
\v 21 Taanii, Phawuloosa, hyanna sarotitsito ta kushtira xaafida.
\p
\v 22 Laatstsa kadhoosse asi yeziko, baaddinttidaya maaqqe. Nu Laatstsayo, yo7o!
\p
\v 23 Laatstse Yesuus Kiristtoosa aadho keehatitsita yinttara maaqqe.
\p
\v 24 Ta siiqita Kiristtoos Yesuusa gidda yeze yin ubbuntsara maaqqe. Amin77e.